Ҳужжат кучини йўқотган " " 03.07.2021

Ҳужжат 06.12.2019 00 санаси ҳолатига
Амалдаги версияга ўтиш

Ўзбекистон Республикаси Президентининг

Хўжалик жамиятлари ва стратегик аҳамиятга эга корхоналар фаолиятини кўллаб-қувватлаш чора-тадбирлари тўғрисида

LexUZ шарҳи

Мазкур қарор Ўзбекистон Республикаси Президентининг 2021 йил 2 июлдаги ПҚ-5171-сонли «Давлат харидлари шаффофлигини таъминлаш ва самарадорлигини оширишга доир қўшимча чора-тадбирлар тўғрисида»ги қарорига асосан ўз кучини йўқотган.

Хўжалик жамиятлари ва стратегик аҳамиятга эга корхоналарнинг жорий ишлаб чиқариш фаолиятининг узлуксиз амалга оширилишини таъминлаш, шунингдек, уларнинг экспорт салоҳиятини юксалтириш ҳамда ишлаб чиқарилаётган маҳсулотларнинг рақобатдошлигини ошириш мақсадида:

1. Мазкур қарорга мувофиқ товарларни (ишлар, хизматларни) харид қилишнинг алоҳида тартиби белгиланадиган, стратегик аҳамиятга эга хўжалик жамиятлари ва корхоналарининг рўйхати иловага мувофиқ тасдиқлансин.

Олдинги таҳрирга қаранг.

(1-банднинг иккинчи хатбошиси Ўзбекистон Республикаси Президентининг 2019 йил 5 декабрдаги ПҚ-4544-сонли қарорига асосан чиқарилган — Қонун ҳужжатлари маълумотлари миллий базаси, 06.12.2019 й., 07/19/4544/4111-сон)

2. Шундай тартиб ўрнатилсинки, унга мувофиқ:

Олдинги таҳрирга қаранг.

хўжалик жамиятлари ва стратегик аҳамиятга эга корхоналар суммасидан қатъи назар, хўжалик жамиятлари ва стратегик аҳамиятга эга корхоналар томонидан тузиладиган ва уларнинг раҳбарлари бошқарадиган идоравий танлов комиссиялари баҳолайдиган энг яхши таклифларни танлаб олиш йўли орқали товарлар, ишлар ва хизматларни харид қилиш шартномаларини, шу жумладан, импорт шартномаларини тузиш ҳуқуқига эга;

(2-банднинг иккинчи хатбошиси Ўзбекистон Республикаси Президентининг 2018 йил 20 февралдаги ПҚ-3550-сонли қарори таҳририда — Қонун ҳужжатлари маълумотлари миллий базаси, 20.02.2018 й., 07/18/3550/0793-сон)

Олдинги таҳрирга қаранг.

эквиваленти 50 минг АҚШ долларидан ортиқ бўлган суммадаги товарларни (ишлар, хизматларни) харид қилишга бўлган техник топшириқлар Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш марказида мажбурий келишувдан ўтказилади;

(2-банднинг учинчи хатбошиси Ўзбекистон Республикаси Президентининг 2019 йил 10 январдаги ПФ-5624-сонли Фармони таҳририда — Қонун ҳужжатлари маълумотлари миллий базаси, 11.01.2019 й., 06/19/5624/2471-сон)

Кейинги таҳрирга қаранг.

Олдинги таҳрирга қаранг.

мазкур банд билан назарда тутилган тартибда, энг яхши таклифларни танлаб олиш натижалари бўйича тузилган барча контрактлар, шу жумладан, импорт контрактлари Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш марказида мажбурий рўйхатдан ўтказилиши лозим.

(2-банднинг тўртинчи хатбошиси Ўзбекистон Республикаси Президентининг 2019 йил 10 январдаги ПФ-5624-сонли Фармони таҳририда — Қонун ҳужжатлари маълумотлари миллий базаси, 11.01.2019 й., 06/19/5624/2471-сон)

Кейинги таҳрирга қаранг.

Шу билан бирга ушбу тартиб:

Олдинги таҳрирга қаранг.

Ўзбекистон Республикасини ривожлантириш давлат дастурларини амалга ошириш доирасида хўжалик жамиятлари ва стратегик аҳамиятга эга корхоналари томонидан амалга оширилаётган товарлар (ишлар, хизматлар) харидларига республика минерал-хом ашё базасини ривожлантириш ва қайта тиклаш йиллик давлат дастурлари бундан мустасно;

(2-банднинг олтинчи хатбошиси Ўзбекистон Республикаси Президентининг 2019 йил 23 июлдаги ПҚ-4401-сонли қарори таҳририда — Қонун ҳужжатлари маълумотлари миллий базаси, 24.07.2019 й., 07/19/4401/3470-сон)

Кейинги таҳрирга қаранг.

Ўзбекистон Республикаси Тикланиш ва тараққиёт жамғармаси ва Ўзбекистон Республикаси кафолатлари орқали жалб қилинаётган кредитлар ҳисобидан молиялаштириладиган контрактларга татбиқ этилмайди.

3. Ўзбекистон Республикаси Давлат солиқ қўмитаси Давлат божхона қўмитаси билан биргаликда хўжалик жамиятлари ва стратегик аҳамиятга эга корхоналар томонидан қатъиян жорий ишлаб чиқариш фаолиятини амалга ошириш учун олиб келинаётган ускуналар, хомашё, материаллар, эҳтиёт қисмлар ва бутловчи буюмлардан мақсадли фойдаланилиши устидан қаттиқ назорат ўрнатсин.

4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Лойиҳаларни бошқариш миллий агентлиги директори Ш.М. Содиқов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 22 январь,

ПҚ-3487-сон

Ўзбекистон Республикаси Президентининг 2018 йил 22 январдаги ПҚ-3487-сон қарорига
ИЛОВА

Олдинги таҳрирга қаранг.

Товарларни (ишлар, хизматларни) харид қилишнинг алоҳида тартиби белгиланадиган, хўжалик жамиятлари ва стратегик аҳамиятга эга корхоналарнинг

РЎЙХАТИ

1.	«Навоий КМК» ДК
2.	«Олмалиқ КМК» АЖ
3.	«Ўзбекнефтгаз» АЖ
4.	«Ўзбекистон миллий электр тармоқлари» АЖ
5.	«Ҳудудий электр тармоқлари»АЖ
6.	«Иссиқлик электр станциялари» АЖ
7.	«Ўзбекгидроэнерго» АЖ
8.	«Ўзкимёсаноат» АЖ
9.	«Ўзбекистон темир йўллари» АЖ
10.	«Ўзбеккўмир» АЖ
11.	«Uzbekistan Airways» АЖ
12.	«Uzbekistan Airports» АЖ
13.	«Ўзбектелеком» АК
14.	«Ўзавтосаноат» АЖ
15.	«Ўзпахтасаноат» АЖ
16.	«Ўзтрансгаз» АЖ
17.	«Ўзбекгеофизика» АЖ
18.	«Dori-Darmon» АК
19.	«Ўзметкомбинат» АЖ
20.	«Ўзиккиламчиранглиметалл» АЖ
21.	«Давлат белгиси» ДИЧБ (Тошкент босма фабрикаси, Тошкент қоғоз фабрикаси ва Тошкент зарбхонаси)
22.	Давлат геология ва минерал ресурслари қўмитаси «Геолтехтаъминот» давлат корхонаси

(илова матни Ўзбекистон Республикаси Президентининг 2019 йил 5 декабрдаги ПҚ-4544-сонли қарори таҳририда — Қонун ҳужжатлари маълумотлари миллий базаси, 06.12.2019 й., 07/19/4544/4111-сон)

Кейинги таҳрирга қаранг.

(Қонун ҳужжатлари маълумотлари миллий базаси, 22.01.2018 й., 07/18/3487/0603-сон; 20.02.2018 й., 07/18/3550/0793-сон; 28.03.2018 й., 07/18/3625/0943-сон, 25.09.2018 й., 07/18/3948/1954-сон, 27.12.2018 й., 07/18/4077/2380-сон; 11.01.2019 й., 06/19/5624/2471-сон; 23.02.2019 г., № 06/19/5668/2652, 24.07.2019 й., 07/19/4401/3470-сон, 06.12.2019 й., 07/19/4544/4111-сон; 06.03.2020 й., 07/20/4629/0258-сон; 16.04.2020 й., 07/20/4678/0440-сон)