|
Ҳужжат кучини йўқотган " " 16.12.2025
|
Ҳужжат 29.07.2014 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Моддий маданий ва археология мероси объектларини муҳофаза қилиш ва улардан фойдаланишни янада такомиллаштириш юзасидан қўшимча чора-тадбирлар тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2025 йил 15 декабрдаги 791-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Ўзбекистон халқининг умуммиллий бойлиги бўлмиш моддий маданий ва археология мероси объектларини муҳофаза қилиш ва улардан фойдаланиш тизимини янада такомиллаштириш, ноёб моддий маданий мерос объектларини ҳар томонлама ўрганиш, оммалаштириш ва тарғиб қилиш учун шарт-шароитлар яратиш, Ўзбекистоннинг туризм салоҳиятини ошириш мақсадида Вазирлар Маҳкамаси қарор қилади:
1. Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссияси (кейинги ўринларда Ҳукумат комиссияси деб аталади) 1-иловага мувофиқ таркибда ташкил этилсин.
Кейинги таҳрирга қаранг.
2. Қуйидагилар Ҳукумат комиссиясининг асосий вазифалари этиб белгилансин:
Ўзбекистон Республикаси давлат ва хўжалик бошқаруви, маҳаллий давлат ҳокимияти органлари, шунингдек нодавлат ташкилотларининг маданий мерос объектларини муҳофаза қилиш ва улардан фойдаланиш масалалари бўйича фаолиятини мувофиқлаштириш;
маданий мерос объектларини муҳофаза қилиш ва улардан фойдаланиш соҳасидаги давлат сиёсатининг асосий йўналишларини амалга ошириш юзасидан таклифлар тайёрлаш;
маданий ва археология мероси объектларини муҳофаза қилиш ва улардан фойдаланиш жараёнида пайдо бўладиган масалаларни кўриб чиқиш, уларни ҳал этиш бўйича чора-тадбирлар тизимини ишлаб чиқиш ва амалга ошириш;
консервациялаш, реставрация-тиклаш ишлари олиб бориладиган моддий маданий ва археология мероси объектларининг ҳар йиллик рўйхатини тасдиқлаш;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг таклифлари асосида консервациялаш, реставрация-тиклаш ишларини бажариш учун пудрат ташкилотлари рўйхатини тасдиқлаш;
Кейинги таҳрирга қаранг.
юридик ва жисмоний шахсларга маданий ва археология мероси объектларини муҳофаза қилиш ва улардан фойдаланиш фаолиятида, маданий мерос объектларини муҳофаза қилиш ва улардан фойдаланиш тўғрисидаги қонун ҳужжатлари бузилишларининг олдини олишда кўмаклашиш.
Кейинги таҳрирга қаранг.
3. Қуйидагилар:
Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссияси тўғрисидаги низом 2-иловага мувофиқ;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг ташкилий тузилмаси 3-иловага мувофиқ;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси бошқарув ходимларининг чекланган сони 25 нафар бўлган тузилмаси 4-иловага мувофиқ;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг минтақалараро (минтақавий) давлат инспекциялари бошқарув ходимларининг чекланган сони 59 нафар бўлган намунавий тузилмаси 5-иловага мувофиқ;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси тўғрисидаги низом 6-иловага мувофиқ тасдиқласин.
Ўзбекистон Республикаси Маданият ва спорт ишлари вазирига Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси (кейинги ўринларда Бош бошқарма деб аталади) ва унинг минтақалараро (минтақавий) давлат инспекциялари тузилмасига бошқарув ходимларининг белгиланган сони ва меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
Кейинги таҳрирга қаранг.
4. Ўзбекистон Республикаси Маданият ва спорт ишлари вазирлиги манфаатдор вазирликлар ва идоралар билан биргаликда 7-иловага мувофиқ Моддий маданий ва археология мероси объектларини муҳофаза қилиш ва улардан фойдаланишни янада такомиллаштириш чора-тадбирларининг амалга оширилишини таъминласин.
5. Белгилаб қўйилсинки, Бош бошқарма ва унинг минтақалараро (минтақавий) давлат инспекцияларини сақлашга доир харажатларни молиялаштириш ўз даромадлари, шунингдек уларнинг харажатларини молиялаштириш учун ўз даромадлари етишмаган қисмига субсидия тарзида ажратиладиган бюджет маблағлари ҳисобига амалга оширилади.
6. Ўзбекистон Республикаси Маданият ва спорт ишлари вазирлиги ҳамда Молия вазирлигининг моддий маданий ва археология мероси объектларини ижарага беришдан тушадиган маблағларнинг 90 фоизини (тадбиркорлик фаолияти субъектларига инвестиция мажбуриятлари билан ижарага бериш ҳолларидан ташқари) Бош бошқарма ва унинг минтақалараро (минтақавий) давлат инспекцияларининг ўз даромадларига қўшимча манба этиб белгилаш тўғрисидаги таклифи қабул қилинсин.
7. Ўзбекистон Республикаси Молия вазирлиги 2014 йил 1 июлдан бошлаб Бош бошқарма ва унинг минтақалараро (минтақавий) давлат инспекциялари фаолияти харажатларини молиялаштириш учун, заруриятга кўра, Ўзбекистон Республикаси Давлат бюджети параметрларида «Маданият ва спорт» соҳаси учун назарда тутиладиган маблағлар доирасида субсидиялар ажратсин.
Кейинги таҳрирга қаранг.
8. Ўзбекистон Республикаси Ҳукуматининг 8-иловага мувофиқ айрим қарорларига ўзгартириш ва қўшимчалар киритилсин.
9. Вазирликлар ва идоралар бир ой муддатда ўзларининг идоравий норматив-ҳуқуқий ҳужжатларини ушбу қарорга мувофиқлаштирсинлар.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А. И. Икрамов зиммасига юклансин.
Кейинги таҳрирга қаранг.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 21 июль,
200-сон
Вазирлар Маҳкамасининг 2014 йил 21 июлдаги 200-сон қарорига
1-ИЛОВА
1-ИЛОВА
Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссиясининг
ТАРКИБИ
|
Икрамов А. |
— |
Ўзбекистон Республикаси Бош вазирининг ўринбосари, Комиссия раиси |
|
Ходжиматов М. |
— |
маданият ва спорт ишлари вазири, комиссия раисининг ўринбосари |
|
Тохтаев А. |
— |
Давлат архитектура ва қурилиш қўмитаси раисининг биринчи ўринбосари, комиссия раисининг ўринбосари |
|
Камалов А. |
— |
ташқи иқтисодий алоқалар, инвестициялар ва савдо вазирининг биринчи ўринбосари |
|
Икрамов М. |
— |
адлия вазирининг биринчи ўринбосари |
|
Қурбанов Б. |
— |
ички ишлар вазирининг ўринбосари |
|
Ғафаров С. Х. |
— |
Давлат рақобат қўмитаси раисининг биринчи ўринбосари |
|
Ризаев Ф. М. |
— |
«Ўзбектуризм» миллий компанияси раиси |
|
Салихов Ш. И. |
— |
Ўзбекистон Республикаси Фанлар академияси президенти |
|
Нуридинов А. |
— |
Ўзбекистон Бадиий академияси раиси |
|
Қўчқоров Ж. А. |
— |
молия вазирининг ўринбосари |
|
Эсонов М. |
— |
Бухоро вилояти ҳокими в. б. |
|
Рўзиев З. |
— |
Қашқадарё вилояти ҳокими |
|
Мирзаев З. |
— |
Самарқанд вилояти ҳокими |
|
Бобожонов П. |
— |
Хоразм вилояти ҳокими |
|
Мансуров Р. |
— |
Ўзбекистон Республикаси Маданият ва спорт ишлари вазирлигининг Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси бошлиғи, комиссия котиби |
Изоҳ: комиссия аъзолари бошқа ишга ўтган тақдирда унинг таркибига ушбу лавозимларга янгидан тайинланган шахслар ёхуд зиммасига тегишли функцияларни бажариш юкланган шахслар киритилади.
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
2-ИЛОВА
2-ИЛОВА
Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссияси тўғрисида
НИЗОМ
1. Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссияси (кейинги ўринларда «Комиссия» деб юритилади) Ўзбекистон Республикаси давлат бошқаруви, маҳаллий давлат ҳокимияти органларининг, шунингдек нодавлат нотижорат ташкилотларнинг маданий мерос объектларини муҳофаза қилиш ва улардан фойдаланиш масалалари бўйича ўзаро ҳамкорлигини такомиллаштириш мақсадида тузилади.
2. Комиссия ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий мажлиси палаталари қарорлари, Ўзбекистон Республикаси Президенти қарорлари ва фармойишлари, Ўзбекистон Республикаси Ҳукумати қарорлари, бошқа қонунчилик ҳужжатларига, шунингдек ушбу Низомга амал қилади.
3. Қуйидагилар Комиссиянинг асосий вазифалари ҳисобланади:
Ўзбекистон Республикаси давлат ва хўжалик бошқаруви, маҳаллий давлат ҳокимияти органлари, шунингдек нодавлат ташкилотларнинг маданий мерос объектларини муҳофаза қилиш ва улардан фойдаланиш масалалари бўйича фаолиятини мувофиқлаштириш;
маданий мерос объектларини муҳофаза қилиш ва улардан фойдаланиш соҳасидаги давлат сиёсатининг асосий йўналишларини амалга ошириш юзасидан таклифлар тайёрлаш;
маданий ва археология мероси объектларини муҳофаза қилиш ва улардан фойдаланиш жараёнида пайдо бўладиган масалаларни кўриб чиқиш, уларни ҳал этиш бўйича чора-тадбирлар тизимини ишлаб чиқиш ва амалга ошириш;
консервациялаш, реставрация-тиклаш ишлари олиб бориладиган моддий маданий ва археология мероси объектларининг ҳар йиллик рўйхатини тасдиқлаш;
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг таклифлари асосида консервациялаш, реставрация-тиклаш ишларини бажариш учун пудрат ташкилотлар рўйхатини тасдиқлаш;
Кейинги таҳрирга қаранг.
юридик ва жисмоний шахсларга маданий мерос объектларини муҳофаза қилиш ва улардан фойдаланиш фаолиятида, маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатлари бузилишларининг олдини олишда кўмаклашиш.
4. Комиссия ўзига юкланган вазифаларга мувофиқ:
маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатларини самарали амалга оширишга йўналтирилган тадбирларни ишлаб чиқади ва тасдиқлайди, уларнинг бажарилишини ташкил этади;
консервациялаш, реставрация-тиклаш ишлари олиб бориладиган моддий маданий ва археология мероси объектларининг ҳар йиллик рўйхатини кўриб чиқади ва тасдиқлайди;
Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг таклифлар асосида консервациялаш, реставрация-тиклаш ишларини бажариш учун пудрат ташкилотлари рўйхатини тасдиқлайди;
давлат ва хўжалик бошқаруви, маҳаллий давлат ҳокимияти органлари томонидан маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатларининг бажарилиши амалиётини кўриб чиқади;
маданий ва археология мероси объектларини муҳофаза қилиш ва улардан фойдаланиш бўйича қонун ҳужжатларини қўллашга доир тавсиялар ишлаб чиқади;
маданий ва археология мероси объектларини муҳофаза қилиш ва улардан фойдаланиш соҳасидаги қонун ҳужжатларининг энг муҳим лойиҳаларини кўриб чиқади;
маданий ва археология мероси объектларининг муҳофаза қилиниши, сақланиши ва улардан фойдаланилиши устидан давлат назоратини амалга ошириш тартиби бўйича таклифлар ишлаб чиқади.
5. Комиссия қуйидаги ҳуқуқларга эга:
Комиссияга юкланган вазифаларни амалга ошириш учун ишчи гуруҳлар тузиш ва уларда ишлаш учун белгиланган тартибда тегишли мутахассисларни жалб этиш;
вазирликлар, давлат қўмиталари ва идораларнинг, маҳаллий давлат ҳокимияти органлари вакилларининг маданий ва археология мероси объектларини муҳофаза қилиш ва улардан фойдаланиш масалалари бўйича ахборотларини эшитиш;
давлат ва хўжалик бошқаруви, маҳаллий давлат ҳокимияти органларига зарур маълумотномалар ва бошқа материалларни, қонун ҳужжатлари лойиҳаларини тайёрлаш, маданий ва археология мероси объектларини муҳофаза қилиш ва улардан фойдаланиш соҳасидаги қонун ҳужжатларини ҳамда Комиссия қарорларини бажаришни ташкил қилиш масалалари бўйича топшириқлар бериш.
6. Комиссиянинг шахсий таркиби Ўзбекистон Республикаси Вазирлар Маҳкамаси томонидан тасдиқланади. Комиссия аъзолари ўз фаолиятини жамоатчилик асосида амалга оширади.
Комиссия томонидан тузилган ишчи гуруҳларда ишлаш учун белгиланган тартибда мутахассислар, олимлар, экспертлар ҳамда ташкилотлар ва муассасаларнинг, шу жумладан фаолияти соҳасига маданий ва археология мероси объектларини муҳофаза қилиш ва улардан фойдаланиш масалалари кирадиган хорижий ташкилотлар ва муассасаларнинг вакиллари жалб этилиши мумкин.
7. Комиссия раиси:
Комиссия фаолиятига раҳбарлик қилади;
Комиссия мажлисларини чақиради ва уларнинг кун тартибини шакллантиради;
Комиссия томонидан тузилган ишчи гуруҳларнинг фаолиятини назорат қилади;
Комиссия томонидан қабул қилинган қарорларнинг бажарилишини назорат қилади, Комиссия аъзоларининг унинг қарорлари ва вазифаларини бажариш бўйича ишларини мувофиқлаштиради;
Комиссия томонидан ўзига юкланган бошқа функцияларни бажаради.
8. Комиссия ишларини Комиссия котиби юритади.
9. Комиссия ўз ишларини ўзи тасдиқлаган иш тартиби асосида амалга оширади. Мажлислар заруриятга кўра, лекин ҳар чоракда камида бир марта ўтказилади, мажлисда қабул қилинган комиссия қарори протоколлар билан расмийлаштирилади.
10. Комиссиянинг кўриб чиқиши учун киритиладиган масалалар ва унинг қарорлари лойиҳалари Комиссия аъзолари томонидан иш режасига мувофиқ тайёрланади.
11. Комиссия ҳар чоракда ўз фаолияти тўғрисида Ўзбекистон Республикаси Вазирлар Маҳкамасига ахборот беради.
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
3-ИЛОВА
3-ИЛОВА
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг
ТАШКИЛИЙ ТУЗИЛМАСИ
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
4-ИЛОВА
4-ИЛОВА
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий ишлаб чиқариш бош бошқармасининг
Кейинги таҳрирга қаранг.
ТУЗИЛМАСИ
Изоҳ: Бош бошқарма аппарати ходимларининг чекланган сони — 33,5 нафар, шу жумладан бошқарув ходимлари — 25 нафар.
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
5-ИЛОВА
5-ИЛОВА
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси минтақалараро (минтақавий) давлат инспекцияларининг
Кейинги таҳрирга қаранг.
НАМУНАВИЙ ТУЗИЛМАСИ
Изоҳ: минтақалараро (минтақавий ) давлат инспекциялари бошқарув ходимларининг чекланган сони — 59 нафар.
Минтақалараро (минтақавий) давлат инспекцияларининг ёрдамчи ходимлари нормативларга асосан киритилади.
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
6-ИЛОВА
6-ИЛОВА
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармаси тўғрисида
Кейинги таҳрирга қаранг.
НИЗОМ
I. Умумий қоидалар
1. Ушбу Низом Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг (кейинги ўринларда Бош бошқарма деб юритилади) мақоми, асосий вазифалари, функциялари, ҳуқуқ ва мажбуриятларини белгилаб беради.
Кейинги таҳрирга қаранг.
2. Бош бошқарма Ўзбекистон Республикаси Маданият ва спорт ишлари вазирлигининг (кейинги ўринларда Маданият ва спорт ишлари вазирлиги деб юритилади) таркибий бўлинмаси ҳисобланади.
Кейинги таҳрирга қаранг.
3. Маданият ва спорт ишлари вазирлигига юклатилган моддий маданий ва археология мероси объектларини муҳофаза қилиш ва фойдаланиш соҳасидаги вазифалар бевосита Бош бошқарма ёки унинг қуйи турувчи минтақалараро (минтақавий) давлат инспекциялари (кейинги ўринларда инспекциялар деб юритилади) орқали амалга оширилади.
Кейинги таҳрирга қаранг.
4. Бош бошқарма ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий мажлиси палаталари қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари, мазкур Низом ва бошқа қонун ҳужжатларига амал қилади.
5. Бош бошқарма ва унинг инспекциялари давлат муассасалари шаклидаги юридик шахслар ҳисобланади, ўз мустақил баланси, Ўзбекистон Республикаси Молия вазирлиги Ғазначилигида ва унинг ҳудудий бўлинмаларида шахсий ғазначилик ҳисоб рақамларига, Ўзбекистон Республикаси тижорат банкларида талаб қилиб олинадиган чет эл валютасидаги депозит ҳисоб рақамига, шунингдек Ўзбекистон Республикаси Давлат герби тасвирланган ва номи ёзилган муҳрга эгадир.
II. Бош бошқарманинг вазифалари ва функциялари
6. Бош бошқарманинг вазифалари қуйидагилардан иборат:
юридик ва жисмоний шахслар томонидан маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатларига риоя этилиши устидан давлат назоратини амалга ошириш;
маданий ва археология мероси объектларини муҳофаза қилиш, сақлаш, тарғиб қилиш, илмий ва илмий-техник тадқиқ қилиш, консервациялаш, реставрация қилиш ва улардан замонавий мақсадларда фойдаланиш учун ўрганиш бўйича давлат дастурларини ишлаб чиқиш ва амалга оширишда қатнашиш;
маданий ва археология мероси объектларини аниқлаш, ҳисобга олиш, муҳофаза қилиш, оммалаштириш ва улардан фойдаланиш;
Моддий маданий мерос объектларининг Давлат кадастрини ва Археологик буюмларнинг Давлат каталогини юритиш;
маҳобатли ёдгорликлар ва ҳайкаллар лойиҳаларини, уларнинг иншоотларини қонун ҳужжатларига мувофиқ ишлаб чиқишда Муҳофаза қилиш ва реставрация қилиш бўйича илмий-услубий кенгаш ҳамда Маҳобатли ёдгорликларни экспертизадан ўтказиш бўйича Бадиий кенгашлар ишларини ташкил қилиш;
инспекциялар фаолиятини мувофиқлаштириш ва улар фаолияти устидан назорат қилиш;
маданий ва археология мероси объектларини муҳофаза қилиш ва улардан фойдаланиш масалалари бўйича халқаро ва чет эл ташкилотлари билан ҳамкорликдаги лойиҳаларни амалга оширишда иштирок этиш;
қонун ҳужжатларига мувофиқ бошқа ваколатларни амалга ошириш.
7. Бош бошқарма ўзига юклатилган вазифалардан келиб чиқиб, қуйидаги функцияларни бажаради:
моддий маданий ва археология мероси объектларини консервациялаш, реставрация-тиклаш ишларини амалга ошириш бўйича лойиҳа-смета ҳужжатларини тасдиқлайди;
моддий маданий ва археология мероси объектларида илмий-тадқиқот ишларини амалга ошириш учун лойиҳаларни тасдиқлайди;
моддий маданий ва археология мероси объектларида илмий лойиҳалаш ишларини амалга оширади, консервациялаш, реставрация-тиклаш ва ободонлаштириш ишларини ташкил этади, шунингдек ушбу объектлардан замонавий шарт-шароитларда фойдаланиш мақсадида тадбирларни амалга оширади;
Маданият ва спорт ишлари вазирлигига тарихий-маданий қийматга эга бўлган объектларни Моддий маданий ва археология мероси объектлари Давлат кадастрига киритиш ва ундан чиқариш юзасидан таклифлар киритади;
Кейинги таҳрирга қаранг.
моддий маданий ва археология мероси объектлари жойлашган ҳудуддаги шаҳарлар ва аҳоли пунктларини режалаштириш, реконструкция қилиш ва қуриш лойиҳаларини, шунингдек моддий маданий ва археология мероси айрим объектларининг ҳудудларида жойлаштириладиган турли объектлар қурилиши лойиҳаларини келишади;
моддий маданий ва археология мероси объектларида ёнғин хавфсизлигига, шунингдек техника хавфсизлигига риоя қилинишини таъминлаш тадбирларини амалга оширади;
археологик тадқиқотлар бўйича илмий ҳисоботлар архивини тўплайди;
Моддий маданий мерос объектлари Давлат кадастрининг автоматлаштирилган ахборот тизимини юритади, шунингдек Ягона давлат кадастрлари тизимига зарур кадастр маълумотларини узатади;
моддий маданий ва археология мероси объектларини муҳофаза қилиш ва улардан фойдаланишга доир норматив-ҳуқуқий ҳужжатларни такомиллаштириш бўйича таклифлар ишлаб чиқади;
моддий маданий ва археология мероси объектларининг тарихий-маданий экспертизасини амалга оширади;
моддий маданий ва археология мероси объектларини зарур даражада ободонлаштириш ва сақлаш бўйича инвестиция мажбуриятлари билан ижарага бериладиган моддий маданий мероси объектлари рўйхатига киритилмаган моддий маданий ва археология мероси объектларини белгиланган тартибда ижарага беради;
моддий маданий ва археология мероси объектларини зарур даражада ободонлаштириш ва сақлаш бўйича инвестиция мажбуриятлари билан ижарага бериладиган моддий маданий мероси объектлари рўйхатини шакллантиради ва Маданият ва спорт ишлари вазирлигига тақдим этади;
Кейинги таҳрирга қаранг.
реставрация қилинадиган объектларнинг ҳар йиллик рўйхатини тайёрлайди ва тасдиқлаш учун Маданият ва спорт ишлари вазирлигига киритади;
Кейинги таҳрирга қаранг.
Ўзбекистон Республикаси Фанлар академияси тақдимномасига биноан археологларга археология объектларида археологик қидирувлар, қазиш ва назорат ишларини амалга оширишга рухсатномалар бериш учун ҳужжатларни тайёрлайди, археологик тадқиқотлар бўйича илмий ҳисоботларни қабул қилади ва илмий ҳисоботларнинг архивини тўплайди ва Маданият ва спорт ишлари вазирлигига тақдим этади;
Кейинги таҳрирга қаранг.
моддий маданий ва археология мероси объектларида реставрация-тиклаш, консервация ишларини олиб боришда замонавий техника ва ишлаб чиқариш технологияларини қўллаш, янги материаллар ва конструкцияларни жорий қилишни таъминлайди;
моддий маданий ва археология мероси объектларида консервациялаш, реставрация қилиш, тиклаш ва ободонлаштириш ишлари олиб борилишини таъминлайди;
инспекциялар фаолиятини мувофиқлаштиришни амалга оширади, шу жумладан инспекцияларга моддий маданий ва археология мероси объектларини аниқлаш, тадқиқ этиш, ҳисобга олиш, реставрация қилиш, фойдаланиш ва оммалаштириш юзасидан зарур ёрдамларни кўрсатади;
Бош бошқарма ўзига юклатилган вазифаларни бажариш билан боғлиқ бошқа функцияларни ҳам амалга оширади.
8. Бош бошқарма ўзига юклатилган функцияларни бажаришда қуйидаги ҳуқуқларга эга:
юридик ва жисмоний шахслар томонидан моддий маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатларига риоя қилиши устидан белгиланган тартибда текширувлар ўтказиш;
моддий маданий ва археология мероси объектларини муҳофаза қилиш ва улардан фойдаланиш тўғрисидаги қонун ҳужжатлари бузилиши ҳолатлари аниқланганда уларни бартараф этиш бўйича чоралар кўриш;
моддий маданий ва археология мероси объектларида консервациялаш, реставрация-тиклаш ва ободонлаштириш ишларини олиб бориш, шунингдек Бош бошқарма фаолиятини ташкил қилиш учун зарур бўлган товарлар харид қилиш, ишлар ва хизматлар кўрсатилишига товарлар етказиб берувчилар, ишлар, хизматлар кўрсатувчилар билан (лойиҳалаш, экспертлик, пудратчи ва бошқа ташкилотлар) шартномалар тузиш;
пудрат ташкилотлари томонидан моддий маданий ва археология мероси объектларида реставрация-тиклаш, консервациялаш, ободонлаштириш ва бошқа ишларнинг бажарилишини назорат қилиш;
Бош бошқарма ва унинг инспекцияларининг бюджетдан ташқари маблағларини белгиланган тартибда бошқариш;
Ўзбекистон Республикаси ҳудудида ва чет элларда қонун ҳужжатларига мувофиқ кўргазмалар ташкил этиш;
Бош бошқарма ваколатига кирувчи масалалар билан боғлиқ ишлар бўйича судга даъво ва аризалар билан мурожаат этиш, судда ишларнинг кўриб чиқиш жараёнида иштирок қилиш;
Бош бошқармага юклатилган вазифалар ва функцияларни бажариш учун зарур бўлган ахборот ва материалларни давлат органлари, хўжалик субъектлари ва бошқа ташкилотлардан сўраш ва бепул асосда олиш;
Бош бошқарма қонун ҳужжатларига мувофиқ бошқа ҳуқуқларга ҳам эга.
9. Бош бошқарма қонун ҳужжатларига мувофиқ ўзига юклатилган вазифа ва функцияларни самарали бажариш юзасидан жавобгар ҳисобланади.
III. Бош бошқарма фаолиятини ташкил этиш
10. Бош бошқармани Маданият ва спорт ишлари вазири томонидан тайинланадиган ва лавозимдан озод этиладиган бошлиқ бошқаради.
Кейинги таҳрирга қаранг.
11. Бош бошқарма бошлиғи Маданият ва спорт ишлари вазири томонидан Бош бошқарма бошлиғи тақдимномасига мувофиқ тайинланадиган ва лавозимдан озод этиладиган икки нафар ўринбосарга эга.
Кейинги таҳрирга қаранг.
12. Бош бошқарма бошлиғи:
Бош бошқарма фаолиятига умумий раҳбарликни амалга оширади ҳамда Бош бошқармага юклатилган вазифа ва функцияларнинг бажарилиши учун шахсан жавоб беради;
Бош бошқарма ва унинг инспекциялари ходимларининг лавозим мажбуриятларини тасдиқлайди;
Бош бошқарма номидан фаолият юритади, унинг манфаатларини барча ташкилотларда ҳимоя қилади;
ходимларни ишга қабул қилади, улар билан меҳнат шартномалари тузади, уларни ўзгартиради ва бекор қилади;
ўз ваколатлари доирасида Бош бошқарма ва унинг инспекциялари ходимлари томонидан бажарилиши шарт бўлган буйруқ ва топшириқлар чиқаради, кўрсатмалар беради;
инспекциялар бошлиқлари томонидан қабул қилинган қонун ҳужжатлари талабларга зид буйруқларини бекор қилади;
ходимлар тайёрлаш ва ўқитиш, уларнинг малакасини ошириш бўйича чоралар кўради;
янги техника ва технологияларни қўллаш, фаолиятнинг янги йўналишлари бўйича таклифлар тайёрлашни ташкил этади;
Бош бошқарма бошлиғи қонун ҳужжатларига мувофиқ бошқа ваколатларни ҳам амалга оширади.
13. Қуйидагилар Бош бошқарма инспекциялари ҳисобланади:
минтақалараро инспекциялар: Бухоро ва Навоий вилоятлари бўйича; Қашқадарё ва Сурхондарё вилоятлари бўйича; Самарқанд ва Жиззах вилоятлари бўйича; Фарғона, Андижон ва Наманган вилоятлари бўйича; Тошкент шаҳри, Тошкент ва Сирдарё вилоятлари бўйича.
Минтақавий инспекциялар: Қорақалпоғистон Республикаси бўйича; Хоразм вилояти бўйича.
Кейинги таҳрирга қаранг.
14. Инспекциялар ўз фаолиятини Маданият ва спорт ишлари вазирлиги томонидан тасдиқланадиган низомлар асосида амалга оширадилар.
Кейинги таҳрирга қаранг.
15. Инспекцияларни Бош бошқарма бошлиғи томонидан Маданият ва спорт ишлари вазири билан келишилган ҳолда тасдиқланадиган ва лавозимдан озод этиладиган бошлиқлар бошқаради.
Кейинги таҳрирга қаранг.
IV. Бош бошқарма фаолиятини молиялаштириш тартиби
16. Бош бошқарма ва унинг инспекциялари фаолияти қуйидаги манбалар ҳисобидан молиялаштирилади:
ўз даромадлари;
Ўзбекистон Республикаси Давлат бюджети маблағлари;
қонун ҳужжатлари билан тақиқланмаган бошқа манбалар.
17. Бош бошқарма ва унинг инспекцияларининг ўз даромадларини шакллантириш манбалари қуйидагилар ҳисобланади:
моддий маданий ва археология мероси объектларини қонун ҳужжатларида белгиланган миқдорларда ижарага беришдан тушадиган маблағлар;
Бош бошқарма балансида бўлган моддий маданий ва археология мероси объектларига ташриф буюришдан ва Бош бошқарма томонидан маданий мерос объектларига уюштирилган экскурсиялардан тушган маблағлар;
Бош бошқарма ва унинг инспекциялари томонидан моддий маданий ва археология мероси объектларига ўтказилган тарихий-маданий экспертизадан ўтказишдан тушган маблағлар;
халқаро ташкилотлар ва молиявий институтларнинг, Ўзбекистон Республикасининг резидентлари ва норезидентлари – юридик ва жисмоний шахсларнинг грантлари, кредитлари ва ҳомийлик ёрдамлари;
қонун ҳужжатлари билан тақиқланмаган бошқа тушумлар.
18. Бош бошқарма ва унинг инспекциялари даромадларининг Ғазначилик шахсий ҳисоб рақами воситаси орқали тўпланиши ва сарфланиши тартиби Маданият ва спорт ишлари вазирлиги томонидан Ўзбекистон Республикаси Молия вазирлиги билан келишилган ҳолда белгиланади.
Кейинги таҳрирга қаранг.
19. Бош бошқарма ва унинг инспекцияларига бюджет маблағлари, заруриятга кўра, ўз даромадларининг Бош бошқарма ва унинг инспекцияларини сақлаш бўйича маблағлари таъминланмаган қисми бўйича улар харажатларини молиялаштириш учун субсидия шаклида ажратилади.
20. Бош бошқарма ва унинг инспекциялари ходимларига қуйидагилар тааллуқлидир:
а) Ўзбекистон Республикаси Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралари ходимлари меҳнатига ҳақ тўлаш тариф сеткаларини жорий этиш тўғрисида» 1996 йил 12 апрель 147-сон қарорида назарда тутилган мукофотлаш ва моддий ёрдам кўрсатиш тартиби;
б) Ўзбекистон Республикаси Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралари ходимлари меҳнатига ҳақ тўлаш тариф сеткаларини жорий этиш тўғрисида» 1996 йил 12 апрель 147-сон қарорига 2 ва 10-иловалар (меҳнатга ҳақ тўлаш бўйича 1-гуруҳ) мувофиқ белгиланган Ягона тариф сеткаси бўйича меҳнатга ҳақ тўлаш разрядлари;
в) бюджет муассасалари ва ташкилотлари ходимлари учун қонун ҳужжатларида назарда тутилган меҳнатни моддий тақдирлаш ва рағбатлантириш тартиби.
21. Заруриятга кўра, Бош бошқарма ва унинг инспекциялари балансида бўлган моддий маданий ва археология мероси объектларининг муҳофаза қилишни таъминлаш учун Маданият ва спорт ишлари вазирлиги билан келишилган ҳолда Бош бошқарма ва унинг инспекциялари штатлари жадвалига ушбу объектларнинг қоровуллари штатлари киритилиши мумкин.
Кейинги таҳрирга қаранг.
22. Бош бошқарма ва унинг инспекциялари маблағлари белгиланган тартибда қуйидаги тўловларга сарфланиши мумкин:
Бош бошқарма ва унинг инспекциялари ходимларининг лавозим окладлари;
вақтинча меҳнатга лаёқатсизлик бўйича тўланадиган нафақалар;
Бош бошқарма ва унинг инспекциялари ходимларига бюджетдан ташқари маблағлар ҳисобидан лавозим маошига тўланадиган шахсий ва бошқа устамалар.
23. Бош бошқарма ва унинг инспекцияларининг бюджетдан ташқари маблағларига оид даромад ва харажатлар сметасида назарда тутилган прогноз кўрсаткичлари йил якунлари бўйича Бош бошқарма ва унинг инспекциялари даромадларининг амалдаги тушумларидан юқори бўлган холларда, мазкур маблағлар қуйидаги тартибда тақсимланади:
даромаднинг 50 фоизи Бош бошқарма ва унинг инспекциялари тасарруфида қолади (шундан 50 фоиздан кўп бўлмаган қисми Бош бошқарма ва унинг инспекциялари ходимларини ижтимоий ҳимоялаш ва моддий рағбатлантириш тадбирларига ва 50 фоиздан кам бўлмаган қисми моддий-техника базани мустаҳкамлашга сарфланади);
қолган 50 фоизи кейинги йилда Бош бошқарма ва унинг инспекцияларини сақлаш харажатларини молиялаштириш мақсадлари учун белгиланган тартибда йўналтирилади. Бунда, Бош бошқарма ва унинг инспекцияларига тегишли молиявий йилда бюджетдан ажратиш назарда тутилган прогноз маблағлар (субсидиялар) суммасига камайтирилади;
24. Бош бошқарма ва унинг инспекцияларининг маданий мерос объектларида реставрация-тиклаш ишларини ташкил қилиш бўйича кўрсатган хизмат харажатлари бошқа ташкилотлар (буюртмачилар) билан Бош бошқарма ва унинг инспекцияларининг ушбу ташкилотлар (буюртмачилар) билан тузган шартномаларга мувофиқ ташкилотлар (буюртмачилар) маблағлари ҳисобидан қопланади.
V. Бош бошқарманинг мол-мулки
25. Бош бошқарманинг мол-мулки тезкор бошқарув ҳуқуқи билан бириктирилган асосий фондлар ва айланма маблағлар, шунингдек Бош бошқарманинг ўз мажбуриятлари бўйича жавоб берадиган фаолияти даврида харид қилинган Бош бошқарманинг бошқа мол-мулкидан иборат.
26. Мулкни бошқариш қонун ҳужжатларида белгиланган тартибда Бош бошқарма қарорига асосан амалга оширилади.
VI. Якунловчи қоидалар
27. Бош бошқарма ҳар йили Маданият ва спорт ишлари вазирлиги олдида молиявий – хўжалик фаолияти натижалари тўғрисида ҳисобот беради.
Кейинги таҳрирга қаранг.
28. Бош бошқарма фаолияти устидан назорат Маданият ва спорт ишлари вазирлиги ва бошқа ваколатли давлат органлари томонидан қонун ҳужжатларида белгиланган тартибда амалга оширилади.
Кейинги таҳрирга қаранг.
29. Бош бошқармани қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
7-ИЛОВА
7-ИЛОВА
Моддий маданий ва археология мероси объектларини муҳофаза қилиш ва фойдаланиш тизимини янада такомиллаштириш юзасидан қўшимча
ЧОРА-ТАДБИРЛАР
|
№ |
Тадбир номи |
Бажарилиш муддати |
Молиялаштириш манбалари |
Бажариш учун масъуллар |
|
1 |
Барча баланс эгаларидаги моддий маданий ва археология мероси объектларини хатловдан ўтказиш. |
2014-2015 йиллар |
Баланс эгалари маблағлари |
Маданият ва спорт ишлари вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
|
2 |
Моддий маданий ва археология мероси объектларини белгиланган тартибда Маданий мерос объектларининг давлат кадастрига киритиш бўйича зарур чоралар кўриш. |
2015 — 2018 йиллар |
Баланс эгалари маблағлари, бюджет маблағлари |
Маданият ва спорт ишлари вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
|
3 |
Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий-ишлаб чиқариш бош бошқармасининг 15 та минтақавий давлат инспекциялари негизида 5 та минтақалараро ва 2 та минтақавий давлат инспекцияларини тузиш. |
2014 йил III чорак |
---- |
Маданият ва спорт ишлари вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
|
4 |
Маданият ва спорт ишлари вазирлиги ҳузурида Моддий маданий ва археология мероси объектлари ва маданий бойликларни тадқиқ қилиш, реставрация қилиш, экспертизадан ўтказиш, шунингдек реставрация-тиклаш ишларини бажаришда янги замонавий материалларни ишлаб чиқиш бўйича лаборатория ташкил этиш тўғрисида Ҳукумат қарори лойиҳасини тайёрлаш ва Ўзбекистон Республикаси Вазирлар Маҳкамасига киритиш. |
2015 йил II чорак |
---- |
Маданият ва спорт ишлари вазирлиги, Молия вазирлиги, манфаатдор вазирликлар ва идоралар |
|
5 |
Ўзбекистон Республикасида лойиҳа ҳужжатларини ишлаб чиқиш, тасдиқлаш ва экспертизадан ўтказиш ҳамда Маданий мерос объектларида реставрация-тиклаш ишларини амалга ошириш тартиби тўғрисидаги низомни ишлаб чиқиш ва белгиланган тартибда тасдиқлаш. |
2015 йил I чорак |
---- |
Маданият ва спорт ишлари вазирлиги, Давлат архитектура ва қурилиш қўмитаси, Молия вазирлиги, манфаатдор вазирликлар ва идоралар |
|
6 |
Маҳобатли ёдгорликлар экспертизаси бўйича Бадиий кенгашнинг ҳамда Муҳофаза қилиш ва реставрация бўйича Илмий-услубий кенгашнинг янгиланган таркибини ва улар тўғрисидаги низомларни тасдиқлаш. |
2014 йил IV чорак |
---- |
Маданият ва спорт ишлари вазирлиги, Ўзбекистон Бадиий академияси, Молия вазирлиги, манфаатдор вазирликлар ва идоралар |
|
7 |
«Маданий ва археология мероси объектларини муҳофаза қилиш, сақлаш ва улардан фойдаланиш» йўналиши бўйича кадрлар тайёрлаш ўқув режалари ва дастурларини ишлаб чиқиш ва тасдиқлаш, уларни мунтазам равишда янгилаб бориш. |
2014-2015 ўқув йили бошлангунга қадар |
---- |
Ўрта махсус, касб-ҳунар таълими маркази, Маданият ва спорт ишлари вазирлиги, манфаатдор вазирликлар ва идоралар |
|
8 |
2015-2016 ўқув йилидан бошлаб Бош бошқарма буюртмасига мувофиқ тегишли ўрта махсус, касб-ҳунар таълими муассасаларида «Маданий ва археология мероси объектларини муҳофаза қилиш, сақлаш ва улардан фойдаланиш» йўналиши бўйича кадрлар тайёрлашни ташкил этиш. |
2015-2016 ўқув йилидан бошлаб |
---- |
Ўрта махсус, касб-ҳунар таълими маркази, Маданият ва спорт ишлари вазирлиги, манфаатдор вазирликлар ва идоралар |
|
9 |
Кўргазма фаолияти билан шуғулланувчи давлат музей ташкилотларида Билет хўжалигини юритиш тартиби тўғрисидаги низомни ишлаб чиқиш ва белгиланган тартибда тасдиқлаш. |
2014 йил IV чорак |
---- |
Маданият ва спорт ишлари вазирлиги, Давлат рақобат қўмитаси, Молия вазирлиги, Иқтисодиёт вазирлиги |
Кейинги таҳрирга қаранг.
Вазирлар Маҳкамасининг 2014 йил 21 июлдаги 200-сон қарорига
8-ИЛОВА
8-ИЛОВА
Ўзбекистон Республикаси Ҳукуматининг баъзи қарорларига киритилаётган ўзгартириш ва қўшимчалар
1. Вазирлар Маҳкамасининг «Маданий мерос объектларини муҳофаза қилиш ва улардан фойдаланишни янада такомиллаштириш чора-тадбирлари тўғрисида» 2002 йил 29 июлдаги 269-сон қарорининг (Ўзбекистон Республикаси ҚТ, 2002 й., 7-сон, 45-модда) 1-банди ва 2-бандининг иккинчи хатбошиси, шунингдек қарорга 1 ва 2-иловалар ўз кучини йўқотган деб ҳисоблансин.
2. Вазирлар Маҳкамасининг «Бухоро шаҳрининг тарихий қисмидаги маданий мерос объектларини муҳофаза қилиш масалалари тўғрисида» 2007 йил 11 сентябрдаги 191-сон қарорининг 1-бандидаги «Маданий мерос объектларини муҳофаза қилиш ва улардан фойдаланиш масалаларини мувофиқлаштириш бўйича Идоралараро комиссия» сўзлари «Маданий ва археология мероси объектларини муҳофаза қилиш ва улардан фойдаланиш масалаларини мувофиқлаштириш бўйича Ҳукумат комиссияси» сўзлари билан алмаштирилсин.
Кейинги таҳрирга қаранг.
3. Вазирлар Маҳкамасининг 2009 йил 8 апрелдаги 102-сон қарори (Ўзбекистон Республикаси ҚТ, 2009 й., 4-сон, 26-модда) билан тасдиқланган Давлат мулкини ижарага бериш тартиби тўғрисидаги Низомнинг 23-бандига қуйидаги мазмундаги олтинчи — саккизинчи хатбошилар қўшилсин:
«Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий ишлаб-чиқариш бош бошқармасининг ва унинг минтақалараро (минтақавий) давлат инспекциялари балансида бўлган маданий мерос объектларини ижара берилган ҳолларда (тадбиркорлик фаолияти субъектларига инвестиция мажбуриятлари билан ижарага бериш ҳолларидан ташқари), ижарага берувчиларнинг транзит ҳисоб рақамига тушадиган ижара тўловини ҳамда ижара тўлови кечиктирилгани учун ундирилган пеня, шартнома мажбуриятларини бузганлик учун жарима суммалари бир иш куни мобайнида қуйидаги тартибда тақсимланади:
маблағларнинг 90 фоизи Ўзбекистон Республикаси Маданият ва спорт ишлари вазирлиги Маданий мерос объектларини муҳофаза қилиш ва улардан фойдаланиш илмий ишлаб-чиқариш бош бошқармасининг бюджетдан ташқари шахсий ғазначилик ҳисоб рақамига ўтказилади;
10 фоизи тегишли ижарага берувчи тасарруфида қолади»;
олтинчи ва еттинчи хатбошилар тегишли равишда тўққизинчи ва ўнинчи хатбошилар деб ҳисоблансин.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2014 й., 30-сон, 372-модда; 2016 й., 42-сон, 490-модда; 2017 й., 15-сон, 257-модда, 19-сон, 345-модда, 33-сон, 862-модда; Қонун ҳужжатлари маълумотлари миллий базаси, 01.04.2019 й., 09/19/265/2858-сон; 22.02.2021 й., 09/21/87/0134-сон; Қонунчилик маълумотлари миллий базаси, 15.12.2023 й., 09/23/660/0938-сон)
