Ўзбекистон Республикаси Вазирлар Маҳкамасининг 2000 йил 2 октябрдаги 378-55-сон қарорига мувофиқ Вазирлар Маҳкамаси қарор қилади:

Угом-Чотқол Давлат миллий табиат боғи тўғрисидаги низом 1-иловага мувофиқ;

Чотқол Давлат биосфера қўриқхонаси тўғрисидаги низом 2-иловага мувофиқ;

Оҳангарон ўрмон хўжалиги корхонасининг устави 3-иловага мувофиқ;

Бурчмулла ўрмон хўжалиги корхонасининг устави 4-иловага мувофиқ;

Угом-Чотқол Давлат миллий табиат боғи ва Чотқол Давлат биосфера қўриқхонаси, Оҳангарон ва Бурчмулла ўрмон хўжалиги корхоналари ходимларига иш ҳақи тўлаш тартиби 5-иловага мувофиқ тасдиқлансин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Т.Х.Холтоев зиммасига юклансин.

1. Угом-Чотқол Давлат миллий табиат боғи (кейинги ўринларда «Миллий боғи» деб юритилади) Тошкент вилоятининг табиатни муҳофаза қилиш, рекреацион, маърифий, илмий ва маданий мақсадларда фойдаланишга мўлжалланган ҳамда алоҳида экологик тарихий ва эстетик аҳамиятга эга бўлган табиий объектларини сақлаб қолиш мақсадида ташкил этилган.

2. Миллий боғ Бурчмулла ва Чирчиқ ўрмон хўжаликларининг ўрмон фонди ерларида ташкил этилган ҳамда ЎзССР Министрлар Советининг 1990 йил 30 июлдаги 270-сон қарори билан белгиланган чегараларда бошқа ер эгалари ва ердан фойдаланувчиларнинг ерларини ҳам ўз ичига олади.

Ўзбекистон Республикаси Вазирлар Маҳкамасининг 2000 йил 2 октябрдаги 378-55-сон қарори билан миллий боғ вилоят бошқармасига тенглаштирилган, Чотқол Давлат биосфера қўриқхонаси, Оҳангарон ва Бурчмулла ўрмон хўжаликлари унинг бўйсунишига киритилган.

3. Миллий боғ Тошкент вилояти ҳокимлиги ихтиёрида, юридик шахс ҳуқуқига эга бўлган давлат табиатни муҳофаза қилиш муассасаси ҳисобланади, банкларда ҳисоб рақамларига, Ўзбекистон Республикаси Давлат герби тасвири туширилган муҳрга ва ўз номи ёзилган штампларга эга.

4. Миллий боғ ўз фаолиятини «Алоҳида муҳофаза этиладиган табиий ҳудудлар тўғрисида», «Табиатни муҳофаза қилиш тўғрисида», «Ўрмон тўғрисида»ги Ўзбекистон Республикаси қонунлари ҳамда бошқа қонун ҳужжатлари, Тошкент вилояти ҳокимининг қарорлари ва мазкур Низом асосида ўз ҳудудида жойлашган бошқа ер эгалари ва ердан фойдаланувчилар билан ўзаро муносабатлар орқали амалга оширади.

Миллий боғ «Ўзбекистон Республикасининг Давлат чегараси тўғрисида» ва «Терроризмга қарши кураш тўғрисида» ги Ўзбекистон Республикаси қонунларига мувофиқ ўзига қарашли ҳудудларга бандитлар тўдалари кириб келиши ва жойлашиб олишининг олдини олиш бўйича қўриқлаш ва режим ишларини Давлат чегараларини ҳимоя қилувчи қўмита, Ички ишлар вазирлиги, Миллий хавфсизлик хизмати ва Мудофаа вазирлигининг ҳудудий органлари ва бўлинмалари билан ўзаро ҳамкорликда олиб боради.

5. Миллий боғ ўзига бўйсунувчи тузилмалар томонидан Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом талабларига мувофиқ олдига қўйилган вазифалар бажарилишини таъминлайди.

6. Миллий боғ ва унга қарашли корхоналар ходимларининг қуролли хизмат қилиши, қуролни сақлаш, бериш ва қўллаш тартиби қонун ҳужжатлари билан белгиланади.

7. Миллий боғнинг давлат тилидаги тўлиқ номи: «Угом-Чотқол Давлат миллий табиат боғи», рус тилида «Угам-Чаткальский государственный национальный природный парк».

Почта манзили: Тошкент вилояти, Бўстонлиқ тумани, Ғазалкент шаҳри, Э. Асанов кўчаси, 75.

8. Қуйидагилар миллий боғнинг асосий вазифалари ҳисобланади:

рекреацион, маърифий ва илмий мақсадларда фойдаланиш учун табиий комплекслар ва тарихий-маданий мерос сақланишини таъминловчи режимни сақлаб туриш;

бузилган табиий комплексларни тиклаш;

қишлоқ хўжалиги, саноат ишлаб чиқариши ва бошқа фаолиятда ресурсларни тежовчи, экологик тоза технологиялар жорий этилишига кўмаклашиш;

илмий тадқиқотлар ўтказиш, табиатни муҳофаза қилиш ва табиатдан оқилона фойдаланиш соҳасида илмий кадрлар ва мутахассислар тайёрлашга кўмаклашиш ва уларни тайёрлаш;

ўзига қарашли ўрмон хўжаликлари ва қўриқхонада шаклланган табиий комплексларни, жонсиз табиат ёдгорликлари, сув объектларини сақлаш;

ландшафтлар, ўсимлик ва ҳайвонот дунёсининг эталон ва нодир участкаларини сақлаш;

табиий ресурсларнинг ҳолатини ҳисобга олиш ва баҳолаш, ўзига қарашли ҳудудда табиатни муҳофаза қилиш фаолиятининг асосий йўналишларини белгилаш, ҳудудий экологик дастурларни тасдиқлаш;

ўрмон фондидан ва вилоятнинг бошқа табиий ресурсларидан, шунингдек ўз ҳудудидаги мавжуд ресурсларидан оқилона фойдаланилишини таъминлаш;

овчилик хўжаликлари устидан давлат бошқаруви ва назорати, Давлат табиатни муҳофаза қилиш қўмитаси томонидан тасдиқланган ва белгиланган квоталарга мувофиқ ов қилишга рухсатнома бериш, Тошкент вилоятининг ўзига қарашли ўрмон фонди ҳудудида ов қилиш қоидалари, нормалари ва муддатларига риоя этилишини таъминлаш;

айрим фуқаролар, барча ер эгалари ва ердан фойдаланувчилар, ўрмон фонди ҳудудида жойлашган корхоналар, ташкилотлар томонидан табиатни муҳофаза қилиш ҳақидаги қонун ҳужжатлари, табиатдан фойдаланиш нормалари ва қоидаларига риоя этилиши устидан самарали назоратни таъминлаш;

табиатни муҳофаза қилиш фаолияти, экологик назорат ва ўрмон тузилиши масалалари бўйича ўзига қарашли объектларнинг Давлат табиатни муҳофаза қилиш қўмитаси, Қишлоқ ва сув хўжалиги вазирлиги ҳузуридаги Ўрмон хўжалиги бош бошқармаси билан самарали ўзаро ҳамкорлигини ташкил этиш;

вилоятнинг чегарадош туманларида хавфсизликни таъминлаш тизимини такомиллаштириш, ҳудудни ишончли қўриқлаш ва ҳимоя қилиш бўйича таклифлар ишлаб чиқиш;

Ички ишлар вазирлиги, Миллий хавфсизлик хизмати, Давлат чегараларини ҳимоя қилувчи қўмита билан биргаликда ўзига қарашли корхоналарда кадрларни танлаш ва уларни жой-жойига қўйиш;

вилоят ўрмон фонди ҳудудида қўриқлашни ташкил этиш ва режим-қўриқлаш тадбирларини ўтказиш, шунингдек Ўзбекистон Республикаси Давлат чегараларини ҳимоя қилувчи қўмитанинг таклифлари бўйича профилактика ва чегара полосаларини ўрмон дарахтлари ва чангалзорлардан тозалаш;

диверсиячи-террористик гуруҳларни ўз вақтида аниқлаш мақсадида ўрмон фонди ҳудудида ҳарбийлаштирилган тузилмалар бўлинмалари билан ўзаро ҳамкорликда жиноятчилик намоён бўлиши белгилари ва фактлари тўғрисида чегара қўшинларини, ички ишлар бўлинмалари ва органларини тезкор хабардор қилиш, бандитлар тўдаларини йўқ қилиш бўйича самарали тезкор-қидирув фаолияти ўтказилишига кўмаклашиш;

чегара қўшинларига ҳужум қилиш хавфи пайдо бўлганда, қуролли тузилмалар ўрмон хўжалиги корхоналари жавобгарлиги остидаги зона доирасида Давлат чегараси орқали ёриб ўтишга уринган ҳолларда чегара қўшинларини мавжуд кучлар ва воситалар билан кучайтириш;

ўзига қарашли корхоналарнинг лавозим йўриқномалари ва бошқа норматив ҳужжатларини тасдиқлаш;

туризм ва дам олишни ривожлантириш учун шарт-шароитлар яратиш;

экологик билимларни тарғиб қилиш, мутахассислар тайёрлашда ва табиатдан оқилона фойдаланишда кўмаклишиш, миллий боғ ҳудудида яшовчи аҳоли билан экологик маърифат ишларини олиб бориш.

9. Миллий боққа Тошкент вилояти ҳокими томонидан тайинланадиган ҳамда миллий боғ ва унга қарашли корхоналар фаолияти учун тўлиқ жавоб берадиган бош директор бошчилик қилади.

10. Миллий боғнинг бош директори мазкур Низомга асосан иш кўради ҳамда боғ, ўрмон хўжаликлари ва қўриқхона фаолиятига раҳбарлик қилишга доир бутун ишни олиб боради.

Қонунда белгиланган тартибда миллий боғнинг маблағлари ва мол-мулкини тасарруф этади, боғ, қўриқхона, ўрмонлар ва мол-мулк қўриқланиши, ҳисоботлар ўз вақтида тақдим этилиши, смета, молия, шартнома ва меҳнат интизомига риоя этилиши учун жавоб беради.

11. Миллий боғнинг бош директорига қуйидагилар юкланади:

миллий боғ ходимларининг лавозим йўриқномаларини ишлаб чиқиш (вазифаларни тақсимлаш) ҳамда ўрмон хўжаликлари ва қўриқхона ходимларининг лавозим йўриқномаларини тасдиқлаш;

ўрмон хўжаликлари, қўриқхона директорларини вилоят ҳокимлиги билан келишган ҳолда тайинлаш;

ўрмон хўжаликлари ва қўриқхона директорлари ўринбосарлари, бош бухгалтерларининг тайинланишини ва уларнинг ишдан бўшатилишини келишиб олиш;

миллий боғда, ўрмон хўжаликлари ва қўриқхонада ўрмон хўжалиги тадбирлари ва бошқа тадбирлари бажарилиши ташкил этилишини назорат қилиш;

миллий боғнинг мол-мулки, асбоб-ускуналари, моддий ва бошқа бойликлари қўриқланишини ташкил этиш;

миллий боғ ходимларини белгиланган тартибда ишга қабул қилиш ва ишдан бўшатиш;

шартномалар тузиш;

миллий боғ номидан банк муассасаларида молиявий ва пул операцияларини содир этиш;

давлат органлари, судлар ва бошқа ташкилотларда миллий боғ, ўрмон хўжаликлари ва қўриқхона манфаатларини ифодалаш.

12. Бош директорнинг биринчи ўринбосари — бош ўрмончи миллий боғда барча ишлаб чиқариш ишлари тўғри ташкил этилиши ва олиб борилиши, ўрмонлар ҳисоби, давлат ўрмон кадастри юритилиши, техника хавфсизлиги қоидаларига риоя этилиши, илғор тажриба жорий этилиши, механизмлардан зарур даражада фойдаланилиши, ўрмонлар, ўсимлик ва ҳайвонот дунёсини қўриқлашнинг белгиланган тадбирлари ташкил этилиши ва ўтказилиши учун жавоб беради.

13. Миллий боғ бош директорининг режим ва ўрмон фондини қўриқлаш бўйича ўринбосари қуйидагилар учун жавоб беради:

режим-қўриқлаш тадбирларини ўтказиш, кадрларни тўғри танлаш ва жой-жойига қўйиш, миллий боғ, ўрмон хўжаликлари, қўриқхона инспекторлари ишини, профилактика ва чегара полосасини ўрмон дарахтлари ва чангалзорлардан тозалашни ташкил этиш;

қурол-яроғ, ўқ-дорилар сақланишини ва уларнинг тўғри қўлланилишини, формали кийим-бош, алоқа воситалари, махсус анжомлар ва бошқалар сақланишини таъминлаш;

ўрмонлар, қўриқхона сақланишини ташкил этиш ва назорат қилиш, айбдорларни жавобгарликка тортиш учун миллий боғ ҳудудидаги ҳуқуқбузарликлар тўғрисидаги материалларни белгиланган тартибда тегишли органларга бериш.

14. Миллий боғ бош директорининг ўринбосарлари бош директорнинг тақдимномаси бўйича белгиланган талабларга мувофиқ Тошкент вилояти ҳокими томонидан тайинланади.

15. Миллий боғ инспекторлари қуйидаги ҳуқуқларга эгадир:

хавфсизликни таъминлаш ва атроф муҳитни сақлаш мақсадида миллий боғ, ўрмон хўжаликлари ва қўриқхона ҳудудида фуқаролар ва транспорт воситаларини текшириш ва қараб чиқиш;

боғ ҳудудида қоидани бузиш ҳоллари аниқланган тақдирда маъмурий ҳуқуқбузарликлар тўғрисида баённомалар тузиш;

миллий боғ, ўрмон хўжаликлари ва қўриқхона ҳудудида шубҳали шахслар аниқланган тақдирда Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом асосида иш кўради.

16. Миллий боғ ҳудудида табиий комплексларнинг ҳолати ва сақланишига, ландшафт хусусиятига, бошқа омилларга боғлиқ равишда қўриқлаш ва фойдаланишнинг турли хил режими ўрнатилади.

Ушбуга мувофиқ қуйидаги функционал зоналар белгиланади:

ғарбий зона — Чотқол давлат биосфера қўриқхонаси ҳудудини ўз ичига олади. Қўриқхонанинг фаолият кўрсатиши алоҳида низом билан тартибга солинади;

чегара зонаси ва чегара полосаси — Ўзбекистон Республикаси ҳудудида чегара режими тўғрисидаги низом билан тартибга солинади;

бошқариладиган рекреацион ва хўжалик мақсадида фойдаланиладиган табиий ва тикланадиган ландшафтлар зонаси. Ушбу зонада бузилган табиий комплекслар, табиат, тарих, маданият давлат ёдгорликлари сақланиши ва тикланиши, туризм ва экскурсиялар ташкил этилиши учун шарт-шароитлар таъминланади, табиатга зарар етказмаган ҳолда хўжалик фаолияти амалга оширилади;

дам олиш зоналари, пансионатлар, болалар соғломлаштириш комплекслари, туристик базалар, санаторийлар ҳудудларидан иборат фаол рекреация зонаси. Ушбу ҳудуднинг сақланиши муҳандислик қурилмаларининг юксак даражаси ва зарур табиатни муҳофаза қилиш тадбирлари бажарилиши билан таъминланади.

17. Миллий боғ ҳудудида ажратиб кўрсатилган зоналарга боғлиқ равишда қуйидагилар тақиқланади:

дарахт кесиш (дарахтларни санитария ва парвариш қилиш учун кесишдан ташқари);

экологик хавф туғдирувчи корхоналар фаолияти;

тупроқ эрозиясини, шунингдек ўсимлик ва ҳайвонот дунёси деградациясини келтириб чиқарувчи хатти-ҳаракатлар;

кўниктириш мақсадида жонли организмларни кўчирма қилиш;

ушбу мақсадларга мўлжалланмаган саноат, хўжалиги объектлари ва турар жой объектлари қуриш;

фойдали қазилма бойликлар қазиш, тупроқ қатламини бузиш ва тоғ жинсларини очиш. Қидирув ишларининг ушбу барча турлари боғ раҳбариятининг рухсатномаси бўйича олиб борилиши мумкин;

ишлаб чиқариш, Кимё ва радиоактив чиқиндиларни кўмиш, заҳарли химикатлар омборларини жойлаштириш ва молларини кўмиш;

механизациялаштирилган транспорт воситаларининг ҳаракати ва тўхтаб туриш жойи, шунингдек йўллардан ташқарида ва умумий фойдаланиладиган йўлларда ҳамда ушбу жойлар учун махсус назарда тутилган жойлардан ташқарида молларни ҳайдаб ўтиш;

спортчиларнинг оммавий тўхташ жойлари ташкил этиш, чодирлар қуриш, мўлжалланмаган жойлардан ташқарида гулхан ёқиш;

саноат мақсадида балиқ овлаш, Белдорсой овчилик хўжалиги ва Оҳангарон туманининг Шоввозсой участкасидан ташқарида ов қилиш, ҳайвонларни йўқ қилиш ва тутиш, ўсимликлар ва ҳайвонларнинг ҳаёт кечириш шароитларини бузиш, коллекциялар тўплаш;

фаолиятнинг боғнинг табиий комплексларини бузувчи ёки унинг ҳудудида табиий ва маданий аҳамияти пасайишига олиб келувчи бошқа турлари.

18. Миллий боғни қўриқлаш инспекторлар томонидан амалга оширилади, улар Ўзбекистон Республикаси табиатни қўриқлаш давлат инспекторларининг барча ҳуқуқ ва имтиёзларидан фойдаланадилар.

Инспекторлар ягона намунадаги формали кийим-бош ва фарқлаш белгилари билан таъминланади, табель қурол-яроғни сақлаш ва олиб юриш белгиланган тартибда амалга оширилади.

Миллий боғ фаолияти устидан давлат назоратини Ўзбекистон Республикаси Давлат табиатни муҳофаза қилиш қўмитаси органлари ўз ваколатига кирувчи масалалар доирасида амалга оширади.

19. Миллий боғ режимини бузишда айбдор бўлган шахслар Ўзбекистон Республикаси қонун ҳужжатларига мувофиқ белгиланган тартибда жавобгарликка тортилади.

20. Айбдор шахслардан миллий боққа етказилган зарар қонун ҳужжатларида белгиланган тартибда ва миқдорларда ундириб олинади.

21. Давлат табиатни муҳофаза қилиш қўмитасининг ходимлари, инспекторлари ҳамда халқаро дастурлар бўйича ишловчи мутахассислар илмий-тадқиқот ишларини олиб бориш, табиатни муҳофаза қилиш қонунчилигини ва миллий боғ режимини назорат қилиш учун миллий боғ раҳбариятини хабардор қилган ва махсус журналда рўйхатдан ўтказилган ҳолда хизмат гувоҳномалари бўйича миллий боғ ҳудудига тўсиқсиз кириш ҳуқуқига эгадирлар.

Чегара полосасига кирувчи зонага кириш белгиланган қоидаларга мувофиқ Ички ишлар вазирлиги ва Давлат чегараларини ҳимоя қилувчи қўмита органларининг рухсати билан амалга оширилади.

22. Миллий боғни маблағ билан таъминлаш:

бюджетдан ажратиладиган маблағлар;

рекреацион, табиатни муҳофаза қилиш, хўжалик, реклама-ноширлик, маърифатпарварлик фаолиятидан, экологик туризмдан, Ўзбекистон Республикасининг амалдаги қонун ҳужжатларига ва мазкур Низомга зид бўлмаган бошқа фаолиятдан олинган даромадлар;

миллий боғга етказилган зарар ундирилиши ҳисобига тушадиган тушумлар;

белгиланган тартибда ундириб олинадиган жарима суммалари тушумларидан;

овлаш ва балиқчилик қуроллари мусодара қилиниши ва улар сотилишидан тушган маблағлар;

беғараз ёрдам ва хайрия мақсадларида давлат, жамоат ташкилотлари, корхоналар, муассасалар ва алоҳида фуқаролардан тушувчи, шунингдек ов қилиш ва табиатдан фойдаланишга рухсатномалар берилганлиги учун тушувчи маблағлар ҳисобига амалга оширилади.

23. Кўзда тутилмаган ишларни бажариш учун боғ табиатни қўриқлашнинг махсус жамғармаси ташкил этилади. Жамғарма Тошкент вилоятининг маҳаллий бюджети томонидан ажратиладиган маблағлардан ташқари барча молиявий тушумлар суммасининг 5 фоизи унга ажратилиши ҳисобига ташкил этилади.

24. Миллий боғ Ўзбекистон Республикасининг амалдаги қонунчилигига мувофиқ фаолиятни амалга оширишга доир ҳисоб ва ҳисобот юритади.

25. Миллий боғ ўрмон хўжаликлари ва қўриқхона фаолияти устидан назоратни амалга оширади.

26. Миллий боғ қонун ҳужжатларида белгиланган тартибда тугатилади ва қайта ташкил этилади.

1.Чотқол Давлат биосфера қўриқхонаси (кейинги ўринларда «Қўриқхона» деб юритилади) табиатни муҳофаза қилиш илмий-тадқиқот муассасаси ҳисобланади.

Қўриқхона ғарбий Тянь-шанда Тошкент вилоятининг Бўстонлиқ ва Паркент маъмурий туманлари ҳудудида жойлашган.

2. Қўриқхона ЎзССР Министрлар Советининг 1947 йил 20 декабрдаги 2020-сон қарорига биноан ташкил этилган.

Халқаро мувофиқлаштирувчи консилиумнинг IX сессиясида, 1986 йил 24-25 апрелдаги 16732-сон протоколга мувофиқ Қўриқхонага биосфера қўриқхонаси мақоми берилган.

Ўзбекистон Республикаси Вазирлар Маҳкамасининг 2000 йил 2 октябрдаги 378-55-сон қарори билан қўриқхона Угом-Чотқол Давлат миллий табиат боғи таркибига киритилган.

3. Қўриқхона ўз фаолиятини «Алоҳида муҳофаза этиладиган табиий ҳудудлар тўғрисида», «Табиатни муҳофаза қилиш тўғрисида» ги Ўзбекистон Республикаси қонунлари ва бошқа қонун ҳужжатлари, Тошкент вилояти ҳокимининг қарорлари ва мазкур Низом асосида амалга оширади.

4. Қўриқхона ерлари табиатни муҳофаза қилиш мақсадидаги ерларга тегишлидир. Қўриқхона ерларида уларнинг мақсадли вазифасига зид бўлган фаолият тақиқланади, ер, сув, ер ости бойликлари, ўсимлик ва ҳайвонот дунёси қўриқхона муҳофазаси остидадир.

Қўриқхона ҳудуди режалар ва дастурларни, ер тузиш схемалари ва район режалаштиришни, табиий ресурслардан фойдаланиш ва уларни қўриқлаш бўйича бошқа режаларни ишлаб чиқишда ҳисобга олинади. Қўриқхона ҳудуди истисно ҳолларида, Ўзбекистон Республикасининг қонун ҳужжатларида белгиланган тартибда ўзгартирилиши мумкин.

5. Қўриқхона ҳудуди ғарбий Тянь-шаннинг табиий жараёнлари ва ҳодисаларини кузатиш ва улардан фойдаланиш, уларнинг замонавий ҳолатини ўрганиш, улар ўзгаришини прогнозлаштириш ва минтақада табиий ресурслардан барқарор фойдаланишга доир тавсиялар бериш учун муҳим давлат объекти ҳисобланади.

6. Қўриқхона Тошкент вилояти ҳокимлиги ихтиёридадир, Угом-Чотқол Давлат миллий табиат боғи бевосита қўриқхонани бошқаради. Қўриқхона юридик шахс ҳисобланади, давлат бюджетида туради, банкларда ҳисоб рақамларига, Ўзбекистон Республикаси Давлат герби тасвири туширилган муҳрга ва ўз номи ёзилган штампга эга.

7. «Ўзбекистон Республикасининг Давлат чегараси тўғрисида» ва «Терроризмга қарши кураш тўғрисида» ги Ўзбекистон Республикаси қонунларига мувофиқ ўзига қарашли ҳудудларга бандитлар тўдалари кириб келиши ва жойлашиб олишининг олдини олиш бўйича қўриқлаш ва режим ишларини қўриқхона Давлат чегараларини ҳимоя қилувчи қўмита, Ички ишлар вазирлиги, Миллий хавфсизлик хизмати ва Мудофаа вазирлигининг ҳудудий органлари ва бўлинмалари билан ўзаро ҳамкорликда олиб боради.

Қўриқхона Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги Низом талабларига мувофиқ олдига қўйилган вазифалар бажарилишини таъминлайди.

8. Қўриқхона ходимларининг қуролли хизмат қилиши, қуролни сақлаш, бериш ва қўллаш тартиби қонун ҳужжатлари билан белгиланади.

9. Қўриқхонанинг давлат тилидаги номи: «Чотқол Давлат биосфера қўриқхонаси» рус тилида «Чаткальский государственный биосферный заповедник».

Почта манзили: Тошкент вилояти, Паркент шаҳри, М. Мирсаидов кўчаси, 1.

10. Ғарбий Тяншаннинг типик ва нодир табиий комплексларини ва биологик ранг-баранглигини сақлаб қолиш ва ўрганиш, табиий жараёнлар мониторингини амалга ошириш, табиатни муҳофаза қилишнинг ва барқарор ривожлантиришнинг илмий асосларини ишлаб чиқиш ва жорий этиш қўриқхонанинг мақсадлари ҳисобланади.

11. Қўриқхонага қуйидаги вазифаларни бажариш юкланади:

асосий зонада муҳофаза остига олинган бутун табиий комплексни табиий ҳолатда сақлаш ҳамда буфер ва оралиқ зоналарда белгиланган режимга риоя қилиш;

фундаментал ва Амалий илмий-тадқиқот ишлари олиб бориш;

амалга оширилиши қўриқхона зоналарига салбий таъсир кўрсатиши мумкин бўлган хўжалик объектлари ва бошқа объектларни жойлаштириш лойиҳалари ва схемаларини давлат экология экспертизаси ўтказишда қатнашиш;

табиатни муҳофаза қилиш соҳасида илмий ходимлар ва мутахассислар тайёрлашга кўмаклашиш;

экологик билимларни тарғиб қилиш;

глобал экологик мониторингда қатнашиш;

барқарор ривожлантириш йўллари ва усулларини ишлаб чиқиш;

Ўзбекистон Республикаси ва бошқа давлатларнинг тегишли илмий-тадқиқот ташкилотлари томонидан амалга оширилаётган илмий-тадқиқотларни ташкил этиш ва мувофиқлаштириш;

ўқитишни ташкил этиш ва намойиш қилувчи лойиҳалар барпо этиш йўли билан барқарор ривожлантириш усулларини жорий этиш.

12. Директор ва унинг ўринбосарлари қўриқхонага бевосита раҳбарлик қилади.

13. Қўриқхона директори Тошкент вилояти ҳокимлиги билан келишган ҳолда Угом-Чотқол миллий табиат боғи бош директорининг буйруғи билан тайинланади.

14. Директор ўринбосари, инспекция бошлиғи ва бош бухгалтер Угом-Чотқол Давлат миллий табиат боғининг бош директори билан келишган ҳолда қўриқхона директорининг буйруғи билан лавозимга тайинланади ва лавозимдан бўшатилади, директорнинг фан бўйича ўринбосари эса Ўзбекистон Республикаси Давлат табиатни муҳофаза қилиш қўмитаси билан келишган ҳолда лавозимга тайинланади ва лавозимдан бўшатилади.

15. Қўриқхона таркибига маъмурий-хўжалик қисми, илмий бўлим ва табиий ҳудудларни қўриқлаш бўйича махсус инспекция киради.

16. Қўриқхона директори мазкур Низом асосида иш кўради ва қўриқхона фаолиятига раҳбарлик қилади ҳамда қўриқхона маблағлари ва мол-мулкини қонунда белгиланган тартибда тасарруф этади, ўрмонлар ва мол-мулк қўриқланиши, ҳисоботлар ўз вақтида тақдим этилиши, қўриқхонада смета, молия, шартнома ва меҳнат интизомига риоя этилиши учун жавоб беради.

17. Қўриқхона директорига қуйидагилар юкланади:

Угом-Чотқол Давлат миллий табиат боғининг бош директори томонидан тасдиқланадиган қўриқхона ходимларининг лавозим йўриқномаларини ишлаб чиқиш (вазифаларни тақсимлаш);

илмий-тадқиқот тадбирлари ва бошқа тадбирлар бажарилишини ташкил этиш;

мол-мулк, асбоб-ускуналар, қўриқхонанинг моддий ва бошқа бойликлари қўриқланишини ташкил этиш;

белгиланган тартибда қўриқхона ходимларини ишга қабул қилиш ва ишдан бўшатиш;

шартномалар тузиш;

банк муассасаларида қўриқхона номидан барча молиявий ва пул операцияларини содир этиш;

ўрмонлар, ҳайвонот ва ўсимликлар дунёси қўриқланишини ташкил этиш, айбдорларни белгиланган тартибда жавобгарликка тортиш учун материалларни текшириш ва уларни белгиланган тартибда ҳуқуқни муҳофаза қилиш органларига бериш, шунингдек қўриқхона ҳудудида ҳуқуқни бузиш ҳоллари бўйича ўз ваколатлари доирасида қарорлар қабул қилиш;

қурол-яроғ, ўқ-дорилар сақланиши ва улар тўғри қўлланилишини, формали кийим-бош, алоқа воситалари, махсус анжомлар ва бошқалар сақланишини таъминлаш;

давлат, суд муассасалари ва жамоат ташкилотларида қўриқхона манфаатларини ифодалаш.

18. Қўриқхона директорининг фан бўйича ўринбосари барча илмий-тадқиқот фаолияти тўғри ташкил этилиши ва ўтказилиши, белгиланган талабларга риоя этилиши учун жавоб беради.

19. Қўриқхонанинг илмий-тадқиқот фаолияти табиатда кечаётган жараёнларнинг кўп йиллик турғун комплекс тадқиқотларини амалга ошириш ва ушбу жараёнларни ўрганиш, табиий комплекснинг алоҳида қисмлари ўртасидаги ўзаро алоқаларни аниқлаш, биосферанинг фон ҳолати ўзгаришини ўрганиш ва уни назорат қилиш, қўриқхонанинг табиий комплекслари, ўсимликлар ва ҳайвонларнинг нодир ва йўқолиб бораётган турлари сақланишининг илмий асосларини ишлаб чиқиш, шунингдек ғарбий Тянь-Шаннинг табиий ресурсларидан оқилона фойдаланишга доир тавсиялар бериш йўли билан амалга оширилади.

20. Қўриқхонанинг илмий-тадқиқот иши Ўзбекистон Республикаси Давлат табиатни муҳофаза қилиш қўмитаси томонидан тасдиқланган Давлат қўриқхоналарида илмий-тадқиқот ишлари олиб бориш тартиби тўғрисидаги йўриқномага мувофиқ ўтказилади. Табиат Йилномаси бўйича ишлар олиб бориш мажбурий ҳисобланади, халқаро лойиҳалар эса белгиланган тартибда тасдиқланадиган режалар бўйича амалга оширилади.

21. Қўриқхона илмий-тадқиқот ишлари олиб бориш учун илмий фондлар омборхонасига, қўриқхона ҳудудида дала базаларига ва кордонларга эга бўлиши керак. Қўриқхонанинг илмий фондлари доимий сақланади.

22. Қўриқхонада олиб бориладиган илмий-тадқиқотларга методик раҳбарлик қилиш ва уларни мувофиқлаштириш Ўзбекистон Республикаси Фанлар академияси томонидан амалга оширилади.

23. Қўриқхонада Илмий кенгаш таъсис этилади. Илмий кенгаш фаолияти тўғрисидаги низом ва унинг шахсий таркиби Тошкент вилояти ҳокимлиги билан келишган ҳолда Ўзбекистон Республикаси Давлат табиатни муҳофаза қилиш қўмитаси томонидан тасдиқланади.

24. Қўриқхона ўз илмий асарларини эълон қилиш ҳуқуқига эгадир.

25. Қўриқхонанинг асосий ва буфер зоналарида муайян режимлар жорий этилади. Қўриқхона инспекцияси ушбу зоналарни қўриқлайди ва режимга риоя қилинишини назорат қилади. Қўриқхона инспекцияси Ўзбекистон Республикаси Давлат табиатни муҳофаза қилиш қўмитаси томонидан тасдиқланадиган Давлат қўриқхоналарида махсус инспекция иши бўйича йўриқномага мувофиқ иш кўради.

26. Қўриқхона инспекторлари қуйидаги ҳуқуқларга эгадир:

атроф муҳит хавфсизлигини таъминлаш ва сақлаш мақсадида қўриқхона ҳудудида фуқаролар ва транспорт воситаларини текшириш ва назоратдан ўтказиш;

қоида бузишлар аниқланган тақдирда қўриқхонанинг ўсимлик ва ҳайвонот дунёсига етказилган зарар учун жарима ундириш мақсадида протоколлар тузиш;

қўриқхона ҳудудида шубҳали шахслар аниқланган тақдирда Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом асосида иш кўриш.

27. Қўриқхонанинг асосий зонаси ҳудудида хўжалик фаолияти қатъиян тақиқланади. Қўриқхона раҳбариятининг рухсати Билан:

одамлар ва ҳайвонлар учун умумий бўлган хавфли касалликларнинг олдини олиш учун зарур ветеринария чора-тадбирлари;

зарур ёнғинга қарши ва санитария чора-тадбирлари;

илмий-тадқиқотлар ўтказилади.

28. Буфер зона ҳудудида хўжалик фаолияти тақиқланади. Қўриқхона раҳбариятининг рухсатномаси бўйича Давлат табиатни муҳофаза қилиш қўмитаси билан келишган ҳолда:

атроф ҳудудлардаги табиий комплекслар ўзгаришининг олдини олиш бўйича тиклаш тадбирлари амалга оширилади;

илмий-тадқиқотлар олиб борилади;

ўсимликлар ва ҳайвонларнинг нодир турлари питомниклари ташкил этилади;

одамлар ва ҳайвонлар учун умумий бўлган хавфли касалликларнинг олдини олиш учун зарур ветеринария чора-тадбирлари кўрилади;

зарур ёнғинга қарши ва санитария чора-тадбирлари кўрилади;

қўриқхона асосий вазифаларини бажариш учун унга зарур бўлган иморатлар белгиланган тартибда қурилади.

29. Қўриқхона ҳудудида қўриқхона ходимлари ҳисобланмаган фуқароларнинг ёки қўриқхона тасарруфига қарайдиган органлар ходимларининг бўлишига ушбу органлар ёки қўриқхона маъмуриятининг рухсатномалари мавжуд бўлган тақдирда йўл қўйилади.

30. Қўриқхона режими бузилишида айбдор бўлган юридик ва жисмоний шахслар белгиланган тартибда жавобгарликка тортилади.

Айбдор шахслардан қўриқхонага етказилган зарар қонун ҳужжатларида белгиланган тартибда ва миқдорларда ундирилади.

31. Давлат табиатни муҳофаза қилиш қўмитасининг ходимлари, инспекторлари ҳамда халқаро дастурлар бўйича ишловчи мутахассислар илмий-тадқиқот ишлари олиб бориш, табиатни муҳофаза қилиш қонунчилигини ва қўриқхона режимини назорат қилиш учун қўриқхона раҳбариятини хабардор қилган ва махсус журналда рўйхатдан ўтказилган ҳолда хизмат гувоҳномалари бўйича қўриқхона ҳудудига тўсиқсиз кириш ҳуқуқига эгадирлар.

Чегара полосасига кирувчи зонага кириш белгиланган қоидаларга мувофиқ Ички ишлар вазирлиги органларининг ва Давлат чегараларини ҳимоя қилувчи қўмитанинг рухсати билан амалга оширилади.

32. Қуйидагилар қўриқхонани маблағ билан таъминлаш манбалари ҳисобланади:

бюджетдан ажратиладиган маблағлар;

илмий, табиатни муҳофаза қилиш, реклама-ноширлик ва маърифатпарварлик фаолиятидан тушган даромадлар;

қўриқхонага етказилган зарар ундирилиши ҳисобига тушадиган тушумлар;

белгиланган тартибда ундирилиб олинадиган жарима суммалари тушумлари;

овлаш ва балиқчилик қуроллари мусодара қилиниши ва улар сотилишидан тушган маблағлар;

беғараз ёрдам ва хайрия мақсадларида давлат, жамоат ташкилотлари, корхоналар, муассасалар ва алоҳида фуқаролардан тушувчи, шунингдек табиатдан фойдаланишга рухсатномалар берилганлиги учун тушувчи маблағлар;

юридик ва жисмоний шахслардан беғараз ёрдам тариқасида тушган тушумлар.

33. Қўриқхона юқори турувчи ташкилот томонидан тасдиқланадиган харажатлар сметаларига мувофиқ маблағларни мустақил тасарруф этади.

34. Қўриқхона Ўзбекистон Республикасининг амалдаги қонун ҳужжатларига мувофиқ фаолиятни амалга оширишга доир ҳисоб ва ҳисобот юритади.

35. Қўриқхона фаолиятини юқори турувчи ташкилот назорат қилади.

36. Қўриқхона қонун ҳужжатларида белгиланган тартибда тугатилади ва қайта ташкил этилади.

1. Оҳангарон ўрмон хўжалиги корхонаси (кейинги ўринларда «ўрмон хўжалиги» деб юритилади) давлат аҳамиятига эга бўлган ўрмонларда ўрмон хўжалигини юритувчи корхона ҳисобланади.

Ўрмон хўжалиги юридик шахс ҳисобланади, алоҳида мол-мулкига эга ва ўз номидан мулкий ва шахсий ва шахсий номулкий ҳуқуқларни сотиб олиши ва амалга ошириш, судда даъвогар ва жавобгар бўлиши мумкин.

2. Ўрмон хўжалиги белгиланган тартибда хўжалик ҳисобидаги фаолиятни амалга оширади, халқ истеъмол товарлари ишлаб чиқариш ва сотишни, ёрдамчи қишлоқ хўжалиги ҳамда ўрмондан қўшимча равишда фойдаланиш маҳсулотларини сотишни ташкил этади, шартномалар бўйича кўкаламзорлаштириш ишларини бажаради.

Ўрмон хўжалиги Тошкент вилояти ҳокимлиги ихтиёрига қарайди, уни бевосита Угом-Чотқол Давлат миллий табиат боғи бошқаради.

3. Ўрмон хўжалиги ўз фаолиятини «Ўрмон тўғрисида» ги Ўзбекистон Республикаси Қонунига, бошқа қонун ҳужжатларига, Тошкент вилояти ҳокимлигининг фармойишлари ва қарорларига, Угом-Чотқол Давлат миллий табиат боғи буйруқларига ва мазкур Уставга мувофиқ амалга оширади.

«Ўзбекистон Республикасининг давлат чегараси тўғрисида», «Терроризмга қарши кураш тўғрисида» ги Ўзбекистон Республикаси қонунларига мувофиқ ўзига қарашли ҳудудларга бандитлар тўдалари кириб келиши ва жойлашиб олишининг олдини олиш бўйича қўриқлаш ва режим ишларини Давлат чегараларини ҳимоя қилувчи қўмита, Ички ишлар вазирлиги, Миллий хавфсизлик хизмати ва Мудофаа вазирлигининг ҳудудий органлари ва бўлинмалари билан ўзаро ҳамкорликда олиб боради.

4. Ўрмон хўжалиги олдига қўйилган вазифалар Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом талабларига мувофиқ бажарилишини таъминлайди.

Ўрмон хўжалиги ходимларининг қуролли хизмат қилиши, қуролни сақлаш, бериш ва қўллаш тартиби қонун ҳужжатлари билан белгиланади.

5. Ўрмон хўжалиги банкларда ҳисоб рақамларига, ўз номи ёзилган муҳр ва штампга эгадир.

6. Ўрмон хўжалигининг давлат тилидаги тўлиқ номи: «Оҳангарон ўрмон хўжалиги корхонаси», рус тилида: «Ахангаранское лесохозяйственное предприятие».

Почта манзили: Тошкент вилояти, Ангрен шаҳри, 2/2 мавзе.

7. Қуйидагилар ўрмон хўжалигининг асосий вазифалари ҳисобланади:

ўзига қарашли ҳудудда ўрмон хўжалигига доир барча зарур тадбирларни бажариш ҳамда ўз хизмат вазифаларини бажариш даврида маҳаллий аҳолини жалб қилган ҳолда Давлат чегараси қўриқланишига кўмаклашиш;

фан ва илғор ишлаб чиқариш тажрибаси ютуқларини ишлаб чиқиш ва ишлаб чиқаришга жорий этишда қатнашиш;

ўрмонни тиклаш ва иҳота ўрмонзорлари барпо этиш тадбирларини бажариш;

ўзига қарашли ҳудудда ва мулкчилик шаклларидан қатъи назар, бошқа хўжаликлар ерларида шартномалар бўйича тоғ қияликлари ва жарликларда эрозияга қарши дов-дарахтлар барпо этиш ишларини ташкил этиш;

дори-дармон ва озиқ-овқат ўсимликлари, ёрдамчи қишлоқ хўжалиги маҳсулотлари тайёрлаш ва кўпайтириш ишларини ташкил этиш;

ўрмонларни ёнғиндан, ўзбошимчалик билан кесишдан ва бошқа ўрмон тўғрисидаги қонунлар бузилишидан қўриқлашни, ўрмонларни ўрмон зараркунандалари ва касалликларидан ҳимоя қилишни таъминлаш, ўрмонни муҳофаза қилишни такомиллаштириш.

8. Ўрмон хўжалиги қуйидаги ишларни амалга оширади:

ўрмон хўжалиги ҳудудида ва ўзига қарашли участкаларда ўрмон фондини ҳисобга олиш, навбатдаги ўрмон тузилишига тайёргарлик ишлари бажарилишини ташкил этиш, амалга оширилаётган ишлар ўрмон тузилиши ва ўрмонларни тақиқ этиш қоидаларига мувофиқлигини мунтазам равишда текшириш ва кўрсатиб ўтилган ишларни қабул қилиш, шунингдек табиий ресурслар ҳолатини ҳисобга олиш ва баҳолаш;

ўрмонларнинг ҳолатини яхшилаш ва уларнинг самарадорлигини ошириш, Ушбу мақсадда парвариш қилиш учун ўрмонларни кесиш ва санитария кесишларини, ўрмонни кесилгандан кейин қолдиқлар ва ахлатлардан тозалаш ишларини олиб бориш, шунингдек ўрмон-мелиорация ишларини (қуритиш, суғориш), ўрмонларнинг сувни қўриқлаш ва бошқа ҳимоя функциялари ҳолати сақлаб қолиниши ва яхшиланиши тадбирларини ўтказиш;

ўрмон хўжалиги тўғри юритилишини таъминлаш, ўрмон ресурсларидан оқилона фойдаланилиши, ўрмонни тиклаш, ўрмонларни парвариш қилиш ва уларнинг унумдорлигини ошириш, эрозияга қарши иҳота дарахтлари барпо этиш ишларини амалга ошириш;

дарахт уруғчилиги ва ўрмон питомниклари ишларини ташкил этиш ва ривожлантириш;

дарахт-бута навлари уруғлари тайёрлашни таъминлаш, ҳам ўз эҳтиёжлари учун, ҳам сотиш учун экиш материали етиштириш;

ўрмон хўжалиги ҳудудида ва ўзига қарашли участкаларда пичанзорлар ва яйловлардан белгиланган тартибда фойдаланишни ташкил этиш ва бошқа қўшимча фойдаланишларни ташкил этиш, тегишли назоратни амалга ошириш;

ўрмон хўжалиги томонидан ўрмонда дарахт кесиш ишларини амалга оширишда тайёрланган, шунингдек дарахт тайёрлаш ва олиб чиқишнинг амалдаги қоидалари бузилганлиги учун дарахт тайёрловчилардан олиб қўйилган ҳамда ўрмон хўжалиги ихтиёрига берилган ёғочни белгиланган тартибда сотиш.

9. Бандитлар тўдаларини тугатишга доир махсус операциялар ўтказилиши даврида ўрмондан фойдаланиш ўрмон хўжалиги ходимлари хавфсизлигини таъминлашга ва махсус операция вазифаларини бажаришга йўналтирилади.

10. Ўрмон хўжалиги, агар буни санитария ҳолати, дарахтлар ва бутазорлар талаб этса, Ўзбекистон Республикаси Вазирлар Маҳкамасининг 1999 йил 22 ноябрдаги 506-сон қарори билан тасдиқланган ўрмонда дарахт кесиш қоидаларига мувофиқ дарахтларни санитария тартибида кесади. Ўрмон хўжалигида иншоотлар ва коммуникациялар қурилиши туфайли келиб чиққан ишлаб чиқариш-техник зарурият тақозо этган ҳолларда дарахтлар ва бутазорлар кесилишига йўл қўйилиши мумкин. Бундай кесиш амалга ошириладиган жойлар ва унинг ҳажми Қишлоқ ва сув хўжалиги вазирлиги ҳузуридаги Ўрмон хўжалиги бош бошқармаси томонидан тасдиқланади.

11. Ўрмон хўжалиги:

овлаш-саноат фаунаси қўриқланишини, овлаш қоидалари ва муддатларига риоя этилишини назорат қилади, браконьерларга қарши курашади, ўрмон хўжалиги ҳудудида овчилик хўжалиги бўйича тадбирларни амалга оширади;

экология соҳасида илмий-тадқиқот ишларини, ҳайвонот ва ўсимликлар дунёсининг ҳолатини ўрганишни амалга оширади, ўрмон хўжалигининг табиат алоҳида муҳофаза қилинадиган ҳудудда биологик хилма-хиллик сақлаб қолинишига доир халқаро лойиҳаларни амалга оширади;

ўрмон хўжалиги ҳудудида барча овчилик тадбирлари ўтказилиши устидан назорат қилади.

12.Ўрмон хўжалигининг бинолари, иншоотлари, асбоб-ускуналари ва транспорт воситаларини тўғри сақлаш ва улардан фойдаланиш ишлаб чиқариш ва турар жой бинолари, ўрмон кордонлари, кичик кўприклар, ёнғин миноралари қурилиш ва уларни таъмирлашнинг, ўрмон йўлларини зарур тартибда қуриш ва сақлашнинг, меҳнатни муҳофаза қилишни таъминлашнинг, техника хавфсизлиги қоидаларига ва ишлаб чиқариш санитариясига риоя қилишнинг тасдиқланган лойиҳалари ва сметаларига мувофиқ ўтказилади.

13. Ўрмон хўжалиги ўрмон хўжалигининг ходимларига ишлаб чиқариш малакаси оширишни, ушбу мақсадлар учун курс тадбирлари ва техник ўқишлар ўтказилишини таъминлайди ҳамда ўрмон хўжалиги ходимлари уй-жой майдони ва маданий-маиший шарт-шароитлар билан таъминланишига кўмаклашади.

14. Ўрмон хўжалиги қуйидаги ҳуқуқларга эга:

ёғоч-тахтадан белгиланган тартибда ва хўжалик асосида халқ истеъмол товарлари ишлаб чиқариш ва уларни сотиш, ўрмон хўжалигида моллар бош сонини ўзи озуқа билан таъминлаши асосида ёрдамчи хўжалик юритиш, ўрмон хўжалиги ресурслари ва чиқиндиларни тайёрлаш, олиб чиқиш ва тегишли шартномалар бўйича етказиб бериш;

дам олувчилар ва сайёҳларнинг ўрмон хўжалиги ҳудудига киришига белгиланган тартибда рухсат бериш;

дам олувчилар ва сайёҳларни жойни ўзгартириш йўналишлари, санитария нормаларига мувофиқ дам олиш жойлари билан таъминлаш ҳамда уларнинг ўрмон хўжалигида белгиланган қоидаларига риоя қилишлари устидан назорат қилиш;

мол боқишдан тушган маблағларни белгиланган тартибда ўз ҳисоб рақамларига ўтказиш, ўрмон тўғрисидаги қонунлар талаблари бузилганлиги учун зарарни қоплаш.

15. Ўрмон хўжалиги ходимлар, сайёҳлар ва дам олувчилар учун нормал маиший шароитлар яратиш мақсадида озиқ-овқат маҳсулотлари сотиб олади ва сотади.

16. Ўрмон хўжалиги шартномага мувофиқ бошқа ердан фойдаланувчилар ҳудудида қумлар, жарликларни мустаҳкамлаш, ўрмонзорлаштириш бўйича далани ҳимоя қилиш ишларини амалга оширади.

17. Ўрмон хўжалиги ерларининг давлат, жамоат эҳтиёжлари ва бошқа эҳтиёжлар учун ердан фойдаланувчиларга берилиши белгиланган тартибда амалга оширилади.

18. Ўрмон хўжалиги директори ўрмон хўжалигига бевосита раҳбарлик қилади, унинг икки нафар ўринбосари бўлади.

19. Ўрмон хўжалиги директори вилоят ҳокимлиги билан келишган ҳолда Угом-Чотқол Давлат миллий табиат боғи бош директорининг буйруғи билан тайинланади.

20. Директор ўринбосарлари, бош бухгалтер Угом-Чотқол Давлат миллий табиат боғи бош директори билан келишган ҳолда ўрмон хўжалиги директорининг буйруғи билан тайинланади ва ишдан бўшатилади.

21. Ўрмон хўжалиги директори мазкур Устав асосида иш кўриб ўрмон хўжалигига раҳбарлик қилади ва ўрмон хўжалиги маблағлари ва мол-мулкини қонунда белгиланган тартибда тасарруф этади, ўрмонлар ва мол-мулк қўриқланиши, ҳисоботлар ўз вақтида тақдим этилиши, ўрмон хўжалигида смета, молия, шартнома ва меҳнат интизомига риоя этилиши учун жавоб беради.

22. Ўрмон хўжалиги директорига қуйидагилар юкланади:

Угом-Чотқол Давлат миллий табиат боғи бош директори томонидан тасдиқланадиган ишлаб чиқиш (вазифаларни тақсимлаш);

ўрмон хўжалиги тадбирлари ва бошқа тадбирлар бажарилишини ташкил этиш;

ўрмон хўжалигининг мол-мулки, асбоб-ускуналари, моддий бойликлари ва бошқа бойликлари қўриқланишини ташкил этиш;

ўрмон хўжалиги ходимларини белгиланган тартибда ишга қабул қилиш ва ишдан бўшатиш;

шартномалар тузиш;

ўрмон хўжалиги номидан банк муассасаларида барча молиявий ва пул операцияларини содир этиш;

ўрмонларни қўриқлашни ташкил этиш, айбдорларни жавобгарликка тортиш учун ўрмон хўжалиги ҳудудидаги ҳуқуқбузарликларни текшириш ва материалларни белгиланган тартибда тегишли органларга бериш;

давлат органларида, суд органларида ва бошқа муассасалар ва жамоат ташкилотларида ўрмон хўжалиги манфаатларини ифодалаш.

23. Директор ўринбосари — бош ўрмончи хўжалигида барча ишлаб чиқариш ишлари тўғри ташкил этилиши ва ўтказилиши, ўрмон кадастри бўйича ҳисобга олиш юритилиши, техника хавфсизлиги қоидаларига риоя этилиши, илғор тажриба жорий этилиши, механизмлардан зарур даражада фойдаланилиши, ўрмон хўжалигида ўрмонларни қайта тиклаш ва қўриқлаш бўйича белгиланган барча тадбирлар ташкил этилиши ва ўтказилиши учун жавоб беради.

24. Ўрмон хўжалиги директори ўринбосари:

режим-қўриқлаш тадбирлари ўтказилиши, кадрлар тўғри танланиши ва жой-жойига қўйилиши, ўрмонни қўриқлаш инспекторлари иши ташкил этилиши, профилактика ва чегара полосалари дов-дарахтлар ва бутазорлардан тозаланиши;

қурол-яроғ, ўқ-дорилар сақланиши ва улар тўғри қўлланилишини таъминлаш, ўрмон хўжалиги ходимлари формали кийим-бош, алоқа воситалари, махсус анжомлар ва ҳоказолар билан таъминланиши учун жавоб беради.

25. Муҳандис-механик ишлаб чиқариш жараёнларини механициялаштириш бўйича ўрмон хўжалигининг техник раҳбари сифатида тегишли ишлаб чиқариш вазифалари бажарилиши, механизациялаштириш бўйича ўрмон хўжалигининг техник раҳбари сифатида тегишли ишлаб чиқариш вазифалари бажарилиши, механизациялаштириш ишлари белгиланган нормалар ва қоидаларга риоя этган ҳолда тўғри ташкил этилиши ва ўтказилиши, механизмларнинг сақланиши ва улардан оқилона фойдаланиш, илғор тажриба ва фан ютуқлари жорий этилиши учун жавоб беради.

26. Ўрмончилик ўрмон хўжалигининг ишлаб-чиқариш ҳудудий қисми ҳисобланади. Ўрмончи — катта инспекторга қуйидагилар юкланади:

ўрмон хўжалигининг ишлаб чиқариш режасига мувофиқ ўрмон хўжалиги ҳудудида ўрмон хўжалиги ишлари ва бошқа ишларни амалга ошириш, ўрмонларни ёнғинлар, ўрмонларни бузишлар ва браконьерликдан қўриқлаш, балиқ овлаш ташкилотларига ёрдам бериш, дарахт тайёрловчилар иши устидан назорат қилиш, дарахт кесиш жойларини белгилаш ва тайёрланган ёғоч-тахтани топшириш, ишлаб чиқаришни юритишда хўжаликлар ва ташкилотларга ёрдам бериш;

ўрмон чегара зоналари қўриқланиши учун жавобгарлик;

дарахт кесиш чипталарига асосан ва улар доирасида дарахт кундаларини ташкилотларга ва алоҳида фуқароларга бериш;

белгиланган товар-моддий бойликлар, мол-мулк ҳисобини юритиш.

27. Ўрмончи ўрмончилик ишига раҳбарлик қилади ҳамда ўрмончиликка юкланган вазифалар ташкил этилиши ва бажарилиши, мол-мулк, асбоб-ускуналар, моддий бойликлар ва ўрмончиликнинг бошқа бойликлари сақланиши учун жавоб беради.

28. Ўрмон хўжалиги ўрмонлар ва ҳудудни қўриқлашга доир қуйидаги ишларни юритади:

ўрмон ёнғинларига қарши барча зарур ёнғинга қарши чораларни амалга оширади;

ўрмонларни ўзбошимчалик билан кесиш, шикаст етказиш ва бошқа ўрмонни бузишлардан қўриқлайди, маҳаллий аҳоли ўртасида ўрмонларни қўриқлаш масалалари бўйича тушунтириш ишлари олиб боради;

ўрмонларни зарарли ҳашаротлар ва касалликлардан ҳимоя қилади, ушбу мақсадларда тегишли санитария-соғломлаштириш тадбирлари ўтказади, ўрмон фонди ерларини ўзбошимчалик билан эгаллаб олиш, улардан фойдаланиш, уларга иморатлар қуриш, уларни шудгорлаш тўғрисида белгиланган тартибда ахборот беради;

ўрмон ҳудудида чегара белгилари қўриқланишини амалга оширади ва чегаралар, ўрмон сўқмоқлари, ёнғинга қарши ҳандақлар қазилишини тасдиқлайди;

ўрмон хўжалиги ҳудудини унга бандитлар тўдалари ёриб киришидан қўриқлашни таъминлайди;

тасдиқланган экология дастурлари асосида ўрмон хўжалигининг табиатни муҳофаза қилиш фаолиятининг асосий йўналишларини ҳамда ўзига қарашли ҳудудда уларнинг амалга оширилишини белгилайди;

атроф муҳитнинг ҳолати ва қўриқланиши, ўрмон хўжалиги ҳудудида унумдор ерлар, сувлар, ўрмонлар, ўсимликлар ва ҳайвонот дунёсидан оқилона фойдаланилиши ва уларнинг тикланиши устидан идоравий назоратни амалга оширади;

айрим фуқаролар, ўрмон хўжалиги ҳудудида жойлашган барча ер эгалари ва ердан фойдаланувчилар томонидан табиатни муҳофаза қилиш тўғрисидаги қонунлар талабларига, табиатдан фойдаланиш нормалари ва қоидаларига риоя этилиши назорат қилинишини таъминлайди.

29. Ўрмончилар ва ўрмонни қўриқлаш инспекторлари қуйидаги ҳуқуқларга эгадир:

формали кийим-бош кийиб юриш ва табель қурол-яроғ тақиш, хавфсизлик ва атроф муҳитни сақлашни таъминлаш мақсадида ўрмон хўжалиги ҳудудида фуқаролар ва транспорт воситаларини текшириш ва қараб чиқиш;

ўрмонни бузиш ҳоллари аниқланган тақдирда ўрмон хўжалигининг ўсимлик ва ҳайвонот дунёсига етказилган зарар учун жарима ундириш учун далолатномалар тузиш;

ўрмон хўжалиги ҳудудида шубҳали шахслар аниқланган тақдирда Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом асосида иш кўради.

30. Қуйидагилар ўрмон хўжалигини маблағ билан таъминлаш манбалари ҳисобланади:

бюджетдан ажратиладиган маблағлар;

юридик ва жисмоний шахслардан беғараз ёрдам тариқасида тушадиган тушум;

хўжалик фаолиятидан тушадиган маблағлар ва бошқа тушумлар.

Кўрсатиб ўтилган манбалар бўйича маблағ билан таъминлаш миқдори юқори турувчи ташкилот томонидан тасдиқланадиган ўрмон хўжалигининг бизнес-режасига ва харажатлар сметасига мувофиқ белгиланади.

31. Ўрмон хўжалигининг илмий-тадқиқот институти тажриба-тадқиқот ишларини амалга ошириш ва олий ўқув юртлари талабалари ва коллежларнинг ўқувчиларининг ўқув-ишлаб чиқариш амалиётини таъминлаш бўйича алоҳида харажатлар Илмий-тадқиқот институти, олий ўқув юртлари ва коллежларнинг тасдиқланган сметалари бўйича амалга оширилади.

32. Ўрмон хўжалиги хўжалик фаолиятини бизнес-режага мувофиқ амалга оширади.

33. Хўжалик фаолиятидан тушган маблағлар Ўзбекистон Республикасида амал қилувчи норматив ҳужжатларга мувофиқ иш ҳақи тўлашга, ажратмаларга, солиқларга, бир йўла бериладиган нафақалар ва моддий ёрдам тўлашга, кадрлар тайёрлашга, ишлаб чиқаришни кенгайтириш ва техника билан жиҳозлашни яхшилашга, бюджетни тўлдиришга сарфланади.

34. Ўрмон хўжалиги фойдасини тақсимлаш Ўзбекистон Республикасининг қонун ҳужжатларига мувофиқ амалга оширилади.

35. Ўрмон хўжалиги егерлар, ўрмончилар, инспекторлар хизматни ўташ учун жўнаб кетишида уларни паёк ёки энг кам иш ҳақининг уч баравари миқдорида ҳар ойда пул эквиваленти билан таъминлайди.

36. Ўрмон хўжалиги фойда ҳисобига автотранспорт, тракторлар ва уларга механизмлар, кўчмас мулк ҳамда бошқа зарур мол-мулк сотиб олиш ҳуқуқига эгадир.

37. Ўрмон хўжалиги Ўзбекистон Республикасининг амалдаги қонун ҳужжатларига мувофиқ фаолиятни амалга ошириш бўйича ҳисоб ва ҳисоботни юритади.

38. Ўрмон хўжалиги фаолияти устидан юқори турувчи орган назорат қилади.

39. Ўрмон хўжалиги қонун ҳужжатларида белгиланган тартибда тугатилади ва қайта ташкил этилади.

1. Бурчмулла ўрмон хўжалиги корхонаси (кейинги ўринларда «ўрмон хўжалиги» деб юритилади) давлат аҳамиятига эга бўлган ўрмонларда ўрмон хўжалигини юритувчи корхона ҳисобланади.

Ўрмон хўжалиги юридик шахс ҳисобланади, алоҳида мол-мулкига эга ва ўз мажбуриятлари бўйича Ушбу мол-мулк билан жавоб беради, ўз номидан мулкий ва шахсий номулкий ҳуқуқларни сотиб олиши ва амалга ошириши, судда даъвогар ва жавобгар бўлиши мумкин.

2. Ўрмон хўжалиги белгиланган тартибда хўжалик ҳисобидаги фаолиятни амалга оширади, халқ истеъмол товарлари ишлаб чиқариш ва сотишни, ёрдамчи қишлоқ хўжалиги маҳсулотларини сотишни ҳамда ўрмондан қўшимча равишда фойдаланишни ташкил этади, шартномалар бўйича кўкаламзорлаштириш ишларини бажаради.

Ўрмон хўжалиги Тошкент вилояти ҳокимлиги ихтиёрига қарайди, уни бевосита Угом-Чотқол Давлат миллий табиат боғи бошқаради.

3. Ўрмон хўжалиги ўз фаолиятини «Ўрмон тўғрисида» ги Ўзбекистон Республикаси Қонунига, бошқа қонун ҳужжатларига, Тошкент вилояти ҳокимлигининг фармойишлари ва қарорларига, Угом-Чотқол Давлат миллий табиат боғи буйруқларига ва мазкур Уставга мувофиқ амалга оширади.

«Ўзбекистон Республикасининг Давлат чегараси тўғрисида», «Терроризмга қарши кураш тўғрисида» ги Ўзбекистон Республикаси қонунларига мувофиқ ўзига қарашли ҳудудларга бандитлар тўдалари кириб келиши ва жойлашиб олишининг олдини олиш бўйича қўриқлаш ва режим ишларини Давлат чегараларини ҳимоя қилувчи қўмита, Ички ишлар вазирлиги, Миллий хавфсизлик хизмати ва Мудофаа вазирлигининг ҳудудий органлари ва бўлинмалари билан ўзаро ҳамкорликда олиб боради.

4. Ўрмон хўжалиги олдига қўйилган вазифалар Инспекторларнинг ҳарбийлаштирилган тузилмалар билан ўзаро ҳамкорлик қилиши тўғрисидаги низом талабларига мувофиқ бажарилишини таъминлайди.

Ўрмон хўжалиги ходимларининг қуролли хизмат қилиши, қуролни сақлаш, бериш ва қўллаш тартиби қонун ҳужжатлари билан белгиланади.

5. Ўрмон хўжалиги банкларда ҳисоб рақамларига, ўз номи ёзилган муҳр ва штампга эгадир.

6. Ўрмон хўжалигининг давлат тилидаги тўлиқ номи: «Бурчмулла ўрмон хўжалиги корхонаси», рус тилида: «Бурчмуллинское лесохозяйственное предприятие».

Почта манзили: Тошкент вилояти, Бўстонлиқ тумани, Бурчмулла қишлоғи.

7. Қуйидагилар ўрмон хўжалигининг асосий вазифалари ҳисобланади:

ўзига қарашли ҳудудда ўрмон хўжалигига доир барча зарур тадбирларни бажариш ҳамда ўз хизмат вазифаларини бажариш даврида маҳаллий аҳолини жалб қилган ҳолда Давлат чегараси қўриқланишига кўмаклашиш;

фан ва илғор ишлаб чиқариш тажрибаси ютуқларини ишлаб чиқиш ва ишлаб чиқаришга жорий этишда қатнашиш;

ўрмонни тиклаш ва иҳота ўрмонзорлари барпо этиш тадбирларини бажариш;

ўзига қарашли ҳудудда ва мулкчилик шаклларидан қатъи назар, бошқа хўжаликлар ерларида шартномалар бўйича тоғ қияликлари ва жарликларда эрозияга қарши дов-дарахтлар барпо этиш ишларини ташкил этиш;

дори-дармон ва озиқ-овқат ўсимликлари, ёрдамчи қишлоқ хўжалиги маҳсулоти тайёрлаш ва кўпайтириш ишларини ташкил этиш;

ўрмонларни ёнғиндан, ўзбошимчалик билан кесишдан ва бошқа ўрмон тўғрисидаги қонунлар бузилишидан қўриқлашни, ўрмонларни ўрмон зараркунандалари ва касалликларидан ҳимоя қилишни таъминлаш, ўрмонни муҳофаза қилишни такомиллаштириш.

8. Ўрмон хўжалиги қуйидаги ишларни амалга оширади:

ўрмон хўжалиги ҳудудида ва ўзига қарашли участкаларда ўрмон фондини ҳисобга олиш, навбатдаги ўрмон тузилишига тайёргарлик ишлари бажарилишини ташкил этиш, амалга оширилаётган ишлар ўрмон тузилиши ва ўрмонларни тадқиқ этиш қоидаларига мувофиқлигини мунтазам равишда текшириш ва кўрсатиб ўтилган ишларни қабул қилиш, шунингдек табиий ресурслар ҳолатини ҳисобга олиш ва баҳолаш;

ўрмонларнинг ҳолатини яхшилаш ва уларнинг самарадорлигини ошириш, Ушбу мақсадда парвариш қилиш учун ўрмонларни кесиш ва санитария кесишларини, ўрмонни кесилгандан кейин қолдиқлар ва ахлатлардан тозалаш ишларини олиб бориш, шунингдек ўрмон-мелиорация ишларини (қуритиш, суғориш), ўрмонларнинг сувни қўриқлаш ва бошқа ҳимоя функциялари ҳолати сақлаб қолиниши ва яхшиланиши тадбирларини ўтказиш;

ўрмон хўжалиги тўғри юритилишини таъминлаш, ўрмон ресурсларидан оқилона фойдаланилиши, ўрмонни тиклаш, ўрмонларни парвариш қилиш ва уларнинг унумдорлигини ошириш, эрозияга қарши иҳота дарахтлари барпо этиш ишларини амалга ошириш;

дарахт уруғчилиги ва ўрмон питомниклари ишларини ташкил этиш ва ривожлантириш;

дарахт-бута навлари уруғлари тайёрлашни таъминлаш, ҳам ўз эҳтиёжлари учун, ҳам сотиш учун экиш материали етиштириш;

ўрмон хўжалиги ҳудудида ва ўзига қарашли участкаларда пичанзорлар ва яйловлардан белгиланган тартибда фойдаланишни ташкил этиш ва бошқа қўшимча фойдаланишларни ташкил этиш, тегишли назоратни амалга ошириш;

ўрмон хўжалиги томонидан ўрмонда дарахт кесиш ишларини амалга оширишда тайёрланган, шунингдек дарахт тайёрлаш ва олиб чиқишнинг амалдаги қоидалари бузилганлиги учун дарахт тайёрловчилардан олиб қўйилган ҳамда ўрмон хўжалиги ихтиёрига берилган ёғочни белгиланган тартибда сотиш.

9. Бандитлар тўдаларини тугатишга доир махсус операциялар ўтказилиши даврида ўрмондан фойдаланиш ўрмон хўжалиги ходимлари хавфсизлигини таъминлашга ва махсус операция вазифаларини бажаришга йўналтирилади.

10. Ўрмон хўжалиги, агар буни санитария ҳолати, дарахтлар ва бутазорлар талаб этса, Ўзбекистон Республикаси Вазирлар Маҳкамасининг 1999 йил 22 ноябрдаги 506-сон қарори билан тасдиқланган ўрмонда дарахт кесиш қоидаларига мувофиқ дарахтларни санитария тартибида кесади. Ўрмон хўжалигида иншоотлар ва коммуникациялар қурилиши туфайли келиб чиққан ишлаб чиқариш техник зарурият тақозо этган ҳолларда дарахтлар ва бутазорлар кесилишига йўл қўйилиши мумкин. Бундай кесиш амалга ошириладиган жойлар ва унинг ҳажми Қишлоқ ва сув хўжалиги вазирлиги ҳузуридаги Ўрмон хўжалиги бош бошқармаси томонидан тасдиқланади.

11. Ўрмон хўжалиги:

овлаш-саноат фаунаси қўриқланишини, овлаш қоидалари ва муддатларига риоя этилишини назорат қилади, браконьерларга қарши курашади, ўрмон хўжалиги ҳудудида овчилик хўжалиги бўйича тадбирларни амалга оширади;

экология соҳасида илмий-тадқиқот ишларини, ҳайвонот ва ўсимлик дунёсининг ҳолатини ўрганишни амалга оширади, ўрмон хўжалигининг табиат алоҳида муҳофаза қилинадиган ҳудудида биологик хилма-хиллик сақлаб қолинишига доир халқаро лойиҳаларни амалга оширади;

ўрмон хўжалиги ҳудудида барча овчилик тадбирлари ўтказилиши устидан назорат қилади.

12. Ўрмон хўжалигининг бинолари, иншоотлари, асбоб-ускуналари ва транспорт воситаларини тўғри сақлаш ва улардан фойдаланиш ишлаб чиқариш ва тураржой бинолари, ўрмон кордонлари, кичик кўприклар, ёнғин миноралари қурилиши ва уларни таъмирлашнинг, ўрмон йўлларини зарур тартибда қуриш ва сақлашнинг, меҳнатни муҳофаза қилишни таъминлашнинг, техника хавфсизлиги қоидаларига ва ишлаб чиқариш санитариясига риоя қилишнинг тасдиқланган лойиҳалари ва сметаларига мувофиқ ўтказилади.

13. Ўрмон хўжалиги ўрмон хўжалигининг ходимларига ишлаб чиқариш малакасини оширишни, ушбу мақсадлар учун курс тадбирлари ва техник ўқишлар ўтказилишини таъминлайди ҳамда ўрмон хўжалиги ходимлари уй-жой майдони ва маданий-маиший шарт-шароитлар билан таъминланишига кўмаклашади.

14. Ўрмон хўжалиги қуйидаги ҳуқуқларга эга:

ёғоч-тахтадан белгиланган тартибда ва хўжалик ҳисоби асосида халқ истеъмол товарлари ишлаб чиқариш ва уларни сотиш, ўрмон хўжалигида моллар бош сонини ўзи озуқа билан таъминлаши асосида ёрдамчи хўжалик юритиш, ўрмон хўжалиги ресурслари ва чиқиндиларини тайёрлаш, олиб чиқиш ва тегишли шартномалар бўйича етказиб бериш;

дам олувчилар ва сайёҳларнинг ўрмон хўжалиги ҳудудига киришига белгиланган тартибда рухсат бериш;

дам олувчилар ва сайёҳларни жойни ўзгартириш йўналишлари, санитария нормаларига мувофиқ дам олиш жойлари билан таъминлаш ҳамда уларнинг ўрмон хўжалигида белгиланган қоидаларга риоя қилишлари устидан назорат қилиш;

мол боқишдан тушган маблағларни белгиланган тартибда ўз ҳисоб рақамларига ўтказиш, ўрмон тўғрисидаги қонунлар талаблари бузилганлиги учун зарарни қоплаш.

15. Ўрмон хўжалиги ходимлар, сайёҳлар ва дам олувчилар учун нормал маиший шароитлар яратиш мақсадида озиқ-овқат маҳсулотлари сотиб олади ва сотади.