|
Hujjat 10.06.2022 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentini tasdiqlash haqida
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-son hamda “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida” 2022-yil 17-martdagi PF-89-son farmonlariga muvofiq Vazirlar Mahkamasi qaror qiladi:
1. Quyidagilarni nazarda tutuvchi Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamenti 1-ilovaga muvofiq tasdiqlansin:
patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha hujjatlarni qabul qilish;
patent vakilligiga nomzodni yoki patent vakilini malaka imtihonidan oʻtkazish, ularni attestatsiyadan oʻtkazish yoki attestatsiyadan oʻtkazishni rad etish toʻgʻrisidagi qarorlarni qabul qilish tartibi;
patent vakillarini Patent vakillari davlat reyestrida roʻyxatdan oʻtkazish, patent vakillari toʻgʻrisida maʼlumotlarni vakolatli organning rasmiy axborotnomasi va veb-saytida eʼlon qilish.
Keyingi tahrirga qarang.
2. Oʻzbekiston Respublikasi Adliya vazirligi Axborot texnologiyalari va kommunikatsiyalarni rivojlantirish vazirligi bilan birgalikda 2022-yil 1-oktabrga qadar:
mazkur qaror bilan tasdiqlangan maʼmuriy reglamentga muvofiq davlat xizmatlarini koʻrsatish Oʻzbekiston Respublikasi Yagona interaktiv davlat xizmatlari portali orqali joriy etilishini taʼminlasin;
Oʻzbekiston Respublikasi Yagona interaktiv davlat xizmatlari portalida davlat xizmati koʻrsatilishining har bir bosqichida murojaatlarni koʻrib chiqilishini kuzatib borish tartibini joriy etsin.
3. Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirishlar kiritilsin.
4. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 9-iyun,
324-son
Vazirlar Mahkamasining 2022-yil 9-iyundagi 324-son qaroriga
1-ILOVA
1-ILOVA
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Mazkur Reglament patent vakilligiga nomzodlarni (keyingi oʻrinlarda — nomzod) attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlarini (keyingi oʻrinlarda — davlat xizmatlari) koʻrsatish tartibini belgilaydi.
2. Davlat xizmatlari Oʻzbekiston Respublikasi Adliya vazirligi (keyingi oʻrinlarda — Vazirlik) tomonidan koʻrsatiladi.
3. Davlat xizmatidan foydalanish uchun Vazirlikka murojaat etish va davlat xizmatini koʻrsatish ushbu Reglament talablari asosida Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali amalga oshiriladi.
4. Vazirlik va YIDXP oʻrtasida axborot almashinuvi elektron hukumatning idoralararo maʼlumotlar uzatish tarmogʻi orqali real vaqt rejimida amalga oshiriladi.
5. Patent vakilligiga nomzodning attestatsiyasi patent vakili sifatida faoliyatni amalga oshirish istagini bildirgan jismoniy shaxsning patent vakiliga qoʻyiladigan malaka talablariga muvofiqligini aniqlash maqsadida oʻtkaziladi.
6. Patent vakili attestatsiyasi patent vakillarining kasbiy malaka darajasini xolisona baholash maqsadida oʻtkaziladi.
Patent vakillari attestatsiyasi har besh yilda kamida bir marta oʻtkaziladi.
7. Patent vakiliga patent vakili sifatida roʻyxatdan oʻtganlik toʻgʻrisida guvohnoma (keyingi oʻrinlarda ‒ guvohnoma) beriladi.
8. Nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlarini koʻrsatish mazkur Reglamentning 1-ilovasidagi sxemaga muvofiq amalga oshiriladi.
2-bob. Hujjatlarni qabul qilish
9. Nomzod uni patent vakili sifatida attestatsiyadan oʻtkazish toʻgʻrisida Vazirlikka YIDXPda mazkur Reglamentning 2-ilovasiga muvofiq shakldagi arizani toʻldirish orqali murojaat qiladi va oʻz xohishiga koʻra arizasiga malakasini tavsiflovchi boshqa hujjatlarni ilova qiladi.
Nomzodning oliy maʼlumoti toʻgʻrisidagi diplom maʼlumotlari “Elektron hukumat” tizimi idoralararo integratsiyalashuv platformasida mavjud boʻlmaganda ushbu diplom nusxasi ilova qilinadi.
10. Patent vakili uni attestatsiyadan oʻtkazish toʻgʻrisida Vazirlikka YIDXPda mazkur Reglamentning 3-ilovasiga muvofiq shakldagi arizani toʻldirish orqali murojaat qiladi.
Bunda, patent vakili guvohnomaning amal qilish muddati tugashidan kamida ikki oy oldin murojaat etishi kerak.
11. Ariza shakli toʻldirilganidan soʻng nomzod yoki patent vakili maʼlumotlarning toʻgʻriligini tekshirib, arizani tasdiqlaydi.
12. Davlat xizmatini koʻrsatish uchun YIDXP orqali ariza shakllantirilgan sanadan boshlab uch oy davomida mazkur Reglamentning 4-ilovasida belgilangan miqdordagi toʻlovlar amalga oshiriladi va toʻlov amalga oshirilganligi Yagona billing tizimi orqali tasdiqlanadi.
Bunda, davlat xizmatini koʻrsatish boʻyicha YIDXP orqali murojaat etilganligi uchun belgilangan toʻlov summasining 90 foizi undiriladi.
13. Toʻlovlar summasi quyidagi tartibda taqsimlanadi:
10 foizi — Vazirlikning Davlat xizmatlarini rivojlantirish jamgʻarmasining shaxsiy hisobvaragʻiga;
11,25 foizi — YIDXPdan foydalanganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
0,5 foizi — toʻlovlarni tasdiqlash Yagona billing tizimi orqali amalga oshirilganligi uchun Axborot-kommunikatsiya texnologiyalarini rivojlantirish jamgʻarmasining Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar — Vazirlikning Intellektual mulkni rivojlantirish jamgʻarmasining shaxsiy hisobvaragʻiga oʻtkaziladi.
14. Hujjatlar qabul qilinganligi toʻgʻrisida nomzod yoki patent vakiliga avtomatik ravishda maʼlum qilinadi.
15. Nomzod yoki patent vakilini attestatsiyasi malaka imtihoni oʻtkazish yoʻli bilan amalga oshiriladi.
Malaka imtihoni jarayoni ovozli videotasvirga tushiriladi, shuningdek Vazirlikning rasmiy veb-saytida real vaqt rejimida translatsiya qilinadi.
Nomzod va patent vakilini attestatsiyadan oʻtkazish uchun Vazirlik tomonidan malaka komissiyasi tuziladi.
16. Nomzod yoki patent vakilini malaka imtihoniga qoʻyish yoki malaka imtihoniga qoʻyishni rad etish haqida qaror malaka komissiyasi raisi tomonidan qabul qilinadi.
Ariza va unga ilova qilingan hujjatlar qabul qilingan sanadan boshlab, besh ish kuni mobaynida nomzod yoki patent vakiliga malaka imtihoniga qoʻyilganligi yoki malaka imtihoniga qoʻyish rad etilganligi haqida bildirishnoma yuboriladi.
17. Quyidagi holatlarda nomzod yoki patent vakilini malaka imtihoniga qoʻyish rad etiladi:
Oʻzbekiston Respublikasi hududida doimiy yashaydigan Oʻzbekiston Respublikasi fuqarosi hisoblanmaganda;
Vazirlik va uning tizimidagi tashkilotlar xodimi boʻlganda;
arizaga notoʻgʻri yoki buzib koʻrsatilgan maʼlumotlar kiritilganda;
attestatsiyadan oʻtkazish rad etilgan, shu jumladan imtihondan chetlashtirilgan nomzod yoki patent vakili imtihon oʻtkazilgan kundan boshlab olti oy oʻtmasdan murojaat qilganda;
mazkur Reglamentning 9 — 12-bandlarida belgilangan talablarga rioya etilmaganda.
Vazirlik tomonidan ariza va unga ilova qilinadigan hujjatda notoʻgʻri yoki buzib koʻrsatilgan maʼlumotlar mavjudligi aniqlanganda nomzod yoki patent vakiliga oʻn ish kuni ichida xatolarni bartaraf etish va yetishmayotgan hujjatlarni taqdim etish toʻgʻrisida soʻrovnoma yuboriladi.
Nomzod yoki patent vakilini boshqa asoslar boʻyicha malaka imtihoniga qoʻyish rad etilishiga yoʻl qoʻyilmaydi.
18. Malaka imtihoniga qoʻyish rad etilganda nomzod yoki patent vakili attestatsiyadan oʻtmagan deb hisoblanadi. Bunda davlat xizmatidan foydalanish uchun toʻlangan toʻlov qaytariladi.
3-bob. Nomzod yoki patent vakilini attestatsiyadan oʻtkazish
19. Malaka imtihoni nomzod yoki patent vakilini imtihonga qoʻyilgani haqida bildirishnoma yoʻllangan sanadan eʼtiboran ikki oydan oshmagan muddatda oʻtkaziladi.
20. Nomzod yoki patent vakiliga malaka imtihoni oʻtish joyi, sanasi va vaqti haqida imtihon oʻtadigan sanadan oʻn kalendar kunidan kam boʻlmagan muddatda xabar beriladi.
21. Nomzod yoki patent vakili imtihon topshirishda pasport yoki shaxsini tasdiqlovchi boshqa hujjatni taqdim etadi.
22. Nomzod yoki patent vakili malaka imtihoni davomida intellektual mulk obyektlariga huquqlarni himoya va muhofaza qilish boʻyicha faoliyatni amalga oshirish uchun Vazirlik tomonidan tasdiqlangan dasturga mos ravishda Oʻzbekiston Respublikasi qonunchiligi, Oʻzbekiston Respublikasining xalqaro shartnomalari sohasida zarur bilimlarga ega ekanligi aniqlanadi.
23. Malaka imtihoni savollari quyidagi yoʻnalishlar boʻyicha tuziladi:
intellektual mulk huquqiga oid umumiy qoidalar;
sanoat mulkiga oid Oʻzbekiston Respublikasi qonunchiligi;
sanoat mulki sohasidagi Oʻzbekiston Respublikasining xalqaro shartnomalari.
Malaka komissiyasi tomonidan tasdiqlangan savollar Vazirlikning rasmiy veb-saytiga joylashtiriladi, shuningdek Oʻzbekiston Respublikasi qonunchiligiga kiritiladigan oʻzgartirish va qoʻshimchalarni inobatga olgan holda davriy ravishda qayta koʻrib chiqiladi.
24. Malaka imtihoni savollarini shakllantirishda sanoat mulkiga oid Oʻzbekiston Respublikasi qonunchiligi hamda sanoat mulki sohasidagi Oʻzbekiston Respublikasining xalqaro shartnomalari yoʻnalishlaridagi savollar nomzod arizasida kelgusidagi faoliyati uchun koʻrsatilgan ixtisoslikka yoki patent vakilining ixtisosligiga mos boʻlishi lozim.
Agar ayrim ixtisosliklarga bevosita taalluqli Oʻzbekiston Respublikasining xalqaro shartnomalari mavjud boʻlmasa, tegishli savollar Sanoat mulkini muhofaza qilish boʻyicha Parij konvensiyasiga (1883 y.) mos boʻlishi kerak.
Ikki va undan ortiq ixtisoslik boʻyicha suhbatdan oʻtadigan nomzod yoki patent vakiliga har bir qoʻshimcha ixtisoslik boʻyicha yana 1 tadan qoʻshimcha savol beriladi.
25. Patent vakillarining ixtisosligi quyidagi intellektual mulk obyektlari boʻyicha belgilanadi:
tovar belgilari, xizmat koʻrsatish belgilari, tovar kelib chiqqan joy nomlari va geografik koʻrsatkichlar;
ixtiro va foydali modellar;
sanoat namunalari;
seleksiya yutuqlari;
integral mikrosxemalar topologiyalari.
26. Malaka imtihoni suhbat shaklida oʻtkaziladi va natijasi shu vaqtning oʻzida maʼlum qilinadi.
27. Nomzod yoki patent vakiliga savollarga javob berishga tayyorgarlik koʻrishlari uchun 30 daqiqa vaqt ajratiladi.
Nomzod yoki patent vakiliga ikki va undan ortiq ixtisoslik boʻyicha savollarga javob berishga tayyorgarlik koʻrishlari uchun har bir qoʻshimcha ixtisoslik boʻyicha savol uchun 10 daqiqa vaqt ajratiladi.
28. Malaka imtihonini oʻtkazish jarayonida nomzod yoki patent vakiliga quyidagilar taqiqlanadi:
aloqa va telekommunikatsiya vositalari (telefon, kompyuter, planshet va boshqalar), kitob hamda shpargalkalarni olib kirish yoki foydalanish;
boshqa nomzod yoki patent vakillari bilan suhbatlashish;
imtihon tugamasdan malaka komissiyasi aʼzolarining ruxsatisiz va nazoratisiz xonadan tashqariga chiqish.
Nomzod yoki patent vakilining mazkur qoidalarga amal qilmasligi uni imtihondan chetlashtirish uchun asos boʻladi. Ushbu holatda tegishli dalolatnoma rasmiylashtiriladi va malaka komissiyasi aʼzolarining kamida uch nafari tomonidan imzolanadi.
Malaka imtihonida qatnashishdan chetlashtirilgan nomzod yoki patent vakili attestatsiyadan oʻtmagan deb topiladi.
29. Tayyorgarlik koʻrish uchun berilgan vaqt tugagandan soʻng nomzod yoki patent vakili oʻziga berilgan savollar boʻyicha malaka komissiyasiga javob beradi.
Malaka komissiyasi aʼzolari ayrim javoblarni aniqlashtirish maqsadida qoʻshimcha savollar berishi mumkin.
Nomzod yoki patent vakili savollarga javob berib boʻlganidan soʻng, unga xonadan chiqishiga ruxsat beriladi.
30. Malaka komissiyasi suhbat natijasiga koʻra nomzod yoki patent vakilini attestatsiyadan oʻtkazish yoki attestatsiyadan oʻtkazishni rad etish toʻgʻrisida qaror qabul qiladi.
Nomzod yoki patent vakili ikki va undan ortiq ixtisoslik boʻyicha imtihon topshirgan taqdirda barcha ixtisosliklarning umumiy suhbat natijasi yuzasidan yagona qaror qabul qilinadi.
31. Malaka komissiyasi qarorida quyidagilar koʻrsatiladi:
raqami va qabul qilingan sanasi;
ishtirok etgan komissiya aʼzolari roʻyxati;
attestatsiyadan oʻtkazilgan yoki attestatsiyadan oʻtkazish rad etilgan nomzodlar yoki patent vakillarining roʻyxati;
malaka komissiya qarori ustidan shikoyat qilish huquqining mavjudligi.
Qaror malaka imtihoni oʻtkazilgan kunning oʻzida imtihonda ishtirok etgan nomzod yoki patent vakillariga oʻqib eshittiriladi.
Malaka komissiyasi qarori ikki nusxada tuziladi. Qarorning bir nusxasi malaka imtihoni oʻtkazish jarayoni tushirilgan ovozli videotasvir saqlash qurilmalari bilan birga attestatsiyadan oʻtkazishga oid hujjatlar yigʻma jildiga tikiladi, ikkinchi nusxasi esa bir ish kuni ichida nomzod yoki patent vakiliga yuboriladi.
Malaka imtihoni oʻtkazish jarayoni qayd etilgan ovozli videotasvir Vazirlik tomonidan bir yil mobaynida saqlanadi.
32. Mazkur Reglament talablariga muvofiq attestatsiyadan oʻtkazish rad etilgan, shu jumladan imtihondan chetlashtirilgan nomzod yoki patent vakili malaka imtihoni oʻtkazilgan sanadan olti oy oʻtgandan soʻng malaka imtihonida qayta ishtirok etishiga yoʻl qoʻyiladi.
33. Nomzod yoki patent vakillari tomonidan malaka komissiyasi qarori ustidan apellatsiya komissiyasiga shikoyat etish Vazirlar Mahkamasining 2003-yil 1-iyuldagi 298-son qarori bilan tasdiqlangan Patent vakillari toʻgʻrisidagi nizomda belgilangan tartibda amalga oshiriladi.
34. Attestatsiyadan oʻtkazilgan nomzod yoki patent vakili haqidagi maʼlumotlar Vazirlik tomonidan bir ish kuni ichida Patent vakillari davlat reyestriga (keyingi oʻrinlarda — reyestr) kiritiladi hamda ularga mazkur Reglamentning 5-ilovasiga muvofiq shaklda QR-kod qoʻyilgan guvohnoma yuboriladi.
Guvohnomaning amal qilish muddati — besh yil.
35. Muayyan ixtisoslik boʻyicha attestatsiyadan oʻtgan patent vakili guvohnomaning amal qilish davrida qoʻshimcha ixtisoslik olish uchun Vazirlikka ariza bilan murojaat qilishi mumkin.
Bunda patent vakilini qoʻshimcha attestatsiyadan oʻtkazish ushbu Reglamentda belgilangan tartibda amalga oshiriladi hamda mazkur Reglamentning 6-bandi ikkinchi xatboshisida nazarda tutilgan patent vakillarini attestatsiyadan oʻtkazish muddatini hisoblash yangidan boshlanadi va patent vakiliga yangi guvohnoma beriladi.
4-bob. Patent vakilini roʻyxatdan oʻtkazish
36. Reyestrdagi qayd quyidagi maʼlumotlarni oʻz ichiga oladi:
roʻyxat raqami (ushbu raqam guvohnomaga ham qoʻyiladi);
patent vakilining familiyasi, ismi, otasining ismi;
patent vakilining doimiy turar joyi;
malaka komissiyasi qarori raqami va sanasi;
patent vakilining faoliyat ixtisosligi;
patent vakilining yollanish boʻyicha ishi toʻgʻrisida maʼlumotlar;
yozishmalar uchun manzil (Oʻzbekiston Respublikasi hududida), shuningdek telefon raqami hamda elektron pochta manzili;
patent vakili roʻyxatdan oʻtkazilgan sana;
guvohnoma berilgan yoki joʻnatilgani toʻgʻrisida maʼlumotlar;
berilgan guvohnomaning amal qilish muddati toʻgʻrisida maʼlumotlar;
patent vakilining attestatsiyadan oʻtgan sanasi;
patent vakilining reyestrdan oʻchirilgan sanasi.
Reyestrga boshqa maʼlumotlar ham kiritilishi mumkin.
Patent vakilining murojaatiga koʻra reyestrdagi maʼlumotlarga tegishli oʻzgartirishlar kiritiladi. Bunda toʻlov undirilmaydi.
37. Patent vakili guvohnomaning amal qilish muddati tugaguniga qadar qayta attestatsiyadan oʻtmagan taqdirda belgilangan tartibda sudning qarori asosida reyestrdan oʻchiriladi.
38. Patent vakili sifatida roʻyxatdan oʻtmagan yoxud reyestrdan oʻchirilgan shaxsning oʻz faoliyatida patent vakili maqomidan foydalanishi mumkin emas.
5-bob. Patent vakillari toʻgʻrisida maʼlumotlarni eʼlon qilish
39. Patent vakilining roʻyxatdan oʻtkazilgani toʻgʻrisidagi maʼlumotlar u reyestrda roʻyxatdan oʻtkazilgandan soʻng avtomatik tarzda Vazirlikning rasmiy axborotnomasi va veb-saytida eʼlon qilinadi.
40. Vazirlikning rasmiy axborotnomasi va veb-saytida patent vakili toʻgʻrisida quyidagi maʼlumotlar eʼlon qilinadi:
familiyasi, ismi, otasining ismi;
guvohnoma roʻyxat raqami;
koʻrsatadigan faoliyat ixtisosligi;
ish joyi va lavozimi yoki boshqa yollanish boʻyicha ishi toʻgʻrisida maʼlumotlar;
yozishmalar uchun manzil (Oʻzbekiston Respublikasi hududida), shuningdek telefon raqami hamda elektron pochta manzili.
41. Vazirlik rasmiy axborotnomasi va veb-saytida, shuningdek patent vakillarini roʻyxatdan oʻtkazishga doir oʻzgarishlar toʻgʻrisidagi maʼlumotlarni, shu jumladan patent vakillari faoliyatida aniqlangan kamchiliklarni tuzatishga qaratilgan chora-tadbirlar, patent vakili reyestrdan oʻchirilganligi haqida va boshqa maʼlumotlarni eʼlon qiladi.
6-bob. Yakuniy qoidalar
42. Davlat xizmatini koʻrsatish bilan bogʻliq boʻlgan barcha yozishmalar (soʻrovnoma, bildirishnoma va xabarnomalar), shuningdek attestatsiyadan va roʻyxatdan oʻtkazilganlik toʻgʻrisidagi hujjatlar elektron shaklda YIDXP orqali yuboriladi.
43. Nomzod yoki patent vakilining xohishiga koʻra YIDXP tomonidan davlat xizmatlaridan foydalanishning har bir bosqichi toʻgʻrisida SMS-xabarnoma yuboriladi.
44. Nomzod yoki patent vakili davlat xizmatlaridan foydalanishdan ularni koʻrsatishning har qanday bosqichida bosh tortish huquqiga ega.
Nomzod yoki patent vakili davlat xizmatlaridan foydalanishdan bosh tortganida uning arizasi koʻrib chiqilmasdan qoldiriladi va toʻlangan toʻlov qaytarilmaydi.
45. Mazkur Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentiga
1-ILOVA
1-ILOVA
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlarini koʻrsatish
SXEMASI
|
Bosqichlar |
Subyektlar |
Tadbirlar |
Bajarish muddatlari | |||
|
|
|
|
| |||
|
|
Nomzod yoki patent vakili (oliy maʼlumotli Oʻzbekiston Respublikasi fuqarosi) |
|
Davlat xizmatidan foydalanish uchun Oʻzbekiston Respublikasi Yagona interaktiv davlat xizmatlari portali (YIDXP) orqali ariza topshirish. Zaruratga koʻra arizaga oliy maʼlumot toʻgʻrisidagi diplom nusxasi va malakasini tavsiflovchi boshqa hujjatlarni ilova qilish. |
|
Xohishiga koʻra (patent vakili uchun har besh yilda kamida bir marta) | |
|
|
|
|
|
|
|
|
|
2-bosqich |
Nomzod yoki patent vakili (oliy maʼlumotli Oʻzbekiston Respublikasi fuqarosi) |
Ariza topshirish uchun BHMning 4 baravari miqdorida toʻlovni amalga oshirish (toʻlov summasining 90 foizi undiriladi). |
Ariza shakllantirilgan sanadan boshlab uch oy davomida | |||
|
3-bosqich |
Adliya vazirligi |
Arizani qabul qilish. Ariza raqami va sanasini nomzod yoki patent vakiliga yuborish. |
Avtomatik tarzda | |||
|
4-bosqich |
Adliya vazirligi |
Nomzod va patent vakilini attestatsiya (malaka imtihoni)dan oʻtkazish uchun Adliya vazirligining eng malakali va tajribali xodimlari, advokatlar, olimlar va mutaxassislardan iborat tarkibda malaka komissiyasi tuzish. |
Ariza kelib tushgan sanadan boshlab besh ish kuni davomida | |||
|
5-bosqich |
Adliya vazirligi |
Ariza va unga ilovaga qilingan hujjatlarni koʻrib chiqish. Natijasi boʻyicha nomzod yoki patent vakiliga malaka imtihoniga qoʻyilganligi yoxud malaka imtihoniga qoʻyish rad etilganligi haqida bildirishnomani yuborish. |
Ariza kelib tushgan sanadan boshlab besh ish kuni davomida | |||
|
6-bosqich |
Malaka komissiyasi |
Quyidagi yoʻnalishlar boʻyicha tuzilgan savollar asosida malaka imtihonini suhbat shaklida oʻtkazish: intellektual mulk huquqiga oid umumiy qoidalar; sanoat mulkiga oid Oʻzbekiston Respublikasi qonunchiligi; sanoat mulki sohasidagi Oʻzbekiston Respublikasining xalqaro shartnomalari. |
Nomzod yoki patent vakilini imtihonga qoʻyilganligi haqidagi bildirishnoma yoʻllangan sanadan boshlab ikki oy ichida | |||
|
7-bosqich |
Adliya vazirligi |
Malaka imtihoni jarayonini ovozli videotasvirga tushirish Adliya vazirligining rasmiy veb-saytida real vaqt rejimida translatsiya qilish. |
Malaka imtihoni oʻtkazish davomida | |||
|
8-bosqich |
Malaka komissiyasi |
Suhbat natijasiga koʻra nomzod yoki patent vakilini attestatsiyadan oʻtkazish yoki attestatsiyadan oʻtkazishni rad etish toʻgʻrisida qaror qabul qilish. (Attestatsiyadan oʻtkazish rad etilgan nomzod yoki patent vakili malaka imtihoni oʻtkazilgan sanadan olti oy oʻtgandan soʻng malaka imtihonida qayta ishtirok etishiga yoʻl qoʻyiladi) |
Malaka imtihoni oʻtkazilgan kunning oʻzida | |||
|
9-bosqich |
Adliya vazirligi |
Malaka komissiyasi qarorining bir nusxasini nomzod yoki patent vakiliga yuborish. |
Malaka imtihoni oʻtkazilgan sanadan boshlab bir ish kuni ichida | |||
|
|
|
|
|
|
|
|
|
10-bosqich |
|
Adliya vazirligi |
|
Patent vakilini Patent vakillari davlat reyestriga kiritish va patent vakili sifatida roʻyxatdan oʻtganlik toʻgʻrisida QR-kod qoʻyilgan guvohnomani yuborish. Patent vakilining roʻyxatdan oʻtkazilganligi toʻgʻrisidagi maʼlumotlarni rasmiy axborotnoma va veb-saytda eʼlon qilish. (Patent vakili guvohnomaning amal qilish muddati tugaguniga qadar qayta attestatsiyadan oʻtmagan taqdirda belgilangan tartibda sudning qarori asosida reyestrdan oʻchiriladi) |
|
Malaka imtihoni oʻtkazilgan sanadan boshlab bir ish kuni ichida |
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentiga
2-ILOVA
2-ILOVA
| | | | | |
Oʻzbekiston Respublikasi adliya vaziriga | ||||
| | | | | | | | | | |
|
Nomzodni patent vakili sifatida attestatsiyadan oʻtkazish toʻgʻrisida | |||||||||
|
ARIZA | |||||||||
| _________________________________________________________________________________ | |||||||||
|
(nomzodn�ng familiyasi, ismi, otasining ismi, fuqaroligi)* | |||||||||
| _____________________________patent vakili sifatida attestatsiyadan oʻtkazishingizni soʻrayman. | |||||||||
| _________________________________________________________________________________ | |||||||||
|
(nomzodning doimiy turar joyi)* | |||||||||
| _________________________________________________________________________________ | |||||||||
|
(qaysi oliy taʼlim muassasasini qachon tamomlagan, oliy maʼlumot toʻgʻrisidagi diplom seriya va raqami)* | |||||||||
| _________________________________________________________________________________ | |||||||||
|
(patent vakili sifatida kelgusi faoliyat ixtisosligi) | |||||||||
| _________________________________________________________________________________ | |||||||||
|
(ish joyi va lavozimi yoki boshqa yollanish boʻyicha ishi toʻgʻrisida maʼlumotlar) | |||||||||
| _________________________________________________________________________________ | |||||||||
|
(yozishma uchun manzil) | |||||||||
| _________________________________________________________________________________ | |||||||||
|
(telefon raqami, elektron pochta manzili)* | |||||||||
| _________________________________________________________________________________ | |||||||||
|
(nomzodning fuqarolik pasporti yoki identifikatsiya ID-kartasi maʼlumotlari)* | |||||||||
| _________________________________________________________________________________ | |||||||||
| Ilova qilinayotgan hujjatlar roʻyxati: | |||||||||
| oliy maʼlumot toʻgʻrisidagi diplom nusxasi**; | |||||||||
| malakani tavsiflovchi boshqa hujjatlar***. | |||||||||
* Ushbu maʼlumotlar “Elektron hukumat” tizimi idoralararo integratsiyalashuv platformasidan avtomatik tarzda yuklab olinadi.
** Oliy maʼlumoti toʻgʻrisidagi diplom maʼlumotlari “Elektron hukumat” tizimi idoralararo integratsiyalashuv platformasida mavjud boʻlmaganda ushbu diplom nusxasi ilova qilinadi.
*** Nomzodning istagiga koʻra taqdim etiladi.
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentiga
3-ILOVA
3-ILOVA
| | | | | |
Oʻzbekiston Respublikasi adliya vaziriga | ||||
| | | | | | | | | | |
|
Patent vakilini attestatsiyadan oʻtkazish toʻgʻrisida | |||||||||
|
ARIZA | |||||||||
| _________________________________________________________________________________ | |||||||||
|
(patent vakilining familiyasi, ismi, otasining ismi, fuqaroligi)* | |||||||||
| _________________________________________________________________________________ | |||||||||
|
har besh yilda belgilangan attestatsiyadan oʻtkazishingizni soʻrayman. | |||||||||
| _________________________________________________________________________________ | |||||||||
|
(patent vakilining doimiy turar joyi)* | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(ish joyi va lavozimi yoki boshqa yollanish boʻyicha ishi toʻgʻrisida maʼlumotlar) | |||||||||
| _________________________________________________________________________________ | |||||||||
|
(yozishma uchun manzil) | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(telefon raqami, elektron pochta manzili)* | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(patent vakilining fuqarolik pasporti yoki identifikatsiya ID-kartasi maʼlumotlari)* | |||||||||
| _________________________________________________________________________________ | |||||||||
| _________________________________________________________________________________ | |||||||||
| |||||||||
* Ushbu maʼlumotlar “Elektron hukumat” tizimi idoralararo integratsiyalashuv platformasidan avtomatik tarzda yuklab olinadi.
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentiga
4-ILOVA
4-ILOVA
Patent vakilligiga nomzodlar va patent vakillarini attestatsiyadan hamda patent vakillarini qoʻshimcha attestatsiyadan oʻtkazish uchun toʻlovlar
MIQDORI
|
Toʻlov nomi |
Toʻlov miqdori | |
|
1. |
Patent vakilligiga nomzodlar va patent vakillarini attestatsiyadan oʻtkazish |
BHMning 4 baravari |
|
2. |
Patent vakillarini qoʻshimcha attestatsiyadan oʻtkazish |
BHMning 4 baravari |
Patent vakilligiga nomzodlarni attestatsiyadan va roʻyxatdan oʻtkazish hamda patent vakillarini attestatsiyadan oʻtkazish boʻyicha davlat xizmatlari koʻrsatishning maʼmuriy reglamentiga
5-ILOVA
5-ILOVA
|
(Oʻzbekiston Respublikasi Davlat gerbi tasviri) | |||||||||
| | | | | | | | | | |
|
OʻZBEKISTON RESPUBLIKASI | |||||||||
|
ADLIYA VAZIRLIGI | |||||||||
|
GUVOHNOMA | |||||||||
| Ushbu bilan ________________________________________________________________________ | |||||||||
| ______________________________________________________________________________ning | |||||||||
| malaka komissiyasining qaroriga asosan | |||||||||
| _________________________________________________________________________________ | |||||||||
| _________________________________________________________________________________ | |||||||||
| _________________________________________________________________________________ | |||||||||
| ixtisosligi boʻyicha | |||||||||
| PATENT VAKILI | |||||||||
| sifatida roʻyxatdan oʻtkazilganligi tasdiqlanadi. | |||||||||
| Patent vakillari davlat reyestriga 20___ yil “___” ___________________ | |||||||||
| _________________________ son bilan tegishli yozuv kiritilgan. | |||||||||
| Guvohnomaning amal qilish muddati 20___ yil “___”___________________ gacha. | |||||||||
| | | | | | | | | | |
| | | | |
Hujjatning haqiqiyligini tasdiqlovchi QR-kod |
| | | ||
| | | | | | | | |||
Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi.
Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling.
Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Keyingi tahrirga qarang.
Vazirlar Mahkamasining 2022-yil 9-iyundagi 324-son qaroriga
2-ILOVA
2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining 1998-yil 10-iyuldagi 293-son qarori bilan tasdiqlangan Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasi toʻgʻrisidagi nizomning 10-bandi oltinchi xatboshisidagi “Intellektual mulk agentligi soʻzlari” “Adliya vazirligi” soʻzlari bilan almashtirilsin.
2. Vazirlar Mahkamasining 2003-yil 1-iyuldagi 298-son qarori bilan tasdiqlangan Patent vakillari toʻgʻrisidagi nizomda:
a) 2-bandning uchinchi xatboshisidagi “Adliya vazirligi huzuridagi Intellektual mulk agentligi (keyingi oʻrinlarda Agentlik deb ataladi)” soʻzlari “Adliya vazirligi (keyingi oʻrinlarda — Vazirlik)” soʻzlari bilan almashtirilsin;
b) 3-banddagi “Agentlikda” soʻzi “Vazirlikda” soʻzi bilan almashtirilsin;
v) 4-bandning uchinchi xatboshisi va 5-banddagi “Agentlik” soʻzi “Vazirlik” soʻzi bilan almashtirilsin;
g) 6-band quyidagi tahrirda bayon etilsin:
“6. Patent vakili oʻz kasb faoliyatini ham mustaqil ravishda yakka tadbirkor sifatida, ham yollanish boʻyicha ishlagan holda amalga oshirishi mumkin”;
d) 63-band quyidagi tahrirda bayon etilsin:
“63. Intellektual mulk sohasida mutaxassislarni, shu jumladan, patent vakillarini qayta tayyorlash va malakasini oshirish Oʻzbekiston Respublikasi Adliya vazirligi huzuridagi Yuristlar malakasini oshirish markazi tomonidan amalga oshiriladi.
Patent vakillari malakasini oshirish har besh yilda kamida bir marta, keyinchalik attestatsiyadan oʻtkazish yoʻli bilan amalga oshiriladi”;
e) 7-band quyidagi tahrirda bayon etilsin:
“7. Nomzodni attestatsiyadan va roʻyxatdan oʻtkazish hamda patent vakilini attestatsiyadan oʻtkazish Vazirlik tomonidan qonunchilikka muvofiq amalga oshiriladi”;
j) 8-bandning uchinchi xatboshisi quyidagi tahrirda bayon etilsin:
“Malaka imtihoni jarayoni uzluksiz ovozli videotasvirga tushiriladi, shuningdek Vazirlikning rasmiy veb-saytida real vaqt rejimida translatsiya qilinadi. Malaka imtihoni oʻtkazish jarayoni qayd etilgan videotasvir Vazirlik tomonidan bir yil mobaynida saqlanadi”;
z) 9-bandda:
birinchi xatboshidagi “Agentlik” soʻzi “Vazirlik” soʻzi bilan almashtirilsin;
ikkinchi xatboshidagi “Agentlikning” soʻzi “Vazirlikning” soʻzi bilan almashtirilsin;
toʻrtinchi xatboshi quyidagi tahrirda bayon etilsin:
“Apellatsiya komissiyasi nomzodlar yoki patent vakillarining malaka komissiyasi qarori yuzasidan shikoyatlarini, yuridik va jismoniy shaxslarning patent vakilining noqonuniy xatti-harakatlari yoki ushbu Nizom talablarini buzadigan xatti-harakatlari yuzasidan shikoyatlarini hamda Vazirlikning belgilangan muddatda attestatsiyadan oʻtmagan patent vakilini Patent vakillari davlat reyestridan (bundan keyin — reyestr) chiqarish toʻgʻrisidagi murojaatini koʻrib chiqadi”;
i) 10 — 13-bandlar quyidagi tahrirda bayon etilsin:
“10. Malaka komissiya aʼzosi bir paytning oʻzida apellatsiya komissiyasi aʼzosi boʻlishi mumkin emas.
11. Malaka komissiyasi ishini malaka komissiyasi raisi boshqaradi.
Malaka komissiyasi raisi boʻlmaganda uning vazifalari vaqtinchalik malaka komissiyasi raisi oʻrinbosari zimmasiga yuklatiladi.
12. Malaka komissiyasi qarorlari malaka komissiyasining majlisida qabul qilinadi.
13. Malaka komissiyasi qarorlari yozma ravishda tuziladi va malaka komissiyasi raisi hamda boshqa aʼzolari tomonidan imzolanadi.
Malaka komissiyasi qaroriga qoʻshilmagan komissiya aʼzosi oʻz nuqtai nazarini bayon qilishga haqlidir”;
k) 15 — 17-bandlar quyidagi tahrirda bayon etilsin:
“15. Apellatsiya komissiyasi malaka komissiyasi shakllantiriladigan tartibda tuziladi.
16. Apellatsiya komissiyasi qarorlari yigʻilishda qatnashayotgan barcha aʼzolarning koʻpchilik ovozi bilan qabul qilinadi. Ovozlar nisbati teng boʻlganda apellatsiya komissiyasi raisining ovozi hal qiluvchi hisoblanadi.
17. Apellatsiya komissiyasi qarorlari yozma ravishda tuziladi va apellatsiya komissiyasi raisi hamda boshqa aʼzolari tomonidan imzolanadi.
Apellatsiya komissiyasi qaroriga qoʻshilmagan komissiya aʼzosi oʻz nuqtai nazarini bayon qilishga haqlidir”;
l) 20, 22 — 24 va 26-bandlardagi tegishli kelishikdagi “Agentlik” soʻzi tegishli kelishikdagi “Vazirlik” soʻzi bilan almashtirilsin;
m) 29-band quyidagi tahrirda bayon etilsin:
“29. Nomzodlar va patent vakillarini attestatsiya hamda patent vakillarini qoʻshimcha attestatsiyadan oʻtkazish uchun Vazirlik tomonidan tegishli xarajatlarni qoplash uchun qonunchilikda belgilangan miqdorlarda toʻlov undiriladi”.
3. Vazirlar Mahkamasining “Oʻzbekiston Respublikasi Prezidentining “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi Farmonini amalga oshirish chora-tadbirlari haqida” 2005-yil 2-avgustdagi 180-son qarorida:
a) 2-banddagi “investitsiya shartnomasi tuziladi” soʻzlari “majburiy tartibda investitsiya shartnomasi tuziladi” soʻzlari bilan almashtirilsin;
b) 2-ilovaning 13-bandi birinchi xatboshisidagi “Vazirlik tomonidan tayyorlanadi” soʻzlari “Vazirlik tomonidan bir oy muddatda tayyorlanadi” soʻzlari bilan almashtirilsin.
4. Vazirlar Mahkamasining 2011-yil 28-apreldagi 122-son qarori bilan tasdiqlangan Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisidagi nizomning 11-bandidagi “boʻlishi mumkin” soʻzlari “boʻladi” soʻzi bilan almashtirilsin.
5. Vazirlar Mahkamasining 2018-yil 1-maydagi 318-son qarori bilan tasdiqlangan Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiya toʻgʻrisidagi nizomda:
a) 11-bandning 2-kichik bandi toʻrtinchi xatboshisidagi “Intellektual mulk agentligiga” soʻzlari “Adliya vazirligiga” soʻzlari bilan almashtirilsin;
b) 17-bandda:
3-kichik banddagi “Intellektual mulk agentligiga” soʻzlari “Adliya vazirligiga” soʻzlari bilan almashtirilsin;
4-kichik banddagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
6. Vazirlar Mahkamasining “Davlat va xoʻjalik boshqaruvi organlarining virtual makonda ishtirokini faollashtirish konsepsiyasini tasdiqlash toʻgʻrisida” 2018-yil 7-avgustdagi 622-son qaroriga 2-ilovaning 8 va 39-pozitsiyalari “Ijro uchun masʼullar” ustunidagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
7. Vazirlar Mahkamasining 2019-yil 7-iyundagi 467-son qarori bilan tasdiqlangan Oliy taʼlim muassasalari reytingini aniqlash tartibi toʻgʻrisidagi nizomning 12-bandi beshinchi xatboshisidagi “huzuridagi Intellektual mulk agentligi” soʻzlari chiqarib tashlansin.
8. Vazirlar Mahkamasining 2019-yil 9-oktabrdagi 856-son qarori bilan tasdiqlangan Oʻzbekiston Respublikasi Adliya vazirligining Apellatsiya kengashi toʻgʻrisidagi nizomda:
a) 1-band quyidagi tahrirda bayon etilsin:
“1. Ushbu Nizom “Ixtirolar, foydali modellar va sanoat namunalari toʻgʻrisida”, “Seleksiya yutuqlari toʻgʻrisida”, “Integral mikrosxemalar topologiyalarini huquqiy muhofaza qilish toʻgʻrisida”, “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida” va “Geografik koʻrsatkichlar toʻgʻrisida”gi Oʻzbekiston Respublikasi qonunlariga muvofiq Oʻzbekiston Respublikasi Adliya vazirligining Apellatsiya kengashida (keyingi oʻrinlarda — Apellatsiya kengashi) koʻrib chiqiladigan masalalar turlari, Apellatsiya kengashining huquq va majburiyatlari hamda uning faoliyatini tashkil etish tartibi va moliyalashtirish manbalarini belgilaydi”;
b) 5-bandning “a” kichik bandi birinchi xatboshisidagi “Intellektual mulk agentligining (keyingi oʻrinlarda Agentlik deb ataladi)” soʻzlari “Intellektual mulk markazi” davlat muassasasi (keyingi oʻrinlarda — Davlat muassasasi)” soʻzlari bilan almashtirilsin;
v) 6-bandning toʻrtinchi xatboshisidagi “Agentlik” soʻzi “Vazirlik” soʻzi bilan almashtirilsin;
g) 8-bandning ikkinchi va uchinchi xatboshilaridagi “Agentlikning” soʻzi “Davlat muassasasining” soʻzlari bilan almashtirilsin;
d) 11 va 12-bandlardagi “Agentlik” soʻzi “Vazirlikning Intellektual mulk departamenti” soʻzlari bilan almashtirilsin;
e) 14-bandning birinchi xatboshisi va 27-banddagi “Agentlik” soʻzi “Vazirlik” soʻzi bilan almashtirilsin;
j) 24-banddagi “Agentlik” soʻzi “Davlat muassasasi” soʻzlari bilan almashtirilsin;
z) 28-bandning birinchi xatboshisidagi “Agentlikning hisob raqamlariga” soʻzlari “Vazirlikning Intellektual mulkni rivojlantirish jamgʻarmasi hisobvaragʻiga” soʻzlari bilan almashtirilsin;
i) 29-bandning birinchi xatboshisidagi “Agentlikning budjetdan tashqari mablagʻlari” soʻzlari “Vazirlikning Intellektual mulkni rivojlantirish jamgʻarmasi mablagʻlari” soʻzlari bilan almashtirilsin.
9. Vazirlar Mahkamasining “Tovar xomashyo birjalari faoliyatiga ilgʻor axborot texnologiyalarini keng joriy etish va elektron tijorat faoliyatini izchil rivojlantirish boʻyicha qoʻshimcha chora-tadbirlar toʻgʻrisida” 2020-yil 18-martdagi 170-son qaroriga 1-ilovaning 10-pozitsiyasi “Masʼul ijrochilar” ustunidagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
10. Vazirlar Mahkamasining “Davlat mulki obyektlarining hisobini yuritish tartibini takomillashtirish chora-tadbirlari toʻgʻrisida” 2020-yil 8-maydagi 273-son qarorida:
a) 3-banddagi “huzuridagi Davlat xizmatlari agentligi” soʻzlari chiqarib tashlansin;
b) 1-ilovada:
“a” kichik bandning birinchi xatboshisi quyidagi tahrirda bayon etilsin:
“a) Oʻzbekiston Respublikasi Adliya vazirligi tomonidan:”;
“g” kichik banddagi “huzuridagi Intellektual mulk agentligi” soʻzlari chiqarib tashlansin;
4-bandning ikkinchi xatboshisidagi “Davlat xizmatlari agentligi” soʻzlari “Adliya vazirligi” soʻzlari bilan almashtirilsin.
11. Vazirlar Mahkamasining 2020-yil 16-iyuldagi 444-son qarori bilan tasdiqlangan Elektron hukumatning maʼlumotnomalar va klassifikatorlar registrini shakllantirish va yuritish hamda yagona identifikatorlardan foydalanish tartibi toʻgʻrisidagi nizomga 1-ilovada:
a) “Adliya vazirligi” boʻlimi quyidagi tahrirda bayon etilsin:
|
“ |
|||||
|
Adliya vazirligi | |||||
|
26. |
Oʻzbekiston Respublikasi qonunchilik tarmoqlarining umumhuquqiy klassifikatori |
Tarmoq maʼlumotnoma / klassifikatorlari |
Qonunchilik tarmoqlarini tasniflash uchun moʻljallangan. | ||
|
261. |
Tovar va xizmatlarning xalqaro klassifikatori |
Xalqaro klassifikatorlar |
Tovar va xizmatlarni tasniflash uchun moʻljallangan. | ||
|
262. |
Xalqaro patent klassifikatori |
Xalqaro patent klassifikatori |
Xalqaro patent klassifikatori. | ||
|
263. |
Sanoat namunalarining xalqaro klassifikatori |
Sanoat namunalarining xalqaro klassifikatori |
Sanoat namunalarining xalqaro klassifikatori. | ||
|
”. | |||||
b) “Adliya vazirligi huzuridagi Intellektual mulk agentligi” boʻlimi chiqarib tashlansin.
12. Vazirlar Mahkamasining “2030-yilgacha boʻlgan davrda barqaror rivojlanish sohasidagi milliy maqsad va vazifalarni amalga oshirishni jadallashtirish boʻyicha qoʻshimcha chora-tadbirlar toʻgʻrisida” 2022-yil 21-fevraldagi 83-son qaroriga 1-ilovaning “3.b-vazifa”, 8.10-vazifa va “17.6-vazifa” pozitsiyalari “Masʼul ijrochilar” ustunidagi “Davlat xizmatlari agentligi” va “Intellektual mulk agentligi” soʻzlari “Adliya vazirligi” soʻzlari bilan almashtirilsin.
(Qonunchilik maʼlumotlari milliy bazasi, 10.06.2022-y., 09/22/324/0510-son; 02.12.2023-y., 09/23/635/0917-son)
