1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.05.00 Mahsulot sifati. Standartlashtirish. Sertifikatlashtirish. Metrologiya. Tovarlar markirovkasi. Aksizlar (shuningdek, 09.07.00.00ga qarang)]
Suv va salqin ichimliklarni majburiy raqamli markirovkalash tizimini joriy etish toʻgʻrisida
Suv va salqin ichimliklarni ishlab chiqarish, olib kirish va ularning aylanmasini hisobga olish mexanizmlarini tubdan takomillashtirish hamda qonuniy aylanmasini taʼminlash, shuningdek, ushbu mahsulotlarni majburiy raqamli markirovkalash tizimini joriy qilish maqsadida Vazirlar Mahkamasi qaror qiladi:
1. Quyidagilar:
a) Vazirlar Mahkamasining “Ayrim turdagi mahsulotlarni majburiy raqamli markirovkalash tizimini joriy etish toʻgʻrisida” 2020-yil 20-noyabrdagi 737-son qarori bilan “Asl belgisi” mahsulotlarni markirovkalash va kuzatib borish milliy axborot tizimi (keyingi oʻrinlarda — “Asl belgisi” MAT) joriy qilinganligi hamda “CRPT TURON” MCHJ mazkur tizimning operatori (keyingi oʻrinlarda — operator) sifatida belgilanganligi;
b) Vazirlar Mahkamasining “Ayrim turdagi mahsulotlarni majburiy raqamli markirovkalash tizimi bosqichma-bosqich joriy etilishini taʼminlash chora-tadbirlari toʻgʻrisida” 2020-yil 31-dekabrdagi 833-son qaroriga muvofiq, markirovka kodlari ishlab chiqaruvchilar va import qiluvchilarga operator tomonidan taqdim etilishi, shuningdek elektron hisobvaraq-fakturalarda va onlayn nazorat kassa texnikasining sotuv cheklarida aks etilishi orqali Davlat soliq qoʻmitasining maʼlumotlarni qayta ishlash markazi tomonidan operatorga ushbu markirovka kodlarni harakati yuzasidan maʼlumotlar taqdim etilishi;
v) Vazirlar Mahkamasining “Majburiy raqamli markirovkalanishi lozim boʻlgan mahsulotlar roʻyxatini kengaytirish boʻyicha tajriba loyihalarini amalga oshirish chora-tadbirlari toʻgʻrisida” 2021-yil 20-maydagi 322-son qaroriga muvofiq suv va salqin ichimliklarni raqamli markirovkalash mexanizmlarini ishlab chiqish boʻyicha tajriba loyihasi amalga oshirilganligi maʼlumot uchun qabul qilinsin.
2. Oʻzbekiston Respublikasi Davlat soliq qoʻmitasi, Moliya vazirligi hamda Qishloq xoʻjaligi vazirligining suv va salqin ichimliklarni muddatlari boʻyicha guruhlarga boʻlishni nazarda tutgan holda identifikatsiya vositalari orqali majburiy raqamli markirovkalash tizimini 2023-2024-yillar davomida bosqichma-bosqich joriy qilish toʻgʻrisidagi taklifi maʼqullansin.
Bunda majburiy raqamli markirovkalashni boshlash muddatlari hamda mahsulotlar turlari quyidagicha belgilansin:
birinchi guruh — achitilmagan va tarkibiga spirt qoʻshilmagan, shakar yoki boshqa shirinlik qoʻshilgan yoki qoʻshilmagan meva sharbatlari (uzum shirasi mustasno) va sabzavot sharbatlari, shuningdek gazlangan hamda gazlanmagan suvlar va ichimliklar — 2023-yil 1-iyuldan boshlab;
ikkinchi guruh — metall, shu jumladan, alyumin idishdagi suv va salqin ichimliklar — 2024-yil 1-avgustdan boshlab.
Majburiy raqamli markirovkalanadigan suv va salqin ichimliklarning identifikatsiya kodlari roʻyxati 1-ilovaga muvofiq;
Suv va salqin ichimliklarni ishlab chiqaruvchi tashkilotlar tomonidan majburiy raqamli markirovkalash tizimini bosqichma-bosqich joriy qilish grafigi 2-ilovaga muvofiq;
Suv va salqin ichimliklarni import qiluvchi tashkilotlar tomonidan majburiy raqamli markirovkalash tizimini bosqichma-bosqich joriy qilish grafigi 3-ilovaga muvofiq;
Suv va salqin ichimliklarni ulgurji va chakana savdo tashkilotlari tomonidan majburiy raqamli markirovkalash tizimiga bosqichma-bosqich oʻtish grafigi 4-ilovaga muvofiq;
Suv va salqin ichimliklarni identifikatsiya vositalari orqali majburiy raqamli markirovkalash xususiyatlari toʻgʻrisidagi nizom 5-ilovaga muvofiq tasdiqlansin.
4. Shunday tartib oʻrnatilsinki, unga muvofiq:
operator tomonidan majburiy raqamli markirovkalanishi belgilangan suv va salqin ichimliklarni majburiy raqamli markirovkalash uchun markirovka kodlari mazkur mahsulotlarni ishlab chiqaruvchilarga va import qiluvchilarga tegishli buyurtma asosida taqdim etiladi;
suv va salqin ichimliklarni identifikatsiya vositalari orqali majburiy raqamli markirovkalash tartibi 2023-2024-yillar davomida bosqichma-bosqich joriy qilinadi;
Oʻzbekiston Respublikasida PET qadoqlarida yarim (0,5) litr va undan oshmagan holda ishlab chiqarilgan gazlanmagan suvlarni majburiy raqamli markirovkalashda identifikatsiya vositalarini shakllantirish maqsadida raqamli markirovka kodlari operator tomonidan bepul taqdim etiladi;
suv va salqin ichimliklarning tegishli guruhini majburiy raqamli markirovkalash tartibini joriy qilish kuniga qadar ishlab chiqaruvchi va import qiluvchi tashkilotlar operatorga markirovka kodlarini buyurtma berishga hamda ushbu mahsulotlarni ularning qadoqlariga identifikatsiyalash vositalarini qoʻllagan holda ishlab chiqarishga haqli;
2023-yil 1-iyuldan eʼtiboran tegishli guruhdagi suv va salqin ichimliklarni import qiluvchilar zimmasiga bojxona yuk deklaratsiyasida import qilinadigan mahsulotlar boʻyicha agregatsiyalangan import kodini aks ettirish majburiyati yuklanadi.
5. Belgilansinki, suv va salqin ichimliklarning tegishli guruhini majburiy raqamli markirovkalash tartibi joriy qilingan kundan boshlab:
tegishli guruhdagi suv va salqin ichimliklarni majburiy raqamli markirovkasiz mahalliy ishlab chiqarish (eksport uchun ishlab chiqarish bundan mustasno) taqiqlanadi. Bunda mazkur holatlar aniqlanganda, qonunchilikka muvofiq javobgarlikka tortish uchun asos boʻladi;
majburiy raqamli markirovkalanadigan suv va salqin ichimliklarning markirovkalanmasdan sotilish holatlari boʻyicha qonunchilik hujjatlariga muvofiq choralar koʻrilgan holda, raqamli markirovka qoidalarini, shuningdek, savdo qoidalarini buzish (hujjatlari mavjud boʻlmagan tovarlarni sotish) sifatida qaraladi.
Oʻzbekiston Respublikasi hududiga import qilinayotgan suv va salqin ichimliklarning agregatsiyalangan import kodi boʻyicha maʼlumotlarni bojxona yuk deklaratsiyasida koʻrsatilmasdan, “erkin muomalaga chiqarish” bojxona rejimiga rasmiylashtirish taqiqlanadi;
olti oy mobaynida tegishli guruhdagi suv va salqin ichimliklarni ishlab chiqaruvchilar va import qiluvchilar tomonidan raqamli markirovkalanmagan suv va salqin ichimliklar qoldiqlarini sotishga ruxsat beriladi;
toʻqqiz oy mobaynida tegishli guruhdagi suv va salqin ichimliklarni ulgurji savdo tashkilotlari tomonidan raqamli markirovkalanmagan suv va salqin ichimliklar qoldiqlarini sotishga ruxsat beriladi;
toʻqqiz oy oʻtgach tegishli guruhdagi suv va salqin ichimliklarni mahsulotlar aylanmasi ishtirokchilari oʻrtasida taqsimlashni faqat elektron hisobvaraq — fakturalarga markirovka kodlari toʻgʻrisidagi maʼlumotlarni kiritgan hamda “Asl belgisi” MATga maʼlumot yuborgan holda amalga oshiriladi;
tegishli guruhlar uchun belgilangan majburiy raqamli markirovkalash sanasiga qadar ishlab chiqarilgan va yuqorida belgilangan muddatlarda erkin muomalaga kiritilgan suv va salqin ichimliklarni chakana savdo tashkilotlari tomonidan oʻn ikki oydan koʻp boʻlmagan muddatda identifikatsiya vositalarisiz sotishga ruxsat beriladi;
suv va salqin ichimliklarni ishlab chiqarish, olib kirish (import qilish), ularning chakana yoki ulgurji savdosi bilan shugʻullanuvchi korxonalarga ushbu qarorga 2 — 4 ilovalarda keltirilgan muddatlarda “Asl belgisi” MATga ulanish hamda mazkur tizimga raqamli markirovkalangan mahsulotlarning muomalaga kiritilishi, muomalada boʻlishi va muomaladan chiqarilishi toʻgʻrisidagi tegishli maʼlumotlarni taqdim etish majburiyati yuklanadi.
6. Operator Oʻzbekiston Respublikasi Davlat soliq qoʻmitasi bilan birgalikda “Asl belgisi” MATda belgilangan tartibda roʻyxatdan oʻtgan hamda tegishli shartnomani imzolagan suv va salqin ichimliklarni ishlab chiqaruvchi va import qiluvchi tashkilotlarni 2023-yil 1-iyulga qadar buyurtmalarni boshqarish stansiyasi bilan, shu jumladan, mazkur uskunalardan masofaviy foydalanish imkoniyatini taʼminlasin.
7. Oʻzbekiston Respublikasi Tashqi ishlar vazirligi Oʻzbekiston Respublikasida suv va salqin ichimliklarni majburiy raqamli markirovkalash tartibi joriy qilinganligi toʻgʻrisida xorijiy davlatlar xabardor qilinishini taʼminlasin.
8. Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirish va qoʻshimchalar kiritilsin.
9. Oʻzbekiston Respublikasi Davlat soliq qoʻmitasi Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa manfaatdor idoralar bilan birgalikda mazkur qarorning mazmun-mohiyati hamda uni amalga oshirish jarayonlarining ommaviy axborot vositalarida keng yoritilishini taʼminlasin.
10. Oʻzbekiston Respublikasi Davlat soliq qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 1-noyabr,
631-son
Vazirlar Mahkamasining 2022-yil 1-noyabrdagi 631-son qaroriga 1-ILOVA
Majburiy raqamli markirovkalanadigan suv va salqin ichimliklarning identifikatsiya kodlari
Achitilmagan va tarkibida spirt qoʻshilmagan, shakar yoki boshqa shirinlik qoʻshilgan yoki qoʻshilmagan meva sharbatlari (uzum shirasi bundan mustasno) va sabzavot sharbatlari, shuningdek gazlangan hamda gazlanmagan suvlar va ichimliklar
2009, 2201, 2202
02009, 02201, 02202
Ikkinchi guruh
2.
Metall, shu jumladan, alyumin idishdagi suv va salqin ichimliklar
2201, 2202
02201, 02202
* roʻyxatda keltirilgan TIF TN hamda MXIK kodlari Oʻzbekiston Respublikasi Davlat soliq qoʻmitasi tomonidan “Asl belgisi” MAT operatori bilan kelishgan holda oʻzgartirilishi mumkin.
Vazirlar Mahkamasining 2022-yil 1-noyabrdagi 631-son qaroriga 2-ILOVA
Suv va salqin ichimliklarni ishlab chiqaruvchi tashkilotlar tomonidan majburiy raqamli markirovkalash tizimini bosqichma-bosqich joriy qilish
GRAFIGI
T/r
Tadbirlar nomi
Amalga oshirish muddati
birinchi guruh
ikkinchi guruh
1-bosqich. Majburiy raqamli markirovkalash tizimiga oʻtish yuzasidan tayyorgarlik ishlarni amalga oshirish
1.1
“Asl belgisi” MATda roʻyxatdan oʻtish va tegishli shartnomani imzolash.
2023-yil 1-fevralga qadar
2024-yil 1-martga qadar
1.2
Raqamli markirovka qoidalari va “Asl belgisi” MATda ishlash tartibi yuzasidan masʼul xodimlarni oʻrgatish.
2023-yil 15-fevralga qadar
2024-yil 15-martga qadar
1.3
“Markirovkalangan mahsulotlar katalogi” tizimiga barcha ishlab chiqariladigan mahsulotlar toʻgʻrisidagi maʼlumotlarni kiritish.
2023-yil 25-iyunga qadar
2024-yil 25-iyulga qadar
1.4
Raqamli markirovalanmagan mahsulotlar qoldigʻi hajmini aniqlash maqsadida korxonada tegishli xatlovni amalga oshirish hamda maʼlumotlarni Davlat soliq qoʻmitasiga va “Asl belgisi” MATga taqdim etilishini taʼminlash.
2023-yil 1-iyulga qadar
2024-yil 1-avgustga qadar
2-bosqich. Mahsulotning isteʼmol qadogʻiga maxsus joy ajratish. Zarur uskunalarni sotib olish va oʻrnatish
2.1
Ishlab chiqaruvchi tashkilot tomonidan oʻz mahsulotlarni ishlab chiqarish, saqlash va logistika tizimlarini joriy qilinadigan raqamli markirovka tizimiga mosligi yuzasidan oʻrganish oʻtkazish.
2023-yil 1-martga qadar
2024-yil 1-aprelga qadar
2.2.
Talablarga muvofiq mahsulotning isteʼmol qadogʻiga identifikatsiya vositasini yelimlash uchun maxsus joy ajratilishini taʼminlash.
2023-yil 1-aprelga qadar
2024-yil 1-mayga qadar
2.3
Zarur uskunalarni va dasturiy mahsulotlarni sotib olish toʻgʻrisida shartnoma tuzish.
2023-yil 1-aprelga qadar
2024-yil 1-mayga qadar
2.4
Zarur uskunalarni va dasturiy mahsulotlarni olib kelish.
2023-yil 1-iyunga qadar
2024-yil 1-iyulga qadar
2.5
Ishlab chiqarish liniyalarida zarur uskunalarni va dasturiy mahsulotlarni oʻrnatish.
2023-yil 25-iyunga qadar
2024-yil 25-iyulga qadar
3-bosqich. Majburiy raqamli markirovkalashni joriy etish
3.1
Majburiy raqamli markirovkalangan suv va salqin ichimliklarni ishlab chiqarilishini yoʻlga qoʻyish.
2023-yil 1-iyuldan boshlab
2024-yil 1-avgustdan boshlab
3.2
Mahsulotlarni majburiy raqamli markirovkalash toʻgʻrisidagi maʼlumotlar “Asl belgisi” MATga taqdim etilishini talab qilish.
2023-yil 10-iyuldan boshlab
2024-yil 10-avgustdan boshlab
4-bosqich. Agregatsiyalash tizimini joriy qilish
4.1
Agregatsiyalash tizimining tartib va qoidalarini oʻrganish.
2023-yil 1-dekabrga qadar
2025-yil 5-yanvarga qadar
4.2
Tizimni joriy qilish uchun talab qilinadigan uskuna va dasturiy mahsulotlarni sotib olish boʻyicha shartnomalarni tuzish.
2024-yil 1-yanvarga qadar
2025-yil 1-fevralga qadar
4.3
Uskuna va dasturiy mahsulotlar oʻrnatilishini taʼminlash.
2024-yil 15-martga qadar
2025-yil 15-aprelga qadar
4.4
Tayyor mahsulotlarni agregatsiyalash tizimini yoʻlga qoʻyish.
2024-yil 1-apreldan boshlab
2025-yil 1-maydan boshlab
5-bosqich. Markirovkalanmagan mahsulotlarni sotish, mahsulotlar toʻgʻrisidagi maʼlumotlarni “Asl belgisi” MATga taqdim etish
5.1
Markirovkalanmagan suv va salqin ichimliklar qoldiqlarining sotilishini va (yoki) uchinchi shaxslarga sotilishi bilan bogʻliq boʻlmagan sabablarga koʻra muomaladan chiqarilishini taʼminlash.
2024-yil 1-yanvarga qadar
2025-yil 1-fevralga qadar
5.2
Raqamli markirovka kodlari toʻgʻrisidagi maʼlumotlarning elektron hisob-varaq fakturalarga biriktirilishini taʼminlash.
2024-yil 1-apreldan boshlab
2025-yil 1-maydan boshlab
5.3
Suv va salqin ichimliklarni savdo subyektlariga sotish toʻgʻrisida maʼlumotlarni “Asl belgisi” MATga taqdim etish.
2024-yil 10-apreldan boshlab
2025-yil 10-maydan boshlab
5.4
Mahsulotlar aylanmasi boʻyicha barcha harakatlar toʻgʻrisidagi maʼlumotlarni “Asl belgisi” MATga kiritish.
Vazirlar Mahkamasining 2022-yil 1-noyabrdagi 631-son qaroriga 3-ILOVA
Suv va salqin ichimliklarni import qiluvchi tashkilotlar tomonidan majburiy raqamli markirovkalash tizimini bosqichma-bosqich joriy qilish
GRAFIGI
T/r
Tadbirlar nomi
Amalga oshirish muddati
birinchi guruh
ikkinchi guruh
1-bosqich. Majburiy raqamli markirovkalash tizimiga oʻtish yuzasidan tayyorgarlik ishlarni amalga oshirish
1.1
“Asl belgisi” MATda roʻyxatdan oʻtish va tegishli shartnomani imzolash.
2023-yil 5-fevralga qadar
2024-yil 5-martga qadar
1.2
Raqamli markirovka qoidalari va “Asl belgisi” MATda ishlash tartibi yuzasidan masʼul xodimlarni oʻrgatish.
2023-yil 20-fevralga qadar
2024-yil 20-martga qadar
1.3
“Markirovkalangan mahsulotlar katalogi” tizimiga barcha ishlab chiqariladigan mahsulotlar toʻgʻrisidagi maʼlumotlarni kiritish.
2023-yil 25-iyunga qadar
2024-yil 25-iyulga qadar
1.4
“Asl belgisi” MAT Operatoriga raqamli markirovka kodlarini buyurtma berishni yoʻlga qoʻyish.
2023-yil 15-iyundan boshlab
2024-yil 15-iyuldan boshlab
1.5
Raqamli markirovkalanmagan mahsulotlar qoldigʻi hajmini aniqlash maqsadida korxonada tegishli xatlovni amalga oshirish hamda maʼlumotlarni Davlat soliq qoʻmitasiga va “Asl belgisi” MATga taqdim etilishini taʼminlash.
2023-yil 1-iyulga qadar
2024-yil 1-avgustga qadar
1.6
Raqamli markirovkalanmagan suv va salqin ichimliklarni Oʻzbekiston Respublikasi hududiga olib kirish hamda “erkin muomalaga chiqarish” bojxona rejimiga rasmiylashtirish.
2023-yil 1-iyulga qadar
2024-yil 1-avgustga qadar
2-bosqich. Majburiy raqamli markirovkalashni joriy etish
2.1
Majburiy raqamli markirovkalangan suv va salqin ichimliklarni import qilinishini yoʻlga qoʻyish.
2023-yil 1-iyuldan boshlab
2024-yil 1-avgustdan boshlab
2.2
Mahsulotlarni majburiy raqamli markirovkalash toʻgʻrisidagi maʼlumotlar “Asl belgisi” MATga taqdim etilishini talab qilish.
2023-yil 10-iyuldan boshlab
2024-yil 10-avgustdan boshlab
2.3
Import qilinadigan mahsulotlar partiyasi boʻyicha agregatsiyalangan import kodi bojxona yuk deklaratsiyasida aks ettirilishini hamda import toʻgʻrisidagi tegishli xabarnoma “Asl belgisi” MAT operatoriga taqdim etilishini yoʻlga quyish.
2023-yil 1-avgustdan boshlab
2024-yil 1-sentabrdan boshlab
3-bosqich. Agregatsiyalash tizimini joriy qilish
3.1
Agregatsiyalash tizimining tartib va qoidalarini oʻrganish.
2023-yil 1-dekabrga qadar
2025-yil 5-yanvarga qadar
3.2
Tizimni joriy qilish uchun talab qilinadigan uskuna va dasturiy mahsulotlarni sotib olish boʻyicha shartnomalarni tuzish.
2024-yil 1-yanvarga qadar
2025-yil 1-fevralga qadar
3.3
Uskuna va dasturiy mahsulotlar oʻrnatilishini taʼminlash.
2024-yil 15-martga qadar
2025-yil 15-aprelga qadar
3.4
Tayyor mahsulotlarni agregatsiyalash tizimini yoʻlga qoʻyish.
2024-yil 1-apreldan boshlab
2025-yil 1-maydan boshlab
4-bosqich. Markirovkalanmagan mahsulotlarni sotish, mahsulotlar toʻgʻrisidagi maʼlumotlarni “Asl belgisi” MATga taqdim etish
4.1
Markirovkalanmagan suv va salqin ichimliklar qoldiqlarining sotilishini va (yoki) uchinchi shaxslarga sotilishi bilan bogʻliq boʻlmagan sabablarga koʻra muomaladan chiqarilishini taʼminlash.
2024-yil 1-yanvarga qadar
2025-yil 1-fevralga qadar
4.2
Raqamli markirovka kodlari toʻgʻrisidagi maʼlumotlarning elektron hisob-varaq fakturalarga biriktirilishini taʼminlash.
2024-yil 1-apreldan boshlab
2025-yil 1-maydan boshlab
4.3
Suv va salqin ichimliklarni savdo subyektlariga sotish toʻgʻrisida maʼlumotlarni “Asl belgisi” MATga taqdim etish.
2024-yil 10-apreldan boshlab
2025-yil 10-maydan boshlab
4.4
Mahsulotlar aylanmasi boʻyicha barcha harakatlar toʻgʻrisidagi maʼlumotlarni “Asl belgisi” MATga kiritish.
Vazirlar Mahkamasining 2022-yil 1-noyabrdagi 631-son qaroriga 4-ILOVA
Suv va salqin ichimliklarni ulgurji va chakana savdo tashkilotlari tomonidan majburiy raqamli markirovkalash tizimiga bosqichma-bosqich oʻtish
GRAFIGI
T/r
Tadbirlar nomi
Amalga oshirish muddati
Birinchi guruh
Ikkinchi guruh
Ulgurji savdo
Chakana savdo
Ulgurji savdo
Chakana savdo
1.
“Asl belgisi” MATda roʻyxatdan oʻtish va tegishli shartnomani imzolash.
2023-yil 1-oktabrga qadar
2024-yil 1-martga qadar
2024-yil 1-noyabrga qadar
2025-yil 1-martga qadar
2.
Raqamli markirovka qoidalari va “Asl belgisi” MATda ishlash tartibi boʻyicha masʼul xodimlarni oʻrgatish.
2023-yil 15-oktabrga qadar
2024-yil 15-martga qadar
2024-yil 15-noyabrga qadar
2025-yil 15-martga qadar
3.
Markirovkalangan suv va salqin ichimliklarni qabul qilish boʻyicha zarur uskuna va dasturiy mahsulotlar oʻrnatilishini taʼminlash.
2023-yil 15-dekabrga qadar
2024-yil 15-iyunga qadar
2025-yil 15-yanvarga qadar
2025-yil 15-iyulga qadar
4.
Raqamli markirovka kodlari toʻgʻrisidagi maʼlumotlarni elektron hisobvaraq-fakturalarga biriktirilishini taʼminlash.
2024-yil 1-apreldan boshlab
2024-yil 1-iyuldan boshlab
2025-yil 1-maydan boshlab
2025-yil 1-avgustdan boshlab
5.
Markirovkalangan suv va salqin ichimliklarning bevosita ishlab chiqaruvchi va import qiluvchilardan, shu jumladan, ulgurji savdo korxonalaridan sotib olinishi toʻgʻrisidagi maʼlumotlarni “Asl belgisi” MATga taqdim etilishini taʼminlash.
2024-yil 10-apreldan boshlab
2024-yil 10-iyuldan boshlab
2025-yil 10-maydan boshlab
2025-yil 10-avgustdan boshlab
6.
Markirovkalanmagan suv va salqin ichimliklar qoldiqlarining sotilishi va (yoki) uchinchi shaxslarga sotilishi bilan bogʻliq boʻlmagan sabablarga koʻra muomaladan chiqarilishini taʼminlash.
2024-yil 1-aprelga qadar
2024-yil 1-iyulga qadar
2025-yil 1-mayga qadar
2025-yil 1-avgustga qadar
7.
Suv va salqin ichimliklarning yakuniy isteʼmolchiga sotilishi toʻgʻrisidagi maʼlumotlarni “Asl belgisi” MATga taqdim etish.
2024-yil 20-iyundan boshlab
2024-yil 1-iyuldan boshlab
2025-yil 20-iyuldan boshlab
2025-yil 1-avgustdan boshlab
8.
Mahsulotlar aylanmasi boʻyicha barcha harakatlar toʻgʻrisidagi maʼlumotlarni “Asl belgisi” MATga kiritish.
Vazirlar Mahkamasining 2022-yil 1-noyabrdagi 631-son qaroriga 5-ILOVA
Suv va salqin ichimliklarni identifikatsiya vositalari orqali majburiy raqamli markirovkalash xususiyatlari toʻgʻrisidagi
NIZOM
1-bob. Umumiy qoidalar
1. Mazkur Nizom Oʻzbekiston Respublikasi hududida suv va salqin ichimliklarni identifikatsiya vositalari orqali majburiy raqamli markirovkalash xususiyatlarini, shuningdek, identifikatsiya vositalarining tavsiflarini, mahsulotlar aylanmasi ishtirokchilari tomonidan “Asl belgisi” milliy axborot tizimi operatoriga (keyingi oʻrinlarda — “Asl belgisi” MAT operatori) aylanma toʻgʻrisidagi maʼlumotlarni taqdim etish bosqichlari va muddatlarini belgilaydi.
2. Mazkur Nizomda quyidagi asosiy tushunchalar qoʻllaniladi:
mahsulotlar — majburiy raqamli markirovkalanadigan suv va salqin ichimliklar.
mahsulotlar aylanmasi ishtirokchilari — mahsulotni aylanmaga kirituvchi, uning aylanmasini va (yoki) aylanmadan chiqarilishini amalga oshiruvchi, davlat roʻyxatidan oʻtkazilganligi toʻgʻrisidagi guvohnomaga ega boʻlgan, Oʻzbekiston Respublikasining soliq rezidentlari va norezidentlari hisoblangan yuridik shaxslar va yakka tartibdagi tadbirkorlar;
isteʼmol qadogʻi — suv va salqin ichimliklarning yakuniy isteʼmolchiga sotish uchun moʻljallangan qadogʻi;
agregatsiyalash — suv va salqin ichimliklarning transport oʻramini buzmagan holda ularning aylanma zanjiri boʻylab harakati kuzatilishini taʼminlash maqsadida identifikatsiya vositalari oʻrtasidagi oʻzaro bogʻliq maʼlumotlarni saqlab qolish orqali isteʼmol qadoqlarini transport oʻramiga, shuningdek, transport oʻramlarini yuqori bosqichdagi transport oʻramiga birlashtirish jarayoni;
agregatsiyalangan import kodi — “Asl belgisi” MAT operatori tomonidan shakllantiriladigan va bojxona yuk deklaratsiyasida koʻrsatiladigan, oʻzi bilan har bir mahsulotning markirovka kodlarini birlashtiruvchi, mahsulotlarning alohida jamlanmasi uchun belgilarning takrorlanmas ketma-ketligi;
markirovkalash axborot tizimi — “Asl belgisi” mahsulotlarni markirovkalash va kuzatib borish milliy axborot tizimi (keyingi oʻrinlarda — “Asl belgisi” MAT);
servis-provayder — mahsulotlar aylanmasi ishtirokchisining topshirigʻi boʻyicha markirovka kodining identifikatsiya vositasiga oʻzgartirilishini va identifikatsiya vositasining isteʼmol qadogʻiga va (yoki) guruhlangan qadogʻiga, yorliqqa va (yoki) stikerga “Asl belgisi” MAT operatori tomonidan taqdim etiladigan distributsiyaning, nashrning va validatsiyaning dasturiy-apparat majmuasini qoʻllash tushirilishini hamda identifikatsiya vositalarining validatsiyasini amalga oshiruvchi yuridik shaxs yoki yakka tartibdagi tadbirkor;
stiker — suv va salqin ichimliklarni majburiy raqamli markirovkalash uchun moʻljallangan, shuningdek, isteʼmol qadogʻiga yoki guruhlangan qadoqqa mahkamlanuvchi, identifikatsiya vositasini shikastlamasdan qadoqdan uning ajratib olinishiga yoʻl qoʻyilmaydigan usulda identifikatsiya vositasini tushirish uchun moʻljallangan qoʻshimcha yorliq (yopishtirma yorliq);
TIF TN kodi — Oʻzbekiston Respublikasi tashqi iqtisodiy faoliyatning tovar nomenklaturasi kodi.
3. 10 litrdan ortiq fleksi-tanklar yoki boshqa turdagi qadoqlardagi konsentratlar, shuningdek, sharbatlar va sharbat mahsulotlarini tayyorlash uchun ishlatiladigan konsentratlarga identifikatsiya vositalari yordamida majburiy raqamli markirovkalash talabi tatbiq etilmaydi.
4. Ishlab chiqaruvchi va import qiluvchi tashkilotlar 2023-yil 1-martdan boshlab identifikatsiya vositalarini shakllantirish, ularni suv va salqin ichimliklarning isteʼmol hamda guruhlangan qadoqlariga tushirilishi uchun zarur boʻlgan markirovkalash kodlarini “Asl belgisi” MAT operatoriga tegishli toʻlovlarni amalga oshirgan holda buyurtma qilishga haqli.
5. 2023-yil 1-iyulgacha “Asl belgisi” MAT operatori tomonidan taqdim etilgan markirovka kodlari asosida raqamli markirovkalangan mahsulotlar ishlab chiqarilsa, mazkur mahsulotlar 2023-yil 1-iyul holatiga koʻra raqamli markirovkalangan deb hisoblanadi.
6. Oʻzbekiston Respublikasi hududida identifikatsiya vositalarini qoʻllamasdan, mahsulotlarni 2023-yil 1-iyulgacha muomalaga chiqarishga ruxsat etiladi.
7. Suv va salqin ichimliklarning tegishli guruhini majburiy raqamli markirovkalash tartibini joriy qilish kuniga qadar ishlab chiqaruvchi va import qiluvchi tashkilotlar “Asl belgisi” MAT operatoriga markirovka kodlarini buyurtma berish hamda ushbu mahsulotlarning birlamchi va ikkilamchi qadoqlariga identifikatsiya vositalarini qoʻllagan holda ishlab chiqarishga haqli.
2-bob. Markirovka kodiga kiritilgan maʼlumotlarning tarkibi, suv va salqin ichimliklarning isteʼmol qadoqlarida identifikatsiya vositalarini shakllantirish va qoʻllash tartibi
8. Suv va salqin ichimliklarni majburiy raqamli markirovkalash GS1 DataMatrix koʻrinishidagi ikki oʻlchovli shtrix-kod shaklida identifikatsiya vositasini (mashinada oʻqiladigan shakldagi markirovka kodi) shakllantirish va isteʼmol qadogʻiga qoʻllash orqali amalga oshiriladi.
Suv va salqin ichimliklarni majburiy raqamli markirovkalash va kuzatib borish sxemasi mazkur Nizomga ilovada qayd etilgan.
9. Identifikatsiya vositasi “Asl belgisi” MAT operatori tomonidan yaratiladigan markirovka kodi va quyidagi 3 ta guruh maʼlumotlarini oʻz ichiga oladi:
maʼlumotlarning birinchi guruhi — 14 ta belgidan (raqamlardan) iborat boʻlgan mahsulot kodi hamda qoʻllash identifikatori (01);
maʼlumotlarning ikkinchi guruhi — 13 ta raqamli belgi yoki harfli-raqamli ketma-ketlikdan (raqamlar, lotin alifbosining kichik va katta harflari, shuningdek, maxsus belgilar) iborat qadoqning individual seriya raqami hamda qoʻllash identifikatori (21);
uchinchi maʼlumotlar guruhi — 4 ta belgidan (raqamlar, lotin alifbosining kichik va katta harflari, shuningdek, maxsus belgilar) iborat tekshirish kaliti hamda qoʻllash identifikatori (93).
10. “Asl belgisi” MAT operatori quyidagi hollarda markirovka kodlarini berishdan bosh tortadi:
a) buyurtma mahsulotlarini identifikatsiya vositalari orqali majburiy raqamli markirovkalash va ularning aylanmasini kuzatib borish qoidalarida nazarda tutilgan talablarga javob bermasa;
b) buyurtma suv va salqin ichimliklarni ishlab chiqaruvchi yoki import qiluvchi boʻlmagan shaxs tomonidan berilgan boʻlsa;
11. Identifikatsiya vositasi isteʼmolchi oʻramiga va (yoki) guruhli oʻramga va (yoki) yorligʻiga va (yoki) identifikatsiya vositasini mahsulot oʻramidan ajratishga imkon bermaydigan stikerga qoʻllaniladi.
Isteʼmolchi qadoqlarida har bir maydon uchun kamida 10x10 millimetr oʻlchamdagi identifikatsiya vositasi qoʻllaniladi.
Identifikatsiya vositalarini qoʻllash joyi mahsulot aylanmasi ishtirokchisi tomonidan mustaqil ravishda belgilanadi.
Guruh va transport paketlarida identifikatsiya vositasi qadoqqa qoʻllaniladi va agregatsiyalash tadbirlarining bajarilishini osonlashtirish uchun oʻlchamlari boʻlishi talab etiladi.
Identifikatsiya vositasi paketning oʻqish mumkin boʻlgan istalgan sohasiga qoʻllanilishi mumkin.
12. Identifikatsiya vositasi shunday joylashtirilishi kerakki, texnik jihatdan tartibga solish sohasidagi meʼyoriy hujjatlar talablariga muvofiq mahsulot oʻramiga qoʻllaniladigan maʼlumotlarning yaxlitligi buzilmasligi lozim.
13. Isteʼmol qadogʻiga qoʻllaniladigan identifikatsiya vositasi quyidagi talablarga javob berishi lozim:
identifikatsiya vositasi bevosita bosib chiqarish yoʻli hamda suv va salqin ichimliklarning yaroqlilik muddati davomida identifikatsiya vositalari isteʼmolchi qadoqlaridan shikastlamasdan ajratib olinishiga yoʻl qoʻyilmaydigan usuli bilan isteʼmol qadoqlariga qoʻllaniladi;
identifikatsiya vositasi toʻgʻridan-toʻgʻri ishlab chiqarish liniyasida yoki unga qarashli omborxona hududida yoxud bojxona omborlarida moddiy tashuvchiga (yorliq) ikki oʻlchovli shtrix kodni qoʻllash isteʼmol qadogʻiga maxsus ajratilgan kontrast joyiga (kamida 10*10 millimetr oʻlchamida) bosib tushirish yoki stiker bilan yelimlash orqali amalga oshiriladi.
identifikatsiya vositalari hajmi va joylashuvi isteʼmol qadogʻi ochilmagan (buzilmagan) holda identifikatsiya vositalarini toʻgʻridan-toʻgʻri aniqlash va oʻqish imkonini taʼminlash, shu jumladan, maʼlumotlarni yigʻish terminallari, maxsus (mobil) ilovalar, lazer skanerlari orqali oʻqish imkonini taʼminlashi lozim;
identifikatsiya vositalari shaffof oʻrash plyonkasiga yoki boshqa tashqi oʻrash materialiga bosilmasligi va boshqa maʼlumotlar bilan qoplanmasligi lozim;
identifikatsiya vositasi ISO/IEC 15415 “Axborot texnologiyalar. Avtomatik identifikatsiyalash va maʼlumotlarni yigʻish texnologiyalari. Chop etish sifatini baholash uchun shtrix kodi ramzlarini test spetsifikatsiyasi. Ikki oʻlchamli ramzlar” (ISO/IEC 15415 “Information technology — Automatic identification and data capture technikues — Bar code print quality test specification — Two-dimensional symbols”) standartiga muvofiq C yoki undan yuqori sifatli sinf darajasida qoʻllaniladi.
14. Suv va salqin ichimliklarni Oʻzbekiston Respublikasi hududida ishlab chiqarilgan taqdirda, ushbu mahsulotlarga raqamli identifikatsiyalash vositalarini qoʻllash tadbiri mahsulotlarni ishlab chiqarish yoki saqlash joylarida amalga oshiriladi.
Boshqa davlatlardan Oʻzbekiston Respublikasi hududiga suv va salqin ichimliklari olib kirilgan (import qilingan) taqdirda, ularga raqamli identifikatsiyalash vositalarini yelimlash quyidagi tartibda amalga oshirilishi mumkin:
suv va salqin ichimliklarni ishlab chiqarish vaqtida;
Oʻzbekiston Respublikasi davlat chegarasini oʻtmasdan, boshqa davlatlarning hududida;
bojxona ombori hududida “erkin muomalaga chiqarish (import)” bojxona rejimiga rasmiylashtirilgunga qadar.
15. Markirovka kodlarini identifikatsiya vositalariga oʻtkazish va ularni isteʼmol oʻramida va (yoki) guruhli oʻramda va (yoki) yorliqda va (yoki) stikerda qoʻllash tadbirlari ishlab chiqaruvchi, import qiluvchi tashkilotlar va (yoki) xizmatlar provayderi tomonidan amalga oshiriladi.
16. Xizmat koʻrsatuvchi servis-provayder identifikatsiya vositalarini qoʻllashda identifikatsiya vositalarini bosib chiqarish sifati standartlariga muvofiqligini taʼminlashi shart.
17. Xizmat koʻrsatuvchi provayder markirovka kodini identifikatsiya vositasiga aylantirib, uni qadoq yoki yorliq yoki stikerga qoʻllaganidan soʻng mahsulot aylanmasiga qoʻllanadigan identifikatsiya vositasi bilan paket yoki yorliq yoki stikerni oʻtkazishdan oldin chop etish sifati tasdiqlanadi.
18. Xizmat koʻrsatuvchi tashkilot Vazirlar Mahkamasining 2017-yil 7-iyuldagi 476-son qarori bilan tasdiqlangan Oziq-ovqat mahsulotlari bilan aloqa qilishda qadoqlash xavfsizligi toʻgʻrisidagi umumiy texnik reglamentning (0ʻzTR.476-021: 2017) sanitariya-gigiyena talablariga javob beradigan sertifikatlangan materiallardan foydalanishi shart.
19. Identifikatsiya vositalarini qoʻllash usuli ishlab chiqaruvchi tomonidan belgilangan saqlash va tashish shartlarini hisobga olgan holda mahsulotning butun yaroqlilik muddati davomida identifikatsiya vositalarining xavfsizligini (barqarorligini) taʼminlashi lozim.
20. Xizmat koʻrsatuvchi irovayder aylanma ishtirokchilaridan olingan markirovka kodlarini uchinchi shaxsga berishi taʼqiqlanadi.
21. Identifikatsiya qilish vositasini moddiy tashuvchiga (stikerga) bosib chiqarishga ruxsat etiladi:
Identifikatsiya vositasini oʻz ichiga olgan moddiy tashuvchi (stiker) isteʼmol qadoqlariga identifikatsiya vositasini shikastlamasdan va uni qadoqdan ajratib olinishiga yoʻl qoʻyilmaydigan usulda qoʻllaniladi;
Moddiy tashuvchiga (stikerga) qoʻllaniladigan identifikatsiya vositalari mazkur Nizom talablariga javob berish lozim.
22. Isteʼmol qadogʻiga stikerni qoʻllash uchun quyidagi talablar qoʻyiladi:
a) stiker ishlab chiqarilgandan boshlab yakuniy isteʼmolchiga sotilguniga qadar identifikatsiya vositasi va unda chop etilgan boshqa maʼlumotlarning saqlanishi va oʻqilishi taʼminlangan usulda tayyorlanadi;
b) stiker toʻgʻridan-toʻgʻri qadoqqa (qadoqning tashqi tomoniga) bunday qadoqning dizayn sxemasida uni qoʻllash uchun nazarda tutilgan joyda qoʻllaniladi;
v) stiker qadoqqa va mazkur stikerning oʻziga zarar yetkazmasdan ajratishga imkon bermaydigan hamda ularni qayta ishlatish mumkin boʻlmagan usul bilan qoʻllaniladi;
g) stiker qoʻllanilishi texnik jihatdan tartibga solish sohasidagi normativ hujjatlar talablariga muvofiq qadoqqa qoʻllaniladigan maʼlumotlarning yaxlitligi va mavjudligini buzmasligi lozim;
d) stikerda mazkur Nizom talablariga javob beradigan identifikatsiya vositasi, shuningdek, oʻqiladigan bosma matn koʻrinishidagi raqamli markirovkalanadigan suv va salqin ichimlikning nomi, mahsulot kodi va qadoqning individual seriya raqami boʻlishi kerak;
e) stiker ustiga stiker yuzasini qoplaydigan va (yoki) identifikatsiya vositalarini oʻqishga toʻsqinlik qiluvchi har qanday yozuvlar, chizmalar va oʻrash elementlarini qoʻllashga yoʻl qoʻyilmaydi;
23. Majburiy raqamli markirovkalash boshlanishi sanasidan oldin identifikatsiya vositasi qoʻllanilganligi haqidagi maʼlumotlarni “Asl belgisi” MATga yuborilgan hamda “Asl belgisi” MAT operatori tomonidan taqdim etilgan markirovka kodlari asosida shakllantirilgan identifikatsiya vositasi orqali suv va salqin ichimliklarni majburiy raqamli markirovkalashning boshlanish kuni holatida raqamli markirovkalangan deb tan olinadi.
3-bob. Identifikatsiya vositalarini shakllantirish uchun belgilangan toʻlovlarni undirish, suv va salqin ichimliklarning kuzatilishini taʼminlash uchun zarur boʻlgan markirovka kodlarini taqdim etish
24. Identifikatsiya vositalarini shakllantirish hamda suv va salqin ichimliklarning kuzatilishini taʼminlash uchun zarur boʻlgan markirovka kodlarini taqdim etish uchun toʻlov markirovka kodlarini taqdim etish sanadan soʻng amalga oshiriladi.
25. Suv va salqin ichimliklarni muomalaga kiritish, ularning muomalada boʻlishi va muomaladan chiqarilishi mahsulotlarni identifikatsiya vositalari orqali majburiy raqamli markirovkalash va ularning aylanmasini kuzatib borish qoidalari talablariga muvofiq amalga oshiriladi.
4-bob. Suv va salqin ichimliklarni agregatsiyalash tartibi
26. Ishlab chiqaruvchilar va import qiluvchilar mahsulotlarni agregatsiyalashni (guruhli qadoqdagi yakka oʻramlar, guruhli oʻramlarni transport qadoqilariga) amalga oshiradilar va mahsulotlarni agregatsiyalash toʻgʻrisidagi maʼlumotlarni uni keyingi ishtirokchiga topshirishdan (sotishdan) oldin axborot yorligʻi tizimiga oʻtkazadilar.
27. Mahsulotlarni guruhli qadoqlash uchun identifikatsiya vositasi uchta maʼlumot guruhini oʻz ichiga olgan markalash kodini oʻz ichiga oladi.
Ushbu maʼlumotlarning birinchi va ikkinchi guruhlari mahsulotlarning guruhli qadoqlash kodi, uchinchi guruh — tekshirish kodi.
Bunda:
birinchi guruh — 14 ta raqamdan iborat boʻlib, undan oldin dastur identifikatori (01) boʻlgan mahsulot kodini oʻz ichiga oladi, bu kod mahsulot katalogiga mahsulot aylanmasi ishtirokchilari tomonidan kiritilgan maʼlumotlar asosida “Asl belgisi” MAT operatori tomonidan ishlab chiqariladi;
ikkinchi guruh — 13 ta belgidan iborat (raqamlar, lotin alifbosining kichik va bosh harflari, shuningdek, maxsus belgilar) va mahsulotning guruhli qadoqlashdagi individual seriya raqami boʻlib, undan oldin dastur identifikatori (21) mavjud. va “Asl belgisi” MAT operatori yoki mahsulot aylanmasi ishtirokchilari tomonidan shakllantiriladi (ASCII belgilar jadvalidagi 29 kodli belgi ushbu maʼlumot guruhi uchun oxirgi belgidir);
uchinchi guruh — 4 ta belgidan iborat (raqamlar, lotin alifbosining kichik va bosh harflari, shuningdek, maxsus belgilar) va tekshirish kodini oʻz ichiga oladi, oldidan ilova identifikatori (93) boʻladi va “Asl belgisi” MAT operatori tomonidan ishlab chiqariladi.
Mahsulotlarni guruhli qadoqlash uchun identifikatsiya vositasi GS1 DataMatrix formatida ikki oʻlchovli shtrix-kod koʻrinishida qoʻllaniladi.
Guruh paketi uchun identifikatsiya vositasi paketning old yoki yon tomoniga qoʻllaniladi va yigʻish jarayoniga mos keladigan oʻlchamda boʻlishi kerak.
28. Suv va salqin ichimliklarni ishlab chiqaruvchilar va import qiluvchilar tegishli guruhini majburiy raqamli markirovkalash tartibi joriy qilingan kundan boshlab 9 oy oʻtgach suv va salqin ichimliklarni agregatsiyalashni amalga oshiradi.
29. Alohida qadoqni guruhlangan qadoqqa va guruhlangan qadoqni transport qadogʻiga agregatsiyalashni amalga oshirgandan soʻng, agregatsiyalangani toʻgʻrisidagi maʼlumotlar ishlab chiqaruvchilar va import qiluvchilar tomonidan mahsulot aylanmasining keyingi ishtirokchisiga uzatishdan (sotishdan) avval “Asl belgisi” MATga kiritadi.
30. Suv va salqin ichimliklarni agregatsiyalash tartibi, Vazirlar Mahkamasining 2020-yil 31-dekabrdagi 833-son qarorining 1-ilovasi “Mahsulotlarni identifikatsiya vositalari orqali majburiy raqamli markirovkalash va ularning aylanmasini kuzatib borish qoidalari”da qayd etilgan talablar asosida amalga oshiriladi.
31. “Agregatsiyalash tadbirini amalga oshirish maqsadida mahsulot aylanmasining ishtirokchisi qoʻyidagi maʼlumotlarni “Asl belgisi” MATga yuboradi:
agregatsiyalashni amalga oshiruvchi mahsulot aylanmasi ishtirokchisining STIRi;
ishlab chiqarish liniyasini identifikatori;
ishlab chiqarish buyurtmani identifikatori;
agregatsiyalashga rejalashtirilgan qadoqlar soni;
haqiqatda agregatsiyalangan qadoqlar soni;
yaratiladigan guruhlangan yoki transport qadoqning identifikatsiya kodi;
yaratiladigan guruhlangan yoki transport qadogʻiga kiritilgan agregirlangan qadoqlarning markirovka kodlari roʻyxati;
32. Transport qadogʻining identifikatsiya kodi agregatsiyalash tadbirini amalga oshiruvchi mahsulot aylanmasining ishtirokchisi tomonidan yaratiladi (generatsiya qilinadi) hamda “ISO/IEC 15459-1:2006 “Information technology — Unique identifiers — Part 1: Unique identifiers for transport units” standarti talablariga muvofiq qadoqning ustida qoʻllaniladi.
33. “Asl belgisi” MAT operatori qoʻyidagi holatlar mavjud boʻlgan taqdirda, mahsulot aylanmasining ishtirokchisiga agregatsiyalash maʼlumotlarini qabul qilishga hamda transport qadogʻining maʼlumotlarini roʻyxatdan oʻtkazishni rad etadi:
mahsulot aylanmasining ishtirokchisi bitta yoki bir necha agregatsiyalanadigan qadoqlardagi markirovka kodlarining egasi boʻlmasa;
agregatsiyalanadigan qadoqlarning markirovka kodlari roʻyxati noyob (takrorlanmas) boʻlmagan markirovka kodlaridan iborat boʻlsa;
agregatsiyalanadigan qadoqlarning markirovka kodlari roʻyxatida “Asl belgisi” MATda markirovka kodlari qoʻllanilganligi yoki markirovka kodlari uchun toʻlovlar amalga oshirilganligi yuzasidan maʼlumotlar mavjud boʻlmasa;
agregatsiyalanadigan qadoqlarning markirovka kodlari roʻyxatida aylanmadan chiqarilgan holatda boʻlgan markirovka kodlari mavjud boʻlsa;
agregatsiyalanadigan qadoqlarning markirovka kodlari roʻyxatida boshqa mahsulot turlari uchun buyurtma qilingan markirovka kodlari mavjud boʻlsa;
yaratiladigan guruhlangan yoki transport qadogʻining identifikatsiya kodi qabul qilingan formatga muvofiq boʻlmasa;
yaratiladigan guruhlangan yoki transport qadogʻining identifikatsiya kodi “Asl belgisi” MATda avval roʻyxatdan oʻtkazilgan boʻlsa;
34. “Asl belgisi” MAT operatori qoʻyidagi holatlarda guruhlangan yoki transport qadogʻining agregatsiyasini buzish (bekor qilish) tadbirini amalga oshiradi:
“Asl belgisi” MATda guruhlangan yoki transport qadogʻiga biriktirilgan markirovka kodlari qayta agretsiyalangan boʻlsa;
“Asl belgisi” MATga guruhlangan yoki transport qadogʻiga biriktirilgan markirovka kodlari aylanmaga kiritilganligi (realizatsiya qilinganligi) yoki aylanmadan chiqarilganligi yuzasidan maʼlumotlar taqdim etilgan boʻlsa.
5-bob. Mazkur Nizom talablariga rioya qilish
35. Mazkur Nizom talablariga rioya etilishini nazorat qilish qonunchilik hujjatlariga muvofiq davlat soliq xizmati organlari va boshqa nazorat qiluvchi organlar (muassasalar) tomonidan amalga oshiriladi.
36. Nazorat qiluvchi organlar (muassasalar) mazkur Nizom talablariga rioya etilishini tekshirish uchun tegishli ekspert va mutaxassislarni jalb qilishi mumkin. Mahsulot aylanmasi ishtirokchilari tekshiruvchi shaxslarga tekshiruv oʻtkazishda yordam berishlari, kamchilik va qonunbuzarliklarni bartaraf etish choralarini koʻrishlari shart.
37. Mazkur Nizom talablarini buzish amaldagi qonunchilik hujjatlariga muvofiq javobgarlikka tortish uchun asos boʻladi.
6-bob. Yakunlovchi qoida
38. Suv va salqin ichimliklarni majburiy raqamli markirovkalashni joriy qilish tartibi, aylanmasi ishtirokchilarining “Asl belgisi” MATda roʻyxatdan oʻtkazish va tizim bilan axborot almashinuvi tartibi, mahsulotlar yuzasidan maʼlumotlarni “Asl belgisi” MATda roʻyxatdan oʻtkazish tartibi hamda aylanmaga kiritilishi, ularning aylanmasi va aylanmadan chiqarish maʼlumotlarini taqdim etish tartibi va muddatlari, shuningdek, axborot tizimida mavjud maʼlumotlarga oʻzgartirish kiritish tartibi Vazirlar Mahkamasining 2020-yil 31-dekabrdagi 833-son qarorining 1-ilovasi bilan tartibga solinadi (Mahsulotlarni identifikatsiya vositalari orqali majburiy raqamli markirovkalash va ularning aylanmasini kuzatib borish qoidalari).
Suv va salqin ichimliklarni identifikatsiya vositalari orqali raqamli markirovkalash xususiyatlari toʻgʻrisidagi Nizomga ILOVA
Suv va salqin ichimliklarni raqamli markirovkalash va kuzatib borish
SXEMASI
Subyektlar
Tadbirlar
Ijro muddati
1-bosqich. Subyektni roʻyxatdan oʻtkazish
Suv va salqin ichimliklarni aylanmasi ishtirokchisi
Zarur maʼlumotlar koʻrsatilgan arizani operatorga aloqa kanallari orqali yuboradi yoki uni “Asl belgisi” mahsulotlarni raqamli markirovkalash va kuzatilishi boʻyicha milliy axborot tizimining veb-saytida (keyingi oʻrinlardi — “Asl belgisi” MAT) shakllantiradi.
Real vaqt rejimida
Operator
Agar ariza Nizomda belgilangan talablarga muvofiq boʻlsa:
subyektni ishtirokchilar reyestriga kiritadi;
ishtirokchi uchun shaxsiy kabinet ochadi;
subyektga ishtirokchilar roʻyxatiga kiritilgani va shaxsiy kabinet ochilgani toʻgʻrisida xabar beradi. Xabarnomada, shuningdek, ishtirokchilar roʻyxatidagi Suv va salqin ichimliklarni aylanmasi ishtirokchilari toʻgʻrisidagi maʼlumotlarga berilgan roʻyxatdan oʻtish raqamlari koʻrsatiladi.
Ariza olingan vaqtdan boshlab 2 (ikki) soatdan koʻp boʻlmagan muddatda
Operator
Vaqtinchalik nizom talablariga javob bermaydigan maʼlumot yuborilganda va/yoki zarur maʼlumotlar taqdim etilmagan taqdirda, subyektni roʻyxatdan oʻtkazishni rad etadi.
Ariza olingan vaqtdan boshlab 2 (ikki) soatdan koʻp boʻlmagan muddatda
2-bosqich. Suv va salqin ichimliklar yuzasidan maʼlumotlarni katalogga kiritish
Suv va salqin ichimliklar aylanmasi ishtirokchisi
Zarur maʼlumotlar koʻrsatilgan holda suv va salqin ichimliklar yuzasidan maʼlumotlarni “Markirovkalangan mahsulotlar katalogi”ga kiritish boʻyicha tegishli maʼlumotlarni “Asl belgisi” MATga aloqa kanallari orqali yuboradi yoki ularni “Asl belgisi” MATning veb-saytida shakllantiradi.
Real vaqt rejimida
Operator
Arizada koʻrsatilgan maʼlumotlar Nizom talablariga muvofiq boʻlgan taqdirda: arizada keltirilgan maʼlumotlarni mahsulot roʻyxatiga kiritadi; suv va salqin ichimliklar aylanmasi ishtirokchisini suv va salqin ichimliklarni roʻyxatiga kiritilganligi toʻgʻrisida xabardor qiladi.
Real vaqt rejimida
3-bosqich. Markirovkalash uchun kodlarni taqdim etish
Suv va salqin ichimliklarni aylanmasi ishtirokchisi
Mahsulotlar roʻyxatiga kiritilgan suv va salqin ichimliklarni raqamli markirovkalash uchun kodlarni olishga Operatorga aloqa kanallari orqali buyurtmanomani yuboradi.
Real vaqt rejimida
Operator
Agar buyurtmada koʻrsatilgan maʼlumotlar Nizom talablariga muvofiq boʻlsa:
kerakli miqdordagi markirovkalash kodlarini seriyalashtiradi;
Suv va salqin ichimliklarni aylanmasi ishtirokchisi — ishlab chiqaruvchi yoki suv va salqin ichimliklarni import qiluvchiga ushbu kodlarning roʻyxatini taqdim etadi;
taqdim etilgan kodlar toʻgʻrisidagi maʼlumotlarni IV roʻyxatiga kiritadi.
Real vaqt rejimida
Suv va salqin ichimliklarni aylanmasi ishtirokchisi
Operatorga roʻyxatdagi kodlar olinganligi toʻgʻrisidagi tasdiqni yuboradi.
Markirovka kodlari roʻyxati olingan vaqtdan boshlab real vaqt rejimida
Identifikatsiyalash vositasini suv va salqin ichimliklarga qoʻllanilishini taʼminlaydi.
“Asl belgisi” MATga markirovkalash kodlaridan foydalanilganligi toʻgʻrisidagi maʼlumotlarni yuboradi (mahsulot kodi, identifikatsiya kodi, markirovkalash sanasi va vaqti, qoʻllanilgan identifikatsiya vositalari toʻgʻrisidagi maʼlumotlar).
Suv va salqin ichimliklarning qutilarida identifikatsiyalash vositalari qoʻllanilgandan soʻng
4-bosqich. Suv va salqin ichimliklarni ishlab chiqarish va ularning aylanishini monitoring qilish
Suv va salqin ichimliklarni aylanmasi ishtirokchisi (ishlab chiqaruvchi)
Suv va salqin ichimliklarning agregatsiyasini amalga oshiradi.
Real vaqt rejimida
“Asl belgisi” MAT orqali avtomatik rejimda Operatorga mahsulot kodlari hamda yangi guruh va transport paketlarini identifikatsiyalash, shuningdek, mahsulot va qadoqlash kodlari roʻyxati, shu jumladan, avvalgi darajadagi qadoqlar (masalan, paletlarni tuzishda, uning tarkibiga kiruvchi qutilar roʻyxati koʻrsatiladi) toʻgʻrisidagi maʼlumotlar boʻyicha xabar beradi.
Real vaqt rejimida
Suv va salqin ichimliklarni aylanmasi ishtirokchisi (ishlab chiqaruvchi)
Mulkka egalik huquqi oʻtkazilganligini yoki tovarlar sotish uchun berilganligini tasdiqlovchi birlamchi hujjat asosida suv va salqin ichimliklar muomalasi subyektlari oʻrtasida suv va salqin ichimliklarni topshirish (qabul qilish) vaqtida bitim taraflari:
Suv va salqin ichimliklarni topshirish (qabul qilish) toʻgʻrisida tovar yoʻllanma varaqasi shaklida bildirishnoma tuzadi;
tomonlarning vakolatli shaxslari tomonidan koʻrsatilgan bildirishnoma imzolanadi;
topshirish (qabul qilish) toʻgʻrisida bildirishnoma va birlamchi hujjatning elektron nusxasini “Asl belgisi” MATga yuboradi, shuningdek, maʼlumotni elektron hisob-varaq faktura maʼlumotlari bilan integratsiyalashtiradi.
Suv va salqin ichimliklarga egalik huquqi oʻtgandan soʻng 72 (yetmish ikki) soatdan koʻp boʻlmagan muddatda
Suv va salqin ichimliklarni aylanmasi ishtirokchisi (import qiluvchi)
Import qilinayotgan mahsulotlarni erkin muomalaga chiqarish (import) bojxona rejimiga joylashtiradi.
Real vaqt rejimida
“Erkin muomalaga chiqarish” (import) bojxona rejimiga joylashtirilgandan keyin operatorga bojxona yuk deklaratsiyasida koʻrsatilgan tovarlarni chiqarilganligi toʻgʻrisida quyidagi maʼlumotlarni taqdim etadi:
bojxona organi kodi;
tovar deklaratsiyasini roʻyxatdan oʻtkazish sanasi;
tovar deklaratsiyasini roʻyxatdan oʻtkazish raqami;
TIF TN kodlari;
transport qadoqlarining markirovka kodi va tovar nomi;
tovarning kelib chiqish mamlakati kodi.
Real vaqt rejimida
Operator
maʼlumotlarni olgandan keyin ularni “Asl belgisi” MAT reyestrida aks etilishini taʼminlaydi.
Real vaqt rejimida
5-bosqich. Suv va salqin ichimliklarni muomaladan chiqarish
Suv va salqin ichimliklarni aylanmasi ishtirokchisi
Ulgurji tashkilot suv va salqin ichimliklarni onlayn — kassa apparatlari mavjud boʻlmagan chakana tashkilotlarga sotayotgan hollarda, Suv va salqin ichimliklarni aylanmasi ishtirokchisi — ulgurji savdo tashkiloti sotiladigan Suv va salqin ichimliklar qadoqlarida qoʻllanilgan identifikatsiya vositasini onlayn-kassa apparatlari bilan birlashtirilgan texnik vositalar yordamida skanerlaydi va taniydi.
Real vaqt rejimida
Suv va salqin ichimliklarni aylanmasi ishtirokchisi
Mahsulot kodi va identifikatsiya kodi toʻgʻrisidagi maʼlumotlar onlayn-kassa apparati orqali shakllantirilgan “kassa cheki” fiskal hujjatga kiritiladi.
Real vaqt rejimida
Fiskal maʼlumotlar operatori
Nazorat kassa chekidagi sotilgan har bir birlik boʻyicha nazorat kassa mashinasining roʻyxatga olingan raqami, sotilgan sana, sotish narxi, mahsulot kodi va tarkibidagi identifikatsiya kodi toʻgʻrisidagi maʼlumotlarni “Asl belgisi” MATga uzatadi. Onlayn-kassa apparati ishlamay qolishi hollari bundan mustasno.
Suv va salqin ichimliklar sotilgan vaqtdan boshlab bir sutkadan kech qolmagan muddatda
Operator
Fiskal maʼlumotlar operatoridan olingan maʼlumotlarga muvofiq identifikatsiya vositasi bilan raqamli markirovkalangan Suv va salqin ichimliklarning muomaladan chiqishi toʻgʻrisidagi maʼlumotlarni “Asl belgisi” MATda aks ettiradi.
Real vaqt rejimida
Vazirlar Mahkamasining 2022-yil 1-noyabrdagi 631-son qaroriga 6-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2000-yil 23-oktabrdagi 410-son qarori bilan tasdiqlangan Xorijiy tijorat tashkilotlarining Oʻzbekiston Respublikasi hududidagi vakolatxonalarini akkreditatsiya qilish tartibi va ularning faoliyati toʻgʻrisidagi nizomning 35-bandida “markirovka kodlarini taqdim etish,” soʻzlaridan keyin “shu jumladan bojxona omborlarda ushbu mahsulotlarni raqamli markirovkalash yuzasidan” soʻzlari bilan toʻldirilsin;
2. Vazirlar Mahkamasining 2003-yil 13-fevraldagi 75-son qarori (Oʻzbekiston Respublikasi QT, 2003-y., 2-son, 15-modda) bilan tasdiqlangan Oʻzbekiston Respublikasida chakana savdo qoidalari quyidagi mazmundagi 581-band bilan toʻldirilsin:
“581. Majburiy raqamli markirovkalanishi shart boʻlgan tovarlarning chakana savdosini amalga oshiruvchi tadbirkorlik subyektlari “Asl belgisi” raqamli markirovkalash va mahsulotlarni kuzatib borish milliy axborot tizimida roʻyxatdan oʻtgan boʻlishlari shart”.
3. Vazirlar Mahkamasining 2019-yil 11-oktabrdagi 861-son qarori bilan tasdiqlangan Idishda qadoqlangan ichimlik suvining xavfsizligi toʻgʻrisidagi umumiy texnik reglamentning rus tilidagi matni 10-bandi quyidagi tahrirda bayon etilsin:
“10. Pityevaya voda vipuskayetsya v obrasheniye na vnutrennem rinke Respubliki Uzbekistan pri nalichii sertifikata sootvetstviya, markirovki natsionalnim znakom sootvetstviya, podtverjdayemoy sertifikatom sootvetstviya, a takje markirovki sredstvami sifrovoy identifikatsii”.
4. Vazirlar Mahkamasining 2020-yil 4-martdagi 119-son qarori bilan tasdiqlangan Meva va sabzavotlardan olingan sharbat mahsulotlarining xavfsizligi toʻgʻrisidagi umumiy texnik reglamentning 9-bandida:
quyidagi tahrirda uchinchi xatboshi bilan toʻldirilsin:
“Barcha ishlab chiqariladigan mahsulotlar amaldagi identifikatsiya vositalari orqali raqamli markirovkalash Qoidalariga rioya etgan holda raqamli markirovkalangan boʻlishi zarur”;
5. Vazirlar Mahkamasining 2020-yil 2-iyundagi 345-son qarori bilan tasdiqlangan Alkogolsiz ichimliklarning xavfsizligi toʻgʻrisidagi umumiy texnik reglamentning 11-bandi quyidagi tahrirda bayon etilsin:
“11. Alkogolsiz ichimliklarni Oʻzbekiston Respublikasi ichki bozoriga muomalaga chiqarish muvofiqlik sertifikati hamda raqamli markirovkasi mavjud boʻlganda amalga oshiriladi. Muvofiqlikni baholash (tasdiqlash) jarayonlaridan oʻtgan va Texnik reglament talablariga javob beradigan alkogolsiz ichimliklar muvofiqlik milliy belgisi bilan tamgʻalanadi”.
6. Vazirlar Mahkamasining 2020-yil 14-avgustdagi 489-son qarori bilan tasdiqlangan “Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisida nizomning 63-bandi birinchi xatboshisi quyidagi tahrirda bayon etilsin:
“63. Yetkazib beruvchi tomonidan taqdim etilgan elektron hisobvaraq-faktura oʻn kalendar kun, raqamli markirovkalanishi lozim boʻlgan mahsulotlar boʻyicha esa bir kalendar kun ichida sotib oluvchi tomonidan elektron raqamli imzo bilan tasdiqlanishi yoki sababi koʻrsatilgan holda rad etilishi shart”.
7. Vazirlar Mahkamasining “Ayrim turdagi mahsulotlarni majburiy raqamli markirovkalash tizimini joriy etish toʻgʻrisida” 2020-yil 21-noyabrdagi 737-son qaroriga 1-ilovaning 5-pozitsiyasi “Majburiy raqamli markirovkalash boshlanadigan sana” ustunidagi “2022-yil 1-oktabr” soʻzlari “2023-yil 1-iyul” soʻzlari bilan almashtirilsin.
8. Vazirlar Mahkamasining “Majburiy raqamli markirovkalanishi lozim boʻlgan mahsulotlar roʻyxatini kengaytirish boʻyicha tajriba loyihalarini amalga oshirish chora-tadbirlari toʻgʻrisida” 2021-yil 20-maydagi 322-son qaroriga 1-ilovaning 3-pozitsiyasi “Majburiy raqamli markirovkalashni bosqichma-bosqich joriy etish boshlanadigan sana*” ustunidagi “2022-yil 1-oktabr” soʻzlari “2023-yil 1-iyul” soʻzlari bilan almashtirilsin.
