Ўзбекистон Республикаси Президентининг «Ўзмелиомашлизинг» давлат унитар корхонаси фаолиятини янада такомиллаштириш чора-тадбирлари тўғрисида» 2017 йил 6 октябрдаги ПҚ-3313-сон қарорини бажариш юзасидан Вазирлар Маҳкамаси қарор қилади:

1. «Ўзмелиомашлизинг» давлат унитар корхонасининг устави 1-иловага мувофиқ тасдиқлансин.

2. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

3. Ўзбекистон Республикаси Ҳукуматининг 3-иловага мувофиқ баъзи қарорлари ўз кучини йўқотган деб ҳисоблансин.

4. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — қишлоқ ва сув хўжалиги вазири З.Т. Мирзаев зиммасига юклансин.

1. Ушбу Низом «Ўзмелиомашлизинг» давлат унитар корхонасининг (кейинги ўринларда «Ўзмелиомашлизинг» ДУК деб аталади) мақоми, асосий вазифалари ва функциялари, ҳуқуқлари ва жавобгарлиги, фаолияти ва ҳисобдорлигини ташкил этиш тартибини, шунингдек, унинг раҳбарларининг функционал мажбуриятлари ва жавобгарлигини белгилайди.

2. «Ўзмелиомашлизинг» ДУК Ўзбекистон Республикаси Президентининг «Ерларнинг мелиоратив ҳолатини яхшилаш тизимини тубдан такомиллаштириш чора-тадбирлари тўғрисида» 2007 йил 29 октябрдаги ПФ-3932-сон Фармонига мувофиқ ташкил этилган.

3. Ўзбекистон Республикаси Молия вазирлиги «Ўзмелиомашлизинг» ДУК таъсисчиси (кейинги ўринларда таъсисчи деб аталади) ҳисобланади.

«Ўзмелиомашлизинг» ДУК мажбуриятлари юзасидан ўзига тегишли барча мол-мулк билан жавобгар бўлади. «Ўзмелиомашлизинг» ДУКнинг мол-мулки етарли бўлмаганда таъсисчи унинг мажбуриятлари бўйича субсидиар жавобгар бўлади. «Ўзмелиомашлизинг» ДУК таъсисчи мажбуриятлари бўйича жавобгар эмас.

4. «Ўзмелиомашлизинг» ДУК ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга, шунингдек, бошқа қонун ҳужжатларига амал қилади.

5. «Ўзмелиомашлизинг» ДУК юридик шахс ҳисобланади, Ўзбекистон Республикасининг Давлат герби тасвири ва давлат тилида ўз номи туширилган муҳр ва бланкаларга, мустақил балансга ва банк ҳисоб рақамлари, шу жумладан чет эл валютасидаги ҳисоб рамқамларга, шунингдек, белгиланган тартибда рўйхатга олинган товар белгиси ҳамда хизмат кўрсатиш белгисига эга.

6. «Ўзмелиомашлизинг» ДУКнинг расмий номи:

1) давлат тилида:

тўлиқ — «O`zmeliomashlizing» davlat unitar korxonasi;

қисқартирилган — «O`zmeliomashlizing» DUK;

2) рус тилида:

тўлиқ — Государственное унитарное предприятие «Узмелиомашлизинг»;

қисқартирилган — ГУП «Узмелиомашлизинг»;

3) инглиз тилида:

тўлиқ — State Unitary Company «O`zmeliomashlizing»;

қисқартирилган — SUC «O`zmeliomashlizing».

7. «Ўзмелиомашлизинг» ДУКнинг жойлашган жойи (почта манзили): Ўзбекистон Республикаси, Тошкент шаҳри, Мустақиллик майдони 5-уй.

8. «Ўзмелиомашлизинг» ДУК мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг манфаатларини кўзлаб ва эҳтиёжларини ҳисобга олган ҳолда, замонавий мелиоратив ва бошқа техника, машиналар, ускуналар ва бошқа механизация воситаларининг мавжуд паркини янгилаш ҳамда кўп тармоқли паркини шакллантиришни рағбатлантириш мақсадида ташкил этилган.

9. Лизинг олувчиларнинг буюртманомлари бўйича замонавий мелиоратив ва бошқа техника, машиналар, ускуналар ва бошқа механизация воситаларини харид қилиш ҳамда уларга лизинг асосида бериш «Ўзмелиомашлизинг» ДУКнинг фаолият соҳаси ҳисобланади.

10. Қуйидагилар «Ўзмелиомашлизинг» ДУКнинг асосий вазифалари ҳисобланади:

мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг лизингга етказиб бериладиган мелиоратив ва бошқа техника, машиналар, ускуналар ва бошқа механизация воситаларига бўлган эҳтиёжларини ўрганиш ва таҳлил қилиш;

мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларга маҳаллий ҳамда хорижий корхоналарда ишлаб чиқарилаётган замонавий мелиоратив ва бошқа техника, машиналар, ускуналар ва бошқа механизация воситаларини лизинг асосида етказиб бериш;

мелиоратив ва бошқа техника, машиналар, ускуналар ва бошқа механизация воситаларини харид қилишга мўлжалланган ресурсларни шакллантириш учун донорлар, шу жумладан халқаро молия институтларининг маблағларини имтиёзли асосда жалб этиш;

лизинг асосида етказиб берилган мелиоратив ва бошқа техника, машиналар, ускуналар ва бошқа механизация воситаларига техник хизмат кўрсатиш бўйича замонавий сервис хизматлари кўрсатишни йўлга қўйиш;

лизинг асосида етказиб берилган мелиоратив ва бошқа техника, машиналар, ускуналар ва бошқа механизация воситаларининг техник ҳолатини тизимли мониторинг қилиш, улардан мақсадли ва самарали фойдаланишни ташкил этиш.

11. «Ўзмелиомашлизинг» ДУК ўзига юкланган вазифаларга мувофиқ қуйидаги функцияларни амалга оширади:

мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг (кейинги ўринларда лизинг олувчилар деб аталади) мелиоратив ва бошқа техника, машиналар, ускуналар ва бошқа механизация воситаларини (кейинги ўринларда лизинг объектлари деб аталади) лизинг асосида етказиб беришга бўлган эҳтиёжларини ўрганади ва таҳлил қилади;

бўлажак лизинг олувчиларнинг келгуси йил учун буюртманомаларини умумлаштиради;

буюртманомаларни Ўзбекистон Республикаси Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармасининг (кейинги ўринларда Жамғарма деб аталади) кафолат хатлари асосида ишлаб чиқариш ташкилотлари бўйича жойлаштиради;

лизинг объектларини харид қилиш учун тендер савдоларини эълон қилади;

лизинг объектларини харид қилиш учун эълон қилинган тендер савдолари бўлажак иштирокчиларининг буюртманомаларини умумлаштиради;

лизинг объектларини харид қилиш учун тендер савдолари сифатли ўтказилишини белгиланган тартибда ташкил этади;

кафолат хатлари билан тасдиқланган молиявий маблағлар, шунингдек, ўз маблағларидан фойдаланган ҳолда маҳаллий ва хорижий ташкилотлар билан лизинг объектларини харид қилиш учун шартномалар тузади;

Жамғарма займларини олиш учун буюртманомаларни жойлаштиради;

лизинг объектларини етказиб берувчилар билан тегишли аванс ҳисоб-китобларини амалга оширади;

ишлаб чиқарувчи заводларга бориб, лизинг объектларини ишлаб чиқариш жараёнларини назорат қилади;

лизинг олувчиларга лизинг объектларини лизинг шартномаларига мувофиқ тақдим этади;

донорларни жалб қилиш соҳасида лизинг объектларини харид қилишга мўлжалланган ресурсларни шакллантириш учун донорлар, шу жумладан халқаро молия институтларининг маблағларини имтиёзли асосда жалб этиш ишларини амалга оширади;

лизингга берилган лизинг объектларига техник хизмат кўрсатиш бўйича замонавий сервис хизматлари кўрсатишни йўлга қўяди;

лизинг асосида етказиб берилган лизинг объектларининг техник ҳолатини тизимли мониторинг қилиш, улардан мақсадли ва самарали фойдаланишни ташкил этади;

лизинг шартномалари бўйича тўловларнинг ўз вақтида келиб тушишини доимий назорат қилади.

12. «Ўзмелиомашлизинг» ДУК зиммасига юкланган вазифа ва функцияларни амалга ошириш учун қуйидаги ҳуқуқларга эга:

Ўзбекистон Республикаси Вазирлар Маҳкамаси, давлат ва хўжалик бошқаруви органлари, маҳаллий давлат ҳокимияти органларига «Ўзмелиомашлизинг» ДУК ваколатига кирадиган масалалар юзасидан таклифларни кўриб чиқиш учун киритиш;

давлат ва хўжалик бошқаруви органлари, маҳаллий давлат ҳокимияти органларидан «Ўзмелиомашлизинг» ДУК ваколатига кирадиган масалаларни ҳал этиш учун зарур ахборотни белгиланган тартибда сўраш ва олиш;

давлат статистика органларидан «Ўзмелиомашлизинг» ДУК ваколатига кирадиган масалалар юзасидан статистика ахборотини бепул олиш;

«Ўзмелиомашлизинг» ДУК ходимларини уларнинг тегишли соҳадаги ўз фаолияти асосий кўрсаткичлари бўйича параметрларни бажариши ҳисобга олинган ҳолда моддий рағбатлантириш тартиби, миқдори ва шартларини белгилаш;

«Ўзмелиомашлизинг» ДУК ваколатига кирадиган масалалар бўйича Ўзбекистон Республикаси манфаатларини халқаро даражада белгиланган тартибда ифода этиш;

Ўзбекистон Республикаси ва хорижда ишлаб чиқариладиган замонавий лизинг объектларини қонун ҳужжатларида белгиланган тартибда харид қилиш;

Ўзбекистон Республикаси фуқаролари, фуқаролиги бўлмаган шахслар ва чет эл фуқароларини шартнома асосида ишга қабул қилиш;

таъсисчи билан келишган ҳолда, «Ўзмелиомашлизинг» ДУК ходимларининг ойлик иш ҳақи миқдори ва уни тўлаш тартиби, уларни мукофотлаш ва имтиёзларни бериш тартибини белгилаш;

«Ўзмелиомашлизинг» ДУК қонун ҳужжатларига мувофиқ бошқа ҳуқуқларга ҳам эга бўлиши мумкин.

13. «Ўзмелиомашлизинг» ДУК қуйидагилар учун масъул:

«Ўзмелиомашлизинг» ДУКка юкланган вазифалар ва функцияларнинг самарали бажарилиши;

«Ўзмелиомашлизинг» ДУК фаолияти билан боғлиқ давлат дастурларида назарда тутилган прогноз кўрсаткичларга эришилишини сўзсиз таъминлаш;

жисмоний ва юридик шахсларнинг, шунингдек, лизинг олувчиларнинг бевосита «Ўзмелиомашлизинг» ДУК фаолиятига тааллуқли мурожаатлари ўз вақтида кўриб чиқилиши;

лизинг олувчиларнинг лизинг объектларидан мақсадли ва самарали фойдаланиши бўйича ўз вақтида мониторинг олиб борилиши;

Ўзбекистон Республикаси Вазирлар Маҳкамасига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, «Ўзмелиомашлизинг» ДУК қабул қиладиган қарорларни амалга ошириш сифати, якуний натижалари ҳамда оқибатлари;

соҳани (тармоқни) ривожлантириш, шунингдек, тегишли соҳадаги (тармоқдаги) ҳудудларни ижтимоий-иқтисодий ривожлантириш ҳамда улардаги муаммоли масалаларни ҳал этиш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг самарали амалга оширилиши;

фуқаролар ва тадбиркорлик субъектларининг ҳуқуқлари ҳамда қонуний манфаатларига риоя этилиши ҳамда уларнинг ҳимоя қилинишини таъминлаш.

14. «Ўзмелиомашлизинг» ДУКка Ўзбекистон Республикаси Вазирлар Маҳкамаси томонидан лавозимга тайинланадиган ва лавозимдан озод этиладиган ижрочи директор раҳбарлик қилади.

15. «Ўзмелиомашлизинг» ДУК ижрочи директорининг ўринбосари ижрочи директор томонидан белгиланган тартибда лавозимга тайинланади ва лавозимдан озод этилади.

16. Ижрочи директор бўлмаганда унинг ваколатларини ўринбосари амалга оширади.

17. «Ўзмелиомашлизинг» ДУК фаолиятига Ўзбекистон Республикаси Вазирлар Маҳкамасининг тегишли комплекси ва Вазирлар Маҳкамасининг ахборот-таҳлил департаменти мутасаддилик қилади.

18. Ижрочи директор «Ўзмелиомашлизинг» ДУКнинг ижроия органи ҳисобланади ва корхонанинг жорий фаолиятига умумий раҳбарлик қилади.

19. Ижрочи директор «Ўзмелиомашлизинг» ДУК номидан ишончномасиз ҳаракат қилади, штат жадвалини белгилайди, «Ўзмелиомашлизинг» ДУКнинг барча ходимлари бажариши мажбурий бўлган кўрсатмалар беради.

20. Ижрочи директор таъсисчига ва Ўзбекистон Республикаси Вазирлар Маҳкамасига йиллик бизнес-режа бажарилиши тўғрисида белгиланган тартибда ҳисобот беради.

21. Қуйидагилар «Ўзмелиомашлизинг» ДУК ижрочи директорининг асосий функционал мажбуриятлари ҳисобланади:

Ўзбекистон Республикаси Конституцияси ва қонунларига, шунингдек, бошқа норматив-ҳуқуқий ҳужжатлар талабларига риоя этиш;

«Ўзмелиомашлизинг» ДУК фаолиятига умумий раҳбарлик қилиш, «Ўзмелиомашлизинг» ДУКка Ўзбекистон Республикаси Президентининг тегишли ҳужжати, Ўзбекистон Республикаси Вазирлар Маҳкамасининг қарори ва бошқа қонун ҳужжатлари билан юкланган вазифаларнинг бажарилишини ташкил этиш;

«Ўзмелиомашлизинг» ДУК фаолиятини янада такомиллаштириш бўйича Ўзбекистон Республикаси Президентининг ҳужжатлари ва Ўзбекистон Республикаси Вазирлар Маҳкамасининг қарорлари билан тасдиқланган концепциялар, комплекс дастурлар ва тадбирлар амалга оширилишини танқидий ҳамда чуқур таҳлил қилиш;

«Ўзмелиомашлизинг» ДУК, унинг Қорақалпоғистон Республикаси ва вилоятлардаги вакилларининг (кейинги ўринларда «Ўзмелиомашлизинг» ДУК вакиллари деб аталади) фаолияти билан боғлиқ прогноз кўрсаткичларга эришилишини сўзсиз таъминлашга доир амалий чоралар ишлаб чиқиш ҳамда кўриш;

«Ўзмелиомашлизинг» ДУК фаолияти соҳасига доир масалалар бўйича Ўзбекистон Республикаси Вазирлар Маҳкамасининг комплекслари, шунингдек, тегишли вазирликлар ва идоралар билан ҳамкорлик қилиш, Ўзбекистон Республикаси Вазирлар Маҳкамаси мажлислари ва Раёсатида масалаларни кўриб чиқишда иштирок этиш;

Ўзбекистон Республикаси Президенти, Ўзбекистон Республикасининг Бош вазири ва унинг ўринбосарлари топшириқларини бажариш;

ўз ўринбосари ваколатларини белгилаш, «Ўзмелиомашлизинг» ДУКнинг бошқа мансабдор шахслари мажбуриятлари ва ваколатларини тақсимлаш, «Ўзмелиомашлизинг» ДУК фаолиятининг айрим бўлимларига раҳбарлик қилиш учун ўз ўринбосари ҳамда бошқа мансабдор шахсларнинг шахсий масъулият даражасини белгилаш;

«Ўзмелиомашлизинг» ДУК фаолиятини режалаштиришни ташкил қилиш, «Ўзмелиомашлизинг» ДУК ва ўз ўринбосарининг ҳар чораклик иш режаларини тасдиқлаш, уларнинг бажарилишини назорат қилиш;

Ўзбекистон Республикаси Президенти ва Ўзбекистон Республикаси Вазирлар Маҳкамасининг ҳужжатлари ҳамда топшириқлари бажарилишини ташкил этиш ва мониторинги бўйича амалий тизимни шакллантириш, «Ўзмелиомашлизинг» ДУК фаолиятида ижро интизомини мустаҳкамлашга доир комплекс амалий чора-тадбирларни амалга ошириш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарори ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ҳамда сифатли бажарилиши учун «Ўзмелиомашлизинг» ДУК ва «Мелиомашлизингсервис» МЧЖ мансабдор шахсларининг шахсий масъулиятини ошириш чораларини кўриш;

«Ўзмелиомашлизинг» ДУК ходимларини тизимли қайта тайёрлаш ва уларнинг малакасини оширишни ташкил қилиш;

«Ўзмелиомашлизинг» ДУК тизимида кадрларни танлаш ва жой-жойига қўйиш, уларнинг самарали фаолият кўрсатиши учун зарур шароитлар яратиш, «Ўзмелиомашлизинг» ДУК кадрлар захирасини шакллантириш;

бўш лавозимларга таклиф этилган ходимлар, шунингдек, «Ўзмелиомашлизинг» ДУКка ишга қабул қилинадиган бошқа ходимларнинг маҳорати, билим даражаси, амалий тажрибаси, ишчанлик ва маънавий-ахлоқий фазилатлари юқорилиги кафолатланишини таъминлаш;

фаолият соҳасига доир масалалар юзасидан норматив-ҳуқуқий ҳужжатлар лойиҳаларининг сифатли ишлаб чиқилишини, уларнинг Ўзбекистон Республикаси Вазирлар Маҳкамасига «Норматив-ҳуқуқий ҳужжатлар тўғрисида»ги Ўзбекистон Республикаси Қонуни, Ўзбекистон Республикаси Вазирлар Маҳкамасининг 2005 йил 14 февралдаги 62-сон қарори билан тасдиқланган Вазирлар Маҳкамаси Регламенти ва Ўзбекистон Республикаси Президентининг 2017 йил 28 июлдаги ПҚ-3161-сон қарори билан тасдиқланган Ўзбекистон Республикаси Президенти Девони регламенти талабларига қатъий мувофиқ равишда ўз вақтида киритилишини ташкил қилиш, уларни Вазирлар Маҳкамаси аппаратида қайта ишлаш, Ўзбекистон Республикаси Вазирлар Маҳкамаси Раҳбариятида ҳимоя қилиш ҳамда Ўзбекистон Республикаси Президенти Девонида кўриб чиқишда иштирок этиш, шунингдек, «Ўзмелиомашлизинг» ДУКка тақдим этилган таклифлар ва норматив-ҳуқуқий ҳужжатларнинг лойиҳаларини тўлиқ ҳамда атрофлича кўриб чиқилишини таъминлаш, уларни молиявий, иқтисодий, ҳуқуқий ва бошқа экспертизадан пухта ўтказиш ҳамда белгиланган муддатларда келишиш (имзолаш);

«Ўзмелиомашлизинг» ДУК раҳбарлари ва ходимларининг Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон қарори ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарори талабларига қатъий мувофиқ равишда хизмат сафарларида бўлишини ташкил этиш, хизмат сафарларининг асослилиги, самарадорлиги ва натижадорлигини ҳамда хизмат сафарлари учун ажратиладиган маблағлардан оқилона фойдаланишни таъминлаш;

ўз ўринбосари ва «Ўзмелиомашлизинг» ДУК вакиллари, шунингдек, «Мелиомашлизингсервис» МЧЖ раҳбарлари фаолиятининг самарадорлиги ҳамда натижадорлигини тизимли равишда танқидий таҳлил қилиш, уларнинг шахсий ҳисоботларини умумий йиғилишларда эшитиш, якунлари бўйича зарур чоралар кўриш;

«Ўзмелиомашлизинг» ДУК раҳбарлари ва ходимларини рағбатлантириш, интизомий жавобгарликка тортиш масалаларини ҳал этиш, шу жумладан уларнинг эгаллаб турган лавозимида кейинчалик қолиш ёки қолмаслик мақсадга мувофиқлиги масаласини кўриб чиқиш, шахсий масъулиятини ошириш бўйича тизимли чора-тадбирларни амалга ошириш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ «Ўзмелиомашлизинг» ДУК тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонун ҳужжатларини такомиллаштириш чора-тадбирларини ишлаб чиқиш ҳамда амалга ошириш орқали бундай ҳолатлар содир этилишига кўмаклашадиган сабаблар ҳамда шароитларни аниқлаш, таҳлил қилиш, бартараф этиш;

«Ўзмелиомашлизинг» ДУК фаолиятини, «Ўзмелиомашлизинг» ДУК вакиллари ва «Мелиомашлизингсервис» МЧЖ ишини ташкил этишнинг замонавий шакллари жорий этилишини таъминлаш;

лизинг хизматларини кўрсатиш ва улардан фойдаланиш самарадорлиги ҳамда сифатини ошириш, «Электрон ҳукумат тўғрисида»ги Ўзбекистон Республикаси қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахслар мурожаатларини кўриб чиқиш бўйича самарали ишларни ташкил қилиш, аҳоли билан бевосита ва очиқ мулоқотни йўлга қўйиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида белгиланган муддатлар ва тартибда жисмоний шахсларни ҳамда юридик шахслар вакилларини мунтазам шахсан қабул қилиш, шу жумладан сайёр қабул қилиш;

Ўзбекистон Республикаси Президентининг Халқ қабулхоналари билан самарали ҳамкорликни, «Ўзмелиомашлизинг» ДУК раҳбарлари ва ходимларининг қабулхоналар фаолиятида фаол иштирок этишини ташкил қилиш, жисмоний ва юридик шахслардан Ўзбекистон Республикаси Президентининг виртуал қабулхонасига келиб тушадиган мурожаатлари ўз вақтида ҳамда тўлиқ кўриб чиқилишини таъминлаш;

давлат сирларига киритилган ахборот ва махфий ахборот билан ишлашда қонун ҳужжатлари талабларига риоя этиш.

22. Қуйидагилар «Ўзмелиомашлизинг» ДУК раҳбари ўринбосарининг асосий функционал мажбуриятлари ҳисобланади:

Ўзбекистон Республикаси Конституцияси ва қонунларига, шунингдек, бошқа норматив-ҳуқуқий ҳужжатларга риоя этиш;

«Ўзмелиомашлизинг» ДУК раҳбари вақтинчалик бўлмаганда тегишли буйруққа асосан унинг мажбуриятларини бажариш;

«Ўзмелиомашлизинг» ДУКнинг мутасаддилик қилинадиган таркибий бўлинмалари, «Ўзмелиомашлизинг» ДУК вакиллари ва «Мелиомашлизингсервис» МЧЖ фаолиятини мувофиқлаштириш, назорат қилиш ҳамда бевосита раҳбарлик қилиш;

«Ўзмелиомашлизинг» ДУК фаолиятини янада такомиллаштириш бўйича Ўзбекистон Республикаси Президентининг ҳужжатлари ва Ўзбекистон Республикаси Вазирлар Маҳкамасининг қарорлари билан тасдиқланган «Ўзмелиомашлизинг» ДУКнинг мутасаддилик қиладиган фаолият йўналишларига тааллуқли концепциялар, комплекс дастурлар ва тадбирлар амалга оширилишини танқидий ҳамда чуқур таҳлил қилиш;

«Ўзмелиомашлизинг» ДУКнинг мутасаддилик қиладиган таркибий бўлинмалари, «Ўзмелиомашлизинг» ДУК вакиллари ва «Мелиомашлизингсервис» МЧЖ томонидан прогноз кўрсаткичларга эришилишини сўзсиз таъминлаш чораларини кўриш, бўлинмалар раҳбарларининг ҳисоботларини эшитиш ҳамда уларнинг қайд этилган кўрсаткичларга эришиш учун масъулиятини ошириш;

«Ўзмелиомашлизинг» ДУКнинг мутасаддилик қиладиган таркибий бўлинмалари раҳбарлари, «Ўзмелиомашлизинг» ДУК вакилларининг ҳар чораклик режаларини ижрочи директорга тасдиқлаш учун тақдим этиш, уларнинг бажарилишини назорат қилиш;

Ўзбекистон Республикаси Президенти ва Ўзбекистон Республикаси Вазирлар Маҳкамасининг ҳужжатлари ва топшириқлари бажарилишини таъминлаш, «Ўзмелиомашлизинг» ДУКнинг мутасаддилик қиладиган таркибий бўлинмаларида, «Ўзмелиомашлизинг» ДУК вакилларининг ва «Мелиомашлизингсервис» МЧЖда ижро интизомини мустаҳкамлаш бўйича комплекс амалий чора-тадбирларни амалга ошириш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарори ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ҳамда сифатли бажарилиши учун уларнинг шахсий масъулиятини ошириш чораларини кўриш;

«Ўзмелиомашлизинг» ДУК йиғилиш қарорлари, ижрочи директорнинг буйруқлари ва топшириқларининг ўз вақтида ва сифатли бажарилишини таъминлаш;

«Ўзмелиомашлизинг» ДУКнинг мутасаддилик қиладиган таркибий бўлинмаларига, шунингдек, «Ўзмелиомашлизинг» ДУК вакиллари лавозимларига кадрларни танлаш ва уларни жой-жойига қўйиш бўйича ижрочи директорга таклифлар киритиш, уларнинг маҳорати, билим даражаси, амалий тажрибаси, ишчанлик ва маънавий-ахлоқий фазилатлари юқорилиги кафолатланишини таъминлаш, профессионал малакасини ошириш чораларини кўриш, мутасаддилик қиладиган бўлинмаларда кадрлар захирасини шакллантириш;

«Ўзмелиомашлизинг» ДУКка тақдим этилган таклифлар ва норматив-ҳуқуқий ҳужжатларни тўлиқ ва атрофлича кўриб чиқиш, уларни молиявий, иқтисодий, ҳуқуқий ва бошқа экспертизадан пухта ўтказиш;

Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон қарори ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарори талабларига тўлиқ мувофиқ равишда хизмат сафарларида бўлиш, хизмат сафарларининг асослилиги, самарадорлиги ва натижадорлигини ҳамда хизмат сафарлари учун ажратиладиган маблағлардан оқилона фойдаланишни таъминлаш;

«Ўзмелиомашлизинг» ДУКнинг мутасаддилик қиладиган таркибий бўлинмалари раҳбарлари ва ходимларининг, «Ўзмелиомашлизинг» ДУК вакиллари ва «Мелиомашлизингсервис» МЧЖ раҳбарларининг фаолияти самарадорлиги ҳамда натижадорлигини тизимли равишда танқидий таҳлил қилиш, шахсий ҳисоботларини эшитиш ва якунлари бўйича зарур чоралар кўриш;

фаолияти соҳасига кирадиган масалалар юзасидан «Ўзмелиомашлизинг» ДУК фаолиятини такомиллаштиришга доир амалий чоралар кўриш, қонун ҳужжатларини такомиллаштириш таклифларини ишлаб чиқиш ҳамда уларни «Ўзмелиомашлизинг» ДУК раҳбариятига киритиш;

«Ўзмелиомашлизинг» ДУК раҳбариятига мутасаддилик қиладиган таркибий бўлинмалар раҳбарлари ва ходимларини, «Ўзмелиомашлизинг» ДУК вакилларини ва «Мелиомашлизингсервис» МЧЖ ходимларини рағбатлантириш, интизомий жавобгарликка тортиш, шу жумладан уларнинг эгаллаб турган лавозимида кейинчалик қолиш ёки қолмаслик мақсадга мувофиқлиги масаласини кўриб чиқиш тўғрисида таклифлар киритиш, уларнинг функционал мажбуриятлар ва зиммасига юкланган вазифаларни бажариши учун шахсий масъулиятини ошириш бўйича тизимли чора-тадбирларни амалга ошириш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ «Ўзмелиомашлизинг» ДУК тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонун ҳужжатларини такомиллаштириш чора-тадбирларини ишлаб чиқиш ҳамда амалга ошириш орқали бундай ҳолатлар содир этилишига кўмаклашадиган сабаблар ҳамда шароитларни аниқлаш, таҳлил қилиш, бартараф этиш;

ижрочи директорга лизинг хизматларини кўрсатиш ва улардан фойдаланиш самарадорлиги ҳамда сифатини оширишга оид таклифлар киритиш;

жисмоний ва юридик шахслар мурожаатларини кўриб чиқиш бўйича самарали ишларни ташкил қилиш, аҳоли билан бевосита ва очиқ мулоқотни йўлга қўйиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида белгиланган муддатлар ва тартибда жисмоний шахсларни ҳамда юридик шахслар вакилларини мунтазам шахсан қабул қилиш, шу жумладан сайёр қабул қилиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, қабулхоналар фаолиятида фаол иштирок этиш, жисмоний ва юридик шахслардан Ўзбекистон Республикаси Президентининг виртуал қабулхонасига келиб тушадиган мурожаатлари ўз вақтида ҳамда тўлиқ кўриб чиқилишини таъминлаш;

давлат сирларига киритилган ахборот ва махфий ахборот билан ишлашда қонун ҳужжатлари талабларига риоя этиш.

23. «Ўзмелиомашлизинг» ДУК ижро этувчи аппарати «Ўзмелиомашлизинг» ДУКнинг жорий фаолиятини таъминлайди.

24. Ижрочи директор «Ўзмелиомашлизинг» ДУК ижро этувчи аппаратининг раҳбари ҳисобланади.

25. Қуйидагилар «Ўзмелиомашлизинг» ДУК ижро этувчи аппаратининг асосий вазифалари ҳисобланади:

«Ўзмелиомашлизинг» ДУК вакиллари билан биргаликда «Ўзмелиомашлизинг» ДУКка юкланган вазифалар ва функцияларнинг самарали бажарилишини таъминлаш;

«Ўзмелиомашлизинг» ДУК фаолиятини, ижрочи директор ва унинг ўринбосарини ташкилий ҳамда таҳлилий ахборот билан таъминлаш;

давлат бошқаруви органлари фаолияти ҳуқуқий таъминланишини ташкил этиш;

«Ўзмелиомашлизинг» ДУК ваколатига кирадиган оператив, ташкилий, кадрлар, молиявий, ишлаб чиқариш-хўжалик масалалари ва бошқа масалаларни ҳал этиш;

ижро интизомига риоя этилишини таъминлаш.

26. «Ўзмелиомашлизинг» ДУК ижро этувчи аппарати ўзига юкланган асосий вазифаларга мувофиқ қуйидаги функцияларни бажаради:

«Ўзмелиомашлизинг» ДУК фаолияти ташкил этилишини таъминлайди;

хорижий инвесторлар, молия институтлари ва донор ташкилотлар билан инвестициялар жалб қилиш юзасидан музокаралар ўтказади;

маҳаллий ва хорижий ишлаб чиқарувчилардан лизинг объектларини харид қилиш фаолиятини ташкил қилади;

бўлажак лизинг олувчилар томонидан лизинг объектларини олиш учун тақдим этилган лойиҳалар ва ҳужжатлар иқтисодий таҳлил этилишини таъминлайди, лизинг объектларини бериш ёки беришни рад этиш ҳақида хулоса беради;

«Ўзмелиомашлизинг» ДУК фаолияти ҳуқуқий таъминланишини ташкил қилади;

«Ўзмелиомашлизинг» ДУК фаолияти ва унинг раҳбариятини ташкилий ҳамда таҳлилий ахборот билан таъминлайди;

«Ўзмелиомашлизинг» ДУК томонидан Ўзбекистон Республикаси Вазирлар Маҳкамасига тақдим этиладиган ҳужжатларнинг сифатли ва ўз вақтида ишлаб чиқилишини, иқтисодий, молиявий ва ҳуқуқий экспертизадан ўтказилишини ташкил этади;

«Ўзмелиомашлизинг» ДУК вакиллари ва «Мелиомашлизингсервис» МЧЖ томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, ҳукумат қарорларининг бажарилишини тизимли назорат қилади;

«Ўзмелиомашлизинг» ДУК ходимларини тизимли қайта тайёрлаш ва уларнинг малакасини оширишни ташкил қилади;

лизинг олувчиларга лизинг асосида замонавий лизинг объектлари етказиб берилишини таъминлайди;

лизингга берилган лизинг объектларига техник хизмат кўрсатиш бўйича замонавий сервис хизматлари кўрсатилишига умумий раҳбарлик қилади, шунингдек, лизинг объектларининг техник ҳолати, улардан мақсадли ҳамда самарали фойдаланиш бўйича тизимли мониторингни ташкил этади;

«Ўзмелиомашлизинг» ДУК вакиллари фаолиятига раҳбарлик қилади, мувофиқлаштиради ва назорат қилади;

қарзларни ундириш фаолиятини амалга оширади, тегишли материалларни судга кўриб чиқиш учун тақдим этади;

«Ўзмелиомашлизинг» ДУК ваколатига кирадиган бошқа оператив, ташкилий, кадрлар, молиявий, ишлаб чиқариш-хўжалик масалалари ва бошқа масалаларни ҳал этади.

27. Ижро этувчи аппарат таркибига «Ўзмелиомашлизинг» ДУК вакиллари ҳам киради.

28. Қуйидагилар «Ўзмелиомашлизинг» ДУК вакилларининг асосий вазифалари ҳисобланади:

тегишли ҳудудда «Ўзмелиомашлизинг» ДУКка юкланган вазифалар ва функцияларни самарали бажариш;

жойларда лизинг объектларидан мақсадли ва самарали фойдаланилишини назорат қилиш;

жойлардаги ташкилотларнинг «Ўзмелиомашлизинг» ДУК томонидан бериладиган лизинг объектларига бўлган эҳтиёжини таҳлил қилиш ва умумлаштириш;

«Ўзмелиомашлизинг» ДУК марказий аппарати билан ҳамкорлик қилиш;

«Мелиомашлизингсервис» МЧЖнинг жойлардаги филиаллари билан ҳамкорлик қилиш.

29. «Ўзмелиомашлизинг» ДУК вакиллари ўзларига юкланган асосий вазифаларга мувофиқ қуйидаги функцияларни амалга оширади:

жойларда ташкилотларнинг лизинг объектларини харид қилиш эҳтиёжини ўрганади;

«Мелиомашлизингсервис» МЧЖнинг Қорақалпоғистон Республикаси ва вилоятлардаги филиаллари вакиллари билан биргаликда «Ўзмелиомашлизинг» ДУК лизинг олувчиларига берилган лизинг объектлари ҳисобини юритади;

лизинг олувчилар томонидан лизинг объектлари сақланишини, улардан мақсадли ва самарали фойдаланишни назорат қилади ва натижалар асосида лизинг олувчининг вакили иштирокида далолатномани расмийлаштиради;

Ўзбекистон Республикаси Қишлоқ ва сув хўжалиги вазирлигининг ҳудудий бўлинмалари томонидан фойдаланилаётган лизинг объектларини кўздан кечириш натижалари бўйича «Ўзмелиомашлизинг» ДУК раҳбариятига, ирригация тизимлари ҳавза бошқармалари ва маҳаллий ижро ҳокимияти органларига аниқланган ҳуқуқбузарликларни бартараф этишда ёрдам бериш учун ёзма хулоса киритади;

«Ўзмелиомашлизинг» ДУК маблағлари ҳисобидан лизинг шартномалари тузилган бошқа лизинг олувчилар фойдаланаётган лизинг объектлари мониторинги натижаларига кўра, нуқсон далолатномалари тузади ва уларни тегишли чоралар кўриш учун «Ўзмелиомашлизинг» ДУКка ва лизинг олувчининг кафилига топширади;

лизинг олувчилардан лизинг тўловлари, «Ўзмелиомашлизинг» ДУК билан тузилган шартномалари бўйича қарздорлик тўғрисидаги маълумотларни белгиланган тартибда олади;

давлат ва хўжалик бошқаруви органлари, маҳаллий давлат ҳокимияти органларидан ўз ваколатига кирадиган масалаларни ҳал этиш учун, жумладан, бўлажак лизинг олувчининг тўловга лаёқатлилиги, молиявий аҳволи ва бошқа имкониятлари, кафиллар тўғрисида ва бошқа зарур ахборотни белгиланган тартибда сўраш ва олиш;

лизинг шартномаси ёки кафилликни расмийлаштиришда, судда эса «Ўзмелиомашлизинг» ДУК манфаатларига дахлдор масалаларни кўриб чиқишда «Ўзмелиомашлизинг» ДУКнинг ваколатли вакили сифатида ва «Ўзмелиомашлизинг» ДУК номидан иштирок этади;

жойларда лизинг объектлари бузилгани тўғрисида ахборот мавжуд бўлганда, бу ҳақида «Мелиомашлизингсервис» МЧЖ филиаллари вакилларига ёки марказий аппаратига хабар беради, сервис хизматлари кўрсатилишига кўмаклашади ва натижалари хусусида «Ўзмелиомашлизинг» ДУКка маълумот беради;

«Ўзмелиомашлизинг» ДУК ижро этувчи аппаратига лизинг объектлари ва лизинг олувчилар ҳақида зарур ахборот беради.

«Ўзмелиомашлизинг» ДУК вакиллари ижрочи директор ва унинг ўринбосари топшириғига биноан бошқа функцияларни ҳам амалга ошириши мумкин.

30. «Ўзмелиомашлизинг» ДУК ижрочи директори:

«Ўзмелиомашлизинг» ДУКка юкланган вазифалар ва функцияларнинг бажарилиши;

ушбу Уставнинг 13-бандида назарда тутилган «Ўзмелиомашлизинг» ДУКнинг жавобгарлик соҳалари;

ушбу Уставнинг 21-бандида қайд этилган ўз функционал мажбуриятларининг сифатли бажарилиши учун шахсан жавоб беради.

31. «Ўзмелиомашлизинг» ДУК ижрочи директорининг ўринбосари:

«Ўзмелиомашлизинг» ДУКка юкланган вазифалар ва функциялар «Ўзмелиомашлизинг» ДУКнинг мутасаддилик қиладиган таркибий бўлинмалари томонидан бажарилиши;

ушбу Уставнинг 13-бандида назарда тутилган «Ўзмелиомашлизинг» ДУКнинг мутасаддилик қиладиган масалалар юзасидан жавобгарлик соҳалари;

ушбу Уставнинг 22-бандида қайд этилган ўз функционал мажбуриятларининг сифатли бажарилиши учун шахсан жавоб беради.

32. «Ўзмелиомашлизинг» ДУК вакиллари:

тегишли ҳудудда «Ўзмелиомашлизинг» ДУКка юкланган вазифалар ва функцияларнинг сифатли ҳамда ўз вақтида бажарилишини таъминлаш;

«Ўзмелиомашлизинг» ДУК вакилларига юкланган вазифалар ва функцияларнинг бажарилиш;

ушбу Уставнинг 29-бандида қайд этилган функционал мажбуриятларининг сифатли бажарилиши учун жавоб беради.

33. «Ўзмелиомашлизинг» ДУК ижро этувчи аппаратининг таркибий бўлинмалари раҳбарлари марказий аппарат таркибий бўлинмаларининг вакиллар билан ўзаро ҳамкорлигини таъминлайди.

34. «Ўзмелиомашлизинг» ДУК ижро этувчи аппаратининг таркибий бўлинмалари ўз фаолият йўналишлари бўйича «Ўзмелиомашлизинг» ДУК вакиллари билан ҳамкорлик қилган ҳолда:

ижро этувчи аппарат топшириқларини «Ўзмелиомашлизинг» ДУК вакилларига етказади, уларнинг бажарилишини назорат қилади;

«Ўзмелиомашлизинг» ДУК вакилларига бевосита таркибий бўлинмалар фаолиятига тааллуқли масалалар юзасидан сўровлар юборади ва уларнинг бажарилишини назорат қилади;

«Ўзмелиомашлизинг» ДУК вакиллари фаолиятини текширади ва ўрганади, уларнинг фаолият кўрсатиш амалиётини умумлаштиради, ушбу фаолиятни такомиллаштиришга қаратилган чора-тадбирларни ишлаб чиқади ҳамда амалга оширади;

«Ўзмелиомашлизинг» ДУК вакиллари фаолиятини ташкил этиш ва унинг натижалари тўғрисидаги ҳисобот ва ахборот материаллари, статистика ҳамда бошқа маълумотлар ўрганилишини ташкил этади;

«Ўзмелиомашлизинг» ДУК вакилларидан келган таклифларни кўриб чиқади;

«Ўзмелиомашлизинг» ДУК вакилларининг норматив-ҳуқуқий ҳужжатлар лойиҳаларини тайёрлашда иштирокини ташкил қилади, улардан қонун ҳужжатларини такомиллаштириш бўйича келган таклифларни кўриб чиқади.

35. «Ўзмелиомашлизинг» ДУК вакиллари «Ўзмелиомашлизинг» ДУК ижро этувчи аппаратининг таркибий бўлинмалари билан ҳамкорлик қилади, жумладан:

«Ўзмелиомашлизинг» ДУК раҳбарияти топшириқларининг бажарилиши тўғрисида ахборот беради;

ижро этувчи аппаратга белгиланган фаолият соҳасига оид қонун ҳужжатларини амалга ошириш натижалари ҳақида ахборот тақдим этади;

уларнинг фаолиятини текшириш ва ўрганиш натижасида аниқланган камчиликлар ҳамда ҳуқуқбузарликларни бартараф этиш натижалари ҳақида ахборот беради;

«Ўзмелиомашлизинг» ДУК ижро этувчи аппаратига ўз фаолияти натижалари тўғрисидаги ҳисоботларни белгиланган тартиб ва муддатларда тақдим этади;

фаолиятини ваколатли орган томонидан текшириш натижалари ҳақида хабардор қилади.

36. «Ўзмелиомашлизинг» ДУК фаолиятининг самарадорлиги ва натижадорлиги мунтазам баҳолаб борилади.

37. «Ўзмелиомашлизинг» ДУК фаолиятининг самарадорлиги ва натижадорлиги Вазирлар Маҳкамасининг 2015 йил 28 июлдаги 207-сон қарори билан тасдиқланган Давлат улуши бўлган акциядорлик жамиятлари ва бошқа хўжалик юритувчи субъектлар фаолияти самарадорлигини баҳолаш мезонлари тўғрисидаги низомга мувофиқ баҳоланади.

38. Компаниянинг устав фонди 5 000 000 000 (беш миллиард) сўмни ташкил қилади.

39. «Ўзмелиомашлизинг» ДУКнинг устав фонди қонун ҳужжатларида белгиланган тартибда кўпайтирилиши ёки камайтирилиши мумкин.

40. «Ўзмелиомашлизинг» ДУКнинг мулки:

таъсисчи томонидан «Ўзмелиомашлизинг» ДУКка оператив бошқариш ҳуқуқи асосида бириктирилган мол-мулк;

«Ўзмелиомашлизинг» ДУК фаолиятидан олинган даромадлар;

қонун ҳужжатларига зид бўлмаган бошқа манбалар ҳисобидан шакллантирилади.

«Ўзмелиомашлизинг» ДУК мулкининг қиймати «Ўзмелиомашлизинг» ДУК мустақил балансида акс эттирилади.

41. «Ўзмелиомашлизинг» ДУКда давлат мулкини оператив бошқариш ҳуқуқи «Ўзмелиомашлизинг» ДУК ижрочи директори ва таъсисчи томонидан давлат мулкини топшириш ҳамда қабул қилиш далолатномаси имзоланган кундан бошлаб пайдо бўлади.

42. «Ўзмелиомашлизинг» ДУК мулки бўлинмайди.

43. «Ўзмелиомашлизинг» ДУК мулки таъсисчи билан келишган ҳолда, «Ўзмелиомашлизинг» ДУК ижрочи директори томонидан қуйидаги ҳолларда тасарруф этилади:

асосий воситаларни сотиш, уларни ижарага бериш ёки гаровга топшириш;

мулкни бошқа тижорат ташкилотлари устав фондига улуш сифатида киритиш;

«Ўзмелиомашлизинг» ДУКнинг тижорат ташкилотларидаги акцияларини (улушларини) сотиш;

мулкни «Ўзмелиомашлизинг» ДУК фаолияти мақсадларига мос келмайдиган бошқа шаклда сотиш.

44. «Ўзмелиомашлизинг» ДУКка тегишли бино ва иншоотлар (жумладан, қурилиши тугалланмаган), шунингдек, акциялар (улушлар) Давлат рақобат қўмитаси томонидан сотилади.

«Ўзмелиомашлизинг» ДУКка тегишли бино ва иншоотларни (жумладан, қурилиши тугалланмаган), шунингдек, акцияларни (улушлар) сотишдан тушган маблағлар, уларни сотиб олиш манбаларидан қатъи назар, Давлат рақобат қўмитаси томонидан қонун ҳужжатларида белгиланган тартибда давлат мулкини хусусийлаштиришдан олинган маблағлар сифатида тақсимланади.

45. Барча солиқлар ва Ўзбекистон Республикаси Давлат бюджети ва давлат мақсадли жамғармаларига бошқа мажбурий тўловлар, шунингдек, давлат корхонасининг соф фойдасидан Ўзбекистон Республикаси Давлат бюджетига Акциядорлик жамиятлари фаолиятини самарадорлигини ошириш ва корпоратив бошқарув тизимини такомиллаштириш комиссияси томонидан белгиланадиган ажратмалар тўлангандан сўнг «Ўзмелиомашлизинг» ДУКда қоладиган соф фойда корхона ихтиёрида қолади ҳамда ундан таъсисчи билан келишилган ҳолда фойдаланилади.

46. «Ўзмелиомашлизинг» ДУК даромадини (фойдасини) тақсимлаш ва унинг зарарларини қоплаш тартиби таъсисчи томонидан белгиланади.

47. «Ўзмелиомашлизинг» ДУК таъсисчисининг розилиги билан захира ва бошқа мақсадли жамғармалар тузилиши мумкин.

48. «Ўзмелиомашлизинг» ДУК қонун ҳужжатларида белгиланган тартибда бухгалтерия ҳисобини юритади ва ҳисоботни тақдим этади.

49. «Ўзмелиомашлизинг» ДУКда бухгалтерия ҳисобини ташкил этиш, унинг ҳолати ва тўғри юритилиши, шунингдек, тегишли органларга даврий ҳисобот ва бошқа ҳисоботларнинг ўз вақтида тақдим этилиши учун жавобгарлик қонун ҳужжатларига мувофиқ ижрочи директор зиммасига юкланади.

50. «Ўзмелиомашлизинг» ДУК фаолияти қонун ҳужжатларида белгиланган тартибда таъсисчи, солиқ ва молия органлари, ўз ваколатлари доирасида бошқа давлат органлари, шунингдек, зарур бўлганда, шартнома асосида аудиторлик ташкилотлари томонидан текширилиши мумкин.

51. «Ўзмелиомашлизинг» ДУК фаолияти билан боғлиқ юзага келадиган низолар ва келишмовчиликлар қонун ҳужжатларида белгиланган тартибда ҳал этилади.

52. «Ўзмелиомашлизинг» ДУК Ўзбекистон Республикаси Вазирлар Маҳкамасининг қарорларига асосан таъсисчининг розилиги билан Ўзбекистон Республикаси ҳудудида ва унинг ташқарисида ўз филиаллари ва ваколатхоналарини очиши мумкин. Улар «Ўзмелиомашлизинг» ДУК томонидан мулк билан таъминланади ва ўз фаолиятини «Ўзмелиомашлизинг» ДУК ижрочи директори тасдиқлаган қоидалар асосида амалга оширади.

53. Филиаллар ва ваколатхоналар раҳбарлари ижрочи директор томонидан таъсисчи билан келишган ҳолда лавозимга тайинланади ва ўз фаолиятини «Ўзмелиомашлизинг» ДУК томонидан белгиланган тартибда берилган ҳамда расмийлаштирилган ишончнома асосида юритади.

54. «Ўзмелиомашлизинг» ДУК қонун ҳужжатларида белгиланган тартибда тугатилади ва қайта ташкил этилади.

1. Вазирлар Маҳкамасининг «Суғориладиган ерларнинг мелиоратив ҳолатини яхшилаш дастурларини шакллантириш ва амалга оширишни такомиллаштириш чора-тадбирлари тўғрисида» 2008 йил 28 ноябрдаги 261-сон қарорида (Ўзбекистон Республикаси ҚТ, 2008 й., 11-сон, 63-модда):

а) 1-банднинг учинчи хатбошидаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

б) 1-иловада:

1-банддаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

6-банднинг тўртинчи хатбошидаги «мелиоратив техника, машина ва бошқа механизациялаш воситалари» сўзлари «мелиоратив ва бошқа техника, машиналар, ускуналар ва бошқа механизация воситалари» сўзлари билан алмаштирилсин;

7-банднинг тўртинчи хатбоши қуйидаги таҳрирда баён этилсин:

«мелиоратив ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг мелиоратив ва бошқа техника, машиналар, ускуналар ва бошқа механизация воситалари паркини мустаҳкамлаш»;

11-банддаги «мелиоратив техника, машина ва бошқа механизациялаш воситалари» сўзлари «мелиоратив ва бошқа техника, машиналар, ускуналар ва бошқа механизация воситалари» сўзлари билан алмаштирилсин;

12-бандда:

биринчи хатбошидаги «мелиорация техникаси, машиналари ва бошқа механизациялаш воситалари» сўзлари «мелиоратив ва бошқа техника, машиналар, ускуналар ва бошқа механизация воситалари» сўзлари билан алмаштирилсин;

бешинчи ва олтинчи хатбошилар қуйидаги таҳрирда баён этилсин:

«ҳавза бошқармалари ҳузуридаги насос станциялари ва энергетика бошқармалари (кейинги ўринларда насос станциялари ва энергетика бошқармалари деб аталади);

Ўзбекистон Республикаси Қишлоқ ва сув хўжалиги вазирлигининг «Сувқурилишинвест» давлат унитар корхонаси (кейинги ўринларда «Сувқурилишинвест» ДУК деб аталади)»;

тўққизинчи хатбоши қуйидаги таҳрирда баён этилсин:

«Ергеодезкадастр» давлат қўмитаси, Давлат табиатни муҳофаза қилиш қўмитаси, «Давархитектқурилиш» қўмитаси, Ўзбекистон Фермер, деҳқон хўжаликлари ва томорқа ер эгалари кенгашининг ҳудудий органлари ва бошқа манфаатдор ташкилотлар»;

13-банднинг биринчи хатбошидаги «корхоналар» сўзи чиқариб ташлансин;

14-бандда:

еттинчи хатбоши қуйидаги таҳрирда баён этилсин:

«мелиоратив ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг моддий-техника базасини ўрганади ҳамда мелиоратив ва бошқа техника, машиналар, ускуналар ва бошқа механизация воситаларини харид қилишга доир таклифлар ишлаб чиқади»;

тўққизинчи хатбошидаги «энергетика ва алоқа» сўзлари «ва энергетика» сўзлари билан алмаштирилсин;

16-банднинг олтинчи хатбоши қуйидаги таҳрирда баён этилсин:

«мелиоратив ва бошқа техника, машиналар, ускуналар ва бошқа механизация воситаларини лизингга олувчилар (мелиоратив ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотлар) рўйхати бўйича»;

17-банднинг биринчи хатбошидан «ва корхоналар» сўзлари чиқариб ташлансин;

18-бандда:

биринчи ва иккинчи хатбошиларидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

учинчи хатбоши қуйидаги таҳрирда баён этилсин:

«Бунда Қорақалпоғистон Республикаси Вазирлар Кенгаши, тегишли вилоятлар, туманлар ҳокимликлари, Қорақалпоғистон Республикаси, вилоятлар ҳамда туманлар Фермер, деҳқон хўжаликлари ва томорқа ер эгалари кенгашлари раҳбарлари, ҳавза бошқармалари ва мелиоратив экспедициялар, насос станциялари ва энергетика бошқармалари бошлиқлари, «Сувқурилишинвест» ДУК бошлиқлари, шунингдек, ишчи гуруҳлар аъзолари жорий мелиоратив ҳолатга холисона баҳо берган ҳолда, таклиф этилаётган комплекс чора-тадбирларни пухта ишлаб чиқиши зарур»;

20-банднинг учинчи хатбошидаги «Ўзбекистон Республикаси Қишлоқ ва сув хўжалиги вазирлигининг Илмий-техник кенгаши ва Ер-сув ресурсларидан оқилона фойдаланиш, ирригацияни ривожлантириш ва ерлар унумдорлигини ошириш Кенгашининг қўшма мажлисида» сўзлари «Ўзбекистон Республикаси Қишлоқ ва сув хўжалиги вазирлигининг Тармоқ илмий-техник кенгаши (кейинги ўринларда ТИТК деб аталади) мажлисида» сўзлари билан алмаштирилсин;

21-бандда:

иккинчи хатбошидаги «Илмий-техник кенгаш ва Ер-сув ресурсларидан оқилона фойдаланиш, ирригацияни ривожлантириш ва ерлар унумдорлигини ошириш Кенгашининг» сўзлари «ТИТК» қисқартма сўз билан алмаштирилсин;

учинчи хатбоши қуйидаги таҳрирда баён этилсин:

«5 июнгача бўлган муддатда — Ўзбекистон Республикаси Молия вазирлиги, Иқтисодиёт вазирлиги, Инвестициялар бўйича давлат қўмитаси, Ўзбекистон Республикаси Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармасини бошқариш департаменти (кейинги ўринларда Департамент деб аталади), «Ўзмелиомашлизинг» давлат унитар корхонасига (кейинги ўринларда «Ўзмелиомашлизинг» ДУК деб аталади) келгуси йил учун республиканинг суғориладиган ерлари мелиоратив ҳолатини яхшилаш бўйича таклифлар киритади»;

22-банднинг еттинчи хатбоши қуйидаги таҳрирда баён этилсин:

«мелиоратив ва бошқа техника, машиналар, ускуналар ва бошқа механизация воситаларини «Ўзмелиомашлизинг» ДУК билан келишилган ҳолда, вилоятлар ва техника турлари бўйича тақсимлаш таклифлари»;

23, 24 ва 25-бандлар қуйидаги таҳрирда баён этилсин:

«23. Ўзбекистон Республикаси Иқтисодиёт вазирлиги, Молия вазирлиги ва Инвестициялар бўйича давлат қўмитаси Қишлоқ ва сув хўжалиги вазирлигининг келгуси йил учун суғориладиган ерларнинг мелиоратив ҳолатини яхшилаш юзасидан таклифлари бўйича ўз хулосаларини ҳар йили 15 июнгача Департаментга юборади.

24. «Ўзмелиомашлизинг» ДУК мелиоратив ва бошқа техника, машиналар, ускуналар ва бошқа механизация воситаларини лизингга олувчиларнинг манзили дастури бўйича Ўзбекистон Республикаси Қишлоқ ва сув хўжалиги вазирлиги таклифлари асосида ҳар бир ташкилотнинг буюртманомаси ва молиявий аҳволини, уларнинг лизинг маблағларини қайтариш қобилиятини ўрганади ҳамда уларга мелиоратив ва бошқа техника, машиналар, ускуналар ва бошқа механизация воситаларини лизинг асосида етказиб беришнинг мақсадга мувофиқлигини аниқлайди.

25. Департамент 20 июнгача бўлган муддатда келгуси йил учун суғориладиган ерларнинг мелиоратив ҳолатини яхшилаш бўйича Ўзбекистон Республикаси Қишлоқ ва сув хўжалиги вазирлигининг таклифларини, Иқтисодиёт вазирлиги, Молия вазирлиги, Инвестициялар бўйича давлат қўмитаси, «Ўзмелиомашлизинг» ДУКнинг хулосаларини ўрганади ва умумлаштирилган таклифлар тайёрлайди»;

26-банд қуйидаги таҳрирда баён этилсин:

«26. Департамент:

Ўзбекистон Республикаси Молия вазирлиги билан келишган ҳолда Иқтисодиёт вазирлигига — келгуси йил ва кейинги йиллар учун Инвестиция дастурини шакллантириш мақсадида мелиорация объектларини қуриш ва реконструкция қилиш лойиҳаларининг манзилли дастури бўйича таклифлар киритади;

Жамғарма Кенгашига — 1 июлгача бўлган муддатда келгуси йил учун умумлаштирилган таклифлар киритади»;

29-банддаги «мелиоратив техникани» сўзи «мелиоратив ва бошқа техника, машиналар, ускуналар ва бошқа механизация воситаларини» сўзлари билан алмаштирилсин;

30-банднинг учинчи хатбошидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

31-бандда:

учинчи хатбошидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

тўртинчи хатбоши қуйидаги таҳрирда баён этилсин:

«Лойиҳа-қидирув ҳужжатларини ишлаб чиқиш бўйича топшириқлар Қорақалпоғистон Республикаси Вазирлар Кенгаши, вилоятлар ва туманлар ҳокимликларининг мутасадди раҳбарлари, ҳавза бошқармалари, насос станциялари ва энергетика бошқармалари, «Ергеодезкадастр» давлат қўмитаси, зарур бўлганда — Табиатни муҳофаза қилиш давлат қўмитаси ҳудудий органларининг раҳбарлари билан келишилади»;

37-банднинг учинчи ва бешинчи хатбошиларидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

55-банддаги «Ўзбекистон Республикаси Молия вазирининг буйруғи билан» сўзлари «Жамғарма Кенгаши томонидан» сўзлари билан алмаштирилсин;

в) Низомга илова қуйидаги таҳрирда баён этилсин:

1. 1 майгача мелиорация объектларининг техник ҳолатини ва суғориладиган ерларнинг мелиоратив ҳолатини ўрганиш, ерларнинг мелиоратив ҳолатини яхшилаш таклифларини таҳлил қилиш, умумлаштириш ва ишлаб чиқиш, муҳокама қилиш, шунингдек, туманлар ҳокимлари билан келишиш.

2. Суғориладиган ерларнинг мелиоратив ҳолатини яхшилаш таклифларини умумлаштириш ва 15 майгача бўлган муддатда «Сувқурилишинвест» ДУК ва мелиоратив экспедицияга тақдим этиш.

3. Ишчи гуруҳлар таклифларини таҳлил қилиш ва умумлаштириш, келгуси йил учун ҳудудий манзилли дастурни шакллантириш ва ҳавза бошқармаси сув хўжалиги кенгаши аъзолари ва бошқа манфаатдор ташкилотлар иштирокида туманлар ҳокимлари (вилоят ҳокими, Қорақалпоғистон Республикаси Вазирлар Кенгаши Раиси) ҳузурида унинг тақдимотини ўтказиш.

4. 25 майгача бўлган муддатда ҳудудий манзилли дастурларни Қишлоқ ва сув хўжалиги вазирлигига кўриб чиқиш учун тақдим этиш.

5. 1 июнгача бўлган муддатда ҳудудий манзилли дастурларни таҳлил қилиш, экспертизадан ўтказиш ва умумлаштириш, Қишлоқ ва сув хўжалиги вазирлигининг ТИТК мажлисида муҳокама қилиш.

6. 5 июнгача бўлган муддатда келгуси йил учун суғориладиган ерларнинг мелиоратив ҳолатини яхшилаш таклифларини кўриб чиқиш учун киритиш.

7. Кўриб чиқиш ва 15 июнгача бўлган муддатда хулосалар бериш.

8. Суғориладиган ерларнинг мелиоратив ҳолатини яхшилаш таклифлари ва хулосаларини таҳлил қилиш ҳамда 1 июлгача бўлган муддатда Жамғарма Кенгашига тақдим этиш.

9. Келгуси йил учун манзилли дастурни муҳокама қилиш ва тасдиқлаш ҳамда амалга ошириш учун йўналтириш.

10. Тасдиқланган манзилли дастурга киритилган лойиҳани амалга ошириш».

г) 2-иловада:

номидаги, 1 ва 2-бандлардаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

8-банднинг тўртинчи хатбоши қуйидаги таҳрирда баён этилсин:

«мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг мелиоратив ва бошқа техника, машиналар, ускуналар ва бошқа механизация воситалари паркини мустаҳкамлашни қайтариш, шу жумладан узоқ муддатли имтиёзли лизинг шартлари асосида молиялаштириш тадбирлари»;

9-бандда:

биринчи хатбошидаги «мелиорация техникаси, машиналари ва бошқа механизациялаш воситалари» сўзлари «мелиоратив ва бошқа техника, машиналар, ускуналар ва бошқа механизация воситалари» сўзлари билан алмаштирилсин;

иккинчи хатбошидаги «Ўзбекистон Республикаси Қишлоқ ва сув хўжалиги вазирлигининг Қурилаётган корхоналар бирлашган дирекциялари (кейинги ўринларда ҚКБД деб аталади)» сўзлари «Ўзбекистон Республикаси Қишлоқ ва сув хўжалиги вазирлигининг «Сувқурилишинвест» ДУК (кейинги ўринларда «Сувқурилишинвест» ДУК деб аталади) сўзлари билан алмаштирилсин»;

9²-бандда:

биринчи ва иккинчи хатбошилар қуйидаги таҳрирда баён этилсин:

«Қуриш ва реконструкция қилиш лойиҳаларининг манзилли рўйхатлари Департамент томонидан тайёрланади ҳамда Ўзбекистон Республикаси Иқтисодиёт вазирлиги, Молия вазирлиги ва Қишлоқ ва сув хўжалиги вазирлиги билан келишган ҳолда тасдиқланади.

Магистрал коллекторларни таъмирлаш ва тиклаш лойиҳаларининг манзилли рўйхатлари Департамент томонидан тайёрланади ҳамда Ўзбекистон Республикаси Молия вазирлиги ва Қишлоқ ва сув хўжалиги вазирлиги билан келишган ҳолда тасдиқланади»;

учинчи хатбошидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

16-банднинг биринчи хатбошидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

17-банднинг биринчи хатбоши қуйидаги таҳрирда баён этилсин:

«Жамғарма «Ўзмелиомашлизинг» давлат унитар корхонасига (кейинги ўринларда «Ўзмелиомашлизинг» ДУК деб аталади) мелиорация ва бошқа сув хўжалиги ишларини бажаришга ихтисослаштирилган қурилиш ташкилотлари, сув хўжалиги эксплуатация ташкилотлари, сув истеъмолчилари уюшмалари ва фермер хўжаликлари, шунингдек, бошқа ташкилотларнинг мелиорация техникаси паркини мустаҳкамлаш мақсадида мелиорация техникасини харид қилиш учун қарз маблағларини қайтариш ҳамда тўлаш шарти билан ажратади»;

18³-банднинг иккинчи хатбоши қуйидаги таҳрирда баён этилсин:

«Ўзмелиомашлизинг» ДУК учун мелиоратив ва бошқа техника, машиналар, ускуналар ва бошқа механизация воситаларини харид қилиш бўйича Жамғарма томонидан молиялаштириладиган харажатларни ўтказиш ва ҳисобга олиш учун талаб қилиб олинадиган алоҳида махсус иккиламчи депозит ҳисоб рақами очилади»;

18⁴-банддаги «Ўзмелиомашлизинг» компанияси» сўзлари «Ўзмелиомашлизинг» ДУК» сўзлари билан алмаштирилсин;

18⁵-банддаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

19-банднинг иккинчи хатбошидаги «Ўзбекистон Республикаси Молия вазири» сўзлари «Жамғарма Кенгаши» сўзлари билан алмаштирилсин;

27-банддаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

29-бандда:

иккинчи хатбошидаги «ҚКБД» қисқартма сўз «Сувқурилишинвест» ДУК» сўзлари билан алмаштирилсин;

учинчи хатбоши қуйидаги таҳрирда баён этилсин:

«Ўзмелиомашлизинг» ДУК — мелиоратив ва бошқа техника, машиналар, ускуналар ва бошқа механизация воситаларини харид қилишнинг»;

31-банддаги «ҚКБД» қисқартма сўз ва «Ўзмелиомашлизинг» компанияси сўзлари «Сувқурилишинвест» ДУК» ва «Ўзмелиомашлизинг» ДУК» сўзлари билан алмаштирилсин;

35-банддан «ҳужжатли текширишлар ва тафтишлар йўли билан» сўзлари чиқариб ташлансин;

37-банд қуйидаги таҳрирда баён этилсин:

«37. Департамент Жамғарма маблағларидан мақсадли фойдаланиш мониторингини амалга оширишда қуйидаги ҳуқуқларга эга:

Жамғарма маблағлари ҳисобидан молиялаштириладиган ва лойиҳа-смета ҳужжатларидан четга чиққан ҳолда амалга ошириладиган ёки Жамғарма маблағларидан мақсадсиз фойдаланилаётгани аниқланган ҳар қандай ишларни тўхтатиш;

мелиорация объектларида қуриш, реконструкция қилиш, таъмирлаш ва тиклаш бўйича бажарилган, шунингдек, лойиҳа-қидирув ва илмий-тадқиқот ишларини техник назорат қилиш ва назорат ўлчовидан ўтказиш;

бухгалтерия баланси ва ҳисоботларини, мелиорация объектларини қуриш, реконструкция қилиш, таъмирлаш ва тиклаш харажатларини, шу жумладан мелиорация объектларидаги авария-тиклаш ишлари ва олдиндан кўриш мумкин бўлмаган ишларга харажатлар бўйича материаллар ва ҳисоботларни олиш;

ҳудудий ғазначилик бошқармаларидан ва банклардан пудрат қурилиш ташкилотлари бўйича махсус банк ҳисобрақамларидаги маблағларнинг ҳаракати тўғрисида маълумотлар олиш;

«Сувқурилишинвест» ДУК ва пудрат ташкилотларидан объектлар билан боғлиқ ҳужжатлар нусхалари ва маълумотлар олиш, шунингдек, раҳбарларга аниқланган молиявий ҳуқуқбузарликларни бартараф этиш тўғрисида бажарилиши мажбурий бўлган кўрсатмалар бериш;

ажратилган маблағлардан мақсадли фойдаланилмагани ва бошқа молиявий ҳуқуқбузарликлар аниқланганда, материалларни ҳуқуқни муҳофаза қилиш органларига топшириш;

маблағларнинг ноқонуний сарфлангани ёки илгари берилган маблағлар сарфланиши бўйича ҳисоботлар ва бошқа ҳисоботлар тақдим этилмагани учун пудрат қурилиш ташкилотларини молиялаштиришни тўхтатиб қўйиш ва қонун ҳужжатлари билан белгиланган бошқа таъсир кўрсатиш чораларини қўллаш;»

38-банд ўз кучини йўқотган деб ҳисоблансин.

2. Вазирлар Маҳкамасининг «Томчилатиб суғориш тизимини ва сувни тежайдиган бошқа суғориш технологияларини жорий этиш ва молиялаштиришни самарали ташкил этиш чора-тадбирлари тўғрисида» 2013 йил 21 июндаги 176-сон қарорида (Ўзбекистон Республикаси ҚТ, 2013 й., 6-сон, 41-модда):

а) 1-банднинг учинчи хатбошидаги «2013-2014 йиллар» ва «Молия вазирлиги» сўзлари «2013 — 2022 йиллар» ва «Вазирлар Маҳкамаси» сўзлари билан алмаштирилсин;

2-банднинг олтинчи хатбошидаги «Молия вазирлиги» ва «давлат унитар корхоналари» «Вазирлар Маҳкамаси ҳамда «пудратчи ташкилотлар» сўзлари билан алмаштирилсин;

4-банддаги «Ўзбекнефтегаз» миллий холдинг компанияси» сўзлари «Ўзбекнефтегаз» акциядорлик жамияти» сўзлари билан алмаштирилсин;

5-банднинг учинчи хатбошидаги «давлат унитар корхоналари» сўзлари «пудратчи ташкилотлар» сўзлари билан алмаштирилсин;

7-бандда:

учинчи хатбошидаги «Ўзбекистон Республикаси Президентининг «2013 — 2017 йиллар даврида суғориладиган ерларнинг мелиоратив ҳолатини янада яхшилаш ва сув ресурсларидан оқилона фойдаланиш чора-тадбирлари тўғрисида» 2013 йил 19 апрелдаги ПҚ-1958-сон қарори» сўзлари чиқариб ташлансин;

тўртинчи хатбошидаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

б) 1-иловада:

9-бандда:

олтинчи хатбошидаги «Фермерлар кенгаши» сўзлари «Фермер, деҳқон хўжаликлари ва томорқа ер эгалари кенгашлари» сўзлари билан алмаштирилсин;

саккизинчи хатбоши қуйидаги таҳрирда баён этилсин:

«мелиоратив экспедиция, шунингдек, ирригация тизимлари ҳавза бошқармалари ҳузуридаги насос станциялари ва энергетика бошқармаси бошлиғи»;

10-банднинг тўртинчи ва бешинчи хатбошилари қуйидаги таҳрирда баён этилсин:

«туман қишлоқ ва сув хўжалиги бўлими бошлиғи — туман ҳокими ўринбосари;

«туман Фермер, деҳқон хўжаликлари ва томорқа ер эгалари кенгаши раиси»;

19 ва 20-бандлар қуйидаги таҳрирда баён этилсин:

«19. Ўзбекистон Республикаси Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармаси (кейинги ўринларда Жамғарма деб аталади) ҳар йили 15 июнгача Идоралараро комиссияга келгуси йилда томчилатиб суғориш тизимини жорий этиш лойиҳаларини молиялаштириш учун ажратиладиган Жамғарма кредит линияси маблағларининг дастлабки ҳисоб-китоб ҳажмини тақдим этади.

20. Жамғарма ҳар йили 25 июнгача тижорат банкларига келгуси йилда томчилатиб суғориш тизимини жорий этиш лойиҳаларини молиялаштириш учун ажратиладиган Жамғарма кредит линияси маблағларининг дастлабки лимити тўғрисидаги ахборотни тақдим этади»;

21-банд қуйидаги мазмундаги хатбоши қўшилсин:

«Идоралараро комиссия йил давомида Қорақалпоғистон Республикаси Вазирлар Кенгаши, вилоятлар ва туманлар ҳокимликларининг Ўзбекистон Республикаси Қишлоқ ва сув хўжалиги вазирлиги ирригация тизимлари ҳавза бошқармалари билан келишилган таклифлари асосида Давлат дастурларига ўзгартиришлар киритиш ҳуқуқига эга. Бунда тақдим этилган таклифлар Идоралараро комиссия томонидан ўн кун ичида кўриб чиқилади»;

22-банд қуйидаги таҳрирда баён этилсин:

«22. Идоралараро комиссиянинг Давлат дастури лойиҳасини маъқуллаш, Давлат дастурига қўшимчалар ва ўзгартиришлар киритиш ҳақидаги қарорлари Идоралараро комиссиянинг барча аъзолари билан келишилган баённома билан расмийлаштирилади»;

23-банднинг биринчи хатбошидаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

25-банд қуйидаги таҳрирда баён этилсин:

«25. Ҳудудий ва туман ишчи гуруҳлари талабгорлар мурожаатлари асосида уларга томчилатиб суғориш тизимларининг лойиҳа-смета ҳужжатларини тайёрлайдиган ва пудрат ишларини бажарадиган ташкилотларни жалб қилишда амалий ёрдам кўрсатади»;

26-банднинг иккинчи хатбошидан «Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармасининг (кейинги ўринларда Жамғарма деб аталади)» сўзлари чиқариб ташлансин;

28 ва 29-бандлар қуйидаги таҳрирда баён этилсин:

«28. Томчилатиб суғориш тизимини жорий қилиш учун ажратилган маблағлардан самарали ва мақсадли фойдаланиш молиялаштирадиган тижорат банклари томонидан назорат қилинади.

29. Томчилатиб суғориш тизимини жорий қилиш бўйича тугалланган лойиҳа белгиланган тартибда уч нусхада тузилган қабул қилиш ҳужжати банк, томчилатиб суғориш тизимини қурган пудрат ташкилоти ва қишлоқ хўжалиги товарлари ишлаб чиқарувчининг ваколатли вакили томонидан имзолангандан сўнг фойдаланишга қабул қилинади»;

в) 2-иловада:

номидаги «2013-2014 йиллар» ва «Молия вазирлиги» сўзлари «2013 — 2022 йиллар» ва «Вазирлар Маҳкамаси» сўзлари билан алмаштирилсин;

1-банддаги «Молия вазирлиги» сўзлари «Вазирлар Маҳкамаси» сўзлари билан алмаштирилсин;

11-банд қуйидаги таҳрирда баён этилсин:

«11. Жамғарма ва банк ўртасида ҳар чоракда Жамғарма кредит линияси маблағларидан фойдаланиш бўйича ўзаро таққослаш далолатномаси тузилади»;

14-банднинг иккинчи хатбоши қуйидаги таҳрирда баён этилсин:

«Қишлоқ хўжалиги товар ишлаб чиқарувчиларига кредитлар Жамғарма кредит линияси маблағлари ҳисобидан фақат Давлат дастурига киритилган лойиҳаларни молиялаштириш учун берилади»;

19-банднинг бешинчи хатбошидан «дебиторлик ва кредиторлик қарзлари тўғрисидаги маълумотнома (2а-шакл)» чиқариб ташлансин;

24-банднинг иккинчи хатбоши чиқариб ташлансин.

1. Вазирлар Маҳкамасининг «Ўзмелиомашлизинг» давлат лизинг компаниясини ташкил этиш тўғрисида» 2007 йил 21 декабрдаги 266-сон қарорининг (Ўзбекистон Республикаси ҚТ, 2007 й., 12-сон, 73-модда) 2 — 8-бандлари ва 10-банди.

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Қишлоқ қурилиш банк» акциядорлик тижорат банкини ташкил этиш тўғрисида» 2009 йил 30 мартдаги ПҚ-1083-сон ва «Агробанк» акциядорлик тижорат банкини ташкил этиш тўғрисида» 2009 йил 30 мартдаги ПҚ-1084-сон қарорлари)» 2009 йил 20 майдаги 142-сон қарорига (Ўзбекистон Республикаси ҚТ, 2009 й., 5-сон, 37-модда) 1-илованинг 23-банди.

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида («Қишлоқ ва сув хўжалигида иқтисодий ислоҳотлар чуқурлаштирилганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Ўзбекистон Республикасининг 2009 йил 25 декабрдаги ЎРҚ-240-сон Қонуни)» 2011 йил 18 февралдаги 40-сон қарорига (Ўзбекистон Республикаси ҚТ, 2011 й., 2-сон, 12-модда) илованинг 7-банди.

4. Вазирлар Маҳкамасининг «Ўзмелиомашлизинг» давлат лизинг компанияси тузилмасини ва фаолиятини янада такомиллаштириш тўғрисида» 2012 йил 11 июлдаги 209-сон қарори (Ўзбекистон Республикаси ҚТ, 2012 й., 7-сон, 52-модда).

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ўзбекистон Республикаси Президентининг «Ерларнинг мелиоратив ҳолатини яхшилаш тизимини тубдан такомиллаштириш чора-тадбирлари тўғрисида» 2007 йил 29 октябрдаги ПФ-3932-сонли Фармонига қўшимча ва ўзгартишлар киритиш тўғрисида» 2013 йил 19 апрелдаги ПФ-4533-сон Фармони ва Ўзбекистон Республикаси Президентининг «2013 — 2017 йиллар даврида суғориладиган ерларнинг мелиоратив ҳолатини янада яхшилаш ва сув ресурсларидан оқилона фойдаланиш чора-тадбирлари тўғрисида» 2013 йил 19 апрелдаги ПҚ-1958-сон қарори)» 2013 йил 28 июндаги 185-сон қарорига (Ўзбекистон Республикаси ҚТ, 2013 й., 6-сон, 43-модда) илованинг 1-банди, 2-банд «б» кичик бандининг саксон тўққизинчи хатбоши ва 3-банди.

6. Вазирлар Маҳкамасининг 2008 йил 5 февралдаги 54-ф-сон фармойиши.