|
Hujjat 02.11.2011 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida
LexUZ sharhiMazkur hujjatda koʻrsatilgan ilmiy-tadqiqot ishlari, nou-xau, ixtirolar natijalarini eksport qilishga ruxsatnoma Oʻzbekiston Respublikasi Prezidentining 2011-yil 25-avgustdagi PQ-1604-son qaroriga asosan 2011-yilning 1-sentabridan bekor qilingan.
Oʻzbekiston Respublikasi Prezidentining tovarlar eksportini ragʻbatlantirish va import operatsiyalarini tartibga solish boʻyicha qoʻshimcha chora-tadbirlar toʻgʻrisidagi farmonlarini bajarish yuzasidan, shuningdek eksportga mahsulot ishlab chiqarishni kengaytirish va sotishni ragʻbatlantirish, tashqi savdo hisobot tizimini takomillashtirish maqsadida Vazirlar Mahkamasi qaror qiladi:
1. 1998-yil 1-apreldan boshlab Oʻzbekiston Respublikasi Prezidentining 1997-yil 10-oktabrdagi PF-1871-son Farmonida nazarda tutilgan imtiyozlar va preferensiyalar:
vazirliklar, idoralar, korporatsiyalar, konsernlar, uyushmalar va kompaniyalarning tarkibiy boʻlinmalari hisoblangan, tovarlar (ishlar, xizmatlar)ni eksport qiluvchi ixtisoslashtirilgan tashqi savdo birlashmalari va firmalariga joriy etilsin, foydadan olinadigan soliq bundan mustasnodir, shuningdek ularga xorijda savdo uylari va vakolatxonalar ochishga ruxsat etilsin;
mis va ruxdan tayyorlangan mahsulotlarni eksport qiluvchi ishlab chiqarish korxonalariga joriy etilsin (TIF TN kodi — 7403, 7408, 7901).
Oldingi tahrirga qarang.
tovar-xom ashyo birjalarida va “Oʻzkoʻrgazmasavdo” ochiq aksiyadorlik jamiyatining yarmarka savdolarida, shuningdek davlatlararo bitimlar va hukumatning buyurtmalari boʻyicha eksport operatsiyalarini amalga oshiruvchi savdo-vositachilik tashkilotlari.
(1-band Oʻzbekiston Respublikasi Vazirlar Mahkamasining 2001-yil 1-maydagi 198-sonli qaroriga muvofiq toʻrtinchi xatboshi bilan toʻldirilgan — OʻR QHT, 2001-y., 9-son, 45-modda)
Keyingi tahrirga qarang.
2. Xoʻjalik yurituvchi subyektlarga “Oʻzdavstandart” markazi va vakolatli organlar tomonidan sertifikatsiya qilingan mahsulotlarni Oʻzbekiston Respublikasi Davlat bojxona qoʻmitasi laboratoriyalarida qoʻshimcha ravishda ekspertizadan oʻtkazmasdan eksportga yuklab joʻnatish huquqi berilsin.
3. Oʻzbekiston Respublikasi Tashqi iqtisodiy aloqalar vazirligi Davlat soliq qoʻmitasi, Davlat bojxona qoʻmitasi, Adliya vazirligi va Moliya vazirligi bilan birgalikda respublika xoʻjalik yurituvchi subyektlari tomonidan Oʻzbekiston Respublikasi bojxona hududidan tashqarida savdo uylari, savdo vakolatxonalari, shuʼba korxonalar, firma doʻkonlari, dilerlik tarmoqlari va konsignatsiya omborlarini ochish tartibi toʻgʻrisidagi nizomni bir oy muddatda ishlab chiqsin va tasdiqlasin.
4. Oʻzbekiston Respublikasi Makroiqtisodiyot va statistika vazirligi, Davlat bojxona qoʻmitasi, Tashqi iqtisodiy aloqalar vazirligi va “Oʻzdavstandart” markazi bilan birgalikda idoralararo ishchi guruh tuzsinlar va tashqi savdoga oid davlat va bojxona statistikasi maʼlumotlarini toʻplash va qayta ishlashning yagona uslubiyati toʻgʻrisidagi nizomni bir oy muddatda ishlab chiqsinlar va tasdiqlasinlar.
5. Import qiluvchilarga tarif imtiyozlari va preferensiyalar berish amaldagi qonun hujjatlari bilan tartibga solinishi maʼlumot uchun qabul qilinsin.
Belgilab qoʻyilsinki, amaldagi qonun hujjatlarida belgilangan tovarlar bilan bir qatorda quyidagi tovarlardan ham import boji olinmaydi:
erkin savdo rejimi oʻrnatilgan davlatlarda ishlab chiqarilgan va ulardan keltirilayotgan tovarlardan;
Oʻzbekiston Respublikasi hukumati nomidan yoki uning kafolati bilan tuzilgan hukumatlararo va kredit bitimlari boʻyicha yetkazib berilayotgan tovarlardan;
Oldingi tahrirga qarang.
(5-bandning beshinchi xatboshisi Oʻzbekiston Respublikasi Vazirlar Mahkamasining 2002-yil 31-maydagi 189-sonli qaroriga muvofiq 2002-yil 1-iyuldan oʻz kuchini yoʻqotgan—OʻR QHT, 2002-y., 10-son, 84-modda)
Oʻzbekiston Respublikasi iqtisodiyotiga umumiy summasi 50 mln AQSH dollaridan ortiq miqdorda bevosita investitsiyalar qoʻygan xorijiy yuridik shaxslar tomonidan olib kelinayotgan tovarlardan, basharti keltirilayotgan tovarlar ularning oʻzi ishlab chiqargan mahsulot hisoblansa;
koʻrgazmalar, reklama va taqdimotlar eksponatlari sifatida keltirayotgan tovarlardan;
olib ketiladigan mahsulot olish uchun keltiriladigan xom ashyo, materiallar va butlovchi buyumlardan.
Oldingi tahrirga qarang.
Belgilangan tartibda tasdiqlanadigan roʻyxat boʻyicha yangi ishlab chiqarishlarni tashkil etish, ishlab turgan ishlab chiqarishlarni modernizatsiya qilish va texnika bilan qayta jihozlash uchun Oʻzbekiston Respublikasi hududiga olib kelinadigan texnologiya jihozlari hamda butlovchi buyumlar va ehtiyot qismlar, agar ularni yetkazib berish texnologiya jihozlari yetkazib berish uchun tuzilgan kontrakt shartlarida nazarda tutilgan boʻlsa, bojxona boji toʻlashdan ozod qilinsin.
(5-bandning toʻqqizinchi xatboshi Oʻzbekiston Respublikasi Vazirlar Mahkamasining 2007-yil 17maydagi 102-sonli qarori tahririda — OʻR QHT, 2007-y., 19-20-son, 202-modda)
Keyingi tahrirga qarang.
Oldingi tahrirga qarang.
6. Amaldagi qonun hujjatlarida belgilangan import boj stavkalari Oʻzbekiston Respublikasi savdo-iqtisodiy munosabatlarda eng qulay rejim yaratadigan mamlakatlarda ishlab chiqarilgan tovarlarga nisbatan qoʻllaniladi.
Keyingi tahrirga qarang.
Oʻzbekiston Respublikasi savdo-iqtisodiy munosabatlarda eng qulay rejim yaratish toʻgʻrisida bitimlarga ega boʻlmagan mamlakatlarda ishlab chiqarilgan tovarlarga nisbatan import bojining ikki baravar oshirilgan stavkalari qoʻllaniladi.
(6-band Oʻzbekiston Respublikasi Vazirlar Mahkamasining 2001-yil 2-fevraldagi 66-sonli qarori tahririda — OʻR QHT, 2001-y., 3-4-son, 12-modda)
Oldingi tahrirga qarang.
7. Belgilansinki, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi:
Oldingi tahrirga qarang.
Hukumat qarorlari, Hukumatlararo bitimlar asosida, shuningdek, ham xalqaro bozorlar konyunkturasiga, ham mintaqaviy bozorlardagi talab va takliflarning amaldagi holatiga asoslangan narxlar boʻyicha 1-ilovaga muvofiq roʻyxatga binoan tovarlar (xizmatlar) eksporti yuzasidan tuzilgan kontraktlar (shartnomalar)ni roʻyxatdan oʻtkazadi, birja savdolarida tuziladigan kontraktlar (shartnomalar) bundan mustasno;
(7-bandning ikkinchi xatboshi Oʻzbekiston Respublikasi Vazirlar Mahkamasining 2006-yil 29-maydagi 96-sonli qarori tahririda— OʻR QHT, 2006-y., 22-son, 192-modda)
Keyingi tahrirga qarang.
tovarlarning kelib chiqishini, shuningdek, korxonalarning oʻzi ishlab chiqargan eksportga yetkazib beriladigan mahsulotlarni sertifikatlaydi;
Keyingi tahrirga qarang.
amaldagi qonun hujjatlarida belgilangan tarif imtiyozlarini qoʻllash maqsadida xorijiy investitsiyalar ishtirokidagi korxonalar tomonidan oʻz ehtiyojlari uchun import qilinadigan mahsulotlarni sertifikatlaydi.
(7-bandning birinchi xatboshisi Oʻzbekiston Respublikasi Vazirlar Mahkamasining 2005-yil 8-sentabrdagi 206-sonli qarori tahririda — OʻR QHT, 2005-y., 34-36-son, 264-modda)
Keyingi tahrirga qarang.
8. Oʻzbekiston Respublikasining vakolatli organlari tomonidan beriladigan ruxsatnomalar boʻyicha eksport va import qilinadigan maxsus tovarlar (ishlar, xizmatlar) roʻyxati 2-ilovaga muvofiq tasdiqlansin.
9. Oʻzbekiston Respublikasi Tashqi iqtisodiy aloqalar vazirligi, Moliya vazirligi, Davlat bojxona qoʻmitasi, Markaziy bank, Adliya vazirligi va boshqa manfaatdor vazirliklar va idoralar bilan birgalikda bir hafta muddatda:
import qilinadigan tovarlar va ishlab chiqarish-texnika maqsadlaridagi mahsulotlarni Oʻzbekiston Respublikasi hududida bojxona rasmiylashtiruvi tartibini;
eksport va import kontraktlarini Oʻzbekiston Respublikasi Tashqi iqtisodiy aloqalar vazirligida roʻyxatdan oʻtkazish tartibini, shuningdek eksport-import yuklarini rasmiylashtirishda bojxona organlariga taqdim etiladigan hujjatlar roʻyxatini;
Oʻzbekiston Respublikasida maxsus tovarlar eksporti va importini litsenziyalash tartibi toʻgʻrisidagi nizomni;
korxonalarning oʻzi ishlab chiqargan eksportga yetkazib beriladigan mahsulotlarni, xorijiy investitsiyalar ishtirokidagi korxonalar oʻz ehtiyojlari uchun import qiladigan mahsulotlarni aniqlash qoidalarini, shuningdek, tovarlar ishlab chiqarilgan mamlakatni aniqlash qoidalarini;
Keyingi tahrirga qarang.
erkin savdo rejimi belgilangan yoki savdo-iqtisodiy munosabatlarda eng qulay rejim belgilanadigan davlatlar roʻyxatini tasdiqlasinlar.
10. Vazirlar Mahkamasining 1996-yil 20-sentabrdagi 329-son qaroriga 1-ilova — “Oʻzbekiston tovar-xom ashyo birjasi orqali faqat erkin almashtiriladigan valyutaga sotiladigan tovarlar roʻyxati”ning 6-bandi “Ipak chiqindilari TIF TN kodi 5003” tovar nomi bilan toʻldirilsin.
11. Vazirlar Mahkamasining 3-ilovaga muvofiq qarorlari oʻz kuchini yoʻqotgan deb hisoblansin.
12. Oʻzbekiston Respublikasi vazirliklari va idoralari oʻz normativ hujjatlarini mazkur qarorga muvofiqlashtirsinlar.
13. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 31-mart,
137-son
Oldingi tahrirga qarang.
Kontraktlar Oʻzbekiston Respublikasi Tashqi iqtisodiy aloqalar, investitsiyalar va savdo vazirligida roʻyxatdan oʻtkazilgandan keyin eksport qilinadigan tovarlar
(1-ilovaning nomidagi Oʻzbekiston Respublikasi Vazirlar Mahkamasining 2005-yil 8-sentabrdagi 206-sonli qarori tahririda — OʻR QHT, 2005-y., 34-36-son, 264-modda)
ROʻYXATI
LexUZ sharhiIlovaga Oʻzbekiston Respublikasi Vazirlar Mahkamasining 2012-yil 14-sentabrdagi 271-sonli qarori bilan oʻzgartirish kiritilgan. Mazkur ilovaning rus tilidagi matniga qarang.
LexUZ sharhi1-ilovaga Oʻzbekiston Respublikasi Vazirlar Mahkamasining 2008-yil 7-maydagi 90-sonli qaroriga muvofiq oʻzgartirishlar kiritilgan. Mazkur ilovaning rus tilidagi matniga qarang.
|
T/r |
Tovarning nomi |
TIF TN kodi |
|
1. |
Qurol-yarogʻlar va harbiy texnika, ularni ishlab chiqarish uchun maxsus butlovchi qismlar | 8526 (faqat harbiy maqsadda), 8710, 8802 (8802 11 100, 8802 12 100, 8802 20 100, 8802 30 10 8802 40 100 dan boshqa), 8803 100 (8803 10 100, 8803 20 100, 8803 30 100, 8803 90 910 dan boshqa), 8805 |
|
2. |
Qimmatbaho metallar, qotishmalar, ulardan tayyorlangan buyumlar, rudalar, konsentratlar, siniq parchalar va chiqindilar, qimmatbaho tabiiy toshlar va ulardan tayyorlangan buyumlar, chiqindilar, qimmatbaho tabiiy toshlar kukunlari va rekuperatorlari, marvarid va undan tayyorlangan buyumlar, qahrabo va undan tayyorlangan buyumlar | 2843, 3006 40 (faqat qimmatbaho metallardan), 7106 — 7115, 7118 (faqat qimmatbaho metallardan), 9003 19 100, 9021 29 100, 9101, 9111 10 000, 9113 10 000, 9608 10 30, 9608 39 100, 9705 (faqat qimmatbaho toshlardan tayyorlangan tangalar), 7116 (faqat marvarid va tabiiy qimmatbaho toshlardan), 9602 (faqat ishlov berilgan qahrabo va undan tayyorlangan buyumlar) |
|
3. |
Uran va boshqa radioaktiv moddalar, ulardan tayyorlangan buyumlar, radioaktiv moddalar chiqindilari | 2612 (faqat uran konsentratlari), 2844, 2845 |
|
4. |
Radioaktiv moddalardan foydalangan holda tayyorlangan priborlar va asbob-uskunalar | 8401 |
|
5. |
Rangli metallar, rangli metallar prokati, rangli metallar parchalari va chiqindilari | 2805, 7401 — 7411, 7413, 7501— 7506, 7601 — 7615, 7801— 7804, 7901 — 7905, 8001 — 8005, 8103 — 8112 |
|
6. |
Qora metallar prokati, qora metallar parchalari va chiqindilari | 7201 — 7229, 7301 — 7306 |
|
7. |
Neft xom ashyosi, tabiiy gaz | 2709, 2711 |
|
8. |
Paxta tolasi, paxta linti | 5201, 5203, 140420000 |
Keyingi tahrirga qarang.
Oʻzbekiston Respublikasining vakolatli organlari tomonidan beriladigan ruxsatnomalar boʻyicha eksport va import qilinadigan maxsus tovarlar (ishlar va xizmatlar)
ROʻYXATI
Oldingi tahrirga qarang.
|
T/r |
Qisqacha nomi |
Ruxsatnoma berish vakolati boʻlgan organlar |
|
1. |
Oʻzbekiston Respublikasi fuqarolarining chet mamlakatlardagi va xorijiy fuqarolarning Oʻzbekiston Respublikasidagi oʻz kasbi boʻyicha faoliyati | Mehnat va aholini ijtimoiy muhofaza qilish vazirligi |
|
2. |
Audio mahsulotlarini import qilish | Madaniyat va sport ishlari vazirligi |
|
4. |
Chet mamlakatlarga investitsiyalar | Markaziy bank |
|
5. |
Sanʼat asarlarini eksport qilish | Madaniyat va sport ishlari vazirligi |
|
6. |
Qizil kitobga kiritilgan yovvoyi oʻsimliklarni, ularning qismlari va mahsullarini eksport qilish | Oʻzbekiston Respublikasi Vazirlar Mahkamasi |
| | Yovvoyi oʻsimliklar, ularning qismlari va mahsullari, botanika kolleksiyalari importi, shuningdek yovvoyi hayvonlar, ularning qismlari, ular hayotiy faoliyatining mahsullari, kolleksiyalar va oʻljalar eksporti va importi | Oʻzbekiston Respublikasi Davlat tabiatni muhofaza qilish qoʻmitasi |
|
8. |
Kino, video mahsulotlarini importi va eksporti | “Oʻzbekkino” Milliy agentligi |
(2-ilova Oʻzbekiston Respublikasi Vazirlar Mahkamasining 2011-yil 2-noyabrdagi 294-sonli qarori tahririda — OʻR QHT, 2011-y., 45-46-son, 470-modda)
Keyingi tahrirga qarang.
LexUZ sharhi2-ilova Oʻzbekiston Respublikasi Vazirlar Mahkamasining 2000-yil 24-yanvardagi 20-sonli qaroriga muvofiq 7-band bilan toʻldirilgan. 2-ilovaning rus tilidagi matniga qarang.
Hukumatning oʻz kuchini yoʻqotgan qarorlari
ROʻYXATI
Oʻzbekiston Respublikasi Vazirlar Mahkamasining 1992-yil 21-oktabrdagi 485-son qarori;
Oʻzbekiston Respublikasi Vazirlar Mahkamasining 1994-yil 25-martdagi 163-son qarori;
Oʻzbekiston Respublikasi Vazirlar Mahkamasining 1994-yil 23-iyundagi 315-son qarori;
Oʻzbekiston Respublikasi Vazirlar Mahkamasining 1994-yil 28-dekabrdagi 625-son qarori;
Oʻzbekiston Respublikasi Vazirlar Mahkamasining 1995-yil 25-iyuldagi 287-son qarori;
Oʻzbekiston Respublikasi Vazirlar Mahkamasining 1995-yil 7-oktabrdagi 389-son qarori;
Oʻzbekiston Respublikasi Vazirlar Mahkamasining 1996-yil 20-martdagi 110-son qarori;
Oʻzbekiston Respublikasi Vazirlar Mahkamasining 1996-yil 20-martdagi 114-son qarori;
Oʻzbekiston Respublikasi Vazirlar Mahkamasining 1996-yil 18-iyundagi 219-son qarori;
Oʻzbekiston Respublikasi Vazirlar Mahkamasining 1996-yil 1-oktabrdagi 342-son qarori;
Oʻzbekiston Respublikasi Vazirlar Mahkamasining 1996-yil 19-noyabrdagi 405-son qaroriga 2-ilova 9-bandining 9-xatboshi;
Oʻzbekiston Respublikasi Vazirlar Mahkamasining 1996-yil 10-dekabrdagi 438-son qarori;
Oʻzbekiston Respublikasi Vazirlar Mahkamasining 1997-yil 15-yanvardagi 28-son qarori.
