Hujjat kuchini yo‘qotgan " " 07.05.2004
Hujjat 31.07.1997 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
OʻZBEKISTON POChTA VA TELEKOMMUNIKATSIYA AGENTLIGI FAOLIYATINI TAShKIL ETISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2004-yil 7-maydagi 215-sonli “Oʻzbekiston aloqa va axborotlashtirish agentligi faoliyatini takomillashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Axborot tizimlari sohasini qayta tashkil etish va boshqarishni takomillashtirishga oid chora-tadbirlar toʻgʻrisida” 1997-yil 23-iyuldagi PF-1823-son Farmoniga muvofiq Vazirlar Mahkamasi qaror qiladi:
1. Pochta va telekommunikatsiyalar sohasidagi boshqaruvning tashkiliy tuzilmasi 1, 1a-ilovalarga* muvofiq maʼqullansin.
* 1-1a-ilovalar berilmaydi.
2. Oʻzbekiston pochta va telekommunikatsiyalar agentligining xodimlarining cheklangan soni 75 kishidan iborat boʻlgan boshqaruv apparati tuzilmasi 2, 2a-ilovalarga* muvofiq tasdiqlansin.
* 2-2a-ilovalar berilmaydi.
Agentlikka Bosh direktorning uch nafar oʻrinbosariga, shu jumladan bir nafar birinchi oʻrinbosariga hamda 11 kishidan iborat hayʼatga ega boʻlishga ruxsat etilsin.
Keyingi tahrirga qarang.
3. Belgilab qoʻyilsinki:
Oʻzbekiston pochta va telekommunikatsiyalar agentligi Oʻzbekiston Respublikasi Aloqa vazirligining huquq va majburiyatlari boʻyicha huquqiy vorisi hisoblanadi va Oʻzbekiston Respublikasi Vazirlar Mahkamasiga boʻysunadi;
Oʻzbekiston pochta va telekommunikatsiyalar agentligi Bosh direktori lavozimiga koʻra Oʻzbekiston Respublikasi vaziriga, uning birinchi oʻrinbosari va oʻrinbosarlari — tegishli ravishda vazirning birinchi oʻrinbosari va oʻrinbosarlariga tenglashtiriladi, ular belgilangan tartibda tasdiqlanadilar;
Keyingi tahrirga qarang.
Oʻzbekiston pochta va telekommunikatsiyalar Bosh direktorining tegishli oʻrinbosarlari “Mahalliy telekom”, “Xalqaro telekom” aksiyadorlik kompaniyalarining va “Oʻzbekiston pochtasi” davlat-aksiyadorlik kompaniyasining kuzatuvchi kengashlaridagi davlat vakillari hisoblanadilar.
Keyingi tahrirga qarang.
4. “Mahalliy telekom”, “Xalqaro telekom” aksiyadorlik kompaniyalarining va “Oʻzbekiston pochtasi” davlat-aksiyadorlik kompaniyasining boshqaruv tuzilmasiga 3, 3a, 3b, 4, 4a, 4b, 5, 5a, 5b-ilovalarga* muvofiq rozilik berilsin.
* 3, 3a, 3b, 4, 4a, 4b, 5, 5a, 5b-ilovalar berilmaydi.
Belgilab qoʻyilsinki, “Mahalliy telekom” va “Xalqaro telekom” aksiyadorlik kompaniyalari rahbariyati, Oʻzbekiston pochta va telekommunikatsiyalar agentligi bilan kelishilgan holda, taʼsischilarning umumiy yigʻilishlarida saylanadilar. “Oʻzbekiston pochtasi” davlat-aksiyadorlik kompaniyasi rahbariyati uning taʼsischilari umumiy yigʻilishida saylanadi va Oʻzbekiston pochta va telekommunikatsiyalar agentligi tomonidan tasdiqlanadi.
Keyingi tahrirga qarang.
5. Maʼlumot uchun qabul qilinsinki:
“Mahalliy telekom”, “Xalqaro telekom” aksiyadorlik kompaniyalari va “Oʻzbekiston pochtasi” davlat-aksiyadorlik kompaniyasi ochiq turdagi aksiyadorlik jamiyatlari shaklida taʼsis etiladi;
Keyingi tahrirga qarang.
“Mahalliy telekom” va “Xalqaro telekom” aksiyadorlik kompaniyalari ustav jamgʻarmasiga ularning tarkibiga kiruvchi aksiyadorlik jamiyatlari aksiyalarining davlat paketlari trast boshqaruv shartlari bilan beriladi. Koʻrsatib oʻtilgan kompaniyalarning trast boshqaruviga, shuningdek ularning tarkibiga kiruvchi qoʻshma korxonalardagi davlatga tegishli aksiyalar paketlari (ulushlari) ham beriladi;
Keyingi tahrirga qarang.
“Oʻzbekiston pochtasi” davlat-aksiyadorlik kompaniyasi ustav jamgʻarmasiga uning tarkibiga kiruvchi aksiyadorlik jamiyatlari aksiyalari davlatga tegishli paketlarining 53 foizi trast boshqaruv shartlari bilan beriladi. Koʻrsatib oʻtilgan aksiyadorlik jamiyatlari aksiyalari davlat paketlarining qolgan 47 foizi kompaniyaning trast boshqaruviga beriladi;
“Mahalliy telekom”, “Xalqaro telekom” aksiyadorlik kompaniyalari va “Oʻzbekiston pochtasi” davlat-aksiyadorlik kompaniyasi oʻzlarining tarkibiga kiruvchi davlat korxonalarini va korxonalar — aksiyadorlik jamiyatlarini boshqarishni mazkur korxonalarning ularning trast boshqaruviga berilgan aksiyalar paketlariga muvofiq amalga oshiradilar;
Keyingi tahrirga qarang.
koʻrsatib oʻtilgan kompaniyalarning xoʻjalik faoliyatini, shu jumladan ularning ijro etuvchi apparatlarini mablagʻ bilan taʼminlash oʻz xoʻjalik faoliyati, xizmatlar koʻrsatish, shuningdek boshqa daromadlar hisobiga amalga oshiriladi.
6. Quyidagilar “Mahalliy telekom”, “Xalqaro telekom” aksiyadorlik kompaniyalari va “Oʻzbekiston pochtasi” davlat-aksiyadorlik kompaniyasining asosiy vazifalari etib belgilansin;
Keyingi tahrirga qarang.
mahalliy, shaharlararo, xalqaro elektr aloqasi, radio aloqasi, radioeshittirish va televideniye, pochta aloqasi xizmatlari bozori talabini qondirish, ularning turlarini kengaytirish va raqobatbardoshliligini taʼminlash;
vositalar va tarmoqlarni modernizatsiyalash hamda texnika bilan qayta jihozlash dasturlarini, shu jumladan chet el investitsiyalarini keng jalb qilish va qoʻshma korxonalar tashkil etish asosida, amalga oshirish, axborot tizimlarini yaratish va ishlatish sohasidagi jahon yutuqlarini joriy etish;
bozor islohotlarini yanada rivojlantirish, respublika axborot tizimlarining telekommunikatsiyalar va informatika jahon tarmogʻiga qoʻshilishini taʼminlash;
aloqa vositalari va tarmoqlari faoliyat koʻrsatishining axborot xavfsizligini taʼminlash.
7. Oʻzbekiston Respublikasi Davlat mulki qoʻmitasi, Oʻzbekiston pochta va telekommunikatsiyalar agentligi:
“Mahalliy telekom”, “Xalqaro telekom” aksiyadorlik kompaniyalari, “Oʻzbekiston pochtasi” davlat-aksiyadorlik kompaniyasining taʼsis yigʻilishlarini oʻtkazishni, kuzatuvchi kengashlarini tashkil etishni va ustavlarini tasdiqlashni bir oy muddatda taʼminlasinlar;
Keyingi tahrirga qarang.
1997-yilda “Mahalliy telekom”, “Xalqaro telekom” aksiyadorlik kompaniyalari va “Oʻzbekiston pochtasi” davlat-aksiyadorlik kompaniyasi tarkibiga kiruvchi korxonalarni davlat tasarrufidan chiqarishni, aksiyadorlik jamiyatlari va qoʻshma korxonalarda aksiyalar paketlarini qayta taqsimlash va joylashtirishni 6-ilovaga* muvofiq amalga oshirsinlar.
Keyingi tahrirga qarang.
* 6-ilova berilmaydi.
8. Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasining xodimlarining cheklangan soni 8 kishidan iborat boʻlgan boshqaruv apparati tuzilmasi 7-ilovaga* muvofiq tasdiqlansin.
Keyingi tahrirga qarang.
* 7-ilova berilmaydi.
9. Oʻzbekiston pochta va telekommunikatsiyalar agentligi Agentlik toʻgʻrisidagi hamda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi nizomlar loyihalarini ikki hafta muddatda Vazirlar Mahkamasiga tasdiqlash uchun kiritsin.
 LexUZ sharhi
Qarang: Oʻzbekiston Respublikasi Vazirlar Mahkamasining 1997-yil 28-avgustdagi 420-sonli “Oʻzbekiston pochta va telekommunikatsiyalar agentligi toʻgʻrisidagi hamda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi nizomlarni tasdiqlash haqida”gi qarori.
10. Oʻzbekiston pochta va telekommunikatsiyalar agentligiga aloqa sohasida faoliyatni amalga oshirish uchun maxsus ruxsatnomalar (litsenziyalar) berish huquqi berilsin.
Keyingi tahrirga qarang.
11. Vazirlar Mahkamasining 1995-yil 1-avgustdagi 307-son qarorining 7-bandi oʻz kuchini yoʻqotgan deb hisoblansin.
Oʻzbekiston Respublikasi Adliya vazirligi Oʻzbekiston Respublikasi Vazirlar Mahkamasi qaroriga ushbu qarordan kelib chiqadigan oʻzgarishlar va qoʻshimchalar toʻgʻrisidagi takliflarni bir oy muddatda kiritsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.R. Rahimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 31-iyul,
380-son