Ҳужжат кучини йўқотган " " 01.09.2020

Ҳужжат 28.10.2013 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Ўзбекистон Республикаси Вазирлар Маҳкамасининг «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида» 2000 йил 29 июндаги 245-сон қарорига ўзгартиришлар киритиш ҳақида (Ўзбекистон Республикаси Президентининг «Кичик бизнес ва хусусий тадбиркорлик субъектлари экспортини қўллаб-қувватлаш борасидаги қўшимча чора-тадбирлар тўғрисида» 2013 йил 8 августдаги ПҚ–2022-сон қарори)

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2020 йил 10 августдаги 472-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Валютани тартибга солиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 22 октябрдаги ЎРҚ-573-сон ва «Банклар ва банк фаолияти тўғрисида» Ўзбекистон Республикаси Қонунига ўзгартиш ва қўшимчалар киритиш ҳақида» 2019 йил 5 ноябрдаги ЎРҚ-580-сон қонунлари)»ги қарорига асосан 2020 йил 1 сентябрдан ўз кучини йўқотади.

Ўзбекистон Республикаси Президентининг «Кичик бизнес ва хусусий тадбиркорлик субъектлари экспортини қўллаб-қувватлаш борасидаги қўшимча чора-тадбирлар тўғрисида» 2013 йил 8 августдаги ПҚ–2022-сон қарорини бажариш юзасидан Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида» 2000 йил 29 июндаги 245-сон қарорига (Ўзбекистон Республикаси ҚТ, 2000 й., 6-сон, 33-модда) иловага мувофиқ ўзгартиришлар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2013 йил 21 октябрь,

285-сон

Вазирлар Маҳкамасининг 2013 йил 21 октябрдаги 285-сон қарорига
ИЛОВА

1. 4-банд қуйидаги таҳрирда баён қилинсин:

«4. Белгилаб қўйилсинки, ташқи савдо операцияларини амалга оширишда қуйидаги талаблар бажарилиши мажбурийдир:

а) экспорт операциялари бўйича тушум тушиши ёки қайта олиб кириш муддати:

марказлаштирилган экспортни амалга оширувчи «Ўзмарказимпэкс» ДАТСК, «Ўзсаноатмашимпэкс» ДАТСК, «Марказсаноатэкспорт» ДАТСК, «Ўзинтеримпэкс» ДАТСК, «Ўзташқитранс» ДАК, Ўзбекистон Республикаси «Ўрта Осиё Транс» халқаро автотранспорт юк ташиш ДАК учун товарлар, ишлар ва хизматлар амалда экспорт қилинган кундан бошлаб 90 кундан;

муассислар томонидан чет элдаги корхоналарга (савдо уйлари, савдо ваколатхоналари, шуъба корхоналар, фирма дўконлар, дилерлик шохобчалари ва консигнация омборлари), шунингдек — Ўзбекистон Республикаси Савдо-саноат палатаси аъзолари — хўжалик юритувчи субъектлар томонидан Палатанинг савдо-инвестиция уйлари номига олиб чиқилаётган товарлар амалда экспорт қилинган кундан бошлаб 180 кундан;

белгиланган тартибда берилган экспорт контрактини суғурта қилиш бўйича полис мавжуд бўлганда олдиндан тўламасдан, аккредитив очилмасдан ёки банк кафолатисиз товарлар, ишлар ва хизматларни хорижий валютага экспорт қиладиган кичик бизнес ва хусусий тадбиркорлик субъектлари учун товарлар, ишлар ва хизматлар амалда экспорт қилинган кундан бошлаб 180 кундан;

марказлаштирилмаган экспортни амалга оширувчи қолган экспорт қилувчилар учун товарлар, ишлар ва хизматлар амалда экспорт қилинган кундан бошлаб 60 кундан ошиб кетмаслиги керак;

б) белгиланган муддатлар ўтгандан кейин хорижий валюта тушуми тушиши 30 банк кунидан кўпроққа (кичик бизнес ва хусусий тадбиркорлик субъектлари учун - 60 банк куни) кечикишига йўл қўйган юридик шахслар-резидентлар:

валюта тушуми тушиши белгиланган муддатлардан 180 кунгача кечикканда — тушмаган валюта маблағлари суммасининг 10 фоизига тенг миқдорда;

валюта тушуми тушиши белгиланган муддатлардан 180 кундан 365 кунгача кечикканда — қўшимча равишда тушмаган валюта маблағлари суммасининг 20 фоизига тенг миқдорда;

валюта тушуми тушиши белгиланган муддатдан 365 кундан ортиқ муддатга кечикканда — қўшимча равишда тушмаган валюта маблағлари суммасининг 70 фоизига тенг миқдорда республика бюджети даромадига жарима тўлайдилар;

в) ушбу қарорда белгиланган жарима санкциялари қўлланган тақдирда ташқи савдо операциялари бўйича тўлов муддати ўтказиб юборилган дебиторлик қарзларни ундириш муддатларидан қатъи назар, айнан ўша контрактлар бўйича юридик шахслар — резидентларга такрорий санкциялар қўлланилмайди».

2. 1-иловада 19-банднинг биринчи хатбоши қуйидаги таҳрирда баён қилинсин:

«Корхоналар экспорт қилинган товарлар, ишлар ва хизматлар учун маблағлар қонун ҳужжатларида белгиланган муддатлар тамом бўлганидан кейин тўлиқ миқдорда тушиши учун жавоб берадилар».

Кейинги таҳрирга қаранг.

(Ўзбекистон Республикаси қонун ҳужжатлари тўплами, 2013 й., 43-сон, 572-модда; Қонун ҳужжатлари маълумотлари миллий базаси, 12.01.2018 й., 09/18/16/0549-сон)