30. Ўзбекистон Республикаси Президентининг 2019 йил 6 сентябрдаги ПФ-5813-сон Фармони билан тасдиқланган графикда кўрсатилган муддатлар тугагандан кейин, аҳоли билан пулли ҳисоб-китоб қилувчи тадбиркорлик субъектлари томонидан харидорларга пул маблағлари қабул қилинганлигини тасдиқловчи онлайн-НКМ ёки виртуал касса чекини мажбурий тартибда берилиши лозим.

31. Онлайн-НКМ ёки виртуал кассани қўллаш жараёнида маълумотларни операторга реал вақт режимида етказиб беришнинг техник имконияти мавжуд бўлмаган тақдирда, шу жумладан, Интернет тармоғидаги вақтинча узилишлар бўлганда харидорларга (мижозларга) амалга оширилган харид учун чеклар оффлайн режимида берилиши мумкин. Бунда биринчи оффлайн режимда шаклланган чекни 24 соат ичида операторга узатилиши таъминланиши зарур.

Кейинги таҳрирга қаранг.

32. Онлайн-НКМ ёки виртуал кассадан фойдаланиш жараёнида носозлик юзага келган ҳолларда тадбиркорлик субъекти бу ҳақда ТХКМнинг сall-марказига қўнғироқ қилиши ёки бевосита ташриф буюриши ёхуд солиқ тўловчининг шахсий кабинети орқали хабардор қилиши шарт. ТХКМ маълумотлар тушган вақтдан бошлаб бир соат ичида тадбиркорлик субъектига қарашли турғун савдо (хизмат кўрсатиш) шаҳобчаси жойлашган манзил бўйича давлат солиқ хизмати органини махсус ахборот тизими орқали хабардор қилади.

Кейинги таҳрирга қаранг.

33. ТХКМ захирадаги онлайн-НКМ ва (ёки) виртуал кассани ўрнатгунга қадар тадбиркорлик субъекти харидорлар билан пуллик ҳисоб-китобларни, давлат солиқ хизмати органларида рўйхатдан ўтказилган, ушбу Низомга 4-иловага мувофиқ махсус квитанция дафтари асосида амалга оширади.

Кейинги таҳрирга қаранг.

34. Онлайн-НКМ ёки виртуал касса, шунингдек, Интернет алоқаси доимий ишчи ҳолатда бўлиши учун жавобгарлик шахсан тадбиркорлик субъектига юкланади (Интернет провайдери ёки мобиль алоқа оператори иш фаолиятида юзага келадиган айрим техник муаммоли ҳолатлар бундан мустасно).

6-боб. Онлайн-НКМ ёки виртуал кассага киритилган суммаларни қайтариш тартиби

35. Пул маблағларини қайтариш зарур бўлган ҳолларда сотувчи харидор томонидан тақдим этилган касса чеки ёхуд ушбу товарга ҳақ тўланганлигини тасдиқлайдиган чекка тенглаштирилган ҳужжат асосида харидорга пул маблағларини қайтариб бериши шарт.

36. Харидордан қайтарилган товарни қабул қилиб олиш учун юкхати расмийлаштирилади. Юкхати икки нусхада тузилади, улардан бири товар ҳисоботига тикиб қўйилади, иккинчи нусхаси харидорга топширилади ва қайтарилган товар учун пул суммасини олишга асос ҳисобланади. Қайтарилган сумма учун пул маблағларини қайтариш тўғрисида далолатнома расмийлаштирилади. Далолатнома бир нусхада тузилади, масъул шахслар томонидан имзоланади ва тадбиркорлик субъектининг раҳбари томонидан тасдиқланади. Харидор томонидан тақдим этилган касса чеклари қоғоз варағига ёпиштирилади ва далолатнома билан биргаликда бухгалтерияга топширилади.

37. Пул маблағларини қайтариш харидорнинг фамилияси, исми, отасининг исми кўрсатилган ҳолда, унинг ёзма аризаси асосида бир банк кунидан ортиқ бўлмаган вақт мобайнида ҳисоб-китоб рақамидан зарур пул маблағларини олиш йўли билан хўжалик юритувчи субъект кассасидан амалга оширилади. Тадбиркорлик субъекти кассасидан пулни қайтариш учун харидорнинг фамилияси, исми, отасининг исми мажбурий тартибда кўрсатилган ҳолда харажат касса ордери тузилади.

38. Товарлар тўлиқ ёки қисман қайтарилганда товарларни сотишдан олинган даромадга харидорларга қайтарилган пул суммасида тузатиш киритилади. Товарларни сотишдан олинган даромадга тузатиш киритиш пул маблағлари қайтарилган солиқ даврида амалга оширилади.

Кейинги таҳрирга қаранг.

7-боб. Онлайн-НКМ ёки виртуал касса қўлланишини назорат қилиш

39. Товарлар сотиладиган (ишлар бажариладиган ва хизматлар кўрсатиладиган) жойларда аҳоли билан онлайн-НКМ ёки виртуал касса орқали ҳисоб-китобни амалга оширишда пул маблағларининг тўлиқ ҳисобга олинишини назорат қилиш қонун ҳужжатларига мувофиқ давлат солиқ хизмати органлари томонидан амалга оширилади.

40. Онлайн-НКМ ёки виртуал касса қўлланишини назорат қилиш қуйидаги усуллар билан амалга оширилиши мумкин:

назорат тартибида харид қилиш;

онлайн-НКМ ёки виртуал кассанинг олдин шакллантирилган чекларини давлат солиқ хизмати органларига юборилган фискал маълумотлар билан солиштириш;

онлайн-НКМ ёки виртуал кассанинг ҳолатини техник талабларга мувофиқлиги юзасидан экспертизадан ўтказиш.

41. Давлат солиқ хизмати органлари амалга ошириладиган текширишлар даврида ТХКМ мутахассисларини онлайн-НКМ ёки виртуал касса бўйича техник экспертлар (маслаҳатчилар) сифатида қонун ҳужжатларига мувофиқ жалб этиш ҳуқуқига эга.

42. Техник талабларга мувофиқ бўлмаган, шу жумладан хизмат кўрсатишнинг дастурий маҳсулоти бузилган ҳолда онлайн-НКМ ёки виртуал кассадан фойдаланилганлиги тўғрисида шубҳа/белги мавжуд бўлган тақдирда давлат солиқ хизмати органининг мансабдор шахслари томонидан жойига борган ҳолда ушбу Низомга 5-иловага мувофиқ шакл бўйича баённома тузилади, айни бир вақтнинг ўзида онлайн-НКМ ёки виртуал касса дастурий маҳсулоти ўрнатилган қурилма ва фискал модул ўрганиш ва экспертизадан ўтказиш учун вақтинча олиб қўйилади.

Бунда, онлайн-НКМ ёки виртуал касса чекидаги фискал маълумот ва ваколатли органга юборилган фискал маълумот ўртасидаги тафовут шубҳа/белги сифатида тушунилади.

43. Онлайн-НКМ ёки виртуал касса дастурий маҳсулоти ўрнатилган қурилма ва фискал модул вақтинча олиб қўйилган тадбиркорлик субъектига давлат солиқ хизмати органлари томонидан эксперт хулосаси олингунга ва масала мазмунан кўриб чиқилгунга қадар тегишли ТХКМ томонидан рўйхатдан ўтказилган бошқа захирадаги онлайн-НКМ ёки виртуал касса ва фискал модул берилади.

Кейинги таҳрирга қаранг.

44. Давлат солиқ хизмати органлари томонидан олиб қўйилган онлайн-НКМ ёки виртуал касса дастурий маҳсулоти ўрнатилган қурилма ва фискал модул техник экспертизани амалга ошириш учун ушбу онлайн-НКМ ёки виртуал касса дастурий маҳсулотига техник хизмат кўрсатмайдиган мустақил ТХКМга берилади.

Экспертиза жараёнида онлайн-НКМ ёки виртуал касса дастурий маҳсулоти ўрнатилган қурилма ва фискал модулнинг носозлиги аниқланган тақдирда экспертиза учун хизмат ҳақи тадбиркорлик субъекти томонидан, акс ҳолда ваколатли органнинг солиқ органларини ривожлантириш фонди томонидан қопланади.

45. Онлайн-НКМ ёки виртуал касса дастурий маҳсулоти ўрнатилган қурилма ва фискал модул олинган кундан бошлаб уч иш кунидан ортиқ бўлмаган муддатда экспертизадан ўтказилиши шарт.

Кейинги таҳрирга қаранг.

Экспертиза қонун ҳужжатларида белгиланган тартибда ўтказилади.

46. Экспертиза натижасига кўра онлайн-НКМ ёки виртуал кассанинг хизмат кўрсатувчи дастури бузилмаганлиги аниқланган тақдирда онлайн-НКМ ёки виртуал касса дастурий маҳсулоти ўрнатилган қурилма ва фискал модул тадбиркорлик субъектига қайтарилади.

8-боб. Оператор фаолиятини юритиш тартиби

47. Оператор махсус техника воситалари билан жихозланган, миллий криптографик алгоритмлар базаси асосида ахборот хавфсизлигини таъминлашнинг криптографик усулларидан фойдаланган ҳолда, реал вақт режимида ахборот-телекоммуникация тармоғи орқали онлайн-НКМ ва виртуал кассаларга бириктирилган фискал модуллардан келадиган маълумотларни узлуксиз равишда қабул қилади, қайта ишлайди ва сақлайди, шунингдек, ваколатли органнинг маълумотлар базасини шакллантиради.

48. Операторнинг вазифалари ва мажбуриятлари қуйидагилардан иборат:

фискал маълумотлар хавфсизлигини таъминлаш;

фискал маълумотларни қабул қилинган вақтдан бошлаб беш йил муддатда сақлаш;

фискал маълумотларни қабул қилиб олиш жараёнида уларни ўзгартириш, блоклаш ёки йуқ қилиш имкониятини чеклаш;

фискал маълумотлар базасининг захира нусхалари юритилишини таъминлаш;

фискал модул фойдаланувчиларининг шахсий маълумотларини ҳимоя қилиш;

ўзига тегишли маълумотларни кўрсатган ҳолда Интернетда ўзининг ўз махсус ахборот тизимини ишлаб чиқиш ва мунтазам ишлашини таъминлаш;

онлайн-НКМ ва виртуал касса чекларининг ҳаққонийлигини QR-код орқали текшириш имконинини берадиган ахборот тизимлари ва мобиль иловаларни ишлаб чиқиш;

фискал модул ва онлайн-НКМ ва (ёки) виртуал касса дастурий маҳсулоти ўртасида маълумотларни алмашиш талабларини ва шаклларини ишлаб чиқиш;

фискал модулни техник жиҳатдан мос келадиган онлайн-НКМ ва виртуал кассаларнинг дастурий тизими билан интеграциялаштиришга кўмаклашиш;

сотилган маҳсулотлар (бажарилган ишлар ва кўрсатилган хизматлар) тўғрисидаги маълумотларни вилоят, шаҳар ва туманлар бўйича таҳлил қилиш, шунингдек, солиқ тўлашдан бўйин товлаш эҳтимоли бўлган ҳолатларни аниқлайдиган автоматлаштирилган таҳлил тизимларини ишлаб чиқиш;

давлат реестрига киритилган ТХКМларнинг ҳудудий филиалларини ва шериклик асосида ҳамкорларини рўйхатга киритиш;

ТХКМларнинг электрон шаклда юборилган аризасига мувофиқ малакали мутахассис сертификатига эга бўлган ходимларни рўйхатга олиш ва уларга операторнинг махсус ахборот тизимида ишлаши учун рухсат бериш;

ТХКМларни фискал модул билан таъминлаш ва махсус ахборот тизимида ТХКМларга берилган фискал модуллар ҳисобини юритиш;

Кейинги таҳрирга қаранг.

онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан ваколатли органга хулоса тақдим этиш.

49. ТХКМлар ва уларнинг ҳудудий филиалларини ёки шериклик асосидаги ҳамкорларни рўйхати махсус ахборот тизимида юритилади.

50. Оператор ваколатли органнинг қарорига асосан ТХКМнинг, унинг филиаллари ёки шериклик асосидаги ҳамкорлар мутахассис ходимларини махсус ахборот тизимига кириш имкониятини бекор қилиши мумкин.

51. Фискал модуллар ТХКМнинг аризаси асосида оператор томонидан берилади.

52. Оператор томонидан махсус ахборот тизимида фискал модуллар, ТХКМлар ва уларнинг филиаллари, мутахассис ходимлари, онлайн НКМ ва виртуал кассалар реестри юритилади.

53. Оператор ваколатли орган билан биргаликда турғун савдо ва ҳизмат кўрсатиш шаҳобчаларида онлайн-НКМ ва (ёки) виртуал кассани тўғри ишлаши юзасидан ўрганиш ҳамда лозим ҳолларда ўрганиш учун эксперт ташкилотларни жалб қилиш ҳуқуқига эга.

54. Оператор ваколатли орган билан биргаликда ТХКМга юкланган вазифалар тўлик бажарилишини назорат қилиб боради. ТХКМга юкланган талаблар бажарилмаган тақдирда, уни давлат реестридан чиқариш чораларини кўради.

Кейинги таҳрирга қаранг.

55. Тадбиркорлик субъектларини фискал модул билан таъминлаш ва оператор томонидан кўрсатиладиган хизматлар учун тадбиркорлик субъектлари томонидан йилда бир марта базавий ҳисоблаш миқдорининг бир баравари миқдорида операторга тўлов амалга оширилади.

Кейинги таҳрирга қаранг.

9-боб. Якунловчи қоидалар

56. Ваколатли орган оператор томонидан ушбу тартиб талабларига риоя қилиниши юзасидан назорат ўрнатади.

57. Оператор белгиланган тартибда фискал маълумотларни ваколатли органга юбормаган тақдирда ёки хато маълумотлар юборилганда, шунингдек, тартибда кўрсатилган муддатларда операторга юборилган ариза ва мурожаатларга жавоб бермаганда амалдаги конун ҳужжатларига мувофиқ жавоб беради.

58. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга
1-ИЛОВА

		_____________________________________раҳбаридан (техник хизмат кўрсатиш маркази номи) _____________________________________________га (марказ раҳбарининг фамилияси, исми, отасининг исми)

АРИЗА (Онлайн-НКМ ёки виртуал кассани турғун шаҳобча жойлашган жой бўйича давлат солиқ хизмати органларида рўйхатдан ўтказиш тўғрисида)

_____________________________________________________________________СТИР________________га
(тадбиркорлик субъекти номи)
қарашли ________________________________ даги ____________________________________ шаҳобчасига
	(аниқ манзил)	(фаолият йўналиши, алкоголь савдоси, дорихона ва шу кабилар)
русуми ___________________, завод рақами (версияси) _________ бўлган онлайн-НКМ (виртуал касса) ва _________________ рақамли фискал модулни _______________ ДСИда рўйхатдан ўтказишга амалий ёрдам беришингизни сўрайман. Қуйидаги ҳужжатлар илова қилинади: 1. Турғун шаҳобча мавжудлигини тасдиқлайдиган ҳужжатларнинг нусхалари (бино-иншоотнинг ёки унинг қисмининг ижара шартномаси ёки кадастр ҳужжатлари); 2. Онлайн-НКМ ва (ёки) виртуал кассага техник хизмат кўрсатиш ва уни таъмирлашга ТХКМ билан тузилган шартноманинг нусхаси. 3. Турғун савдо (хизмат кўрсатиш) шаҳобчаси манзилининг харитадаги координатаси.

____________________________________________			_______________________________
(юридик шахс мансабдор шахси ёки ЯТТнинг Ф.И.О.)			(имзо)	(сана)

Телефон рақами:___________

Кейинги таҳрирга қаранг.

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга
2-ИЛОВА

Онлайн-НКМ ёки виртуал касса давлат солиқ хизмати органларида рўйхатга
олинганлиги тўғрисидаги маълумотлар

Ушбу рўйхатга олинганлик тўғрисидаги
маълумот____________________________________________________________________________________
__________________________________________________________________________________________га
______________________________________________ моделдаги, завод рақами _______________, 20__ йил «___»______________ даги реестр рақами ____________ бўлган онлайн-НКМ (виртуал касса) ______________________ давлат солиқ хизмати органида рўйхатдан ўтказилганлиги тўғрисида берилди.

Реестр рақами

Онлайн-НКМ модели ёки виртуал касса дастурий таъминотининг версияси

Завод рақами

Дастурий версия рақами

Онлайн-НКМ жойлашган жой

Онлайн-НКМ ва виртуал касса рўйхатдан ўтказилганлиги ва рўйхатдан чиқарилганлиги тўғрисидаги белги

Давлат солиқ хизмати органи раҳбари

__________________________________

Онлайн-НКМ (виртуал касса)ни рўйхатдан ўтказиш бўйича давлат солиқ хизмати органининг масъул ходими

__________________________________

Кейинги таҳрирга қаранг.

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга
3-ИЛОВА

		__________________________________раҳбаридан (техник хизмат кўрсатиш маркази номи) _________________________________________га (марказ раҳбарининг фамилияси, исми, шарифи)

АРИЗА (Онлайн-НКМ ёки виртуал кассани турғун шаҳобча жойлашган жой бўйича давлат солиқ хизмати органларида рўйхатдан чиқариш тўғрисида)

_____________________________________________________________________СТИР________________га
(тадбиркорлик субъекти номи)
қарашли ________________________________ даги ____________________________________ шаҳобчасига
	(аниқ манзил)	(фаолият йўналиши, алкоголь савдоси, дорихона ва шу кабилар)
русуми ___________________, завод рақами (версияси) _________ бўлган онлайн-НКМ (виртуал касса) ва _________________ рақамли фискал модулни _______________ ДСИда рўйхатдан чиқаришда амалий ёрдам беришингизни сўрайман. Онлайн-НКМ (виртуал касса), фискал модулни ДСИдан рўйхатдан чиқариш сабаби: ___________________________________________________________________________________________ ___________________________________________________________________________________________ Қуйидагилар илова қилинади: 1. Онлайн-НКМ (виртуал касса), фискал модулни ДСИдан рўйхатдан чиқариш учун асос ҳисобланган ҳужжат _____ варақда. 2. Фискал модул ____ дона. 3. Қўшимча ___________________________________________.

____________________________________________			_______________________________
(юридик шахс мансабдор шахси ёки ЯТТнинг Ф.И.О.)			(имзо)	(сана)

Телефон рақами:___________

Кейинги таҳрирга қаранг.

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга
4-ИЛОВА

Квитанциялар дафтарчасининг титул варағи

Тикиш жойи

ОНЛАЙН-НКМ ВА ВИРТУАЛ КАССА БУЗИЛГАНДА

ТАДБИРКОРЛИК СУБЪЕКТЛАРНИНГ ФОЙДАЛАНИШИ УЧУН КВИТАНЦИЯЛАР ДАФТАРЧАСИ

СТИР_________

Тадбиркорлик субъектининг номи

Квитанциялар: № ________________дан № _____________гача

20__ йил «__» ______ да __ рақам билан ___ давлат солиқ хизмати органида рўйхатдан ўтказилган

Дафтарча ип ўтказиб тикилган, давлат солиқ хизмати органи муҳри билан тасдиқланган

Квитанциялар дафтарчасининг варақлари

Тикиш жойи

СТИР

Тадбиркорлик субъекти номи

қирқиш чизиғи

СТИР

Тадбиркорлик субъекти номи

Квитанциялар корешоги

№ 00000

Сана

Товар (ишлар ва хизматлар) номи

миқдори

нархи

ҚҚС ставкаси

ҚҚС суммаси

суммаси

Квитанция-лар корешоги № 00000

Товар (ишлар ва хизматлар) номи

миқдори

нархи

ҚҚС ставкаси

ҚҚС суммаси

суммаси

Ҳаммаси

Сотувчининг Ф.И.О.

Тад. субъекти М.Ў.

Сотувчининг Ф.И.О.

Тад. субъекти М.Ў.

Кейинги таҳрирга қаранг.

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга
5-ИЛОВА

Онлайн-НКМ, виртуал касса ва фискал модулни олиб қўйиш (тагига чизилсин) БАЁННОМАСИ
Биз, қуйида имзо чекувчилар ___________________________________________________________________
		(текширувчиларнинг Ф.И.О., лавозими)
___________________________________________ нинг 20___ йил «___» _______________даги _______-сон
(назорат органининг номи)
буйруғига мувофиқ __________________________________________________________________________
	(хўжалик юритувчи субъект ёки якка тадбиркор мансабдор шахси Ф.И.О.)
иштирокида завод рақами _________, 20___ йил «___» _________ да ____________________ рақам билан _______________ ДСИда рўйхатдан ўтказилган, _____________________________ манзилида жойлашган, СТИР___________, ____________________________________________________________ га тегишли бўлган
	(хўжалик юритувчи субъектнинг номи (Ф.И.О.)
___________________________________________ моделли (версияли) онлайн-НКМ, виртуал касса қурилмаси ва фискал модулни олиб қўйдик. Олиб қўйиш вақтида қуйидагилар аниқланди: Олиб қўйиш пайтида онлайн-НКМ, виртуал касса, фискал модулнинг ҳолати ______________________________ ___________________________________________________________________________________________
(умумий ҳолати (иш ҳолати, ишламайдиган ҳолати), шунингдек, алоҳида механик нуқсонлар кўрсатилади)
Ушбу баённома 3-нусхада тузилди. 1-нусхаси онлайн-НКМ, виртуал касса, фискал модул эгасида қолади; 2-нусхаси онлайн-НКМ, виртуал касса, фискал модулни олиб қўйган органда сақланади; 3-нусхаси онлайн-НКМ, виртуал касса, фискал модул билан биргаликда экспертиза органига тақдим этилади. Баённома 20__ йил «____» ______________да
__________________________________________________________ (давлат солиқ хизмати органи мансабдор шахсининг Ф.И.О.) ________________________________________________________ ________________________________________________________			_____________________ (имзо) _____________________ (имзо)
тадбиркорлик субъекти вакиллари иштирокида тузилади. ___________________________________________________________			_____________________

Кейинги таҳрирга қаранг.

Вазирлар Маҳкамасининг 2019 йил 23 ноябрдаги 943-сон қарорига
2-ИЛОВА

Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган

ТЕХНИК ТАЛАБЛАР

1-боб. Умумий қоидалар

1. Мазкур техник талаблар маълумотларни давлат солиқ хизмати органларига фискал модул ва унинг дастурий маҳсулотларидан (версияларидан) фойдаланган ҳолда узатишни таъминлайдиган онлайн назорат касса машиналари (кейинги ўринларда онлайн-НКМ деб аталади), виртуал касса ва фискал модулнинг асосий техник ҳамда функционал хусусиятларини акс эттиради, шунингдек, Ўзбекистон Республикаси ҳудудида қўлланиши рухсат этилган онлайн-НКМ ва виртуал кассанинг Давлат реестрига киритиладиган техник талабларга мувофиқлиги юзасидан доимий татбиқ этилади.

2. Онлайн-НКМ ва виртуал касса дастурий таъминоти орқали шакллантириладиган фискал маълумотларнинг электрон тузилмаси, уларни фискал маълумотлар оператори (кейинги ўринларда оператор деб аталади)га юбориш тартиби, техник хизмат кўрсатиш маркази (кейинги ўринларда ТХКМ деб аталади) билан электрон ахборот алмашиш форматлари оператор томонидан ишлаб чиқилади ва махсус ахборот тизимига жойлаштириб борилади.

2-боб. Онлайн-НКМ учун қўйиладиган техник талаблар

3. Онлайн-НКМга қуйиладиган техник талаблар қуйидагилардан иборат:

завод рақами ва завод рақами кўрсатилган корпусга эга бўлиши;

фискал модулсиз онлайн-НКМ дастурий маҳсулотдан фойдаланиш имкони чекланганлиги;

фойдаланувчи ва харидор (мижоз) ўртасида сотилган товарлар (бажарилган ишлар ва кўрсатилган хизматлар) учун ҳисоб-китобларни амалга оширишдаги онлайн-НКМ ёки виртуал кассада амалдаги қонун ҳужжатларига мувофиқ шакллантирилган ва электрон шаклда ёки қоғозда чоп этилган, ҳисоб-китоблар тўғрисидаги маълумотларни ўз ичига олган, уни амалга ошириш фактини тасдиқловчи бирламчи ҳисоб ҳужжати (кейинги ўринларда чек деб аталади) қоғози бўлмаган ҳолда чекни шакллантириш учун буйруқ бериш имконини автоматик тарзда чеклаш;

онлайн-НКМдан рухсат этилмаган ҳолларда фойдаланишга ҳаракат қилинганда ёки маълумотлар базасига ташқи дастурлар орқали ўзгартириш киритилганда автоматик тарзда блоклаш тизимига ўтиш;

фискал модул носоз ҳолатга келганда ёки унинг хотираси тўлганда автоматик блоклаш тизимига ўтиш;

товарлар рўйхати ва товар кодларини халқаро «GS1» ва бошқа глобал тизимларнинг маълумотномалари орқали шакллантириш ва янгилаб бориш имкониятининг мавжудлиги;

Кейинги таҳрирга қаранг.

штрих код ўқиш қурилмасини қўллаб-қувватлаш;

чекларни чоп этиш қурилмаси корпус ичида бўлиши;

Кейинги таҳрирга қаранг.

фискал модул корпуснинг ичида жойлаштирилиши;

фискал маълумотларни қоғозга чоп этишдан олдин текшириш ва экранда товарлар (хизматлар) номланишини акс эттиришни талаб қиладиган бошқа амалларни бажариш учун камида TFT LCD 800*480 сиғимли экранга эга бўлиш;

Кейинги таҳрирга қаранг.

6 та белгидан кам бўлмаган дастурий паролга ёки бундан юқори даражадаги ҳимоя тизимига эга бўлиш;

мобил алоқа операторининг интернет тармоғига 3G ва ундан юқори стандартлар асосида, шунингдек, Wi-Fi стандарти орқали алоқа тармоғига боғланиш имкониятининг мавжудлиги;

Кейинги таҳрирга қаранг.

сертификатлаш органлари томонидан берилган мувофиқлик сертификатларининг мавжудлиги;

дастурий маҳсулотнинг муаллифлик ҳуқуқини тасдиқловчи ҳужжатнинг мавжудлиги (агар у хорижий мамлакатдан олинган бўлса унинг манбаи кўрсатилади);

фойдаланиш бўйича қўлланмага (давлат тили ва бошқа тилларда) эга бўлиш;

чоп этилган чеклардаги сонлар, ҳарфлар ва рамзлар аниқ кўринишда бўлиши ва бир хил маънода ўқилиши;

Ўзбекистон Республикаси ҳудудида фойдаланиш жараёнида вақт ва санани интернет орқали UTC+05:00 вақт зонасига автоматик мослаштиришни таъминлаш имкониятининг мавжудлиги;

Кейинги таҳрирга қаранг.

фискал маълумотлар бевосита фискал модул орқали тўғридан-тўғри фақат операторга узатилиши таъминланиши;

битта фискал модулдан бир вақтда фақат битта онлайн-НКМ учун фойдаланиш таъминланиши;

чек қоғозида акс этадиган маълумотлар устун равишда давлат тилида бўлиши таъминланиши;

фискал маълумотларни шакллантиришда уларга қасддан ўзгартириш киритилишидан ҳимояланганлик;

Онлайн-НКМ фискал маълумотлар алмашишда қўйиладиган талабларга зиён етказмайдиган бошқа қулайликларга ҳам эга бўлиши мумкин.

Кейинги таҳрирга қаранг.

4. Техник талаблар барча турдаги онлайн-НКМ учун татбиқ этилади.

5. Онлайн-НКМдан қуйидаги ҳолларда фойдаланишга рухсат этилмайди:

унинг модели Давлат реестрига киритилмаган бўлса;

чекда мажбурий талаблардан бири ёки бир нечтаси мавжуд бўлмаса;

онлайн-НКМга қўйилган талаблардан бири ёки бир нечтаси бажарилмаса;

ТХКМ билан кафолатли ва узлуксиз хизмат кўрсатиш бўйича шартнома тузилмаганда;

тадбиркорлик субъектининг маълумотлари ўзгарганда.

3-боб. Виртуал касса учун қўйиладиган техник талаблар

6. Виртуал кассаларга қўйиладиган техник талаблар қуйидагилардан иборат:

дастурий маҳсулот версия рақами, серия ёки лицензия рақамига эга бўлиши;

фискал модулсиз виртуал касса дастурий маҳсулотидан фойдаланиш имкони чекланганлиги;

виртуал кассадан рухсат этилмаган ҳолларда фойдаланишга ҳаракат қилинганда ёки маълумотлар базасига ташқи дастурлар орқали ўзгартириш киритилганда автоматик тарзда блоклаш тизимига ўтиш;

фискал модул носоз ҳолатга келганда ёки унинг хотираси тўлганда автоматик блоклаш тизимига ўтиш;

Кейинги таҳрирга қаранг.

штрих код ўқиш қурилмасини қўллаб-қувватлаш;

Кейинги таҳрирга қаранг.

6 та белгидан кам бўлмаган дастурий паролга ёки бундан юқори даражадаги ҳимоя тизимига эга бўлиш;

сертификатлаш органлари томонидан берилган мувофиқлик сертификатларининг мавжудлиги;

фойдаланиш бўйича қўлланмага (давлат тилида ва бошқа тилларда) эга бўлиши;

чоп этилган чеклардаги сонлар, ҳарфлар ва рамзлар аниқ кўринишда бўлиши ва бир хил маънода ўқилиши;

Ўзбекистон Республикаси ҳудудида фойдаланиш жараёнида вақт ва санани интернет орқали UTC+05:00 вақт зонасига автоматик мослаштириш имкониятининг мавжудлиги;

Кейинги таҳрирга қаранг.

фискал маълумотларни бевосита фискал модул орқали тўғридан-тўғри фақат операторга узатилишини таъминланиши;

битта фискал модулдан бир вақтда фақат битта виртуал касса учун фойдаланиши таъминланиши;

чекда акс этадиган маълумотлар устун равишда давлат тилида бўлиши таъминланиши;

Виртуал касса фискал маълумотлар алмашишда қўйиладиган талабларга зиён етказмайдиган бошқа қулайликларга эга бўлиши мумкин.

Кейинги таҳрирга қаранг.

7. Техник талаблар барча турдаги виртуал кассалар учун татбиқ этилади.

8. Виртуал кассадан қуйидаги ҳолларда фойдаланишга рухсат этилмайди:

унинг версияси (модели) Давлат реестрига киритилмаган бўлса;

чекда мажбурий талаблардан бири ёки бир нечтаси мавжуд бўлмаса;

ТХКМ билан кафолатли ва узлуксиз хизмат кўрсатиш бўйича шартнома тузилмаган бўлса;

тадбиркорлик субъектининг маълумотлари ўзгарганда.

4-боб. Фискал модулнинг физик параметрлари

9. Фискал модул сифатида смарт-карта ёки USB-калити кўринишидаги қурилмалардан фойдаланиш мумкин.

10. Фискал модул Infineon SLE77CLFX2400PM контроллери ёки нисбатан янги версияси билан таъминланган бўлиши лозим. Бундан ташқари, карта T=0 ва T=1 алоқа протоколларини ҳамда ГОСТ 28147-89, UZDST1106-2009, UZDST1092-2009, 3DES, AES, RSA, SНA-1, SНA-224, SНA-256, ECC over GF(p) ва Random number generation криптографик алгоритмлар ва шифрлаш функцияларини, шунингдек Java Card 2.2.2 ва ундан юқори стандартларга жавоб бериши керак.

Кейинги таҳрирга қаранг.

5-боб. Фискал модул дастурий таъминотига қўйиладиган функционал талаблар

11. Онлайн-НКМ ёки виртуал касса дастурий таъминотининг электрон мурожаати асосида фискал модул хотирасида чекни рўйхатга олади;

Фискал модул хотирасида «Z-ҳисобот»ларни шакллантиради ва сақлайди;

Онлайн-НКМ ва (ёки) виртуал касса орқали шаклланган маълумотларни, жумладан, умумий чек суммаси, нақд ёки банк пластик картадан тўлов суммаси, ҚҚС суммаси, операция тури (сотиш ёки қайтариш) маълумотларини фискал модулга юборади.

Маълумотлар фискал модулга муваффақиятли ўтган тақдирда:

фискал модул такрорланмас рақамини;

электрон рақамли имзо ёрдамида имзоланган ва шифрланган чек маълумотларини қайтаради.

Шифрланган чек маълумотлари оператор томонидан қабул қилиниб, тасдиқлаш маълумоти фискал модулга тушганидан сўнг ушбу шифрланган чек маълумотлари фискал модул хотирасидан ўчирилади.

6-боб. Фискал модулни ишга тушириш

12. Фискал модулни ишга туширишда ушбу илованинг 5-бобидаги амалларни бажаришни таъминловчи ихтисослаштирилган дастурий таъминот (апплет) ўрнатилган бўлиши шарт.

13. Фискал модулни биринчи марта ишга тушириш жараёнида қуйидагилар амалга оширилади:

электрон рақамли имзо калитлари яратилади;

очиқ калит операторга узатилади.

14. ТХКМларини фискал модул ва ихтисослаштирилган дастурий таъминот (апплет) билан таъминлаш оператор томонидан амалга оширилади.

7-боб. Якунловчи қоидалар

15. Тадбиркорлик субъектлари ўзига бириктирилган фискал модулга зиён етказмаслик чораларини кўриши шарт.

16. Солиқларни яшириш мақсадида онлайн-НКМ ва виртуал касса дастурий маҳсулотига, шунингдек, фискал модулга қасддан ўзгартириш киритганлик учун қонун ҳужжатларида белгиланган тартибда жазо чоралари қўлланилади.

LexUZ шарҳи

Қаранг: Ўзбекистон Республикаси Маъмурий жавобгарлик тўғрисидаги кодексининг 175-моддаcи.

17. Ушбу техник талабларни бузилишида айбдор бўлган шахслар қонун ҳужжатларида белгиланган тартибда жавоб берадилар.

Вазирлар Маҳкамасининг 2019 йил 23 ноябрдаги 943-сон қарорига
3-ИЛОВА

Онлайн назорат-касса машиналари, виртуал касса ва фискал модулга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида

ТАЛАБЛАР

1-боб. Умумий қоидалар

1. Ушбу талаблар онлайн назорат-касса машинаси (кейинги ўринларда онлайн-НКМ деб аталади) қурилмалари ва виртуал касса дастурий маҳсулотларига техник хизмат кўрсатиш, таъмирлаш фаолияти билан шуғулланувчи, ихтисослашган, замонавий технологик ускуналар билан жиҳозланган юридик шахслар — техник хизмат кўрсатиш марказларини (кейинги ўринларда ТХКМ деб аталади) рўйхатга олиш, рўйхатдан чиқариш ва уларнинг Давлат реестрини юритиш тартибини ҳамда ушбу марказларга қўйиладиган алоҳида талабларни белгилайди.

2. ТХКМларнинг Давлат реестрига киритиш Ўзбекистон Республикаси Давлат солиқ қўмитаси (кейинги ўринларда ваколатли орган деб аталади) томонидан амалга оширилади ва унинг расмий сайтида эълон қилиб борилади.

Кейинги таҳрирга қаранг.

3. Давлат реестрига киритилган ТХКМ республиканинг исталган ҳудудида малакали мутахассислар, етарли шарт-шароитлар ва асбоб-ускуналарга эга бўлган филиалларини очиши ёки шериклик асосида ишлаши мумкин.

Бунда, ТХКМга қарашли ҳар бир филиал алоҳида рўйхатга киритилади.

Шунингдек, онлайн-НКМ ва (ёки) виртуал кассага хизмат кўрсатишга талаб бўлган худудларда, ТХКМ, унинг филиали ёки шериклик асосида ҳамкорлари ушбу худудда онлайн-НКМ ва виртуал кассаларга техник хизмат кўрсатиш шаҳобчаларини очишлари шарт.

Кейинги таҳрирга қаранг.

ТХКМларнинг ҳудудий филиаллари ёки шериклик асосидаги ҳамкорларини (кейинги ўринларда ҳудудий филиал деб аталади) рўйхатга киритиш фискал маълумотлар оператори (кейинги ўринларда оператор деб аталади) томонидан амалга оширилади.

4. ТХКМларни Давлат реестрига киритиш ва уларнинг ҳудудий филиалларини рўйхатга киритиш учун тўлов ундирилмайди.

5. Белгиланган тартибда Давлат реестрига киритилмаган ҳолда онлайн-НКМ ва (ёки) виртуал касса дастурий маҳсулотларига техник хизмат кўрсатиш фаолияти билан шуғулланган юридик шахсларга нисбатан амалдаги қонун ҳужжатларида белгиланган тартибда жазо чоралари қўлланилади.

6. ТХКМ тадбиркорлик субъектларига ўрнатилган онлайн-НКМ қурилмалари ва виртуал кассаларни мажбурий тартибда бир йилда бир марта техник ва дастурий кўрикдан ўтказади ва ўрганиш натижаларини кўрикларни қайд этиш дафтарида ҳамда уч иш кунида махсус ахборот тизимида қайд этади, шунингдек, солиқ тўловчининг шахсий кабинетига хабарнома юборади.

Кейинги таҳрирга қаранг.

Кўрикларни қайд этиш дафтари тадбиркорлик субъектига ТХКМ томонидан тақдим этилади.

Кейинги таҳрирга қаранг.

2-боб. ТХКМга қўйиладиган талаблар

7. ТХКМ ўз фаолиятини амалга ошириш учун у томонидан хизмат кўрсатиладиган ҳамда ваколатли органда рўйхатга олинган онлайн-НКМлар ва виртуал кассаларнинг жами сони:

мингтагача бўлганда Ўзбекистон Республикасида белгиланган базавий ҳисоблаш миқдорининг юз баравари миқдорида;

мингтадан беш мингтагача бўлганда Ўзбекистон Республикасида белгиланган базавий ҳисоблаш миқдорининг беш юз баравари миқдорида;

беш мингтадан кўп бўлганда Ўзбекистон Республикасида белгиланган базавий ҳисоблаш миқдорининг бир минг баравари миқдорида маблағларни ваколатли органнинг махсус ҳисоб рақамига захирага қўйиши лозим.

Кейинги таҳрирга қаранг.

8. Махсус ҳисоб рақамига захирага қўйилган маблағлардан ТХКМ, унинг филиаллари ёки шериклик асосида ҳамкорлари томонидан ўзи хизмат кўрсатаётган онлайн-НКМ ва (ёки) виртуал касса дастурий маҳсулотининг функционал хусусиятларига ишлаб чиқарувчи ёки унинг ваколатли вакилини рухсатисиз ўзгартириш киритилганлиги аниқланганда, шунингдек, тадбиркорлик субъектлари билан тузилган шартнома талаблари бузилганда шартномада назарда тутилган жарималарни қоплашда фойдаланилади.

Кейинги таҳрирга қаранг.

9. ТХКМ томонидан захирага қўйилган маблағлар суммаси 7-бандда кўрсатилган миқдордан камайган тақдирда унинг етмаётган қисмини, ваколатли органнинг хабарномаси олинган кундан эътиборан ўн иш кунида ваколатли органнинг махсус ҳисоб рақамига тушиши таъминланиши зарур.

Кейинги таҳрирга қаранг.

10. ТХКМ тадбиркорлик субъектлари билан ўзаро муносабатларни қонун ҳужжатларида белгиланган тартибда шартнома асосида амалга оширади.

11. ТХКМ оператор билан ўзаро муносабатларини қонун ҳужжатларида белгиланган тартибда шартнома асосида амалга оширади.

12. ТХКМ давлат солиқ хизмати органлари биноларида жойлаштирилишига йўл қўйилмайди.

Кейинги таҳрирга қаранг.

13. ТХКМ онлайн-НКМ ва (ёки) виртуал кассани рўйхатга олиш ва давлат реестрига киритишдан олдин унинг техник ҳолатини кўрикдан ўтказиши ва зарур дастурий маҳсулот билан таъминланганлигини текшириши лозим.

14. ТХКМ ўзига тегишли расмий сайтга ва махсус ахборот тизимига боғланган дастурий маҳсулотга эга бўлиши лозим.

Расмий сайтда қуйидагилар кўрсатилади:

ваколатли орган томонидан техник хизмат кўрсатиш ҳуқуқи берилган онлайн-НКМ ва виртуал касса турлари тўғрисидаги маълумотлар;

онлайн-НКМ, виртуал касса моделлари (версиялари) бўйича сотув нархлари;

онлайн-НКМ ва виртуал кассадан фойдаланиш бўйича йўриқнома, қўлланмалар, фото ва видео материаллар;

хизмат кўрсатиш турлари;

хизмат кўрсатиш нархлари (прайс-листлар);

онлайн ёрдамчи хизмати;

ТХКМнинг филиаллари тўғрисидаги батафсил маълумотлар (манзили, жойлашган жойи, кўрсатиладиган хизмат турлари ва бошқалар);

телефон орқали тезкор боғланиш (саll-марказ) рақамлари.

15. ТХКМ ва унинг ҳудудий филиаллари онлайн-НКМ ва (ёки) виртуал кассаларни таъмирлаш ва уларга техник хизмат кўрсатиш учун қуйидагиларга эга бўлиши лозим:

тезкор хизмат кўрсатиш учун керакли моддий-техник база ва асбоб-ускуналарга;

Онлайн-НКМ моделларини, виртуал кассаларни таъмирлаш ёки алмаштириш учун кафолатли хизмат кўрсатиш бўйича шартнома тузилган онлайн-НКМ ва виртуал кассалар сонига нисбатан камида беш фоиз миқдордаги тайёр онлайн-НКМ ва виртуал кассанинг қурилмаларига.

16. ТХКМ томонидан ўзи хизмат кўрсатаётган онлайн-НКМ ва (ёки) виртуал касса дастурий маҳсулотининг функционал хусусиятларига ишлаб чиқарувчи ёки унинг ваколатли вакилининг рухсатисиз ўзгартириш киритилиши тақиқланади.

17. ТХКМ томонидан ўз мижозларига, онлайн-НКМ ва виртуал кассадан тўғри фойдаланиш бўйича тегишли кўрсатма ва маслаҳатлар бериб борилади.

18. ТХКМ амал қилиш муддати тугаган, яроқсиз ҳолга келган, хотираси тўлган ёки тадбиркорлик субъекти тугатилиши оқибатида қайтариб олинган фискал модулларни архивлаш учун қайтариб олинган кундан бошлаб бир ой муддатда операторга топшириши шарт.

Кейинги таҳрирга қаранг.

3-боб. ТХКМни Давлат реестрига киритиш

19. ТХКМ фаолияти билан шуғулланиш истагини билдирган юридик шахслар Давлат реестрига киритилиши учун ваколатли органга иловага мувофиқ белгиланган шаклда ариза билан мурожаат қилади.

Аризага қуйидаги ҳужжатлар илова қилинади:

Ўзбекистон Республикасида белгиланган базавий ҳисоблаш миқдорининг юз баравари миқдоридаги маблағ ваколатли органнинг махсус ҳисоб рақамида захира қилинганлиги ҳақида маълумот;

Кейинги таҳрирга қаранг.

онлайн-НКМ ва (ёки) виртуал кассани ишлаб чиқарувчи ёҳуд унинг ваколатли вакили билан тузилган шартнома нусхаси;

фаолият юритиш жойи бўйича кўчмас мулкка ёки ундан фойдаланишга бўлган ҳуқуқини тасдиқловчи ҳужжат(лар);

«call-марказ»га эга эканлиги тўғрисидаги маълумот;

онлайн-НКМ қурилмаси ва (ёки) виртуал касса дастурий маҳсулотига кафолатли хизмат кўрсатиш бўйича ишлаб чиқарувчи ёки унинг ваколатли вакили томонидан берилган малака сертификатига эга бўлган мутахассис(лар) тўғрисидаги маълумотлар.

20. ТХКМ фаолияти билан шуғулланиш истагини билдирган юридик шахслар тақдим этган маълумотларда номутаносибликлар аниқланганда давлат солиқ хизмати органлари жойига чиққан ҳолда ҳужжатларнинг ишончлилиги ва қонунчиликка мувофиқлиги юзасидан бир иш кунида ўрганиб чиқишга ҳақли.

21. Кўриб чиқиш натижалари бўйича ваколатли орган ТХКМни Давлат реестрига киритиш ёки Давлат реестрига киритишни рад этиш тўғрисида қарор қабул қилади.

22. Ваколатли орган қуйидаги холларда ТХКМни Давлат реестрига киритишни рад этади:

ҳужжатлар тўлиқ тақдим этилмаганда ёки улар белгиланган тартибда расмийлаштирилмаганда;

тақдим этилган ҳужжатларда номутаносибликлар аниқланиб, улар тасдиқланганда.

23. Ваколатли орган томонидан ариза берувчига ТХКМни Давлат реестрига киритиш тўғрисидаги қарор нусхаси ёки уни рад этиш сабаби кўрсатилган жавоб хати ҳужжатлар тақдим этилган кундан бошлаб ўн беш иш кунида электрон ёки ёзма тарзда тақдим этилади.

24. Давлат реестрига киритиш рад этилганда, ариза берувчи камчиликларни бартараф этиб, ваколатли органга такроран мурожаат қилиши мумкин.

4-боб. ТХКМни Давлат реестридан чиқариш

25. ТХКМ қуйидаги ҳолларда Давлат реестридан чиқарилади:

тугатилганда, банкрот деб эътироф этилганда;

унинг фаолиятига нисбатан қонун ҳужжатлари талаблари ўзгарганда;

у томонидан ўзи хизмат кўрсатаётган онлайн-НКМ ёки виртуал кассанинг функционал хусусиятларига ишлаб чиқарувчи ёки унинг ваколатли вакилини рухсатисиз ўзгартириш киритилганлиги аниқланганда;

ваколатли органга қилган мурожаатига мувофиқ;

Кейинги таҳрирга қаранг.

26. ТХКМни Давлат реестридан чиқариш ваколатли органнинг қарори асосида амалга оширилади.

27. ТХКМни Давлат реестридан чиқариш тўғрисидаги қарор қабул қилинган кундан бошлаб уч кун муддатда ваколатли орган томонидан ТХКМга бу ҳақда хабарнома юборилади.

Шунингдек, уч кун муддатда Давлат реестридан чиқарилган ТХКМ, унинг филиали ёки шериклик асосидаги ҳамкор томонидан хизмат кўрсатилаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

28. Давлат реестридан чиқарилган ТХКМ хабарномани олган куни бу ҳақда ўз сайтида эълон қилиши шарт.

29. ТХКМ Давлат реестридан чиқарилгандан кейин беш кун муддатда ўзида мавжуд барча фискал модулларни операторга қайтариши шарт.

5-боб. ТХКМнинг ҳудудий филиалини ёки шериклик асосидаги ҳамкорларини рўйхатга киритиш

30. ТХКМ ҳудудий филиални рўйхатга киритиш учун операторга ҳудудий филиални рўйхатга киритиш тўғрисидаги мурожаатнома ҳамда ҳудудий филиалда онлайн-НКМ қурилмаси ва (ёки) виртуал кассага кафолатли хизмат кўрсатиш бўйича малака сертификатига эга бўлган мутахассис(лар) борлиги тўғрисидаги маълумотларни электрон шаклда тақдим қилади.

31. Ҳудудий филиал рўйхатга киритилганда махсус ахборот тизимидан фойдаланиш учун рухсат берилади.

32. Оператор ҳужжатлар тўлиқ тақдим этилмаганда ёки ҳужжатларда нотўғри маълумотлар кўрсатилганда ҳудудий филиални рўйхатга киритишни рад этиши мумкин.

33. Оператор томонидан ариза берувчига ҳудудий филиални рўйхатга киритганлик ёки киритишни рад этганлик тўғрисидаги жавоб хати ҳужжатлар тақдим этилган кундан бошлаб етти иш кунида электрон тарзда тақдим этилади.

34. Ҳудудий филиални рўйхатга киритиш рад этилган тақдирда, камчиликларни бартараф этган ҳолда операторга такроран мурожаат қилиниши мумкин.

6-боб. ТХКМнинг ҳудудий филиалини рўйхатдан чиқариш

35. ТХКМнинг ҳудудий филиали қуйидаги ҳолларда рўйхатдан чиқарилади:

ТХКМнинг аризасига асосан;

ТХКМ ваколатли орган томонидан давлат реестридан чиқарилган тақдирда.

36. ТХКМнинг ҳудудий филиали рўйхатдан чиқарилган кундан бошлаб уч кун муддатда оператор томонидан ТХКМга ва унинг ҳудудий филиалига бу ҳақда электрон тарзда хабарнома юборилади.

37. ТХКМнинг ҳудудий филиали рўйхатдан чиқарилганда, махсус ахборот тизимидан фойдаланиш ҳуқуқи ҳам бекор қилинади.

38. ТХКМнинг ҳудудий филиали рўйхатдан чиқарилган кундан бошлаб уч кун муддатда ҳудудий филиал хизмат кўрсатаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

39. Фискал модуллар йўқотилганлигини қайд этиш ТХКМ томонидан расмийлаштирилади.

40. ТХКМ бир ой мобайнида ишлатилмаган фискал модуллар сонининг, ишлатилаётган фискал модуллар сонига нисбатан ўн фоиз миқдоридан кўп бўлган қисмини операторга қайтаради.

Кейинги таҳрирга қаранг.

7-боб. Якунловчи қоидалар

41. Ваколатли орган ТХКМ томонидан ушбу тартиб талабларига риоя қилиниши юзасидан назорат ўрнатади.

42. ТХКМ томонидан ушбу тартибнинг 2-бобида назарда тутилган талаблар бажарилмаганда ёки қисман бажарилмаган тақдирда ваколатли орган ТХКМнинг махсус ахборот тизимидан фойдаланишни чеклаши ёки уни Давлат реестиридан чиқариши мумкин.

Кейинги таҳрирга қаранг.

43. Ушбу тартиб талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Онлайн-НКМ, виртуал касса ва фискал модулга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида талабларга
ИЛОВА

_____________________________________раҳбари (давлат солиқ хизмати органи номи) __________________________________________га (давлат солиқ хизмати органи раҳбарининг фамилияси, исми, шарифи)
АРИЗА (Онлайн-НКМ ва (ёки) виртуал касса тизимига техник хизмат кўрсатиш марказини Давлат реестрига киритиш тўғрисида)
_____________________________________________________________СТИР__________________________
^{(тадбиркорлик субъекти номи)}
онлайн-НКМ, виртуал касса тизимига техник хизмат кўрсатиш марказини иловада келтирилган ҳужжатлар асосида Давлат реестрига киритишингизни сўрайман.
Қуйидаги ҳужжатлар илова қилинади: 1. Ўзбекистон Республикасида белгиланган базавий ҳисоблаш миқдорининг юз баравари миқдоридаги маблағ ваколатли органнинг махсус ҳисоб рақамида захира қилинганлиги ҳақидаги маълумот; 2. Онлайн-НКМ қурилмаси ва (ёки) виртуал касса дастурий маҳсулотини ишлаб чиқарувчиси ёҳуд унинг ваколатли вакили билан тузилган шартнома нусхаси; 3. ТХКМнинг фаолият юритиш жойи бўйича кўчмас мулкка ёки ундан фойдаланишга бўлган ҳуқуқни тасдиқловчи ҳужжат(лар); 4. «call-марказ»га эга эканлик тўғрисидаги маълумот; 5. ТХКМда онлайн-НКМ қурилмаси ва (ёки) виртуал касса дастурий маҳсулотига кафолатли хизмат кўрсатиш бўйича малака сертификатига эга бўлган мутахассис(лар) мавжудлиги тўғрисидаги маълумотлар; Илова: ___ варақда.
______________________________________	___________	___________
^{(юридик шахс мансабдор шахсининг Ф.И.О.)}	^(имзо)	^(сана)
Телефон рақами:_____________

Кейинги таҳрирга қаранг.

Вазирлар Маҳкамасининг 2019 йил 23 ноябрдаги 943-сон қарорига
4-ИЛОВА

Ўзбекистон Республикаси ҳудудида қўлланилиши рухсат этилган онлайн назорат-касса машиналари ва виртуал кассаларнинг давлат реестрини юритиш тартиби тўғрисида

НИЗОМ

1-боб. Умумий қоидалар

1. Мазкур низом Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини (кейинги ўринларда Давлат реестри деб аталади) юритиш тартибини белгилайди.

2. Давлат реестри Ўзбекистон стандартлаштириш, метрология ва сертификатлаштириш агентлиги ва «Ўзэлтехсаноат» уюшмаси билан келишган ҳолда Ўзбекистон Республикаси давлат солиқ қўмитаси (кейинги ўринларда ваколатли орган деб аталади) томонидан шакллантирилади ва ушбу Низомга 1-иловага мувофиқ шакл бўйича юритилади.

Кейинги таҳрирга қаранг.

3. Давлат реестри Ўзбекистон Республикаси ҳудудида қўлланиши рухсат этилган онлайн назорат-касса машиналари (кейинги ўринларда онлайн-НКМ деб аталади) ва виртуал касса дастурий маҳсулотлари (жумладан, уларнинг моделлари ва версиялари) тўғрисидаги тўлиқ маълумотлардан иборат бўлади.

4. Давлат реестри қуйидаги маълумотлар асосида онлайн-НКМ ва виртуал касса дастурий маҳсулоти бўйича шакллантирилади:

ишлаб чиқарувчи ва (ёки) унинг ваколатли вакили тўғрисидаги маълумотлар (ташкилотнинг номи, СТИР, юридик манзили, телефон рақами ва шу кабилар);

онлайн-НКМ модели унинг версияси, виртуал касса дастурий маҳсулоти версияси;

фискал маълумотларни ваколатли орган базасига узатиш имконияти яратилганлиги бўйича операторнинг ижобий хулосаси;

Ушбу қарорга «Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган техник талаблар» тўғрисидаги 2-иловага асосан тасдиқланган техник талабларга мувофиқлиги.

5. Ваколатли органнинг қарорига кўра Давлат реестрига онлайн-НКМ ва (ёки) виртуал касса тўғрисидаги бошқа маълумотлар ҳам киритилиши мумкин.

2-боб. Онлайн-НКМ ёки виртуал кассани Давлат реестрига киритиш тартиби

6. Ваколатли орган томонидан онлайн-НКМ ёки виртуал кассани Давлат реестрига киритиш тўғрисидаги қарорни қабул қилишда қуйидагилар ҳисобга олинади:

тақдим этилган онлайн-НКМ ёки виртуал кассанинг техник ҳужжатларга мувофиқлиги;

онлайн-НКМ ёки виртуал кассанинг техник ва функционал тавсифларини операторнинг хулосасидаги тавсиялари;

онлайн-НКМ ёки виртуал кассани давлат тилидаги ва бошқа тиллардаги фойдаланувчи йўриқномасининг мавжудлиги;

онлайн-НКМ ёки виртуал касса функционал тавсифларининг ягона техник талабларга мувофиқлиги;

онлайн-НКМ ёки виртуал кассанинг аниқ типига Ўзбекистон Республикаси ҳудудида техник хизмат кўрсатиш имкониятлари мавжудлиги.

7. Онлайн-НКМ ва (ёки) виртуал кассани ишлаб чиқарувчи юридик шахслар (агар чет эл корхонаси бўлса унинг ваколатли вакили) онлайн-НКМ ёки виртуал кассани Давлат реестрига киритиш ташаббускори бўлиши мумкин.

8. Ваколатли органда рўйхатга олинган онлайн-НКМ ва виртуал касса сони:

мингтагача бўлганда Ўзбекистон Республикасида белгиланган базавий ҳисоблаш миқдорининг икки юз баравари миқдорида;

мингтадан беш мингтагача бўлганда Ўзбекистон Республикасида белгиланган базавий ҳисоблаш миқдорининг минг баравари миқдорида;

беш мингтадан кўп бўлганда Ўзбекистон Республикасида белгиланган базавий ҳисоблаш миқдорининг икки минг баравари миқдорида маблағларни ваколатли органнинг махсус ҳисоб рақамига захирага қўйиши лозим.

Кейинги таҳрирга қаранг.

9. Махсус ҳисоб рақамига захирага қўйилган маблағлардан экспертиза натижалари бўйича, онлайн-НКМ ва (ёки) виртуал кассалар орқали, ахоли билан пулли ҳисоб-китобларни амалга оширишда, ишлаб чиқарувчининг айби билан фискал маълумотларни ваколатли органга нотўғри юборилиши ва онлайн-НКМ ёки виртуал кассаларнинг «Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган техник талаблар» тўғрисидаги 2 илованинг 2 ва 3-боб талаблари асосида ишламаслиги сабабли солиқлар нотўғри ҳисобланиши натижасида давлат бюджетига етказилган зарарларни қоплаш, шунингдек, шу орқали тадбиркорлик субъектига етказилган зарарни қоплаш ҳамда оператор ўртасида тузилган шартнома талаблари бузилганлиги учун шартномада кўзда тутилган жарималарни қоплаш учун фойдаланилади.

Кейинги таҳрирга қаранг.

10. Онлайн-НКМ ёки виртуал касса дастурий таъминотини давлат реестрига киритган тижорат ташкилоти захирага қўйилган маблағлар суммаси ушбу Низомнинг 8-бандида кўрсатилган миқдордан камайган тақдирда унинг етмаётган қисми, ваколатли органнинг хабарномасини олган кундан эътиборан ўн иш кунида ваколатли органнинг махсус ҳисоб рақамига тушишини таъминлайди.

Кейинги таҳрирга қаранг.

11. Онлайн-НКМ ёки виртуал кассани Давлат реестрига киритиш учун юридик шахс 2-иловага мувофиқ ариза билан ваколатли органга мурожаат қилади.

Аризага қуйидагилар илова қилинади:

Ўзбекистон Республикасида белгиланган базавий ҳисоблаш миқдорининг икки юз баравари миқдоридаги маблағ ваколатли органнинг махсус ҳисоб рақамига захирага қўйилганлиги ҳақидаги маълумот;

Кейинги таҳрирга қаранг.

онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан операторнинг хулосаси;

шакллантирилган касса чеклари намуналари;

онлайн-НКМ ёки виртуал кассанинг эталон намунаси;

онлайн-НКМ ёки виртуал кассанинг техник ва функционал тавсифлари батафсил кўрсатилган техник паспорт (ёки унга тенглаштирилган ҳужжат) ҳамда кафолат мажбуриятлари;

фойдаланиш ҳужжатлари (фойдаланувчи учун қўлланма, ўрнатиш бўйича қўлланма ва солиқ инспектори йўриқномаси);

ариза берувчининг эҳтиёт қисмлар билан таъминлаш тўғрисидаги кафолат хати;

виртуал касса ёки онлайн-НКМ дастурий маҳсулотининг муаллифлик ҳуқуқини тасдиқловчи ҳужжат (патент). Бунда ҳужжат бошқа давлатдан олинган бўлса унинг манбаси кўрсатилади;

виртуал касса ёки онлайн-НКМ дастурий маҳсулотига техник кўмаклашиш маркази томонидан берилган экспертиза хулосаси.

Кейинги таҳрирга қаранг.

онлайн-НКМга сертификатлаштириш органи томонидан берилган мувофиқлик сертификати.

Кейинги таҳрирга қаранг.

12. Оператор онлайн-НКМ ёки виртуал кассани оператор билан тўғри интеграция қилингани ёки тўлиқ интеграция қилинмагани тўғрисидаги хулосани ўн иш кунида ариза берувчига тақдим этади.

Кейинги таҳрирга қаранг.

13. Ваколатли орган онлайн-НКМ ёки виртуал кассани Давлат реестрига киритиш тўғрисидаги ҳужжатларнинг ишончлилиги ва уларнинг қонунчиликка мувофиқлиги юзасидан текширишга ҳақли.

14. Ваколатли орган онлайн-НКМ ёки виртуал кассани Давлат реестрига киритиш ёҳуд Давлат реестрига киритишни рад этиш тўғрисида қарор қабул қилади.

15. Ваколатли орган қуйидаги холларда онлайн-НКМ ёки виртуал кассани Давлат реестрига киритишни рад этади:

ҳужжатлар тўлиқ тақдим этилмаганда ёки белгиланган тартибда расмийлаштирилмаганда;

тақдим этилган ҳужжатларда номутаносибликлар аниқланиб, улар тасдиқланганда.

16. Ваколатли орган томонидан ариза берувчига онлайн-НКМ ёки виртуал кассани Давлат реестрига киритиш тўғрисидаги қарор нусхаси ёки Давлат реестрига киритишни рад этиш сабаби кўрсатилган жавоб хати ариза тақдим этилган кундан бошлаб бир ой муддатда электрон ёки ёзма тарзда тақдим этилади.

Кейинги таҳрирга қаранг.

17. Онлайн-НКМ ёки виртуал кассани Давлат реестрига киритиш рад этилган тақдирда, ариза берувчи камчиликларни бартараф этган ҳолда ваколатли органга такроран мурожаат қилиши мумкин.

3-боб. Онлайн-НКМ ва виртуал кассани Давлат реестридан чиқариш тартиби

18. Онлайн-НКМ ёки виртуал кассани Давлат реестридан чиқариш ваколатли органнинг қарори асосида амалга оширилади.

19. Онлайн-НКМ ёки виртуал касса қуйидаги ҳолларда Давлат реестридан чиқарилади:

онлайн-НКМ ёки виртуал кассага нисбатан қонун ҳужжатлари талаблари ўзгарганда;

онлайн-НКМ ёки виртуал кассани ишлаб чиқариш тўхтатилганда ва (ёки) ички бозорда бир йил мобайнида эҳтиёт қисмлар мавжуд бўлмаганда;

онлайн-НКМ ёки виртуал кассадан фойдаланиш жараёнида фискал маълумотларни ҳосил қилишда, қоғозга чоп этишда ёки фискал маълумотларни операторга реал вақт режимида узатишда қасддан қилинган ноқонуний ҳаракатлар ваколатли орган томонидан аниқланганда;

онлайн-НКМ ёки виртуал кассани Давлат реестрига киритган ариза берувчининг ваколатли органга мурожаатига мувофиқ;

онлайн-НКМ ёки виртуал кассага нисбатан қонун ҳужжатлари талаблари ўзгарганда.

Кейинги таҳрирга қаранг.

20. Онлайн-НКМ ёки виртуал кассани Давлат реестридан чиқаришда қуйидаги ҳолатлар ҳисобга олинади:

онлайн-НКМ ёки виртуал кассанинг ваколатли органда рўйхатдан ўтказилган, тадбиркорлик субъектлари томонидан фойдаланилаётган қурилмалари ёки дастурий маҳсулотлари сони;

онлайн-НКМ ёки виртуал кассани алмаштириш учун зарур бўлган муддат.

Кейинги таҳрирга қаранг.

21. Онлайн-НКМ ёки виртуал кассани Давлат реестридан чиқариш тўғрисидаги қарор қабул қилинган кундан бошлаб уч кун муддатда ваколатли орган томонидан бу ҳақда онлайн-НКМ ёки виртуал кассани Давлат реестрига киритган ариза берувчига хабарнома юборилади.

Шунингдек, уч кун муддатда Давлат реестридан чиқарилган онлайн-НКМ ёки виртуал кассадан фойдаланаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

22. Онлайн-НКМ ёки виртуал касса Давлат реестридан чиқарилган кундан бошлаб ўн беш кун муддатда тадбиркорлик субъектлари онлайн-НКМ ёки виртуал кассани алмаштиришлари лозим.

Ушбу бандда кўрсатилган муддатдан кейин Давлат реестридан чиқарилган онлайн-НКМ ёки виртуал кассадан фойдаланаётган тадбиркорлик субъектларига нисбатан қонун ҳужжатларига мувофиқ жавобгарлик чоралари қўлланилади.

4-боб. Якунловчи қоида

23. Ушбу Низом талаблари бузилишига айбдор бўлган шахслар қонун ҳужжатларида белгиланган тартибда жавоб берадилар.

Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини юритиш тартиби тўғрисидаги низомга
1-ИЛОВА

Ўзбекистон Республикаси ҳудудида қўлланиши рухсат этилган онлайн-НКМ ва виртуал кассаларнинг ДАВЛАТ РЕЕСТРИ
Т/р	Онлайн-НКМ ёки виртуал кассанинг номи	Онлайн-НКМни ишлаб чиқарувчи ёки виртуал кассани яратувчи	Онлайн-НКМнинг серия рақамлари ёки виртуал касса дастурий маҳсулотининг хеш суммаси	Онлайн-НКМ ва виртуал кассанинг мувофиқлик сертификати нусхаси, виртуал касса дастурий маҳсулотни рўйхатга олиш гувоҳномаси (патент)	Давлат солиқ қўмитаси қарори			Изоҳ
Т/р	Онлайн-НКМ ёки виртуал кассанинг номи				Фискал маълумотлар операторининг ижобий хулосасидан кўчирма	Онлайн-НКМни ёки виртуал кассани Давлат реестрига киритиш тўғрисидаги қарордан кўчирма	Давлат реестридан чиқариш тўғрисидаги қарордан кўчирма	Изоҳ
1.
2.
3.
4.
5.

Кейинги таҳрирга қаранг.

Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини юритиш тартиби тўғрисидаги низомга
2-ИЛОВА

	______________________________________________раҳбари (давлат солиқ хизмати органи номи) ____________________________________________________га (давлат солиқ хизмати органи раҳбарининг фамилияси, исми, шарифи)
АРИЗА (Онлайн-НКМ ва (ёки) виртуал кассаларнинг Давлат реестрига киритиш тўғрисида)

___________________________________________________________________________________________ СТИР______________________________________________________________________________________ (тадбиркорлик субъекти номи)
__________________________________________манзилда жойлашган ______________________________га
(юридик манзили)		(мулкчилик шакли)
_________________________ русумли онлайн-НКМ ёки виртуал кассанинг ___________________ версиясини иловада келтирилган ҳужжатлар асосида Давлат реестрига киритишингизни сўрайман. Қуйидаги ҳужжатлар илова қилинади: 1. Ўзбекистон Республикасида белгиланган базавий ҳисоблаш миқдорининг икки юз баравари миқдоридаги маблағ ваколатли органнинг махсус ҳисоб рақамига захирага қўйилганлиги ҳақидаги маълумот; 2. Онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан операторнинг хулосаси; 3. Шакллантирилган касса чеклари намуналари; 4. Онлайн-НКМ ёки виртуал кассанинг эталон намунаси; 5. Онлайн-НКМ ёки виртуал кассанинг техник ва функционал тавсифлари батафсил кўрсатилган техник паспорт (ёки унга тенглаштирилган ҳужжат) ҳамда кафолат мажбуриятлари; 6. Фойдаланиш ҳужжатлари (фойдаланувчи учун қўлланма, ўрнатиш бўйича қўлланма ва солиқ инспектори йўриқномаси); 7. Ариза берувчининг эҳтиёт қисмлар билан таъминлаш тўғрисидаги кафолат хати; 8. Виртуал касса ёки онлайн-НКМ дастурий маҳсулотининг муаллифлик ҳуқуқини тасдиқловчи ҳужжат (патент). Бунда ҳужжат бошқа давлатдан олинган бўлса унинг манбаси кўрсатилади; 9. Виртуал касса ёки онлайн-НКМ дастурий маҳсулотига техник кўмаклашиш маркази томонидан берилган экспертиза хулосаси; 10. Онлайн-НКМга сертификатлаштириш органи томонидан берилган мувофиқлик сертификати. Илова: __ варақда.
_________________________________________ (юридик шахс мансабдор шахсининг Ф.И.О.)		_____________ (имзо)		_____________ (сана)

Почта манзили:______________________			Телефон рақами: ___________

Кейинги таҳрирга қаранг.

Вазирлар Маҳкамасининг 2019 йил 23 ноябрдаги 943-сон қарорига
5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Республикада савдо тушуми инкассация қилишини ва назорат-касса машиналаридан фойдаланишни тубдан яхшилаш чора-тадбирлари тўғрисида» 1997 йил 11 декабрдаги 548-сон қарорининг (Ўзбекистон Республикаси ҚТ, 1997 й., 11-12-сон, 39-модда) 1-банди қуйидаги таҳрирда баён қилинсин:

«1. Белгилансинки, нақд пул тушумига эга бўлган барча хўжалик юритувчи субъектлар нақд пул тушумини банкларга топширадилар. Бунда, базавий ҳисоблаш миқдорининг 20 бараваридан ортиқ миқдорда кунлик ўртача нақд пул тушумига эга бўлган хўжалик юритувчи субъектлар нақд пул тушумини банк кассаларига ҳар куни инкассация хизмати орқали ёки мустақил равишда топширадилар. Кўрсатилган ҳажмдан кам бўлган кунлик ўртача нақд пул тушумига эга бўлган ёки онлайн назорат-касса машиналаридан (ёхуд виртуал кассадан) фойдаланишга ўтган хўжалик юритувчи субъектлар нақд пул тушумини банк кассаларига инкассация хизматлари орқали ўзлари белгилайдиган даврларда ёки мустақил равишда топшириш ҳуқуқига эга.».

2. Вазирлар Маҳкамасининг «Истеъмол товарлари билан улгуржи ва чакана савдо қилишни тартибга солишга доир қўшимча чора-тадбирлар тўғрисида» 1999 йил 19 мартдаги 125-сон қарорининг (Ўзбекистон Республикаси ҚТ, 1999 й., 3-сон, 14-модда) 2-банди тўртинчи хатбоши қуйидаги таҳрирда баён қилинсин:

«юридик шахслар — истеъмол товарлари ишлаб чиқарувчилар ўзлари ишлаб чиқарган товарларни чакана сотишни ўз фирма дўконлари, шу жумладан, ишлаб чиқариш жойида ташкил этилган ўз фирма дўконлари ёки ўзларига тегишли бўлган ёхуд белгиланган тартибда ижарага олинган турғун савдо шаҳобчалари орқали, фақат белгиланган намуналардаги назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан, тўловларни пластик карточкалар бўйича қабул қилиш ҳисоб-китоб терминалларидан фойдаланган ҳолда амалга оширишлари мумкин».

Кейинги таҳрирга қаранг.

3. Вазирлар Маҳкамасининг «Нақд пул муомаласини мустаҳкамлаш ва тижорат банкларининг масъулиятини оширишга доир қўшимча чора-тадбирлар тўғрисида» 2001 йил 22 июндаги 264-сон қарори (Ўзбекистон Республикаси ҚТ, 2001 й., 6-сон, 31-модда) 3-бандининг иккинчи хатбоши қуйидаги таҳрирда баён қилинсин:

«белгиланган савдо қоидалари бузилган, назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланилмаган, тўловларни пластик карточкалар бўйича қабул қилиш терминаллари билан жиҳозлаш ва тўловни пластик карточкалардан фойдаланган ҳолда қабул қилишга доир белгиланган талаблар бузилган, шунингдек, нақд пул маблағлари банк кассаларига қонунчиликда белгиланган тартибда топширилмаган ҳолларда шаҳарлар ва туманлар ҳокимликлари солиқ органларининг тақдимномасига кўра чакана савдо учун берилган рухсатномаларнинг амал қилишини ўн иш кунидан ортиқ бўлмаган муддатга тўхтатиб қўяди ёхуд ўн иш кунидан ортиқ муддатга тўхтатиб қўйиш ёки рухсатномаларни бекор қилиш тўғрисида судга мурожаат қилади».

4. Вазирлар Маҳкамасининг «Пул маблағларининг банкдан ташқари муомаласини янада қисқартириш чора-тадбирлари тўғрисида» 2002 йил 5 августдаги 280-сон қарорида («Ўзбекистон Республикаси ҚТ, 2002 й., 8-сон, 46-модда):

а) 2-банднинг биринчи хатбоши қуйидаги таҳрирда баён қилинсин:

«Давлат солиқ хизмати органларининг мансабдор шахсларига Ўзбекистон Республикаси Президенти ҳузуридаги Тадбиркорлик субъектларининг ҳуқуқлари қонуний манфаатларини ҳимоя қилиш бўйича вакил билан келишган ҳолда улгуржи ва чакана савдода, умумий овқатланиш ва пулли хизматлар кўрсатиш соҳасида савдо ва нақд тушумни топшириш қоидаларига риоя қилинишини режадан ташқари тезкор текширишларни амалга ошириш ҳуқуқи берилсин».

б) 8-банддаги «назорат-касса машиналари мавжудлигига ва нақд пул маблағлари инкассация қилинишига (банкларга топширилишига)» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал касса мавжудлигига ва нақд пул маблағлари қонунчиликда белгиланган тартибда инкассация қилинишига (банкларга топширилишига)» сўзлари билан алмаштирилсин.

5. Вазирлар Маҳкамасининг 2002 йил 15 ноябрдаги 396-сон қарори билан тасдиқланган Лотереялар ташкил этиш ва ўтказиш тартиби тўғрисида низомнинг (Ўзбекистон Республикаси ҚТ, 2002 й., 21-сон, 173-модда) 2-банди олтинчи хатбошига «инкассация қилиш» сўзларидан кейин «(банкларга топшириш)» сўзлари қўшилсин.

Кейинги таҳрирга қаранг.

6. Вазирлар Маҳкамасининг 2002 йил 26 ноябрдаги 407-сон қарори билан тасдиқланган Улгуржи ва чакана савдо фаолиятини амалга ошириш тартиби тўғрисидаги низомнинг (Ўзбекистон Республикаси ҚТ, 2002 й., 11-сон, 71-модда) 19-банди бешинчи хатбоши қуйидаги таҳрирда баён қилинсин:

«Чакана савдо корхоналари (якка тартибдаги тадбиркорлар)га товарларни аҳолига ва хўжалик юритувчи субъектларга нақд пулда назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланган ҳолда ва ҳисоб-китобларнинг нақд пулсиз шаклида, шу жумладан, пластик карточкалардан тўловларни қабул қилиш бўйича ҳисоб-китоб терминалларидан фойдаланган ҳолда сотишга рухсат берилади».

7. Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларини) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорида (Ўзбекистон Республикаси ҚҲТ, 2003 й., 3-сон, 27-модда):

а) 1-иловада:

21-банднинг биринчи хатбоши қуйидаги таҳрирда баён этилсин:

«21. Товарлар учун харидорлар билан нақд пулли ҳисоб-китоблар назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар қўлланилган ҳолда амалга оширилади, Ўзбекистон Республикаси қонун ҳужжатларида назарда тутилган ҳоллар бундан мустасно. Савдо объекти раҳбари сотувчи-ходимни назорат-касса машиналарида (виртуал кассада) ишлаш қоидалари билан таништириши шарт»;

57-банд ва 187⁶-бандининг биринчи хатбошидаги «фискал хотирага эга бўлган назорат-касса машиналаридан» сўзлари «фискал хотирага эга бўлган назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан алмаштирилсин;

58-банднинг бешинчи хатбоши ва 189-банднинг ўн иккинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан алмаштирилсин;

103-банднинг биринчи хатбоши ва 118-банднинг учинчи хатбошидаги «назорат-касса машиналари» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

б) 2-иловада:

13-банд қуйидаги таҳрирда баён қилинсин:

«13. Истеъмолчилар билан нақд пулли ҳисоб-китоблар назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни қўллаган ҳолда амалга оширилади, Ўзбекистон Республикаси қонун ҳужжатларида назарда тутилган ҳоллар бундан мустасно. Умумий овқатланиш объекти раҳбари ходимни назорат-касса машиналарини (виртуал кассаларни) ишлатиш қоидалари билан таништириши шарт»;

14-банднинг учинчи хатбошидаги «назорат-касса машиналари» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

25-банднинг тўққизинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан алмаштирилсин.

8. Вазирлар Маҳкамасининг 2012 йил 28 мартдаги 89-сон қарори (Ўзбекистон Республикаси ҚТ, 2012 й., 14-сон, 151-модда) билан тасдиқланган Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномаси бериш тартиби тўғрисидаги низомда:

а) 2-банднинг учинчи хатбошига «фискал хотирага эга бўлган назорат-касса машинаси» сўзларидан кейин «қонун ҳужжатларида назарда тутилган ҳолларда эса онлайн назорат-касса машинаси ёки виртуал касса» сўзлари билан қўшилсин;

б) 18-банддаги «инкассация қилишдаги» сўзлари «инкассация қилиш (банкларга топшириш)даги» сўзлари билан алмаштирилсин.

Кейинги таҳрирга қаранг.

9. Вазирлар Маҳкамасининг «Бозорлар ва савдо комплекслари фаолиятини тартибга солишга доир қўшимча чора-тадбирлар тўғрисида» 2012 йил 28 августдаги 253-сон қарорида (Ўзбекистон Республикаси ҚТ, 2012 й., 35-сон, 403-модда):

а) 1-иловада:

20-банд қуйидаги таҳрирда баён қилинсин:

«20. Бозор ҳудудида савдони амалга оширишда фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни ва банк пластик карточкаларидан тўловларни қабул қилиш бўйича тўлов терминалларини қўллаш қонун ҳужжатлари билан тартибга солинади. Бир марталик йиғимлар, ижара тўловлари ва автоматлаштирилган ҳисобга олишнинг банк тизими орқали кўрсатиладиган хизматлар учун бериладиган чеклар назорат-касса машиналари ёки банк пластик карточкаларидан тўловларни қабул қилиб олиш бўйича тўлов терминалларининг чекларига тенглаштирилади.

Аҳоли билан пулли ҳисоб-китобларни амалга оширувчи хўжалик юритувчи субъектлар томонидан қўлланиладиган назорат-касса машиналари, виртуал кассалар ягона техник талабларга мувофиқ бўлиши керак ва белгиланган тартибда мажбурий сертификацияланиши зарур.

Сертификатга эга бўлмаган ёки белгиланган ягона техник талабларга жавоб бермайдиган назорат-касса машиналаридан ёки виртуал кассалардан фойдаланган ҳолда чек бериш айбдор шахсларни қонун ҳужжатларига мувофиқ жавобгарликка тортиш учун асос ҳисобланади»;

25-банднинг ўн иккинчи хатбоши, 41-банднинг учинчи хатбоши ва 42-банднинг биринчи хатбоши, 43-банд, 52-банднинг биринчи хатбошидаги «фискал хотирали назорат-касса машиналари» сўзлари «фискал хотирали назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

26-банднинг олтинчи хатбошидаги «ҳар куни» сўзлари «белгиланган тартибда» сўзлари билан алмаштирилсин;

42-бандга қуйидаги мазмундаги бешинчи хатбоши қўшилсин:

«Онлайн назорат-касса машинаси ёки виртуал кассадан фойдаланишга ўтган бозорлар томонидан сотувчиларга тақдим қилинган чекда бозорнинг номи, бозорнинг солиқ тўловчи идентификация рақами (СТИР), чек берилган вақт ва сана, тўловнинг номи (бир марталик йиғим тўлови), тўлов суммаси, ўрин рақами, сотиладиган товарнинг номи, шунингдек, QR-код ва фискал белги мажбурий тартибда акс эттирилади. Ушбу маълумотлар акс эттирилмаган чеклар ҳақиқий ҳисобланмайди»;

48-банднинг учинчи ва тўртинчи хатбошилари, 68-банднинг олтинчи хатбошидаги «фискал хотирали назорат-касса машиналарини» сўзлари «фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни» сўзлари билан алмаштирилсин;

б) 2-иловада:

17-банд қуйидаги таҳрирда баён қилинсин:

«17. Савдо комплекслари ҳудудидаги турғун савдо шаҳобчаларида савдони амалга оширишда фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни ва тўловларни банк пластик карточкаларидан қабул қилиш бўйича тўлов терминалларини қўллаш тартиби мажбурий ҳисобланади.

Аҳоли билан пулли ҳисоб-китобларни амалга оширувчи хўжалик юритувчи субъектлар томонидан қўлланиладиган назорат-касса машиналари, виртуал кассалар ягона техник талабларга мувофиқ бўлиши ва белгиланган тартибда мажбурий сертификатланиши керак.

21-банднинг тўртинчи хатбоши қуйидаги таҳрирда баён қилинсин:

«нақд тушумни қонун ҳужжатларида белгиланган тартибда банкка инкассация қилиш (топшириш)»;

23-банднинг олтинчи хатбошидаги «фискал хотирали назорат-касса машиналарини» сўзлари «фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни» сўзлари билан алмаштирилсин;

35-банднинг тўртинчи хатбоши, 36-банддаги «фискал хотирали назорат-касса машиналари» сўзлари «фискал хотирали назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

43-банднинг биринчи хатбошидаги «фискал хотирали назорат-касса машиналаридан» сўзлари «фискал хотирали назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан алмаштирилсин.

10. Вазирлар Маҳкамасининг 2013 йил 31 июлдаги 213-сон қарори (Ўзбекистон Республикаси ҚТ, 2013 й., 7-сон, 48-модда) билан тасдиқланган Автомототранспорт воситаларини доимий ва вақтинча сақлаш жойларини ташкил этиш ва улардан фойдаланиш тартиби тўғрисидаги низомнинг 15-банди қуйидаги таҳрирда баён қилинсин:

«15. Автомототранспорт воситаларини сақлаш хизматлари кўрсатувчи юридик шахслар фискал хотирага эга бўлган назорат-касса машинасига, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассага ва пластик карточкалардан тўловларни қабул қилиш бўйича ҳисоб-китоб терминалига эга бўлишлари керак».

11. Вазирлар Маҳкамасининг 2014 йил 20 январдаги 10-сон қарори (Ўзбекистон Республикаси ҚТ, 2014 й., 4-сон, 47-модда) билан билан тасдиқланган «Ўзбекистон Республикаси ҳудудида диний мазмундаги материалларни тайёрлаш, олиб кириш ва тарқатиш фаолиятини амалга ошириш тартиби тўғрисида»ги Низомнинг 14-банди қуйидаги таҳрирда баён қилинсин:

«14. Материалларни Ўзбекистон Республикаси ҳудудида тарқатиш юридик ва жисмоний шахслар томонидан турғун савдо шаҳобчалари орқали фискал хотирали назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал касса, тўлов терминалларини қўллаш ва пул тушумларини қонун ҳужжатларида белгиланган тартибда банкка инкассация қилиш (банкларга топшириш) йўли билан амалга оширилади».

Кейинги таҳрирга қаранг.

12. Вазирлар Маҳкамасининг 2016 йил 2 июндаги 185-сон қарори (Ўзбекистон Республикаси ҚТ, 2016 й., 23-сон, 266-модда) билан тасдиқланган Электрон тижоратни амалга ошириш қоидаларининг 48-банди биринчи ва иккинчи хатбошилари қуйидаги таҳрирда баён қилинсин:

«48. Электрон тижоратда тўловлар қуйидаги усулларда амалга оширилади:

нақд пул билан — назорат-касса машинасидан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланиш орқали нақд пул маблағлари қабул қилингани тўғрисида назорат-касса машинаси ёки виртуал касса чеки ёхуд бошқа тасдиқловчи ҳужжатни мажбуран тақдим этиш, шунингдек, белгиланган тартибда инкассация қоидаларига риоя этган ҳолда, олинган пулларни хизмат кўрсатувчи банкка топширишни таъминлаш».

13. Вазирлар Маҳкамасининг «Фармацевтика фаолиятини лицензиялаш тартибини янада такомиллаштириш чора-тадбирлари тўғрисида» 2017 йил 12 майдаги 284-сон қарорида (Ўзбекистон Республикаси ҚТ, 2017 й., 20-сон, 364-модда):

а) 2-иловага асосан тасдиқланган Дори воситалари ва тиббий буюмларни чакана реализация қилиш учун лицензия бериш бўйича ҳудудий комиссия тўғрисидаги низомнинг 7-банди еттинчи хатбошидаги «назорат-касса машиналари» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал касса» сўзлари билан алмаштирилсин;

б) 5-иловага асосан тасдиқланган Фармацевтика фаолиятини лицензиялашда ўзаро электрон ахборот алмашинуви схемаси 4-бандидаги «назорат-касса аппарати» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал касса» сўзлари билан алмаштирилсин.

Кейинги таҳрирга қаранг.

14. Вазирлар Маҳкамасининг 2019 йил 17 апрелдаги 320-сон қарори билан тасдиқланган Ўзбекистон Республикаси Давлат солиқ қўмитаси тўғрисидаги низомда:

а) 11-банд «д» кичик бандининг иккинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан, тўртинчи хатбошидаги «назорат-касса машиналарининг» сўзлари «назорат-касса машиналарининг, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларнинг» сўзлари билан, «инкассация қилиниши» сўзлари «инкассация қилиниши (банкларга топширилиши)» сўзлари билан алмаштирилсин;

б) 14-бандда:

12-кичик банддаги «назорат-касса машиналаридан» сўзлари «назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан, «инкассация қилиш» сўзлари «инкассация қилиш (банкларга топшириш)» сўзлари билан алмаштирилсин;

13-кичик банд қуйидаги таҳрирда баён қилинсин:

«13) солиқ назоратини амалга оширишда қонун ҳужжатларида белгиланган тартибда фискал хотирали назорат-касса машинасида, онлайн назорат-касса машиналари ёки виртуал кассаларда сақланаётган маълумотлардан фойдаланиш»;

34-кичик банддаги «назорат-касса машиналаридан» сўзлари «назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан, «инкассация қилиш» сўзлари «инкассация қилиш (банкларга топшириш)» сўзлари билан алмаштирилсин.

(Қонун ҳужжатлари маълумотлари миллий базаси, 23.11.2019 й., 09/19/943/4066-сон; 21.11.2020 й., 09/20/736/1529-сон; Қонунчилик маълумотлари миллий базаси, 29.04.2021 й., 09/21/249/0387; Қонунчилик маълумотлари миллий базаси, 21.05.2021 й., 09/21/322/0481-сон, 03.08.2021 й., 09/21/485/0747-сон; 22.09.2021 й., 09/21/595/0900-сон; 22.02.2022 й., 09/22/80/0154-сон; 26.02.2022 й., 09/22/88/0165-сон; 12.03.2022 й., 09/22/114/0209-сон; 14.04.2022 й., 09/22/180/0307-сон; 13.05.2022 й., 09/22/255/0412-сон; 22.08.2022 й., 09/22/471/0767-сон; 20.10.2023 й., 09/23/548/0786-сон; 10.01.2024 й., 07/24/13/0013-сон; 12.12.2024 й., 09/24/814/1019-сон; 24.12.2024 й., 09/24/847/1056-сон; 30.09.2025 й., 09/25/610/0882-сон; 23.01.2026 й., 09/26/23/0070-сон)