Қонун ҳужжатларини ички валюта бозорини эркинлаштиришга оид қабул қилинган қарорларга мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорлари ўз кучини йўқотган деб ҳисоблансин;

2. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.

3. Ўзбекистон Республикаси Адлия вазирлиги манфаатдор вазирликлар ва идоралар билан биргаликда икки ҳафта муддатда идоравий норматив ҳужжатларни мазкур қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.

1. Ўзбекистон Республикаси Вазирлар Маҳкамасининг «Ўзбекистон Республикаси миллий валютасининг ички эркин алмашувини таъминлашга оид чора-тадбирлар тўғрисида» 1994 йил 21 июлдаги 379-сон қарори.

2. Ўзбекистон Республикаси Вазирлар Маҳкамасининг «Нақд сўмларни эркин муомаладаги валютага алмаштиришга доир чеклашларни бекор қилиш тўғрисида» 1995 йил 12 июндаги 217-сон қарори.

3. Ўзбекистон Республикаси Вазирлар Маҳкамасининг «Вазирлар Маҳкамасининг «Валюта бозорини янада эркинлаштириш ва валюта алмаштириш операцияларини кенгайтиришга доир чора-тадбирлар тўғрисида» 2000 йил 30 июндаги 250-сон қарорига ўзгартиришлар киритиш ҳақида» 2000 йил 13 июлдаги 269-сон қарори.

4. Ўзбекистон Республикаси Вазирлар Маҳкамасининг «Ўзбекистон Республикаси Ҳукуматининг қарорларига ўзгартиришлар киритиш тўғрисида» 2000 йил 5 декабрдаги 467-сон қарори.

5. Ўзбекистон Республикаси Вазирлар Маҳкамасининг «Валюта алмаштириш операцияларини кенгайтиришга доир қўшимча чора-тадбирлар тўғрисида» 2001 йил 17 январдаги 34-сон қарори (Ўзбекистон Республикаси ҚТ, 2001 й., 1-сон, 3-модда).

1. Ўзбекистон Республикаси Вазирлар Маҳкамасининг «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида» 2000 йил 29 июндаги 245-сон қарорида (Ўзбекистон Республикаси ҚТ, 2000 й., 6-сон, 33-модда):

2-банднинг учинчи хатбоши чиқариб ташлансин;

5-банднинг тўртинчи хатбошидаги «ва хўжалик юритувчи субъектларни» сўзлари чиқариб ташлансин.

2. Ўзбекистон Республикаси Вазирлар Маҳкамасининг «Валюта бозорини янада эркинлаштириш ва валюта алмаштириш операцияларини кенгайтиришга доир чора-тадбирлар тўғрисида» 2000 йил 30 июндаги 250-сон қарорида (Ўзбекистон Республикаси ҚТ, 2000 й., 6-сон, 34-модда):

а) 1-банд ўз кучини йўқотган деб ҳисоблансин;

б) 4-банднинг учинчи хатбошида «банкомат чеки» сўзларидан кейин «шунингдек сўмдаги маблағлар қонун ҳужжатларига мувофиқ халқаро жорий операциялар амалга оширилиши натижасида қонуний йўл билан олинганлигини тасдиқловчи бошқа ҳужжатлар тақдим этилган тақдирда» сўзлари қўшилсин;

в) 2-иловада:

12-банднинг тўртинчи ва бешинчи хатбоши қуйидаги таҳрирда баён қилинсин:

«норезидентлар томонидан алмаштириш пунктининг маълумотномаси ёки банкомат чеки тақдим этилган тақдирда, шунингдек сўм маблағлари қонун ҳужжатларига мувофиқ халқаро жорий операциялар амалга оширилиши натижасида қонуний йўл билан олинганлигини тасдиқловчи бошқа ҳужжатлар тақдим этилган тақдирда уларга хорижий валютани (йўл чекларини) илгари алмаштирилган сумма доирасида сўмга хорижий валюта ва йўл чекларини сотиш;

жисмоний шахслар – резидентларга нақд сўмга нақд хорижий валютани ва обрўли хорижий банклар ва молия институтлари томонидан эмитация қилинган йўл чекларини сотиш;

16-бандда «банкомат чеки» сўзларидан кейин «шунингдек сўмдаги маблағлар қонун ҳужжатларига мувофиқ халқаро жорий операциялар амалга оширилиши натижасида қонуний йўл билан олинганлигини тасдиқловчи бошқа ҳужжатлар тақдим этилган тақдирда» сўзлари қўшилсин.

3. Ўзбекистон Республикаси Вазирлар Маҳкамасининг «Биржадан ташқари валюта бозори фаолиятини ташкил этиш чора-тадбирлари тўғрисида» 2001 йил 10 июлдаги 294-сон қарорига 2-иловада:

а) 2-бандга қуйидаги мазмундаги «м» кичик банд қўшилсин:

«м) қонун ҳужжатларига зид бўлмаган бошқа операциялар.»;

б) 20 ва 21-бандлар ўз кучини йўқотган деб ҳисоблансин;

в) 31-бандда «белгиланган тартибда рўйхатдан ўтказилган» ҳамда «ва унинг бажарилиши тўғрисидаги маълумотлар» сўзлари чиқариб ташлансин;

«г» кичик банд чиқариб ташлансин;

50-банддаги «ва хўжалик юритувчи субъектларни» сўзлари чиқариб ташлансин.