Hujjat kuchini yo‘qotgan " " 16.12.2025
Hujjat 13.05.2010 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
QURILISHDA MUHANDISLIK QIDIRUVLARI, GEOAXBOROT VA SHAHARSOZLIK KADASTRI DAVLAT INSTITUTINI TASHKIL ETISH TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Qurilishda muhandislik qidiruvlari, geoaxborot va shaharsozlik kadastri sohasida yagona texnika siyosatini taʼminlash, tarmoq geofondini yuritish hamda iqtisodiyot tarmoqlari obyektlarini loyihalash, qurish va ulardan foydalanish maʼlumotlari davlat bazasini yaratish maqsadida Vazirlar Mahkamasi qaror qiladi:
1. Oʻzbekiston Respublikasi Davlat arxitektura va qurilish qoʻmitasi, Davlat mulki qoʻmitasi hamda “Oʻzbekiston muhandislik-texnik qidiruvlar bosh instituti” ochiq aksiyadorlik jamiyatining Oʻzbekiston Respublikasi Davlat arxitektura va qurilish qoʻmitasi huzurida “Oʻzbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar institutini birlashtirish yoʻli bilan, davlat unitar korxonasi shaklida Qurilishda muhandislik qidiruvlari, geoaxborot va shaharsozlik kadastri davlat institutini tashkil etish toʻgʻrisidagi taklifi qabul qilinsin.
Oldingi tahrirga qarang.
2. Quyidagilar “OʻzGASHKLITI” DUK davlat unitar korxonasining asosiy vazifalari etib belgilansin:
(2-band birinchi xatboshi Oʻzbekiston Respublikasi Vazirlar Mahkamasining 2010-yil 13-maydagi 90-sonli qarori tahririda — OʻR QHT, 2010-y., 18-19-son, 141-modda)
muhandislik-texnik qidiruvlar, geoaxborot va davlat shaharsozlik kadastri sohasida yagona ilmiy va texnika siyosatini yuritish boʻyicha bosh tashkilot funksiyalarini amalga oshirish;
tegishli hududlarni shaharsozlik jihatidan rivojlantirish boʻyicha qarorlar qabul qilish uchun davlat hokimiyati va boshqaruvi organlarini shaharsozlik geoaxborotlari bilan taʼminlash;
iqtisodiyot tarmoqlari obyektlarini loyihalash, qurish va ulardan foydalanishni taʼminlash uchun muhandislik qidiruvlari bajarilishi monitoringini yuritish;
ilgari turli tashkilotlar tomonidan bajarilgan muhandislik-texnik qidiruvlar materiallarini kelgusida ulardan samarali foydalanish uchun jamlash, turkumlash va arxivga joylash;
Oʻzbekiston Respublikasining muhandislik-texnik qidiruvlar elektron geofondini tashkil etish va yuritish;
yuridik va jismoniy shaxslarning buyurtmalari boʻyicha, shartnoma asosida Oʻzbekiston Respublikasi hududida binolar va inshootlardan foydalanishning ishonchliligi boʻyicha muhandislik-texnik qidiruvlar, tadqiqotlar oʻtkazish.
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan oʻz kuchini yoʻqotgan — OʻR QHT, 2010-y., 18-19-son, 141-modda)
4. Oʻzbekiston Respublikasi Davlat arxitektura va qurilish qoʻmitasining Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasining markaziy apparati va shuʼba korxonalarini, shuningdek uning hududiy boʻlinmalarini ilgari egallab turgan binolariga joylashtirish toʻgʻrisidagi taklifiga rozilik berilsin.
5. Belgilab qoʻyilsinki:
Oldingi tahrirga qarang.
“OʻzGASHKLITI” DUK davlat unitar korxonasi “Oʻzbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar institutining huquqiy vorisi hisoblanadi;
(5-band ikkinchi xatboshi Oʻzbekiston Respublikasi Vazirlar Mahkamasining 2010-yil 13-maydagi 90-sonli qarori tahririda — OʻR QHT, 2010-y., 18-19-son, 141-modda)
Oldingi tahrirga qarang.
“OʻzGASHKLITI” DUK davlat unitar korxonasi tomonidan qonun hujjatlarida belgilangan tartibda Oʻzbekiston Respublikasi muhandislik-texnik qidiruvlar elektron geofondini hamda davlat shaharsozlik kadastrini tashkil etish va yuritish boʻyicha bajariladigan ishlar Oʻzbekiston Respublikasi Davlat arxitektura va qurilish qoʻmitasi hisob-kitoblariga binoan, Moliya vazirligi bilan kelishgan holda davlat budjeti mablagʻlari hisobiga moliyalashtiriladi.
(5-bandning uchinchi xatboshi Oʻzbekiston Respublikasi Vazirlar Mahkamasining 2010-yil 13-maydagi 90-sonli qarori tahririda — OʻR QHT, 2010-y., 18-19-son, 141-modda)
Keyingi tahrirga qarang.
6. Oʻzbekiston Respublikasi Davlat mulki qoʻmitasi bir oy muddatda yuridik va jismoniy shaxslardan “Oʻzbekiston muhandislik-texnik qidiruvlar bosh instituti” ochiq aksiyadorlik jamiyati aksiyalarini, davlat tasarrufidan chiqarish va xususiylashtirishdan tushadigan umumiy mablagʻlar hisobiga, bozor narxi boʻyicha sotib olishni taʼminlasin.
7. Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasini tashkil qilish bilan bogʻliq masalalarni hal etish uchun 5-ilovaga muvofiq tarkibda komissiya tuzilsin.
Komissiya ikki oy muddatda, qonun hujjatlarida belgilangan tartibda Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi faoliyatini tashkil etish tadbirlarini amalga oshirishni, shu jumladan:
“Oʻzbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar instituti asosiy fondlarini Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi balansiga berishni;
Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi ustavini ishlab chiqish va tasdiqlashni;
Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasini davlat roʻyxatidan oʻtkazishni taʼminlasin.
8. Oʻzbekiston Respublikasi Davlat arxitektura va qurilish qoʻmitasi manfaatdor vazirliklar va idoralar bilan birgalikda ikki oy muddatda Oʻzbekiston Respublikasida muhandislik-texnik qidiruvlar elektron geofondini yuritish tartibi toʻgʻrisidagi hamda muhandislik-texnik qidiruvlarni bajarish sifati ustidan texnik nazorat xizmati toʻgʻrisidagi nizomlarni belgilangan tartibda ishlab chiqsin va tasdiqlasin.
9. Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirishlar kiritilsin.
Keyingi tahrirga qarang.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2006-yil 6-fevral,
14-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan oʻz kuchini yoʻqotgan — OʻR QHT, 2010-y., 18-19-son, 141-modda)
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan oʻz kuchini yoʻqotgan — OʻR QHT, 2010-y., 18-19-son, 141-modda)
Oldingi tahrirga qarang.
(3-ilova Oʻzbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan oʻz kuchini yoʻqotgan — OʻR QHT, 2010-y., 18-19-son, 141-modda)
Oldingi tahrirga qarang.
(4-ilova Oʻzbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan oʻz kuchini yoʻqotgan — OʻR QHT, 2010-y., 18-19-son, 141-modda)
Vazirlar Mahkamasining 2006-yil
6-fevraldagi 14-son qaroriga
5-ILOVA
Qurilishda muxandislik qidiruvlari, geoaxborot va shaharsozlik kadastri davlat instituti davlat unitar korxonasi faoliyatini tashkil etish komissiyasi
TARKIBI
Keyingi tahrirga qarang.
Vazirlar Mahkamasining
2006-yil 6-fevraldagi 14-son qaroriga
6-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2008-yil 10-iyundagi 120-sonli qarori bilan oʻz kuchini yoʻqotgan — OʻR QHT, 2008-y., 24-25-son, 223-modda)
2. Vazirlar Mahkamasining “Tadbirkorlik faoliyatini tashkil etish uchun roʻyxatdan oʻtkazish tartibotlari tizimini tubdan takomillashtirish toʻgʻrisida” 2003-yil 30-avgustdagi 357-son qarori (Oʻzbekiston Respublikasi QT, 2003y., 8-son, 72-modda) bilan tasdiqlangan Tadbirkorlik subyektlarini davlat roʻyxatidan oʻtkazish, hisobga qoʻyish va ruxsat beruvchi hujjatlarni rasmiylashtirish tartibi toʻgʻrisidagi Nizomning 31-bandidagi “Toshkenttadqiqot” muhandislik-texnik qidiruvlar instituti” soʻzlari “Qurilishda muhandislik qidiruvlari, geoaxborot va shaharsozlik kadastri davlat instituti” davlat unitar korxonasi soʻzlari bilan almashtirilsin.
Keyingi tahrirga qarang.
3. Vazirlar Mahkamasining “Kapital qurilishda xoʻjalik munosabatlari mexanizmini takomillashtirish chora-tadbirlari toʻgʻrisida” 2003-yil 12-sentabrdagi 395-son qaroriga (Oʻzbekiston Respublikasi QT, 2003y., 9-son, 83-modda) 1-ilovadagi 31 va 77-pozitsiyalar chiqarib tashlansin.
4. Vazirlar Mahkamasining “Oʻzbekiston Respublikasi Davlat arxitektura va qurilish qoʻmitasi faoliyatini takomillashtirish chora-tadbirlari toʻgʻrisida” 2003-yil 2-dekabrdagi 538-son qarori (Oʻzbekiston Respublikasi QT, 2003-y., 12-son, 128-modda) bilan tasdiqlangan Oʻzbekiston Respublikasi Davlat arxitektura va qurilish qoʻmitasining tashkiliy tuzilmasidagi “OʻzGIITI OAJ” soʻzlari “Qurilishda muhandislik qidiruvlari, geoaxborot va shaharsozlik kadastri davlat instituti” davlat unitar korxonasi soʻzlari bilan almashtirilsin.
Keyingi tahrirga qarang.
Keyingi tahrirga qarang.

(Oʻzbekiston Respublikasi qonun hujjatlari toʻplami, 2006-y., 6-7-son, 33-modda; 2008-y., 24-25-son, 223-modda; 2010-y., 18-19-son, 141-modda; 2017-y., 7-son, 89-modda, 31-son, 781-modda; Qonun hujjatlari maʼlumotlari milliy bazasi, 20.06.2019-y., 09/19/498/3310-son; Qonunchilik maʼlumotlari milliy bazasi, 05.04.2022-y., 09/22/153/0266-son; 22.07.2022-y., 09/22/396/0656-son)