Hujjat 22.11.2025 00 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Farmoni

Qishloq xoʻjaligi tavakkalchiliklarini sugʻurta qilish mexanizmini samarali tashkil etish toʻgʻrisida

Qishloq xoʻjaligi mahsulotlarini yetishtirish jarayonida tabiiy ofatlar natijasidagi zararlarni qoplashning yangi mexanizmlarini joriy etish orqali sohadagi tadbirkorlik subyektlari iqtisodiy barqaror faoliyat yuritishi uchun imkoniyatlar yaratish, shuningdek, Oʻzbekiston Respublikasining “Qishloq xoʻjaligi tavakkalchiliklarini sugʻurta qilish toʻgʻrisida”gi Qonuni (keyingi oʻrinlarda — Qonun) ijrosini taʼminlash maqsadida qaror qilaman:

I. Maqsadlar

1. Quyidagilar qishloq xoʻjaligi sugʻurtasi tizimini joriy etishning asosiy maqsadlari etib belgilansin:

(a) qishloq xoʻjaligi tavakkalchiliklarini sugʻurta qilishning samarali tizimini joriy etish orqali tabiiy va texnogen ofatlar, yongʻin, zararkunanda va kasalliklar taʼsirida oʻsimlik hamda hayvonlarga yetkazilgan zararlarni qoplab berish;

(b) qishloq xoʻjaligi mahsulotlari ishlab chiqarish hajmini 2030-yilga qadar bosqichma-bosqich 20 foizga oshirish va qishloq xoʻjaligi mahsuloti ishlab chiqaruvchilarning xavflarini kamaytirish;

(v) sugʻurtalash xarajatlarining (sugʻurta mukofoti) 50 foizini budjet mablagʻlari hisobidan qoplash orqali 2030-yilga qadar qishloq xoʻjaligi tavakkalchiliklarini sugʻurtalash qamrovini 50 foizga yetkazish.

II. Qishloq xoʻjaligi sugʻurtasi tizimini samarali yoʻlga qoʻyish

2. Qishloq xoʻjaligi vazirligi huzurida Qishloq xoʻjaligi sugʻurtasi jamgʻarmasi (keyingi oʻrinlarda — Jamgʻarma) tashkil etilsin. Belgilansinki, Jamgʻarma:

(a) Qonunda belgilangan vazifa va funksiyalarni hamda sugʻurtalovchi vazifasini litsenziyasiz amalga oshiradi;

(b) sugʻurta (qayta sugʻurta) faoliyatini amalga oshirishda litsenziya talablari va shartlariga rioya qiladi (kalendar badal toʻlash majburiyati bundan mustasno).

3. Belgilansinki:

(a) 2026-yildan boshlab qishloq xoʻjaligi mahsuloti ishlab chiqaruvchilari mahsulot yetishtirish uchun davlatning imtiyozli kreditlaridan foydalanganda ishlab chiqariladigan mahsulotning yoʻqotilishi (nobud boʻlishi) xavfini oldindan sugʻurta qilish bosqichma-bosqich amalga oshiriladi;

(b) klaster, fermer xoʻjaliklari va boshqa qishloq xoʻjaligi korxonalarining imtiyozli kreditlar boʻyicha qarzdorliklari qishloq xoʻjaligi tavakkalchiliklari sugʻurtasi shartnomasi boʻyicha qoplanmaydi.

4. Qishloq xoʻjaligi vazirligi:

(a) 2025-yil yakuniga qadar qishloq xoʻjaligi sugʻurtasi shartnomasini rasmiylashtirish, sugʻurta mukofoti uchun budjet subsidiyasini olish, sugʻurta tovonini olishga doir arizalarni koʻrib chiqish boʻyicha xizmatlarni koʻrsatish jarayonlarini oʻz ichiga oladigan litsenziya talab va shartlariga muvofiq boʻlgan Qishloq xoʻjaligi sugʻurtasi axborot tizimini (keyingi oʻrinlarda — Axborot tizimi) ishlab chiqsin va ishga tushirsin;

(b) Axborot tizimini sugʻurta faoliyatini tartibga soluvchi vakolatli davlat organi tomonidan belgilangan Yagona avtomatlashtirilgan axborot tizimiga foydalanish talablari va shartlariga rioya qilgan holda integratsiya qilsin. Bunda Yagona avtomatlashtirilgan axborot tizimidan foydalanganlik uchun toʻlov undirilmaydi;

(v) Axborot tizimini boshqa vazirlik va idoralarning axborot tizimlari bilan integratsiya qilsin. Bunda vazirlik va idoralarning axborot tizimlari va resurslaridagi maʼlumotlar doimiy ravishda qonunchilikka muvofiq begʻaraz asosda taqdim etib boriladi;

(g) mamlakatda qishloq xoʻjaligi sugʻurtasi tizimini xalqaro tajriba asosida takomillashtirish, tavakkalchiliklarni boshqarish va mustaqil ekspertlar faoliyatini samarali tashkil etish uchun Jamgʻarmaga malakali xorijiy maslahatchilarni jalb etsin.

5. Qishloq xoʻjaligi tavakkalchiliklarini sugʻurta qilishni amalga oshirishni muvofiqlashtiruvchi davlat organi faoliyatini samarali tashkil etish maqsadida Oʻzbekiston Respublikasi Prezidentining 2025-yil 4-oktabrdagi “Respublika ijro etuvchi hokimiyat organlarining faoliyatiga raqamlashtirishni keng joriy etish hisobiga boshqaruv shtat birliklari sonini maqbullashtirish chora-tadbirlari toʻgʻrisida”gi PF-178-son Farmoni bilan Qishloq xoʻjaligi vazirligi tizimidagi tashkilotlardan qisqartirilgan shtat birliklari hisobidan Qishloq xoʻjaligi vazirligi markaziy apparati boshqaruv xodimlarining umumiy cheklangan soni qoʻshimcha 7 ta shtat birligiga oshirilsin.

6. Qishloq xoʻjaligi sugʻurtasi jamgʻarmasining ijro etuvchi organi — Direksiya tuzilmasi 1-ilovaga muvofiq tasdiqlansin.

7. Iqtisodiyot va moliya vazirligi:

(a) Jamgʻarma oʻz faoliyatini boshlaguniga qadar uning ustav kapitalini 35 mlrd soʻm miqdorida shakllantirish;

(b) Jamgʻarma ustav kapitali sugʻurtalovchilar ustav kapitalining qonunchilikda belgilangan eng kam miqdorlarini shakllantirish uchun Davlat budjetidan zarur mablagʻlarni ajratib borsin.

8. Qishloq xoʻjaligi vazirligi Toshkent davlat agrar universiteti bilan birgalikda 2026-yil 1-fevralga qadar yuqori malakali xorijiy ekspertlarni jalb qilgan holda har bir hududdan kamida 5 nafardan, 2027-yil 1-martga qadar qoʻshimcha 600 nafar qishloq xoʻjaligi sugʻurtasi shartnomasi boʻyicha sugʻurta hodisasi mavjudligi va zarar miqdorini aniqlash uchun zarur malakaga ega boʻlgan mustaqil ekspertlarni tayyorlasin.

III. Farmon ijrosini tashkil etish, taʼminlash va nazorat

9. Vazirlar Mahkamasi bir hafta muddatda Jamgʻarma faoliyatini yoʻlga qoʻyish maqsadida quyidagilarni tasdiqlashni nazarda tutuvchi qarorni qabul qilsin:

(a) Jamgʻarma faoliyatini tashkil etish toʻgʻrisidagi hamda sugʻurta hodisasi va uning yuz berish ehtimolini oʻrganadigan mustaqil ekspertlar faoliyatini tartibga solish toʻgʻrisidagi nizomlar;

(b) Axborot tizimiga integratsiya qilinishi lozim boʻlgan boshqa axborot tizimlarining roʻyxati;

(v) sugʻurta qilinadigan qishloq xoʻjaligi mahsulotlarining va tavakkalchiliklarning turlari;

(g) Jamgʻarma boshqaruv kengashi aʼzolari tarkibi.

10. Markaziy bank Iqtisodiyot va moliya vazirligi, Qishloq xoʻjaligi vazirligi hamda Istiqbolli loyihalar milliy agentligi bilan birgalikda 2026-yil 1-dekabrga qadar qishloq xoʻjaligi mahsuloti ishlab chiqaruvchilarga qoʻshimcha yuklamalarning oldini olish, jumladan, kreditni qaytarmaslik xatarini tijorat banki foydasiga sugʻurta qilish amaliyotini qisqartirish boʻyicha takliflarni Vazirlar Mahkamasiga kiritsin.

11. Savdo-sanoat palatasi Qishloq xoʻjaligi vazirligi bilan birgalikda Jamgʻarmani Toshkent shahri Yakkasaroy tumani Sh. Rustaveli koʻchasi 8-uy manzilida ijara huquqi asosida joylashtirsin.

12. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

13. Qishloq xoʻjaligi vazirligi:

(a) Iqtisodiyot va moliya vazirligi bilan birgalikda bir oy muddatda Jamgʻarma faoliyatini tashkil etish uchun zarur boʻlgan jihozlar, moddiy-texnik vositalar va aloqa turlari bilan taʼminlash choralarini koʻrsin;

(b) boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Qoʻchqorov va J.A. Xodjayev, qishloq xoʻjaligi vaziri I.Yu. Abduraxmonov belgilansin.

15. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidentining agrar rivojlanish masalalari boʻyicha maslahatchisi Sh.M. Gʻaniyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 21-noyabr,

PF-223-son

Oʻzbekiston Respublikasi Prezidentining 2025-yil 21-noyabrdagi PF-223-son Farmoniga
1-ILOVA

Qishloq xoʻjaligi sugʻurtasi jamgʻarmasining ijro etuvchi organi — Direksiya

TUZILMASI

Jamgʻarma boshqaruv kengashi

Direktor

Direktorning birinchi oʻrinbosari

Direktor oʻrinbosari

Ichki audit xizmati

Sugʻurtalash boshqarmasi

Moliya boshqarmasi

Ijro intizomi va devonxona

Qishloq xoʻjaligi ekinlarini sugʻurtalash boʻlimi

Buxgalteriya

Xodimlar bilan ishlash boʻlimi

Sugʻurta zaxiralarini boshqarish va investitsiyaviy faoliyat boʻlimi

Yuridik boʻlim

Qishloq xoʻjaligida hayvonlarni sugʻurtalash boʻlimi

Ishlar boshqarmasi

Axborot texnologiyalarini joriy etish boʻlimi

Qayta sugʻurtalash va xalqaro munosabatlar boʻlimi

Sugʻurta toʻlovlari boʻlimi

Sugʻurta vositachilari va mustaqil ekspertlar bilan ishlash boʻlimi

Direksiya xodimlarining umumiy cheklangan soni — 25 shtat birligi.

Jamgʻarmaning kuzatuv kengashi, zarur hollarda, Iqtisodiyot va moliya vazirligi bilan kelishilgan holda Direksiya tuzilmasi va xodimlarning umumiy cheklangan soniga oʻzgartirish kiritishi mumkin.

Oʻzbekiston Respublikasi Prezidentining 2025-yil 21-noyabrdagi PF-223-son Farmoniga
2-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2021-yil 30-apreldagi “Milliy qonunchilik bazasini kompleks tizimlashtirish chora-tadbirlari toʻgʻrisida”gi PF-6218-son Farmoniga 5-ilovaning 43-pozitsiyasida:

(a) “Amalga oshirish muddatlari” ustunidagi “2025-yil III chorak” soʻzlari “2026-yil IV chorak” soʻzlari bilan almashtirilsin;

(b) “Masʼul davlat organlari” ustunidagi “Iqtisodiy taraqqiyot va kambagʻallikni qisqartirish vazirligi” soʻzlari “Iqtisodiyot va moliya vazirligi” soʻzlari bilan almashtirilsin.

2. Oʻzbekiston Respublikasi Prezidentining 2023-yil 12-iyundagi “Kambagʻallikni qisqartirishda tadbirkorlik subyektlari bilan oʻzaro manfaatli hamkorlik oʻrnatishga qaratilgan chora-tadbirlar toʻgʻrisida”gi PF-93-son Farmonida:

(a) 7-band “b” kichik bandining toʻrtinchi xatboshisidagi “yerga boʻlgan huquqlar” soʻzlaridan keyin “(qishloq xoʻjaligiga moʻljallangan yer uchastkalariga boʻlgan huquqlar bundan mustasno)” soʻzlari bilan toʻldirilsin;

(b) 1-ilovaning 3-pozitsiyasi “v” kichik bandi “Imtiyoz va preferensiyalar” ustuni “yerga boʻlgan huquqlarni” soʻzlaridan keyin “(qishloq xoʻjaligiga moʻljallangan yer uchastkalariga boʻlgan huquqlar bundan mustasno)” soʻzlari bilan toʻldirilsin.

3. Oʻzbekiston Respublikasi Prezidentining 2023-yil 14-iyundagi “Maʼmuriy islohotlar doirasida transport sohasida davlat boshqaruvini samarali tashkil qilish chora-tadbirlari toʻgʻrisida”gi PF-94-son Farmoniga 8-ilovaning 6-pozitsiyasi “Maʼlumotni taqdim qiluvchi idoralar” ustunidagi “Oʻzbekiston Respublikasi Prezidenti huzuridagi Statistika agentligi” soʻzlari “Oʻzbekiston Respublikasi Milliy statistika qoʻmitasi” soʻzlari bilan almashtirilsin.

4. Oʻzbekiston Respublikasi Prezidentining 2023-yil 8-noyabrdagi “Oʻzbekiston Respublikasi Prezidenti huzuridagi strategik islohotlar agentligi faoliyatini yanada takomillashtirish chora-tadbirlari toʻgʻrisida”gi PF-190-son Farmoniga 1-ilovaning 3-pozitsiyasi “Strategik islohotlar agentligi bilan faol hamkorlik qiladigan tashkilotlar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

5. Oʻzbekiston Respublikasi Prezidentining 2023-yil 10-noyabrdagi “Kichik va oʻrta biznesni moliyaviy qoʻllab-quvvatlash tizimini takomillashtirish chora-tadbirlari toʻgʻrisida”gi PF-193-son Farmoniga 2-ilovaning 16-pozitsiyasi “Masʼul ijrochilar” ustunidagi “Statistika agentligi (Begalov)” soʻzlari “Milliy statistika qoʻmitasi (Hamrayev)” soʻzlari bilan almashtirilsin.

6. Oʻzbekiston Respublikasi Prezidentining 2024-yil 16-fevraldagi “Respublikada oziq-ovqat xavfsizligini taʼminlashning qoʻshimcha chora-tadbirlari toʻgʻrisida”gi PF-36-son Farmonida:

(a) 9-bandning birinchi xatboshisidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin;

(b) 2-ilovaning 20 va 31-pozitsiyalari “Masʼul ijrochilar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

7. Oʻzbekiston Respublikasi Prezidentining 2024-yil 13-martdagi “Respublika va mahalliy ijro etuvchi hokimiyat organlari hamda xoʻjalik birlashmalari faoliyati samaradorligini baholash tizimini takomillashtirish chora-tadbirlari toʻgʻrisida”gi PF-49-son Farmonining 2-bandi uchinchi xatboshisi hamda 7-bandi ikkinchi xatboshisidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

8. Oʻzbekiston Respublikasi Prezidentining 2024-yil 19-iyundagi “Xalqaro reyting va indekslar bilan ishlash tizimini takomillashtirish hamda ushbu sohada parlament nazoratini kuchaytirish boʻyicha qoʻshimcha chora-tadbirlar toʻgʻrisida”gi PF-91-son Farmoniga 1-ilovaning 25-bandidagi “B.A. Begalov — Statistika agentligi direktori” soʻzlari “B.S. Hamrayev — Milliy statistika qoʻmitasi raisi” soʻzlari bilan almashtirilsin.

9. Oʻzbekiston Respublikasi Prezidentining 2024-yil 10-iyuldagi “Budjet mablagʻlaridan foydalanish ustidan moliyaviy nazoratni kuchaytirish boʻyicha qoʻshimcha chora-tadbirlar toʻgʻrisida”gi PF-100-son Farmoniga 3-ilovaning 27-bandidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

10. Oʻzbekiston Respublikasi Prezidentining 2024-yil 23-iyuldagi “Zargarlik buyumlarini ishlab chiqarish sohasini yanada rivojlantirish va ularning raqobatbardoshligini taʼminlash chora-tadbirlari toʻgʻrisida”gi PF-104-son Farmoniga 4-ilovaning 6-pozitsiyasi “Amalga oshirish mexanizmi” ustuni 4-bandidagi “Statistika agentligiga” soʻzlari “Milliy statistika qoʻmitasiga” soʻzlari bilan, “Ijro uchun masʼullar” ustunidagi “Statistika agentligi (B. Begalov)” soʻzlari “Milliy statistika qoʻmitasi (B. Hamrayev)” soʻzlari bilan almashtirilsin.

11. Oʻzbekiston Respublikasi Prezidentining 2024-yil 23-iyuldagi “Oʻzbekiston Respublikasi Prezidenti huzurida Iqlim kengashini tashkil etish toʻgʻrisida”gi PF-106-son Farmoniga 1-ilovaning 22-bandidagi “B.A. Begalov — Oʻzbekiston Respublikasi Prezidenti huzuridagi Statistika agentligi direktori” soʻzlari “B.S. Hamrayev — Oʻzbekiston Respublikasi Milliy statistika qoʻmitasi raisi” soʻzlari bilan almashtirilsin.

12. Oʻzbekiston Respublikasi Prezidentining 2024-yil 6-sentabrdagi “Tadbirkorlik va shaharsozlik faoliyatini amalga oshirishda yer resurslarining investitsiyaviy imkoniyatlaridan samarali foydalanish chora-tadbirlari toʻgʻrisida”gi PF-135-son Farmoni 1-bandining “b” kichik bandida “barcha turdagi yer uchastkalarining” soʻzlaridan keyin “(qishloq xoʻjaligiga moʻljallangan yer uchastkalari bundan mustasno)” soʻzlari bilan toʻldirilsin.

13. Oʻzbekiston Respublikasi Prezidentining 2025-yil 3-fevraldagi “Qishloq xoʻjaligi ekin maydonlari unumdorligini oshirish, tarmoqqa investitsiyalar jalb qilish uchun qulay shart-sharoit yaratish boʻyicha navbatdagi chora-tadbirlar toʻgʻrisida”gi PF-18-son Farmonida:

(a) 9-bandning uchinchi xatboshisidagi “davlat korxonalari” soʻzlari “masʼuliyati cheklangan jamiyatlari” soʻzlari bilan almashtirilsin;

(b) 1-ilovaning 1-bandi oltinchi xatboshisidagi “davlat korxonasiga” soʻzlari “masʼuliyati cheklangan jamiyatiga” soʻzlari bilan almashtirilsin.

14. Oʻzbekiston Respublikasi Prezidentining 2025-yil 24-fevraldagi “Statistika ishlarini tashkil etish va yuritish tizimini yangi bosqichga olib chiqish boʻyicha qoʻshimcha chora-tadbirlar toʻgʻrisida”gi PF-27-son Farmonining 12-bandida:

(a) birinchi xatboshidagi “2025-yil yakuniga qadar” soʻzlari “2026-yil 1-iyunga qadar” soʻzlari bilan almashtirilsin;

(b) “v” kichik band quyidagi mazmundagi yettinchi xatboshi bilan toʻldirilsin:

“(vi) aholi va qishloq xoʻjaligini roʻyxatga olish natijalari asosida aholi jon boshiga nisbatan shakllantiriladigan koʻrsatkichlarni qayta hisoblashni amalga oshirish”.

15. Oʻzbekiston Respublikasi Prezidentining 2019-yil 8-maydagi PQ-4312-son qarori bilan tasdiqlangan Oʻzbekiston Respublikasi maktabgacha taʼlim tizimini 2030-yilgacha rivojlantirish konsepsiyasiga ilovaning 1 — 4, 10-pozitsiyalari “Axborot manbalari” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

16. Oʻzbekiston Respublikasi Prezidentining 2020-yil 3-avgustdagi “Oʻzbekiston Respublikasining milliy statistika tizimini yanada takomillashtirish va rivojlantirish chora-tadbirlari toʻgʻrisida”gi PQ-4796-son qaroriga 2-ilovaning 6-pozitsiyasida:

(a) “Amalga oshirish mexanizmi” ustuni 4 va 5-bandlari quyidagi tahrirda bayon etilsin:

“4. Xarajatlarni maqbullashtirish va maʼlumot almashish samaradorligini oshirish maqsadida biznesni roʻyxatga olishni tashkil etish boʻyicha Statistik registrlarning raqamli bazasi axborot tizimini ishlab chiqish.

5. Statistik registrlarning raqamli bazasi yordamida biznes-registr modulini ishga tushirish”;

(b) “Bajarish muddati” ustunidagi “2023-2024-yillarda” hamda “2025-yil iyul” soʻzlari tegishincha “2025-yil noyabr” va “2025-yil dekabr” soʻzlari bilan almashtirilsin.

17. Oʻzbekiston Respublikasi Prezidentining 2021-yil 9-avgustdagi “Yetim bolalar va ota-ona qaramogʻidan mahrum boʻlgan bolalarni davlat tomonidan qoʻllab-quvvatlashning yangi tizimini joriy etish chora-tadbirlari toʻgʻrisida”gi PQ-5216-son qarorining 4-bandi toʻrtinchi xatboshisidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

18. Oʻzbekiston Respublikasi Prezidentining 2021-yil 5-noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari toʻgʻrisida”gi PQ-5282-son qaroriga 1-ilovaning 7-pozitsiyasi “Masʼul ijrochilar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

19. Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida”gi PQ-436-son qaroriga 5-ilovaning 12-bandidagi “B.A. Begalov — Statistika agentligi direktori” soʻzlari “B.S. Hamrayev — Milliy statistika qoʻmitasi raisi” soʻzlari bilan almashtirilsin.

20. Oʻzbekiston Respublikasi Prezidentining 2023-yil 24-martdagi “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida”gi PQ-101-son qaroriga 5-ilovaning 4-pozitsiyasi “Vazirlik va idoralar nomi” ustunidagi “Oʻzbekiston Respublikasi Prezidenti huzuridagi Statistika agentligi” soʻzlari “Oʻzbekiston Respublikasi Milliy statistika qoʻmitasi” soʻzlari bilan almashtirilsin.

21. Oʻzbekiston Respublikasi Prezidentining 2023-yil 2-iyundagi “Oʻzbekiston Respublikasining Jahon savdo tashkilotiga aʼzo boʻlish jarayonini jadallashtirishga doir qoʻshimcha chora-tadbirlar toʻgʻrisida”gi PQ-181-son qaroriga 1-ilovaning 16-bandidagi “A.A. Ikramov — Statistika agentligi direktorining oʻrinbosari” soʻzlari “R.D. Maxammadiyev — Milliy statistika qoʻmitasi raisining oʻrinbosari” soʻzlari bilan almashtirilsin.

22. Oʻzbekiston Respublikasi Prezidentining 2023-yil 11-sentabrdagi “Shaharsozlik faoliyati sohasida davlat boshqaruvi tizimini yanada takomillashtirish hamda 2023 — 2027-yillarda aholi punktlarining shaharsozlik hujjatlarini ishlab chiqish dasturlarini tasdiqlash chora-tadbirlari toʻgʻrisida”gi PQ-299-son qarorida:

(a) 6-ilovaning 18-pozitsiyasi “Maʼlumot/baza taqdim etuvchi idora” ustunidagi “Oʻzbekiston Respublikasi Prezidenti huzuridagi Statistika agentligi” soʻzlari “Oʻzbekiston Respublikasi Milliy statistika qoʻmitasi” soʻzlari bilan almashtirilsin;

(b) 7-ilovaning 5-pozitsiyasi “Masʼul ijrochilar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

23. Oʻzbekiston Respublikasi Prezidentining 2023-yil 14-sentabrdagi “Birlashgan Millatlar Tashkilotining “Elektron hukumat tadqiqoti” hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi PQ-308-son qarorida:

(a) 4-ilovaning 4-bandidagi “Z. Ziyayev — Oʻzbekiston Respublikasi Prezidenti huzuridagi Statistika agentligi direktori oʻrinbosari” soʻzlari “Z. Ziyayev — Oʻzbekiston Respublikasi Milliy statistika qoʻmitasi raisi oʻrinbosari” soʻzlari bilan almashtirilsin;

(b) 5-ilovaning 4-bandidagi “Z. Ziyayev — Oʻzbekiston Respublikasi Prezidenti huzuridagi Statistika agentligi direktori oʻrinbosari” soʻzlari “Z. Ziyayev — Oʻzbekiston Respublikasi Milliy statistika qoʻmitasi raisi oʻrinbosari” soʻzlari bilan almashtirilsin.

24. Oʻzbekiston Respublikasi Prezidentining 2024-yil 9-yanvardagi “Tadbirkorlik subyektlari tomonidan davlat organlariga hisobot va statistik maʼlumotlarni taqdim etish jarayonlarini yanada soddalashtirish chora-tadbirlari toʻgʻrisida”gi PQ-8-son qarorida:

(a) 1-bandning birinchi xatboshisidagi “Statistika agentligining” soʻzlari “Milliy statistika qoʻmitasining” soʻzlari bilan almashtirilsin;

(b) 2-bandda:

(i) “b” kichik banddagi “Statistika agentligiga” soʻzlari “Milliy statistika qoʻmitasiga” soʻzlari bilan almashtirilsin;

(ii) “v” kichik banddagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin;

(v) 5-banddagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin;

(g) 2-ilovaning matni quyidagi tahrirda bayon etilsin:

“Tadbirkorlik subyektlari tomonidan davlat organlariga taqdim etiladigan hisobot va statistik maʼlumotlarning

YAGONA ROʻYXATI

T/r	Hisobot turi	Hisobot taqdim etuvchi subyekt	Hisobotni qabul qiluvchi organ	Hisobotni taqdim etish davriyligi
1.	Tijorat bankining buxgalteriya balansi toʻgʻrisida moliyaviy hisoboti	Tijorat banklari	Soliq organlari	Choraklik va yillik
2.	Tijorat bankining foyda va zararlar toʻgʻrisida moliyaviy hisoboti	Tijorat banklari	Soliq organlari	Choraklik va yillik
3.	Qoʻshilgan qiymat soligʻi boʻyicha hisobot	Tadbirkorlik subyektlari	Soliq organlari	Oylik
4.	Aksiz soligʻi boʻyicha hisobot	Tadbirkorlik subyektlari	Soliq organlari	Oylik
5.	Foyda soligʻi boʻyicha hisobot	Tadbirkorlik subyektlari	Soliq organlari	Oylik va choraklik
6.	Jismoniy shaxslardan olinadigan daromad soligʻi, qatʼiy belgilangan miqdorlardagi soliq summalari va ijtimoiy soliq boʻyicha hisobot	Tadbirkorlik subyektlari	Soliq organlari	Oylik
7.	Yer qaʼridan foydalanganlik uchun soliq boʻyicha hisobot	Tadbirkorlik subyektlari	Soliq organlari	Oylik
8.	Suv resurslaridan foydalanganlik uchun soliq boʻyicha hisobot	Tadbirkorlik subyektlari	Soliq organlari	Yillik
9.	Yuridik shaxslarning mol-mulkiga solinadigan soliq boʻyicha hisobot	Tadbirkorlik subyektlari	Soliq organlari	Yillik
10.	Yuridik shaxslardan olinadigan yer soligʻi boʻyicha hisobot	Tadbirkorlik subyektlari	Soliq organlari	Yillik
11.	Aylanmadan olinadigan soliq boʻyicha hisobot	Tadbirkorlik subyektlari	Soliq organlari	Oylik
12.	Olingan maqsadli mablagʻlardan foydalanganlik boʻyicha hisobot	Tadbirkorlik subyektlari	Soliq organlari	Yillik
13.	Davlat boji va yigʻimlar boʻyicha hisobot	Tadbirkorlik subyektlari	Soliq organlari	Choraklik
14.	Moliyaviy hisobotning xalqaro standartlarga oʻtgan yuridik shaxslarning soliqlarini hisoblab chiqish uchun zarur boʻlgan koʻrsatkichlar boʻyicha hisobot	Tadbirkorlik subyektlari	Soliq organlari	Yillik
15.	Foydali qazilmalarni qazib olganlik uchun maxsus renta soligʻi boʻyicha hisobot	Tadbirkorlik subyektlari	Soliq organlari	Choraklik
16.	Moliyaviy holat toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
17.	Moliyaviy hisobotlar boʻyicha izohlar (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
18.	Foyda yoki zarar va boshqa umumlashgan daromad toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
19.	Xususiy kapitaldagi oʻzgarishlar toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
20.	Pul mablagʻlari harakati toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
21.	Izohlar, hisob-kitoblar va tushuntirishlar	Tadbirkorlik subyektlari	Soliq organlari	Yillik
22.	Buxgalteriya balansi — 1-sonli shakl	Tadbirkorlik subyektlari	Soliq organlari	Yillik
23.	Moliyaviy natijalar toʻgʻrisidagi hisobot — 2-sonli shakl	Tadbirkorlik subyektlari	Soliq organlari	Yillik
24.	Pul oqimlari toʻgʻrisidagi hisobot — 4-sonli shakl	Tadbirkorlik subyektlari	Soliq organlari	Yillik
25.	Xususiy kapital toʻgʻrisidagi hisobot — 5-sonli shakl	Tadbirkorlik subyektlari	Soliq organlari	Yillik
26.	Investitsiya faoliyati, bino va inshootlarni foydalanishga topshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
27.	Investitsiya faoliyati, bino va inshootlarni foydalanishga topshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
28.	Oʻzbekiston Respublikasiga chet eldan kiritilgan investitsiyalar va Oʻzbekiston Respublikasidan chet elga yoʻnaltirilgan investitsiyalar toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
29.	Dehqon bozorlari, savdo majmualari va ixtisoslashgan bozorlardagi savdo joylari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
30.	Mahsulotlar va materiallar ishlab chiqarishni mahalliylashtirish chora-tadbirini amalga oshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
31.	Yoqilgʻi yetkazish va uning kelib tushish manbalari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
32.	Yoqilgʻi va energiya kelib tushishi, sarfi va qoldiqlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
33.	Elektr energiya manbalari va taqsimoti toʻgʻrisidagi statistika hisoboti (ishlab chiqarish)	Yuridik shaxslar va ularning alohida boʻlinmalari	Statistika organlari	Yillik
34.	Elektr energiya manbalari va taqsimoti toʻgʻrisidagi statistika hisoboti (tarmoq)	Yuridik shaxslar va ularning alohida boʻlinmalari	Statistika organlari	Yillik
35.	Pilla xaridi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	mavsumiy
36.	Qishloq xoʻjaligi faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Yillik
37.	Fermer xoʻjaligi faoliyati toʻgʻrisidagi statistika hisoboti	Fermer xoʻjaliklari	Statistika organlari	Yillik
38.	Fermer xoʻjaligi faoliyati toʻgʻrisidagi statistika hisoboti	Fermer xoʻjaliklari	Statistika organlari	Choraklik
39.	Mehnat hisoboti	Yuridik shaxslar va ularning alohida boʻlinmalari	Statistika organlari	Choraklik
40.	Kasb va lavozimlar boʻyicha xodimlarning ish haqi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
41.	Koʻp kvartirali uylarni boshqarish organlari faoliyati toʻgʻrisida hisobot	Yuridik shaxslar va ularning alohida boʻlinmalari	Statistika organlari	Yillik
42.	Avtomobil, elektr (tramvay, metropoliten, trolleybus) transporti ishi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
43.	Umumiy foydalanilmaydigan temir yoʻl transporti toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
44.	Umumiy foydalanishdagi havo transporti xizmatlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
45.	Axborotlashtirish vositalari va axborot-kommunikatsiya texnologiyalaridan foydalanish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
46.	Maktabdan tashqari taʼlim tashkilotining statistika hisoboti	Yuridik shaxslar va ularning alohida boʻlinmalari	Statistika organlari	Yillik
47.	Tashrif buyuruvchilarga xizmat koʻrsatish va joylashtirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
48.	Tashkilot xoʻjalik faoliyatining asosiy koʻrsatkichlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
49.	Asosiy vositalarning mavjudligi va harakati hamda boshqa nomoliyaviy aktivlar toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
50.	Tashkilotning moliyaviy ahvoli toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
51.	Tashkilot faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Oylik
52.	Maxsus iqtisodiy zona, kichik sanoat zona, texnopark ishtirokchisi boʻlgan tashkilotlar va klasterlar faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Choraklik
53.	Aholiga tibbiy yordam koʻrsatuvchi muassasalar faoliyati toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
54.	Insonparvarlik yordamining kelib tushishi va ularning oʻzlashtirilishi toʻgʻrisida hisobot	Yuridik shaxslar	Iqtisodiyot va moliya vazirligi	Choraklik
55.	Texnik koʻmaklashish vositalarining kelib tushishi va ularning oʻzlashtirilishi toʻgʻrisida hisobot	Yuridik shaxslar	Investitsiyalar, sanoat va savdo vazirligi	Choraklik
56.	Oʻz mablagʻlari va investitsiya aktivlarining oʻrtacha yillik qiymati toʻgʻrisida hisobot	Qimmatli qogʻozlar bozorining professional ishtirokchisi	Istiqbolli loyihalar milliy agentligi	Choraklik
57.	Toʻlov qobiliyati marjasining yetarliligi normativi hisob-kitoblari (umumiy, hayot yoki faqat qayta sugʻurta boʻyicha)	Sugʻurta tashkilotlari	Istiqbolli loyihalar milliy agentligi	Choraklik va yillik
58.	Alohida tavakkalchiliklar boʻyicha majburiyatlarning yoʻl qoʻyiladigan eng koʻp miqdori va majburiyatlar jamining yoʻl qoʻyiladigan eng koʻp miqdori normativlariga rioya qilganligi hamda sugʻurtalovchi (qayta sugʻurtalovchi) aktivlarini joylashtirishga oid talablarga rioya qilinganligi toʻgʻrisida maʼlumotlar	Sugʻurta tashkilotlari	Istiqbolli loyihalar milliy agentligi	Choraklik va yillik
59.	Har qanday bitta yuridik shaxsning ustav kapitalida ishtirok etish ulushi hisob-kitobi	Sugʻurta tashkilotlari	Istiqbolli loyihalar milliy agentligi	Choraklik va yillik
60.	Bitta bogʻliq shaxs yoki barcha bogʻliq shaxslarda joylashtirilgan aktivlari summasi hisob-kitobi	Sugʻurta tashkilotlari	Istiqbolli loyihalar milliy agentligi	Choraklik va yillik
61.	Qayta sugʻurta operatsiyalariga oid talablarga rioya qilganligi toʻgʻrisida maʼlumotlar	Sugʻurta tashkilotlari	Istiqbolli loyihalar milliy agentligi	Choraklik va yillik
62.	Transport vositalari egalarining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik
63.	Ish beruvchining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik
64.	Tashuvchining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
65.	Sugʻurta zaxiralarining umumiy miqdori	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
66.	Aktivlar tarkibi toʻgʻrisida maʼlumot	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
67.	Davlat ulushlarini boshqarish boʻyicha hisobot	Ustav fondidagi davlat ulushi davlatning ishonchli vakillariga ishonchli boshqaruvga berilgan xoʻjalik jamiyatlari	Davlat aktivlarini boshqarish agentligi	Choraklik
68.	Biznes-rejaning bajarilishi toʻgʻrisida tashkilotning ijro etuvchi organi hisoboti	Ustav kapitalida davlat ulushi mavjud xoʻjalik jamiyatlar	Davlat aktivlarini boshqarish agentligi	Choraklik
69.	Samaradorlikning muhim koʻrsatkichlari (SMK) bajarilishi toʻgʻrisida hisobot	Ustav kapitalida davlat ulushi mavjud xoʻjalik jamiyatlar	Davlat aktivlarini boshqarish agentligi	Choraklik
70.	Investitsiya majburiyatlarining bajarilishi toʻgʻrisida hisobot	Investitsiya majburiyatlari bilan davlat aktivini sotib olgan tadbirkorlik subyektlari	Davlat aktivlarini boshqarish agentligi	Oldi-sotdi shartnomasiga muvofiq
71.	Davlat unitar korxonalarining mol-mulklari hamda ularni realizatsiya qilishdan olingan tushumlar boʻyicha hisobot (har birini alohida shaklda)	Davlat unitar korxonalari	Davlat aktivlarini boshqarish agentligi	Choraklik
72.	Tovar, moliya va raqamli bozorlar toʻgʻrisida hisobot	Tahlil qilinayotgan bozor ishtirokchilari	Raqobatni rivojlantirish va isteʼmolchilar huquqlarini himoya qilish qoʻmitasi	Zaruratga koʻra
73.	Ishlab chiqaruvchilarning sanoat mahsulotlari miqdori va narxlari toʻgʻrisida hisobot	Farmatsevtika faoliyatining dori vositalari ishlab chiqarish huquqiga ega litsenziatlar	Sogʻliqni saqlash vazirligi	Oylik
74.	Taʼlim tashkiloti, taʼlim oluvchilar va pedagog xodimlar toʻgʻrisida maʼlumotlar	Nodavlat oliy, professional taʼlim tashkilotlari	Oliy taʼlim, fan va innovatsiyalar vazirligi	Choraklik
75.	Telekommunikatsiya xizmatlari sifati toʻgʻrisida hisobot	Telekommunikatsiya va pochta aloqasi xizmatlarini koʻrsatuvchi xoʻjalik yurituvchi subyektlar	Raqamli texnologiyalar vazirligi	Choraklik
76.	Pochta aloqasi va davriy bosma nashrlarni tarqatish xizmatlarining sifati toʻgʻrisida hisobot	Telekommunikatsiya va pochta aloqasi xizmatlarini koʻrsatuvchi xoʻjalik yurituvchi subyektlar	Raqamli texnologiyalar vazirligi	Choraklik
77.	Televideniye, radioaloqa (mobil aloqa) va radioeshittirish texnik vositalarining ish sifati toʻgʻrisida hisobot	Mobil aloqa operatorlari va teleradiodasturlarni tarqatish (efir, kabel, efir-kabel televideniyesi, radioeshittirish) xizmatlarini koʻrsatadigan xoʻjalik yurituvchi subyektlar	Raqamli texnologiyalar vazirligi	Choraklik
78.	Shaharlararo aloqa liniyalari, traktlari va kanallarining ish sifati toʻgʻrisida hisobot	“Oʻzbekiston telekommunikatsiya tarmoqlarini boshqarish respublika markazi” DUK, “Oʻzbektelekom” AK	Raqamli texnologiyalar vazirligi	Choraklik
79.	Sanoat korxonalariga biriktirilgan hududlardagi tuproq degradatsiyasi va ifloslanishi toʻgʻrisida maʼlumot	Tabiiy resurslarni qazib oluvchi va qayta ishlovchi yirik sanoat korxonalari	Qishloq xoʻjaligi vazirligi	Choraklik
80.	Biznes-reja va bitim parametrlariga rioya qilish holati toʻgʻrisida maʼlumot	Paxta-toʻqimachilik klasterlari	Qishloq xoʻjaligi vazirligi	Yillik
81.	Yer osti suvlarini olish va berishda suv miqdori toʻgʻrisida hisobot	Yer osti suvlaridan foydalanuvchilar	Togʻ-kon sanoati va geologiya vazirligi tizimidagi “Oʻzbekgidrogeologiya” DM	Yillik
82.	Foydali qazilmalarni qazib olishda foydali qazilmalar zaxirasi harakati toʻgʻrisidagi hisobot	Yer qaʼridan foydalanuvchilar	Togʻ-kon sanoati va geologiya vazirligi huzuridagi “Yer qaʼridan foydalanish markazi” DM	Choraklik
83.	Markaziy bank faoliyatining asosiy maqsadlarini hamda nazoratga doir vazifalarini amalga oshirish uchun zarur boʻlgan axborot va hisobotlar	Markaziy bank tomonidan faoliyati tartibga solinadigan va nazorati amalga oshiriladigan tashkilotlar	Markaziy bank	Davriy
84.	Temir yoʻl transportiga oid tashqi sektor statistikasi boʻyicha maʼlumot	“Oʻzbekiston temir yoʻllari” AJ, ichki va xalqaro yoʻnalishlarda yuk va yoʻlovchi tashish faoliyati bilan shugʻullanuvchi tashkilotlar	Markaziy bank	Choraklik
85.	Xorijiy investorlar ishtirokidagi tashkilotlarning kapitali, norezidentlarning ulushlari va ularga toʻlangan dividendlar, shuningdek, norezidentlarga koʻrsatilgan xizmatlar toʻgʻrisida maʼlumotlar	Lizing tashkilotlari va boshqa nobank moliyaviy tashkilotlar	Markaziy bank	Choraklik
86.	Norezidentlarni tashish va norezidentlar bilan tovar va xizmatlar savdosi toʻgʻrisida maʼlumotlar	Aviatsiya va avtomobil yoʻllari sohasida faoliyat yurituvchi tashkilotlar	Markaziy bank	Choraklik
87.	Tabiiy gazning eksport va import hajmlari toʻgʻrisidagi maʼlumotlar hamda mahsulot taqsimotiga oid bitimlar (MTB) va investitsiya bitimlari asosida faoliyat yurituvchi tashkilotlarning ishlab chiqarish, eksporti va daromadlarini taqsimlash hamda chet el investorlarining investitsiyalari toʻgʻrisida maʼlumotlar	Tabiiy gaz eksport va importini amalga oshiruvchi hamda MTB va investitsiya bitimlari asosida faoliyat yurituvchi tashkilotlar	Markaziy bank	Choraklik
88.	Nobank va boshqa moliyaviy tashkilotlar sharhini shakllantirish boʻyicha statistik hisobotlar	Nobank va boshqa moliyaviy tashkilotlar	Markaziy bank	Choraklik, yillik
89.	Ishlab chiqarilgan va realizatsiya qilingan alkogol, pivo va tamaki mahsulotlari hajmlari, shuningdek, ularni sotishdan tushgan daromad miqdori haqida maʼlumot	Tadbirkorlik subyektlari	Investitsiyalar, sanoat va savdo vazirligi	Zaruratga koʻra

Izohlar:

1. Yagona roʻyxatga oʻzgartirish va qoʻshimchalar kiritish Vazirlar Mahkamasi tomonidan amalga oshirilishi mumkin.

2. “Rasmiy statistika toʻgʻrisida”gi Qonunning 9-moddasiga muvofiq rasmiy statistika sohasidagi vakolatli davlat organi oʻz vakolatlari doirasida statistika uslubiyatlarini va xalqaro tavsiyalarga muvofiq boʻlgan statistika kuzatuvlarining shakllarini ishlab chiqadi, tasdiqlaydi hamda joriy etadi.

3. Yagona roʻyxatga kiritilgan hisobot va statistik maʼlumotlar shakllari qonunchilik hujjatlarida belgilangan tartibda tegishli vakolatli organlar tomonidan tasdiqlanadi”;

(d) 3-ilovaning 2-bandidagi “B.A. Begalov — Statistika agentligi direktori” soʻzlari “B.S. Hamrayev — Milliy statistika qoʻmitasi raisi” soʻzlari bilan almashtirilsin;

(j) 4-ilovada:

(i) 3-pozitsiya “Amalga oshirish mexanizmlari” ustuni 1-bandidagi “Statistika agentligiga” soʻzlari “Milliy statistika qoʻmitasiga” soʻzlari bilan, “Ijro uchun masʼullar” ustunidagi “Statistika agentligi (Begalov)” soʻzlari “Milliy statistika qoʻmitasi (Hamrayev)” soʻzlari bilan almashtirilsin;

(ii) 5 — 7-pozitsiyalar “Ijro uchun masʼullar” ustunidagi “Statistika agentligi (Begalov)” soʻzlari “Milliy statistika qoʻmitasi (Hamrayev)” soʻzlari bilan almashtirilsin;

(iii) 6-pozitsiya “Ijro muddatlari” ustunidagi “2025-yil aprel” soʻzlari “2026-yil aprel” soʻzlari bilan almashtirilsin.

25. Oʻzbekiston Respublikasi Prezidentining 2024-yil 1-apreldagi “Oʻzbekiston Respublikasi Prezidentining qishloq xoʻjaligi va oziq-ovqat mahsulotlarini yetishtiruvchi, ishlab chiqaruvchi va ularni eksport qiluvchi tadbirkorlar bilan oʻtkazilgan muloqotida belgilangan vazifalarni amalga oshirish chora-tadbirlari toʻgʻrisida”gi PQ-146-son qaroriga 3-ilovaning 25-pozitsiyasi “Masʼul ijrochilar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

26. Oʻzbekiston Respublikasi Prezidentining 2024-yil 5-apreldagi “Yoshlarga yer ajratish orqali ularning daromadlarini oshirish va bandligini taʼminlash, shuningdek, yangi yer maydonlarini oʻzlashtirish chora-tadbirlari toʻgʻrisida”gi PQ-153-son qarorining 1-bandi “a” kichik bandida:

(a) ikkinchi xatboshi chiqarib tashlansin;

(b) uchinchi xatboshi ikkinchi xatboshi deb hisoblansin.

27. Oʻzbekiston Respublikasi Prezidentining 2024-yil 29-apreldagi “Ijtimoiy va ishlab chiqarish infratuzilmasini rivojlantirish boʻyicha davlat dasturlarini shakllantirish va amalga oshirish jarayonlarini samarali tashkil etishning qoʻshimcha choralari toʻgʻrisida”gi PQ-165-son qaroriga 1-ilovaning 3-pozitsiyasi “Vazirlik va idoralar nomi” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

28. Oʻzbekiston Respublikasi Prezidentining 2024-yil 3-iyundagi “Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshida Alkogol va tamaki bozorini tartibga solish inspeksiyasi faoliyatini tashkil etish toʻgʻrisida”gi PQ-204-son qarorining 11-bandidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

29. Oʻzbekiston Respublikasi Prezidentining 2024-yil 20-iyundagi “Qishloq xoʻjaligi va oziq-ovqat sohasidagi islohotlarni jadallashtirish boʻyicha qoʻshimcha chora-tadbirlar toʻgʻrisida”gi PQ-227-son qarorida:

(a) 1-bandning birinchi xatboshisi quyidagi tahrirda bayon etilsin:

“1. Qishloq xoʻjaligi va oziq-ovqat sohasidagi islohotlarni samarali tashkil etishni yanada jadallashtirish maqsadida Qishloq xoʻjaligi vazirligi huzurida davlat muassasasi shaklida “Qishloq xoʻjaligi va oziq-ovqat sohasidagi loyihalar markazi” loyiha ofisi (keyingi oʻrinlarda — Loyiha ofisi) tashkil etilsin”;

(b) 3-band quyidagi tahrirda bayon etilsin:

“3. Belgilansinki:

Loyiha ofisi direktori qishloq xoʻjaligi vaziri tomonidan lavozimga tayinlanadi va lavozimidan ozod etiladi;

Loyiha ofisi shtat birliklari Qishloq xoʻjaligi vazirligi, Veterinariya va chorvachilikni rivojlantirish qoʻmitasi, Oʻsimliklar karantini va himoyasi agentligi, Qishloq xoʻjaligida bilim va innovatsiyalar milliy markazi hamda tizim tashkilotlarining amaldagi shtatlari doirasida shakllantiriladi;

Loyiha ofisi har oyda qishloq xoʻjaligi va oziq-ovqat sohasini isloh qilish holati, amalga oshirilayotgan chora-tadbirlar, islohotlarni amalga oshirishga toʻsqinlik qilayotgan omillar va ularni bartaraf etish yoʻllari toʻgʻrisida qishloq xoʻjaligi vaziriga axborot kiritib boradi;

davlat organlari rahbarlari Loyiha ofisiga har tomonlama koʻmaklashadi, shu jumladan, uning soʻroviga koʻra oʻz xodimlarining oylik ish haqi va unga tenglashtirilgan toʻlovlarni saqlab qolgan holda ekspert sifatida yuborilishini taʼminlaydi;

Qishloq xoʻjaligi vazirligining tizim tashkilotlari hamda boshqa davlat organlari Loyiha ofisi tomonidan ishlab chiqilgan taklif va tavsiyalarning belgilangan muddatlarda sifatli amalga oshirilishini taʼminlaydi”;

(v) 4-banddagi “Oʻzbekiston Respublikasi Prezidenti Administratsiyasi” soʻzlari “Qishloq xoʻjaligi vaziri” soʻzlari bilan almashtirilsin;

(g) 5-band quyidagi tahrirda bayon etilsin:

“5. Loyiha ofisini moliyalashtirish manbalari etib quyidagilar belgilansin:

2026-yildan boshlab Qishloq xoʻjaligi vazirligiga birinchi darajali budjet mablagʻlari taqsimlovchisi sifatida Davlat budjetidan ajratiladigan mablagʻlar;

Loyiha ofisining asoslangan takliflariga koʻra Oʻzbekiston Respublikasi Prezidenti huzuridagi Strategik rivojlanish va islohotlar agentligi hisobidan ajratiladigan mablagʻlar;

xalqaro moliya institutlari va xorijiy hukumat moliya tashkilotlari ishtirokidagi loyihalar doirasida jalb qilinadigan grant mablagʻlari;

jismoniy va yuridik shaxslarning homiylik xayriyalari;

qonunchilik hujjatlarida taqiqlanmagan boshqa manbalar”;

(d) 6-band quyidagi tahrirda bayon etilsin:

“6. Qishloq xoʻjaligi vazirligi ikki oy muddatda Loyiha ofisining nizomini, shuningdek, uning tuzilmasi, shtat birliklari sonini tasdiqlasin.

Bunda Loyiha ofisi xodimlariga Qishloq xoʻjaligi vazirligi markaziy apparati xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi”;

(j) 7-bandning “a” kichik bandida:

(i) ikkinchi xatboshi chiqarib tashlansin;

(ii) uchinchi — sakkizinchi xatboshilar tegishincha ikkinchi — yettinchi xatboshilar deb hisoblansin;

(z) 10-bandning ikkinchi xatboshisi quyidagi tahrirda bayon etilsin:

“Loyiha ofisi unga yuklatilgan vazifalarni bajarish uchun zarur bino bilan taʼminlasin”.

30. Oʻzbekiston Respublikasi Prezidentining 2024-yil 15-avgustdagi “Hududlarda sanoat salohiyatini yanada oshirish boʻyicha qoʻshimcha chora-tadbirlar toʻgʻrisida”gi PQ-295-son qarorining 2-bandi “b” kichik bandidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

31. Oʻzbekiston Respublikasi Prezidentining 2024-yil 23-sentabrdagi “Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida”gi PQ-330-son qarorining 6-bandida:

(a) ikkinchi xatboshi “koʻzda tutilsin” soʻzlari bilan toʻldirilsin;

(b) uchinchi xatboshi chiqarib tashlansin.

32. Oʻzbekiston Respublikasi Prezidentining 2024-yil 14-oktabrdagi “Sunʼiy intellekt texnologiyalarini 2030-yilga qadar rivojlantirish strategiyasini tasdiqlash toʻgʻrisida”gi PQ-358-son qarorida:

(a) 1-ilovaga ilovaning 3-4-pozitsiyalari “Masʼul ijrochilar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin;

(b) 3-ilovaning 1-pozitsiyasi “Masʼul tashkilotlar” ustunidagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin.

33. Oʻzbekiston Respublikasi Prezidentining 2024-yil 24-dekabrdagi “2025 — 2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi PQ-454-son qarorida:

(a) 1a-ilovaning 17-pozitsiyasi “Sohalar nomi” ustunidagi “Oʻzbekiston Respublikasi Prezidenti huzuridagi Statistika agentligi” soʻzlari “Oʻzbekiston Respublikasi Milliy statistika qoʻmitasi” soʻzlari bilan almashtirilsin;

(b) 16-ilovaning 1 va 76-pozitsiyalari “Obyekt nomi va manzili” ustunidagi “Oʻzbekiston Respublikasi Prezidenti huzuridagi Statistika agentligi” soʻzlari “Oʻzbekiston Respublikasi Milliy statistika qoʻmitasi” soʻzlari bilan almashtirilsin.

34. Oʻzbekiston Respublikasi Prezidentining 2024-yil 25-dekabrdagi “Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-455-son qarorida:

(a) 21-banddagi “Statistika agentligi” soʻzlari “Milliy statistika qoʻmitasi” soʻzlari bilan almashtirilsin;

(b) 7-ilovaning 15 va 15.1 pozitsiyalari “Rivojlantirish dasturi va maqsadli indikatorlar nomi” ustunidagi tegishli kelishikdagi “Statistika agentligi” soʻzlari tegishli kelishikdagi “Milliy statistika qoʻmitasi” soʻzlari bilan almashtirilsin.

35. Oʻzbekiston Respublikasi Prezidentining 2024-yil 31-dekabrdagi “Mamlakatning ijtimoiy, siyosiy va iqtisodiy rivojlanish sohalaridagi strategik tahlil va tadqiqot qilish faoliyatini samarali tashkil etish chora-tadbirlari toʻgʻrisida”gi PQ-467-son qaroriga 2-ilovaning 3-bandidagi “B.A. Begalov — Oʻzbekiston Respublikasi Prezidenti huzuridagi Statistika agentligi direktori” soʻzlari “B.S. Hamrayev — Oʻzbekiston Respublikasi Milliy statistika qoʻmitasi raisi” soʻzlari bilan almashtirilsin.

36. Oʻzbekiston Respublikasi Prezidentining 2025-yil 24-fevraldagi “Oʻzbekiston Respublikasi Milliy statistika qoʻmitasi faoliyatini tashkil etish chora-tadbirlari toʻgʻrisida”gi PQ-75-son qarorida:

(a) 5-bandning birinchi xatboshisidagi “1 392 ta” soʻzlari “1 425 ta” soʻzlari bilan almashtirilsin;

(b) 7-ilovaning 7-pozitsiyasi “Amalga oshirish muddati” ustunidagi “2025-yil 1-sentabrdan boshlab” soʻzlari “2026-yil 1-sentabrdan boshlab” soʻzlari bilan almashtirilsin.

37. Oʻzbekiston Respublikasi Prezidentining 2025-yil 3-noyabrdagi “Qoraqalpogʻiston Respublikasida chorvachilik xoʻjaliklari ozuqa bazasini mustahkamlash va qishloq xoʻjaligidagi mavjud resurslardan samarali foydalanish chora-tadbirlari toʻgʻrisida”gi PQ-334-son qaroriga 3-ilovaning 7-pozitsiyasi “Amalga oshirish mexanizmi” ustuni 2-bandidan “(shu jumladan chorvachilik xoʻjaliklari va kooperativlari)” soʻzlari chiqarib tashlansin.

38. Vazirlar Mahkamasining 2018-yil 28-iyundagi 487-son qarori bilan tasdiqlangan Oʻzbekiston Respublikasi Qishloq xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi nizomning 4-bandi “lavozim maoshining” soʻzlaridan keyin “(ragʻbatlantiruvchi koeffitsiyentni hisobga olgan holda)” soʻzlari bilan toʻldirilsin.

(Qonunchilik maʼlumotlari milliy bazasi, 22.11.2025-y., 06/25/223/1076-son)