Ўзбекистон Республикаси Адлия вазирлигининг тадбиркорлик субъектларини ва хорижий инвестицияларни ҳуқуқий ҳимоя қилиш бўйича фаолияти самарадорлигини ошириш, шунингдек адлия органлари ходимларини моддий рағбатлантириш ва меҳнатига ҳақ тўлаш тизимини такомиллаштириш мақсадида:

1. Ўзбекистон Республикаси Адлия вазирлигининг Тадбиркорлар ҳуқуқларини ҳимоя қилиш бошқармаси ҳамда Хорижий инвестициялар ва хорижий инвестициялар иштирокидаги корхоналарни ҳуқуқий ҳимоя қилиш бошқармаси ва уларнинг Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларидаги бўлимлари негизида тегишлича Ўзбекистон Республикаси Адлия вазирлигининг Тадбиркорлик субъектлари ва хорижий инвестицияларни ҳуқуқий ҳимоя қилиш бошқармаси ва унинг Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларидаги бўлимлари тузилсин.

2. Ўзбекистон Республикаси Адлия вазирлиги марказий аппарати, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ходимларининг меҳнатига ҳақ тўлаш бўйича разрядлар 2016 йил 1 февралдан Ягона тариф сеткасига мувофиқ 1 разрядга оширилсин.

3. Ўзбекистон Республикаси Адлия вазирлиги икки ой муддатда мазкур қарорга мувофиқ Ўзбекистон Республикаси Адлия вазирлиги марказий аппарати, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларининг харажатлар сметаси ва штатлар жадвалига ўзгартиришлар киритсин ва уларни белгиланган тартибда Ўзбекистон Республикаси Молия вазирлигида рўйхатдан ўтказсин.

4. Ўзбекистон Республикаси Президенти ва Ўзбекистон Республикаси Ҳукуматининг айрим қарорларига иловага мувофиқ ўзгартиришлар киритилсин.

5. Мазкур қарорнинг ижросини назорат қилиш Ўзбекистон Республикаси Президенти Давлат маслаҳатчисининг биринчи ўринбосари Б. Коканбаев зиммасига юклансин.

1. Ўзбекистон Республикаси Президентининг 2011 йил 23 августдаги ПҚ-1602-сон «Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида»ги қарорида:

а) 1-илованинг 8-банди 8.10-кичик бандининг олтинчи ва еттинчи хатбошилари қуйидаги таҳрирда баён қилинсин:

««бир дарча» тамойили бўйича тадбиркорлик субъектларига давлат хизматларини кўрсатишнинг, шу жумладан рўйхатга олиш, рухсат бериш ва лицензиялаш тартиб-таомилларининг қонун ҳужжатларида белгиланган тартибини мураккаблаштирадиган турли шаклларини қўллашга, шунингдек тадбиркорлик субъектларига тўсқинлик қилувчи бошқа бюрократик тўсиқларга йўл қўймаслик мақсадида «бир дарча» тамойили бўйича тадбиркорлик субъектларига давлат хизматларини кўрсатадиган ягона марказлар фаолиятида қонунийликни таъминлаш устидан назоратни амалга оширади;

«бир дарча» тамойили бўйича тадбиркорлик субъектларига давлат хизматларини кўрсатадиган ягона марказлар фаолиятини мувофиқлаштиради ва услубий ёрдам кўрсатади»;

б) 3 — 6-иловалар қуйидаги таҳрирда баён қилинсин:

2. Ўзбекистон Республикаси Вазирлар Маҳкамасининг 1996 йил 12 апрелдаги «Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида»ги 147-сон қарорининг рус тилидаги матнида:

а) 3-илованинг номидаги «инвестиций и торговли» сўзларидан кейин «Министерства юстиции» сўзлари билан тўлдирилсин;

б) 9-илованинг номидаги «экономических связей» ва «экономическим связям» сўзларидан кейин тегишлича «Министерства юстиции» ва «управлений юстиции» сўзлари билан тўлдирилсин.