Hujjat kuchini yo‘qotgan " " 22.02.2021
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING 1994 YIL 11 MAYDAGI 247-SON QARORIGA OʻZGARTIRIShLAR KIRITISh toʻgʻrisida
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Ichki ishlar vazirligi organlarining fuqarolar xavfsizligini taʼminlashga va uyushgan jinoyatchilikning, shu jumladan Oʻzbekiston tashqarisidan suqilib kiradigan uyushgan jinoyatchilikning terrorchilik ishlarining payini qirqishga doir faoliyatini yanada chuqurlashtirish maqsadida Vazirlar Mahkamasi qaror qiladi:
Yuqorida qayd etilgan qarorning 1 va 2-bandlaridagi tashkil etilayotgan Korrupsiya va reketga qarshi kurash boshqarmalari nomidagi “reketga” soʻzidan keyin “va terrorchilikka” soʻzlari qoʻshilsin.
Qoʻshimcha ravishda quyidagilar kiritilsin:
quyidagicha tahrirdagi 3-band: “Oʻzbekiston Respublikasi Ichki ishlar vazirligi tuzilmasidagi Korrupsiya va reketga qarshi kurash boshqarmasi Korrupsiyaga, reketga va terrorchilikka qarshi kurash Bosh boshqarmasiga aylantirilsin”.
quyidagicha tahrirdagi 4-band: “Koʻrsatib oʻtilgan Bosh boshqarma tarkibiga Oʻzbekiston Respublikasi Ichki ishlar vazirligi ichki qoʻshinlarining harbiy qismi (7777 h\q) shtatlari soni hisobidan terrorchilik bilan kurashuvchi maxsus boʻlinma kiritilsin.
Alohida xizmat sharoitlari uchun Ushbu boʻlinmaning boshliqlar tarkibiga, Korrupsiya, reket va terrorchilikka qarshi kurash boshqarmasi boshligʻiga hamda uning oʻrinbosarlariga amaldagi lavozim maoshlari 25 foiz ustama bilan toʻlansin va pensiyaga chiqish vaqtida uzoq muddat ishlaganlikni hisoblashda xizmatning 1 oyi 1,5 oy deb hisoblansin”.
3-band 5-band deb qayta nomlansin.
Quyidagicha tahrirdagi 6-band kiritilsin: “Oʻzbekiston Respublikasi Vazirlar Mahkamasining 1994-yil 5-fevraldagi 57-4-son qarori oʻz kuchini yoʻqotgan deb hisoblansin.
Vazirlar Mahkamasining Raisi I. KARIMOV
Toshkent sh.,
1994-yil 13-oktabr,
505-son