Трансафғон темир йўл коридорини ривожлантириш, «Тошғузар — Бойсун — Қумқўрғон» темир йўл йўналиши бўйича транзит ташувларни кўпайтириш ҳамда республика корхоналарининг экспорт салоҳиятини кенгайтириш мақсадида Вазирлар Маҳкамаси қарор қилади:

1. «Ҳайратон — Мозори-Шариф» темир йўл линиясидан фойдаланиш ва унга техник хизмат кўрсатиш лойиҳасини амалга ошириш доирасида қуйидагиларни инобатга олинсин:

«Ўзбекистон темир йўллари» давлат-акциядорлик компаниясининг «Ўзбектемирйўлекспедициа» унитар корхонаси таркибидаги «Согдиана Транс» шўба корхонаси (бундан кейин — Оператор) ҳамда Афғонистон Ислом Республикаси Жамоат ишлари вазирлиги ўртасида Осиё тараққиёт банки иштирокида ўтказилган музокаралар якунида «Ҳайратон — Мозори-Шариф» темир йўл линиясини 3 йил муддатга эксплуатация қилиш ва техник хизмат кўрсатиш бўйича шартнома маъқулланди.

Операторга, ташиш ҳажмларидан қатъий назар, йилига 32,0 миллион АҚШ доллари тўланади (шундан 8,0 миллион АҚШ доллари бошқарув учун мукофот сифатида). Бундан ташқари, ташиш ҳажмлари билан боғлиқ ҳолда қўшимча 8,0 миллион АҚШ доллари миқдорида тўловлар амалга оширилади. Жумладан, ташиш ҳажми 2,2 миллион тоннага етганда 1,5 миллион АҚШ доллари ва 2,2 миллион тоннадан ортиқ юкнинг ҳар 100 минг тоннаси учун 275 минг АҚШ доллари миқдорида қўшимча тўлов берилади.

Афғонистон Ислом Республикаси ҳудудида темир йўл ташишлари учун ташиш ҳақи Оператор томонидан 100 фоизлик олдиндан тўлов асосида ундирилади ва Ўзбекистон Республикасининг ваколатли банкидаги алоҳида даромад ҳисоб рақамида тўпланади. Бу маблағлар шартнома шартларига мувофиқ ҳар ойда Операторнинг Афғонистон Ислом Республикасидаги ваколатли банкдаги жорий ҳисоб рақамига ўтказиб берилади.

2. «Ўзбекистон темир йўллари» давлат-акциядорлик компанияси қуйидагиларни таъминлаши лозим:

Оператор ва Афғонистон Ислом Республикаси Жамоат ишлари вазирлиги ўртасида «Ҳайратон — Мозори-Шариф» темир йўл линиясидан фойдаланиш ва унга хизмат кўрсатиш бўйича 3 йил муддатга шартнома;

«Согдиана Транс» шўба корхонасининг мазкур лойиҳада иштирок этаётган барча ходимларининг Афғонистонда бўлган вақтидаги ҳаёти ва соғлигини суғурталаш бўйича Оператор ҳамда «Ўзбекинвест» экспорт-импорт миллий суғурта компанияси ўртасида тузилган шартнома.

3. «Ўзбекистон темир йўллари» ДАТК «Ўзбектемирйўлекспедициа» УК «Согдиана Транс» ШКга рухсат берилсин:

солиқлар, божлар ва бошқа тўловларни тўлаш учун, шунингдек Афғонистон резидентлари билан тузилган меҳнат шартномалари ҳамда Афғонистон ҳудудида товарлар, ишлар ва хизматларни реализация қилувчи етказиб берувчилар билан тузилган шартномалар бўйича Афғонистон Ислом Республикасининг ваколатли банкида жорий ҳисоб рақами очиш;

«Ҳайратон — Мозори-Шариф» темир ёи линиясидан фойдаланиш ва унга хизмат кўрсатиш учун зарур бўлган ёқилғи-мойлаш материаллари, электр энергиясини Афғонистон ҳудудида сотиб олиш;

«Ҳайратон — Мозори-Шариф» темир йўл линиясидан фойдаланишда ва унга хизмат кўрсатишда поездлар ҳаракати билан боғлиқ бўлмаган ишлар учун Афғонистон резидентлари билан меҳнат шартномалари тузиш;

4. Ўзбекистон Республикаси Ички ишлар вазирлиги ва Ташқи ишлар вазирлиги «Согдиана Транс» шўба корхонасининг сўровларига биноан «Ҳайратон — Мозори Шариф» темир ёи линиясини ишлатиш ва хизмат кўрсатишда иштирок этувчи мутахассисларга чиқиш ҳужжатларини расмийлаштириш ишларини таъминласинлар.

5. Ўзбекистон Республикаси Давлат божхона қўмитаси, Миллий хавфсизлик хизмати ва «Согдиана Транс» ШК билан ҳамкорликда «Ғалаба» чегара назорат пункти орқали Афғонистонга фавқулодда вазиятлар юзага келганда таъмирлаш-тиклаш ва бошқа ишларни амалга ошириш, шунингдек «Ҳайратон — Мозори Шариф» темир ё'1 линиясидан фойдаланиш, унга техник хизмат кўрсатиш ва таъмирлаш билан боғлиқ режали ишларни бажариш учун юбориладиган махсус техника, механизмлар, ускуналар, материаллар ва бошқа товарлар ҳамда хизмат кўрсатувчи ходимларни ўтказишнинг соддалаштирилган тартибини ишлаб чиқсин.

6. Шартноманинг бутун амал қилиш муддати давомида «Согдиана Транс» ШКнинг мазкур лойиҳа доирасида Афғонистонга юборилаётган ходимларига белгиланган меъёрлардан ортиқ тўланадиган хизмат сафари харажатларига қўшимча тўловлар суммаси, шунингдек хизмат сафари давомида уч маҳал овқатланиш харажатлари суммаси юридик шахслардан олинадиган фойда солиғи ва жисмоний шахслардан олинадиган даромад солиғи бўйича солиқ солинадиган базага киритилмаслиги белгилансин.

7. «Ўзбекистон темир йўллари» давлат-акциядорлик компаниясининг «Ўзбектемирйўлекспедициа» унитар корхонаси таркибидаги «Согдиана Транс» шўба корхонаси Ўзбекистон Республикаси Вазирлар Маҳкамаси томонидан тасдиқланадиган рўйхатлар асосида лойиҳани амалга ошириш доирасида Ўзбекистон Республикасига олиб кириладиган ва Ўзбекистон Республикасидан олиб чиқиладиган махсус техника, асбоб-ускуналар, хомашё ва материаллар, эҳтиёт қисмлар, бутловчи буюмлар ва узеллар, технологик ҳужжатлар ҳамда жиҳозлар учун божхона тўловларини тўлашдан (божхона расмийлаштируви йиғимларидан ташқари) озод этилсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.