Ўзбекистон Республикаси Президентининг «Мактабгача таълим тизимини тубдан такомиллаштириш чора-тадбирлари тўғрисида» 2017 йил 9 сентябрдаги ПҚ-3261-сон қарорининг 3-бандига мувофиқ Тошкент шаҳрида жойлашган давлат мактабгача таълим муассасаларига тадбиркорлик субъектлари томонидан тайёр овқатларни етказиб бериш бўйича эксперимент ўтказилди.
Эксперимент жараёнида тарбияланувчиларнинг иштирок этган 3 358 нафар ота-онаси ўртасида ўтказилган сўровномалар натижаларига кўра, 2 921 нафар (87%) ота-оналар аутсорсерлар томонидан тайёрлаган таомларга ижобий баҳо берди.
Давлат мактабгача таълим муассасаларида тарбияланувчиларни соғлом овқатлантиришни ташкил этиш ишларини янада такомиллаштириш, белгиланган санитария қоидалари, нормалари ва гигиена нормативларига мувофиқ ҳолда овқатлантиришни ташкил этиш орқали болаларнинг соғлом ва баркамол ўсишини таъминлаш, соғлом овқатлантиришнинг замонавий усулларини жорий этган ҳолда таълим-тарбия сифати ва самарадорлигини ошириш учун кенг имкониятлар яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Мактабгача таълим тизимини тубдан такомиллаштириш чора-тадбирлари тўғрисида» 2017 йил 9 сентябрдаги ПҚ-3261-сон қарорига мувофиқ Тошкент шаҳридаги давлат мактабгача таълим муассасаларида тадбиркорлик субъектлари томонидан аутсорсинг усулида соғлом овқатлантиришни ташкил этиш бўйича ўтказилган эксперимент натижалари жамоатчилик ва ота-оналар томонидан ижобий баҳоланганлиги маълумот учун қабул қилинсин.
Давлат мактабгача таълим муассасаларида соғлом овқатлантиришни ташкил этиш тартиби тўғрисидаги низом 1-иловага мувофиқ;
Давлат мактабгача таълим муассасаларида аутсорсинг усулида соғлом овқатлантиришни ташкил этиш тартиби тўғрисидаги низом 2-иловага мувофиқ;
2019 — 2021 йилларда давлат мактабгача таълим муассасаларида соғлом овқатлантиришни ташкил этишни такомиллаштириш чора-тадбирлари режаси 3-иловага мувофиқ тасдиқлансин.
3. Белгилансинки, давлат мактабгача таълим муассасаларида аутсорсинг усулида соғлом овқатлантириш Ўзбекистон Республикаси Мактабгача таълим вазирлиги томонидан ўтказиладиган танлов натижаларига кўра ташкил қилинади.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармасининг сўрови бўйича озиқ-овқат маҳсулотларининг амалдаги ўртача бозор нархлари тўғрисидаги маълумотларни мунтазам равишда ўзларининг Интернет жаҳон ахборот тармоғидаги веб-сайтларида жойлаштирилиши ва тақдим этилишини таъминласинлар.
овқатлантириш аутсорсинг усулида ташкил этиладиган давлат мактабгача таълим муассасаларида аутсорсер томонидан овқатлантиришни ташкил этиш учун фойдаланиладиган коммунал хизматлар тўловлари мактабгача таълим муассасасига ажратилган Ўзбекистон Республикаси Давлат бюджети маблағлари доирасида қопланади;
давлат мактабгача таълим муассасасида овқатлантириш аутсорсинг усулида ташкил этилганда, ижара шартномаси доирасида аутсорсерга вақтинча фойдаланишга бериладиган ошхонанинг ишлаб чиқариш хоналари, асбоб-ускуналари, идиш-товоқлари ва мебелидан фойдаланганлик учун тўлов ноль ставка бўйича белгиланади;
овқатлантириш аутсорсинг усулида ташкил этилиши муносабати билан тежалган пул маблағлари, биринчи навбатда, давлат мактабгача таълим муассасалари тарбияланувчиларининг овқатланиш шарт-шароитларини яхшилашга йўналтирилади.
6. Ўзбекистон Республикаси Соғлиқни сақлаш вазирлиги:
мактабгача таълим муассасаларидаги озиқ-овқат маҳсулотлари ва тайёрланаётган таомлар, шунингдек, уларда фойдаланиладиган технологик жиҳозларнинг санитария қоидалари, нормалари ва гигиена нормативларига мослиги, ошхоналар ходимлари томонидан санитария-гигиена тадбирлари бажарилишига риоя этилишини аниқлаш юзасидан тасдиқланган жадвал асосида ҳар ойда санитария ҳолати ўрганиб борилишини ташкил этсин;
Мактабгача таълим вазирлиги ва Молия вазирлиги билан биргаликда мактабгача таълим муассасалари тарбияланувчиларини озиқ-овқат маҳсулотлари билан таъминлашни белгиловчи санитария қоидалари, нормалари ва гигиена нормативларини уч ой муддатда қайта кўриб чиқиб, зарур ҳолларда ўзгартириш киритиш чораларини кўрсин.
7. Ўзбекистон Республикаси Олий ва ўрта махсус таълим вазирлиги Иқтисодиёт ва саноат вазирлиги билан биргаликда 2019-2020 ўқув йилидан бошлаб, олий таълим муассасаларида тегишли йил учун тасдиқланган умумий квоталар доирасида «Умумий овқатланиш технологияси ва уни ташкил этиш» йўналиши бўйича талабни инобатга олган ҳолда олий маълумотли мутахассисларни тайёрлаш тизимини йўлга қўйсин.
8. Ўзбекистон Республикаси Мактабгача таълим вазирлиги:
мактабгача таълим муассасаларида тарбияланувчиларга истеъмол учун берилаётган таомлар сифати бўйича қатъий назоратни таъминласин;
Ўзбекистон Ошпазлар уюшмаси, Олий ва ўрта махсус таълим вазирлиги билан биргаликда давлат мактабгача таълим муассасалари томонидан овқатлантириш ташкил этилганда ошпазлар ва ошпаз ёрдамчиларининг ҳар уч йилда бир марта малакасини ошириш ишларини ташкил этсин;
Ўзбекистон Республикаси Соғлиқни сақлаш вазирлиги ҳамда Ўзбекистон Миллий телерадиокомпанияси билан биргаликда оммавий ахборот воситаларида мактабгача таълим муассасаларида тарбияланувчиларни соғлом овқатлантириш юзасидан тарғибот-ташвиқот ишларини олиб борсин.
9. Ўзбекистон Республикаси Молия вазирлиги Ўзбекистон Республикаси Давлат бюджети параметрларида ушбу қарорнинг амалга оширилиши учун зарур маблағларни назарда тутсин.
10. Ўзбекистон Республикаси Вазирлар Маҳкамасининг «Мактабгача таълим муассасаларининг фаолиятини такомиллаштириш тўғрисида» 2017 йил 19 июлдаги 528-сон қарори 1-банди ва 4-иловаси (Ўзбекистон Республикаси ҚҲТ, 2017 й., 30-сон, 732-модда) ўз кучини йўқотган деб ҳисоблансин.
11. Ўзбекистон Республикаси Мактабгача таълим вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси мактабгача таълим вазири А.В. Шин ва Ўзбекистон Республикаси соғлиқни сақлаш вазири А.Қ. Шадманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 25 июль,
626-сон
Вазирлар Маҳкамасининг 2019 йил 25 июлдаги 626-сон қарорига 1-ИЛОВА
Давлат мактабгача таълим муассасаларида соғлом овқатлантиришни ташкил этиш тартиби тўғрисида
2. Тарбияланувчиларнинг соғлом овқатланишини ташкил этиш мактабгача таълим муассасаларининг ошхоналарида (кейинги ўринларда ошхона деб аталади) санитария қоидалари, нормалари ва гигиена нормативларига мувофиқ шарт-шароитлар яратилган ҳолда амалга оширилади.
3. Мактабгача таълим муассасаларида соғлом овқатлантиришни ташкил этишнинг мақсади тарбияланувчиларнинг соғлом ва баркамол ўсишини таъминлаш, ошхоналарда сифатли таомлар тайёрлаш, таомларни истеъмол қилиш учун гигиеник талабларга мувофиқ шароитлар яратиш ҳисобланади.
5. Қуйидагилар мактабгача таълим муассасаларида соғлом овқатлантиришни ташкил этишга қўйиладиган асосий талаблар ҳисобланади:
тарбияланувчиларни соғлом овқатлантиришни аутсорсинг корхоналари жалб қилинмаган ҳолларда бевосита мактабгача таълим муассасалари томонидан ташкил этиш;
тарбияланувчиларни соғлом овқатлантиришни санитария-гигиена тадбирлари ва эпидемияга қарши тадбирлар бажарилишига қатъий риоя қилган ҳолда ташкил этиш;
ошпазлар томонидан таом тайёрлаш жараёнида технология ва техника хавфсизлиги қоидаларига амал қилиниши;
таом тайёрлаш, озиқ-овқат маҳсулотларини сифатли қабул қилиш, сақлаш учун зарур шароитлар яратиш;
таомномага мувофиқ маҳсулотлар тўлиқ етказилиши ва сарфланишини таъминлаш чораларини кўриш;
ошпазларнинг ҳар уч йилда бир марта малака ошириши, тиббий кўрикдан ўтган ҳолда ишга қўйилиши.
Тарбияланувчиларни соғлом овқатлантиришни ташкил этиш учун тегишли туман (шаҳар) ҳокимлари, туман (шаҳар) мактабгача таълим бўлимлари мудирлари ҳамда мактабгача таълим муассасалари раҳбарлари масъул ҳисобланади.
6. Ошхоналарда соғлом овқатлантириш тарбияланувчиларнинг физиологик ёшига мувофиқ равишда тузилган, ушбу Низомга 1-иловада келтирилган таомнома асосида ташкил этилади. Бунда:
туман (шаҳар) мактабгача таълим бўлимлари ҳамда давлат санитария-эпидемиология назорати марказлари томонидан ишлаб чиқилган намунавий таомномалар асосида ўн кунлик тахминий таомномалар олдиндан тузилади;
таомнома жорий кундаги тарбияланувчилар сонидан келиб чиқиб, кейинги иш куни учун соат 16.00 га қадар ҳамшира томонидан мактабгача таълим муассасаси ошпази ва омбор мудири ёки омборчи иштирокида тузилади;
таомнома асосида кейинги кун учун озиқ-овқат маҳсулотлари омбор мудири ёки омборчи томонидан ҳамшира ёки навбатчи тарбиячи иштирокида иш куни якунлангунга қадар ошхонага берилади;
таомнома бир кун олдинги тарбияланувчилар сонига мутаносиб равишда ҳар бир тарбияланувчи учун бир кунлик ўртача сарфланадиган озиқ-овқат маҳсулотлари миқдори ва уларнинг қиймати чиқарилган ҳолда икки нусхада тузилади;
жорий кунда эрталаб соат 9.00 га қадар мактабгача таълим муассасасига келган тарбияланувчилар сони таомномада назарда тутилган тарбияланувчилар сонидан 10 нафар ва ундан кўп бўлса, гуруҳ тарбиячиларининг тарбияланувчилар сони тўғрисидаги билдиришномалари асосида таомномага ўзгартириш киритилиши тўғрисида далолатнома тузилади ва санитария нормалари, қоидалари ва гигиена нормативларида белгиланган тартибда маҳсулотлар омборга қайтарилади ёки қўшимча ажратилади;
таомнома санитария қоидалари, нормалари ва гигиена нормативлари асосида тўғри тузилганлиги ҳамшира ва мактабгача таълим муассасаси раҳбари томонидан имзо билан тасдиқланади;
9. Мактабгача таълим муассасаси учун ҳар ўн кунлик таомномалар бланкалари ип ўтказиб боғланган ҳолда олдиндан рақамланади, туман (шаҳар) мактабгача таълим бўлими мудири ва бош ҳисобчи томонидан рақамланиб имзоланади, муҳрланади ва алоҳида дафтарда рўйхатдан ўтказилади.
11. Мактабгача таълим муассасаси ҳамшираси бракераж комиссиясининг раиси бўлиб, унинг таркибига тарбиячи, ошпаз, муассаса касаба уюшмаси қўмитаси раиси ва тарбияланувчиларнинг ота-оналари ёки уларнинг ўрнини босувчи шахслар (кейинги ўринларда ота-оналар деб аталади) вакиллари аъзо сифатида киритилади.
12. Бракераж комиссияси ошхонага қабул қилинадиган озиқ-овқат маҳсулотлари ва тайёрланаётган таомлар сифатини доимий равишда ўрганиб боради. Ўрганиш натижалари алоҳида юритиладиган, ушбу Низомга 2-иловага мувофиқ шаклдаги бракераж дафтарида қайд этилади.
15. Бракераж дафтарининг биринчи саҳифасида бракераж комиссиясини тасдиқлаш ҳақидаги буйруқдан кўчирма бўлиши, дафтар рақамланган, ип ўтказиб тикилган ва мактабгача таълим бўлими мудири томонидан унинг фамилияси, исми, отасининг исми ва сана кўрсатилган ҳолда имзоланиб, муҳрланган бўлиши лозим.
16. Мактабгача таълим муассасасида тарбияланувчиларни соғлом овқатлантиришни таъминлаш мақсадида ушбу Низомга 3-иловага мувофиқ шаклдаги сифати тез бузилувчи озиқ-овқат маҳсулотларини қайд этиш дафтари муассаса ҳамшираси томонидан юритилади.
Сифати тез бузилувчи озиқ-овқат маҳсулотларини қайд этиш дафтарида маҳсулотларнинг ишлаб чиқарилган вақти, мактабгача таълим муассасасига қабул қилинган вақти ва охирги ишлатиш муддати ҳақидаги маълумотлар қайд этиб борилади.
Дафтар рақамланган, ип ўтказиб тикилган ва мактабгача таълим муассасаси мудири томонидан унинг фамилияси, исми, отасининг исми ва сана кўрсатилган ҳолда имзоланиб, муҳрланган бўлиши лозим. Дафтарнинг биринчи саҳифасида тез бузилувчи маҳсулотларнинг сақланиш муддатлари ҳақидаги жадвал кўрсатилган бўлиши лозим.
17. Сифати тез бузилувчи озиқ-овқат маҳсулотларини қайд этиш дафтарининг юритилиши учун мактабгача таълим муассасаси мудири ва ҳамшира бевосита масъул ҳисобланади.
19. Олинган синама тоза идишга солиниб, идишнинг устки қисмига таомнинг номи, тайёрланган ва синама олинган вақти ёзилган ёрлиқ ёпиштирилган ҳолда, совутгич ёки бошқа синама сифатига таъсир қилмайдиган шароитда тўлиқ бир сутка сақланади.
20. Мактабгача таълим муассасасига таъминотчи корхоналар томонидан келтирилган озиқ-овқат маҳсулотлари бракераж комиссияси томонидан кўриб чиқилганидан кейин муассасанинг омбор мудири томонидан омборхонага қабул қилиб олинади.
24. Омборхонада сақланаётган озиқ-овқат маҳсулотларини қайд этиш дафтарида омборхонага келтирилган ва ошхонага топширилган озиқ-овқат маҳсулотлари номма-ном ёзиб борилади. Бунда ҳар бир озиқ-овқат маҳсулоти учун алоҳида варақ юритилади.
Омборхонада сақланаётган озиқ-овқат маҳсулотларининг қолдиғи ҳар куни белгилаб борилади.
25. Омборхонада сақланаётган озиқ-овқат маҳсулотларини қайд этиш дафтари рақамланган, ип ўтказиб тикилган ва мактабгача таълим бўлими мудири томонидан, унинг фамилияси, исми, отасининг исми ва сана кўрсатилган ҳолда имзоланиб, муҳрланган бўлиши лозим.
26. Мактабгача таълим муассасаларида санитария қоидалари, нормалари ва гигиена нормативларига нисбатан тарбияланувчиларнинг озиқ-овқат маҳсулотлари билан таъминланиш даражаси ойма-ой таҳлил қилиб борилади ҳамда чораклик таҳлил натижалари чорак якунланганидан кейинги ойнинг 5-кунига қадар мактабгача таълим туман (шаҳар) бўлимларига топширилади.
Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармаси томонидан мактабгача таълим муассасаларида тарбияланувчиларнинг озиқ-овқат билан таъминланиш даражаси тўғрисидаги умумлаштирилган ҳисоботлар чорак якунланганидан кейинги ойнинг 15-кунига қадар Ўзбекистон Республикаси Мактабгача таълим вазирлигига топширилади.
Ўзбекистон Республикаси Мактабгача таълим вазирлиги томонидан мактабгача таълим муассасаларида тарбияланувчиларнинг озиқ-овқат маҳсулотлари билан таъминланиш даражаси тўғрисидаги умумлаштирилган ҳисоботларни чорак якунланганидан кейинги ойнинг 25-кунига қадар ўрганиб чиқилади, ўрганиш натижасида аниқланган камчилик ва муаммоларни Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари билан ҳамкорликда бартараф этиш чоралари кўрилади.
27. Давлат мактабгача таълим муассасаларининг озиқ-овқат маҳсулотлари билан таъминланиш даражаси тўғрисидаги ҳисоботлар ушбу Низомга 5-иловада келтирилган схемага мувофиқ тарзда юритилади.
28. Тарбияланувчининг мактабгача таълим муассасасида бўлган даври учун бадал тўловлари белгиланган тартибда тарбияланувчиларни овқатлантиришни ташкил этишга йўналтирилади. Бунда санитария қоидалари, нормалари ва гигиена нормативларини тўлиқ бажариш учун ота-оналар тўловлари билан қопланмаган қисми Ўзбекистон Республикаси бюджети маблағлари ҳисобига қопланади.
29. Мактабгача таълим муассасасида тарбияланувчиларни овқатлантириш жисмоний ва юридик шахсларнинг ҳомийлик хайриялари ёки муассасанинг бюджетдан ташқари маблағлари ҳисобига ташкил этилган тақдирда, тарбияланувчилар учун белгиланган бир кунлик овқатланиш рациони санитария қоидалари, нормалари ва гигиена нормативларига мувофиқ белгиланган нормалардан ошмаслиги лозим.
30. Мактабгача таълим муассасаси ходимларининг ушбу муассасада овқатланиши мактабгача таълим муассасаси мудири билан ходим ўртасида тузилган шартномага мувофиқ тўлов асосида ташкил этилади.
Фаолияти болалар тарбияси билан узлуксиз равишда боғлиқ бўлган ходимлар (мудира, ҳамшира, тарбиячи ва ёрдамчи тарбиячи) шартнома асосида овқатланади.
тасарруфидаги мактабгача таълим муассасалари тарбияланувчиларини соғлом овқатлантиришни ташкил этишга ҳамда уларни сифатли озиқ-овқат маҳсулотлари билан узлуксиз таъминлаш ишларига умумий раҳбарлик қилади;
тарбияланувчининг муассасада бўлган даври учун муассаса ҳисоб-рақамига тушган бадал тўловлари ва давлат бюджетидан ажратилган маблағлар ҳисобига озиқ-овқат маҳсулотларини харид қилиш юзасидан шартномалар тузади;
харид қилиш учун тузилган шартномаларда озиқ-овқат маҳсулотлари мувофиқлик ва гигиеник сертификатлар асосида тасарруфидаги муассасага сифатли етказиб берилишини таъминлайди;
тарбияланувчиларни соғлом овқатлантириш санитария қоидалари, нормалари ва гигиена нормативларини тўлиқ таъминлаган ҳолда амалга оширилишига шахсан масъулдир.
Озиқ-овқат маҳсулотларини харид қилиш норматив-ҳуқуқий ҳужжатларда белгиланган тартибда амалга оширилади.
LexUZ шарҳи
Қаранг: Ўзбекистон Республикасининг «Давлат харидлари тўғрисида»ги Қонуни.
ота-оналар йиғилишларида тарбияланувчиларни соғлом овқатлантириш учун тайёрланаётган таомларнинг сифати, санитария қоидалари, нормалари ва гигиена нормативларида белгиланган озиқ-овқат маҳсулотлари билан таъминланиш даражаси тўғрисида ҳар чоракда бир марта ҳисобот бериб боради;
тарбияланувчиларни соғлом овқатлантиришни ташкил этиш даражасини баҳолаш мақсадида ҳар ярим йилда камида бир марта ота-оналар ўртасида сўровномалар ўтказади ва унинг натижаларини муҳокама қилиб боради;
таомномаларнинг хилма-хиллиги ва санитария қоидалари, нормалари ва гигиена нормативларига асосан тузилиши, ошхона ва омборхонанинг санитария қоидалари, нормалари ва гигиена нормативларига риоя қилган ҳолда фаолият юритишини назорат қилади;
озиқ-овқат маҳсулотларининг сифатини, сақланиш қоидаларига амал қилинишини ҳамда истеъмолга берилишини, тайёрланган таомлар сифатини, маҳсулотларнинг таомларни тайёрлашда тўғри тақсимланишини, таом вазнини ва сифатини, озиқ-овқат маҳсулотларининг белгиланган меъёрлар асосида сарфланишини таъминлайди;
тарбияланувчиларни овқатлантиришни мактабгача таълим муассасаси томонидан тасдиқланган кун тартибига асосан ташкил этади;
асосий озиқ-овқат маҳсулотларининг санитария қоидалари, нормалари ва гигиена нормативлари бўйича таъминланиши юзасидан ҳар ўн кунлик ҳисоботини юритади;
йиғма ҳисоботлардан келиб чиқиб, таомлар рационига киритилган озиқ-овқат маҳсулотларининг таркибий қисми ва энергетик қийматини доимий равишда таҳлил қилиб боради;
тайёр таомлардан синама олиш, уларнинг органолептик (ҳид билиш, таъм билиш, кўриш) усул асосида баҳоланишини ва журналга қайд этишни ҳамда таомлардан олинган синамалар талаб этилган даражада сақланишини таъминлайди;
39. Мактабгача таълим муассасаси ошпази энг камида 3-разрядли ошпаз даражасига оид махсус касбий маълумотга эга бўлиши зарур ва қуйидаги вазифаларни бажаради:
таомларни мактабгача таълим муассасасидаги таомнома асосида тайёрлаш технологиясига амал қилган ҳолда тайёрлайди;
тарбияланувчиларнинг ёшига мувофиқ тарзда таомларни порцияларга бўлади ва тарқатади;
кунлик таомномани тузишда иштирок этади;
озиқ-овқат маҳсулотларининг белгиланган тартибда сақланиши ва таомнома асосида тўғри сарфланишини таъминлайди;
таомларни тайёрлашда маҳсулотларга дастлабки ва иссиқлик ишлов беришни амалга оширади;
турли хилдаги озиқ-овқат маҳсулотларининг тавсифи ва биологик қийматини ўрганади ҳамда органолептик усул орқали уларнинг сифат кўрсаткичларини фарқлайди;
иссиқлик ишлов берувчи, вазн ўлчовчи, музлатгич ва бошқа жиҳозлардан фойдаланишда техника хавфсизлиги қоидаларига қатъий амал қилади;
ҳар уч йилда бир марта мактабгача таълим муассасаларида соғлом овқатлантиришни ташкил этиш бўйича малака оширади.
40. Мактабгача таълим муассасасининг озиқ-овқат маҳсулотлари омбор мудири (омборчи) энг камида ўрта махсус (бухгалтер, товаршунослик ёки озиқ-овқат технологияси мутахассислиги бўйича) маълумотга эга бўлиши зарур ва қуйидаги вазифаларни бажаради:
озиқ-овқат маҳсулотларини қабул қилишни ташкил этади, омборхонага жойлаштиради ва уларни сақлашда санитария қоидалари, нормалари ва гигиена нормативларига амал қилади;
кунлик таомномани тузишда иштирок этади;
озиқ-овқат маҳсулотларининг омборхонадаги қолдиқ миқдоридан келиб чиқиб, етказиб берувчиларга буюртмаларни шакллантиришда иштирок этади;
кунлик таомномада белгиланган барча турдаги озиқ-овқат маҳсулотларини ошхонага беради;
етказиб берувчилар томонидан топширилган озиқ-овқат маҳсулотларининг юкхатига мослигини текширади, уларнинг вазнини ўлчайди ва сифатини кўздан кечиради;
омборхонадаги озиқ-овқат маҳсулотларининг ҳисобини юритади, маҳсулотларни сифат тавсифига, фойдаланиш муддатларига амал қилган ҳолда сақлайди;
омборхонада сақланаётган озиқ-овқат маҳсулотларини қайд этиш дафтарини юритади;
ҳар уч йилда бир марта мактабгача таълим муассасаларида соғлом овқатланишни ташкил этиш бўйича малака оширади.
41. Мактабгача таълим муассасасида соғлом овқатлантиришни ташкил этишга масъул ходимларнинг малакасини ошириш Ўзбекистон Республикаси Мактабгача таълим вазирлиги томонидан ташкил этилади ҳамда Ўзбекистон Республикаси Соғлиқни сақлаш вазирлиги билан келишган ҳолда ишлаб чиқилган ўқув режаси ва дастури асосида амалга оширилади.
42. Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармаси, туман (шаҳар) мактабгача таълим бўлимлари мактабгача таълим муассасасида соғлом овқатлантиришни ташкил этиш мониторингини олиб боришда:
мактабгача таълим муассасасида соғлом овқатлантиришни ташкил этиш юзасидан доимий мониторинг олиб боради, жумладан, тарбияланувчиларнинг озиқ-овқат маҳсулотлари билан таъминланганлик даражасини таҳлил қилиб боради;
тегишли маҳаллий давлат ҳокимияти органларига ошхоналарнинг моддий-техник базасини мустаҳкамлаш бўйича таклифлар киритади;
ошхоналарда санитария қоидалари, нормалари ва гигиена нормативларига мувофиқ бўлмаган ҳолатларни зудлик билан бартараф этиш чораларини кўради.
43. Ҳудудий давлат санитария-эпидемиология назорати марказлари томонидан мактабгача таълим муассасалари ошхоналарида санитария қоидалари, нормалари ва гигиена нормативлари ҳамда санитария-гигиена ва эпидемияга қарши тадбирларнинг бажарилишига риоя қилиниши юзасидан назорат ишлари амалга оширилади.
Давлат мактабгача таълим ташкилотларида соғлом овқатлантиришни ташкил этиш тўғрисидаги низомга 2-ИЛОВА
Озиқ-овқат маҳсулотлари ва тайёрланаётган таомлар сифати ҳақидаги маълумотларни қайд этиш
БРАКЕРАЖ ДАФТАРИ
Тайёр таомнинг номи
Баҳоланиши
Синама олинган вақти
Тиббиёт ходимининг рухсати
Имзо
таомноманинг бажарилиши
сифати
овқат тайёрлаш технологиясига риоя қилинганлиги
20___ йил ____ ____________
Нонушта
Тушлик
Иккинчи тушлик
Кечки овқат
20___ йил ____ ____________
Нонушта
Тушлик
Иккинчи тушлик
Кечки овқат
Давлат мактабгача таълим ташкилотларида соғлом овқатлантиришни ташкил этиш тўғрисидаги низомга 3-ИЛОВА
Сифати тез бузилувчи озиқ-овқат маҳсулотларини қайд этиш
ДАФТАРИ
Т/р
Таъминотчи юридик шахснинг номланиши
Юкхати рақами, маҳсулотнинг келган вақти ва санаси
Сифати тез бузилувчи маҳсулотлар ва уларнинг миқдори
Сифати ҳақида маълумот
Ишлатиш муддатининг охирги санаси ва вақти
Имзо
1.
2.
3.
4.
5.
...
Давлат мактабгача таълим ташкилотларида соғлом овқатлантиришни ташкил этиш тўғрисидаги низомга 4-ИЛОВА
Омборхонада сақланаётган озиқ-овқат маҳсулотларини қайд этиш
ДАФТАРИ
(гўшт)
Сана
Ишончнома рақами
Юкхати рақами
Нархи
Кирим
Чиқим
Қолдиқ
(сут)
Сана
Ишончнома рақами
Юкхати рақами
Нархи
Кирим
Чиқим
Қолдиқ
(Ёғ)
Сана
Ишончнома рақами
Юкхати рақами
Нархи
Кирим
Чиқим
Қолдиқ
Давлат мактабгача таълим ташкилотларида соғлом овқатлантиришни ташкил этиш тўғрисидаги низомга 5-ИЛОВА
Давлат мактабгача таълим муассасаларининг озиқ-овқат маҳсулотлари билан таъминланиш даражаси тўғрисидаги ҳисоботларни юритиш
СХЕМАСИ
Босқичлар
Масъуллар
Тадбирлар
Муддати
1-босқич
Мактабгача таълим муассасаси
Санитария қоидалари, нормалари ва гигиена нормативларига асосан тарбияланувчиларнинг озиқ-овқат маҳсулотлари билан таъминланиш даражасини таҳлил қилиб бориш ҳамда чораклик таҳлил натижаларини мактабгача таълим туман (шаҳар) бўлимларига топшириш
Чорак якунланганидан кейинги ойнинг 5-кунига қадар
2-босқич
Туман (шаҳар) мактабгача таълим бўлимлари
Тарбияланувчиларнинг озиқ-овқат маҳсулотлари билан таъминланиш даражаси тўғрисидаги умумлаштирилган ҳисоботларни тегишлича Қорақалпоғистон Республикаси Мактабгача таълим вазирлигига, вилоятлар мактабгача таълим бошқармаларига ва Тошкент шаҳар мактабгача таълим бош бошқармасига тақдим этиш
Чорак якунланганидан кейинги ойнинг 10-кунига қадар
3-босқич
Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармаси
Чорак якунланганидан кейинги ойнинг 15-кунига қадар
4-босқич
Ўзбекистон Республикаси Мактабгача таълим вазирлиги
Мактабгача таълим муассасаларида тарбияланувчиларнинг озиқ-овқат маҳсулотлари билан таъминланиш даражаси тўғрисидаги умумлаштирилган ҳисоботларни ўрганиб чиқиш, ўрганиш натижасида аниқланган камчилик ва муаммоларни Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари билан ҳамкорликда бартараф этиш чораларини кўриш
Чорак якунланганидан кейинги ойнинг 25-кунига қадар
2. Давлат мактабгача таълим муассасаларида (кейинги ўринларда муассаса деб аталади) аутсорсинг усулида соғлом овқатлантиришни ташкил этиш санитария қоидалари, нормалари ва гигиена нормативларига мувофиқ шарт-шароитлар яратилган ҳолда амалга оширилади.
3. Ушбу Низом талаблари ташкилий-ҳуқуқий шаклидан қатъи назар барча турдаги давлат мактабгача таълим муассасаларида аутсорсинг усулида соғлом овқатлантиришни ташкил этиш бўйича хизмат кўрсатувчи маҳаллий ва хорижий тадбиркорлик субъектларига (кейинги ўринларда аутсорсер деб аталади) тааллуқли ҳисобланади.
Мактабгача таълим муассасаларида болаларни соғлом овқатлантиришнинг аутсорсинг усулини жорий этиш устувор ҳисобланади.
5. Аутсорсинг усулида соғлом овқатлантиришни ташкил этишнинг вазифалари қуйидагилардан иборат:
тарбияланувчиларнинг физиологик ёшига мувофиқ озиқ-овқат маҳсулотларига бўлган талабларини инобатга олган ҳолда, уларнинг рационал овқатланишини таъминлаш;
озиқ-овқат маҳсулотлари ва таомларни тарбияланувчиларнинг соғлом ўсишида муҳим аҳамиятга эга бўлган зарур моддалар билан таъминлаш;
озиқ-овқат маҳсулотлари ва таомларнинг хавфсизлиги ҳамда сифатини кафолатлаш;
тарбияланувчиларда овқатланиш билан боғлиқ юқумли касалликларнинг тарқалишига йўл қўймаслик;
тарбияланувчилар ўртасида тўғри овқатланиш кўникмаларини шакллантириш;
озиқ-овқат маҳсулотлари ва таомларни тайёрлашда ҳамда озиқ-овқат хом ашёсини сақлашда, ташишда санитария нормалари ва қоидаларига қатъий риоя қилиш.
3-боб. Аутсорсинг усулида соғлом овқатлантиришни ташкил этишга қўйиладиган асосий талаблар
6. Аутсорсинг усулида соғлом овқатлантириш Ўзбекистон Республикаси Соғлиқни сақлаш вазирлигининг санитария қоидалари, нормалари ва гигиена нормативларида белгиланган озиқ-овқат маҳсулотлари асосида амалга оширилади.
7. Тарбияланувчиларни соғлом овқатлантиришни ташкил этиш, белгиланган санитария қоидалари, нормалари ва гигиена нормативлари асосида аутсорсер томонидан тузилган, ҳудудий давлат санитария-эпидемиология маркази ва мактабгача таълим бўлимини хабардор қилган ҳолда бир ойлик таомномалар асосида ташкил қилинади.
8. Аутсорсер харид қилинаётган озиқ-овқат маҳсулотлари ва тайёрланаётган таомлар, фойдаланиладиган технологик жиҳозларнинг санитария қоидалари, нормалари ва гигиена нормативларига мослигини, ошхоналар ходимлари томонидан таом тайёрлаш технологияси қоидаларига риоя қилинишига, ошпазларнинг ҳар уч йилда бир марта малака оширишига, тиббий кўрикдан ўтган ҳолда ишга қўйилишига шахсан масъул ҳисобланади.
9. Муассаса ошпазларининг малакасини ошириш Ўзбекистон Республикаси Мактабгача таълим вазирлиги ва Соғлиқни сақлаш вазирлиги томонидан ишлаб чиқилган ўқув режаси ва дастури асосида ташкил этилади ҳамда аутсорсер томонидан молиялаштирилади.
4-боб. Аутсорсинг усулида соғлом овқатлантиришни ташкил этиш
10. Муассасада аутсорсинг усулида овқатлантириш «Давлат харидлари тўғрисида»ги Ўзбекистон Республикаси Қонунига мувофиқ таркиби тасдиқланадиган Танлов комиссияси (кейинги ўринларда Комиссия деб аталади) томонидан ўтказиладиган танлов асосида ташкил этилади.
11. Комиссия таркиби ушбу Низомга 1-иловага мувофиқ тарзда тузилади.
Вазирликлар ва идоралардан комиссия таркибига киритиладиган мутахассислар ва улар тўғрисидаги маълумотлар (Ф.И.О., лавозими, телефон рақами, электрон манзиллари) ҳар йили Мактабгача таълим вазирлигининг мурожаатига асосан 5 кун муддатда ажратилиши таъминланади.
12. Аутсорсинг усулида овқатлантиришни ташкил этиш бўйича таклифлар туман (шаҳар) мактабгача таълим бўлимлари (кейинги ўринларда ҳудудий мактабгача таълим бўлими деб аталади) томонидан ҳар чоракда бир маротаба (кейинги чорак биринчи ойининг 15-кунига қадар) тегишлилиги бўйича Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармасига (кейинги ўринларда ҳудудий бошқармалар деб аталади) тақдим этилади.
14. Муассасаларда тарбияланувчиларни аутсорсинг усулида соғлом овқатлантиришни ташкил этиш бўйича танлов Ўзбекистон Республикаси Мактабгача таълим вазирлиги томонидан (кейинги чорак иккинчи ойининг 25-кунига қадар) ошкоралик, маблағларнинг иқтисодий самарали сарфланиши тамойиллари асосида ўтказилади.
Танлов ўтказиш бўйича эълонлар Ўзбекистон Республикаси Мактабгача таълим вазирлигининг интернет жаҳон ахборот тармоғидаги расмий веб-сайтининг махсус бўлимига жойлаштирилади.
15. Аутсорсерлар учун қўйиладиган умумий талаблар Ўзбекистон Республикаси Мактабгача таълим вазирлиги томонидан тасдиқланади ва вазирликнинг интернет жаҳон ахборот тармоғидаги расмий веб-сайтининг махсус бўлимига жойлаштирилади.
16. Туман (шаҳар) мактабгача таълим бўлими (кейинги чоракнинг учинчи ойининг 5-кунига қадар) танловда ғолиб чиққан аутсорсер билан муассасаларда аутсорсинг усулида соғлом овқатлантиришни ташкил этиш хизматини кўрсатиш бўйича тегишли шартномаларни Ўзбекистон Республикаси Мактабгача таълим вазирлиги томонидан ишлаб чиқилган ва вазирликнинг интернет жаҳон ахборот тармоғидаги расмий веб-сайтининг махсус бўлимига жойлаштирилган намунавий шакл асосида тузади.
18. Комиссия аутсорсер фаолияти юзасидан алоҳида мониторинг олиб боради. Шунингдек, уларнинг фаолияти натижаларига кўра, Аутсорсерни «инсофли ижрочи» ёки «инсофсиз ижрочи» рўйхатига киритиш ҳуқуқига эга.
ижара шартномаси доирасида аутсорсерга вақтинча фойдаланишга бериладиган ошхонанинг ишлаб чиқариш хоналари, асбоб-ускуналари, идиш-товоқлари ва мебелидан фойдаланганлик учун тўловни ноль ставка бўйича олиш;
муассасалар ошхоналарида ўз фаолиятини санитария қоидалари, нормалари ва гигиена нормативларига мувофиқ амалга ошириш;
тарбияланувчиларни соғлом овқатлантириш хизматини муассаса ошхонасининг ўзида тўлиқ ва сифатли ташкил этиш;
юридик шахснинг давлат рўйхатидан ўтказилганлиги тўғрисидаги гувоҳнома нусхасини танлов комиссиясига тақдим этиш;
танловда қатнашиш учун ариза бериш кунидан камида бир ой олдин тегишли ташкилотлардан солиқ қарздорлиги, тўловлар, бошқа мажбурий тўловлар ва молиявий санкцияларнинг йўқлиги тўғрисида ёзма маълумотларни тақдим қилиш;
Ўзбекистон Республикаси Мактабгача таълим вазирлиги томонидан белгиланган техник вазифалар асосида аутсорсинг усулида муассасада соғлом овқатлантиришни ташкил этиш лойиҳасини ишлаб чиқиш ва тақдимотини ўтказиш;
21. Комиссия қарори асосида туман (шаҳар) мактабгача таълим бўлимлари билан аутсорсер ўртасидаги шартнома бир йилдан уч йилгача бўлган муддатга тузилади.
Бунда бир йиллик муддат барча аутсорсерларга, уч йиллик муддат эса муассаса ошхонасининг моддий-техник базасини мустаҳкамлаш учун замонавий жиҳозлар билан тўлдириш мақсадида инвестиция киритиш шарти билан мажбурият олган аутсорсерларга нисбатан қўлланилади.
22. Аутсорсер томонидан муассасаларда соғлом овқатлантиришни ташкил этиш бўйича узоқ муддатга режалаштирилган истиқболли лойиҳалар тақдим қилинганда, Комиссиянинг қарорига асосан туман (шаҳар) мактабгача таълим бўлимлари билан аутсорсер ўртасида беш йилгача муддатга шартномалар тузилиши мумкин.
23. Аутсорсерларга муассасаларнинг ишлаб чиқариш хоналари, асбоб-ускуналари, идиш-товоқлари ва мебелидан фойдаланганлик учун тўлов ноль ставка бўйича белгиланади ҳамда овқатлантиришни ташкил этиш учун истеъмол қилинадиган коммунал хизматлар қиймати мактабгача таълим муассасасига ажратилган Ўзбекистон Республикаси Давлат бюджети маблағлари доирасида қопланади.
24. Аутсорсинг усулида овқатлантириш ташкил этиладиган муассасаларда болаларни овқатлантиришни молиялаштириш ота-оналар тўлов пуллари, Ўзбекистон Республикаси Давлат бюджети маблағлари, ҳомийлик маблағлари, қонунчиликда тақиқланмаган бошқа манбалар ҳисобига амалга оширилади.
Бунда аутсорсинг усулида овқатлантириш ташкил этилган муассасадаги мавжуд ошпаз, ошхона ишчилари, омборчи штат бирликлари белгиланган тартибда қисқартирилади.
25. Аутсорсер томонидан тайёрлаб берилаётган таомлар сифати, вазни, таркибининг таомномага мувофиқлиги муассаса мудири, ҳамшира, ота-оналар вакилларидан иборат Бракераж комиссияси томонидан назорат қилинади ва назорат якунлари муассасанинг тайёр таомлар сифатини назорат қилиш бўйича юритилган ушбу Низомга 3-иловага мувофиқ шаклдаги бракераж дафтарида ҳар куни қайд қилиб борилади.
26. Билдирги асосида туман (шаҳар) мактабгача таълим бўлимлари Давлат мактабгача таълим муассасаларида аутсорсинг усулида овқатлантиришни ташкил этиш бўйича Танлов комиссияси билан келишган ҳолда, ишчи гуруҳ ташкил қилади ва аутсорсер фаолиятини ўрганиб чиқади ҳамда ўрганиш натижаларини Комиссияга тақдим этади.
27. Аутсорсер томонидан санитария қоидалари ва меъёрлари бажарилиши ҳолатининг мониторингини олиб бориш ҳамда кунлик синамалар олиш муассаса тиббиёт ходими зиммасига юкланади.
28. Тарбияланувчиларни овқатлантириш гуруҳларда ташкил этилганда, тайёр таомлар таомномада белгиланган миқдорларда ва санитария-гигиена талабларига мос равишда бўлишини таъминлашга муассаса раҳбари масъул ҳисобланади.
29. Аутсорсер томонидан соғлом овқатлантиришни ташкил этишда санитария қоидалари, нормалари ва гигиена нормативларига риоя этилиши, ошхона ходимларининг санитария-гигиена тадбирлари бажарилишини назорат қилиш туман (шаҳар) давлат санитария-гигиена назорати маркази томонидан амалга оширилади.
30. Таомнома режаси бир кун олдинги тарбияланувчилар сонига мутаносиб равишда, ҳар бир тарбияланувчи учун бир кунлик ўртача сарфланадиган озиқ-овқат маҳсулотлари миқдори ва уларнинг қиймати чиқарилган ҳолда аутсорсер томонидан бир кун олдин соат 16:00 гача тузилади.
31. Муассаса раҳбари томонидан жорий кундаги тарбияланувчилар сонидан келиб чиқиб, эрталаб соат 9:00 га қадар тасдиқланган буюртмада кўрсатилган болалар сонига кўра асосий таомнома аутсорсер томонидан ушбу Низомга 4-иловага мувофиқ шаклда уч нусхада тузилади.
Аутсорсер ҳар куни асосий таомноманинг бир нусхасини муассаса раҳбарига тақдим этади ва бир нусхасини туман (шаҳар) мактабгача таълим бўлимига ҳар ўн кунда ҳисобот билан топширади.
32. Таомномада тайёр таомлар вазни, нархи, сарфланган маҳсулотлар тури ва уларнинг миқдорлари кўрсатилади.
33. Муассасада тарбияланувчиларнинг хавфсиз овқатланишини таъминлаш мақсадида ушбу Низомга 5-иловага мувофиқ шаклдаги сифати тез бузилувчи озиқ-овқат маҳсулотларини қайд этиш дафтари аутсорсер томонидан юритилади.
34. Ошхона ва ошхона жиҳозларини таъмирлаш, ходимлар иш ҳақи, ошхона жиҳозлари, ошпазлар униформаси, ошхонада ишлатиладиган зарарсизлантирувчи ва ювиш воситалари билан таъминлаш ишлари аутсорсер томонидан амалга оширилади.
35. Аутсорсер ҳар ўн кунда тасдиқланган таомномалар нусхалари ва кўрсатилган хизматлар бўйича ҳисоб-фактура ҳужжатларини, муассаса раҳбари томонидан тасдиқланган буюртмани туман (шаҳар) мактабгача таълим бўлими марказлаштирилган бухгалтериясига тақдим этади.
Бунда аутсорсер барча харажатларни (солиқлар, ходимларнинг иш ҳақи, транспорт хизматлари ҳамда асбоб-ускуналарни таъмирлаш ва улардан фойдаланиш ва бошқаларни) ўз ичига оладиган 20 фоизгача устама ҳақ ҳисобга олинган ҳолда, амалдаги ўртача бозор нархлари бўйича бир овқатланувчига тегишли контингент учун овқатланишнинг тасдиқланган нормасидан келиб чиқади.
Амалдаги ўртача бозор нархлари ҳар ойда туман ва шаҳар ҳокимликлари томонидан аниқланиб, ҳокимнинг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари томонидан тасдиқланган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига тақдим қилинади.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари туман (шаҳар) ҳокимликлари томонидан тақдим қилинган нархларни таҳлил қилиб, ҳокимликнинг интернет жаҳон ахборот тармоғидаги расмий веб-сайтида жойлаштиради ҳамда тегишли ҳудудий мактабгача таълим бошқармасига тасдиқланган ҳолда тақдим этади.
36. Ҳисоботлар асосида туман (шаҳар) мактабгача таълим бўлимлари аутсорсерга кўрсатган хизматлари бўйича тегишли маблағларни жорий ойнинг 25-кунига қадар ўтказиб беришни таъминлайди. Бунда жорий ойнинг қолган кунлари учун маблағлар кейинги ой кунлари учун тўланадиган маблағларга қўшиб ўтказиб берилади.
37. Муассаса ходимларининг ушбу муассасада овқатланишини ташкил этиш аутсорсер билан ходим ўртасида тузилган шартномага мувофиқ тўлов асосида амалга оширилади.
Фаолияти болалар тарбияси билан узлуксиз равишда боғлиқ бўлган ходимлар (мудира, ҳамшира, тарбиячи ва ёрдамчи тарбиячи) шартнома асосида овқатланади.
39. Овқатлантириш нархлари овқатланган ходимлар сони, улар учун сарфланган таомлар миқдори ва қиймати орқали аниқланади ва ҳар бир ходимга тўлов пули белгиланади.
40. Ходимларнинг муассасада овқатланганлиги учун тўловлар ходимлар томонидан жорий ойнинг 25-кунидан кечиктирмай аутсорсерга тўлаб берилади.
ижара шартномаси доирасида аутсорсерга вақтинча фойдаланишга бериладиган ошхонанинг ишлаб чиқариш хоналари, асбоб-ускуналари, идиш-товоқлари ва мебеллардан фойдаланиш учун ноль ставкада топшириш;
Ўзбекистон Республикаси Мактабгача таълим вазирлигининг мактабгача таълим муассасаларида соғлом овқатлантиришни ташкил этиш бўлими бошлиғи
3.
Комиссия котиби
Ўзбекистон Республикаси Мактабгача таълим вазирлигининг мактабгача таълим муассасаларида соғлом овқатлантиришни ташкил этиш бўлими бош мутахассиси
4.
Комиссия аъзолари
Ўзбекистон Республикаси Мактабгача таълим вазирлигининг Юридик бошқармаси бошлиғи
5.
Ўзбекистон Республикаси Мактабгача таълим вазирлигининг Мактабгача таълим муассасалари фаолиятини ташкил этиш ва стратегик ривожлантириш бош бошқармаси бошлиғининг ўринбосари
6.
Ўзбекистон Республикаси Мактабгача таълим вазирлигининг Молиявий-иқтисодий ривожланишни режалаштириш бошқармаси бошлиғи
7.
Ўзбекистон Республикаси Мактабгача таълим вазирлигининг Мактабгача таълим муассасаларини жиҳозлаш бўлими бошлиғи
8.
Ўзбекистон Республикаси Мактабгача таълим вазирлигининг Мактабгача таълим муассасаларини жиҳозлаш бўлими бошлиғи
9.
Ўзбекистон Республикаси Мактабгача таълим вазирлигининг Махсус мактабгача таълим муассасалари фаолиятини мувофиқлаштириш, болаларни реабилитация қилиш ва соғлиғини таъминлаш бўлими бошлиғи
10.
Ўзбекистон Республикаси Мактабгача таълим вазирлигининг Мактабгача таълим муассасаларида соғлом овқатлантиришни ташкил этиш бўлими бош мутахассиси
11.
Ўзбекистон Республикаси Соғлиқни сақлаш вазирлигининг Давлат санитария-эпидемиология назорати маркази мутахассиси
12.
Ўзбекистон Ошпазлар уюшмаси мутахассиси
13.
Қорақалпоғистон Республикаси Мактабгача таълим вазирлиги, вилоятлар мактабгача таълим бошқармалари ва Тошкент шаҳар мактабгача таълим бош бошқармасининг мактабгача таълим муассасаларида соғлом овқатлантиришни ташкил этиш бўлимлари бошлиқлари (ўз ҳудудлари бўйича).
Изоҳ:
1. Комиссия аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки зиммасига тегишли функцияларни бажариш юкланган шахслар киритилади.
2. Заруратга кўра комиссия таркибига қўшимча мутахассислар жалб этилиши мумкин.
Давлат мактабгача таълим ташкилотларида аутсорсинг усулида соғлом овқатлантиришни ташкил этиш тартиби тўғрисидаги низомга 2-ИЛОВА
Аутсорсинг усулида овқатлантиришни ташкил этиш бўйича танловларни амалга ошириш
СХЕМАСИ
Босқичлар
Масъуллар
Тадбирлар
Муддати
1-босқич
Туман (шаҳар) мактабгача таълим бўлимлари
Аутсорсинг усулида овқатлантиришни ташкил этиш бўйича таклифларни ҳар чоракда бир маротаба ҳудудий бошқармаларга тақдим этиш
Кейинги чорак биринчи ойининг 15-кунига қадар
2-босқич
Қорақалпоғистон Республикаси мактабгача таълими вазирлиги, Тошкент шаҳар мактабгача таълим бош бошқармаси ва вилоятлар мактабгача таълими бошқармалари
Тушган таклифларни умумлаштириш ва Танлов комиссиясига тақдим этиш
Кейинги чорак биринчи ойининг 25-кунига қадар
3-босқич
Ўзбекистон Республикаси Мактабгача таълим вазирлиги
Муассасаларда тарбияланувчиларни аутсорсинг усулида соғлом овқатлантиришни ташкил этиш бўйича танловни ошкоралик, маблағларнинг иқтисодий самарали сарфланиши тамойиллари асосида ўтказиш
Кейинги чорак иккинчи ойининг 25-кунига қадар
4-босқич
Туман (шаҳар) мактабгача таълим бўлими
Танловда ғолиб чиққан аутсорсер билан муассасаларда аутсорсинг усулида соғлом овқатлантиришни ташкил этиш хизматини кўрсатиш бўйича тегишли шартномаларни Ўзбекистон Республикаси Мактабгача таълим вазирлиги томонидан ишлаб чиқилган ва вазирликнинг интернет жаҳон ахборот тармоғидаги расмий веб-сайтининг махсус бўлимига жойлаштирилган намунавий шакл асосида тузиш
Вазирлар Маҳкамасининг 2019 йил 25 июлдаги 626-сон қарорига 3-ИЛОВА
2019 — 2021 йилларда давлат мактабгача таълим муассасаларида соғлом овқатлантиришни ташкил этишни янада такомиллаштириш
ЧОРА-ТАДБИРЛАРИ РЕЖАСИ
Т/р
Тадбирлар номи
Амалга ошириш механизми
Амалга ошириш муддатлари
Масъул ижрочилар
I. Мактабгача таълим муассасаларида тарбияланувчиларни соғлом овқатлантиришнинг замонавий усулларини жорий этиш
1.
Мактабгача таълим муассасаларида аутсорсинг усулида соғлом овқатлантиришни ташкил этишни кенгайтириш.
1. Мактабгача таълим муассасаларида аутсорсинг усулида овқатлантиришни ташкил этиш режаларини туманлар бўйича ишлаб чиқиш.
2. Режа асосида мактабгача таълим муассасаларида аутсорсинг усулида овқатлантиришни ташкил этиш.
2019 йил июль-август
2019-2020
йиллар
Мактабгача таълим вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
2.
Болаларни овқатлантиришни ташкил этиш юзасидан чет эл тажрибасини ўрганиш бўйича хизмат сафарларини ташкил этиш.
1. Болаларни овқатлантиришни ташкил этиш юзасидан чет эл тажрибасини ўрганиш бўйича мутахассислар ишчи гуруҳини шакллантириш.
2. Болаларни овқатлантиришни ташкил этиш юзасидан чет эл тажрибасини ўрганиш бўйича хизмат сафарларига юбориш ва халқаро тажрибани ўрганиш натижалари юзасидан таклифлар киритиш.
2019 йил июль
2019-2020
йиллар
Мактабгача таълим вазирлиги, манфаатдор вазирлик ва идоралар
Мактабгача таълим вазирлиги, манфаатдор вазирликлар ва идоралар
II. Мактабгача таълим тизимида умумий овқатланиш технологияси ва уни ташкил этиш йўналиши бўйича кадрлар тайёрлаш сифатини ошириш, қайта тайёрлаш ва малакасини ошириш тизимини такомиллаштириш
3.
Умумий овқатланиш технологияси ва уни ташкил этиш йўналиши бўйича олий маълумотли мутахассисларни тайёрлаш ва қайта тайёрлашни йўлга қўйиш.
1. Умумий овқатланиш технологияси ва уни ташкил этиш йўналишида мутахассислар тайёрлаш бўйича республикадаги олий таълим муассасаларидан керакли шарт-шароитлари ва мутахассислари мавжуд олий таълим муассасаларини танлаш ва 2019-2020 ўқув йилидан ушбу йўналишларни очиш бўйича таклифларни Вазирлар Маҳкамасига киритиш.
2. 2019-2020 йилдан белгиланган олий таълим муассасаларида умумий овқатланиш технологияси ва уни ташкил этиш йўналиши бўйича олий маълумотли мутахассисларни тайёрлаш ва қайта тайёрлашни йўлга қўйиш.
2019 йил июль-август
2019-2020 ўқув йили
Олий ва ўрта махсус таълим вазирлиги,
Иқтисодиёт ва саноат вазирлиги
Олий ва ўрта махсус таълим вазирлиги
4.
Мактабгача таълим муассасалари ошхоналарида фаолият юритаётган ошпазларнинг соҳага оид махсус касбий маълумотга эга бўлишини таъминлаш.
Мактабгача таълим тизимида фаолият юритаётган ошпазларнинг касбий билимларини ошириш.
2019-2020 йиллар
Мактабгача таълим вазирлиги,
Ўзбекистон Ошпазлар уюшмаси
5.
Мактабгача таълим муассасалари ошхоналарида фаолият юритаётган ошпазларнинг 3 йилда бир марта болалар учун таомлар тайёрлаш технологияси қоидалари ва соғлом овқатлантиришни ташкил этиш бўйича малакасини ошириш.
Мактабгача таълим тизимида фаолият юритаётган ошпазларнинг малака оширишини ташкил этиш.
2019 — 2021
йиллар
Мактабгача таълим вазирлиги,
Ўзбекистон Ошпазлар уюшмаси
III. Мактабгача таълим муассасалари ошхоналарида санитария қоидалари, нормалари ва гигиена нормативларига мос шароитларни яратиш
2. Хатлов натижаларига кўра мактабгача таълим муассасалари ошхоналарида санитария қоидалари, нормалари ва гигиена нормативларига мос шароитларни яратиш.
2019-2020 йиллар
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
7.
Мактабгача таълим муассасаларининг ошхоналари фаолияти, харид қилинаётган озиқ-овқат маҳсулотлари ва тайёрланаётган таомлар, шунингдек, уларда фойдаланиладиган технологик жиҳозларнинг санитария қоидалари, нормалари ва гигиена нормативларига мослигини, ошхоналар ходимлари томонидан санитария-гигиена тадбирлари ва эпидемияга қарши тадбирлар бажарилишини таъминлаш.
1. Ҳар бир мактабгача таълим муассасасига туман (шаҳар) давлат санитария-эпидемиология марказлари ходимини буйруқ билан бириктириш ва ушбу ходимларни санитария-гигиена тадбирлари ва эпидемияга қарши тадбирлар бажарилишига масъул этиб белгилаш.
2. Мактабгача таълим муассасаларининг ошхоналари фаолияти харид қилинаётган озиқ-овқат маҳсулотлари ва тайёрланаётган таомлар, шунингдек, уларда фойдаланиладиган технологик жиҳозларнинг санитария қоидалари, нормалари ва гигиена нормативларига мослигини, ошхоналар ходимларининг санитария-гигиена тадбирлари ва эпидемияга қарши тадбирлар бажарилишига риоя этишини аниқлаш юзасидан тасдиқланган жадвал асосида ҳар ойда бир марта барча мактабгача таълим муассасаларида мониторинг ишларини ўтказиш бўйича тасдиқланган жадвал асосида ўрганишни ташкил этиш.
2019 йил июлдан
доимий
2019 йил июлдан доимий
Соғлиқни сақлаш вазирлиги
Соғлиқни сақлаш вазирлиги
IV. Мактабгача таълим муассасалари тарбияланувчиларининг соғлом овқатланишини ташкил этиш ишларини янада такомиллаштириш тадбирларини молиялаштириш
8.
Давлат мактабгача таълим муассасалари ошпазлари ва ошпаз ёрдамчилари лавозим маошларини уларнинг малака разрядларидан келиб чиқиб белгилаш тизимини жорий этиш.
1. Давлат мактабгача таълим муассасалари ошпазлари ва ошпаз ёрдамчиларига малака тоифалари бериш.
2. Давлат мактабгача таълим муассасалари ошпазлари ва ошпаз ёрдамчиларининг малака тоифалари бўйича лавозим маошларини белгилаш.
2019 йил
июль
2019 йил
август
Ўзбекистон Ошпазлар уюшмаси,
Мактабгача таълим вазирлиги,
Бандлик ва меҳнат муносабатлари вазирлиги, Молия вазирлиги
V. Мактабгача таълими муассасаларида соғлом овқатлантиришни ташкил этишга доир тарғибот-ташвиқот ишлари
9.
Мактабгача таълим муассасаларида соғлом овқатлантиришни ташкил этиш юзасидан кенг тарғибот-ташвиқот ишларини олиб бориш.
1. Тарбияланувчилар учун овқатлантиришни ташкил этишда таомларни тайёрлаш усуллари, уларни истеъмол қилишнинг ижобий таъсири, овқатланиш режими, овқатлантиришни ташкил этишни замонавий усулларини тарғиб қилиш.
2019 йил июлдан доимий
Мактабгача таълим вазирлиги,
Соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари
Тарбияланувчилар, педагог ходимлар, ота-оналарнинг соғлом овқатланиш қоидаларига амал қилиниши юзасидан билим ва кўникмаларини янада ривожлантириш бўйича давра суҳбатлари ўтказиш.
Тарбияланувчилар, педагог ходимлар, ота-оналар ўртасида соғлом овқатланиш қоидаларига амал қилиниши юзасидан давра суҳбатлари ўтказиш.
LexUZ шарҳи