|
Hujjat 11.09.2025 00 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida
Oʻzbekiston Respublikasida fuqarolarning vijdon erkinligini taʼminlash va diniy sohadagi davlat siyosati konsepsiyasi hamda Oʻzbekiston Respublikasi Prezidentining 2025-yil 21-apreldagi “Fuqarolarning vijdon erkinligi huquqi kafolatlarini yanada mustahkamlash hamda diniy-maʼrifiy sohadagi islohotlarni yangi bosqichga olib chiqish chora-tadbirlari toʻgʻrisida”gi PF-68-son Farmoni bilan diniy-maʼrifiy sohadagi faoliyatni sifat jihatidan yangi bosqichga olib chiqishning ustuvor yoʻnalishlari belgilandi.
Fuqarolarning vijdon erkinligi huquqi kafolatlarini yanada mustahkamlash bilan bogʻliq munosabatlarni tartibga soluvchi qonunchilik hujjatlari normalarining oʻzaro muvofiqligini taʼminlash maqsadida qaror qilaman:
1. Oʻzbekiston Respublikasining Prezidentining ayrim hujjatlariga 1-ilovaga muvofiq qonunchilik hujjatlari normalarining amalga oshirilayotgan islohotlarga muvofiqligini taʼminlashni nazarda tutuvchi oʻzgartirishlar kiritilsin.
2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.
3. Farmon ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi R.Q. Davletov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 11-sentabr,
PF-164-son
Oʻzbekiston Respublikasi Prezidentining 2025-yil 11-sentabrdagi PF-164-son Farmoniga
1-ILOVA
1-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 1993-yil 5-fevraldagi “Oʻzbekistonning oʻquvchi yoshlarini ragʻbatlantirish choralari toʻgʻrisida”gi PF-555-son Farmonining 2-bandidagi “Oʻzbekiston xalqaro islom akademiyasida”, “Oʻzbekiston xalqaro islom akademiyasining” soʻzlari tegishincha “Oʻzbekiston xalqaro islomshunoslik akademiyasida”, “Oʻzbekiston xalqaro islomshunoslik akademiyasining” soʻzlari bilan almashtirilsin.
2. Oʻzbekiston Respublikasi Prezidentining 2018-yil 16-apreldagi “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida”gi PF-5416-son Farmonida:
(a) 4-bandda:
(i) ikkinchi va uchinchi xatboshilar quyidagi tahrirda bayon etilsin:
“Oʻzbekiston xalqaro islomshunoslik akademiyasi:
Oʻzbekiston Respublikasi Din ishlari boʻyicha qoʻmitasi muassisligidagi islomshunoslik va dinshunoslik sohalarida mutaxassislarni hamda oʻquv dasturi, qoʻllanma va darsliklarni tayyorlashga ixtisoslashgan tayanch davlat oliy taʼlim va ilmiy-tadqiqot muassasasi hisoblanadi”;
(ii) toʻrtinchi xatboshi chiqarib tashlansin;
(iii) beshinchi — toʻqqizinchi xatboshilar tegishincha toʻrtinchi — sakkizinchi xatboshilar deb hisoblansin;
(iv) oltinchi va yettinchi xatboshilardagi “Oʻzbekiston xalqaro islom akademiyasi”, “Oʻzbekiston xalqaro islom akademiyasiga” soʻzlari tegishincha “Oʻzbekiston xalqaro islomshunoslik akademiyasi”, “Oʻzbekiston xalqaro islomshunoslik akademiyasiga” soʻzlari bilan almashtirilsin;
(b) 6 va 11-bandlardagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin;
(v) 1-ilovaning 9 va 11-pozitsiyalari “Masʼul ijrochilar” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
3. Oʻzbekiston Respublikasi Prezidentining 2021-yil 1-iyuldagi “2021 — 2026-yillarga moʻljallangan ekstremizm va terrorizmga qarshi kurashish boʻyicha Oʻzbekiston Respublikasi Milliy strategiyasini tasdiqlash toʻgʻrisida”gi PF-6255-son Farmoniga 1-ilovaning 2-bobi 1-paragrafining toʻrtinchi xatboshisidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
4. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada:
(a) “Jami” pozitsiyasi quyidagi tahrirda bayon etilsin:
“ | |||
Jami | 49 034 | 45 099 | 3 935 |
”; |
(b) “20. Din ishlari boʻyicha qoʻmita” boʻlimi quyidagi tahrirda bayon etilsin:
“ | ||||
20. Din ishlari boʻyicha qoʻmita | ||||
Din ishlari boʻyicha qoʻmita | 327 | 306 | 21 | |
shu jumladan, rais oʻrinbosarlari soni | 3 | 3 | ||
”. | ||||
5. Oʻzbekiston Respublikasi Prezidentining 2017-yil 27-martdagi “Oʻzbekiston Respublikasi Vazirlar Mahkamasi huzurida Imom Buxoriy xalqaro ilmiy-tadqiqot markazini tashkil etish chora-tadbirlari toʻgʻrisida”gi PQ-2855-son qaroriga ilovaning matni quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazining faoliyatini qoʻllab-quvvatlash va muvofiqlashtirish boʻyicha vasiylik kengashining
TARKIBI
1. | A. Aripov | — | Oʻzbekiston Respublikasining Bosh vaziri, Vasiylik kengashi raisi |
2. | R. Davletov | — | Oʻzbekiston Respublikasi Prezidentining maslahatchisi, Vasiylik kengashi raisi oʻrinbosari |
3. | X. Sultonov | — | Oʻzbekiston Respublikasi Prezidenti maslahatchisi — Spichrayter |
4. | A. Ramatov | — | Oʻzbekiston Respublikasi Bosh vazirining oʻrinbosari |
5. | J. Qoʻchqorov | — | Oʻzbekiston Respublikasi Bosh vazirining oʻrinbosari — iqtisodiyot va moliya vaziri |
6. | O. Nazarbekov | — | madaniyat vaziri |
7. | K. Sharipov | — | oliy taʼlim, fan va innovatsiyalar vaziri |
8. | A. Tashkulov | — | adliya vaziri |
9. | A. Mavlonov | — | Bojxona qoʻmitasi raisi |
10. | Sh. Xidoyatov | — | qurilish va uy-joy kommunal xoʻjaligi vaziri |
11. | S. Toshboyev | — | Din ishlari boʻyicha qoʻmita raisi |
12. | Sh. Ayupov | — | Oʻzbekiston Fanlar akademiyasi prezidenti |
13. | F. Abduxalikov | — | Vazirlar Mahkamasi huzuridagi Oʻzbekistondagi Islom sivilizatsiyasi markazi direktori |
14. | A. Boboyev | — | Samarqand viloyati hokimi v.b. |
15. | M. Kamilov | — | Oʻzbekiston xalqaro islomshunoslik akademiyasi rektori |
16. | O. Xasanov | — | Respublika Maʼnaviyat va maʼrifat markazi direktori |
17. | Lavozim boʻyicha | — | Vazirlar Mahkamasi huzuridagi Imom Moturidiy xalqaro ilmiy-tadqiqot markazi direktori |
18. | Sh. Ziyodov | — | Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori, Vasiylik kengashi kotibi |
Izoh. Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan shaxslar yoki zimmasiga tegishli funksiyalarni bajarish yuklangan shaxslar kiritiladi”.
6. Oʻzbekiston Respublikasi Prezidentining 2017-yil 26-sentabrdagi “Oliy taʼlim muassasalariga kirish uchun nomzodlarni maqsadli tayyorlash tizimini yanada takomillashtirish toʻgʻrisida”gi PQ-3290-son qaroriga 2-ilovaning 1-pozitsiyasidagi “Oʻzbekiston Xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
7. Oʻzbekiston Respublikasi Prezidentining 2018-yil 4-avgustdagi “Oʻzbekiston Respublikasi Qurolli Kuchlari harbiy xizmatchilarining maʼnaviy-maʼrifiy saviyasini oshirish tizimini tubdan takomillashtirish toʻgʻrisida”gi PQ-3898-son qaroriga 2-ilovaning 3 va 14-pozitsiyalari “Masʼul ijrochilar” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
8. Oʻzbekiston Respublikasi Prezidentining 2020-yil 11-avgustdagi “Imom Moturidiy xalqaro ilmiy-tadqiqot markazini tashkil etish chora-tadbirlari toʻgʻrisida”gi PQ-4802-son qarorida:
(a) 2-band quyidagi tahrirda bayon etilsin:
“2. Markazning asosiy vazifalari etib quyidagilar belgilansin:
Imom Moturidiy, Abu Muin Nasafiy kabi buyuk alloma ajdodlarimiz qoldirgan boy maʼnaviy merosni oʻrganish, jahon ilm-fani rivojiga qoʻshgan beqiyos hissasini xalqimiz, ayniqsa, yoshlarga yetkazish, ular yaratgan asarlarning ilmiy-izohli tarjima va qiyosiy matnlarini nashr etish, mamlakatimiz hududida roʻy bergan Birinchi va Ikkinchi Renessansning ilmiy-nazariy asoslarini tadqiq etish hamda Yangi Oʻzbekiston taraqqiyotining maʼnaviy poydevorini yaratishda ishtirok etish;
islom dinining insonparvarlik mohiyati, maʼrifiy-madaniy roli va rivojlanish yoʻnalishlarini ilmiy asosda oʻrganish va keng ommaga, jumladan, xalqaro jamoatchilikka yetkazish;
mamlakatda hamda xorijiy davlatlarning kutubxonalari va arxiv fondlarida saqlanayotgan buyuk allomalarning kalom ilmiga oid merosi hamda islom dunyosi uchun muhim ilmiy ahamiyatga ega boʻlgan qoʻlyozma, toshbosma asarlarning asl hamda elektron nusxalarini toʻplash va kelajak avlodga yetkazish uchun tizimli ilmiy tadqiqotlarni tashkil etish;
islomiy ilmlar, xususan, kalom ilmi tarixi va uning bugungi kundagi ahamiyatini ilmiy tadqiq etish sohasidagi xalqaro hamkorlikni kuchaytirish maqsadida ilmiy-nazariy va uslubiy masalalarga bagʻishlangan anjuman, konferensiya, simpozium, koʻrgazma, ilmiy maʼruza, seminar-trening va tanlovlar hamda boshqa madaniy-maʼrifiy tadbirlarni tashkil etish;
tadqiqot natijalari yuzasidan qomuslar, kataloglar, albomlar, ilmiy-ommabop hujjatli filmlar, axborot-resurs bazasini tayyorlash va ommaviy axborot vositalari, xususan, Internet jahon axborot tarmogʻida eʼlon qilishni tashkil qilish;
islom tarixi va kalom ilmi yoʻnalishidagi yangi tadqiqotlar natijalaridan ilmiy jamoatchilikni keng xabardor etish;
“jaholatga qarshi maʼrifat” gʻoyasi asosida islom dinining ilm-maʼrifat, maʼnaviy poklik, tinchlik-osoyishtalik, taraqqiyot va bunyodkorlikka chaqiruvchi gʻoyalarini xalqqa, ayniqsa, yoshlarga yetkazish, mutaassiblik, ekstremizmning maqsadlari, gʻoyaviy negizlari, zamonaviy koʻrinishlari va faoliyat uslublarini oʻrganish hamda ularga qarshi kurashishning ilmiy-maʼrifiy asoslarini ishlab chiqish va amaliyotda qoʻllash uchun tavsiya etish;
diniy taʼlim muassasalariga ilmiy-tadqiqot va oʻquv-uslubiy masalalarda hamda pedagog kadrlar va diniy xodimlarning malakasini oshirib borishda amaliy yordam koʻrsatish;
ijtimoiy-maʼnaviy muhit barqarorligini saqlash, yoshlarni yot gʻoyalar taʼsiridan asrashga qaratilgan strategik ahamiyatga ega loyiha va tashabbuslarni ishlab chiqish”;
(b) 4-bandning ikkinchi xatboshisi quyidagi tahrirda bayon etilsin:
“Markaz direktori Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimidan ozod etiladi”;
(v) 8-banddagi “Oʻzbekiston xalqaro islom akademiyasi rektoriga” soʻzlari “Markaz direktoriga” soʻzlari bilan almashtirilsin;
(g) 9-banddagi “Oʻzbekiston xalqaro islom akademiyasi Markaz va” soʻzlari “Markaz” soʻzi bilan almashtirilsin;
(d) 1-ilovaning matni quyidagi tahrirda bayon etilsin:
“Imom Moturidiy xalqaro ilmiy-tadqiqot markazining faoliyatini qoʻllab-quvvatlash va muvofiqlashtirish boʻyicha vasiylik kengashining
TARKIBI
1. | R.Q. Davletov | — | Oʻzbekiston Respublikasi Prezidenti maslahatchisi, Vasiylik kengashi raisi |
2. | Z.B. Maxkamova | — | Oʻzbekiston Respublikasi Bosh vazirining oʻrinbosari |
3. | A.J. Tashkulov | — | adliya vaziri |
4. | K.A. Sharipov | — | oliy taʼlim, fan va innovatsiyalar vaziri |
5. | U.K. Abidxadjayev | — | iqtisodiyot va moliya vaziri oʻrinbosari |
6. | S.D. Toshboyev | — | Oʻzbekiston Respublikasi Din ishlari boʻyicha qoʻmitasi raisi |
7. | F.F. Abduxalikov | — | Vazirlar Mahkamasi huzuridagi Oʻzbekistondagi Islom sivilizatsiyasi markazi direktori |
8. | M.M. Kamilov | — | Oʻzbekiston xalqaro islomshunoslik akademiyasi rektori |
9. | Sh.A. Ayupov | — | Oʻzbekiston Fanlar akademiyasi prezidenti |
10. | G.S. Ismailova | — | “El-yurt umidi” jamgʻarmasi ijrochi direktori |
11. | O.A. Xasanov | — | Respublika Maʼnaviyat va maʼrifat markazi rahbari |
12. | Sh.Yu. Ziyodov | — | Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori |
13. | Lavozim boʻyicha | — | Vazirlar Mahkamasi huzuridagi Imom Moturidiy xalqaro ilmiy-tadqiqot markazi direktori, Vasiylik kengashi kotibi |
Izohlar:
Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
Vasiylik kengashi ishiga kelishilgan holda boshqa vazirliklar, idoralar, mahalliy davlat hokimiyati organlari, xoʻjalik jamiyatlari va fuqarolik jamiyati institutlari rahbarlari va mutaxassislari jalb qilinishi mumkin”.
9. Oʻzbekiston Respublikasi Prezidentining 2020-yil 22-iyundagi “Oʻzbekiston Respublikasining xalqaro shartnomalaridan va xalqaro tashkilotlarga aʼzolikdan kelib chiqadigan majburiyatlarini bajarish tartibini takomillashtirish chora-tadbirlari toʻgʻrisida”gi PQ-4756-son qaroriga 1-ilovaning 36-pozitsiyasi “Toʻlovchilar nomi” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
10. Oʻzbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida”gi PQ-4910-son qaroriga 2-ilovaning 1-pozitsiyasi “Akademik litsey nomi” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
Keyingi tahrirga qarang.
11. Oʻzbekiston Respublikasi Prezidentining 2021-yil 16-iyuldagi “Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazi faoliyatini yanada takomillashtirishga doir qoʻshimcha chora-tadbirlar toʻgʻrisida”gi PQ-5186-son qarorida:
(a) 12-banddagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin;
(b) 1-ilovada 2, 7, 13 — 15, 21, 25, 27 va 29-pozitsiyalarining “Masʼullar” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin;
(v) 3-ilovada:
(i) 3-banddagi “Z. Islomov — Oʻzbekiston xalqaro islom akademiyasi ilmiy ishlar va innovatsiyalar boʻyicha prorektori” soʻzlari “I. Daminov — Oʻzbekiston xalqaro islomshunoslik akademiyasi ilmiy ishlar va innovatsiyalar boʻyicha prorektori” soʻzlari bilan almashtirilsin;
(ii) 7-banddagi “D. Maxsudov — Oʻzbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazi direktori” soʻzlari “Lavozim boʻyicha — Vazirlar Mahkamasi huzuridagi Imom Moturidiy xalqaro ilmiy-tadqiqot markazi direktori” soʻzlari bilan almashtirilsin;
(iii) 9-banddagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
12. Oʻzbekiston Respublikasi Prezidentining 2022-yil 10-fevraldagi “Qadimiy yozma manbalarni saqlash va tadqiq etish tizimini takomillashtirishga doir qoʻshimcha chora-tadbirlar toʻgʻrisida”gi PQ-126-son qarorida:
(a) 3-bandning beshinchi xatboshisi, 8-bandning birinchi va toʻrtinchi xatboshilari, 9-bandning ikkinchi xatboshisi, 10-bandning birinchi xatboshisidagi va 13-banddagi tegishli kelishikdagi “Oʻzbekiston xalqaro islom akademiyasi” soʻzlari tegishli kelishikdagi “Oʻzbekiston xalqaro islomshunoslik akademiyasi” soʻzlari bilan almashtirilsin;
(b) 6-bandda:
(i) yettinchi xatboshi chiqarib tashlansin;
(ii) sakkizinchi xatboshi yettinchi xatboshi deb hisoblansin.
13. Oʻzbekiston Respublikasi Prezidentining 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qoʻshimcha chora-tadbirlar toʻgʻrisida”gi PQ-135-son qarorida:
(a) 3-banddagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin;
(b) 8-ilovaning 3-pozitsiyasi “Oliy taʼlim tashkilotlari” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
14. Oʻzbekiston Respublikasi Prezidentining 2024-yil 18-iyuldagi “Turizm sohasida kadrlar tayyorlash tizimini takomillashtirish chora-tadbirlari toʻgʻrisida”gi PQ-269-son qaroriga 1-ilovaning 14-pozitsiyasi “Masʼul ijrochilar” ustunidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
15. Oʻzbekiston Respublikasi Prezidentining 2024-yil 27-dekabrdagi “Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150 yilligini keng nishonlash toʻgʻrisida”gi PQ-462-son qaroriga ilovaning 18-bandidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
16. Oʻzbekiston Respublikasi Prezidentining 2024-yil 31-dekabrdagi “Mamlakatning ijtimoiy, siyosiy va iqtisodiy rivojlanish sohalaridagi strategik tahlil va tadqiqot qilish faoliyatini samarali tashkil etish chora-tadbirlari toʻgʻrisida”gi PQ-467-son qaroriga 1-ilovaning 29-bandidagi, 3-ilovaning 5-bandidagi, 5-ilovaning 4-bandidagi “Oʻzbekiston xalqaro islom akademiyasi” soʻzlari “Oʻzbekiston xalqaro islomshunoslik akademiyasi” soʻzlari bilan almashtirilsin.
Oʻzbekiston Respublikasi Prezidentining 2025-yil 11-sentabrdagi PF-164-son Farmoniga
2-ILOVA
2-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari
ROʻYXATI
1. Oʻzbekiston Respublikasi Prezidentining 2017-yil 28-sentabrdagi “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida” (Oʻzbekiston Respublikasi Prezidentining “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida” 2017-yil 28-iyuldagi PQ-3160-son qarori)”gi PF-5194-son Farmoniga ilovaning 6-bandi.
2. Oʻzbekiston Respublikasi Prezidentining 2021-yil 17-martdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-6188-son Farmoniga 1-ilovaning 53-bandi.
3. Oʻzbekiston Respublikasi Prezidentining 2021-yil 9-noyabrdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PF-3-son Farmoniga ilovaning 27-bandi.
4. Oʻzbekiston Respublikasi Prezidentining 2008-yil 7-avgustdagi “Oʻzbekiston musulmonlari idorasi huzurida Muqaddas qadamjolarni saqlash va obod etish xayriya jamgʻarmasini tashkil qilish toʻgʻrisida”gi PQ-938-son qarori.
5. Oʻzbekiston Respublikasi Prezidentining 2017-yil 15-dekabrdagi “Oʻzbekiston Islom akademiyasini tashkil etish chora-tadbirlari toʻgʻrisida”gi PQ-3433-son qarori.
6. Oʻzbekiston Respublikasi Prezidentining 2018-yil 16-apreldagi “Din ishlari boʻyicha qoʻmita faoliyatini takomillashtirish chora-tadbirlari toʻgʻrisida”gi PQ-3668-son qarorining 4-bandi birinchi xatboshisi va 2-ilovasi.
7. Oʻzbekiston Respublikasi Prezidentining 2019-yil 4-sentabrdagi “Diniy-maʼrifiy soha faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-4436-son qarorining 1-bandi.
(Qonunchilik maʼlumotlari milliy bazasi, 11.09.2025-y., 06/25/164/0821-son; 13.04.2026-y., 06/26/58/0342-son)
