Иқтисодиёт ва ижтимоий соҳа тармоқларини ривожлантириш бўйича амалга ошириладиган дастурлар доирасидаги техник-иқтисодий асослар ва техник-иқтисодий ҳисоб-китоблар, лойиҳалар экспертизаси тизимини янада такомиллаштириш мақсадида, шунингдек, Ўзбекистон Республикаси Президентининг «Ўзбекистон Республикасининг ривожланиш давлат дастурларини шакллантириш ва молиялаштиришнинг янги тартибини жорий этиш тўғрисида»ги 2017 йил 18 декабрдаги ПҚ-3437-сонли ва «Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида ҳужжатларни комплекс экспертиза қилишнинг самарали тизимини яратиш тўғрисида» 2018 йил 8 январдаги ПҚ-3464-сонли қарорларига мувофиқ:

тасдиқланган техник-иқтисодий асослари ва техник-иқтисодий ҳисоб-китоблари бўлмаган лойиҳаларни молиялаштириш тақиқланади;

лойиҳаларнинг техник-иқтисодий асослари ва техник-иқтисодий ҳисоб-китоблари фақатгина Ўзбекистон Республикаси Президенти ҳузуридаги Лойиҳа бошқаруви миллий агентлиги ҳузуридаги Лойиҳалар ва импорт контрактларини комплекс экспертиза қилиш маркази (кейинги ўринларда — Марказ) томонидан ижобий хулоса берилган ҳолдагина Ўзбекистон Республикаси Вазирлар Маҳкамасининг қарорлари билан тасдиқланади;

лойиҳаларни амалга оширишни тартибга солувчи норматив-ҳуқуқий ҳужжатларда лойиҳалар техник-иқтисодий асослари ва техник-иқтисодий ҳисоб-китоблари бўйича Марказнинг ўрнатилган тартибдаги комплекс экспертизаси натижалари бўйича ижобий хулосаси мавжуд бўлмаган тақдирда товарлар (ишлар, хизматлар) етказиб берувчилар ва пудрат ташкилотларининг номини кўрсатиш тақиқланади.

2. Белгилансинки, мазкур қарорнинг 1-бандидаги талаблар Ўзбекистон Республикасининг ривожланиш давлат дастурлари, тармоқ ва ҳудудий ривожлантириш концепциялари доирасида амалга ошириладиган лойиҳаларга, Ўзбекистон Республикаси Президенти ва Ҳукумат қарорлари доирасида, Ўзбекистон Республикаси Тикланиш ва тараққиёт жамғармаси маблағлари ҳисобига, шунингдек, давлат корхоналарининг, устав фондида давлат улуши 50 фоиз ва ундан ортиқ бўлган хўжалик субъектларининг, давлат улуши 50 фоиз ва ундан ортиқ бўлган юридик шахсларга устав фондининг 50 фоизи ва ундан ортиғи тегишли хўжалик субъектларининг ўз маблағлари ҳисобига амалга ошириладиган бошқа лойиҳаларга нисбатан жорий этилади.

3. Ўзбекистон Республикаси Президентининг 2017 йил 28 июлдаги ПҚ-3161-сонли қарори билан тасдиқланган Ўзбекистон Республикаси Президенти девони регламентининг 3-иловаси:

а) I-бўлими:

9 ва 12-бандлари чиқариб ташлансин;

10-банди қуйидаги таҳрирда баён этилсин:

«10. Ўзбекистон Республикасининг ривожланиш давлат дастурлари, шунингдек, тармоқ ва ҳудудий ривожлантириш концепциялари»;

б) II-бўлими қуйидаги мазмундаги 8-банд билан тўлдирилсин:

«8. Ўзбекистон Республикасининг ривожланиш давлат дастурлари, тармоқ ва ҳудудий ривожлантириш концепциялари доирасида амалга ошириладиган лойиҳаларнинг, Ўзбекистон Республикаси Президенти ва Ҳукумат қарорлари доирасида, Ўзбекистон Республикаси Тикланиш ва тараққиёт жамғармаси маблағлари ҳисобига, шунингдек, давлат корхоналарининг, устав фондида давлат улуши 50 фоиз ва ундан ортиқ бўлган хўжалик субъектларининг, давлат улуши 50 фоиз ва ундан ортиқ бўлган юридик шахсларга устав фондининг 50 фоизи ва ундан ортиғи тегишли хўжалик субъектларининг ўз маблағлари ҳисобига амалга ошириладиган бошқа лойиҳаларнинг техник-иқтисодий асослари ва техник-иқтисодий ҳисоб- китобларини тасдиқлаш».

4. Ўзбекистон Республикаси Президенти ҳузуридаги Лойиҳа бошқаруви миллий агентлиги Ўзбекистон Республикаси Адлия вазирлиги, бошқа манфаатдор идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифлар киритсин.

5. Мазкур қарорнинг ижросини назорат қилиш Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Содиқов зиммасига юклансин.