Фуқаронинг сўровига кўра доимий рўйхатга олиш расмийлаштирилганда, ушбу Низомга 3-иловага мувофиқ QR-CODE билан ҳимояланган қайд варағи тақдим этилади ёки ариза берувчининг электрон манзилига юборилиб, шу куннинг ўзида ариза берувчи бу ҳақда ахборот-коммуникация тизими орқали хабардор қилинади.

9. Мулкдор ўз оила аъзоларини ва бошқа шахсларни доимий рўйхатдан ўтказиш ҳуқуқига эга.

Қуйидаги фуқароларни доимий рўйхатга олишда, Ўзбекистон Республикасининг Уй-жой кодексида белгиланган бир киши учун турар жой майдонининг ижтимоий нормаси тўғрисидаги қоидалар қўлланилмайди:

эр-хотин — бир-бирининг доимий рўйхатга олинган уй-жой майдонига;

ота-оналар, фарзандлар — бир-бирининг доимий рўйхатга олинган уй-жой майдонига;

бобо-буви, неваралар — бир-бирининг доимий рўйхатга олинган уй-жой майдонига;

васийликдаги (ҳомийликдаги) ҳамда оилага тарбияга олинган (патронат) шахслар — васий (ҳомий), тутинган ота ёки она доимий рўйхатга олинган уй-жой майдонига;

вояга етмаган, ота-онаси бўлмаган туғишган ака-укалар,

опа-сингиллар, шунингдек, меҳнатга лаёқатсиз туғишган ака-укалар,

опа-сингиллар, агар уларнинг ўз оилалари бўлмаса, ёшидан қатъи назар, акаси, укаси, опаси, синглисининг рўйхатга олинган уй-жой майдонига;

доимий рўйхатга олинган туғишган ака-укалар, опа-сингиллар — бир-бирининг доимий рўйхатга олинган уй-жой майдонига;

илгари мазкур аҳоли пунктида яшаган, меҳнат шартномаси билан ишлаш учун вақтинча бошқа жойга кетган шахслар, шунингдек, қонунчилик ҳужжатларига мувофиқ вақтинча бошқа жойга кетганда, уй-жойдан фойдаланиш ҳуқуқи сақлаб қолинадиган фуқаролар — олдинги истиқомат жойига ёки қариндошларининг уй-жой майдонига;

озодликдан маҳрум этиш жойларидан озод қилинган шахслар — олдинги истиқомат жойига, ўз оила аъзоларининг, қариндошлари ёки ҳукм қилингунга қадар яшаб турган бошқа шахсларнинг уй-жой майдонига;

муддатли ҳарбий хизмат тугагандан сўнг Қуролли Кучлар резервига бўшатилган ҳарбий хизматчилар — олдинги истиқомат жойига, ота-онаси ёки бошқа қариндошларининг уй-жой майдонига.

10. Тарбиялаш, даволаш ва бошқа муассасалардаги етим болалар, ота-оналарининг қаровисиз қолган болалар, шунингдек, қариялар уйларидаги шахслар кўрсатиб ўтилган муассасалар томонидан берилган турар жой майдонига доимий рўйхатга олинади.

11. Ўзбекистон Республикаси ҳудудидан ташқарида бўлган фуқарога тегишли бўлган уй-жой майдонига доимий рўйхатга олиш учун унинг Ўзбекистон Республикаси қонунчилик ҳужжатларига мувофиқ нотариал тартибда тасдиқланган розилиги талаб этилади.

Фуқаро «Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида»ги Конвенцияга (Минск, 1993 йил 22 январь) ҳамда «Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида»ги Конвенцияга (Кишинев, 2002 йил 7 октябрь) аъзо давлатлар ҳудудида, шунингдек, Ўзбекистон Республикаси билан расмий ҳужжатларни легаллаштириш талабини бекор қилувчи икки томонлама халқаро шартнома тузилган давлатлар ҳудудида бўлган тақдирда, унинг розилиги тегишли давлат қонунчилигига мувофиқ тасдиқланиши мумкин.

Фуқаро Хорижий расмий ҳужжатларни легаллаштириш талабини бекор қилувчи Конвенцияга (Гаага, 1961 йил 5 октябрь) аъзо давлат ҳудудида бўлганда, унинг розилиги ушбу Конвенция талабларига мувофиқ апостиль белгиси орқали тасдиқланиши мумкин.

12. Доимий рўйхатга олиш учун мулкдор ЯИДХП орқали мурожаат этган тақдирда, мазкур Низомга 4-иловага мувофиқ шаклдаги сўровнома электрон шаклда тўлдирилади.

Сўровнома қуйидаги ҳужжатларга асосан тўлдирилади:

мулкдор ва доимий рўйхатга олинаётган фуқаронинг паспорти, идентификация ID-картаси ёки ҳарбий ҳисоб ҳужжатлари ёхуд Ўзбекистон Республикаси Қуролли Кучлари контракт бўйича ҳарбий хизматчисининг шахсий гувоҳномаси (Ф.И.О., туғилган санаси ва вақти, ҳужжат серияси ва рақами) ўн олти ёшга тўлмаган шахслар учун — туғилганлик тўғрисидаги гувоҳнома ёки идентификация ID-картаси;

ЯИДХП орқали хизмат кўрсатилганда, зарур маълумотлар сўровномага киритилгандан сўнг мулкдор уни ўзининг электрон рақамли имзоси билан тасдиқлайди.

Кейинги таҳрирга қаранг.

Давлат хизматлари маркази ёки ЯИДХП орқали хизмат кўрсатилганда, ваколатли орган томонидан зарур бўлган маълумотлар идоралараро электрон ҳамкорлик тизими орқали олинади.

Кейинги таҳрирга қаранг.

13. Доимий рўйхатга олиш мазкур Низомга 4 ва 5-иловаларга мувофиқ схема асосида амалга оширилади.

14. Тақдим этилган ҳужжатларнинг ва сўровномадаги маълумотларнинг тўлиқ бўлмаслиги, уларда нотўғри маълумотлар кўрсатилиши, шунингдек, доимий рўйхатга олиш учун давлат божи тўламаслик доимий рўйхатга олишни рад этиш учун асос ҳисобланади.

Доимий рўйхатга олишни бошқа асослар бўйича рад этиш тақиқланади.

Доимий рўйхатга олишнинг рад этилиши юзасидан суд тартибида шикоят қилиниши мумкин.

3-боб. Доимий рўйхатга олинганликни бекор қилиш тартиби

15. Фуқаронинг доимий рўйхатга олинганлиги қуйидаги ҳолларда МваФРБ томонидан бекор қилинади:

Ўзбекистон Республикаси ҳудудида бир манзилдан бошқа манзилга доимий рўйхатга олинганда;

мулкдорнинг аризасига кўра — Ўзбекистон Республикаси Уй-жой кодексида белгиланган бир киши учун турар жой майдонининг ижтимоий нормаси тўғрисидаги қоидалар асосида доимий рўйхатга олинган фуқаролар;

Кейинги таҳрирга қаранг.

мулкдор ўзгарганда, унинг аризаси ва уй-жойга эгалик қилишни тасдиқловчи ҳужжатлар асосида;

суднинг фуқарони уй-жойдан фойдаланиш ҳуқуқини йўқотган, шахсни бедарак йўқолган деб топиш ва кўчириш ҳақидаги қарори асосида;

фуқаро қонунда белгиланган тартибда хорижга доимий яшашга кетганда;

сохта ҳужжатлар ёки ҳақиқатга мувофиқ бўлмаган ҳужжатлар асосида доимий рўйхатга олинганлиги аниқланганда — суднинг қонуний кучга кирган айблов ҳукми асосида;

умрбод озодликдан маҳрум қилинганда — суднинг қонуний кучга кирган айблов ҳукми асосида;

вафот этганда — ФҲДЁ органининг ўлим ҳақидаги гувоҳномаси ёки маълумотномаси асосида.

Озодликдан маҳрум этишга ҳукм қилинган шахсларнинг доимий рўйхатини бекор қилиш маҳкумнинг ишончномаси асосида ёки уй-жой биносидан фойдаланиш ҳуқуқини йўқотганлик ҳақидаги суд қарорига мувофиқ амалга оширилади.

16. Мулкдор (мулкдорлар) фуқаронинг доимий рўйхатга олинганлигини бекор қилиш учун Қорақалпоғистон Республикаси ҳамда вилоятлар туман (шаҳар) ички ишлар бошқармаси (бўлими) МваФРБга қуйидаги ҳужжатларни тақдим этади:

мулкдор (мулкдорлар)нинг ёки қонунда белгиланган тартибда хорижга доимий яшашга кетган шахснинг эркин тарзда ёзилган аризаси ёхуд нотариал тасдиқланган аризаси (розилиги), агар шахсан бориш имкони мавжуд бўлмаса;

уй-жойга эгалик қилишини тасдиқловчи ва ушбу Низомнинг 16-бандига асосан рўйхатга олишни бекор қилиш учун асос ҳисобланадиган ҳужжат.

Фуқаро хорижга доимий яшашга кетаётганда, фуқародан қўшимча равишда Ўзбекистон Республикаси ҳудудида доимий яшайдиган ўз ота-онасининг ва турмуш ўртоғининг (биргаликда чиқиш ҳолатлари бундан мустасно), шунингдек, агар биргаликдаги никоҳдан вояга етмаган болалари бўлса, Ўзбекистон Республикасида доимий яшайдиган собиқ турмуш ўртоғининг нотариал тасдиқланган розилиги, улар вафот этган ёки бедарак йўқолган ҳолларда эса — вафот этганлик тўғрисидаги гувоҳноманинг ёки суднинг шахсни бедарак йўқолган деб эътироф этиш ҳақидаги қарорининг нотариал тасдиқланган нусхаси талаб этилади.

Доимий яшаш мақсадида хорижга чиқиш учун мурожаат қилган фуқаро ёзма равишда огоҳлантирилади.

Фуқаронинг доимий рўйхатга олинганлиги ҳужжатлар қабул қилиб олингандан сўнг бир кун ичида бекор қилинади.

17. Қуйидаги маълумотлар идоралараро маълумот алмашиш тизими орқали олинади (агар улар тизимда мавжуд бўлса):

туғилганлик, никоҳ тузилганлиги ёки ажрашганлик, ўлим тўғрисидаги гувоҳномалар — «ФҲДЁнинг ягона электрон архиви» ахборот тизимидан;

уй-жой ва фуқаро ҳақидаги маълумотлар — кўчмас мулк объектларига бўлган ҳуқуқларнинг давлат реестри базасидан;

васийлик ва ҳомийликни ҳамда патронатни тасдиқловчи маълумотлар — Ўзбекистон Республикаси Халқ таълими вазирлигининг электрон базасидан.

18. Доимий рўйхатга олиш ва доимий рўйхатга олинганликни бекор қилиш учун асос бўлган ҳужжатлар номенклатура бўйича йиғмажилдларга тикилади ҳамда МваФРБда беш йил давомида сақланади.

19. Доимий рўйхатга олишни бекор қилиш рад этилган тақдирда, фуқарога шу куннинг ўзида асослантирилган жавоб хати берилади.

20. Фуқаронинг паспортида мавжуд бўлган олдинги яшаш манзили бўйича доимий рўйхатга олинганлиги мазкур Низомга 6-иловага мувофиқ штамп асосида бекор қилинади.

4-боб. Фуқароларни вақтинча турган жойи бўйича рўйхатга олиш тартиби

21. Фуқарони вилоятларда вақтинча турган жойи бўйича рўйхатга (кейинги ўринларда — вақтинча рўйхат) олиш фуқаронинг доимий рўйхатини бекор қилмаган ҳолда, мулкдорнинг аризасида ёки солиқ идораларида ҳисобга олинган ижара шартномасида кўрсатилган, бироқ бир йилдан ортиқ бўлмаган муддатда амалга оширилади.

Доимий рўйхатга олинмаганлик вақтинча рўйхатга олишни рад этиш учун асос ҳисобланмайди.

22. Вилоятлардаги жойлаштириш воситалари ва даволаш муассасаларига келган фуқарони вақтинча рўйхатга олиш ушбу муассасаларнинг маъмурияти томонидан шу куннинг ўзида бу ерда бўлиш муддатидан ва келишининг даврийлигидан қатъи назар, шахсини тасдиқлайдиган ҳужжатлар асосида «E-mehmon» автоматлаштирилган ахборот тизимига киритиш орқали амалга оширилади.

23. Вилоятларда вақтинча рўйхатдан ўтиш учун фуқаро келган кунидан бошлаб ўн беш кун муддатда хоҳишига кўра, ўзига қулай манзилдаги МваФРБга ёки Давлат хизматлари марказларига ёки ЯИДХП орқали мустақил равишда ҳисобга туриш учун мурожаат қилиши мумкин.

Кейинги таҳрирга қаранг.

24. Вақтинча рўйхатдан ўтиш учун Давлат хизматлари маркази орқали мурожаат қилинган ҳолларда, турар жой эгаси номидан Давлат хизматлари маркази ходими томонидан, ЯИДХП орқали мурожаат этган тақдирда эса, мустақил равишда ушбу Низомга 7-иловага мувофиқ шаклдаги сўровнома электрон тарзда тўлдирилади.

Сўровнома қуйидаги ҳужжатларга асосан тўлдирилади:

мулкдор ва доимий рўйхатга олинаётган фуқаронинг паспорти ёки идентификация ID-картаси;

ўн олти ёшга тўлмаган шахслар учун — туғилганлик тўғрисидаги гувоҳнома ёки идентификация ID-картаси;

Ўзбекистон Республикаси Қуролли Кучлари контракт бўйича ҳарбий хизматчисининг шахсий гувоҳномаси (казармалар ва кемалардан ташқарида яшайдиган ҳарбий хизматчилар учун);

ҳарбий ҳисоб ҳужжатлари.

ЯИДХП орқали хизмат кўрсатилганда, ваколатли орган томонидан лозим бўлган маълумотлар идоралараро электрон ҳамкорлик орқали олинади.

Давлат солиқ хизмати органларида ҳисобга олинган ижара шартномаси ҳақида маълумот тақдим этилганда, мулкдорнинг розилиги талаб этилмайди ва сўровнома вақтинча рўйхатдан ўтувчи фуқаро томонидан тўлдирилиши мумкин.

25. Мулкдор (мулкдорлар) номидан нотариал тасдиқланган ишончнома орқали ҳаракатланаётган шахслар фуқарони вақтинча рўйхатга олиш учун МваФРБга мурожаат қилади.

26. Зарур маълумотлар ЯИДХПда сўровномага киритилгандан сўнг ариза берувчи уни ўзининг электрон рақамли имзоси билан тасдиқлайди.

Давлат хизматлари маркази орқали сўровнома тўлдирилиб, электрон рақамли имзоси бўлмаган ҳолларда, шахсий имзо ёки идентификациялашнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

Кейинги таҳрирга қаранг.

27. Сўровномада нотўғри маълумотлар кўрсатилиши (кадастр рақами, паспорт, ID-карта маълумотлари, нотариал тасдиқланган розилик хати), шунингдек, вақтинча рўйхатга олиш учун давлат божини тўламаслик вақтинча рўйхатга олишни рад этиш учун асос ҳисобланади.

28. Давлат хизматлари марказларида сўровнома тўлдирилгач, Ўзбекистон Республикаси Ички ишлар вазирлигига (кейинги ўринларда — ваколатли орган) электрон тизим орқали юборилади. ЯИДХП орқали мурожаат қилинганда эса сўровнома автоматик тарзда ваколатли органга юборилади.

29. Сўровнома ваколатли органнинг электрон тизимига ва Ўзбекистон Республикаси Давлат солиқ қўмитаси ҳузуридаги Кадастр агентлигига келиб тушган вақтда онлайн тарзда кўчмас мулк объектларига бўлган ҳуқуқларнинг давлат реестри базасидан уй-жой ва фуқаро ҳақидаги маълумотлар текширилади.

Кўчмас мулк объектларига бўлган ҳуқуқларнинг давлат реестри базасидан уй-жой ва фуқаро ҳақидаги маълумотлар аниқланмаган ҳолларда, мазкур маълумотлар Ўзбекистон Республикаси Давлат солиқ қўмитаси ҳузуридаги Кадастр агентлиги томонидан бир кун ичида идоралараро маълумот алмашиш орқали тақдим этилади.

Текшириш натижасига кўра ушбу Низомга 8-иловага мувофиқ вақтинча рўйхатга олиш тўғрисида QR-CODE билан ҳимояланган қайд варағини (кейинги ўринларда — вақтинча рўйхатга олиш тўғрисидаги қайд варағи) тегишли Давлат хизматлари марказига (ўзи келиб мурожаат қилган тақдирда) ёки ариза берувчига (электрон тарзда мурожаат этган тақдирда) ЯИДХП орқали электрон тарзда юборилади.

30. Давлат хизматлари маркази вақтинча рўйхатга олиш тўғрисидаги қайд варағи келиб тушгандан сўнг уни фуқаронинг электрон манзилига юборади ва бу ҳақда уни шу куннинг ўзида ахборот-коммуникация тизими орқали хабардор қилади.

Фуқаронинг сўровига кўра вақтинча рўйхатга олиш тўғрисидаги қайд варағи қоғоз шаклда мурожаат қилинган Давлат хизматлари маркази томонидан тақдим этилади.

Давлат хизматлари марказлари ва ваколатли орган ўртасида ахборот алмашиш электрон рақамли имзони мажбурий тартибда қўллаш орқали фақат ҳимояланган идоралараро электрон ўзаро боғланиш ёрдамида амалга оширилади.

Давлат хизматлари маркази ва ЯИДХП орқали вақтинча рўйхатга олиш хизмати мазкур Низомга 9-иловага мувофиқ схема асосида кўрсатилади.

31. Вақтинча рўйхатдан ўтиш учун МваФРБга мурожаат қилган фуқаролар қуйидаги ҳужжатларни тақдим этади:

мазкур Низомга 1-иловага мувофиқ мулкдор аризаси ёхуд нотариал тасдиқланган аризаси (розилиги), агар шахсан ўзи бориш имкони мавжуд бўлмаса;

мулкдор ва вақтинча рўйхатга олинаётган фуқаронинг паспорти ёки идентификация ID-картаси;

ўн олти ёшга тўлмаган шахслар учун — туғилганлик тўғрисидаги гувоҳнома ёки идентификация ID-картаси;

ҳарбий ҳисоб ҳужжатлари.

Солиқ идораларида ҳисобга олинган ижара шартномаси ҳақида маълумот тақдим этилганда мулкдорнинг турар жой майдони бериш тўғрисидаги аризаси (розилиги) талаб этилмайди.

Вилоятларга республиканинг бошқа ҳудудларидан мавсумий иш билан шуғулланишга (қурилиш, қишлоқ хўжалиги ва бошқалар) келган фуқаролар учун мавсумий иш ҳақида шартнома ёки мавсумий иш берувчининг аризаси бўлса, ушбу банднинг иккинчи хатбошидаги ҳужжатлар талаб этилмайди.

32. Ушбу Низомнинг 32-бандида кўрсатилган тегишли ҳужжатлар тўлиқ тақдим этилгандан кейин МваФРБ инспектори тақдим этилган ҳужжатларни ўрганиб чиқиб, шу куннинг ўзида ариза берувчига вақтинча рўйхатга олиш тўғрисидаги қайд варағини беради.

Вақтинча рўйхатга олиш тўғрисидаги қайд варағи фуқаронинг турган жойида вақтинча рўйхатга олинганлигини тасдиқлайдиган ҳужжат ҳисобланади ва паспорт ёки идентификация ID-карта, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (ўн олти ёшга тўлмаган шахслар учун) тақдим этилган тақдирда, унда кўрсатилган муддат мобайнида ҳақиқийдир.

МваФРБ инспектори вақтинча рўйхатга олиш тўғрисидаги қайд варағини расмийлаштириб беришда фуқарога қайта вақтинча рўйхатга олиш тартибини ва ариза топшириш муддатини тушунтиради.

МваФРБ орқали вақтинча рўйхатга олиш мазкур Низомга 10-иловага мувофиқ схема асосида амалга оширилади.

33. Ўн олти ёшга тўлмаган шахсни вақтинча рўйхатга олишни расмийлаштиришда, унинг шахсини тасдиқлаганлик учун жавобгарлик ижарага олинган уй-жойда биргаликда яшайдиган вояга етган шахс зиммасига юкланади.

34. Рўйхатга олинаётган фуқаронинг паспорти ёки идентификация ID-картасига вақтинча рўйхатга олиш тўғрисида белги қўйилмайди.

35. Вақтинча турган жойи бўйича ҳисобга олинган фуқаро рўйхатга олинган манзилида яшаши керак.

36. Таълим муассасаларига ўқишга қабул қилинган фуқаролар турар жойи (уй-жой майдони) бўйича вақтинча рўйхатга олинади. Бунда таълим муассасаси томонидан фуқаронинг ўқишга қабул қилинганлиги тўғрисидаги буйруқдан кўчирма, унинг шахсини тасдиқловчи ҳужжатидан нусха (ўн олти ёшга тўлмаган шахслар учун туғилганлик тўғрисидаги гувоҳнома, 35х45 мм ўлчамли иккита фотосурат) ва таълим муассасаси томонидан турар жой билан таъминланганлиги тўғрисида маълумотнома ҳудудий МваФРБга тақдим этилади.

Фуқаро таълим муассасасининг турар жойидан бошқа турар жойда яшаш истагини билдирганда, мазкур Низомнинг 32-бандида кўрсатилган тегишли ҳужжатлар асосида фуқаро танлаган жойидаги МваФРБ ва Марказларга мурожаат қилиши ҳамда ЯИДХПдан фойдаланишлари мумкин.

Ўқиш вилоятдан ташқарида жойлашган бошқа таълим муассасасига кўчирилган, фуқаро академик таътил олган ёки таълим муассасасидан ўқишдан четлатилган тақдирда, ушбу муассасалар раҳбарияти тегишли қарор қабул қилинган кунда бу ҳақда фуқаро турар жойи бўйича вақтинча рўйхатга олинган ҳудуддаги МваФРБни хабардор қилиши шарт.

Кейинги таҳрирга қаранг.

37. Вақтинча рўйхатга олишни қайта расмийлаштириш умумий асосда амалга оширилади.

Ушбу Низомнинг 32-бандида назарда тутилган ҳужжатларда нотўғри маълумотларнинг мавжудлиги вақтинча рўйхатга олишни расмийлаштиришни рад этиш учун асос бўлади.

Фуқароларни вилоятларда вақтинча рўйхатга олиш рад этилган тақдирда, МваФРБ инспектори томонидан хулоса тузилади. Ушбу хулоса МваФРБ бошлиғи томонидан тасдиқланади, унда рад этишнинг аниқ асослари кўрсатилган бўлиши керак.

Вақтинча рўйхатга олишнинг рад этилиши юзасидан суд тартибида шикоят қилиш мумкин.

38. Вақтинча рўйхатга олиш тўғрисидаги қайд варағи йўқолган ёки бузилган тақдирда, фуқаро тегишли МваФРБга ўз шахсини тасдиқлайдиган ҳужжатни тақдим этган ҳолда, вақтинча рўйхатга олиш тўғрисидаги қайд варағининг йўқолиш ёки бузилиш ҳолатларини кўрсатиб, вақтинча рўйхатга олиш тўғрисидаги қайд варағининг дубликатини расмийлаштириш ҳақидаги аризани тақдим этади.

МваФРБ инспектори аризада кўрсатилган жойда ушбу фуқаронинг вақтинча рўйхатга олиниши тўғрисидаги маълумотлар мавжудлигини текширади. Улар тасдиқланган тақдирда, ариза берувчига шу куннинг ўзида вақтинча рўйхатга олиш тўғрисидаги қайд варағининг дубликатини расмийлаштиради.

Қайд варағининг дубликати фуқаро томонидан ЯИДХП орқали электрон шаклда ҳам олиниши мумкин.

39. Вақтинча рўйхатга олиш таълим муассасаси раҳбарияти ва иш берувчининг билдиришномаси, мулкдор ёки фуқаронинг аризасига асосан бекор қилинади.

МваФРБ инспектори мулкдорнинг аризаси асосида ёки таълим муассасасининг билдиришномаси асосида фуқаронинг вақтинча рўйхатга олинганлигини бекор қилади.

40. Ички ишлар органи таянч пунктининг профилактика инспекторлари ўзлари хизмат кўрсатадиган ҳудудда паспорт режими қоидаларига риоя этилиши юзасидан назоратни амалга оширадилар.

5-боб. Якунловчи қоидалар

41. Ушбу Низом талабларига риоя этилиши ички ишлар органлари ва маҳаллий ижро этувчи ҳокимият органлари томонидан назорат қилинади.

42. Фуқаролардан мазкур Низомда кўрсатилгандан ташқари бошқа ҳужжатларни тақдим этишни талаб қилиниши давлат хизматлари кўрсатиш соҳасидаги қонунчилик ҳужжатлари талабларини бузиш деб ҳисобланади.

Кўчмас мулк объектларига бўлган ҳуқуқларнинг давлат реестри базасида мавжуд бўлмаган ҳамда кадастр рақами бўлмаган турар жойларга доимий ва вақтинча рўйхатга олиш қатъиян тақиқланади.

Фуқаролардан мазкур Низомда кўрсатилгандан ташқари бошқа ҳужжатларни тақдим этишни талаб қилиш, кўчмас мулк объектларига бўлган ҳуқуқларнинг давлат реестри базасида мавжуд бўлмаган ҳамда кадастр рақами бўлмаган турар жойларга доимий ва вақтинча рўйхатга олиш қатъиян тақиқланади.

43. Фуқарони доимий ва вақтинча рўйхатга олишда, унинг кўчмас мулк объектларига бўлган ҳуқуқларига оид маълумот давлат реестри базасидан жисмоний шахснинг шахсий идентификация ва (ёки) солиқ тўловчининг идентификация рақамлари орқали олинади. Мазкур рақам орқали тегишли маълумотнинг олиниши имкони бўлмаганда, фуқародан кадастр рақамини тақдим қилиш талаб этилади.

44. Нотурар жой биноларга фуқароларни доимий ва вақтинча рўйхатга олиш тақиқланади.

Кейинги таҳрирга қаранг.

Корхона, ташкилот ёки ўқув муассасаларига тегишли уй-жойлар, ётоқхоналарга фуқароларни доимий рўйхатга олиш ҳамда турган жойи бўйича вақтинча рўйхатга олиш мазкур корхона, ташкилот ёки ўқув муассасасининг рухсат хати (розилиги) асосида амалга оширилади.

45. Вилоятларда доимий рўйхатга олинмаган фуқароларнинг яшаши учун турар жой майдони тақдим этадиган мулкдор турар жой майдони берилган кундан бошлаб ўн беш кун мобайнида ушбу шахслар тўғрисида ички ишлар органларини хабардор қилиши шарт.

46. Чегара зонасида жойлашган аҳоли пунктларида доимий ва вақтинча рўйхатга олиниш учун ушбу зонага киришга яшаш жойи бўйича ички ишлар органларидан чегара зонасига киришдан олдин белгиланган тартибда олинган рухсатнома ҳам тақдим этилади.

47. Фуқарони доимий ва вақтинча рўйхатга олиш, доимий рўйхатга олинганликни бекор қилиш белгиланган тартибда расмийлаштирилган ишончнома асосида ҳам амалга оширилиши мумкин.

48. Бир нечта уйга ёки квартирага эга бўлган мулкдор улардан фақат биттасига доимий яшаш жойи бўйича рўйхатга олиниши мумкин.

49. Ушбу Низом талаблари бузилишида айбдор бўлган шахслар Ўзбекистон Республикаси қонунчилик ҳужжатларига мувофиқ жавоб берадилар.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
1-ИЛОВА


				_______________________________________
				ТШИИБ, ИИО ФМБ МваФРБга
				_______________________________________
				_____________________________________да
				яшовчи_________________________________
				(мулкдорнинг Ф.И.О.)

АРИЗА
	Менинг эгалигимда бўлган, __________________тумани (шаҳри), ____________кўчаси ________ (квартал)
_________уй, ________ корпусда жойлашган умумий фойдаланиш майдони _______________кв/м дан иборат бўлган ________хонадонга фуқаро_________________________________________________________________ни
		(доимий яшаш ёки вақтинча турган жойи бўйича рўйхатга олинаётган фуқаронинг Ф.И.О)
қуйидаги оила аъзолари билан бирга доимий яшаш (вақтинча турган жойи) бўйича рўйхатга олишингизни сўрайман.

Қариндошлик даражаси			Ф.И.О.		Туғилган йили ва жойи






	Мулкдор ёки вакил ________________________________________________
		(фуқаронинг Ф.И.О.)

	Имзо ________			20__ йил «___» __________

	Изоҳ. Мулкдор вояга етмаган шахс бўлса, унинг номидан ота-оналар, васий (ҳомий)лар вакил сифатида ҳаракат қилади.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
2-ИЛОВА

Фуқарони доимий яшаш жойи бўйича рўйхатга олиш тўғрисида

СЎРОВНОМА

I. Ариза берувчи тўғрисида маълумот:
1. Фамилияси
2. Исми
3. Отасининг исми
4. Туғилган санаси ва жойи
5. Паспорт (ID-карта, контракт бўйича ҳарбий хизматчининг шахсий гувоҳномаси) маълумотлари (серияси ва рақами)
6. Ҳарбий хизматга алоқадорлиги:
6.1. Чақирув участкасида қайд этилганлиги ҳақидаги гувоҳнома (чақирилувчи учун) (серияси ва рақами, қайси туман (шаҳар) мудофаа ишлари бўлими томонидан берилгани)
6.2. Ҳарбий гувоҳнома ва захирадаги офицернинг гувоҳномаси (ҳарбий хизматга мажбурлар учун) (серияси ва рақами)
7. Аввалги яшаган манзили
8. Доимий рўйхатга олинаётган манзил
9. Келишдан мақсади
10. Қаерда ва қайси лавозимда ишлайди
11. Телефон рақами
12. Электрон почта манзили (мавжуд бўлганда)
II. Уй-жой мулкдори (мулкдорлари) ёки уй-жой берган юридик шахс ҳақида маълумот:
1. Ф.И.О. ёки юридик шахс номи
2. Доимий рўйхатга олинаётган манзил ёки юридик манзил
3. Кадастр ёки ордер рақами
III. Вояга етмаган оила аъзолари:
Қариндошлик даражаси	Ф.И.О.	Туғилган йили ва жойи
Ўғли
Қизи

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
3-ИЛОВА

Ўзбекистон Республикаси Ички ишлар вазирлиги				Миграция ва фуқароликни расмийлаштириш бош бошқармаси

	Фуқаро доимий яшаш жойи бўйича рўйхатга олинганлиги тўғрисида ҚАЙД ВАРАҒИ
ЖШШИР________________________________			Қайд варағи рақами_______________
Ф.И.О__________________________________			Туғилган санаси__________________
_______________________________________
Доимий рўйхатга олинган сана____________________________________			Доимий рўйхат манзили ___________________________
Ҳужжат рақами			___________________________
_______________________________________			___________________________
(паспорт, ID-карта, туғилганлик тўғрисида гувоҳнома, ҳарбий ҳужжатлар)

Қайд варағи берган орган____________________________________________________________
		(ТШИИБ, ИИО ФМБ МваФРБ ёки МваФРГ)
Изоҳ. 1. Қайд варағи фуқаронинг яшаш жойида доимий рўйхатга олинганлигини тасдиқлайдиган ҳужжат ҳисобланади ва паспорт, ID-карта, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (ўн олти ёшга тўлмаган шахслар учун) кўрсатилган тақдирда ҳақиқийдир. 2. Ҳарбий ҳисобда туришга мажбур фуқаро уч иш куни ичида доимий рўйхатга олинган туман (шаҳар) мудофаа ишлари бўлимида ҳарбий ҳисобдан ўтишга мажбурдир.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
4-ИЛОВА

Фуқарони яшаш жойи бўйича доимий рўйхатга олиш

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи (мулкдор)	1. Доимий рўйхатга олиш учун Миграция ва фуқароликни расмийлаштириш бўлими (гуруҳи)га ўзи келиб мурожаат қилади. 2. Доимий рўйхатга олиниш учун қонунчилик ҳужжатлари билан белгиланган ҳужжатларни тақдим этади. 3. Хизматни кўрсатиш учун давлат божини тўлайди.	Мурожаат қилинганда
1-босқич	Ариза берувчи (мулкдор)		Мурожаат қилинганда

2-босқич	Миграция ва фуқароликни расмийлаштириш бўлими (гуруҳи)	Тақдим этилган ҳужжатлар асосида сўровнома шаклини тўлдириб, автоматлаштирилган ахборот тизимига юборади.	Ариза тўлдирилгандан кейин 10 дақиқа мобайнида
2-босқич	Миграция ва фуқароликни расмийлаштириш бўлими (гуруҳи)		Ариза тўлдирилгандан кейин 10 дақиқа мобайнида

3-босқич	1. Миграция ва фуқароликни расмийлаштириш бош бошқармаси 2. Давлат солиқ қўмитаси ҳузуридаги Кадастр агентлиги	Сўровнома тушгандан кейин фуқаро ҳақидаги маълумотларни автоматик тарзда тегишли маълумотлар базаларидан текширади.	10 дақиқа давомида
3-босқич			10 дақиқа давомида

4-босқич	Миграция ва фуқароликни расмийлаштириш бўлими (гуруҳи)	Фуқаронинг паспортидаги аввалги яшаш манзилидаги доимий рўйхати штамп босиш йўли билан бекор қилинади ва фуқаронинг хоҳишига кўра доимий рўйхатга олинганлиги ҳақида QR-CODE билан ҳимояланган қайд варағини тақдим этади.	Мурожаат қилинган куннинг ўзида
4-босқич	Миграция ва фуқароликни расмийлаштириш бўлими (гуруҳи)		Мурожаат қилинган куннинг ўзида

5-босқич	Миграция ва фуқароликни расмийлаштириш бўлими (гуруҳи)	Ҳудудий мудофаа бўлимига фуқаро доимий рўйхатга олинганлиги ҳақида электрон тизим орқали маълумот юборади.	Реал вақт режимида
5-босқич	Миграция ва фуқароликни расмийлаштириш бўлими (гуруҳи)		Реал вақт режимида

Кейинги таҳрирга қаранг.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
5-ИЛОВА

Фуқарони Давлат хизматлари маркази ва Ўзбекистон Республикаси Ягона интерактив давлат хизматлари портали орқали фуқарони яшаш жойи бўйича доимий рўйхатга олиш

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи	1. Фуқарони яшаш жойи бўйича доимий рўйхатга олиш учун туман (шаҳар) ички ишлар бўлимлари (бошқармалари) Миграция ва фуқароликни расмийлаштириш бўлими ёки бўлинмаси (гуруҳи) га мурожаат қилади.	1. Хоҳишига кўра
1-босқич	Ариза берувчи	2. Хизматни кўрсатиш учун давлат божини тўлайди.	2. Мурожаат қилинганда

2-босқич	1. Давлат хизматлари маркази	Сўровнома шаклини тўлдириб, ваколатли органга юборади.	1. Сўровнома тўлдирилгандан кейин 1 соат мобайнида
2-босқич	2. ЯИДХП	Сўровнома шаклини тўлдириб, ваколатли органга юборади.	2. Аниқ вақт режимида

3-босқич	Ваколатли орган	1. Сўровнома тушгандан кейин фуқаро ҳақидаги маълумотларни автоматик тарзда тегишли маълумотлар базаларидан текширади. 2. QR-CODE билан ҳимояланган фуқарони вақтинча турар жой бўйича рўйхатга қўйиш ҳақидаги қайд варағини расмийлаштиради ва Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) юборади 3. Ҳудудий мудофаа бўлимига фуқаро доимий рўйхатга олинганлиги ҳақида электрон тизим орқали маълумот юборади.	1 иш куни мобайнида
3-босқич	Ваколатли орган		1 иш куни мобайнида

4-босқич	1. Давлат хизматлари маркази	Қайд варағи келиб тушгандан сўнг уни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади. (Фуқаронинг сўровига қайд варағи қоғоз шаклда Давлат хизматлари марказининг муҳри билан тасдиқланган ҳолда тақдим этилади).	1. 10 дақиқа мобайнида
4-босқич	2. ЯИДХП		2. Аниқ вақт режимида

Кейинги таҳрирга қаранг.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
6-ИЛОВА

Фуқаронинг паспортидаги аввалги доимий рўйхатини бекор қилиш штампининг

НАМУНАСИ

Штамп ўлчами 60х20 мм

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
7-ИЛОВА

Фуқарони вақтинча турган жойи бўйича рўйхатга олиш учун

СЎРОВНОМА

I. Ариза берувчи тўғрисида маълумот:
1. Фамилияси
2. Исми
3. Отасининг исми
4. Туғилган жойи ва санаси
5. Паспорт (ID-карта) маълумотлари (серияси ва рақами)
6. Ҳарбий хизматга алоқадорлиги*
6.1. Чақирув участкасида қайд этилганлиги ҳақидаги гувоҳнома (чақирилувчи учун) (серияси ва рақами, қайси туман (шаҳар) мудофаа ишлари бўлими томонидан берилгани)
6.2. Ҳарбий гувоҳнома ва захирадаги офицернинг гувоҳномаси (ҳарбий хизматга мажбурлар учун) (серияси ва рақами)
7. Доимий рўйхатга олинган манзили
8. Вақтинча турган жойи бўйича рўйхатга олинаётган манзили
9. Келишдан мақсади ва муддати
10. Қаерда ва қайси лавозимда ишлайди
11. Телефон рақами
12. Электрон почта манзили
II. Уй-жой мулкдори (мулкдорлари) ёки уй-жой берган юридик шахс ҳақида маълумот:
1. Ф.И.О. ёки юридик шахс номи
2. Доимий рўйхат манзили ёки жойлашган жойи (почта манзили)
3. Кадастр рақами
4. Уй-жой берган юридик шахснинг алоқа хати
III. Вояга етмаган оила аъзолари:
Қариндошлик даражаси	Ф.И.О.	Туғилган йили ва жойи
Ўғли
Қизи

* Турар жойи бир ярим ойдан ортиқ муддатга ўзгарган, уч ойдан ортиқ муддатга хизмат сафарига, ўқиш, таътил ёки даволанишга борган тақдирда тўлдирилади.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
8-ИЛОВА

Ўзбекистон Республикаси Ички ишлар вазирлиги				Миграция ва фуқароликни расмийлаштириш бош бошқармаси

	Фуқаро вақтинча турган жойи бўйича рўйхатга олинганлиги тўғрисида ҚАЙД ВАРАҒИ
ЖШШИР______________			Рақам________
Фуқаро________________			Туғилган вақти________
Ҳужжат________			Амал қилиш муддати
Берилган вақти ________			________________
Серияси _______________
	Вақтинча яшаш манзили		Қўшимча маълумотлар
Кадастр _____________			Келишдан мақсад________________
Вилоят________________			Қаердан келди___________________
Туман (шаҳар) _________			Вақтинча турган жойи бўйича рўйхатга олиниш
			муддати______йил «____»________гача
Манзил________________
Уй ______ хона _____			Маълумот________________

Қайд варағи берган орган_____________________________________________
		(ТШИИБ, ИИО ФМБ МваФРБ ёки МваФРГ)
Изоҳ. Вақтинча турган жойи бўйича рўйхатга олинганлик тўғрисидаги қайд варағи фуқаронинг вақтинча рўйхатга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (ўн олти ёшга тўлмаган шахслар учун) кўрсатилган тақдирда, унда кўрсатилган муддат мобайнида ҳақиқийдир.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
9-ИЛОВА

Фуқарони Давлат хизматлари маркази ва Ўзбекистон Республикаси Ягона интерактив давлат хизматлари портали орқали вақтинча турган жойи бўйича рўйхатга олиш

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи	1. Вақтинча турган жойи бўйича рўйхатга олиш учун Давлат хизматлари марказига ўзи келиб мурожаат қилади ёки ЯИДХПда рўйхатдан ўтади.	1. Хоҳишига кўра
1-босқич	Ариза берувчи	2. Давлат хизматларини кўрсатиш учун давлат божини тўлайди.	2. Мурожаат қилинганда

2-босқич	1. Давлат хизматлари маркази	Сўровнома шаклини тўлдириб, ваколатли органга юборади.	1. Сўровнома тўлдирилгандан кейин 1 соат мобайнида
2-босқич	2. ЯИДХП	Сўровнома шаклини тўлдириб, ваколатли органга юборади.	2. Аниқ вақт режимида

3-босқич	Ваколатли орган	1. Сўровнома тушгандан кейин фуқаро ҳақидаги маълумотларни автоматик тарзда тегишли маълумотлар базаларидан текширади.	1 иш куни мобайнида
3-босқич	Ваколатли орган	2. QR-CODE билан ҳимояланган фуқарони вақтинча турар жой бўйича рўйхатга қўйиш ҳақидаги қайд варағини расмийлаштиради ва Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) юборади.	1 иш куни мобайнида

4-босқич	1. Давлат хизматлари маркази 2. ЯИДХП	Қайд варағи келиб тушгандан сўнг уни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади. (Фуқаронинг сўровига қайд варағи қоғоз шаклда Давлат хизматлари марказининг муҳри билан тасдиқланган ҳолда тақдим этилади).	1. 10 дақиқа мобайнида 2. Аниқ вақт режимида
4-босқич	1. Давлат хизматлари маркази 2. ЯИДХП		1. 10 дақиқа мобайнида 2. Аниқ вақт режимида

Кейинги таҳрирга қаранг.

Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартиби тўғрисидаги низомга
10-ИЛОВА

Фуқарони вақтинча турган жойи бўйича рўйхатга олиш

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи	1. Вақтинча турган жойи бўйича рўйхатга олиш учун туман (шаҳар) ички ишлар бўлимлари (бошқармалари) Миграция ва фуқароликни расмийлаштириш бўлим ёки бўлинмаси (гуруҳи) га уй эгаси билан бирга мурожаат қилади. 2. Вақтинча турган жойи бўйича рўйхатга олиш учун қонунчилик ҳужжатлари билан белгиланган ҳужжатларни тақдим этади. 3. Хизмат кўрсатиш учун давлат божини тўлайди.	Мурожаат қилинганда
1-босқич	Ариза берувчи		Мурожаат қилинганда

2-босқич	Миграция ва фуқароликни расмийлаштириш бўлими (гуруҳи)	Тақдим этилган ҳужжатлар асосида сўровнома шаклини тўлдириб, автоматлаштирилган ахборот тизимига юборади.	Сўровнома тўлдирилгандан кейин 10 дақиқа мобайнида
2-босқич	Миграция ва фуқароликни расмийлаштириш бўлими (гуруҳи)		Сўровнома тўлдирилгандан кейин 10 дақиқа мобайнида

3-босқич	Миграция ва фуқароликни расмийлаштириш бош бошқармаси	1. Сўровнома тушгандан кейин фуқаро ҳақидаги маълумотлар автоматик тарзда тегишли маълумотлар базаларидан текширади. 2. QR-CODE билан ҳимояланган фуқарони вақтинча турар жой бўйича рўйхатга қўйиш ҳақидаги қайд варағини расмийлаштиради ҳамда Миграция ва фуқароликни расмийлаштириш бўлимига юборади.	10 дақиқа мобайнида
3-босқич	Миграция ва фуқароликни расмийлаштириш бош бошқармаси		10 дақиқа мобайнида

4-босқич	Миграция ва фуқароликни расмийлаштириш бўлими (гуруҳи)	Қайд варағи келиб тушгандан сўнг уни расмийлаштириб, ариза тақдим этади.	10 дақиқа мобайнида
4-босқич	Миграция ва фуқароликни расмийлаштириш бўлими (гуруҳи)		10 дақиқа мобайнида

(1-илова Ўзбекистон Республикаси Вазирлар Маҳкамасининг 2021 йил 29 декабрдаги 785-сонли қарори таҳририда — Қонунчилик маълумотлари миллий базаси, 29.12.2021 й., 09/21/785/1214-сон)

Кейинги таҳрирга қаранг.

Олдинги таҳрирга қаранг.

(2-илова Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарорига асосан 2021 йил 1 январдан ўз кучини йўқотади — Қонун ҳужжатлари маълумотлари миллий базаси, 29.09.2020 й., 09/20/593/1340-сон)

Вазирлар Маҳкамасининг 2018 йил 22 октябрдаги 845-сон қарорига
3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

Олдинги таҳрирга қаранг.

(1-банд Ўзбекистон Республикаси Вазирлар Маҳкамасининг 2020 йил 16 июндаги 384-сонли қарорига асосан ўз кучини йўқотган — Қонун ҳужжатлари маълумотлари миллий базаси, 16.06.2020 й., 09/20/384/0770-сон)

2. Вазирлар Маҳкамасининг «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида» 1996 йил 21 ноябрдаги 408-сон қарорига 2-илова матни қуйидаги таҳрирда баён этилсин:

«Чет эл фуқаролари ва фуқаролиги бўлмаган шахсларнинг Ўзбекистон Республикасида бўлиши қоидалари

I. Умумий қоидалар

1. Ўзбекистон Республикасининг қонун ҳужжатларига мувофиқ чет эл фуқаролари ва фуқаролиги бўлмаган шахслар (кейинги ўринларда чет эл фуқаролари деб аталади) Ўзбекистон Республикасида доимий яшашлари ёки вақтинча бўлишлари мумкин.

2. Ушбу Қоидалар:

а) чет эл фуқароларининг Ўзбекистон Республикаси ҳудудида ҳаракатланиши;

б) чет эл фуқароларини аккредитация қилиш;

в) Ўзбекистон Республикасига бошқа давлатлардан келган чет эл фуқароларининг автотранспорт воситаларини ҳисобга қўйиш;

г) қонун ҳужжатларини ва ушбу Қоидаларни бузганлик учун чет эл фуқароларининг Ўзбекистон Республикасида бўлиш муддатларини қисқартириш ва уларни Ўзбекистон Республикасидан чиқариб юбориш тартибини белгилайди.

3. Ўзбекистон Республикасида вақтинча бўлиб турган чет эл фуқаролари жойлаштириш воситаларида (меҳмонхоналарда, меҳмонхона хизматлари — вақтинча яшаш хизматлари кўрсатиладиган туристик базаларда ва мажмуаларда, дам олиш уйлари ва зоналарида, пансионатларда, кемпингларда, мотелларда, оилавий меҳмон уйларида, ўтов ва чодирли лагерларда, санаторийларда ва бошқа объектларда, шунингдек, тунаш учун жойлашиш воситаларига айлантирилган ер транспортида), ўзлари танлаган бошқа уй-жой майдонида, шунингдек, даволаш муассасаларида қабул қилувчи ташкилотларни (вазирликлар, идоралар, мулкчилик шаклидан ҳамда фаолият туридан қатъи назар корхоналар ва ташкилотларни, чет давлатларнинг доимий ваколатхоналарини, халқаро ҳукуматлараро ташкилотларнинг ваколатхоналарини ва чет давлатларнинг ҳукумат ташкилотларини, халқаро ва чет эл нодавлат (ноҳукумат) нотижорат ташкилотларининг (кейинги ўринларда ташкилотлар деб аталади) ваколатхоналарини), шунингдек, уларни шахсий ишлар бўйича Ўзбекистон Республикасига таклиф қилган шахсларни хабардор қилган ҳолда яшайдилар.

4. Ўзбекистон Республикасида бўлиб турган чет эл фуқаролари ёнида паспорт ёки паспорт ўрнини босувчи ҳужжатлар (кейинги ўринларда миллий паспортлар деб аталади) бўлиши ҳамда улар бу ҳужжатларни ваколатли органлар вакилларининг талабига мувофиқ тақдим этишлари шарт.

Чет эл фуқаролари миллий паспорт йўқолганлиги ҳақида дарҳол қабул қилувчи ташкилотга ва ички ишлар органларига хабар қилишлари шарт.

Туристларнинг ҳужжатларини текшириш Ўзбекистон Республикаси Ички ишлар вазирлиги томонидан белгиланадиган соддалаштирилган тартибда амалга оширилади.

5. Таклиф қилган (қабул қиладиган) шахслар, ташкилотлар, шу жумладан туризм операторлари чет эл фуқароларига уларнинг Ўзбекистон Республикасининг қонун ҳужжатларида ва ушбу Қоидаларда назарда тутилган ҳуқуқлари ва мажбуриятлари ўз вақтида тушунтириб берилишини, чет эл фуқаролари билан муносабатларда белгиланган ҳуқуқий меъёрлар аниқ бажарилишини таъминлайдилар, чет эл фуқароларининг тегишли ҳисобини юритадилар (Ўзбекистон Республикасига шахсий ишлар билан нотижорат мақсадларда келаётган чет эл фуқароларини қабул қиладиган ва уларга турар жой берадиган жисмоний шахслар бундан мустасно), шунингдек, Интернет тармоғи орқали ихтисослаштирилган электрон автоматлаштирилган дастур (кейинги ўринларда Дастур деб аталади) ёрдамида хабардор қилиш ёки Ўзбекистон Республикаси Ички ишлар вазирлигининг тегишли бўлимларига мурожаат қилиш йўли билан уларнинг вақтинча пропискадан ўтказилишини, республика ҳудудида ҳаракатланишини ҳамда ўзларига белгилаб берилган бўлиш муддати тугагач, Ўзбекистон Республикасидан чиқиб кетишини таъминлаш учун жавобгар бўладилар.

Чет эллик туристларни қабул қиладиган туризм операторлари, шунингдек, уларнинг ходимлари чет эллик туристлар Ўзбекистон Республикасининг қонун ҳужжатларини бузганлиги учун жавобгарликдан озод қилинадилар, ушбу банднинг биринчи хатбошида назарда тутилган жавобгарлик бундан мустасно.

Жойлаштириш воситаларига, даволаш муассасаларига ва бошқа уй-жой майдонларига жойлаштирилган чет эл фуқаролари (мустақил саёҳат қилиб, чодирли лагерларда ҳамда тунаш учун жойлаштириш воситасига айлантирилган ер транспортида яшайдиган чет эл фуқаролари бундан мустасно) вақтинча пропискадан ўтиш қоидаларини бузганлик учун жавобгарликдан озод қилиниб, чет эл фуқаролари келганларидан кейин уч сутка ичида ички ишлар органларини мустақил равишда хабардор қилишлари шарт бўлган жойлаштириш воситалари ва даволаш муассасалари маъмуриятининг, шунингдек, бошқа уй-жой майдонлари эгаларининг жавобгарлиги кучайтирилади.

6. Чет эллик фуқаро ташкилотлардан бирининг таклифига мувофиқ келган ҳолларда бошқа ташкилот ушбу фуқарога нисбатан мажбуриятларни ва ушбу Қоидаларнинг 5-бандида назарда тутилган жавобгарликни зиммасига олган ҳолда, уни ўз йўналиши бўйича Ўзбекистон Республикасида қабул қилиш ҳуқуқига эга.

7. Ўзига нисбатан виза режими қўлланилмайдиган ёхуд виза беришнинг соддалаштирилган тартиби қўлланиладиган, учинчи шахсларнинг таклифисиз ёки таклифсиз туристлар сифатида келган чет эл фуқаролари паспорт назоратидан ўтишдан олдин ушбу Қоидаларнинг 5-бандида назарда тутилган талаблар ва жавобгарлик билан танишиб чиқадилар. Мазкур фуқаролар зарур ҳолларда виза муддатини узайтириш учун мустақил равишда ҳужжатлар топшириш ҳуқуқига эга.

8. Чет эл фуқароларини Ўзбекистон Республикасига нотижорат мақсадларда шахсий ишлар бўйича таклиф қилган ва уларга уй-жой майдонини берган шахслар қуйидагиларга мажбур:

уларни қуйидаги йўллар билан вақтинча прописка қилиш чораларини кўрадилар:

агар чет эл фуқароларининг Ўзбекистон Республикасида бўлиш муддати 30 кундан ортиқ бўлса, ҳудудий ички ишлар органларига шахсан мурожаат этиш орқали хабардор қилиш;

агар чет эл фуқароларининг Ўзбекистон Республикасида бўлиш муддати тўлиқ 30 кундан ошмаса, Дастур ёрдамида ёки ҳудудий ички ишлар органларига шахсан мурожаат этиш орқали;

чет эл фуқаролари учун белгиланган Ўзбекистон Республикасида бўлиш муддати тугаганидан кейин уларнинг Ўзбекистон Республикасидан чиқиб кетишига ёрдам беришлари шарт.

Бу шахслар томонидан чет эл фуқароларига уй-жой, транспорт воситалари бериш ёхуд бошқа хизматлар кўрсатиш Ўзбекистон Республикасининг амалдаги қонун ҳужжатлари ва ушбу Қоидалар бузилишига олиб келиши олдиндан маълум бўлган ҳолларда ушбу шахсларнинг чет эл фуқароларига уй-жой, транспорт воситалари беришига ёхуд бошқа хизматлар кўрсатишига йўл қўйилмайди.

9. Ўзбекистон Республикасида бўлиб турган чет эл фуқаролари Ўзбекистон Республикасининг қонун ҳужжатларига ва ушбу Қоидаларга риоя этишлари шарт.

10. Чет эл фуқаролари, мансабдор шахслар, шунингдек, Ўзбекистон Республикасининг бошқа фуқаролари ушбу Қоидаларнинг талабларига риоя этишлари юзасидан назоратни ички ишлар органлари ҳамда Ташқи ишлар вазирлиги ўз ваколатлари доирасида жойлардаги ҳокимият органлари ва Ўзбекистон Республикасининг ҳуқуқни муҳофаза қилувчи органлари билан ҳамкорликда, шу жумладан Дастур ёрдамида амалга оширадилар.

11. Чет эл фуқароларини вақтинча рўйхатдан ўтказиш ва уларга Ўзбекистон Республикасида доимий яшаш ҳамда унинг ҳудудида ҳаракатланиши учун рухсатномалар бериш тартиби Ўзбекистоннинг бошқа мамлакатлар билан икки томонлама ва кўп томонлама битимлари билан, шунингдек, Ташқи ишлар вазирлиги ва Ички ишлар вазирлиги томонидан Ўзбекистон Республикаси Вазирлар Маҳкамаси билан келишган ҳолда тенг асосларда ўзгартирилиши мумкин.

II. Чет эл фуқароларини аккредитация қилиш. Чет эл фуқароларининг автотранспорт воситаларини ҳисобга олиш ва рўйхатдан ўтказиш

12. Ўзбекистон Республикаси Ташқи ишлар вазирлигида чет эл фуқароларининг қуйидаги тоифалари аккредитация қилинади:

а) чет эл дипломатик ваколатхоналари ва консуллик муассасаларининг раҳбарлари, дипломатик персонал аъзолари, консулликларнинг мансабдор шахслари, ҳарбий атташелар, дипломатик ваколатхоналар ва консуллик муассасаларининг маъмурий-техник ва хизмат кўрсатиш персонали, шунингдек, уларнинг оила аъзолари;

б) оммавий ахборот воситаларининг вакиллари ва уларнинг оила аъзолари;

в) халқаро ҳукуматлараро ташкилотларнинг ва чет давлатлар ҳукумат ташкилотларининг Ўзбекистон Республикасига хизмат ишлари бўйича келган мансабдор шахслари, мазкур ташкилотларнинг Ўзбекистон Республикасидаги ваколатхоналари ходимлари, шунингдек, Ўзбекистон Республикасида штаб-квартираси бўлган халқаро ташкилотлар ҳузуридаги мамлакатлар ваколатхоналарининг мазкур ташкилотлар устав ҳужжатларига ёки тегишли шартномаларга мувофиқ дипломатик имтиёзлардан ва иммунитетлардан фойдаланувчи ходимлари, шунингдек, уларнинг оила аъзолари.

Ўзбекистон Республикаси Ташқи ишлар вазирлиги, унинг ваколатхоналари томонидан мазкур шахсларга аккредитация карточкалари берилади ҳамда бевосита уларнинг миллий паспортларига аккредитация ҳақида ёзиб қўйилади.

13. Ўзбекистон Республикасига олти ойгача муддатга келган чет эл фуқароларининг шахсий ва хизмат автотранспорт воситалари Ўзбекистон Республикасининг божхона органларида ҳисобга қўйилиши керак. Чет эллик эгалари томонидан Ўзбекистон Республикасига олти ойдан ортиқ муддатга олиб кирилаётган транспорт воситалари Давлат йўл ҳаракати хавфсизлиги хизмати органларида рўйхатга олиниб, миллий рақам белгилари алмаштирилади.

Йўл ҳаракати тўғрисидаги конвенция (Вена, 1968 йил 8 ноябрь) талабларига жавоб берадиган халқаро ҳайдовчилик гувоҳномалари ва миллий ҳайдовчилик гувоҳномалари Ўзбекистон Республикаси ҳудудида автотранспорт воситаларини бошқариш учун ҳақиқийдир. Чет эл фуқароларига миллий ҳайдовчилик гувоҳномаларини бериш ёки ушбу фуқароларнинг мазкур Конвенция талабларига жавоб бермайдиган ҳайдовчилик гувоҳномаларини алмаштириб бериш Ўзбекистон Республикаси фуқаролари учун назарда тутилган тартибда амалга оширилади.

Чет эллик эгаларининг транспорт воситаларини давлат техник кўригидан ўтказиш ҳам Ўзбекистон Республикаси фуқаролари учун назарда тутилган тартибда амалга оширилади.

Ўзбекистон Республикаси фуқароларига ёки Ўзбекистон Республикасида яшаётган чет эл фуқароларига қарашли бўлган автомототранспортни фойдаланиш учун чет эл фуқароларига бериш нотариал тартибда расмийлаштирилиб, автомототранспортнинг давлат рақами белгисини чет эл фуқароларига мўлжалланган тегишли тоифадаги белгига алмаштириш учун ички ишлар органлари хабардор қилинади. Чет эл фуқаролари томонидан қайтариб олиб чиқиб кетиш мажбурияти билан олиб кирилган автотранспорт белгиланган муддат тугаганидан кейин чет элга олиб чиқиб кетилиши керак ва у Ўзбекистон Республикаси ҳудудида олиб қўйилиши мумкин эмас.

III. Чет эл фуқароларининг Ўзбекистон Республикаси ҳудудида ҳаракатланиши

14. Чет эл фуқаролари Ўзбекистон Республикасининг ўзларига ташриф учун рухсат берилган ҳудудидагина ҳаракатланишлари шарт.

Чет эл фуқаролари вақтинча бўлиш пунктига етиб келганларидан кейин таклиф қилган (қабул қиладиган) шахслар, ташкилотлар уларни Ўзбекистон Республикаси ички ишлар органларида Дастур воситасида ёки ҳудудий ички ишлар органларига ёзма мурожаат қилиш орқали вақтинча рўйхатдан ўтказишлари шарт.

Жойлаштириш воситаларида ёки даволаш муассасаларида турган чет эл фуқаролари мазкур муассасаларда ҳисобдан ўтадилар.

Ўзбекистон Республикаси ҳудудида доимий яшайдиган ва яшаш гувоҳномаларига эга бўлган чет эл фуқароларини вақтинча рўйхатдан ўтказиш уларнинг муайян яшаш жойида турадиган даври учун амалга оширилади. Уч суткадан то олти ойгача даврга вақтинча рўйхатдан ўтказиш шахсни доимий яшаш жойидан ўчирмаган ҳолда амалга оширилади. Хизмат сафарига, таътилга, дам олиш ёки даволанишга жўнаб кетаётганлардан ташқари бошқа шахсларни олти ойдан ортиқ муддатга вақтинча рўйхатдан ўтказиш шахсни доимий яшаш жойидан ўчирган ҳолда амалга оширилади.

15. Қабул қилувчи ташкилотлар йўналиши бўйича келган чет эл фуқароларининг чегара зонасига ва ташриф учун ёпиқ бўлган жойларга кириши ҳамда ҳаракатланиши:

ушбу ташкилотларнинг ёзма мурожаатлари асосида;

шахсий ишлар билан келган чет эл фуқароларининг чегара зонасига ва ташриф учун ёпиқ бўлган жойларга кириши ҳамда ҳаракатланиши чет эл фуқароларининг шахсий ёзма аризалари асосида фақат ички ишлар органларининг рухсати билан амалга оширилиши мумкин.

Қабул қилувчи ташкилотларнинг илтимосига кўра чет эл фуқароларига кўп марта кириш ва ҳаракатланиш учун рухсатномалар берилиши мумкин.

16. Ташқи ишлар вазирлиги ҳузурида аккредитация қилинган чет эл фуқароларининг Ўзбекистон Республикаси ҳудудида ҳаракатланиш тартиби, агар Ўзбекистон иштирокчиси бўлган халқаро келишувларда бошқача тартиб назарда тутилмаган бўлса, икки томонлама шартномалар билан ва тенглик асосида белгиланади.

17. Чет эл фуқароларининг Ўзбекистон Республикасида транзит ҳаракатланиши Чет эл фуқаролари ва фуқаролиги бўлмаган шахсларнинг Ўзбекистон Республикаси ҳудудидан транзит ўтиши қоидаларига (3-иловага қаралсин) мувофиқ амалга оширилади.

18. Ўзбекистон Республикасидаги турар жойини ушбу Қоидаларни бузган ҳолда ўзгартирган чет эл фуқаролари ички ишлар органларининг талаби билан олдинги турар жойларига қайтишлари ёки танлаган бориш пунктларига мувофиқ юришлари шарт.

IV. Бўлиш муддатини қисқартириш ва Ўзбекистон Республикасидан чиқариб юбориш

19. Чет эл фуқаролари ушбу Қоидаларни бузганлик учун Ўзбекистон Республикасининг амалдаги қонун ҳужжатларига мувофиқ жавобгарликка тортиладилар.

Ушбу Қоидаларнинг талабларига амал қилишлари шарт бўлган шахсларнинг (шу жумладан республикага чет эл фуқароларини шахсий ишлар бўйича таклиф қилган ёки уларга хизмат кўрсатадиган шахсларнинг) Қоидалар талабларини бузиши Ўзбекистон Республикасининг қонун ҳужжатларига мувофиқ жавобгарликка сабаб бўлади.

20. Ўзбекистон Республикасининг қонун ҳужжатларини ёки ушбу Қоидаларни бузаётган чет эл фуқаросига Ўзбекистон Республикасида бўлиш учун унга белгиланган муддат қисқартирилиши мумкин.

Чет эл фуқаросининг Ўзбекистон Республикасида бўлиш муддати унинг бундан буён бўлиши учун асослар ёки маблағлар бўлмаганида ҳам қисқартирилиши мумкин.

21. Чет эл фуқаросининг Ўзбекистон Республикасида бўлиш муддатини қисқартириш ҳамда уни чиқариб юбориш қонун ҳужжатларида белгиланган тартибда амалга оширилади.

22. Чет эл фуқароси Ўзбекистон Республикасида бўлиш қоидаларини бузган, яъни Ўзбекистонда яшаш ҳуқуқини берувчи ҳужжатларсиз ёки ҳақиқий бўлмаган ҳужжатлар билан яшаган, вақтинчалик ёки доимий рўйхатдан ўтиш, ҳаракатланиш ёки яшаш жойини танлаш бўйича белгиланган тартибга риоя қилмаган, бўлиш муддати тугаганидан кейин чиқиб кетишдан бўйин товлаган, Ўзбекистон Республикаси ҳудудидан транзит ўтиш қоидаларига риоя этмаган ҳолларда Ўзбекистон Республикасидан ташқарига чиқариб юборилиб, кейинчалик унинг Ўзбекистон Республикасига кириш ҳуқуқи бир йилдан уч йилгача чекланиши мумкин.

Чет эл фуқароси Ўзбекистон Республикаси ҳудудида содир этилган жиноят учун суд томонидан белгиланган жазони ижро этиб бўлган ёки ўтаб бўлганидан кейин ёхуд қонун ҳужжатларида назарда тутилган ҳолларда жиноий жавобгарликдан ёки жазодан озод қилинганидан кейин Ўзбекистон Республикасидан ташқарига чиқариб юборилиб, бундан кейин унинг Ўзбекистон Республикасига кириш ҳуқуқи:

катта ижтимоий хавф туғдирмайдиган ёки унча оғир бўлмаган жиноятларни содир этганлик учун — беш йилга;

оғир жиноятларни содир этганлик учун — ўн йилга.

ўта оғир жиноятларни содир этганлик учун — умрбод чекланади.

Чет эл фуқаросининг Ўзбекистон Республикасига кириш ҳуқуқини чеклаш муддати у Ўзбекистон Республикаси ҳудудидан чиқариб юборилган (Давлат чегарасини кесиб ўтган) пайтдан бошлаб ҳисобланади.

23. Чет эл фуқаросининг Ўзбекистон Республикасида бўлиш муддатини қисқартириш ва уни Ўзбекистон Республикасидан чиқариб юбориш тўғрисидаги қарорлар Ўзбекистон Республикасининг ваколатли органлари томонидан қабул қилинади. Чет эл фуқароси ушбу қарорда кўрсатилган муддатда Ўзбекистон Республикасидан чиқиб кетиши шарт. Бундай ҳолларда чиқиб кетишдан бўйин товлайдиганлар қонун ҳужжатларига мувофиқ мажбурий тартибда чиқариб юборилиши лозим.

Чет эл фуқаросига берилган виза уни Ўзбекистон Республикасидан ташқарига чиқариб юбориш вақтида бекор қилинади.

24. Ўзбекистон Республикасида бўлиб турган чет эл фуқароларини таклиф қилган қабул қилувчи ташкилотлар ва хусусий шахслар ички ишлар органларига чет эл фуқароларининг Ўзбекистон Республикасида бўлиш муддатларини қисқартириш ҳамда уларни чиқариб юборишни илтимос қилишлари мумкин.

25. Хизмат, шахсий, савдо ёки жамоат ишлари бўйича, ўқиш, малака ошириш, ишлаш учун ёки туристлар сифатида келган чет эл фуқароларини Ўзбекистон Республикасидан чиқариб юбориш харажатлари Ўзбекистон Республикасидан чиқариб юборилаётган чет эл фуқароларини таклиф қилган қабул қилувчи ташкилотлар ва хусусий шахслар зиммасида бўлади.

Бошқа чет элликларни, шу жумладан Ўзбекистон Республикасида доимий яшайдиган чет эл фуқароларини чиқариб юбориш харажатлари ички ишлар органлари зиммасида бўлади.

26. Чет эл фуқароси ўзини Ўзбекистон Республикасидан чиқариб юбориш ва Ўзбекистон Республикасида бўлиш муддатини қисқартириш тўғрисидаги қарор юзасидан Ўзбекистон Республикаси қонун ҳужжатларида назарда тутилган тартибда ва асосда шикоят қилиши мумкин.

27. Ушбу Қоидаларнинг 19 — 25-бандларидаги қоидалар Ўзбекистон Республикасининг қонун ҳужжатларига ва халқаро шартномаларига, шунингдек, халқаро ҳуқуқ меъёрларига мувофиқ имтиёзлардан ва иммунитетлардан фойдаланувчи шахсларга татбиқ этилмайди».

Олдинги таҳрирга қаранг.

(3-банд Ўзбекистон Республикаси Вазирлар Маҳкамасининг 2019 йил 5 декабрдаги 970-сонли қарорига асосан ўз кучини йўқотган — Қонун ҳужжатлари маълумотлари миллий базаси, 06.12.2019 й., 09/19/970/4113-сон)

4. Вазирлар Маҳкамасининг «Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2012 йил 16 февралдаги 41-сон қарорида (Ўзбекистон Республикаси ҚТ, 2012 й., 5-сон, 32-модда):

а) 1-иловада:

қуйидаги мазмундаги 1¹-банд қўшилсин:

«1¹. Фуқаролар қонун ҳужжатларига мувофиқ, доимий яшаш жойларида пропискадан ўтишлари ва/ёки турган жойларида ҳисобда туришлари шарт.

Агар қонун ҳужжатларида бошқача тартиб назарда тутилмаган бўлса, турган жойи бўйича ҳисобга олинмаганлиги ёки доимий пропискада турмаганлиги фуқарога хизмат кўрсатишни рад этиш учун асос деб ҳисобланиши мумкин эмас.

Фуқаролар янги яшаш жойига келган кунларидан бошлаб беш кун ичида доимий пропискада туриш ёки ҳисобга қўйиш учун ҳужжатлар тақдим этишлари шарт.

16 ёшга тўлмаган шахсларни доимий прописка қилиш ва ҳисобга олиш уларнинг ота-оналари ёки уларни ўрнини босувчи шахсларнинг хоҳишига кўра ихтиёрий асосда амалга оширилади»;

2-бандга қуйидаги мазмундаги хатбоши қўшилсин:

«Доимий пропискага эга бўлиш ва турган жойлари бўйича ҳисобда туриш учун фуқаролар давлат хизматлари кўрсатишнинг соддалаштирилган тартибини таъминлайдиган электрон тизим орқали мурожаат қилишлари мумкин»;

4-бандда:

иккинчи хатбоши қуйидаги таҳрирда баён қилинсин:

«ушбу Низомнинг 1-иловасига мувофиқ шакл бўйича ариза»;

бешинчи хатбоши қуйидаги таҳрирда баён қилинсин:

«уй-жой ҳужжатларининг асл нусхаси (нусхалари олиниб, асли қайтарилади)»;

9²-банднинг биринчи хатбошидан «қиймати энг кам ойлик иш ҳақининг 2500 бараваридан кам бўлмаган» сўзлари чиқариб ташлансин;

қуйидаги мазмундаги 10¹ — 10³-бандлар қўшилсин:

«10¹. Турар жой мулкдори ўз оила аъзоларини ва бошқа шахсларни пропискадан ўтказиш ҳуқуқига эга.

10². Бир нечта уйга ёки квартирага эга бўлган мулкдор улардан фақат биттасигагина доимий пропискадан ўтиши мумкин.

10³. Ҳарбий хизматга мажбур шахсларни прописка қилиш улар мудофаа ишлари бўйича бўлимларда ҳарбий ҳисобга қўйилганларидан кейин амалга оширилади. 16 ёшдан 45 ёшгача бўлган фуқаролар ҳарбий ҳисобга қўйилишлари керак»;

11-банднинг учинчи хатбоши чиқариб ташлансин;

II бўлимга қуйидаги мазмундаги 11¹ — 11⁶-бандлар қўшилсин:

«11¹. Фуқаро рўйхатдан чиқиш учун ТШИИББ МваФРБга қуйидаги ҳужжатларни тақдим этади:

ушбу Низомга 2-иловага мувофиқ шакл бўйича ариза;

паспорт ёки туғилганлик тўғрисидаги гувоҳнома;

мудофаа ишлари бўлимидан ҳисобдан чиқарилганлиги ҳақида белги бўлган ҳисоб-ҳарбий ҳужжатлар;

уй дафтари ёки қайд этиш карточкаси ва квартиралар бўйича карточка (ушбу Низомнинг 3 — 5-иловалари);

рўйхатдан чиқарганлик учун Ўзбекистон Республикаси Вазирлар Маҳкамаси томонидан белгиланган миқдорда давлат божи тўланганлиги тўғрисидаги квитанция.

11². Озодликдан маҳрум этишга ҳукм қилинган шахсларни рўйхатдан чиқариш маҳкумнинг ишончномаси асосида ёки уй-жой биносидан фойдаланиш ҳуқуқини йўқотганлик ҳақидаги суд қарорига мувофиқ амалга оширилади.

11³. Вафот этганлар ўлим қайд этилганидан кейин рўйхатдан чиқарилиши лозим.

Ўлим тўғрисидаги гувоҳнома шакли Ўзбекистон Республикаси Адлия вазирлиги томонидан белгиланади.

11⁴. Тақдим этилган ҳужжатларда ишончсиз ва ҳақиқатга мувофиқ бўлмаган маълумотлар аниқланган тақдирда, шунингдек, Тошкент шаҳрида ва Тошкент вилоятида доимий пропискага эга бўлиш учун асос бўлган ҳужжатлар қалбакилаштирилган тақдирда доимий прописка ИИБ томонидан бекор қилинади, кейинчалик материаллар тергов органларига юборилади.

11⁵. Пропискадан ўтиш ёки рўйхатдан чиқарилганлик суд қарорига кўра шунингдек, қонунда кўзда тутилган бошқа ҳолларда ҳам бекор қилиниши мумкин.

11⁶. Рўйхатдан чиқарилганда ёки рўйхатдан ўтганлик бекор қилинганда МваФРБ инспектори уч кун муддат ичида Тошкент шаҳар ИИББ ва Тошкент вилояти ИИБ манзил-маълумотлар бюросига кетиш варақларини (ушбу Низомнинг 6-иловаси) юборади».

12-банд қуйидаги таҳрирда баён қилинсин:

«12. Фуқарони Тошкент шаҳрида ва Тошкент вилоятида турган жойи бўйича ҳисобга олиш (кейинги ўринларда ҳисобга олиш деб аталади) фуқарони доимий яшаш жойидан пропискадан чиқармасдан беш кундан бир йил муддатга амалга оширилади ҳамда бу Тошкент шаҳрида ва Тошкент вилоятида турар жой сотиб олиш учун асос ҳисобланмайди. Доимий пропискадан ўтмаганлик турган жойи бўйича ҳисобга олишни рад этиш учун асос ҳисобланмайди.

Тошкент шаҳри ва Тошкент вилоятига беш кундан ортиқ бўлмаган муддатга келган фуқаролар ҳисобга олинмайди»;

14-банд қуйидаги таҳрирда баён қилинсин:

«14. Тошкент шаҳрида ва Тошкент вилоятида ҳисобда туриш учун фуқаро келган кунидан бошлаб беш кун муддатда ўзи вақтинча турган жойдаги МваФРБга қуйидаги ҳужжатларни тақдим этади:

ушбу Низомга 7-иловага мувофиқ шаклдаги ариза;

паспорт;

контракт бўйича ҳарбий хизматчининг шахсий гувоҳномаси ёки Ўзбекистон Республикаси Қуролли Кучлари офицерининг шахсий гувоҳномаси (казармалар, корабллар ва кемалардан ташқарида яшайдиган ҳарбий хизматчилар учун);

туғилганлик тўғрисидаги гувоҳнома ва 35 х 45 мм ўлчамдаги икки дона расм — 16 ёшга тўлмаган шахслар учун;

уй-жой мулкдорининг (мулкдорларининг) турар жой майдони бериш тўғрисидаги аризаси (розилиги);

уй-жой ҳужжатларининг асл нусхаси (нусхалари олиниб, асли қайтарилади);

ҳисобга олинганлик учун Ўзбекистон Республикаси Вазирлар Маҳкамаси томонидан белгиланган миқдорда давлат божи тўланганлиги тўғрисидаги квитанция;

Тошкент шаҳри ва Тошкент вилоятига республиканинг бошқа минтақаларидан мавсумий иш билан шуғулланишга (қурилиш, қишлоқ хўжалиги ва бошқалар) келган фуқаролар учун мавсумий иш ҳақида шартнома ёки мавсумий иш берувчининг аризаси бўлса ушбу банднинг олтинчи ва еттинчи хатбошидаги ҳужжатлар талаб этилмайди»;

15-банддаги «турар жой майдони берган уй-жой мулкдори (мулкдорлари)» сўзлари «ижарага олинган уй-жойда биргаликда яшайдиган вояга етган шахс» сўзлари билан алмаштирилсин;

16-банднинг биринчи ва иккинчи хатбошилари қуйидаги таҳрирда баён қилинсин:

«16. МваФРБ инспектори ариза рўйхатдан ўтказилгандан, шунингдек, тақдим этилган ҳужжатлар ўрганиб чиқилгандан ва белгиланган тартибда расмийлаштирилгандан кейин ўша куннинг ўзида ариза берувчига ушбу Низомнинг 8 ва 9-иловаларига мувофиқ Тошкент шаҳрида ва Тошкент вилоятида турган жойида ҳисобга олиш тўғрисида фуқаронинг шахсини тасдиқлайдиган ҳужжатга қайд варағи (кейинги ўринларда ҳисобга олиш тўғрисидаги қайд варағи деб аталади) ёки BARE-CODE* билан ҳимояланган қайд варағини беради.

Ҳисобга олиш тўғрисидаги қайд варағи қатъий ҳисобда турувчи ҳужжат ҳисобланади. Ҳисобга олиш тўғрисидаги қайд варағи ҳамда BARE-CODE* билан ҳимояланган қайд варағи фуқаронинг турган жойида ҳисобга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда унда кўрсатилган муддат мобайнида ҳақиқийдир)»;

18-банд қуйидаги таҳрирда баён қилинсин:

«18. Таълим муассасаларига ўқишга келган фуқароларни МваФРБ инспектори томонидан ҳисобга олиш турар жойи (уй-жой майдони) бўйича амалга оширилади.

Ўқиш Тошкент шаҳри ва Тошкент вилоятидан ташқарида жойлашган бошқа таълим муассасасига кўчирилган, фуқаро академик таътил олган ёки таълим муассасасидан ўқишдан четлатилган тақдирда ушбу муассасалар раҳбарияти тегишли қарор қабул қилинган кунда бу ҳақда фуқарони вақтинча турган жойида ҳисобга олишни расмийлаштирган миграция ва фуқароликни расмийлаштириш бўлимини хабардор қилади.

Таълим муассасаси раҳбариятининг билдиришномаси асосида миграция ва фуқароликни расмийлаштириш бўлими ҳисобга олишни бекор қилади.»;

19-банд қуйидаги таҳрирда баён қилинсин:

«19. Ҳисобга олишни қайта расмийлаштириш ушбу Низомнинг 14-бандида назарда тутилган тартибда амалга оширилади.

Қуйидагилар:

Тошкент шаҳри ва Тошкент вилоятида ҳисобга олиш жойи бўйича турган вақтида мунтазам равишда ҳуқуқбузарликлар содир этилиши;

шахснинг Тошкент шаҳри ва Тошкент вилоятида бундан буён бўлиши жамоат тартиби бузилиши учун шарт-шароитлар яратиши тўғрисидаги маълумотларнинг мавжудлиги;

ушбу Низомнинг 14-бандида назарда тутилган ҳужжатларда нотўғри маълумотларнинг мавжудлиги ҳисобга олишни расмийлаштиришни рад этилиши учун асос ҳисобланади.

Фуқароларнинг Тошкент шаҳри ва Тошкент вилоятида ҳисобда туриши рад этилган тақдирда миграция ва фуқароликни расмийлаштириш бўлими инспектори томонидан хулоса тузилади, ушбу хулоса миграция ва фуқароликни расмийлаштириш бўлими бошлиғи томонидан тасдиқланади, унда рад этишнинг аниқ асослари кўрсатилган бўлиши керак.

Ҳисобда туришни расмийлаштиришнинг рад этилиши юзасидан суд тартибида шикоят қилиш мумкин».

21-банд қуйидаги таҳрирда баён қилинсин:

«21. МваФРБ инспектори ариза берувчига ҳисобга олиш тўғрисидаги қайд варағи бергандан кейин ҳисобга қўйилган фуқаролар тўғрисидаги маълумотларни МваФРББнинг компьютер маълумотлар базасига киритади.

МваФРБ инспектори фуқаронинг Тошкент шаҳри ва Тошкент вилоятида ҳисобга олинганлиги тўғрисидаги келиш варақасини (ушбу Низомнинг 10-иловаси) тўлдиради ва бир сутка мобайнида уларни Тошкент шаҳар ИИББ ва Тошкент вилояти ИИБнинг манзил-маълумотномалар бюросига юборади.

Тошкент шаҳри ва Тошкент вилоятидаги меҳмонхоналар, даволаш муассасалари, санаторийлар, дам олиш уйлари ва шунга ўхшаш бошқа ташкилотларнинг масъул шахслари 12 соат мобайнида ушбу ташкилотларга келган фуқаролар ҳақидаги маълумотларни Интернет тармоғи орқали ихтисослаштирилган электрон автоматлаштирилган дастурга (кейинги ўринларда Дастур деб аталади) киритиб қўядилар.

МваФРБ фуқароларни ҳисобга олиш тўғрисидаги маълумотлар компьютер маълумотлар базасига киритилгандан кейин уларни реал вақт режимида маълумотларни узатишнинг идоравий тармоғи бўйича Ички ишлар вазирлигининг Миграция ва фуқароликни расмийлаштириш бош бошқармасининг (МваФРББ) марказий маълумотлар базасига юборади.»;

25-банд қуйидаги таҳрирда баён қилинсин:

«25. Нотурар жой биноларга фуқароларни доимий прописка қилиш ва ҳисобга олишни расмийлаштириш тақиқланади. Тошкент шаҳри ва Тошкент вилоятига республиканинг бошқа минтақаларидан мавсумий иш билан шуғулланишга (қурилиш, қишлоқ хўжалиги ва бошқалар) келган фуқаролар истисно тариқасида нотурар жой биноларга ҳисобга олиниши мумкин»;

қуйидаги мазмундаги 26¹-26²-бандлар қўшилсин:

«26¹. Чегара зонасида жойлашган аҳоли пунктларида доимий пропискага эга бўлиш ва турган жойи бўйича ҳисобда туриш учун ушбу зонага киришга яшаш жойи бўйича ички ишлар органларидан чегара зонасига киришдан олдин белгиланган тартибда олинган рухсатнома ҳам тақдим этилади.

26². Фуқарони прописка қилиш, пропискадан чиқариш ва ҳисобга олиш белгиланган тартибда расмийлаштирилган ишончнома асосида ҳам амалга оширилиши мумкин»;

1 — 2а-иловалар қуйидаги мазмундаги 1 — 10-иловалар билан алмаштирилсин:

«Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
1-ИЛОВА

________________________________________________ (бошлиқнинг резолюцияси, имзо ва сана)
				______________________________________ ТШИИБ МваФРБ бошлиғига
Доимий прописка қилиш тўғрисида АРИЗА
Фамилияси _____________________________________ Исми __________________________________________ Отасининг исми____________________________________ Туғилган санаси ________________________________ Туғилган жойи ______________________________________ Қаердан келди ___________________________________
	(минтақа номи)
Келиш мақсади ___________________________________________________________________________________
	(ўз уй-жойига, қариндошларга, васий (ҳомий)га, ишга, ўқишга ва бошқа сабаблар)
Қуйидаги манзил бўйича пропискага қўйишни сўрайман: _____________________________________тумани (шаҳар), ____________________________кўчаси ___________ (квартал) _______ уй ________корпус ___________ квартира. Турар жой ______________________________________________________________________ томонидан берилди.
	(олди-сотди шартномаси, ордер, рақами, қачон ва ким томонидан берилган, уй-жой мулкдори Ф.И.О. ёки уй-жой берган ташкилот номи)
Бир вақтнинг ўзида мен билан қуйидаги оила аъзоларимни пропискага қўйишни сўрайман:
Қариндошлик даражаси		Ф.И.О.	Туғилган йили ва жойи		Қаердан келди





Ариза берувчи ёки ишончли шахснинг Ф.И.О. ___________________________________________________________
Имзо _________________				20__ йил «___» _________________________

Изоҳ: Ариза берувчи вояга етмаганлар учун ота-оналар, васий (ҳомий)лар ишончли шахслар ҳисобланади.

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
2-ИЛОВА

________________________________________________ (бошлиқнинг резолюцияси, имзо ва сана)
				______________________________________ ТШИИБ МваФРБ бошлиғига
Доимий яшаш манзилидан пропискадан чиқариш тўғрисида АРИЗА
Фамилияси _____________________________________ Исми __________________________________________ Отасининг исми____________________________________ Туғилган санаси ________________________________ Туғилган жойи ______________________________________ Қаердан келди_________________________________________
	(минтақа номи)
Кетишдан мақсади _________________________________________________________________________________
	(доимий яшашга, ишга, ўқишга ва бошқа сабаблар)
Доимий пропискада турмоқчи бўлган манзили__________________________________________________________ ________________________________________________________________________________________________. Бир вақтнинг ўзида мен билан қуйидаги оила аъзоларимни пропискадан чиқаришингизни сўрайман:
Қариндошлик даражаси		Ф.И.О.	Туғилган йили ва жойи		Қаерга кетди





Ариза берувчи ёки ишончли шахснинг Ф.И.О. ___________________________________________________________
Имзо _________________				20__ йил «___» _________________________

Изоҳ: Вояга етмаган ариза берувчилар учун ота-оналар, васий (ҳомий)лар ишончли шахслар ҳисобланади.

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
3-ИЛОВА

___________________________________________________________________________________________________________________________тумани
___________________________________________________________________________________________________________________________кўчаси

______-уйда яшовчи фуқароларни прописка қилиш учун

УЙ ДАФТАРИ
_________________________________________________________________________________________________________________________________
ички ишлар органи номи
_________________________________________________________________________________________________________________________________

1-бет

1-бўлим. Дафтарни юритиш ва уйга прописка қилишга масъул шахслар ҳақида маълумотлар

Т/р

Фамилияси, исми, отасининг исми

Қачондан бошлаб

Изоҳ

2-бет

2-бўлим. Уйга прописка қилиш ва дафтарни юритиш ҳолати бўйича мансабдор шахсларнинг қайдлари

Т/р

Текширишни ким ўтказди

Текшириш натижалари тўғрисидаги белги

лавозими

имзо

3-бўлим. Прописка

Т/р

Фамилияси, исми, отасининг исми, туғилган жойи (республика, ўлка, вилоят, туман, шаҳар, қишлоқ), оилавий аҳволи ( бунда у билан бирга келган 16 ёшгача бўлган болалар ҳам кўрсатилади)

Туғилган санаси

Қачон ва қаердан (республика, ўлка, вилоят, туман, шаҳар, қишлоқ) келган. Агар аҳоли яшаш пункти доирасида (бир кўчадан бошқасига) кўчиб ўтган бўлса , кўча номи, уй, квартира рақамлари кўрсатилади

Келишдан мақсади ва муддати

Миллати ва фуқаролиги

Паспорт серияси ва рақами, ким томонидан ва қачон берилган.

Ҳарбий хизматга муносабати, ким томонидан ва қачон ҳисобга олинган

Қаерда ва қайси вазифада ишлайди. Агар ишламаётган бўлса нафақада, ўқувчи ва ҳоказо кўрсатилсин

Квартира рақами

Ички ишлар органининг прописка қилинганлиги ҳақидаги белгиси (киритилган маълумотларни таққослаш) Сана ва имзо

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
4-ИЛОВА

ПРОПИСКА КАРТОЧКАСИ
1. Фамилияси _____________________________________________________________________________________ 2. Исми __________________________________________________________________________________________ 3. Отасини исми ___________________________________________________________________________________ 4. Миллати _______________________________________________________________________________________ ________________________________________________________________________________________________
5. Туғилган санаси 20____ йил «__»_______________		6. Туғилган жойи		______________________вилояти (ўлкаси, республикаси) _________________________________________тумани ___________________________________шаҳар (қишлоқ) _______________________________________________
7. Қачон ва қаердан келди	______________________вилояти (ўлкаси, республикаси) _________________________________________тумани ___________________________________шаҳар (қишлоқ)					______________________кўчаси ________уй ____________корпус _________________________кв. 20__ йил «__»________________
8. Паспорт серияси			Рақами		Ким томонидан ва қачон берилган











9. Турар жой манзили___________________________________________________________________шаҳар (туман) _______________________________ кўчаси _______________ уй ______________ корпус _________________ кв. 10. Қаерда ва ким бўлиб ишлайди_____________________________________________________________________ ________________________________________________________________________________________________ 11. 16 ёшгача бўлган _______________________________________________________________________________ болалари ________________________________________________________________________________________ (фамилияси, исми, отасининг ___________________________________________________________________________________ исми туғилган ойи ва йили) ______________________________________________________________________________________ 12. Ҳарбий хизматга муносабати (ким __________________________________________________________________________________ томонидан ва қачон ҳисобга олинган) ва ҳисобдан чиқарилган _______________________________________________________________________________
13. Прописка ҳақида белги			14. Қаерга (республика, вилоят, ўлка, туман, шаҳар (қишлоқ) жўнаб кетди ва пропискадан чиққанлик ҳақида белги

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
5-ИЛОВА

КВАРТИРА КАРТОЧКАСИ
__________________________________________ кўчаси __________ уй ___________корпус _______________ кв. Телефон ________________________________________ Турар жой майдони ___________________________кв. м. Уй эгаси ________________________________________ (ижарага_______________(Ф.И.О.) __________________ берувчи) ________________________________________				_______________________________________________ ____________________________ вилояти (республикаси) _________________________________________ тумани __________________________________________ шаҳри ХУЖМШ ______________________________________

Т/р	Уй эгасига, ижарага берувчига муносабати	Фамилияси, исми, отасининг исми	Туғилган куни, ойи, йили		Паспорти қачонгача ҳақиқий	Прописка қилинган вақти ва қанча муддатга	Уй дафтаридан ўчирилган кун
1	2	3	4		5	6	7

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
6-ИЛОВА

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
7-ИЛОВА

______________________________________ (бошлиқнинг резолюцияси, имзоси ва санаси)
				______________________________________ ТШИИБ МваФРБ бошлиғига
Турган жойи бўйича ҳисобга олиш тўғрисида АРИЗА
Фамилияси ________________________________________ Исми _________________________________________ Отасининг исми____________________________________ Туғилган санаси ______________________ Туғилган жойи ________________________________________________ Қаердан келди ____________________________________________________________________________________
	(минтақа номи)
Келиш мақсади ___________________________________________________________________________________
		(ишга, ўқишга ёки бошқа сабаб кўрсатилади)
Қуйидаги манзил бўйича ҳисобга олишингизни сўрайман: _________________туман (шаҳар) _______________________кўча _____ (квартал)____уй ___корпус ____квартира. Турар жой _______________________________________________________________________________________
	уй-жой мулкдори ёки ижарага берувчининг Ф.И.О. (қариндошлик даражаси)
_______________________________________________________________________________ томонидан берилди.
ва уй-жой берган ташкилот номи)
Бир вақтнинг ўзида мен билан қуйидаги қариндошларимни ҳисобга олишингизни сўрайман:
Қариндошлик даражаси		Ф.И.О.	Туғилган йили ва жойи			Қаердан келди





Менга турган жойи бўйича ҳисобга олиш тартиби ва муддати тушунтирилди. ________ серияли ________________-сон ҳисобга олиш қайд варағини олдим. Ариза берувчи ёки ишончли шахснинг Ф.И.О. ___________________________________________________________
Имзо _______________					20__ йил «___» _______________

Изоҳ: Вояга етмаган ариза берувчилар учун ота-оналар, васий (ҳомий)лар ишончли шахслар ҳисобланади.

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
8-ИЛОВА

Фуқаронинг шахсини тасдиқлайдиган, турган жойи бўйича ҳисобга олиш тўғрисидаги ҳужжатга _____-сон ҚАЙД ВАРАҒИ
1. Фамилияси _____________________________________________________________________________________ 2. Исми __________________________________________________________________________________________ 3. Отасининг исми _________________________________________________________________________________ 4. Туғилган санаси ____________________ 5. Туғилган жойи ______________________________________________ 6. Қачон ва қаердан келган ___________________________________________________________________________ ________________________________________________________________________________________________
(доимий яшаш жойи манзили)
7. Шахсини тасдиқлайдиган ҳужжат ____________________________________________________________________ ________________________________________________________________________________________________
(серияси, рақами, ким томонидан ва қачон берилган)
8. Яшаш манзили __________________________________________________________________________________ ________________________________________________________________________________________________ 9. Келишдан мақсад ________________________________________________________________________________ 10. Турган жойи бўйича ҳисобга олиш муддати 20___ йил «___»_______________________гача 11. Қайд варағини берган орган _______________________________________________________________________ 12. . Қайд варағини берган мансабдор шахснинг имзоси

___________________________ (имзо)						______________________________________ (Ф.И.О.)

20__ йил «___» ______________________

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
9-ИЛОВА

Ўзбекистон Республикаси
Миграция ва фуқароликни расмийлаштириш Бош
бошқармаси

Ўзбекистон Республикаси
Ички ишлар вазирлиги

Турган жойи бўйича ҳисобга олиш тўғрисида
ҚАЙД ВАРАҒИ

ЖСШИР ______________________________
Фуқаро: ______________________________
Ҳужжат ________ Берилган вақти __________
Серия № __________________

Рақам __________________________
Туғилган вақти ___________________
Амал қилиш муддати ______________

Вақтинча яшаш манзили

Қўшимча маълумотлар

Кадастр № ____________________________
_______________________________ вилояти

_________________________ тумани (шаҳар)
Манзил _______________________________
Уй №________ квартира №_______________

Келишдан мақсад _____________________________________
Турган жойи бўйича ҳисобга олиш муддати _____________ йил
«___»____________________гача
Қаердан келди _______________________________________

Маълумот __________________________________________

Қайд варағини берган орган _________________________________________________________________________

Ҳисобга олиш тўғрисидаги қайд варағи фуқаронинг турган жойида ҳисобга олинганлигини тасдиқлайдиган ҳужжат ҳисобланади ва паспорт, ҳарбий хизматчининг шахсий гувоҳномаси ёки туғилганлик тўғрисидаги гувоҳнома (16 ёшга тўлмаган шахслар учун) кўрсатилган тақдирда унда кўрсатилган муддат мобайнида ҳақиқийдир.

Ўзбекистон Республикаси фуқароларини Тошкент шаҳрида ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисидаги низомга
10-ИЛОВА

»;

б) 2-иловада:

1-банд қуйидаги таҳрирда баён этилсин:

«1. Ушбу Низом Ўзбекистон Республикасида яшаш гувоҳномасига эга бўлган чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ҳамда вақтинча пропискадан ўтиш, бошқа давлатлардан келаётган чет эл фуқаролари ва фуқаролиги бўлмаган шахсларнинг доимий яшаш учун рухсатнома олиш тартибини, шунингдек, яшаш гувоҳномасини бериш тартибини белгилайди.

Доимий ҳамда вақтинча пропискадан ўтишни расмийлаштириш учун чет эл фуқаролари ва фуқаролиги бўлмаган шахслар давлат хизматлари кўрсатишнинг соддалаштирилган тартибини таъминлайдиган электрон тизим орқали мурожаат қилишлари мумкин»;

қуйидаги мазмундаги 1¹-1²-бандлар қўшилсин:

«1¹. Чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятида қонун ҳужжатларига мувофиқ доимий яшашлари ёки вақтинча бўлишлари мумкин.

Ўзбекистон Республикасида вақтинча бўлиб турган чет эл фуқаролари ва фуқаролиги бўлмаган шахсларнинг яшаш жойи, чет эл фуқаролари ва фуқаролиги бўлмаган шахсларнинг ўзлари яшаётган жой ҳақида хабар қилиш тартиби, шунингдек, чет эл фуқароларини ва фуқаролиги бўлмаган шахсларни таклиф қилган (қабул қиладиган) шахсларнинг мажбуриятлари ва жавобгарлиги Ўзбекистон Республикаси Вазирлар Маҳкамасининг «Хорижий фуқароларнинг ва фуқаролиги бўлмаган шахсларнинг Ўзбекистон Республикасида келишлари, кетишлари, бу ерда бўлишлари ва транзит ўтишлари тартиби тўғрисида» 1996 йил 21 ноябрда қабул қилинган 408-сон қарори билан белгиланади.

1². Тошкент шаҳри ва Тошкент вилоятида бўлиб турган чет эл фуқаролари ва фуқаролиги бўлмаган шахслар қонун ҳужжатларига риоя қилишлари шарт»;

2¹-банддаги «иловага» сўзи «1-иловага» сўзлари билан алмаштирилсин;

қуйидаги мазмундаги 2²-банд қўшилсин:

«2². Агар чет эл фуқаролари ва фуқаролиги бўлмаган шахслар тегишли рухсатномага ва яшаш гувоҳномасига эга бўлсалар, Ўзбекистон Республикасида доимий яшашлари мумкин»;

3-банд қуйидаги таҳрирда баён этилсин:

«3. Тошкент шаҳри ва Тошкент вилоятига бошқа давлатлардан келган чет эл фуқаролари ва фуқаролиги бўлмаган шахслар Ўзбекистон Республикасида доимий яшашга рухсатнома олиш учун туман (шаҳар) ички ишлар бошқармаларининг (бўлимларининг) (кейинги ўринларда ТШИИББ деб аталади) миграция ва фуқароликни расмийлаштириш бўлимига (кейинги ўринларда МваФРБ деб аталади) мурожаат қиладилар ҳамда қуйидаги ҳужжатларни тақдим этадилар:

ушбу Низомга 2-иловага мувофиқ шаклдаги 2 нусхада ариза-анкета;

чет эл фуқаросининг паспорти ёки фуқаролиги бўлмаган шахснинг ҳаракатланиш ҳужжати;

уй-жой мулкдорининг (мулкдорларининг) уй-жой майдони бериш тўғрисидаги аризаси;

уй-жой ҳужжатларининг асл нусхаси (нусхалари олиниб, асли қайтариб берилади);

никоҳ тузилганлиги, бола туғилганлиги, ота-онанинг вафот этганлиги тўғрисидаги ҳужжатлар, шунингдек, васийлик ёки ҳомийликни тасдиқловчи ҳужжатлар (нусхалари олиниб, асли қайтариб берилади);

тегишли давлат ҳокимияти органи, давлат ёки хўжалик бошқаруви органи, бошқа республика аҳамиятига молик давлат ташкилоти раҳбарининг илтимосномаси (ушбу Низомнинг 1-иловасида кўрсатилган Рўйхатнинг 6-банди бўйича прописка қилиш чоғида);

ҳужжатларни кўриб чиққанлик ва расмийлаштирганлик учун Ўзбекистон Республикаси Вазирлар Маҳкамаси томонидан белгиланган миқдорда йиғим тўланганлиги ҳақидаги квитанция;

35 х 45 мм ўлчамдаги иккита фотосурат.»;

3¹-банди қуйидаги таҳрирда баён этилсин:

«3¹. Ўзбекистон Республикасига «Ўзбекистон Республикасининг фуқаролиги тўғрисида»ги Ўзбекистон Республикаси Қонуни кучга кирганидан кейин (1992 йил 28 июль) келган ҳамда Тошкент шаҳри ва Тошкент вилоятида узоқ вақтдан бери собиқ СССР паспортлари намуналари билан яшаётган ёки уларни йўқотиб қўйган, шунингдек, ҳужжатларга эга бўлмаган (туғилганлик тўғрисидаги гувоҳнома бундан мустасно) ва ушбу Низомнинг 1-иловасида кўрсатилган Рўйхатга кирган шахслар Ўзбекистон Республикасида доимий яшашга рухсатнома олиш учун ТШИИББ МваФРБга ушбу Низомнинг 3-бандида кўрсатилган ҳужжатларни тақдим этадилар, чет эл фуқаросининг паспорти ёки фуқаролиги бўлмаган шахснинг ҳаракатланиш ҳужжати (фуқаролиги бўлмаган шахс гувоҳномаси) бундан мустасно.

Юқорида кўрсатилган, ушбу Низомнинг 1-иловасида кўрсатилган Рўйхатга кирмаган шахслар тегишли ҳужжат (фуқаролиги бўлмаган шахснинг яшаш гувоҳномаси ёки фуқаролиги бўлмаган шахснинг ҳаракатланиш ҳужжати) билан ҳужжатлаштириладилар, улар кейинчалик пойтахт минтақасидан ташқарига чиқиб кетадилар, бу ҳақда мазкур шахслардан белгиланган намунадаги мажбурият олинади.»;

4-бандга қуйидаги мазмундаги хатбоши қўшилсин:

«Зарур ҳолларда ИИББ МваФРБ ёки ИИБ МваФРБ шахсни ҳамда унинг бошқа давлат фуқаролигига мансублигини аниқлаш мақсадида чет давлатнинг ваколатли органларига белгиланган тартибда сўровнома юбориши мумкин»;

5-банднинг биринчи хатбошига қуйидаги мазмундаги жумла қўшилсин:

«Сўровномага уч ой ичида чет давлатнинг ваколатли органларидан жавоб келмаганлиги ИИББ МваФРБ ва ИИБ МваФРБнинг хулосасини тайёрлаш ҳамда материалларни ИИВ МваФРББга юбориш учун асос бўлади»;

қуйидаги мазмундаги 7¹— 7³-бандлар қўшилсин:

«7¹. Чет элликлар учун Ўзбекистон Республикасида яшаш гувоҳномаси 5 йил муддатга, аммо миллий паспортнинг амал қилиш санасидан ошмаган муддатга берилади. Шахс 60 ёшга тўлганидан кейин чет элликларга яшаш гувоҳномаси миллий паспортнинг амал қилиш муддатига берилади.

7². Фуқаролиги бўлмаган шахсга яшаш гувоҳномаси 5 йил муддатга, шахс 60 ёшга тўлганидан кейин эса муддатсиз берилади.

7³. Яшаш гувоҳномасининг амал қилиш муддатларини узайтириш 5 мартагача ушбу Низомнинг 7¹ ва 7²-бандларида белгиланган муддатларга амалга оширилади, шундан кейин у алмаштирилади».

8-банд қуйидаги таҳрирда баён этилсин:

«8. Яшаш гувоҳномасига эга бўлган ҳамда Тошкент шаҳри ва Тошкент вилоятига республиканинг бошқа минтақаларидан келган чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятида доимий пропискадан ўтишни расмийлаштириш учун ТШИИББ МваФРБга мурожаат қиладилар ҳамда қуйидаги ҳужжатларни тақдим этадилар:

ушбу Низомга 3-иловага мувофиқ шаклдаги ариза;

яшаш гувоҳномаси;

уй-жой ҳужжатининг асл нусхаси (нусхалари олиниб, асли қайтариб берилади);

уй-жой мулкдорининг (мулкдорларининг) уй-жой майдони бериш тўғрисидаги аризаси (розилиги) ёхуд шахсан топшириш имкони бўлмаганида нотариал тасдиқланган аризаси (розилиги);

никоҳ тузилганлиги, бола туғилганлиги, ота-оналар вафот этганлиги тўғрисидаги ҳужжатлар, шунингдек, васийлик ёки ҳомийликни тасдиқловчи ҳужжатлар (нусхалари олиниб, асли қайтариб берилади);

тегишли давлат ҳокимияти органи, давлат ёки хўжалик бошқаруви органи, республика аҳамиятига молик бошқа давлат ташкилоти раҳбарининг илтимосномаси (ушбу Низомнинг 1-иловаси билан тасдиқланган Рўйхатнинг 6-банди бўйича пропискадан ўтиш чоғида);

доимий пропискадан ўтказганлик учун Ўзбекистон Республикаси Вазирлар Маҳкамаси томонидан белгиланган миқдорда давлат божи тўланганлиги ҳақидаги квитанция»;

12¹-банднинг учинчи хатбошидаги ва 12²-банднинг учинчи хатбошидаги «илованинг» деган сўз «1-илованинг» деган сўзлар билан алмаштирилсин»;

12⁴-банд қуйидаги таҳрирда баён этилсин:

«12⁴. Тошкент шаҳри ва Тошкент вилоятига республиканинг бошқа минтақаларидан келган ҳамда бу минтақаларда доимий пропискадан ўтган, шунингдек, бошқа давлатлардан келган ва яшаш гувоҳномасини олган чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятидаги янги қурилган нархи энг кам ойлик иш ҳақининг 3300 бараваридан кам бўлмаган кўчмас мулкни банк ҳисобварақлари орқали ҳисоб-китобларни амалга оширган ҳолда сотиб олишлари мумкин.

Ушбу Низомнинг мақсадларига кўра янги қурилган кўчмас мулк тоифасига туман (шаҳар) ҳокимининг қурилиши тугалланган бинони, иншоотни, уй-жойни фойдаланишга қабул қилиб олиш тўғрисидаги комиссия далолатномасини тасдиқлаш ҳақидаги қарори асосида мулк ҳуқуқи вужудга келган ҳамда қабул қилиб олинганига уч йилдан кўп бўлмаган мол-мулк киради»;

13-банддан «унинг Тошкент шаҳрида ва Тошкент вилоятида уй-жой сотиб олиш, шунингдек, доимий иш ва ижтимоий кафолатлар олиш учун асос ҳисобланмайди» сўзлари чиқариб ташлансин;

15-банднинг:

иккинчи хатбоши қуйидаги таҳрирда баён этилсин:

«ушбу Низомга 4-иловага мувофиқ шаклдаги ариза»;

бешинчи хатбоши қуйидаги таҳрирда баён этилсин:

«уй-жой ҳужжатининг асл нусхаси (нусхалари олиниб, асли қайтариб берилади)»;

16-банд қуйидаги таҳрирда баён этилсин:

«16. ТШИИББ МваФРБ ҳужжатларни ўрганиб чиққанидан ва расмийлаштирганидан кейин бир сутка ичида Тошкент шаҳри ва Тошкент вилоятида вақтинча пропискани расмийлаштириб, яшаш гувоҳномасига тегишли белги қўяди ёки вилоятда вақтинча пропискадан ўтказилганлик тўғрисида ушбу Низомнинг 5-иловасига мувофиқ BARE-CODE билан ҳимояланган қайд варағи беради»;

18-банднинг биринчи хатбошидаги «ўн беш кун» сўзлари «уч кун» сўзлари билан алмаштирилсин;

19-банднинг иккинчи хатбоши қуйидаги таҳрирда баён этилсин:

«Тошкент шаҳри ва Тошкент вилоятидаги меҳмонхоналар, даволаш муассасалари, санаторийлар, дам олиш уйлари ва бошқа шунга ўхшаш ташкилотларнинг (кейинги ўринларда жойлаштириш воситалари деб аталади) масъул шахслари 12 соат ичида чет эл фуқаролари ва фуқаролиги бўлмаган шахслар тўғрисидаги ахборотни Интернет тармоғи орқали ихтисослаштирилган электрон автоматлаштирилган дастурга (кейинги ўринларда Дастур деб аталади) киритиб қўядилар»;

қуйидаги мазмундаги IV¹ қисм қўшилсин:

«IV¹. Тошкент шаҳри ва Тошкент вилоятида бошқа давлатлардан келган чет эл фуқаролари ва фуқаролиги бўлмаган шахсларга вақтинча пропискани расмийлаштириш тартиби

23¹. Ўзбекистон Республикасида вақтинча бўлиб турган чет эл фуқаролари ва фуқаролиги бўлмаган шахслар Тошкент шаҳри ва Тошкент вилояти ҳудудида тегишли равишда миллий паспортлар, фуқаролиги бўлмаган шахсларнинг ҳаракатланиш ҳужжатлари ёки фуқаролиги бўлмаган шахсларнинг гувоҳномалари бўйича вақтинча прописка асосида яшайдилар. Вақтинча прописка белгиланган пунктга келгандан кейин уч сутка ичида амалга оширилади, байрам кунлари ва дам олиш (якшанба) кунлари бундан мустасно.

Вақтинча прописка қилишнинг уч суткалик муддати келиш (чет эл фуқаролари ва фуқаролиги бўлмаган шахсларнинг Ўзбекистон Республикаси Давлат чегараси назорат-ўтказиш пункти орқали ўтиши) санасидан кейинги куннинг 00:01 соатидан бошлаб ҳисобланади.

23². Қуйидагилар вақтинча пропискадан озод қилинадилар:

а) республикага Ўзбекистон Республикаси Президентининг, Ўзбекистон Республикаси Олий Мажлисининг, Қорақалпоғистон Республикаси Жўқорғи Кенгесининг, Ўзбекистон Республикаси Вазирлар Маҳкамасининг, Қорақалпоғистон Республикаси Вазирлар Кенгашининг таклифига мувофиқ келган чет мамлакатлар давлат ва ҳукумат раҳбарлари, парламент ва ҳукумат делегацияларининг аъзолари, ушбу делегацияларнинг техник персонали, санаб ўтилган шахсларнинг оила аъзолари;

б) Бирлашган Миллатлар Ташкилоти томонидан берилган паспортлар бўйича Ўзбекистон Республикасига келган шахслар;

в) Ўзбекистон Республикаси Ташқи ишлар вазирлигида қонун ҳужжатларида белгиланган тартибда аккредитация қилинган чет эл фуқаролари ва фуқаролиги бўлмаган шахслар;

г) 16 ёшга тўлмаган чет эл фуқаролари ва фуқаролиги бўлмаган шахслар;

д) Ўзбекистон Республикасига байрам ва дам олиш кунларида ёки оддий кунларда уч суткагача бўлган муддатга келадиган ҳамда шу кунлар давомида республикадан чиқиб кетадиган чет эл фуқаролари ва фуқаролиги бўлмаган шахслар;

е) саёҳат қилаётган чет эл фуқаролари ёки фуқаролиги бўлмаган шахслар, агар уларнинг республиканинг ҳар бир аниқ аҳоли пунктида бўлиш муддати уч суткадан ошмаса, уларнинг бўлганлигини тасдиқлайдиган ҳужжатлар (хизматлардан фойдаланганлигини ёки товарлар харид қилганлигини тасдиқлайдиган ҳужжатлар) мавжуд бўлганида. Бунда битта аҳоли пунктида узлуксиз рўйхатдан ўтиш талаби қўйилмайди;

ж) Ўзбекистон Республикасига белгиланган тартибда келган чет эл ҳарбий самолётлари (кемалари) экипажларининг аъзолари.

Ҳарбий самолётлар (кемаларнинг) экипажлари аъзоларининг қирғоққа тушиши ва Ўзбекистон Республикаси ҳудуди бўйлаб юришига ҳарбий самолётлар (кемалар) қабул қилиш режасига мувофиқ катта (ҳарбий) бошлиқ томонидан рухсат этилади;

з) халқаро йўлларда юк ва йўловчилар ташишни амалга оширувчи хорижий автотранспорт воситалари экипажлари таркибига кирувчи шахслар, ташишларни амалга ошираётган йўналишларидаги шаҳарларда ва аҳоли яшаш жойларида, шу жумладан борадиган жойларида бўлган чоғларида;

и) ҳарбий бўлмаган чет эл кемалари экипажлари таркибига кирувчи шахслар гарнизонларда ва чегара шаҳарларида бўлган чоғларида, бу шахслар уюшган ҳолда саёҳатга чиққан вақтларида эса Ўзбекистон Республикасининг бошқа шаҳарларида ҳам.

Чет эл фуқаролари кўрсатиб ўтилган тоифаларнинг объектлардан чиқишларига портларда амалда бўлган қоидалар ва йўриқномаларга мувофиқ чегара қўшинлари вакиллари томонидан рухсат этилади;

к) халқаро авиация йўлларининг фуқаро ҳаво кемалари экипажлари, халқаро темир йўл поездлари бригадалари таркибига кирувчи шахслар, қатновнинг амалдаги жадвалида кўрсатилган аэропортларда ёки станцияларда бўлган чоғларида.

23³. Чет эл фуқароларини ва фуқаролиги бўлмаган шахсларни вақтинча прописка қилиш Ўзбекистон Республикаси ички ишлар органлари томонидан қуйидаги шаклларда амалга оширилади:

а) жойлаштириш воситалари ва даволаш муассасалари маъмуриятининг улар келиб жойлашган вақтда Дастур ёрдамида, қанча бўлишларидан қатъи назар, таклиф қилган (қабул қиладиган) шахсларнинг, шу жумладан туризм операторларининг эса тур бошлангунгача хабардор қилиши;

б) чет эл фуқароларини ва фуқаролиги бўлмаган шахсларни шахсий ишлар бўйича Ўзбекистон Республикасига нотижорат мақсадларда таклиф қилган (қабул қилаётган) ва уларга турар жой берган жисмоний шахсларнинг:

улар келиб жойлашган пайтда Дастур ёрдамида хабардор қилиши ёки чет эл фуқаролари ва фуқаролиги бўлмаган шахслар келганидан кейин, агар чет эл фуқаролари ва фуқаролиги бўлмаган шахсларнинг бўлиш муддати тўлиқ 30 суткадан ошмаса, байрам ва дам олиш (якшанба) кунларидан ташқари уч сутка ичида ҳудудий ички ишлар органларига ёзма равишда мурожаат қилиши;

чет эл фуқаролари ва фуқаролиги бўлмаган шахслар келганидан кейин, агар чет эл фуқаролари ва фуқаролиги бўлмаган шахсларнинг бўлиш муддати 30 суткадан ошса, байрам ва дам олиш (якшанба) кунларидан ташқари уч сутка ичида ҳудудий ички ишлар органларига ёзма равишда мурожаат қилиши йўли билан;

в) мустақил равишда саёҳат қилаётган, чодирли лагерларда ва тунаш учун жойлашиш воситасига айлантирилган ер транспортида яшаётган чет эл фуқаролари ва фуқаролиги бўлмаган шахсларнинг келганларидан кейин уч сутка мобайнида туристик-ахборот марказларига ёки яқин орадаги жойлаштириш воситаларига мурожаат қилиши йўли билан, махсус Дастур модули ишга туширилганидан кейин эса маълумотларни саёҳат йўналишидаги аҳоли пунктларини кўрсатган ҳолда мустақил равишда тўлдириш йўли билан хабардор қилиши.

Туристик-ахборот марказларининг ва жойлаштириш воситаларининг маъмуриятлари Дастур ёрдамида ҳудудий ички ишлар органларига мустақил равишда саёҳат қилаётган чет эл фуқаролари ва фуқаролиги бўлмаган шахсларнинг мурожаатлари асосида улар тўғрисидаги маълумотлар билан тўлдирилган билдиришномани юборишлари шарт.

Жойлаштириш воситалари ва даволаш муассасаларининг масъул шахслари томонидан жойлашган шахсларнинг ҳисоби юритилади.

Ички ишлар органи жойлашган шахслар тўғрисидаги ахборотни ҳар ҳафтада ҳудуд бўйича манзил-маълумотлар бюросига юбориши шарт. Жойлаштириш воситалари ва даволаш муассасаларининг масъул шахслари яшовчилар жойлаштирилган пайтда ҳудудий ички ишлар органларини жойлашган, рўйхатдан ўтишлари керак бўлган шахслар тўғрисида Дастур ёрдамида хабардор қилишлари шарт.

Жойлаштириш бўйича хизматлар кўрсатувчи хусусий уйларга (квартираларга) келувчиларни ҳисобга олиш жойлаштириш воситаларининг масъул шахслари томонидан жойлаштириш бўйича хизматлар кўрсатиш тўғрисидаги ёзма келишув (шартнома) асосида ёки белгиланган тартибда сертификатлаштирилган ушбу уйларнинг (квартираларнинг) эгалари томонидан мустақил равишда белгиланган тартибда Дастур ёрдамида амалга оширилади.

Жойлаштириш воситалари ва даволаш муассасаларининг масъул шахслари томонидан ушбу талабнинг бузилиши Ўзбекистон Республикаси қонун ҳужжатларига мувофиқ жавобгарликка сабаб бўлади.

23⁴. Ўзбекистон Республикаси Ташқи ишлар вазирлигида чет эл фуқароларининг ва фуқаролиги бўлмаган шахсларнинг қуйидаги тоифалари аккредитация қилинади:

а) чет эл дипломатик ваколатхоналари ва консуллик муассасаларининг бошлиқлари, дипломатик персонал аъзолари, консулхоналарнинг мансабдор шахслари, ҳарбий атташелар, дипломатик ваколатхоналар ва консуллик муассасаларининг маъмурий-техник ва хизмат кўрсатиш персонали, шунингдек, уларнинг оила аъзолари;

б) оммавий ахборот воситаларининг вакиллари ва уларнинг оила аъзолари;

в) халқаро ҳукуматлараро ташкилотларнинг ва чет давлатлар ҳукумат ташкилотларининг Ўзбекистон Республикасига хизмат ишлари юзасидан келган мансабдор шахслари, мазкур ташкилотларнинг Ўзбекистон Республикасидаги ваколатхоналари ходимлари, шунингдек, Ўзбекистон Республикасида штаб-квартираси бўлган халқаро ташкилотлар ҳузуридаги мамлакатлар ваколатхоналарининг мазкур ташкилотлар устав ҳужжатларига ёки тегишли шартномаларга мувофиқ дипломатик имтиёзлардан ва иммунитетлардан фойдаланувчи ходимлари, шунингдек, уларнинг оила аъзолари.

Ўзбекистон Республикаси Ташқи ишлар вазирлиги, унинг ҳудудий бўлинмалари томонидан мазкур шахсларга аккредитация карточкалари берилади ҳамда бевосита уларнинг миллий паспортларига аккредитация ҳақида ёзиб қўйилади.

23⁵. Ушбу Низомнинг 23², 23⁴ ва 23⁶-бандларида кўрсатилмаган чет эл фуқаролари ва фуқаролиги бўлмаган шахслар Ўзбекистон Республикасининг ҳудудий ички ишлар органларида, агар чет эл фуқаролари ва фуқаролиги бўлмаган шахсларнинг бўлиш муддати 30 кундан ошмаса. Дастур ёрдамида ёки ҳудудий ички ишлар органларига ёзма мурожаат этиш ёрдамида хабардор қилиш асосида ва агар чет эл фуқаролари ва фуқаролиги бўлмаган шахсларнинг бўлиш муддати 30 кундан ортиқ бўлса, таклиф қилувчи (қабул қиладиган) шахсларнинг, ташкилотларнинг ёзма мурожаати асосида рўйхатдан ўтказилишлари керак. Билдиришномалар чет эл фуқаролари жойлашган пайтда, ички ишлар органларига мурожаат эса байрам ва дам олиш (якшанба) кунларини ҳисобга олмаган ҳолда уч суткадан кечиктирмасдан берилиши зарур.

Ўзбекистон Республикасида шахсий ишлар бўйича, фуқароларнинг таклифлари билан турган чет эл фуқароларини ва фуқаролиги бўлмаган шахсларни вақтинча пропискадан ўтказиш чет эл фуқароларини ва фуқаролиги бўлмаган шахсларни нотижорат мақсадларда Ўзбекистон Республикасига таклиф қилаётган (қабул қиладиган) ва уларга уй-жой майдони берган жисмоний шахслар томонидан:

агар чет эл фуқаролари ва фуқаролиги бўлмаган шахсларнинг бўлиш муддати тўлиқ 30 кундан ошмаса, ҳудудий ички ишлар органларини Дастур ёрдамида ёки ҳудудий ички ишлар органларига ёзма мурожаат этиш воситасида хабардор қилиш йўли билан;

агар чет эл фуқаролари ва фуқаролиги бўлмаган шахсларнинг бўлиш муддати 30 кундан ортиқ бўлса, ҳудудий ички ишлар органларига мурожаат қилиш йўли билан амалга оширилади.

30 кунгача вақтинча пропискадан ўтказиш учун таклиф қилган (қабул қиладиган) шахслар Дастурда қайд этилади ва унинг ёрдамида туристик йиғимни (меҳмонхона йиғимини) тўлайдилар ҳамда ҳудудий ички ишлар органларига қуйидаги ҳужжатларни электрон шаклда юборадилар:

ушбу Низомга 6-иловага мувофиқ шаклдаги ариза;

миллий паспортнинг ёки таклиф қилинаётган фуқаролиги бўлмаган шахс учун ҳужжатнинг кўчирма нусхаси;

уй-жой мулкдорининг вақтинча пропискадан ўтказишга ёзма розилигининг кўчирма нусхаси ва уй-жойга ҳуқуқни белгиловчи ҳужжатлар.

Ҳудудий ички ишлар органларига ёзма мурожаат қилиш йўли билан 30 кунгача вақтинча пропискадан ўтказиш учун таклиф қилган (қабул қиладиган) шахслар юқорида санаб ўтилган ҳужжатларни ҳамда туристик йиғим (меҳмонхона йиғими) тўланганлиги ҳақидаги квитанцияни тақдим этадилар.

30 кундан ортиқ муддатга вақтинча пропискадан ўтказиш учун таклиф қилган (қабул қиладиган) шахслар, ташкилотлар ўзлари турган жойдаги ҳудудий ички ишлар органларига қуйидаги ҳужжатларни тақдим этадилар:

белгиланган шаклдаги ариза;

қабул қиладиган ташкилотнинг белгиланган шаклдаги илтимосномаси;

миллий паспорт ёки фуқаролиги бўлмаган шахс учун ҳужжат;

уй-жой мулкдорининг вақтинча пропискадан ўтказишга ёзма розилиги ҳамда уй-жойга ҳуқуқни белгиловчи ҳужжатлар;

давлат божи тўланганлиги тўғрисидаги квитанция.

Чет эл фуқаролари ва фуқаролиги бўлмаган шахсларнинг вақтинча прописка муддатини узайтириш учун таклиф қилган (қабул қиладиган) шахслар, ташкилотлар вақтинча прописка муддати тугашидан уч кун олдин ҳудудий ички ишлар органларига мурожаат қилишлари керак.

23⁶. Жойлаштириш воситаларида ва даволаш муассасаларида қуйидагилар ҳисобга олиниши лозим:

а) Ўзбекистон Республикасига хизмат, савдо ёки жамоат ишлари бўйича, даволаниш ёки дам олиш учун, туристлар сифатида, алоҳида ҳолларда эса ички ишлар органларининг рухсати билан фуқароларнинг таклифига мувофиқ келган чет эл фуқаролари ва фуқаролиги бўлмаган шахслар, ушбу Низомнинг 23² ва 23⁴-бандларида кўрсатилган чет эл фуқаролари ва фуқаролиги бўлмаган шахслар бундан мустасно;

б) Ўзбекистон Республикаси ҳудудига шахсий ишлар билан келган миллий паспортларнинг (дипломатик паспортлар ёки хизмат паспортларининг) эгалари, чет мамлакатлар ташқи ишлар идораларининг хизматчилари, уларнинг оила аъзолари.

Чет эл фуқароларининг ва фуқаролиги бўлмаган шахсларнинг амалда ҳисобга олинишини текшириш ички ишлар органлари томонидан ихтисослаштирилган электрон автоматлаштирилган дастур ёрдамида амалга оширилади.

23⁷. Ушбу Низомнинг 23⁶-бандида кўрсатилган чет эл фуқароларини ва фуқаролиги бўлмаган шахсларни ҳисобга олиш вақтинча пропискага тенглаштирилади ва жойлаштириш воситалари ҳамда даволаш муассасалари маъмурияти томонидан қонунда белгилаб қўйилган тартибда Дастур ёрдамида амалга оширилади.

23⁸. Сафарлар туризм оператори томонидан аҳоли пунктларидан ташқарида ташкил этиладиган тур доирасида экскурсия раҳбари, гид ва/ёки йўриқчи-бошловчи ҳамроҳлигида амалга оширилганида, агар бундай тур ёки унинг бир қисми 10 суткадан ошмаса;

туризм операторининг автотурини сотиб олган ҳолда шахсий автомобилда, мотоциклда, велосипедда, яёв ёки гуруҳ таркибида автобусда амалга оширилганда чет эл фуқаролари ва фуқаролиги бўлмаган шахслар томонидан амалга оширилганида туризм операторлари томонидан ички ишлар органларига туристларнинг паспорт маълумотлари, ҳаракатланиш йўналишларининг схемалари, саёҳат қилиш вақтида тўхташ (тунаш) жойлари кўрсатилган рўйхатларини ихтисослаштирилган электрон автоматлаштирилган дастур ёрдамида электрон шаклда тақдим этиш вақтинча пропискадан ўтказишга тенглаштирилади.

23⁹. Ўзбекистон Республикаси ҳудудида вақтинча пропискадан ўтмасдан ушбу Низомнинг 23¹-бандида кўрсатилган муддатдан ортиқ вақт давомида турган чет эл фуқаролари ва фуқаролиги бўлмаган шахсларнинг ҳужжатларини ички ишлар органларининг тегишли рухсатисиз расмийлаштириш ҳамда уларнинг жойлаштириш воситаларида ва даволаш муассасаларида яшаши тақиқланади.

23¹⁰. Ўзбекистон Республикасида бўлиш қоидаларини бузган, шунингдек, бошқа тартиббузарликларга йўл қўйган чет эл фуқаролари ва фуқаролиги бўлмаган шахслар тўғрисида жойлаштириш воситалари ва даволаш муассасаларининг маъмурияти, бошқа уй-жой майдонларининг эгалари ҳудуддаги ички ишлар органларига дарҳол хабар беришлари шарт.

Бундай шахсларни жойлаштириш воситалари ва даволаш муассасасида расмийлаштириш фақат ички ишлар органларидан рухсат олинганидан кейин амалга оширилиши мумкин.

23¹¹. Жойлаштириш воситаларида ва даволаш муассасаларида, шунингдек, бошқа уй-жой майдонларида яшаётган чет эл фуқаролари ва фуқаролиги бўлмаган шахсларнинг бўлиш муддатини узайтириш қабул қилувчи ташкилотларнинг ёзма илтимосномалари ёхуд таклиф қилган (қабул қиладиган) шахслар, ташкилотларнинг ёзма мурожаатлари ёки виза режими қўлланилмайдиган, ё бўлмаса виза беришнинг соддалаштирилган тартиби қўлланиладиган, учинчи шахсларнинг таклифисиз ёки туристлар сифатида таклиф қилинмасдан, аммо визанинг амал қилиш муддати доирасида келган (туристлар учун — турнинг амал қилиш муддатига) чет эл фуқаролари ва фуқаролиги бўлмаган шахсларнинг ўз ёзма аризалари асосида амалга оширилади.

23¹². Ўзбекистон Республикасида яшаш ҳуқуқини берувчи ҳужжатларни расмийлаштириш чет эл фуқароси ва фуқаролиги бўлмаган шахс жойлаштириш воситасига, даволаш муассасасига ва бошқа уй-жой майдонига келган пайтдан бошлаб 12 соат ичида амалга оширилади.

23¹³. Ўзбекистон Республикасида доимий яшайдиган чет эл фуқаролари ва фуқаролиги бўлмаган шахслар Ўзбекистон Республикасида яшашга рухсат берадиган гувоҳномалар бўйича жойлаштириш воситаларига ва даволаш муассасаларига умумий асосларда жойлашадилар ҳамда уларда ҳисобга олинадилар.

23¹⁴. Ўзбекистон Республикаси Ташқи ишлар вазирлигида, унинг ҳудудий бўлинмаларида аккредитация қилинмаган чет эл фуқароларининг дипломатик паспортлари жойлаштириш воситаларида ва даволаш муассасаларида ушбу Низомга мувофиқ ҳисобга олиниши лозим.

Ўзбекистон Республикасидаги дипломатик корпуснинг белгиланган тартибда аккредитация қилинган, миллий паспорт ёки аккредитация карточкаси асосида жойлаштириш воситаларида яшаётган ва даволаш муассасасида бўлган аъзолари жойлаштириш воситаларининг ва даволаш муассасаларининг ҳисобга олиш дафтарлари ва карточкалари бўйича паспортларга ва аккредитация карточкаларига бирон-бир белги қўймасдан ҳисобга олинишлари лозим.

23¹⁵. Жойлаштириш воситалари ва даволаш муассасалари маъмурияти, шунингдек, бошқа уй-жой майдонларининг эгалари томонидан чет эл фуқароларини ҳисобга олиш талабларига риоя этилиши юзасидан назоратни ички ишлар органлари амалга оширади.

23¹⁶. Ушбу Низомнинг 23⁴, 23⁵ ва 23⁶-бандларида кўрсатилган чет эл фуқароларининг аккредитация ёки вақтинча пропискадан ўтказиш муддатини узайтириш тегишли равишда Ўзбекистон Республикаси Ташқи ишлар вазирлигида, Ўзбекистон Республикаси ички ишлар органларида, жойлаштириш воситаларида ва даволаш муассасаларида визаларнинг амал қилиш муддатига улар белгиланган тартибда узайтирилганидан кейин амалга оширилади»;

Низомга илова Низомга 1-илова деб ҳисоблансин;

1-илованинг 1-бандидан «(кейинги ўринларда чет эл фуқаролари ва ФБШ деб аталади)» сўзлари чиқариб ташлансин;

қуйидаги мазмундаги 2 — 6-иловалар қўшилсин:

«Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомга
2-ИЛОВА

________________________________________________
ТШИИБ МваФРБ бошлиғига

Расм учун
жой

35х45

Ўзбекистон Республикасида қуйидаги манзилда вақтинча яшовчи:

________________________________,
_________________________________
(фуқаролиги)
______________________________дан
(фамилияси, исми, отасининг исми)
тел: _____________________________

АРИЗА-АНКЕТА

Менга Ўзбекистон Республикасида доимий яшашга рухсат беришингизни сўрайман ____________________________
________________________________________________________________________________________________

(сабаби кўрсатилсин)

Ўзим ҳақимда қуйидагиларни маълум қиламан:
1. Туғилган куни, ойи ва йили ________________________________________________________________________
2. Туғилган жойи __________________________________________________________________________________
3. Миллати _______________________________________________________________________________________
4. Муқаддам бошқа давлат фуқароси бўлганмисиз. Қачон, қаерда ва қайси давлат фуқароси бўлгансиз, нима сабабдан уни йўқотгансиз, батафсил кўрсатинг __________________________________________________________________
5. Илгари қачон ва нима сабабдан Ўзбекистон Республикасига келгансиз (келиш ва кетиш санаси, виза рақами ва ким томонидан берилган)_______________________________________________________________________________
6. Никоҳда тураман, турмайман (кераксизи ўчирилсин)
7. Доимий яшашга рухсат олиш учун мен билан бирга келаётган (16 ёшгача) фарзандларимнинг фамилияси, исми, туғилган йили ва фуқаролиги:
а) ______________________________________________________________________________________________
б) ______________________________________________________________________________________________
в) ______________________________________________________________________________________________
г) ______________________________________________________________________________________________
д) ______________________________________________________________________________________________

8. Меҳнат фаолияти, шу жумладан таълим ва ҳарбий хизмат:

Ой ва йили

Корхона, ташкилот ва муассаса
номи, лавозими

Корхона, ташкилот ва муассаса жойлашган манзил

кириш

кетиш

Изоҳ. Меҳнат фаолияти билан шуғулланаётган шахслар учун маълумотлар ариза берувчининг иш жойи бўйича мансабдор шахс имзоси билан тасдиқланади ва муҳр босилади.

9. Хорижда истиқомат қиладиган қариндошларим:

Фамилияси, исми, отасининг исми

Қариндошлик даражаси

Туғилган йили ва фуқаролиги

Иш жойи ва
лавозими

Яшаш
манзили

10. Ўзбекистон Республикасида истиқомат қиладиган қариндошларим (шу жумладан, эр-хотиннинг қариндошлари):

Фамилияси, исми, отасининг исми

Қариндошлик даражаси

Туғилган йили ва фуқаролиги

Иш жойи ва
лавозими

Яшаш
манзили

11. Қўшимча равишда қуйидагиларни маълум қиламан:
а) __________________________________________________________________________________йилда берилган
__________________________________________амал қилиш муддати 20___ йил «____»__________________гача
б) виза (келишдан мақсади) 20___йил «____»__________________________ ________________________________№
________________________________________________________________________________томонидан берилган

(ким ва қачон, берилиш асослари)

__________________________________________амал қилиш муддати 20___ йил «____»___________________гача

20___ йил «___»___________________

______________________
(аризачи имзоси)

12. Ҳужжатларни солиштириб, аризани қабул қилдим:

20___ йил «___»___________________

__________________________________________
(ходимнинг лавозими, фамилияси, имзоси)

Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомга
3-ИЛОВА

________________________________________________
ТШИИБ МваФРБ бошлиғига

Сурат учун
жой

35х45

______________________________________
______________________________________
______________________________________
манзилда доимий яшовчи

____________________________________,(фуқаролиги /фуқаролиги бўлмаган шахс)
___________________________________дан
(фамилияси, исми, отасининг исми)
тел: _____________________________

АРИЗА-АНКЕТА

Менга қуйидаги манзил бўйича доимий прописка расмийлаштириб беришингизни сўрайман ______________________
________________________________________________________________________________________________

Ўзим ҳақимда қуйидагиларни маълум қиламан:
1. Туғилган кун, ой ва йили __________________________________________________________________________
2. Туғилган жойи __________________________________________________________________________________
3. Миллати _______________________________________________________________________________________
4. Никоҳда тураман, турмайман (кераксизи ўчирилсин)
5. Доимий яшашга рухсат олиш учун мен билан бирга келаётган (16 ёшгача) фарзандларимнинг фамилияси, исми, туғилган йили ва фуқаролиги:
а) ______________________________________________________________________________________________
б) ______________________________________________________________________________________________
в) ______________________________________________________________________________________________
г) ______________________________________________________________________________________________
д) ______________________________________________________________________________________________

6. Меҳнат фаолияти, шу жумладан таълим ва ҳарбий хизмат:

Ой, йил

Муассаса, ташкилот ва корхона номи, лавозими

Муассаса, ташкилот ва корхона жойлашган манзил

кириш

кетиш

Изоҳ. Меҳнат фаолияти билан шуғулланаётган шахслар учун маълумотлар ариза берувчининг иш жойи бўйича мансабдор шахс имзоси билан тасдиқланади ва муҳр босилади.

7. Хорижда яшовчи қариндошларим:

Фамилияси, исми, отасининг исми

Қариндошлик даражаси

Туғилган йили ва фуқаролиги

Иш жойи ва
лавозими

Яшаш
манзили

8. Қўшимча равишда қуйидагиларни маълум қиламан:
яшаш гувоҳномаси серияси_______________, рақами ___________________________________________________,
_______________________________________________________________________________________томонидан
20__ йил «____» ________________________да берилган, муддати 20__ йил «____» ____________________га қадар.

Анкетада кўрастилган барча маълумотлар тўғри. Ўзим, оила аъзоларим ва яқин қариндошларим ҳақида нотўғри маълумотлар берилган тақдирда доимий прописка рад этилиши ҳақида огоҳлантирилдим.

20___ йил «___»___________________

______________________
(аризачи имзоси)

9. Ҳужжатларни солиштириб, аризани қабул қилдим:

20___ йил «___»___________________

__________________________________________
(ходимнинг лавозими, фамилияси, имзоси)

Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомга
4-ИЛОВА

______________________________________ (бошлиқнинг резолюцияси, имзо ва сана)
				______________________________________ ТШИИБ МваФРБ бошлиғига
Ўзбекистон Республикасида яшаш гувоҳномасига эга бўлган чет эл фуқаролари ва фуқаролиги бўлмаган шахсларни вақтинча прописка қилиш тўғрисида АРИЗА
Фамилияси ________________________________________ Исми _________________________________________ Отасининг исми____________________________________ Фуқаролиги _____________________________________ Фуқаролиги бўлмаган шахс___________________________ Туғилган санаси ______ _____________________ Туғилган жойи __________________________________________ Келган жойи______________________________________________________________________________________
	(минтақа номи)
Келишдан мақсади _________________________________________________________________________________
		(ўз уйига, қариндошлариникига, васийсига (ҳомийсига), ишга, ўқишга ёки бошқа сабаблар)
Қуйидаги манзил бўйича вақтинча прописка қилишни сўрайман: _____________________________________ туман, кўча_____________________, мавзе ____________, уй _____, корпус ________________, квартира_______________ Уй-жой майдони берилди ___________________________________________________________________________ ________________________________________________________________________________________________
(мулкдор (ижарачи)нинг фамилияси, исми, отасини исми, қариндошлик даражаси ёки яшаш майдони берган ташкилот номи)
Айни бир вақтда қуйидаги қариндошларимни вақтинча прописка қилишни сўрайман:
Қариндошлик даражаси		Фамилия, исми, отасининг исми	Фуқаролиги	Туғилган жойи ва санаси		Қаердан келди






Ариза берувчининг имзоси_______________					20__ йил «___» _______________

Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомга
5-ИЛОВА

Миграция ва фуқароликни расмийлаштириш бош бошқармаси

Ўзбекистон Республикаси
Ички ишлар вазирлиги

Чет эл фуқароси (фуқаролиги бўлмаган шахс)ни
вақтинча прописка қилиш тўғрисида
ҚАЙД ВАРАҒИ

Фуқаролиги___________________________
Чет эл фуқароси (фуқаролиги бўлмаган шахс)_____________________________________
Ҳужжат ________ Берилган сана__________
Серия № __________________

Рақам __________________________
Туғилган санаси__________________

Амал қилиш муддати ______________

Вақтинча яшаш манзили

Қўшимча маълумотлар

Кадастр № ____________________________

_______________________________ вилояти

_________________________ тумани (шаҳар)
Манзил _______________________________
Уй № ________ квартира №_______________

Келишдан мақсади____________________________________
Қабул қилувчи томон__________________________________ Вақтинча прописка муддати
_______________________дан _____________________гача
«____» ойга
Қаердан келди _______________________________________

Маълумотлар _______________________________________

Қайд варағини берган орган _________________________________________________________________________

Вақтинча прописка тўғрисидаги қайд варағи унда кўрсатилган муддатгача
паспорт ёки унинг ўрнини босувчи ҳужжат кўрсатилганда ҳақиқийдир

Чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомга
6-ИЛОВА

______________________________________ (бошлиқнинг резолюцияси, имзо ва сана)
		______________________________________ ТШИИБ МваФРБ бошлиғига ______________________________________
АРИЗА
_____________________________ Сиздан фуқарони вақтинча прописка қилиш ва вақтинча прописка муддатини узайтиришни сўрайди (кераксизи ўчирилсин): 1. Ф.И.О. _________________________________________________________________________________________
	(чет эл фуқаросининг фамилияси, исми, отасининг исми кириллчада ёзилади)
________________________________________________________________________________________________
(чет эл фуқаросининг фамилияси, исми, отасининг исми паспорт бўйича лотин ҳарфида ёзилади)
2. Фарзандлари ____________________________________________________________________________________
	(16 ёшгача бўлган фарзандларнинг фамилияси, исми, отасининг исми, туғилган йили)
3. Фуқаролиги _________________________________ 4. Жинси ___________________________________________ 5. Туғилган жойи ва санаси___________________________________________________________________________ 6. Миллий паспорт № ______________________ 7. Виза тури ва рақами______________________________________ 8. Виза ким томонидан берилган ва унинг муддати________________________________________________________ ________________________________________________________________________________________________ 9. Ўзбекистонга келиш санаси (НЎП): __________________________________________________________________ 10. Иш жойи ва лавозими: ___________________________________________________________________________ 11. Яшаш манзили: _________________________________________________________________________________ 12. Уй-жой майдони берган шахснинг фамилияси, исми, отасининг исми______________________________________ ______________________ ______________________________________ уй. тел.______________________________ 13. Ҳужжатларни расмийлаштириш ва тақдим этишга масъул бўлган шахснинг фамилияси, исми, отасининг исми ________________________________________________________________________________________________ Паспорт серияси ____________ № __________________________ хизмат телефони ___________________________

____________________________ (Қабул қилувчи ташкилот раҳбарининг лавозими)		____________________________________ (фамилияси, исми, отасининг исми, имзо)
М.Ў.

Изоҳлар:

Юридик шахслар учун тақдимнома корхона бланкасида ёки тоза оқ қоғозда расмийлаштирилиб, юқори чап бурчакда қабул қилувчи ташкилотнинг ҳужжатни чиқиш рақами ва санаси кўрсатилган бурчакли штампи қўйилади.

Тақдимномага уй-жой майдони берган шахснинг розилик аризаси илова қилинади».

Вазирлар Маҳкамасининг 2018 йил 22 октябрдаги 845-сон қарорига
4-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Қорақалпоғистон Республикаси Вазирлар Кенгаши, вилоятлар ҳокимликлари ҳузуридаги махсус комиссиялар тўғрисидаги Намунавий низомни тасдиқлаш ҳақида» 1999 йил 16 апрелдаги 178-сон қарори (Ўзбекистон Республикаси ҚТ, 1999 й., 4-сон, 20-модда).

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Вазирлар Маҳкамасининг «Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида»ги Ўзбекистон Республикаси Қонунини амалга ошириш чора-тадбирлари ҳақида»)» 2012 йил 16 февралдаги 41-сон қарорига (Ўзбекистон Республикаси ҚТ, 2012 й., 4-сон, 28-модда) 1-илованинг 4-банди «б» кичик банди ва 6-банди.

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида» 2017 йил 14 мартдаги ПҚ-2833-сон қарори»)» 2017 йил 20 декабрдаги 1001-сон қарорига (Ўзбекистон Республикаси ҚТ, 2017 й., 12-сон, 292-модда) илованинг 7-банди.

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Ўзбекистон Республикасининг Давлат хавфсизлиги тизимини такомиллаштириш чора-тадбирлари тўғрисида» 2018 йил 14 мартдаги ПФ-5379-сон Фармони)» 2018 йил 29 майдаги 396-сон қарорига (Ўзбекистон Республикаси ҚТ, 2018 й., 5-сон, 126-модда) илованинг 16-банди.

(Қонун ҳужжатлари маълумотлари миллий базаси, 24.10.2018 й., 09/18/845/2090-сон, 06.08.2019 й., 09/19/648/3627-сон, 11.08.2019 й., 09/19/661/3571-сон, 12.10.2019 й., 09/19/864/3902-сон, 22.10.2019 й., 09/19/885/3940-сон, 06.12.2019 й., 09/19/970/4113-сон, 30.12.2019 й., 09/10/1049/4245-сон; 16.06.2020 й., 09/20/384/0770-сон, 10.07.2020 й., 09/20/433/1140-сон, 29.09.2020 й., 09/20/593/1340-сон; Қонунчилик маълумотлари миллий базаси, 27.12.2021 й., 09/21/774/1198-сон, 29.12.2021 й., 09/21/785/1214-сон; 14.07.2022 й., 09/22/385/0643-сон, 29.09.2022 й., 09/22/541/0859-сон; 29.12.2023 й., 09/23/705/1000-сон; 10.01.2024 й., 09/24/9/0012-сон; 14.09.2024 й., 09/24/573/0718-сон; 24.12.2024 й., 09/24/847/1056-сон; 23.12.2024 й., 09/24/868/1051-сон)