|
Hujjat 20.04.2022 00 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Fuqarolik va migratsiya sohasida davlat xizmatlarini koʻrsatish tizimi takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Fuqarolik va migratsiya sohasida davlat xizmatlarini koʻrsatish tizimini takomillashtirish boʻyicha ishlarni izchil davom ettirish maqsadida, shuningdek, Oʻzbekiston Respublikasi Prezidentining 2020-yil 22-apreldagi “Doimiy propiska qilish hamda turgan joyi boʻyicha hisobga olish tartibini isloh qilish chora-tadbirlari toʻgʻrisida”gi PF-5984-son, 2020-yil 22-sentabrdagi “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi PF-6065-son farmonlariga hamda 2020-yil 22-oktabrdagi “Favqulodda vaziyatlardan jabr koʻrgan fuqarolarni ijtimoiy himoya qilishning qoʻshimcha choralari toʻgʻrisida”gi PQ-4871-son qaroriga muvofiq:
1. Fuqarolik va migratsiya sohasida davlat xizmatlarini koʻrsatish jarayonida fuqarolardan ortiqcha hujjatlarni talab qilish amaliyotini bartaraf etish maqsadida 2022-yil 1-dekabrdan boshlab:
fuqarolarning familiyasi, ismi, otasining ismi, millati, tugʻilgan sanasi oʻzgarganligi yoki yozuvlarda noaniqliklar aniqlanganligi munosabati bilan yangi identifikatsiyalovchi ID-kartani rasmiylashtirishda ushbu holatlarni tasdiqlovchi hujjatlarni taqdim etish talabi bekor qilingan holda mazkur holatlarni elektron tizim orqali tekshirish;
jinoiy jazoni oʻtab chiqqan fuqarolarga yangi identifikatsiyalovchi ID-kartani rasmiylashtirishda ushbu holatni tasdiqlovchi hujjatlarni elektron tizim orqali olish tartibi joriy etilsin.
Ichki ishlar vazirligi (P. Bobojonov) Adliya vazirligi (R. Davletov) hamda boshqa manfaatdor vazirlik va idoralar bilan birgalikda uch oy muddatda ushbu bandda nazarda tutilgan chora-tadbirlar amalga oshirilishini taʼminlash choralarini koʻrsin.
2. Adliya vazirligi (R. Davletov) Ichki ishlar vazirligi (P. Bobojonov) hamda Axborot texnologiyalari va kommunikatsiyalarini rivojlantirish vazirligi (Sh. Shermatov) bilan birgalikda uch oy muddatda fuqarolik holatlari dalolatnomalariga oʻzgartirishlar kiritilishi oqibatida identifikatsiyalovchi ID-kartani qayta rasmiylashtirish bilan bogʻliq davlat xizmati ariza yuborish talab etilmasdan, kompozit tarzida koʻrsatilishi yuzasidan taklif kiritsin.
3. Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar ilovaga muvofiq kiritilsin.
4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi B.D. Islamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 20-aprel,
PF-112-son
Oʻzbekiston Respublikasi Prezidentining 2022-yil 20-apreldagi PF-112-son Farmoniga
ILOVA
ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 1999-yil 26-fevraldagi “Oʻzbekiston Respublikasida pasport tizimini takomillashtirish toʻgʻrisida”gi PF-2240-son Farmonida:
a) 1-bandning ikkinchi xatboshisi chiqarib tashlansin;
b) 2-band quyidagi tahrirda bayon etilsin:
“2. Chet el fuqarosi va fuqaroligi boʻlmagan shaxsning Oʻzbekiston Respublikasida yashash guvohnomasi toʻgʻrisida Nizom 2-ilovaga muvofiq tasdiqlansin”;
v) 3-band oʻz kuchini yoʻqotgan deb hisoblansin;
g) 2-ilovaning matni quyidagi tahrirda bayon etilsin:
“Chet el fuqarosi va fuqaroligi boʻlmagan shaxsning Oʻzbekiston Respublikasida yashash guvohnomasi toʻgʻrisida
NIZOM
NIZOM
1-bob. Umumiy qoidalar
1. Ushbu Nizom chet el fuqarosi va fuqaroligi boʻlmagan shaxsning Oʻzbekiston Respublikasida yashash guvohnomasidan (keyingi oʻrinlarda — yashash guvohnomasi) foydalanish tartibini belgilaydi.
2. Yashash guvohnomasi unda koʻrsatilgan amal qilish muddati tugagunga qadar, 60 yoshga toʻlgandan keyin olingan yashash guvohnomasi esa 2030-yil 31-dekabrgacha chet el fuqarosi va fuqaroligi boʻlmagan shaxsning identifikatsiyalovchi ID-kartasi (keyingi oʻrinlarda — ID-karta) bilan bir qatorda chet el fuqarosi va fuqaroligi boʻlmagan shaxsning Oʻzbekiston Respublikasida doimiy yashash huquqini tasdiqlovchi hujjat hisoblanadi.
Oʻzbekiston Respublikasi hududida doimiy yashab turgan, Oʻzbekiston Respublikasining fuqarosi boʻlmagan va oʻzining chet el fuqaroligiga mansubligiga doir dalilga ega boʻlmagan shaxs uchun yashash guvohnomasi qoʻshimcha ravishda uning shaxsini tasdiqlovchi hamda fuqaroligi boʻlmagan shaxsning huquqiy maqomini belgilab beruvchi hujjat hisoblanadi. Yashash guvohnomasi Oʻzbekiston Respublikasi doirasida haqiqiydir.
3. Yashash guvohnomasi ichki ishlar organlari tomonidan davlat, rus, ingliz tillarida toʻldirilgan hamda unga quyidagi maʼlumotlar kiritilgan:
familiyasi, ismi, otasining ismi;
tugʻilgan yili, kuni, oyi;
tugʻilgan joyi;
millati;
Oʻzbekiston Respublikasiga kelgan kunidagi fuqaroligi;
oilaviy ahvoli;
Oʻzbekiston Respublikasiga kelgan kuni;
kelishdan maqsad;
yashash guvohnomasi kim tomonidan va qachon berilgan;
yashash guvohnomasi qanday hujjatlarga asoslanib berilgan;
yashash guvohnomasining amal qilish muddati va amal qilish muddatining uzaytirilganligi;
voyaga yetmagan farzandlari haqida;
doimiy yashash yoki vaqtincha turgan joyi boʻyicha hisobga olinganligi haqida;
alohida belgilar (qon guruhi, rezus mansubligi (faktori) va boshqalar);
Oʻzbekiston Respublikasida yashash guvohnomasiga eslatma.
4. Jismoniy shaxsning shaxsiy identifikatsiya raqamini olish uchun jismoniy shaxs yashash joyidagi ichki ishlar organlarining migratsiya va fuqarolikni rasmiylashtirish boʻlimiga murojaat qilishi kerak.
Shaxsning roziligi bilan yashash guvohnomasida sogʻliqni saqlash muassasasi tomonidan yashash guvohnomasi egasining qon guruhi va rezus mansubligi (faktori) toʻgʻrisidagi belgilar qoʻyiladi.
Yashash guvohnomasiga ushbu Nizomda nazarda tutilmagan yozuvlarni kiritish taqiqlanadi.
5. Yashash guvohnomalarida kattaligi 35x45 millimetrli qora-oq yoki rangli fotosuratlar, hujjat egasining va uni bergan masʼul shaxsning imzolari boʻlishi lozim.
2-bob. Yashash guvohnomasini ID-kartaga almashtirish tartibi
6. Yashash guvohnomasi quyidagi hollarda ID-kartaga almashtiriladi:
familiyasi, ismi, otasining ismi, tugʻilgan yili va millati oʻzgarganida;
yashash guvohnomasining amal qilish muddati tugaganida;
yashash guvohnomasidagi yozuvlarda noaniqliklar va xatolar mavjudligi aniqlanganida;
yashash guvohnomasi blankasi yaroqsiz holga kelganida;
yashash guvohnomasi yoʻqotib qoʻyilganida.
Chet el fuqarolari va fuqaroligi boʻlmagan shaxslar yashash guvohnomasi amal qilish muddati tugagandan soʻng yoki familiyasi, ismi, otasining ismi, tugʻilgan yili va millati oʻzgargandan soʻng yashash guvohnomasi bir oy muddatda ID-kartaga almashtirishi lozim.
7. Yashash guvohnomasi yoʻqotilganda, chet el fuqarosi va fuqaroligi boʻlmagan shaxs u yoʻqotilgan joydagi ichki ishlar organiga darhol maʼlum qilishi shart.
Bunday hollarda ichki ishlar organi chet el fuqarosi va fuqaroligi boʻlmagan shaxsga qonun hujjatlarida belgilangan tartibda va muddatlarda yangi ID-karta rasmiylashtirib beradi.
8. Chet el fuqarosi va fuqaroligi boʻlmagan shaxs uchun yashash guvohnomalari, shuningdek fuqaroligi boʻlmagan shaxs guvohnomasi quyidagi hollarda oʻz kuchini yoʻqotadi:
chet el fuqarosi doimiy yashash uchun chet elga ketganida;
fuqaroligi boʻlmagan shaxs chet elga ketganida — fuqaroligi boʻlmagan shaxs guvohnomasining amal qilish muddatini uzrli sabablarsiz uzaytirmagan yoki fuqaroligi boʻlmagan shaxs guvohnomasining amal qilish muddatini uzaytirishdan voz kechgan hollarda;
chet el fuqarosi Oʻzbekiston Respublikasi fuqaroligini qabul qilganida yoki oʻz mamlakati fuqaroligidan chiqqanida;
fuqaroligi boʻlmagan shaxs Oʻzbekiston Respublikasi yoki chet el fuqaroligini qabul qilganida;
yashash guvohnomasini yoki fuqaroligi boʻlmagan shaxs guvohnomasini olish uchun yolgʻon maʼlumotlar yoxud soxta hujjatlar taqdim qilinganda.
9. Chet el fuqarosi yoki fuqaroligi boʻlmagan shaxs vafot etgan hollarda yashash guvohnomalari mavjud boʻlgan taqdirda eksterritorial tamoyil asosida istalgan fuqarolik holati dalolatnomalarini yozish organlariga, chet davlatlarda esa — Oʻzbekiston Respublikasining diplomatik vakolatxonalari yoki konsullik muassasalariga topshiriladi, ular guvohnomani oʻlim roʻyxatga olingandan keyin doimiy yashash joyi boʻyicha roʻyxatga olish joyidagi ichki ishlar organlariga yuboradi.
10. Hibsga olingan yoki ozodlikdan mahrum etishga hukm qilingan shaxsning yashash guvohnomasi tergovga qadar tekshiruv, surishtiruv, tergov organlari yoki sud tomonidan olib qoʻyiladi. Agar shaxs sudning hukmi bilan ozodlikdan mahrum etilsa, uning yashash guvohnomasi Oʻzbekiston Respublikasi Ichki ishlar vazirligi Jazoni ijro etish departamentiga yuboriladi.
Shaxs hibsdan ozod qilinganda yoki jazoni ijro etish muassasasidan ozod etilganida, unga yashash guvohnomasi tergovga qadar tekshiruv, surishtiruv, tergov organlari, sud yoxud jazoni ijro etish muassasasining maʼmuriyati tomonidan qaytariladi.
11. Yashash guvohnomasi oʻgʻirlangan hollarda bu haqidagi arizalar jinoyat sodir etilgan joydagi yoki shaxsning yashash joyidagi hududiy ichki ishlar organlarining navbatchilik qismlari xodimlari tomonidan qabul qilinadi. Bunday arizalar qabul qilinganligi haqida shaxslarga maʼlumotnomalar beriladi va ular javobgarlikka tortilmaydi.
Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida yashash guvohnomasi yoʻqolganligi yoki yaroqsiz holga kelganligi toʻgʻrisida ariza bilan murojaat etgan shaxslar ham javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni arizaga ilova qiladi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan maʼlumotnoma olinadi.
12. Topib olingan yashash guvohnomasi ichki ishlar organlariga topshirilishi lozim.
13. Yashash guvohnomasini olib qoʻyish man etiladi (Oʻzbekiston Respublikasining qonunchilik hujjatlarida nazarda tutilgan hollar bundan mustasno), shuningdek, garovga olib turish va boshqa shaxsga berish taqiqlanadi.
14. Chet el fuqarosi va fuqaroligi boʻlmagan shaxs yashash guvohnomasini ehtiyot qilishlari shart.
3-bob. Yakunlovchi qoidalar
15. Chet el fuqarolari va fuqaroligi boʻlmagan shaxslar ushbu Nizomning talablarini buzganliklari uchun qonunchilik hujjatlariga muvofiq javob beradilar.
16. Ushbu Nizomning bajarilishi ichki ishlar organlari va mahalliy ijro etuvchi hokimiyat organlari tomonidan nazorat qilinadi”.
2. Oʻzbekiston Respublikasi Prezidentining 2011-yil 5-yanvardagi “Oʻzbekiston Respublikasida pasport tizimini takomillashtirishga doir qoʻshimcha chora-tadbirlar toʻgʻrisida”gi PF-4262-son Farmonida:
a) 1-bandning ikkinchi xatboshisi quyidagi tahrirda bayon etilsin:
“Oʻzbekiston Respublikasi fuqarosining biometrik pasporti toʻgʻrisidagi nizom 1-ilovaga muvofiq”;
b) 1-ilovaning matni quyidagi tahrirda bayon etilsin:
“Oʻzbekiston Respublikasi fuqarosining biometrik pasporti toʻgʻrisida
NIZOM
NIZOM
1-bob. Umumiy qoidalar
1. Ushbu Nizom Oʻzbekiston Respublikasi fuqarosining biometrik pasportidan foydalanish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
Oʻzbekiston Respublikasi fuqarosining biometrik pasporti (keyingi oʻrinlarda — pasport) — Oʻzbekiston Respublikasining fuqaroligini va egasining shaxsini Oʻzbekiston Respublikasi hududida tasdiqlovchi, pasport egasining shaxsiy biografik maʼlumotlari va biometrik parametrlari kiritilgan elektron tashuvchi qurilma (chip)ga ega boʻlgan hujjat;
personallashtirish — pasport egasining biografik maʼlumotlarini va biometrik parametrlarini pasport blankasiga kiritish;
verifikatsiya — pasportga kiritilgan biometrik parametrlarning pasport egasining biometrik parametrlari bilan mosligini mashina yordamida tekshirish;
xorijda doimiy yashaydigan Oʻzbekiston Respublikasi fuqarolari — Oʻzbekiston Respublikasidagi doimiy yashash joyidan roʻyxatdan chiqib, xorijga doimiy yashashga chiqish uchun belgilangan tartibda ruxsatnoma rasmiylashtirgan Oʻzbekiston Respublikasi fuqarolari;
xorijda vaqtincha boʻladigan Oʻzbekiston Respublikasi fuqarolari — Oʻzbekiston Respublikasida doimiy yashaydigan, xorijga chiqib, vaqtincha u erda boʻladigan Oʻzbekiston Respublikasi fuqarolari;
konsullik muassasasi — Oʻzbekiston Respublikasi diplomatik vakolatxonasining konsullik boʻlimi, Oʻzbekiston Respublikasining xorijiy davlatda taʼsis etiladigan bosh konsulxonasi, konsulxonasi, vitse-konsulxonasi va konsullik agentligi;
konsullik roʻyxati — tegishli konsullik okrugi hududiga kelgan Oʻzbekiston Respublikasi fuqarolarini xorijdagi Oʻzbekiston Respublikasining konsullik muassasalari qoshida belgilangan tartibda qayddan oʻtkazish;
doimiy konsullik roʻyxati — doimiy yashash uchun xorijga chiqish ruxsatnomasi belgilangan tartibda rasmiylashtirilgan, Oʻzbekiston Respublikasining xorijdagi konsullik muassasasi konsullik okrugi hududida doimiy yashayotgan Oʻzbekiston Respublikasi fuqarolarini qayddan oʻtkazish;
vaqtincha konsullik roʻyxati — Oʻzbekiston Respublikasida doimiy yashaydigan, xorijda vaqtincha boʻladigan, xorijga vaqtincha chiqish ruxsatnomasini belgilangan tartibda rasmiylashtirgan Oʻzbekiston Respublikasi fuqarolarini xorijdagi Oʻzbekiston Respublikasi konsullik muassasalari tomonidan qayddan oʻtkazish;
konsullik okrugi — konsullik muassasasiga konsullik vazifalarini bajarish uchun biriktirilgan bir yoki bir necha davlat hududi;
maʼlumotlarni yigʻish punkti — pasport olish uchun murojaat qilgan fuqarolarning biografik maʼlumotlarini va biometrik parametrlarini jamlash, ushbu maʼlumotlarni Oʻzbekiston Respublikasi Vazirlar Mahkamasi huzuridagi Davlat personallashtirish markaziga (keyingi oʻrinlarda — DPM) topshirish hamda fuqarolarga biometrik parametrlarga ega pasportlar berish boʻyicha vazifalarni bajaruvchi ichki ishlar organlarining migratsiya va fuqarolikni rasmiylashtirish boʻlinmalari.
3. Pasport u berilgan kundan boshlab 10 yil davomida amalda boʻladi va 2030-yil 31-dekabrgacha Oʻzbekiston Respublikasi fuqarosining identifikatsiyalovchi ID-kartasi (keyingi oʻrinlarda — ID-karta) bilan bir qatorda Oʻzbekiston Respublikasi hududida Oʻzbekiston Respublikasining fuqaroligini va egasining shaxsini tasdiqlovchi asosiy hujjatdir.
4. Pasport Oʻzbekiston Respublikasi mulkidir va uning egasi Oʻzbekiston Respublikasi himoyasidadir.
5. Oʻzbekiston Respublikasi Qurolli Kuchlari safiga muddatli harbiy xizmatni oʻtashga chaqirilgan fuqarolarning pasportlari mudofaa ishlari boʻlimlari tomonidan olib qoʻyiladi va xizmat tugagunicha saqlanadi. Muddatli harbiy xizmat tugagach mudofaa ishlari boʻlimlari bir oy muddat ichida fuqarolarga olib qoʻyilgan pasportlarini qaytarishlari shart.
Kontrakt asosida harbiy xizmatga kirgan, oliy harbiy-taʼlim muassasalariga oʻqishga kirgan fuqarolarning pasportlari harbiy qismlarning va oliy harbiy-taʼlim muassasalarining kadrlar boʻlimlari tomonidan olib qoʻyilib, shtablarda saqlanadi.
Harbiy xizmatchilarning vazirliklar va idoralarning tegishli boʻlinmalarida saqlanayotgan pasportlari amal qilish muddati tugagandan keyin belgilangan tartibda yoʻq qilish uchun maʼlumotlarni yigʻish punktiga joʻnatiladi.
6. Pasport blankasiga quyidagi asosiy maʼlumotlar kiritilgan boʻlishi lozim:
pasportni bergan davlatning nomi;
hujjatning nomi;
hujjatning turi;
pasportni bergan davlatning kodi;
pasportning raqami;
familiyasi, ismi, otasining ismi;
millati;
fuqaroligi;
tugʻilgan sanasi;
tugʻilgan joyi;
jinsi;
berilgan sanasi;
kim tomonidan berilgani;
personallashtiruvchi idora;
amal qilish muddati tugaydigan sana;
egasining raqamli surati;
egasi haqidagi mashina oʻqiydigan maʼlumotlar.
7. Chipga quyidagi maʼlumotlar kiritilgan boʻlishi lozim:
pasport egasi toʻgʻrisidagi biografik maʼlumotlar;
egasining raqamli surati;
qoʻl barmoq izlari.
8. Fuqaroning yozma arizasiga koʻra millati haqidagi yozuv faqat bir marta otasi yoki onasining millatiga oʻzgartirilishi mumkin.
9. Pasportga:
harbiy majburiyat toʻgʻrisidagi;
nikoh qayd etilganligi yoki bekor qilinganligi toʻgʻrisidagi;
xorijga chiqish biometrik pasporti berilganligi toʻgʻrisidagi;
Oʻzbekiston Respublikasining Davlat chegarasidan oʻtish toʻgʻrisidagi;
konsullik roʻyxatiga olingani yoki konsullik roʻyxatidan chiqarilgani toʻgʻrisidagi;
ilgari qoʻyilgan qaydlarni bekor qilish toʻgʻrisidagi maʼlumotlar kiritiladi.
Pasportda egasining imzosi boʻlishi lozim.
Fuqarolarning roziligiga koʻra ularning pasportlariga pasport egasining qon guruhi va rezus mansubligi (faktori) toʻgʻrisidagi maʼlumotlar kiritiladi.
10. Pasportga:
ichki ishlar organlari boʻlinmalari tomonidan — xorijga chiqish biometrik pasporti berilganligi, ilgari qoʻyilgan qaydlarni bekor qilish haqidagi;
mudofaa ishlari boʻlimlari tomonidan — harbiy majburiyat toʻgʻrisidagi;
chegara nazorati boʻlinmalari tomonidan — Oʻzbekiston Respublikasining Davlat chegarasidan oʻtganlik holati haqidagi va ilgari qoʻyilgan qaydlarni bekor qilish haqidagi;
fuqarolik holatlari dalolatnomalarini yozish idoralari tomonidan — nikohni qayd etish va bekor qilish haqidagi;
sogʻliqni saqlash muassasalari tomonidan — qon guruhi va rezus mansubligi (faktori) haqidagi;
Oʻzbekiston Respublikasining konsullik muassasalari tomonidan — konsullik roʻyxatiga olish yoki konsullik roʻyxatidan chiqarish haqidagi, nikohni qayd etish va bekor qilish haqidagi, ilgari qoʻyilgan qaydlarni bekor qilish haqidagi qaydlar kiritiladi.
Pasportga ushbu Nizomda nazarda tutilmagan yozuvlar va qaydlarni kiritish taqiqlanadi.
2-bob. Pasportni almashtirish tartibi
11. Pasport quyidagi hollarda ID-kartaga almashtiriladi:
pasportning amal qilish muddati tugaganida;
familiyasi, ismi, otasining ismi, millati, tugʻilgan sanasi oʻzgarganida;
pasportdagi yozuvlarda noaniqliklar va xatolar mavjudligi aniqlanganida;
sud ajrimi bilan pasportning amal qilishi toʻxtatib turilganda;
pasport blankasi yaroqsiz holga kelganida;
pasport yoʻqotib qoʻyilganida.
Ichki ishlar organlarining migratsiya va fuqarolikni rasmiylashtirish boʻlinmalari pasportning amal qilishi toʻxtatib turilganligi toʻgʻrisidagi sud ajrimini Oʻzbekiston Respublikasi Tashqi ishlar vazirligining Konsullik-huquqiy departamenti orqali Oʻzbekiston Respublikasining xorijdagi konsullik muassasalariga maʼlumot uchun yuboradi.
Fuqaro pasportining amal qilish muddati tugagandan soʻng yoki familiyasi, ismi, otasining ismi, tugʻilgan yili va millati oʻzgargandan soʻng pasporti bir oy muddatda ID-kartaga almashtirishi lozim.
12. Topib olingan pasport ichki ishlar organlariga yoki Oʻzbekiston Respublikasining xorijdagi konsullik muassasasiga topshirilishi lozim.
13. Vafot etgan shaxsning pasporti mavjud boʻlgan taqdirda fuqarolik holati dalolatnomalarini yozish organiga topshiriladi va fuqarolik holati dalolatnomalarini yozish organi hujjatni yoʻq qilish maqsadida maʼlumotlarni yigʻish punktiga yuboradi.
Xorijda vafot etgan fuqaroning pasporti Oʻzbekiston Respublikasining konsullik muassasasi tomonidan Oʻzbekiston Respublikasi Tashqi ishlar vazirligiga joʻnatiladi. Ushbu vazirlik esa hujjatni yoʻq qilish uchun Ichki ishlar vazirligiga yuboradi.
14. Hibsga olingan yoki ozodlikdan mahrum etishga hukm qilingan shaxsning pasporti tergovga qadar tekshiruv, surishtiruv, tergov organlari yoki sud tomonidan olib qoʻyiladi. Agar shaxs sudning hukmi bilan ozodlikdan mahrum etilsa, uning pasporti Oʻzbekiston Respublikasi Ichki ishlar vazirligi Jazoni ijro etish departamentiga yuboriladi.
Shaxs hibsdan ozod qilinganda yoki jazoni ijro etish muassasasidan ozod etilganida, unga pasporti tergovga qadar tekshiruv, surishtiruv, tergov organlari, sud yoxud jazoni ijro etish muassasasining maʼmuriyati tomonidan qaytariladi.
Hibsga olingan yoki ozodlikdan mahrum etishga hukm qilingan shaxslarning tergov, sud idoralarida yoki jazoni ijro etish muassasasi maʼmuriyatida saqlanayotgan muddati oʻtgan pasportlari ushbu Nizomda belgilangan tartibda yoʻq qilish uchun maʼlumotlarni yigʻish punktiga joʻnatiladi.
15. Tekshirish, verifikatsiya (solishtirib oʻqish) jarayonida noaniqliklar yoki chegara (migratsiya) belgilari, xorijiy vizalar, ruxsatnoma yozuvlari qalbakilashtirilgani alomatlari aniqlangan, shuningdek belgilangan tartibda haqiqiy emas deb topilgan pasportlar tegishli vazirliklar va idoralarga joʻnatish uchun chegara nazorati boʻlinmalari tomonidan olib qoʻyilishi mumkin.
16. Ushbu Nizomning 5 va 12 — 15-bandlarida nazarda tutilgan hollardan tashqari, fuqarolardan pasportlarini olib qoʻyish taqiqlanadi.
17. Fuqaro pasportini ehtiyot qilib saqlashi shart.
Pasportini yoʻqotib qoʻygan fuqaro zudlik bilan oʻziga qulay boʻlgan maʼlumotlarni yigʻish punktiga xabar berishi lozim, unga qonun hujjatlarida nazarda tutilgan tartibda va muddatlarda yangi ID-karta rasmiylashtirib beriladi.
Vaqtincha xorijda boʻlgan fuqarolar pasportini yoʻqotgan, pasporti yaroqsiz holga kelgan yoki uning amal qilish muddati tugagan hollarda Oʻzbekiston Respublikasiga qaytish guvohnomasini olish uchun Oʻzbekiston Respublikasining konsullik muassasasiga murojaat etadilar.
Ichki ishlar organlarining migratsiya va fuqarolikni rasmiylashtirish boʻlinmalari pasportning amal qilishi toʻxtatib turilganligi toʻgʻrisidagi sud ajrimini Oʻzbekiston Respublikasi Tashqi ishlar vazirligining Konsullik-huquqiy departamenti orqali Oʻzbekiston Respublikasining xorijdagi konsullik muassasalariga maʼlumot uchun yuboradi.
18. Oʻzbekiston Respublikasi fuqarolari, chet el fuqarolari va fuqaroligi boʻlmagan shaxslarning pasportini yoki shaxsni tasdiqlovchi boshqa hujjatini yoʻqotganliklari haqidagi arizalari boʻyicha ichki ishlar organlarining migratsiya va fuqarolikni rasmiylashtirish boʻlinmasi tomonidan tegishincha mazkur Nizomning 1 va 2-ilovalariga muvofiq belgilangan shakldagi maʼlumotnoma beriladi.
19. Pasport yoʻqolganligi toʻgʻrisidagi arizalar hisobga olish jurnalida Oʻzbekiston Respublikasi Ichki ishlar vazirligi tomonidan oʻrnatilgan tartibda roʻyxatga olinadi.
20. Fuqarolar topilgan pasportlarni zudlik bilan ichki ishlar organlariga topshirishlari lozim.
21. Topilgan pasportlarda oldingi yashash joyidan roʻyxatdan chiqqanligi haqida shtamplar mavjud boʻlsa, bunday pasportlar ularni bergan ichki ishlar organlariga yoʻq qilinish uchun yuboriladi.
22. Pasport oʻgʻirlangan hollarda bu haqidagi arizalar jinoyat sodir etilgan joydagi yoki fuqaroning yashash joyidagi hududiy ichki ishlar organlarining navbatchilik qismlari xodimlari tomonidan qabul qilinadi. Bunday arizalar qabul qilinganligi haqida fuqarolarga maʼlumotnomalar beriladi va ular javobgarlikka tortilmaydi.
Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida pasporti yoʻqolganligi yoki yaroqsiz holga kelganligi toʻgʻrisida ariza bilan murojaat etgan shaxslar ham javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni arizaga ilova qiladi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan maʼlumotnoma olinadi.
Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlaridan ozod etilgan va pasportini yoʻqotgan shaxslarga mazkur Nizomning 1-ilovasiga muvofiq shakl boʻyicha maʼlumotnoma beriladi.
Bunday shaxslarga ID-karta berish masalalari ilgari hujjatlashtirilgan yoki soʻnggi doimiy yashash joyi boʻyicha roʻyxatdan oʻtgan yoxud vaqtincha turgan joyi boʻyicha hisobga olingan joyidagi ichki ishlar organlari tomonidan, agar ular Oʻzbekiston Respublikasi fuqarolari boʻlsalar, koʻrib chiqiladi.
23. Agar fuqaro kelgan davlatida Oʻzbekiston Respublikasining konsullik muassasasi boʻlmasa, u Oʻzbekiston Respublikasining mazkur davlat konsullik okrugiga kiradigan xorijdagi konsullik muassasasiga murojaat qiladi.
24. Oʻzbekiston Respublikasi fuqaroligini yoʻqotgan shaxs pasportini soʻnggi yashash joyidagi ichki ishlar organiga yoki turgan joyi boʻyicha Oʻzbekiston Respublikasining xorijdagi diplomatik vakolatxonasi yoxud konsullik muassasasiga topshirishi shart.
3-bob. Sud ajrimi bilan amal qilishi toʻxtatib turilgan pasport
25. Qidiruvda boʻlgan ayblanuvchi yoki sudlanuvchi respublika hududida ushlangan taqdirda sud ajrimi bilan amal qilishi toʻxtatib turilgan pasport ichki ishlar organlari yoki chegara nazorati boʻlinmalari tomonidan maʼlumotlarni yigʻish punktiga yoʻq qilish uchun joʻnatish maqsadida olib qoʻyiladi va unga pasporti olib qoʻyilganligi haqida dalolatnoma beriladi.
26. Vaqtincha xorijda boʻlgan pasportining amal qilishi toʻxtatib turilgan ayblanuvchi yoki sudlanuvchi Oʻzbekiston Respublikasiga qaytish guvohnomasini olish uchun Oʻzbekiston Respublikasining konsullik muassasasiga murojaat etganda uning pasporti olib qoʻyiladi va unga bu haqida dalolatnoma beriladi. Olib qoʻyilgan pasportni yoʻq qilish uchun Oʻzbekiston Respublikasi Tashqi ishlar vazirligi orqali maʼlumotlarni yigʻish punktiga yuboriladi.
27. Sud ajrimi bilan pasportining amal qilishi toʻxtatib turilgan ayblanuvchiga yoki sudlanuvchiga ID-karta maʼlumotlarni yigʻish punkti tomonidan qonunchilik hujjatlariga muvofiq rasmiylashtirib beriladi.
4-bob. Yakunlovchi qoida
28. Qonun hujjatlarida quyidagilar uchun javobgarlik belgilanadi:
Oʻzbekiston Respublikasi fuqarosining pasportsiz yoxud haqiqiy boʻlmagan pasport bilan yashashi, pasportini qasddan yaroqsizlantirishi yoki uni ehtiyot qilib saqlamaganligi oqibatida yoʻqotib qoʻyganligi;
fuqarolar tomonidan yoʻqolganligi toʻgʻrisida ariza berilgan oʻz pasportlaridan, shuningdek, boshqa shaxslarga tegishli boʻlgan pasportlardan gʻarazli maqsadlarda foydalanganligi;
pasport tizimi qoidalariga rioya etish uchun masʼul boʻlgan shaxslar tomonidan shaxslarning shaxsini tasdiqlovchi hujjatlarsiz yashashiga yoʻl qoʻyilganligi, xuddi shuningdek fuqarolar tomonidan oʻz turar joylarida shaxslarning shaxsini tasdiqlovchi hujjatlarsiz, doimiy yashash va vaqtincha turgan joyi boʻyicha roʻyxatdan oʻtmasdan yashashiga yoʻl qoʻyilganligi;
boshqa shaxsga tegishli boʻlgan pasportni qonunga xilof ravishda olib qoʻyilganda yoki pasportni garov sifatida qabul qilinganda;
chegara zonasiga kirish yoki bu zonada yashash, shuningdek fuqarolarning kirishi va boʻlishi vaqtincha cheklangan joylarga kirish va bu joylarda boʻlish qoidalarini buzish;
gʻarazli maqsadlarda pasportni egallab olish, xuddi shuningdek, uni yoʻq qilish, yaroqsiz holga keltirish, yashirish.
Oʻzbekiston Respublikasi fuqarosining biometrik pasporti toʻgʻrisidagi nizomga
1-ILOVA
1-ILOVA
| Hududiy ichki ishlar organining shtampi | | | | | | | | | | |||||
| | | | | | | | | | | | | | | |
| 20___ y. “____” _____________ _______________________-son |
| | | | | | | | | |||||
| | | | | | | | | | | | | | | |
|
MAʼLUMOTNOMA | ||||||||||||||
| | | | | | | | | | | | | | | |
|
|
| | | | | | | | | | | | ||
| | | | | | | | | | | | | | | |
| |
Fuqaro________________________________________________________________________________ | |||||||||||||
| | Amal qilish muddati “______” ___________________ 20_____ y. | |||||||||||||
| | | | | | | | �� | | | | | | | |
| | TShIIB MvaFRB boshligʻi________________________________________________________________ | |||||||||||||
| | | | | | | | | | | | | | | |
| | | | | | | | | | | | | | | |
|
M.Oʻ. |
| | | | | | | | | | | | | |
Oʻzbekiston Respublikasi fuqarosining biometrik pasporti toʻgʻrisidagi nizomga
2-ILOVA
2-ILOVA
| Hududiy ichki ishlar organining shtampi | | | | | | | | | | |||||
| | | | | | | | | | | | | | | |
| 20___ y. “____” _____________ _______________________-son |
| | | | | | | | | |||||
| | | | | | | | | | | | | | | |
|
MAʼLUMOTNOMA | ||||||||||||||
| | | | | | | | | | | | | | | |
|
|
| | | | | | | | | | | | ||
| | | | | | | | | | | | | | | |
| | Chet el fuqarosi (fuqaroligi boʻlmagan shaxs) ______________________________________________________________________________________ | |||||||||||||
| |
(keraksizi oʻchirilsin) | |||||||||||||
| |
______________________________________________________________________________________ | |||||||||||||
| | milliy pasportning, xizmat pasportining, shaxsni tasdiqlovchi boshqa hujjatning yoʻqotilganligi haqida murojaat qildi. ____________________________________(keraksizi oʻchirilsin) Yuqoridagi shaxs haqiqatdan _____________________________________________________________da | |||||||||||||
| | | | |
(migratsiya va fuqarolikni rasmiylashtirish boʻlimining nomi) | ||||||||||
| |
20____ y. “_____” __________________dan 20____ y. “_____” _______________gacha __________________________________________________-son milliy pasport (fuqaroligi yoʻq shaxsning guvohnomasi) boʻyicha doimiy yashash joyi boʻyicha roʻyxatga olingan. | |||||||||||||
| | | | | | | | | | | | | | | |
| | Amal qilish muddati “______” ___________________ 20_____ y. | |||||||||||||
| | | | | | | | | | | | | | | |
| | TShIIB MvaFRB boshligʻi________________________________________________________________ | |||||||||||||
| | | | | | | | | | | | | | | |
| | | | | | | | | | | | | | | |
|
M.Oʻ. |
| | | | | | | | | | | |
”; | |
v) 2-ilovada:
12-bandning toʻrtinchi xatboshisi “guvohnomasi” soʻzidan keyin “yoki ID-kartasi” soʻzlari bilan toʻldirilsin;
30-band quyidagi tahrirda bayon etilsin:
“30. Harakatlanish hujjatini berish uchun Oʻzbekiston Respublikasining qonunchilik hujjatlarida belgilangan miqdorda davlat boji yoki konsullik yigʻimlari undiriladi.
Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida harakatlanish hujjati yoʻqolganligi yoki yaroqsiz holga kelganligi toʻgʻrisida ariza bilan murojaat etgan shaxs javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni arizaga ilova qiladi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilik hujjatlarida belgilangan vakolatli idoralardan maʼlumotnoma olinadi”.
3. Oʻzbekiston Respublikasi Prezidentining 2017-yil 29-maydagi PF-5060-son Farmoni bilan tasdiqlangan Oʻzbekiston Respublikasida siyosiy boshpana berish tartibi toʻgʻrisidagi nizomda:
a) 21-banddagi “yashash guvohnomasini” soʻzlari “identifikatsiyalovchi ID-kartani” soʻzlari bilan almashtirilsin;
b) 2-ilovadagi “yashash guvohnomasini” soʻzlari “identifikatsiyalovchi ID-kartani” soʻzlari bilan almashtirilsin.
4. Oʻzbekiston Respublikasi Prezidentining 2019-yil 20-avgustdagi “Xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolari va ularning oila aʼzolarini himoya qilish kafolatlarini yanada kuchaytirish choralari toʻgʻrisida”gi PF-5785-son Farmoni 3-bandining ikkinchi xatboshisi “pasport” soʻzidan keyin “yoki identifikatsiyalovchi ID-karta” soʻzlari bilan toʻldirilsin.
5. Oʻzbekiston Respublikasi Prezidentining 2020-yil 22-sentabrdagi “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi PF-6065-son Farmonida:
a) 2-bandda:
beshinchi xatboshi chiqarib tashlansin;
oltinchi xatboshi beshinchi xatboshi deb hisoblansin;
b) 1-ilovada:
oʻn birinchi xatboshidagi “ariza kelib tushgan kundan boshlab besh” soʻzlari “elektron talabnoma shakllantirilgan kundan boshlab bir” soʻzlari bilan almashtirilsin;
oʻn ikkinchi xatboshi quyidagi tahrirda bayon etilsin:
“Fuqaro ID-kartani yoʻqotgan taqdirda oʻziga qulay boʻlgan maʼlumotlarni yigʻish punktiga murojaat etadi. Yangi ID-karta belgilangan tartibda ID-karta yoʻqolganligi haqida ariza kelib tushgan kundan boshlab bir ish kunida beriladi”;
quyidagi mazmundagi oʻn uchinchi xatboshi bilan toʻldirilsin:
“Chipga millati haqidagi yozuv ota-onaning millatiga muvofiq yoziladi. Agar ota-onalar turli millatga mansub boʻlishsa, birinchi marta ID-karta berilayotganda fuqaroning xohishiga qarab otasining yoki onasining millati yoziladi. Keyinchalik, fuqaroning yozma arizasiga koʻra millati haqidagi yozuv faqat bir marta otasi yoki onasining millatiga oʻzgartirilishi mumkin”;
10-band quyidagi tahrirda bayon etilsin:
“10. Fuqaro ID-kartasi amal qilish muddati tugaganda va tegishli yoshga toʻlgandan soʻng yoki familiyasi, ismi, otasining ismi, tugʻilgan yili va millati oʻzgargandan soʻng bir oy muddatda ID-karta olish uchun murojaat qilishi lozim”;
11-bandning birinchi xatboshisi quyidagi tahrirda bayon etilsin:
“11. Fuqaro ID-karta olish uchun oʻziga qulay boʻlgan maʼlumotlarni yigʻish punktiga quyidagilarni taqdim etadi:”;
quyidagi mazmundagi 202 va 203-bandlar bilan toʻldirilsin:
202. Sud ajrimi bilan pasportining amal qilishi toʻxtatib turilgan ayblanuvchiga yoki sudlanuvchiga ID-kartasi maʼlumotlarni yigʻish punkti tomonidan hujjatlar taqdim etilgan kundan boshlab oʻn kun ichida beriladi.
Arizani koʻrib chiqish muddati Oʻzbekiston Respublikasining qonunchilik hujjatlariga muvofiq uzaytirilishi mumkin.
ID-karta olish uchun quyidagi hujjatlar taqdim etiladi:
belgilangan shakldagi ariza;
protsessual majburlov chorasi bekor qilinganligi haqidagi tasdiqlangan qaror nusxasi.
Davlat boji toʻlanganligi axborot tizimlari orqali tekshiriladi.
Sud ajrimi bilan pasportining amal qilishi toʻxtatib turilgan ayblanuvchi yoki sudlanuvchi pasport tizimi qoidalarini buzganlik uchun maʼmuriy javobgarlikka tortilmaydi.
203. Tergov hibsxonalari yoki vaqtincha saqlash hibsxonalarida saqlanayotgan shaxsga yangi ID-kartani rasmiylashtirish ushbu shaxslar saqlanayotgan joyga borgan holda amalga oshiriladi”;
birinchi xatboshidagi “bosh boshqarmasiga” soʻzlari “departamentiga” soʻzi bilan almashtirilsin;
quyidagi mazmundagi toʻrtinchi xatboshi bilan toʻldirilsin:
“Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlaridan ozod etilgan va pasporti yoki ID-kartasini yoʻqotgan shaxslarga ID-karta berish masalalari ilgari hujjatlashtirilgan yoki soʻnggi doimiy yashash joyi boʻyicha roʻyxatdan oʻtgan joyidagi yoxud vaqtincha turgan joyi boʻyicha hisobga olingan ichki ishlar organlari tomonidan, agar ular Oʻzbekiston Respublikasi fuqarolari boʻlsalar, koʻrib chiqiladi”;
28-band quyidagi tahrirda bayon etilsin:
“28. Fuqaro ID-kartani olish yoki almashtirish yuzasidan oʻz vaqtida murojaat qilmasligi, uni yaroqsiz holga keltirishi, yoʻqotib qoʻyishi, shuningdek, boshqa shaxsga tegishli boʻlgan ID-kartani qonunga xilof ravishda olib qoʻyish, ID-kartadan gʻarazli maqsadlarda foydalanish, uni yoʻq qilish, yaroqsiz holatga keltirish yoki yashirish uchun Oʻzbekiston Respublikasi qonunchiligiga asosan javobgarlik belgilanadi”;
29-band quyidagi tahrirda bayon etilsin:
“29. Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida ID-karta yoʻqolganligi yoki yaroqsiz holga kelganligi toʻgʻrisida ariza bilan murojaat etgan shaxs javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni taqdim etadi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan maʼlumotnoma olinadi.
ID-karta oʻgʻirlangan hollarda bu haqidagi arizalar jinoyat sodir etilgan joydagi yoki fuqaroning yashash joyidagi hududiy ichki ishlar organlarining navbatchilik qismlari xodimlari tomonidan qabul qilinadi. Bunday arizalar qabul qilinganligi haqida fuqarolarga maʼlumotnomalar beriladi va ular javobgarlikka tortilmaydi”;
v) 2-ilovada:
31 va 32-bandlar quyidagi tahrirda bayon etilsin:
“31. Oʻzbekiston Respublikasida doimiy roʻyxatga olingan chet el fuqarosi va fuqaroligi boʻlmagan shaxs ID-kartani olish yoki almashtirish yuzasidan oʻz vaqtida murojaat qilmasligi, uni yaroqsiz holga keltirishi, yoʻqotib qoʻyishi, shuningdek, boshqa shaxsga tegishli boʻlgan ID-kartani qonunga xilof ravishda olib qoʻyish, ID-kartadan gʻarazli maqsadlarda foydalanish, uni yoʻq qilish, yaroqsiz holatga keltirish yoki yashirish uchun Oʻzbekiston Respublikasi qonunchiligiga asosan javobgarlik belgilanadi.
32. Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida ID-kartasi yoʻqolganligi yoki yaroqsiz holga kelganligi toʻgʻrisida murojaat etgan shaxs javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni taqdim etadi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan maʼlumotnoma olinadi.
Chet el fuqarosi va fuqaroligi boʻlmagan shaxs ID-kartasi oʻgʻirlangan hollarda bu haqidagi arizalar jinoyat sodir etilgan joydagi yoki chet el fuqarosi va fuqaroligi boʻlmagan shaxsning yashash joyidagi hududiy ichki ishlar organlarining navbatchilik qismlari xodimlari tomonidan qabul qilinadi. Bunday arizalar qabul qilinganligi haqida chet el fuqarosi va fuqaroligi boʻlmagan shaxslarga maʼlumotnomalar beriladi va ular javobgarlikka tortilmaydi”.
6. Oʻzbekiston Respublikasi Prezidentining 2017-yil 11-iyuldagi PQ-3126-son qarori bilan tasdiqlangan Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi toʻgʻrisidagi nizomning 6-bandida:
a) “a” kichik bandning oltinchi xatboshisi “pasporti” soʻzidan keyin “yoki identifikatsiyalovchi ID-karta” soʻzlari bilan toʻldirilsin;
b) “v” kichik bandning toʻqqizinchi xatboshisi quyidagi tahrirda bayon etilsin:
“respublikada va xorijda yoʻqolgan pasport yoki identifikatsiyalovchi ID-kartalarning, qonunchilik hujjatlarida nazarda tutilgan hollarda bekor qilingan pasport yoki identifikatsiyalovchi ID-kartalarning yagona maʼlumotlar bazasini yuritish”;
v) “g” kichik bandning toʻrtinchi xatboshisi “pasport” soʻzidan keyin “yoki identifikatsiyalovchi ID-karta” soʻzlari bilan toʻldirilsin.
7. Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomning 7-bandida:
a) uchinchi xatboshi quyidagi tahrirda bayon etilsin:
“pasport yoki identifikatsiyalovchi ID-karta maʼlumotlari”;
b) oltinchi xatboshi quyidagi tahrirda bayon etilsin:
“qarindoshlarining (ota-ona, er-xotin, farzandlar, aka-ukalar, opa-singillar, shuningdek er-xotinlarning ota-onalari, aka-ukalari, opa-singillari) pasport yoki identifikatsiyalovchi ID-karta maʼlumotlari, nikoh qayd etilganligi yoki bekor qilinganligi, nogironlik (agar mavjud boʻlsa), qarindoshlarining oʻlimi haqidagi guvohnomalar maʼlumotlari”.
8. Oʻzbekiston Respublikasi Prezidentining 2018-yil 25-maydagi “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida”gi PQ-3741-son qarorida:
a) 4-bandning ikkinchi xatboshisidagi “pasportdagi” soʻzi “pasport yoki identifikatsiyalovchi ID-kartadagi” soʻzlari bilan almashtirilsin;
b) 1-ilovada:
1-pozitsiyaning “Qoʻshimcha xizmatlar nomi” ustuni “pasport” soʻzidan keyin “yoki identifikatsiyalovchi ID-karta” soʻzlari bilan toʻldirilsin;
2-pozitsiyaning “Qoʻshimcha xizmatlar nomi” ustuni quyidagi tahrirda bayon etilsin:
“Biometrik hamda pasport yoki identifikatsiyalovchi ID-karta maʼlumotlarini tekshirish (F.I.O., foto, barmoq izlari, pasport yoki identifikatsiyalovchi ID-karta seriyasi va raqami, taqdim etgan organ, berilgan sana, jismoniy shaxsning shaxsiy identifikatsiya raqami)”.
9. Oʻzbekiston Respublikasi Prezidentining 2018-yil 19-iyuldagi “Oʻzbekiston Respublikasi bojxona hududiga jismoniy shaxslar nomiga xalqaro pochta va kuryerlik joʻnatmalari orqali kelayotgan tovarlar nazoratini taʼminlash chora-tadbirlari toʻgʻrisida”gi PQ-3873-son qaroriga 1-ilovaning 3-bandi “pasport” soʻzidan keyin “yoki identifikatsiyalovchi ID-karta” soʻzlari bilan toʻldirilsin.
10. Oʻzbekiston Respublikasi Prezidentining 2018-yil 28-avgustdagi “Chet el fuqarolari va fuqaroligi boʻlmagan shaxslarni doimiy yashash joyi va vaqtincha turgan joyi boʻyicha roʻyxatga olish tartibini takomillashtirish chora-tadbirlari toʻgʻrisida”gi PQ-3924-son qaroriga ilovaning 5-bandi quyidagi tahrirda bayon etilsin:
“5. Ota-onalari boʻlmagan voyaga yetmagan tugʻishgan aka-ukalar va opa-singillar, shuningdek, mehnatga qobiliyatsiz boʻlgan hamda oʻz oilasi boʻlmagan voyaga yetgan tugʻishgan aka-uka va opa-singillar — oʻzlarining tugʻishgan aka-uka yoki opa-singillari doimiy roʻyxatga olingan uy-joy maydoniga”.
11. Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizomning 104-bandi uchinchi xatboshisi quyidagi tahrirda bayon etilsin:
“shaxsini tasdiqlovchi hujjat maʼlumotlari (pasport yoki identifikatsiyalovchi ID-karta, harbiy guvohnoma)”.
12. Oʻzbekiston Respublikasi Prezidentining 2018-yil 26-dekabrdagi PQ-4079-son qarori bilan tasdiqlangan Oʻzbekiston Respublikasi fuqarolarining xorijga chiqish tartibi toʻgʻrisidagi nizomda:
a) 2-bandning oʻn beshinchi xatboshisi “ichki ishlar organlarining migratsiya va fuqarolikni rasmiylashtirish boʻlinmalari,” soʻzlaridan keyin “Adliya vazirligining davlat xizmatlari markazlari,” soʻzlari bilan toʻldirilsin;
b) 49-bandda:
ikkinchi xatboshi chiqarib tashlansin;
uchinchi — oltinchi xatboshilar tegishincha ikkinchi — beshinchi xatboshilar deb hisoblansin;
v) quyidagi mazmundagi 50-band bilan toʻldirilsin:
“50. Jazoni ijro etish muassasasida jazoni oʻtab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi oqibatida xorijga chiqish biometrik pasporti yoʻqolganligi yoki yaroqsiz holga kelganligi toʻgʻrisida murojaat etgan shaxs javobgarlikka tortilmaydi.
Bunda, jazoni ijro etish muassasasida jazoni oʻtab chiqqan shaxs bu holatni tasdiqlovchi tegishli hujjatni taqdim etadi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yongʻini, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan maʼlumotnoma olinadi”.
13. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda:
a) 52-banddagi shaxsni tasdiqlovchi hujjat (pasport, harbiy guvohnoma) nusxasi” soʻzlari “shaxsni tasdiqlovchi hujjat maʼlumotlari (pasport yoki identifikatsiyalovchi ID-karta, harbiy guvohnoma)” soʻzlari bilan almashtirilsin;
b) 4-ilovada:
kirish qismi “pasporti” soʻzidan keyin “yoki identifikatsiyalovchi ID-kartasi” soʻzlari bilan toʻldirilsin;
2.2-banddagi “e” kichik band “pasport” soʻzidan keyin “yoki identifikatsiyalovchi ID-karta” soʻzlari bilan toʻldirilsin.
14. Oʻzbekiston Respublikasi Prezidentining 2019-yil 31-oktabrdagi “Yagona milliy mehnat tizimi” idoralararo dasturiy-apparat kompleksini joriy qilish chora-tadbirlari toʻgʻrisida”gi PQ-4502-son qaroriga 1-ilovaning 4-pozitsiyasi “Maʼlumotlar nomi” ustunidagi “Fuqaro pasporti berilgan sana” va “Fuqaro pasportini bergan organ nomi” soʻzlari tegishincha “Fuqaro pasporti yoki identifikatsiyalovchi ID-kartasi berilgan sana” va “Fuqaro pasportini yoki identifikatsiyalovchi ID-kartasini bergan organ nomi” soʻzlari bilan almashtirilsin.
(Qonunchilik maʼlumotlari milliy bazasi, 20.04.2022-y., 06/22/112/0326-son)
