Hujjat 19.12.2023 00 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Qarori
Investitsiyaviy va infratuzilmaviy loyihalarning loyihaoldi, davlat xaridiga doir tender boʻyicha xarid qilish hujjatlari va texnik topshiriqlar hamda shartnomalarni ekspertizadan oʻtkazish tartibini yanada takomillashtirish chora-tadbirlari toʻgʻrisida
“Davlat xaridlari toʻgʻrisida”gi Qonun va Oʻzbekiston Respublikasi Prezidentining 2021-yil 22-oktabrdagi “Normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazishni yanada takomillashtirish chora-tadbirlari toʻgʻrisida”gi PQ-5263-son qaroriga muvofiq, shuningdek, investitsiyaviy va infratuzilmaviy loyihalarning loyihaoldi, davlat xaridiga doir tender boʻyicha xarid qilish hujjatlari va texnik topshiriqlar hamda shartnomalar ekspertizasini oʻtkazish tartibini yanada takomillashtirish maqsadida:
1. Quyidagilar:
Investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish va tasdiqlash tartibi toʻgʻrisidagi nizom 1-ilovaga muvofiq;
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi nizom 2-ilovaga muvofiq;
Shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish va roʻyxatga olish tartibi toʻgʻrisidagi nizom 3-ilovaga muvofiq;
Loyihalarning texnik-iqtisodiy asosi va texnik-iqtisodiy hisob-kitobini, davlat xaridiga doir tender boʻyicha xarid hujjatlari va texnik topshiriqlarni kompleks ekspertizadan oʻtkazish xizmati qiymatini aniqlash tartibi boʻyicha yoʻriqnoma 4-ilovaga muvofiq tasdiqlansin.
2. Belgilansinki, Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK (keyingi oʻrinlarda — Markaz) qonunchilik hujjatlariga muvofiq:
Keyingi tahrirga qarang.
a) quyidagi hujjatlarni kompleks ekspertizadan oʻtkazadi:
investitsiyaviy va infratuzilmaviy loyihalar boʻyicha loyihaoldi hujjatlarini ishlab chiqish uchun texnik topshiriqlarni, shuningdek, loyihaoldi hujjatlarini;
davlat xaridiga doir tender boʻyicha xarid hujjatlarini va texnik topshiriqlarni;
b) davlat buyurtmachilari tomonidan qonunchilikda belgilangan tartibda toʻgʻridan-toʻgʻri muzokaralar asosida tuziladigan shartnomalar, import kontraktlari va ularga qoʻshimcha kelishuvlarning loyihalarini ekspertizadan oʻtkazadi va roʻyxatga oladi.
Bunda, Markaz bilan xarid predmetining narxini belgilash va (yoki) yetkazib beruvchini aniqlash masalalari kelishib olinmagan taqdirda, normativ-huquqiy hujjatlarda muayyan yetkazib beruvchilarning nomini va (yoki) tovarlar (ishlar, xizmatlar) qiymatini koʻrsatish taqiqlanadi.
Keyingi tahrirga qarang.
3. Shunday tartib oʻrnatilsinki, unga muvofiq:
a) davlat xaridiga doir tender boʻyicha xarid hujjatlarini, texnik topshiriqlarni hamda shartnomalar, import kontraktlari va ularga qoʻshimcha kelishuvlar loyihalarini (shartnomalar va import kontraktlari qiymati oshirilganda) kompleks ekspertizadan oʻtkazish uchun toʻlovlar (tender boʻyicha xarid hujjatlari va texnik topshiriqlar boʻyicha — har bir lotning boshlangʻich narxidan, qoʻshimcha kelishuv loyihasi boʻyicha — qoʻshimcha kelishuv summasidan kelib chiqqan holda) xarid predmeti narxining qoʻshilgan qiymat soligʻini (keyingi oʻrinlarda — QQS) inobatga olmagan holda 0,1 foizi miqdorida, biroq bazaviy hisoblash miqdorining 100 baravaridan ortiq boʻlmagan miqdorda hisoblanib, ushbu miqdorga QQS alohida qoʻshilgan holda undiriladi;
b) loyihalarning texnik-iqtisodiy asoslanishini kompleks ekspertizadan oʻtkazganlik uchun toʻlovlar QQSni hisobga olmagan holda loyiha umumiy summasining 0,03 foizi miqdorida, biroq ekvivalenti 4 ming AQSH dollaridan kam boʻlmagan va 50 ming AQSH dollaridan koʻp boʻlmagan miqdorda hisoblanib, ushbu miqdorga QQS alohida qoʻshilgan holda undiriladi;
v) loyihalarning texnik-iqtisodiy hisob-kitoblarini kompleks ekspertizadan oʻtkazganlik uchun loyihalarning texnik-iqtisodiy asoslanishini kompleks ekspertizadan oʻtkazganlik uchun belgilangan summaning 50 foizi miqdorida haq undiriladi;
g) ekspertiza 100 foizlik oldindan haq toʻlash sharti bilan oʻtkaziladi;
d) quyidagi hujjatlarni ekspertizadan oʻtkazish uchun haq undirilmaydi:
loyihaoldi hujjatlarini ishlab chiqish uchun texnik topshiriq;
Oʻzbekiston Respublikasi budjet tizimi budjetlari hamda Tiklanish va taraqqiyot jamgʻarmasi mablagʻlari hisobiga amalga oshiriladigan tovarlar (ishlar, xizmatlar)ning davlat xaridlariga doir tender boʻyicha xarid hujjatlari.
4. Oʻzbekiston Respublikasi Prezidentining ayrim qarorlari 5-ilovaga muvofiq oʻz kuchini yoʻqotgan deb hisoblansin.
5. Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-iyul,
PQ-332-son
Oʻzbekiston Respublikasi Prezidentining 2022-yil 25-iyuldagi PQ-332-son qaroriga
1-ILOVA
Investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish va tasdiqlash tartibi toʻgʻrisidagi
NIZOM
1-bob. Umumiy qoidalar
1. Ushbu Nizom investitsiyaviy va infratuzilmaviy loyihalar boʻyicha loyihaoldi hujjatlari hamda ularni ishlab chiqish uchun texnik topshiriqlarni (keyingi oʻrinlarda — hujjatlar) ishlab chiqish, kompleks ekspertizadan oʻtkazish va tasdiqlash tartibini belgilaydi.
2. Ushbu Nizom quyidagi loyihalar boʻyicha ishlab chiqiladigan hujjatlarga tatbiq etiladi:
Oldingi tahrirga qarang.
a) budjet tizimi budjetlari, Oʻzbekiston Respublikasi Tiklanish va taraqqiyot jamgʻarmasi, shu jumladan Sanoatni rivojlantirish jamgʻarmasi mablagʻlari hisobidan moliyalashtiriladigan qiymati bazaviy hisoblash miqdorining 50 ming baravari va undan ortiq boʻlgan loyihalar.
(2-band “a” kichik bandining birinchi xatboshisi Oʻzbekiston Respublikasi Prezidentining 2023-yil 18-dekabrdagi PQ-397-sonli qarori tahririda — Qonunchilik maʼlumotlari milliy bazasi, 19.12.2023-y., 07/23/397/0948-son)
Keyingi tahrirga qarang.
Bunda, qiymati bazaviy hisoblash miqdorining 50 ming baravaridan kam boʻlgan loyihalar boʻyicha ishchi loyiha ishlab chiqiladi va ularni ekspertizadan oʻtkazish “Shaharsozlik hujjatlari ekspertizasi” DUK yoki uning hududiy filiallari tomonidan amalga oshirilishi lozim;
b) Oʻzbekiston Respublikasi Prezidentining soliqlar va bojxona toʻlovlari boʻyicha imtiyozlar taqdim etishni koʻzda tutadigan alohida qarorlari asosida amalga oshiriladigan loyihalar;
v) korporativ buyurtmachilar tomonidan amalga oshirilayotgan — qiymati 5 million AQSH dollari ekvivalentidan ortiq boʻlgan loyihalar (ushbu bandning “a” kichik bandiga muvofiq moliyalashtiriladigan loyihalar bundan mustasno);
g) moliyalashtirish manbaidan qatʼi nazar, strategik foydali qazilmalarni qazib olish va/yoki qayta ishlashni koʻzda tutuvchi loyihalar (oltin izlovchilar usulida qazib olishdan tashqari, hamda ushbu Nizomning 3-bandi “b” va “v” kichik bandlarida koʻrsatilgan loyihalar bundan mustasno). Bunda xususiy tadbirkorlik subyektlari tomonidan amalga oshirilayotgan loyihalarning loyihaoldi hujjatlari qabul qilingan texnik-texnologik va arxitektura-qurilish yechimlar hamda loyihaning moliyaviy-iqtisodiy samaradorligi va moliyalashtirish manbalarining mavjudligi yuzasidan ekspertiza qilinadi;
Keyingi tahrirga qarang.
d) davlat tashqi qarzi (xalqaro moliya institutlari va xorijiy hukumat moliya tashkilotlari qarz mablagʻlari bundan mustasno) hisobidan moliyalashtiriladigan loyihalarni amalga oshirish doirasida qiymati 5 million AQSH dollari ekvivalentiga teng va undan yuqori boʻlgan loyihalar.
Bunda, ushbu kichik band davlat tashqi qarzi hisobidan tijorat banklari orqali qayta moliyalashtiriladigan loyihalarga nisbatan tatbiq etilmaydi.
3. Ushbu Nizom quyidagi loyihalar boʻyicha ishlab chiqiladigan hujjatlarga tatbiq etilmaydi:
a) Oʻzbekiston Respublikasi nomidan (Oʻzbekiston Respublikasi Hukumati) nomidan yoki Oʻzbekiston Respublikasi kafilligi ostida jalb etilayotgan toʻliq yoki qisman xalqaro moliya institutlari va xorijiy hukumat moliya tashkilotlarining qarz (kreditlari) hisobidan amalga oshiriladigan loyihalar;
b) Oʻzbekiston Respublikasi Prezidentining qarorlari bilan loyihani ishlab chiqish, ekspertizadan oʻtkazish va tasdiqlashning alohida tartibi belgilangan loyihalar;
v) mahsulotni taqsimlash toʻgʻrisidagi bitimlarga muvofiq amalga oshirilayotgan loyihalar;
Keyingi tahrirga qarang.
Oldingi tahrirga qarang.
g) moliyalashtirish manbaidan qatʼi nazar, xususiy tadbirkorlik subyektlari tomonidan amalga oshirilayotgan (basharti bu ushbu Nizomning 2-bandi “g” kichik bandiga zid kelmasa) loyihalar, Sanoatni rivojlantirish jamgʻarmasi mablagʻlari hisobidan amalga oshirilayotgan loyihalar bundan mustasno.
(3-band “g” kichik bandining birinchi xatboshisi Oʻzbekiston Respublikasi Prezidentining 2023-yil 18-dekabrdagi PQ-397-sonli qarori tahririda — Qonunchilik maʼlumotlari milliy bazasi, 19.12.2023-y., 07/23/397/0948-son)
Keyingi tahrirga qarang.
Ushbu Nizom, shuningdek, qiymatining 70 foizi toʻgʻridan-toʻgʻri xorijiy investitsiyalar hisobidan moliyalashtiriladigan loyihalarga, qolgan qismining moliyalashtirish manbaidan qatʼi nazar tatbiq etilmaydi (ushbu Nizomning 2-bandi “g” kichik bandida koʻrsatilgan loyihalar bundan mustasno).
4. Ushbu Nizomning 2 va 3-bandlarida belgilangan talablardan qatʼi nazar, loyiha tashabbuskorlari (buyurtmachilar) investitsiyaviy va infratuzilma loyihalari boʻyicha hujjatlarni Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK (keyingi oʻrinlarda — Markaz)ga kompleks ekspertizadan oʻtkazish uchun ixtiyoriy ravishda va shartnoma asosida kiritishi mumkin.
5. Ushbu Nizomda quyidagi asosiy tushunchalardan foydalaniladi:
tashabbuskor (buyurtmachi) — loyiha tashabbuskori boʻlgan davlat organlari, budjet tashkilotlari, yuridik yoki jismoniy shaxslar;
investitsiyaviy loyiha — iqtisodiy, ijtimoiy va boshqa foyda olish maqsadida investitsiya jalb qilinishi yoki amalga oshirilishi moʻljallangan loyiha;
infratuzilma loyihasi — past rentabelli yoki rentabelsiz ijtimoiy, yoʻl-transport, suv xoʻjaligi va muhandislik-kommunikatsiya obyektlarini qurish, modernizatsiyalash, rekonstruksiya qilish va kengaytirishga qaratilgan loyiha;
loyihaoldi hujjatlarini ishlab chiqish uchun texnik topshiriq (texnik topshiriq) — loyiha uchun ishlab chiqilayotgan loyihaoldi hujjatlarining asosiy yoʻnalishlari, uning texnik tavsifi, sifat koʻrsatkichlari va texnik-iqtisodiy talablari, hujjatlarni ishlab chiqish uchun zarur taomillarni bajarish va ularning tarkibi boʻyicha koʻrsatmalar, shuningdek, boshqa maxsus talablarni belgilovchi hujjat;
ishlab chiquvchi — tashabbuskor (buyurtmachi) tomonidan qonunchilik hujjatlariga muvofiq yoki shartnoma asosida jalb qilingan, agar qonunchilikda mazkur faoliyat turi bilan shugʻullanish uchun litsenziya olish nazarda tutilgan boʻlsa, tegishli sohada obyektlarni loyihalashtirishga litsenziya olgan, loyihaoldi yoki loyiha hujjatlarini ishlab chiquvchi ijrochi;
texnik-iqtisodiy asoslar yoki texnik-iqtisodiy hisob-kitob (TIA/TIHK) — loyihaning umuman eng koʻp miqdordagi qiymatini va moliyalashtirish ehtiyoji hajmini koʻrib chiqilgan moliyalashtirishning dastlabki shartlarini hisobga olgan holda belgilab beruvchi muqobil variantlarni oʻrganish asosida loyihani amalga oshirishning eng samarali texnik-texnologik va tashkiliy yechimini tanlashni asoslab beruvchi loyihaoldi hujjatlar;
ishchi loyiha (IL) — eng koʻp qiymat aks etgan asosiy texnik-iqtisodiy koʻrsatkichlar va ishchi hujjatlar boʻlgan hamda ishchi chizmalardan tashkil topgan loyiha hujjati;
ishchi hujjatlar — alohida binolar va inshootlar hamda ish turlari uchun ishchi chizmalar jamlanmasidan iborat loyiha hujjati. Murakkab obyektlar boʻyicha ishchi hujjatlarni tayyorlashda butun bino va inshoot uchun ishlab chiqiladigan ishchi chizmalari bilan birga loyihaning aniqlashtiruvchi materiallari boʻyicha qoʻshimcha oʻrganishlar amalga oshiriladi. Ishchi hujjatlarda, spetsifikatsiyalar, jihozlar va mahsulotlarning tegishli turlariga esa oʻlcham sxemalari, bino va inshoot uchun ishchi qurilish chizmalarining pasportlari tuzilishi, shuningdek, ish haqi va asosiy qurilish materiallari xarajatlari va ularning qiymatlari (loyiha smetasi) koʻrsatilishi lozim. Qoidaga koʻra, ishchi hujjatlar belgilangan tartibda tasdiqlangan TIA/TIHK asosida ishlab chiqiladi;
xalqaro moliya institutlari (XMI) — davlatlararo bitimlar asosida tuzilgan, Oʻzbekiston Respublikasi aʼzo boʻlgan moliyaviy va iqtisodiy tashkilotlar;
xorijiy hukumat moliya tashkilotlari (XHMT) — Oʻzbekiston Respublikasida loyihalarni moliyalashtirish yoki birgalikda moliyalashtirishni amalga oshirayotgan xorijiy hukumat moliya tashkilotlari;
tarmoq ilmiy-texnik kengashi (TITK) — dunyo bozorlarining rivoji, ilgʻor texnologiyalarni joriy qilish va mahalliy xom ashyoni chuqur qayta ishlash yoʻnalishlarini inobatga olgan holda, loyihaning asosiy texnik-texnologik yechimlarini uning tarmoq rivojlanish istiqbollariga muvofiqligi nuqtai nazaridan aniqlash maqsadida davlat va xoʻjalik boshqaruvi organlari, mahalliy ijro etuvchi hokimiyat organlari, investitsiya loyihalari tashabbuskori boʻlgan tashkilotlarning qarori bilan tashkil etiladigan kollegial organ;
strategik foydali qazilmalar — oltin, kumush, mis, qoʻrgʻoshin, rux, volfram, uran, platina va platinoidlar, nodir metallar va nodir yer elementlari, temir, marganets, qimmatbaho toshlar, hamda uglevodorodlar (neft, gaz, kondensat) va ular bilan bogʻliq komponentlar, sanoat ahamiyatiga molik yer osti suvlari, koʻmir, yonuvchi slanetslar;
oltin izlovchilar usulida qazib olish — yer qaʼri uchastkalaridan, shu jumladan sochma oltin konlaridan tadbirkorlik tavakkalchiligi asosida qimmatbaho metallarni nosanoat usulda qazib olish;
6. Loyihaoldi hujjatlarni ishlab chiqish, kompleks ekspertizadan oʻtkazish va tasdiqlash ushbu Nizomga 1-ilovada berilgan sxemaga muvofiq amalga oshiriladi.
2-bob. Hujjatlarni ishlab chiqish
7. Texnik topshiriq tashabbuskor (buyurtmachi) tomonidan ishlab chiqiladi. Texnik topshiriqning tarkibi va talablari ushbu Nizomga 2-ilovaga muvofiq belgilanadi.
8. Loyihalarning loyihaoldi va loyiha hujjatlarini ishlab chiqish quyidagi variantlar asosida amalga oshiriladi:
a) loyihaning TIA/TIHKni ishlab chiqilganidan soʻng uning ishchi hujjatlarini tayyorlash;
b) ishchi loyihani ishlab chiqish.
9. Loyihaning TIA/TIHKni ishlab chiqish Markazda ekspertizadan oʻtkazilib, tasdiqlangan texnik topshiriq asosida hamda loyihani amalga oshirishning dastlabki manbalarini va moliyalashtirish shartlari boʻyicha oʻrganishlarni inobatga olgan holda ishlab chiquvchi tomonidan amalga oshiriladi.
10. Loyihani amalga oshirish shartlariga qarab, loyihaoldi va loyiha hujjatlari quyidagi variantlardan biri asosida ushbu Nizomga 3-ilovada berilgan sxemaga muvofiq ishlab chiqiladi:
a) investitsiya loyihalarini amalga oshirishda — Markazda ekspertizadan oʻtkazgan holda TIA ishlab chiqish;
b) infratuzilma loyihalarini amalga oshirishda — Markazda ekspertizadan oʻtkazgan holda TIHK ishlab chiqish;
v) moliyalashtirish manbaidan qatʼi nazar, aholi yashash punktlarining bosh rejalarida nazarda tutilgan, namunaviy va takroran qoʻllaniluvchi loyihalardan foydalanilgan holda quriladigan ijtimoiy soha, yoʻl-transport, suv xoʻjaligi, muhandislik-kommunikatsiya va boshqa infratuzilma obyektlari boʻyicha — ekspertiza faoliyatini amalga oshirishga litsenziyaga ega tashkilotlarda ekspertizadan oʻtkazgan holda ishchi loyihasini ishlab chiqish.
Shu bilan birga, Oʻzbekiston Respublikasi Prezidentining alohida qarorlari bilan loyihaoldi va/yoki loyiha hujjatlarini ishlab chiqishning boshqa turi ham belgilanishi mumkin.
3-bob. Ekspertiza oʻtkazish
11. Hujjatlarni kompleks ekspertizadan oʻtkazish uchun tashabbuskor (buyurtmachi)lar Markazga quyidagi hujjatlarni elektron shaklda (qonunchilikda belgilangan boshqacha talablar bundan mustasno) Yagona interaktiv davlat xizmatlari portalida yoki Markazning elektron axborot platformasida joylashtirgan holda taqdim etadilar:
a) texnik topshiriq boʻyicha:
kompleks ekspertiza oʻtkazish uchun tashabbuskor (buyurtmachi) va loyihaning nomi koʻrsatilgan ariza;
texnik topshiriq loyihasi;
texnik topshiriqni kelishish toʻgʻrisidagi TITK qarori bayonnomasi;
b) TIA/TIHK boʻyicha:
kompleks ekspertiza oʻtkazish uchun tashabbuskor (buyurtmachi) va loyiha nomi, loyihaning qiymati va moliyalashtirish manbalari, kompleks ekspertiza oʻtkazish uchun taqdim etilayotgan hujjatlar roʻyxati koʻrsatilgan ariza;
mazkur Nizomning 4-ilovasiga muvofiq birlamchi materiallar va hujjatlar ilova qilingan holda, loyihaning TIA/TIHK;
Loyihaning TIA/TIHK boʻyicha TITK xulosasi.
Ekspertiza uchun kiritilayotgan hujjatlarning tuzilishi va mazmuni mazkur Nizom talablariga mos boʻlishi lozim.
12. Markaz tomonidan:
a) texnik topshiriq:
mazkur Nizomning 2-ilovasi talablariga muvofiqligi;
loyihaoldi hujjatlarini ishlab chiqish boʻyicha ishlab chiquvchi oldiga qoʻyilgan maqsad va vazifalarning imkoni boricha aniq-ravshanligi va asoslantirilganligi;
b) loyihaning TIA/TIHK:
mazkur Nizomning 4-ilovasi va tasdiqlangan texnik topshiriq talablariga muvofiqligi;
Oʻzbekiston Respublikasi Prezidentining yoki Oʻzbekiston Respublikasi Hukumatining tegishli qarorlari va topshiriqlari bilan belgilangan vazifalarni va/yoki tasdiqlangan tarmoq rivojlantirish dasturlarini/konsepsiyalarini (ular mavjud boʻlgan taqdirda) inobatga olgan holda loyihani amalga oshirishning ijtimoiy ahamiyati va maqsadga muvofiqligi;
loyiha natijasida koʻzda tutilayotgan mahsulot yoki xizmatga nisbatan mavjud va kutilayotgan talab;
texnik-texnologik yechimlar va loyihada nazarda tutilgan uskunalar narxlarining chegaralangan parametrlarini asoslanganligi;
loyihaning moliyaviy-iqtisodiy samaradorligi va sarflangan mablagʻlarni qoplay olishi;
Oʻzbekiston Respublikasining Shaharsozlik kodeksi, normativ hujjatlar talablariga va qurilish qiymatining yuzaga kelgan bozor konyunkturasiga muvofiqligi jihatidan ekspertiza qilinadi.
Oʻzbekiston Respublikasi Prezidenti va Oʻzbekiston Respublikasi Hukumatining alohida qarorlari asosida xarid qilinayotgan tovarlarning (ishlarning, xizmatlarning) yetkazib beruvchilari va/yoki ularning qiymati belgilab qoʻyilganda, hamda shartnomalar va import kontraktlarini ekspertiza qilish boʻyicha Markazning ijobiy xulosasi olingan loyihalar TIA/TIHKdagi tovarlar (ishlar, xizmatlar) narxlarini belgilash qismi ekspertizadan oʻtkazilmaydi.
13. Hujjatlarni ekspertizadan oʻtkazish uchun Markaz va tashabbuskor (buyurtmachi) oʻrtasida xizmatlar koʻrsatish boʻyicha shartnoma tuziladi. Koʻrsatiladigan xizmat qiymati ushbu qaror bilan tasdiqlangan Loyihalarning TIA va TIHKni, davlat xaridiga doir tender boʻyicha xarid hujjatlari va texnik topshiriqlarni kompleks ekspertizadan oʻtkazish xizmati qiymatini aniqlash tartibi boʻyicha yoʻriqnomaga muvofiq belgilanadi.
Kompleks ekspertiza 100 foizlik oldindan haq toʻlash sharti bilan oʻtkaziladi.
14. Hujjatlarni kompleks ekspertizadan oʻtkazish quyidagi muddatlarda amalga oshiriladi:
texnik topshiriq — oʻn besh ish kunidan ortiq boʻlmagan muddatda;
TIA/TIHK — oʻttiz ish kunidan ortiq boʻlmagan muddatda.
Keyingi tahrirga qarang.
15. Kompleks ekspertizadan oʻtkazish muddatini hisoblash:
loyihaning texnik topshirigʻi uchun — arizaning Markazga kelib tushgan kunidan;
loyiha TIA/TIHK uchun — xizmatlar haqi toʻlanganligi tasdiqlangan kundan boshlanadi.
16. Tashabbuskor (buyurtmachi) tomonidan mazkur Nizom talablari bajarilmagan, shu jumladan taqdim etilgan hujjatlar toʻliq boʻlmagan taqdirda, Markaz hujjatlar taqdim etilgandan keyin koʻpi bilan uch ish kuni ichida yozma ravishda nomuvofiqliklar haqida tashabbuskor (buyurtmachi)ga xabar beradi. Ushbu holatda tashabbuskor (buyurtmachi) qayta ishlangan va toʻldirilgan hujjatlarni taqdim etgan kun ekspertizadan oʻtkazish muddatining boshlangan sanasi hisoblanadi.
17. Markaz hujjatlarni ekspertizadan oʻtkazishda quyidagi huquqlarga ega:
zarur hollarda shartnoma asosida davlat va nodavlat tashkilotlar, shu jumladan, loyiha institutlari, injiniring va konsalting kompaniyalari, ilm-fan va taʼlim muassasalari, shuningdek, xalqaro tashkilotlar, xorijiy va milliy kompaniyalar mutaxassislarini jalb qilish;
ekspertiza ishlarini olib borish uchun zarur boʻlgan vazirliklar va idoralarning faoliyatiga daxldor tegishli maʼlumotlar va materiallarni ulardan soʻrab olish;
loyihaning xususiyati va amalga oshirish sohasidan kelib chiqqan holda, loyihaoldi hujjatlarini kompleks ekspertizadan oʻtkazish davomida ushbu Nizomning 12-bandida koʻrsatilgan talablarga aniqlik kiritish maqsadida loyiha doirasida mahsulotlar (ishlar, xizmatlar) ishlab chiqarishda (bajarishda, koʻrsatishda) qoʻllaniladigan meʼyorlar, talablar va standartlarni tashabbuskor (buyurtmachi)dan soʻrab olish.
Markaz texnik topshiriqlar, loyihaoldi hujjatlarini kompleks ekspertizadan oʻtkazish boʻyicha ishlar va xizmatlarni subpudrat shartlari asosida boshqa tashkilotlarga berish huquqiga ega emas.
18. Kompleks ekspertizaga taqdim etilgan hujjatlar sifati, ishonchliligi va toʻliqligi uchun javobgarlik tashabbuskor (buyurtmachi), ishlab chiquvchi va TITK zimmasiga yuklanadi.
19. Tashabbuskor(buyurtmachi)ga TIA/TIHK kompleks ekspertizadan oʻtkazish yakunlari boʻyicha ushbu Nizomning 5-ilovasiga muvofiq shaklda xulosa taqdim etiladi.
20. Eʼtirozlar yuzaga kelgan taqdirda tashabbuskor (buyurtmachi) ularni bartaraf etadi va mazkur Nizomning 11-bandiga muvofiq qayta ishlangan hujjatlarni takroriy ekspertizadan oʻtkazish uchun Markazga taqdim etadi.
Bunda, tashabbuskor (buyurtmachi) tomonidan faqatgina Markazning eʼtirozlarini inobatga olgan holda qayta ishlangan hujjatlar kiritiladi.
Ushbu Nizom 24-bandining uchinchi xatboshisida nazarda tutilgan muddatda taqdim etilgan qayta ishlangan hujjatlarni ekspertizadan oʻtkazish uchun toʻlov undirilmaydi.
21. Eʼtirozlar tashabbuskor (buyurtmachi) tomonidan bartaraf etilganda, hujjatlarni takroriy ekspertizadan oʻtkazish quyidagi muddatda amalga oshiriladi:
texnik topshiriq — oʻn ish kunidan ortiq boʻlmagan muddatda;
TIA/TIHK — oʻn besh ish kunidan ortiq boʻlmagan muddatda.
22. Qayta ishlangan hujjatlarni kompleks ekspertizadan oʻtkazishda tashabbuskor (buyurtmachi)ga avval berilgan xulosada koʻrsatilmagan yangi asoslar boʻyicha eʼtirozlar bildirishga yoʻl qoʻyilmaydi, avval berilgan eʼtirozlarni bartaraf etish doirasida qoʻshimcha ravishda taqdim etilgan materiallar bilan bogʻliq eʼtirozlar bundan mustasno.
23. Tashabbuskor (buyurtmachi) Markazning ijobiy xulosasi asosida:
a) texnik topshiriq boʻyicha — ushbu texnik topshiriqni tasdiqlaydi;
b) loyihaning TIA/TIHK boʻyicha — ushbu Nizomning 6-ilovasiga muvofiq shaklda loyihaning TIA/TIHK asosiy texnik-iqtisodiy parametrlarini tasdiqlashga doir qaror loyihasini tayyorlaydi va belgilangan tartibda kiritadi.
24. Loyihaoldi hujjatlar quyidagi hollarda ushbu Nizomda belgilangan tartibda kompleks ekspertizadan oʻtkazish uchun yangidan kiritilgan hisoblanadi:
Markazning ijobiy xulosasi olinganidan keyin loyihaning TIA/TIHK bir yil (365 kalendar kun) ichida tasdiqlanmasa;
eʼtiroz va tavsiyalar koʻrsatilgan Markazning xulosasi olingandan keyin loyihaning qayta ishlangan TIA/TIHK olti oy (180 kalendar kun) mobaynida Markazga taqdim etilmasa.
4-bob. Loyihalarning tasdiqlangan TIA/TIHKga oʻzgartirishlar (tuzatishlar) kiritish tartibi
25. Loyihalarning tasdiqlangan TIA/TIHKga oʻzgartirishlar (tuzatishlar) kiritish uchun quyidagilar asos boʻladi:
qoʻshimcha moliyalashtirish (qarzlar/kreditlar) jalb etish zarurati;
loyihaning qiymati, moliyalashtirish manbalari va shartlarida yuz bergan oʻzgarishlar, basharti bu oʻzgarishlar loyihaning moliyaviy samaradorligining yomonlashuviga olib kelsa;
loyihaning TIA/TIHK asosiy texnik-iqtisodiy koʻrsatkichlariga taʼsir qiluvchi texnik-texnologik yechimlarida oʻzgarishlar yuz bersa (qiymat koʻrsatkichlarining pasayish holatlari bundan mustasno);
Oʻzbekiston Respublikasi Prezidenti yoki Oʻzbekiston Respublikasi Hukumatining alohida qarorlariga muvofiq loyihaning tuzatilgan TIA/TIHK ishlab chiqish koʻzda tutilgan boshqa oʻzgartirishlar.
Loyihani amalga oshirishni yakunlash natijalari boʻyicha TIA/TIHK loyihalariga oʻzgartirishlar (tuzatishlar) kiritishga yoʻl qoʻyilmaydi.
26. Loyihalarning tasdiqlangan TIA/TIHKga oʻzgartirishlar (tuzatishlar) kiritish tashabbuskor (buyurtmachi) tomonidan loyihaning belgilangan tartibda tuzatilgan TIA/TIHK ishlab chiqilgan holda amalga oshiriladi.
Agar loyihaning avval tasdiqlangan TIA/TIHK boʻyicha Markaz xulosasi berilgan boʻlsa, loyihaning tuzatilgan TIA/TIHKni ekspertizadan oʻtkazish uchun toʻlov undirilmaydi, ushbu Nizomning 25-bandi toʻrtinchi xatboshida koʻrsatilgan hollar bundan mustasno. Ushbu holatda ekspertiza uchun toʻlov loyihaoldi hujjatlarni kompleks ekspertizasi uchun oʻrnatilgan toʻlov miqdorining 50 foizi miqdorida undiriladi.
27. Loyihaning tuzatilgan TIA/TIHKni ekspertizadan oʻtkazish va tasdiqlash ushbu Nizomda oʻrnatilgan tartibda bajariladi.
28. Oʻzbekiston Respublikasi Prezidenti yoki Oʻzbekiston Respublikasi Hukumatining alohida qarorlariga muvofiq loyiha qiymati kamaytirilgan taqdirda (loyihaning asosiy texnik-texnologik koʻrsatkichlari saqlangan holda), loyiha TIA/TIHKga oʻzgartirishlar (tuzatishlar) kiritish talab etilmaydi.
5-bob. Yakunlovchi qoidalar
29. Markazning mansabdor shaxslari hujjatlarni kompleks ekspertizadan oʻtkazish natijalarining haqqoniyligi va xolisligi uchun javobgardirlar.
30. Ushbu Nizomni qoʻllash masalalari boʻyicha bahslar va kelishmovchiliklar belgilangan tartibda koʻrib chiqiladi.
31. Ushbu Nizom talablarini buzishda aybdor boʻlgan shaxslar qonunchilikka muvofiq javobgarlikka tortiladi.
 LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1758-moddasi.
Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
1-ILOVA
Investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish va tasdiqlash
SXEMASI

Bosqichlar

T/r

Tadbirlar

Muddatlar

Masʼul ijrochilar

1-bosqich.

Texnik topshiriq ishlab chiqish va ekspertizadan oʻtkazish

1.

Texnik topshiriq ishlab chiqish, uni TITK bilan kelishish va Markazga kiritish

Loyiha tashabbuskorlari (buyurtmachilari), TITK

2.

Texnik topshiriqni ekspertizadan oʻtkazish hamda ijobiy xulosa yoki eʼtirozlar berish

Koʻpi bilan 15 ish kuni

Markaz

3.

Keltirilgan eʼtirozlarni bartaraf etish va texnik topshiriqni Markazga takroran kiritish

Loyiha tashabbuskorlari (buyurtmachilari), TITK

4.

Tuzatilib, kiritilgan texnik topshiriqni koʻrib chiqish va xulosa berish

Koʻpi bilan 10 ish kuni

Markaz

2-bosqich.

Loyihaning TIA(TIHK)ni ishlab chiqish va ekspertizadan oʻtkazish

5.

Loyihani amalga oshirishni moliyalashtirishning dastlabki shartlari va manbalarini hisobga olgan holda tasdiqlangan texnik topshiriq asosida TIA/TIHK ishlab chiqish va TITK xulosasini olish.

Loyiha tashabbuskorlari (buyurtmachilari)

6.

TIA/TIHKni ekspertizadan oʻtkazish hamda ijobiy xulosa yoki eʼtirozlar berish

Koʻpi bilan 30 ish kuni

Markaz

7.

Keltirilgan eʼtirozlarni bartaraf etish, TITK bilan kelishish va loyiha TIA/TIHKni Markazga takroran kiritish

Koʻpi bilan 180 kalendar kuni

Loyiha tashabbuskorlari (buyurtmachilari), loyihalashtirish tashkiloti, TITK

8.

Qayta ishlangan TIA/TIHKni ekspertizadan oʻtkazish va xulosa berish

Hujjatlar paketi toʻliq taqdim qilingandan keyin koʻpi bilan 15 ish kuni

Markaz

9.

Markazning ijobiy xulosasi asosida loyiha TIA/TIHK parametrlarini tasdiqlash boʻyicha tegishli qaror loyihasini tayyorlash

Belgilangan muddatlarga muvofiq

Loyiha tashabbuskorlari (buyurtmachilari)

10.

Ishchi hujjatlar hamda tender (tanlov) va boshqa hujjatlarni tayyorlash va ekspertizadan oʻtkazish

Tashabbuskorlar (buyurtmachilar), masʼul organlar

Keyingi tahrirga qarang.
Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
2-ILOVA

“KELISHILGAN”

“TASDIQLAYMAN”

_______________________

_______________________________________

20___ yil ____ dagi ___-son

TITK yigʻilishi bayonnomasi asosida

(tashabbuskor vakilining F.I.Sh., lavozimi)

_______________________

(imzo)

M.Oʻ. 20____ y. “_____” ___________________

____________________________________________________________________________

(investitsiya/infratuzilma loyihasining nomlanishi)

LOYIHASI UCHUN TIA/TIHK ISHLAB CHIQISHGA
TEXNIK TOPSHIRIQ

T/r

Asosiy maʼlumotlar va talablar roʻyxati

Asosiy maʼlumotlar va talablar mazmuni

1.

Loyiha TIA/TIHKni ishlab chiqish uchun asos.

Hujjatlarni ishlab chiqish uchun asos boʻlgan hujjat/hujjatlarning (Oʻzbekiston Respublikasi Prezidenti yoki Hukumati qarorlari, bayonnomalar, shartnomalar, bitimlar va boshqalar) nomi koʻrsatiladi.

2.

Tashabbuskor (buyurtmachi)ning nomi.

Loyiha tashabbuskori (buyurtmachisi)ning toʻliq nomi va rekvizitlari koʻrsatiladi.

3.

Loyiha tashkilotining nomlanishi.

Muayyan tashkilotni belgilash boʻyicha yoʻriqnoma hujjatlari mavjud boʻlgan taqdirda, ushbu bandda loyiha tashkilotining toʻliq nomi (yoʻriqnoma hujjati koʻrsatilgan holda) keltiriladi.

Tegishli yoʻriqnoma hujjati mavjud boʻlmagan taqdirda, ushbu bandga “tanlov asosida aniqlanadi” deb yoziladi.

4.

Loyihaning hisob-kitob qilingan umumiy qiymati.

Loyihaning yoʻriqnoma hujjatlari yoki tashabbuskorning boshqa hujjatlari, qarorlari asosidagi taxminiy qiymati koʻrsatiladi. Shuningdek, xarid qilinayotgan uskunalarning maqbul variantini tanlash, investitsiya davridagi moliyaviy xarajatlar va loyihaning boshqa xarajatlari boʻyicha tahlillar asosida chegaralangan eng koʻp qiymatni aniqlash toʻgʻrisida koʻrsatma beriladi.

5.

Qurilish turi.

Qurilish turi koʻrsatiladi (yangi qurilish, rekonstruksiya, modernizatsiya, kengaytirish, kapital taʼmirlash).

6.

Navbatlar, ishga tushirish majmualari, qurilish bosqichlarini ajratib koʻrsatish. Bir vaqtning oʻzida loyihalashtirish va qurish.

Navbatlar, ishga tushirish majmualari, qurilish bosqichlarini ajratib koʻrsatish toʻgʻrisidagi talablar koʻrsatiladi. Bir vaqtning oʻzida loyihalashtirish va qurilish amalga oshirilganda uni oʻtkazish toʻgʻrisidagi qaror sanasi va roʻyxatga olish raqami koʻrsatiladi.

7.

Korxona tarkibi.

Loyiha xususiyatlarini hisobga olgan holda korxonaning tarkibi: asosiy va yordamchi bino va inshootlarning dastlabki roʻyxati, ularga qoʻyiladigan texnik-texnologik talablar, asosiy koʻrsatkichlari koʻrsatiladi.

8.

Ishlab chiqarish kooperatsiyasi va korxona infratuzilmasi.

Korxonaning sherik korxonalar bilan hamkorlikdagi faoliyati, shuningdek, uning infratuzilmasi tarkibi koʻrsatiladi.

9.

Ishlab chiqariladigan (koʻrsatiladigan) mahsulotlar (xizmatlar) nomenklaturasi.

Loyiha xususiyatlarini hisobga olgan holda ishlab chiqariladigan mahsulotlar (xizmatlar) nomenklaturasi koʻrsatiladi.

10.

Korxonaning ishlash tartibi.

Loyiha xususiyatlarini hisobga olgan holda obyektning yil davomidagi ish bilan taʼminlanganlik darajasi, ish smenalari koʻrsatiladi.

11.

Loyihaning koʻlami va quvvati.

Yoʻriqnoma hujjatlari yoki tashabbuskorning boshqa hujjatlari, qarorlari asosida loyihaning koʻlami va quvvati koʻrsatiladi. Shuningdek, marketing tadqiqotlari asosida loyiha quvvatini aniqlashtirish boʻyicha koʻrsatmalar beriladi.

12.

Loyiha amalga oshiriladigan joy.

Loyihani amalga oshirish joyi toʻgʻrisidagi aniq maʼlumot koʻrsatiladi.

13.

Loyihaning maqsadi va vazifalari.

Loyihaning maqsadi va vazifalari aniq, shu jumladan miqdoriy koʻrsatkichlarda bayon qilinadi.

14.

Loyihani amalga oshirish davri.

Yoʻriqnoma hujjatlari yoki tashabbuskorning boshqa hujjatlari, qarorlari asosida loyihani amalga oshirish moʻljallanayotgan davr toʻgʻrisidagi maʼlumot koʻrsatiladi.

15.

Moliyalashtirish manbalari.

Koʻzda tutilayotgan moliyalashtirish manbalari (tashabbuskorning oʻz mablagʻlari, budjet mablagʻlari, bank kreditlari va boshqalar) koʻrsatiladi.

16.

Qurilishning alohida shart-sharoitlari.

Qurilish maydoni (trassasi)ning xususiyatlari (seysmologik bardoshliligi, tuproq turi, suv va tuproq balandligi va boshqalar) koʻrsatiladi.

17.

Loyihani amalga oshirish variantlari.

Loyihaning har bir boʻlimida loyiha maqsadlariga erishishning kamida ikkita mumkin boʻlgan variantlari boʻyicha qiyosiy tahlil oʻtkazish vazifasini qoʻygan holda, ushbu maqsadlarga erishish yoʻllari (texnologik, moliyalashtirish sxemalari boʻyicha, ishlar xususiyatlari boʻyicha va boshqalar) koʻrsatiladi.

18.

Loyihani moliyaviy asoslantirishga qoʻyiladigan talablar.

Moliyaviy asoslantirish asosli ishlab chiqarish xarajatlari va savdo tushumidan kelib chiqqan holda bajarilishi lozim. Bunda, Soliq kodeksi va normativ-huquqiy hujjatlarga muvofiq soliqqa tortishning amaldagi barcha stavkalariga tayanish zarur. Shuningdek, asoslantirilgan moliyaviy hujjatlarni taqdim etgan holda, korxona moliyaviy ahvolining toʻliq tahlili hamda barcha birlamchi moliyaviy maʼlumotlarning dalillari kiritilishi, qabul qilingan standartlarga muvofiq keluvchi hisoblash metodikasini qoʻllash talab etiladi.

19.

Loyihani iqtisodiy asoslantirishga qoʻyiladigan talablar.

Iqtisodiy asoslantirish loyihaning iqtisodiy samaradorligini, xususan, tarmoq, hudud va umuman, milliy iqtisodiyot uchun iqtisodiy foydani aniq aks ettirishni inobatga olgan holda bajariladi. Shuningdek, loyihaning tarmoqqa taʼsiri, uning iqtisodiyot uchun ijobiy samarasini asoslantirish, ehtimoliy iqtisodiy xavf-xatarlar, ularning darajalari va bu xavf-xatarlarni kamaytirish chora-tadbirlarini koʻrsatish kerak boʻladi.

20.

Loyihaviy yechimlar uchun qoʻyiladigan asosiy talablar.

Loyihalashtirish obyektiga qarab, loyihaning shaharsozlik, arxitektura-rejalashtirish, konstruktiv, texnologik va boshqa yechimlariga qoʻyiladigan talablar koʻrsatiladi. Shuningdek, loyiha xususiyatlaridan kelib chiqqan holda texnologik va muhandislik uskunalar, atrof- muhitni muhofaza qilish, sanitar-epidemiologik vaziyat va boshqalarga qoʻyiladigan talablar ham koʻrsatiladi.

21.

Izlanish ishlarini olib borish.

Loyiha xususiyatlaridan kelib chiqqan holda, muhandislik tadqiqotlari (muhandislik geologiyasi, gidrogeologiya, topografik sʼyomkalar va boshqalar) oʻtkazish zarurati koʻrsatiladi.

22.

Obodonlashtirish va rekultivatsiya boʻyicha talablar.

Hududni obodonlashtirish, koʻchatlar oʻtqazish, ichki yoʻllar, piyodalar yoʻlkalari, avtomobil toʻxtash joylari va boshqalarni qurish, shuningdek, yerlarni chopiq qilish boʻyicha talablar keltiriladi.

23.

Loyihalashtirishning alohida shartlari.

Amalga oshirilayotgan loyihaning xususiyatlari va oʻziga xosligidan kelib chiqib, loyihalash tashkilotiga qoʻyiladigan talablar aks ettirilishi lozim.

24.

Loyihalashtirishga qoʻyiladigan talablar.

Loyiha TIA/TIHK Investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish va tasdiqlash tartibi toʻgʻrisidagi nizom talablariga muvofiq ishlab chiqilishi lozim.

25.

Narxni shakllantirish boʻyicha talablar.

Loyihaning koʻrib chiqilayotgan variantlari chegaralangan qiymatini hisoblash (yaxlitlangan normativlar, shu kabi obyektlar boʻyicha narx koʻrsatkichlari va boshqalardan foydalanish) boʻyicha talablar koʻrsatiladi.

26.

Loyiha TIAni ishlab chiqish muddatlari.

Loyihalashtirish xizmatlari koʻrsatish shartnomasi tuzilgan sanadan boshlab loyihani ishlab chiqishning aniq muddatlari (oy) koʻrsatiladi.

27.

Ish natijalarini taqdim qilish boʻyicha talablar.

Loyihaning ishlab chiqilgan TIA/TIHKni ___ nusxada chop etilgan shaklda va 1 nusxa tahrir qilinadigan elektron shaklda tashabbuskorga taqdim qilish lozim. Maʼlumotlar hajmiga qarab loyiha boʻlimlari bir kitobga birlashtirilishi yoki alohida kitoblar shaklida tayyorlanishi mumkin.

28.

Birlamchi hujjatlar roʻyxati.

Loyiha TIA/TIHKni ishlab chiqish uchun zarur boʻlgan, ishlab chiquvchining talabi bilan tashabbuskor tomonidan mazkur texnik topshiriqqa ilova koʻrinishida beriladigan barcha birlamchi hujjatlar.
Izoh Texnik topshiriqning asosiy maʼlumotlari va talablari roʻyxati loyihalashtirilayotgan obyektning oʻziga xos xususiyatlari, murakkabligi va qanday maqsadga moʻljallanganligiga qarab oʻzgartirilishi, kengaytirilishi yoki qisqartirilishi mumkin.
Texnik topshiriqni ekspertizaga kiritishda unga texnik topshiriqni kelishish toʻgʻrisidagi TITK bayonnoma qarori ilova qilinadi.
Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
3-ILOVA
Loyihaoldi va loyiha hujjatlarini ishlab chiqish variantlari
SXEMASI

1-variant

2-variant

3-variant

2 va 3-variantlar boʻyicha amalga oshirilayotgan loyihalardan tashqari, investitsiya loyihalari boʻyicha

Ijtimoiy, yoʻl-transport va muhandislik-kommunikatsiya obyektlari boʻyicha infratuzilma loyihalarini amalga oshirishda yakka tartibdagi loyihani ishlab chiqishda

Moliyalashtirish manbaidan qatʼi nazar, aholi yashash punktlarining bosh rejalarida nazarda tutilgan, namunaviy va takroran qoʻllaniluvchi loyihalardan foydalanilgan holda quriladigan ijtimoiy soha, yoʻl-transport, muhandislik-kommunikatsiya va boshqa infratuzilma obyektlari boʻyicha

TIA

TIHK

IL

Ishchi hujjatlarni, tender (tanlov) va boshqa hujjatlarni tayyorlash

Ishchi hujjatlarni, tender (tanlov) va boshqa hujjatlarni tayyorlash

Tender (tanlov) hujjatlarni tayyorlash

Izoh. Oʻzbekiston Respublikasi Prezidentining tegishli qarorlari qabul qilingan taqdirda loyihaoldi va loyiha hujjatlarini ishlab chiqishda boshqacha tartib qoʻllanilishiga yoʻl qoʻyiladi.
Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
4-ILOVA
Loyiha uchun texnik-iqtisodiy asoslar va texnik-iqtisodiy hisob-kitoblarning (TIA/TIHK)
namunaviy tuzilishi
Loyiha TIA/TIHK mundarijasi:
1. Loyihaning qisqacha mazmuni.
2. Kirish.
3. Marketing boʻlimi.
4. Texnik-texnologik boʻlim.
5. Ekologik boʻlim.
6. Institutsional boʻlim.
7. Arxitektura-qurilish boʻlimi.
8. Moliya boʻlimi.
9. Iqtisodiy boʻlim.
10. Ijtimoiy boʻlim.
11. Loyiha boʻyicha umumiy xulosalar.
Keyingi tahrirga qarang.
12. Ilovalar.
Loyihaning qisqacha mazmunida quyidagilar keltirilishi lozim:
loyihaning nomlanishi;
tashabbuskor nomlanishi;
loyihaning hisob-kitob qilingan umumiy qiymati, kapital qoʻyilmalar kesimida;
loyiha koʻlami, shu jumladan, uning quvvati;
loyihaning tarkibiy qismlari — asosiy obyektlarning narxlari koʻrsatilgan holda;
loyiha amalga oshiriladigan joy (viloyat, shahar);
loyihaning maqsadi va vazifalari, shu jumladan miqdoriy ifodalangan shaklda;
asosiy foyda koʻruvchilar aks ettirilgan holda, maqsadli guruhlar;
moliyalashtirish manbalari va sxemalari;
moliyalashtirish yillar kesimida koʻrsatilgan holda loyihani amalga oshirish davri.
Kirishda loyiha amalga oshirilayotgan joydagi mavjud siyosiy, ijtimoiy-iqtisodiy, tabiiy-iqlim, huquqiy va boshqa shart-sharoitlar tavsiflanadi, shu jumladan, koʻrsatkichlar, infratuzilma bilan taʼminlanganligi, investitsiya iqlimi va koʻzda tutilayotgan joyni tavsiflovchi boshqa ijtimoiy-iqtisodiy koʻrsatkichlar va loyihaning taʼsir doirasi aks ettiriladi. Ushbu boʻlimda loyihadan koʻzlangan maqsadning Tarmoqni rivojlantirish konsepsiyasiga muvofiqligini asoslantirish zarur, shuningdek, loyihadan koʻzlangan maqsadga erishishning barcha yoʻllari koʻrsatilishi va loyihaning keyingi boʻlimlarida ularning har biri boʻyicha qiyosiy tahlil oʻtkazilishi talab etiladi.
Marketing boʻlimida loyihada koʻzda tutilayotgan mahsulot (xizmat)ga boʻlgan mavjud va istiqboldagi (loyihaning yashash davri mobaynida) talabga baho beriladi.
Ushbu boʻlimda quyidagilar aks ettirilishi lozim:
mahsulot (xizmat)ning bozordagi, shu jumladan eksport hajmlari va narxlari tahlilini hisobga olgan holda talab tahlili (uning tendensiyalari);
loyihani amalga oshirish va ishlashi bilan bogʻliq boʻlgan xarid qilinadigan xomashyo, materiallar, tovarlar (ishlar va xizmatlar) bozorlari va boshqa ishlab chiqarish omillari tahlili. Bu ishlab chiqaruvchilar va yetkazib beruvchilar, ularning yetkazib berish narxlari, sifati va shartlari, shuningdek, loyiha ehtiyojlarini qondirish imkoniyatlarini qiyosiy tahlil qilishni nazarda tutadi;
ushbu sohadagi mavjud obyektlar ishini tahlil qilish, shu jumladan raqobatchilarni tahlil qilish;
mahsulot (xizmatlar)ni sotish boʻyicha tadbirlar;
tijorat xavf-xatarlari, xatarlarning asosiy belgilovchi omillari va xatarlarni kamaytirish boʻyicha koʻzda tutilgan tadbirlar;
kamida 3 ta kompaniyaning tijorat takliflari (prays-varaqlar va boshqalar) asosida xarid qilinayotgan uskunalar narxini asoslantirish.
Bunda, asbob-uskunaning narxini asoslovchi nomenklatura — asosiy narx shakllantiruvchi komponentlarni hisobga olgan holda va ularning har bir birligi narxi bazaviy hisoblash miqdorining ikki ming besh yuz baravaridan yuqori boʻlganlari tanlanadi;
mumkin boʻlgan logistikaning mavjudligi, jumladan, temir yoʻl, avtomobil yoʻllari, daryo va havo transporti, shuningdek, omborxona inshootlari;
marketing tadqiqotlarida foydalanilgan axborot manbalari va ularni oʻtkazish metodikasi.
Texnik-texnologik boʻlim loyihani amalga oshirishning turli texnologik yechimlarini oʻzida aks ettirib, unda loyiha tuzilishi, loyiha boʻyicha texnik yechimlar, loyihaning hal qiluvchi koʻrsatkichlari, komponentlari, shuningdek, ularning hisob-kitob qilingan qiymatlari bayon qilinadi.
Ushbu boʻlimda quyidagilar aks ettirilishi lozim:
texnologik sxema bosqichlari boʻyicha mahsulot ishlab chiqarish texnologik jarayonining tavsifi;
loyihani amalga oshirish boʻyicha turli texnologik yechimlar tahlili, ularning afzalliklari va kamchiliklari, tanlangan variantni asoslantirish;
loyiha joylashtiriladigan manzil, bunda loyiha uchun tanlangan joy tanlovi, xomashyo manbalari va yetkazib beruvchilari, mahsulot va xizmatlarning isteʼmolchilariga nisbatan joylashgan masofa, muhandislik-transport (temir yoʻl magistrallari, avtomobil yoʻllari, quvurlar, energetika manbalari va hokazo) va aloqa infratuzilmasiga yaqinlik, geografik oʻziga xosliklar;
loyiha quvvatini oʻzlashtirish surʼatini taxminiy asoslantirishni belgilab beruvchi loyiha koʻlami;
mashina va uskunalar sonini va texnologiyasi tanlovini asoslantirish, dunyo standartlariga muvofiqligi, shu vaqtgacha foydalanilayotgan uskunalar bilan texnologik muvofiq kelishi, “narx-sifat” boʻyicha eng maqbul muvofiqlik, texnologiyalar va uskunalar tanlovining muqobil variantlari, innovatsion uskunalarni qoʻllash, loyihada sifat koʻrsatkichlaridan foydalanilishi, loyihaga qoʻyiladigan texnik va texnologik talablarni belgilovchi normativ hujjatlar;
xatarlarning asosiy omillarini belgilovchi texnik xatarlarni baholash, oʻzgarishlarning taxminiy xususiyatlari va koʻlami, xatarlarni kamaytirish boʻyicha koʻzda tutilgan tadbirlar.
Loyiha va texnik yechimlarni tanlashda salbiy ekologik taʼsiri eng kam va ijtimoiy-iqtisodiy samarasi eng yuqori boʻlgan yechimlar tanlab olinadi.
Ekologik boʻlimda loyihaning ekologik jihatlari aks ettiriladi. Ushbu boʻlimda quyidagilar aks ettirilishi lozim:
loyihaning atrof muhit holatiga taʼsirini baholash, loyihani amalga oshirish natijasida yetkaziladigan ekologik zarar miqdorini baholash va Oʻzbekiston Respublikasi Ekologiya va atrof-muhitni muhofaza qilish davlat qoʻmitasi xulosasini inobatga olgan holda, uning salbiy taʼsirini kamaytirish boʻyicha koʻzda tutilayotgan chora-tadbirlar;
ham hududda, ham butun mamlakatdagi ekologik vaziyatni yaxshilash uchun loyihada nazarda tutilayotgan chora-tadbirlar va ularning miqdor koʻrinishidagi natijalari.
Institutsional boʻlim loyihaning butun yashash davri davomida uni boshqarish sxemasini oʻz ichiga olgan boʻlishi hamda huquqiy asoslar, boshqaruv tuzilmasi va moliyaviy xarajatlar bahosi tasvirlanishi lozim. Loyihani amalga oshirishda ishtirok etuvchilarning oʻzaro birgalikdagi harakati, xarajatlar, foyda va majburiyatlar taqsimoti, shuningdek, institutsional xavf-xatarlar, xatarlarning asosiy omillarini belgilovchi jihatlar, oʻzgarishlarning taxminiy xususiyatlari va koʻlami, xatarlarni kamaytirish boʻyicha koʻzda tutilgan tadbirlar.
Arxitektura-qurilish boʻlimida quyidagilar aks ettirilishi lozim:
Vaziyat rejasi:
qurilish maydoni (trassasi)ning shaharsozlik talablari, tumanni rejalashtirish loyihalari, shahar va qishloq aholi punktlarining bosh rejalariga muvofiq holda joylashtirish sxemalari, tarmoqlar, temir va avtomobil yoʻllari, neft va gaz quvurlari, energiya tizimlari, aloqa tarmoqlarini inobatga olgan holda hududni arxitektura-rejalashtirish loyihalari tavsifi;
Bosh reja sxemasi, bino va korpuslar joylashuvi:
bosh reja, maydondagi ichki va tashqi transport boʻyicha yechimlar, asosiy rejalashtirish yechimlari, obodonlashtirish va koʻkalamzorlashtirish boʻyicha tadbirlar, muhandislik tarmoqlari va kommunikatsiyalarni joylashtirish, korxonani qoʻriqlashni tashkil qilish boʻyicha yechimlar, asosiy koʻrsatkichlar (hudud maydoni, qurilishlar, kirish yoʻllari va maydonchalar, daraxtlar, yoʻllar va kommunikatsiyalarning uzunligi, binolar zichligi va boshqalar) tavsifi;
Qurilish maydoni (trassasi)ning xususiyatlari:
muhandislik-geologik, muhandislik-gidrometeorologik (iqlim) shart-sharoitlari, qurilish maydonining seysmik xususiyati va boshqalar toʻgʻrisidagi maʼlumotlar.
Asosiy hajm-rejalashtirish va konstruksiya yechimlari, ularning xususiyatlari:
asosiy bino va inshootlar boʻyicha konstruksiya yechimlarini shaharsozlik talablariga muvofiq asoslantirish va ularning tavsifi;
taʼmirlanadigan bino va inshootlarni texnik tekshiruvdan oʻtkazish va ularning yuk koʻtarish imkoniyati holati toʻgʻrisidagi xulosalar asosida ushbu bino va inshootlarning tayanch konstruksiyalarini taʼmirlash-tiklash ishlari yoki ularni kuchaytirish yoʻllari boʻyicha texnik yechimlar tavsifi;
ishchilarga sanitar-maishiy xizmat koʻrsatish boʻyicha yechimlar tavsifi;
qurilishdagi maxsus tadbirlar bayoni (obyektning portlash va yongʻin xavfsizligi, qurilish konstruksiyalarini nurashdan himoyalash, shovqin va titrashdan himoyalash, choʻkishga, zilzilaga qarshi va boshqa tadbirlar);
ishchilar salomatligini muhofaza qilish va aholining imkoniyati cheklangan qatlami hayoti faoliyati uchun shart-sharoitlarni taʼminlash (zarurat boʻlganda) boʻyicha yechimlar;
Uchastkani tayyorlash va oʻzlashtirish:
qurilishni loyihada belgilangan muddatlarda amalga oshirish, maydonda ichki va tashqi tayyorgarlik ishlarini bajarishga yordam beradigan tashkiliy va texnik chora-tadbirlar bayoni.
Muhandislik uskunalari, tarmoqlari va tizimlari:
muhandislik tarmoqlari, kommunikatsiyalari, inshootlari va uskunalari (suv taʼminoti, oqava tarmoqlari, elektr taʼminoti, gaz taʼminoti, issiqlik taʼminoti, yongʻinni oʻchirish, havo aylanishi, aloqa, xabar berish tizimi va hokazo) boʻyicha asosiy koʻrsatkichlar va parametrlar bilan muhim texnologik va texnik yechimlar bayoni;
Qurilish-montaj ishlari hajmining pul ifodasidagi qiymati:
oʻxshash loyihalar, ommaviy loyihalar, takroran qoʻllaniladigan yakka tartibdagi loyihalardan foydalangan holda amalga oshirilgan variantlarni, tijorat takliflari asosida va (yoki) qabul qilingan loyiha yechimlari boʻyicha qurilish chizmalari, nuqson dalolatnomalari, jismoniy ishlar hajmlari asosida qurilish-montaj ishlarining chegaralangan qiymati hisob-kitoblari.
Arxitektura-qurilish boʻlimiga ilovalar ichida quyidagilar taqdim etiladi:
mavjud va loyihalashtirilayotgan tashqi kommunikatsiyalar, muhandislik tarmoqlari va seliteb hududlar, sanitar himoya zonalari, alohida muhofaza qilinadigan hududlarning chegaralari, trassalar rejasi (chiziq boʻylab joylashgan inshootlar uchun) koʻrsatilgan holda qurilish maydonining joylashuv sxemasi;
mavjud, loyihalashtirilayotgan, rekonstruksiya qilinadigan va buzilishi kerak boʻlgan bino va inshootlar, obodonlashtirish va koʻkalamzorlashtirish joylari, maydon ichidagi muhandislik tarmoqlari va transport kommunikatsiyalari boʻyicha muhim yechimlar chizilgan, ishga tushirish majmualariga kiruvchi obyektlar ajratib koʻrsatiladigan bosh reja sxemasi;
asosiy yuk koʻtaruvchi va toʻsiq konstruksiyalarni sxemada aks ettirgan holda asosiy bino va inshootlarning rejalari, kesimlari va old tomoni;
muhandislik kommunikatsiyalarini ulash (olib oʻtish) uchun texnik shartlar; muhandislik tarmoqlarining prinsipial chizmalari; texnik koʻrsatkichlari aks ettirilgan holda, loyihada qabul qilingan uskuna va materiallar roʻyxati.
Smeta hujjatlari quyidagilardan iborat boʻladi:
reyestr (loyihaning raqamlangan betlardan iborat mahalliy smeta hisob-kitoblar boʻyicha mundarijasi);
qurilish qiymatini hisoblash metodikasi koʻrsatilgan tushuntirish xati;
qiymatning yigʻma smeta hisob-kitoblari (qurilishning boshlangʻich bahosi, obyektning batafsil yigʻma hisob-kitoblari, kontrakt-shartnoma boʻyicha narxlar);
loyihada koʻzda tutilgan barcha obyektlar boʻyicha mahalliy resurs smetalari va mahalliy resurs vedomostlari;
boshqa xarajatlar va (pudrat tashkiloti belgilangan taqdirda) davlat ekspertizasidan oʻtkazilgan mashina va mexanizmlarni ishlatish qiymati hisob-kitoblari.
Smeta hujjatlari 1 nusxada, tahrir qilish imkoniyati boʻlgan elektron shakli bilan birga taqdim etiladi.
Moliya boʻlimi moliyaviy xarajatlar va daromadlarning dastlabki baholari va asoslarini, loyihani moliyalashtirishning muqobil sxemalari va manbalarini, shuningdek, loyihani amalga oshirishning moliyaviy samaradorligini baholash, moliyaviy modelini oʻzida aks ettiradi. Ushbu boʻlimda quyidagilar aks ettirilishi lozim:
loyihaning amalga oshirish yillari va texnologik bosqichlari boʻyicha investitsiya davri, loyiha doirasidagi chora-tadbirlarning ketma-ketligi va davomiyligini grafik koʻrinishida, vaqt boʻyicha (grafik-reja), moliyalashtirish manbalari va hajmlarini inobatga olgan holda aks ettirilgan loyihani amalga oshirishning batafsil grafigi;
investitsiya xarajatlarining umumiy hisob-kitobi, moliyalashtirish ehtiyojlarining loyiha bosqichlari va moliyalashtirish hajmlari boʻyicha taqsimoti;
ishlab chiqarish xarajatlari (ekspluatatsiya xarajatlari) hisob-kitobi;
loyihaning boshqa xarajatlari hisob-kitobi;
sotishdan tushgan daromadni hisoblash;
aylanma mablagʻlarni hisoblash;
loyihaning quyidagilarni oʻz ichiga olgan moliyaviy koʻrsatkichlari:
mahsulot tannarxi, tariflar, mahsulot (xizmat)ning sotish narxi hisob-kitobi;
moliyaviy natijalarni hisoblash (foyda va zarar);
pul mablagʻlari oqimining yigʻma hisob-kitobi;
loyihaning moliyaviy koʻrsatkichlarini hisoblash, jumladan: sof daromad (NV), foydalilikning ichki normasi (IRR) va oddiy oʻzini qoplash muddati;
diskont usullari yordamida loyihani tahlil qilish, shu jumladan sof diskont daromad (NPV) va xarajatlarni qoplashning diskontlangan muddatini hisoblash;
noaniqlik sharoitida tahlil qilish, jumladan asosiy parametrlar (sotish hajmi va narxi, toʻgʻridan-toʻgʻri xarajatlar) boʻyicha sezgirlik tahlili, loyihaning zararsizlik nuqtasini tahlil qilish;
kredit yoki budjet mablagʻlarini olayotgan loyiha ishtirokchilarining joriy moliyaviy holatini tahlili, shu jumladan:
korxonaning likvidligini baholash;
korxonaning mustaqilligini baholash;
oʻz mablagʻlarining daromadliligini baholash;
kiritilgan mablagʻlarning daromadliligini majburiyatlarni inobatga olgan holda baholash;
moliyalashtirish sxemasi, manbalari va shartlari, shuningdek, ularning muqobil variantlari;
moliyaviy xavf-xatarlarni baholash, xatarlarning asosiy omillarini belgilovchi jihatlar, oʻzgarishlarning taxminiy xususiyatlari va koʻlami, xatarlarni kamaytirish boʻyicha koʻzda tutilgan tadbirlar.
Iqtisodiy boʻlimda loyihaning butun respublika yoki hudud iqtisodiyoti nuqtai nazaridan tahlili aks ettiriladi. Ushbu boʻlimda quyidagilar koʻrsatilishi lozim:
loyihaning iqtisodiy foyda va xarajatlarini baholash, shu jumladan loyiha natijalari, oqibatlari va taʼsiri tahlili, sarf-xarajatlari va oʻlchab boʻlmaydigan foydalari, qoʻshilgan foydalar va sarflari, qaytarib boʻlmaydigan sarf-xarajatlari, tashqi taʼsirlar, loyihadan keladigan bilvosita foydani baholash;
loyihaning hudud infratuzilmasiga va tarmoq (turdosh tarmoqlar) rivojiga taʼsirini baholash;
tarmoqlarni rivojlantirish Konsepsiyalari doirasida, loyihani va ishlab chiqarish kuchlarini optimal joylashtirish, mavjud quvvatlardan foydalanish, shuningdek, xomashyo va ishlab chiqariladigan mahsulot bozori konyunkturasi bilan uzviy bogʻliqlikda loyihani amalga oshirishning maqsadga muvofiqligi.
Ijtimoiy boʻlim loyihaning ijtimoiy jihatlarini va uni amalga oshirishdan benefitsiarlar koʻradigan foydani oʻzida aks ettiradi. Ushbu boʻlimda quyidagilar koʻrsatilishi lozim:
loyihaning mehnat resurslariga ehtiyoji va uning aholi bandligiga taʼsiri;
ishchilar va mutaxassislarni oʻqitish va qayta tayyorlash dasturi;
mehnat muhofazasi va texnika xavfsizligi normalari;
mavjud quvvatlardan foydalanish va ularni optimal joylashtirish doirasida loyihaning qabul qilingan hukumat qarorlari hamda tarmoqlar, hududlar boʻyicha ijtimoiy sohadagi va “boshqa tarmoqlardagi” rivojlantirish Konsepsiyalariga muvofiqligini hisobga olgan holda uning ijtimoiy ahamiyati.
Umumiy xulosalarda loyihaning asosiy ustunliklari va kamchiliklari, loyihani amalga oshirishning eng maqbul variantini tanlash boʻyicha xulosalar va tafsilotlar, boshqa xulosalar aks ettiriladi.
TIA/TIHKga quyidagilarning nusxasi ilova qilinishi lozim:
yuridik hujjatlar, shu jumladan:
amalga oshirilayotgan va amalga oshirish rejalashtirilgan loyihalarni inobatga olgan holda, korxona (qarz oluvchi) boʻyicha loyihani moliyalashtirish uchun oʻz mablagʻlari yetarli ekanligini asoslovchi pul mablagʻlari oqimi prognozi;
xarid qilinayotgan uskunalar boʻyicha tijorat takliflari (prays-varaqlar va boshqalar) va/yoki tuzilgan shartnomalar (ular mavjud boʻlganda);
korxonaning (qarz oluvchi, investorlar, kafillar, loyiha boʻyicha kafolat beruvchilar) davlat soliq xizmati organlari tomonidan tasdiqlangan soʻnggi 3 yil uchun toʻliq yillik moliyaviy hisoboti (oxirgi uch yil ichida tashkil etilgan korxonalar ular tuzilgan kundan boshlab tuzilgan moliyaviy hisobotlarni taqdim etadilar);
xorijiy sheriklar (taʼsischilar) toʻgʻrisida maʼlumot;
Ekologiya va atrof-muhitni muhofaza qilish davlat qoʻmitasining xulosasi;
Oʻzbekiston Respublikasi Davlat geologiya va mineral resurslar qoʻmitasi huzuridagi foydali qazilmalar zaxiralari boʻyicha Davlat komissiyasi xulosasi (zarur hollarda);
Oʻzbekiston Respublikasi Davlat geologiya va mineral resurslar qoʻmitasining quriladigan uchastkaning yer qaʼrida foydali qazilmalar yoʻqligi toʻgʻrisidagi xulosasi;
TITK tarkibini tashkil etish va tasdiqlash toʻgʻrisidagi buyruq nusxasi;
texnologik reglamentlar (zarur hollarda);
hisoblash formulalari va dastlabki maʼlumotlarga havolalarni aks ettirgan holda elektron tahrirlanadigan shakldagi loyihani amalga oshirishning moliyaviy modeli;
Keyingi tahrirga qarang.
Izoh: TIHKni tayyorlashda marketing boʻlimi, shuningdek, loyihani amalga oshirishdan keladigan moliyaviy foydalarni aks ettiruvchi materiallar va hisob-kitoblar tavsiyaviy xarakterga ega.
Shuningdek, xususiy tadbirkorlik subyektlari tomonidan amalga oshirilayotgan loyihalarning loyihaoldi hujjatlari uchun ushbu namunaviy tuzilish tavsiyaviy xarakterga ega.
Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
5-ILOVA

“Tasdiqlayman”

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK direktori

___________________________

20___ yil “_____”____________

________________________________________________________ boʻyicha

(kiritilgan hujjatlar va loyiha nomlanishi)

______-son xulosa

20___ yil “_____” ________________

1. Ekspertiza oʻtkazish uchun asos:

2. Loyiha tashabbuskorining nomlanishi va ekspertiza mazmuni:

Loyiha tashabbuskorining nomlanishi

Kiritilgan hujjatning nomlanishi

Loyihaning nomlanishi

Loyiha tashkilotining nomlanishi

3. Ekspertiza oʻtkazishda foydalaniladigan hujjatlar va materiallar nomlanishi.

4. Asosiy texnik-iqtisodiy parametrlar.

5. Ekspertiza yakunlari boʻyicha xulosa va eʼtirozlar.

6. Kiritilgan hujjatlar boʻyicha xulosa.

Markaz direktori oʻrinbosari:

Markaz Boshqarmasi boshligʻi:

Markaz boʻlimi boshligʻi:

Mutaxassis:

Investitsiyaviy va infratuzilmaviy loyihalarning loyihaoldi hujjatlarini ishlab chiqish,kompleks ekspertizadan oʻtkazish va tasdiqlash tartibi toʻgʻrisidagi nizomga
6-ILOVA
Loyiha TIA/TIHK asosiy texnik-iqtisodiy parametrlari

T/r

Koʻrsatkich nomlanishi

Oʻlchov birligi

(valyuta birligi)

Jami

Shu jumladan:

Budjet mablagʻlari

Kreditlar, shu jumladan, Oʻzbekiston Respublikasi Tiklanish va taraqqiyot jamgʻarmasi kreditlari

Markazlashmagan

(oʻz mablagʻlari, toʻgʻridan-toʻgʻri investitsiyalar)

1.

Loyihaning umumiy qiymati

2.

Kapital qoʻyilmalar qiymati

Shu jumladan:

mashina va uskunalar EKVda milliy valyutada

qurilish-montaj ishlari

investitsiya davridagi moliyaviy xarajatlar

dastlabki aylanma kapital

EKVda milliy valyutada

boshqa xarajatlar

EKVda milliy valyutada

3.

Mavjud asosiy fondlar qiymati

4.

Korxonaning quvvati,

shu jumladan:

ishlab chiqariladigan mahsulotning yillik hajmi

moʻljallanayotgan yillik eksport hajmi

Tegishli oʻlchov birligida

5.

Moʻljallanayotgan ishga joylashtiriluvchilar soni

shundan, yangi yaratilayotgan ish oʻrni

nafar

nafar

6.

Loyihaning moʻljallanayotgan oʻzini qoplash muddati*

yil

7.

Investitsiya davrining davomiyligi

oy

8.

Yaratilayotgan ishlab chiqarish fondlarining qiymati

Valyuta birligida (ekv.)

9.

Kredit va boshqa qarz mablagʻlarini soʻndirish muddati

yil

shu jumladan, valyutadagi qarzlar

yil

Izoh: * TIHK tasdiqlashda toʻldirilmaydi
Oʻzbekiston Respublikasi Prezidentining 2022-yil 25-iyuldagi PQ-332-son qaroriga
2-ILOVA
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi
NIZOM
1-bob. Umumiy qoidalar
1. Ushbu Nizom davlat xaridiga doir tender boʻyicha xarid qilish hujjatlarini va texnik topshiriqlarni Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKda (keyingi oʻrinlarda — Markaz) kompleks ekspertizadan oʻtkazish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
Markazning elektron axborot platformasi — Markazning davlat buyurtmachilarining tender boʻyicha xarid qilish hujjatlari va texnik topshiriqlarini joylashtirish va kelishishni, shuningdek, ekspertizadan oʻtkazish natijalari toʻgʻrisidagi axborotni joylashtirishni taʼminlovchi Internet tarmogʻidagi maxsus elektron axborot platformasi;
davlat xaridi — davlat buyurtmachilarining tovarlarga (ishlarga, xizmatlarga) boʻlgan ehtiyojlarini pullik asosda taʼminlash jarayoni;
davlat buyurtmachisi — davlat xaridlarini amalga oshiruvchi yuridik shaxs (budjet va korporativ buyurtmachilar);
budjet buyurtmachilari — davlat organlari va muassasalari, budjet tashkilotlari, xarid qilish tartib-taomillarini amalga oshirish uchun yoʻnaltiriladigan budjet mablagʻlarini oluvchilar, davlat maqsadli jamgʻarmalari, budjet tashkilotlarida tashkil etilgan boshqa jamgʻarmalar;
korporativ buyurtmachilar —
davlat korxonalari;
ustav fondida (ustav kapitalida) davlat ulushi 50 foiz va undan ortiq boʻlgan yuridik shaxslar;
ustav fondida (ustav kapitalida) ushbu bandning yettinchi va sakkizinchi xatboshilarida koʻrsatilgan tashkilotlarning ulushi jami 50 foiz va undan ortiq boʻlgan yuridik shaxslar;
ustav fondida (ustav kapitalida) ushbu bandning toʻqqizinchi xatboshisida koʻrsatilgan tashkilotlarning ulushi jami 50 foiz va undan ortiq boʻlgan yuridik shaxslar;
tender — davlat xaridini amalga oshirishning raqobatli tartib-taomili vositasida davlat xaridlarining ijrochisini aniqlash tartib-taomilini nazarda tutuvchi tanlov boʻlib, uning natijalariga koʻra davlat xaridlari toʻgʻrisidagi shartnomani bajarishning eng yaxshi shartlarini taklif etgan xarid qilish tartib-taomillarining ishtirokchisi gʻolib deb topiladi;
davlat xaridiga doir tender boʻyicha xarid qilish hujjatlari (tender hujjatlari) — tenderni tashkil etish shartlari va oʻtkazish tartibi, shuningdek, tenderga qoʻyilayotgan tovarlarning (ishlarning, xizmatlarning) malakaviy, texnik, narx va boshqa tavsiflari toʻgʻrisidagi birlamchi maʼlumotlarni oʻz ichiga olgan hujjatlar toʻplami;
texnik topshiriq — davlat buyurtmachisi tomonidan tovarning (ishning, xizmatning) asosiy maqsadiga, uning tavsifiga qoʻyiladigan talablar, davlat xaridining birlamchi maʼlumotlari, maqsadlari va vazifalari, tovarni yetkazib berish, ishlarni bajarish, xizmatlarni koʻrsatish muddatlari, sifat kafolatlari, texnik tavsifi va hajmi, hisobot shakllari (zarur hollarda), tovarlarga (ishlarga, xizmatlarga) qoʻyiladigan talablarning asoslantirilishi, ekvivalent koʻrsatkichlar, iqtisodiy, boshqa maxsus talablarni oʻz ichiga olgan hujjat;
davlat xaridlari elektron tizimining operatori (operator) — davlat xaridlarining subyektlariga davlat xaridlarining elektron tizimlarida xarid qilish tartib-taomillarini amalga oshirish bilan bogʻliq xizmatlar koʻrsatadigan, davlat xaridlari sohasidagi vakolatli organ tomonidan belgilanadigan maxsus vakolatli yuridik shaxsdir;
eng yaxshi takliflarni tanlash (tanlash) — xarid qilish tartib-taomillarining bir nechta ishtirokchisidan olingan takliflarni taqqoslash asosida davlat xaridlarini amalga oshirishning raqobatli usuli;
xarid komissiyasi — xarid tartib-taomillarining gʻolibini tanlash toʻgʻrisida qaror qabul qilish vakolatiga ega boʻlgan kollegial organ;
ariza beruvchi — tender hujjatlari va texnik topshiriqni kompleks ekspertizadan oʻtkazish uchun tegishli ariza bilan Markazga murojaat qilgan davlat buyurtmachisi yoki u tomonidan belgilangan tartibda vakolat berilgan shaxs;
maxsus axborot portali (portal) — davlat xaridlari sohasidagi vakolatli organ tomonidan yuritiladigan, davlat xaridlari amalga oshirilishi toʻgʻrisidagi eʼlonlar, davlat xaridlarining yakunlari, ishtirokchilarning takliflari haqidagi axborotni va qonunchilikda nazarda tutilgan boshqa axborotni elektron shaklda koʻzdan kechirishni, shuningdek amalga oshirilgan elektron davlat xaridlari toʻgʻrisida davlat xaridlari elektron tizimlarining operatorlari tomonidan kiritiladigan (yuboriladigan) axborotni toʻplashni taʼminlovchi veb-saytdir (maxsus elektron platforma).
3. Quyidagilar Markazda ekspertizadan oʻtkaziladi:
a) bitta shartnoma boʻyicha quyidagi miqdorlardan ortiq boʻlgan davlat xaridlarining tender hujjatlari (ushbu Nizomga 1-ilovaga muvofiq sxema boʻyicha):
budjet buyurtmachisi tomonidan amalga oshiriladigan, summasi bazaviy hisoblash miqdorining olti ming baravaridan ortiq boʻlgan xaridlar;
korporativ buyurtmachi tomonidan amalga oshiriladigan, summasi bazaviy hisoblash miqdorining yigirma besh ming baravaridan ortiq boʻlgan xaridlar. Agar korporativ buyurtmachi davlat xaridini budjet tizimining budjetlari mablagʻlari hisobidan amalga oshirayotgan boʻlsa, mazkur xarid doirasida korporativ buyurtmachiga budjet buyurtmachisi sifatida qaraladi;
b) davlat tashqi qarzi (xalqaro moliya institutlari va xorijiy hukumat moliya tashkilotlarining qarz mablagʻlari bundan mustasno) hisobidan moliyalashtiriladigan loyihalarni amalga oshirish doirasida qiymati 1 million AQSH dollari ekvivalentiga teng va undan yuqori boʻlgan tovarlarni (ishlarni, xizmatlarni) xarid qilish boʻyicha tender hujjatlari (davlat tashqi qarzi hisobidan tijorat banklari orqali qayta moliyalashtiriladigan loyihalarga nisbatan tatbiq etilmaydi).
Agar Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasining qarorlari bilan davlat buyurtmachilariga tender oʻtkazmasdan xaridlarni amalga oshirish huquqi berilsa, xarid qilish tartib-taomili davlat xaridining summasidan qatʼi nazar tanlash orqali amalga oshiriladi. Bunda tovarlarning (ishlarning, xizmatlarning) qiymati bazaviy hisoblash miqdorining yigirma besh ming (budjet buyurtmachilari uchun olti ming) baravari miqdoridan oshgan hollarda davlat xaridiga doir texnik topshiriq ekspertiza qilish uchun Markazga kiritiladi (ushbu Nizomga 2-ilovaga muvofiq sxema boʻyicha).
Davlat buyurtmachisi ixtiyoriy ravishda shartnoma asosida tovarlar (ishlar, xizmatlar) qiymati bir shartnoma boʻyicha bazaviy hisoblash miqdorining besh ming baravaridan yigirma besh ming baravarigacha (budjet buyurtmachilari uchun bazaviy hisoblash miqdorining besh ming baravaridan olti ming baravarigacha) boʻlgan tanlash hujjatlarining texnik topshiriqlarini kompleks ekspertizadan oʻtkazish uchun Markazga kiritishi mumkin. Bunda kompleks ekspertizadan oʻtkazish uchun toʻlov moliyalashtirish manbaidan qatʼi nazar, texnik topshiriqlarni kompleks ekspertizadan oʻtkazish uchun belgilangan xizmat narxi miqdorida hisoblanadi.
4. Binolar, inshootlar va muhandislik kommunikatsiyalarini kapital qurish va taʼmirlash boʻyicha tovarlarning (ishlarning, xizmatlarning) davlat xaridini amalga oshirish uchun xarid qilish hujjatlari Markazga texnik topshiriq shaklida loyiha-smeta hujjatlari bilan birgalikda kiritiladi va ulardagi tovarlar (ishlar, xizmatlar) hajmlari va narx parametrlarining asosliligi yuzasidan ekspertizadan oʻtkaziladi.
2-bob. Tender hujjatlari va texnik topshiriqning ekspertiza predmeti
5. Tender hujjatlari yoki texnik topshiriq quyidagilar yuzasidan ekspertizadan oʻtkaziladi:
mazkur Nizom talablariga muvofiqligi;
davlat xaridini amalga oshirishning asoslanganligi;
nomlanishlar va atamalarni yagona shaklda qoʻllash hamda ularning turli maʼnolarda talqin qilinishiga yoʻl qoʻymaslik;
tender ishtirokchilari uchun qonunchilikda belgilangan talablarga rioya qilinishi (litsenziya, ish tajribasining mavjudligi, moliyaviy holati, texnik jihozlanganlik, davlat xaridlarining aniq obyektiga qarab boshqa malaka talablari);
tender ishtirokchisi taklifining texnik va narx qismlarini baholash mezonlarining xolisligi va asoslantirilganligi;
boshlangʻich narxning oʻrtacha bozor konyunkturasiga mosligi;
tender hujjatlari yoki texnik topshiriqni takroran kiritishda ijobiy xulosa berishni rad etish sabablari bartaraf qilinganligi.
Xarid qilinayotgan tovarlarning (ishlarning, xizmatlarning) oʻziga xos xususiyatlaridan kelib chiqqan holda, tender hujjatlari va texnik topshiriqni kompleks ekspertizadan oʻtkazish davomida ushbu Nizomning 6 va 7-bandlarida koʻrsatilgan talablarga aniqlik kiritish maqsadida ariza beruvchidan qoʻshimcha maʼlumotlar soʻralishi mumkin.
3-bob. Tender hujjatlari yoki texnik topshiriqni ekspertizadan oʻtkazish uchun taqdim etiladigan hujjatlar
6. Tender hujjatlarini ekspertizadan oʻtkazish uchun davlat buyurtmachisi (ariza beruvchi) Markazga quyidagi hujjatlarni elektron shaklda (qonunchilikda belgilangan boshqa talablar bundan mustasno) taqdim etadi:
ushbu Nizomga 3-ilovaga muvofiq shakl boʻyicha ariza;
tender hujjatlari (barcha ilovalari bilan birga) hamda davlat buyurtmachisining muhri va vakolatli shaxs imzosi yoki QR kod bilan tasdiqlangan texnik topshiriq;
portalda va ommaviy axborot vositalarida eʼlon qilish uchun tender oʻtkazish haqidagi eʼlonning toʻliq matni;
tender hujjatlarini ishlab chiqish davrida amalda boʻlgan tijorat taklifi, birja kotirovkasi, prays-varaqlar va boshqalar, shuningdek narxlarning taqqoslama jadvali koʻrinishida narx shakllanishiga asos boʻluvchi tasdiqlovchi hujjatlar (bunda taqdim etilgan barcha takliflarda ushbu takliflarni bildirgan subyektlarning yuridik manzillari va aloqa rekvizitlari boʻlishi hamda davlat buyurtmachisining imzosi va muhri yoki QR kod bilan tasdiqlangan boʻlishi kerak);
vakolatli tashkilotlarning xulosalari, agar qonunchilikda tovarlarning (ishlarning, xizmatlarning) davlat xaridlari uchun ularni olish talabi nazarda tutilgan boʻlsa;
tender boʻyicha xarid qilish hujjatlarini ekspertizadan oʻtkazish uchun davlat buyurtmachilari tomonidan investitsiyaviy va infratuzilmaviy loyihalar boʻyicha loyihaoldi va loyiha hujjatlariga, shuningdek, joriy faoliyat boʻyicha — ishlab chiqarish normativlariga muvofiq davlat xaridlarini amalga oshirish zarurligi boʻyicha asoslantiruvchi hujjatlar.
7. Texnik topshiriqni ekspertizadan oʻtkazish uchun davlat buyurtmachisi (ariza beruvchi) Markazga quyidagi hujjatlarni elektron shaklda (qonunchilikda belgilangan boshqacha talablar bundan mustasno) taqdim etadi:
ushbu Nizomga 4-ilovaga muvofiq shakl boʻyicha ariza;
davlat buyurtmachisining muhri va vakolatli shaxsi imzosi yoki QR kod bilan tasdiqlangan (barcha ilovalari bilan birga) texnik topshiriq;
texnik topshiriqni ishlab chiqish davrida amalda boʻlgan tijorat taklifi, birja kotirovkasi, prays-varaqlar va boshqalar, shuningdek narxlarning taqqoslama jadvali koʻrinishida narx shakllanishiga asos boʻluvchi tasdiqlovchi hujjatlar (bunda taqdim etilgan barcha takliflarda ushbu takliflarni bildirgan subyektlarning yuridik manzillari va aloqa rekvizitlari boʻlishi hamda davlat buyurtmachisining imzosi va muhri yoki QR kod bilan tasdiqlangan boʻlishi kerak);
vakolatli tashkilotlarning xulosalari, agar qonunchilikda tovarlarning (ishlarning, xizmatlarning) davlat xaridlari uchun ularni olish talabi nazarda tutilgan boʻlsa;
texnik topshiriqni ekspertizadan oʻtkazish uchun davlat buyurtmachilari tomonidan investitsiyaviy va infratuzilmaviy loyihalar boʻyicha loyihaoldi va loyiha hujjatlariga, shuningdek, joriy faoliyat boʻyicha — ishlab chiqarish normativlariga muvofiq davlat xaridlarini amalga oshirish zarurligi boʻyicha asoslantiruvchi hujjatlar.
8. Har bir tender hujjati yoki har bir texnik topshiriq, xarid qilish tartib-taomillarini amalga oshirishdan oldin Markazga alohida arizalar orqali taqdim etiladi.
Shu bilan birga, tenderning har bir loti yoki texnik topshiriq bir xil turdagi tovarlardan, foydalanish maqsadlari, ularning vazifalari va texnik xususiyatlariga qarab shakllantiriladi.
4-bob. Tender hujjatlari va texnik topshiriqning tarkibiga asosiy talablar
9. Tender hujjatlari quyidagilarni oʻz ichiga olishi lozim:
tender ishtirokchisi uchun yoʻriqnoma;
tender hujjatlarining texnik qismi;
tender hujjatlarining narx qismi;
shartnoma loyihasi.
10. Tender ishtirokchisi uchun yoʻriqnomada quyidagilar aks ettiriladi:
tenderni oʻtkazish shakli (ochiq yoki yopiq);
tender oʻtkaziladigan joyning manzili (elektron tender oʻtkazadigan operatorning nomi va uning veb-saytiga havola);
takliflarni taqdim etish muddati;
davlat buyurtmachisining (xarid qilish tartib-taomili tashkilotchisi) ishtirokchilar bilan bogʻlanish uchun aloqa bogʻlovchi shaxslar sifatida belgilangan bir yoki bir nechta mansabdor shaxslarining yoki boshqa xodimlarining familiyasi, ismi, sharifi, lavozimi va manzili;
tender ishtirokchilariga qoʻyiladigan talablar;
tender ishtirokchilari tomonidan korrupsiya koʻrinishlariga yoʻl qoʻymaslik boʻyicha arizani taqdim etish majburiyligi haqidagi talab;
dastlabki malaka tanlovini oʻtkazish tartibi, agar davlat buyurtmachisi tomonidan shunday qaror qabul qilinsa;
tender taklifini rasmiylashtirish tartibi va uni imzolashga qoʻyiladigan talablar;
tenderda ishtirok etish uchun taklifni davlat tilida va zaruratga qarab, boshqa tillarda tayyorlash majburiyligi toʻgʻrisidagi talab;
tender ishtirokchisi taklifining texnik va narxga oid qismi, ularni baholash tartibi haqidagi axborot;
ishtirokchi tomonidan tender taklifi xarid komissiyasiga taqdim qilinganidan soʻng unga oʻzgartirishlar kiritish va ularni rasmiylashtirish tartibi;
toʻlov narxlari va valyutasini taqdim qilish boʻyicha koʻrsatma;
takliflarni xarid komissiyasiga topshirish tartib-taomili boʻyicha talablar;
tender ishtirokchilariga tender boʻyicha xarid qilish hujjatlari qoidalariga doir tushuntirishlarni taqdim etish tartibi, muddati, boshlanadigan va tugaydigan sana;
taklifning taʼminot usuli, shu jumladan tender ishtirokchisining kelishilgan muddat davrida oʻz taklifini qaytarib olmasligiga kafolat beruvchi pul zakalatini kiritish va qaytarib olish tartibi, miqdori (agar xarid komissiyasi tomonidan ishtirokchilarga nisbatan takliflarning taʼminlanishi zarurligi toʻgʻrisidagi talabni belgilash toʻgʻrisidagi qaror qabul qilingan boʻlsa);
tender takliflarini taqdim qilish muddatini uzaytirish imkoniyatining koʻrsatilishi;
oʻtkazilayotgan tender doirasidagi har qanday hujjatlarning maxfiyligiga koʻrsatma;
tender ishtirokchilarining takliflarini baholash mezonlari va koʻrib chiqish tartibi.
11. Tender hujjatlarining texnik qismi yoki texnik topshiriqda quyidagilar aks ettiriladi:
a) tovarlarning davlat xaridida:
tovarning tavsifi (qoʻllanilish sohasi, funksional tavsiflar va isteʼmol xususiyatlari);
tovarni sotib olishdan koʻzlangan maqsadlar;
xarid amalga oshirilayotgan loyiha uchun asoslar;
tovarni sugʻurtalash zarurati boʻyicha talablar;
tovarning zarur texnik tavsifiga qoʻyiladigan talablar;
tovarning markirovkasiga, uni qadoqlash, yuklash va tashishga qoʻyiladigan talablar;
agar davlat xaridi tavsifida boshqacha tartib nazarda tutilmagan boʻlsa, tovarning yangi, avval ishlatilmagan, foydalanilmagan boʻlishi toʻgʻrisidagi koʻrsatma;
tovarning qismlariga qoʻyiladigan talablar;
tovarga xizmat koʻrsatish va uni ekspluatatsiya qilishga qoʻyiladigan talablar;
tovarning ekspluatatsiya qilish uchun materiallari, qoʻshimcha ehtiyot qismlari va xarajatlariga qoʻyiladigan talablar;
tovarning texnik tartibga solish sohasidagi normativ hujjatlarga muvofiqligi boʻyicha talablar;
tovarning soni, yetkazib berish miqdori, davriyligi, muddati va joyi boʻyicha talablar;
loyiha hujjatlarini tayyorlash, shef-montaj, montaj va sozlash ishlarini amalga oshirish (agar ushbu ishlar yetkazib beruvchi tomonidan bajarilsa) boʻyicha talablar;
xodimlarni oʻqitish boʻyicha talablar;
tovar bilan birga beriladigan hujjatlarga talablar;
kafolat va kafolatdan keyingi xizmat koʻrsatish boʻyicha talablar (muddati, joyi);
tovarning yaroqlilik muddati, saqlash muddati, sifat kafolatlariga qoʻyiladigan talablar;
tovarning ishlab chiqarilgan yiliga qoʻyiladigan talablar;
b) ishlar va xizmatlarning davlat xaridida:
asosiy texnik-iqtisodiy koʻrsatkichlarni aks ettirgan holda, bajariladigan ishlar va koʻrsatiladigan xizmatlarning nomlanishi va foydalanish maqsadlari;
xarid amalga oshirilayotgan loyiha uchun asoslar;
buyurtmachining haqiqiy ehtiyojlarini inobatga olgan va amaldagi normativ hujjatlardan kelib chiqib asoslantirgan holda ijrochidan talab qilinadigan ishlar, xizmatlar roʻyxati va ularning hajmi (miqdori);
aniq manzilni (manzillarni) koʻrsatgan holda ishlarni bajarish va xizmatlar koʻrsatish joyi;
ishlarni bajarish va xizmatlarni koʻrsatish shartlari;
davlat buyurtmachisi tomonidan ishlab chiqilgan va tasdiqlangan, ishtirokchiga bajariladigan ishlar va koʻrsatiladigan xizmatlarning murakkabligidan kelib chiqqan holda qoʻyiladigan talablar;
ishlar va xizmatlar koʻrsatilishi lozim boʻlgan davr (davrlar) yoki ishlar yakunlanishi va xizmatlar koʻrsatilishi shart boʻlgan aniq sanani yoxud ishlarni bajarish va xizmatlarni koʻrsatishning davlat buyurtmachisi uchun maqbul eng qisqa muddati yoki shartnoma tuzilgandan (avans toʻlangan, boshqa holat) keyingi ijrochi ishga kirishishi va xizmatlar koʻrsatishni boshlashi lozim boʻlgan muddatni koʻrsatgan holda ishlarni bajarish va xizmatlarni koʻrsatish muddatlari (davrlari);
ishlarni bajarish va xizmatlarni koʻrsatish xavfsizligiga, ularning natijalariga qoʻyiladigan talablar. Agar ijrochidan shartnomani bajarish jarayonida uchinchi shaxslar oldida javobgarlikni sugʻurtalash talab etilsa yoki koʻrsatiladigan xizmatlar insonlar sogʻligʻi va hayotiga xavf tugʻdirishi ehtimoli mavjud boʻlsa, xizmatlar koʻrsatishning xavfsizligini taʼminlash boʻyicha qoʻshimcha talablar koʻrsatilishi lozim;
ishlar va xizmatlar natijalarini topshirish va qabul qilish tartibi. Ishlar va xizmatlarni bajarishning har bir bosqichi boʻyicha va umumiy natijalarni topshirish va qabul qilishni taʼminlash boʻyicha tadbirlar, har bir bosqich va umumiy davr boʻyicha rasmiylashtirilishi va topshirilishi lozim boʻlgan hisobot, texnik va boshqa hujjatlar (sinovlar, nazorat ostida ishga tushirish, ishlar va xizmatlarni topshirishda texnik nazorat dalolatnomalari, boshqa hujjatlarni imzolash talablari)ning mazmuni koʻrsatib oʻtiladi;
davlat buyurtmachisiga ishlar va xizmatlarni yakunlash va natijalarini topshirish boʻyicha texnik va boshqa hujjatlarni taqdim qilish boʻyicha talablar;
davlat buyurtmachisining xodimlarini bajarilgan ishlar va koʻrsatilgan xizmatlar yuzasidan ijrochi tomonidan texnik oʻqitish boʻyicha talablar;
ishlar va xizmatlarning sifati kafolatlari hajmi (ijrochining kafolat muddati davridagi davlat buyurtmachisi uchun talab etiladigan eng maqbul yoki aniq belgilangan majburiyatlari) boʻyicha talablar;
ishlar va xizmatlar natijalarining sifatiga kafolat muddatini koʻrsatish toʻgʻrisidagi talablar;
ijrochi tomonidan ishlarni bajarish va xizmatlarni koʻrsatish boʻyicha majburiyatlarni bajarish asnosida yuzaga kelgan intellektual mulk obyektlariga nisbatan mutlaq huquqlarni davlat buyurtmachisiga topshirish shartlarini koʻrsatgan holda mualliflik huquqlari;
davlat buyurtmachisining ixtiyoriga koʻra ishlar, xizmatlar va ularni koʻrsatish shartlariga qoʻyiladigan boshqa talablar.
Sanab oʻtilgan talablar tovarlarning (ishlarning, xizmatlarning) oʻziga xos xususiyatlariga qarab tender hujjatlarining texnik qismiga va/yoki texnik topshiriqqa kiritiladi.
12. Tender hujjatlari yoki texnik topshiriqda quyidagi shartlarga rioya etilishi lozim:
tovarlarga (ishlarga, xizmatlarga) qoʻyiladigan talablarni bir maʼnoli ifodalash va tavsiflash imkoni boʻlmagan tovarlarni (ishlarni, xizmatlarni) xarid qilish holatlaridan tashqari, mazkur talablar aniq oʻlchanadigan boʻlishi, sonlarda ifodalanishi va/yoki boshqa muqobili yoʻq koʻrsatkichlar shaklida boʻlishi (ha/yoʻq, mavjud/mavjud emas, dan/gacha);
tovarlarga (ishlarga, xizmatlarga) qoʻyiladigan talablar davlat xaridi ishtirokchilari sonining asossiz cheklanishiga olib kelmasligi lozim;
normativ-texnik jihatdan tartibga solinmaydigan va/yoki nostandart koʻrsatkichlarni qoʻllash keng tarqalgan tovarlarni (ishlarni, xizmatlarni) xarid qilish holatlaridan tashqari, tovarlarga (ishlarga, xizmatlarga) talablarni belgilashda barchaga maʼlum boʻlgan (standart), amaldagi normativ-texnik hujjatlarda nazarda tutilgan koʻrsatkichlar, atamalar va qisqartmalar qoʻllanilishi lozim;
muomalada boʻlish xususiyatlari va/yoki xavfsizlik (shu jumladan isteʼmol, sanoat, ekologik) talablari qonunchilikda nazarda tutilmagan tovarlar (ishlar, xizmatlar) xarid qilinayotganda ularga talablar mavjud xalqaro normalarga muvofiq belgilanishi lozim;
davlat tomonidan xarid qilinayotgan tovarlar (ishlar, xizmatlar) xususiyatlarini tavsiflashning boshqa yetarli darajada aniq yoʻli mavjud boʻlmagan hollardan tashqari (bunda tovarlarni (ishlarni, xizmatlarni) boshqa ishlab chiqaruvchining ekvivalent tovarlari (ishlari, xizmatlari) bilan almashtirish imkoniyati izohda koʻrsatilishi shart), davlat xaridi obyektining tavsifiga muayyan tovar belgisi yoki nomi, patenti, konstruksiyasi yoki modeli, aniq ishlab chiqaruvchi yoki tayyorlash manbai kiritilmasligi lozim.
13. Tovarlarga (ishlarga, xizmatlarga) qoʻyiladigan talablarda tovar belgilari, xizmat koʻrsatish belgilari, patentlar, foydalaniladigan modellar, sanoat namunalari, tovarning kelib chiqish joyi yoki ishlab chiqaruvchisi nomi koʻrsatilgan taqdirda, ularni koʻrsatishni asoslab beruvchi, shu jumladan tender hujjatlarining texnik qismida yoki texnik topshiriqda tovarlarning (ishlarning, xizmatlarning), ekvivalentini yetkazib berish imkoniyati mavjudligi toʻgʻrisidagi qoʻshimcha maʼlumotlar taqdim etilishi lozim.
Investitsion loyiha va/yoki kapital qurilish bilan bogʻliq tovarlarning (ishlarning, xizmatlarning) davlat xaridini amalga oshirishda tender hujjatlarining texnik qismi yoki texnik topshiriq amalga oshirilayotgan loyihalarning loyihaoldi yoki loyiha hujjatlari tasdiqlangan parametrlariga muvofiq boʻlishi lozim.
14. Tender hujjatlarining narx qismida quyidagilar aks ettiriladi:
yetkazib berish shartlari;
toʻlov shartlari va toʻlov grafigi;
birja kotirovkalari, tayyorlovchi zavodlar, tovarlarning (ishlarning, xizmatlarning) ishlab chiqaruvchilari yoki ularning rasmiy dilerlari (distribyutorlari) va boshqa yetkazib beruvchilar bergan tijorat takliflari, prays-varaqlardan kelib chiqqan holda belgilanadigan narx koʻrsatkichlarining oʻrtacha darajasini oʻrganish yakunlari boʻyicha dastlabki hisob-kitoblarga asoslangan tovarlarning (ishlarning, xizmatlarning) boshlangʻich narxi;
boʻlajak davlat xaridlarini moliyalashtirish manbalari va miqdorlari mavjudligini tasdiqlovchi hujjatlar (kredit shartnomasi, bank maʼlumotnomasi, qurilishlarning manzilli roʻyxati, davlat boshqaruvi organining qarori va boshqalar).
Tender hujjatlarining narx qismini va texnik topshiriq boʻyicha tovarlar (ishlar, xizmatlar) xaridining arizada belgilangan boshlangʻich narxini ekspertizadan oʻtkazishda quyidagilardan foydalaniladi:
tovarlarning (ishlarning, xizmatlarning) bozor konyunkturasini oʻrganish natijalari;
birja kotirovkalari, tayyorlovchi zavodlar, tovarlarning (ishlarning, xizmatlarning) ishlab chiqaruvchilari yoki ularning rasmiy dilerlari (distribyutorlari) bergan tijorat takliflari, prays-varaqlar, shuningdek, xuddi shu kabi import kontraktlar toʻgʻrisidagi maʼlumotlardan kelib chiqqan holda belgilanadigan narx koʻrsatkichlarining oʻrtacha darajasi;
ommaviy axborot vositalari va Internet tarmogʻidagi axborotlar;
bevosita tayyorlovchi zavodlar, yetkazib beruvchilar, ishlab chiqaruvchilar yoki ularning rasmiy dilerlaridan (distribyutorlaridan) olingan maʼlumotlar.
Agar davlat buyurtmachisi tanloviga koʻra davlat xaridlari mahalliy ishlab chiqaruvchilar oʻrtasida amalga oshiriladigan boʻlsa (uch yoki undan ortiq ishtirokchilar — mahalliy ishlab chiqaruvchilar boʻlgan taqdirda), narx qismining ekspertizasi mahalliy ishlab chiqaruvchilar tovarlari (ishlari, xizmatlari) bozorining konyunkturasini oʻrganish natijalaridan, bevosita mahalliy ishlab chiqaruvchilardan (yetkazib beruvchilardan) yoki ularning rasmiy dilerlaridan (distribyutorlaridan) olingan maʼlumotlardan foydalanib, shuningdek, ishtirokchi-ishlab chiqaruvchilarning ishlab chiqarish quvvatlari mavjudligining ishonchliligini tekshirgan holda amalga oshiriladi.
Bunda, davlat buyurtmachisi arizada davlat xaridlari uch yoki undan ortiq mahalliy ishlab chiqaruvchilar oʻrtasida amalga oshirilishini koʻrsatishi hamda mahalliy ishlab chiqaruvchilar tovarlari (ishlari, xizmatlari) mavjudligini tasdiqlovchi maʼlumotlarni taqdim etishi kerak.
15. Shartnoma loyihasi Oʻzbekiston Respublikasining amaldagi qonunchiligi va xalqaro tijorat huquqi talablariga mos kelishi lozim.
16. Ekspertiza uchun taqdim etilgan tender hujjatlari va texnik topshiriqning toʻliqligi hamda ishonchliligi uchun davlat buyurtmachisi masʼuldir.
5-bob. Tender hujjatlari yoki texnik topshiriqni ekspertizadan oʻtkazganlik uchun toʻlov
17. Tender hujjatlarini ekspertizadan oʻtkazganlik uchun Markaz tomonidan toʻlov undiriladi va u Markazning hisob raqamiga oʻtkazib beriladi.
Davlat buyurtmachisi (ariza beruvchi) tomonidan shartnoma majburiyatlari buzilgan, rad etilgan yoki bekor qilingan taqdirda, Markaz hisob raqamiga tushgan toʻlov summasi qaytarilmaydi.
18. Ariza beruvchi tomonidan kompleks ekspertizadan oʻtkazilishi rad etilgan (eʼtiroz bilan qaytarilgan) tender hujjatlarini yoki texnik topshiriq olti oy ichida qayta kompleks ekspertizaga kiritilganda toʻlov undirilmaydi.
Bunda, ariza beruvchi tomonidan dastlabki kompleks ekspertizadan oʻtkazilishi rad etilgan (eʼtiroz bilan qaytarilgan) tender hujjatlarini yoki texnik topshiriqni olti oy ichida qayta kiritilayotganligi taqdim etilgan arizada koʻrsatiladi.
19. Dastlabki eʼtiroz berilgan xulosa taqdim etilgan kundan olti oy muddat oʻtgandan soʻng, tender hujjatlari va texnik topshiriqlar yangi hujjat sifatida koʻrib chiqiladi.
20. Binolar, inshootlar va muhandislik kommunikatsiyalarini kapital qurish va taʼmirlash boʻyicha tovarlarning (ishlarning, xizmatlarning) davlat xaridining texnik topshiriqlarini kompleks ekspertizadan oʻtkazish uchun toʻlov qurilish va taʼmirlash ishlarining manzilli roʻyxati tasdiqlangandan soʻng amalga oshiriladi.
6-bob. Tender hujjatlari yoki texnik topshiriqni ekspertizadan oʻtkazish muddatlari
21. Markaz:
mazkur Nizomning 6-bandida koʻrsatilgan hujjatlar taqdim etilgan va koʻrsatiladigan xizmatlar uchun toʻlov amalga oshirilgan kundan boshlab 30 kalendar kun ichida tender hujjatlarini ekspertizadan oʻtkazadi va xulosani QR kod bilan tasdiqlagan holda davlat buyurtmachisiga (ariza beruvchi)ga taqdim etadi.
mazkur Nizomning 7-bandida koʻrsatilgan hujjatlar taqdim etilgan va koʻrsatiladigan xizmatlar uchun toʻlov amalga oshirilgan kundan boshlab 20 kalendar kun ichida texnik topshiriqni ekspertizadan oʻtkazadi, xulosani QR kod bilan tasdiqlagan holda davlat buyurtmachisiga (ariza beruvchi)ga taqdim etadi.
Markazning ijobiy xulosasi Markazning elektron axborot platformasi orqali avtomatik ravishda portalga joʻnatiladi (qonunchilikda belgilangan boshqacha talablar bundan mustasno).
Keyingi tahrirga qarang.
22. Tender oʻtkazish toʻgʻrisidagi eʼlon Markazning ijobiy xulosasi olingandan keyin portalda joylashtiriladi.
23. Tender hujjatlari yoki texnik topshiriqni ekspertizadan oʻtkazish jarayonida ekspertizaga tegishli maʼlumotlar (izoh va xulosalar) Markazning elektron axborot platformasi orqali ariza beruvchiga yuboriladi.
7-bob. Tender hujjatlari yoki texnik topshiriqni ekspertizadan oʻtkazish boʻyicha ijobiy xulosa berishni rad etish
24. Quyidagilar tender hujjatlari yoki texnik topshiriq ekspertizasi boʻyicha ijobiy xulosa berishni rad etish uchun asos boʻladi:
davlat buyurtmachisi tomonidan ekspertiza oʻtkazish uchun zarur hujjatlarning toʻliq taqdim etilmaganligi;
davlat buyurtmachisi tomonidan taqdim etilgan hujjatlarda notoʻgʻri yoki ishonchsiz maʼlumotlar mavjudligi;
taqdim etilgan hujjatlarning ushbu Nizom va boshqa qonunchilik hujjatlariga muvofiq emasligi;
tovarlarni (ishlarni, xizmatlarni) sotib olish boʻyicha tender yoki tanlash boʻyicha xarid qilish hujjatlaridagi boshlangʻich narx xuddi shunday xususiyatlar va sifatga ega boʻlgan tovarlarning (ishlarning, xizmatlarning) ariza berilayotgan paytdagi oʻrtacha narxlar va shakllangan bozor konyunkturasiga nisbatan oshirib yuborilganligi.
25. Ijobiy xulosa berishni rad etish toʻgʻrisidagi xabarnoma (eʼtiroz bilan qaytarilgan xulosa) rad etish sabablari koʻrsatilgan holda davlat buyurtmachisiga (ariza beruvchiga) Markazning elektron axborot platformasi orqali yuboriladi.
26. Davlat buyurtmachisi qayta ishlangan tender hujjatlari yoki texnik topshiriqni takroran kiritish huquqiga ega.
27. Ijobiy xulosa berishni rad etish uchun asos boʻlgan sabablar davlat buyurtmachisi tomonidan bartaraf etilgan taqdirda, Markaz tomonidan hujjatlarni qayta koʻrib chiqish, ijobiy xulosa berish yoki uni rad etish qayta ishlangan tender hujjatlari yoki texnik topshiriq va rad etish sabablari bartaraf etilganini tasdiqlovchi tegishli hujjatlar olingan kundan boshlab koʻpi bilan 10 kalendar kun ichida amalga oshiriladi.
8-bob. Yakunlovchi qoidalar
28. Davlat buyurtmachisi xulosa berishni rad etilishi, shuningdek Markaz mansabdor shaxsining harakati (harakatsizligi) yuzasidan yuqori turuvchi organ — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligiga (Markaz taʼsischisiga) shikoyat qilishga haqli.
29. Tender hujjatlarini yoki texnik topshiriqni ekspertizadan oʻtkazish sohasidagi nizolar davlat buyurtmachisi va Markaz (tender hujjatlarini yoki texnik topshiriqni kompleks ekspertizadan oʻtkazish yuzasidan xizmatlar koʻrsatish shartnomasi taraflari) oʻrtasida muzokaralar oʻtkazish yoʻli bilan hal etiladi.
Nizolarni muzokaralar oʻtkazish yoʻli bilan hal etishning iloji boʻlmasa, davlat buyurtmachisi yoki Markaz sudga murojaat qilishlari mumkin.
30. Ushbu Nizom talablarini buzishda aybdor boʻlgan shaxslar qonunchilikka muvofiq javobgarlikka tortiladi.
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi nizomga
1-ILOVA
Tender boʻyicha xarid qilish hujjatlarini kompleks ekspertizadan oʻtkazish
SXEMASI

Bosqichlar

Ishtirokchilar

Chora-tadbirlar

Ijro muddatlari

1-bosqich

Ariza beruvchi

Zarur hujjatlar toʻplamini tayyorlash va Markazga ariza yuborish

Zaruratga koʻra

2-bosqich

Markaz

Taqdim etilgan hujjatlarning toʻliqligini oʻrganish hamda “Yangi soʻrovnoma” holatini “Hujjatlar toʻliq yuklanmagan”, “Toʻlov kutilmoqda” yoki “Koʻrib chiqilmoqda” yoxud “Rad etish” holatlariga oʻzgartirish

5 (besh) ish kuni ichida

3-bosqich

Ariza beruvchi

Koʻrsatiladigan ekspertiza xizmatlari uchun qonunchilikka muvofiq toʻlovni amalga oshirish

5 (besh) ish kuni ichida

4-bosqich

Markaz

“Koʻrib chiqilmoqda” holatidagi arizalar asosida tender hujjatlarini kompleks ekspertizadan oʻtkazish

30 (oʻttiz) kalendar kun ichida

AGAR EʼTIROZLAR BOʻLSA

Tender hujjatlarining kompleks ekspertizasi yakunlariga koʻra

AGAR EʼTIROZLAR BOʻLMASA

5-bosqich

Markaz

Tender hujjatlari boʻyicha ijobiy xulosani ariza beruvchiga yuborish

-

6-bosqich

Markaz

Tender hujjatlari boʻyicha eʼtirozlar koʻrsatilgan xulosani ariza beruvchiga qayta ishlash uchun yuborish

-

7-bosqich

Ariza beruvchi

Eʼtirozlarni hisobga olgan holda tender hujjatlarini qayta ishlab chiqish va uni takroran koʻrib chiqish uchun yuborish

6 (olti) oy ichida*

8-bosqich

Markaz

1. Bildirilgan eʼtirozlar va kamchiliklarni bartaraf etilgani nuqtai nazaridan qayta koʻrib chiqish.

2. Eʼtirozlar va kamchiliklar bartaraf etilgan taqdirda ijobiy xulosani ariza beruvchiga yuborish.

10 (oʻn) kalendar kun ichida

* Tender hujjatlari 6 (olti) oy muddat oʻtgandan keyin qayta kiritilganda, yangi hujjat hisoblanadi.
Keyingi tahrirga qarang.
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi nizomga
2-ILOVA
Texnik topshiriqni kompleks ekspertizadan oʻtkazish
SXEMASI

Bosqichlar

Ishtirokchilar

Chora-tadbirlar

Ijro muddatlari

1-bosqich

Ariza beruvchi

Zarur hujjatlar toʻplamini tayyorlash va Markazga ariza yuborish

Zaruratga koʻra

2-bosqich

Markaz

Taqdim etilgan hujjatlarning toʻliqligini oʻrganish hamda “Yangi soʻrovnoma” holatini “Hujjatlar toʻliq yuklanmagan”, “Toʻlov kutilmoqda” yoki “Koʻrib chiqilmoqda” yoxud “Rad etish” holatlariga oʻzgartirish

5 (besh) ish kuni ichida

3-bosqich

Ariza beruvchi

Koʻrsatiladigan ekspertiza xizmatlari uchun qonunchilikka muvofiq toʻlovni amalga oshirish

5 (besh) ish kuni ichida

4-bosqich

Markaz

“Koʻrib chiqilmoqda” holatidagi arizalar asosida texnik topshiriqni kompleks ekspertizadan oʻtkazish

20 (yigirma) kun ichida

AGAR EʼTIROZLAR BOʻLSA

Texnik topshiriqning kompleks ekspertizasi yakunlariga koʻra

AGAR EʼTIROZLAR BOʻLMASA

5-bosqich

Markaz

Texnik topshiriq boʻyicha ijobiy xulosani ariza beruvchiga yuborish

-

6-bosqich

Markaz

Texnik topshiriq boʻyicha eʼtirozlar koʻrsatilgan xulosani ariza beruvchiga qayta ishlash uchun yuborish

-

7-bosqich

Ariza beruvchi

Eʼtirozlarni hisobga olgan holda texnik topshiriqni qayta ishlab chiqish va uni takroran koʻrib chiqish uchun yuborish

6 (olti) oy ichida*

8-bosqich

Markaz

1. Bildirilgan eʼtirozlar va kamchiliklarni bartaraf etilgani nuqtai nazaridan qayta koʻrib chiqish.

2. Eʼtirozlar va kamchiliklar bartaraf etilgan taqdirda texnik topshiriq boʻyicha ijobiy xulosani ariza beruvchiga yuborish.

10 (oʻn) kalendar kun ichida

* Texnik topshiriq 6 (olti) oy muddat oʻtgandan keyin qayta kiritilganda, yangi hujjat hisoblanadi.
Keyingi tahrirga qarang.
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi nizomga
3-ILOVA

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKga

20___ yil _______________ __________-son

ARIZA

______________________________ loyihasi doirasida ______________________________

tovarlarning (ishlarning, xizmatlarning) davlat xaridi tenderi boʻyicha xarid qilish hujjatlarini koʻrib chiqishingizni soʻraymiz.

Bozor konyunkturasini oʻrganish natijalariga koʻra xarid qilinadigan tovarlarning (ishlarning,

xizmatlarning) boshlangʻich narxi (QQS bilan/QQSsiz) __________________________ni tashkil etadi.
Davlat xaridlari quyidagi ishtirokchilar oʻrtasida oʻtkaziladi:
tovarlar (ishlar, xizmatlar)ning mahalliy ishlab chiqaruvchilari;
tovarlar (ishlar, xizmatlar)ni ishlab chiqaruvchi, yetkazib beruvchi barcha ishtirokchilar (mahalliy va xorijiy).
Davlat xaridini moliyalashtirish manbasi (quyida sanab oʻtilganlardan biri koʻrsatiladi):
oʻz mablagʻlarimiz;
budjet mablagʻlari;
kreditlar (qarz mablagʻlari);
boshqa manbalar (koʻrsatiladi) hisobidan.
Tender hujjatlarini ekspertizadan oʻtkazish uchun oldindan toʻlovni kafolatlaymiz.
Arizachining/buyurtmachining pochta manzili (joylashuvi): _______________________________
Arizachining / buyurtmachining bank rekvizitlari:
________________________________ (MFO, STIR, hisobraqam, bank nomi)
Arizachi/buyurtmachi bilan bogʻlanish raqamlari (ijrochi koʻrsatilsin)
______________________________________________________________________.
Arizaga quyidagi hujjatlar ilova qilinmoqda (ushbu Nizom talablariga muvofiq)
_____________________
_____________________
Arizachining mansabdor shaxsi _______________

F.I.Sh.

imzo yoki QR kod

M. Oʻ.
Davlat xaridiga doir tender boʻyicha xarid qilish hujjatlarini va texnik topshiriqlarni kompleks ekspertizadan oʻtkazish tartibi toʻgʻrisidagi nizomga
4-ILOVA

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKga

20___ yil _______________ __________-son

ARIZA

____________________________________________________ loyihasi doirasida

______________________________ tovarlarning (ishlarning, xizmatlarning) davlat xaridi boʻyicha texnik topshiriqni koʻrib chiqishingizni soʻraymiz. (agar texnik topshiriq ixtiyoriy va shartnoma asosida kiritilayotgan boʻlsa, bu haqda arizada koʻrsatiladi)

Bozor konyunkturasini oʻrganish natijalariga koʻra xarid qilinadigan tovarlarning (ishlarning,
xizmatlarning) boshlangʻich narxi (QQS bilan/QQSsiz) __________________________ni tashkil etadi.
Davlat xaridlari quyidagi ishtirokchilar oʻrtasida oʻtkaziladi:
tovarlar (ishlar, xizmatlar)ning mahalliy ishlab chiqaruvchilari;
tovarlar (ishlar, xizmatlar)ni ishlab chiqaruvchi, yetkazib beruvchi barcha ishtirokchilar (mahalliy va xorijiy).
Davlat xaridini moliyalashtirish manbasi (quyida sanab oʻtilganlardan biri koʻrsatiladi):
oʻz mablagʻlarimiz;
budjet mablagʻlari;
kreditlar (qarz mablagʻlari);
boshqa manbalar (koʻrsatiladi) hisobidan.
Texnik topshiriqni ekspertizadan oʻtkazish uchun oldindan toʻlovni kafolatlaymiz.
Arizachi/buyurtmachi bilan bogʻlanish raqamlari (ijrochi koʻrsatilsin):
____________________________________________________________________________.
Arizaga quyidagi hujjatlar ilova qilinmoqda (ushbu Nizom talablariga muvofiq
___________________
___________________
Arizachining mansabdor shaxsi _______________ F.I.Sh.

imzo yoki QR kod
M. Oʻ.
Oʻzbekiston Respublikasi Prezidentining 2022-yil 25-iyuldagi PQ-332-son qaroriga
3-ILOVA
Shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish va roʻyxatga olish tartibi toʻgʻrisidagi
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK (keyingi oʻrinlarda — Markaz)da shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish hamda roʻyxatga olish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
Markazning elektron axborot platformasi — Markazning buyurtmachilar shartnomalar, import kontraktlar va qoʻshimcha kelishuv loyihalarini, shuningdek, ekspertizadan oʻtkazish va roʻyxatga olish natijalari toʻgʻrisidagi axborotni joylashtirishni taʼminlovchi Internet tarmogʻidagi maxsus elektron axborot platformasi;
davlat xaridlari — davlat buyurtmachilarining tovarlarga (ishlarga, xizmatlarga) boʻlgan ehtiyojlarini pullik asosda taʼminlash jarayoni;
buyurtmachilar — ushbu Nizomning 5-bandida nazarda tutilgan hollarda shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish uchun Markazga murojaat qiluvchi shaxslar;
shartnoma loyihasi — buyurtmachi bilan Oʻzbekiston Respublikasi rezidenti oʻrtasida milliy valyutada tovarlar (ishlar, xizmatlar) sotib olish toʻgʻrisida tuziladigan shartnoma loyihasi;
import kontrakti loyihasi — toʻlov valyutasidan qatʼi nazar tovarlarni (ishlarni, xizmatlarni) import qilish toʻgʻrisida buyurtmachi bilan Oʻzbekiston Respublikasi norezidenti oʻrtasida tuziladigan shartnoma loyihasi;
qoʻshimcha kelishuv loyihasi — tomonlar oʻrtasida ilgari tuzilgan shartnomaga hamda import kontraktiga oʻzgartirish va qoʻshimchalar kiritilishini nazarda tutuvchi hujjat loyihasi;
benefitsiar mulkdor — pirovardida mulkiy huquqlarga egalik qiladigan yoki kontrakt boʻyicha tovarlar (ishlar, xizmatlar) yetkazib beruvchini amalda nazorat qiladigan jismoniy shaxs.
3. Shartnomalar, import kontraktlari va/yoki qoʻshimcha kelishuvlar loyihalarini ekspertizadan oʻtkazganlik uchun haq undiriladi va uning summasi Markaz hisob raqamiga oʻtkazib beriladi.
4. Ushbu Nizomda koʻzda tutilgan shartnoma, import kontrakti va/yoki qoʻshimcha kelishuvlar belgilangan tartibda ularning loyihalari ekspertizadan oʻtkazilgandan, imzolangandan, kuchga kirgandan va Markazda roʻyxatga olingandan soʻng ijro etilishi lozim. Bunda tomonlarning shartnoma majburiyatlari toʻliq yoki qisman bajarilgan shartnomalar, import kontraktlari va ularga qoʻshimcha kelishuvlar, shuningdek, loyihasi avval Markazda ekspertizadan oʻtmagan shartnoma va import kontraktiga tuzilgan qoʻshimcha kelishuvlar loyihalari Markazda ekspertizadan oʻtkazilmaydi.
2-bob. Markazda ekspertizadan oʻtkazilishi va roʻyxatga olinishi lozim boʻlgan shartnomalar, import kontraktlari va qoʻshimcha kelishuvlar loyihalari
5. Quyidagilar Markazda kompleks ekspertizadan oʻtkazilishi lozim:
tovarlarning (ishlarning, xizmatlarning) davlat xaridini toʻgʻridan-toʻgʻri shartnoma asosida amalga oshirishga ruxsat berilgan Oʻzbekiston Respublikasi Prezidentining farmonlari va qarorlari, shuningdek, Oʻzbekiston Respublikasi Vazirlar Mahkamasining qarorlari asosida tuziladigan, tovarlarning (ishlarning, xizmatlarning) qiymati bir shartnoma boʻyicha bazaviy hisoblash miqdorining yigirma besh ming (budjet buyurtmachilari uchun olti ming) baravari miqdoridan yuqori boʻlgan shartnomalar, import kontraktlari va ularga qoʻshimcha kelishuvlar loyihalari, bundan qonunchilikda belgilangan hollar mustasno;
Keyingi tahrirga qarang.
davlat tashqi qarzi (xalqaro moliya institutlari va xorijiy hukumat moliya tashkilotlari qarz mablagʻlari bundan mustasno) hisobidan moliyalashtiriladigan loyihalarni amalga oshirish doirasida tender hujjatlari Markazda kompleks ekspertizadan oʻtkazilmasdan tuziladigan qiymati 1 million AQSH dollari ekvivalentiga teng va undan yuqori boʻlgan import shartnomalari va ularga qoʻshimcha kelishuvlar loyihalari.
6. Mazkur Nizomning 5-bandida koʻrsatilmagan davlat buyurtmachilari va tadbirkorlik subyektlari qiymati bazaviy hisoblash miqdorining olti ming baravaridan oshgan shartnomalar, import kontraktlari va ularga qoʻshimcha kelishuvlar loyihalarini Markazga kompleks ekspertizadan oʻtkazish uchun ixtiyoriy ravishda shartnoma asosida kiritishlari mumkin.
7. Mazkur Nizomning amal qilishi Oʻzbekiston Respublikasining xalqaro shartnomalari va investitsiyaviy bitimlarida oʻzgacha tartib nazarda tutilgan taqdirda, shartnomalar va import kontraktlari loyihalariga tatbiq etilmaydi.
3-bob. Shartnomalar, import kontraktlari va/yoki qoʻshimcha kelishuvlar loyihalarini ekspertizadan oʻtkazish hamda roʻyxatga olish uchun taqdim etiladigan hujjatlar
8. Buyurtmachi shartnomalar, import kontraktlari loyihalarini ekspertizadan oʻtkazish va roʻyxatga olish uchun Markazga quyidagi hujjatlarni taqdim etadi:
ushbu Nizomning 1-ilovasiga muvofiq shakldagi ariza;
mazkur Nizomning 4-bobidagi talablarga muvofiq ishlab chiqilgan shartnoma, import kontrakti loyihasining nusxasi (roʻyxatga olish uchun — har bir beti buyurtmachining vakolatli shaxsi tomonidan muhr va imzo qoʻyib tasdiqlangan shartnoma, import kontraktining asl nusxasi);
shartnoma, import kontrakti loyihasining Oʻzbekiston Respublikasi qonunchiligiga muvofiqligi boʻyicha yuridik xulosa (yuridik xizmat vizasi);
shartnoma, import kontraktini imzolashga tomonlarning vakolati borligini tasdiqlovchi (ular birinchi rahbardan boshqa shaxslar tomonidan imzolanadigan taqdirda) hujjatning belgilangan tartibda tasdiqlangan nusxasi;
shartnomalar, import kontraktlari loyihalari ekspertizaga taqdim etilgan davrda amal qiluvchi hujjatlar (soʻrovnomalar, tijorat takliflari, birja yoki assotsiatsiyalar kotirovkalari, prays-varaqlar va hokazolar) taqdim etilgan holda kontrakt, import kontrakti narxini belgilash boʻyicha buyurtmachining birinchi rahbari imzosi bilan tasdiqlangan asoslantirishlar. Bunda taqdim etilgan barcha takliflar yuridik yoki jismoniy shaxslar, shu jumladan muqobil takliflarni taqdim etgan xorijiy yuridik va jismoniy shaxslarning yuridik manzillari hamda aloqa maʼlumotlarini oʻz ichiga olgan boʻlishi lozim. Shartnoma yoki import kontrakti loyihasi qonunchilikda belgilangan tartibda xarid jarayonlarini oʻtkazish natijasida tuzilgan hollarda narx belgilash boʻyicha asoslantirishlar oʻrniga xarid komissiyasi yoki idoraviy xarid komissiyasi bayonnomasining nusxasi taqdim etiladi;
 LexUZ sharhi
Qarang: Oʻzbekiston Respublikasining “Davlat xaridlari toʻgʻrisida”gi Qonuni.
kapital qurilish hamda bino, inshoot va muhandislik kommunikatsiyalarini taʼmirlash bilan bogʻliq boʻlgan shartnoma, import kontrakti loyihalarini ekspertizadan oʻtkazishda — oʻrnatilgan tartibda tasdiqlangan loyiha-smeta hujjatlari;
davlat buyurtmachilari tomonidan investitsiyaviy va infratuzilmaviy loyihalar boʻyicha loyihaoldi va loyiha hujjatlariga, shuningdek, joriy faoliyat boʻyicha — ishlab chiqarish normativlariga muvofiq shartnoma, import kontraktini tuzish zarurligining asoslanishi;
tovarlarni (ishlarni, xizmatlarni) xarid qilish uchun tasdiqlangan texnik topshiriqning nusxasi;
shartnoma, import kontrakti xarid qilinadigan tovarlarning (ishlarning, xizmatlarning) aniq yetkazib beruvchilari va qiymati belgilab qoʻyilgan Oʻzbekiston Respublikasi Prezidentining va Oʻzbekiston Respublikasi Hukumatining qarorlari asosida imzolanadigan taqdirda — tegishli qarorlarning nusxasi;
loyihani moliyalashtirish manbai toʻgʻrisida tasdiqlovchi xat.
Taqdim etilgan hujjatlarning ishonchliligi va aynan bir xilligi yuzasidan javobgarlik buyurtmachi zimmasiga yuklanadi.
Oʻzbekiston Respublikasiga import qilinayotgan tovarlarning sifati, miqdori va narxlari Markazda roʻyxatga olingan import kontrakti loyihalarining shartlariga mos boʻlishini taʼminlash boʻyicha zarur choralarni koʻrish yuzasidan javobgarlik buyurtmachining mansabdor shaxslari zimmasiga yuklanadi.
9. Buyurtmachi shartnomalar, import kontraktlariga qoʻshimcha kelishuvlar loyihalarini ekspertizadan oʻtkazish va roʻyxatga olish uchun quyidagi hujjatlarni taqdim etadi:
ushbu Nizomning 1-ilovasiga muvofiq shakldagi ariza;
mazkur Nizomning 4-bobidagi talablarga muvofiq ishlab chiqilgan qoʻshimcha kelishuv loyihasining nusxasi (roʻyxatga olish uchun — har bir beti buyurtmachining vakolatli shaxsi tomonidan muhr va imzo qoʻyib tasdiqlangan qoʻshimcha kelishuvning asl nusxasi);
shartnoma, import kontrakti va roʻyxatga olingan yoki ekspertizadan oʻtkazilgan ilgari tuzilgan qoʻshimcha kelishuvlarning nusxalari, shuningdek, ilgari berilgan xulosalarning nusxalari;
qoʻshimcha kelishuv loyihasining Oʻzbekiston Respublikasi qonunchiligiga muvofiqligi boʻyicha yuridik xulosa (yuridik xizmat vizasi);
qoʻshimcha kelishuvni imzolashga tomonlarning vakolati borligini tasdiqlovchi (ular birinchi rahbardan boshqa shaxslar tomonidan imzolanadigan taqdirda) hujjatning belgilangan tartibda tasdiqlangan nusxasi;
qoʻshimcha kelishuv xarid qilinadigan tovarlarning (ishlarning, xizmatlarning) aniq yetkazib beruvchilari va qiymati belgilab qoʻyilgan Oʻzbekiston Respublikasi Prezidentining va Oʻzbekiston Respublikasi Hukumatining qarorlari asosida imzolanadigan taqdirda — tegishli qarorlarning nusxasi;
Tovarlarning (ishlarning, xizmatlarning) hajmi koʻpaygan, ularning nomenklaturasi, tovarning kelib chiqish mamlakati, narxi va toʻlov shartlari oʻzgargan taqdirda quyidagi hujjatlar qoʻshimcha ravishda taqdim etiladi:
qoʻshimcha kelishuv loyihasi ekspertizaga taqdim etilgan davrda amal qiluvchi hujjatlar (soʻrovnomalar, tijorat takliflari, birja yoki assotsiatsiyalar kotirovkalari, prays-varaqlar va hokazolar) taqdim etilgan holda qoʻshimcha kelishuv narxini belgilash boʻyicha buyurtmachining birinchi rahbari imzosi bilan tasdiqlangan asoslantirishlar. Bunda taqdim etilgan barcha takliflar yuridik yoki jismoniy shaxslar, shu jumladan muqobil takliflarni taqdim etgan xorijiy yuridik va jismoniy shaxslarning yuridik manzillari hamda aloqa maʼlumotlarini oʻz ichiga olgan boʻlishi lozim. Asosiy shartnoma yoki import kontrakti qonunchilikda belgilangan tartibda xarid tartib-taomillarini oʻtkazish natijasida tuzilgan hollarda narx belgilash boʻyicha asoslantirishlar oʻrniga xarid komissiyasi yoki idoraviy xarid komissiyasi bayonnomasining nusxasi taqdim etiladi;
kapital qurilish hamda bino, inshoot va muhandislik kommunikatsiyalarini taʼmirlash bilan bogʻliq boʻlgan shartnoma, import kontraktiga qoʻshimcha kelishuv loyihasini ekspertizadan oʻtkazishda — oʻrnatilgan tartibda tasdiqlangan loyiha-smeta hujjatlari;
davlat buyurtmachilari tomonidan investitsiyaviy va infratuzilmaviy loyihalar boʻyicha loyihaoldi va loyiha hujjatlariga, shuningdek, joriy faoliyat boʻyicha — ishlab chiqarish normativlariga muvofiq qoʻshimcha kelishuv tuzish zarurligining asoslanishi;
tovarlarni (ishlarni, xizmatlarni) xarid qilish uchun tasdiqlangan texnik topshiriqning nusxasi.
Taqdim etilgan hujjatlarning ishonchliligi va aynan bir xilligi yuzasidan javobgarlik buyurtmachi zimmasiga yuklanadi.
10. Buyurtmachi Markazning talabiga koʻra shartnoma, import kontrakti va/yoki qoʻshimcha kelishuv loyihasi boʻyicha mahsulot yetkazib beruvchilarni identifikatsiya qilish uchun zarur boʻlgan quyidagi maʼlumotlarni taqdim etadi:
soliq toʻlovchining identifikatsiya raqami;
joylashgan joyi (pochta manzili) va telefon raqamlari;
imzolash huquqiga ega boʻlgan yoki yuridik shaxs nomidan ish olib boruvchi jismoniy shaxslarni identifikatsiyalash toʻgʻrisidagi maʼlumotlar;
yuridik shaxs muassislari (aksiyadorlar, ishtirokchilar) hamda ularning ustav fondidagi (kapitalidagi) ulushli ishtiroki toʻgʻrisidagi maʼlumot;
yuridik shaxsning boshqaruv organlari (yuridik shaxs boshqaruv organlarining tuzilmasi va shaxsiy tarkibi) toʻgʻrisidagi maʼlumot;
import kontrakti boʻyicha tovarlar yetkazib beruvchining benefitsiar mulkdori toʻgʻrisidagi maʼlumot;
Ms Word yoki Ms Excel formatidagi barcha ilovalari bilan birga elektron shakldagi shartnoma, import kontrakti va/yoki unga qoʻshimcha kelishuv loyihasi.
11. Buyurtmachi shartnomalar, import kontraktlari va/yoki qoʻshimcha kelishuv loyihalarini ekspertizadan oʻtkazish va roʻyxatga olish uchun ariza va boshqa hujjatlarni Markazning elektron axborot platformasi orqali kiritadi.
4-bob. Shartnomalar, import kontraktlari va qoʻshimcha kelishuvlar loyihalariga qoʻyiladigan talablar
12. Shartnomalar, import kontraktlari va ularga qoʻshimcha kelishuvlar loyihalarining mazmuni Oʻzbekiston Respublikasi qonunchiligida belgilangan talablarga muvofiq boʻlishi lozim.
13. Shartnomalar va import kontraktlari loyihalari quyidagilarni oʻz ichiga olishi lozim:
Muqaddima. Kirish qismi shartnoma va import kontraktining tuzilgan joyi va sanasi, yuridik shaxslarning toʻliq nomlanishi, shartnoma va import kontraktini tuzuvchi shaxslarning lavozimi, familiyasi va ismini oʻz ichiga oladi. Agarda shaxs shartnoma va import kontraktini ishonchnoma asosida tuzayotgan boʻlsa, bu muqaddimada koʻrsatiladi.
Predmet. Ushbu boʻlimda tovarlarning (ishlarning, xizmatlarning) nomi, texnik tavsiflari, miqdori va sifati hamda butlanganligi koʻrsatiladi.
Tovarlarning (ishlarning, xizmatlarning) miqdori metrik oʻlchov tizimida qabul qilingan xalqaro birliklarda ifodalanadi. Oʻzbekiston Respublikasida qabul qilingan oʻlchov va ogʻirliklar tizimi miqdorlarini belgilash tartibiga muvofiq oʻlchov birliklarida belgilashga yoʻl qoʻyiladi.
Tovarning sifat tavsifi foydalanishga yaroqliligini aks ettiruvchi xususiyatlar yigʻindisidan iborat. Shuningdek, import kontraktlari loyihalarida tovarning TIF TN kodini ham koʻrsatib oʻtish zarur.
Tovarga qoʻyiladigan talablar. Qoidaga koʻra, tovar yangi va ishlatilmagan boʻlishi lozim.
14. Quyidagilar tovar sifatini belgilashning asosiy metodlari hisoblanadi:
standart boʻyicha — barcha tomonidan qabul qilingan xalqaro standartlar, Oʻzbekiston Respublikasida amal qiluvchi davlat standartlari;
spetsifikatsiya boʻyicha — texnik parametrlarni koʻrsatish;
asosiy moddalarning mavjudligi boʻyicha — minimum koʻrsatkich, aralashmalar boʻyicha — maksimum koʻrsatkich;
tovarning oʻziga tegishli xossalar boʻyicha — shakl, model, marka, nav, tur.
Mashinalar, uskunalar va texnologik liniyalarni yetkazib berish boʻyicha shartnoma, import kontrakti loyihalarida ularning yangiligiga, chiqarilgan yiliga nisbatan talab koʻrsatiladi.
15. Mahsulot yetkazib berishning bazis shartlari xalqaro INKOTERMS qoidalariga muvofiq belgilanadi.
INKOTERMS qoidalaridan foydalanganda qisqartma nom bilan bir qatorda yetkazib berish joyi (temir yoʻl stansiyasi, port, aeroport va hokazolarning nomlari) koʻrsatiladi.
16. Tovarni yetkazib berish, ishlarni bajarish va xizmat koʻrsatish muddati yoki sanasi.
Tovarni yetkazib berish, ishlarni bajarish va xizmat koʻrsatish muddati yoki sanasi deganda ijrochi tomonidan oʻz majburiyatlarini tovar yetkazib berish, ishlarni bajarish va xizmatlar koʻrsatishning shartnoma va import kontraktlari loyihalarida koʻrsatilgan bazis yetkazib berish shartlarga muvofiq bajarish sanasi tushuniladi.
17. Narx va umumiy summa. Shartnoma va import kontrakti loyihalarida tovarlarning (ishlarning, xizmatlarning) narxini belgilashda tovarlarning (ishlarning, xizmatlarning) oʻlchov birligi, narx bazisi, qayd etish usuli, bir dona tovar narxi hamda shartnoma va import kontrakti loyihasining umumiy summasi koʻrsatiladi.
Qayd etish usuliga koʻra narx qatʼiy (oʻzgarmas, bozor konyunkturasiga bogʻliq boʻlmagan), sirgʻaluvchan (tomonlarning kelishuviga binoan oʻzgartiriladigan), oʻzgaruvchan (bozor konyunkturasiga, inflyatsiya darajasiga bogʻliq) boʻlishi mumkin.
Shartnoma va import kontrakti loyihasining umumiy summasi tovarlarning (ishlarning, xizmatlarning) toʻliq qiymatini anglatadi.
Hadli shartnoma va import kontraktini tuzish va tovarlarning (ishlarning, xizmatlarning) aniq qiymatini belgilashning imkoni boʻlmagan taqdirda, shartnoma va import kontrakti loyihasining taxminiy cheklangan summasi koʻrsatiladi.
Yetkazib beruvchilar tomonidan montaj va/yoki ishga tushirish-sozlash ishlari amalga oshirilishi, xodimlarni oʻqitish va boshqa xizmatlar koʻrsatish, royalti toʻlash nazarda tutilgan uskunalar, qurilmalar, mashina va mexanizmlar, mahsulotlarni xarid qilish boʻyicha shartnoma va import kontraktlari loyihalarida (spetsifikatsiyada) royalti summasi, shuningdek, bajarilayotgan ishlar va koʻrsatilayotgan xizmatlarning summasi alohida-alohida koʻrsatiladi.
18. Tovarlarning (ishlarning, xizmatlarning) narx parametrlarini belgilashda quyidagilar hisobga olinadi:
yuk ortish va qadoqlashning alohida shart-sharoitlari, buyurtma miqdori, litsenziya yigʻimlari, bitimni sugʻurtalash, intellektual mulk bilan bogʻliq sarf-xarajatlar;
tovarlar haqini toʻlash shartlari va muddatlari, ularni tayyorlash (uzoq vaqt tayyorlanadigan tovarlar, standart tovarlar), ishlarni bajarish, xizmatlar koʻrsatishning xususiyatlari, yetkazib berish shartlari, qoʻshimcha shartlar va yetkazib beruvchilardan (sotuvchilar, ijrochilar va pudratchilardan) talab qilinadigan kafolatlar, mavsumiy oʻzgarishlarning taʼsiridan kelib chiqib, narxlarning oʻzgaruvchanligi;
kafolat muddatidan keyingi xizmat va servis xizmati koʻrsatish, butlovchi buyumlar, ehtiyot qismlar, uzel va agregatlarning bir-birini almashtira olishini eʼtiborga olganda narx parametrlarining maqbulligi;
ishlab chiqariladigan mahsulotning unumdorligi, sifati, raqobatdoshligidan, xarid qilinayotgan tovarning energiya resurs tejamkorligi, ekologik sofligidan, umumiy egalik qilish qiymati hamda narx belgilashga taʼsir oʻtkazuvchi boshqa omillardan kelib chiqib, qiymatlarning xilma-xilligi.
19. Toʻlov shartlari. Shartnoma va import kontrakti loyihalaridagi toʻlov shartlarida toʻlov valyutasi, shakli va muddati koʻrsatiladi.
Agarda toʻlov valyutasi import kontrakti loyihasi valyutasidan farq qilsa, u holda valyuta kursini qayta hisoblash tartibi koʻrsatiladi.
20. Tovar ishlab chiqarilgan, ishlar bajariladigan va xizmatlar koʻrsatiladigan joy. Shartnoma va import kontrakti loyihasida tovar ishlab chiqarilgan mamlakat hamda yetkazib berilayotgan tovarlarning (ishlarning, xizmatlarning) ishlab chiqaruvchisi nomi koʻrsatiladi.
21. Tomonlarning javobgarligi. Tomonlar oʻz zimmasiga olgan majburiyatlarni bajarishini taʼminlaydigan shartlar sifatida import kontrakti loyihasida, qoida tariqasida, bir tomonning shartnoma majburiyatlarini bajarmaganligi yoki lozim darajada bajarmaganligi uchun penya va/yoki jarima tarzidagi sanksiyalar nazarda tutiladi. Aybdor tomonga zarar koʻrgan tomonning talabi boʻyicha unga neustoyka toʻlash majburiyati yuklatiladi.
Jarima sanksiyalarini toʻlash tomonlarni shartnomaviy majburiyatlarni bajarishdan ozod qilmaydi.
22. Kafolatlar. Muvofiqlik sertifikatini olish lozim boʻlgan tovarlarni (ishlarni, xizmatlarni) yetkazib berish boʻyicha import kontrakti loyihalarida import kontraktining ijrochisi tomonidan beriladigan kafolat muddatlari, hajmlari belgilanadi. Ijrochi zimmasiga muayyan kafolat muddati davomida tovar (ishlar, xizmatlar) sifati boʻyicha javobgarlik yuklanadi va tegishli ravishda ijrochi tomonidan oʻzining kafolat majburiyatlarini amalga oshirish tartibi belgilanadi.
Shartnoma va import kontrakti loyihasi shartlariga binoan ijrochining kafolat majburiyati amal qila boshlaydigan vaqt belgilab qoʻyiladi.
23. Qoʻllaniladigan huquq. Tomonlar oʻzaro munosabatlarini tartibga soluvchi huquqni belgilashi va koʻrsatishi shart.
24. Nizolarni hal etish. Import kontrakti loyihasida tomonlar oʻrtasida yuzaga kelishi mumkin boʻlgan va muzokaralar yoʻli bilan bartaraf etib boʻlmaydigan nizolarni hal etish tartibi belgilanadi. Bunda ushbu import kontrakti boʻyicha nizolar koʻrib chiqiladigan joy va organ koʻrsatib oʻtiladi.
25. Tomonlarning rekvizitlari. Shartnoma va import kontrakti loyihasining matnida tomonlarning rekvizitlari keltiriladi. Pochta rekvizitlari, manzil, bank va yuk ortib joʻnatish rekvizitlari koʻrsatiladi.
26. Shartnoma, import kontrakti va/yoki qoʻshimcha kelishuv sahifalariga buyurtmachining vakolatli shaxslari tomonidan viza qoʻyiladi (tasdiqlanadi).
27. Shartnoma, import kontrakti loyihasining matni davlat tili yoki rus tilida bayon etiladi. Agarda import kontrakti loyihasining matni boshqa tilda tuzilgan boʻlsa, import kontrakti loyihasi davlat tili yoki rus tiliga tarjima qilinishi hamda qonunchilikda oʻrnatilgan tartibda tasdiqlanishi lozim. Shartnoma, import kontrakti loyihasi ikki tilda tuzilgan hollarda, shartnoma va import kontrakti loyihasi sahifalarining oʻng va chap tomonlarida parallel tarjima holida rasmiylashtiriladi va har bir tildagi matn bir xil yuridik kuchga ega boʻladi. Bunda shartnoma, import kontrakti loyihasi matnida farq yuzaga kelgan hollarda qaysi matn ustuvor boʻlishi lozimligi nazarda tutiladi.
 LexUZ sharhi
Qarang: Oʻzbekiston Respublikasi “Davlat tili haqida” gi Qonunining 23-moddasi va “Oʻzbekiston Respublikasining xalqaro shartnomalari toʻgʻrisida”gi Qonuni.
5-bob. Shartnomalar, import kontraktlari va/yoki qoʻshimcha kelishuvlar loyihalarini ekspertizadan oʻtkazish hamda roʻyxatga olish tartibi va muddati
28. Shartnomalar, import kontraktlar va/yoki qoʻshimcha kelishuvlar loyihalarini ekspertizadan oʻtkazish va roʻyxatga olish ushbu Nizomga 2-ilovaga muvofiq sxema boʻyicha amalga oshiriladi.
29. Markaz:
koʻrsatilayotgan xizmatlar uchun zarur hujjatlar va toʻlov amalga oshirilgan kundan boshlab yigirma ish kuni mobaynida shartnoma, import kontrakti va/yoki qoʻshimcha kelishuv loyihasini ekspertizadan oʻtkazadi;
zarur hujjatlar va koʻrsatilayotgan xizmatlar uchun toʻlov amalga oshirilganligi tasdiqnomasi taqdim etilgan kundan boshlab besh ish kuni mobaynida xarid qilinayotgan tovarlarni (ishlarni, xizmatlarni) yetkazib beruvchilar va ularning qiymati belgilangan Oʻzbekiston Respublikasi Prezidenti va Oʻzbekiston Respublikasi Hukumatining qarorlari asosida yoki investitsiya loyihasining oʻrnatilgan tartibda tasdiqlangan texnik-iqtisodiy asosi parametrlari doirasida tuziladigan shartnoma, import kontrakti va/yoki qoʻshimcha kelishuv loyihalarini ekspertizadan oʻtkazadi.
30. Markaz tomonidan shartnomalar, import kontraktlari va/yoki qoʻshimcha kelishuvlar loyihalarini ekspertizadan oʻtkazishda:
ekspertizaga ariza berilgan paytda toʻlov valyutasiga, tovarlar (ishlar, xizmatlar) kelib chiqqan mamlakatga qarab shartnomaviy narxlarning ham xalqaro bozorlar konyunkturasiga, ham bir xil parametrlar va sifatga ega boʻlgan tovarlarning (ishlarning, xizmatlarning) mahalliy bozorlardagi talab va takliflarining amaldagi holatiga asoslangan narxlari darajasiga muvofiqligi oʻrganiladi;
ekspertizadan oʻtkazish va roʻyxatga olish uchun taqdim etilgan hujjatlarning mazkur Nizom talablariga muvofiqligi tekshiriladi;
shartnoma, import kontrakti va/yoki qoʻshimcha kelishuv loyihasining shartlari xalqaro va ichki savdoning umumqabul qilingan meʼyorlariga mosligi oʻrganiladi.
31. Shartnomalar, import kontraktlari va/yoki qoʻshimcha kelishuv loyihalari ekspertizasi:
tovarlar (ishlar, xizmatlar) bozorining konyunkturasini oʻrganish natijalaridan;
ommaviy axborot vositalari va jahon Internet tarmogʻidagi nashrlardan;
bevosita mahsulot tayyorlovchi zavodlar, yetkazib beruvchilar, ishlab chiqaruvchilardan yoki ularning rasmiy dilerlari (distribyutorlari)dan olingan maʼlumotlardan foydalangan holda amalga oshiriladi.
32. Xarid qilinayotgan tovarlarni (ishlarni, xizmatlarni) yetkazib beruvchilar va ularning qiymati belgilangan Oʻzbekiston Respublikasi Prezidenti va Oʻzbekiston Respublikasi Hukumati qarorlari asosida tuzilgan shartnomalar, import kontraktlari va/yoki qoʻshimcha kelishuv loyihalarini ekspertizadan oʻtkazishda ularning Oʻzbekiston Respublikasi Prezidenti va Oʻzbekiston Respublikasi Hukumati tomonidan qabul qilingan qarorlarga muvofiqligi tekshiriladi.
33. Oʻtkazilgan ekspertiza natijalari boʻyicha buyurtmachiga shartnoma, import kontrakti va/yoki qoʻshimcha kelishuv loyihasi boʻyicha eʼtirozlar yoʻqligi haqida Markazning elektron axborot platformasi orqali xat beriladi yoki hujjatlar qaytarilish sabablarini koʻrsatgan holda qaytarib beriladi.
34. Buyurtmachi Markazning eʼtirozlar yoʻqligi haqidagi xatini olgandan soʻng bir oy muddat ichida shartnoma, import kontrakti va/yoki qoʻshimcha kelishuvni oʻrnatilgan tartibda tomonlar imzosi qoʻyilgan va rasmiylashtirilgan holda asl nusxasini va ularning avval Markazda ekspertizadan oʻtkazilgan loyihalari nusxalarini kuzatuv xati bilan Markazga kiritadi (bir vaqtning oʻzida Markazning elektron axborot platformasiga joylaydi).
Hujjatlar taqdim etilgandan soʻng besh ish kuni ichida shartnoma, import kontrakti va/yoki qoʻshimcha kelishuv Markaz tomonidan roʻyxatga olinadi va mazkur Nizomning 3-ilovasiga muvofiq shaklda xulosa hujjatlarning asl nusxalari bilan beriladi. Shartnoma, import kontrakti va/yoki qoʻshimcha kelishuv asl nusxasining har bir varagʻida Markazning shartnoma, import kontrakti va/yoki qoʻshimcha kelishuvlarni roʻyxatga olish boʻlinmasi shtampi qoʻyiladi.
Shartnoma, import kontrakti va/yoki qoʻshimcha kelishuvga identifikatsiya raqami beriladi.
Roʻyxatdan oʻtkazilgan shartnoma, import kontrakti va/yoki qoʻshimcha kelishuv hamda unga berilgan xulosa bir vaqtning oʻzida Markazning elektron axborot platformasi joylanadi.
Buyurtmachining mansabdor shaxslari imzolangan shartnoma, import kontrakti va/yoki qoʻshimcha kelishuv ularning avval Markazda ekspertizadan oʻtkazilgan loyihalariga aynan muvofiq boʻlishiga javobgar boʻladilar.
Markazning tegishli loyiha boʻyicha eʼtirozlar yoʻqligi haqidagi xati berilgandan soʻng bir oylik muddat ichida imzolangan shartnoma, import kontrakti va/yoki qoʻshimcha kelishuv Markazga kiritilmagan taqdirda, buyurtmachi shartnoma, import kontrakti va/yoki qoʻshimcha kelishuv boʻyicha xulosa olish huquqiga ega boʻlmaydi.
35. Markaz tomonidan shartnoma, import kontrakti va/yoki qoʻshimcha kelishuv yuzasidan berilgan xulosa shartnoma, import kontrakti va/yoki qoʻshimcha kelishuvning amal qilish muddati tugagunga qadar haqiqiy hisoblanadi.
6-bob. Shartnoma, import kontrakti va/yoki qoʻshimcha kelishuv loyihasini ekspertizadan oʻtkazish va roʻyxatga olishni rad etish
36. Quyidagilar shartnoma, import kontrakti va/yoki qoʻshimcha kelishuv loyihasini ekspertizadan oʻtkazish va roʻyxatga olishni rad etish uchun asos hisoblanadi:
agar import kontrakti loyihasi boʻyicha toʻlov imtiyozli soliq tartibini taqdim etadigan va/yoki moliyaviy operatsiyalarni oʻtkazishda axborot oshkor etilishi va berilishini nazarda tutmaydigan davlatlarda yoki hududlarda (offshor zonalarida) roʻyxatga olingan norezident foydasiga, shuningdek, offshor zonalarida joylashgan banklardagi norezidentlarning hisobraqamlariga oʻtkaziladigan boʻlsa;
buyurtmachi ekspertiza oʻtkazish va/yoki roʻyxatga olish uchun zarur hujjatlarni toʻliq hajmda taqdim etmaganligi;
buyurtmachi tomonidan taqdim etilgan hujjatlarda ishonarsiz yoki notoʻgʻri maʼlumotlar mavjudligi;
xarid tartib-taomillari jarayonining buzilishi;
shartnoma/import kontrakti/qoʻshimcha kelishuv loyihasini ekspertizadan oʻtkazish va roʻyxatga olishga ariza berilgan paytda aynan bir xil tovarlar (ishlar, xizmatlar) bozorida hosil boʻlgan konyunktura va oʻrtacha bozor narxi darajasiga nisbatan xarid qilinayotgan tovarlar (ishlar, xizmatlar) narxlarining oshirib yuborilganligi;
taqdim etilgan hujjatlarning mazkur Nizom talablari va shartlariga muvofiq emasligi.
Shartnoma, import kontrakti va/yoki ularga qoʻshimcha kelishuv Markazning eʼtirozlarini hisobga olmagan holda imzolangan va amalga oshirilgan taqdirda buyurtmachining mansabdor shaxslari ular yuzasidan qabul qilingan qarorlar uchun qonunchilik hujjatlarida belgilangan tartibda javobgar boʻladilar.
 LexUZ sharhi
Qarang: Oʻzbekiston Respublikasi Jinoyat kodeksining 175-moddasi.
37. Buyurtmachi shartnoma, import kontrakti va/yoki qoʻshimcha kelishuv loyihasini ekspertizadan oʻtkazish va roʻyxatga olishni rad qilgan taqdirda, toʻlangan summa qaytarib berilmaydi.
38. Rad etish toʻgʻrisidagi bildirishnoma buyurtmachiga rad etish sabablarini koʻrsatgan holda yozma (elektron) shaklda, shu jumladan Markazning elektron axborot platformasi orqali elektron koʻrinishda yuboriladi.
39. Buyurtmachi rad etishga asos boʻlgan sabablarni bartaraf etgandan soʻng shartnoma, import kontrakti va/yoki qoʻshimcha kelishuv loyihasini ekspertizadan oʻtkazish va roʻyxatga olish uchun takroran kiritadi.
40. Rad etishga asos boʻlgan sabablar buyurtmachi tomonidan bartaraf etilgan taqdirda, ekspertiza va roʻyxatga olish Markaz tomonidan shartnoma, import kontrakti va/yoki qoʻshimcha kelishuv loyihasi hamda rad etish sabablari bartaraf etilganligini tasdiqlovchi tegishli hujjatlar olingan kundan boshlab koʻpi bilan besh ish kuni mobaynida amalga oshiriladi.
41. Takroran taqdim etilgan hujjatlar Markazning eʼtirozli xulosasi olingan kundan boshlab olti oy ichida kiritilgan taqdirda, shartnoma, import kontrakti va/yoki qoʻshimcha kelishuv loyihasini takroran koʻrib chiqish uchun haq undirilmaydi.
Takroran taqdim etilgan hujjatlar Markazning eʼtirozli xulosasi olingan kundan boshlab olti oy muddat oʻtgandan soʻng kiritilgan taqdirda, shartnoma, import kontrakti va/yoki qoʻshimcha kelishuv loyihasini takroran koʻrib chiqish uchun yangi hujjat ekspertizasiga belgilangan miqdorda haq undiriladi.
7-bob. Xulosaning amal qilishini toʻxtatib turish, tugatish, tiklash, qayta rasmiylashtirish va bekor qilish
42. Buyurtmachi shartnoma, import kontrakti va/yoki qoʻshimcha kelishuv shartlarini, shuningdek, qonunchilik hujjatlarida belgilangan ruxsat beruvchi boshqa talablar va shartlarni bajarmagan hollarda Markaz tomonidan berilgan xulosaning amal qilishi toʻxtatib qoʻyilishi mumkin.
43. Xulosaning amal qilishini toʻxtatib qoʻyish toʻgʻrisidagi Markaz qarori buyurtmachiga yozma va (yoki) elektron shaklda xulosa amal qilishining toʻxtatilish sabablari koʻrsatilgan holda yetkaziladi.
44. Xulosa amal qilishining toʻxtatilishiga olib kelgan holatlar (sabablar) bartaraf etilganligi fakti buyurtmachi tomonidan tasdiqlangan taqdirda, mazkur holatlar (sabablar) bartaraf etilganligi toʻgʻrisidagi tasdiqnoma olingan kundan boshlab besh ish kuni mobaynida Markaz xulosaning amal qilishini tiklash toʻgʻrisida qaror qabul qiladi.
45. Xulosaning amal qilishi asossiz toʻxtatilgan hollarda Markaz buyurtmachi oldida unga yetkazilgan zararlar miqdorida javobgar boʻladi, xulosaning amal qilishi esa u Markaz qarori bilan toʻxtatilgan paytdan boshlab qayta tiklangan hisoblanadi.
46. Xulosaning amal qilishi quyidagi holatlarda tugatiladi:
qayta tashkil etilayotgan yuridik shaxslarda yangidan yuzaga kelgan yuridik shaxsni davlat roʻyxatidan oʻtkazish sanasida aynan bir xil harakatlar va/yoki faoliyatni amalga oshirishga ruxsatnoma xarakteridagi hujjat mavjud boʻlganida qayta tashkil etish, shuningdek, qoʻshilishni istisno qilganda qayta tashkil etish natijasida buyurtmachining faoliyati tugatilganda yoki toʻxtatilganda;
buyurtmachi tomonidan ruxsatnoma talablari va shartlari bir yil mobaynida muntazam (ikki va undan koʻproq) yoki bir marotaba qoʻpol ravishda buzilganida, agar bu qoidabuzarliklar fuqarolarning huquqlari va qonuniy manfaatlariga, hayoti va sogʻligiga, jamoat xavfsizligiga va atrof muhitga zarar yetkazilishiga olib kelgan boʻlsa;
xulosaning amal qilishi toʻxtatilishiga olib kelgan holatlar (sabablar) buyurtmachi tomonidan bartaraf etilmaganda.
47. Buyurtmachi qayta tashkil etilgan, nomi yoki joylashgan joyi (pochta manzili) oʻzgargan taqdirda, buyurtmachi yoki uning huquqiy vorisi qayta roʻyxatga olingandan keyin yetti kun ichida koʻrsatilgan maʼlumotlarni tasdiqlovchi hujjatlar ilova qilingan holda, xulosani qayta rasmiylashtirish toʻgʻrisidagi arizani Markazga topshirishi shart.
48. Xulosani qayta rasmiylashtirish va topshirish Markaz tomonidan tegishli hujjatlar ilova qilingan xulosani qayta rasmiylashtirish toʻgʻrisidagi ariza olingan kundan boshlab koʻpi bilan besh ish kuni mobaynida amalga oshiriladi.
49. Xulosani qayta rasmiylashtirish uchun toʻlov undirilmaydi.
50. Berilgan xulosa yoʻqotilgan yoki buzilgan hollarda buyurtmachining arizasiga koʻra uning dublikati beriladi.
Xulosaning asl nusxasi buzilgan taqdirda uning dublikatini berish toʻgʻrisidagi murojaat olingan kundan boshlab koʻpi bilan uch kun ichida Markaz xulosaning dublikatini beradi (yuboradi). Xulosa dublikati berilganligi uchun bazaviy hisoblash miqdorining 10 foizi miqdorida haq undiriladi.
51. Shartnomalar, import kontraktlari va/yoki qoʻshimcha kelishuvlar boʻyicha xulosa quyidagi hollarda bekor qilinadi:
Markaz tomonidan — buyurtmachining yozma ravishdagi talabi boʻyicha;
sud tomonidan — soxta hujjatlardan foydalangan holda xulosa olinganlik fakti aniqlangan taqdirda.
8-bob. Shartnomalar, import kontraktlari va/yoki qoʻshimcha kelishuvlar boʻyicha berilgan xulosalar reyestri
52. Markaz shartnomalar, import kontraktlari va/yoki qoʻshimcha kelishuvlar boʻyicha berilgan xulosalar reyestrini yuritadi.
53. Shartnomalar, import kontraktlari va/yoki qoʻshimcha kelishuvlar boʻyicha berilgan xulosalar reyestrida quyidagilar koʻrsatiladi:
buyurtmachining nomi, uning tashkiliy-huquqiy shakli;
shartnoma, import kontrakti va/yoki qoʻshimcha kelishuv boʻyicha berilgan xulosa sanasi va raqami;
xulosa berilayotgan shartnoma, import kontrakti va/yoki qoʻshimcha kelishuvning detallari, tovarning nomlanishi, shartnoma, import kontrakti va/yoki qoʻshimcha kelishuv loyihasining qiymati, mahsulot yetkazib beruvchining nomi va mamlakati;
shartnoma, import kontrakti va/yoki qoʻshimcha kelishuv boʻyicha xulosaning amal qilishi toʻxtatilganligiga asos va uning sanasi;
shartnoma, import kontrakti va/yoki qoʻshimcha kelishuv boʻyicha xulosa bekor qilinganligiga asos va uning sanasi;
shartnoma, import kontrakti va/yoki qoʻshimcha kelishuv boʻyicha xulosa dublikati berilishiga asos va uning sanasi.
9-bob. Yakunlovchi qoidalar
54. Davlat buyurtmachisi xulosa berishning rad etilishi, shuningdek, Markaz mansabdor shaxsining harakati (harakatsizligi) yuzasidan Markaz taʼsischisi — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligiga shikoyat qilishga haqli.
55. Shartnomalar, import kontraktlari va qoʻshimcha kelishuv loyihalarini ekspertizadan oʻtkazish sohasidagi nizolar, davlat buyurtmachisi va Markaz (shartnomalar, import kontraktlari va qoʻshimcha kelishuv loyihalarini kompleks ekspertizadan oʻtkazish yuzasidan xizmatlar koʻrsatish shartnomasi taraflari) oʻrtasidagi muzokaralar yoʻli bilan hal etiladi.
Nizolarni muzokaralar yoʻli bilan hal etishning iloji boʻlmasa, davlat buyurtmachisi yoki Markaz sudga murojaat qilishi mumkin.
56. Ushbu Nizom talablarini buzishda aybdor boʻlgan shaxslar qonunchilikka muvofiq javobgarlikka tortiladi.
Shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish va roʻyxatga olish tartibi toʻgʻrisidagi nizomga
1-ILOVA

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKga

20____ yil “____”_________________-son

ARIZA

Sizdan______________________________________ (tashkilotning toʻliq nomi, mamlakati) bilan _____________________________________ (tashkilotning toʻliq nomi, mamlakati) oʻrtasida _________________________________________________________ (tovar, ishlar, xizmatlar nomlanishi) yetkazib berish boʻyicha tuziladigan shartnoma/import kontrakti/qoʻshimcha kelishuv loyihasi boʻyicha xulosa berishingizni soʻraymiz.

Ushbu shartnoma/import kontrakti/qoʻshimcha kelishuv __________________(Oʻzbekiston Respublikasi Prezidenti va/yoki Hukumati qarori hamda uning tegishli bandi koʻrsatiladi) asosida toʻgʻridan-toʻgʻri tuzilmoqda.

Shartnoma/import kontrakti/qoʻshimcha kelishuv loyihasining umumiy qiymati __________________.

Shartnoma/import kontraktiga qoʻshimcha kelishuv loyihasi asosida kiritilayotgan oʻzgartirishlar _______________________________. (qoʻshimcha kelishuv kiritilayotgan holatlarda)

Shartnoma/import kontrakti/qoʻshimcha kelishuv loyihasi boʻyicha moliyalashtirish manbalari (quyidagilardan biri koʻrsatiladi):

oʻz mablagʻlari;

budjet mablagʻlari;

kreditlar (qarzlar);

boshqa manbalar (koʻrsatib oʻtiladi).

Shartnoma/import kontrakti/qoʻshimcha kelishuv loyihasini ekspertizadan oʻtkazganlik uchun toʻlovni amalga oshirishga kafolat beramiz.

Arizachining pochta manzili

(joylashgan joyi) ____________________________________________________;

Arizachining bank rekvizitlari _________________________________________ ____;

Arizachi bilan bogʻlanish uchun aloqa raqamlari __________________________;

Arizaga quyidagi hujjatlar ilova qilinadi (nizom talablariga muvofiq): __________

Arizachi

________________

F.I.Sh.

________________

M. Oʻ.

Shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish va roʻyxatga olish tartibi toʻgʻrisidagi nizomga
2-ILOVA
Shartnomalar, import kontraktlari va/yoki ularga qoʻshimcha kelishuvlar loyihalarini ekspertizadan oʻtkazish va roʻyxatga olish
SXEMASI

Bosqichlar

Ishtirokchilar

Chora-tadbirlar

Ijro muddatlari

1-bosqich

Buyurtmachi

Hujjatlar toʻplamini tayyorlash va Markazga yuborish.

Zaruratga koʻra

2-bosqich

Markaz

Taqdim etilgan hujjatlarning toʻliqligini oʻrganish hamda “Yangi soʻrovnoma” holatini “Toʻlov kutilmoqda” yoki “Koʻrib chiqilmoqda” yoxud “Rad etish” holatlariga oʻzgartirish.

5 (besh) ish kuni ichida

3-bosqich

Buyurtmachi

Koʻrsatiladigan ekspertiza xizmatlari uchun qonunchilikka muvofiq toʻlovni amalga oshirish.

5 (besh) ish kuni ichida

4-bosqich

Markaz

“Koʻrib chiqilmoqda” holatidagi soʻrovnomalar asosida shartnomalar, import kontraktlari va ularga qoʻshimcha kelishuvlar loyihalarini kompleks ekspertizadan oʻtkazish.

20 (yigirma) ish kuni ichida

AGAR EʼTIROZLAR BOʻLSA

Shartnomalar, import kontraktlari va ularga qoʻshimcha kelishuvlar loyihalarining kompleks ekspertizasi yakunlariga koʻra

AGAR EʼTIROZLAR BOʻLMASA

5-bosqich

Markaz

Shartnomalar, import kontraktlari va ularga qoʻshimcha kelishuvlar loyihalari boʻyicha eʼtirozlar yoʻqligi toʻgʻrisidagi xatni buyurtmachiga yuborish.

-

6-bosqich

Buyurtmachi

Shartnoma, import kontrakti va/yoki qoʻshimcha kelishuvni oʻrnatilgan tartibda tomonlar imzosi qoʻyilgan va rasmiylashtirilgan holda asl nusxasini va ularning avval Markazda ekspertizadan oʻtkazilgan loyihalari nusxalarini kuzatuv xati bilan Markazga kiritadi.

Markazning eʼtirozlar yoʻqligi haqidagi xatini olgandan soʻng bir oy muddat ichida

7-bosqich

Markaz

Shartnoma, import kontrakti va/yoki qoʻshimcha kelishuv Markaz tomonidan roʻyxatga olinadi va mazkur Nizomning 3-ilovasiga muvofiq shaklda xulosa hujjatlarning asl nusxalari bilan beriladi.

5 (besh) ish kuni ichida

8-bosqich

Markaz

Shartnomalar, import kontraktlari va ularga qoʻshimcha kelishuvlar loyihalari boʻyicha eʼtirozlar koʻrsatilgan xulosani buyurtmachiga qayta ishlash uchun yuborish.

-

9-bosqich

Buyurtmachi

Eʼtirozlarni hisobga olgan holda shartnomalar, import kontraktlari va ularga qoʻshimcha kelishuvlar loyihalarini qayta ishlab chiqish va uni takroran koʻrib chiqish uchun yuborish.

6 (olti) oy ichida*

10-bosqich

Markaz

1. Bildirilgan eʼtirozlar va kamchiliklarni bartaraf etilgani nuqtai nazaridan qayta koʻrib chiqish.

2. Eʼtirozlar va kamchiliklar bartaraf etilgan taqdirda shartnomalar, import kontraktlari va ularga qoʻshimcha kelishuvlar loyihalari boʻyicha eʼtirozlar yoʻqligi toʻgʻrisidagi xatni buyurtmachiga yuborish.

5 (besh) ish kuni ichida

11-bosqich

Buyurtmachi

Shartnoma, import kontrakti va/yoki qoʻshimcha kelishuvni oʻrnatilgan tartibda tomonlar imzosi qoʻyilgan va rasmiylashtirilgan holda asl nusxasini va ularning avval Markazda ekspertizadan oʻtkazilgan loyihalari nusxalarini kuzatuv xati bilan Markazga kiritadi.

Markazning eʼtirozlar yoʻqligi haqidagi xatini olgandan soʻng bir oy muddat ichida

12-bosqich

Markaz

Shartnoma, import kontrakti va/yoki qoʻshimcha kelishuv Markaz tomonidan roʻyxatga olinadi va mazkur Nizomning 3-ilovasiga muvofiq shaklda xulosa hujjatlarning asl nusxalari bilan beriladi.

5 (besh) ish kuni ichida

* Shartnomalar, import kontraktlari va ularga qoʻshimcha kelishuvlar loyihalari 6 (olti) oy muddat oʻtgandan keyin qayta kiritilganda, yangi hujjat hisoblanadi.
Shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish va roʻyxatga olish tartibi toʻgʻrisidagi nizomga
3-ILOVA

Shartnoma/import kontrakti/qoʻshimcha kelishuv loyihalarini ekspertizadan oʻtkazish

XULOSASI



Buyurtmachi/Zakazchik

Shartnoma mazmuni/Opisaniye kontrakta

Shartnoma raqami va sanasi/Nomer i data kontrakta

Shartnoma umumiy summasi/Obshaya summa kontrakta

Kontraktor va mamlakat/Kontraktor i strana

Moliyalashtirish manbai/Istochnik finansirovaniya

Imzolar/Podpisi

Oʻzbekiston Respublikasi Prezidentining 2022-yil 25-iyuldagi PQ-332-son qaroriga
4-ILOVA
Loyihalarning texnik-iqtisodiy asosi va texnik-iqtisodiy hisob-kitobini, davlat xaridiga doir tender boʻyicha xarid hujjatlari va texnik topshiriqlarni kompleks ekspertizadan oʻtkazish xizmati qiymatini aniqlash tartibi boʻyicha
YOʻRIQNOMA
Ushbu Yoʻriqnoma loyihalarning texnik-iqtisodiy asosi va texnik-iqtisodiy hisob-kitobini (keyingi oʻrinlarda — TIA/TIHK), davlat xaridiga doir tender boʻyicha xarid hujjatlari va texnik topshiriqlarni kompleks ekspertizadan oʻtkazish boʻyicha koʻrsatilgan xizmatlar qiymatini aniqlash tartibini belgilaydi.
I. Loyihalarning TIA/TIHKni kompleks ekspertizadan oʻtkazish boʻyicha koʻrsatilgan xizmatlarning qiymatini aniqlash tartibi
Loyihalarning TIA/TIHKni kompleks ekspertizadan oʻtkazish boʻyicha koʻrsatilgan xizmatlarning qiymatini aniqlashda loyihaning umumiy summasi asos sifatida olinadi.
1. Loyihalarning TIAni kompleks ekspertizadan oʻtkazish boʻyicha koʻrsatilgan xizmatlar qiymati loyiha umumiy summasining 0,03 foizi miqdorida, biroq ekvivalenti 4 ming AQSH dollaridan kam boʻlmagan va 50 ming AQSH dollaridan koʻp boʻlmagan miqdorda hisoblanadi. Bunda, qoʻshilgan qiymat soligʻi (keyingi oʻrinlarda — QQS) alohida qoʻshilgan holda undiriladi.
Loyihaning TIAni kompleks ekspertizadan oʻtkazish boʻyicha koʻrsatilgan xizmatlar qiymati quyidagi formula boʻyicha hisoblanadi:
S tia. eks=S uq*0,03%, bu yerda:
S tia. eks — loyihaning TIAni kompleks ekspertizadan oʻtkazish boʻyicha koʻrsatilgan xizmatlar qiymati;
S uq — Markazga ekspertizadan oʻtkazish uchun kiritilgan loyihaning TIAda koʻrsatilgan, barcha sarflarni (shu jumladan soliqlarni) hisobga olgan holda shakllantirilgan umumiy summasi.
2. Loyihalarning TIHKni kompleks ekspertizadan oʻtkazish boʻyicha koʻrsatilgan xizmatlar qiymati ushbu Yoʻriqnomaning 1-bandida koʻrsatilgan toʻlov summasining 50 foizi miqdorida hisoblanadi. Bunda:
koʻrsatilgan xizmatlar qiymati ekvivalentda 2 ming AQSH dollaridan kam va 25 ming AQSH dollaridan koʻp boʻlishi mumkin emas;
QQS alohida qoʻshilgan holda undiriladi.
Loyihaning TIHKni kompleks ekspertizadan oʻtkazish boʻyicha koʻrsatilgan xizmatlar qiymati quyidagi formula boʻyicha hisoblanadi:
S tihk. eks=S uq*Ktihk* 0,03%, bu yerda:
S tihk.eks — loyihaning TIHKni kompleks ekspertizadan oʻtkazish boʻyicha koʻrsatilgan xizmatlar qiymati;
S uq — Markazga ekspertizadan oʻtkazish uchun kiritilgan loyihaning TIHKda koʻrsatilgan, barcha sarflarni (shu jumladan soliqlarni) hisobga olgan holda shakllantirilgan umumiy summasi;
Ktihk — TIHK tarkibini hisobga oluvchi kamaytiruvchi koeffitsiyent (Ktihk = 0,5).
3. Koʻrsatilgan xizmatlar qiymatini milliy valyutada aniqlash maqsadida shartnoma boʻyicha xizmatlar uchun toʻlov varaqasi taqdim etilgan sanadagi chet el valyutasining Oʻzbekiston Respublikasi Markaziy banki tomonidan milliy valyutaga nisbatan belgilangan kurs qoʻllaniladi.
II. Loyihalarning loyihaoldi hujjatlarini kompleks ekspertizadan oʻtkazish boʻyicha koʻrsatilgan xizmatlarning qiymatini aniqlashga doir misollar
4. Loyihalarning TIAni kompleks ekspertizadan oʻtkazish boʻyicha koʻrsatilgan xizmatlar qiymatini aniqlash.
Loyiha: “Surxondaryo viloyati Toʻpalang daryosida Zarchob 3-KGESni qurish”.
Loyihaoldi hujjati: loyihaning texnik-iqtisodiy asosi (TIA).
1-holat. Loyihaning umumiy summasi barcha sarflarni (shu jumladan soliqlarni) hisobga olgan holda ekvivalentda 30 760,0 ming AQSH dollarini tashkil etadi.
Loyihaning TIAni kompleks ekspertizadan oʻtkazish boʻyicha koʻrsatilgan xizmatlar qiymati hisob-kitobi:
S tia eks= ekv. 30 760,0 ming AQSH dollari*0,03% = 9,228 ming AQSH dollari (QQS hisobga olinmagan holda).
Bunda, koʻrsatilgan xizmatlar qiymati QQSni (15% stavkada) hisobga olgan holda ekvivalentda 10,612 ming AQSH dollarini tashkil etadi.
2-holat. Loyihaning umumiy qiymati barcha sarflarni (shu jumladan soliqlarni) hisobga olgan holda ekvivalentda 170 000,0 ming AQSH dollarini tashkil etadi.
Loyihaning TIAni kompleks ekspertizadan oʻtkazish boʻyicha koʻrsatilgan xizmatlar qiymati hisob-kitobi:
S tia. eks= ekv. 170 000,0 ming AQSH dollari*0,03% = 51,0 ming AQSH dollari (QQS hisobga olinmagan holda).
Koʻrsatilgan xizmatlarning hisoblangan qiymati ekvivalentda 51,0 ming AQSH dollarini tashkil etganligi uchun (50,0 ming AQSH dollaridan koʻp boʻlgani uchun), ushbu qiymat QQSni hisobga olmagan holda ekvivalentda 50 ming AQSH dollarigacha kamaytiriladi. Bunda, koʻrsatilgan xizmatlar qiymati QQSni (15 % stavkada) hisobga olgan holda ekvivalentda 57,5 ming AQSH dollarini tashkil etadi.
5. Loyihaning TIHKni kompleks ekspertizadan oʻtkazish boʻyicha koʻrsatilgan xizmatlar qiymatini aniqlash.
Loyiha: “Surxondaryo viloyati teleradiokompaniyasini zamonaviy studiya kompleksi va koʻchma televizion stansiya bilan jihozlash”.
Loyihaoldi hujjati: loyihaning texnik-iqtisodiy hisob-kitobi (TIHK).
1-holat. Loyihaning umumiy summasi barcha sarflarni (shu jumladan soliqlarni) hisobga olgan holda ekvivalentda 20 000,0 ming AQSH dollarini tashkil etadi.
Loyihaning TIHKni kompleks ekspertizadan oʻtkazish boʻyicha koʻrsatilgan xizmatlar qiymati hisob-kitobi:
S tihk. eks= ekv. 20 000,0 ming AQSH dollari*0,5*0,03% = 3,0 ming AQSH dollari (QQS hisobga olinmagan holda).
Bunda koʻrsatilgan xizmatlar qiymati QQSni (15% stavkada) hisobga olgan holda ekvivalentda 3,45 ming AQSH dollarini tashkil etadi.
2-holat. Loyihaning umumiy summasi barcha sarflarni (shu jumladan soliqlarni) hisobga olgan holda ekvivalentda 200 000,0 ming AQSH dollarini tashkil etadi.
Loyihaning TIHKni kompleks ekspertizadan oʻtkazish boʻyicha koʻrsatilgan xizmatlar qiymati hisob-kitobi:
S tihk. eks= ekv. 200 000,0 ming AQSH dollari*0,5*0,03% = 30,0 ming AQSH dollari (QQS hisobga olinmagan holda).
Koʻrsatilgan xizmatlarning hisoblangan qiymati ekvivalentda 30,0 ming AQSH dollarini tashkil etganligi uchun (25,0 ming AQSH dollaridan koʻp boʻlgani uchun), ushbu qiymat QQSni hisobga olmagan holda ekvivalentda 25 ming AQSH dollarigacha kamaytiriladi. Bunda QQSni hisobga olgan holda koʻrsatilgan xizmatlar qiymati (15 % stavkada) ekvivalentda 28,75 ming AQSH dollarini tashkil etadi.
III. Tovarlarning (ishlarning, xizmatlarning) davlat xaridiga doir tender boʻyicha xarid hujjatlari, texnik topshiriqlar, kontraktlar, import kontraktlari va ularga qoʻshimcha kelishuvlar loyihalarini kompleks ekspertizadan oʻtkazish xizmatining qiymatini aniqlash tartibi
6. Davlat xaridiga doir tender boʻyicha xarid hujjatlarini (keyingi oʻrinlarda — tender hujjatlari), texnik topshiriqlarni va kontraktlarni, import kontraktlarini va ularga qoʻshimcha kelishuvlar loyihalarini (kontrakt va import kontraktlari qiymati oshirilganda) kompleks ekspertizadan oʻtkazish uchun toʻlovlar (tender hujjatlari va texnik topshiriqlar boʻyicha — har bir lotning boshlangʻich narxidan, qoʻshimcha kelishuvlar boʻyicha — qoʻshimcha kelishuv summasidan kelib chiqqan holda) xarid predmeti narxining QQSni inobatga olmagan holda 0,1 foizi miqdorida, biroq bazaviy hisoblash miqdorining 100 baravaridan ortiq boʻlmagan miqdorda hisoblanib, ushbu miqdorga QQS alohida qoʻshilgan holda undiriladi.
7. Tovarlarning (ishlarning, xizmatlarning) davlat xaridi uchun tender hujjatlari va texnik topshiriqlarni kompleks ekspertizadan oʻtkazish boʻyicha xizmatlar qiymati quyidagi formula boʻyicha aniqlanadi:
S tender tt eks.= S xr*0,1 %*QQS stavkasi
bunda:
S tender tt eks. — tender hujjatlari va texnik topshiriqlarni kompleks ekspertizadan oʻtkazish boʻyicha xizmatlarning qiymati (QQS bilan);
S xr — xaridning QQS hisobga olinmagan qiymati.
IV. Tovarlarning (ishlarning, xizmatlarning) davlat xaridiga doir tender hujjatlari yoki texnik topshiriqlarni kompleks ekspertizadan oʻtkazish xizmatining qiymatini aniqlashga doir misollar
8. Davlat buyurtmachisi tomonidan “Mebel va kompyuter texnikasini xarid qilish” tenderi boʻyicha xarid qilinishi rejalashtirilgan tovarlarning boshlangʻich narxi (QQS bilan) jami 92 000,0 mln soʻmni, bunda xaridning 1-lot “Mebel xarid qilish” qiymati 23 000,0 mln soʻmni va 2-lot “Kompyuter texnikasini xarid qilish” qiymati 69 000,0 mln soʻmni tashkil etadi. Bunday holatda xarid qilish tartib-taomili shartlariga koʻra gʻolib har bir tovar uchun alohida-alohida aniqlanadi va tender hujjatlarini (yoki texnik topshiriqlarni) kompleks ekspertizadan oʻtkazish xizmatining qiymati quyidagicha aniqlanadi:
a) “Mebel va kompyuter texnikasini xarid qilish” tenderi boʻyicha xarid hujjatlariga muvofiq 1-lot “Mebel xarid qilish” qiymati QQSni hisobga olgan holda 23 000,0 mln soʻmni tashkil etadi.
S xr = 23 000,0 mln soʻm / 1,15 = 20 000,0 mln soʻm;
S eks. tender, tt = 20 000,0 mln soʻm *0,1 % = 20,0 mln soʻm (QQS hisobga olinmagan holda).
Bunda xizmatlarning QQS (15% stavkada) hisobga olingan qiymati 23,0 mln soʻmni tashkil etadi.
b) “Mebel va kompyuter texnikasini xarid qilish” tenderi boʻyicha xarid hujjatlariga muvofiq 2-lot “Kompyuter texnikasini xarid qilish” qiymati QQSni hisobga olgan holda 69 000,0 mln soʻmni tashkil etadi.
Sxr = 69 000,0 mln soʻm / 1,15 = 60 000,0 mln soʻm;
S tender tt eks. =60 000,0 mln soʻm *0,1 % = 60,0 mln soʻm (QQS hisobga olinmagan holda).
Bunda koʻrsatilgan xizmatlarning hisoblangan qiymati 60,0 mln soʻmni tashkil etgani uchun (bazaviy hisoblash miqdoring 100 baravaridan koʻp boʻlgan uchun), ushbu qiymat QQSni hisobga olmagan holda, bazaviy hisoblash miqdorining 100 baravari miqdorigacha, yaʼni 30,0 mln soʻmgacha kamaytiriladi.
Bunda koʻrsatilgan xizmatlar qiymati QQSni (15 % stavkada) hisobga olgan holda 34,5 mln soʻm miqdorida undiriladi.
Oʻzbekiston Respublikasi Prezidentining 2022-yil 25-iyuldagi PQ-332-son qaroriga
5-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Oʻzbekiston Respublikasi Prezidentining 2018-yil 20-fevraldagi “Loyihaoldi, loyiha, tender hujjatlari va kontraktlarni ekspertizadan oʻtkazish tartibini takomillashtirish chora-tadbirlari toʻgʻrisida”gi PQ-3550-son qarori.
2. Oʻzbekiston Respublikasi Prezidentining 2018-yil 20-iyundagi “Investitsiya va infratuzilma loyihalarini jadal amalga oshirish boʻyicha qoʻshimcha chora-tadbirlar toʻgʻrisida”gi PQ-3794-son qarorining 2-bandi va qarorga ilovaning 2-bandi.
3. Oʻzbekiston Respublikasi Prezidentining 2018-yil 19-iyuldagi “2018-2019-yillarda investitsiyaviy va infratuzilmaviy loyihalarni amalga oshirishni jadallashtirishga oid qoʻshimcha chora-tadbirlar toʻgʻrisida”gi PQ-3874-son qarorining 12-bandi va qarorga 9-ilova.
4. Oʻzbekiston Respublikasi Prezidentining 2019-yil 22-oktabrdagi “Davlat tomonidan tovarlar (ishlar, xizmatlar) xarid qilish uchun tender hujjatlarini va texnik vazifalarni kompleks ekspertizadan oʻtkazish tartibi toʻgʻrisidagi nizomga qoʻshimcha kiritish toʻgʻrisida”gi PQ-4493-son qarori.
5. Oʻzbekiston Respublikasi Prezidentining 2020-yil 15-apreldagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PQ-4678-son qaroriga ilovaning 2-bandi.

(Qonunchilik maʼlumotlari milliy bazasi, 26.07.2022-y., 07/22/332/0677-son; 19.12.2023-y., 07/23/397/0948-son; 03.05.2024-y., 06/24/71/0322-son; 22.04.2025-y., 07/25/147/0367-son; 27.12.2025-y., 06/25/259/1224-son; 13.02.2026-y., 07/25/59/0135-son)