Ҳужжат кучини йўқотган " " 03.08.2022
Ҳужжат 01.08.2018 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Оилавий нодавлат мактабгача таълим муассасалари ҳамда Оилавий нодавлат мактабгача таълим муассасалари фаолияти бўйича рухсатнома бериш тартиби тўғрисида низомларни тасдиқлаш ҳақида
Кейинги таҳрирга қаранг.
 LexUZ шарҳи
Мазкур қарор Ўзбекистан Республикаси Вазирлар Маҳкамасининг 2022 йил 2 августдаги 426-сонли «Мактабгача таълим соҳасида давлат-хусусий шериклик муносабатларини замонавий рақамли технологиялар ёрдамида соддалаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Мактабгача таълим тизимини янада рағбатлантириш ва ривожлантириш чора-тадбирлари тўғрисида» 2018 йил 5 апрелдаги ПҚ-3651-сон қарорининг ижросини таъминлаш мақсадида Вазирлар Маҳкамаси қарор қилади:
1. Маълумот учун қабул қилинсинки, Ўзбекистон Республикаси Президентининг 2018 йил 5 апрелдаги ПҚ-3651-сон қарори билан тасдиқланган Мактабгача таълим соҳасида давлат-хусусий шериклик тўғрисидаги низомга мувофиқ:
давлат-хусусий шерикчиликнинг оилавий нодавлат мактабгача таълим муассасаларини моддий-техник ва услубий жиҳатдан таъминлаш шакли асосида ташкил этилган оилавий нодавлат мактабгача таълим муассасалари фаолияти учун лицензия олиш талаб этилмайди;
12 нафаргача болани тарбиялашни назарда тутувчи оилавий нодавлат мактабгача таълим муассасаларини моддий-техник ва услубий жиҳатдан таъминлаш шаклидаги давлат-хусусий шерикчилик лойиҳаси қишлоқ жойдаги хусусий шерикнинг ташаббуси билан, танлов ўтказилмай ва тақдим этилган ҳужжатларни ўрганиш асосида, улар билан тўғридан-тўғри музокаралар ўтказиш орқали амалга оширилади;
Кейинги таҳрирга қаранг.
давлат-хусусий шерикчилик тўғрисида битим туман (шаҳар) ҳокимлиги томонидан таклиф этиладиган рухсат хусусий шерик томонидан қабул қилинган кундан бошлаб қонун ҳужжатларида белгиланган тартибда кучга киради.
Кейинги таҳрирга қаранг.
2. Қуйидагилар:
Кейинги таҳрирга қаранг.
Оилавий нодавлат мактабгача таълим муассасалари тўғрисида низом 1-иловага мувофиқ;
Оилавий нодавлат мактабгача таълим муассасалари фаолияти бўйича рухсатнома бериш тартиби тўғрисида низом 2-иловага мувофиқ тасдиқлансин.
Кейинги таҳрирга қаранг.
3. Вазирлар Маҳкамасининг 2011 йил 7 январдаги 6-сон қарори (Ўзбекистон Республикаси ҚТ, 2011 й., 1-сон, 3-модда) билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатига 3-иловага мувофиқ қўшимча киритилсин.
4. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдуҳакимов ва Ўзбекистон Республикаси мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 30 июль,
595-сон
Вазирлар Маҳкамасининг 2018 йил 30 июлдаги 595-сон қарорига
1-ИЛОВА
Оилавий нодавлат мактабгача таълим муассасалари тўғрисида
НИЗОМ
Кейинги таҳрирга қаранг.
1-боб. Умумий қоидалар
1. Мазкур Низом оилавий нодавлат мактабгача таълим муассасаларининг мақсади ва вазифаларини, уларнинг фаолиятини ташкил этиш, моддий-техник ва услубий жиҳатдан таъминлаш, молиялаштириш, уларни бошқариш тартибини белгилайди.
Кейинги таҳрирга қаранг.
2. Оилавий нодавлат мактабгача таълим муассасалари ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Мактабгача таълим вазирлиги имзолаган давлат-хусусий шериклик тўғрисида битимга, бошқа қонун ҳужжатларига, шунингдек, ушбу Низомга амал қилади.
3. Оилавий нодавлат мактабгача таълим муассасаси фақат давлат-хусусий шерикчиликнинг оилавий нодавлат мактабгача таълим муассасаларини моддий-техник ва услубий жиҳатдан таъминлаш шакли асосида қишлоқ жойларда ташкил этилади.
Кейинги таҳрирга қаранг.
4. Оилавий нодавлат мактабгача таълим муассасаси якка тартибдаги тадбиркор шаклида фаолият юритади ва банк ҳисоб рақамига, ўз номи кўрсатилган муҳрга эга бўлади.
Кейинги таҳрирга қаранг.
2-боб. Оилавий нодавлат мактабгача таълим муассасаларининг мақсади ва вазифалари
Кейинги таҳрирга қаранг.
5. Қуйидагилар оилавий нодавлат мактабгача таълим муассасаларининг мақсади ҳисобланади:
Кейинги таҳрирга қаранг.
мактабгача ёшдаги болаларни (кейинги ўринларда болалар деб аталади) ҳар томонлама интеллектуал, ахлоқий, эстетик ва жисмоний ривожлантириш;
таълим-тарбия бериш орқали болаларни мактаб таълимига сифатли тайёрлаш;
болаларни мактабгача таълим билан қамраб олиш.
6. Қуйидагилар оилавий нодавлат мактабгача таълим муассасаларининг вазифалари ҳисобланади:
Кейинги таҳрирга қаранг.
таълим-тарбия жараёнига замонавий таълим дастурлари ва технологияларини жорий этиш;
болаларнинг ҳаётини муҳофаза қилиш ва соғлиғини мустаҳкамлаш;
бола шахсини соғлом ва етук, мактабда ўқишга тайёрланган тарзда шакллантириш;
болаларнинг интеллектуал, ахлоқий, эстетик ва жисмоний ривожланишини таъминлаш;
болаларда халқимизнинг юксак маънавияти ва инсонпарварлик анъаналарига садоқат туйғуларини шакллантириш.
7. Оилавий нодавлат мактабгача таълим муассасалари:
Кейинги таҳрирга қаранг.
ота-оналар билан келишув бўйича қўшимча хизматлар кўрсатиш (шу жумладан ўқитувчилар, мураббийлар, тиббиёт ходимларини таклиф қилиш);
Кейинги таҳрирга қаранг.
хизматлар кўрсатишдан тушган маблағлар ҳисобига тарбиячи ва унинг ёрдамчиси ишини қўшимча равишда рағбатлантириш;
фойда олиш ҳуқуқига эга.
3-боб. Оилавий нодавлат мактабгача таълим муассасалари фаолиятини ташкил этиш
Кейинги таҳрирга қаранг.
8. Оилавий нодавлат мактабгача таълим муассасалари туман (шаҳар) ҳокимликлари томонидан бериладиган белгиланган шаклдаги рухсатномани қабул қилиб олган вақтдан бошлаб таълим фаолиятини амалга ошириш ҳуқуқига эга бўлади.
Оилавий нодавлат мактабгача таълим муассасалари фаолиятини амалга ошириш учун лицензия талаб этилмайди.
Кейинги таҳрирга қаранг.
9. Оилавий нодавлат мактабгача таълим муассасасининг муассислари якка тартибдаги тадбиркор бўлади.
Кейинги таҳрирга қаранг.
10. Оилавий нодавлат мактабгача таълим муассасасига кириш жойида фуқароларни оилавий нодавлат мактабгача таълим муассасаси ҳақида маълумотлардан хабардор қилиш мақсадида ахборот пешлавҳаси ўрнатилади.
Унда туман (шаҳар) ҳокимликлари томонидан берилган белгиланган шаклдаги рухсатнома нусхаси, давлат-хусусий шериклик тўғрисидаги битим нусхаси, педагог ва тиббиёт ходимларининг дипломлари нусхалари, Оилавий нодавлат мактабгача таълим муассасасининг иш тартиби ва бошқа ҳужжатларнинг нусхалари жойлаштирилади.
Кейинги таҳрирга қаранг.
11. Оилавий нодавлат мактабгача таълим муассасасида 3 ёшдан 7 ёшгача бўлган 7 — 12 нафар болаларга тарбия берилишига йўл қўйилади.
Кейинги таҳрирга қаранг.
12. Оилавий нодавлат мактабгача таълим муассасаси ташкил этилиши режалаштирилаётган уйда болаларнинг соғлом ўсиши ва тарбия олишлари учун зарур шарт-шароитлар бўлиши, бино ва иншоотлар ёнғин хавфсизлиги ҳамда санитария-эпидемиология назоратининг санитария қоидалари, нормалари ва гигиена нормативларига мос бўлиши лозим.
Кейинги таҳрирга қаранг.
13. Оилавий нодавлат мактабгача таълим муассасаси Ўзбекистон Республикаси Мактабгача таълим вазирлиги билан белгиланган тартибда давлат-хусусий шерикчилик тўғрисида битим имзолагандан сўнг фаолиятини бошлайди.
Давлат-хусусий шериклик тўғрисидаги тузилган битимларнинг ягона реестри Мактабгача таълим вазирлиги томонидан юритилади.
Кейинги таҳрирга қаранг.
14. Оилавий нодавлат мактабгача таълим муассасасида таълим мазмуни мактабгача таълимга қўйиладиган давлат талабларига асосан ишлаб чиқилиб, Ўзбекистон Республикаси Мактабгача таълим вазирлиги томонидан тасдиқланган ёки тавсия қилинган дастурлар билан белгиланади.
Оилавий нодавлат мактабгача таълим муассасаси ўз (муаллифлик) дастурларидан фойдаланишга ҳақлидир. Ушбу дастурларни тасдиқлаш тартиби Ўзбекистон Республикаси Мактабгача таълими вазирлиги томонидан белгиланади.
Оилавий нодавлат мактабгача таълим муассасаларининг ўз (муаллифлик) дастурларида миллий, этник ва диний адоватни тарғиб этишга қаратилган бузғунчилик ғояларини акс эттирилишига йўл қўйилмайди.
Кейинги таҳрирга қаранг.
15. Оилавий нодавлат мактабгача таълим муассасасининг иш тартиби ва болаларнинг муассасада бўлиш вақти ота-оналарнинг истак ва талабларидан келиб чиқиб муассис томонидан белгиланади.
Оилавий нодавлат мактабгача таълим муассасасида 5 кунлик иш ҳафтаси учун, қоида тариқасида, қуйидаги кунлик иш тартиби жорий этилади:
9 соатли;
4 соатли.
Оилавий нодавлат мактабгача таълим муассасаси жойлашган ҳудудда яшайдиган аҳоли талабларидан келиб чиқиб, нодавлат мактабгача таълим муассасасида 6 кунлик иш ҳафтаси ҳам жорий этилиши мумкин.
Кейинги таҳрирга қаранг.
16. Оилавий нодавлат мактабгача таълим муассасасида болаларнинг овқатланиши Ўзбекистон Республикаси Соғлиқни сақлаш вазирлиги томонидан тасдиқланган санитария қоидалари, нормалари ва гигиена нормативлари асосида амалга оширилади.
Кейинги таҳрирга қаранг.
17. Оилавий нодавлат мактабгача таълим муассасаси тарбияланувчиларига тиббий ёрдам кўрсатиш соғлиқни сақлаш органларининг шартнома асосида махсус бириктирилган тиббиёт ходимлари томонидан амалга оширилади.
Тиббиёт ходимлари оилавий нодавлат мактабгача таълим муассасаси ходимлари билан биргаликда болаларнинг ҳаёти, соғлиғи ва жисмоний ривожланиши, даволаш-профилактика тадбирлари ўтказилиши, санитария қоидалари, нормалари ва гигиена нормативларига, овқатланиш режими ва сифатига риоя қилиниши учун жавоб берадилар. Оилавий нодавлат мактабгача таълим муассасаси ходимларини тиббий кўрикдан ўтказиш шартнома асосида амалга оширилади.
Кейинги таҳрирга қаранг.
4-боб. Оилавий нодавлат мактабгача таълим муассасасига болаларни қабул қилиш
Кейинги таҳрирга қаранг.
18. Оилавий нодавлат мактабгача таълим муассасасига болаларни қабул қилиш жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, тегишли тиббий хулоса асосида амалга оширилади.
Оилавий нодавлат мактабгача таълим муассасасига болаларни қабул қилиш ва муассасадан чиқариш тартиби оилавий нодавлат мактабгача таълим муассасасининг қарори билан амалга оширилади.
Оилавий нодавлат мактабгача таълим муассасасидаги болалар сони 7 нафардан кам бўлмаслиги ва 12 нафардан ошмаслиги лозим.
Кейинги таҳрирга қаранг.
19. Оилавий нодавлат мактабгача таълим муассасасида ўқув йили жорий йилнинг 2 сентябридан бошланади ва кейинги йилнинг 1 июнига қадар давом этади. 1 июндан 1 сентябргача бўлган давр муассасада соғломлаштириш даври ҳисобланади.
Кейинги таҳрирга қаранг.
5-боб. Таълим-тарбия жараёни қатнашчилари
20. Оилавий нодавлат мактабгача таълим муассасасида болалар, ота-оналар ёки уларнинг ўрнини босувчи шахслар (кейинги ўринларда ота-оналар деб аталади), педагог ходимлар таълим-тарбия жараёнининг қатнашчилари ҳисобланади.
Кейинги таҳрирга қаранг.
21. Оилавий нодавлат мактабгача таълим муассасаси болаларни қабул қилишда ота-оналарни ўз устави, кун тартиби, таълим-тарбия дастурлари ва бошқа ҳужжатлар билан таништириши шарт.
Кейинги таҳрирга қаранг.
22. Оилавий нодавлат мактабгача таълим муассасаси билан ота-оналар ўртасидаги ўзаро муносабатлар ушбу муассасанинг устави ҳамда шартнома билан тартибга солинади. Ота-оналар билан тузилган шартнома болаларнинг ушбу муассасада бўлиш вақтини, таълим-тарбия жараёнини ташкил этишда томонларнинг ҳуқуқлари, мажбуриятлари ҳамда жавобгарлигини ўз ичига олади.
Кейинги таҳрирга қаранг.
23. Оилавий нодавлат мактабгача таълим муассасаси Ўзбекистон Республикаси Мактабгача таълим вазирлиги билан тузилган битимга асосан тарбияланувчилар умумий сонининг 70 фоизи миқдорида ижтимоий кўмакка муҳтож оилаларнинг фарзандларини ўқитиш, улар учун камида 3 йил давомида ота-оналар тўловининг имтиёзли ҳажмларини (шу жойдаги давлат мактабгача таълим муассасалари учун белгиланган ҳажмлардан ошмайдиган миқдорларда) белгилайди.
Кейинги таҳрирга қаранг.
24. Ота-оналар қуйидаги ҳуқуқларга эга:
Кейинги таҳрирга қаранг.
ўз болалари учун таълим-тарбия шаклларини, оилавий нодавлат мактабгача таълим муассасасида таълим бериш тилини танлаш;
оилавий нодавлат мактабгача таълим муассасасида болаларга таълим-тарбия бериш учун зарур шарт-шароитлар яратилишини ҳамда боланинг шахсига нисбатан ҳурмат билан муносабатда бўлишни талаб қилиш;
оилавий нодавлат мактабгача таълим муассасаси билан тузилган шартнома шартларида белгиланган тартибда кун давомида ўзига қулай бўлган вақтда болаларни мактабгача таълим муассасасидан олиб кетиш;
ота-оналар қонун ҳужжатларига ва шартномага мувофиқ бошқа ҳуқуқларга ҳам эга бўлишлари мумкин.
25. Қуйидагилар ота-оналарнинг мажбуриятлари ҳисобланади:
Кейинги таҳрирга қаранг.
оилавий нодавлат таълим муассасаси билан тузилган шартномага мувофиқ ота-оналар бадалини ўз вақтида тўлаш;
оилавий нодавлат таълим муассасасида болага берилган таълим-тарбияни мустаҳкамлаш учун зарур шарт-шароитлар яратиш.
Ота-оналар қонун ҳужжатларига ва шартномага мувофиқ бошқа мажбуриятлар ҳам олишлари мумкин.
26. Оилавий нодавлат мактабгача таълим муассасаси тарбияланувчиси ва ходимлари ўртасидаги муносабатлар ўзаро ҳамкорлик, боланинг шахсини ҳурмат қилиш ва унга шахсий хусусиятларига мувофиқ ривожланиши учун эркинлик бериш асосида олиб борилади.
Кейинги таҳрирга қаранг.
27. Оилавий нодавлат мактабгача таълим муассасасида тегишли олий ёки ўрта махсус педагогик маълумотли шахслар педагогик фаолият билан шуғулланиш ҳуқуқига эга.
Кейинги таҳрирга қаранг.
Олий ёки ўрта махсус педагогик маълумотга эга бўлмаган (тегишли ҳудудларда олий ёки ўрта махсус педагогик маълумотли талабгорлар мавжуд бўлмаган ҳолатларда) Ўзбекистон Республикаси Мактабгача таълим вазирлиги томонидан оилавий нодавлат мактабгача таълим йўналиши бўйича қайта тайёрловдан ўтказилган шахслар ҳам педагогик фаолият билан шуғулланиш ҳуқуқига эга.
Суд томонидан ёки тиббий хулосага мувофиқ бундай фаолият билан шуғулланиши тақиқланган шахсларнинг педагогик фаолият билан шуғулланишига йўл қўйилмайди.
28. Оилавий нодавлат мактабгача таълим муассасасининг педагоглари ва бошқа ходимлари билан меҳнат шартномалари тузиш ва уларни бекор қилиш қонун ҳужжатларига мувофиқ амалга оширилади.
Кейинги таҳрирга қаранг.
29. Оилавий нодавлат мактабгача таълим муассасаси раҳбари белгиланган тартибда педагог кадрлар шаъни ва қадр-қимматини ҳимоя қилади, илғор педагогик ва ахборот технологиялари, муаллифлик дастурлари, методик қўлланмалар ва дидактик материаллар жорий этилиши учун шарт-шароитлар яратади.
Кейинги таҳрирга қаранг.
30. Оилавий нодавлат мактабгача таълим муассасаси ходимларининг ҳуқуқ ва имтиёзлари қонун ҳужжатларида, ушбу муассасанинг уставида, шунингдек, меҳнат шартномасида белгиланади.
Кейинги таҳрирга қаранг.
Кейинги таҳрирга қаранг.
31. Оилавий нодавлат мактабгача таълим муассасасининг педагог ходимлари қуйидаги ҳуқуқларга эга:
Оилавий нодавлат мактабгача таълим муассасасини бошқаришда ушбу муассаса уставида белгиланган тартибда қатнашиш;
ўз касбий шаъни ва қадр-қимматини ҳимоя қилиш;
қонун ҳужжатларига мувофиқ бошқа ҳуқуқларга ҳам эга бўлишлари мумкин.
32. Оилавий нодавлат мактабгача таълим муассасасининг педагог ходимлари қуйидагиларга мажбур:
Кейинги таҳрирга қаранг.
таълим-тарбия жараёнига замонавий таълим дастурларини татбиқ этиш;
илғор хорижий тажрибани ҳисобга олган ҳолда болаларни ҳар томонлама интеллектуал, ахлоқий, эстетик ва жисмоний ривожлантириш бўйича ўзига юкланган вазифалар доирасида шарт-шароитлар яратиш;
болаларга юқори профессионал даражада таълим-тарбия бериш орқали мактабгача таълим сифатини ошириш;
педагог ахлоқ-одобига риоя қилиш, боланинг қадр-қимматини ҳурмат қилиш, болаларни тазйиқдан ҳимоя қилиш, уларни меҳнатга, ота-онага ҳурмат, атроф-муҳитга эҳтиёткорлик билан муносабатда бўлиш руҳида тарбиялаш;
ўзининг касбий кўникмаларини ва педагогик маҳоратини доимий равишда такомиллаштириш.
Педагог ходимлар қонун ҳужжатларига мувофиқ бошқа мажбуриятлар ҳам олиши мумкин.
6-боб. Оилавий нодавлат мактабгача таълим муассасасини бошқариш ва унинг фаолиятини назорат қилиш
Кейинги таҳрирга қаранг.
Кейинги таҳрирга қаранг.
33. Оилавий нодавлат мактабгача таълим муассасасини бошқариш муассис томонидан амалга оширилади.
Оилавий нодавлат мактабгача таълим муассасаси раҳбари ҳар чоракда камида бир марта ўз фаолияти тўғрисидаги ҳисоботни туман мактабгача таълим бўлимига тақдим этади.
34. Оилавий нодавлат мактабгача таълим муассасаси фаолиятини назорат қилиш муассис томонидан, шунингдек, қонун ҳужжатларида белгиланган тартибда ваколатли давлат органлари томонидан амалга оширилади.
35. Оилавий нодавлат мактабгача таълим муассасалари томонидан мактабгача таълимга қўйиладиган давлат талабларининг ва таълим-тарбия дастурларининг бажарилишини назорат қилиш ушбу соҳадаги ваколатли орган — Ўзбекистон Республикаси Мактабгача таълим вазирлиги томонидан амалга оширилади.
36. Оилавий нодавлат мактабгача таълим муассасаларини аттестациядан ўтказиш, уларнинг фаолиятини вақтинча тўхтатиб туриш ва тўхтатиш қонун ҳужжатларида белгиланган тартибда амалга оширилади.
7-боб. Нодавлат мактабгача таълим муассасасини молиялаштириш ва моддий-техник таъминлаш
Кейинги таҳрирга қаранг.
37. Оилавий нодавлат мактабгача таълим муассасасига мол-мулк қонун ҳужжатларида белгиланган тартибда бириктирилади.
Оилавий нодавлат мактабгача таълим муассасаси ўзига бириктирилган мол-мулкни ва ўзига ажратилган маблағлар ҳисобига сотиб олинган мол-мулкни қонун ҳужжатларига мувофиқ тасарруф этади.
Кейинги таҳрирга қаранг.
38. Мактабгача таълим вазирлигининг ҳудудий органлари томонидан оилавий нодавлат мактабгача таълим муассасаси фаолияти учун зарур бўлган жиҳозлар, асбоб-ускуналар ва ўқув материаллари берилади. Мазкур жиҳозлар ва ўқув материалларидан эҳтиёткорлик билан фойдаланиш ва уларнинг сақланишига оилавий нодавлат мактабгача таълим муассасаси жавоб беради.
Кейинги таҳрирга қаранг.
39. Оилавий нодавлат мактабгача таълим муассасаси фаолияти қонун ҳужжатларига мувофиқ муассиснинг маблағлари ҳамда Ўзбекистон Республикаси Давлат бюджети ҳисобидан ажратиладиган субсидиялар ҳисобидан молиялаштирилади.
Кейинги таҳрирга қаранг.
40. Оилавий нодавлат мактабгача таълим муассасаларига қуйидаги мақсадлар учун Ўзбекистон Республикаси Давлат бюджетидан субсидиялар ажратилади:
тарбиячи ва ёрдамчи хизматларига тегишли тоифа бўйича қисқа муддатли ёки 9-соатлик давлат мактабгача таълим муассасалари учун белгиланган меҳнатга тўланадиган ҳаққа тенг шартларда ва ҳажмларда иш ҳақи тўлаш;
давлат мактабгача таълим муассасалари учун белгиланган нормативлар бўйича овқатланиш, юмшоқ инвентарь, анжомлар ва дори-дармонларга ажратилаётган миқдорларда харажатларни қоплаш;
Кейинги таҳрирга қаранг.
41. Оилавий нодавлат мактабгача таълим муассасаси қонун ҳужжатларида тақиқланмаган бошқа маблағлар ҳисобидан ҳам молиялаштирилиши мумкин.
Кейинги таҳрирга қаранг.
8-боб. Якунловчи қоидалар
42. Оилавий нодавлат мактабгача таълим муассасасида мактабгача таълим муассасасининг асосий фаолияти билан боғлиқ бўлмаган ташкилотларнинг, шу жумладан, сиёсий партиялар ва ҳаракатларнинг ташкил этилишига ва фаолият кўрсатишига йўл қўйилмайди.
Оилавий нодавлат мактабгача таълим муассасасидаги таълим ва тарбия дунёвий хусусиятга эга бўлади.
Кейинги таҳрирга қаранг.
43. Оилавий нодавлат мактабгача таълим муассасаси қонун ҳужжатларида белгиланган тартибда ташкил этилиши, қайта ташкил этилиши, тугатилиши мумкин.
Кейинги таҳрирга қаранг.
44. Оилавий нодавлат мактабгача таълим муассасасининг халқаро ҳамкорлиги, педагог кадрларнинг амалиёт ўташи ва уларнинг малакасини ошириш қонун ҳужжатларига мувофиқ амалга оширилади.
Кейинги таҳрирга қаранг.
Вазирлар Маҳкамасининг 2018 йил 30 июлдаги 595-сон қарорига
2-ИЛОВА
Кейинги таҳрирга қаранг.
Оилавий нодавлат мактабгача таълим муассасалари фаолияти бўйича рухсатнома бериш тартиби тўғрисида
НИЗОМ
1-боб. Умумий қоидалар
Кейинги таҳрирга қаранг.
1. Ушбу Низом оилавий нодавлат мактабгача таълим муассасалари фаолияти бўйича рухсатнома бериш тартибини белгилайди.
Оилавий нодавлат мактабгача таълим муассасалари давлат-хусусий шерикчилик шартлари асосида ташкил этилади.
2. Оилавий нодавлат мактабгача таълим муассасалари фаолияти бўйича рухсатнома бериш туман (шаҳар) ҳокимликлари томонидан амалга оширилади.
Кейинги таҳрирга қаранг.
3. Ушбу Низомда қуйидаги асосий тушунчалар қўлланилади:
рухсатнома — ваколатли орган томонидан якка тартибдаги тадбиркорга бериладиган, тадбиркорлик фаолияти соҳасида ҳаракатларни бажариш ва (ёки) муайян фаолиятни амалга ошириш ҳуқуқини берадиган ҳужжат;
талабгор — якка тартибдаги тадбиркор ёхуд уларнинг рухсатнома олиш учун тегишли ариза билан белгиланган тартибда орқали мурожаат қиладиган ваколатли шахси.
4. Оилавий нодавлат мактабгача таълим муассасалари фаолияти бўйича мазкур низомга иловадаги шаклга мувофиқ рухсатнома (кейинги ўринларда рухсатнома деб аталади) чекланмаган муддатга берилади.
Кейинги таҳрирга қаранг.
Талабгор аризасига кўра, рухсатнома муайян муддатга берилиши мумкин.
5. Рухсатнома якка тартибдаги тадбиркорга оилавий нодавлат мактабгача таълим муассасаларини ташкил этиш ва уларнинг фаолиятини юритиш ҳуқуқини беради.
Кейинги таҳрирга қаранг.
2-боб. Оилавий нодавлат мактабгача таълим муассасасига рухсатнома бериш талаблари ва шартлари
Кейинги таҳрирга қаранг.
Кейинги таҳрирга қаранг.
6. Қуйидагилар рухсат беришга доир қоидаларга мувофиқ оилавий нодавлат мактабгача таълим муассасаларини ташкил этиш ва уларнинг фаолиятини амалга ошириш бўйича талаблар ва шартлар ҳисобланади:
нодавлат мактабгача таълим муассасалари тўғрисидаги қонун ҳужжатларига қатъий риоя қилиш;
нодавлат мактабгача таълим муассасаларида мулкка эгалик қилиш ҳуқуқи ёки бошқа мол-мулк ҳуқуқи асосида тегишли бўлган бинолар, иншоотлар ва шароитларнинг мавжудлиги;
ўқув ва тарбия жараёнини давлат талабларига, ўқув режаларига ва таълим дастурларига мувофиқ ташкил этиш.
Кейинги таҳрирга қаранг.
7. Рухсатнома бериш учун мазкур Низомнинг 6-бандида назарда тутилмаган бошқа талаб ва шартлар белгиланиши мумкин эмас.
3-боб. Оилавий нодавлат мактабгача таълим муассасаси фаолияти бўйича рухсатнома олиш учун зарур бўлган ҳужжатлар
Кейинги таҳрирга қаранг.
8. Рухсатномани бериш ушбу Низомга 1-иловага мувофиқ схема бўйича амалга оширилади
9. Оилавий нодавлат мактабгача таълим муассасаси фаолияти бўйича рухсатнома олиш учун талабгор томонидан туман (шаҳар) мактабгача таълим бўлимига ариза билан мурожаат қилинади ва аризада якка тартибдаги тадбиркорнинг исми, фамилияси, отасининг исми кўрсатилади ва унга қуйидагилар илова қилинади:
Кейинги таҳрирга қаранг.
паспортининг кўчирма нусхаси;
оилавий нодавлат таълим фаолиятини амалга ошириш жойининг манзили;
банк муассасасининг номи ва банкдаги ҳисоб рақами;
оилавий нодавлат мактабгача таълим муассасасини ташкил этиш тўғрисидаги Ўзбекистон Республикаси Мактабгача таълим вазирлиги билан талабгор ўртасида белгиланган тартибда имзоланган давлат-хусусий шерикчилик тўғрисида битим нусхаси;
Кейинги таҳрирга қаранг.
ёнғин ва санитария-эпидемиология назорати органларининг мавжуд бинолар ва хоналарнинг ёнғин хавфсизлиги талабларига ва санитария нормалари, қоидалари ва гигиена нормативларига мувофиқлиги тўғрисидаги хулосалари нусхалари;
олий ёки ўрта махсус педагогик маълумотига эга эканлигини тасдиқловчи ҳужжат (тегишли ҳудудларда олий ёки ўрта махсус педагогик маълумотли талабгорлар мавжуд бўлмаган ҳолларда Ўзбекистон Республикаси Мактабгача таълим вазирлиги томонидан оилавий нодавлат мактабгача таълим йўналиши бўйича қайта тайёрловдан ўтказилганлигини тасдиқловчи ҳужжат) нусхаси.
10. Оилавий нодавлат мактабгача таълим муассасаси фаолияти бўйича рухсатнома олиш учун талабгор томонидан ҳужжатлар туман (шаҳар) мактабгача таълим бўлимига бевосита ёхуд уларнинг олинганлиги тўғрисидаги билдиришнома билан почта алоқа воситаси орқали етказиб берилади.
Кейинги таҳрирга қаранг.
11. Оилавий нодавлат мактабгача таълим муассасаси фаолияти бўйича рухсатнома олиш учун ҳужжатлар туман (шаҳар) мактабгача таълим бўлимининг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда аризачига юборилади (тақдим этилади).
Кейинги таҳрирга қаранг.
12. Ишончсиз ёки нотўғри маълумотлар тақдим этилганлиги учун рухсатнома талабгори қонун ҳужжатларига мувофиқ жавоб беради.
4-боб. Аризаларни кўриб чиқиш ва рухсатнома бериш ёки рухсатнома беришни рад этиш тўғрисида қарор қабул қилиш
13. Рухсатнома талабгорининг аризаси кўриб чиқилгани учун йиғим ундирилмайди.
14. Оилавий нодавлат мактабгача таълим муассасаси фаолияти бўйича рухсатнома бериш бўйича туман (шаҳар) ҳокимлиги ҳузурида комиссия тузилади ва у туман (шаҳар) молия бўлими, иқтисодиёт бўлими, адлия бўлими, қурилиш бўлими ҳамда мактабгача таълим бўлими бошлиқларидан иборат таркибда шакллантирилади.
Кейинги таҳрирга қаранг.
15. Комиссия тоқ сонли аъзолардан ва камида етти кишидан иборат бўлиши керак. Туман (шаҳар) мактабгача таълим бўлими бошлиғи комиссия котиби ҳисобланади.
Комиссиянинг ишчи органи туман (шаҳар) мактабгача таълим бўлими ҳисобланади. Туман (шаҳар) мактабгача таълим бўлими қабул қилинган ҳужжатларни ҳаққонийлигини ўрганиб чиқиб, Комиссия йиғилиши муҳокамасига киритади.
16. Комиссия йиғилишида талабгор томонидан оилавий нодавлат мактабгача таълим муассасаси фаолияти бўйича рухсатнома олиш юзасидан тақдим этилган ҳужжатлар муҳокама қилинади ва йиғилиш натижасида талабгорга рухсатнома бериш ёки рухсатнома беришни рад этиш масаласи баённома билан уч иш куни мобайнида расмийлаштирилади.
Кейинги таҳрирга қаранг.
Кейинги таҳрирга қаранг.
17. Оилавий нодавлат мактабгача таълим муассасаси фаолияти бўйича рухсатнома бериш тўғрисидаги туман (шаҳар) ҳокимининг қарори талабгорнинг аризаси олинган кундан бошлаб уч иш куни мобайнида қабул қилинади.
Оилавий нодавлат мактабгача таълим муассасаси фаолияти бўйича рухсатнома беришни рад этиш комиссия баённомасида асосланган ҳолда талабгорга комиссия йиғилиши бўлиб ўтган кундан бошлаб уч иш куни мобайнида ушбу баённоманинг нусхаси тақдим этилади.
18. Туман (шаҳар) ҳокимлиги рухсатнома бериш бўйича қарор қабул қилганда талабгорга мазкур Низомнинг 2-иловасига мувофиқ шаклдаги таълим фаолиятини амалга ошириш учун рухсатнома расмийлаштирилади.
Рухсатнома икки нусхада — талабгор ва туман (шаҳар) ҳокимлиги учун бир нусхадан тузилади.
19. Рухсатнома бериш қуйидаги асосларга кўра рад этилиши мумкин:
мурожаат этувчи томонидан мазкур Низомнинг 9-бандида назарда тутилган ҳужжатларнинг тўлиқ бўлмаган ҳажмда тақдим этилиши;
талабгор томонидан тақдим этилган ҳужжатларда нотўғри маълумотлар мавжудлиги.
Рухсатнома беришни бошқа асослар бўйича рад этиш қатъиян тақиқланади.
20. Рухсатнома беришни рад этиш тўғрисида қарор қабул қилинган ҳолатларда мурожаат этувчига ёзма шаклда, шу жумладан, ахборот тизими орқали электрон шаклда рад этиш сабаблари, қонун ҳужжатларининг аниқ нормалари ва мурожаат этувчи кўрсатилган камчиликларни бартараф этиб, такроран мурожаат қилиши мумкин бўлган муддат кўрсатилган рад этиш ҳақидаги хабарнома юборилади (тақдим этилади).
21. Рухсатнома беришда рад учун асос бўлган сабаблар мурожаат этувчи томонидан бир ой муддатда бартараф этилган тақдирда, ҳужжатларни такроран кўриб чиқиш, рухсатнома бериш ёки унинг берилишини рад этиш туман (шаҳар) ҳокимлиги томонидан мурожаат этувчининг рад этиш сабабларини бартараф этганлиги тўғрисидаги аризаси ва рад этиш сабаблари бартараф этилганлигини тасдиқловчи тегишли ҳужжатлар олинган кундан эътиборан 10 кундан ортиқ бўлмаган муддатда амалга оширилади.
5-боб. Якунловчи қоида
22. Мазкур Низомнинг қоидалари бузилишида айбдор бўлган шахслар қонун ҳужжатларига мувофиқ жавоб беришади.
Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомга
1-ИЛОВА
Кейинги таҳрирга қаранг.
Оилавий нодавлат мактабгача таълим муассасалари фаолияти бўйича рухсатнома бериш
СХЕМАСИ
Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомга
2-ИЛОВА
Кейинги таҳрирга қаранг.

_____________ туман/шаҳар ҳокимлиги томонидан берилган Оилавий нодавлат мактабгача таълим муассасасини ташкил этиш ва таълим фаолиятини амалга ошириш учун
РУХСАТНОМА
(намунавий шакл)

201___ йил «______» «______»

____________тумани (шаҳри)

Мазкур рухсатнома ____________________манзилида жойлашган _______________туман/шаҳар ҳокимлигидан ________-сон билан рўйхатдан ўтган якка тартибдаги тадбиркор _____________________________________га Оилавий нодавлат мактабгача таълим муассасасини ташкил этиш ва оилавий нодавлат таълим фаолиятини амалга ошириш учун берилди.

Оилавий нодавлат таълим фаолиятини амалга ошириш манзили (почта манзили, телефон рақами):______________________________________________

Оилавий нодавлат мактабгача таълим муассасаси ташкил этиш тўғрисида Ўзбекистон Республикаси Мактабгача таълим вазирлиги билан якка тартибдаги тадбиркор ўртасида имзоланган давлат-хусусий шерикчилик тўғрисидаги битимнинг санаси ва рақами:____________________________________________

Солиқ тўловчининг идентификация рақами:_________________________________
Банк муассасасининг номи ва банкдаги ҳисоб рақами:_________________________

Ваколатли шахс имзоси

Муҳр ўрни
Кейинги таҳрирга қаранг.
Вазирлар Маҳкамасининг 2018 йил 30 июлдаги 595-сон қарорига
3-ИЛОВА
Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг IV бўлимига қуйидаги мазмундаги 551-банд қўшилсин:

«

551

давлат-хусусий шерикчиликнинг оилавий нодавлат мактабгача таълим муассасаларини моддий-техник ва услубий жиҳатдан таъминлаш шакли асосида ташкил этилган оилавий нодавлат мактабгача таълим муассасалари фаолияти



».


(Қонун ҳужжатлари маълумотлари миллий базаси, 01.08.2018 й., 09/18/595/1598-сон; 29.04.2019 й., 09/19/361/3033-сон; Қонунчилик маълумотлари миллий базаси, 21.05.2021 й., 09/21/320/0482-сон, 12.08.2021 й., 09/21/510/0784-сон, 20.11.2021 й., 09/21/694/1075-сон, 27.12.2021 й., 09/21/774/1198-сон)