Жаҳон бозорида нефт маҳсулотлари нархлари конюнктурасининг ўзгаришини ҳисобга олган ҳолда, шунингдек, ёқилғи-мойлаш материаллари билан таъминлашни тартибга солиш ва улардан мақсадсиз фойдаланишнинг олдини олиш мақсадида Вазирлар Маҳкамаси қарор қилади:

1. 2000 йил 1 февралдан бошлаб ёқилғи-мойлаш материалларининг барча улгуржи ва чакана истеъмолчилари учун нефт маҳсулотларининг ягона нархлари жорий этилсин.

Бунда Ўзбекистон Республикаси Солиқ кодексига мувофиқ, қишлоқ хўжалиги корхоналарига қишлоқ хўжалиги ишлаб чиқариш эҳтиёжлари учун етказиб бериладиган ёқилғи-мойлаш материалларига қўшилган қиймат солиғининг ноль ставкасини қўллашнинг амалдаги тартиби сақланиб қолсин.

3. Ўзбекистон Республикаси Молия вазирлиги:

бир ҳафта муддатда ёқилғи-энергетика ресурсларини, шу жумладан, қишлоқ хўжалиги истеъмолчилари учун минерал ўғитлар ишлаб чиқаришда фойдаланиладиган ресурслари чиқаришнинг (сотишнинг) ягона тартибини ишлаб чиқсин;

барча манфаатдор вазирликлар, идоралар, корхона ва ташкилотларга нефть ва нефть маҳсулотларининг ягона улгуржи нархларини, шунингдек, бензиннинг янги чакана нархларида белгиланган тартибда етказсин;

нефть ва нефть маҳсулотларига акциз солиғи ставкаларини ушбу қарорда белгиланган бензин нархлари даражасига мувофиқ қайта кўриб чиқсин.

5. «Ўзнефтмаҳсулот» AЖ ва унинг маҳаллий органлари 2000 йил 1 февраль ҳолатига кўра қайта баҳолашни ўтказсин:

автобензиннинг қолган қисмини нақд пулга сотадиган ёқилғи қуйиш шохобчаларида қўшимча баҳонинг тўлиқ миқдори давлат бюджети даромадларига киритилган ҳолда;

белгиланган тартибда бошқа турдаги нефть маҳсулотлари.

6. Ўзбекистон Республикаси Вазирлар Маҳкамасининг 1998 йил 25 мартдаги 129-сонли қарори 6-бандининг 2-хатбошиси, Вазирлар Маҳкамасининг 1998 йил 21 августдаги 360-сонли қарорининг 4-бандини, Вазирлар Маҳкамасининг 1999 йил 29 июлдаги 370-сонли қарори ўз кучини йўқотган деб ҳисоблансин.