O‘zbekiston Respublikasi Oliy Kengashi qaror qiladi:

1. “Yer solig‘i to‘g‘risida”gi Qonunni qo‘llashga doir yo‘riqnomani 1994-yil 1-yanvardan boshlab amalga kiritilsin.

2. Belgilab qo‘yilsinki, yer solig‘i jamoa xo‘jaliklari, davlat xo‘jaliklari, boshqa qishloq xo‘jalik korxonalari hamda dehqonchilik va chorvachilik mahsulotlari yetishtirishga bevosita aloqador tashkilotlardan 1995-yil 1-yanvardan boshlab undiriladi.

3. O‘zbekiston Respublikasi Vazirlar Mahkamasi:

“Yer solig‘i to‘g‘risida”gi Qonunning amalda qo‘llanilishini ta’minlaydigan qarorlar qabul qilsin;

O‘zbekiston Respublikasi Hukumatining qarorlarini “Yer solig‘i to‘g‘risida”gi O‘zbekiston Respublikasi Qonuniga muvofiq holga keltirsin;

ushbu Qonunga zid bo‘lgan me’yoriy hujjatlarning vazirliklar va idoralar tomonidan qayta ko‘rib chiqilishi hamda bekor qilinishini ta’minlasin.