(10-модда Ўзбекистон Республикасининг 1995 йил 31 августдаги 118-I-сонли Қонуни асосида тўртинчи, бешинчи ва олтинчи қисмлар билан тўлдирилган — Олий Мажлис Ахборотномаси, 1995 й., 9-сон, 193-модда)

Кейинги таҳрирга қаранг.

11-модда. Солиқдан вақтинча озод этиш

Қуйидагилар:

Олдинги таҳрирга қаранг.

1) юридик шахс бўлмиш:

а) патент эгасининг (лицензиарнинг) саноат мулки объектларидан ўз ишлаб чиқаришида фойдаланишдан, шунингдек улар учун лицензия сотишдан олинадиган даромадларига, шу жумладан валюта тушумларига қуйидагиларни қўллаш бошланган санадан эътиборан уларнинг амал қилиш муддати доирасида:

патент бўйича ихтирони — 5 йил давомида;

дастлабки патент бўйича ихтирони — 3 йил давомида;

патент бўйича саноат намунасини — 3 йил давомида;

дастлабки патент бўйича саноат намунасини — 2 йил давомида;

гувоҳнома бўйича фойдали моделни — 2 йил давомида;

б) лицензиатнинг (лицензия шартномаси предметидан фойдаланишдан оладиган даромадларига, шу жумладан валюта тушумларига қуйидагиларни қўллаш бошланган санадан эътиборан:

патент бўйича ихтирони — 5 йил давомида;

дастлабки патент бўйича ихтирони — 3 йил давомида;

патент бўйича саноат намунасини — 3 йил давомида;

дастлабки патент бўйича саноат намунасини — 2 йил давомида;

гувоҳнома бўйича фойдали моделни — 2 йил давомида;

маҳсулот белгиси ёки хизмат кўрсатиш белгиси —1 йил давомида (лицензиарнинг маҳсулотини ишлаб чиқарганда).

(11-модданинг 1-банди Ўзбекистон Республикасининг 1994 йил 23 сентябрдаги 2022-XII-сонли Қонуни таҳририда — Олий Кенгаш Ахборотномаси, 1994 й., 11-12-сон, 285-модда)

2) хорижий қатнашчининг устав фондидаги улуши 30 фоиздан ортиқ бўлган, қишлоқ хўжалиги маҳсулотлари етиштириш ва қайта ишлаб чиқаришга (узум винолари ва мева-резавор винолар, маст қилувчи ичимликлар тайёрлашдан ташқари); халқ истеъмоли моллари ва бинокорлик материаллари ишлаб чиқаришга; тиббиёт ускуналар, қишлоқ хўжалиги, енгил ва озиқ-овқат саноати учун машиналар ва ускуналар ишлаб чиқаришга; иккиламчи хом ашёни ва рўзғор чиқиндиларини тайёрлаш, қайта ишлашга ихтисослашган қўшма корxоналар, уларнинг филиаллари ва шуъбалари рўйхатдан ўтган пайтдан бошлаб икки йил давомида солиқ солишдан озод этиладилар.

Олдинги таҳрирга қаранг.

Агар қўшма корхона икки йил давомида ўз устав фондини таркиб топтирмаса ёки солиқ тўлашдан озод этилган қўшма корхона уч йиллик муддат ўтмай туриб тугатилган тақдирда солиқ суммаси умумий белгиланган тартибда, унинг бутун фаолият даври учун тўла миқдорда ундирилади.

(11-модда 2-бандининг иккинчи хатбоши Ўзбекистон Республикасининг 1992 йил 2 июлдаги 631-XII-сонли Қонуни таҳририда — Олий Кенгаш Ахборотномаси, 1992 й., 9-сон, 337-модда)

Кейинги таҳрирга қаранг.

3) деҳқон (фермер) хўжаликлари ва хусусий корхоналар қишлоқ xўжалик маҳсулотларини етиштириш ҳамда қайта ишлаш, халқ истеъмоли моллари чиқариш ва бинокорлик материаллари ишлаб чиқариш бўйича — рўйхатдан ўтган пайтдан бошлаб дастлабки икки йил давомида солиқ солишдан озод қилинади.

Олдинги таҳрирга қаранг.

4) Ўзбекистон Республикаси инвестиция дастурига киритилган лойиҳаларга капитал маблағлар ажратаётган чет эл капитали иштирокидаги биргаликдаги корхоналар ўз ишининг дастлабки беш йилида.

(11-модданинг Ўзбекистон Республикасининг 1992 йил 9 декабрдаги 739-XII-сонли Қонуни асосида тўртинчи банд билан тўлдирилган — Олий Кенгаш Ахборотномаси, 1993 й., 1-сон, 20-модда)

Кейинги таҳрирга қаранг.

Олдинги таҳрирга қаранг.

12-модда. Солиқ солинадиган базани камайтириш

Солиқ солиш базаси қуйидаги суммага камайтирилади:

ижтимоий соҳа объектларини сақлаш бўйича маҳаллий ҳокимият ва бошқарув органлари томонидан тасдиқланган нормативларга (сметаларга) мувофиқ амалга ошириладиган харажатлар суммасига;

табиатни қўриқлаш тадбирларини амалга оширишга қилинаётган харажатларнинг 30 фоизига:

экология, соғломлаштириш ва ўзга хайрия жамғармаларига киритилган бадаллар, ижтимоий соҳа муассасалари ва ташкилотларига қилинадиган ажратмалар суммасига, лекин солиқ солинадиган фойданинг (даромаднинг) кўпи билан 1 фоизига;

диний ва жамоат бирлашмаларининг (касаба уюшмалари, сиёсий партиялар ва ҳаракатлардан ташқари), хайрия жамғармаларининг мулки бўлган корхоналар фойдасидан ана шу ташкилотлар устав фаолиятини амалга оширишга қаратиладиган ажратмалар суммасига;

корхоналар инвестицияларга йўллайдиган, шунингдек инвестицияларни амалга ошириш учун олинган кредитларни узишга сарфлайдиган маблағлар суммасига.

Ушбу моддага мувофиқ бериладиган солиққа доир имтиёзларни эътиборга олган ҳолда фойдага (даромадга) солинадиган солиқнинг умумий суммаси имтиёзларни ҳисобга олмасдан ҳисоблаб чиқарилган ҳисоб-китоб суммасининг 50 фоизидан кам бўлмаслиги лозим.

(12-модда Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

13-модда. Ажнабий шерикларга имтиёзлар бериш тартиби

Ўзбекистон Республикаси ҳудудида тузилган, устав фондида чет эл капитали бўлган қўшма корхонанинг Ўзбекистон Республикаси тузган халқаро шартномага мувофиқ тақсимот тартибига кўра ўзига тегишли даромаддан солиқ тўлашдан бутунлай ёки қисман озод бўлиш ҳуқуқига эга бўлган хорижий қатнашчиси солиқни камайтириш ёки бекор қилиш тўғрисида Ўзбекистон Республикаси Молия вазирлиги томонидан белгиланган тартибда ариза тақдим этади. Агар ариза даромад чет элга ўтказилганидан кейин берилса, у даромад ўтказилган кундан бошлаб календарь йили ичида тақдим этилиши лозим. Бир йил муддат ўтиб кетгач берилган аризалар қараб чиқилмайди.

Ўзбекистон Республикасининг халқаро шартномасига биноан Ўзбекистон Республикасидаги манбалардан оладиган даромадидан солиқ тўлашдан бутунлай ёки қисман озод этилиш ҳуқуқига эга бўлган ажнабий юридик шахслар ушбу ҳуқуқдан мазкур модданинг 1-бандида баён этилган тартибда фойдаланадилар.

Олдинги таҳрирга қаранг.

(14-модда Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

15-модда. Давлатнинг қимматли қоғозларидан келадиган даромадларга солиқ солиш

Давлат облигациялари ва давлатнинг бошқа қимматли қоғозлари бўйича олинадиган фоизлар ва дивидендлар солиқ солишдан озод қилинади.

(II боб Ўзбекистон Республикасининг 1992 йил 14 январдаги 521-XII-сонли Қонуни таҳририда — Олий Кенгаш Ахборотномаси, 1992 й., 4-сон, 177-модда)

Олдинги таҳрирга қаранг.

III БОБ. ҚЎШИЛГАН ҚИЙМАТГА СОЛИНАДИГАН СОЛИҚ

Қўшилган қийматга солинадиган солиқ товарларни сотиш, ишлар бажариш ва хизматлар кўрсатиш жараёнида янги ҳосил қилинган қийматга асосланган ҳолда соф даромаднинг бир қисмини бюджет даромадига олиб қўйишнинг бир шаклидир.

16-модда. Солиқ тўловчилар

Мулкчиликнинг барча шаклларига кирувчи корxоналар, бирлашмалар ва ташкилотлар, ушбу Қонуннинг 1-моддасида санаб ўтилган уларнинг мустақил бўлинмалари ва филиаллари солиқ тўловчилардир, банклар ва суғурта ташкилотлари бундан истисно.

Олдинги таҳрирга қаранг.

(16-модда иккинчи хатбоши Ўзбекистон Республикасининг 1993 йил 7 майдаги 856-XII-сонли Қонуни билан чиқарилган — Олий Кенгаш Ахборотномаси, 1993 й., 6-сон, 240-модда)

17-модда. Солиқ солиш объекти

Маҳсулот, бажарилган ишлар ва кўрсатилган хизматларни реализация қилиш оборотлари солиқ солиш объектларидир.

Ўзи ишлаб чиқарган товарларни ҳам, четдан сотиб олинган ва четда тайёрланган товарларни ҳам сотиш оборотларига солиқ солиниши керак.

Қуйидагилар ҳам солиқ солиш объектлари бўлади:

корхонанинг ичида ўз истеъмоли учун амалга оширилиб, харажатларини маҳсулот (ишлар, xизматлар) таннархига киритмайдиган ҳолда, шу жумладан ўз ходимларига товарлар ва хизматларни реализация қилиш оборотлари;

товарларни бевосита пул тўламасдан бошқа товарлар (xизматлар)га айирбошлаш йўли билан сотиш оборотлари;

товарларни бошқа корхоналар ёки шахсларга текинга бериш ёки қисман ҳақ олиб бериш бўйича оборотлар, бюджетда турадиган муассасаларга ва бошқа ташкилотларга ҳайрия мақсадларида бериш ҳоллари бундан мустасно;

Олдинги таҳрирга қаранг.

Ўзбекистон Республикаси ҳудудида импорт товарларини (ишларини, хизматларини) ва товарларни (ишларни, хизматларни) чет эл валютасида реализация қилиш оборотлари.

(хатбоши Ўзбекистон Республикасининг 1992 йил 9 декабрдаги 739-XII-сонли Қонуни таҳририда — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

Акцизларга тенглаштирилган товарлар бўйича қўшилган қийматга солинадиган солиқни ҳисоблаб чиқишда акцизлар суммаси солиқ солинаётган оборотга қўшилади.

(17-модда Ўзбекистон Республикасининг 1992 йил 9 декабрдаги 739-XII-сонли Қонуни асосида хатбоши билан тўлдирилган — Олий Кенгаш Ахборотномаси, 1993 й., 1-сон, 20-модда)

18-модда. Солиқ ставкалари

Олдинги таҳрирга қаранг.

Қўшилган қийматга солиқ 17 фоиз ставка бўйича тўланади.

(18-модда матни Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

19-модда. Солиқ имтиёзлари

Қуйидагилар қўшилган қиймат солиғидан озод қилинадилар:

Олдинги таҳрирга қаранг.

1) шаҳар пассажир транспорти (таксидан, маршрутли таксидан ташқари) хизматлари, шунингдек шаҳар атрофига қатнайдиган темир йўл ва автомобиль транспортида пассажирлар ташиш хизматлари;

(1-банд Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

2) аҳолига кўрсатиладиган уй-жой коммунал хизмати ва уй-жойдан фойдаланиш хизмати (бунга ижара ҳақи ва ётоқхоналарда яшаганлик учун тўланадиган ҳақ ҳам киради);

Олдинги таҳрирга қаранг.

3) хусусийлаштирилиб олинаётган давлат мол-мулкининг қиймати;

(19-модданинг 3-банди Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

4) суғурта ва қайта суғурта юмушлари, шу жумладан суғурта бўйича воситачилар ва агентлар амалга оширган ана шундай юмушлар билан боғлиқ xизматлар;

5) ссуда бериш ва ссуда ўтказиш;

6) пул жамғармалари, жорий счётлар, пул тўловлари, пул ўтказиш, чеклар ва бошқа қимматли қоғозларга тааллуқли юмушлар;

7) қонунга кўра тўлов воситалари ҳисобланмиш валюталар, пуллар ва банкнотлар муомаласига тааллуқли юмушлар, нумизматика мақсадларида фойдаланиладиган валюталар, пуллар ва банкнотлар бундан мустасно;

8) қимматли қоғозлар: акциялар, облигациялар, сертификатлар, векселлар, чеклар, лотерея билетлари муомаласига тааллуқли юмушлар, қимматли қоғозлар тайёрлаш ва сақлашга доир юмушлар бундан мустасно;

9) почта маркалари (коллекция учун мўлжалланганларидан ташқари), маркаси бор откриткалар, конвертлар сотиш;

10) махсус вакил қилинган идораларнинг кўрсатган хизмати учун давлат пошлинаси ундириб олинадиган ишлари;

Олдинги таҳрирга қаранг.

(19-модданинг 11-банди Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

12) мактабгача тарбия муассасаларида болалар таъминоти юзасидан, беморлар ва кексаларни боқиш ҳамда парваришлаш юзасидан кўрсатилган хизматлар;

13) дафн бюролари, қабристон ва крематорийларда кўрсатиладиган маросим xизматлари;

14) халқ таълими соҳасида ўқув-ишлаб чиқариш жараёни билан боғлиқ хизматлар;

15) ҳақини бевосита аҳолининг ўзи тўлайдиган курслар, тўгараклар, секциялар, студия ёки дарслар;

Олдинги таҳрирга қаранг.

16) интеллектуал мулк объектларига бўлган ҳуқуқини олганлик учун патент божи рўйхатдан ўтказиш йиғими ва лицензия тўлови;

(19-модданинг 16-банди Ўзбекистон Республикасининг 1994 йил 23 сентябрдаги 2022-XII-сонли Қонуни таҳририда — Олий Кенгаш Ахборотномаси, 1994 й., 11-12-сон, 285-модда)

17) адвокатлар ҳайъатлари аъзоларининг одил судлов соҳасида кўрсатадиган xизматлари;

18) диний ташкилотлар томонидан ўтказиладиган расм-русм ва маросимлар;

19) пенсия ва нафақалар тўлашга доир алоқа хизматлари;

20) гидрометерология ва аэрология ишлари;

21) геология ва топография ишлари;

22) умумий фойдаланишдаги йўлларни ишлатиш ва уларни таъмир этиш юзасидан бажарилган ишлар ҳажмидан тушган пул;

Олдинги таҳрирга қаранг.

23) якка тартибда кийим тикиш, кийимларни, трикотаж буюмларни, пойабзални, мураккаб маиший техникани, соатлар, мебелни таъмирлаш, буюмларни ижарага бериш, болалар учун трикотаж буюмлари тайёрлаш ва уларни таъмирлаш, кийимларни кимёвий тозалаш бўйича аҳолига кўрсатиладиган хизматлар, сартарошхона хизматлари, ҳаммомлар ва кир ювиш корхоналарининг аҳолига кўрсатадиган хизматлари»;

(19-модданинг 23-банди Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

24) санаторий-курорт ва соғломлаштириш, туристик-экскурсия xизматлари, жисмоний-тарбия ва спорт муассасалари, пионер лагерлари xизматлари;

Олдинги таҳрирга қаранг.

25) протез-ортопедия буюмлари ва ногиронлар учун ашёлар ишлаб чиқаришга ихтисослашган корхоналарнинг маҳсулоти ва ногиронларга ортопедик протезлаш хизмати кўрсатиш, даволаш-ишлаб чиқариш (меҳнат) устахоналарининг маҳсулотлари.

(19-модданинг 25-банди Ўзбекистон Республикасининг 1993 йил 7 майдаги 856-XII-сонли Қонуни таҳририда — Олий Кенгаш Ахборотномаси, 1993 й., 6-сон, 240-модда)

26) нашриётлар, рўзномалар ва ойномаларнинг муҳарририятлари, матбаа ва китоб савдоси корхоналари, Давлат телерадиоэшиттириш компанияси, Ўзбекистон Миллий ахборот агентлиги чиқарадиган маҳсулотлар ва кўрсатадиган хизматлар;

Олдинги таҳрирга қаранг.

27) Ўзбекистон Республикаси Қизил Ярим ой ва «Ёдгорлик» жамиятлари, Ўзбекистон Театр арбоблари уюшмаси, «Соғлом авлод учун» Халқаро хайрия жамғармаси корхоналарининг маҳсулотлари ва хизматлари — солиқдан озод қилинган маблағлар жамиятлар, уюшма ва жамғармаларнинг устав вазифаларини бажаришга ишлатилиши шарти билан;

(19-модданинг 27-банди Ўзбекистон Республикасининг 1994 йил 6 майдаги 1083-XII-сонли Қонуни таҳририда — Олий Кенгаш Ахборотномаси, 1994 й., 5-сон, 159-модда)

28) стенография хизматлари;

29) ваколатли давлат ташкилотлари ўтказадиган экологик экспертиза хизматлари;

Олдинги таҳрирга қаранг.

(19-модданинг 30-банди Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

(19-модданинг биринчи қисми матни Ўзбекистон Республикасининг 1992 йил 9 декабрдаги 739-XII-сонли Қонуни таҳририда — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

31) экспорт қилинадиган товарлар (ишлар, хизматлар), Ўзбекистон Республикасига товарларни (ишлар, хизматларни) экспорт қилишга нисбатан солиқ солиш тартибини қўллаётган давлатларга товарларни (ишлар, хизматларни) реализация қилиш бундан мустасно»;

(19-модданинг 31-банди Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

32) экспорт қилинадиган молларни, шунингдек Ўзбекистон Республикаси ҳудуди орқали олиб ўтиладиган чет эл юкларини (транзит юкларни) ташиш, ортиш, тушириш, қайта юклаш юзасидан кўрсатилган хизматлари;

Олдинги таҳрирга қаранг.

(19-модданинг 33-банди Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

34) архив ҳужжатларига илмий-техникавий ишлов бериш, уларни таъмирлаш, муқовалаш ва улардан фойдаланиш, иш юритишни такомиллаштириш юзасидан кўрсатиладиган пулли хизматлар.

(19-модда Ўзбекистон Республикасининг 1993 йил 7 майдаги 856-XII-сонли Қонуни асосида 31-34-бандлар билан тўлдирилган — Олий Кенгаш Ахборотномаси, 1993 й., 6-сон, 240-модда)

Олдинги таҳрирга қаранг.

(19-модданинг 35-банди Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

36) давлат тилини ўқитиш ва иш қоғозларини давлат тилида юритишга ўргатиш борасидаги хизматлар.

(19-модданинг биринчи қисми Ўзбекистон Республикасининг 1994 йил 6 майдаги 1083-XII-сонли Қонуни асосида 35 ва 36-бандлар билан тўлдирилган — Олий Кенгаш Ахборотномаси, 1994 й., 5-сон, 159-модда)

Олдинги таҳрирга қаранг.

37) республикада ишлаб чиқариладиган ҳамда якка тартибда уй қурувчиларга ва уй-жой қурилиши кооперативларига сотиладиган бинокорлик материаллари;

38) хусусий ва кооператив уй-жой қурилишида бинокорлик ҳамда махсус монтаж ишларини амалга оширувчи, мулкчилик шаклидан қатъи назар, пудратчи, ремонт-қурилиш, махсус монтаж ташкилотларининг бажарган иш ҳажми.

(19-модда Ўзбекистон Республикасининг 1994 йил 23 сентябрдаги 2022-XII-сонли Қонуни асосида 37 ва 38-бандлар билан тўлдирилган — Олий Кенгаш Ахборотномаси, 1994 й., 11-12-сон, 285-модда)

Олдинги таҳрирга қаранг.

39) ўз ихтиёридаги ердан фойдаланиб етиштирилган қишлоқ хўжалик маҳсулотлари.

(19-модда Ўзбекистон Республикасининг 1995 йил 22 декабрдаги 179-I-сонли Қонуни асосида 39-банд билан тўлдирилган — Олий Мажлис Ахборотномаси, 1995 й., 12-сон, 269-модда)

Кейинги таҳрирга қаранг.

Солиқ ставкаларининг миқдори ва солиқ имтиёзлари таркиби ҳар йили Ўзбекистон Республикаси Олий Кенгаши томонидан келгуси молиявий йил учун бюджетни тасдиқлаш вақтида аниқлаштирилиши мумкин.

(III боб Ўзбекистон Республикасининг 1992 йил 14 январдаги 521-XII-сонли Қонуни таҳририда — Олий Кенгаш Ахборотномаси, 1992 й., 4-сон, 177-модда)

Олдинги таҳрирга қаранг.

IV БОБ. АКЦИЗ СОЛИҒИ

Олдинги таҳрирга қаранг.

20-модда. Солиқ солиш объекти

Акциз солиғи солинадиган, ишлаб чиқарилган ва сотилган айрим турдаги товарларнинг (шу жумладан четдан келтириладиган товарларнинг) ҳажми солиқ солиш объекти бўлади, бундай товарларнинг рўйхати Вазирлар Маҳкамаси томонидан белгилаб қўйилади.

21-модда. Солиқ тўловчилар

Акциз солиғи солинадиган товарларни ишлаб чиқарувчи, импорт қилувчи корхоналар солиқ тўловчилардир.

(20 ва 21-моддалар Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

22-модда. Солиқ ставкалари

Акциз солиғи солинадиган товарлар рўйхатини, акциз солиғи ставкаларини Ўзбекистон Республикаси Президенти ҳузуридаги Вазирлар Маҳкамаси белгилайди.

23-модда. Солиқ бўйича имтиёзлар

Олдинги таҳрирга қаранг.

Ўзи ишлаб чиқарган молларни ва Қизил Ярим Ой жамиятининг корхоналари билан ташкилотлари ишлаб чиқараётган моллар, башарти бу маблағлар, жамиятнинг уставда белгилаб қўйилган вазифаларини бажаришда ишлатилган тақдирда чет элларга етказиб берилганда акциз олинмайди.

(23-модда матни Ўзбекистон Республикасининг 1992 йил 2 июлдаги 631-XII-сонли Қонуни таҳририда — Олий Кенгаш Ахборотномаси, 1992 й., 9-сон, 337-модда)

24-модда. Солиқ суммасини аниқлаш ва уни тўлаш тартиби

Акцизларнинг суммасини солиқ тўловчи сотилган товарлар рўйхати ва ҳажми ҳамда ана шу товарлар юзасидан белгиланган акциз ставкаларига қараб мустақил белгилайди».

(IV боб Ўзбекистон Республикасининг 1992 йил 14 январдаги 521-XII-сонли Қонуни таҳририда — Олий Кенгаш Ахборотномаси, 1992 й., 4-сон, 177-модда)

Олдинги таҳрирга қаранг.

(IV¹боб Ўзбекистон Республикасининг 1994 йил 6 майдаги 1083-XII-сонли Қонуни билан чиқарилган — Олий Кенгаш Ахборотномаси, 1994 й., 5-сон, 159-модда)

Олдинги таҳрирга қаранг.

(V боб Ўзбекистон Республикасининг 1992 йил 9 декабрдаги 739-XII-сонли Қонуни билан чиқарилган — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

(V боб Ўзбекистон Республикасининг 1995 йил 22 декабрдаги 179-I-сонли Қонуни билан чиқарилган — Олий Мажлис Ахборотномаси, 1995 й., 12-сон, 269-модда)

Олдинги таҳрирга қаранг.

(VI боб Ўзбекистон Республикасининг 1992 йил 9 декабрдаги 739-XII-сонли Қонуни билан чиқарилган — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

VII БОБ. КОРХОНАЛАРНИНГ МОЛ-МУЛКИГА СОЛИНАДИГАН СОЛИҚ

32-модда. Солиқ тўловчилар

Мулкчиликнинг барча шаклидаги юридик шахслар, шунингдек корхоналар, бирлашмалар ва ташкилотларнинг юридик шахс бўлмаса-да, ўз мустақил балансига эга бўлган ва Ўзбекистон Республикаси ҳудудида жойлашган филиаллари, ваколатхоналари ва бошқа алоҳида бўлинмалари корхона мол-мулки учун солиқ тўловчилар ҳисобланади.

33-модда. Солиқ солиш объекти ва солиқни ҳисоблаб чиқариш тартиби

Олдинги таҳрирга қаранг.

Асосий ишлаб чиқариш фондларининг қиймати корхоналар мулкига солиқ солиш объекти ҳисобланади.

(33-модданинг биринчи қисми Ўзбекистон Республикасининг 1994 йил 6 майдаги 1083-XII-сонли Қонуни таҳририда — Олий Кенгаш Ахборотномаси, 1994 й., 5-сон, 159-модда)

Солиқ солинадиган база:

солиқ тўловчининг балансида бутунлай ёки қисман турадиган уй-жой, коммунал ва ижтимоий-маданий соҳа объектларининг;

табиатни муҳофаза қилиш, санитария-тозалаш ва ёнғинга қарши мақсадларда фойдаланиладиган объектларнинг;

қишлоқ хўжалиги маҳсулотларини етиштириш, сақлаш ва селекцияси учун, балиқ боқиш, овлаш ва қайта ишлаш учун фойдаланиладиган мол-мулкнинг;

озиқ-овқат узаткичлар, йўллар (шу жумладан автомобиль йўллари), алоқа ва электр узатиш линиялари, шунингдек уларга туташ ерларнинг, ушбу объектларни фойдаланишга яроқли ҳолда сақлаб туриш мақсадларида ишга тушириладиган иншоотларнинг;

корхоналар автотранспорт воситаларининг;

алоқа йўлдошларининг;

республика Ҳукуматининг қарорларига биноан тўхтатиб қўйилган асосий ишлаб чиқариш фондларининг баланс қийматига камайтирилади.

Банклар, суғурта ташкилотлари, биржалар, шунингдек халқ хўжалигининг баъзи тармоқларига солиқ солиш хусусиятларини Ўзбекистон Республикаси Президенти ҳузуридаги Вазирлар Маҳкамаси белгилайди.

Олдинги таҳрирга қаранг.

34-модда. Солиқ ставкалари

Корхоналарнинг мол-мулкига 2 фоиз ставка бўйича солиқ солинади.

(34-модда Ўзбекистон Республикасининг 1994 йил 23 сентябрдаги 2022-XII-сонли Қонуни таҳририда — Олий Кенгаш Ахборотномаси, 1994 й., 11-12-сон, 285-модда)

35-модда. Солиқ имтиёзлари

1. Корхоналар мол-мулкига солинадиган солиқ қуйидаги мол-мулкларга солинмайди:

а) бюджет ташкилотлари ва муассасаларининг давлат бошқаруви идораларининг мол-мулкига;

б) қишлоқ хўжалиги маҳсулотларини ва чорвачилик маҳсулотларини етиштириш, селекциялаш ва сақлаш, балиқ етиштириш, овлаш ва қайта ишлаш соҳасидаги корхоналарнинг мол-мулкига;

в) халқ таълими ва маданият муассасаларининг эҳтиёжлари учун ишлатиладиган мол-мулкка;

Олдинги таҳрирга қаранг.

г) «Соғлом авлод учун» халқаро хайрия жамғармаси, Қизил Ярим ой жамияти ва улар таъсис этган корхоналар ва ташкилотлар мол-мулкига, ушбу маблағлар жамғарма ва жамиятнинг устав вазифаларини бажаришга ишлатилиши шарти билан; диний бирлашмалар ва ташкилотлар мол-мулкига;

(35-модданинг «г» банди Ўзбекистон Республикасининг 1993 йил 7 майдаги 856-XII-сонли Қонуни таҳририда — Олий Кенгаш Ахборотномаси, 1993 й., 6-сон, 240-модда)

д) умуман фуқароларга мўлжалланган уй-жой, коммунал ва шаҳар xўжалигидаги ўзга мол-мулкка;

е) янги очилган корхоналарнинг мол-мулкига рўйхатга олинган кундан бошлаб дастлабки икки йил давомида;

Олдинги таҳрирга қаранг.

ж) Самарқанд, Бухоро, Xива ва Тошкент шаҳарларида туристик фаолият билан шуғулланувчи янги ташкил этилган юридик шахсларга, ташкил этилган пайтдан бошлаб дастлабки фойда олгунга қадар бўлган даврда, аммо давлат рўйхатидан ўтган пайтидан эътиборан узоғи билан уч йил муддатга.

(35-модданинг биринчи қисми Ўзбекистон Республикасининг 1995 йил 31 августдаги 118-I-сонли Қонуни асосида «ж» кичик банд билан тўлдирилган — Олий Мажлис Ахборотномаси, 1995 й., 9-сон, 193-модда)

Кейинги таҳрирга қаранг.

«е» кичик бандида кўрсатилган солиқ имтиёзи тугатилган (қайта ташкил этилган корxоналарнинг, улар филиаллари ва тармоқ бўлинмалари асосида тузилган корхоналарга, шунингдек корхоналар, бирлашмалар ва ташкилотлар ҳузурида тузилган корхоналарга (башарти, улар ана шу корхоналардан ижарага олинган ускуналар билан ишласа) тааллуқли эмас.

Маҳаллий ҳокимият ва бошқарув идоралари мол-мулки ўз ҳудудларида жойлашган солиқ тўловчиларга қўшимча имтиёзлар беришлари мумкин.

36-модда. Тўловларни бюджетга киритиш

Мол-мулкка солинган солиқ маҳаллий бюджетга киритилади.

(VIII боб Ўзбекистон Республикасининг 1992 йил 9 декабрдаги 739-XII-сонли Қонуни асосида VII боб деб ҳисобланган — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

(IX боб Ўзбекистон Республикасининг 1992 йил 14 январдаги 521-XII-сонли Қонуни билан чиқарилган — Олий Кенгаш Ахборотномаси, 1992 й., 4-сон, 177-модда)

Олдинги таҳрирга қаранг.

VII¹. ЕР ОСТИ БОЙЛИКЛАРИДАН ФОЙДАЛАНГАНЛИК УЧУН ОЛИНАДИГАН СОЛИҚ

36¹-модда. Солиқ тўловчилар

Ўзбекистон Республикаси ҳудудида фойдали қазилмаларни қазиб олишни амалга ошираётган ёки ер ости бойликларидан ўзгача тарзда фойдаланаётган мулкчиликнинг барча шаклларига мансуб корхоналар, бирлашмалар ва ташкилотлар, юридик ва жисмоний шахслар ер ости бойликларидан фойдаланганлик учун солиқ тўловчилардир.

36²-модда. Солиқ объекти

Қазиб олинган минерал хом ашёнинг ҳажми ёки ер ости бойликларидан минерал хом ашё қазиб олиш ва қайта ишлаш билан боғлиқ бўлмаган ҳолда ўзгача тарзда фойдаланиш солиқ солиш объекти ҳисобланади.

Ер ости бойликларидан фойдаланувчилар қазиб олган ҳамма минерал хом ашё учун — асосий фойдали қазилма учун ҳам уларга қўшилиб чиқадиган фойдали қазилмалар ва компонентлар учун ҳам солиқ тўлайдилар.

36³-модда. Солиқ ставкалари ва имтиёзлар

Минерал хом ашё турлари бўйича солиқ ставкаларининг миқдорларини, ер ости бойликларидан фойдаланувчиларнинг айрим тоифалари учун қўшимча имтиёзларни, солиқни тўлаш ва бюджетга киритиш тартибини Ўзбекистон Республикаси Вазирлар Маҳкамаси белгилайди.

(4VII¹ боб Ўзбекистон Республикасининг 1994 йил 23 сентябрдаги 2022-XII-сонли Қонуни билан киритилган — Олий Кенгаш Ахборотномаси, 1994 й., 11-12-сон, 285-модда)

Олдинги таҳрирга қаранг.

VIII БОБ. МАХСУС ҚОИДАЛАР

37-модда. Ажнабий юридик шахсларга солиқ солишнинг ўзига хос хусусиятлари

1. Агар СССР ва Ўзбекистон Республикасининг халқаро шартномаларида ушбу Қонундаги қоидалардан бошқача қоидалар белгилаб қўйилган бўлса, халқаро шартнома қоидалари қўлланилади.

Ушбу Қонуннинг қоидалари халқаро ҳуқуқнинг умумий нормаларида ҳамда СССР ва Ўзбекистон Республикасининг бошқа давлатлар билан тузган махсус битимларида белгилаб қўйилган солиқ соҳасидаги имтиёзларга тегишли бўлмайди.

2. Ажнабий юридик шахсларнинг даромадларидан солиқ олиш тегишли чет давлатда худди шундай ёки шунга ўхшаш солиқлар юзасидан совет юридик шахсларига нисбатан айнан шундай чора-тадбирлар амалга ошириш белгиланган ҳолларда ўзаро келишув асосида тўхтатилиши ёки чекланиши мумкин, бу ҳол ушбу давлатнинг солиқ идоралари томонидан тасдиқланган бўлиши керак.

3. Ажнабий фирмалар билан тижорат битимларини тузиш чоғида даромад тўлаётган корхона, муассаса ёки ташкилот ажнабий юридик шахсларнинг даромадидан солиқ тўлаш борасидаги харажатларни ўз зиммасига олиши ҳақидаги солиқ шартларини шартномага қўшишга рухсат берилмайди.

38-модда. Икки томонлама солиқ солинишини бартараф этиш

Чет элда олинган даромад суммаси Ўзбекистон Республикасида солиқ солиниши керак бўлган даромаднинг умумий суммасига киритилади ҳамда солиқ миқдорини белгилаш чоғида ҳисобга олинади.

Ўзбекистон Республикаси ҳудудидан ташқарида олинган даромаддан чет мамлакатлар қонунларига мувофиқ чет элдаги корхоналар, бирлашмалар ва ташкилотлар тўлаган солиқ суммаси улар Ўзбекистон Республикасида даромаддан солиқ тўлаётган пайтларида ҳисобга олинади. Бунда ҳисобга олинадиган маблағларнинг миқдори чет элда олинган даромадга нисбатан Ўзбекистон Республикасида тўланиши керак бўлган даромадга солинган солиқ ҳажмидан ошиб кетмаслиги лозим.

(IX боб Ўзбекистон Республикасининг 1992 йил 9 декабрдаги 739-XII-сонли Қонуни асосида VIII боб деб ҳисобланган — Олий Кенгаш Ахборотномаси, 1993 й., 1-сон, 20-модда)

Олдинги таҳрирга қаранг.

IX БОБ. СОЛИҚ ТЎЛОВЧИЛАРНИНГ МАЖБУРИЯТ ҲАМДА МАСЪУЛИЯТЛАРИ ВА СОЛИҚЛАР ТЎҒРИСИДАГИ ҚОНУНЛАРГА РИОЯ ЭТИЛИШИНИ НАЗОРАТ ҚИЛИШ

39-модда. Солиқ тўловчиларнинг вазифалари

1. Ушбу Қонунда кўзда тутилган солиқларни тўловчилар:

а) молиявий-хўжалик фаолияти тўғрисида белгилаб қўйилган тартибда бухгалтерлик ҳисобини ва ҳисоботларини юритишлари ҳамда молия идораларига бухгалтерлик ҳисоботлари ва балансларини, солиқлар бўйича ҳисоб-китобларни ҳамда солиқларни ҳисоблаб чиқариш ва тўлаш билан боғлиқ бошқа зарур ҳужжатлар ва маълумотларни беришлари;

Олдинги таҳрирга қаранг.

б) республика ҳудудидаги банкларда валюта счётлари очилганликлари тўғрисидаги ахборотни бир ҳафта муддат ичида тақдим этишлари;

в) солиқлар соҳасида имтиёзларга эга бўлиш ҳуқуқини тасдиқлайдиган ҳужжатларни кўрсатишлари, тегишли ҳолларда эса топширишлари;

г) тўланиши керак бўлган солиқ суммаларини ўз вақтида ва тўла-тўкис тўлаб туришлари;

д) молия идораларининг мансабдор шахсларига даромадлар олиш билан ёки солиқ солинадиган объектларни сақлаш билан боғлиқ бўлган биноларни текшириб чиқиш учун, шунингдек солиқларни ҳисоблаб чиқариш ва тўлаш масалалари юзасидан текширишлар ўтказиш учун имконият яратиб беришлари шарт.

(39-модданинг Ўзбекистон Республикасининг 1994 йил 23 сентябрдаги 2022-XII-сонли Қонуни асосида 1-банди «б» банд билан тўлдирилган, «б», «в» ва «г» кичик бандлар тегишли равишда «в», «г» ва «д» кичик бандлар деб ҳисобланган — Олий Кенгаш Ахборотномаси, 1994 й., 11-12-сон, 285-модда)

2. Корхоналар, муассасалар ва ташкилотларнинг раҳбарлари ва тегишли мансабдор шахслари солиқ идораси ўтказган текшириш ҳақидаги ҳужжатни имзолашлари, ҳужжатда баён этилган фактларга рози бўлмаганлари тақдирда эса рози бўлмаслик сабаблари ҳақида ёзма тушунтириш тақдим этишлари шарт. Улар солиқ идорасининг солиқлар тўғрисидаги қонунлар борасида аниқланган бузилишларни бартараф этиш ҳақидаги талабларини бажаришга ҳам мажбурдирлар.

3. Ўзбекистон Республикаси қонунларида солиқларга оид бухгалтерия ҳисоботларини ва балансларини, солиқларга оид ҳисоб-китобларни ёки даромадлар тўғрисидаги декларацияларни солиқ идораларига тақдим этиш мажбурияти белгилаб қўйилган солиқ тўловчилар уларни молиявий фаолиятни текширув хўжалик ҳисобидаги ташкилот текширгач ҳисобот йилидан кейинги бир йил давомида солиқ идорасига текшириш ўтказилганлигини тасдиқловчи ҳужжатни тақдим этишлари шарт.

Олдинги таҳрирга қаранг.

Мазкур ҳужжатларни тақдим этмаган солиқ тўловчиларга ушбу Қонуннинг 40-моддасида кўзда тутилган чоралар қўлланилади. Башарти, текшириш солиқ тўловчи айбдор бўлмаган ҳолда белгиланган муддатларда ўтказилмаган бўлса, мазкур чоралар қўлланилмайди.

(39-модда 3-бандининг иккинчи хатбоши Ўзбекистон Республикасининг 1994 йил 23 сентябрдаги 2022-XII-сонли Қонуни таҳририда — Олий Кенгаш Ахборотномаси, 1994 й., 11-12-сон, 285-модда)

Олдинги таҳрирга қаранг.

4. Маҳсулотларни чет эл валютасида сотишдан (чет эл валютасида ишлар бажаришдан, хизматлар кўрсатишдан), сотувдан бўлак операциялар натижасида, шунингдек ўзга тадбиркорлик фаолиятидан келган тушум Ўзбекистон Республикасининг, чет эллик шериклари билан ҳисоб-китоб ишларини олиб борадиган, ваколатли банкларидаги счётларга ўтказилиши шарт, башарти Ўзбекистон Республикаси Марказий банки ўзгача йўл тутишга рухсат бермаган бўлса.

(39-модда Ўзбекистон Республикасининг 1993 йил 7 майдаги 856-XII-сонли Қонуни асосида 4-банд билан тўлдирилган — Олий Кенгаш Ахборотномаси, 1993 й., 6-сон, 240-модда)

Олдинги таҳрирга қаранг.

40-модда. Тўловчиларнинг жавобгарлиги

Солиқларни тўғри ҳисоблаб чиқариш, уларни бюджетга тўлиқ ва ўз вақтида тўлаш, солиқ солишга доир амалдаги қонун ҳужжатларига риоя қилиш учун жавобгарлик солиқ тўловчилар ва уларнинг мансабдор шахслари зиммасига юклатилади.

Ушбу Қонунда назарда тутилган, солиқ тўлаш учун ўрнатилган муддатда тегишли ҳисобот даври учун белгилаб қўйилган шаклда бухгалтерлик ҳисоботлари ва балансларига, солиқлар бўйича ҳисоб-китобларига эга бўлмаган солиқ тўловчилар олдинги ҳисобот даври учун ҳисоблаб чиқарилган солиқ суммасининг 110 фоизи миқдорида солиқ тўлайдилар.

Айтиб ўтилган ҳужжатлар тақдим этилганидан кейин, амалда олинган фойдага (даромадга), солиқ солинадиган оборотга ва солиқ солишнинг бошқа объектларига асосланиб, қонун ҳужжатларига мувофиқ молиявий жазолар ва маъмурий жарималар қўлланилган ҳолда солиқ қайтадан ҳисоблаб чиқарилади.

Солиқ тўловчилар, мансабдор шахслар даромад ёки солиқ солинадиган бошқа объектларнинг ҳисоби йўқлиги, бундай ҳисоб белгиланган тартибни бузиб олиб борилганлиги, шунингдек солиқ органларига солиқни ҳисоблаб чиқариш ва тўлаш учун керакли ҳисоботларни, ҳисоб-китобларни ҳамда бошқа ҳужжатларни умуман ёки ўз вақтида тақдим этмаганлик, фойдани (даромадни) ёки бошқа солиқ солиш объектларини яширганлик (камайтириб кўрсатганлик) учун қонун ҳужжатларига мувофиқ жавобгарликка тортиладилар.

Солиқ тўловчи солиқлар ва бошқа мажбурий тўловларнинг суммалари бюджетга умуман ёки тўлиқ тўланмаганлигига сабаб бўлган хатоларни солиқ органи текширгунга қадар мустақил аниқлаб, бухгалтерлик ҳисоботлари ҳамда солиқлар ва тўловлар бўйича ҳисоб-китобларга белгиланган тартибда тузатишлар киритган тақдирда, молиявий жазолар қўлланилмайди».

(40-модда Ўзбекистон Республикасининг 1995 йил 22 декабрдаги 179-I-сонли Қонуни таҳририда — Олий Мажлис Ахборотномаси, 1995 й., 12-сон, 269-модда)

41-модда. Нотўғри тўланган солиқларни бюджетга ундириб олиш ва бюджетдан қайтариб бериш тартиби

1. Белгиланган муддатларда тўланмаган солиқларнинг суммалари, шунингдек яширилган (камайтириб кўрсатилган) даромад солиғи суммалари ёки солиқ солинадиган бошқа яширилган объект учун солиқ суммаси ҳамда даромадни яширганлик (камайтириб кўрсатганлик) ва солиқ солинадиган объектни яширганлик учун жарима солиқлар тўлашдан бош тортиб юрилган бутун давр учун солиқ идораларининг кўрсатмасига мувофиқ қатъий тарзда ундириб олинади.

Олдинги таҳрирга қаранг.

Ўз вақтида тўланмаган солиқ суммаси кечиктирилган ҳар бир кун (тўланган кунни ҳам қўшиб ҳисобланганда) учун тўланмаган қарз суммасига 0,2 фоиз миқдорида пеня қўшиб ҳисоблаб, бюджетдан қарздор бўлинган бутун давр учун ундириб олинади.

(41-модданинг 1-бандининг иккинчи хатбоши Ўзбекистон Республикасининг 1994 йил 6 майдаги 1083-XII-сонли Қонуни таҳририда — Олий Кенгаш Ахборотномаси, 1994 й., 5-сон, 159-модда)

Кейинги таҳрирга қаранг.

2. Ушбу Қонуннинг 37 ва 38-моддаларида кўрсатиб ўтилган ажнабий юридик шахсларнинг даромадларидан олинадиган солиқ суммаси даромадларни тўлайдиган корхоналар, муассасалар ва ташкилотлар томонидан бюджетга ўтказилмаган тақдирда ажнабий даромад олувчига қайси давр учун даромад тўлаганлигидан қатъи назар, бюджет билан ҳисоб-китоб қилингандан кейин ана шу корхоналар, муассасалар ва ташкилотлар ихтиёрида қоладиган маблағлардан қатъий тарзда ундириб олинади.

3. Солиқлар нотўғри ҳисоблаб чиқилиши ёки ундириб олиш соҳасида белгилаб қўйилган тартиб бузилиши натижасида ортиқча тушган солиқлар бўйича тўловлар суммаси қайтариб берилиши ёки, улар тушган кундан бошлаб бир йил муддат ўтмаган бўлса, солиқ тўловчидан олиниши керак бўлган бошқа тўловлар ўрнига ўтказилиши керак.

Ортиқча тушган суммани қайтариб бериш ҳақида ариза топшириш мазкур муддат ўтишини тўхтатиб қўяди.

Нотўғри тўланган солиқларни бюджетдан қайтариб бериш нотўғри тўлов аниқлангандан аввалги кўпи билан 1 йил учун амалга оширилади.

42-модда. Солиқ идораларининг назорати

Солиқ тўғрисидаги қонунларнинг тўғри қўлланилиши устидан назоратни солиқ идоралари Ўзбекистон Республикаси қонунларига мувофиқ амалга оширадилар.

Корхоналар ва ташкилотларнинг мансабдор шахслари солиқ идоралари ҳамда уларнинг ўз хизмат бурчларини бажариб турган мансабдор шахсларнинг ушбу Қонундан келиб чиқадиган талаблари, кўрсатмалари ва фармойишларини бажармаслиги Ўзбекистон Республикаси қонунларига мувофиқ маъмурий жавобгарликка сабаб бўлади.

43-модда. Солиқ идоралари мансабдор шахсларининг хатти-ҳаракатлари устидан шикоят қилиш

1. Солиқ идоралари мансабдор шахсларининг солиқларни ундириш чоғидаги хатти-ҳаракатлари устидан шикоятлар ана шу шахслар бевосита бўйсунадиган идорага берилади. Шикоятлар шикоят тушган пайтдан бошлаб кечи билан 30 кун муддат ичида кўриб чиқилади ва улар юзасидан қарорлар қабул қилинади.

Шикоятлар юзасидан чиқарилган қарорлар хусусида бир ой муддат ичида юқори солиқ идорасига шикоят қилиниши мумкин.

2. Солиқ идоралари мансабдор шахсларининг маъмурий жазо бериш борасидаги хатти-ҳаракатлари устидан шикоят қилиш Ўзбекистон Республикасининг маъмурий ҳуқуқбузарлик тўғрисидаги қонунларига мувофиқ амалга оширилади.

3. Шикоят берилиши солиқларнинг ундириб олинишини тўхтатиб қўймайди. Шикоятни кўраётган идора шикоят ҳал қилингунга қадар солиқнинг тегишли суммасини ундириб олишни тўхтатиб қўйиш ҳуқуқига эга.

44-модда. Ушбу Қонунни қўллашга оид йўриқномалар