Ўзбекистон Республикаси Вазирлар Маҳкамасининг «Биржадан ташқари валюта бозорини янада ривожлантириш чора-тадбирлари тўғрисида» 2002 йил 12 июлдаги 247-сон ва «Лицензиялашни бекор қилиш ҳамда истеъмол товарларини олиб келиш ва Ўзбекистон Республикасининг ички бозорида сотишни такомиллаштириш чора-тадбирлари тўғрисида» 2002 йил 20 августдаги 295-сон қарорларини бажариш юзасидан ҳамда истеъмол товарлари олиб келувчи корхоналарнинг сўмлардаги маблағларини конвертация қилиш механизмини такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорлари ўз кучини йўқотган деб ҳисоблансин ҳамда уларнинг баъзиларига ўзгартириш ва қўшимчалар киритилсин.

2. Ўзбекистон Республикаси Молия вазирлиги, Ташқи иқтисодий алоқалар вазирлиги, Марказий банки, Давлат солиқ қўмитаси, Давлат божхона қўмитаси икки ҳафта муддатда импорт истеъмол товарларини ҳисобга олиш ва сотиш тартиби тўғрисидаги низомни ишлаб чиқсинлар ва тасдиқласинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С.Азимов ва Ўзбекистон Республикаси Марказий банки раиси Ф.М.Муллажонов зиммасига юклансин.

1. Вазирлар Маҳкамасининг «Истеъмол товарларини импорт қилиш учун марказлаштирилган валюта ресурсларидан фойдаланиш самарадорлигини ошириш тўғрисида» 1996 йил 19 ноябрдаги 405-сон қарори.

2. Вазирлар Маҳкамасининг «Биржадан ташқари валюта бозорини мустаҳкамлашга доир қўшимча чора-тадбирлар тўғрисида» 1998 йил 26 декабрдаги 538-сон қарорининг 3-банди.

3. Вазирлар Маҳкамасининг «Ўзбекистон Республикаси ҳудудига истеъмол товарлари келтиришни тартибга солишга доир қўшимча чора-тадбирлар тўғрисида» 2000 йил 24 июлдаги 282-сон қарори (Ўзбекистон Республикаси ҚТ, 2000 й., 7-сон, 41-модда).

4. «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2000 йил 2 октябрдаги 375-сон қарори (Ўзбекистон Республикаси ҚТ, 2000 й., 10-сон, 63-модда)га илованинг 3-банди.

5. «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2000 йил 24 октябрдаги 412-сон қарори (Ўзбекистон Республикаси ҚТ, 2000 й., 10-сон, 69-модда)га илованинг 2-банди.

6. «Ўзбекистон Республикаси Ҳукуматининг қарорларига ўзгартиришлар киритиш тўғрисида» 2000 йил 5 декабрдаги 467-сон қарорига 2-илованинг 2-банди.

7. Вазирлар Маҳкамасининг «Биржадан ташқари валюта бозорини эркинлаштиришга доир чора-тадбирлар тўғрисида» 2001 йил 18 июлдаги 305-сон қарори (Ўзбекистон Республикаси ҚТ, 2001 й., 7-сон, 41-модда).

1. Вазирлар Маҳкамасининг «Дори-дармон воситалари ва тиббиёт буюмлари сотишни тартибга солиш тўғрисида» 1999 йил 14 январдаги 19-сон қарори (Ўзбекистон Республикаси ҚТ, 1999 й., 1-сон, 4-модда) 1-бандининг иккинчи хатбошидан «(Ўзбекистон Республикаси Марказий банкининг лицензияларига эга бўлган корхоналар томонидан импорт бўйича олиб келинаётганлардан ташқари)» сўзлари чиқариб ташлансин.

2. Вазирлар Маҳкамасининг «1999 йил учун нақд пул эмиссияси даражаси ва касса режаси параметрлари тўғрисида» 1999 йил 14 январдаги 22-сон қарорининг 6-бандидан «Марказий банк лицензияларига эга бўлган улгуржи савдо корхоналари» сўзлари «истеъмол товарларини импорт қилувчи улгуржи савдо корхоналари ва ташкилотлари» сўзлари билан алмаштирилсин.

3. Вазирлар Маҳкамасининг «Импорт истеъмол товарлари олиб келиш ва сотишни такомиллаштириш чора-тадбирлари тўғрисида» 2000 йил 24 июндаги 242-сон қарори (Ўзбекистон Республикаси ҚТ, 2000 й., 6-сон, 31-модда)нинг 2-бандидан «Ўзбекистон Республикаси Марказий банкининг лицензияларига эга бўлган истеъмол товарлари импорт қилувчи корхоналардан хорижий валюта харид қилинганлиги, шунингдек» сўзлари чиқариб ташлансин.

4. Вазирлар Маҳкамасининг «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида» 2000 йил 29 июндаги 245-сон қарори (Ўзбекистон Республикаси ҚТ, 2000 й., 6-сон, 33-модда) 1-бандининг учинчи хатбоши чиқариб ташлансин.

5. Вазирлар Маҳкамасининг «Ички бозорни дори-дармон воситалари ва тиббиёт буюмлари билан таъминлашга доир чора-тадбирлар тўғрисида» 2000 йил 5 августдаги 307-сон қарори (Ўзбекистон Республикаси ҚТ, 2000 й., 8-сон, 49-модда)да:

1-банднинг иккинчи хатбошидан «Ўзбекистон Республикаси Марказий банкининг лицензияларига эга бўлган корхоналар томонидан» сўзлари чиқариб ташлансин;

3-банддан «Марказий банк лицензияларига эга бўлган» сўзлари чиқариб ташлансин.

6. Вазирлар Маҳкамасининг «2001 йил учун нақд пул эмиссияси даражаси ва касса режаси параметрлари тўғрисида» 2001 йил 25 январдаги 53-сон қарори (Ўзбекистон Республикаси ҚТ, 2001 й., 1-сон, 6-модда)нинг 6-банди қуйидаги таҳрирда баён қилинсин:

«6. Истеъмол товарларини импорт қилиш учун хорижий валютани биржадан ташқари валюта бозорида сотиб олувчи корхоналар ва ташкилотларга импорт бўйича олиб келинадиган истеъмол товарларини нақд пул тушумини белгиланган тартибда банкларнинг кассаларига мажбурий топшириш шарти билан фақат чакана савдо ташкилотларига беришга рухсат этилади».

7. Вазирлар Маҳкамасининг «Биржадан ташқари валюта бозори фаолиятини ташкил этиш чора-тадбирлари тўғрисида» 2001 йил 10 июлдаги 294-сон қарори (Ўзбекистон Республикаси ҚТ, 2001 й., 7-сон, 38-модда)га 2-иловада:

7-банддаги «ижтимоий аҳамиятга эга бўлган халқ истеъмол товарлари ва дори-дармонлар» сўзлари «истеъмол товарлари, шу жумладан дори-дармонлар» сўзлари билан алмаштирилсин;

32-банддан сўнг қуйидаги мазмундаги банд қўшилсин:

«33. Истеъмол товарларини импорт қилишда ваколатли банкка қўшимча равишда қуйидаги ҳужжатлар тақдим этилади:

мувофиқлик сертификатлари нусхалари;

импорт битишувлар паспортлари ва импорт товарлар олиб келиш карточкалари нусхалари;

товарни сотишдан тушадиган суммани конвертация қилиш ҳисоб-китоби;

товарларни чакана сотувчи корхоналар учун:

нақд савдо тушуми инкассация қилинганлигини тасдиқловчи ҳужжатлар;

улгуржи савдо корхоналари учун:

истеъмолчиларга товар берилганлиги тўғрисидаги счет-фактура (накладной) нусхалари;

товарлар истеъмолчиларга сотилганлиги учун улгуржи корхона ҳисоб рақамига маблағ тушганлиги тўғрисидаги маълумотлар;

импорт товарларни сотишдан чакана савдо ташкилотлари ҳисоб рақамига нақд маблағ тушганлиги тўғрисида ваколатли банклар томонидан тасдиқланган маълумотлар»;

35-банд ва 37-банднинг тўртинчи хатбоши чиқариб ташлансин;

33 ва 34-бандлар тегишли равишда 34 ва 35-бандлар деб ҳисоблансин.

8. Вазирлар Маҳкамасининг «Биржадан ташқари валюта бозорини янада ривожлантириш чора-тадбирлари тўғрисида» 2002 йил 12 июлдаги 247-сон қарори (Ўзбекистон Республикаси ҚТ, 2002 й., 7-сон, 39-модда)нинг 1-банди қуйидаги мазмундаги хатбоши билан тўлдирилсин:

«Бунда бюджет маблағлари ҳисобига молиялаштириладиган истеъмол товарлари ва хизматлар, шунингдек қурилиш-монтаж ва ишга тушириш-созлаш ишлари ва хизматлар импортига ҳақ тўлаш учун сўмлардаги маблағларни конвертация қилиш банклараро савдо сессияси курси бўйича амалга оширилади».