Ҳужжат 03.11.2021 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Ер ости сувларидан фойдаланиш соҳасидаги фаолиятни янада тартибга солиш чора-тадбирлари тўғрисида
Ўзбекистон Республикаси Президентининг «2017 — 2021 йилларда ер ости сувлари захираларидан самарали фойдаланилишини назорат қилиш ва уларни ҳисобга олишни тартибга солиш чора-тадбирлари тўғрисида» 2017 йил 4 майдаги ПҚ-2954-сон қарорини бажариш юзасидан Вазирлар Маҳкамаси қарор қилади:
1. Қуйидагилар тасдиқлансин ва 2017 йил 1 июлдан бошлаб амалга киритилсин:
Олдинги таҳрирга қаранг.
(1-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 14 августдаги 672-сонли қарорига асосан чиқарилган — Қонун ҳужжатлари маълумотлари миллий базаси, 15.08.2019 й., 09/19/672/3568-сон)
Ер ости сувларининг давлат мониторинги тўғрисидаги Низом 2-иловага мувофиқ.
2. Ўзбекистон Республикаси Давлат геология ва минерал ресурслар қўмитаси ҳамда Ўзбекистон Республикаси Экология ва атроф муҳитни муҳофаза қилиш давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳри, туманлар (шаҳарлар) ҳокимликлари билан биргаликда ушбу қарор билан белгиланган тартибга мувофиқ 2018 йил 31 декабргача бўлган муддатда қуйидагиларни таъминласинлар:
рухсатнома олинмай, бироқ техник талабларга риоя қилган ҳолда бурғуланган фойдаланиш қудуқларини белгиланган тартибда сувдан махсус фойдаланишга рухсатномани расмийлаштирган ҳолда ҳисобга олиш;
рухсатнома олинмай ҳамда техник талабларга риоя қилинмай бурғуланган фойдаланиш қудуқларини, кейинчалик Ўзбекистон Республикаси Уй-жой коммунал хизмат кўрсатиш вазирлигига муқобил сув манбаларига сувдан фойдаланувчиларни улаш бўйича таклифлар киритган ҳолда тугатиш.
3. Ўзбекистон Республикаси Давлат геология ва минерал ресурслар қўмитасини, мулкчилик шаклларидан қатъи назар, якка ва гуруҳли тартибда сув олиш иншоотларини гидрогеологик текширишларни амалга ошириш учун ва ер ости сувларидан белгиланган тартибда самарали фойдаланишни назорат қилиш ва ҳисобга олиш бўйича ваколатли орган этиб белгилансин.
Олдинги таҳрирга қаранг.
31. 2024 йил 1 январдан бошлаб сув сарфини ўлчаш ускуналари билан жиҳозланмаган ер ости сув олиш иншоотларидан фойдаланиш тақиқланиши (жисмоний шахсларга шахсий ва хўжалик эҳтиёжлари учун якка тартибда суткасига 5 куб метргача бўлган миқдорда ер ости сувларини олиш бундан мустасно) белгилаб қўйилсин.
(31-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарорига асосан киритилган)
4. Вазирлар Маҳкамасининг «Сувга қудуқларни бурғулаш учун рухсатнома бериш тартиби тўғрисидаги Низомни тасдиқлаш ҳақида» 2014 йил 4 августдаги 214-сон қарори (Ўзбекистон Республикаси ҚТ, 2014 й., 8-сон, 78-модда) ўз кучини йўқотган деб ҳисоблансин.
5. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
6. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 27 июнь,
430-сон
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2019 йил 14 августдаги 672-сонли қарорига асосан ўз кучини йўқотган — Қонун ҳужжатлари маълумотлари миллий базаси, 15.08.2019 й., 09/19/672/3568-сон)
Вазирлар Маҳкамасининг 2017 йил 27 июндаги 430-сон қарорига
2-ИЛОВА
Ер ости сувлари давлат мониторинги тўғрисида
НИЗОМ
1-боб. Умумий қоидалар
1. Ушбу Низом Ўзбекистон Республикаси ҳудудида ер ости сувлари давлат мониторингининг мақсади, асосий вазифалари, объектлари ва юритиш тартибини белгилайди.
2. Ер ости сувлари давлат мониторинги (кейинги ўринларда давлат мониторинги деб аталади) табиий муҳит ва ер қаъри мониторингининг таркибий қисми ҳисобланади.
3. Ер ости сувлари уларнинг мақсади ва фойдаланиш характери ва сифатидан қатъи назар, Давлат мониторинги объектлари ҳисобланади.
Олдинги таҳрирга қаранг.
4. Давлат мониторинги куйидаги тизимлардан иборат бўлади:
ер ости сувлари (шу жумладан, минерал, термал ва саноат аҳамиятига молик сувлар) ҳолатини мунтазам кузатиш;
ер ости сув ресурслари ва захиралари, уларнинг сув истеъмолчилари томонидан фойдаланилиши ҳамда сув олиш иншоотлари (ер ости сувини олишда фойдаланиладиган эксплуатацион бурғилаш қудуқлари, булоқлар, қудуқлар ва бошқа иншоотлар) ҳисоби;
ер ости сувлари миқдори ва сифати кўрсаткичларини баҳолаш ва ўзгаришини прогнозлаштириш.
(4-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарорига асосан биринчи — тўртинчи хатбошилар билан алмаштирилган)
Давлат мониторинги маълумотларидан давлат ҳисоботлари ва расмий нашрларда, белгиланган тартибда идоралараро ва халқаро даражада маълумот алмашиш ҳамда объектларни қуриш ва лойиҳалаштириш, ер ости сувлари муҳофазаси ва фойдаланиш ҳисоби ва давлат сув кадастрини юритишда фойдаланилади.
5. Давлат мониторингини юритиш Ўзбекистон Республикасида табиий муҳит мониторинги Дастури ва ҳар йилги республика минерал-хом ашё базасини ривожлантириш ва қайта тўлдириш давлат дастурлари доирасида амалга оширилади.
Ер ости мониторинги муайян вазифаларидан келиб чиқилган ҳолда давлат ва ишлаб чиқариш даражасида амалга оширилади.
2-боб. Давлат мониторингининг мақсади ва асосий вазифалари
6. Давлат мониторингининг асосий мақсади ер ости сувлари ҳолати миқдори ва сифат ўзгаришини ўз вақтида аниқлаш, уларни баҳолаш ва прогноз қилиш, салбий ҳодисалар ва улар оқибатининг олдини олиш учун таклифлар ишлаб чиқиш ва огоҳлантиришдан иборат.
7. Қуйидагилар Давлат мониторингининг асосий вазифалари ҳисобланади:
ер ости сувлари ҳолатини доимий кузатишни амалга ошириш ва ташкиллаштириш;
олинган маълумотларни йиғиш, қайта ишлаш, сақлаш ва таҳлил қилиш;
Олдинги таҳрирга қаранг.
ер ости сув ресурслари, захиралари ва улардан фойдаланишнинг давлат ҳисобини юритиш;
(7-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
ер ости сувлари захираси ва ресурсларига техноген таъсир даражаси ва хусусиятларини аниқлаш;
ер ости сувларининг камайиб кетиши ва ифлосланиш даражасини баҳолаш;
ер ости сувларининг гидрокимёвий ва гидродинамик таркиби ўзгаришини баҳолаш;
қисқа ва узоқ муддатли даврлар учун ер ости сувлари ҳолати ўзгаришини баҳолашни ишлаб чиқиш;
давлат идора ва ташкилотларини ер ости сувларининг ҳолати тўғрисидаги маълумотлар билан таъминлаш.
8. Давлат мониторинги ер ости сувлари ҳолати, сифат ва миқдор кўрсаткичлари ва прогнози ўзгаришини баҳолаш учун белгиланган бўлиб, шу жумладан ер ости сувлари конларидан фойдаланилаётган, ер ости сувлари захираси ва ресурслари прогнози ҳамда улардан фойдаланилишини ҳисобга олиш, давлат сув кадастрининг ер ости суви бўлимига қўшиш учун маълумотларни тайёрлашга мўлжалланган.
3-боб. Давлат мониторинги объектлари
9. Давлат мониторинги объектлари қуйидагиларга бўлинади:
чучук ва кам шўрланган сувлар;
минерал, термал ва саноат ишлаб чиқариши ер ости сувлари;
ернинг гидродеформацион майдони.
Олдинги таҳрирга қаранг.
10. Чучук ва кам шўрланган ер ости сувлари давлат мониторинги гидродинамик ва гидрокимёвий кўрсаткичларнинг ўзгариши ва ҳолатини кузатиш ахборот-ўлчаш, ер ости сувлари ва улардан фойдаланиш ҳисоби ҳамда уларни сув кадастри талабларига мувофиқ баҳолаш тизимларидан иборат.
(10-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
11. Ер ости сувларининг минерал, термал ва саноат ишлаб чиқаришидаги давлат мониторинги гидродинамик ва гидрокимёвий таркибнинг ўзгариши ва ҳолатини кузатиш ахборот-ўлчаш тизими билан бирга ишлаб чиқаришда ва бирга учрайдиган нодир компонентларни ажратиб олиш мумкинлигини баҳолашдан иборат.
12. Ернинг гидродеформацион майдони давлат мониторинги ер ости сувларининг гидродинамик тартиби ўзгариши ва ҳолатини кузатиш ахборот-ўлчаш тизими, яъни ер қобиғидаги чуқурликдаги сейсмотектоник активликларни кузатишдан иборат.
4-боб. Давлат мониторингини олиб бориш тартиби
13. Давлат мониторинги республика (республиканинг бутун ҳудудини қамраб олади) ва маҳаллий даражаларда (физик-географик, маъмурий ва бошқалар билан чекланган ҳудудни қамраб олади) олиб борилади.
Давлат мониторинги Ўзбекистон Республикаси Давлат бюджети ҳисобига Ўзбекистон Республикаси Давлат геология ва минерал ресурслар қўмитасининг (кейинги ўринларда Давлат геология қўмитаси деб аталади) ҳудудий гидргеология станциялари томонидан амалга оширилади.
14. Ишлаб чиқариш (маҳаллий) мониторинги ер ости сувларига техноген таъсир кўрсатувчи алоҳида участкалар ҳудудида жойлашган бир қанча қудуқларни ёки якка қудуқларни ўз ичига олади.
Ишлаб чиқариш (маҳаллий) ер ости сувлари мониторинги юридик ва жисмоний шахсларнинг ўз маблағлари ҳисобидан амалга оширилади.
15. Давлат мониторинги мазкур Низомнинг 1-иловасидаги схемага мувофиқ амалга оширилади.
Олдинги таҳрирга қаранг.
Давлат мониторинги кузатув пунктларида ер ости сувлари ҳолатини доимий ўлчаш ҳамда ер ости сувлари ва улардан фойдаланиш бўйича ахборотлар йиғиш йўли билан амалга оширилади.
(15-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
16. Давлат мониторинги кузатув пунктлари тармоқлари гидрометрик постлар, қудуқлар, булоқлар, якка ва гуруҳли бурғуланган қудуқлардан ташкил топган бўлиб, уларда ер ости сувларининг гидродинамик ва гидрокимёвий кўрсаткичларининг ўзгариши юзасидан тизимли кузатув олиб борилади.
Кузатув пунктларини жойлаштириш ва танлаш мезонлари ер ости сувлари мониторингини юритиш методикаси асосида Давлат геология қўмитаси томонидан белгиланади.
Барча кузатув пунктлари баландлик ва пландаги жойлашишига кўра топографик ўлчовлар натижасида боғланган бўлиши керак.
17. Кузатув қудуқларини барпо этиш учун Давлат геология қўмитасининг сўровига биноан маҳаллий давлат ҳокимияти органлари томонидан уларни созлаш ва таъмирлаш учун катта габаритли техникалар киришини инобатга олган ҳолда тегишли ер участкалари ажратилади.
Кейинги таҳрирга қаранг.
Олдинги таҳрирга қаранг.
171. Ер ости сувлари ва улардан фойдаланиш ҳисоби қуйидагилардан иборат:
ер ости сув ресурслари ва захиралари ҳисоби;
ер ости сувидан фойдаланувчи сув истеъмолчилари (шу жумладан, сув олиш иншоотлари) ҳисоби;
олинаётган ер ости сувлари ҳажми ҳисоби;
ер ости сувларининг ҳосил бўлиши ва сарфланиши билан боғлиқ омиллар бўйича маълумотлар йиғиш;
давлат сув кадастри (ер ости сувлари қисми бўйича) маълумотлар базасини юритиш.
172. Ер ости сувларидан фойдаланувчи барча сув истеъмолчилари ва сув олиш иншоотлари Давлат геология қўмитасининг тегишли ҳудудий гидрогеология станцияларида қайд этилиши ва ҳисобга олиниши зарур.
Гидрогеология станциялари манзиллари ва алоқа қилинадиган рақамлари Давлат геология қўмитасининг расмий веб-сайтида жойлаштирилади.
173. Мавжуд сув олиш иншоотларини бошқа сув истеъмолчисига вақтинча ёки доимий фойдаланишга ўтказиш, консервацияга қўйиш ва ундан чиқариш ҳамда тугатиш ишлари ҳудудий гидрогеология станциялари билан келишган ҳолда ер ости сув ҳисобига тегишли ўзгартиришлар киритиш мақсадида далолатнома тузиш орқали амалга оширилади.
174. Фойдаланилмаётган хўжасиз сув олиш иншоотлари кейинчалик мақсадли фойдаланилиши учун сув истеъмолчиларига бириктириб берилади. Сув истеъмолчилари бўлмаган тақдирда, сув олиш иншоотлари Давлат геология қўмитасининг гидрогеологик ташкилотлари томонидан Давлат бюджети маблағи ҳисобидан тугатилади ёки консервацияга қўйилади.
Умумий фойдаланишда бўлган хўжасиз сув олиш иншоотлари ҳудудий гидрогеология станциялари томонидан маҳаллий давлат ҳокимияти органлари вакиллари иштирокида тегишли далолатнома расмийлаштирилган ҳолда маълум шахсга бириктириб берилади.
Кейинги таҳрирга қаранг.
175. Ер ости сув олиш ҳисоби ҳудудий гидрогеология станциялари томонидан сув истеъмолчиларининг 3-иловага мувофиқ шаклдаги ер ости сувларидан фойдаланиш бўйича идоравий статистик ахборотларини хамда сув олиш иншоотларини кузатувдан ўтказиш натижаларини йиғиш орқали амалга оширилади.
176. Ер ости сувларининг ҳосил бўлиши ва сарфланиши билан боғлиқ омиллар бўйича ахборотлар ҳудудий гидрогеология станциялари томонидан фаолияти сув ресурслари мониторинги, кадастри, фойдаланилиши ва муҳофаза қилиниши билан боғлиқ бўлган ташкилотларнинг ҳамда табиий иқлим кузатуви маълумотларини йиғиш орқали амалга оширилади.
Ер ости сувлари давлат мониторинги доирасида сўралаётган маълумотлар бепул тақдим этилади.
(171-176-бандлар Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарорига асосан киритилган)
18. Давлат мониторинги объектларидан олинган бирламчи маълумотлар ҳудудий гидрогеология станциялари томонидан қайта ишланиши, изоҳланиши ва таҳлил қилиниши лозим.
Олдинги таҳрирга қаранг.
Ишлаб чиқариш мониторингидан олинган бирламчи маълумотлар (шу жумладан, 3-иловага мувофиқ шаклдаги идоравий статистик ахборот) ҳар йили ҳисобот йилидан кейинги йилнинг 15 февралига қадар сув истеъмолчилари томонидан Давлат геология қўмитасининг тегишли ҳудудий гидрогеология станцияларига қоғоз ёки электрон шаклда қайта ишлаш, изоҳлаш ва таҳлил қилиш учун тақдим этилиши лозим.
(18-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Олдинги таҳрирга қаранг.
Тегишли ҳудудлар бўйича ер ости сув мониторингининг умумлаштирилган маълумотлари ҳар чоракда, ҳисобот чорагидан кейинги ойнинг 5-кунига қадар ҳудудий гидрогеология станциялари томонидан Давлат геология қўмитасининг ер ости сув мониторинги ва кадастри марказига тақдим этилади.
(18-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Олдинги таҳрирга қаранг.
19. Ҳудудий гидрогеология станциялари томонидан ер ости сувлари кадастри ва мониторинги марказига тақдим этилган маълумотлар:
(19-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
республика бўйича ер ости сувларининг гидрокимёвий ва гидродинамик ўзгариши ҳолати бўйича ахборот ҳужжатлари тайёрланади ва умумлаштирилади;
Олдинги таҳрирга қаранг.
давлат кадастри маълумотлар базасига киритилади ва белгиланган тартибда, тегишлилиги бўйича Уй-жой коммунал хизмат кўрсатиш вазирлигига, Экология ва атроф муҳитни муҳофаза қилиш давлат қўмитасига, Давлат солиқ қўмитасига ҳамда Давлат геология қўмитаси томонидан Ўзбекистон Республикаси Вазирлар Маҳкамасига, Фавқулодда вазиятлар вазирлигига ва маҳаллий давлат ҳокимияти органларига тақдим этиш учун берилади.
(19-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Кейинги таҳрирга қаранг.
20. Ер ости сувлари ҳолати бўйича олинган маълумотларда рухсат этилган таркиблар ўзгариши ва ўта хавфлилиги аниқланганда, зудлик билан Давлат геология қўмитаси, Давлат экология қўмитаси ва Фавқулодда вазиятлар вазирлигига тегишли чоралар кўриш учун тақдим этилади.
5-боб. Давлат мониторингини олиб боришни ташкил этиш
21. Давлат мониторингини олиб бориш Давлат геология қўмитаси томонидан тасдиқланадиган ҳудудий гидрогеология станциялари лойиҳалари доирасида амалга оширилади.
Давлат мониторингини олиб бориш бўйича керакли ҳужжатлар, тегишли ҳудудий гидрогеология станциялари томонидан белгиланган тартибда ҳисобга олиниши ва сақланиши лозим.
Олдинги таҳрирга қаранг.
22. Ҳудудий гидрогеология станцияси бошлиғи, етакчи гидрогеологи ҳамда Давлат геология қўмитасининг минтақавий гидрогеологик ташкилотлари бош геологлари ер ости сувлари мониторинги давлат инспекторлари ҳисобланади.
Ер ости сувлари мониторинги бош давлат инспектори ва унинг ўринбосари Давлат геология қўмитаси раиси томонидан лавозимга тайинланади ва озод этилади.
(22-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
23. Давлат инспектори кузатув пунктларидаги, шу жумладан юридик ва жисмоний шахслар раҳбарлигидаги ишлаб чиқариш (маҳаллий) мониторинги пунктларидаги ер ости сувлари ҳолатини доимий кузатиш ҳуқуқига эгадир.
Шу билан бирга, юридик ва жисмоний шахслар раҳбарлигидаги ишлаб чиқариш (маҳаллий) мониторинги кузатув пунктларида ер ости сувлари ҳолатини кузатиш учун олдиндан тегишли асослар билан уларни хабардор қилиши лозим.
24. Юридик ва жисмоний шахслар ер ости сувлари ҳолати бўйича мўлжалланаётган кузатиш тўғрисида хабарнома олганларидан сўнг, ишлаб чиқариш мониторингини олиб бориш бўйича маълумот билан бирга ер ости сувларидан фойдаланиш юзасидан тегишли ҳисоботлар нусхасини тақдим этган ҳолда кузатув пунктларини ўрганишга тўсқинлик кўрсатмасликлари талаб этилади.
Олдинги таҳрирга қаранг.
25. Ер ости сувларидан фойдаланиш ва ишлаб чиқариш мониторинги юридик ва жисмоний шахслар томонидан юритилиши ҳамда сувга қудуқ бурғилаш қоидалари бузилганлиги аниқланган тақдирда давлат инспекторлари томонидан камчиликларни бартараф этиш бўйича кўрсатма берилади, керакли чораларни амалга ошириш ва уларни бажариш муддатлари кўрсатилади.
(25-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Давлат инспекторлари томонидан кўрсатма нусхаси Давлат геология қўмитасига ҳисобга олиш ва назорат қилиш учун тақдим этилади.
Мазкур Низомнинг 2-иловасида кўрсатма бланкаси келтирилган. Кўрсатма бланкаси тартиб рақамига эга бўлиб, улар махсус дафтарда рўйхатга олиб борилади.
Олдинги таҳрирга қаранг.
26. Кўрсатмаларнинг белгиланган муддатларда бажарилмаслиги, ер ости сувларидан фойдаланиш шартлари бузилганлиги тўғрисидаги ҳужжатлар билан бирга тегишли давлат назорати ёки ҳуқуқни муҳофаза қилиш органларига тақдим этиш ҳамда юридик ва жисмоний шахсларни қонун доирасида жавобгарликка тортиш учун асос бўлади.
(26-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Олдинги таҳрирга қаранг.
27. Давлат инспекторлари ўз фаолияти доирасида Давлат геология қўмитасига жавоб берадилар, уларнинг бажараётган ишлари ҳисоботи тизимли равишда Давлат геология қўмитаси ва гидрогеологик корхоналари илмий техник кенгашининг йиғилишида кўриб чиқилади.
(27-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
6-боб. Якунловчи қоидалар
Олдинги таҳрирга қаранг.
(28-банд Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарорига асосан ўз кучини йўқотган)
29. Давлат инспекторлари ва ер ости сувларидан фойдаланувчи юридик ва жисмоний шахслар давлат ва ишлаб чиқариш мониторинги натижалари бўйича тақдим этилаётган маълумотларнинг ҳаққонийлиги юзасидан қонунчилик доирасида жавоб берадилар.
Ер ости сувлари давлат мониторинги тўғрисидаги низомга
1-ИЛОВА
Олдинги таҳрирга қаранг.
Ер ости сувлари давлат мониторингини амалга ошириш
СХЕМАСИ
(1-илова Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарори таҳририда)
Ер ости сувлари давлат мониторинги тўғрисидаги низомга
2-ИЛОВА

Ўзбекистон Республикаси Давлат герби тасвири

ЎЗБЕКИСТОН РЕСПУБЛИКАСИ ДАВЛАТ ГЕОЛОГИЯ ВА МИНЕРАЛ
РЕСУРСЛАР ҚЎМИТАСИ

__________________________ ГИДРОГЕОЛОГИЯ СТАНЦИЯСИ ____________________________________________________________________________________________

KOʼRSATMA № ____ ПРЕДПИСАНИЕ
20__ йил «____» ___________

Кимга берилган: ______________________________________________________

(Сувдан фойдаланувчи/ишлатувчининг номи, лавозими, Ф.И.О.)

Манзили: ___________________________________________________________________________________
____________________________________________________________________________________________
____________________________________________________________________________________________
Камчилик тури: _____________________________________________________________________________
____________________________________________________________________________________________
____________________________________________________________________________________________
____________________________________________________________________________________________
____________________________________________________________________________________________
____________________________________________________________________________________________Хавф солиши: _______________________________________________________________________________
____________________________________________________________________________________________
Белгиланди: _________________________________________________________________________________
____________________________________________________________________________________________
____________________________________________________________________________________________
____________________________________________________________________________________________
Берилган:
Ер ости сувлари мониторинги бўйича давлат инспектори

______________________________

__________

(Ф.И.О.)

(имзо)

____________________________________________________________________________________________

Ижрога қабул қилди:

_________________________________________________________

______________

(Кимга (идоравий мансублиги) лавозими, Ф.И.О.)

(имзо)
Маълумот учун: ___________________________________________________________
________________________________________________ тел. _____________________________
Олдинги таҳрирга қаранг.
Ер ости сувлари давлат мониторинги тўғрисидаги низомга
3-ИЛОВА

АХБОРОТ

Ер ости сувларидан фойдаланиш тўғрисида _____________________________________________________________________________________________________________________________________________________________________________________________

__________________________________________________________________________________________________________________________________________________________________________________________________________________________20_____йил учун

(Сув истеъмолчисининг исми на унинг идоравий мансублиги)

1. Сув истеъмолчисининг манзили ____________________________________________________________________________________________________________________________________________________________________________________________________,

телефон рақами _______________________________________________, СТИР _______________________________________.

2. Сув олиш иншоотлари тўғрисида маълумот

Т/р

Сув олиш иншооти номи (қудуқ, булоқ ва бошқ.), уларнинг рақами ва жойлашуви

Ишга туширилган йили

Сув олиш усули (ўзи чиқувчи, насос русуми, қуввати ва бошқ.)

Сув истеъмоли мақсади (ИСТ, ИЧТС, ЕС, ТД ЯС, даволаш ва бошқ.*)

Изоҳ (сув олиш иншоотларининг умумий сони, улардан ишлайдиганлари ва бошқа маълумотлар)

l

2

3

4

5

6

3. Ер ости сувларини олиш тўғрисида маълумот

Сув олиш иншооти номи

20 йилда олинган сув ҳажми, минг м3

Шу жумладан, ойлар бўйича, минг м3

Изоҳ

I

II

Ш

IV

V

VI

VII

VIII

IX

X

XI

XII

1

2

3

4

5

6

7

8

9

10

11

12

13

14

15

4. Олинган сув сифати тўғрисида маълумот

Сув олиш иншооти рақами ва номи

Таҳлил ўтказилиш сана

Лаборатория номи

Сувнинг кимёвий таҳлили натижаси

рН

Сувнинг минерализацияси,

мг/л

Сувнинг умумий қаттиқлиги,

мг-экв/л

Изоҳ

Катнонлар, мг/л

Анионлар, мг/л

Са

Mg

Na

К

SO4

CL

NO3

НСО3

1

2

3

4

5

6

7

8

9

10

11

12

13

14

15


Ҳисоботни тайёрлади ва топширди:

Ҳисоботни кўриб чиқди ва қабул қилди:

_______________________________

(имзо, мансабдор шахснинг Ф.И.О.)

________________________________

(имзо, мансабдор шахснинг Ф.И.О.)

Сана: _________

Сана: ________

* — ИСТ-ичимлик сув таъминоти; ИЧТС — ишлаб чиқариш техник сув; ЕС — ерларни суғориш; ТД — тик дренаж; ЯС — яйловларни суғориш; даволаш-шифобахш, минерал.
(3-илова Ўзбекистон Республикаси Вазирлар Маҳкамасининг 2021 йил 3 ноябрдаги 670-сонли қарорига асосан киритилган)
Вазирлар Маҳкамасининг 2017 йил 27 июндаги 430-сон қарорига
3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2003 йил 3 июлдаги 302-сон қарори билан тасдиқланган Ўзбекистон Республикаси ҳудудида капитал қурилишда танлов савдолари тўғрисидаги низомнинг 271-бандига (Ўзбекистон Республикаси ҚТ, 2003 й., 7-сон, 57-модда) «объектларни» сўзидан кейин «(сувга қудуқларни бурғулаш билан боғлиқ объектлардан ташқари)» сўзлари қўшилсин.
Кейинги таҳрирга қаранг.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2018 йил 4 декабрдаги 983-сонли қарорига асосан ўз кучини йўқотган — Қонун ҳужжатлари маълумотлари миллий базаси, 05.12.2018 й., 09/18/983/2271-сон)
3. Вазирлар Маҳкамасининг 2012 йил 4 июлдаги 192-сон қарори билан тасдиқланган Техник жиҳатдан фойдаланишда темир йўл транспорти хавфсизлиги тўғрисидаги умумий техник регламентнинг 170-банди «а» кичик бандидан (Ўзбекистон Республикаси ҚҲТ, 2012 й., 28-сон, 311-модда) «сувга қудуқларни бурғулаш» сўзлари чиқариб ташлансин.
4. Вазирлар Маҳкамасининг 2013 йил 14 июндаги 171-сон қарори билан тасдиқланган Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомда (Ўзбекистон Республикаси ҚТ, 2013 й., 6-сон, 40-модда):
а) қуйидаги мазмундаги 31-банд қўшилсин:
«31. Қуйидагилардан:
белгиланган тартибда ҳисобга олинмаган сувдаги қудуқлардан;
гуруҳли сув олиш учун (икки ва ундан ортиқ қудуқлардан) белгиланган тартибда тасдиқланмаган ер ости сувлари эксплуатация захираларидан сувдан махсус фойдаланишга ёки сувни махсус истеъмол қилишга йўл қўйилмайди)»;
б) 20-бандга қуйидаги мазмундаги хатбоши қўшилсин:
«Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилиш учун рухсатномага сувдан фойдаланувчи ва сув истеъмолчисининг сув ресурсларидан оқилона фойдаланиш, сув ҳажмининг зарур тарздаги ҳисоби юритилиши, сув булғаниши ва камайиб кетишининг олдини олиш, шунингдек ваколатли давлат органларига белгиланган тартибда мунтазам равишда ҳисобот тақдим этиш бўйича мажбуриятлари илова қилинади»;
в) қуйидаги мазмундаги 231 ва 232-бандлар қўшилсин:
«231. Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилишга рухсатноманинг амал қилиш муддати мобайнида рухсатнома олган юридик ва жисмоний шахслар томонидан:
ҳар куни махсус журналда олинадиган ер ости сувлари ҳажмининг ҳисоби юритилади;
ҳар йили 10 январдан кечикмай Давлат геология қўмитасининг ҳудудий гидрогеология станцияларига Давлат геология қўмитаси томонидан тасдиқланадиган шакл бўйича ер ости сувларидан фойдаланиш тўғрисидаги ҳисобот тақдим этилади.
232. Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилишга рухсатнома олган юридик ва жисмоний шахслар унинг амал қилиши муддати даврида Давлат экология қўмитасининг ҳудудий бошқармалари, Давлат геология қўмитасининг ҳудудий гидрогеология станциялари ва «Саноатгеоконтехназорат» давлат инспекциясининг инспекциялари вакиллари иштирокида тегишли далолатномалар билан расмийлаштириладиган эксплуатация қудуқларини консервация қилиш ва консервация қилишдан чиқариш ҳуқуқига эгадирлар»;
г) 24-банддаги «уч йилга» сўзлари «бир йилдан ортиқ бўлмаган» сўзлари билан алмаштирилсин;
д) 25-банднинг тўртинчи хатбошига «ва ер ости сувларидан оқилона фойдаланиш бўйича сувдан фойдаланиш ва сувни истеъмол қилиш мажбуриятларини зарур тарзда бажариш» сўзлари қўшилсин.
5. Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатида (Ўзбекистон Республикаси ҚТ, 2013 йил, 8-сон, 55-модда):
110-позиция чиқариб ташлансин;
111-позициядаги «Табиатни муҳофаза қилиш давлат қўмитаси» сўзлари «Давлат геология ва минерал ресурслар қўмитаси» сўзлари билан алмаштирилсин.
Кейинги таҳрирга қаранг.
6. Вазирлар Маҳкамасининг 2015 йил 3 февралдаги 19-сон қарори (Ўзбекистон Республикаси ҚТ, 2015 йил, 2-сон, 6-модда) билан тасдиқланган Аҳоли пунктларида давлат капитал қўйилмалари ҳисобига молиялаштириладиган ичимлик сув таъминоти ва оқова сув хизмати объектларини қуриш ва реконструкция қилишни ташкил этиш тартиби тўғрисидаги низомнинг 5-банди олтинчи хатбоши қуйидаги таҳрирда баён қилинсин:
«сувда қудуқларни бурғулашга рухсатнома — Ўзбекистон Республикаси Давлат геология ва минерал ресурслар қўмитаси томонидан белгиланган тартибда бериладиган рухсат бериш хусусиятига эга ҳужжат».

(Ўзбекистон Республикаси қонун ҳужжатлари тўплами, 2017 й., 26-сон, 592-модда; Қонун ҳужжатлари маълумотлари миллий базаси, 01.04.2018 й., 09/18/255/1034-сон, 30.10.2018 й., 09/18/884/2128-сон, 05.12.2018 й., 09/18/983/2271-сон; 11.02.2019 й., 09/19/111/2596-сон, 15.08.2019 й., 09/19/672/3568-сон; Қонунчилик маълумотлари миллий базаси, 30.12.2021 й., 07/21/73/1227-сон; 26.02.2022 й., 09/22/88/0165-сон; 16.12.2025 й., 09/25/791/1167-сон)