Hujjat kuchini yo‘qotgan " " 16.12.2025
O‘zbekiston Respublikasi Vazirlar Mahkamasining
qarori
O‘ZBEKISTON RESPUBLIKASI VAZIRLAR MAHKAMASINING “AVTOTRANSPORT VOSITALARINI xARID QILISH-SOTISH, ALMASHTIRISH VA HADYA ETISH BITIMLARINI RASMIYLASHTIRISH TARTIBI TO‘G‘RISIDA” 1991-YIL 16-SENTABRDAGI 233-SON QARORIGA O‘ZGARTIRISHLAR KIRITISH HAQIDA
 LexUZ sharhi
Mazkur qaror O‘zbekistan Respublikasi Vazirlar Mahkamasining 2025-yil 15-dekabrdagi 791-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
Vazirlar Mahkamasi qaror qiladi:
O‘zbekiston Respublikasi Vazirlar Mahkamasining “Avtotransport vositalarini xarid qilish-sotish, almashtirish va hadya etish bitimlarini rasmiylashtirish tartibi to‘g‘risida” 1991-yil 16-sentabrdagi 233-son qarori (O‘zbekiston Respublikasi QT, 1991-yil 9-son 30 modda)ga quyidagi o‘zgartirishlar kiritilsin:
3 va 4-bandlar quyidagi tahrirda bayon qilinsin:
“3. Belgilab qo‘yilsinki, Avtotransport vositalarini xarid qilish-sotish, almashtirish va hadya etish shartnomalarini tasdiqlaganlik uchun notarial idoralari tomonidan undiriladigan poshlinasi summasining 80 foizi, shuningdek, O‘zbekiston Respublikasi Ichki ishlar vazirligining Davlat yo‘l harakati xavfsizligi xizmati organlari avtotransport vositalarini qayta ro‘yxatga olganliklari uchun undiriladigan summaning 85 foizi mahalliy budjetlarga o‘tqiziladi. Qolgan 20 va 15 foizi O‘zbekiston Respublikasi Adliya vazirligining adliya va sud muassalarini rivojlantirish fondining va O‘zbekiston Respublikasi Ichki ishlar vazirligining YHX bosh boshqarmasining hisob-kitob schyotlariga o‘tqiziladi.
4. Yuridik va jismoniy shaxslar tomonidan avtotransport ishlab chiqaruvchi korxonalardan, ularning vakillaridan, vositachi (distribyutor) tashkilotlardan, shuningdek, kimoshdi savdolaridan sotib olingan avtomototransportni ro‘yxatga olish davlat notarial idorasida xarid qilish-sotish shartnomasini tasdiqlamasdan O‘zbekiston Respublikasi Ichki ishlar vazirligining Davlat yo‘l harakati xavfsizligi xizmati organlarida amalga oshiriladi”.
(to‘rtinchi va beshinchi xatboshilari O‘zbekiston Respublikasi Vazirlar Mahkamasining 2003-yil 13-yanvardagi 12-sonli qarori tahririda — O‘R QHT, 2003-y., 1-2-son, 8-modda)
2. band o‘z kuchini yo‘qotgan deb hisoblansin.
O‘zbekiston Respublikasi Bosh vaziri A. MUTALOV
Toshkent sh.,
1994-yil 29-sentabr,
491-son