Ҳужжат 09.10.2020 00 санаси ҳолатига
Амалдаги версияга ўтиш
Ўзбекистон Республикаси Президентининг
Фармони
Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида
Юртимизда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар ва инфратузилмани яратиш, мамлакатнинг халқаро спорт майдонларида муносиб иштирок этишини таъминлаш борасида изчил чора-тадбирлар амалга оширилмоқда.
Шу билан бирга, жисмоний тарбия ва спортни ташкил этишда қатор тизимли муаммолар ва камчиликларнинг мавжудлиги ушбу соҳада давлат сиёсатини самарали олиб боришга ва мамлакатнинг мавжуд спорт салоҳиятидан тўлиқ фойдаланишга тўсқинлик қилмоқда. Хусусан:
биринчидан, айниқса, жойларда жисмоний тарбия ва спорт бошқарувининг самарали яхлит тизими мавжуд эмаслиги ушбу соҳада давлат органлари ва бошқа ташкилотлар фаолиятини лозим даражада мувофиқлаштиришни, соғлом турмуш тарзини оммалаштириш ва тарғиб қилишни таъминламаяпти;
иккинчидан, мамлакатимизда ҳам оммавий спорт, ҳам олий спорт ютуқлари соҳасида аниқ вазифалар ва мақсадли кўрсаткичларни белгилаган ҳолда, ўрта муддатли ва узоқ муддатли истиқболда жисмоний тарбия ва спортни ривожлантириш концепцияси ишлаб чиқилмаган;
учинчидан, давлат-хусусий шериклик шартларида спортнинг замонавий моддий-техника базаси ва инфратузилмасини яратиш бўйича нодавлат сектор билан ўзаро муносабатларнинг паст даражада эканлиги ушбу соҳада мавжуд муаммоларни самарали ҳал этишга имкон бермаяпти;
тўртинчидан, жойларда ёшлар орасидан иқтидорли спортчиларни танлаб олиш (селекция)нинг самарали ва шаффоф тизими мавжуд эмаслиги терма жамоалар таркибини сифатли тўлдириш учун спорт захирасини шакллантириш ва юқори малакали спортчиларни тайёрлашни таъминлашга тўсқинлик қилмоқда;
бешинчидан, спорт кадрларини, айниқса бошқарув кадрларини тайёрлаш, қайта тайёрлаш ва малакасини оширишнинг амалдаги тизими жисмоний тарбия ва спорт бошқаруви соҳасида малакали мутахассисларга бўлган эҳтиёжни қондириш имконини бермаяпти;
олтинчидан, жисмоний тарбия ва спорт соҳасини қўллаб-қувватлашнинг фақат алоҳида спорт турларини ривожлантиришга йўналтирилган, нооқилона тизими бошқа оммавий олимпия спорт турларини, энг аввало, спорт ўйинлари ва қишки спорт турларини ривожлантиришга эътибор қаратилмаслигига олиб келган;
еттинчидан, спортчиларни тайёрлаш ва улар тиббий таъминотининг инновацион тадқиқотлари ва услубий ишланмалари, замонавий талабларга жавоб берадиган стандартларининг мавжуд эмаслиги сифатли ўқув-машқ жараёнининг йўлга қўйилишини таъминламаяпти;
саккизинчидан, жисмоний тарбия ва спортни ривожлантиришга йўналтирилган молиявий маблағлар сарфланишининг асослилиги ва ҳаққонийлиги устидан назоратнинг, энг аввало, ички назоратнинг молиявий маблағлардан оқилона фойдаланишни таъминлайдиган ва ушбу соҳада суиистеъмолчиликларни бартараф этишга қаратилган самарали механизми шакллантирилмаган;
тўққизинчидан, халқаро стандартларга жавоб берадиган сифатли маҳаллий спорт асбоб-ускуналари ва инвентарларини ишлаб чиқариш йўлга қўйилмаган, шунингдек, бундай ишлаб чиқаришни қўллаб-қувватлашнинг таъсирчан механизми назарда тутилмаган.
Жисмоний тарбия ва спорт соҳасида давлат бошқаруви тизимини тубдан такомиллаштириш, аҳоли, айниқса ёшлар ўртасида соғлом турмуш тарзини кенг тарғиб қилиш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикасида Маъмурий ислоҳотлар концепциясида белгиланган вазифаларга мувофиқ:
1. Ўзбекистон Республикаси Жисмоний тарбия ва спорт давлат қўмитаси, Молия вазирлиги, Туризмни ривожлантириш давлат қўмитаси, Ўзбекистон Республикаси Ташқи иқтисодий фаолият миллий банки, Ўзбекистон Миллий олимпия қўмитаси, Тошкент шаҳар ҳокимлиги, спорт федерациялари (ассоциациялари)нинг:
Кейинги таҳрирга қаранг.
Ўзбекистон Республикаси Жисмоний тарбия ва спорт давлат қўмитаси ва унинг ҳудудий бўлинмалари негизида Ўзбекистон Республикаси Жисмоний тарбия ва спорт вазирлигини (кейинги ўринларда Вазирлик деб юритилади) ташкил этиш;
Кейинги таҳрирга қаранг.
Вазирликнинг марказий аппарати тузилмасида спорт фаолиятини ташкил қилишда асослилик, объективлик ва шаффофликни таъминлашга, шу жумладан жисмоний тарбия ва спортни ривожлантиришга ажратилган давлат молиявий маблағларидан оқилона фойдаланилишини таҳлил қилиш, аҳолининг спорт хизматларидан қониқиш даражаси ва спорт хизматларидан фойдалана олиш шарт-шароитларини баҳолаш, шунингдек, коррупция ва бошқа суиистеъмолчилик ҳолатларини аниқлаш учун масъул бўлган Жисмоний тарбия ва спорт соҳасида мониторинг бошқармасини ташкил этиш;
Кейинги таҳрирга қаранг.
Олдинги таҳрирга қаранг.
(1-банднинг тўртинчи хатбошиси Ўзбекистон Республикаси Президентининг 2019 йил 26 августдаги ПФ-5787-сонли Фармонига асосан чиқарилган — Қонун ҳужжатлари маълумотлари миллий базаси, 27.08.2019 й., 06/19/5787/3650-сон)
Олдинги таҳрирга қаранг.
бевосита Қорақалпоғистон Республикаси Жисмоний тарбия ва спорт вазирлиги, вилоятлар ҳамда Тошкент шаҳар жисмоний тарбия ва спорт бошқармаларига бўйсинадиган ва Қорақалпоғистон Республикаси бюджети, вилоятлар ва Тошкент шаҳар, шунингдек, туманлар ва шаҳарлар ҳокимликлари маҳаллий бюджетлари маблағлари ҳисобидан молиялаштириладиган туманлар (шаҳарлар) жисмоний тарбия ва спорт бўлимларини ташкил қилиш;
(1-банднинг тўртинчи хатбошиси Ўзбекистон Республикаси Президентининг 2019 йил 26 августдаги ПФ-5787-сонли Фармони таҳририда — Қонун ҳужжатлари маълумотлари миллий базаси, 27.08.2019 й., 06/19/5787/3650-сон)
Кейинги таҳрирга қаранг.
Ўзбекистон давлат жисмоний тарбия институти қошидаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш марказини (кейинги ўринларда — Марказ) Вазирлик тасарруфига бериш, уни Тошкент шаҳар, Шайхонтоҳур тумани, Кўкча Дарвоза кўчаси, 27-уй манзилда жойлаштириш, Нукус, Самарқанд ва Фарғона шаҳарларида унинг филиалларини ташкил қилиш;
Кейинги таҳрирга қаранг.
Ўзбекистон давлат жисмоний тарбия институти негизида Ўзбекистон давлат жисмоний тарбия ва спорт университетини (кейинги ўринларда — Университет) ташкил этиш;
жаҳоннинг етакчи ишлаб чиқарувчиларини жалб қилган ҳолда спорт кийими, анжомлари ва жиҳозларини ишлаб чиқарувчи замонавий корхоналар фаолиятини ташкил этиш учун пойтахт минтақасида «Спорт» эркин иқтисодий зонасини ташкил қилиш;
жисмоний тарбия ва спортни ривожлантириш ҳамда оммалаштиришда, мамлакатимизнинг халқаро спорт майдонидаги нуфузини оширишда алоҳида хизмат кўрсатган жисмоний тарбия ва спорт соҳаси ходимлари ҳамда бошқа шахсларни тақдирлаш мақсадида «Ўзбекистон Республикасида хизмат кўрсатган жисмоний тарбия ва спорт ходими» фахрий унвонини таъсис этиш тўғрисидаги таклифлари қабул қилинсин.
2. Қўйидагилар Вазирликнинг асосий вазифалари этиб белгилансин:
жисмоний тарбия ва спорт соҳасида аҳолининг кенг қатламларини спорт билан шуғулланишга ва соғлом турмуш тарзини юритишга жалб этиш, жисмонан соғлом ўсиб келаётган авлодни тарбиялаш, спорт индустрияси ва инфратузилмасини ривожлантириш, олий спорт маҳорати соҳасида мамлакатимизнинг халқаро спорт майдонида муносиб иштирокини таъминлашга қаратилган ягона давлат сиёсатини амалга ошириш;
Олдинги таҳрирга қаранг.
вазирликлар ва идоралар жисмоний тарбия ва спорт жамиятлари ҳамда клубларининг фаолиятини мувофиқлаштириш, шунингдек, республика мактабгача таълим ташкилотлари, умумтаълим мактаблари, ўрта махсус, касб-ҳунар таълими ва олий таълим муассасалари жисмоний тарбия ўқитувчилари ва инструкторлари фаолиятига ташкилий-услубий раҳбарликни амалга ошириш;
(2-банднинг учинчи хатбошиси Ўзбекистон Республикаси Президентининг 2020 йил 8 октябрдаги ПҚ-4857-сонли қарори таҳририда — Қонун ҳужжатлари маълумотлари миллий базаси, 09.10.2020 й., 07/20/4857/1357-сон)
маҳаллий давлат ҳокимияти органлари, фуқароларнинг ўзини ўзи бошқариш органлари, жисмоний тарбия ва спорт жамиятлари, таълим муассасалари, жамоат ташкилотлари билан биргаликда аҳоли, айниқса, ёшлар ўртасида жисмоний тарбия ва спорт билан шуғулланишни оммалаштириш борасида кенг кўламли ишларни ташкиллаштириш;
болаларни спорт билан мунтазам равишда шуғулланишга жалб этиш, болалар спорт таълими сифатини ошириш, барча ҳудудларда, айниқса, қишлоқ ва чекка ҳудудларда болалар спорти объектлари тармоғини янада кенгайтириш орқали болалар спортини янада ривожлантириш;
Олимпия, Паралимпия ва Осиё ўйинлари, жаҳон, Осиё чемпионатлари ва бошқа халқаро мусобақа ва турнирларда муваффақиятли иштирокни таъминлаш учун истиқболли спортчиларни танлаш, тайёрлаш ва маҳоратини оширишнинг, улар орасидан мамлакат терма жамоалари сифатли спорт захираси ва таркибини шакллантиришнинг самарали тизимини яратишда Ўзбекистон Миллий олимпия қўмитаси, спорт федерациялари (ассоциациялари) билан ҳамкорлик қилиш;
мамлакатимизда профессионал, оммавий спортни, шу жумладан спорт ўйинлари ва қишки спорт турларини ривожлантиришни рағбатлантириш ва қўллаб-қувватлаш, илғор халқаро тажрибани ҳисобга олган ҳолда, спорт тайёргарлиги жараёнига замонавий технологияларни жорий этиш, барча спорт турлари бўйича миллий чемпионатлар даражаси ва сифатини ошириш, халқаро ва минтақавий мусобақалар ташкил этиш, носоғлом спорт рақобатига ва тақиқланган препаратлар ишлатилишига қарши тизимли чоралар кўришни рағбатлантириш;
жисмоний тарбия-соғломлаштириш ва спорт ташкилотлари, объектлари ва иншоотларининг оммавий спорт, болалар спорти ва профессионал спорт йўналишлари бўйича моддий-техника базасини ривожлантириш ҳамда мустаҳкамлаш, улардан максимал даражада ва самарали фойдаланилишини таъминлаш, спорт асбоб-ускуналари ҳамда инвентарларининг мамлакатимизда ишлаб чиқарилишини ташкил этиш ва кенгайтириш бўйича таклифлар тайёрлашда қатнашиш;
жисмоний тарбия ва спорт соҳасида кадрларни тайёрлаш, қайта тайёрлаш ва малакасини оширишни ташкил этиш, жисмоний тарбия-соғломлаштириш ҳамда спорт ташкилотларини, таълим ва спорт-таълим муассасаларини юқори малакали тренерлар ва бошқа спорт мутахассислари билан таъминлаш;
жисмоний тарбия ва спорт соҳасида халқаро ва давлатлараро спорт алоқаларини кенгайтириш ҳамда мустаҳкамлаш, хорижий инвестициялар ва грантларни жалб этиш борасидаги ишларни ташкил қилиш, оммабоп спорт дастурларини ташкил этишга кўмаклашиш, жисмоний тарбия ва спорт соҳасига оид оммавий адабиётлар чоп этиш, видео ва кино материаллар тайёрлаш.
Кейинги таҳрирга қаранг.
3. Белгилансинки:
Университет жисмоний тарбия ва спорт соҳасида илмий ва ўқитувчи кадрлар тайёрлаш, шунингдек, соҳа мутахассисларини ўқитиш ҳамда тайёрлашнинг илғор усулларини ишлаб чиқиш ва жорий этиш бўйича республиканинг базавий олий таълим, илмий-тадқиқот хамда илмий-услубий муассасаси ҳисобланади;
Олдинги таҳрирга қаранг.
Марказ мактабгача таълим ташкилотлари, умумтаълим мактаблари ҳамда ўрта махсус, касб-ҳунар таълими муассасалари жисмоний тарбия ўқитувчилари (инструкторлари), кафедра мудирлари, таълим муассасалари ва спорт ташкилотлари тренерлари ҳамда жисмоний тарбия ва спорт соҳасидаги бошқа мутахассисларни қайта тайёрлаш ҳамда малакасини оширишни амалга оширади.
(3-банднинг учинчи хатбошиси Ўзбекистон Республикаси Президентининг 2020 йил 8 октябрдаги ПҚ-4857-сонли қарори таҳририда — Қонун ҳужжатлари маълумотлари миллий базаси, 09.10.2020 й., 07/20/4857/1357-сон)
Кейинги таҳрирга қаранг.
4. Қуйидагилар оммавий спортни ривожлантириш ва истеъдодли ёшларни саралаш (селекция) соҳасида таълим муассасаларининг устувор йўналишлари этиб белгилансин:
Олдинги таҳрирга қаранг.
мактабгача таълим ташкилотларида — бошланғич гимнастика ва ҳаракатли ўйинлар бўйича машғулотлар олиб бориш орқали жисмоний ривожлантириш ҳамда саломатликни мустаҳкамлаш учун тарбияланувчиларда жисмоний тарбия ва спорт машғулотларига қизиқишни шакллантириш;
(4-банднинг иккинчи хатбошиси Ўзбекистон Республикаси Президентининг 2020 йил 8 октябрдаги ПҚ-4857-сонли қарори таҳририда — Қонун ҳужжатлари маълумотлари миллий базаси, 09.10.2020 й., 07/20/4857/1357-сон)
умумтаълим мактабларида — ўқувчилар орасидан жисмоний тарбия ўқитувчиларини жалб қилган ҳолда истеъдодли ёшларни саралаб олиш (селекция) ҳамда болалар ва ўсмирлар спорт мактаблари спорт захирасини шакллантириш мақсадида кейинчалик минтақавий спорт мусобақаларида иштирок этиш учун синфдан ташқари спорт тўгараклари ва секциялари машғулотларини ташкил этиш (ҳафтасига камида 4 соатдан);
Кейинги таҳрирга қаранг.
ўрта махсус, касб-ҳунар таълим муассасаларида — ўқувчилар орасидан жисмоний тарбия ўқитувчилари ва спорт тури бўйича тренерларни жалб қилган ҳолда истеъдодли ёшларни саралаш ва ихтисослаштирилган болалар ва ўсмирлар спорт мактаблари спорт захирасини шакллантириш мақсадида кейинчалик минтақавий ҳамда республика спорт мусобақаларида иштирок этиш учун олимпия ва миллий спорт турлари бўйича синфдан ташқари спорт тўгараклари ҳамда секциялари машғулотларини ташкил этиш (ҳафтасига камида 6 соатдан);
Кейинги таҳрирга қаранг.
олий таълим муассасаларида — истеъдодли ёшларни саралаб олиш (селекция) ва спорт турлари бўйича миллий терма жамоалари ҳамда республика олий спорт маҳорати мактаблари спорт захирасини шакллантириш мақсадида кейинчалик республика ва халқаро спорт мусобақаларида олимпия ва миллий спорт турлари бўйича талабалар спорт клублари ҳамда жамоаларини ташкил этиш.
5. Шундай тартиб ўрнатилсинки, унга кўра:
Олдинги таҳрирга қаранг.
мактабгача таълим ташкилотлари, умумтаълим мактаблари, ўрта махсус, касб-ҳунар таълими муассасалари жисмоний тарбия ўқитувчиси (инструктори) ҳамда олий таълим муассасалари жисмоний тарбия ўқитувчиси ва кафедра мудири лавозимларига халқаро даражадаги спорт мусобақалари ғолиблари тайинланиши мумкин;
(5-банднинг иккинчи хатбошиси Ўзбекистон Республикаси Президентининг 2020 йил 8 октябрдаги ПҚ-4857-сонли қарори таҳририда — Қонун ҳужжатлари маълумотлари миллий базаси, 09.10.2020 й., 07/20/4857/1357-сон)
Олдинги таҳрирга қаранг.
давлат мактабгача таълим ташкилотлари, умумтаълим мактаблари, академик лицейлар, касб-ҳунар коллежлари жисмоний тарбия ўқитувчилари (инструкторлари) туман (шаҳар) жисмоний тарбия ва спорт бўлимлари билан келишган ҳолда тегишли таълим муассасалари раҳбарлари томонидан лавозимига тайинланади ва лавозимидан озод этилади;
(5-банднинг учинчи хатбошиси Ўзбекистон Республикаси Президентининг 2020 йил 8 октябрдаги ПҚ-4857-сонли қарори таҳририда — Қонун ҳужжатлари маълумотлари миллий базаси, 09.10.2020 й., 07/20/4857/1357-сон)
Кейинги таҳрирга қаранг.
Олдинги таҳрирга қаранг.
олий таълим муассасаларининг жисмоний тарбия ўқитувчилари (кафедра мудирлари) олий таълим муассасалари раҳбарлари томонидан Вазирлик вакили иштирокида белгиланган тартибда ўтказиладиган танлов натижаларига кўра лавозимига тайинланади ва лавозимидан озод этилади;
(5-банднинг тўртинчи хатбошиси Ўзбекистон Республикаси Президентининг 2019 йил 22 февралдаги ПФ-5668-сонли Фармони таҳририда — Қонун ҳужжатлари маълумотлари миллий базаси, 23.02.2019 й., 06/19/5668/2652-сон)
жисмоний тарбия ўқитувчиси (инструктор ва кафедра мудирлари)нинг иш фаолияти самарадорлигини баҳолаш ўқувчи (талаба)ларни жисмоний ва касбий тайёргарлиги ҳамда улар орасидан иқтидорли спортчиларни танлаш (селекция)да, энг аввало, эришилган аниқ натижаларни ҳисобга олган рейтинг тизими асосида амалга оширилади;
жисмоний тарбия ўқитувчилари (инструктор ва кафедра мудирлари)ни моддий рағбатлантириш улар фаолиятининг шахсий кўрсаткичларини рейтинг тизимида баҳолашга асосан амалга оширилади;
туман (шаҳар) спорт ва оммавий-жисмоний тарбия тадбирларининг ягона календарь режалари тегишли туман (шаҳар) ҳокимлари томонидан тасдиқланади;
умумтаълим мактаблари, ўрта махсус, касб-ҳунар таълими ҳамда олий таълим муассасалари ўқувчилари ва талабалари ўртасида ўтказиладиган спорт ва оммавий-жисмоний тарбия тадбирларини ҳамда иштирокчиларни кийим-кечак билан таъминлашни молиялаштириш тегишлилиги бўйича «Ёшлик», «Баркамол авлод» ва «Талаба» жисмоний тарбия ва спорт жамиятлари ҳисобидан амалга оширилади.
Олдинги таҳрирга қаранг.
6. Белгилаб қўйилсинки, Ўзбекистон Миллий олимпия қўмитаси Вазирлик билан ҳамкорликда юқори малакали хорижий спортчи, тренер ва бошқа мутахассисларни олимпия тайёрлаш марказлари, спорт федерация (уюшма)лари ва бошқа спорт ташкилотларининг ўқув-машғулот жараёнларига кенг жалб қилинишини таъминлайди.
(6-банд Ўзбекистон Республикаси Президентининг 2019 йил 26 августдаги ПФ-5787-сонли Фармони таҳририда — Қонун ҳужжатлари маълумотлари миллий базаси, 27.08.2019 й., 06/19/5787/3650-сон)
7. Қуйидагилар ташкил этилсин:
Самарқанд вилояти Самарқанд туманида универсал олимпия тайёргарлиги ва халқаро мусобақалар ўтказиш маркази;
Тошкент вилояти Бўстонлиқ туманида жойлашган «Азия-Чимган» меҳмонхонаси негизида миллий терма жамоалар учун универсал олимпия тайёргарлиги маркази;
Жиззах вилояти Зомин туманида «Алоқачи» соғломлаштириш оромгоҳи негизида гимнастика спорт тури бўйича олимпия тайёргарлиги маркази;
Наманган вилояти Чортоқ туманида сержантлар тайёрлаш мактаби негизида спорт ўйинлари бўйича олимпия тайёргарлиги маркази;
Қашқадарё вилояти Шаҳрисабз туманида «Гулнора» соғломлаштириш оромгоҳи негизида спорт яккакурашлари бўйича олимпия тайёргарлиги маркази ташкил этилсин.
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ташкил этилаётган марказлар тасарруфида бўлган вазирлик ва идоралар билан ҳамкорликда ушбу объектларни барча бино ва иншоот мажмуалари билан бирга Ўзбекистон Республикаси Миллий олимпия қўмитаси тасарруфига беғараз ўтказилишини таъминласин.
8. Белгилаб қўйилсинки:
Олдинги таҳрирга қаранг.
(8-банднинг иккинчи хатбошиси Ўзбекистон Республикаси Президентининг 2018 йил 12 декабрдаги ПФ-5597-сонли Фармонига асосан чиқарилган — Қонун ҳужжатлари маълумотлари миллий базаси, 13.12.2018 й., 06/18/5597/2300-сон)
Олимпия ва Паралимпия ўйинлари ҳамда олимпия ва паралимпия спорт турлари бўйича жаҳон чемпионатлари совриндор спортчилари Қорақалпоғистон Республикаси Жисмоний тарбия ва спорт вазирлиги, Тошкент шаҳар ҳамда вилоятлардаги жисмоний тарбия ва спорт бошқармалари шунингдек, тегишли спорт федерациялари(ассоциациялари) тавсияномаларига асосан тренерлик фаолияти бўйича соддалаштирилган тартибда аттестациядан ўтиб, спорт мактабларида тренер сифатида тренерлик фаолияти билан шуғулланишга ҳақли;
спорт ташкилотлари (идоралари) раҳбарлиги лавозимига аввал шуғулланган профессионал фаолият туридан қатъи назар, олий маълумотли ҳамда бошқарув соҳасида амалий кўникмага эга бўлган шахслар тайинланиши мумкин;
тренерлик фаолияти билан шуғулланиш учун рухсатнома муддати тугаган тренерлар кўпи билан тўрт ой муддатдан ошмаган ҳолда ўрнатилган тартибда янги рухсатнома олинишига қадар меҳнат фаолиятини давом эттиришга ҳақли.
Кейинги таҳрирга қаранг.
9. Олимпия спорт турларини 2018 — 2021 йилларда кейинчалик ривожлантириш ва оммалаштириш комплекс чора-тадбирлари дастури иловага* мувофиқ маъқуллансин.
* Илова рус тилидаги матнда берилган.
Дастурда назарда тутилган тадбирларни ўз вақтида, сифатли ва тўлиқ амалга ошириш учун вазирлик, муассаса ва бошқа ташкилотлар раҳбарларининг шахсий жавобгарлиги белгилансин.
10. Вазирлик:
икки ой муддатда жисмоний тарбия ўқитувчилари (инструктор, кафедра мудирлари) фаолияти самарадорлигини баҳолашнинг рейтинг тизими тўғрисидаги низомни тасдиқласин;
2018 йил 1 майга қадар Ўзбекистон Республикасида жисмоний тарбия ва спортни узоқ муддатли истиқболга ривожлантириш концепцияси лойиҳасини халқаро мутахассисларни жалб қилган ҳолда ишлаб чиқсин ва киритсин;
уч ой муддатда болалар ва ўсмирлар спорт мактаблари, шу жумладан ихтисослаштирилган мактабларнинг ишлаш тартибини ташкил этиш тизимини танқидий жиҳатдан ўрганиб чиқиш ва натижаси бўйича уларнинг фаолиятини тартибга солиш ва такомиллаштириш, ташкилий-штат тузилмасини қайта кўриб чиқиш ҳамда уларни молиялаштириш тизимини тартибга солиш юзасидан ҳукумат қарори лойиҳасини киритсин;
Ахборот технологиялари ва коммуникацияларини ривожлантириш вазирлиги билан ҳамкорликда уч ой муддатда спортчилар, жисмоний тарбия ўқитувчилари, йўриқчилари ҳақидаги маълумотларни ҳамда таълим муассасаларида спорт турлари бўйича имтиҳон қилиш тизими таҳлиллари натижаларини ўз ичига олган Ягона ахборот тизими яратилишини таъминласин;
уч ой муддатда Соғлиқни сақлаш вазирлиги билан ҳамкорликда олимпия спорт турлари бўйича мусобақалар ва ўқув тайёргарлик машқлари давомида спортчиларни тиббий таъминлашни ташкил этиш ва кузатиб бориш тартибини, шу жумладан спорт тиббиёт муассасалари тармоқларини яратишни ўз ичига олган ҳолда, тасдиқлаш тўғрисидаги ҳукумат қарори лойиҳасини киритсин;
уч ой муддатда Халқ таълими вазирлиги, Олий ва ўрта махсус таълим вазирлиги ва Молия вазирлиги билан ҳамкорликда таълим муассасалари қошида спорт клубларини ташкил этиш, фаолият олиб бориши ҳамда молиялаштирилиши тартибини тасдиқлаш тўғрисидаги ҳукумат қарори лойиҳасини киритсин;
уч ой муддатда республика ҳудудида жисмоний тайёргарликни ташкил этишнинг ягона талабларини белгилашни таъминловчи, олимпия спорт турлари бўйича тайёргарликнинг ягона меъёрларини спорт таълими муассасалари фаолиятига татбиқ этишни таъминласин;
Ўзбекистон Миллий олимпия қўмитаси билан ҳамкорликда 2018 йил 1 июнга қадар спортнинг қишки ва ўйин турларининг ривожланиши ва оммалашишининг амалдаги ҳолатини ҳар томонлама ва танқидий таҳлилини ҳисобга олган ҳолда Ўзбекистон Республикасида спортнинг қишки ва ўйин турларини янада ривожланиши юзасидан таклифлар тайёрласин;
Ўзбекистон Миллий олимпия қўмитаси билан ҳамкорликда республика олимпия захиралари мактаб-интернатлари қошида олимпия захиралари марказларини ташкил этиш таклифини киритсин.
11. Ўзбекистон Республикаси Вазирлар Маҳкамаси:
бир ҳафта муддатда Ўзбекистон Республикаси Жисмоний тарбия ва спорт вазирлиги фаолиятини ташкил этиш тўғрисидаги Ўзбекистон Республикаси Президенти қарори лойиҳасини киритсин;
бир ой муддатда Ўзбекистон Республикаси Жисмоний тарбия ва спорт вазирлиги тўғрисидаги низомни тасдиқласин;
бир ой муддатда Ўзбекистон давлат жисмоний тарбия ва спорт университети фаолиятини ташкил этиш бўйича ҳукумат қарори қабул қилинсин;
икки ой муддатда Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси ҳамда Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази низомини, шунингдек, жисмоний тарбия ва спорт мутахассислари контингентини тўлиқ қайта тайёрлаш ва малакасини ошириш имкониятини қамраб олган ҳолда уларнинг ташкилий-штат тузилмасини тасдиқласин;
икки ой муддатда жисмоний тарбия ва спорт соҳасидаги барча турдаги таълим муассасаларида таълим стандартлари қайта кўриб чиқилсин, таълимнинг ҳар бир босқичида умумий таълим юкламасидан ошмаган ҳолда, дарс соатларини ошириш ёрдамида, спорт тармоқлари бўйича баҳолаш тизимини жорий қилиш, натижаларни тизимли таҳлил қилиш ишлари олиб борилсин;
икки ой муддатда қурилиш-монтаж ишлари, замонавий спорт жиҳозлари, техникаси ва инвентарлар билан таъминлаш, узлуксиз ўқув-машғулот жараёни ва спортчилар, тренер ҳамда бошқа мутахассис ва ишчилар яшаши учун шароит яратишни инобатга олган ҳолда олимпия тайёргарлик марказлари фаолиятини ташкил қилиш тўғрисидаги ҳукумат қарори қабул қилинсин;
уч ой муддатда олимпия захиралари мактаб-интернатлари қабул квоталарини спорт турлари бўйича энг кам миқдорини ҳисобга олган ҳолда керакли бўлган самарали таълим тизими ташкил этилсин;
уч ой муддатда тренерлик фаолияти билан шуғулланиш бўйича аттестациядан ўтиш ва рухсатнома олиш тартибини соддалаштиришга йўналтирилган ҳукумат қарори қабул қилинсин.
12. Давлат ҳокимияти ва бошқаруви органлари ҳамда бошқа ташкилотларнинг спорт инфратузилмасини ташкил этиш ва тизимли тарзда ишчиларни жисмоний тарбия ва спортга жалб қилиш амалиётини жорий этиш чораларини кўрсин.
13. Ўзбекистон Республикаси Мудофаа вазирлиги, Миллий гвардия, Ўзбекистон Касаба уюшмалари федерацияси икки ой муддатда Мудофаа вазирлигининг спорт клуби, «Динамо» жисмоний тарбия ва спорт жамиятлари фаолиятини такомиллаштириш ва касаба уюшмалари федерацияси жисмоний тарбия ва спорт жамиятини тиклаш, шунингдек, идоравий спорт базаларини модернизация қилиш, улар қошида ёшларни жисмоний тарбия ва спортга жалб этиш учун барчанинг шуғулланишига имкони бўлган секция ва тўгараклар ташкил этиш бўйича чора-тадбирлар белгиласин.
14. Вазирлик ҳамда Адлия вазирлиги бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
15. Ўзбекистон Республикаси Президентининг 2017 йил 15 февралдаги «Маданият ва спорт соҳасида бошқарув тизимини янада такомиллаштириш чора-тадбирлари тўғрисида»ги ПФ-4956-сон Фармони биринчи банди учинчи хатбошиси ва учинчи банди ўз кучини йўқотган деб ҳисоблансин.
16. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси Президентининг Давлат маслаҳатчиси Р.С. Қосимов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 март,
ПФ-5368-сон
Ўзбекистон Республикаси Президентининг 2018 йил 5 мартдаги ПФ-5368-сон Фармонига
ИЛОВА
2018 ― 2021 йилларда олимпия спорт турларини янада ривожлантириш ва оммалаштириш комплекс чора-тадбирлари дастури

Т/р

Тадбирлар

Ижро муддати

Молиялаштириш манбаи

Масъул ижрочилар

I. Сифатли олимпия спорт захирасини шакллантириш, спортчиларни танлаб олиш (селекцияси),

тайёрлаш ва маҳоратини ошириш тизимини такомиллаштириш

1.

Мусобақаларни ўтказишнинг қуйидаги тўрт босқичли тизими асосида олимпия спорт турлари бўйича чемпионатларни ташкиллаштириш:

I босқич — спорт мактаби чемпионати (спорт мактаби спортчилари орасида);

II босқич — туман (шаҳар) чемпионати (тумандаги ҳар бир спорт мактаби чемпионатида ғолиб бўлган спортчилар ўртасида);

III босқич — вилоят чемпионати (туман (шаҳар) чемпионатида ғолиб бўлган спортчилар ўртасида);

IV босқич — республика чемпионати (вилоят чемпионатларида ғолиб бўлган спортчилар ўртасида).

доимий

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, хайрия маблағлари

Жисмоний тарбия ва спорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, МОҚ, спорт турлари бўйича федерациялар (ассоциациялар)

2.

2018 — 2022 йилларда Ўзбекистон Республикасида футболни янада ривожлантириш дастурини ишлаб чиқиш ва киритиш.

2018 йил
30 мартгача

—

Ўзбекистон Футбол ассоциацияси, Жисмоний тарбия ва спорт вазирлиги, МОҚ

3.

Болалар-ўсмирлар спорт мактаблари, шу жумладан ихтисослаштирилган спорт мактаблари ишини ташкил этишнинг амалдаги тизимини танқидий ўрганиш ва унинг якунлари бўйича уларнинг фаолиятини тартибга солиш ва такомиллаштириш, ташкилий штат тузилмаларини қайта кўриб чиқиш, шунингдек, улар фаолиятини молиялаштириш тартиби бўйича ҳукумат қарори лойиҳасини киритиш.

2018 йил
10 майгача

—

Жисмоний тарбия ва спорт вазирлиги, Олий ва ўрта махсус таълим вазирлиги, Халқ таълими вазирлиги, Вазирлар Маҳкамаси ҳузуридаги таълим сифатини назорат қилиш давлат инспекцияси

4.

Ўқув-машғулот жараёни ҳамда олимпия спорт турлари бўйича мусобақаларни ўтказиш давомида спортчиларни тиббий жиҳатдан таъминлаш ва кузатиб боришни ташкиллаштириш тартибини, шунингдек, спорт тиббий муассасалари тармоғини яратиш дастурини тасдиқлаш тўғрисида ҳукумат қарори лойиҳасини ишлаб чиқиш.

2018 йил
20 майгача

—

Жисмоний тарбия ва спорт вазирлиги, Соғлиқни сақлаш вазирлиги

5.

Ўзбекистон Республикаси Мудофаа вазирлиги, Миллий гвардияси ва Ўзбекистон касаба уюшмалари Федерацияси Кенгаши, спорт жамиятлари фаолиятини такомиллаштириш (тиклаш), шунингдек, уларнинг моддий-техника базасини мустаҳкамлаш ҳамда ҳаммабоп спорт секциялари ва тўгаракларини ташкил этиш.

2018 йил
20 апрелгача

Ижрочиларнинг маблағлари

Мудофаа вазирлиги , Миллий гвардия, Ўзбекистон касаба уюшмалари Федерацияси Кенгаши, спорт турлари бўйича федерациялар (ассоциациялар)

6.

Жисмоний тарбия ва спорт соҳасида халқаро ҳамкорликни йўлга қўйиш, спорт кадрларини тайёрлашнинг ўқув-машқ жараёнида илмий-методик технологияларни такомиллаштириш мақсадида мутахассислар гуруҳлари (спорт бўйича олимлар, ўқитувчилар, шифокорлар, физиологлар, диетологлар ва бошқа мутахассислар)нинг хорижий мамлакатларга ташрифларини уюштириш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, хайрия маблағлари

Жисмоний тарбия ва спорт вазирлиги, Ташқи ишлар вазирлиги, Соғлиқни сақлаш вазирлиги, МОҚ, Жисмоний тарбия ва спортни ривожлантириш жамғармаси, олимпия спорт турлари бўйича федерациялар (ассоциациялар)

7.

Республиканинг бутун ҳудудида спорт тайёргарлигини ташкил этишнинг ягона талаблари ўрнатилишини таъминлайдиган олимпия спорт турлари бўйича спорт тайёргарлигининг ягона стандартларини ишлаб чиқиш ва спорт-таълим муассасалари фаолиятига татбиқ этиш.

2018 йил
20 майгача

—

Жисмоний тарбия ва спорт вазирлиги, МОҚ, олимпия спорт турлари бўйича федерациялар (ассоциациялар)

8.

Олимпия спорт турларини, жумладан республиканинг таълим муассасаларида ривожлантириш бўйича қўшимча клублар, тўгараклар ва секцияларни ташкил этиш.

2018-2020 йиллар

Ижрочиларнинг бюджет ва бюджетдан ташқари маблағлари, хайрия маблағлари

Жисмоний тарбия ва спорт вазирлиги, Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги, МОҚ, спорт турлари бўйича федерациялар (ассоциациялар)

9.

Истиқболли спортчиларни танлаш (селекция қилиш) ҳамда сифатли олимпия спорт захирасини шакллантириш мақсадида таълим муассасаларида ўқувчилар ўртасида олимпия спорт турлари бўйича мусобақалар ташкил қилиш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, хайрия маблағлари

Жисмоний тарбия ва спорт вазирлиги, Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги, спорт турлари бўйича федерациялар (ассоциациялар)

10.

Жойларда фуқароларнинг ўзини-ўзи бошқариш органларини жалб этган ҳолда айниқса қишлоқ ёшлари, қизлар ва аёллар ўртасида олимпия спорт турларини оммалаштириш бўйича ишларни кучайтириш.

Календарь режа асосида

Ижрочиларнинг маблағлари

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Жисмоний тарбия ва спорт вазирлиги, Ўзбекистон Ёшлар иттифоқи, МОҚ, «Маҳалла» Жамғармаси, МТРК, ЎзМАА, ЎзА, ЭОАВМА, спорт турлари бўйича федерациялар (ассоциациялар)

11.

Истиқболли спортчиларни танлаш (селекция қилиш) мақсадида паралимпия спорт турлари бўйича мусобақаларни тизимли асосда ташкиллаштириш орқали паролимпия спорти захираси таркибини мустаҳкамлаш.

Календарь режа асосида

Календарь режа доирасида бюджет маблағлари, Ўзбекистон Паралимпия ассоциацияси, Жисмоний тарбия ва спортни ривожлантириш жамғармаси ва ҳайрия маблағлари

Жисмоний тарбия ва спорт вазирлиги, Ўзбекистон Паралимпия ассоциацияси, Ўзбекистон Ёшлар иттифоқи, МОҚ, спорт турлари бўйича федерациялар (ассоциациялар)

12.

Паралимпия спорт турлари бўйича идоралараро меморандумлар тузиш ҳамда БМТ томонидан 3 декабрь «Халқаро ногиронлар куни» деб эълон қилинганлиги муносабати билан ногиронлиги бўлган шахслар орасида спорт тадбирларини ташкил этиш.

Календарь режа асосида

—

Жисмоний тарбия ва спорт вазирлиги, Ўзбекистон Паралимпия ассоциацияси, Ўзбекистон Ёшлар иттифоқи, МОҚ

II. Спорт муассасаларининг моддий-техника базасини мустаҳкамлаш ва спорт инфратузилмасини такомиллаштириш

13.

Жаҳондаги етакчи ишлаб чиқарувчилар (Adidas, Reebok, Nike, Li-Ning, Eleiko, Janssen Fritsen, Gymnova ва бошқаларни) жалб этган ҳолда спорт кийим-кечаклари, анжомлари ва ускуналари ишлаб чиқаришни ташкиллаштиришга ихтисослашаётган «Спорт» ЭИЗ фаолиятини ташкил этиш.

2018 йил
30 июнгача

Бюджет ва инвесторларнинг маблағлари

Инвестициялар бўйича давлат қўмитаси, Лойиҳа бошқаруви миллий агентлиги , Ташқи ишлар вазирлиги, Ташқи савдо вазирлиги, Жисмоний тарбия ва спорт вазирлиги

14.

Давлат-хусусий шериклиги шартлари асосида енгил конструкциялардан тайёрланадиган муз қопламли спорт саройларини босқичма-босқич қуриш ва фойдаланишга топширишни ташкиллаштириш:

биринчи босқич - 2018-2019 йилларда Қорақалпоғистон Республикасида, Бухоро ва Фарғона вилоятларида;

иккинчи босқич - 2020-2021 йилларда Самарқанд, Хоразм ва Андижон вилоятларида.

2018-2021 йиллар мобайнида

Инвесторлар ва хайрия маблағлари

Инвестициялар бўйича давлат қўмитаси, Жисмоний тарбия ва спорт вазирлиги, Қорақалпоғистон Республикаси Вазирлар Кенгаши, Хоразм, Бухоро, Самарқанд, Фарғона, Андижон вилоятлари ҳокимликлари, МОҚ, қишки спорт турлари бўйича федерациялар

15.

Эшкак эшиш бўйича Ўзбекистон терма жамоасининг Тошкент шаҳар Чилонзор туманининг «Бешёғоч» маҳалласи ҳудудидан ўтувчи «Бўзсув», каналида слаломда ўқув-машқ жараёнини ўтказиш учун моддий-техника базасини яратиш.

2018 йил
30 мартгача

Ижрочилар вахайрия маблағлари

Тошкент шаҳар ҳокимлиги, «Ўзбекэнерго» АЖ, Ўзбекистон «ROWING & CANOE» федерацияси

16.

Спорт якка курашлари бўйича ихтисослаштирилган олимпия захираси мактаби ва дюздо бўйича Р.Собиров номли спорт клуби спортчиларини жойлаштириш учун Ўзбекистон Республикаси Миллий гвардиясининг «Динамо» ЖТСЖ ҳудудида 120 ўринли меҳмонхона қурилиши.

2018-2019 йиллар

Ижрочиларнинг маблағлари

Миллий гвардия

17.

Тошкент вилоятининг Бўстонлиқ туманидаги «Чимган» қишлоғида жойлашган «Пахтакор» Республика олимпия захиралари мактаб-интернатининг спорт базасини қишки ва мураккаб техник спорт турлари бўйича Республика олий спорт мактаби балансига топшириш, шунингдек, уни реконструкция қилиш ва мукаммал таъмирлаш.

2019 йил
30 сентябргача

Жисмоний тарбия ва спортни ривожлантириш жамғармаси маблағлари

Тошкент вилояти ҳокимлиги, Жисмоний тарбия ва спорт вазирлиги, Молия вазирлиги

18.

Тошкент шаҳрининг сув спорти турларини ривожлантириш бўйича ихтисослаштирилган марказ ҳудудида сувга сакраш ва сув полоси билан шуғулланиш учун бассейнлар, спортчилар ҳамда бошқа мутахассислар учун 50 ўринли меҳмонхона қуриш.

2019-2020 йиллар мобайнида

Жисмоний тарбия ва спортни ривожлантириш жамғармаси маблағлари

Тошкент шаҳар ҳокимлиги, Жисмоний тарбия ва спорт вазирлиги, Молия вазирлиги

19.

Ўзбекистон Қиличбозлик федерацияси академиясини жойлаштириш учун Тошкент шаҳрида бинони беғараз асосда ажратиб бериш.

2018 йил
30 сентябргача

Хорижий инвесторлар ва хайрия маблағлари

Тошкент шаҳар ҳокимлиги, Ўзбекистон Қиличбозлик федерацияси

20.

Тошкент шаҳрида, Бухоро, Наманган, Навоий, Қашқадарё, Сурхондарё, Сирдарё , Самарқанд, Фарғона, Жиззах ва Тошкент вилоятларида Қиличбозлик федерациясининг бўлинмалари учун иншоотларни реконструкция қилиш ва фойдаланишга топшириш.

2018-2019 йиллар мобайнида

Хорижий инвесторлар ва хайрия маблағлари

Тошкент шаҳри, Бухоро, Наманган, Навоий, Қашқадарё, Сурхондарё, Сирдарё , Самарқанд, Фарғона, Жиззах ва Тошкент вилоятлари ҳокимликлари, Ўзбекистон Қиличбозлик федерацияси

21.

Тошкент вилоятининг Бўстонлиқ туманидаги Чорвоқ қишлоғида Ўзбекистон терма жамоаси аъзолари томонидан ўқув-машқ жараёнини ўтказиш учун Ўзбекистон Регби федерациясининг спорт базаси қурилиши.

2019-2020 йиллар мобайнида

Жисмоний тарбия ва спортни ривожлантириш жамғармаси, хайрия маблағлари,

Инвестициялар бўйича давлат қўмитаси, Жисмоний тарбия ва спорт вазирлиги, Тошкент шаҳри ва Тошкент вилояти ҳокимликлари, МОҚ, Ўзбекистон Регби федерацияси

22.

Республика олимпия захиралари мактаб-интернатида гандбол бўйича спорт зали қурилиши.

2019 йил
30 майгача

«Ипотека банк» АТИБ

«Ипотека банк» АТИБ, Тошкент шаҳар ҳокимлиги, Ўзбекистон Гандбол федерацияси

23.

Республика олимпия захиралари мактаб-интернатида ўқ-ёй отиш билан шуғулланиш учун енгил конструкциялардан қурилма, шунингдек, оғир атлетика бўйича спорт зали қурилиши.

2019 йил
30 июнгача

Жисмоний тарбия ва спортни ривожлантириш жамғармаси, хайрия маблағлари

Инвестициялар бўйича давлат қўмитаси, Жисмоний тарбия ва спорт вазирлиги, Тошкент шаҳар ҳокимлиги, Ўзбекистон ўқ-ёй отиш федерацияси

24.

Фарғона вилоятининг Қиргули шаҳридаги «Кимёчилар» стадиони ҳудудида ўқ-ёй отиш базасини ташкил этиш.

2018 йил
30 июнгача

Ижрочилар ва хайрия маблағлари

Фарғона вилояти ҳокимлиги, Ўзбекистон ўқ-ёй отиш федерацияси

25.

Яккасарой туманидаги «Яккасарой спорт-соғломлаштириш мажмуаси» спорт комплексини Ўзбекистон Касаба уюшмалари федерациясининг Жисмоний тарбия-спорт жамиятига ҳамда Тошкент шаҳридаги коллежлардан бирининг бўшаётган бинолари ва иншоотларини Жисмоний тарбия-спорт жамиятининг спорт турлари бўйича ўқув-машқ йиғинлари марказини ташкил этиш учун Ўзбекистон Касаба уюшмалари федерациясига беғараз асосда топшириш.

2018 йил
30 мартгача

Ижрочиларнинг маблағлари

Ички ишлар вазирлиги, Ўзбекистон касаба уюшмалари Федерацияси Кенгаши, Жисмоний тарбия ва спорт вазирлиги, Тошкент шаҳар ҳокимлиги

26.

Республика ҳудудларида Ўзбекистон Касаба уюшмалари федерацияси Жисмоний тарбия-спорт жамиятининг спорт турлари бўйича спорт маҳорати мактабларини ташкил этиш учун бинолар ажратиш.

2018 йил
30 мартгача

Ўзбекистон касаба уюшмалари Федерацияси Кенгаши маблағлари – биноларни таъмирлаш, реконструкция қилиш ва жиҳозлаш бўйича ишларга

Давлат рақобат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон касаба уюшмалари Федерацияси Кенгаши

27.

Оғир атлетика бўйича терма жамоа аъзолари учун база яратиш мақсадида Тошкент вилоятининг Бўстонлиқ туманидаги Чорвоқ қўрғонида жойлашган собиқ пионерлар уйини Ўзбекистон Оғир атлетика федерациясига беғараз асосда топшириш, шунингдек, уни реконструкция қилиш ва жиҳозлаш.

2018 йил 30сентябргача

Ўзбекистон Оғир атлетика федерацияси ва хайрия маблағлари

Тошкент вилояти ҳокимлиги, Жисмоний тарбия ва спорт вазирлиги, Ўзбекистон Оғир атлетика федерацияси

28.

Ўзбекистон Сузиш федерациясига туташ бўш ётган ер участкасини беғараз асосда ажратиб бериш, шунингдек, бу ерда 70 ўринли меҳмонхона қуриш.

2018 йил
30 октябргача

НКМК маблағлари

Тошкент шаҳар ҳокимлиги, НКМК, Ўзбекистон Сузиш федерацияси

29.

Давлат-хусусий шериклиги шартлари асосида республиканинг ҳар бир тумани ва шаҳрида баскетбол майдончалари қуриш учун ер майдони ажратиб бериш.

2018-2020 йиллар

Инвесторлар ва хайрияжамғармалари

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Баскетбол федерацияси

30.

Олимпия спорт турлари бўйича спортчиларни тайёрлаш учун моддий-техника базаси ва шарт-шароитларни яратиш мақсадида Жиззах вилоятининг Ғаллаорол туманидаги Болалар-ўсмирлар спорт мактаби «Камалак» спорт-соғломлаштириш сиҳатгоҳини реконструкция қилиш ва мукаммал таъмирлаш.

2019-2020 йиллар

Жисмоний тарбия ва спортни ривожлантириш жамғармаси ва хайрия маблағлари

Инвестициялар бўйича давлат қўмитаси, Молия вазирлиги, Жисмоний тарбия ва спорт вазирлиги, Жиззах вилояти ҳокимлиги

31.

Республикадаги барча мавжуд спорт ва жисмоний тарбия-соғломлаштириш иншоотларини паспортлаштириш ишларини ташкил этиш. Спорт иншоотларининг тегишли паспортларига эга бўлмаган барча спорт объектлари, шу жумладан таълим муассасаларидан фойдаланишни тўхтатиш бўйича амалий чоралар кўрилишини таъминлаш.

2018 — 2020 йиллар мобайнида

Ижрочиларнинг маблағлари

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Жисмоний тарбия ва спорт вазирлиги

32.

Корея Республикасининг Пхёнчхан шаҳрида 2018 йилги XXIII қишки Олимпия ўйинларида миллий терма жамоамиз иштироки якунларини ҳар томонлама ва танқидий таҳлил қилишни инобатга олган ҳолда Ўзбекистон Республикасида қишки спорт турларини янада ривожлантириш бўйича таклифлар тайёрлаш.

2018 йил
1 июнгача

—

Жисмоний тарбия ва спорт вазирлиги, Молия вазирлиги, МОҚ, вазирликлар ва идоралар

33.

2018 йил Буэнос-Айрес шаҳри (Аргентина)да ўтказиладиган III ёзги ўсмирлар Олимпия ўйинларида иштирок этиш ҳуқуқини берадиган лицензияли мусобақаларда Ўзбекистон делегациясининг қатнашишга юқори даражада тайёрланишини таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, Молия вазирлиги, МОҚ, спорт турлари бўйича федерациялар (ассоциациялар)

34.

2018 йилда Пекин шаҳри (Хитой)да VI Осиё Пляж ўйинларида Ўзбекистон спорт терма жамоасининг қатнашишга юқори даражада тайёрлашни таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

35.

2019 йилда Неаполь шаҳри (Италия)да ўтказиладиган XXX Бутунжаҳон талабалар ўйинларида Ўзбекистон спорт терма жамоасини қатнашишга юқори даражада тайёрлашни таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

36.

2020 йилда Токио шаҳри (Япония)да ўтказиладиган XXXII ёзги Олимпия ўйинларида Ўзбекистон спорт терма жамоасини қатнашишга юқори даражада тайёрлашни таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

37.

2020 йилда Токио шаҳри (Япония)да ўтказиладиган XVI Паралимпия ўйинларида Ўзбекистон спорт терма жамоасини қатнашишга юқори даражада тайёрлашни таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

38.

Ўзбекистонда ўтказиладиган халқаро турнирлар, Осиё ва жаҳон чемпионатларини, шунингдек, бошқа спорт тадбирларини юксак даражада ташкиллаштириш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

39.

Спорт мактабларининг ўқувчилари — 19 ёшгача бўлган спортчиларнинг халқаро мусобақаларда иштирок этиши ва ўқув-машқ йиғинларининг узлуксизлигини таъминлаш орқали уларнинг спорт маҳорати ва малакаси оширилишини таъминлаш.

2018 — 2021 йиллар

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

40.

Тошкент вилоятининг Бўстонлиқ туманидаги тоғ-чанғи трассаларида тоғ-чанғи спорти ва сноуборд бўйича Ўзбекистон чемпионатларини, халқаро спорт мусобақаларини, ўқув-машқ йиғинларини ўтказиш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, Тошкент вилояти ҳокимлиги, МОҚ

41.

Ўзбекистон спорт терма жамоасининг қишки спорт турлари бўйича халқаро мусобақаларда иштирокини таъминлаш.

Календарь режа асосида

Календарь режа доирасидаги бюджет маблағлари, Жисмоний тарбия ва спортни ривожлантириш жамғармаси маблағлари, федерациялар (ассоциациялар) ва хайрия маблағлари

Жисмоний тарбия ва спорт вазирлиги, МОҚ

III. Терма жамоаларнинг аъзоларини тиббий-биологик, фармакологик ва спорт-психологик жиҳатдан таъминлаш ҳамда имтиёзли чуқур тиббий хизмат кўрсатишни ташкиллаштириш, уларнинг руҳий бардошлилигини ошириш

42.

Республика илмий-амалий спорт тиббиёт марказида асосий таркибдаги спортчиларни – Олимпия ва Паралимпия ўйинларида иштирок этишга номзодларни йилига камида икки марта беғараз асосда тиббий текширувдан ўтказиш, зарур бўлганда эса уларни даволаш.

доимий

Республика илмий-амалий спорт тиббиёт марказининг маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

43.

Мамлакат терма жамоалари аъзоларининг мусобақаларда ва ўқув-машқ йиғинларида қатнашишлари вақтида уларни тиббий-биологик ва спорт-психологик жиҳатдан узлуксиз кузатиб боришни такомиллаштириш.

доимий

Ижрочилар ва хайрия маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

44.

Спортда допинглар ва тақиқланган препаратлар ҳамда усуллардан фойдаланишга қарши кураш бўйича семинарлар, конференциялар туркумини ташкил этиш, ўқув-методик қўлланма ва дастурлар ишлаб чиқиш, улар билан спорт муассасаларини таъминлаш.

доимий

Ижрочилар ва хайрия маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

45.

Олимпия ва паралимпия спорт турлари бўйича ўқув-машқ йиғинлари жараёнида спортчиларнинг психологик, жисмоний ва тиббий-биологик ҳолатини муттасил ўрганиш.

доимий

Ижрочилар ва хайрия маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

46.

Спорт фармакологияси, спортчиларни фармокологик жиҳатдан коррекция қилиш ва жисмоний ҳолатини тиклаш, чидамлилигини ошириш бўйича дарсликлар, қўлланмалар ишлаб чиқиш.

доимий

Ижрочилар ва хайрия маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

47.

Спортчиларнинг нормаланган рационал овқатланиши тизимини такомиллаштириш, спортчиларнинг жисмоний ҳолати ва саломатлигига ижобий таъсир ўтказувчи маҳаллий маҳсулотлардан тузилган таомнома ва овқатланиш режимини назарда тутган ҳолда спортчиларнинг меъёрланган рационал овқатланиши бўйича спорт турлари федерациялари (ассоциациялари) учун методик қўлланмалар ишлаб чиқиш.

доимий

Ижрочилар ва хайрия маблағлари

МОҚ ҳузуридаги Республика илмий-амалий спорт тиббиёт маркази, Соғлиқни сақлаш вазирлиги, Жисмоний тарбия ва спорт вазирлиги, спорт турлари бўйича федерациялар (ассоциациялар)

IV. Аҳоли орасида жисмоний тарбия ва спортни оммалаштириш, соғлом турмуш тарзини тарғиб қилиш бўйича ишлар самарадорлигини ошириш

48.

Мамлакат спорти соҳасида амалга оширилаётган ислоҳотлар ва ютуқларни ёритиш борасидаги фаолият самарадорлигини яхшилаш, уларнинг мазмунини бойитиш, шунингдек, мамлакатда ва чет элларда ўтказиладиган спорт соҳасидаги муҳим тадбирларни ёритиш бўйича ишларни янада такомиллаштириш мақсадида «Спорт» газетаси таҳририяти Давлат корхонасини қайта ташкил этиш орқали Жисмоний тарбия ва спорт вазирлиги ҳузурида «Спорт» Медиа-марказини ташкил қилиш.

2018 йил
30 сентябргача

Ижрочилар ва хайрия маблағлари

Жисмоний тарбия ва спорт вазирлиги

49.

Жисмоний тарбия ва спорт вазирлигининг оммавий-спорт тадбирлари Календарь режасида белгилаб қўйилган олимпия спорт турлари бўйича миллий ва халқаро спорт мусобақалари ўтказиладиган жойлардан оммавий ахборот воситаларида уларни кенг ёритиш ва трансляцияларни ташкиллаштириш.

доимий

Ижрочилар ва хайрия маблағлари

МТРК, Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

50.

2018 йилда ўтказиладиган Пхёнчхан шаҳри (Корея Республикаси)даги XXII қишки Олимпия ўйинларини, Буэнос-Айрес шаҳри (Аргентина)даги III ёзги ўсмирлар Олимпия ўйинларини, Палембанг шаҳри (Индонезия)даги Ёзги Осиё ўйинларини республиканинг телевизион каналлари орқали кенг ёритишни ташкиллаштириш.

мусобақалар ўтказиладиган даврда

Ижрочилар ва хайрия маблағлари

МТРК, Жисмоний тарбия ва спорт вазирлиги, МОҚ

51.

Спорт турлари бўйича федерациялар ва ассоциацияларнинг жисмоний тарбия-спорт мусобақалари тўғрисидаги ахборотни беғараз асосда оммавий ахборот воситаларига жойлаштириш.

доимий

Ижрочилар ва хайрия маблағлари

МТРК, Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

52.

Олимпия спорт турларини кенг тарғиб қилиш бўйича видеороликлар ва телекўрсатувларни тайёрлаш ва намойиш этиш, шунингдек, материалларни эълон қилишни ташкиллаштириш.

Календарь режа асосида

Ижрочилар ва хайрия маблағлари

МТРК, Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)

53.

Соғлом авлодни тарбиялашга, соғлом турмуш тарзини, жисмоний фаоллик ва саломатликни, шу жумладан Ўзбекистонда ташкил этиладиган халқаро мусобақаларни тарғиб этишга, миллий қаҳрамонлар – Олимпия ўйинлари чемпионлари тўғрисидаги қисқа метражли ҳужжатли фильмларни ишлаб чиқиш ва намойиш этишга қаратилган чора-тадбирларни амалга ошириш.

доимий

Ижрочилар ва хайрия маблағлари

МТРК, Ташқи ишлар вазирлиги, Жисмоний тарбия ва спорт вазирлиги, МОҚ, спорт турлари бўйича федерациялар (ассоциациялар)
Кейинги таҳрирга қаранг.
(Қонун ҳужжатлари маълумотлари миллий базаси, 06.03.2018 й., 06/18/5368/0851-сон, 13.12.2018 й., 06/18/5597/2300-сон; 23.02.2019 й., 06/19/5668/2652-сон, 27.08.2019 й., 06/19/5787/3650-сон; 09.10.2020 й., 07/20/4857/1357-сон; 31.10.2020 й., 06/20/6099/1450-сон; Қонунчилик маълумотлари миллий базаси, 14.07.2021 й., 06/21/6261/0667-сон; 15.01.2022 й., 06/22/52/0029-сон; 31.05.2023 й., 06/23/79/0302-сон; 13.06.2023 й., 06/23/92/0366-сон)