Hujjat kuchini yo‘qotgan " " 22.02.2021
Hujjat 06.07.2004 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
SERTIFIKATLAShTIRILIShI ShART BOʻLGAN MAXSULOTLAR ROʻYXATINI, SERTIFIKATLAShTIRIShNI OʻTKAZISh, XAVFSIZLIGINI TASDIQLASh TALAB ETILADIGAN TOVARLARNI OʻZBEKISTON RESPUBLIKASI HUDUDIGA KELTIRISh VA ULARNI UNING TAShQARISIGA ChIQARISh TARTIBINI TASDIQLASh HAQIDA
Keyingi tahrirga qarang.
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Mahsulotlar va xizmatlarni sertifikatlashtirish toʻgʻrisida” Oʻzbekiston Respublikasi Qonuniga muvofiq mahsulot va xizmatlarni majburiy sertifikatlashtirishni taʼminlash maqsadida Vazirlar Mahkamasi qaror qiladi:
1. Quyidagilar tasdiqlansin:
Oldingi tahrirga qarang.
(1-bandning ikkinchi xatboshisi Oʻzbekiston Respublikasi Vazirlar Mahkamasining 2004-yil 6-iyuldagi 318-sonli qaroriga muvofiq oʻz kuchini yoʻqotgan — OʻR QHT, 2004-y., 27-son, 315-modda)
sertifikatlashtirishni oʻtkazish, xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish tartibi 2-ilovaga muvofiq.
Keyingi tahrirga qarang.
Keyingi tahrirga qarang.
2. Oʻzbekiston davlat standartlash, metrologiya va sertifikatlashtirish markazi Oʻzbekiston Respublikasi Moliya vazirligi va Adliya vazirligi bilan birgalikda bir oy muddatda sertifikatlashtirish qoidalarini buzganlik va mahsulotlar (ishlar, xizmatlar) isteʼmolchilariga zarar yetkazganlik uchun jarima sanksiyalarini qoʻllash tartibi haqidagi Nizomni ishlab chiqsin va tasdiqlasin.
3. “Oʻzdavstandart” markazi, TIAV, Davlat soliq qoʻmitasi, vazirliklar, idoralar, korxonalar, tashkilotlar, muassasalar 1995-yil 1-yanvardan boshlab mahsulotlar (ishlar, xizmatlar)ni sertifikatlashtirishni oʻtkazish ishlarini tashkil qilishga qaratilgan chora-tadbirlar majmuini ishlab chiqsinlar va amalga oshirsinlar.
Oldingi tahrirga qarang.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Oʻzstandart” agentligining hududiy organlariga yordam koʻrsatsinlar.
(4-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
5. Mazkur qarorning bajarilishini nazorat qilish Oʻzbekiston Respublikasi Bosh vazirining tegishli oʻrinbosarlari zimmasiga yuklansin.
Oʻzbekiston Respublikasining Bosh vaziri A. MUTALOV
Toshkent sh.,
1994-yil 12-avgust,
409-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2004-yil 6-iyuldagi 318-sonli qaroriga muvofiq oʻz kuchini yoʻqotgan — OʻR QHT, 2004-y., 27-son, 315-modda)
Vazirlar Mahkamasining 1994-yil 12-avgustdagi 409-son qaroriga
2-ILOVA
Sertifikatlashtirishni oʻtkazish, xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish
tartibi
Keyingi tahrirga qarang.
Ushbu Tartib “Mahsulotlar va xizmatlarni sertifikatlashtirish toʻgʻrisida” Oʻzbekiston Respublikasining Qonuniga asoslanib ishlab chiqilgan, u xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish qoidalarini belgilaydi.
Tartib sertifikatlashtirilishi shart boʻlgan, mahsulotning tasdiqlangan roʻyxatiga muvofiq tashqi savdoning oldi-sotdi yoki almashish (barter) obyekti boʻlgan tovarlarga tatbiq etiladi, Oʻzbekiston Respublikasiga tovar keltiruvchi va ularni uning tashqarisiga olib chiqib ketuvchi yuridik va jismoniy shaxslarga, shuningdek, tovarlarning xavfsizligi ustidan nazoratni amalga oshiruvchi tashkilotlarga moʻljallangan.
Keyingi tahrirga qarang.
Sertifikatlashtirishni oʻtkazish
Keyingi tahrirga qarang.
1. Tovarlar xavfsizligini tasdiqlash ularni sertifikatlashtirish yoʻli bilan yoki sertifikatlarni tan olish yoxud respublikadan tashqarida tovar ishlab chiqaruvchiga tovar uchun berilgan boshqa muvofiqlik guvohnomalari orqali amalga oshiriladi.
Keyingi tahrirga qarang.
2. Tovarlarni sertifikatlashtirish isteʼmolchilarning hayoti va sogʻligʻini, atrof muhitni muhofaza qilishni taʼminlashga va mol-mulkka yetkazilgan zararning oldini olishga yoʻnaltirilgan qonun hujjatlari va standartlar talablariga muvofiq oʻtkaziladi.
Oldingi tahrirga qarang.
Keyingi tahrirga qarang.
3. Sertifikatlashtirish va Oʻzbekiston Respublikasida xorijiy sertifikatlarni tan olish qoidalari Oʻzbekiston Respublikasi sertifikatlashtirish Milliy tizimi — “Oʻzstandart” agentligi tomonidan ishlab chiqiladi va tasdiqlanadi.
(3-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
4. Tovar xavfsizligini tasdiqlovchi hujjat boʻlib belgilangan tartibda vakolatga ega boʻlgan organ tomonidan berilgan tovarlarni sertifikatlashtirish natijalari boʻyicha ilova qilingan shakldagi muvofiqlik sertifikati (bundan keyin sertifikat deyiladi) yoki sertifikatsiya bergan organ rahbarining haqiqiy (asl) muhri va imzosi bilan yoki notarial idorasi tomonidan tasdiqlangan sertifikat nusxasi (kseronusxa) hisoblanadi.
Oldingi tahrirga qarang.
Keyingi tahrirga qarang.
5. Tashqi iqtisodiy faoliyatning tovar nomenklaturasi kodi koʻrsatilgan sertifikatlashtirilishi shart boʻlgan tovarlar roʻyxatini “Oʻzstandart” agentligi Davlat bojxona qoʻmitasiga taqdim etadi va har yili uni aniqlaydi.
(5-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
6. Oʻzbekiston Respublikasi hududiga keltiriladigan va uning hududidan olib chiqib ketiladigan tovarlarning xavfsizlik talablariga muvofiqliligining zarurligi va bu muvofiqlikni sertifikatlashtirish yoʻli bilan tasdiqlash shartnoma va bitimlarda koʻrsatiladi.
Keyingi tahrirga qarang.
7. Sertifikat berilgan tovar, shuningdek, uning joylashtirilishi va ilova qilingan hujjatlari RST 5.1 — 92 da nazarda tutilgan Muvofiqlik belgisi bilan tamgʻalanishi mumkin.
Tovarni, uning joylashtirilishini va ilova qilingan hujjatni Muvofiqlik belgisi bilan tamgʻalash zarurligi aniq mahsulotning sertifikatlashtirish sxemasiga bogʻliqdir.
Sertifikatlashtirishning mavjud sakkizta sxemasidan bittasini tanlab olish “Oʻzbekiston Respublikasi sertifikatlashtirish Milliy tizimi. Sertifikatlashtirish sxemasi tanlovi” ning 51 — 015 — 93 amal qilish hujjatiga muvofiq bajariladi.
Muvofiqlik belgisini qoʻyish joyi va mavjudligi sertifikatda koʻrsatilishi kerak.
Tovarlarni keltirish (olib chiqib ketish) tartibi
Oldingi tahrirga qarang.
8. Sertifikatlashtirilishi shart boʻlgan tovarlarni Oʻzbekiston Respublikasi hududiga keltirish va olib chiqib ketishga ruxsat berish uchun “Oʻzstandart” agentligi bergan yoki tan olgan yoxud “Oʻzstandart” agentligi vakolat bergan organ tomonidan berilgan sertifikat asos boʻlib hisoblanadi.
(8-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
9. Sertifikat (yoki uning nusxasi) tovar yetkazib beruvchi yoki tovarni qabul qilib oluvchi tomonidan bojxona organiga koʻrsatiladi va bojxona chegarasidan tovar oʻtkazilgunga qadar tekshiriladi.
10. Sertifikat quyidagilar mavjud boʻlganda haqiqiy hisoblanadi:
imzoning va sertifikatni (4-bandga muvofiq) bergan sertifikatlashtirish organi muhrining asli;
sertifikatlashtirish Milliy tizimining Davlat roʻyxatidagi sertifikatni roʻyxatga olish raqami va sanasi.
Keyingi tahrirga qarang.
11. Sertifikatlashtirilgan tovarga bojxona yuk deklaratsiyasini toʻldirishda tovar yetkazib beruvchi 44-ustunda sertifikatni bergan sertifikat organining qisqacha nomini, sertifikat tartib raqamini va berilgan sanani, shuningdek, agar muddati belgilangan boʻlsa, uning amal qilish muddatini koʻrsatadi.
12. Sertifikatlashtirilishi shart boʻlgan mahsulotning sertifikatlashtirilganligi haqidagi maʼlumotlar boʻlmasa, u Oʻzbekiston Respublikasi sertifikatlashtirish Milliy tizimi tomonidan belgilangan tartibda sertifikatlashtirishdan oʻtkaziladi.
13. Sinovlar oʻtkazish uchun tovar yetkazib beruvchi {joʻnatuvchi) yoki qabul qiluvchi bojxona organida saqlanayotgan tovar namunalarini olishga haqlidir. Namunalar talab qilinadigan sinovlarni oʻtkazish uchun zarur boʻlgan miqdorda olinadi. Namunalarni olib qoʻyish bojxona nazorati ostida amalga oshiriladi.
Keyingi tahrirga qarang.
Oldingi tahrirga qarang.
14. “Oʻzstandart” agentligining hududiy organi tovarni qabul qiluvchiga uning xohishiga koʻra sertifikatlashtirishni tashkil qilishda, xorijiy sertifikatni tan olishda va Milliy muvofiqlik belgisini qoʻyishda kerakli xizmatlarni koʻrsatadi.
(14-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
15. Sertifikatlashtirishning natijalari ijobiy boʻlganda yoki xorijiy sertifikat tan olinganda qabul qiluvchi (tovar yetkazib beruvchi) tovarni oʻtkazmagan bojxonaga sertifikatni koʻrsatadi.
16. Ushbu Tartib buzilgan holda Oʻzbekiston Respublikasiga keltiriladigan hamda olib chiqib ketiladigan tovarlar oʻtkazilmaydi. Bunday tovarlar bojxona qonun hujjatlari bilan belgilangan qoidalarga muvofiq saqlanadi.
Belgilangan saqlash muddati tugashi bilan talab qilib olinmagan tovarlar Oʻzbekiston Respublikasi mulkiga oʻtkaziladi.
Oldingi tahrirga qarang.
17. Mahsulot namunalarini sinovlar oʻtkazish uchun respublika tashqarisiga olib chiqib ketishda (respublika hududida sinovlar oʻtkazish imkoniyati boʻlmaganda), tovar yetkazib beruvchi (ishlab chiqaruvchi), sinovlar oʻtkazish joyi va namunalar soni koʻrsatilgan holda, sinovlarni oʻtkazish haqidagi “Oʻzstandart” agentligi tasdiqlagan qarorni koʻrsatadi.
(17-band Oʻzbekiston Respublikasi Vazirlar Mahkamasining 2003-yil 13-yanvardagi 14-sonli qarori tahririda — OʻR QHT, 2003-y., 1-2-son, 9-modda)
18. Taqdim etilgan hujjatlar belgilangan tartibda tekshirilgandan soʻng ushlab qolingan tovarlarni oʻtkazish haqidagi qaror bojxona tomonidan qabul qilinadi.
Keyingi tahrirga qarang.