Ҳужжат 18.12.2017 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Ўзбекистон Республикаси Мактабгача таълим вазирлиги ва унинг тизимидаги муассасаларнинг моддий-техника базасини мустаҳкамлаш ҳамда нодавлат мактабгача таълим муассасалари фаолиятини қўллаб-қувватлаш тўғрисида

Кейинги таҳрирга қаранг.

Ўзбекистон Республикаси Мактабгача таълим вазирлиги ва унинг тизимидаги муассасаларнинг моддий-техника базасини мустаҳкамлаш, нодавлат мактабгача таълим муассасалари фаолиятини қўллаб-қувватлаш мақсадида Вазирлар Маҳкамаси қарор қилади:

Кейинги таҳрирга қаранг.

1. Қуйидагилар:

Ўзбекистон Республикаси Молия вазирлиги томонидан Мактабгача таълим вазирлиги ва унинг ҳудудий органларининг моддий-техника базасини мустаҳкамлаш учун Ўзбекистон Республикаси давлат бюджети маблағлари ҳисобидан 21,0 млрд сўм маблағ ажратилганлиги;

Таълим бўйича глобал ҳамкорлик гранти — беғараз техник кўмагидан фойдаланган ҳолда «Мактабгача ва умумий ўрта таълимни такомиллаштириш» лойиҳаси (кейинги ўринларда «Мактабгача ва умумий ўрта таълимни такомиллаштириш» лойиҳаси деб аталади) доирасида 2018 йилда мактабгача таълим муассасалари учун жами 2 453,0 минг АҚШ долларлик товар ва хизматлар етказиб берилиши маълумот учун қабул қилинсин.

2. Белгилаб қўйилсинки:

Кейинги таҳрирга қаранг.

Кейинги таҳрирга қаранг.

«Мактабгача ва умумий ўрта таълимни такомиллаштириш» лойиҳаси доирасида мактабгача таълим муассасалари учун товар ва хизматларни харид қилиш Ўзбекистон Республикаси Мактабгача таълим вазирлиги билан келишилган ҳолда амалга оширилади;

Кейинги таҳрирга қаранг.

ушбу товар ва хизматларни мактабгача таълим муассасаларига тақсимлаш, улардан мақсадли фойдаланишни таъминлаш Ўзбекистон Республикаси Мактабгача таълим вазирлигига юклатилади.

Кейинги таҳрирга қаранг.

3. Ўзбекистон Республикаси Мактабгача таълим вазирлиги бир ой муддатда:

Халқ таълими вазирлиги билан биргаликда «Мактабгача ва умумий ўрта таълимни такомиллаштириш» лойиҳаси доирасида 2018 йилда амалга ошириладиган ишлар бўйича «йўл харитаси»ни ишлаб чиқсин ва тасдиқласин;

Ўзбекистон Республикаси Давлат бюджети маблағлари ҳисобидан ажратилган 21,0 млрд сўм маблағдан самарали фойдаланиш бўйича харажатлар сметаси ишлаб чиқилишини ва белгиланган тартибда рўйхатдан ўтказиш учун Ўзбекистон Республикаси Молия вазирлиги ва унинг ҳудудий органларига тақдим этилишини таъминласин.

4. Ўзбекистон Республикаси Мактабгача таълим вазирлиги, Молия вазирлиги ва Иқтисодиёт вазирлигининг Қорақалпоғистон Республикаси ва вилоятлар марказлари, туманлар ва шаҳарларда (Тошкент шаҳри бундан мустасно) инвестиция мажбуриятларини бажариш шарти билан «ноль» қийматда бино бериш ҳамда хусусий инвесторларнинг ўзига мулк ҳуқуқи асосида тегишли бўлган биноларда ташкил этилган нодавлат мактабгача таълим муассасаларининг 2023 йил 1 январгача фойдаланилган электр энергияси ва табиий газ хизматлари учун тўловнинг 50 фоизи ўз маблағлари ҳисобидан ҳамда қолган 50 фоизи Ўзбекистон Республикаси Давлат бюджети маблағлари ҳисобидан тўланиши тўғрисидаги таклифи маъқуллансин.

Кейинги таҳрирга қаранг.

5. Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисидаги низом иловага мувофиқ тасдиқлансин.

Кейинги таҳрирга қаранг.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Қ.В. Акмалов ва Мактабгача таълим вазири А.В. Шин зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 18 декабрь,

Вазирлар Маҳкамасининг 2017 йил 18 декабрдаги 991-сон қарорига
ИЛОВА

Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисида

Кейинги таҳрирга қаранг.

1-боб. Умумий қоидалар

1. Мазкур Низом нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджети маблағларидан ойлик компенсация тўловини (кейинги ўринларда ойлик компенсация тўлови деб аталади) тўлаб бериш тартибини белгилайди.

Кейинги таҳрирга қаранг.

2. Ойлик компенсация тўлови туманлар ва шаҳарларда (Тошкент шаҳрининг туманлари бундан мустасно) хусусий инвесторларга инвестиция мажбуриятларини бажариш шарти билан «ноль» қийматда берилган давлат кўчмас мулки биноларида ёки хусусий инвесторларнинг ўзига мулк ҳуқуқи асосида тегишли бўлган биноларда ташкил этилган нодавлат мактабгача таълим муассасалари (кейинги ўринларда таълим муассасаси деб аталади) томонидан фойдаланилган электр энергияси ва табиий газ хизматлари учун тўловларнинг 50 фоиз миқдори Ўзбекистон Республикаси Давлат бюджети маблағлари ҳисобидан қоплаб берилади.

Кейинги таҳрирга қаранг.

3. Ойлик компенсация тўлови таълим муассасасининг фақат мактабгача таълим фаолиятини юритиш жараёнида фойдаланиладиган электр энергияси ва табиий газ хизматлари учун қоплаб берилади.

Кейинги таҳрирга қаранг.

4. Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш мазкур низомга 1-иловадаги схемага асосан амалга оширилади.

Кейинги таҳрирга қаранг.

2-боб. Ойлик компенсация тўловини ҳисоблаш ва тўлаб бериш тартиби

5. Таълим муассасаси заруратдан келиб чиқиб, ойлик компенсация тўловини олиш учун тегишлилигича Қорақалпоғистон Республикаси Молия вазирлиги ёки вилоят молия бош бошқармасига (кейинги ўринларда молия органи деб аталади) ариза билан мурожаат қилади.

Кейинги таҳрирга қаранг.

Аризага қуйидаги маълумотлар ва ҳужжатларни илова қилади:

юридик шахс бўлган тадбиркорлик субъектининг номи, жойлашган ери (почта манзили) ва ташкилий-ҳуқуқий шаклини тасдиқловчи гувоҳнома;

Кейинги таҳрирга қаранг.

таълим фаолияти билан шуғулланиш ҳуқуқини берувчи лицензия нусхаси;

таълим муассасаси жойлашган бино тўғрисида маълумот (хусусий инвесторга бино «ноль» қийматда берилганини тасдиқловчи туман (шаҳар) ҳокимининг тегишли қарори ёки бино хусусий инвесторга мулк ҳуқуқи асосида тегишлилигини тасдиқловчи кадастр ва бошқа ҳужжатлар нусхалари);

Кейинги таҳрирга қаранг.

таълим муассасаси ҳамда электр энергияси ва табиий газ хизматларини етказиб берувчилар билан белгиланган тартибда тузилган шартномалар нусхаси (кейинги ўринларда шартномалар деб аталади).

Кейинги таҳрирга қаранг.

6. Молия органи таълим муассасасининг аризасини ариза тушган кундан бошлаб, уч иш куни мобайнида мазкур Низомда белгиланган талабларга мослигини ўрганиб чиқади ва аризани қаноатлантириш ёки уни рад этиш бўйича қарор қабул қилади.

Кейинги таҳрирга қаранг.

7. Молия органи тегишли қарор қабул қилинган санадан эътиборан икки иш кунидан кечиктирмай таълим муассасасини ойлик компенсация тўлаш ёки аризани рад этиш тўғрисида ёзма шаклда, шу жумладан электрон ахборот тизими орқали хабардор қилиши шарт.

Кейинги таҳрирга қаранг.

8. Таълим муассасасига қоплаб бериладиган ойлик компенсация тўлови ушбу таълим муассасаси томонидан ҳисобот ойида фойдаланилган электр энергияси ва табиий газ хизматлари учун тўловлар суммасидан келиб чиққан ҳолда, ушбу хизматларни етказиб берувчи ташкилотлар билан тузилган шартнома суммалари доирасида ҳисобланади.

Кейинги таҳрирга қаранг.

Компенсация тўлови суммаси қопланиши лозим бўлган ҳисобот ойидан бошлаб, ўн икки ой давомида мазкур Низомда белгиланган тартибда тўлаб берилиши мумкин.

9. Молия органи таълим муассасаси томонидан тақдим этилган солиштириш далолатномаларидаги электр энергияси ва табиий газ хизматлари ҳажмини уларнинг шартномада кўрсатилган ҳажмлари билан солиштиради.

Кейинги таҳрирга қаранг.

10. Ойлик компенсация тўлови электр энергияси ва табиий газ хизматларини етказиб берувчи ташкилотлар ва таълим муассасаси ўртасида тузилган солиштириш далолатномаларида кўрсатилган ҳақиқатда фойдаланилган электр энергияси ва табиий газ хизматлари учун тўланган сумманинг 50 фоизи миқдорида қоплаб берилади.

Кейинги таҳрирга қаранг.

11. Таълим муассасаси томонидан шартномаларда белгиланган меъёрдан ортиқча фойдаланилган электр энергияси ва табиий газ хизматлари учун тўловларни, шунингдек, пеня ва жарималарни Ўзбекистон Республикаси Давлат бюджети маблағлари ҳисобидан қоплаб бериш тақиқланади.

Кейинги таҳрирга қаранг.

12. Ойлик компенсация тўлови тегишли молия йили учун Қорақалпоғистон Республикаси республика бюджети ва вилоятлар вилоят бюджетларининг параметрларида иқтисодиёт харажатлари учун назарда тутилган маблағлар ҳисобидан белгиланган тартибда режалаштирилади.

13. Таълим муассасаси ҳисобот ойидан кейинги ойнинг 15 санасигача ойлик компенсацияларни олиш учун молия органига электр энергияси ва табиий газ хизматларини етказиб берувчи ташкилотлар билан белгиланган тартибда тузилган солиштириш далолатномаларини ҳамда ҳисобот давригача бўлган охирги 12 ой давомида таълим муассасасига тўлаб берилган компенсация тўловлари тўғрисида маълумотни мазкур Низомга 2-иловага мувофиқ тақдим этади.

Кейинги таҳрирга қаранг.

14. Молия органи ҳудуддаги таълим муассасалари томонидан тақдим этилган далолатномаларни умумлаштириб, ойлик компенсация тўловини тўлаш учун мазкур Низомга 3-иловага мувофиқ шаклда электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган нодавлат мактабгача таълим муассасаларининг реестрини тузади ва ҳисобот ойидан кейинги ойнинг 20 санасигача тегишли ғазначилик бўлинмасига тўловни амалга ошириш учун тақдим этади.

Кейинги таҳрирга қаранг.

15. Ғазначилик бўлинмаси ойлик компенсацияларни ҳисобот ойидан кейинги ойнинг 22 санасигача молия органи томонидан тақдим этилган реестр асосида тегишли таълим муассасасининг тижорат банклардаги ҳисобрақамларига белгиланган тартибда ўтказиб беради.

Кейинги таҳрирга қаранг.

3-боб. Якуний қоидалар

16. Таълим муассасаларига қоплаб бериладиган ойлик компенсацияларни тўлаш учун тақдим этилган маълумотларнинг асослилиги ва тўғрилигига таълим муассасасининг раҳбари шахсан жавоб беради.

Кейинги таҳрирга қаранг.

17. Таълим муассасаси томонидан ойлик компенсация тўловларини қоплаш учун молия органига тақдим этилган маълумотлар ва ҳужжатларнинг сохталиги аниқланганда, таълим муассасасининг раҳбари ва тегишли ходимлари қонунчиликда белгиланган тартибда жавобгарликка тортилади ҳамда ушбу муассаса электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган нодавлат мактабгача таълим муассасаларининг реестридан чиқарилади.

Кейинги таҳрирга қаранг.

18. Ойлик компенсация тўловларининг мақсадли сарфланиши юзасидан назорат Ўзбекистон Республикаси Мактабгача таълим вазирлигининг ички аудит ва молиявий назорат хизмати ҳамда Ўзбекистон Республикаси Молия вазирлигининг Давлат молия назорати органларига юкланади.

Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисидаги низомга
1-ИЛОВА

Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш

СХЕМАСИ

Кейинги таҳрирга қаранг.

Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисидаги низомга
2-ИЛОВА

20___ йилда нодавлат мактабгача таълим муассасасига тўлаб берилган компенсация тўловлари тўғрисида маълумот

№	Ҳисобот даври	Сана	Тўловга тақдим этилган сумма	Ҳақиқатда тўланган сумма
1.
2.
3.
4.


	Таълим муассасаси раҳбари		_____________________________ (Ф.И.О)
	Таълим муассасаси бош ҳисобчиси		_____________________________ (Ф.И.О)

Кейинги таҳрирга қаранг.

Нодавлат мактабгача таълим муассасалари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисидаги низомга
3-ИЛОВА

Электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган __________________ даги нодавлат мактабгача таълим муассасаларининг
				РЕЕСТРИ
20__ йил _______ ойи учун
									минг сўм
№	Нодавлат мактабгача таълим муассасаси номи (тўлиқ кўрсатилади)	Юридик манзили	СТИР	Банк реквизитлари	Табиий газ		Электр энергияси		Жами қоплаб бериладиган сумма
№		Юридик манзили	СТИР	Банк реквизитлари	Тўланган сумма	Қоплаб бериладиган сумма	Тўланган сумма	Қоплаб бериладиган сумма	Жами қоплаб бериладиган сумма






	Жами:	х	х

	Молия бош бошқармаси бошлиғи ўринбосари			_______________________ (Ф.И.О)
	Бўлим бошлиғи			_______________________ (Ф.И.О)
	Ғазначилик бўлинмаси масъул ходими			_______________________ (Ф.И.О)
	«___» __________ 20__ йил

Кейинги таҳрирга қаранг.

(Қонун ҳужжатлари маълумотлари миллий базаси, 18.12.2017 й., 09/17/991/0422-сон; Қонунчилик маълумотлари миллий базаси, 21.05.2021 й., 09/21/320/0482-сон, 12.08.2021 й., 09/21/510/0784-сон, 27.12.2021 й., 09/21/774/1198-сон; 03.08.2022 й., 09/22/426/0707-сон)