Oʻzbekiston Respublikasi Tashqi ishlar vazirligi uchun obyektlar qurishni taʼminlash maqsadida Vazirlar Mahkamasi qaror qiladi:

1. Baynalminal koʻchasidagi istirohat bogʻi tegrasidagi qurilishi tugallanmagan obyektlar Tashqi ishlar vazirligi uchun chet el delegatsiyalarini qabul qilish binolariga moslashtirilsin.

2. Baynalminal koʻchasidagi istirohat bogʻi tegrasidagi obyektlar va 50 avtomashinaga moʻljallangan garaj qurilishini tugallash boʻyicha buyurtmachi etib Toshkent shahar hokimligining kapital qurilish bosh boshqarmasi, bosh pudratchi tashkiloti etib “Toshkent qurilish” davlat korporatsiyasi, bosh loyihalashtiruvchi etib Oʻzbekiston shaharlar qurilishini loyihalashtirish ilmiy-tadqiqot instituti belgilansin.

Loyiha-smeta hujjatlarini topshirishni tugallash muddatlari — 1993-yil noyabr oyi, qurilish ishlarini tugallash — 1994-yil iyun oyi deb belgilansin.

3. “Oʻzistiqbolstat” davlat qoʻmitasi, Oʻzbekiston Respublikasi Moliya vazirligi istirohat bogʻi tegrasidagi obyektlar va 50 avtomashinaga moʻljallangan garaj qurilishini 1994-yilda tugallash uchun Toshkent shahar hokimligining kapital qurilish bosh boshqarmasiga budjetdan zarur kapital mablagʻlar, shu jumladan, xorijiy asbob-uskunalar va materiallar, shuningdek, rasmiy delegatsiyalarga xizmat koʻrsatish uchun transport vositalarini sotib olish uchun hisob-kitoblarga muvofiq erkin almashtiriladigan valyutada mablagʻlar ajratishni nazarda tutsinlar.

4. Obyektlarni foydalanishga topshirishni jadallashtirish maqsadida “Oʻzsanoatqurilishbank”ka mazkur qurilishga Vazirlar Mahkamasining 1993-yil 21-iyundagi 300-son qarori bilan ajratilgan kapital mablagʻlapni 1993-yilda imtiyozli ravishda moliyaviy taʼminlashga ruxsat berilsin.

5. Oʻzbekiston Respublikasi Tashqi ishlar vazirligi obyektlarni chet el delegatsiyalarini qabul qilish binolariga moslashtirish shartlari (loyihalashtirish uchun topshiriq)ni kelishib olsin hamda loyihalashtirish va qurilish davrida xalqaro Standart meʼyorlariga rioya etilishi ustidan nazoratni amalga oshirsin.

6. “Oʻzshartnomasavdo” va “Oʻzbeksavdo” davlat uyushmalari, “Oʻzqurilishmateriallari” konserni zimmasiga oʻz nomenklaturalari boʻyicha zarur materiallar, asbob-uskunalar va transport vositalarini hisob-kitoblarga muvofiq yetkazib berish vazifasi yuklatilsin.

7. Oʻzbekiston Respublikasi Milliy xavfsizlik xizmati, “Oʻzdavteleradio” kompaniyasi, Oʻzbekiston Respublikasi Aloqa vazirligi, hukumat aloqasi xizmati Chet el delegatsiyalarini qabul qilish uyiga xizmat koʻrsatish va undan foydalanishning texnik shartlarini bersinlar.

8. Toshkent shahar hokimligi kapital qurilish bosh boshqarmasi qurilish tugallangandan keyin obyektlarni foydalanish uchun Oʻzbekiston Respublikasi Tashqi ishlar vazirligi balansiga oʻtkazsin.

9. Mazkur qarorning bajarilishini nazorat qilish Bosh vazir oʻrinbosari oʻrtoq K. N. Toʻlaganov zimmasiga yuklatilsin.