|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
TAʼLIM TOʻGʻRISIDAGI NORMATIV HUJJATLARINI TASDIQLASh VA ULARNI AMALGA OShIRIShGA OID ChORA-TADBIRLAR HAQIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Oliy Kengashining “Taʼlim toʻgʻrisida” gi Oʻzbekiston Respublikasi Qonunini amalga kiritish tartibi haqida” 1992-yil 2-iyuldagi qaroriga muvofiq Vazirlar Mahkamasi qaror qiladi:
Oldingi tahrirga qarang.
(1-band Oʻzbekiston Respublikasi Vazirlar Mahkamasining 1998-yil 5-yanvardagi 5-son qaroriga muvofiq oʻz kuchini yoʻqotgan)
Oldingi tahrirga qarang.
(2-band Oʻzbekiston Respublikasi Vazirlar Mahkamasining 1998-yil 5-yanvardagi 5-son qaroriga muvofiq oʻz kuchini yoʻqotgan)
Oldingi tahrirga qarang.
(3-band Oʻzbekiston Respublikasi Vazirlar Mahkamasining 1998-yil 5-yanvardagi 5-son qaroriga muvofiq oʻz kuchini yoʻqotgan)
4. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Fan va texnika davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
belgilab qoʻyilsinki, mazkur qaror bilan tasdiqlangan taʼlim muassasalarini attestatsiyadan oʻtkazish va roʻyxatdan oʻtkazish toʻgʻrisidagi Nizomga muvofiq 1993—1996-yillarda Oʻzbekiston Respublikasining barcha taʼlim muassasalarini attestatsiyadan oʻtkazishlari kerak;
uch oy muddatda respublika taʼlim muassasalarini attestatsiyadan oʻtkazish jadvalini ishlab chiqsinlar va tasdiqlasinlar;
qoʻyilgan vazifalarni hal etish uchun Oʻzbekiston Respublikasi hududida faoliyat koʻrsatayotgan barcha taʼlim muassasalari vaqtincha roʻyxatdan oʻtkazilgan deb hisoblasinlar.
5. Oʻzbekiston Respublikasi Xalq taʼlimi vazirligi:
1998-99 oʻquv yilida taʼlimning yangi tizimiga oʻtish toʻliq nihoyasiga yetkazilgunga qadar, III darajali umumtaʼlim maktablarining ixtisosi belgilanmagan sinflariga oʻquvchilarni tanlovsiz qabul qilishga ruxsat etsin;
“Oʻzistiqbolstat” davlat qoʻmitasi va Mehnat vazirligi bilan birgalikda 1994-yilning 1-yanvarigacha yoshlarni ommaviy ishchi kasblari boʻyicha tayyorlashni amalga oshirish dasturini ishlab chiqsin va tasdiqlasin, bunda tayyorlov tizimiga Oʻzbekiston uchun anʼanaviy boʻlgan faoliyat turlari boʻyicha xalq ustalari va hunarmandlarni koʻplab jalb qilish nazarda tutilsin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishib uch oy muddatda pedagog xodimlarga boʻlgan ehtiyojlarni hisobga olib pedagogika bilim yurtlari tarmoqlarini tartibga solish toʻgʻrisida Vazirlar Mahkamasiga takliflar kiritsin.
6. Mazkur qarorning bajarilishini nazorat qilish Bosh vazirning oʻrinbosari M. Q. Qoraboyev zimmasiga yuklatilsin.
Oʻzbekiston Respublikasining Bosh vaziri A. MUTALOV
Toshkent sh.,
1993-yil 12-avgust,
406-son
(Oʻzbekiston Respublikasi Hukumati qarorlari toʻplami, 1993-y.,8-son,31-modda)
