Hujjat 06.01.2026 00 sanasi holatiga
Amaldagi versiyaga o‘tish

OʻZBEKISTON RESPUBLIKASI VAZIRLAR MAHKAMASINING

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida

[Koʻchirma]

Oʻzbekiston Respublikasining “Normativ-huquqiy hujjatlar toʻgʻrisida”gi Qonuni 18-moddasiga muvofiq, shuningdek, qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Hukumatining ayrim qarorlari 2-ilovaga muvofiq oʻz kuchini yoʻqotgan deb hisoblansin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari hamda adliya vaziri A.J. Tashkulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 30-dekabr,

840-son

Vazirlar Mahkamasining 2025-yil 30-dekabrdagi 840-son qaroriga
1-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1997-yil 9-oktabrdagi 469-son qarori bilan tasdiqlangan Vazirliklar va idoralar tomonidan qabul qilingan normativ-huquqiy hujjatlarni huquqiy ekspertizadan va davlat roʻyxatidan oʻtkazish toʻgʻrisidagi nizomda:

a) 1-bobning nomi quyidagi tahrirda bayon etilsin:

“1-bob. Umumiy qoidalar”;

b) 1-bandda:

birinchi xatboshidagi “meʼyoriy hujjatlar deb ataladi” soʻzlari “ — normativ-huquqiy hujjatlar” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Ushbu Nizom maqsadlari uchun idoralar deganda tegishli sohada davlat siyosatini amalga oshirish boʻyicha vakolatlar berilgan vazirlik va idoralar, shu jumladan vazirlik va idoralar boʻysunuvidagi tegishli sohada davlat siyosatini yuritish vakolati berilgan qoʻmita, agentlik va inspeksiyalar yoxud maxsus vakolatli boshqa davlat organlari tushuniladi”;

v) 2-bandning toʻrtinchi xatboshisidagi “meʼyoriy” soʻzi “normativ-huquqiy” soʻzlari bilan almashtirilsin;

g) 2¹-band quyidagi tahrirda bayon etilsin:

“2¹. Mazkur Nizomga muvofiq quyidagi hujjatlar davlat roʻyxatidan oʻtkazilmaydi:

shaharsozlik normalari va qoidalari;

fitosanitariya talablari;

sanitariya qoidalari, normalari va gigiyena normativlari;

ekologik normalar va qoidalar;

veterinariya, veterinariya-sanitariya qoidalari va normalari;

texnik jihatdan tartibga solish sohasidagi normativ hujjatlar.

Ushbu bandning yettinchi xatboshisida nazarda tutilgan hujjatlar Adliya vazirligi tomonidan texnik jihatdan tartibga solish sohasidagi normativ hujjatlarga tegishli deb topiladi.

Vazirliklar va idoralar tomonidan qabul qilingan shaharsozlik normalari va qoidalari, fitosanitariya talablari, sanitariya qoidalari, normalari va gigiyena normativlari, ekologik normalar va qoidalar, veterinariya, veterinariya-sanitariya qoidalari va normalari Adliya vazirligida majburiy tartibda huquqiy ekspertizadan oʻtkaziladi hamda ijobiy xulosa berilgan taqdirda hisobga olinadi.

Texnik jihatdan tartibga solish sohasidagi normativ hujjatlarni tayyorlash, huquqiy ekspertizadan oʻtkazish va hisobga olish tartibi Adliya vazirligi tomonidan belgilanadi”;

d) 3-bandning birinchi va ikkinchi xatboshilaridagi “meʼyoriy” soʻzi “normativ-huquqiy” soʻzlari bilan almashtirilsin;

e) 4-band quyidagi tahrirda bayon etilsin:

“4. Bir nechta vazirlik va idora qabul qilgan normativ-huquqiy hujjatni davlat roʻyxatidan oʻtkazishga taqdim etish, qoida tariqasida, hujjatni tasdiqlaganlar orasida birinchi boʻlib koʻrsatilgan organga yuklanadi”;

j) 2-bobning nomi quyidagi tahrirda bayon etilsin:

“2-bob. Normativ-huquqiy hujjatlarga qoʻyiladigan talablar”;

z) 5-band quyidagi tahrirda bayon etilsin:

“5. Normativ-huquqiy hujjatlar Oʻzbekiston Respublikasi Konstitutsiyasiga, qonunchilikka, mamlakatda amalga oshirilayotgan islohotlar maqsadlari va vazifalariga, shuningdek qonunchilik texnikasi qoidalariga muvofiq boʻlishi kerak.

Normativ-huquqiy hujjatlarga:

korrupsiya koʻrinishlari va boshqa huquqbuzarliklar sodir etilishi uchun sharoit yaratadigan;

amaldagi tartib-taomillarni asossiz murakkablashtiradigan;

fuqarolarning huquq va erkinliklarini cheklaydigan;

jismoniy va yuridik shaxslarga yangi imtiyoz va javobgarlik choralarini hamda asoslanmagan qoʻshimcha xarajat va toʻlovlarni belgilaydigan;

yangi turdagi soliq va yigʻimlarni, litsenziyalash, ruxsat berish va xabardor qilish tartib-taomillarini joriy etadigan;

ortiqcha maʼmuriy va boshqa cheklashlarni nazarda tutadigan huquqiy normalar kiritilishi taqiqlanadi.

Normativ-huquqiy hujjatlar Idoraviy normativ-huquqiy hujjatlarni tayyorlash, qabul qilish, huquqiy ekspertiza va davlat roʻyxatidan oʻtkazish qoidalari talablariga muvofiq tayyorlanishi va qabul qilinishi kerak”;

i) 6-bandda:

birinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

uchinchi va toʻrtinchi xatboshilar quyidagi tahrirda bayon etilsin:

“Vazirliklar va idoralar huquqiy tartibga solishni talab qiladigan masalalar paydo boʻlgan taqdirda, agar ushbu masalalarni huquqiy tartibga solish oʻz vakolatlariga kirsa, tegishli normativ-huquqiy hujjatlarni oʻz vaqtida qabul qilishlari kerak. Adliya vazirligi vazirliklar va idoralarga tegishli normativ-huquqiy hujjatni qabul qilish zarurligi, uni ishlab chiqish muddati haqida taqdimnoma kiritishga haqlidir.

Qonunlar, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasining qarorlarini bajarish yuzasidan normativ-huquqiy hujjat qabul qilish muddati, agar bundan koʻp muddat belgilanmagan boʻlsa, ikki oydan oshmasligi kerak”;

k) 7-banddagi “Meʼyoriy” soʻzi “Normativ-huquqiy” soʻzlari bilan almashtirilsin;

l) 8-bandda:

birinchi va ikkinchi xatboshilardagi “Meʼyoriy” soʻzi “Normativ-huquqiy” soʻzlari bilan almashtirilsin;

uchinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

toʻrtinchi xatboshidagi “Meʼyoriy” soʻzi “Normativ-huquqiy” soʻzlari bilan almashtirilsin;

beshinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

oltinchi va yettinchi xatboshilardagi “Meʼyoriy” soʻzi “Normativ-huquqiy” soʻzlari bilan almashtirilsin;

sakkizinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

toʻqqizinchi xatboshidagi “Meʼyoriy” soʻzi “Normativ-huquqiy” soʻzlari bilan almashtirilsin;

oʻninchi xatboshidagi “meʼyoriy” va “Meʼyoriy” soʻzlari tegishlicha “normativ-huquqiy” va “Normativ-huquqiy” soʻzlari bilan almashtirilsin;

oʻn birinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

m) 9-bandning birinchi xatboshisidagi “Meʼyoriy” soʻzi “Normativ-huquqiy” soʻzlari bilan almashtirilsin;

n) 10-banddagi “meʼyoriy” soʻzi “normativ-huquqiy” soʻzlari bilan almashtirilsin;

o) 11-bandda:

birinchi xatboshidagi “Meʼyoriy” soʻzi “Normativ-huquqiy” soʻzlari bilan almashtirilsin;

ikkinchi va uchinchi xatboshilardagi “meʼyoriy” soʻzi “normativ-huquqiy” soʻzlari bilan almashtirilsin;

toʻrtinchi xatboshidagi “meʼyoriy” va “maʼlumotnoma ilova qilinadi.” soʻzlari tegishlicha “normativ-huquqiy” va “maʼlumotnoma;” soʻzlari bilan almashtirilsin;

quyidagi mazmundagi xatboshi bilan toʻldirilsin:

“Idoraviy normativ-huquqiy hujjatlarni tayyorlash, qabul qilish, huquqiy ekspertiza va davlat roʻyxatidan oʻtkazish qoidalarida nazarda tutilgan boshqa hujjat va maʼlumotlar ilova qilinadi”;

p) 12-bandning birinchi va ikkinchi xatboshilaridagi “meʼyoriy” soʻzi “normativ-huquqiy” soʻzlari bilan almashtirilsin;

r) 3-bobning nomi quyidagi tahrirda bayon etilsin:

“3-bob. Huquqiy ekspertizadan va davlat roʻyxatidan oʻtkazish tartibi”;

s) 13-bandda:

birinchi xatboshidagi “meʼyoriy hujjatni olingan kundan boshlab 30 kun” soʻzlari “normativ-huquqiy hujjatni olingan kundan boshlab 20 kun” soʻzlari bilan almashtirilsin;

ikkinchi xatboshidagi “15” raqami “10” raqami bilan almashtirilsin;

t) 14-banddagi “meʼyoriy” soʻzi “normativ-huquqiy” soʻzlari bilan almashtirilsin;

u) 15-bandda:

birinchi xatboshidagi “meʼyoriy” va “II boʻlimida” soʻzlari tegishlicha “normativ-huquqiy” va “2-bobida” soʻzlari bilan almashtirilsin;

quyidagi mazmundagi ikkinchi — oltinchi xatboshilar bilan toʻldirilsin:

“Adliya vazirligi normativ-huquqiy hujjatlarni quyidagi hollarda qayta ishlash (tahrirlash) orqali davlat roʻyxatidan oʻtkazadi:

Oʻzbekiston Respublikasining Konstitutsiyasi va qonunlariga, yuqoriroq yuridik kuchga ega boʻlgan boshqa normativ-huquqiy hujjatlarga muvofiqlashtirish maqsadida;

qonunchilik texnikasi qoidalariga muvofiqlashtirish zarurati tugʻilganda;

havola qiluvchi normalar qoʻllanishining asosliligi va maqsadga muvofiqligi taʼminlanmaganda.

Qayta ishlangan (tahrirlangan) normativ-huquqiy hujjatni davlat roʻyxatidan oʻtkazishga ushbu normativ-huquqiy hujjatni qabul qilgan vazirlik yoki idoraning birinchi rahbari tomonidan yozma yoki elektron tizim orqali rozilik berilgan taqdirda yoʻl qoʻyiladi”;

ikkinchi — toʻrtinchi xatboshilar tegishlicha yettinchi — toʻqqizinchi xatboshilar deb hisoblansin;

yettinchi va sakkizinchi xatboshilardagi “Meʼyoriy” soʻzi “Normativ-huquqiy” soʻzlari bilan almashtirilsin;

toʻqqizinchi xatboshidagi “normativ” soʻzi “normativ-huquqiy” soʻzlari bilan almashtirilsin;

f) 16-bandda:

birinchi xatboshi quyidagi tahrirda bayon etilsin:

“16. Agar normativ-huquqiy hujjat Oʻzbekiston Respublikasining amaldagi qonunchiligiga zid boʻlsa, mazkur Nizomning 2-bobi talablariga javob bermasa, jamoatchilik muhokamasidan oʻtkazish jarayonida jismoniy va yuridik shaxslarning asosli eʼtirozlariga sabab boʻlsa yoxud manfaatdor organlar bilan kelishish majburiy hisoblanganda bunday organlar bilan kelishilmagan boʻlsa, normativ-huquqiy hujjatni roʻyxatdan oʻtkazish rad etilishi mumkin”;

ikkinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

quyidagi mazmundagi uchinchi xatboshi bilan toʻldirilsin:

“Adliya vazirligi tomonidan davlat roʻyxatidan oʻtkazish rad etilgan normativ-huquqiy hujjatlar rad etilgan vaqtdan eʼtiboran bekor qilingan hisoblanadi hamda vazirlik va idoralar tomonidan ularni bekor qilish uchun alohida hujjat qabul qilish talab etilmaydi”;

uchinchi xatboshi toʻrtinchi xatboshi deb hisoblansin;

toʻrtinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

x) 4-bobning nomi quyidagi tahrirda bayon etilsin:

“4-bob. Yakuniy qoidalar”;

s) 18-bandda:

birinchi xatboshidagi “normativ” soʻzi “normativ-huquqiy” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Vazirliklar va idoralar ushbu holatda oʻn kun muddatda huquqiy ekspertizadan va davlat roʻyxatidan oʻtkazish uchun oʻzlari qabul qilgan normativ-huquqiy hujjatlardagi oʻzgartirish va qoʻshimchalarni Adliya vazirligiga taqdim etishga majburdir. Ushbu qoida bajarilmagan taqdirda, Adliya vazirligi normativ-huquqiy hujjatni davlat reyestridan chiqarishga haqlidir, bu normativ-huquqiy hujjatni yuridik kuchga ega emas deb hisoblash uchun asos boʻladi hamda davlat reyestridan chiqarilishi natijasida yuzaga keladigan oqibatlar uchun vazirlik va idoralar rahbarlari javobgar hisoblanadi”;

uchinchi xatboshidagi “Meʼyoriy” soʻzi “Normativ-huquqiy” soʻzlari bilan almashtirilsin;

toʻrtinchi xatboshidagi “meʼyoriy” va “Meʼyoriy” soʻzlari tegishlicha “normativ-huquqiy” va “Normativ-huquqiy” soʻzlari bilan almashtirilsin;

ch) 20-bandda:

birinchi — uchinchi xatboshilar quyidagi tahrirda bayon etilsin:

“20. Davlat roʻyxatidan oʻtkazilgan normativ-huquqiy hujjatlar Adliya vazirligi tomonidan ular rasmiy eʼlon qilingandan soʻng ikki ish kuni mobaynida normativ-huquqiy hujjatlar matnlari hamda zarur boʻlgan taqdirda, ularga tegishli axborot-tahliliy materiallar elektron shaklda tegishliligiga koʻra davlat organlari va tashkilotlariga yuboriladi.

Vazirliklar va idoralar oʻz vakolatlari doirasida oʻzlari qabul qilgan normativ-huquqiy hujjatlar matnlari tegishliligiga koʻra tarqatilishini taʼminlashi shart.

Vazirliklar va idoralar oʻzlari qabul qilgan normativ-huquqiy hujjatlarni (zarur boʻlgan taqdirda, axborot-tahliliy materiallari bilan birga) ular rasman eʼlon qilingandan keyin bir ish kunidan kechikmay oʻzlarining rasmiy veb-saytlarida joylashtirishga majburdir”;

toʻrtinchi xatboshidagi “meʼyoriy” soʻzi “normativ-huquqiy” soʻzlari bilan almashtirilsin;

sh) 21-bandning birinchi xatboshisidagi “meʼyoriy” soʻzi “normativ-huquqiy” soʻzlari bilan almashtirilsin.

2. Vazirlar Mahkamasining 2000-yil 25-iyuldagi 283-son qarori bilan tasdiqlangan Xorijiy davlatlarda ilmiy daraja olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) tartibi toʻgʻrisidagi nizomga 1-ilovaning 6-bandi quyidagi tahrirda bayon etilsin:

“6. Mehnat daftarchasidan koʻchirma (chet el fuqarolari va fuqaroligi boʻlmagan shaxslar uchun). Bunda Oʻzbekiston Respublikasi fuqarosining mehnat daftarchasidan koʻchirma “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

3. Vazirlar Mahkamasining 2006-yil 10-fevraldagi 20-son qarori bilan tasdiqlangan Oliy taʼlim muassasalariga pedagog xodimlarni tanlov asosida ishga qabul qilish tartibi toʻgʻrisidagi nizomning 15-bandida:

birinchi xatboshidagi “va oliy maʼlumot toʻgʻrisidagi diplomlar nusxasi” soʻzlari chiqarib tashlansin;

quyidagi mazmundagi ikkinchi xatboshi bilan toʻldirilsin:

“Qatnashuvchining oliy maʼlumot toʻgʻrisidagi diplomlar maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

ikkinchi xatboshi uchinchi xatboshi deb hisoblansin.

4. Vazirlar Mahkamasining 2006-yil 9-avgustdagi 169-son qarori bilan tasdiqlangan Oʻzbekiston Respublikasi Prezidentining yosh isteʼdodlar uchun “Nihol” mukofoti toʻgʻrisidagi nizomning 22-bandi quyidagi tahrirda bayon etilsin:

“22. Har bir nomzodning hujjatlari bilan birga Qoraqalpogʻiston Respublikasi, viloyatlar va Toshkent shahri komissiyalarining xulosalari va qarorlari yuboriladi. Qarorda nomzodning ismi, familiyasi va otasining ismi, faoliyati va ijro mahoratining keng jamoatchilik tomonidan eʼtirof etilganligi haqidagi maʼlumotlar, mukofotga taqdim etish asoslari koʻrsatiladi.

Har bir nomzod boʻyicha quyidagi hujjatlar taqdim etiladi:

repertuarlar roʻyxati, video-audio albomlari;

nomzodning shaxsiy varaqasi, tarjimai holi, ijodiy jarayondagi 2 dona fotosurati, tanlovlarda qatnashganligi haqidagi diplom yoki sertifikat nusxasi (agar boʻlsa);

doimiy oʻqish yoki ish joyidan berilgan va mazkur tashkilot rahbari tomonidan imzolanib, muhr bilan tasdiqlangan ijodiy tavsifnoma;

ommaviy axborot vositalarida nomzod haqida berilgan koʻrsatuv va eshittirishlar yoki maqolalar nusxasi (agar boʻlsa).

Nomzodning pasporti (identifikatsiyalovchi ID-kartasi) nusxasi, diplom maʼlumotlari, fotosurati va oʻqish joyidan maʼlumotnoma “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

5. Vazirlar Mahkamasining 2006-yil 23-noyabrdagi 243-son qarori bilan tasdiqlangan Oʻzbekiston Respublikasi ommaviy axborot vositalari vakillarini davlat hokimiyati organlari huzurida akkreditatsiya qilish tartibi toʻgʻrisidagi nizomning 8-bandida:

toʻqqizinchi xatboshi quyidagi tahrirda bayon etilsin:

“Buyurtmanomaga batafsil maʼlumotlar (muxbirning xizmat mavqeyi, elektron pochta manzili, telefon va faks raqami) mavjud boʻlgan maʼlumotnoma ilova qilinadi”;

quyidagi mazmundagi xatboshi bilan toʻldirilsin:

“Muxbirning pasport (identifikatsiyalovchi ID-kartasi) maʼlumotlari, diplom maʼlumotlari va fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

6. Vazirlar Mahkamasining “Oʻzbekiston iqtidorli yoshlarini taqdirlash va moddiy ragʻbatlantirish toʻgʻrisida” 2008-yil 13-oktabrdagi 226-son qarorida:

a) 2-ilovada:

1, 2 va 3-bandlar quyidagi tahrirda bayon etilsin:

“1. Magistratura bosqichi talabalari uchun Oʻzbekiston Respublikasi Prezidentining davlat stipendiyasi Oʻzbekiston Respublikasi fuqarolari boʻlgan, davlat oliy taʼlim muassasalarining kunduzgi taʼlim shaklida butun oʻqish davrida barcha fanlardan aʼlo baholarga oʻqiyotgan talabalarga Oʻzbekiston Respublikasi Oliy taʼlim, fan va innovatsiyalar vazirligi tomonidan oʻtkaziladigan tanlov natijalariga binoan tayinlanadi.

2. Oʻzbekiston Respublikasi Prezidentining davlat stipendiyasiga talabgorlar (keyingi oʻrinlarda — talabgorlar) uchun belgilangan kvota (yigirma ikkita) Oliy taʼlim yoʻnalishlari va mutaxassisliklari klassifikatoriga muvofiq har yili Oʻzbekiston Respublikasi Oliy taʼlim, fan va innovatsiyalar vazirligi tomonidan tasdiqlanadigan tanlov yoʻnalishlari boʻyicha (har bir tanlov yoʻnalishiga bittadan stipendiya hisobidan) taqsimlanadi.

Bunda:

Oʻzbekiston Respublikasi Prezidentining davlat stipendiyasi tanlovining oliy taʼlim muassasasi bosqichi har yili may — iyul oylarida oʻtkaziladi;

tanlovlarning oliy taʼlim muassasasi bosqichi mazkur Nizomga qatʼiy rioya qilgan holda, oliy taʼlim muassasasi rektori (filial direktori) tomonidan kadrlar tayyorlash yoʻnalishlarining xususiyatlarini inobatga olgan holda tasdiqlangan muddatda va tartibda oʻtkaziladi;

oliy taʼlim muassasalari tomonidan talabgorlar har bir tanlov yoʻnalishi boʻyicha bittadan tavsiya etilishi mumkin.

3. Talabalarga Oʻzbekiston Respublikasi Prezidentining davlat stipendiyasi quyidagi mezonlar asosida tayinlanadi:

umumtaʼlim tayyorgarligini ilmiy-tadqiqot (ijodiy ishlar) ishlari bilan uygʻunlashtirish;

yoʻnalishlar boʻyicha konferensiya (tanlov)larda qatnashish;

kamida ikkita eʼlon qilingan ish (asar)ning mavjudligi;

tillarni — davlat tilini va bitta xorijiy tilni bilish (Mustaqil Davlatlar Hamdoʻstligiga aʼzo mamlakatlar davlat tillaridan tashqari), magistratura mutaxassisligi xorijiy til boʻlgan taqdirda esa, qoʻshimcha ravishda yana bitta xorijiy tilni bilish talab qilinadi;

Oʻzbekiston tarixini bilish.

Tillarni, axborot texnologiyalarini, Oʻzbekiston tarixini bilish boʻyicha talab darajalari Oʻzbekiston Respublikasi Oliy taʼlim, fan va innovatsiyalar vazirligi tomonidan belgilanadi”;

4-bandning uchinchi xatboshisidagi “sinov daftarchasidan koʻchirma” soʻzlari “transkript nusxasi” soʻzlari bilan almashtirilsin;

5 — 7-bandlar quyidagi tahrirda bayon etilsin:

“5. Ilmiy kengashlar yashirin ovoz berish orqali, oddiy koʻpchilik ovoz bilan Oʻzbekiston Respublikasi Prezidenti davlat stipendiyasini tayinlash uchun stipendiatlar nomzodlarini koʻrsatish toʻgʻrisida qaror qabul qiladilar.

Ilmiy kengashlar qarorlari vazirliklar va muassasalarning Oʻzbekiston Respublikasi Prezidenti davlat stipendiyasini tayinlash haqida Oʻzbekiston Respublikasi Oliy taʼlim, fan va innovatsiyalar vazirligiga tavsiyanoma yuborishi uchun asos hisoblanadi.

6. Oʻzbekiston Respublikasi Oliy taʼlim, fan va innovatsiyalar vazirligi stipendiyani tayinlash haqidagi tavsiyanomalarni bir yilda bir marta koʻrib chiqadi. Bunda hujjatlarni qabul qilish (roʻyxatdan oʻtkazish) muddati — 1 — 15-avgust, koʻrib chiqish muddati — 10 — 25-sentabr etib belgilanadi.

Oliy taʼlim muassasasi kengashi qaroriga asosan tanlovlarning navbatdagi bosqichiga tavsiya etilgan talabgorlar toʻgʻrisidagi maʼlumotlar va tegishli hujjatlar oliy taʼlim muassasasining masʼul xodimi tomonidan Oliy taʼlim, fan va innovatsiyalar vazirligining “my.edu.uz” elektron tizimiga har yili 1 — 15-avgust kunlari kiritiladi.

Bunda talabgorlarning hujjatlari asliga toʻgʻri ekanligi hamda “my.edu.uz” elektron tizimiga oʻz vaqtida va toʻgʻri kiritilishi boʻyicha masʼuliyat oliy taʼlim muassasasi rektori (filial direktori) zimmasiga yuklanadi.

Talabgorlarning oʻzlashtirish koʻrsatkichlari Oliy taʼlim, fan va innovatsiyalar vazirligining “НEMIS” — Oliy taʼlim jarayonlarini boshqarish axborot tizimi orqali shakllantiriladi.

7. Davlat oliy taʼlim muassasalari talabalariga Oʻzbekiston Respublikasi Prezidentining davlat stipendiyasi Oʻzbekiston Respublikasi Oliy taʼlim, fan va innovatsiyalar vazirligi hayʼati qarori bilan tayinlanadi.

Stipendiya tayinlanishidan avval talabgorlarning belgilangan mezonlarga muvofiq bilim va ilmiy (ijodiy) tayyorgarligi koʻrib chiqiladi.

Shu maqsadda Oʻzbekiston Respublikasi Oliy taʼlim, fan va innovatsiyalar vazirligi:

Oʻzbekiston Respublikasi Prezidentining davlat stipendiyasiga talabgorlar orasidan munosiblarini tanlab olish vazifasi yuklanadigan maxsus tanlov komissiyasini;

talabgorlarning taʼlim va ilmiy (ijodiy) tayyorgarligi darajasini baholash maqsadida ishlarni koʻrib chiqish uchun yoʻnalishlar boʻyicha ekspertlar guruhlarini tuzadi;

Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Agentlik) bilan birgalikda axborot texnologiyalari, Oʻzbekiston tarixi, xorijiy tillar boʻyicha imtihon komissiyalarini tashkil etadi, test topshiriqlarini ishlab chiqadi;

tanlov komissiyasi va ekspert guruhlarining ish tartibini belgilaydi;

tanlov komissiyasi majlislarini oʻtkazish muddatlarini belgilaydi;

talabgorlar ekspert guruhlari tomonidan koʻrsatkichlarini baholash natijalaridan norozi boʻlganda, ularning shikoyatlarini koʻrib chiqish boʻyicha 5 nafardan kam boʻlmagan tarkibda apellyatsiya komissiyasi faoliyatini tashkil etadi”;

quyidagi mazmundagi 7¹ — 7⁵-bandlar bilan toʻldirilsin:

“7¹. Talabgorlarning hujjatlari (koʻrsatkichlari) ekspert guruhlari tomonidan koʻrib chiqilib, mazkur Nizomga ilovaga muvofiq baholash mezoni asosida baholanadi va har bir tanlov yoʻnalishi boʻyicha qaydnoma rasmiylashtiriladi.

Ekspert guruhi tomonidan har bir talabgorga qoʻyilgan ball ekspert guruhi faoliyati yakunlangandan soʻng 24 soat ichida “my.edu.uz” elektron tizimi orqali talabgorga maʼlum qilinadi.

7². Ekspert guruhi tomonidan qoʻyilgan ballardan (oʻz koʻrsatkichlari boʻyicha) norozi boʻlgan talabgorlarga baholash natijalari eʼlon qilingan vaqtdan boshlab 48 soat ichida “my.edu.uz” elektron tizimi orqali apellyatsiya arizasi berish imkoniyati yaratiladi.

Apellyatsiya arizalari apellyatsiya komissiyasi tomonidan arizalar sonidan kelib chiqqan holda, uch kun ichida koʻrib chiqiladi.

Apellyatsiya komissiyasi aʼzolarning kamida uchdan ikki qismi ishtirok etganda vakolatli hisoblanadi.

Apellyatsiya arizalarini koʻrib chiqishda apellyatsiya komissiyasi talabgorlarning barcha hujjatlarini mazkur Nizomga ilovaga muvofiq baholash mezoni asosida har tomonlama oʻrganadi.

Apellyatsiya komissiyasi apellyatsiya arizasini koʻrib chiqish natijasi boʻyicha quyidagi qarorlardan birini qabul qiladi:

qoʻyilgan ballarni oʻzgarishsiz qoldirish toʻgʻrisida;

qoʻyilgan ballarni oʻzgartirish toʻgʻrisida.

7³. Talabgorlar axborot texnologiyalari, Oʻzbekiston tarixi, xorijiy tillar boʻyicha Agentlikda (hududlar boʻyicha) maxsus test sinovlari topshiradilar. Bunda:

test sinovlari boʻyicha oʻtish ballining quyi chegarasi toʻplash mumkin boʻlgan eng yuqori ballning 55 foizi hisoblanadi;

toʻplash mumkin boʻlgan eng yuqori ballning 55 foizidan past ball toʻplagan hamda test sinovlariga qatnashmagan talabgorlar Oʻzbekiston Respublikasi Prezidentining davlat stipendiyasiga tavsiya etilmaydi;

Agentlik bir kun muddatda yakuniy qaydnomalarni test sinovlari natijalari bilan birga Oliy taʼlim, fan va innovatsiyalar vazirligiga taqdim etadi.

7⁴. Talabgorlarning test sinovlari natijalari va ekspert guruhlarining baholash natijalari umumlashtirilib, ularning yakuniy ballari eʼlon qilinadi.

Yakuniy ballar natijalariga koʻra har bir tanlov yoʻnalishi boʻyicha eng yuqori ball toʻplagan 3 nafar talabgor ekspert guruhlarining bayonnomalariga asosan Oʻzbekiston Respublikasi Prezidenti davlat stipendiyasi tanlovining suhbat bosqichiga tavsiya etiladi.

7⁵. Oʻzbekiston Respublikasi Prezidenti davlat stipendiyasi tanlovining suhbat bosqichiga tavsiya etilgan talabgorlarga tanlov komissiyasi aʼzolari tomonidan quyidagi mavzular doirasida savollar beriladi:

mamlakatda oʻz sohasiga oid amalga oshirilayotgan islohotlarning mohiyati va ahamiyati;

ilmiy-tadqiqot ishining mazmuni, dolzarbligi va ahamiyati;

oʻz mutaxassisligiga oid bilimlar hamda mamlakat ijtimoiy-iqtisodiy hayotidagi oʻzgarishlarni xorijiy tilda bayon eta olish koʻnikmalarining mavjudligi”;

8-bandda:

birinchi xatboshidagi “Oʻzbekiston Respublikasi Prezidentining davlat stipendiyalarini” soʻzlari “Oʻzbekiston Respublikasi Prezidentining davlat stipendiyasi” soʻzlari bilan almashtirilsin;

uchinchi xatboshidagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

9 — 11-bandlar quyidagi tahrirda bayon etilsin:

“9. Oʻzbekiston Respublikasi Oliy taʼlim, fan va innovatsiyalar vazirligi hayʼatining qarori davlat oliy taʼlim muassasalarining talabalarga Oʻzbekiston Respublikasi Prezidentining davlat stipendiyasini tayinlash va toʻlash haqida buyruq tayyorlashi uchun asos boʻladi.

10. Oʻzbekiston Respublikasi Prezidentining davlat stipendiyasi talabalarga bir oʻquv yili uchun (talabalar safidan chetlatilganda shu oyga qadar) 1-sentabrdan boshlab belgilangan miqdorlarga qatʼiy rioya qilingan holda tayinlanadi.

11. Oʻzbekiston Respublikasi Prezidentining davlat stipendiyasiga sazovor boʻlgan talabalarga “Prezident stipendiyasining sohibi” guvohnomasi Oʻzbekiston Respublikasi Oliy taʼlim, fan va innovatsiyalar vazirligi hayʼati majlisida tantanali ravishda topshiriladi”;

12 va 15-bandlardagi tegishli kelishikdagi “Oʻzbekiston Respublikasi Prezidentining davlat stipendiyalari” soʻzlari tegishli kelishikdagi “Oʻzbekiston Respublikasi Prezidentining davlat stipendiyasi” soʻzlari bilan almashtirilsin;

14-band quyidagi tahrirda bayon etilsin:

“14. Kundalik darslarni oʻzlashtirmaydigan, oʻquv intizomini va ilmiy odob-axloqni buzgan talabalar oʻquv yili mobaynida Oʻzbekiston Respublikasi Prezidentining davlat stipendiyasidan tasarrufida talaba oʻqiyotgan oliy taʼlim muassasalari boʻlgan vazirliklar va idoralarning taqdimnomasiga binoan Oʻzbekiston Respublikasi Oliy taʼlim, fan va innovatsiyalar vazirligi hayʼati qarori bilan mahrum qilinishi mumkin”;

quyidagi mazmundagi ilova bilan toʻldirilsin:

“Magistratura bosqichi talabalari uchun Oʻzbekiston Respublikasi Prezidentining davlat stipendiyalari va ularni tayinlash tartibi toʻgʻrisidagi nizomga
ILOVA

Oʻzbekiston Respublikasi Prezidentining davlat stipendiyasiga hujjat topshirgan magistratura mutaxassisligi boʻyicha tahsil olayotgan talabgorlarning koʻrsatkichlarini baholash mezoni

T/r	Koʻrsatkichlar	Qoʻyiladigan ball	Izoh
1.	Ilmiy-tadqiqot ishlari (ilmiy maqola, tezis va boshqalar)	40 ballgacha	Talabgor tomonidan mustaqil tanlangan asosiy 4 ta ilmiy-tadqiqot ishi inobatga olinadi va har biri 10 ballgacha baholanadi.
1.	Qolgan ilmiy-tadqiqot ishlari	10 ballgacha	Asosiy tanlangan 4 ta ilmiy-tadqiqot ishidan boshqa barcha ishlari inobatga olinadi va jami 10 ballgacha baholanadi.
2.	Erishgan yutuqlari (Davlat mukofoti, xalqaro va respublika fan olimpiadasi hamda koʻrik-tanlovlar gʻolibligi, patent, ixtirolar va boshqalar)	20 ballgacha	Talabgorning tahsil olayotgan mutaxassisligiga mosligiga ustuvorlik beriladi.
3.	Bilim va malakalarni baholash agentligi tomonidan Oʻzbekiston tarixi, axborot texnologiyalari, xorijiy tillar boʻyicha oʻtkaziladigan test sinovlari natijalari	30 ballgacha	Toʻplash mumkin boʻlgan eng yuqori ballga mutanosib ravishda hisoblanadi.

Izoh.

1. Quyidagilarga:

ilmiy ishlar, yutuqlar, natijalarga aynan talabaning muayyan taʼlim bosqichi davrida erishganligiga;

ilmiy-tadqiqot ishlarining izchilligiga, yakka mualliflikda hamda nufuzli nashrlarda chop etilganligiga;

ilmiy-tadqiqot ishlari, erishilgan natijalarning talabgor tahsil olayotgan magistratura mutaxassisligi mosligiga ustuvorlik beriladi.

2. Agar talabgor muqaddam davlat stipendiyasi sovrindori boʻlgan boʻlsa, sovrindor boʻlgan sanadan keyingi davrida erishgan natijalari va ilmiy-tadqiqot ishlari inobatga olinadi”;

b) 3-ilovada:

1-bandning birinchi xatboshisi “taʼlim yoʻnalishlari” soʻzlaridan keyin “kunduzgi taʼlim shakli” soʻzlari bilan toʻldirilsin;

2-bandda:

uchinchi xatboshidagi “(keyingi oʻrinlarda — nomli davlat stipendiyalari)” soʻzlari chiqarib tashlansin;

quyidagi mazmundagi yettinchi xatboshi bilan toʻldirilsin:

“Abdulla Avloniy nomli davlat stipendiyasi pedagogika yoʻnalishidagi oliy taʼlim muassasalari, shu jumladan, qoʻshma taʼlim dasturlarining oxirgi ikki kursida oʻqiyotgan talabalarga tayinlanadi va toʻlanadi. Bunda ushbu nomli davlat stipendiyasi soni har bir pedagogika yoʻnalishidagi oliy taʼlim muassasasi uchun alohida bittadan belgilanadi”;

3-band quyidagi tahrirda bayon etilsin:

“3. Kelgusi oʻquv yili uchun Beruniy, Ibn Sino, Navoiy, Ulugʻbek, Imom al-Buxoriy, Islom Karimov, Bobur, Pahlavon Mahmud, Abdulla Avloniy, Toʻlepbergen Qaipbergenov va Ibroyim Yusupov nomli davlat stipendiyalari (keyingi oʻrinlarda — nomli davlat stipendiyalari) soni joriy oʻquv yili oxirida Oʻzbekiston Respublikasi Oliy taʼlim, fan va innovatsiyalar vazirligi taqdimnomasiga binoan Vazirlar Mahkamasi tomonidan belgilanadi.

Bunda Oʻzbekiston Respublikasidagi davlat, nodavlat va xorijiy oliy taʼlim muassasalari hamda ularning filiallari boʻyicha nomli davlat stipendiyalari soni Oʻzbekiston Respublikasi Oliy taʼlim, fan va innovatsiyalar vazirligi tomonidan Oliy taʼlim yoʻnalishlari va mutaxassisliklari klassifikatoriga muvofiq har yili tasdiqlanadigan tanlov yoʻnalishlari va talabalar sonidan kelib chiqib taqsimlanadi”;

4-bandda:

birinchi xatboshi quyidagi tahrirda bayon etilsin:

“4. Oʻzbekiston Respublikasi Prezidenti va nomli davlat stipendiyalari tanlovlarida ishtirok etadigan nomzodlarga (keyingi oʻrinlarda — talabgorlar) quyidagi talablar belgilanadi:”;

“a” kichik bandning beshinchi xatboshisi quyidagi tahrirda bayon etilsin:

“tillarni — davlat tilini va bitta xorijiy tilni bilish (Mustaqil Davlatlar Hamdoʻstligiga aʼzo mamlakatlar davlat tillaridan tashqari), bakalavriatdagi taʼlim yoʻnalishi xorijiy til boʻlgan taqdirda esa, qoʻshimcha ravishda yana bitta xorijiy tilni bilish talab qilinadi. Bunda talabgorlar ushbu tillar boʻyicha oʻz bilimlari darajasini aniqlash uchun oʻqish joyidagi til kafedralarida maxsus suhbatdan oʻtadilar;”;

quyidagi mazmundagi 4¹-band bilan toʻldirilsin:

“4¹. Oʻzbekiston Respublikasi Prezidenti va nomli davlat stipendiyalari tanlovlarining oliy taʼlim muassasasi bosqichi har yili may — iyul oylarida oʻtkaziladi.

Tanlovlarning oliy taʼlim muassasasi bosqichi mazkur Nizomga qatʼiy rioya qilgan holda, oliy taʼlim muassasasi rektori (filial direktori) tomonidan kadrlar tayyorlash yoʻnalishlarining xususiyatlarini inobatga olib tasdiqlangan muddatda va tartibda oʻtkaziladi”;

5-bandda:

ikkinchi xatboshidagi “Oʻzbekiston Respublikasi Prezidenti va nomli davlat stipendiyalariga” soʻzlari chiqarib tashlansin;

uchinchi xatboshidagi “sinov daftarchasidan koʻchirma” soʻzlari “transkript nusxasi” soʻzlari bilan almashtirilsin;

7-band quyidagi tahrirda bayon etilsin:

“7. Oliy taʼlim muassasasi kengashi qaroriga asosan tanlovlarning navbatdagi bosqichiga tavsiya etilgan talabgorlar toʻgʻrisidagi maʼlumotlar va tegishli hujjatlar oliy taʼlim muassasasining masʼul xodimi tomonidan Oliy taʼlim, fan va innovatsiyalar vazirligining “my.edu.uz” elektron tizimiga har yili 1 — 15-avgust kunlari kiritiladi.

Talabgorlarning oʻzlashtirish koʻrsatkichlari Oliy taʼlim, fan va innovatsiyalar vazirligining “НEMIS” — Oliy taʼlim jarayonlarini boshqarish axborot tizimi orqali shakllantiriladi”;

8-banddagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

quyidagi mazmundagi 8¹ — 8⁴-bandlar bilan toʻldirilsin:

“8¹. Oʻzbekiston Respublikasi Oliy taʼlim, fan va innovatsiyalar vazirligi:

talabgorlarni saralash vazifasi yuklanadigan tanlov komissiyasi faoliyatini tashkil etadi;

talabgorlarning taʼlim va ilmiy (ijodiy) tayyorgarlik darajasini baholash maqsadida ishlarni koʻrib chiqish uchun ekspertlar guruhlarini tuzadi;

Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Agentlik) bilan birgalikda axborot texnologiyalari, Oʻzbekiston tarixi, xorijiy tillar boʻyicha imtihon komissiyalarini tashkil etadi, test topshiriqlarini ishlab chiqadi;

tanlov komissiyasi va ekspert guruhlarining ish tartibini belgilaydi;

tanlov komissiyasi majlislarini oʻtkazish muddatlarini belgilaydi;

8². Talabgorlarning hujjatlari (koʻrsatkichlari) ekspert guruhlari tomonidan koʻrib chiqilib, mazkur Nizomga ilovaga muvofiq baholash mezoni asosida baholanadi hamda Oʻzbekiston Respublikasi Prezidenti va har bir nomli davlat stipendiyalari boʻyicha qaydnoma rasmiylashtiriladi.

Ekspert guruhi tomonidan har bir talabgorga qoʻyilgan ball ekspert guruhi faoliyati yakunlangandan soʻng 24 soat muddatda “my.edu.uz” elektron tizimi orqali talabgorga maʼlum qilinadi.

8³. Ekspert guruhi tomonidan qoʻyilgan ballardan (oʻz koʻrsatkichlari boʻyicha) norozi boʻlgan talabgorlarga baholash natijalari eʼlon qilingan vaqtdan boshlab 48 soat davomida “my.edu.uz” elektron tizimi orqali apellyatsiya arizasi berish imkoniyati yaratiladi.

Apellyatsiya arizalari apellyatsiya komissiyasi tomonidan arizalar sonidan kelib chiqqan holda, uch kun ichida koʻrib chiqiladi.

Apellyatsiya komissiyasi aʼzolarning kamida uchdan ikki qismi ishtirok etganda vakolatli hisoblanadi.

Apellyatsiya arizalarini koʻrib chiqishda apellyatsiya komissiyasi talabgorlarning barcha hujjatlarini mazkur Nizomga ilovaga muvofiq baholash mezoni asosida baholash mezoni asosida har tomonlama oʻrganadi.

Apellyatsiya komissiyasi apellyatsiya arizasini koʻrib chiqish natijasi boʻyicha quyidagi qarorlardan birini qabul qiladi:

qoʻyilgan ballarni oʻzgarishsiz qoldiradi;

qoʻyilgan ballarni oʻzgartiradi.

8⁴. Talabgorlar axborot texnologiyalari, Oʻzbekiston tarixi, xorijiy tillar boʻyicha Agentlikda (hududlar boʻyicha) maxsus test sinovlari topshiradilar. Bunda:

test sinovlari boʻyicha oʻtish ballining quyi chegarasi toʻplash mumkin boʻlgan eng yuqori ballning 55 foizi hisoblanadi;

toʻplash mumkin boʻlgan eng yuqori ballning 55 foizidan past ball toʻplagan hamda test sinovlariga qatnashmagan talabgorlar Oʻzbekiston Respublikasi Prezidenti va nomli davlat stipendiyalariga tavsiya etilmaydi;

Agentlik bir kun muddatda yakuniy qaydnomalarni test sinovlari natijalari bilan birga Oliy taʼlim, fan va innovatsiyalar vazirligiga taqdim etadi”;

9 — 12-bandlar quyidagi tahrirda bayon etilsin:

“9. Talabgorlarning test sinovlari natijalari va ekspert guruhlarining baholash natijalari umumlashtirilib, ularning yakuniy ballari eʼlon qilinadi.

Yakuniy ballar natijalariga koʻra har bir oliy taʼlim muassasasi boʻyicha ajratilgan kvotalar soniga muvofiq eng yuqori ball toʻplagan talabgorlar roʻyxati ekspert guruhlarining bayonnomalariga asosan Oʻzbekiston Respublikasi Prezidenti va nomli davlat stipendiyasiga tavsiya etish uchun tanlov komissiyalariga taqdim etiladi.

10. Oʻzbekiston Respublikasi Prezidenti va nomli davlat stipendiyalari sovrindorlari ekspert guruhlarining bayonnomalari asosida Oliy taʼlim, fan va innovatsiyalar vazirligida tashkil etilgan tanlov komissiyalari qaroriga asosan aniqlanadi.

11. Tanlov komissiyalarining qabul qilingan qarorlariga asosan, Oʻzbekiston Respublikasi Prezidenti va nomli davlat stipendiyalari sovrindori boʻlgan talabalar roʻyxati Oʻzbekiston Respublikasi oliy taʼlim, fan va innovatsiyalar vazirining buyrugʻi bilan tasdiqlanadi.

12. Oʻzbekiston Respublikasi oliy taʼlim, fan va innovatsiyalar vazirining buyrugʻi oliy taʼlim muassasasi rektori (filial direktori, ijrochi direktori)ning talabalarga Oʻzbekiston Respublikasi Prezidenti va nomli davlat stipendiyalarini tayinlash va toʻlash haqidagi buyruqlarini rasmiylashtirishi uchun asos hisoblanadi.

Stipendiyalar 1-sentabrdan boshlab bir oʻquv yili uchun (talabalar safidan chetlatilganda shu oyga qadar) belgilangan miqdorga qatʼiy rioya qilgan holda tayinlanadi.

Nomli davlat stipendiyalari sovrindori boʻlgan talabalarga muayyan taʼlim bosqichida nomli davlat stipendiyalari tanlovlarida qayta ishtirok etishiga ruxsat etilmaydi”;

13-bandda:

quyidagi mazmundagi oʻn birinchi xatboshi bilan toʻldirilsin:

“Abdulla Avloniy nomli davlat stipendiyasining sohibi”;

oʻn birinchi — oʻn uchinchi xatboshilar tegishlicha oʻn ikkinchi — oʻn toʻrtinchi xatboshilar deb hisoblansin;

14-banddagi “kirish imtihonlarisiz” soʻzlari “tanlovlarsiz” soʻzi bilan almashtirilsin;

quyidagi mazmundagi ilova bilan toʻldirilsin:

“Bakalavriat bosqichi talabalari uchun Oʻzbekiston Respublikasi Prezidenti va nomli davlat stipendiyalari hamda ularni tayinlash tartibi toʻgʻrisidagi nizomga
ILOVA

Oʻzbekiston Respublikasi Prezidenti va nomli davlat stipendiyalariga hujjat topshirgan bakalavriat taʼlim yoʻnalishida tahsil olayotgan talabgorlarning koʻrsatkichlarini baholash mezoni

T/r	Koʻrsatkichlar	Qoʻyiladigan ball	Izoh
1.	Ilmiy-tadqiqot ishlari (ilmiy maqola, tezis va boshqalar)	30 ballgacha	Talabgor tomonidan mustaqil tanlangan asosiy 2 ta ilmiy-tadqiqot ishi inobatga olinadi va har biri 15 ballgacha baholanadi*
1.	Qolgan ilmiy-tadqiqot ishlari	10 ballgacha	Asosiy tanlangan 2 ta ilmiy-tadqiqot ishidan boshqa barcha ishlari inobatga olinadi va jami 10 ballgacha baholanadi
2.	Erishgan yutuqlari (Davlat mukofoti, xalqaro va respublika fan olimpiadasi hamda koʻrik tanlovlar gʻolibligi, patent, ixtirolar va boshqalar)	20 ballgacha	Talabgorning tahsil olayotgan mutaxassisligiga mosligiga ustuvorlik beriladi
3.	Til bilish sertifikati (bakalavriat taʼlim yoʻnalishi xorijiy til boʻlgan taqdirda, boshqa xorijiy tilni bilish sertifikati talab etiladi)	10 ballgacha	Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining qoʻshma qarori bilan tasdiqlangan milliy va xalqaro sertifikatlar inobatga olinadi. “B1” darajasidan past darajalar hamda amal qilish muddati oʻtgan sertifikatlar inobatga olinmaydi
4.	Bilim va malakalarni baholash agentligi tomonidan Oʻzbekiston tarixi, axborot texnologiyalari, xorijiy tillar boʻyicha oʻtkaziladigan test sinovlari natijalari	30 ballgacha	Toʻplash mumkin boʻlgan eng yuqori ballga mutanosib ravishda hisoblanadi

Izoh.

1. *Oʻzbekiston Respublikasi Prezidenti davlat stipendiyasiga talabgorlardan bakalavriat taʼlim yoʻnalishiga mos mavzuda kamida ikkita eʼlon qilingan ilmiy-tadqiqot ishlari (ilmiy maqola, tezis va boshqalar)ning mavjudligi talab etiladi.

2. Quyidagilarga:

ilmiy ishlar, yutuqlar, natijalarga aynan talabaning muayyan taʼlim bosqichi davrida erishganligiga;

ilmiy-tadqiqot ishlarining izchilligiga, yakka mualliflikda hamda nufuzli nashrlarda chop etilganligiga;

ilmiy-tadqiqot ishlari, erishilgan natijalarning talabgor tahsil olayotgan taʼlim yoʻnalishiga mosligiga ustuvorlik beriladi.

3. Agar talabgor muqaddam davlat stipendiyasi sovrindori boʻlgan boʻlsa, sovrindor boʻlgan sanadan keyingi davrida erishgan natijalari va ilmiy-tadqiqot ishlari inobatga olinadi”.

7. Vazirlar Mahkamasining 2014-yil 10-iyuldagi 186-son qarori bilan tasdiqlangan Koʻchmas mulk obyektlarining davlat kadastri sohasida davlat xizmatlari narxlarini belgilash tartibining izoh qismida:

a) 2-bandning “b” kichik bandida:

quyidagi mazmundagi beshinchi xatboshi bilan toʻldirilsin:

“sud tomonidan koʻchmas mulkka boʻlgan huquqni davlat roʻyxatidan oʻtkazish uchun asos boʻlgan huquqni belgilovchi hujjat haqiqiy emas deb topilishi natijasida oldingi huquq egasining koʻchmas mulkka boʻlgan huquqi tiklangan taqdirda, ushbu huquq davlat roʻyxatidan oʻtkazilganda”;

beshinchi xatboshi oltinchi xatboshi deb hisoblansin;

b) 5-band quyidagi tahrirda bayon etilsin:

“5. “Kambagʻal oilalar reyestri” axborot modulida qizil toifaga kiritilgan oilalarning aʼzolariga davlat xizmatlari narxi xizmatlar umumiy qiymatining 25 foizini, “Kambagʻal oilalar reyestri” axborot modulida sariq toifaga kiritilgan oilalarning aʼzolariga, “Ijtimoiy himoya yagona reyestri” axborot tizimida roʻyxatga olingan shaxslarga, shuningdek, I va II guruh nogironlari hamda Ikkinchi jahon urushi qatnashchilari uchun davlat xizmatlari narxi xizmatlar umumiy qiymatining 50 foizini tashkil qiladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno)”.

8. Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomda:

a) 21-bandda:

toʻrtinchi xatboshi quyidagi tahrirda bayon etilsin:

“Bunda ariza beruvchi xohishiga koʻra:”;

quyidagi mazmundagi beshinchi — yettinchi xatboshilar bilan toʻldirilsin:

“tadbirkorlik subyekti boʻlgan yuridik shaxsni auditorlik tashkiloti sifatida qayta roʻyxatdan oʻtkazishda, auditorlik tashkilotini Auditorlik tashkilotlarining reyestriga kiritish boʻyicha — Iqtisodiyot va moliya vazirligiga;

tadbirkorlik subyekti boʻlgan yuridik shaxsning nomi yoki tashkiliy-huquqiy shakli, jismoniy shaxs boʻlgan tadbirkorlik subyektining familiyasi, ismi, otasining ismi oʻzgarganligi sababli qayta roʻyxatdan oʻtkazishda, avtomototransport vositasini qayta roʻyxatdan oʻtkazish boʻyicha — ichki ishlar organlariga arizalar kompozit tarzda yuborilishi mumkin.

Ariza beruvchi xohishiga koʻra avtomototransport vositalarini roʻyxatga olish haqidagi guvohnomani ichki ishlar organlariga oʻzi borib yoki yetkazib berish xizmatidan foydalangan holda olishi mumkin”;

beshinchi — oʻn sakkizinchi xatboshilar tegishlicha sakkizinchi — yigirma birinchi xatboshilar deb hisoblansin;

b) 2-ilovaning 5-pozitsiyasi “Amalga oshiriladigan harakatlar” ustuni “subyektining oʻziga” soʻzlaridan keyin “(muassisiga)” soʻzi bilan toʻldirilsin.

9. Vazirlar Mahkamasining 2017-yil 22-maydagi 304-son qarori bilan tasdiqlangan Oliy taʼlimdan keyingi taʼlim toʻgʻrisidagi nizomda:

a) 18-band quyidagi tahrirda bayon etilsin:

“18. Stajyor-tadqiqotchilik va tayanch doktoranturada oʻqish uchun talabgorlar ilmiy tashkilot yoki taʼlim muassasalariga quyidagi hujjatlarni taqdim etadilar:

ariza;

qisqacha biografik maʼlumotnoma;

klinik ordinaturani tugatganlik (tibbiyot fanlari uchun) toʻgʻrisidagi diplom nusxasi;

nashr etilgan ilmiy ishlar roʻyxati, shuningdek ularning nusxalari.

Oʻzbekiston Respublikasi Prezidenti davlat stipendiyasi sohiblari tegishli hujjat nusxasini taqdim etadilar.

Talabgorlarning mehnat daftarchasining belgilangan tartibda tasdiqlangan nusxasi (ishlayotgan talabgorlar uchun) oliy taʼlim muassasasi bakalavri va magistraturasi diplom maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

b) 20-band quyidagi tahrirda bayon etilsin:

“20. Doktoranturada oʻqishga talabgorlar ilmiy tashkilot yoki taʼlim muassasalariga quyidagi hujjatlarni taqdim etadilar:

ariza;

qisqacha biografik maʼlumotnoma;

fan nomzodi yoxud falsafa doktori (PhD) yoki xorijiy davlatlarda unga tenglashtirilgan ilmiy darajaga ega boʻlganligi toʻgʻrisidagi diplom nusxasi;

tadqiqot mavzusi boʻyicha ilmiy maʼruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi;

nashr etilgan ilmiy ishlar roʻyxati, shuningdek ularning nusxalari.

Talabgorlarning mehnat daftarchasining nusxasi (ishlayotgan talabgorlar uchun) va oliy maʼlumot toʻgʻrisidagi diplom maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

10. Vazirlar Mahkamasining 2017-yil 31-avgustdagi 683-son qarori bilan tasdiqlangan Avtomototransport vositalarini davlat roʻyxatidan oʻtkazish tartibi toʻgʻrisidagi nizomning 51-bandi quyidagi tahrirda bayon etilsin:

“51. Mulkdor — jismoniy shaxsning familiyasi, ismi, otasining ismi oʻzgarganda, shuningdek, mulkdor — yuridik shaxs qayta tashkil etilganda yoki nomlanishi oʻzgarganda, avtomototransport vositasini qayta roʻyxatdan oʻtkazish uchun mulkdor yoki uning vakili YHXX va uning hududiy boshqarmalariga quyidagi hujjatlarni taqdim etadi:

avtomototransport vositasi egasi yoki uning vakilining belgilangan namunadagi arizasi;

avtomototransport vositasi egasi yoki uning vakilining shaxsini tasdiqlovchi hujjat.

Quyidagi maʼlumotlar “Raqamli hukumat” tizimining idoralararo integratsiyalashuv platformasi orqali aniqlanadi:

mulkdor — jismoniy shaxsning familiyasi, ismi, otasining ismi, shuningdek, mulkdor — yuridik shaxsning qayta tashkil etilishi yoki nomlanishi oʻzgarganligi;

roʻyxat harakatlarini amalga oshirish mobaynidagi YHXX va uning hududiy boshqarmalarining xizmatlari uchun belgilangan miqdordagi toʻlovlarni toʻlaganligi.

Yuridik shaxsning nomi yoki tashkiliy-huquqiy shakli, jismoniy shaxsning, shuningdek, jismoniy shaxs boʻlgan tadbirkorlik subyektining familiyasi, ismi, otasining ismi oʻzgarganligi sababli qayta roʻyxatdan oʻtkazishda, avtomototransport vositasi egasi yoki uning vakilining xohishiga koʻra avtomototransport vositasini qayta roʻyxatdan oʻtkazish boʻyicha arizalar kompozit tarzda yuborilishi mumkin.

Bunda qayta roʻyxatdan oʻtkazish uchun zarur boʻlgan maʼlumotlar mazkur bandning toʻrtinchi xatboshisida belgilangan tartibda aniqlanadi.

Mulkdor — jismoniy shaxsning familiyasi, ismi, otasining ismi oʻzgarganda, shuningdek mulkdor — yuridik shaxs qayta tashkil etilganda yoki nomlanishi oʻzgarganda avtomototransport vositasining roʻyxatga olish kartasiga tegishli oʻzgartirishlar kiritiladi, ilgari berilgan avtomototransport vositasini roʻyxatdan oʻtkazish toʻgʻrisidagi guvohnoma esa avtomototransport vositasi egasi haqida yangi maʼlumotlarni koʻrsatgan holda almashtiriladi”.

11. Vazirlar Mahkamasining 2018-yil 22-fevraldagi 135-son qarori bilan tasdiqlangan Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasi berish tartibi toʻgʻrisidagi nizomning 25-bandi quyidagi tahrirda bayon etilsin:

“25. Tanlovda ishtirok etish uchun nodavlat notijorat tashkilotlari quyidagi hujjatlarni elektron shaklda maxsus axborot portali orqali tegishli davlat organiga taqdim etadi.

ushbu Nizomga 2-ilovaga muvofiq shakldagi tanlovda ishtirok etish haqida ariza;

davlat ijtimoiy buyurtmasini bajarishning batafsil tasnifi;

nodavlat notijorat tashkiloti ustavining nusxasi;

Nodavlat notijorat tashkilotining tashabbusi bilan boshqa hujjatlar (sertifikatlar, oʻtkazilgan tekshirishlar boʻyicha maʼlumotlar va shu kabilar) ham taqdim qilinishi mumkin.

Bunda nodavlat notijorat tashkilotlarining davlat roʻyxatidan oʻtganlik haqidagi guvohnoma nusxasi, qarzdorlik mavjud emasligi haqida soliq inspeksiyasi tomonidan taqdim etilgan maʼlumotnoma hamda maxsus ruxsatnoma (litsenziya) nusxasi (agar davlat ijtimoiy buyurtmasi doirasidagi loyihalarni amalga oshirish uchun maxsus ruxsatnoma (litsenziya) talab etilsa) “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

12. Vazirlar Mahkamasining 2018-yil 4-maydagi 336-son qarori bilan tasdiqlangan Oʻzbekiston Respublikasi Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash institutiga tinglovchilarni oʻqishga qabul qilish tartibi toʻgʻrisidagi nizomda:

a) 13-band quyidagi tahrirda bayon etilsin:

“13. Nomzodlar Komissiyaga quyidagi hujjatlarni taqdim etadilar:

davlat va xoʻjalik boshqaruvi organlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari, jamoat tashkilotlarining birinchi rahbarlari imzosi bilan tavsiyanoma;

Institut direktori nomiga yozilgan ariza;

soʻrovnoma, maʼlumotnoma-obyektivka (yaqin qarindoshlari toʻgʻrisidagi maʼlumotlar koʻrsatilgan holda);

086-U shakl boʻyicha tibbiy maʼlumotnoma;

Nomzodning oliy maʼlumoti toʻgʻrisidagi diplom maʼlumotlari, mehnat daftarchasining nusxasi va pasport (identifikatsiyalovchi ID-kartasi) nusxasi maʼlumotlari va fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

Hujjatlarga nomzodning faoliyati davomidagi muayyan yutuqlarini (mukofotlari, ixtiro patentlari va boshqa erishgan yutuqlarini) aks ettiruvchi hujjatlar nusxalari ilova qilinishi mumkin.

Institutga oʻqishga tavsiya etishda nomzodlarning oʻziga va ularning hujjatlariga nisbatan qoʻyilgan talablarga qatʼiy rioya etish, hujjatlarning haqqoniyligi va toʻgʻriligi boʻyicha masʼuliyat tavsiya etayotgan davlat va xoʻjalik boshqaruvi organlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari hamda jamoat tashkilotlari rahbarlari zimmasiga yuklanadi”;

b) 32-band quyidagi tahrirda bayon etilsin:

“32. Nomzodlar Institutning malaka oshirish oʻquv kurslariga qabul qilinishi uchun quyidagi hujjatlarni taqdim etadilar:

ish joyidan tavsiyanoma;

Institut direktori nomiga yozilgan ariza;

soʻrovnoma, maʼlumotnoma-obyektivka (yaqin qarindoshlari toʻgʻrisidagi maʼlumotlar koʻrsatilgan holda);

086-U shakl boʻyicha tibbiy maʼlumotnoma;

Nomzodning diplom maʼlumotlari, fotosurati va pasport (identifikatsiyalovchi ID-kartasi) nusxasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

13. Vazirlar Mahkamasining 2018-yil 31-maydagi 408-son qarori bilan tasdiqlangan Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish tartibi toʻgʻrisidagi nizomning 8-bandi quyidagi mazmundagi xatboshi bilan toʻldirilsin:

“Mazkur bandning “v” va “g” kichik bandlarida nazarda tutilgan hujjatlar barcha davlat taʼlim tashkilotlari tomonidan “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

14. Vazirlar Mahkamasining 2018-yil 28-iyuldagi 594-son qarori bilan tasdiqlangan Jahon iqtisodiyoti va diplomatiya universitetining bakalavriat va magistraturasiga oʻqishga qabul qilish toʻgʻrisidagi nizomning 9-bandi quyidagi tahrirda bayon etilsin:

“9. Abituriyentlar quyidagi hujjatlarni qabul komissiyasiga taqdim etadilar:

rektor nomiga bakalavriat taʼlim yoʻnalishi, oʻquv tili va shakli koʻrsatilgan ariza;

umumiy oʻrta taʼlim (11-sinf negizida) yoki oʻrta maxsus, kasb-hunar taʼlimi muassasasi (akademik litsey, kasb-hunar kolleji)ni tugatganligi haqidagi hujjatning asl nusxasi (chet el fuqarolari va fuqaroligi boʻlmagan shaxslar uchun);

086-U shakl boʻyicha tibbiy maʼlumotnoma;

pasport nusxasi (16 yoshga toʻlmagan shaxslar tugʻilganligi toʻgʻrisidagi guvohnoma nusxasini taqdim etadi) (chet el fuqarolari va fuqaroligi boʻlmagan shaxslar uchun);

3,5 x 4,5 sm hajmdagi 6 dona rangli fotosurat (chet el fuqarolari va fuqaroligi boʻlmagan shaxslar uchun);

mehnat daftarchasidan belgilangan tartibda tasdiqlangan koʻchirma (mavjud boʻlsa) (chet el fuqarolari va fuqaroligi boʻlmagan shaxslar uchun).

Oʻzbekiston Respublikasi fuqarosi boʻlgan abituriyentning umumiy oʻrta taʼlim (11-sinf negizida) yoki oʻrta maxsus, kasb-hunar taʼlimi muassasasi (akademik litsey, kasb-hunar kolleji)ni tugatganligi haqidagi hujjatlari maʼlumotlari, pasporti (identifikatsiyalovchi ID-kartasi) nusxasi va tugʻilganligi toʻgʻrisidagi guvohnoma nusxasi, fotosurati va mehnat daftarchasidan belgilangan tartibda tasdiqlangan koʻchirma “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

15. Vazirlar Mahkamasining 2018-yil 30-iyuldagi 599-son qarori bilan tasdiqlangan Oʻzbekiston Respublikasi Bank-moliya akademiyasiga tinglovchilarni qabul qilish tartibi toʻgʻrisidagi nizomda:

a) 18-band quyidagi tahrirda bayon etilsin:

“18. Magistraturaga kirish uchun Qabul komissiyasiga nomzodlar quyidagi hujjatlarni har yili 1-iyuldan 30-iyulga qadar taqdim etadilar:

idoraviy komissiya qaroridan koʻchirma;

mutaxassisligi koʻrsatilgan holda Akademiya tomonidan belgilangan shakldagi ariza;

nomzodning ish joyidan tavsifnoma;

xodimlarni hisobga olish boʻyicha shaxsiy varaqa;

086-U-shakldagi tibbiy maʼlumotnoma;

harbiy majburiyat toʻgʻrisidagi hujjatlar nusxasi.

Qabul komissiyasiga pasport (identifikatsiyalovchi ID-kartasi) va harbiy majburiyat toʻgʻrisidagi hujjatlarning asl nusxalari koʻrsatiladi.

Nomzodning oliy maʼlumot toʻgʻrisidagi diplom maʼlumotlari, fotosurati va mehnat daftarchasidan nusxasi hamda pasport (identifikatsiyalovchi ID-kartasi) nusxasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

b) 38-band quyidagi tahrirda bayon etilsin:

“38. Qayta tayyorlash dasturlari doirasida oʻqish uchun nomzodlar Tanlov komissiyasiga quyidagi hujjatlarni taqdim etadilar:

mutaxassisligi koʻrsatilgan holda belgilangan shakldagi ariza;

nomzod faoliyat yuritayotgan ish joyidan tavsifnoma;

xodimlarni hisobga olish boʻyicha shaxsiy varaqa;

086-U-shakldagi tibbiy maʼlumotnoma;

harbiy majburiyat toʻgʻrisidagi hujjatlar nusxasi.

Qabul komissiyasiga pasport (identifikatsiyalovchi ID-kartasi) va harbiy majburiyat toʻgʻrisidagi hujjatlarning asl nusxalari koʻrsatiladi.

Nomzodning oliy maʼlumot toʻgʻrisidagi diplom maʼlumotlari, fotosurati va mehnat daftarchasidan nusxasi hamda pasporti (identifikatsiyalovchi ID-kartasi) nusxasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

16. Vazirlar Mahkamasining 2018-yil 29-noyabrdagi 971-son qarori bilan tasdiqlangan Oʻzbekiston Respublikasi Milliy gvardiyasi Harbiy musiqa akademik litseyiga oʻquvchilarni tanlab olish, oʻqishga qabul qilish va oʻqishdan chetlatish tartibi toʻgʻrisidagi nizomning 9-bandi quyidagi tahrirda bayon etilsin:

“9. Tanlab olishda qatnashish uchun quyidagi hujjatlar taqdim etilishi talab etiladi:

nomzodning ota-onasi (ularning oʻrnini bosuvchi shaxslar) tomonidan akademik litsey direktori nomiga mazkur Nizomga 2-ilovaga muvofiq shakldagi ariza;

nomzodning ota-onasi (ularning oʻrnini bosuvchi shaxslar) tomonidan mazkur Nizomga 3-ilovaga muvofiq shaklda toʻldirilgan soʻrovnoma;

086-U shakl boʻyicha tibbiy maʼlumotnoma;

6 dona 3x4 sm oʻlchamli rangli fotosurat;

nomzodning oʻqish joyidan baholar tabelining nusxasi;

Oʻzbekiston Respublikasi ichki ishlar vazirining taqdimnomasi.

Nomzodning tugʻilganlik haqidagi guvohnomasi nusxasi, tibbiy daftarchasi (063 shakl) va nomzodning ota-onasining (ularning oʻrnini bosuvchi shaxslarning) pasportlari (identifikatsiyalovchi ID-kartasi) nusxalari “Raqamli hukumat” tizimining idoralararo integratsiyalashuv platformasi orqali qabul komissiyasi tomonidan mustaqil ravishda olinadi”.

17. Vazirlar Mahkamasining “Ixtisoslashtirilgan sanʼat va madaniyat maktablari hamda maktab-internatlarning faoliyatini tashkil etish toʻgʻrisida” 2019-yil 9-yanvardagi 9-son qarorida:

a) 1-ilovaning 69-bandi quyidagi tahrirda bayon etilsin:

“69. Toʻlovdan ozod qilinadigan kambagʻal oila farzandlari roʻyxati “Kambagʻal oilalar reyestri” axborot moduli orqali va tegishli ixtisoslashtirilgan maktab-internatlardagi ota-onalar qoʻmitasining xulosasiga asosan aniqlanadi va shakllantiriladi”;

b) 3-ilovaning 49-bandi quyidagi tahrirda bayon etilsin:

“49. Toʻlovdan ozod qilinadigan kambagʻal oila farzandlari roʻyxati “Kambagʻal oilalar reyestri” axborot moduli orqali va tegishli ixtisoslashtirilgan maktab-internatlardagi ota-onalar kengashining xulosasiga asosan aniqlanadi va shakllantiriladi”.

18. Vazirlar Mahkamasining ““Xalq cholgʻulari ijrochilari”, Mukarrama Turgʻunboyeva nomidagi “Milliy raqs ijrochilari” va Yunus Rajabiy nomidagi “Yosh maqom ijrochilari”ya respublika koʻrik-tanlovlarini oʻtkazish toʻgʻrisida” 2019-yil 20-martdagi 237-son qarorida:

a) 1-ilovaning 11-bandi quyidagi tahrirda bayon etilsin:

“11. Tanlovda ishtirok etishni istagan ijrochilar tanlov boshlanishidan oʻttiz kun oldin Oʻzbekiston Respublikasi Madaniyat vazirligiga quyidagi hujjatlarni taqdim etishlari lozim:

tanlovda ishtirok etish uchun maʼlumotnoma (rezyume);

oʻqish yoki ish joyidan berilgan ijodiy tavsifnoma;

tanlovda ishtirok etish uchun ijro dasturi.

Ijrochilarning pasporti (identifikatsiyalovchi ID-kartasi), maʼlumot toʻgʻrisidagi hujjat toʻgʻrisidagi maʼlumotlari, oʻqish va ish joyidan maʼlumotlar, fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

b) 2-ilovaning 12-bandi quyidagi tahrirda bayon etilsin:

“12. Tanlovda ishtirok etishni istagan ijrochilar tanlov boshlanishidan oʻttiz kun oldin Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga quyidagi hujjatlarni taqdim etishlari lozim:

tanlovda ishtirok etish uchun maʼlumotnoma (rezyume);

oʻqish yoki ish joyidan berilgan ijodiy tavsifnoma va maʼlumotnoma;

tanlovda ishtirok etish uchun ijro dasturi (asar va musiqa nomi, sahna libosi muallifi va baletmeysterning familiyasi, ismi va otasining ismini koʻrsatgan holda).

v) 3-ilovaning 11-bandi quyidagi tahrirda bayon etilsin:

“11. Tanlovda ishtirok etishni istagan ijrochilar tanlov boshlanishidan oʻttiz kun oldin Oʻzbek milliy maqom sanʼati markaziga quyidagi hujjatlarni taqdim etishlari lozim:

tanlovda ishtirok etish uchun maʼlumotnoma (rezyume);

oʻqish yoki ish joyidan berilgan ijodiy tavsifnoma va maʼlumotnoma;

tanlovda ishtirok etish uchun ijro dasturi.

19. Vazirlar Mahkamasining 2019-yil 29-apreldagi 365-son qarori bilan tasdiqlangan Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona instituti magistraturasiga oʻqishga qabul qilish tartibi toʻgʻrisidagi nizomning 6-bandi quyidagi tahrirda bayon etilsin:

“6. Nomzodlar boʻyicha quyidagi hujjatlar taqdim etiladi:

bildirgi (mutaxassislik yoʻnalishi koʻrsatilgan holda);

hududiy bojxona boshqarmasi boshligʻining nomzodga bergan tavsifnomasi (Bojxona qoʻmitasining raisi oʻrinbosarining Bojxona qoʻmitasining markaziy apparati xodimiga bergan tavsifnomasi);

xodimning maʼlumotnoma-soʻrovnomasi;

xorijiy tillarni bilish darajasi boʻyicha kamida V2 darajadagi xalqaro sertifikat nusxasi;

Nomzodlarning pasporti (identifikatsiyalovchi ID-kartasi), oliy maʼlumot toʻgʻrisidagi diplom maʼlumotlari va fotosurati, xorijiy tillarni bilish darajasi boʻyicha kamida V2 darajadagi milliy sertifikati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

Bunda nomzodlar tomonidan xorijiy tillarni bilish darajasi boʻyicha taqdim etiladigan sertifikatlar Oʻzbekiston Respublikasida oliy taʼlim muassasalari magistratura mutaxassisliklariga hujjat topshirishda talab etiladigan bu turdagi sertifikatlarga qoʻyilgan talablarga mos boʻlishi lozim”.

20. Vazirlar Mahkamasining 2019-yil 24-iyuldagi 620-son qarori bilan tasdiqlangan Xorijiy davlatlarda taʼlim olganlik toʻgʻrisidagi hujjatlarni tan olish tartibi haqidagi nizomda:

a) 4-bandning ikkinchi va uchinchi xatboshilari quyidagi tahrirda bayon etilsin:

“umumiy oʻrta va oʻrta taʼlim olganlik toʻgʻrisidagi hujjatlar Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalari (keyingi oʻrinlarda — hududiy boshqarmalar) tomonidan;

kasbiy taʼlim, oliy taʼlim, kadrlarni qayta tayyorlash va malaka oshirish taʼlimini olganlik toʻgʻrisidagi hujjatlarni tan olish — Oʻzbekiston Respublikasi Oliy taʼlim, fan innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Agentlik) tomonidan tan olinadi”;

b) 6 va 7-bandlar quyidagi tahrirda bayon etilsin:

“6. Xorijiy davlatlarda taʼlim olganlik toʻgʻrisidagi hujjatlarni tan olish boʻyicha davlat xizmatini koʻrsatganlik uchun quyidagi miqdorda toʻlov undiriladi:

kasbiy taʼlim toʻgʻrisidagi hujjatlarni tan olish boʻyicha elektron ariza yuborishda — bazaviy hisoblash miqdorining ikki baravari;

oliy taʼlim, kadrlarni qayta tayyorlash va malaka oshirish taʼlimi haqidagi hujjatlarni tan olish boʻyicha elektron ariza yuborishda — bazaviy hisoblash miqdorining uch baravari;

“Ijtimoiy himoya yagona reyestri” axborot tizimida roʻyxatga olingan yoki “Kambagʻal oilalar reyestri” axborot modulining sariq toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandning ikkinchi — uchinchi xatboshilarida belgilangan toʻlovning 50 foiz miqdorida, “Kambagʻal oilalar reyestri” axborot modulining qizil toifasiga kiritilgan oilalarning aʼzolariga belgilangan toʻlovning 75 foizi miqdorida chegirma qoʻllaniladi.

Yagona interaktiv davlat xizmatlari portali orqali murojaat qilinganda, davlat xizmatini koʻrsatganlik uchun belgilangan toʻlovning 90 foizi undiriladi.

Undirilgan toʻlov quyidagi tartibda taqsimlanadi:

a) Davlat xizmatlari markazlariga talabgorlarning oʻzlari kelib murojaat qilganda, undirilgan toʻlovning:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

20 foizi — Oʻzbekiston Respublikasining Davlat budjetiga;

11,75 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaragʻiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaragʻiga;

qolgan qismi — Bilim va malakalarni baholash agentligining rivojlantirish jamgʻarmasi hisobvaragʻiga;

b) Yagona interaktiv davlat xizmatlari portali orqali murojaat qilinganda, undirilgan toʻlovning:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

20 foizi — Oʻzbekiston Respublikasining Davlat budjetiga;

qolgan qismi — Bilim va malakalarni baholash agentligining rivojlantirish jamgʻarmasi hisobvaragʻiga oʻtkaziladi.

7. Xorijiy davlatlarda taʼlim olganlik toʻgʻrisidagi hujjatlar quyidagi hollarda toʻgʻridan-toʻgʻri (sinovlarsiz) tan olinadi:

xorijiy davlatlarda umumiy oʻrta, kasbiy taʼlim va malaka oshirish taʼlimini olgan talabgorlarning xorijiy davlatlarda taʼlim olganlik toʻgʻrisidagi hujjatlari;

Oʻzbekiston Respublikasi hududida alohida boʻlinmalari (filiallari) yoki qoʻshma taʼlim dasturlari asosida faoliyati yoʻlga qoʻyilgan xorijiy taʼlim tashkilotlarida taʼlim olgan talabgorlarning hujjatlari;

roʻyxati har yili Taʼlim sifatini taʼminlash milliy agentligi va Oliy taʼlim, fan va innovatsiyalar vazirligining qoʻshma qarori bilan tasdiqlanadigan xalqaro eʼtirof etilgan tashkilotlarning (Quacquarelli Symonds World University Rankings, Times Nigher Education, Academic Ranking of World Universities) reytingida oliy taʼlim tashkilotlari orasida birinchi 1 000 oʻrinni egallagan xorijiy oliy taʼlim tashkilotlarida taʼlim olgan talabgorlarning hujjatlari (bunda talabgor taʼlimning butun davrida mazkur reytingga kiruvchi oliy taʼlim tashkilotida taʼlim olgan boʻlishi lozim);

xorijiy oliy taʼlim tashkilotlarida mutaxassislarni maqsadli tayyorlash uchun Oʻzbekiston Respublikasi vazirliklari, idoralari hamda davlat ulushi 50 foiz va undan yuqori boʻlgan korxonalarning mablagʻlari (yoʻllanmalari) hisobidan taʼlim olgan talabgorlarning hujjatlari;

1992-yil 1-yanvargacha xorijiy taʼlim tashkilotlariga oʻqishga kirgan talabgorlarning hujjatlari;

Oliy taʼlimda sifatni kafolatlash Yevropa assotsiatsiyasining (European Association for Quality Assurance in Nigher Education) toʻlaqonli aʼzolari — vakolatli tashkilotlar tomonidan akkreditatsiya qilingan taʼlim tashkilotlarida taʼlim olgan talabgorlarning hujjatlari;

Amerika Qoʻshma Shtatlari, Avstraliya Ittifoqi, Isroil Davlati, Kanada, Singapur Respublikasi, Janubiy Koreya, Xitoy, Yaponiya, Buyuk Britaniya, Germaniya, Fransiya, Italiya davlatlarining ushbu davlatlar vakolatli tashkilotlari tomonidan akkreditatsiya qilingan taʼlim tashkilotlarida taʼlim olgan talabgorlarning hujjatlari;

Oʻzbekiston Respublikasining xalqaro shartnomalari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlarida nazarda tutilgan hollarda taʼlim olganlik toʻgʻrisidagi hujjatlar”;

v) 9 va 15-bandlardagi tegishli kelishikdagi “Davlat inspeksiyasi” soʻzlari tegishli kelishikdagi “Agentlik” soʻzi bilan almashtirilsin;

g) 10-bandning oltinchi xatboshisi quyidagi tahrirda bayon etilsin:

“Shuningdek, zarur hollarda vakolatli organ tomonidan talabgordan u oʻqish davrida xorijiy davlatda boʻlganini asoslovchi hujjatlar (migratsiya yoki bojxona yozuvlari, vaqtinchalik yashash guvohnomasi va boshqalar) soʻrab olinishi mumkin”;

d) 12-bandning ikkinchi xatboshisidagi “Davlat inspeksiyasi” soʻzlari “Agentlik” soʻzi bilan, “taʼlim muassasalari” soʻzlari “taʼlim tashkilotlari” soʻzlari bilan almashtirilsin;

e) 16-bandda:

“taqdim etilmagan” soʻzlaridan keyin “, kamchiliklari mavjud boʻlgan” soʻzlari bilan toʻldirilsin;

“Davlat inspeksiyasi” soʻzlari “Agentlik” soʻzi bilan almashtirilsin;

j) 22-banddagi “Davlat inspeksiyasiga” soʻzlari “Maktabgacha va maktab taʼlimi vazirligiga” soʻzlari bilan almashtirilsin;

z) 23-band quyidagi tahrirda bayon etilsin:

“23. Xorijiy davlatlarda kasbiy taʼlim, oliy taʼlim, kadrlarni qayta tayyorlash va malaka oshirish taʼlimini olganlik toʻgʻrisidagi hujjatlarni (keyingi oʻrinlarda — xorijiy taʼlim toʻgʻrisidagi hujjatlar deb ataladi) tan olish uchun Agentlikda xorijiy taʼlim toʻgʻrisidagi hujjatlarni tan olish uchun taqdim etiladigan hujjatlarni oʻrganish boʻyicha ekspert guruhlari tashkil etiladi.

Hujjatlar Davlat xizmatlari markazlari yoki Yagona interaktiv davlat xizmatlari portali orqali kelib tushgan paytdan boshlab Agentlik tomonidan bir ish kuni mobaynida soʻrovnoma va unga ilova qilingan hujjatlarning toʻliqligi tekshiriladi. Hujjatlar toʻliq boʻlgan taqdirda, ekspertiza uchun bir ish kunidan kechiktirmasdan, maxsus axborot tizimi orqali tegishli taʼlim sohasi boʻyicha ekspert guruhi aʼzosiga yuboriladi”;

i) 24 — 26-bandlar quyidagi tahrirda bayon etilsin:

“24. Ekspert guruhlari Agentlik direktorining buyrugʻi bilan tegishli taʼlim sohalari boʻyicha 7 kishidan kam boʻlmagan tarkibda tashkil etiladi. Ekspert guruhlari tarkibiga vazirliklar va idoralar tizimidagi tashkilotlar hamda muassasalarning yetakchi olimlari va mutaxassislari kiritiladi.

Ekspert guruhlarining tarkibi va ularning ish tartibi Agentlik direktori tomonidan tasdiqlanadigan reglamentga muvofiq belgilanadi.

25. Ekspert guruhlari aʼzolari oʻn ish kuni ichida talabgorlarning hujjatlarini xorijiy davlatda egallangan taʼlim standartlarining yoki taʼlim dasturlarining Oʻzbekiston Respublikasida amalda boʻlgan davlat taʼlim standartlari va taʼlim dasturlariga muvofiqligi nuqtai nazaridan koʻrib chiqib, taqdim etilgan hujjatni tan olishga qoʻyilgan talabga muvofiq yoki muvofiq emasligi haqida ekspert xulosasini tayyorlaydi.

Ekspert guruhlari aʼzolari oʻzlari bergan xulosalarning toʻgʻriligi va haqqoniyligi uchun javobgar hisoblanadi.

Hujjatni koʻrib chiqish yakuni boʻyicha berilgan xulosalar ekspert guruhi aʼzosi tomonidan maxsus axborot tizimi orqali QR-kod (matrik shtrixli kod) qoʻyilgan holda Agentlikka taqdim etiladi.

26. Ekspert guruhi xorijiy taʼlim toʻgʻrisidagi hujjatni tan olishni rad etish haqida xulosa bergan taqdirda, Agentlikning masʼul xodimi bir ish kuni ichida taqdim etilgan hujjatni tan olishni rad etish haqidagi xabarnomani Davlat xizmatlari markazlariga yoki Yagona interaktiv davlat xizmatlari portali orqali talabgorga yuboradi”;

k) 27-bandda:

birinchi xatboshidagi “ekspert komissiyalarining” soʻzlari “ekspert guruhi aʼzosining” soʻzlari bilan almashtirilsin;

ikkinchi xatboshidagi “Davlat inspeksiyasidan” soʻzlari “Agentlikdan” soʻzi bilan almashtirilsin;

oltinchi xatboshidagi “ekspert komissiyasiga” soʻzlari “Agentlikka” soʻzi bilan almashtirilsin;

l) 28 va 47-bandlardagi tegishli kelishikdagi “taʼlim muassasalari” soʻzlari tegishli kelishikdagi “taʼlim tashkilotlari” soʻzlari bilan almashtirilsin;

m) 30-band quyidagi tahrirda bayon etilsin:

“30. Agentlik tomonidan xorijiy taʼlim toʻgʻrisidagi hujjatda koʻrsatilgan taʼlim tashkilotining oʻsha davlatda tan olinganligi, xorijiy taʼlim toʻgʻrisidagi hujjat ushbu hujjatda koʻrsatilgan taʼlim tashkiloti tomonidan berilganligi tekshirilishi, zarur hollarda tegishli taʼlim tashkiloti, mahalliy va xorijiy tashkilotlardan aniqlashtiruvchi hujjatlar soʻrab olinishi mumkin”;

n) 32-band oʻz kuchini yoʻqotgan deb hisoblansin;

o) 33-band quyidagi tahrirda bayon etilsin:

“33. Ekspert guruhlari aʼzolariga hamda ekspert guruhlari faoliyatiga jalb etiladigan mutaxassislarga Agentlik bilan tuziladigan fuqarolik-huquqiy shartnomalar asosida har bitta xorijiy taʼlim toʻgʻrisidagi hujjat ekspertizasi uchun bazaviy hisoblash miqdorining beshdan bir qismi miqdorida haq toʻlanadi”;

p) 34-bandning ikkinchi xatboshisidagi “taʼlim muassasasi” soʻzlari “taʼlim tashkiloti” soʻzlari bilan almashtirilsin;

r) 35-banddagi “Davlat inspeksiyasi” soʻzlari “Agentlik” soʻzi bilan, “ekspert komissiyalari” soʻzlari “ekspert guruhlari” soʻzlari bilan almashtirilsin;

s) 36-band quyidagi tahrirda bayon etilsin:

“36. Xorijiy taʼlim toʻgʻrisidagi hujjatlarni tan olish quyidagi hollarda rad etiladi:

a) xorijiy davlatlarda kasbiy maʼlumot toʻgʻrisida hujjat beradigan taʼlimning umumiy meʼyoriy davri (toʻliq umumiy oʻrta yoki oʻrta maʼlumot olingandan keyin) Oʻzbekiston Respublikasi taʼlim standartlarida nazarda tutilgan davrdan ikki yildan kam boʻlsa;

b) xorijiy taʼlim toʻgʻrisidagi hujjat berilgan davlatda mazkur hujjatning egasiga Oʻzbekiston Respublikasidagiga qaraganda taʼlim olish va (yoki) kasbiy faoliyat bilan shugʻullanish uchun kam huquqlar berilgan boʻlsa (hujjat egasi taʼlimning keyingi bosqichida oʻqishni davom ettirish, kasbiy faoliyat bilan shugʻullanish huquqiga ega boʻlmasa);

v) maʼlumot Oʻzbekiston Respublikasi qonunchiligida nazarda tutilmagan taʼlim shaklida olingan boʻlsa;

g) oliy taʼlim bosqichlarida:

bakalavriat boʻyicha Yevropa taʼlim tizimi asosida oʻqish davomida oʻqigan har bir oʻquv yiliga oʻrta hisobda 60 dan kam kredit toʻplagan boʻlsa, bunda oʻqishning normativ muddati kunduzgi va masofaviy (Oʻzbekiston Respublikasida masofaviy taʼlim shakli joriy etish mumkin boʻlmagan bakalavriat taʼlim yoʻnalishlari va magistratura mutaxassisliklari bundan mustasno) taʼlim shakli boʻyicha 3 yildan, sirtqi taʼlim shakli boʻyicha esa tafovut Oʻzbekiston Respublikasi taʼlim standartlarida nazarda tutilgan davrdan bir yildan koʻp boʻlmasligi lozim;

malaka amaliyoti uchun ajratilgan vaqt Taʼlim sohasiga oid yoʻnalishlar boʻyicha oʻquv dasturi uchun ajratilgan umumiy oʻquv yuklamasining 10 foizidan, Sogʻliqni saqlash taʼlim sohasiga oid yoʻnalishlar boʻyicha esa 6 foizidan kam boʻlsa;

magistratura boʻyicha oʻqish muddati bir yildan kam boʻlsa;

d) toʻgʻridan-toʻgʻri (sinovlarsiz) tan olinadigan xorijiy davlatlarda taʼlim olganlik toʻgʻrisidagi hujjatlar ushbu Nizomning 7-bandida koʻrsatilgan talablarga toʻgʻri kelmasa.

Xorijiy taʼlim toʻgʻrisidagi hujjatlarni tan olishni boshqa asoslar boʻyicha rad etish taqiqlanadi.

Xorijiy davlatlar taʼlim tizimi asosida toʻplangan kreditlar Yevropa taʼlim tizimi boʻyicha toʻplanishi lozim boʻlgan minimal kredit miqdoriga (har bir oʻquv yili uchun oʻrta hisobda 60 kreditdan kam boʻlmagan) qiyoslangan holda aniqlanadi”;

t) 38 va 39-bandlar quyidagi tahrirda bayon etilsin:

“38. Ekspert guruhlari tomonidan ijobiy xulosa berilgan xorijiy davlatlarda oliy taʼlim va kadrlarni qayta tayyorlash taʼlimi olganlik toʻgʻrisidagi hujjatlari tan olish uchun hujjat topshirgan talabgorlar uchun Agentlik tomonidan test sinovlari tashkil etiladi (xorijiy davlatlarda taʼlim olganlik toʻgʻrisidagi hujjatlar toʻgʻridan-toʻgʻri (sinovlarsiz) tan olinadigan holatlar bundan mustasno).

Test sinovlarining oʻtkazilish vaqtlari haqidagi maʼlumot sinovlar boshlanishidan kamida oʻn kun oldin Agentlikning Internet jahon axborot tarmogʻidagi rasmiy veb-saytiga joylashtiriladi.

Ekspert guruhi aʼzosining ijobiy xulosasiga ega boʻlgan talabgorlar Agentlikning maxsus axborot dasturi orqali test sinovida ishtirok etish muddati va hududi hamda test sinovini topshirish tilini (oʻzbek, rus, ingliz) mustaqil ravishda tanlaydi.

39. Xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlari boʻyicha ekspert guruhlari tomonidan ijobiy xulosa berilgan talabgorlarga test sinovlari oʻtkazilishi haqidagi xabarnoma ariza beruvchining Yagona interaktiv davlat xizmatlari portalidagi shaxsiy kabinetiga yuboriladi. Bunda xabarnoma kelib tushgan paytdan boshlab koʻpi bilan uch oy davomida test sinovlarida ishtirok etmasa, talabgorning xorijiy davlatda taʼlim olganlik toʻgʻrisidagi hujjatni tan olish boʻyicha arizasini koʻrib chiqish rad etiladi.

Bunday holatda talabgor xorijiy davlatda taʼlim olganlik haqidagi hujjatni tan olish boʻyicha test sinovida ishtirok etish uchun soʻrovnoma toʻldirgan holda belgilangan tartibda qaytadan murojaat qilishi mumkin”;

u) quyidagi mazmundagi 41¹-band bilan toʻldirilsin:

“41¹. Quyidagi holatlar talabgorni test sinovlari jarayonidan chetlashtirilib, uning test sinovi natijasini inobatga olmaslikka hamda xorijiy davlatda taʼlim olganlik haqidagi hujjatini koʻrib chiqish toʻgʻrisidagi arizasini rad etishga va amalga oshirilgan toʻlov qaytarilmasligiga asos boʻladi:

test sinovlari oʻtkaziladigan binoga mikrokalkulyator, lugʻat, jadval, kitob, mobil telefon, kompyuter, telekommunikatsiya qurilmalari va boshqa vositalar, shpargalkalar olib kirsa yoki ulardan test sinovlari davomida foydalansa;

test sinovlari jarayonida bir-biri bilan gaplashsa”;

f) 42-bandning ikkinchi va uchinchi xatboshilari quyidagi tahrirda bayon etilsin:

“Talabgorlar test sinovlarini qayta topshirish uchun murojaat qilganda, ularning xorijiy davlatlarda taʼlim olganlik toʻgʻrisidagi hujjatlari ekspert guruhi tomonidan qayta koʻrib chiqilmaydi.

Test sinovlarini qayta topshirish uchun talabgorlardan bazaviy hisoblash miqdorining bir yarim baravari miqdorida toʻlov undiriladi”;

x) 43-bandda:

ikkinchi xatboshidagi “ekspert komissiyasining” soʻzlari “ekspert guruhining” soʻzlari bilan almashtirilsin;

toʻrtinchi xatboshidagi “Davlat inspeksiyasiga” soʻzlari “Agentlikka” soʻzi bilan almashtirilsin;

beshinchi xatboshidagi “Davlat inspeksiyasi boshligʻining” soʻzlari “Agentlik direktorining” soʻzlari bilan almashtirilsin;

oltinchi xatboshidagi “ekspert komissiyalari” soʻzlari “ekspert guruhlari” soʻzlari bilan almashtirilsin;

ch) 44-bandning birinchi xatboshisidagi “Ekspert komissiyalari” va “Davlat inspeksiyasi boshligʻi” soʻzlari tegishlicha “Ekspert guruhlari” va “Agentlik direktori” soʻzlari bilan almashtirilsin;

sh) 45-bandning birinchi xatboshisi quyidagi tahrirda bayon etilsin:

“45. Agentlik direktorining xorijiy taʼlim toʻgʻrisidagi hujjatlarni tan olish haqidagi guvohnoma berish haqidagi buyrugʻiga asosan tegishli guvohnomalar tayyorlanadi hamda Agentlik masʼul xodimi tomonidan elektron raqamli imzo bilan tasdiqlangan va QR-kod qoʻyilgan holda tasdiqlanib, uch ish kuni ichida tegishliligiga koʻra Davlat xizmatlari markazlariga yoki Yagona interaktiv davlat xizmatlari portali orqali talabgorlarga yuboriladi”;

e) 46-banddagi “Davlat inspeksiyasi” soʻzlari “Agentlik” soʻzi bilan, “taʼlim muassasasiga” soʻzlari “taʼlim tashkilotiga” soʻzlari bilan almashtirilsin;

yu) 48-band quyidagi tahrirda bayon etilsin:

“48. Hududiy boshqarmalar va Agentlik xorijiy davlatlar tomonidan tan olingan xorijiy taʼlim tashkilotlari toʻgʻrisidagi maʼlumotlarni tayyorlab qoʻyish choralarini koʻradilar.

Oʻzbekiston Respublikasi Tashqi ishlar vazirligi xorijiy davlatlarning umumiy oʻrta, oʻrta, kasbiy taʼlim, oliy taʼlim, kadrlarni qayta tayyorlash va malaka oshirish taʼlimi tashkilotlari toʻgʻrisidagi maʼlumotlarni olishda hududiy boshqarmalar va Agentlikka koʻmaklashadi”;

ya) 52-bandning birinchi xatboshisidagi “Davlat inspeksiyasi” soʻzlari “Agentlik” soʻzi bilan, “ekspert komissiyalari” soʻzlari “ekspert guruhlari” soʻzlari bilan almashtirilsin;

ya¹) 53 va 54-bandlar quyidagi tahrirda bayon etilsin:

“53. Xorijiy davlatlarda taʼlim olganlik toʻgʻrisidagi hujjatlarni tan olish haqidagi guvohnomalar reyestri Agentlikning “Agentlik tomonidan taqdim qilinadigan sertifikatlarning maʼlumotlar bazasini yaratish tizimi”da yuritiladi.

Maktabgacha va maktab taʼlimi vazirligi hamda Agentlik Raqamli texnologiyalar vazirligi bilan hamkorlikda xorijiy davlatlarda taʼlim olish boʻyicha maʼlumotnoma yoki guvohnoma berilgan jismoniy shaxslar haqidagi maʼlumotlarni Davlat xizmatlarini koʻrsatishda va idoralararo elektron hamkorlik qilishda markaziy maʼlumotlar bazalaridagi maʼlumotlardan foydalanish boʻyicha “Elektron hukumat” tizimining idoralararo integratsiyalashuv platformasi orqali tegishli vazirlik va idoralarning axborot dasturlariga integratsiya qilinishini taʼminlaydi.

54. Davlat xizmatlari markazlari, Raqamli texnologiyalar vazirligi, hududiy boshqarmalar va Agentlik talabgorlar haqidagi maʼlumotlarning maxfiyligini taʼminlashi lozim”;

ya²) quyidagi mazmundagi 55-band bilan toʻldirilsin:

“55. 1992-yil 1-yanvargacha boʻlgan muddatda xorijiy davlatda taʼlim olgan fuqarolar taʼlim toʻgʻrisidagi maʼlumotlarni tegishli vazirlik va idoralarning axborot dasturlariga kiritish uchun Agentlikka xorijiy davlatda taʼlim olganlik haqida ularga berilgan hujjat, unga ilova hamda ularning Oʻzbekiston Respublikasidagi davlat tiliga tarjima qilingan nusxalarini ilova qilgan holda, ariza bilan murojaat qilishlari mumkin.

Agentlik zarur hollarda, taqdim etilgan hujjat haqida aniqlashtiruvchi maʼlumotlarni olish uchun xorijiy davlatdagi vakolatli tashkilotga soʻrovnoma yuborishi mumkin.

Agentlik murojaatni oʻrganib chiqib, xorijiy davlatlarda taʼlim olganlik haqidagi maʼlumotlarni tegishli vazirlik va idoralarning axborot dasturlariga kiritish choralarini koʻradi hamda bu haqida murojaat etuvchiga yozma ravishda javob yuboradi”;

ya³) 1-ilova quyidagi tahrirda bayon etilsin:

“Xorijiy davlatlarda taʼlim olganlik toʻgʻrisidagi hujjatlarni tan olish tartibi haqidagi nizomga
1-ILOVA

Xorijiy davlatlarda taʼlim olganlik toʻgʻrisidagi hujjatlarni tan olish

SXeMASI

Bosqichlar	Subyektlar	Tadbirlar	Muddat
Bosqichlar	Subyektlar	Tadbirlar	Muddat

I. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish

1-bosqich	Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs, Davlat xizmatlari markazlari	1. Xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlarni tan olish uchun bevosita Davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda murojaat qiladi hamda hujjatlarni topshiradi.	Zaruratga koʻra
1-bosqich		2. Talabgorlar tomonidan topshirilgan hujjatlarni qabul qilib oladi hamda tegishlicha Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalariga yuboradi.	Hujjatlar topshirilgandan soʻng darhol

2-bosqich	Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalari	Hujjatlarni ularning toʻliqligini tekshirgan holda: a) taqdim etilgan hujjatlar toʻliq boʻlsa — ularni tegishlicha Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalarida tashkil etiladigan komissiyalarga taqdim etadi; b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda Davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuboradi; v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatadi.	Bir ish kunida

3-bosqich	Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalarida tashkil etiladigan komissiyalar	Xorijiy davlatda umumiy oʻrta va oʻrta taʼlim olganlik toʻgʻrisidagi hujjatlarni ekspertizadan oʻtkazish natijasida xorijiy davlatda umumiy oʻrta va oʻrta taʼlim olganlik toʻgʻrisidagi hujjatlarni tan olish yoki tan olishni rad etish haqida xulosa tayyorlaydi hamda tegishlicha Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalariga yuboradi.	Bir ish kunida

4-bosqich	Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalari	Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalarida tashkil etilgan komissiyalarning tegishli xulosasiga koʻra: a) xorijiy davlatlarda umumiy oʻrta va oʻrta taʼlim olganlik toʻgʻrisidagi hujjatlari tan olishga tavsiya etilgan talabgorlarga maʼlumotnoma berish haqida Qoraqalpogʻiston Respublikasi maktabgacha va maktab taʼlimi vaziri, viloyatlar hamda Toshkent shahri maktabgacha va maktab taʼlimi boshqarmalari boshliqlarining buyruqlarini qabul qiladi hamda tegishli namunadagi maʼlumotnomani tayyorlaydi; b) xorijiy davlatlarda umumiy oʻrta va oʻrta taʼlim olganlik toʻgʻrisidagi hujjat belgilangan talablarga javob bermasligi haqidagi tegishli xabarnomani tayyorlaydi; v) tegishli maʼlumotnoma (xabarnoma)ni Davlat xizmatlari markazlariga joʻnatadi yoki Yagona interaktiv davlat xizmatlari portali orqali talabgorga yuboradi.	Bir ish kunida

5-bosqich	Davlat xizmatlari markazlari	Qoraqalpogʻiston Respublikasi Maktabgacha va maktab taʼlimi vazirligi, viloyatlar hamda Toshkent shahri maktabgacha va maktab taʼlimi boshqarmalari masʼul xodimining elektron raqamli imzosi bilan tasdiqlangan maʼlumotnomalarni talabgorga yuboradi.	Bir ish kunida

II. Xorijiy davlatlarda kasbiy taʼlim olganlik toʻgʻrisidagi hujjatlarni tan olish

1-bosqich	Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs, davlat xizmatlari markazlari	1. Xorijiy davlatlarda kasbiy taʼlim olganlik toʻgʻrisidagi hujjatlarni tan olish uchun bevosita Davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga murojaat qiladi hamda hujjatlarni topshiradi.	Zaruratga koʻra
1-bosqich		2. Hujjatlarni qabul qilib oladi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Hujjatlar topshirilgandan soʻng darhol

2-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Hujjatlarni ularning toʻliqligini tekshirgan holda: a) taqdim etilgan hujjatlar toʻliq boʻlsa — ularni Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlariga taqdim etadi; b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda Davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuboradi; v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatadi.	Bir ish kunida

3-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlari	Xorijiy davlatda kasbiy taʼlim olganlik toʻgʻrisidagi hujjatlarni ekspertizadan oʻtkazish natijasida ushbu hujjatlarni tan olish yoxud tan olishni rad etish haqida xulosa tayyorlaydi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Oʻn ish kunida

4-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlarining tegishli xulosasiga koʻra: a) xorijiy davlatlarda kasbiy taʼlim olganlik toʻgʻrisidagi hujjatlari tan olishga tavsiya etilgan talabgorlarga guvohnoma berish haqida Oliy taʼlim, fan va innovatsiyalar vazirligi huzuridagi Bilim va malakalarni baholash agentligi direktorining buyrugʻini qabul qiladi hamda tegishli namunadagi guvohnomani tayyorlaydi; b) xorijiy davlatlarda kasbiy taʼlim olganlik toʻgʻrisidagi hujjat belgilangan talablarga javob bermasligi haqidagi tegishli xabarnoma tayyorlaydi; v) tegishli guvohnoma (xabarnoma)ni Davlat xizmatlari markazlariga joʻnatadi yoki Yagona interaktiv davlat xizmatlari portali orqali talabgorga yuboradi.	Besh ish kunida

5-bosqich	Davlat xizmatlari markazlari	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuboradi.	Bir ish kunida

III. Xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarni tan olish

1-bosqich	Xorijiy davlatlarda taʼlim olganlik toʻgʻrisidagi hujjatlarini tan olish haqida murojaat etgan shaxs, davlat xizmatlari markazlari		Zaruratga koʻra
1-bosqich		1. Xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarni tan olish uchun bevosita Davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda murojaat qiladi hamda hujjatlarni topshiradi. 2. Hujjatlarni qabul qilib olish hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Hujjatlar topshirilgan zahoti

2-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Hujjatlarni ularning toʻliqligini tekshirgan holda: a) taqdim etilgan hujjatlar toʻliq boʻlsa — ularni Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlariga taqdim etadi; b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda Davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuboradi; v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatadi.	Bir ish kunida

3-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlari	Taqdim etilgan hujjatlar boʻyicha: a) xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi toʻgʻridan-toʻgʻri (sinovlarsiz) tan olinadigan hujjatlarni ekspertizadan oʻtkazadi va tan olish haqida xulosa tayyorlaydi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi; b) xorijiy davlatda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarini ekspertizadan oʻtkazish natijasida talabgorni test sinovlariga tavsiya etadi; v) xorijiy davlatda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarni tan olishni rad etish haqida xulosa tayyorlaydi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Oʻn ish kunida

4-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etilgan ekspert guruhining xulosasi asosida:
		a) xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi toʻgʻridan-toʻgʻri (sinovlarsiz) tan olinadigan hujjatlar boʻyicha — xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatni tan olish haqida buyruqni qabul qiladi hamda tegishli namunadagi guvohnomani tayyorlaydi;	Besh ish kunida
		b) ekspert guruhlari tomonidan ijobiy xulosa berilgan taqdirda — talabgorlarni test sinovlaridan oʻtkazadi;	Tasdiqlangan jadval asosida
		v) ekspert guruhlari tomonidan salbiy xulosa berilgan taqdirda — xorijiy davlatda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarni tan olishni rad etish haqida xabarnoma tayyorlaydi hamda Davlat xizmatlari markazlariga yoki Yagona interaktiv davlat xizmatlari portali orqali talabgorlarga yuboradi.	Bir ish kunida

5-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Test sinovlari natijalariga koʻra:
		a) yetarli ball toʻplay olmagan talabgorlarga — xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatni tan olishni rad etadi va bu haqida Davlat xizmatlari markazlariga yoki Yagona interaktiv davlat xizmatlari portali orqali talabgorlarga xabarnoma yuboradi;	Bir ish kunida
		b) test sinovlaridan muvaffaqiyatli oʻtgan talabgorlarga — xorijiy davlatlarda oliy taʼlim va kadrlarni qayta tayyorlash taʼlimini olganlik toʻgʻrisidagi hujjatlarini tan olish toʻgʻrisida guvohnoma berish haqida buyruq qabul qiladi hamda guvohnomani Davlat xizmatlari markazlariga yoki Yagona interaktiv davlat xizmatlari portali orqali talabgorga yuboradi.	Uch ish kunida

6-bosqich	Davlat xizmatlari markazlari	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuboradi.	Bir ish kunida

IV. Xorijiy davlatlarda malaka oshirish taʼlimini olganlik toʻgʻrisidagi hujjatlarni tan olish

1-bosqich	Talabgor, Davlat xizmatlari markazlari	1. Xorijiy davlatlarda malaka oshirish taʼlimi olganlik toʻgʻrisidagi hujjatlarni tan olish uchun bevosita Davlat xizmatlari markazlari orqali yoki Yagona interaktiv davlat xizmatlari portalida roʻyxatdan oʻtgan holda, Bilim va malakalarni baholash agentligiga murojaat qiladi hamda hujjatlarni topshiradi.	Zaruratga koʻra
1-bosqich	Talabgor, Davlat xizmatlari markazlari	2. Hujjatlarni qabul qilib oladi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Hujjatlar topshirilgandan soʻng darhol

2-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Hujjatlarni ularning toʻliqligini tekshirgan holda: a) taqdim etilgan hujjatlar toʻliq boʻlsa — ularni Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etilgan ekspert guruhlariga taqdim etadi; b) taqdim etilgan hujjatlar belgilangan talablarga javob bermasa — ularni kamchiliklarini koʻrsatgan holda Davlat xizmatlari markazlariga yoki Yagona interaktiv davlat xizmatlari portali orqali talabgorga qaytarib yuboradi; v) qalbaki hujjat aniqlangan taqdirda — taqdim etilgan hujjatlarni qonunchilik hujjatlariga muvofiq chora koʻrish uchun huquqni muhofaza qiluvchi organlarga joʻnatadi.	Bir ish kunida

3-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etiladigan ekspert guruhlari	Xorijiy davlatda malaka oshirish taʼlimi olganlik toʻgʻrisidagi hujjatlarni ekspertizadan oʻtkazish natijasida ushbu hujjatlarni tan olish yoxud tan olishni rad etish haqida xulosa tayyorlaydi hamda Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga yuboradi.	Oʻn ish kunida

4-bosqich	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi	Oliy taʼlim, fan va innovatsiyalar vazirligi huzuridagi Bilim va malakalarni baholash agentligida tashkil etilgan ekspert guruhlarining tegishli xulosasiga koʻra: a) xorijiy davlatlarda malaka oshirish taʼlimi olganlik toʻgʻrisidagi hujjatlari tan olishga tavsiya etilgan talabgorlarga guvohnoma berish haqida Oliy taʼlim, fan va innovatsiyalar vazirligi huzuridagi Bilim va malakalarni baholash agentligi direktorining buyrugʻini qabul qiladi hamda tegishli namunadagi guvohnomani tayyorlaydi; b) xorijiy davlatlarda malaka oshirish taʼlimi olganlik toʻgʻrisidagi hujjat belgilangan talablarga javob bermasligi haqida tegishli xabarnoma tayyorlaydi; v) tegishli guvohnoma (xabarnoma)ni Davlat xizmatlari markazlariga joʻnatadi yoki Yagona interaktiv davlat xizmatlari portali orqali talabgorga yuboradi.	Besh ish kunida

5-bosqich	Davlat xizmatlari markazlari	Oliy taʼlim, fan va innovatsiyalar vazirligi huzuridagi Bilim va malakalarni baholash agentligi masʼul xodimining elektron raqamli imzosi bilan tasdiqlangan guvohnoma (xabarnoma)ni talabgorga yuboradi.	Uch ish kunida
			”;

ya⁴) 3, 4, 5 va 6-ilovalardagi guvohnomalar shakllarida:

“Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi” soʻzlari “Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi” soʻzlari bilan almashtirilsin;

“Davlat inspeksiyasi boshligʻi” soʻzlari “Agentlik direktori” soʻzlari bilan almashtirilsin.

21. Vazirlar Mahkamasining “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2020-yil 2-sentabrdagi 535-son qarorida:

a) 2-ilovaning 6-bandi quyidagi mazmundagi ikkinchi xatboshi bilan toʻldirilsin:

“Sud tomonidan koʻchmas mulkka boʻlgan huquqni davlat roʻyxatidan oʻtkazish uchun asos boʻlgan huquqni belgilovchi hujjat haqiqiy emas deb topilishi natijasida oldingi huquq egasining koʻchmas mulkka boʻlgan huquqi tiklangan taqdirda, ushbu huquqni davlat roʻyxatidan oʻtkazganlik uchun toʻlov undirilmaydi”;

b) 3-ilovaning 22-bandi quyidagi mazmundagi xatboshilar bilan toʻldirilsin:

“Voyaga yetmagan shaxs koʻchmas mulk mulkdori boʻlganda dalolatnomani uning nomidan ota-onasi, shuningdek, ota-onasi boʻlmagan holatlarda vasiylik va homiylik toʻgʻrisidagi qonunchilik hujjatlariga muvofiq boshqa qonuniy vakil (vasiy yoki homiy) tomonidan tasdiqlanadi.

Bunda voyaga yetmagan shaxsning ota-onasi, vasiy yoki homiysi haqidagi maʼlumotlar “Raqamli hukumat” tizimining idoralararo integratsiyalashuv platformasi vositasida aniqlanadi.

Voyaga yetmagan shaxsning vasiy yoki homiysi haqidagi maʼlumotlar “Raqamli hukumat” tizimining idoralararo integratsiyalashuv platformasi vositasida aniqlanmagan taqdirda, manfaatdor shaxs voyaga yetmagan shaxsga nisbatan vasiy yoki homiy ekanligini tasdiqlovchi hujjatlarni Davlat xizmatlari markaziga taqdim etadi va dalolatnomani tasdiqlaydi”.

22. Vazirlar Mahkamasining 2020-yil 12-oktabrdagi 646-son qarori bilan tasdiqlangan Umumtaʼlim fanini bilish darajasi toʻgʻrisidagi sertifikat matni quyidagi tahrirda bayon etilsin:

23. Vazirlar Mahkamasining 2021-yil 29-yanvardagi 41-son qarori bilan tasdiqlangan Davlat xaridlarida mahalliy ishlab chiqarilgan tovarlarga (ishlar, xizmatlarga) preferensiya berish tartibi toʻgʻrisidagi nizomning 12-bandi toʻrtinchi xatboshisidagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin.

24. Vazirlar Mahkamasining 2021-yil 19-apreldagi 222-son qarori bilan tasdiqlangan Yosh olimlarni yetakchi xorijiy ilmiy tashkilotlarga qisqa muddatli ilmiy stajirovkalarga yuborish tartibi toʻgʻrisidagi nizomda:

a) nomi “Yosh olimlarni yetakchi xorijiy” soʻzlaridan keyin “oliy taʼlim va” soʻzlari bilan toʻldirilsin;

b) 2-bandda:

ikkinchi xatboshi “tavsiya etiladigan” soʻzlaridan keyin “, ilmiy va innovatsion faoliyat turlari bilan shugʻullanadigan shaxslarga beriladigan shaxsiy identifikatsiya raqamiga ega boʻlgan” soʻzlari bilan toʻldirilsin;

uchinchi xatboshidagi “Innovatsion rivojlanish vazirligining kollegial organi” soʻzlari “Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi” soʻzlari bilan almashtirilsin;

toʻrtinchi xatboshidagi “Innovatsion rivojlanish vazirligi (keyingi oʻrinlarda — Vazirlik) tashabbusiga koʻra ilm-fan sohasida yetakchi xorijiy” soʻzlari “Oliy taʼlim, fan va innovatsiyalar vazirligi huzuridagi Innovatsion rivojlanish agentligi tashabbusiga koʻra ilm-fan sohasida yetakchi xorijiy oliy taʼlim va” soʻzlari bilan almashtirilsin;

quyidagi mazmundagi oltinchi — sakkizinchi xatboshilar bilan toʻldirilsin:

“buyurtmachi — oliy taʼlim va ilmiy, shuningdek, innovatsion sohada faoliyat yuritadigan yuridik shaxs;

qabul qiluvchi tashkilot — tanlovdan muvaffaqiyatli oʻtgan nomzodlar stajirovkaga yuboriladigan xorijiy ilmiy muassasa yoki taʼlim tashkiloti;

maxsus axborot tizimi — tanlovlar va stajirovkalarni tashkil etishning barcha jarayonlarida axborotlarning elektron shaklda almashinuvini taʼminlaydigan kompleks — dasturiy mahsulot”;

v) quyidagi mazmundagi 2¹-band bilan toʻldirilsin:

“2¹. Agentlik Oʻzbekiston Respublikasining ijtimoiy-iqtisodiy rivojlantirish dasturlari, qabul qilingan strategiyalari hamda ustuvor yoʻnalishlaridan kelib chiqib, Tashqi ishlar vazirligi va soha boʻyicha faoliyat koʻrsatayotgan xalqaro tashkilotlar orqali hamkorlik oʻrnatiladigan qabul qiluvchi tashkilotlar sonini koʻpaytirish choralarini koʻradi”;

g) 3 va 4-bandlar quyidagi tahrirda bayon etilsin:

“3. Stajirovka oʻtashga yuborish maqsadida Oliy taʼlim, fan va innovatsiyalar vazirligi (keyingi oʻrinlarda — Vazirlik) huzuridagi Innovatsion rivojlanish agentligi (keyingi oʻrinlarda — Agentlik) davriy ravishda, kalendar yilida kamida bir marotaba 1-iyulga qadar tanlov eʼlon qiladi.

Hujjatlar tanlov eʼlon qilingan sanadan boshlab, kamida bir oy davomida maxsus axborot tizimi orqali qabul qilinadi.

Yosh olimlarni qabul qiluvchi tashkilotlarga stajirovkalarga yuborish boʻyicha tanlovlarni tashkil etish, oʻtkazish, saralash va moliyalashtirish Agentlik va Ilm-fanni moliyalashtirish va innovatsiyalarni qoʻllab-quvvatlash jamgʻarmasi (keyingi oʻrinlarda — Jamgʻarma) tomonidan birgalikda amalga oshiriladi.

4. Stajirovka yakka tartibda yoki jamoaviy shaklda bir oydan olti oygacha boʻlgan muddatda tashkil etilishi mumkin.

Bir oydan kam (15 kalendar kundan kam boʻlmagan) boʻlgan muddatga stajirovka oʻtashga maxsus ekspert guruhi xulosasi asosida maʼqullangan taqdirda yuboriladi.

Stajirovkaning shakli tanlovning eʼlon matnida koʻrsatiladi”;

d) quyidagi mazmundagi 4¹, 4²va 4³-bandlar bilan toʻldirilsin:

“4¹. Jamoaviy stajirovka qabul qiluvchi tashkilot bilan erishilgan dastlabki kelishuvga muvofiq oʻtkaziladi.

Dastlabki kelishuv Vazirlik, Agentlik va Jamgʻarma tomonidan qabul qiluvchi tashkilot oʻrtasida stajirovkani tashkil etishni nazarda tutuvchi ikki va koʻp tomonlama hujjatni imzolash orqali amalga oshiriladi.

4². Yakka tartibdagi stajirovka buyurtmachi va qabul qiluvchi tashkilot oʻrtasida erishilgan dastlabki kelishuv asosida tanlov natijalariga koʻra oʻtkaziladi.

4³. Stajirovkaning boshlanish vaqti tanlov natijalari eʼlon qilingan kundan boshlab bir kalendar yildan oshib ketmasligi lozim.

Belgilangan muddatda stajirovka oʻtash boshlanmagan taqdirda, ilmiy stajirovka bekor qilingan deb hisoblanadi.”;

e) 9-bandning birinchi xatboshisidagi “Vazirlik” va “Vazirlikning rasmiy veb-saytiga” soʻzlari tegishlicha “Agentlik” va “Agentlikning rasmiy veb-sayti va maxsus axborot tizimiga” soʻzlari bilan almashtirilsin;

j) 10-bandning beshinchi xatboshisidagi “bogʻlanish uchun masʼul xodimlar telefoni va elektron pochta manzili” soʻzlari “stajirovka shakli va yoʻnalishlari” soʻzlari bilan almashtirilsin;

z) 11-band quyidagi tahrirda bayon etilsin:

“11. Buyurtmachilar stajirovka oʻtashga tavsiya etilgan nomzodlar toʻgʻrisida Agentlikka quyidagi maʼlumot (hujjat)larni taqdim etadilar:

mazkur Nizomga 1-ilovaga muvofiq shakldagi stajirovka rejasi;

buyurtmachilarning kollegial organi (ilmiy kengash, kengash, ilmiy-texnikaviy kengash, ilmiy-muvofiqlashtiruvchi kengash va boshqa shakllarda boʻlishi mumkin) qaroridan koʻchirma;

yakka tartibdagi stajirovkalar boʻyicha eʼlon qilingan tanlovda ishtirok etish uchun nomzod tomonidan qoʻshimcha ravishda qabul qiluvchi tashkilotning rozilik (taklifnoma) xati va dastlabki kelishuv boʻyicha hujjat nusxasi hamda stajirovka davrida amalga oshiriladigan ishlar dasturi taqdim etiladi;

ilmiy darajasi (fan nomzodi, PhD va fan doktori), ilmiy unvonini (katta ilmiy xodim, dotsent, professor) tasdiqlovchi diplom(lar)ning nusxasi, agar mavjud boʻlsa;

stajirovkaning maqsadga muvofiqligi, asosiy vazifalari, kutilayotgan natijalari hamda ilmiy faoliyatiga taʼsirini asoslovchi tahliliy maʼlumotlar bayon etilgan asosnoma;

xorijiy tillardan bilim darajasini belgilovchi amaldagi milliy yoki xalqaro sertifikat (Milliy kvalifikatsiya sertifikati, IELTS, TOEFL va shu kabilar, muddati oʻtgan hujjatlar bundan mustasno), agar mavjud boʻlsa.

Nomzodlarning fuqarolik pasporti yoki identifikatsiyalovchi ID-kartasi nusxasi, oliy taʼlim muassasasini tugatganligini tasdiqlovchi diplom maʼlumotlari va fotosurati, xorijiy tillarni bilish darajasi boʻyicha milliy sertifikati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

i) 12-bandning birinchi va ikkinchi xatboshilari, 15 va 29-bandlarning birinchi va ikkinchi xatboshilari, 32, 47 va 49-bandlardagi tegishli kelishikdagi “Vazirlik” soʻzi tegishli kelishikdagi “Agentlik” soʻzi bilan almashtirilsin;

k) 13-banddagi “chop etilgan shaklda Vazirlikka taqdim etadilar yoki elektron shaklda Vazirlikning elektron pochta manziliga yuboriladi” soʻzlari “maxsus axborot tizim orqali Agentlikka taqdim etadilar” soʻzlari bilan almashtirilsin;

l) 16-band va 21-bandning ikkinchi xatboshisidagi “innovatsion rivojlanish vazirining” soʻzlari “Agentlik direktorining” soʻzlari bilan almashtirilsin;

m) 17-banddagi “vazir oʻrinbosari darajasidagi rahbarga” soʻzlari “Agentlik direktoriga” soʻzlari bilan almashtirilsin;

n) 28-bandda:

toʻrtinchi xatboshidagi “Vazirlik veb-saytida” soʻzlari “Agentlik veb-sayti va maxsus axborot tizimiga” soʻzlari bilan almashtirilsin;

quyidagi mazmundagi beshinchi xatboshi bilan toʻldirilsin:

“Tanlov shartlariga muvofiq nomzodlar kamida 3 kun oldin maxsus axborot tizimi orqali tanlovning keyingi bosqichiga oʻtganligi, suhbat oʻtkazilish vaqti va manzili haqida xabardor qilinadi”;

beshinchi — oʻn ikkinchi xatboshilar tegishlicha oltinchi — oʻn uchinchi xatboshilar deb hisoblansin;

o) 31-banddagi “Vazirlikning rasmiy veb-saytida” soʻzlari “Agentlikning rasmiy veb-sayti va maxsus axborot tizimiga” soʻzlari bilan almashtirilsin;

p) 37-banddagi “Vazirlik” soʻzi “Agentlik” soʻzi bilan almashtirilsin;

r) 46-banddagi “qogʻoz va elektron shaklda Vazirlikka” soʻzlari “maxsus axborot tizimi orqali Agentlikka” soʻzlari bilan almashtirilsin;

s) 50-banddagi “oʻrtacha ish haqi” soʻzlari “stipendiya yoki oʻrtacha ish haqi” soʻzlari bilan almashtirilsin;

t) Nizomga 2-ilova quyidagi tahrirda bayon etilsin:

“Yosh olimlarni yetakchi xorijiy oliy taʼlim va ilmiy tashkilotlarga qisqa muddatli ilmiy stajirovkalarga yuborish tartibi toʻgʻrisidagi nizomga
2-ILOVA

Yosh olimlarni yetakchi xorijiy oliy taʼlim va ilmiy tashkilotlarga qisqa muddatli ilmiy stajirovkalarga yuborish maqsadida tanlovlarni tashkil etish, oʻtkazish, saralash, moliyalashtirish va stajirovka yakuni boʻyicha hisobot taqdim etish

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	Innovatsion rivojlanish agentligi (Agentlik)	Respublikadagi yosh olimlarni stajirovkalarga yuborish boʻyicha Agentlik veb-sayti va maxsus axborot tizimida tanlov toʻgʻrisida eʼlon joylashtiradi.	Tanlov boshlanishidan kamida bir oy oldin

2-bosqich	Yuboruvchi tashkilotlar	1. Nomzodlar roʻyxatini shakllantirish va dastlabki saralash tanlovini oʻtkazadi. 2. Nomzodlar toʻgʻrisida maʼlumot va hujjatlarni yoʻllanma xati bilan maxsus axborot tizimi orqali Agentlikka taqdim etadi.	Tanlovda belgilangan muddatda

3-bosqich	Agentlik	Nomzodlarni saralab olish uchun Agentlik huzurida Maxsus ekspert guruhini tuzadi.	Har yili yanvar oyida

4-bosqich	Maxsus ekspert guruhi	Nomzodlarning saralash tanlov bosqichlarini oʻtkazib, yakuniy xulosani Agentlikka taqdim etadi.	Kamida bir oy muddatda

5-bosqich	Ilm-fanni moliyalashtirish va innovatsiyalarni qoʻllab-quvvatlash jamgʻarmasi Kuzatuv kengashi	Gʻolib nomzodlar stajirovkasini moliyalashtirish maqsadida Jamgʻarma Kuzatuv kengashining tegishli qarorini qabul qiladi.	Agentlik yoʻllanma xati kiritilgandan soʻng kamida bir oy muddatda

6-bosqich	Agentlik	Tanlov gʻoliblarini Agentlikning rasmiy veb-sayti va maxsus axborot tizimida eʼlon qiladi.	5-bosqich yakunlangandan soʻng kamida oʻn kun muddatda

7-bosqich	Yuboruvchi tashkilotlar	Stajirovka yakuni boʻyicha moliyaviy va ilmiy hisobotlar taqdim etadi.	Moliyaviy hisobot: stajirovka oʻtab kelgan kundan oʻn ish kunida; Ilmiy hisobot: kollegial organ qarori chiqqan kundan oʻn ish kunida
			”.

25. Vazirlar Mahkamasining 2021-yil 22-iyundagi 389-son qarori bilan tasdiqlangan Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomning 5-bandida:

a) beshinchi xatboshidagi “tasdiqlovchi” soʻzi “belgilovchi” soʻzi bilan almashtirilsin;

b) quyidagi mazmundagi oltinchi xatboshi bilan toʻldirilsin:

“Bunda koʻchmas mulkka boʻlgan huquqlarni belgilovchi hujjatlar ularni qabul qilgan davlat organi tomonidan tasdiqlangan boʻlishi, hujjatni qabul qilgan organ hujjatni davlat arxiviga topshirgan taqdirda, davlat arxivlari tomonidan tasdiqlangan boʻlishi shart (yuridik shaxsning elektron raqamli imzosi bilan tasdiqlangan elektron hujjatlar bundan mustasno)”;

v) oltinchi xatboshi yettinchi xatboshi deb hisoblansin.

26. Vazirlar Mahkamasining 2021-yil 28-iyundagi 395-son qarori bilan tasdiqlangan Geodeziya va kartografiya faoliyati bilan shugʻullanadigan mutaxassislarning malakasini oshirish va ularga malaka sertifikatini berish tartibi toʻgʻrisidagi nizomda:

a) 8-band quyidagi tahrirda bayon etilsin:

“8. Malaka oshirish kurslarida qatnashish uchun onlayn tarzda yoki bevosita malaka oshirish tashkilotiga quyidagi hujjatlar taqdim etiladi:

pasport, identifikatsiyalovchi ID-karta yoki uning oʻrnini bosuvchi hujjat maʼlumotlari;

Bunda hujjatlar onlayn tarzda malaka oshirish tashkilotining Internet jahon axborot tarmogʻidagi rasmiy veb-sayti yoki maxsus elektron dasturlar orqali topshiriladi.

Tinglovchilarning pasporti, identifikatsiyalovchi ID-kartasi yoki uning oʻrnini bosuvchi hujjat maʼlumotlari, oliy yoki oʻrta maxsus maʼlumot toʻgʻrisidagi diplom maʼlumotlari, fotosurati, shartnoma shartlariga muvofiq toʻlov amalga oshirilganligini tasdiqlovchi toʻlov hujjati nusxasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

b) 13-band quyidagi tahrirda bayon etilsin:

“13. Talabgor malaka imtihonini topshirish uchun Kadastr agentligiga quyidagi hujjatlarni taqdim etadi:

mazkur Nizomga 2-ilovaga muvofiq shakldagi ariza;

malaka oshirish kursida oʻqiganligi toʻgʻrisida maʼlumotnoma.

Talabgorlarning pasporti, identifikatsiyalovchi ID-kartasi yoki uning oʻrnini bosuvchi hujjat maʼlumotlari, oliy yoki oʻrta maxsus maʼlumoti toʻgʻrisidagi diplom maʼlumotlari yoki xorijiy davlatda oliy taʼlim olganlik toʻgʻrisidagi hujjatni tan olish haqidagi guvohnoma nusxasi yoxud geodeziya va kartografiya sohasida kasbiy qayta tayyorgarlik dasturi boʻyicha taʼlim olganligini tasdiqlovchi hujjat nusxasi, fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

Talabgordan mazkur bandda nazarda tutilmagan hujjatlarni talab qilishga yoʻl qoʻyilmaydi”.

27. Vazirlar Mahkamasining 2021-yil 6-avgustdagi 500-son qarori bilan tasdiqlangan Oʻzbekiston Respublikasi Jamoat xavfsizligi universitetiga nomzodlarni saralab olish va oʻqishga qabul qilish tartibi toʻgʻrisidagi nizomda:

a) 21-band quyidagi tahrirda bayon etilsin:

“21. Universitetga oʻqishga kirishni xohlagan nomzodlar tomonidan tegishli hududiy organlarga quyidagi hujjatlar taqdim etiladi:

ariza (bildirgi);

chaqiriluvchining qayd etilganligi toʻgʻrisidagi guvohnomasi yoki harbiy guvohnomasi nusxasi;

tarjimai hol;

anketa;

xizmatni oʻtash joyidan (agar xizmatni oʻtayotgan boʻlsa) tavsifnoma;

ota-onasining Universitetga oʻqishga kirishiga rozilik xati;

xorijiy tillarni bilish darajasi boʻyicha kamida V2 darajadagi xalqaro sertifikat nusxasi (agar mavjud boʻlsa).

“Xalqaro harbiy hamkorlikni huquqiy taʼminlash” taʼlim yoʻnalishiga oʻqishga kirishni xohlagan nomzodlar chet tilini bilish darajasi haqidagi xalqaro tan olingan dasturlar — IELTS boʻyicha 5.5 ball va undan yuqori, TOEFL boʻyicha 72 ball va undan yuqori, TestDaF boʻyicha TDN3 va undan yuqori, DELF B2 va undan yuqori sertifikat yoki davlat namunasidagi V2 va undan yuqori darajadagi malaka sertifikatiga ega boʻlganda, Universitetga oʻqishga kirish boʻyicha tanlovda ishtirok etadilar.

Quyidagi hujjatlar tegishli hududiy organlar tomonidan tegishli davlat organlari va tashkilotlaridan mustaqil ravishda, shu jumladan “Raqamli hukumat” tizimining idoralararo integratsiyalashuv platformasi orqali soʻrab olinadi:

shaxsni tasdiqlovchi hujjat nusxasi;

tugʻilganlik haqida guvohnoma nusxasi;

shaxsning belgilangan shakldagi fotosurati;

maʼlumoti toʻgʻrisidagi (umumiy oʻrta, oʻrta maxsus, boshlangʻich professional, oʻrta professional, oʻrta maxsus professional) hujjatlar (asli va nusxasi) hamda reyting daftarchasi (baholar tabeli) nusxasi;

oʻqish yoki ish joyidan (agar oʻqiyotgan yoki ishlayotgan boʻlsa) maʼlumotnoma;

chet tilini bilish darajasini aniqlash boʻyicha milliy sertifikat va universitetga oʻqishga kirishda imtiyozlardan foydalanish huquqini tasdiqlovchi boshqa hujjatlar nusxasi.

Universitetga oʻqishga kirishda imtiyozlardan foydalanish huquqini tasdiqlovchi hujjatlar nusxasi;

Nomzodlar tomonidan hujjatlarni taqdim etishda pasporti (identifikatsiyalovchi ID-kartasi) yoki uning oʻrnini bosuvchi hujjat, tugʻilganlik haqida guvohnoma, chaqiriluvchining qayd etilganligi toʻgʻrisidagi guvohnoma yoxud chaqiriluvchining harbiy guvohnomasi shaxsan koʻrsatiladi”;

b) 80-bandda:

yettinchi xatboshi chiqarib tashlansin;

sakkizinchi — oʻn birinchi xatboshilar tegishlicha yettinchi — oʻninchi xatboshilar deb hisoblansin;

sakkizinchi xatboshidagi “milliy yoki” soʻzlari chiqarib tashlansin;

quyidagi mazmundagi xatboshi bilan toʻldirilsin:

“Nomzodlarning oliy maʼlumot toʻgʻrisidagi diplom (ilovasi bilan) yoki diplomdan koʻchirmasi (Oʻzbekiston Respublikasi oliy taʼlim muassasalarini davlat granti boʻyicha oʻqib tugatganlar uchun) hamda chet tilini bilish darajasini tasdiqlovchi V2 va undan yuqori darajadagi milliy sertifikat “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

v) 113-bandda:

uchinchi xatboshi chiqarib tashlansin;

toʻrtinchi va beshinchi xatboshilar tegishlicha uchinchi va toʻrtinchi xatboshilar deb hisoblansin;

quyidagi mazmundagi xatboshi bilan toʻldirilsin:

“Nomzodning oliy maʼlumot toʻgʻrisidagi diplomining asli (yoki diplomdan koʻchirma — Oʻzbekiston Respublikasi oliy taʼlim muassasalarini davlat granti boʻyicha oʻqib tugatganlar uchun) hamda uning ilovasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

28. Vazirlar Mahkamasining “Rasmiy hujjatlarga apostil qoʻyish tartibini yanada takomillashtirish chora-tadbirlari toʻgʻrisida” 2021-yil 3-dekabrdagi 732-son qarorida:

a) 4-bandda:

beshinchi xatboshi quyidagi tahrirda bayon etilsin:

“maktabgacha, umumiy oʻrta va maktabdan tashqari taʼlim tashkilotlaridan chiqadigan rasmiy hujjatlar boʻyicha — Maktabgacha va maktab taʼlimi vazirligiga”;

quyidagi mazmundagi oltinchi xatboshi bilan toʻldirilsin:

oltinchi xatboshi yettinchi xatboshi deb hisoblansin;

b) 5-bandning birinchi xatboshisi quyidagi tahrirda bayon etilsin:

“5. Adliya vazirligi, Tashqi ishlar vazirligi, Oliy taʼlim, fan va innovatsiyalar vazirligi huzuridagi Bilim va malakalarni baholash agentligi, Maktabgacha va maktab taʼlimi vazirligi, Oliy sud va Bosh prokuratura bilan birgalikda:”;

v) 1-ilovada:

4-bandda:

beshinchi xatboshi quyidagi tahrirda bayon etilsin:

“maktabgacha, umumiy oʻrta va maktabdan tashqari taʼlim tashkilotlaridan chiqadigan rasmiy hujjatlar boʻyicha — Maktabgacha va maktab taʼlimi vazirligiga”;

quyidagi mazmundagi oltinchi xatboshi bilan toʻldirilsin:

oltinchi xatboshi yettinchi xatboshi deb hisoblansin;

30-bandda:

“a” kichik bandda:

uchinchi xatboshidagi “20” raqami “18” raqami bilan almashtirilsin;

toʻrtinchi xatboshidagi “Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga” soʻzlari “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaragʻiga” soʻzlari bilan almashtirilsin;

“b” kichik bandning beshinchi xatboshisidagi “Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga” soʻzlari “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaragʻiga” soʻzlari bilan almashtirilsin;

“v” kichik bandning ikkinchi va uchinchi xatboshilari quyidagi tahrirda bayon etilsin:

“oʻrta maxsus, kasbiy, oliy va oliy taʼlimdan keyingi taʼlim hamda kadrlarni qayta tayyorlash va ularning malakasini oshirish boʻyicha taʼlim tashkilotlaridan chiqadigan rasmiy hujjatlar boʻyicha yigʻim Oliy taʼlim, fan va innovatsiyalar vazirligi huzuridagi Bilim va malakalarni baholash agentligining, maktabgacha, umumiy oʻrta va maktabdan tashqari taʼlim tashkilotlaridan chiqadigan rasmiy hujjatlar boʻyicha yigʻim Maktabgacha va maktab taʼlimi vazirligi maxsus hisobvaragʻiga oʻtkaziladi hamda quyidagi tartibda taqsimlanadi:

60 foizi — tegishliligi boʻyicha Oliy taʼlim, fan va innovatsiyalar vazirligi huzuridagi Bilim va malakalarni baholash agentligi hamda Maktabgacha va maktab taʼlimi vazirligining hisobvaragʻiga”.

29. Vazirlar Mahkamasining 2022-yil 1-fevraldagi 47-son qarori bilan tasdiqlangan Koʻp kvartirali uylarni boshqarish uchun boshqaruvchi tashkilot yoki boshqaruvchini tanlash boʻyicha ochiq tanlov oʻtkazish tartibi toʻgʻrisidagi nizomning 28-bandida:

beshinchi — sakkizinchi xatboshilar chiqarib tashlansin;

quyidagi mazmundagi xatboshi bilan toʻldirilsin:

“Offerentlarning tanlovga takliflar taqdim qilinganda, kafolat sifatida bazaviy hisoblash miqdorining 30 baravari miqdoridagi mablagʻ tanlov tashkilotchisining maxsus jamgʻarmasiga yoʻnaltirilgani, tanlovda ishtirok etish uchun taʼminot summasi toʻlangani va agar tanlovda koʻrsatilgan ishlarni bajarish (xizmatlarni koʻrsatish) bilan bogʻliq faoliyat qonunchilik hujjatlariga muvofiq litsenziyalanadigan boʻlsa, tegishli litsenziyasi “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

30. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomda:

a) 14-ilova 5-pozitsiyasining uchinchi ustuni “b” kichik bandi quyidagi tahrirda bayon etilsin:

“b) litsenziyalovchi organ quyidagi maʼlumotlarni mustaqil tarzda oʻzi oladi:

veterinariya mutaxassisligi boʻyicha oliy yoki oʻrta maxsus maʼlumot toʻgʻrisidagi diplom maʼlumotlari;

“Yagona milliy mehnat tizimi” idoralararo dasturiy-apparat kompleksidan xodimlarining mehnat daftarchalari haqidagi maʼlumot”;

b) 18-ilovada:

6-pozitsiyaning uchinchi ustuni quyidagi mazmundagi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 2 baravari miqdorida”;

8-pozitsiyaning uchinchi ustuni quyidagi tahrirda bayon etilsin:

“umumiy tartibda — 7 ish kuni;

tezlashtirilgan tartibda — 4 ish kuni”;

v) 19-ilovada:

6-pozitsiyaning uchinchi ustuni quyidagi mazmundagi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 2 baravari miqdorida”;

8-pozitsiyaning uchinchi ustuni quyidagi tahrirda bayon etilsin:

“umumiy tartibda — 10 ish kuni;

tezlashtirilgan tartibda — 5 ish kuni”;

g) 20-ilovada:

6-pozitsiyaning uchinchi ustuni quyidagi mazmundagi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 2 baravari miqdorida”;

8-pozitsiyaning uchinchi ustuni quyidagi tahrirda bayon etilsin:

“umumiy tartibda — 14 ish kuni.

tezlashtirilgan tartibda — 10 ish kuni”;

d) 21-ilovada:

6-pozitsiyaning uchinchi ustuni quyidagi mazmundagi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 5 baravari miqdorida”;

8-pozitsiyaning uchinchi ustuni quyidagi tahrirda bayon etilsin:

“umumiy tartibda — 7 ish kuni;

tezlashtirilgan tartibda — 3 ish kuni”;

e) 23-ilova 5-pozitsiyasining uchinchi ustuni “i” kichik bandi quyidagi tahrirda bayon etilsin:

“i) litsenziyalovchi organ diniy fanlarni oʻqituvchi shaxslarning diniy maʼlumoti toʻgʻrisidagi maʼlumotlarni mustaqil tarzda oʻzi oladi”.

31. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga 26-ilovada:

a) 6-pozitsiyaning uchinchi ustuni quyidagi mazmundagi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 1 baravari miqdorida”;

b) 8-pozitsiyaning uchinchi ustuni quyidagi tahrirda bayon etilsin:

“umumiy tartibda — 10 kun;

tezlashtirilgan tartibda — 5 ish kuni”.

32. Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomda:

a) 11-ilovaning 10-pozitsiyasi uchinchi ustunida:

quyidagi mazmundagi beshinchi xatboshi bilan toʻldirilsin:

“Umumiy ovqatlanish korxonalari tomonidan alkogol mahsulotlarini sotish faoliyatini boshlaganlik toʻgʻrisida xabarnoma yuborgan shaxslar tomonidan pivo mahsulotlari bilan chakana savdo qilishni boshlaganlik haqida xabarnoma yuborilishi talab etilmaydi”;

beshinchi xatboshi oltinchi xatboshi deb hisoblansin;

b) 19-ilovaning 10-pozitsiyasi uchinchi ustunida:

quyidagi mazmundagi beshinchi xatboshi bilan toʻldirilsin:

“Alkogol mahsulotlari bilan chakana savdo qilishni boshlaganlik haqida xabarnoma yuborgan shaxslar tomonidan pivo mahsulotlari bilan chakana savdo qilishni boshlaganlik haqida xabarnoma yuborilishi talab etilmaydi”;

beshinchi xatboshi oltinchi xatboshi deb hisoblansin;

v) 33-ilovaning 11-pozitsiyasi uchinchi ustunida:

quyidagi mazmundagi beshinchi xatboshi bilan toʻldirilsin:

“Pivo mahsulotlari chakana savdosi bilan shugʻullanuvchilar tomonidan faqat pivo mahsulotlarini chakana savdo qilish uchun qoʻshimcha ravishda alkogol mahsulotlari bilan chakana savdo qilish hamda umumiy ovqatlanish korxonalari tomonidan alkogol mahsulotlarini sotish uchun xabarnoma yuborilishi talab etilmaydi”;

beshinchi xatboshi oltinchi xatboshi deb hisoblansin.

33. Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qarorida:

a) 1-ilovada:

39-bandda:

“a” kichik bandning uchinchi xatboshisidagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin;

“b” kichik bandning uchinchi xatboshisidagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin;

Nizomga 12-ilova 5-pozitsiyasining uchinchi ustuni 1-bandida:

“a” kichik banddagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin;

“b” kichik banddagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin;

b) 2-ilovada:

32-bandning toʻrtinchi xatboshisidagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin;

Nizomga 5-ilova 5-pozitsiyasining uchinchi ustuni 1-bandi toʻrtinchi xatboshisidagi “ekspertiza xulosasi” soʻzlari “ekspertiza xulosasining raqami va sanasi” soʻzlari bilan almashtirilsin.

34. Vazirlar Mahkamasining 2022-yil 24-iyundagi 346-son qarori bilan tasdiqlangan Kompleks tadbirkorlik litsenziyasi (franshizing) shartnomalarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamentiga 3-ilovaning matni quyidagi tahrirda bayon etilsin:

		“Elektron hujjatning
		identifikatsiya raqami



Kompleks tadbirkorlik litsenziyasi (franshizing) shartnomasi
davlat roʻyxatidan oʻtkazilganligi toʻgʻrisida
GUVOHNOMA


Roʻyxatdan oʻtkazilgan sana
Kompleks tadbirkorlik litsenziyasi (franshizing)
shartnomasining amal qilish muddati

I. Litsenziat toʻgʻrisidagi maʼlumotlar
1. Litsenziatning nomi:
2. Pochta manzili:
3. Tashkiliy-huquqiy shakli:
4. KTUT kodi:
5. STIR:
6. IFUT kodi:
7. Jismoniy shaxsning shaxsiy identifikatsiya raqami:
II. Litsenziar toʻgʻrisidagi maʼlumotlar
1. Litsenziarning nomi:
2. Pochta manzili:
3. Tashkiliy-huquqiy shakli:
4. KTUT kodi:
5. STIR:
6. IFUT kodi:
7. Jismoniy shaxsning shaxsiy identifikatsiya raqami:
8. Franshiza obyekti:

Guvohnomani bergan roʻyxatdan oʻtkazuvchi organ nomi:

QR-kod
”.

35. Vazirlar Mahkamasining 2022-yil 4-iyuldagi 354-son qarori bilan tasdiqlangan Oʻzbekiston Respublikasi ichki ishlar organlari shaxsiy tarkibi va ularning oila aʼzolarini ijtimoiy himoya qilish tartibi toʻgʻrisidagi nizomning 162-bandi quyidagi mazmundagi beshinchi va oltinchi xatboshilar bilan toʻldirilsin:

“Xodim va harbiy xizmatchi xizmat vaqtida oʻzining ehtiyotsizligi oqibatida tan jarohati olganda, unga toʻlanadigan bir martalik nafaqa miqdori mazkur Nizomning 189-bandiga muvofiq Oʻzbekiston Respublikasi ichki ishlar vaziri tomonidan belgilanadi.

Bunda xodim va harbiy xizmatchi xizmat vaqtida oʻzining ehtiyotsizligi oqibatida tan jarohati olganda, unga toʻlanadigan bir martalik nafaqa miqdori tan jarohatining ogʻirlik darajasiga qarab, ushbu bandda koʻrsatilgan tegishli bir martalik nafaqa miqdorining 50 foizidan kam boʻlmasligi lozim”.

36. Vazirlar Mahkamasining “Tadbirkorlik subyektlari boʻlmagan ayrim yuridik shaxslarni tashkil etish va tugatishga doir normativ-huquqiy hujjatlarni tasdiqlash toʻgʻrisida” 2022-yil 28-sentabrdagi 542-son qarorida:

a) 1-ilovaning 4-bandi quyidagi mazmundagi xatboshilar bilan toʻldirilsin:

“Davlat tashkilotining nomi oʻzgarganligi sababli qayta roʻyxatdan oʻtkazishda ariza beruvchining xohishiga koʻra avtomototransport vositasini qayta roʻyxatdan oʻtkazish boʻyicha ariza kompozit tarzda ichki ishlar organlariga yuborilishi mumkin.

Davlat tashkiloti xohishiga koʻra avtomototransport vositalarini roʻyxatga olish haqida guvohnomani ichki ishlar organlariga oʻzi borib yoki yetkazib berish xizmatidan foydalangan holda olishi mumkin”;

b) 2-ilovada:

4-band quyidagi mazmundagi xatboshilar bilan toʻldirilsin:

“Yuridik shaxslar birlashmalarining nomi yoki tashkiliy-huquqiy shakli oʻzgarganligi sababli qayta roʻyxatdan oʻtkazishda ariza beruvchining xohishiga koʻra avtomototransport vositasini qayta roʻyxatdan oʻtkazish boʻyicha ariza kompozit tarzda ichki ishlar organlariga yuborilishi mumkin.

Yuridik shaxslar birlashmalari xohishiga koʻra avtomototransport vositalarini roʻyxatga olish haqida guvohnomani ichki ishlar organlariga oʻzi borib yoki yetkazib berish xizmatidan foydalangan holda olishi mumkin”;

11-bandda:

“2 ish kuni davomida” soʻzlaridan keyin “(tezlashtirilgan tartibda 4 ish soati)” soʻzlari bilan toʻldirilsin;

quyidagi mazmundagi xatboshilar bilan toʻldirilsin:

“Tezlashtirilgan tartibda berilgan soʻrovnomalarni koʻrib chiqqanlik uchun bazaviy hisoblash miqdorining 1 baravari miqdorida yigʻim undiriladi.

Ushbu yigʻim summasi quyidagi tartibda taqsimlanadi:

a) Davlat xizmatlari markazi orqali bevosita oʻzi murojaat qilganda:

0,5 foizi — Oʻzbekiston Respublikasi Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi;

b) Tizim orqali murojaat etganda:

11,75 foizi — Oʻzbekiston Respublikasi Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik qoʻmitasidagi maxsus hisobvaragʻiga (jumladan 0,5 foizi — Yagona billing tizimi orqali tasdiqlangani uchun);

qolgan mablagʻlar — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi”;

1-ilovaning “3-bosqich” pozitsiyasi “Bajarish muddatlari” ustuni quyidagi tahrirda bayon etilsin:

“2 ish kuni (tezlashtirilgan tartibda 4 ish soati) mobaynida”;

2-ilova quyidagi mazmundagi pozitsiya bilan toʻldirilsin:

“
Soʻrovnomani tezlashtirilgan tartibda koʻrib chiqish:	Ha	Yoʻq
		”;

v) 3-ilovada:

4-band quyidagi mazmundagi xatboshilar bilan toʻldirilsin:

“Advokatlik tuzilmasining nomi yoki tashkiliy-huquqiy shakli oʻzgarganligi sababli qayta roʻyxatdan oʻtkazishda ariza beruvchining xohishiga koʻra avtomototransport vositasini qayta roʻyxatdan oʻtkazish boʻyicha ariza kompozit tarzda ichki ishlar organlariga yuborilishi mumkin.

Advokatlik tuzilmasi xohishiga koʻra avtomototransport vositalarini roʻyxatga olish haqida guvohnomani ichki ishlar organlariga oʻzi borib yoki yetkazib berish xizmatidan foydalangan holda olishi mumkin”;

11-band quyidagi tahrirda bayon etilsin:

“11. Ariza beruvchi mazkur Reglamentning 8-bandida nazarda tutilgan hujjatlarni roʻyxatdan oʻtkazuvchi organga Tizim orqali elektron ravishda yuboradi.

Roʻyxatdan oʻtkazuvchi organ hujjatlar kelib tushgan sanadan boshlab:

1 ish kuni (tezlashtirilgan tartibda 1 ish soati) mobaynida muassislarning litsenziyalari va advokat maqomiga ega boʻlmagan muassislar malaka komissiyalarining advokatning qasamyodini muassislar qabul qilganligini tasdiqlash toʻgʻrisidagi qarorini adliya organlari va Oʻzbekiston Respublikasi Advokatlar palatasining hududiy boshqarmalaridan oʻzaro elektron axborot almashinuvi orqali soʻrab oladi. Bunda ushbu tashkilotlar maʼlumotning 1 ish kuni (tezlashtirilgan tartibda 2 ish soati) ichida taqdim etilishi uchun masʼul boʻladi;

4 ish kuni (tezlashtirilgan tartibda 4 ish soati) davomida hujjatlarning qonunchilik hujjatlariga muvofiqligi jihatidan koʻrib chiqadi hamda koʻrib chiqish natijalari boʻyicha Advokatlik tuzilmalarini davlat roʻyxatidan (qayta roʻyxatdan) oʻtkazish (hisobga olish) yoki mazkur Reglamentning 13-bandida belgilangan holatlar mavjud boʻlganda, davlat roʻyxatidan (qayta roʻyxatdan) oʻtkazishni rad qilish haqida qaror qabul qiladi.

Tezlashtirilgan tartibda berilgan soʻrovnomalarni koʻrib chiqqanlik uchun bazaviy hisoblash miqdorining 1 baravari miqdorida yigʻim undiriladi.

Ushbu yigʻim summasi quyidagi tartibda taqsimlanadi:

11,75 foizi — Axborot-kommunikatsiya texnologiyalarini rivojlantirish jamgʻarmasining Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga (shu jumladan, 0,5 foizi yigʻim toʻlanganligi Yagona billing tizimi orqali tasdiqlanganligi uchun);

qolgan mablagʻlar — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi;

1-ilovada:

“3-bosqich” pozitsiyasining “Tadbirlar” va “Bajarish muddatlari” ustunlari “1 ish kuni” soʻzlaridan keyin “(tezlashtirilgan tartibda 1 ish soati)” soʻzlari bilan toʻldirilsin;

“4-bosqich” pozitsiyasining “Bajarish muddatlari” ustuni “4 ish kuni” soʻzlaridan keyin “(tezlashtirilgan tartibda 4 ish soati)” soʻzlari bilan toʻldirilsin;

2-ilova quyidagi mazmundagi pozitsiya bilan toʻldirilsin:

“
Soʻrovnomani tezlashtirilgan tartibda koʻrib chiqish:	Ha	Yoʻq
		”;

g) 4-ilovaning 4-bandi quyidagi mazmundagi xatboshilar bilan toʻldirilsin:

“Shirkatning nomi yoki tashkiliy-huquqiy shakli oʻzgarganligi sababli qayta roʻyxatdan oʻtkazishda ariza beruvchining xohishiga koʻra avtomototransport vositasini qayta roʻyxatdan oʻtkazish boʻyicha ariza kompozit tarzda ichki ishlar organlariga yuborilishi mumkin.

Shirkat xohishiga koʻra avtomototransport vositalarini roʻyxatga olish haqida guvohnomani ichki ishlar organlariga oʻzi borib yoki yetkazib berish xizmatidan foydalangan holda olishi mumkin”.

37. Vazirlar Mahkamasining “Oʻzbekiston Respublikasi Huquqni muhofaza qilish akademiyasida oliy taʼlim va oliy taʼlimdan keyingi taʼlimga qabul qilish va oʻqitish tartibini belgilash chora-tadbirlari toʻgʻrisida” 2023-yil 6-apreldagi 143-son qarorida:

a) 2-ilovaning 16-bandi quyidagi tahrirda bayon etilsin:

“16. Magistraturaga oʻqishga qabul qilish uchun nomzodlardan quyidagi hujjatlar talab etiladi:

tashqi nomzodlar uchun — chet tilini bilish darajasini tasdiqlovchi V2 va undan yuqori darajadagi xalqaro sertifikatlarning elektron nusxasi (ichki nomzodlar uchun mavjud boʻlganda);

vakolatli davlat organlari xodimlari uchun — nomzodning bevosita rahbari tomonidan imzolangan tavsiyanoma va maʼlumotnoma-obyektivka.

Nomzodlarning shaxsni tasdiqlovchi hujjat (pasport yoki identifikatsiyalovchi ID-kartasi) nusxasi, oliy maʼlumot toʻgʻrisidagi diplom maʼlumotlari hamda chet tilini bilish darajasini tasdiqlovchi V2 va undan yuqori darajadagi milliy sertifikat “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

b) 3-ilovada:

16-band quyidagi tahrirda bayon etilsin:

“16. Tayanch doktoranturada oʻqishga talabgorlar Akademiyaga quyidagi hujjatlarni taqdim etadilar:

qisqacha biografik maʼlumotnoma;

tegishli xalqaro sertifikatning nusxasi;

nashr etilgan ilmiy ishlar roʻyxati, shuningdek ularning nusxalari.

Talabgorlarning oliy taʼlim muassasasi bakalavr va magistraturasi diplom maʼlumotlari, milliy sertifikati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

18-bandda:

uchinchi xatboshidagi “oliy maʼlumot,” soʻzlari chiqarib tashlansin;

quyidagi mazmundagi xatboshi bilan toʻldirilsin:

“Talabgorlarning oliy maʼlumot toʻgʻrisidagi diplom maʼlumotlari “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”.

38. Vazirlar Mahkamasining “Qishloq xoʻjaligi, melioratsiya va yoʻl-qurilish texnikalaridan foydalanish sohasida davlat xizmatlari koʻrsatish tizimini takomillashtirish chora-tadbirlari toʻgʻrisida” 2023-yil 29-apreldagi 170-son qarorida:

a) 1-ilovada:

18-band quyidagi mazmundagi beshinchi xatboshi bilan toʻldirilsin:

“Bunda texnikaga boʻlgan mulk huquqini tasdiqlovchi auksion natijalari toʻgʻrisidagi bayonnoma (elektron onlayn-auksion bayonnomasi) “Raqamli hukumat” tizimining idoralararo integratsiyalashuv platformasi orqali mustaqil ravishda olinadi”;

30-band quyidagi mazmundagi xatboshi bilan toʻldirilsin:

b) 6-ilovada:

26-bandda:

toʻrtinchi xatboshi chiqarib tashlansin;

beshinchi — yettinchi xatboshilar tegishlicha toʻrtinchi — oltinchi xatboshilar deb hisoblansin;

quyidagi mazmundagi xatboshi bilan toʻldirilsin:

“tibbiy maʼlumotnomasi (083-shakl)”.

39. Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarida:

a) quyidagi mazmundagi 12¹-band bilan toʻldirilsin:

“12¹. Jismoniy shaxslarning familiyasi, ismi, otasining ismi yoki tugʻilgan sanasi oʻzgargan, shu jumladan, nikoh qayd etilganligi yoki nikohdan ajralganligi munosabati bilan familiyasi oʻzgargan taqdirda, gerbli guvohnomalarni rasmiylashtirish bilan bir vaqtda jismoniy shaxsga yangi identifikatsiyalovchi ID-kartalarni rasmiylashtirish boʻyicha ariza-anketalar FHDY organi tomonidan jismoniy shaxsning roziligi asosida kompozit shaklda vakolatli organlarga yuboriladi.

Jismoniy shaxsning nomidan yangi identifikatsiyalovchi ID-kartalarni rasmiylashtirish boʻyicha ariza-anketalar FHDY organi tomonidan toʻldiriladi. Rasmiylashtirilgan ariza-anketalar Oʻzbekiston Respublikasi Prezidentining “Oʻzbekiston Respublikasida identifikatsiyalovchi ID-kartalarni joriy etish chora-tadbirlari toʻgʻrisida” 2020-yil 22-sentabrdagi PF-6065-son Farmoniga asosan jismoniy shaxsga identifikatsiyalovchi ID-kartalarni rasmiylashtirib berish vazifalarini bajaruvchi vakolatli organlarga kelib tushganda, ushbu jismoniy shaxsdan qoʻshimcha ariza-anketa talab qilinmaydi.

Mazkur bandda nazarda tutilgan asoslarda yangi identifikatsiyalovchi ID-kartalarni rasmiylashtirishda toʻlovlarni amalga oshirish, biografik va biometrik maʼlumotlarni hamda qonunchilik hujjatlariga muvofiq talab qilinadigan boshqa hujjatlar identifikatsiyalovchi ID-kartalarni rasmiylashtirib berish vazifalarini bajaruvchi vakolatli organlarga tashrif buyurilganda taqdim etiladi”;

b) 149-bandda:

quyidagi mazmundagi ikkinchi va uchinchi xatboshilar bilan toʻldirilsin:

“Familiya, ism va ota ismini oʻzgartirishda ariza beruvchining xohishiga koʻra avtomototransport vositasini qayta roʻyxatdan oʻtkazish boʻyicha ariza kompozit tarzda ichki ishlar organlariga yuborilishi mumkin.

ikkinchi — oltinchi xatboshilar tegishlicha toʻrtinchi — sakkizinchi xatboshilar deb hisoblansin.

40. Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentida:

a) 18-ilovada:

4-pozitsiyaning ikkinchi ustuni 1-bandida:

quyidagi mazmundagi beshinchi xatboshi bilan toʻldirilsin:

“maʼlumotnomani olish tartibi — umumiy yoki tezlashtirilgan tartib”;

beshinchi — oʻn uchinchi xatboshilar tegishlicha oltinchi — oʻn toʻrtinchi xatboshilar deb hisoblansin;

5-pozitsiyaning ikkinchi ustuni quyidagi tahrirda bayon etilsin:

“Umumiy tartibda — bepul;

tezlashtirilgan tartibda — bazaviy hisoblash miqdorining 50 foizi.

Yigʻimlar summasi quyidagi tartibda taqsimlanadi:

a) Davlat xizmatlari markazlari orqali murojaat etilganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik xizmati qoʻmitasidagi maxsus hisobvaragʻiga (Yagona billing tizimi orqali tasdiqlangani uchun);

qolgan mablagʻlar — “Oʻzarxiv” agentligi tizimidagi davlat xizmatini koʻrsatgan davlat arxivining hisobvaragʻiga;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,75 foizi — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik qoʻmitasidagi maxsus hisobvaragʻiga (shu jumladan, 0,5 foizi — Yagona billing tizimi orqali tasdiqlangani uchun);

qolgan yigʻimlar summasi — davlat xizmatini koʻrsatgan davlat arxivining hisobvaragʻiga oʻtkaziladi”;

6-pozitsiyaning ikkinchi ustuni quyidagi tahrirda bayon etilsin:

“Ish stajini tasdiqlashga oid maʼlumotnomalar uchun — umumiy tartibda 5 ish kunidan, tezlashtirilgan tartibda 3 ish kunidan;

ish haqini tasdiqlashga oid maʼlumotnomalar uchun — umumiy tartibda 20 ish kunidan, tezlashtirilgan tartibda 10 ish kunidan oshmagan muddatda”;

b) 26-ilovada:

4-pozitsiyaning ikkinchi ustuni 1-bandida:

quyidagi mazmundagi oltinchi xatboshi bilan toʻldirilsin:

“maʼlumotnomani olish tartibi — umumiy yoki tezlashtirilgan tartib”;

oltinchi xatboshi yettinchi xatboshi deb hisoblansin;

5-pozitsiyaning ikkinchi ustunida:

birinchi xatboshi quyidagi tahrirda bayon etilsin:

“Umumiy tartibda — bazaviy hisoblash miqdorining 5 foizi;

quyidagi mazmundagi ikkinchi xatboshi bilan toʻldirilsin:

“tezlashtirilgan tartibda — bazaviy hisoblash miqdorining 50 foizi”;

ikkinchi — oltinchi xatboshilar tegishlicha uchinchi — yettinchi xatboshilar deb hisoblansin;

6-pozitsiyaning ikkinchi ustuni quyidagi tahrirda bayon etilsin:

“Umumiy tartibda — 2 ish kuni;

tezlashtirilgan tartibda — 1 ish kuni”.

41. Vazirlar Mahkamasining 2024-yil 3-iyuldagi 382-son qarori bilan tasdiqlangan Yoʻl harakati qoidalari buzilishiga doir chiqarilgan qaror va yuborilgan xabarnomalar yuzasidan Davlat yoʻl harakati xavfsizligi xizmatiga elektron murojaat qilishning maʼmuriy reglamentiga 2-ilovaning III boʻlimi 4-pozitsiyasi “ishonchnoma” soʻzidan keyin “maʼlumotlari” soʻzi bilan toʻldirilsin.

42. Vazirlar Mahkamasining “Yetim bolalar va ota-ona qaramogʻidan mahrum boʻlgan bolalarni joylashtirish shakllari boʻyicha ayrim normativ-huquqiy hujjatlarni tasdiqlash toʻgʻrisida” 2024-yil 27-dekabrdagi 893-son qarorida:

a) 3-bandda:

“b” kichik bandning uchinchi xatboshisi “sil kasalligiga qarshi kurashish” soʻzlaridan keyin “(Oʻzbekiston Respublikasi fuqarolari bundan mustasno)” soʻzlari bilan toʻldirilsin;

“v” kichik bandda:

quyidagi mazmundagi oltinchi xatboshi bilan toʻldirilsin:

“sil kasalligi boʻyicha hisobda turish yoki turmasligi boʻyicha maʼlumotnoma”;

oltinchi xatboshi yettinchi xatboshi deb hisoblansin;

b) Yetim bolalar va ota-ona qaramogʻidan mahrum boʻlgan bolalarni muqobil joylashtirish shakllariga olish istagini bildirgan fuqarolarni tanlash, hisobini yuritish hamda muqobil joylashtirish shakllariga berilgan bolalarni kuzatish va monitoring qilish tartibi toʻgʻrisidagi nizomga 3-ilovada:

1-bandning “v” kichik bandi “sil kasalligiga qarshi kurashish” soʻzlaridan keyin “(Oʻzbekiston Respublikasi fuqarolari bundan mustasno)” soʻzlari bilan toʻldirilsin;

2-bandda:

birinchi xatboshidagi “Elektron” soʻzi “Raqamli” soʻzi bilan almashtirilsin;

quyidagi mazmundagi “z” kichik band bilan toʻldirilsin:

“z) sil kasalligi boʻyicha hisobda turish yoki turmasligi boʻyicha maʼlumotnoma”.

43. Vazirlar Mahkamasining 2025-yil 2-maydagi 290-son qarori bilan “Work and travel” xalqaro dasturlarida ishtirok etuvchi talaba yoshlarning ishlash va sayohat qilish maqsadida xorijiy davlatlarga borishi va kelishi bilan bogʻliq xarajatlar uchun ssuda ajratish boʻyicha davlat xizmatlarini koʻrsatishning maʼmuriy reglamenti 8-bandida:

“b” kichik bandda:

uchinchi xatboshidagi “YIDXP orqali olingan soʻnggi 12 oylik ish haqi toʻgʻrisida maʼlumot va” soʻzlari chiqarib tashlansin;

quyidagi mazmundagi beshinchi xatboshi bilan toʻldirilsin:

“Kafil jismoniy shaxsning YIDXP orqali olingan soʻnggi 12 oylik ish haqi toʻgʻrisidagi maʼlumot “Raqamli hukumat” tizimining idoralararo integratsiyalashuv platformasi orqali mustaqil ravishda olinadi. Mazkur maʼlumot “Raqamli hukumat” tizimining idoralararo integratsiyalashuv platformasi orqali aniqlanmagan hollarda ilova qilinadi”;

beshinchi — yettinchi xatboshilar tegishlicha oltinchi — sakkizinchi xatboshilar deb hisoblansin.

44. Vazirlar Mahkamasining 2025-yil 18-iyundagi 377-son qarori bilan tasdiqlangan Avtotransport vositalarini nogironligi boʻlgan shaxslar ehtiyojlariga moslashtirish xarajatlarini qoplash boʻyicha davlat xizmatini koʻrsatishning maʼmuriy reglamentiga 2-ilovada:

a) Ariza beruvchi — jismoniy shaxsga tegishli soʻrovnoma matnining “II. Ilova qilinadigan hujjatlar:” boʻlimida: