|
Ҳужжат кучини йўқотган " " 22.02.2021
|
Ҳужжат 30.12.2002 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИНИНГ 2003 ЙИЛГИ АСОСИЙ МАКРОИҚТИСОДИЙ КЎРСАТКИЧЛАРИ ПРОГНОЗИ ВА ДАВЛАТ БЮДЖЕТИ ПАРАМЕТРЛАРИ ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Олий Мажлисининг «Ўзбекистон Республикасининг 2003 йилги Давлат бюджети тўғрисида» 2002 йил 12 декабрдаги 431-II-сон қарорига мувофиқ Вазирлар Маҳкамаси қарор қилади:
1. Қуйидагилар:
2003 йилги асосий макроиқтисодий кўрсаткичлар 1-иловага* мувофиқ;
Ўзбекистон Республикасининг 2003 йилги Давлат бюджети асосий параметрлари 2-иловага* мувофиқ тасдиқлансин.
*1, 2 -иловалар берилмайди.
2. 2003 йилги Давлат бюджети тақчиллигининг чекланган миқдори ялпи ички маҳсулот ҳажмига нисбатан 2,0 фоиз миқдорида белгилансин.
Белгилаб қўйилсинки, давлат бюджети тақчиллигини маблағ билан таъминлаш фақат қадрсизланмайдиган манбалар, шу жумладан давлат мулкини хусусийлаштиришдан олинадиган даромадлар, хориждан маблағ жалб қилиш ҳамда 2003 йил 1 январдаги ҳолатига кўра давлат мақсадли фондларининг бўш қолдиқлари ҳисобига амалга оширилади.
3. Ўзбекистон Республикасининг Солиқ кодексига мувофиқ 2003 йил учун:
юридик шахслардан даромад (фойда) солиғи ставкалари 3-иловага* мувофиқ;
савдо ва умумий овқатланиш корхоналари учун ялпи тушумдан (товар айланмаси ҳажмидан) ягона солиқ ставкалари 4-иловага* мувофиқ;
чакана савдо соҳасидаги микрофирмалар ва кичик корхоналар оладиган даромаддан ягона солиқ ставкалари ҳамда уларга тузатувчи коэффициентлар 5-иловага* мувофиқ;
солиқ солишнинг соддалаштирилган тизимини қўллаётган микрофирмалар ва кичик корхоналар учун ягона солиқ ставкалари 6-иловага* мувофиқ;
лотереялар, тотализаторлар ва таваккалчиликка асосланган бошқа ўйинларни ташкил этиш бўйича фаолиятни амалга оширувчи юридик шахслар учун ялпи тушумдан ягона солиқ ставкалари 7-иловага* мувофиқ;
юридик ва жисмоний шахсларга тўланадиган дивидендлар ва фоизлар тарзида олинадиган даромадлардан солиқ ставкалари 8-иловага* мувофиқ;
юридик ва жисмоний шахсларнинг тадбиркорлик фаолияти айрим турлари бўйича белгиланган солиқлар ставкалари ҳамда уларга тузатувчи коэффициентлар 9 ва 10-иловаларга* мувофиқ;
ишлаб чиқариладиган ва рўйхат бўйича четдан келтириладиган товарлардан акциз солиғи ставкалари 11-1, 11-2-иловаларга* мувофиқ;
сув ресурсларидан фойдаланганлик учун солиқ ставкалари 12-иловага* мувофиқ;
ер ости бойликларидан фойдаланганлик учун солиқ ставкалари 13-иловага* мувофиқ;
юридик шахслардан олинадиган мулк солиғи ставкалари 14-иловага* мувофиқ;
жисмоний шахслардан олинадиган мулк солиғи ставкалари 15-иловага* мувофиқ;
ягона ер солиғи ставкалари 16-иловага* мувофиқ;
ягона ер солиғи тўлашга ўтмаган тўловчилар учун ер солиғи ставкалари 17-иловага* мувофиқ;
Қорақалпоғистон Республикаси, вилоятлар ва Тошкент шаҳар давлат ҳокимияти органлари томонидан жорий этиладиган маҳаллий солиқлар ва йиғимлар ставкалари 18-иловага* мувофиқ тасдиқлансин.
*3—18-иловалар рус тилидаги матнда берилган.
Кейинги таҳрирга қаранг.
4. 2003 йилда:
барча солиқ солинадиган айланмалар бўйича қўшилган қиймат солиғи ставкаси 20 фоиз миқдорида;
пудрат қурилиш ташкилотлари томонидан қўшилган қиймат солиғи тўлашнинг амалдаги тартиби;
«ЎзДЭУавто» акциядорлик жамиятининг дилерлари расмий мақомига эга бўлмаган жисмоний ва юридик шахслардан «ЎзДЭУавто» акциядорлик жамиятида ишлаб чиқарилган олиб чиқиб кетиладиган автомобиллар учун йиғим ставкаси двигатель ҳажмининг 1 куб сантиметри ҳисобига 3,0 АҚШ доллари миқдоридаги ставка бўйича;
Ўзбекистон Республикаси Вазирлар Маҳкамасининг:
«Жисмоний шахслар айрим тоифалари даромадларига имтиёзли солиқ солиш тўғрисида» 1997 йил 24 декабрдаги 562-сон қарорининг;
«Даврий матбуотни тарқатувчи корхоналарни қўллаб-қувватлаш чора-тадбирлари тўғрисида» 2000 йил 13 апрелдаги 143-сон қарорининг амал қилиши сақлаб қолинсин.
Вазирлар Маҳкамасининг «Бозорни истеъмол товарлари билан тўлдиришни рағбатлантириш ҳамда ишлаб чиқарувчилар ва савдо ташкилотларининг ўзаро муносабатларини такомиллаштириш чора-тадбирлари тўғрисида» 2002 йил 13 ноябрдаги 390-сон қарори қоидаларининг сўзсиз бажарилиши назарда тутилсин.
5. Белгилансинки:
экспорт қилувчи корхоналарда тўланган қўшилган қиймат солиғини қоплаш ҳуқуқи фақат республика ҳудудидан товарлар олиб чиқиб кетиш ҳамда уларнинг ҳисоб рақамларига экспортдан валюта тушуми тушганлиги факти тасдиқлангандан кейин пайдо бўлади;
мулкчилик шаклларидан ҳамда идоравий мансублигидан қатъи назар, Ўзбекистон Республикасининг барча корхоналари, ташкилотлари ва муассасалари ҳар йили 1 январдаги ҳолатига кўра асосий фондларни Ўзбекистон Республикаси Иқтисодиёт вазирлиги томонидан тасдиқланган тартибда қайта баҳолайдилар.
6. Белгилаб қўйилсинки, 2003 йил 1 январдан бошлаб умумий овқатланиш соҳасидаги фаолият фақат юридик шахс шаклида ташкил этилган тадбиркорлик субъектлари томонидан, қонун ҳужжатларида белгиланган тартибда амалга оширилади.
Ушбу тартиб умумий овқатланиш соҳасида уй шароитларида ёки давлат ҳокимияти органларининг қарори билан махсус ажратилган жойларда ўтириш жойлари ташкил қилмасдан доналаб сотиладиган овқатларнинг айрим турларини тайёрлаш ва сотиш бўйича хизматлар кўрсатишга татбиқ этилмайди.
Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари умумий овқатланиш соҳасида юридик шахс бўлган ҳолда ушбу фаолият билан шуғулланиш истагини билдирган якка тартибдаги тадбиркорларни 2003 йил 1 мартгача қайта рўйхатдан ўтказишни таъминласинлар.
Умумий овқатланиш соҳасида фаолиятни амалга оширувчи, 2003 йил 1 январгача белгиланган тартибда рўйхатдан ўтказилган якка тартибдаги тадбиркорлар 2003 йил январь-февраль ойлари учун фаолиятнинг кўрсатилган туридан олинган даромадлардан белгиланган солиқларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан 2002 йилда улар учун белгиланган ставкалар бўйича тўлайдилар.
7. 2003 йил 1 январдан бошлаб:
сотилмаган тайёр маҳсулотнинг нормативдан ортиқ қолдиқлари учун тўлов;
ифлослантирувчи моддаларни табиий муҳитга чиқариб ташлаганлик, оқизганлик ҳамда чиқиндиларни Ўзбекистон Республикаси ҳудудида жойлаштирганлик учун тўлов бекор қилинсин.
8. 2003 йил 1 январдан бошлаб:
ижтимоий суғуртага ҳамда Республика йўл жамғармасига мажбурий бадаллар ва ажратмалар миқдорлари 19 ва 20-иловаларга* мувофиқ;
*19, 20-иловалар рус тилидаги матнда берилган.
божхона тўловлари ва давлат мақсадли жамғармаларига тўловлар бўйича ҳисобланадиган пеня миқдори бюджетга тўловлар бўйича ҳисобланадиган пеня сингари, тўлов муддати ўтган ҳар бир кун учун 0,07 фоизли ставка бўйича белгилансин.
Белгилаб қўйилсинки, адвокатлар бюроси, ҳайъатлари ва фирмалари Бюджетдан ташқари пенсия жамғармасига ижтимоий суғуртага мажбурий бадалларни меҳнатга ҳақ тўлаш фондидан ушбу қарор билан белгиланган миқдорларда ўтказадилар.
Кейинги таҳрирга қаранг.
9. Маҳаллий ҳокимият ва бошқарув органларининг тегишли бюджетларга тушумларнинг тўлиқ тушиши, тасдиқланган харажатларни ўз вақтида маблағ билан таъминланиши учун жавобгарлиги ва манфаатдорлигини ошириш мақсадида:
сув ресурсларидан фойдаланганлик учун солиқ;
экология солиғи;
юридик шахс бўлмасдан тадбиркорлик фаолияти билан шуғулланувчи жисмоний шахслар даромадларидан олинадиган белгиланган солиқ;
юридик ва жисмоний шахсларнинг тадбиркорлик фаолияти айрим турларини амалга оширишдан оладиган даромадларидан олинадиган белгиланган солиқ;
республикада ишлаб чиқариладиган пиво, ўсимлик ёғи, кир совун ва атир совунга акциз солиғи бўйича тушумлар тўлиқ миқдорда маҳаллий бюджетлар даромадларига ўтказилсин.
10. 2003 йил учун:
Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари даромадлари ва харажатлари ҳажмлари, республика бюджетидан дотацияларнинг чекланган миқдорлари 21-иловага* мувофиқ;
умумдавлат солиқлари тушумларидан Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига ажратмалар нормативлари 22-иловага* мувофиқ;
Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари айланма касса нақд пул маблағининг йўл қўйиладиган энг кам миқдорлари 23-иловага* мувофиқ тасдиқлансин.
*21—23-иловалар берилмайди.
Ўзбекистон Республикаси Молия вазирлигига тегишли бюджетларга дотациялар ажратишда уларнинг миқдорларини ҳудудлар бўйича барча ундириладиган солиқлар ва тўловларнинг тўлиқ тушишидан, шунингдек бюджетларнинг биринчи навбатдаги харажатларининг (устамалари билан иш ҳақи, нафақалар, стипендиялар ва уларга тенглаштирилган тўловларнинг) маблағ билан сўзсиз таъминланиши зарурлигидан келиб чиққан ҳолда аниқлаштириш ҳуқуқи берилсин.
11. 2003 йил учун Ўзбекистон Республикасининг Кафолат жамғармаси миқдори, Ўзбекистон Республикаси Вазирлар Маҳкамасининг захира жамғармалари ҳамда Қорақалпоғистон Республикаси, вилоятлар ва Тошкент шаҳар бюджетлари миқдорлари 24-иловага* мувофиқ тасдиқлансин.
*24-илова берилмайди.
12. 2003 йилда Ҳукуматнинг хориждан маблағ жалб қилиш чекланган ҳажми, шу жумладан уларга кафолатланган кредитлар кейинги йилларда уларга хизмат кўрсатиш ва уларни қайтаришнинг 2003 йилги даражасидан ошмайдиган миқдорларда чеклаб қўйилсин.
14. Ўзбекистон Республикаси Иқтисодиёт вазирлиги ва Молия вазирлиги макроиқтисодий кўрсаткичлар прогнозининг бажарилиши ҳамда Ўзбекистон Республикаси Давлат бюджетининг ижроси таҳлили натижалари бўйича ҳар чоракда Вазирлар Маҳкамасига:
ижтимоий-иқтисодий ривожланиш якунларини баҳолаш ҳақида ва иқтисодий ислоҳотларнинг бориши тўғрисида ахборот;
зарурат бўлганда, Давлат бюджетининг асосий параметрларига тузатишлар бўйича таклифлар киритсинлар.
15. Ўзбекистон Республикаси Молия вазирлигининг:
асосий макроиқтисодий кўрсаткичларнинг ўзгариши ва харажатларнинг мақбуллаштирилиши муносабати билан 2002 йилги Ўзбекистон Республикаси Давлат бюджетининг асосий параметрларини даромадлар бўйича 1842,2 млрд сўм, харажатлар бўйича 1927,4 млрд сўм миқдорида ҳамда тақчиллик бўйича 85,2 млрд сўм ёки (ялпи ички маҳсулотга нисбатан 1,1%) миқдорида ёки Ўзбекистон Республикаси Олий Мажлиси томонидан тасдиқланган Давлат бюджети тақчиллигининг чекланган миқдори доирасида аниқлаштириш ҳақидаги;
Ўзбекистон Республикаси Марказий банки билан келишувга кўра 2003 йил январь ойида 2002 йил учун барча даражалардаги бюджетлар билан якуний айланмалар ўртасидаги ўзаро ҳисоб-китобларни тартибга солишга доир операцияларни 2002 йилги Давлат бюджетининг ижроси тўғрисидаги ҳисоботда ўтказилган операцияларни акс эттирган ҳолда ўтказиш тўғрисидаги таклифлари қабул қилинсин.
16. Ўзбекистон Республикаси Вазирлар Маҳкамасининг 25-иловага мувофиқ қарорлари ўз кучини йўқотган деб ҳисоблансин.
Ўзбекистон Республикаси Ҳукуматининг 26-иловага мувофиқ айрим қарорларига ўзгартиришлар ва қўшимчалар киритилсин.
17. Ўзбекистон Республикаси Адлия вазирлиги манфаатдор вазирликлар ва идоралар билан биргаликда мазкур қарорнинг қабул қилиниши муносабати билан амалдаги қонун ҳужжатларига ўзгартиришлар ва қўшимчалар юзасидан Вазирлар Маҳкамасига икки ҳафта муддатда таклифлар киритсин.
Вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари илгари чиқарилган норматив ҳужжатларини бир ҳафта муддатда мазкур қарорга мувофиқлаштирсинлар.
18. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2002 йил 30 декабрь,
455-сон
Ўзбекистон Республикаси Вазирлар Маҳкамасининг 2003 йил 1 январдан бошлаб ўз кучини йўқотган қарорлари
РЎЙХАТИ
1. Ўзбекистон Республикаси Вазирлар Маҳкамасининг «Муддатли хизмат ҳарбий хизматчиларига ва уларнинг оила аъзоларига қўшимча имтиёзлар бериш тўғрисида» 1994 йил 3 октябрдаги 496-сон қарори (Ўзбекистон Республикаси ҚТ, 1994 й., 10-сон, 47-модда)нинг 2-банди.
2. Ўзбекистон Республикаси Вазирлар Маҳкамасининг «Ўзбекистон Республикаси адвокатлик бирлашмаларида адвокатлик фаолияти билан шуғулланувчи шахсларни ижтимоий ҳимоя қилиш чора-тадбирлари тўғрисида» 1996 йил 15 июлдаги 250-сон қарори.
3. Ўзбекистон Республикаси Вазирлар Маҳкамасининг «Ижтимоий суғуртага бадаллар миқдорлари тўғрисида» 1999 йил 30 июлдаги 372-сон қарорининг 1-банди.
4. Ўзбекистон Республикаси Вазирлар Маҳкамасининг «Ўзбекистон Республикасининг 2000 йилги асосий макроиқтисодий кўрсаткичлари прогнози ва Давлат бюджети тўғрисида» 1999 йил 31 декабрдаги 554-сон қарорининг 25-банди ва қарорга 21-илова.
5. Ўзбекистон Республикаси Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2000 йил 2 октябрдаги 375-сон қарори (Ўзбекистон Республикаси ҚТ, 2000 й., 10-сон, 63-модда)га илованинг 4-банди.
6. Ўзбекистон Республикаси Вазирлар Маҳкамасининг «Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда Ташқи меҳнат миграцияси масалалари агентлиги тўғрисидаги низомларни тасдиқлаш ҳақида» 2001 йил 6 апрелдаги 162-сон қарори (Ўзбекистон Республикаси ҚТ, 2001 й., 4-сон, 21-модда)га 3-илованинг 28-банди иккинчи хатбоши.
7. Ўзбекистон Республикаси Вазирлар Маҳкамасининг «Гастроль-концерт фаолияти соҳасида солиқ солишни ва аудио-видео кассеталарни тарқатишни такомиллаштириш чора-тадбирлари тўғрисида» 2001 йил 29 июндаги 285-сон қарори (Ўзбекистон Республикаси ҚТ, 2001 й., 6-сон, 36-модда) 3-бандининг учинчи хатбоши ва ушбу қарорга 3-илова.
8. Ўзбекистон Республикаси Вазирлар Маҳкамасининг «Ўзбекистон Республикасининг 2002 йилги асосий макроиқтисодий кўрсаткичлари прогнози ва Давлат бюджети параметрлари тўғрисида» 2001 йил 31 декабрдаги 490-сон қарорининг 6, 14-бандлари, 12-бандининг олтинчи хатбоши ва мазкур қарорга 3, 6—10, 12—18-иловалар.
9. Ўзбекистон Республикаси Вазирлар Маҳкамасининг «Ўзбекистон Республикаси Президентининг «Савдо ва умумий овқатланиш соҳасида солиққа тортиш тизимини янада такомиллаштириш тўғрисида»ги Фармонини амалга ошириш чора-тадбирлари ҳақида» 2002 йил 13 июндаги 208-сон қарори (Ўзбекистон Республикаси ҚТ, 2002 й., 6-сон, 31-модда)нинг 1-банди ва ушбу қарорга 1—4-иловалар.
10. Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамасининг «Ўзбекистон Республикасининг 2002 йилги асосий макроиқтисодий кўрсаткичлари прогнози ва Давлат бюджети параметрлари тўғрисида» 2001 йил 31 декабрдаги 490-сон қарорига ўзгартиришлар киритиш ҳақида» 2002 йил 17 июндаги 215-сон қарори 1-бандининг учинчи ва тўртинчи хатбоши ҳамда мазкур қарорга 1-илова.
11. Ўзбекистон Республикаси Вазирлар Маҳкамасининг «Савдо ва умумий овқатланиш корхоналарига солиқ солиш тартиби тўғрисида» 12 июль 2002 йил 249-сон қарори билан тасдиқланган Савдо ва умумий овқатланиш корхоналарининг ялпи тушумидан (товар айланмаси ҳажмидан) олинадиган ягона солиқни ҳисоблаб чиқиш ва тўлаш тартиби тўғрисида Низомга 1-илова.
12. Ўзбекистон Республикаси Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2002 йил 5 ноябрдаги 379-сон қарорига илованинг 1-банди ва 2-банднинг «в» кичик банди.
13. Ўзбекистон Республикаси Вазирлар Маҳкамасининг «Солиқ солишнинг соддалаштирилган тизимига ўтган микрофирмалар ва кичик корхоналарга солиқ солиш тартиби тўғрисида» 15.04.1998 йил 159-сон қарори билан тасдиқланган Микрофирмалар ва кичик корхоналар учун солиқ солишнинг соддалаштирилган тизимини қўллаш Тартибининг V бўлим 4-банди.
Ўзбекистон Республикаси Ҳукуматининг айрим қарорларига 2003 йил 1 январдан бошлаб киритилаётган ўзгартириш ва қўшимчалар
РЎЙХАТИ
1. Ўзбекистон Республикаси Вазирлар Маҳкамасининг «Республика йўл жамғармасини ташкил этиш тўғрисида» 1993 йил 5 июлдаги 334-сон қарорида (Ўзбекистон Республикаси ҚТ, 1993 й., 7-сон, 26-модда; 1996 й., 12-сон, 39-модда; 2000 й., 4-сон, 18-модда, 10-сон, 63-модда, 64-модда):
а) 3-банднинг «а» кичик банди:
учинчи хатбоши қуйидаги таҳрирда баён қилинсин:
«корхоналар, хўжаликлар, ташкилотлар (ушбу кичик банднинг тўртинчи-олтинчи ва ўн тўртинчи хатбошида кўрсатилган корхоналар, хўжаликлар ва ташкилотлардан ташқари) томонидан ажратиладиган маблағлар — маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда — 1,5 фоизи миқдорида»;
тўртинчи хатбошида «амалдаги товар айланмасидан» сўзлари «қўшилган қиймат солиғи чиқариб ташланган ҳолда товар айланмасидан» сўзлари билан алмаштирилсин;
«банклар (Марказий банкдан ташқари), суғурта ташкилотлари, видеосалонлар (видеокўрсатув пунктлари), кимошди савдолари, казинолар, нусха кўчиришдан, видео ва аудиокассеталарни прокатга беришдан, пул ютуқли ўйин автоматларидан фойдаланишдан, лотерея ютуқлари ва таваккалчиликка асосланган бошқа ўйинлар ўтказишдан, шунингдек оммавий концерт-томоша тадбирлари ўтказилишидан даромад олувчи корхоналар томонидан ажратиладиган маблағлар — даромаднинг 1,5 фоизи миқдорида;
автотранспорт корхоналари томонидан ажратиладиган маблағлар-маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда 2,5 фоиз миқдорида»;
ўн учинчи хатбошида «ўз кучи билан бажарилган ишлар амалдаги ҳажмидан» сўзлари «ўз кучи билан бажарилган ишлар ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин;
б) Республика йўл жамғармаси маблағларини шакллантириш ва улардан фойдаланиш тўғрисидаги Низомнинг (ушбу қарорга 1-илова):
иккинчи хатбоши қуйидаги таҳрирда баён қилинсин:
«корхоналар, хўжаликлар, ташкилотлар (мазкур банднинг учинчи-бешинчи ва ўн иккинчи хатбошиида кўрсатилган корхоналар, хўжаликлар ва ташкилотлардан ташқари) томонидан ажратиладиган маблағлар — маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда — 1,5 фоиз миқдорида»;
учинчи хатбошида «амалдаги товар айланмасидан» сўзлари «қўшилган қиймат солиғи чиқариб ташланган ҳолда товар айланмасидан» сўзлари билан алмаштирилсин;
«банклар (Марказий банкдан ташқари), суғурта ташкилотлари, видеосалонлар (видеокўрсатув пунктлари), кимошди савдолари, казинолар, нусха кўчиришдан, видео ва аудиокассеталарни прокатга беришдан, пул ютуқли ўйин автоматларидан фойдаланишдан, лотерея ютуқлари ва таваккалчиликка асосланган бошқа ўйинлар ўтказишдан, шунингдек оммавий концерт-томоша тадбирлари ўтказилишидан даромад олувчи корхоналар томонидан ажратиладиган маблағлар — даромаднинг 1,5 фоизи миқдорида;
автотранспорт корхоналари томонидан ажратиладиган маблағлар—маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган холда — 2,5 фоиз миқдорида»;
ўн иккинчи хатбошида «ўз кучи билан бажарилган ишлар амалдаги ҳажмидан» сўзлари «ўз кучи билан бажарилган ишлар ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин;
иккинчи хатбоши қуйидаги таҳрирда баён қилинсин:
«корхоналар, хўжаликлар, ташкилотлар (мазкур банднинг учинчи—бешинчи ва еттинчи хатбошида кўрсатилган корхоналар, хўжаликлар ва ташкилотлардан ташқари) томонидан ажратиладиган маблағлар маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган холда — 1,5 фоиз миқдорида»;
учинчи хатбошида «амалдаги товар айланмасидан» сўзлари «қўшилган қиймат солиғи чиқариб ташланган ҳолда товар айланмасидан» сўзлари билан алмаштирилсин;
«банклар (Марказий банкдан ташқари), суғурта ташкилотлари, видеосалонлар (видеокўрсатув пунктлари), кимошди савдолари, казинолар, нусха кўчиришдан, видео ва аудиокассеталарни прокатга беришдан, пул ютуқли ўйин автоматларидан фойдаланишдан, лотерея ютуқлари ва таваккалчиликка асосланган бошқа ўйинлар ўтказишдан, шунингдек оммавий концерт-томоша тадбирлари ўтказилишидан даромад олувчи корхоналар томонидан ажратиладиган маблағлар— даромаднинг 1,5 фоизи миқдорида;
автотранспорт корхоналари томонидан ажратиладиган маблағлар — маҳсулотлар сотиш (ишларни бажариш, хизматлар кўрсатиш) ҳажмидан, қўшилган қиймат солиғи чиқариб ташланган холда — 2,5 фоиз миқдорида»;
еттинчи хатбошида «ўз кучи билан бажарилган ишлар амалдаги ҳажмидан» сўзлари «ўз кучи билан бажарилган ишлар ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин;
иккинчи хатбоши қуйидаги таҳрирда баён қилинсин:
«корхоналар, хўжаликлар, ташкилотлар (мазкур банднинг учинчи—бешинчи ва ўнинчи хатбошида кўрсатилган корхоналар, хўжаликлар ва ташкилотлардан ташқари) томонидан ажратиладиган маблағлар маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда — 1,5 фоиз миқдорида»;
учинчи хатбошида «амалдаги товар айланмасидан» сўзлари «қўшилган қиймат солиғи чиқариб ташланган холда товар айланмасидан» сўзлари билан алмаштирилсин;
«банклар (Марказий банкдан ташқари), суғурта ташкилотлари, видеосалонлар (видеокўрсатув пунктлари), кимошди савдолари, казинолар, нусха кўчиришдан, видео ва аудиокассеталарни прокатга беришдан, пул ютуқли ўйин автоматларидан фойдаланишдан, лотерея ютуқлари ва таваккалчиликка асосланган бошқа ўйинлар ўтказишдан, шунингдек оммавий концерт-томоша тадбирлари ўтказилишидан даромад олувчи корхоналар томонидан ажратиладиган маблағлар — даромаднинг 1,5 фоизи миқдорида;
автотранспорт корхоналари томонидан ажратиладиган маблағлар—маҳсулотлар сотиш (ишларни бажариш, хизматлар кўрсатиш) ҳажмидан, қўшилган қиймат солиғи чиқариб ташланган холда — 2,5 фоиз миқдорида»;
ўнинчи хатбошида «ўз кучи билан бажарилган ишлар амалдаги ҳажмидан» сўзлари «ўз кучи билан бажарилган ишлар ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин;
14-банднинг биринчи хатбошида «маҳсулотлар ишлаб чиқариш, бажарилган ишлар, хизматлар ҳажмидан» сўзлари «маҳсулотлар сотиш, бажарилган ишлар, хизматлар ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин;
18-банднинг иккинчи хатбошида «Марказий банк муассасалари» сўзлари «Марказий банк, Молия вазирлиги ҳузуридаги Қишлоқни қишлоқ хўжалиги техникаси билан жиҳозлашни давлат томонидан рағбатлантириш жамғармаси» сўзлари билан алмаштирилсин»;
«22. Мулкчилик шаклларидан қатъи назар барча автотранспорт корхоналари маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда, 2,5 фоиз миқдорида йўл жамғармасига маблағ ажратадилар, кўрсатиб ўтилган ажратма транспортда ташиш тарифига киритилади.
23. Ўз автотранспортини сақлаш харажатларини таннархга ёки муассаса сметаси ҳисобига киритиш автотранспорт корхонасини кўрсатиб ўтилган ажратмаларни тўлашдан озод қилмайди»;
26-банднинг биринчи хатбошида «автомобиль транспорти даромадидан» сўзлари «маҳсулотлар сотиш (ишлар бажариш, хизматлар кўрсатиш) ҳажмидан, қўшилган қиймат солиғи чиқариб ташланган ҳолда» сўзлари билан алмаштирилсин.
Кейинги таҳрирга қаранг.
2. Ўзбекистон Республикаси Вазирлар Маҳкамасининг 1998 йил 15 апрелдаги 159-сон қарори (Ўзбекистон Республикаси ҚТ, 1998 й., 4-сон, 15-модда; 1999 й., 11-сон, 64-модда; 2000 й., 8-сон, 45-модда; 2001 й., 6-сон, 34-модда) билан тасдиқланган Микрофирмалар ва кичик корхоналар учун солиқ солишнинг соддалаштирилган тизимини қўллаш тартибида:
4-банд қуйидаги таҳрирда баён қилинсин:
«4. Солиқ солишнинг соддалаштирилган тизимини қўлловчи ва ногиронларнинг жамоат бирлашмалари, «Нуроний» жамғармаси ва «Ўзбекистон чернобилчилари» уюшмасининг мулки бўлган, ишловчилар умумий сонининг камида эллик фоизини ногиронлар, 1941—1945 йиллардаги уруш ва меҳнат фронти фахрийлари ташкил этган микрофирмалар ва кичик корхоналар ягона солиқ тўлашдан озод этилади.
Мазкур имтиёз савдо, воситачилик, таъминот-сотиш ва тайёрлов фаолияти билан шуғулланувчи корхоналарга жорий этилмайди»;
Ш бўлим 2-бандининг учинчи хатбоши қуйидаги таҳрирда баён қилинсин:
«сотилган мол-мулк қиймати ва бошқа активлар»;
Кейинги таҳрирга қаранг.
3. Ўзбекистон Республикаси Вазирлар Маҳкамасининг «Қишлоқ хўжалиги товар ишлаб чиқарувчилари учун ягона ер солиғининг муваққат базавий ставкаларини тасдиқлаш тўғрисида» 1998 йил 26 декабрдаги 539-сон қарорида:
3-банд қуйидаги таҳрирда баён қилинсин:
«3. Ягона ер солиғи тўловчилар қуйидаги тартибда бюджетга бир йилда уч марта солиқ тўлайди:
ҳисобот йилининг 1 июлигача — йиллик солиқ суммасининг камида 20 фоизини;
ҳисобот йилининг 1 сентябригача — йиллик солиқ суммасининг камида 30 фоизини;
ҳисобот йилининг 1 декабригача — солиқнинг қолган суммасини тўлайди»;
қуйидаги мазмундаги 4-банд билан тўлдирилсин:
«4. Агар ягона ер солиғи тўловчи қишлоқ хўжалиги товар ишлаб чиқарувчилари қишлоқ хўжалиги маҳсулотлари етиштириш ва уларни қайта ишлаш билан биргаликда фаолиятнинг бошқа турлари билан шуғулланса, улар алоҳида ҳисоб юритишга ҳамда фаолиятнинг бошқа турлари бўйича солиқ тўловчиларнинг мазкур тоифаси учун амалдаги қонун ҳужжатларида назарда тутилган солиқларни тўлашга мажбурдир»;
Кейинги таҳрирга қаранг.
4. Ўзбекистон Республикаси Вазирлар Маҳкамасининг «Бюджет ташкилотларини маблағ билан таъминлаш тартибини такомиллаштириш тўғрисида» 1999 йил 3 сентябрдаги 414-сон қарорининг 4-бандида «2 йил муддатга» сўзлари «2005 йил 1 январгача» сўзлари билан алмаштирилсин.
5. Ўзбекистон Республикаси Вазирлар Маҳкамасининг «Соғлом авлод» давлат дастури тўғрисида» 2000 йил 15 февралдаги 46-сон қарорига 1-илованинг «Тадбирлар номи» устунида 54-бандда «дарсликлар тўплами билан бепул таъминлаш» сўзлари «ўқув йили тамом бўлгандан кейин мактаб кутубхона фондига қайтариладиган дарсликлар тўплами билан бепул таъминлаш» сўзлари билан алмаштирилсин.
6. Ўзбекистон Республикаси Вазирлар Маҳкамасининг «Савдо ва умумий овқатланиш корхоналарига солиқ солиш тартиби тўғрисида» 2002 йил 12 июлдаги 249-сон қарори (Ўзбекистон Республикаси ҚТ, 2002 й., 7-сон, 41-модда):
а) Чакана савдо соҳасида микрофирмалар ва кичик корхоналар томонидан белгиланган даромаддан олинадиган ягона солиқни ҳисоблаб чиқиш ва тўлаш тартиби тўғрисидаги Низомнинг 1-банди иккинчи хатбоши «автомобиль ёнилғиси қуйиш шохобчаларига» сўзларидан кейин «шунингдек «ЎзДЭУавто» акциядорлик жамиятининг автомобиллар сотиш бўйича дилерлари ҳисобланган кичик корхоналар ва микрофирмаларга» сўзлари қўшилсин;
б) Савдо ва умумий овқатланиш корхоналарининг ялпи тушумидан (товар айланмаси ҳажмидан) олинадиган ягона солиқни ҳисоблаб чиқиш ва тўлаш тартиби тўғрисидаги Низомда:
тўртинчи хатбоши қуйидаги таҳрирда баён қилинсин: «сотилган мол-мулк ва бошқа активлар қиймати»;
бешинчи хатбоши қуйидаги гап билан тўлдирилсин:
«салбий курс тафовути суммаси ижобий курс тафовути суммасидан ортиқ бўлган тақдирда, ортиқ бўлган сумма ялпи тушумдан ягона солиқни ҳисоблаб чиқишда солиқ солинадиган базани камайтирмайди»;
8-банд қуйидаги мазмундаги хатбоши билан тўлдирилсин:
«қайтариладиган гаров идиши қиймати»;
9-банднинг тўртинчи хатбоши қуйидаги таҳрирда баён қилинсин:
«Ялпи тушумдан ягона солиқ ставкалари Ўзбекистон Республикаси Вазирлар Маҳкамаси томонидан белгиланади»;
Низомга 1-илова ўз кучини йўқотган деб ҳисоблансин.
Кейинги таҳрирга қаранг.
7. Ўзбекистон Республикаси Вазирлар Маҳкамасининг «Бозорни истеъмол товарлари билан тўлдиришни рағбатлантириш ҳамда ишлаб чиқарувчилар ва савдо ташкилотларининг ўзаро муносабатларини такомиллаштириш чора-тадбирлари тўғрисида» 2002 йил 13 ноябрдаги 390-сон қарори 1-бандининг олтинчи хатбошига «ва заргарлик буюмларидан» сўзларидан кейин «кир совун ва атир совун, шунингдек бензин» сўзлари қўшилсин.
(Ўзбекистон Республикаси қонун ҳужжатлари тўплами, 2002 й., 24-сон, 200-модда; 2003 й., 13-сон, 104-модда, 15-16-сон, 132-модда 24-сон, 241-модда; 2005 й., 52-сон, 386-модда; 2009 й., 10-11-сон, 115-модда)
