Ҳужжат кучини йўқотган " " 10.03.2021

Ҳужжат 31.01.2003 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2021 йил 9 мартдаги 125-сонли «Транспорт воситаларини мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида»ги қарорига асосан ўз кучини йўқотган.

«Йўл ҳаракати хавфсизлиги тўғрисида»ги Ўзбекистон Республикаси Қонунининг 13-моддасини ижро этиш юзасидан Вазирлар Маҳкамаси қарор қилади:

Кейинги таҳрирга қаранг.

1. Транспорт воситаларини мажбурий техник кўрикдан ўтказиш тартиби тўғрисидаги Низом иловага мувофиқ тасдиқлансин ва 2003 йил 1 февралдан бошлаб амалга киритилсин.

2. Ўзбекистон Республикаси Ички ишлар вазирлиги Ўзбекистон автомобиль ва дарё транспорти агентлиги билан биргаликда:

транспорт воситаларини мажбурий техник кўрикдан ўтказишда мувофиқлиги текшириладиган стандартлар рўйхатини бир ой муддатда белгиланган тартибда тасдиқласин;

мажбурий техник кўрикдан ўтказишда улар асосида транспорт воситаларининг техник ҳолати текшириладиган ишлаб чиқариш-техника базасига қўйиладиган талабларни ҳамда транспорт воситаларини техник диагностика воситаларидан фойдаланган ҳолда мажбурий техник кўрикдан ўтказиш ишлари технологиясига қўйиладиган талабларни икки ой муддатда тасдиқласин.

3. Белгилансинки, Ўзбекистон Республикаси Мудофаа вазирлиги, Давлат чегараларини ҳимоя қилувчи қўмита, Ички ишлар вазирлигининг ички ва соқчилик қўшинлари, Миллий хавфсизлик хизматининг ҳарбий бўлинмалари транспорт воситалари кўрсатиб ўтилган идоралар томонидан белгиланган тартибда мажбурий техник кўрикдан ўтказилади.

Кейинги таҳрирга қаранг.

4. Ўзбекистон Республикаси Ички ишлар вазирлиги оммавий ахборот воситаларида транспорт воситаларининг барча эгаларига, автомобилларга техника хизмати кўрсатувчи ташкилотларга мажбурий техник кўрикдан ўтказиш тартибини етказишга қаратилган кенг тушунтириш ишлари ўтказилишини ташкил этсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.

Ўзбекистон Республикасининг Бош вазири Ў. СУЛТОНОВ

Тошкент ш.,

2003 йил 31 январь,

54-сон

Вазирлар Маҳкамасининг 2003 йил
31 январдаги 54-сон қарорига
ИЛОВА

Транспорт воситаларини мажбурий техник кўрикдан ўтказиш тартиби тўғрисида

НИЗОМ

I. Асосий қоидалар

1. Мазкур Низом «Йўл ҳаракати хавфсизлиги тўғрисида»ги Ўзбекистон Республикаси Қонунининг 13-моддасига мувофиқ ишлаб чиқилган ва автомототранспорт воситалари ва уларга тиркамаларни, шунингдек шаҳар электр транспортини мажбурий техник кўрикдан ўтказиш тартибини белгилайди.

Кейинги таҳрирга қаранг.

2. Транспорт воситаларининг мажбурий техник кўриги (кейинги ўринларда матнда «техник кўрик» деб юритилади) Ўзбекистон Республикаси Ички ишлар вазирлигининг йўл ҳаракати хавфсизлиги бош бошқармаси органлари (кейинги ўринларда матнда «ЙҲХ бош бошқармаси» деб юритилади) томонидан мазкур Низомга мувофиқ ўтказилади.

Кейинги таҳрирга қаранг.

3. Қуйидагилар техник кўрикдан ўтказишнинг асосий вазифалари ҳисобланади:

транспорт воситаларининг техник ҳолати, улардан фойдаланиш нормалари ва қоидаларига риоя этилиши устидан самарали назоратни ташкил этиш;

транспорт воситаларининг техник ҳолати ва ускуналари йўл ҳаракати хавфсизлиги стандартлари, қоидалари, нормаларига мувофиқлигини баҳолаш;

Кейинги таҳрирга қаранг.

транспорт воситалари сонини, уларнинг ҳолатини, амалда мавжудлигини, тегишлилигини ва бошқа рўйхатдан ўтказиш маълумотларни аниқлаштириш;

йўл ҳаракати хавфсизлигини таъминлаш юзасидан профилактика ишларини ташкил этиш;

йўл ҳаракати ва транспорт воситаларидан фойдаланиш соҳасида ҳуқуқни бузишлар ва жиноятларнинг олдини олиш, аниқлаш ва барҳам бериш.

4. Юридик ва жисмоний шахсларга, шу жумладан хорижий юридик ва жисмоний шахсларга тегишли бўлган ва белгиланган тартибда ЙҲХ бош бошқармаси органларида рўйхатдан ўтказилган транспорт воситалари, шунингдек троллейбуслар ва трамвайлар (кейинги ўринларда матнда «транспорт воситалари» деб юритилади) мажбурий техник кўрикдан ўтказилиши керак.

Кейинги таҳрирга қаранг.

Мазкур Низом халқаро ҳуқуқ ва Ўзбекистон Республикасининг халқаро шартномалари нормаларига мувофиқ имтиёзлар ва дахлсизлик ҳуқуқларидан фойдаланувчи дипломатик ва консуллик ваколатхоналарига, халқаро (давлатлараро) ташкилотларга, шунингдек ушбу ваколатхоналар (ташкилотлар)нинг ходимларига ва уларнинг оила аъзоларига қарашли бўлган автомототранспорт воситалари ва уларга тиркамаларга нисбатан қўлланилмайди.

Кейинги таҳрирга қаранг.

5. Транспорт воситалари қуйидаги даврийликка мувофиқ техник кўрикдан ўтказилиши керак:

а) тижорат асосида йўловчилар ташиш учун фойдаланиладиган енгил автомобиллар, автобуслар, троллейбуслар, трамвайлар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларга тиркамалар — бир йилда икки марта;

б) ишлаб чиқарилганлигига беш йилдан кўп бўлмаган (ишлаб чиқарилган йили ҳам шу жумлага киради) транспорт воситалари (мазкур банднинг «а» кичик бандида кўрсатилган транспорт воситаларидан ташқари) — икки йилда бир марта;

в) ишлаб чиқарилган йилини ҳисобга олган ҳолда ишлаб чиқарилганлигига беш йилдан ортиқ бўлган транспорт воситалари, шунингдек ишлаб чиқарилган вақти аниқланмаган транспорт воситалари (мазкур банднинг «а» кичик бандида кўрсатилган транспорт воситаларидан ташқари) — бир йилда бир марта;

г) тиркамалар кўрикка транспорт воситаси — шатакчи учун белгиланган муддатларда тақдим этилади.

ЙҲХ бош бошқармаси органларида рўйхатдан ўтказилган кундан бошлаб улардан фойдаланишнинг биринчи йили мобайнида транспорт воситалари техник кўрикдан ўтказилмайди, мазкур банднинг «а» кичик бандида кўрсатилганлардан ташқари.

Кейинги таҳрирга қаранг.

6. Мазкур Низомнинг 5-банди «а» кичик бандида кўрсатилган транспорт воситаларининг техник кўриги:

биринчи марта — 1 март — 30 июнда;

иккинчи марта — 1 сентябрь — 31 октябрда ўтказилади.

Юридик шахсларга қарашли бўлган транспорт воситаларининг техник кўриги 1 март — 30 июнда ўтказилади.

Жисмоний шахсларга қарашли бўлган транспорт воситаларининг техник кўриги 1 январь — 31 августда ўтказилади.

Транспорт воситаси техник кўрикка белгиланган муддатлардан олдин тақдим этилиши мумкин. Ушбу ҳолда транспорт воситасини техник кўрикка тақдим этиш муддатини ўзгартириш тўғрисидаги қарор транспорт воситаси эгаси — юридик ёки жисмоний шахснинг ёзма аризаси асосида ЙҲХ бош бошқармасининг тегишли ҳудудий бўлинмаси раҳбари томонидан қабул қилинади.

Кейинги таҳрирга қаранг.

Мазкур Низомнинг 5-банди «а» кичик бандида кўрсатилган транспорт воситалари иккинчи марта техник кўрикдан ўтказилганлиги учун йиғим ундирилмайди.

Мототранспорт, тиркамалар, яримтиркамалар техник кўрикдан ўтказилганлиги учун энг кам ойлик иш ҳақининг йигирмадан бири миқдорида йиғим ундирилади.

Биринчи (олдинги) техник кўрикда носоз деб топилган транспорт воситалари такрорий техник кўрикдан ўтказилганлиги учун белгиланган миқдорларда йиғим ундирилади.

Техник кўрик ўтказилганлиги учун йиғим суммаси республика бюджетига ўтказилади.

Кейинги таҳрирга қаранг.

8. Транспорт воситаларини техник кўрикка тайёрлаш ва ўтказиш учун вазирликлар ва идораларнинг, бошқа ташкилотларнинг, шунингдек хусусий эгаликдаги зарур шароитлар ва ускуналарга, шунингдек ЙҲХ бош бошқармаси органлари томонидан берилган транспорт воситаларининг техник ҳолатини текширишга ва мажбурий техник кўрикка тайёрлашга рухсатномага эга бўлган техника хизмати кўрсатиш станциялари (кейинги ўринларда матнда «ТХС» деб юритилади), мулкчилик шаклларидан қатъи назар, шартнома асосида жалб этилиши мумкин.

Кейинги таҳрирга қаранг.

9. ТХСнинг транспорт воситаларининг техник ҳолатини текширишга тайёрлиги техник кўрик олдидан тегишли назорат ускуналари, норматив-техник ва технология ҳужжатлари мавжудлигини, шунингдек диагностика воситалари мавжудлиги ва уларнинг созлигини аниқлаш, уларнинг ўз вақтида аттестациядан ўтказилганлигини ва метрология хизматлари томонидан текширилганлигини текшириш йўли билан ТХСнинг буюртмасига кўра ЙҲХ бош бошқармасининг ҳудудий бўлинмаси томонидан аниқланади.

Кейинги таҳрирга қаранг.

Ижобий хулоса берилган тақдирда икки йил муддатга амал қилувчи тегишли рухсатнома (1-илова) расмийлаштирилади. Рухсатноманинг амал қилиш муддати мазкур банд талабларига мувофиқ такрорий текширишдан кейин узайтирилади.

Кейинги таҳрирга қаранг.

10. ТХСда транспорт воситаларининг техник ҳолатини текшириш ва уларни техник кўрикка тайёрлаш чоғида камчиликлар ва қонун бузилишлари аниқланган тақдирда ЙҲХ бош бошқармаси органлари транспорт воситаларининг техник ҳолатини текшириш ва мажбурий техник кўрикка тайёрлаш учун берилган рухсатноманинг амал қилишини улар бартараф этилгунга қадар тўхтатиб туради.

Кейинги таҳрирга қаранг.

11. ТХСда транспорт воситасининг техник ҳолатини текшириш транспорт воситалари эгаларининг хоҳишига кўра ўтказилади.

12. ТХС транспорт воситаларининг эгалари билан белгиланган тартибда тузилган шартнома асосида техник ҳолатни текширади, техник носозликларни бартараф этади, транспорт воситаларини таъмирлайди.

13. Текширишдан ўтган ва соз деб эътироф этилган ҳар бир транспорт воситасига ТХС техник ҳолат тўғрисидаги маълумотномани (2-илова) расмийлаштиради ва беради.

14. ТХСнинг транспорт воситасининг техник ҳолати тўғрисидаги маълумотномаси берилган кундан бошлаб ўн кун мобайнида (бироқ мазкур Низомнинг 6-бандида назарда тутилган муддатлардан кеч бўлмаган муддатда) амал қилади ва транспорт воситаларининг техник ҳолатини текширмасдан уларни техник кўрикдан ўтказиш натижалари ЙҲХ бош бошқармаси органларида расмийлаштирилиши учун асос бўлиб хизмат қилади.

Кейинги таҳрирга қаранг.

III. Юридик шахсларнинг транспорт воситаларини техник кўрикдан ўтказишни ташкил этиш

15. Техник кўрик транспорт воситалари рўйхатдан ўтказилган (вақтинча рўйхатдан ўтказилган) жойда:

зарур шарт-шароитларга (техник диагностика ускуналарига, кўтариш мосламаларига ёки қараб чиқиш учун чуқурчаларга, назорат-ўлчаш асбобларига, асфальт ёки бетон қопланган бир текис горизонтал майдончага) ва малакали мутахассисларга эга бўлган ташкилотларда;

техника хизмати кўрсатиш станцияларида;

ЙҲХ бош бошқармасининг диагностика станцияларида;

Кейинги таҳрирга қаранг.

ЙҲХ бош бошқармаси органлари томонидан ўрнатилган техник назорат постларида ўтказилади.

Кейинги таҳрирга қаранг.

Юридик шахсларнинг транспорт воситаларини техник кўрикдан ўтказиш жойлари ЙҲХ бош бошқармасининг ҳудудий бўлинмалари томонидан белгиланади.

Кейинги таҳрирга қаранг.

Ташкилотларда техник кўрик бошлангунга қадар барча диагностика аппаратлари текширилиши ва иш ҳолатига келтирилиши зарур.

16. Техник кўрикни ташкил этиш жадвал тузиш билан режалаштирилади, жадвалда техник кўрик ўтказиш жойи, санаси ва вақти, кўрикка қўйилаётган транспорт воситалари сони тўғрисидаги маълумотлар бўлиши керак.

Жадвал юридик шахсларнинг буюртманомалари ва диагностика станцияларининг техник имкониятлари, об-ҳаво-иқлим, ишлаб чиқариш шароитлари ва бошқа шароитлар ҳисобга олган ҳолда ЙҲХ бош бошқармаси ҳудудий органлари томонидан тузилади.

Кейинги таҳрирга қаранг.

17. Бир кунда техник кўрикка қўйиладиган транспорт воситалари сони мавжуд диагностика ва назорат-ўлчаш ускуналарининг кунлик унумдорлигидан келиб чиқиб белгиланади.

ЙҲХ бош бошқармаси ҳудудий органининг (Қорақалпоғистон Республикаси Ички ишлар вазирлиги, вилоятлар ички ишлар бошқармалари ва Тошкент шаҳар ички ишлар бош бошқармаси, Қорақалпоғистон Республикаси Ички ишлар вазирлиги ва вилоятлар ички ишлар бошқармалари туман (шаҳар) ички ишлар бўлимларининг автомототранспорт воситаларининг техник ҳолати, улардан фойдаланиш нормалари ва қоидаларига риоя этилишини назорат қилиш бўлими (бўлинмаси, гуруҳи) вакили (кейинги ўринларда матнда — ЙҲХ бош бошқармаси ходими) комиссия раиси ҳисобланади.

Кейинги таҳрирга қаранг.

19. Юридик шахсга техник кўрик ўтказиладиган муддатлар тўғрисидаги билдиришнома юборилади, унга транспорт воситалари гуруҳлари (3-илова) ёки алоҳида транспорт воситаси (4-илова) техник кўрик далолатномаси бланклари илова қилинади. Техник кўрик далолатномалари бланклари талаб этиладиган маълумотлар кўрсатилган ҳолда (техник ҳолат тўғрисидаги маълумотлардан ташқари) транспорт воситалари рўйхатига мувофиқ тўлдирилади. Транспорт воситалари гуруҳининг техник кўриги далолатномасида кўрсатилган транспорт воситалари тўғрисидаги маълумотлар ЙҲХ бош бошқармасининг тегишли органларида ҳисобга олиш маълумотлари билан таққосланади.

Кейинги таҳрирга қаранг.

20. Техник кўрик ташкилотларда, диагностика станцияларида ва техника хизмати кўрсатиш станцияларида иш вақтида, техник назорат постларида иш кунларининг кундузги ва тунги вақтларида ёки ҳафтанинг дам олиш кунларидан бирида ўтказилади.

21. Бошқа юридик ёки жисмоний шахсларга ижарага берилган транспорт воситалари ижарага берувчида ёхуд улар вақтинчалик рўйхатдан ўтказилган жойдаги ЙҲХ бош бошқармаси органларида ижарага берувчи учун белгиланган муддатларда техник кўрикдан ўтади.

Кейинги таҳрирга қаранг.

22. Техник кўрик бошланишидан камида ўн кун олдин юридик шахс ЙҲХ бош бошқармасининг ҳудудий органига қуйидаги ҳужжатларни тақдим этади:

Кейинги таҳрирга қаранг.

юридик шахснинг раҳбари, бош бухгалтер (бош бухгалтер функциясини бажарувчи шахс) томонидан имзоланган, юридик шахснинг муҳри билан тасдиқланган техник кўрик далолатномасининг бир нусхаси;

Кейинги таҳрирга қаранг.

техник кўрикдан ўтказганлик учун йиғимнинг белгиланган суммаси тўланганлигини тасдиқловчи ҳужжат (тўлов топшириғи, квитанция);

мукаммал таъмирлашда, хизмат сафарида бўлган, ижарага берилган ёки сотишга қўйилган транспорт воситалари сонини тасдиқловчи маълумотлар.

Кейинги таҳрирга қаранг.

IV. Троллейбуслар ва трамвайларни техник кўрикдан ўтказишни ташкил этиш

23. Троллейбуслар ва трамвайлар техник ҳолатининг Трамвай ва троллейбусдан техник фойдаланиш қоидалари, нормативлар ва стандартларнинг йўл ҳаракати хавфсизлиги ва техника хавфсизлигини таъминлашга тегишли қисми талабларига мувофиқлиги троллейбуслар ва трамвайларни давлат техник кўригидан ўтказишнинг асосий вазифаси ҳисобланади.

24. Йўл ҳаракати хавфсизлиги талабларидан ҳеч бўлмаганда биттасига жавоб бермайдиган троллейбус ва трамвайлар носоз деб ҳисобланади.

25. Техник кўрикка қўйилган, бироқ техник носозлик туфайли кўрикдан ўтмаган трамвайлар ва троллейбуслар фойдаланиш учун қўйилмайди.

26. Ўтказилган техник кўрик натижалари бўйича мазкур Низомда белгиланган тартибда ҳужжатлар тузилади ва расмийлаштирилади.

V. Жисмоний шахсларга тегишли транспорт воситаларини техник кўрикдан ўтказишни ташкил этиш

27. Жисмоний шахсларга тегишли транспорт воситасини навбатдаги техник кўрикка қўйиш санаси жорий кўздан кечириш пайтида ЙҲХ бош бошқармаси органлари ходимлари томонидан белгиланади.

Техник кўрикни бир текис ўтказиш мақсадида ЙҲХ бош бошқармаси органлари жадваллар тузиши ва транспорт воситалари эгаларига транспорт воситаларини техник кўрикка қўйишнинг аниқ саналари (ойлари)ни тавсия этишлари мумкин.

Кейинги таҳрирга қаранг.

техника хизмати кўрсатиш станцияларида;

ЙҲХ бош бошқармасининг диагностика станцияларида;

Кейинги таҳрирга қаранг.

ЙҲХ бош бошқармаси органлари томонидан белгиланган техник назорат постларида;

Кейинги таҳрирга қаранг.

транспорт воситаларининг техник ҳолатини текшириш учун зарур шарт-шароитларга эга бўлган жамоавий гараж ҳудудида, автомобиллар тўхташ жойларида ўтказилади.

Кейинги таҳрирга қаранг.

29. Транспорт воситаларининг техник кўриги ўтказиладиган жой ЙҲХ бош бошқармаси органлари томонидан белгиланади. Транспорт воситаларининг техник кўриги иш кунларининг кундузги ва тунги вақтларида ёки ҳафтанинг дам олиш кунларининг бирида ўтказилади.

Кейинги таҳрирга қаранг.

30. Техник кўрикдан ўтказиш учун транспорт воситаси эгаси ёки унинг ваколатли шахси томонидан қуйидаги ҳужжатлар кўрсатилади:

паспорт ёки шахсни тасдиқловчи бошқа ҳужжат (ҳарбий хизматчилар — шахсий гувоҳнома ва турар жойидан маълумотнома; Ўзбекистон Республикаси Ташқи ишлар вазирлигида аккредитация қилинган хорижий ташкилотлар ходимлари — Ўзбекистон Республикаси Ташқи ишлар вазирлигида рўйхатдан ўтказилган аккредитация карточкалари ва миллий паспортлари; бошқа хорижий фуқаролар – ички ишлар органларида рўйхатдан ўтказилганлиги тўғрисида белги қўйилган миллий паспортлари ёки Ўзбекистон Республикасида яшаш рухсатномаси; фуқаролиги бўлмаган шахслар — Ўзбекистон Республикасида яшаш рухсатномаси);

Кейинги таҳрирга қаранг.

техник кўрикдан ўтказишга берилган транспорт воситасига мувофиқ тоифадаги транспорт воситасини бошқариш ҳуқуқига ҳайдовчи гувоҳномаси;

транспорт воситасининг рўйхатдан ўтказилгани тўғрисида гувоҳнома (техник паспорт, техник талон);

транспорт воситасини бошқаришга яроқлилик тўғрисида белгиланган шаклдаги тиббий маълумотнома;

Кейинги таҳрирга қаранг.

қуйидаги ҳужжатлар тақдим этилади:

техник кўрикдан ўтиш учун белгиланган йиғим суммаси тўланганлигини тасдиқловчи ҳужжат (тўлов топшириқномаси, квитанция);

техник кўрикдан ўтказиш шохобчасининг транспорт воситасининг техник ҳолати тўғрисидаги маълумотномаси — шундай маълумотнома бўлганда.

Кейинги таҳрирга қаранг.

31. Транспорт воситасини техник кўрикдан ўтказиш жойига олиб бориш мумкин бўлмаган тақдирда унинг эгаси белгиланган муддатларда Йўл ҳаракати хавфсизлиги давлат хизматининг ҳудудий органига ёзма ариза ва ушбу Низомнинг 30-бандида кўрсатилган ҳужжатларни тақдим этади (ҳайдовчи гувоҳномаси, техник кўрикдан ўтказиш учун йиғим тўланганлиги тўғрисидаги ҳужжат ва тиббий маълумотнома бундан мустасно). Бунда Йўл ҳаракати хавфсизлиги давлат хизматининг ҳудудий органи ходими рўйхатдан ўтказиш гувоҳномасига (техник паспортга, талонга) носозлик тўғрисида «NOSOZ» ёзувини қайд қилади ва шахсий имзо ва муҳр (штамп) билан тасдиқлайди.

Кейинги таҳрирга қаранг.

Носозлик бартараф этилгандан кейин транспорт воситаси эгаси уни, ушбу Низомнинг 30-бандида кўрсатилган ҳужжатларни кўрсатган ҳолда техник кўрикка қўяди.

32. Эгасининг йўқлиги ёки касаллиги оқибатида техник кўрикдан белгиланган муддатларда ўтказилмаган транспорт воситалари эгаси қайтиб келгандан ёки соғайгандан кейин 10 кун мобайнида техник кўрикдан ўтказилади.

VI. Техник кўрикни ўтказиш тартиби

33. Транспорт воситалари техник кўрикдан ўтказишга Йўл ҳаракати хавфсизлиги давлат хизмати органлари томонидан кўрсатилган жойга қўйилади.

Кейинги таҳрирга қаранг.

34. Ҳар қайси транспорт воситасининг техник кўриги рўйхатдан ўтказиш тўғрисидаги гувоҳномада (техник паспортда, техник талонда) кўрсатилган маълумотларга транспорт воситаси тури, маркаси, модели, давлат рақами белгилари, шасси (рама), кузов ва двигателнинг идентификациялаш рақамларининг мувофиқлигини текширишдан бошланади.

Кейинги таҳрирга қаранг.

35. Ҳар қайси транспорт воситасининг техник ҳолати ва жиҳозлари стандартлар талабларига, йўл ҳаракати хавфсизлиги қоидалари ва нормаларига мувофиқлиги жиҳатидан текширилади.

Кейинги таҳрирга қаранг.

36. Тиркамалар ва ярим тиркамаларнинг техник ҳолати ҳам автопоезд таркибида, ҳам алоҳида турган ҳолатида текширилади.

37. Техник кўрикдан ўтган транспорт воситалари бўйича далолатнома тузилади (3 ёки 4-илова).

Кейинги таҳрирга қаранг.

Техник кўрикдан ўтган транспорт воситасини рўйхатдан ўтказиш гувоҳномасига (техник паспортига, талонига) Йўл ҳаракати хавфсизлиги давлат хизмати органининг ходими белгиланган намунада штамп қўяди, созлиги тўғрисида «SOZ» сўзини қайд этади, имзо билан тасдиқлайди ва техник кўрикдан ўтганлиги тўғрисида талон беради (5-илова).

Кейинги таҳрирга қаранг.

Техник кўрикдан ўтганлиги тўғрисидаги талонни (ёки дубликатни) берганлик учун йиғим ундирилмайди.

Йўл ҳаракати хавфсизлиги давлат хизмати ходими техник кўрикдан ўтказилгани тўғрисидаги талоннинг йил ойлари рим рақамлари билан кўрсатилган ўнг ёки чап қисмидаги квадратлардан биттасини қирқиб олади (компостёр қилади, ўчиради). Қирқиб олинган квадрат транспорт воситасини навбатдаги техник кўрикка қўйилиши керак бўлган муддатни белгилайди.

Кейинги таҳрирга қаранг.

Техник кўрикдан ўтгани тўғрисидаги талон навбатдаги техник кўрик ўтказилгунгача сақланади.

38. Техник кўрикдан ўтганлиги тўғрисидаги талон йўқолганда (ёки яроқсизланганда) юридик ёки жисмоний шахс — транспорт воситаси эгасининг ёзма аризасига кўра Йўл ҳаракати хавфсизлиги давлат хизматининг рўйхатдан (вақтинчалик рўйхатдан) ўтказилган жойдаги органи кўрикдан ўтказилганлик фактини текширади.

Кейинги таҳрирга қаранг.

Кўрикдан ўтганлиги факти тасдиқланганда ва ушбу Низомнинг 30-бандида назарда тутилган ҳужжатлар кўрсатилганда талон дубликати расмийлаштирилади ва берилади. Бунда транспорт воситасининг техник ҳолати текширилмайди ва уни навбатдаги техник кўрикдан ўтказишга қўйиш муддати ўзгармайди.

39. Ўзбекистон алоқа ва ахборотлаштириш агентлигининг рухсатномасини олиш талаб қилинадиган радиоэлектрон воситалар ва юқори частотали қурилмаларга эга бўлган транспорт воситаларида тегишли рухсатноманинг мавжудлиги текширилади.

Кейинги таҳрирга қаранг.

40. Махсус ва тезкор хизматлар транспорт воситаларида махсус рангли ва овозли сигналлар қурилмаларининг мавжудлиги, созлиги ва қонунийлиги, шунингдек транспорт воситасининг ранг–график бўяш схемаларининг стандартлар талабларига мувофиқлиги текширилади.

Кейинги таҳрирга қаранг.

41. Консервацияга қўйилган транспорт воситаларини техник кўрикдан ўтказишда уларнинг бутлиги текширилади. Транспорт воситасининг соз ҳолатдалигига шубҳа туғдирадиган сабаблар мавжуд бўлганда транспорт воситасини ғилдиракларини чиқариш учун тагликлардан қўзғатмаган ҳолда унинг двигатели ва трансмиссиясининг ишлай олиши текширилади.

42. Техник кўрик натижалари транспорт воситасининг рўйхатдан ўтказиш карточкасида, шунингдек Йўл ҳаракати хавфсизлиги бош бошқармаси ҳудудий органларининг ҳисобга олиш ҳужжатларида қайд этилади.

43. Жисмоний шахс томонидан транспорт воситасини (носозлиги ёки бошқа узрли сабаблар туфайли) техник кўрикдан ўтказишга қўйиш имконияти бўлмаган тақдирда рўйхатдан ўтказиш, қайта рўйхатдан ўтказиш, ҳисобдан чиқариш учун ёки (битта транспорт воситасини кўрикдан ўтказиш далолатномасини албатта тақдим этиш талаб қилинадиган) бошқа ҳолатларда транспорт воситаси эгасининг ёзма аризасига кўра Йўл ҳаракати хавфсизлиги давлат хизматининг ҳудудий органи ходими томонидан у жойлашган жойда, битта транспортни кўрикдан ўтказиш далолатномаси тузилган ҳолда техник кўрикдан ўтказилиши мумкин. Далолатнома берилган вақтидан бошлаб 30 кун мобайнида ҳақиқий ҳисобланади.

Кейинги таҳрирга қаранг.

44. Техник ҳолати ва жиҳозлари йўл ҳаракати хавфсизлиги талабларидан ҳатто биттасига жавоб бермайдиган транспорт воситаси ҳам носоз ҳисобланади ва ундан фойдаланиш тақиқланади.

Кейинги таҳрирга қаранг.

Бундай транспорт воситасини такрорий кўрикдан ўтказиш олдинги кўрикдан ўтказилган вақтидан бошлаб йигирма кундан кечикмай, ушбу Низомда белгиланган тартибда ўтказилади. Бу ҳолда техник ҳолатни текшириш фақат олдинги кўрикдан ўтказишда йўл ҳаракати хавфсизлиги талабларига мувофиқ бўлмаган кўрсаткичлар бўйичагина ўтказилади.

Транспорт воситаси олдинги кўрикдан ўтказиш вақтидан бошлаб 20 кундан кўп бўлмаган муддатда такрорий кўрикдан ўтказишга қўйилган тақдирда техник ҳолатни текшириш тўлиқ ҳажмда ўтказилади.

Кейинги таҳрирга қаранг.

VII. Якуний қоидалар

45. Техник кўрикдан ўтказилганлиги тўғрисидаги штамп намунаси Ўзбекистон Республикаси Ички ишлар вазирлиги томонидан тасдиқланади. Штампларни тайёрлаш, шунингдек улар билан Йўл ҳаракати хавфсизлиги давлат хизматининг ҳудудий органларини таъминлаш Қорақалпоғистон Республикаси Ички ишлар вазирлиги, вилоятлар ички ишлар бошқармалари ва Тошкент шаҳар Ички ишлар бош бошқармаси томонидан амалга оширилади.

Кейинги таҳрирга қаранг.

46. Техник кўрикдан ўтказилганлиги тўғрисидаги талон тавсифи Ўзбекистон Республикаси Ички ишлар вазирлиги томонидан тасдиқланади. Талон қатъий ҳисобда турадиган бланка ҳисобланади, уни тайёрлаш, сақлаш, сарфлаш ва ҳисобга олиш белгиланган тартибда Йўл ҳаракати хавфсизлиги давлат хизмати органлари томонидан, амалга оширилади.

Кейинги таҳрирга қаранг.

Талон бланкаларини тайёрлаш харажатларини маблағ билан таъминлаш марказлаштирилган тартибда Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси томонидан республика бюджети маблағлари ҳисобига амалга оширилади.

Транспорт воситаларини мажбурий
техник кўрикдан ўтказиш
тартиби тўғрисидаги низомга
1-ИЛОВА

‎‎Ўзбекистон Республикаси Ички ишлар вазирлиги ‎Йўл ҳаракати хавфсизлиги давлат хизмати
‎‎‎Транспорт воситаларининг техник ҳолатини текширишни ва уларни ‎ мажбурий техник кўрикка тайёрлашни ўтказишга
РУХСАТНОМА _________________________ ^{‎(серияси, тартиб рақами)‎‎}
‎‎ ‎_________________________________________________________________________________ га берилди ^{‎(техник хизмат кўрсатиш шохобчасининг тўлиқ номи, қарашлилиги)}
‎‎тўлиқ манзили _____________________________________________________________________________
‎‎телефони _________________________________ факси __________________________________________
Рухсатноманинг амал қилиш муддати _______________________________________________________
Рухсатнома ________________________________________________________________________________ ‎^{(рухсатномани берган Йўл ҳаракати хавфсизлиги}‎‎
_______________________________________________________________________ томонидан берилган ‎‎ ^{‎давлат хизмати органининг номи)}
М.Ў.‎	‎	‎
‎‎ ‎___________________________________________________________________________________________ ^{(Йўл ҳаракати хавфсизлиги давлат хизмати органи мансабдор шахсининг лавозими, унвони, фамилияси, исми, отасининг исми, имзоси)‎}
‎‎‎‎ Берилган санаси: 200 ___ йил ‎«_____» ________________________

Кейинги таҳрирга қаранг.

Транспорт воситаларини мажбурий
техник кўрикдан ўтказиш
тартиби тўғрисидаги низомга
2-ИЛОВА

Транспорт воситасининг техник ҳолати тўғрисида ‎

МАЪЛУМОТНОМА ‎

______________________________________________________ техник кўрикдан ўтказиш шохобчасида
‎^{(техник кўрикдан ўтказиш шохобчасининг номи)‎}

________________________________________________________га қарашли
‎^{(эгасининг Ф.И.О. ёки корхонанинг номи)}

^‎_________________________________ маркали, давлат рақами _____________________ бўлган

‎__________________________________________________________________________ нинг техник ҳолати
‎^{(транспорт воситасининг тури)}

текширилди ва транспорт воситасининг техник жиҳатдан созлиги ҳамда стандарт талабларига, йўл ҳаракати хавфсизлиги қоидалари ва нормаларига жавоб бериши аниқланди.‎

Раҳбар ________________________________________________________________
‎^{(масъул шахснинг имзоси, Ф.И.О.)‎}

200 ____ йил «_____» _________________‎

М.Ў‎.

Изоҳ: Ушбу маълумотнома берилган кунидан бошлаб ўн кун мобайнида ҳақиқийдир ва транспорт воситаларини техник кўрикдан ўтказиш натижаларини Йўл ҳаракати хавфсизлиги давлат хизмати органларида уларнинг техник ҳолатини текширувсиз расмийлаштириш учун асос бўлиб хизмат қилади.

Кейинги таҳрирга қаранг.

Транспорт воситаларини мажбурий
техник кўрикдан ўтказиш
тартиби тўғрисидаги низомга
3-ИЛОВА

‎‎Транспорт воситалари гуруҳини мажбурий техник кўрикдан ‎ ўтказиш
‎‎ДАЛОЛАТНОМАСИ
‎‎‎‎ ‎Тузилган санаси 200 ___ йил «____»_______________________
‎‎200 ___ йил «____» ____________________ дан 200 ____ йил «___» ___________________ гача ‎___________________________га қарашли транспорт воситалари гуруҳи техник кўрикдан ўтказилди ‎^{(юридик шахснинг номи)}
‎‏Т/р ‎	‎транспорт воситасининг тури ‎	давлат рақами ‎‏ ‎	маркаси ‎‏ ‎	‎‏ишлаб чиқарилган йили ‎	Агрегатлар рақами			техник ҳолати, носоз транспорт воситасининг техник талони олиб қўйилгани тўғрисидаги белги ‎‏	Изоҳ. Дизель ёки газ ёнилғиси билан ишлайди‎‏
‎‏Т/р ‎	‎транспорт воситасининг тури ‎	давлат рақами ‎‏ ‎	маркаси ‎‏ ‎	‎‏ишлаб чиқарилган йили ‎	двигатель ‎	кузов ‎	шасси (рама)‎		Изоҳ. Дизель ёки газ ёнилғиси билан ишлайди‎‏
‎1	2‎	3‎	‎4	5‎	6‎	‎7	8‎	9‎	10‎
‎1	‎	‎	‎	‎	‎	‎	‎	‎	‎
‎2	‎	‎	‎	‎	‎	‎	‎	‎	‎
3‎	‎	‎	‎	‎	‎	‎	‎	‎	‎
4‎	‎	‎	‎	‎	‎	‎	‎	‎	‎
5‎	‎	‎	‎	‎	‎	‎	‎	‎	‎
6‎	‎	‎	‎	‎	‎	‎	‎	‎	‎
7‎	‎	‎	‎	‎	‎	‎	‎	‎	‎
8‎	‎	‎	‎	‎	‎	‎	‎	‎	‎
9‎	‎	‎	‎	‎	‎	‎	‎	‎	‎
10‎	‎	‎	‎	‎	‎	‎	‎	‎	‎
11‎	‎	‎	‎	‎	‎	‎	‎	‎	‎
12‎	‎	‎	‎	‎	‎	‎	‎	‎	‎
13‎	‎	‎	‎	‎	‎	‎	‎	‎	‎
14‎	‎	‎	‎	‎	‎	‎	‎	‎	‎
15‎	‎	‎	‎	‎	‎	‎	‎	‎	‎
16‎	‎	‎	‎	‎	‎	‎	‎	‎	‎
17‎	‎	‎	‎	‎	‎	‎	‎	‎	‎
18‎	‎	‎	‎	‎	‎	‎	‎	‎	‎
19‎	‎	‎	‎	‎	‎	‎	‎	‎	‎
20‎	‎	‎	‎	‎	‎	‎	‎	‎	‎
21‎	‎	‎	‎	‎	‎	‎	‎	‎	‎
22‎	‎	‎	‎	‎	‎	‎	‎	‎	‎
23‎	‎	‎	‎	‎	‎	‎	‎	‎	‎
24‎	‎	‎	‎	‎	‎	‎	‎	‎	‎
25‎	‎	‎	‎	‎	‎	‎	‎	‎	‎
26‎	‎	‎	‎	‎	‎	‎	‎	‎	‎
27‎	‎	‎	‎	‎	‎	‎	‎	‎	‎
28‎	‎	‎	‎	‎	‎	‎	‎	‎	‎
29‎	‎	‎	‎	‎	‎	‎	‎	‎	‎
30‎	‎	‎	‎	‎	‎	‎	‎	‎	‎
31‎	‎	‎	‎	‎	‎	‎	‎	‎	‎
32‎	‎	‎	‎	‎	‎	‎	‎	‎	‎
33‎	‎	‎	‎	‎	‎	‎	‎	‎	‎
34‎	‎	‎	‎	‎	‎	‎	‎	‎	‎
35	‎	‎	‎	‎	‎	‎	‎	‎	‎
«Юридик шахснинг ҳисобидаги (балансидаги) транспорт воситалари сонини тасдиқлаймиз»:					Рўйхатда кўрсатилган транспорт воситалари ЙҲХ РЭО (МРЭО, РЭП) ҳисобга олиш маълумотлари билан таққосланган ‎‎
Корхона раҳбари _____________________________ ‎_____________________________________________ ^{‎(имзо, Ф.И.О.)‎‎}					РЭО (МРЭО, РЭП) ходими ‎_____________________________________________ ^{‎(лавозими, ЙҲХДХ органи номи, унвони, Ф.И.О.)‎‎}
‎Бош бухгалтер (бухгалтер ёки ‎ҳисобни юритувчи шахс) ‎__________________________________________________________________________________________ ^{‎(имзо Ф.И.О.)}					‎ ‎М.Ў
‎	М.Ў‎	‎‎			‎	‎	‎	‎	‎
‎‎ ‎Ташкилот ҳисобида______________ автомобиль, ________ тиркама ____________ ярим тиркама ва _______ мототранспорт воситалари мавжуд, улардан _______ автомобиль,__________ тиркама, _______ ярим тиркама ва _________ мототранспорт воситалари техник кўрикка қўйилган.
‎‎_________ автомобиль, _________ мотортанспорт воситаси, ________ тиркама, яримтиркама мукаммал таъмирлашдалиги ва ____ автомобиль, ____ мототранспорт восититаси, ______ тиркама ва ярим тиркама хизмат сафаридалиги туфайли_____ атомобиль,____ мототранспорт воситалари,_______ тиркама, ярим тиркаматехник кўрикдан ўтмади.
‎‎Текширилган автомобиллардан_____ автомобиль, ______ мототранспорт воситалари, _____ тиркама, ярим тиркама техник жиҳатдан носоз деб топилди. ‎Шу жумладан: ‎
‎‎_____ та транспорт воситасининг тормоз системасида; ‎_____ та транспорт воситасининг руль бошқарувида; ‎_____ та транспорт воситасининг ташқи ёритиш приборларида носозлик мавжудлиги; ‎_____ та транспорт воситасида фойдаланиш учун яроқсиз автошиналар мавжудлиги; ‎_____ та транспорт воситасининг ишланган газида зарарли моддалар мавжудлиги ва уларнинг тутунлилиги белгиланган нормалардан ортиқчалиги аниқланди.
Ҳисобдаги автомобиллардан _____ таси дизель ёнилғиси билан, _____ таси газ ёнилғиси билан ишлайди. ‎Текширилган____ та дизель автомобилларидан _____ таси ва ____ та газ баллонли автомобилдан_____ таси носоз деб топилди.‎‎
‎‎___________________________________________________________________________________________ ^{(лавозими, ЙҲХДХ органининг номи, унвони, Ф.И.О., имзо)‎}‎___________________________________________________________________________________________
‎‎Далолатнома нусхасини олдим:
‎‎Юридик шахс раҳбари			‎‎_______________________________________________________________ ^{‎(Ф.И.О., имзо)}

Кейинги таҳрирга қаранг.

Транспорт воситаларини мажбурий
техник кўрикдан ўтказиш
тартиби тўғрисидаги низомга
4-ИЛОВА

Алоҳида транспорт воситасини техник кўрикдан ўтказиш ‎ДАЛОЛАТНОМАСИ‎‎‎
‎‎‎Тузилган санаси 200 ____ йил «____»‎ _______________
‎‎ Техник кўрик ___________________________________________________________________________________________ ^{(Йўл ҳаракати хавфсизлиги давлат хизмати органининг номи,}‎‎________________________________________________________________ томонидан ўтказилди ^{‎мансабдор шахснинг лавозими, унвони, Ф.И.О.)‎}
1. Транспорт воситасининг маркаси, модели _____‎	6. Шасси (рама) рақами _______________________‎
2. Тури ______________________________________‎	7. Двигатель рақами __________________________‎
3. Ранги _____________________________________‎	8. Кузов рақами ______________________________‎
4. Ишлаб чиқарилган йили ____________________‎	9. Рўйхатдан ўтказиш тўғрисидаги гувоҳномаси (техник паспорт) серияси, рақами ______________‎
5. Давлат рақами _____________________________‎	_____________________________________________‎
10. Транспорт воситаси‎‎ ______________________________________________________________________ ^{‎(юридик шахснинг тўлиқ номи‎, ‎}___________________________________________________________________________га қарашли ^{‎якка тартибдаги транспорт воситаси эгасининг Ф.И.О.)}
11. ‎‎Жойлашган жойи (турар жойи)___________________________________________________________‎
12. Қуйидаги техник носозликлар аниқланди: _________________________________________________ ‎_________________________________________________________________________________________________________________________________________________________________________________________________________________________________________________________________________________‎‎
‎‎13. Автомашинанинг ҳолати _________________________________________________________________‎
14. Радиотўсиқларни йўқотиш мосламаларининг мавжудлиги‎‎ __________________________________‎
15. Спидометрнинг ҳолати‎‎ __________________________________________________________________
‎‎16. Техник ҳолати тўғрисида хулоса __________________________________________________________ ^{‎(техник жиҳатдан соз, носоз)}‎
‎‎Йўл ҳаракати хавфсизлиги давлат хизмати ходими_____________________________________________ ^{‎(имзо, Ф.И.О.)}
‎‎Далолатнома нусхасини олдим ______________________________________________________________ ^{‎(имзо Ф.И.О.)}

Кейинги таҳрирга қаранг.

Транспорт воситаларини мажбурий
техник кўрикдан ўтказиш
тартиби тўғрисидаги низомга
5-ИЛОВА

Техник кўрикдан ўтказиш тўғрисидаги талоннинг олд томони ‎‎‎
‎	I‎	‎‎‎‏‏O'ZBEKISTON ‎ ‎2003‎‎ ‎‎‎UZ № 0000000‎‏ ‎	VII‎	‎‎
‎‎	II‎		VIII‎	‎‎
‎‎	III‎		IX‎
‎‎	IV‎		X‎	‎‎
‎‎	V‎		XI‎
‎‎	VI‎		XII‎
‎‎ ‎Талоннинг орқа томони ‎
	Мажбурий техник кўрикдан ўтказиш ‎тўғрисидаги талон‎‎‏ ‎ ‎Транспорт воситасининг маркаси, модели _____________ ‎__________________________________________________ ‎Давлат рақами белгиси _____________________________ ‎Алоҳида қайдлар ‎______________________________________________________________________________________________________________________________________________________ ^{‎(ЙҲХДХ органининг номи, мансабдор шахснинг лавозими, унвони, Ф.И.О., имзоси) М.Ў.}			‎‎
‎‎				‎‎
‎‎				‎‎‎
‎‎
‎‎‎				‎‎
‎‎				‎‎

Кейинги таҳрирга қаранг.

(Ўзбекистон Республикаси қонун ҳужжатлари тўплами, 2003 й., 1-2-сон, 17-модда; 2004 й., 17-сон, 199-модда; 30-сон, 345-модда; 2012 й., 11-сон, 115-модда, 44-сон, 507-модда, 52-сон, 587-модда; 2014 й., 10-сон, 105-модда, 37-сон, 473-модда; 2015 й., 26-сон, 338-модда; 2017 й., 36-сон, 958-модда; Қонун ҳужжатлари маълумотлари миллий базаси, 23.12.2017 й., 10/17/1001/0447-сон, 26.12.2017 й., 09/17/1010/0461-сон, 26.02.2018 й., 09/18/139/0818-сон, 01.06.2018 й., 09/18/396/1287-сон, 21.09.2018 й., 09/18/748/2024-сон; 16.02.2019 й., 09/19/136/2623-сон, 11.08.2019 й., 09/19/661/3571-сон; 08.05.2020 й., 09/20/271/0565-сон, 29.07.2020 й., 09/20/456/1119-сон, 29.09.2020 й., 09/20/593/1340-сон)