VI. Oʻzbekiston Respublikasining 1990-yil 20-iyunda qabul qilingan “Yer toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1990-yil, № 16-18, 294-modda; Oʻzbekiston Respublikasi Oliy Kengashining Axborotnomasi, 1992-yil, № 2, 84-modda; 1993-yil, № 6, 243-modda; 1994-yil, № 5, 161-modda):

1) 2-modda quyidagi mazmundagi ikkinchi qism bilan toʻldirilsin:

“Savdo va xizmat koʻrsatish sohasi obyektlari xususiylashtirilayotganda ular joylashgan yer uchastkalari yuridik va jismoniy shaxslarga mulk qilib berilishi mumkin”;

ikkinchi qismi uchinchi qism deb hisoblansin;

2) 4-moddaning oltinchi xatboshisi, 5-modda birinchi qismining toʻrtinchi xatboshisi, 6-modda birinchi qismining oltinchi xatboshisi quyidagi tahrirda bayon etilsin:

“yer uchastkalariga mulkdorlik, yerga egalik qilish, undan foydalanish huquqlarini shuningdek erni ijaraga olish shartnomalarini roʻyxatdan oʻtkazish”;

3) Qonun quyidagi mazmundagi 12¹-modda bilan toʻldirilsin:

“12¹-modda. Savdo va xizmat koʻrsatish sohasi obyektlarini ular joylashgan yer uchastkalari bilan birga xususiylashtirish

Savdo va xizmat koʻrsatish sohasi obyektlarini ular joylashgan yer uchastkalari bilan birga xususiylashtirish tanlov asosida yoki kim oshdi savdosida Oʻzbekiston Respublikasi Vazirlar Mahkamasi belgilagan tartibda amalga oshiriladi.

Oʻzbekiston Respublikasi Davlat mol-mulkini boshqarish va tadbirkorlikni qoʻllab-quvvatlash davlat qoʻmitasi yoki uning hududiy organi bilan yangi mulkdor oʻrtasida obyekt faoliyatining ixtisosini saqlab qolish toʻgʻrisida shartnoma tuzish tanlov yoki kim oshdi savdosining majburiy sharti boʻlib, mulkdor uni oʻzgartirishga haqli emas”;

4) 13-modda:

sarlavhasi quyidagi tahrirda bayon etilsin:

“Yer uchastkalariga mulkdorlik, yerga egalik qilish va undan foydalanish huquqini toʻxtatish”;

uchinchi qismi quyidagi mazmundagi uchinchi va toʻrtinchi qismlar bilan almashtirilsin:

“Yer uchastkalariga mulkdorlik huquqini quyidagi hollarda toʻxtatiladi:

1) savdo va xizmat koʻrsatish sohasi obyektlari sotilganda;

2) davlat va jamoat ehtiyojlari uchun sotib olinganda;

3) Qonunda belgilangan hollarda savdo va xizmat koʻrsatish sohasi obyektlari musodara etilganda.

Ushbu modda birinchi qismining 5, 7 va 8-bandlarida hamda uchinchi qismining 2-bandida qayd etilgan hollarda erga mulkdorlik, egalik qilish va undan foydalanish huquqini toʻxtatish toʻgʻrisidagi qaror ustidan sudga shikoyat qilinish mumkin”;

toʻrtinchi qismi beshinchi qism deb hisoblansin;

5) 14-modda sarlavhasi “olib qoʻyilishi” degan soʻzlardan keyin “sotib olinishi” degan soʻzlar bilan toʻldirilsin. Ushbu modda quyidagi mazmundagi qism bilan toʻldirilsin:

“Davlat va jamoat ehtiyojlari uchun savdo va xizmat koʻrsatish sohasi obyektlari bilan birga yer uchastkalarini sotib olish hokimiyat tegishli organlarining qaroriga binoan amalga oshirilib, ushbu Qonun 19-moddasining uchinchi qismida nazarda tutilgan kafolatlar bilan taʼminlanadi”;

6) 16-moddaning birinchi qismidagi “Oʻzbekiston Respublikasida yerga egalik qilish va yerdan foydalanish uchun haq toʻlanadi. Yer uchun haq har yili yer soligʻi shaklida olinadi” degan jumlalar “Oʻz mulkida, egaligida, foydalanishida yer uchastkalari boʻlgan yuridik va jismoniy shaxslar yer soligʻi toʻlaydilar” degan jumla bilan almashtirilsin;

7) 19-modda quyidagi mazmundagi uchinchi qism bilan toʻldirilsin:

“Yuridik va jismoniy shaxslar mulki boʻlgan savdo va xizmat koʻrsatish sohasi obyektlarini yer uchastkalari bilan birga davlat va jamoat ehtiyojlari uchun mulkdorni kamida bir yil oldin ogoh etib, bozor narxida sotib olinishi mumkin”;

8) Qonun quyidagi mazmundagi 20¹-modda bilan toʻldirilsin:

“20¹-modda. Savdo va xizmat koʻrsatish sohasi obyektlariga yer uchastkalari bilan birga xususiy mulk huquqi

Yuridik va jismoniy shaxslar, shu jumladan chet el yuridik va jismoniy shaxslari savdo hamda xizmat koʻrsatish sohasi obyektlarini ular joylashgan yer uchastkalari bilan birga qonun hujjatlarida belgilangan tartibda sotib olish huquqiga egadirlar”;

9) 34-moddaning sarlavhasidagi “va olib qoʻyish” degan soʻzlar “olib qoʻyish va sotib olish” degan soʻzlar bilan almashtirilsin. Shu moddaning uchinchi qismidagi “olib qoʻyiladi” degan soʻzlar “olib qoʻyiladi, sotib olinadi” degan soʻzlar bilan almashtirilsin;

10) 62-modda quyidagi mazmundagi ikkinchi qism bilan toʻldirilsin:

“Yerga doir nizolar, basharti tomonlar yoki tomonlarning biri savdo va xizmat koʻrsatish sohasi obyektlari bilan birga ular joylashgan yer uchastkalarining mulkdori boʻlsa, sud tomonidan hal qilinadi”;

ikkinchi — oʻninchi qismlari tegishli ravishda uchinchi — oʻn birinchi qismlar deb hisoblansin;

11) 64-modda:

birinchi qismdagi “Yer uchastkalarini” degan soʻzlar “Yer egalari, yerdan foydalanuvchilar, shu jumladan ijarachilar tomonidan yer uchastkalarini” degan soʻzlar bilan almashtirilsin;

beshinchi qismi quyidagi tahrirda bayon etilsin:

“Oʻzboshimchalik bilan egallab olingan yer uchastkasi tegishli sudning, tuman, shahar hokimiyat organlarining qaroriga muvofiq yer uchastkasining mulkdoriga, yerga egalik qiluvchiga yoki yerdan foydalanuvchiga qaytariladi”.

Keyingi tahrirga qarang.

VII. Oʻzbekiston Respublikasining 1990-yil 31-oktabrda qabul qilingan “Oʻzbekiston Respublikasida mulkchilik toʻgʻrisida”gi Qonuniga (Oʻzbekiston Respublikasi Oliy Sovetining Vedomostlari, 1990-yil, №31-33, 371-modda; Oʻzbekiston Respublikasi Oliy Kengashining Axborotnomasi, 1993-yil, №5, 235-modda):

1) 3-moddaning 1-bandidagi “mahsulot belgilar, sanoat namunalari” degan soʻzlar “ixtirolar, foydali modellar, sanoat namunalari, integral mikrosxemalarning topoligiyasi, seleksiya yutuqlari, mahsulot belgilari va xizmat koʻrsatish belgilari” degan soʻzlar bilan almashtirilsin;

2) 7-modda quyidagi mazmundagi 8-band bilan toʻldirilsin:

“8. Savdo va xizmat koʻrsatish sohasi obyektlari ular joylashgan yer uchastkalari bilan birga qonun hujjatlarida nazarda tutilgan tartibda hamda shartlarda yuridik va jismoniy shaxslarning xususiy mulki qilib berilishi mumkin”;

3) 19-moddaning 1-bandi ikkinchi xatboshisidagi “er, yer osti boyliklari” degan soʻzlar “er (savdo va xizmat koʻrsatish sohasi obyektlari bilan birga yuridik hamda jismoniy shaxslarning mulki qilib berilgan yerlardan tashqari), yer osti boyliklari” degan soʻzlar bilan almashtirilsin;

4) Qonun quyidagi mazmundagi 27¹ va 36-moddalar bilan toʻldirilsin:

27¹-modda. Davlat mol-mulkini xususiylashtirish

Oʻzbekiston Respublikasining yoki maʼmuriy-hududiy tuzilmalarning mulki (kommunal mulk) boʻlmish korxonalar, mulkiy majmualar, binolar, inshootlar va boshqa mol-mulk Oʻzbekiston Respublikasining qonunlarida belgilab qoʻyilgan tartib va shartlar asosida mulk qilib respublika va boshqa davlatlar jismoniy hamda yuridik shaxslarning tasarrufiga oʻtkazib berilishi mumkin”.

“36-modda. Davlat organlarining mulkdor oʻz vakolatlarini amalga oshirishiga aralashganligi uchun javobgarligi

Davlat organlari mulkdorga yoxud toʻla xoʻjalik yuritish, bevosita boshqarish huquqi boʻyicha yoki qonun yoxud shartnomada nazarda tutilgan boshqa asosda mol-mulkka egalik qiluvchi shaxslarga Oʻzbekiston Respublikasining qonunlarida nazarda tutilmagan qoʻshimcha vazifalar yoki cheklashlar belgilab qoʻyishga huquqli emas.

Davlat organlari mulkdorning hamda ushbu moddaning birinchi qismida koʻrsatib oʻtilgan shaxslarning oʻz mol-mulkiga egalik qilish, undan foydalanish va uni tasarruf etishdan iborat huquqlarini amalga oshirishiga qonunga xilof ravishda aralashganlik oqibatida yetkazilgan zarar uchun ushbu Qonunning 35-moddasida nazarda tutilgan hajmda mulkiy javobgar boʻladilar.

5) 28-modda quyidagi tahrirda bayon etilsin:

“28-modda. Chet el investitsiyalari ishtirokidagi korxonalar mol-mulki

Korxonalar aksiyalarining (ulushlari, paylarining) yoki ustav fondining kamida 10 foizini chet el investitsiyalari tashkil etadigan korxonalar Oʻzbekiston Respublikasi hududida chet el investitsiyalari ishtirokidagi korxonalar hisoblanadi. Ular Oʻzbekiston Respublikasining qonun hujjatlariga zid kelmaydigan har qanday tashkiliy-huquqiy shakllarda amal qiladi.

Chet el investitsiyalari ishtirokidagi korxona yoki ushbu korxonani taʼsis etish yoʻli bilan yohud ilgari chet el investitsiyalarisiz taʼsis etilgan korxonada chet ellik investorning ishtirok ulushini (pay, aksiya) sotib olishi yoki bunday korxonani butunlay, shu jumladan, xususiylashtirish jarayoni mobaynida sotib olishi natijasida tashkil etilishi mumkin”.

VIII. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasidagi korxonalar toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1991-yil, № 4, 78-modda; 1993-yil, № 6, 246-modda):

1) 39-modda 1-bandining birinchi qismi quyidagi tahrirda bayon etilsin:

“1. Korxonani tugatish mol-mulk egasi yoki shu mol-mulkni boshqarishga vakil qilingan organ tuzgan tugatish komissiyasi tomonidan amalga oshiriladi, bankrotlik hollari bundan mustasno. Xoʻjalik sudi xoʻjalik yuritish subyektining bankrot boʻlganligi toʻgʻrisida hal qiluv qarori qabul qilgan taqdirda, tugatish komissiyasini tuzish hamda uning ishlash tartibi “Bankrotlik toʻgʻrisida”gi Oʻzbekiston Respublikasi Qonuniga muvofiq belgilanadi”;

2) 40-modda 1-bandining birinchi qismi quyidagi mazmundagi gap bilan toʻldirilsin:

“Bankrot boʻlgan xoʻjalik yuritish subyektining kreditorlar daʼvolarini qanoatlantirish hamda mol-mulkini taqsimlash tartibi va navbati “Bankrotlik toʻgʻrisida”gi Oʻzbekiston Respublikasi Qonuniga muvofiq belgilanadi”.

Keyingi tahrirga qarang.

IX. Oʻzbekiston Respublikasining 1991-yil 15-fevralda qabul qilingan “Korxonalar, birlashmalar va tashkilotlardan olinadigan soliqlar toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1991-yil, № 4, 86-modda; № 8, 191-modda; 1992-yil, № 1, 49-modda; № 4, 177-modda; № 9, 337-modda; 1993-yil, № 1, 20-modda; № 6, 240-modda; 1994-yil, № 5, 159-modda):

1) muqaddimaning uchinchi qismi quyidagi mazmundagi xatboshi bilan toʻldirilsin:

“yer osti boyliklaridan foydalanganlik uchun olinadigan soliq”;

2) 4-moddaning birinchi qismida:

toʻrtinchi xatboshidagi “bank kreditlari” degan soʻzlar “qisqa muddatli bank kreditlari” degan soʻzlar bilan almashtirilsin;

sakkizinchi xatboshidagi ikkinchi gap quyidagi tahrirda bayon etilsin:

“Intellektual mulkka va boshqa nomoddiy mulk obyektlariga boʻlgan huquq olinganda bu huquqning qiymati nomoddiy xarajatlar tarkibiga qoʻshiladi”;

3) 6-modda 1-bandining birinchi xatboshisi “oʻtilganlaridan tashqari” degan soʻzlardan keyin “shuningdek “Toshkent” respublika fond birjasi va Milliy depozitariy daromadlariga” degan soʻzlar bilan toʻldirilsin;

4) 11-moddaning 1-bandi quyidagi tahrirda bayon etilsin:

“1) yuridik shaxs boʻlmish:

a) patent egasining (litsenziarning) sanoat mulki obyektlaridan oʻz ishlab chiqarishida foydalanishdan, shuningdek ular uchun litsenziya sotishdan olinadigan daromadlariga, shu jumladan valyuta tushumlariga quyidagilarni qoʻllash boshlangan sanadan eʼtiboran ularning amal qilish muddati doirasida:

patent boʻyicha ixtironi — 5 yil davomida;

dastlabki patent boʻyicha ixtironi — 3 yil davomida;

patent boʻyicha sanoat namunasini — 3 yil davomida;

dastlabki patent boʻyicha sanoat namunasini — 2 yil davomida;

guvohnoma boʻyicha foydali modelni — 2 yil davomida;

b) litsenziatning (litsenziya shartnomasi predmetidan foydalanishdan oladigan daromadlariga, shu jumladan valyuta tushumlariga quyidagilarni qoʻllash boshlangan sanadan eʼtiboran:

patent boʻyicha ixtironi — 5 yil davomida;

dastlabki patent boʻyicha ixtironi — 3 yil davomida;

patent boʻyicha sanoat namunasini — 3 yil davomida;

dastlabki patent boʻyicha sanoat namunasini — 2 yil davomida;

guvohnoma boʻyicha foydali modelni — 2 yil davomida;

mahsulot belgisi yoki xizmat koʻrsatish belgisi —1 yil davomida (litsenziarning mahsulotini ishlab chiqarganda)”;

5) 12-moddaning birinchi qismi quyidagi mazmundagi xatboshi bilan toʻldirilsin:

“korxonalarning, muassasalarning va tashkilotlarning oʻz mablagʻlarini kooperatsiyalash usuli bilan uy-joy qurilishiga, shuningdek yakka tartibda uy-joy qurish yoki uy-joy sotib olish uchun maxsus ssuda-jamgʻarma schyotiga mablagʻlarni oʻtkazish yoʻli bilan oʻz xodimlariga moliyaviy yordam koʻrsatishiga qaratilgan daromadlariga”;

6) 18-moddadagi “25” raqami “20” raqami bilan almashtirilsin;

7) 19-moddaning:

16-bandi quyidagi tahrirda bayon etilsin:

“16) intellektual mulk obyektlariga boʻlgan huquqini olganlik uchun patent boji roʻyxatdan oʻtkazish yigʻimi va litsenziya toʻlovi”;

modda quyidagi mazmundagi 37 va 38-bandlar bilan toʻldirilsin:

“37) respublikada ishlab chiqariladigan hamda yakka tartibda uy quruvchilarga va uy-joy qurilishi kooperativlariga sotiladigan binokorlik materiallari;

38) xususiy va kooperativ uy-joy qurilishida binokorlik hamda maxsus montaj ishlarini amalga oshiruvchi, mulkchilik shaklidan qatʼi nazar, pudratchi, remont-qurilish, maxsus montaj tashkilotlarining bajargan ish hajmi”;

8) 34-modda quyidagi tahrirda bayon etilsin:

“34-modda. Soliq stavkalari

Korxonalarning mol-mulkiga 2 foiz stavka boʻyicha soliq solinadi”;

9) Qonun quyidagi mazmundagi VII-1 bob bilan toʻldirilsin:

“VII-1. YER OSTI BOYLIKLARIDAN FOYDALANGANLIK UChUN OLINADIGAN SOLIQ

36¹-modda. Soliq toʻlovchilar

Oʻzbekiston Respublikasi hududida foydali qazilmalarni qazib olishni amalga oshirayotgan yoki yer osti boyliklaridan oʻzgacha tarzda foydalanayotgan mulkchilikning barcha shakllariga mansub korxonalar, birlashmalar va tashkilotlar, yuridik va jismoniy shaxslar yer osti boyliklaridan foydalanganlik uchun soliq toʻlovchilardir.

36²-modda. Soliq obyekti

Qazib olingan mineral xomashyoning hajmi yoki yer osti boyliklaridan mineral xomashyo qazib olish va qayta ishlash bilan bogʻliq boʻlmagan holda oʻzgacha tarzda foydalanish soliq solish obyekti hisoblanadi.

Yer osti boyliklaridan foydalanuvchilar qazib olgan hamma mineral xomashyo uchun — asosiy foydali qazilma uchun ham ularga qoʻshilib chiqadigan foydali qazilmalar va komponentlar uchun ham soliq toʻlaydilar.

36³-modda. Soliq stavkalari va imtiyozlar

Mineral xomashyo turlari boʻyicha soliq stavkalarining miqdorlarini, yer osti boyliklaridan foydalanuvchilarning ayrim toifalari uchun qoʻshimcha imtiyozlarni, soliqni toʻlash va budjetga kiritish tartibini Oʻzbekiston Respublikasi Vazirlar Mahkamasi belgilaydi”;

10) 39-moddaning:

1-bandi quyidagi mazmundagi “b” bandcha bilan toʻldirilsin:

“b) respublika hududidagi banklarda valyuta schyotlari ochilganliklari toʻgʻrisidagi axborotni bir hafta muddat ichida taqdim etishlari”;

1-bandning “b”, “v” va “g” bandchalari tegishli ravishda “v”, “g” va “d” bandchalari deb hisoblansin;

3-bandining ikkinchi xatboshisidagi “43” raqami “40” raqami bilan almashtirilsin.

Keyingi tahrirga qarang.

X. Oʻzbekiston Respublikasining 1991-yil 19-noyabrda qabul qilingan “Davlat tasarrufidan chiqarish va xususiylashtirish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 43-modda; 1993-yil, № 5, 236-modda) 4-moddasining 2-bandidagi “er, yer osti boyliklari” degan soʻzlar “er (qonun hujjatlarida nazarda tutilgan hollar bundan mustasno), yer osti boyliklari” degan soʻzlar bilan almashtirilsin.

Keyingi tahrirga qarang.

XI. Oʻzbekiston Respublikasining 1992-yil 2-iyulda qabul qilingan “Birjalar va birja faoliyati toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 10, 394-modda; 1993-yil, № 9, 329-modda) 6-moddasi 1-bandining ikkinchi qismi quyidagi tahrirda bayon etilsin:

“Birjaning ustav fondi eng kam oylik ish haqining 500 baravaridan kam boʻlmasligi kerak”.

Keyingi tahrirga qarang.

XII. Oʻzbekiston Respublikasining 1992-yil 2-iyulda qabul qilingan “Monopolistik faoliyatni cheklash toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 10, 392-modda) 9-moddasining 1-bandi quyidagi tahrirda bayon etilsin:

“1. Monopoliyaga qarshi faoliyatni amalga oshirishga vakolatli organ xoʻjalik yurituvchi subyektlarga:

a) qoidabuzarlikni toʻxtatish, dastlabki holatni tiklash, ushbu Qonunga zid shartnomalarni bekor qilish yoki oʻzgartirish toʻgʻrisidagi koʻrsatmalarni bajarishdan boʻyin tovlaganlik yoki oʻz vaqtida bajarmaganlik uchun:

boshqaruv organlariga va yuridik shaxs boʻlmish xoʻjalik yurituvchi subyektlarga — eng kam oylik ish haqining 100 baravaridan 500 baravarigacha miqdorda;

jismoniy shaxs boʻlmish xoʻjalik yurituvchi subyektlarga — eng kam oylik ish haqining 5 baravaridan 7 baravarigacha miqdorda;

davlat hokimiyati va boshqaruv organlarining hamda xoʻjalik yurituvchi subyektlarning mansabdor shaxslariga — eng kam oylik ish haqining 3 baravaridan 5 baravarigacha miqdorda;

b) monopoliyaga qarshi faoliyatni amalga oshirishga vakolatli organga xabar bermaganlik yoki qasddan notoʻgʻri maʼlumot berganlik uchun:

boshqaruv organlariga va yuridik shaxs boʻlmish xoʻjalik yurituvchi subyektlarga — eng kam oylik ish haqining 40 baravaridan 50 baravarigacha miqdorda;

jismoniy shaxs boʻlmish xoʻjalik yurituvchi subyektlarga — eng kam oylik ish haqining 5 baravaridan 7 baravarigacha miqdorda;

davlat hokimiyati va boshqaruv organlarining hamda xoʻjalik yurituvchi subyektlarning mansabdor shaxslariga — eng kam oylik ish haqining 3 baravaridan 5 baravarigacha miqdorda jarima solishga haqlidir”.

Keyingi tahrirga qarang.

XIII Oʻzbekiston Respublikasining 1992-yil 3-iyulda qabul qilingan “Umumiy harbiy majburiyat va harbiy xizmat toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 10, 401-modda) 15-moddasining 1-bandining ikkinchi xatboshisi quyidagi tahrirda bayon etilsin:

“Fuqarolarni muddatli harbiy xizmatga chaqirish Oʻzbekiston Respublikasi Vazirlar Mahkamasining qaroriga asosan yiliga ikki marta oʻtkaziladi”.

Keyingi tahrirga qarang.

XIV. Oʻzbekiston Respublikasining 1992-yil 3-iyulda qabul qilingan “Guvohlar, jabrlanuvchilar, ekspertlar, mutaxassislar, tarjimonlar va xolislarning qilgan xarajatlarini toʻlash tartibi va miqdorlari toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1992-yil, № 9, 359-modda):

1) 3-modda quyidagi tahrirda bayon qilinsin:

“3. Ekspertlar, mutaxassislar bajargan ish uchun eng kam ish haqiga nisbatan — ishning bir soatiga 0,015 — 0, 020 koeffitsiyenti boʻyicha haq toʻlanadi”;

2) 4-modda quyidagi tahrirda bayon qilinsin:

“4. Tarjimonlar yozma tarjimaga — har 1000 bosma (qoʻlyozma) belgi uchun eng kam ish haqiga nisbatan — 0,010 — 0,015 koeffitsiyenti boʻyicha haq oladilar.

Sud majlislarida yoki surishtiruv organlari va dastlabki tergov organlari oʻtkazadigan soʻroqlarda tarjimon sifatida qatnashganlik uchun tarjimonlar eng kam ish haqiga nisbatan — ishning bir soatiga 0,015 — 0,020 koeffitsiyenti boʻyicha haq oladilar”.

Keyingi tahrirga qarang.

XV. Oʻzbekiston Respublikasining 1992-yil 9-dekabrda qabul qilingan “Garov toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 1, 17-modda):

1) 4-moddaning 1-bandi “pul mablagʻlari” degan soʻzlardan keyin “yuridik va jismoniy shaxslar mulkida boʻlgan savdo va xizmat koʻrsatish sohasi obyektlari ular joylashgan yer uchastkalari bilan birga” degan soʻzlar bilan toʻldirilsin;

2) 36-moddaning 1-bandi “boshqa mulkiy majmualar” degan soʻzlardan keyin “yuridik va jismoniy shaxslar mulkida boʻlgan savdo va xizmat koʻrsatish sohasi obyektlari ular joylashgan yer uchastkalari bilan birga” degan soʻzlar bilan toʻldirilsin.

Keyingi tahrirga qarang.

XVI. Oʻzbekiston Respublikasining 1992-yil 9-dekabrda qabul qilingan “Xoʻjalik jamiyatlari va shirkatlari toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 1, 13-modda):

1) 10-moddaning 1-bandi quyidagi tahrirda bayon etilsin:

“1. Aksiyador jamiyatning ustav fondi yopiq jamiyat uchun eng kam oylik ish haqining 100 baravaridan hamdan ochiq jamiyat uchun eng kam oylik ish haqining 200 baravaridan kam boʻlmasligi kerak”;

2) 11-modda 4-bandining birinchi qismi quyidagi tahrirda bayon etilsin:

“4. Aksiyaning nominal qiymati 100 soʻmdan kam boʻlishi mumkin emas”;

3) 17-moddaning 1-bandi quyidagi tahrirda bayon etilsin:

“1. Masʼuliyati cheklangan yoki qoʻshimcha masʼuliyatli jamiyatda ustav fondi tuzilib, uning miqdori eng kam oylik ish haqining 50 baravaridan kam boʻlmasligi kerak”.

Keyingi tahrirga qarang.

XVII. Oʻzbekiston Respublikasining 1993-yil 6-mayda qabul qilingan “Sugʻurta toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 5, 217-modda);

1) 4-moddaning 1-bandi quyidagi tahrirda bayon etilsin:

“1. Oʻzbekiston Respublikasida majburiy sugʻurta amalga oshiriladi. Majburiy sugʻurta turlari, shartlari, sugʻurta tariflari va majburiy sugʻurtani oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi”;

2) 10-modda:

1-bandining birinchi qismi quyidagi tahrirda bayon etilsin:

“1. Sugʻurta toʻlovlari (sugʻurta mukofotlari) — sugʻurtalanuvchi sugʻurtalovchiga toʻlaydigan badallar boʻlib, ularni hisoblab chiqarish tartibi va ularning miqdori sugʻurta shartnomasida belgilab qoʻyiladi hamda ular soʻmda ham, chet el valyutasida ham toʻlanishi mumkin”;

3-bandi chiqarib tashlansin;

3) 22-moddaning 3-bandidagi “tugatish” degan soʻz “tugatiluvchanlik” degan soʻz bilan almashtirilsin.

Keyingi tahrirga qarang.

XVIII. Oʻzbekiston Respublikasining 1993-yil 6-mayda qabul qilingan “Yer soligʻi toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 5, 215-modda):

1) 1-modda:

birinchi qismi quyidagi tahrirda bayon etilsin:

“Oʻz egaligida, foydalanishida yer uchastkalari boʻlgan yuridik va jismoniy shaxslar, shuningdek savdo hamda xizmat koʻrsatish sohasi obyektlari bilan birga ular joylashgan yer uchastkalarining mulkdorlari har yili yer soligʻi toʻlaydilar, uning miqdori ushbu yer uchastkasining sifati, qanday joydaligi va suv bilan qanday taʼminlanganligiga qarab belgilanadi”;

ikkinchi qismi chiqarib tashlansin;

2) 2-moddaning birinchi qismidagi “Oʻz tasarrufida” degan soʻzlar “Oʻz mulkida, egaligida” degan soʻzlar bilan almashtirilsin;

3) 3-moddaning ikkinchi qismi quyidagi tahrirda bayon etilsin:

“Kimningdir mulkida, egaligida va foydalanishida boʻlgan har bir yer uchastkasi uchun yer soligʻi stavkalarining miqdorlari yer uchastkasining sifati, qanday joydaligi va suv bilan qanday taʼminlanganligiga qarab tabaqalashtirilgan holda belgilanadi”;

4) 5-modda:

uchinchi qismi “yil davomida” degan soʻzlardan keyin “yer uchastkasiga mulkdorlik qilish” degan soʻzlar bilan toʻldirilsin;

toʻrtinchi qismi “olib qoʻyilgan (yer maydoni kamaytirilgan)” degan hamda “yer uchastkasi olib qoʻyilgan” degan soʻzlardan keyin “sotib olingan, sotilgan” degan soʻzlar bilan toʻldirilsin;

5) 6-modda:

birinchi qismidagi “Yerga egalik qiluvchi” degan soʻzlar “Yer uchastkalari mulkdorlari, yerga egalik qiluvchi” degan soʻzlar bilan almashtirilsin;

quyidagi mazmundagi uchinchi qism bilan toʻldirilsin:

“Fuqarolar yil davomida savdo va xizmat koʻrsatish sohasi obyektlarini ular joylashgan yer uchastkalari bilan birga olgan taqdirda yer soligʻi ular olingandan keyingi oydan boshlab hisoblanadi. Yer soligʻi undirish ular sotib olingan, sotilgan oydan boshlab toʻxtatiladi (kamaytiriladi)”;

uchinchi qismi toʻrtinchi qism deb hisoblansin.

Keyingi tahrirga qarang.

XIX. Oʻzbekiston Respublikasining 1993-yil 7-mayda qabul qilingan “Valyutani tartibga solish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 225-modda) 1-moddasining 1-bandidagi “rubldir” degan soʻz “soʻmdir” degan soʻz bilan almashtirilsin.

Keyingi tahrirga qarang.

XX. Oʻzbekiston Respublikasining 1993-yil 7-mayda qabul qilingan “Mahalliy soliqlar va yigʻimlar toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 227-modda) 1-moddasining toʻrtinchi qismidagi “t” bandchasi chiqarib tashlansin.

Keyingi tahrirga qarang.

XXI. Oʻzbekiston Respublikasining 1993-yil 2-sentabrda qabul qilingan “Qimmatli qogʻozlar va fond birjasi toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1993-yil, № 9, 325-modda):

1) 14-modda quyidagi tahrirda bayon etilsin:

“14-modda. Gerb yigʻimi

Qimmatli qogʻozlar va emissiya risolalarini chiqarishni roʻyxatdan oʻtkazish paytida gerb yigʻimi olinadi. Yigʻim miqdori hamda uni toʻlash tartibi Oʻzbekiston Respublikasi qonun hujjatlari bilan belgilab qoʻyiladi. Boshqa biron bir yigʻim va boj (birja yigʻimlari va bojlaridan tashqari) undirib olinishiga yoʻl qoʻyilmaydi.”;

2) 16-moddaning uchinchi qismidagi “chet el investitsiyalari toʻgʻrisidagi” degan soʻzlar chiqarib tashlansin.

Keyingi tahrirga qarang.

XXII. Oʻzbekiston Respublikasining 1994-yil 5-mayda qabul qilingan “Chet el investitsiyalari va chet ellik investorlar faoliyatining kafolatlari toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1994-yil, № 5, 128-modda):

1) 3-moddaning beshinchi xatboshisi “shu jumladan” degan soʻzlardan keyin “savdo va xizmat koʻrsatish sohasi obyektlari bilan birga ular joylashgan yer uchastkalariga mulkdorlik” degan soʻzlar bilan toʻldirilsin;

2) 9-modda quyidagi mazmundagi toʻrtinchi qism bilan toʻldirilsin:

“Chet el investorlari va chet el investitsiyasi ishtirokidagi korxonalar qonun hujjatlarida belgilangan tartibda hamda shartlarda savdo va xizmat koʻrsatish sohasi obyektlarini ular joylashgan yer uchastkalari bilan birga mulk qilib olishlari mumkin”;

3) 22-moddadagi “Uning binolarga” degan soʻzlar “Uning savdo va xizmat koʻrsatish sohasi obyektlari bilan birga ular joylashgan yer uchastkalariga mulkdorlik huquqi, binolarga” degan soʻzlar bilan almashtirilsin.

Keyingi tahrirga qarang.

Oʻzbekiston Respublikasining Prezidenti I. KARIMOV

Toshkent sh.,

1994-yil 23-sentabr,

2022-XII-son

(Oʻzbekiston Respublikasi Oliy Kengashining Axborotnomasi, 1994-y., 11-12-son, 285-modda; Oʻzbekiston Respublikasi Oliy Majlisining Axborotnomasi, 1995-y., 6-son, 121-modda; 1995-y., 12-son, 269-modda; 1996-y., 11-12-son; 1997-y., 2-son, 55-modda; 4-5-son; 1998-y., 5-6-son, 92-modda;83-modda; 96-modda; 2001-y., 1-2-son, 23-modda; 9-10-son, 171-modda; 2002-y., 1-son, 9-modda; 11-modda; 4-5-son, 69-modda; 12-son, 218-modda; 2004-y., 1-2-son, 6-modda; Oʻzbekiston Respublikasi qonun hujjatlari toʻplami, 2008-y., 29-30-son, 278-modda; Qonunchilik maʼlumotlari milliy bazasi, 04.08.2022-y., 03/22/786/0705-son; 15.02.2024-y., 03/24/907/0127-son)