Ўзбекистон Республикасининг қонуни
ЛОТИН ЁЗУВИГА АСОСЛАНГАН ЎЗБЕК АЛИФБОСИНИ ЖОРИЙ ЭТИШ ТЎҒРИСИДА
Ушбу Қонун Ўзбекистон Республикаси Конституциясига асосланиб ва ўзбек ёзувининг лотин алифбосига ўтилган 1929 — 1940 йиллардаги ижобий тажрибасидан келиб чиқиб, кенг жамоатчилик вакиллари билдирган истак-хоҳишларини инобатга олган ҳолда республиканинг ҳар тарафлама камол топишини ва жаҳон коммуникация тизимига киришини жадаллаштирувчи қулай шароит яратишга хизмат қилади.
LexUZ шарҳиҚаранг: Вазирлар Маҳкамасининг 2021 йил 10 февралдаги 61-сон «Лотин ёзувига асосланган ўзбек алифбосига босқичма-босқич тўлиқ ўтишни таъминлаш чора-тадбирлари тўғрисида»ги қарори.
1-модда.
Олдинги таҳрирга қаранг.
Ўзбекистон Республикасида лотин ёзувига асосланган, қуйидаги 26 ҳарф ва 3 та ҳарфлар бирикмасидан иборат ўзбек алифбоси жорий этилсин.
(1-модданинг матни Ўзбекистон Республикасининг 1995 йил 6 майдаги 71-I-сон Қонуни таҳририда — Олий Мажлис Ахборотномаси, 1995 й., 6-сон, 119-модда)
Олдинги таҳрирга қаранг.
Лотинча | Кирилча | Лотинча | Кирилча | ||||
Ҳарфлар | Ҳарфлар |
| |||||
Босма | Ёзма | Талаффуз | Ҳарфлар | Босма | Ёзма | Талаффуз | |
Аа | Аа | а | Аа | Rr | Rr | re | Рр |
Bb | Bb | be | Бб | Ss | Ss | es | Cc |
Dd | Dd | de | Дд | Tt | Tt | te | Тт |
Ee | Ee | e | Ээ | Uu | Uu | u | Уу |
Ff | Ff | ef | Фф | Vv | Vv | ve | Вв |
Gg | Gg | ge | Гг | Xx | Xx | xa | Хх |
Hh | Hh | he | Ҳҳ | Yy | Yy | ye | Йе |
Ii | Ii | i | Ии | Zz | Zz | ze | Зз |
Jj | Jj | Je (Jõra) | Жж (Жўра) | Ch ch | Ch ch | che | Чч |
Kk | Kk | ka | Кк | G`g` | G`g` | g`a | Ғғ |
| Ll | Ll | el | Лл | Ng ng | Ng ng | ng | Нг нг |
| Mm | Mm | em | Мм | O`o` | O`o` | o`(o`rdak) | Ўў (ўрдак) |
| Nn | Nn | en | Нн | Sh sh | Sh sh | she | Шш |
| Oo | Oo | o (ota) | Оо (ота) | ||||
| Pp | Pp | pe | Пп | ||||
| Qq | Qq | qa | Ққ | (`) — тутуқ белгиси (апостроф) | |||
(лотин ёзувига асосланган ўзбек алифбоси Ўзбекистон Республикасининг 1995 йил 6 майдаги 71-I-сонли Қонуни таҳририда — Олий Мажлис Ахборотномаси, 1995 й., 6-сон, 119-модда)
2-модда.
Лотин ёзуви асосидаги ўзбек алифбосини жорий этиш билан бирга Ўзбекистон халқининг миллий ифтихори бўлмиш бебаҳо маънавий мерос битилган араб алифбосини ва кириллицани ўрганиш ва улардан фойдаланиш учун зарур шароитлар сақлаб қолинади.
Ўзбекистон Республикасининг Президенти И. КАРИМОВ
Тошкент ш.,
1993 йил 2 сентябрь,
931-XII-сон
(Ўзбекистон Республикаси Олий Кенгашининг Ахборотномаси, 1993 й., 9-сон, 331-модда; Ўзбекистон Республикаси Олий Мажлисининг Ахборотномаси, 1995 й., 6-сон, 119-модда)
