Ўзбекистон Республикаси Вазирлар Маҳкамасининг 2012 йил 6 декабрдаги 345-сонли «Қишлоқ хўжалиги ва мелиоратив техникани, асбоб-ускуналарни ҳисобга олиш ва уларнинг техник ҳолатини назорат қилиш тизимини такомиллаштириш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси қишлоқ ва сув хўжалиги вазирининг 2013 йил 11 майдаги 98-сонли буйруғи (рўйхат рақами 2469, 2013 йил 14 июнь) (Ўзбекистон Республикаси қонун ҳужжатлари тўплами, 2013 й., 24-сон, 322-модда) билан тасдиқланган Тракторчи-машинистларга гувоҳномалар ва огоҳлантириш талонлари бериш тартиби тўғрисида низомнинг 6-банди қуйидаги таҳрирда баён этилсин:

«6. Имтиҳонлар олишда тракторчи-машинистларга гувоҳномалар ва огоҳлантириш талонлари берилганлиги учун энг кам ойлик иш ҳақи миқдоридан:

йўл ҳаракати қоидалари бўйича имтиҳонлар олинганлиги учун — 0,04;

техникани эксплуатация қилиш қоидалари бўйича имтиҳонлар олинганлиги учун — 0,23;

ҳайдаш кўникмалари қоидалари бўйича имтиҳонлар олинганлиги учун — 0,23;

гувоҳнома берилганлиги учун — 0,17;

огоҳлантириш талони берилганлиги учун — 0,08 миқдорда йиғим ундирилади.

Ҳар бир такрорий имтиҳон учун кўрсатилган сумма 2 баробар миқдорида ундирилади.

Йўқолган тракторчи-машинист гувоҳномаси ва огоҳлантириш талонлари ўрнига янгилари берилганлиги учун кўрсатилган сумма 5 баробар миқдорда ундирилади.».

2. Мазкур буйруқ Ўзбекистон Республикаси Ички ишлар вазирлиги ҳамда Олий ва ўрта махсус таълим вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.