Валюта тизимини бошқаришни Ҳукуматнинг биржадан ташқари валюта бозорини ривожлантириш бўйича қабул қилган қарорларига мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикаси Марказий банкининг ўзларининг ихтисослаштирилган алмаштириш шохобчалари орқали чет эл нақд валютасини республика ҳудудида эркин харид қилиш ва сотиш операцияларини амалга ошириш ҳуқуқига эга бўлган банклар тармоғини кенгайтириш тўғрисидаги таклифига розилик берилсин, уларнинг рўйхати 1-иловага мувофиқ тасдиқлансин.

2. Ўзбекистон Республикаси Ҳукуматининг 2-иловага мувофиқ қарорларига ўзгартиришлар киритилсин.

3. Қуйидагилар:

Вазирлар Маҳкамасининг «Миллий валютанинг ички эркин муомалада бўлиши учун ресурсларни кўпайтириш тўғрисида» 1994 йил 8 ноябрдаги 540-сон қарори;

Вазирлар Маҳкамасининг «Вазирлар Маҳкамасининг 1994 йил 23 ноябрдаги 566-сон қарорига ўзгартиришлар ва қўшимчалар киритиш тўғрисида» 1995 йил 23 мартдаги 94-сон қарори;

Вазирлар Маҳкамасининг «Валюта бозорини янада эркинлаштириш ва валюта алмаштириш операцияларини кенгайтиришга доир чора-тадбирлар тўғрисида» 2000 йил 30 июндаги 250-сон қарорига 1-илова ўз кучини йўқотган деб ҳисоблансин.

1. Ташқи иқтисодий фаолият миллий банки

2. «Ўзсаноатқурилишбанк»

3. «Асака» банки

4. «Ўзуйжойжамғармабанк»

5. АБН АМРО Банки Ўзбекистон МБ

6. Авиабанк

7. Алоқабанк

8. Алп Жамол банк

9. «Замин» банки

10. «Пахта-банк»

11. Трастбанк

12. ЎзДЭУ банк

13. Узприватбанк

14. Ўзбекистон-Туркия банки

1. Вазирлар Маҳкамасининг «Ўзбекистон республика валюта биржасида операциялар ҳажмини кенгайтиришга оид чора-тадбирлар тўғрисида» 1994 йил 23 ноябрдаги 566-сон қарорига иловада:

1.2-банднинг «б» кичик банди чиқариб ташлансин;

3.1-3.3-бандлар чиқариб ташлансин;

4-бўлимнинг номидаги «валюта биржалари орқали» сўзлари чиқариб ташлансин;

4.3-банддаги «намунавий» сўзи ва «(Марказий банкнинг 1993 йил 22 июндаги 40-сон хатига 2-илова)» сўзлари чиқариб ташлансин;

5.1 ва 5.2-бандлар чиқариб ташлансин.

2. Вазирлар Маҳкамасининг «Истеъмол товарларини импорт қилиш учун марказлаштирилган валюта ресурсларидан фойдаланиш самарадорлигини ошириш тўғрисида» 1996 йил 19 ноябрдаги 405-сон қарорида:

2-банднинг учинчи хатбошидаги ва 2-илованинг номидаги «марказлаштирилган валюта ресурслари ҳисобидан» сўзлари чиқариб ташлансин;

2-илова матнидаги «марказлаштирилган валюта ресурслари ҳисобидан» сўзлари чиқариб ташлансин;

2-илованинг 9-бандидаги бешинчи хатбоши чиқариб ташлансин;

2-илованинг 15-бандидаги «Ўзистиқболстат» давлат қўмитаси ҳузуридаги» сўзлари «Ўзбекистон Республикаси Макроиқтисодиёт ва статистика вазирлиги ҳузуридаги» сўзлари билан алмаштирилсин;

2-илованинг 20-бандидаги «марказлаштирилган ресурслар ҳисобидан ҳамда Ўзбекистон республика валюта биржасида» сўзлари чиқариб ташлансин.