1. Қуйидагилар:

Ўзбекистон Республикаси Ҳукумати билан Польша Республикаси Ҳукумати ўртасида 2007 йил 2 октябрь куни Тошкент шаҳрида имзоланган иқтисодий ҳамкорлик ҳақидаги Битим;

Ўзбекистон Республикаси Ҳукумати билан Бирлашган Араб Амирликлари Ҳукумати ўртасида 2007 йил 26 октябрь куни Тошкент шаҳрида имзоланган инвестицияларни рағбатлантириш ва ўзаро ҳимоя қилиш ҳақидаги Битим;

Ўзбекистон Республикаси Ҳукумати билан Бирлашган Араб Амирликлари Ҳукумати ўртасида 2007 йил 26 октябрь куни Тошкент шаҳрида имзоланган икки ёқлама солиқ солинишига йўл қўймаслик ҳамда даромад ва капитал солиғи тўлашдан бўйин товлашнинг олдини олиш ҳақидаги Битим тасдиқлансин.

2. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартномалар кучга кириши учун зарур бўлган ички давлат тартиб-қоидаларини бажаргани тўғрисида тегишли билдиришномалар йўлласин.

3. Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартномалар кучга киргандан кейин белгиланган тартибда Ўзбекистон Республикасининг мажбуриятлари бажарилиши устидан назоратни таъминласинлар.

4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.