Hujjat 15.05.2024 00 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
“Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida
“Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Oʻzbekiston Respublikasi Qonuni hamda Oʻzbekiston Respublikasi Prezidentining “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida” 2021-yil 8-iyundagi PF-6243-son Farmoni ijrosini taʼminlash maqsadida Vazirlar Mahkamasi qaror qiladi:
1. Quyidagilar:
“Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Oʻzbekiston Respublikasi Qonuniga muvofiq yer uchastkalarini xususiylashtirish Oʻzbekiston Respublikasi fuqarolari va yuridik shaxslari tomonidan ularga doimiy foydalanish (egalik qilish), ijara yoxud meros qilib qoldiriladigan umrbod egalik qilish huquqi asosida tegishli boʻlgan yer uchastkalarini sotib olish, shuningdek, yer uchastkalarini elektron onlayn-auksion orqali sotish yoʻli bilan amalga oshirilishi;
Oʻzbekiston Respublikasi Prezidentining “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida” 2021-yil 8-iyundagi PF-6243-son Farmoniga muvofiq qishloq xoʻjaligiga moʻljallanmagan yerlar mulk huquqi va ijara huquqi asosida elektron onlayn-auksion orqali realizatsiya qilinishi;
Vazirlar Mahkamasining “Sirdaryo viloyatida qishloq xoʻjaligiga moʻljallanmagan yer uchastkalarini xususiylashtirish tartib-taomillarini aprobatsiya qilish boʻyicha huquqiy eksperiment oʻtkazish toʻgʻrisida” 2019-yil 2-dekabrdagi 963-son qaroriga muvofiq Sirdaryo viloyatida “Yerxususiylasntirish” avtomatlashtirilgan axborot tizimi (keyingi oʻrinlarda — “Yerxususiylasntirish” AAT) orqali qishloq xoʻjaligiga moʻljallanmagan yer uchastkalarini xususiylashtirish tartib-taomillarini aprobatsiya qilish boʻyicha huquqiy eksperiment oʻtkazilganligi maʼlumot uchun qabul qilinsin.
2. Oʻzbekiston Respublikasi Prezidenti huzuridagi Loyiha boshqaruvi milliy agentligi ikki hafta muddatda Axborot texnologiyalari va kommunikatsiyalarini rivojlantirish vazirligi, Kiberxavfsizlik markazi, Oʻzbekiston Respublikasi Davlat aktivlarini boshqarish agentligining (keyingi oʻrinlarda — Davaktiv agentligi) rahbar xodimlaridan iborat ishchi guruh tashkil etgan holda “Yerxususiylashtirish” AATni, uni ishlab chiqish hamda amaliyotga joriy etish boʻyicha tasdiqlangan texnik hujjatlar va ekspertiza xulosalari bilan birgalikda Davaktiv agentligiga operativ boshqaruv huquqi asosida topshirilishini taʼminlasin.
Davaktiv agentligi “Yerxususiylashtirish” AATni zaruratga koʻra takomillashtirib borsin, bunda “Yerxususiylashtirish” AATni qayta ishlab chiqish, takomillashtirish, texnik qoʻllab-quvvatlash, jarayonlarga malakali mutaxassislarni jalb qilish va u bilan bogʻliq boshqa barcha xarajatlar Davlat aktivlarini boshqarish, transformatsiya va xususiylashtirish jamgʻarmasi mablagʻlari hisobidan amalga oshirilsin.
3. Belgilansinki:
a) Oʻzbekiston Respublikasi fuqarolari va yuridik shaxslari tomonidan ularga doimiy foydalanish (egalik qilish), ijara yoxud meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish “Yerxususiylasntirish” AAT orqali amalga oshiriladi;
b) Davaktiv agentligi “Yerxususiylasntirish” AATning texnik qoʻllab-quvvatlash boʻyicha operatori hisoblanadi;
v) qishloq xoʻjaligiga moʻljallanmagan boʻsh turgan yer uchastkalarini tadbirkorlik va shaharsozlik faoliyatini amalga oshirish uchun mulk yoki ijara huquqlari asosida, yakka tartibda uy-joy qurish uchun mulk huquqi asosida realizatsiya qilish “E-auksion” elektron savdo platformasi orqali amalga oshiriladi, bunda:
boʻsh turgan yer uchastkasiga doir maʼlumotlarni shakllantirish va kelishish “Yerelektron” avtomatlashtirilgan axborot tizimi (keyingi oʻrinlarda — “Yerelektron” AAT) orqali amalga oshiriladi;
boʻsh turgan yer uchastkasining zaxiraga olinganligi hamda koʻchmas mulkka boʻlgan huquqlarni roʻyxatdan oʻtkazuvchi kadastr organlari tomonidan tegishli tuman (shahar) hokimligi nomiga davlat roʻyxatidan oʻtkazilganligi ushbu yer uchastkasini “Yerelektron” AATga kiritishning majburiy sharti hisoblanadi;
g) “Yerxususiylashtirish” AATni texnik qoʻllab-quvvatlash, xususiylashtirilgan yer uchastkasiga mulk huquqini davlat roʻyxatidan oʻtkazish, shuningdek, yagona billing hisob-kitob tizimi xizmatlari uchun toʻlovlar yer uchastkalarini xususiylashtirishdan tushgan mablagʻlar hisobidan qoplanadi.
4. Quyidagilar:
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglament 1-ilovaga muvofiq;
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisidagi nizom 2-ilovaga muvofiq;
Keyingi tahrirga qarang.
Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi toʻgʻrisidagi nizom 3-ilovaga muvofiq;
“Yerxususiylashtirish” AATga ulanadigan vazirliklar, idoralar va tashkilotlar roʻyxati 4-ilovaga muvofiq;
“Yerelektron” AATga ulanadigan vazirliklar, idoralar va tashkilotlar roʻyxati 5-ilovaga muvofiq tasdiqlansin.
5. Oʻzbekiston Respublikasi Markaziy banki va tijorat banklariga bir oy muddatda xususiylashtirilgan yer uchastkalari garov taʼminoti sifatida qabul qilinishi mumkinligini inobatga olib oʻz idoraviy normativ-huquqiy hujjatlari va kredit siyosatlariga oʻzgartirish kiritish tavsiya etilsin.
Oʻzbekiston Respublikasi Adliya vazirligi Notarial palata bilan birgalikda bir oy muddatda barcha notariuslarga xususiylashtirilgan yer uchastkalari bilan bogʻliq notarial harakatlarni amalga oshirishning xususiyatlarini tushuntirish boʻyicha oʻquv-amaliy seminarlar tashkil etsin.
6. Oʻzbekiston Respublikasi Davlat soliq qoʻmitasi, Davaktiv agentligi ikki oy muddatda qishloq xoʻjaligiga moʻljallanmagan yer uchastkalari uchun yuridik va jismoniy shaxslardan undiriladigan yer soligʻi stavkalari maʼlumotlar bazasining kadastr raqami boʻyicha “Yerxususiylasntirish” AAT bilan integratsiya qilinishini taʼminlasin.
7. Oʻzbekiston Respublikasi Davlat soliq qoʻmitasi huzuridagi Kadastr agentligi:
Davaktiv agentligi bilan birgalikda bir oy muddatda “Kadastr va roʻyxatdan oʻtkazish integratsiyalashgan axborot tizimi”ning “Yerxususiylasntirish” AAT bilan integratsiya qilinishini;
bir oy muddatda yuridik va jismoniy shaxslar tomonidan ochiq maʼlumotlar portali orqali takliflar kiritishda yer uchastkasiga mulk huquqi yoki ijara huquqi turini tanlash imkoniyatini berishni nazarda tutgan holda “Yerelektron” AATning takomillashtirilishini;
ikki oy muddatda Kadastr agentligi va uning tizimidagi tashkilotlarning moddiy-texnika bazasini yanada mustahkamlash toʻgʻrisidagi Hukumat qarori loyihasi Vazirlar Mahkamasiga kiritilishini;
Qurilish vazirligi bilan birgalikda uch oy muddatda davlat shaharsozlik kadastri va davlat yer kadastri maʼlumotlar bazalarining integratsiya qilinishini taʼminlasin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Qurilish vazirligi, Moliya vazirligi hamda tegishli vazirliklar va idoralar bilan birgalikda ikki oy muddatda oʻz hududlarining ijtimoiy-iqtisodiy rivojlanishidan kelib chiqqan holda aholi punktlarining bosh rejalarini ishlab chiqish, mavjud bosh rejalarga belgilangan tartibda tuzatishlar kiritish yuzasidan Vazirlar Mahkamasiga taklif kiritsin.
9. Belgilansinki:
Oʻzbekiston Respublikasi Prezidentining 2020-yil 7-sentabrdagi PQ-4819-son qaroriga 9-ilovada koʻrsatilgan vazirliklar, idoralar va tashkilotlar rahbarlari — ushbu tashkilotlar foydalanishidagi yer uchastkalariga, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — zaxira yerlar, obodonlashtirish yerlari va koʻp kvartirali uy-joylarga tutash yer uchastkalariga boʻlgan huquqlarning 2022-yil oxiriga qadar Milliy geografik axborot tizimida toʻliq davlat roʻyxatidan oʻtkazilishi va ulardan belgilangan maqsadlarda foydalanilishi uchun shaxsan javobgar hisoblanadi;
vazirliklar va idoralar foydalanishidagi yer uchastkalari hamda dehqon xoʻjaliklarida 2022-yilda yer tuzish, geodeziya va xatlov ishlari, kadastr pasportlarini tayyorlash va yerga boʻlgan huquqlarni davlat roʻyxatidan oʻtkazish uchun 6-ilovaga muvofiq talab etiladigan budjet mablagʻlari respublika budjetining 2022-yil 1 va 2-choraklari daromadlari prognozining oshirib bajarilishi hisobidan teng ulushlarda moliyalashtiriladi.
Oldingi tahrirga qarang.
Oʻrmon xoʻjaligi davlat qoʻmitasi, Ekologiya va atrof muhitni muhofaza qilish davlat qoʻmitasi hamda Turizm va madaniy meros vazirligi huzuridagi Madaniy meros agentligi mazkur bandda nazarda tutilgan tadbirlar uchun 6-ilovaga muvofiq budjetdan tashqari jamgʻarmalar hisobidan moliyalashtirilishi lozim boʻlgan mablagʻlarning oʻz vaqtida ajratilishini taʼminlasin.
(9-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 20-maydagi 278-sonli qarori tahririda — Qonunchilik maʼlumotlari milliy bazasi, 21.05.2022-y., 09/22/278/0439-son)
Keyingi tahrirga qarang.
Oʻzbekiston Respublikasi Moliya vazirligi har yili Oʻzbekiston Respublikasining Davlat budjeti parametrlarini shakllantirishda mazkur bandning ikkinchi xatboshisida nazarda tutilgan tadbirlar hamda aholi punktlarining bosh rejalari, hududlarni rivojlantirish va qurish toʻgʻrisidagi shaharsozlik hujjatlarini ishlab chiqish tadbirlari uchun tegishli mablagʻlar ajratilishini nazarda tutsin.
Oldingi tahrirga qarang.
10. Oʻzbekiston Respublikasi Adliya vazirligi:
(10-bandning birinchi xatboshisi Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
Axborot texnologiyalari va kommunikatsiyalarini rivojlantirish vazirligi va Davaktiv agentligi bilan birgalikda ikki hafta muddatda Oʻzbekiston Respublikasi fuqarolari va yuridik shaxslariga tegishli boʻlgan qishloq xoʻjaligiga moʻljallanmagan yer uchastkalarini xususiylashtirish boʻyicha arizalarni Davlat xizmatlari markazlari va Oʻzbekiston Respublikasi Yagona interaktiv davlat xizmatlari portali orqali qabul qilish imkoniyatini yaratsin va ishga tushirsin;
davlat organlari va boshqa tashkilotlar tomonidan mazkur qarorga muvofiq davlat xizmatlari koʻrsatilishining belgilangan tartibiga rioya etilishi boʻyicha ularning faoliyati yuzasidan, shu jumladan, YIDXP orqali doimiy nazorat oʻrnatsin;
ushbu qaror bilan tasdiqlangan davlat xizmatlarini koʻrsatish tartiblarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.
11. Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qaroriga 7-ilovaga muvofiq oʻzgartirish va qoʻshimchalar kiritilsin.
12. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.
13. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi manfaatdor vazirliklar va idoralar bilan birgalikda Vazirlar Mahkamasiga:
bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida;
zaruratga koʻra mazkur qaror normalarini takomillashtirib borish toʻgʻrisida takliflar kiritsin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 14-fevral,
71-son
Vazirlar Mahkamasining 2022-yil 14-fevraldagi 71-son qaroriga
1-ILOVA
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir
MAʼMURIY REGLAMENT
1-bob. Umumiy qoidalar
1. Ushbu Reglament Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan qishloq xoʻjaligiga moʻljallanmagan yer uchastkalarini xususiylashtirish boʻyicha davlat xizmatlarini koʻrsatish tartibini belgilaydi.
2. Ushbu Reglamentda quyidagi asosiy tushunchalardan foydalaniladi:
“Yerxususiylasntirish” avtomatlashtirilgan axborot tizimi (keyingi oʻrinlarda — “Yerxususiylasntirish” AAT) — ushbu tizimga ulangan vakolatli organlar va tashkilotlar tomonidan yer uchastkalarini xususiylashtirish boʻyicha maʼlumotlarni yigʻish, koʻrib chiqish va kelishish ishlarini amalga oshirish maqsadida foydalaniladigan avtomatlashtirilgan axborot tizimi;
“Kadastr va roʻyxatdan oʻtkazish integratsiyalashgan axborot tizimi” — Davlat soliq qoʻmitasi huzuridagi Kadastr agentligining koʻchmas mulklarni hisobga olish hamda koʻchmas mulklarga boʻlgan huquqlarni davlat roʻyxatidan oʻtkazish ishlarini amalga oshirish maqsadida foydalaniladigan axborot tizimi;
Keyingi tahrirga qarang.
ariza beruvchi — oʻziga meros qilib qoldiriladigan umrbod egalik qilish huquqi, doimiy foydalanish (egalik qilish) yoki ijara huquqi asosida ajratilgan qishloq xoʻjaligiga moʻljallanmagan yer uchastkasini xususiylashtirish maqsadida ariza bergan Oʻzbekiston Respublikasi fuqarosi yoki yuridik shaxsi;
Keyingi tahrirga qarang.
yer uchastkasini xususiylashtirish — davlat mulki boʻlgan qishloq xoʻjaligiga moʻljallanmagan yer uchastkasini Oʻzbekiston Respublikasi fuqarolarining va (yoki) yuridik shaxslarining mulkiga oʻtkazish;
xususiylashtirilayotgan yer uchastkasini sotib olish qiymati — ariza beruvchi tomonidan yer uchastkasini xususiylashtirish maqsadida toʻlanadigan, xususiylashtirish paytida belgilangan yer soligʻi bazaviy stavkasining karrali miqdoridagi toʻlov;
qishloq xoʻjaligiga moʻljallanmagan yer uchastkasi (keyingi oʻrinlarda — yer uchastkasi) — qishloq xoʻjaligi ehtiyojlari uchun berilmagan yoki ushbu maqsadlar uchun moʻljallanmagan yer uchastkasi.
3. Yer uchastkalarini xususiylashtirish boʻyicha davlat xizmatlari Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.
4. Oʻzbekiston Respublikasi fuqarolari yoki yuridik shaxslariga doimiy foydalanish (egalik qilish), ijara yoki meros qilib qoldiriladigan umrbod egalik qilish huquqi asosida tegishli boʻlgan qishloq xoʻjaligiga moʻljallanmagan yer uchastkalarini xususiylashtirish ushbu Reglamentga 1-ilovada keltirilgan sxemaga muvofiq amalga oshiriladi.
5. Ushbu Reglament kichik sanoat, yoshlar sanoat va tadbirkorlik zonalari ishtirokchilariga berilgan yer uchastkalariga nisbatan tatbiq etilmaydi.
Keyingi tahrirga qarang.
2-bob. Yer uchastkasini xususiylashtirishda davlat xizmatlarini koʻrsatish tartibi
6. Yer uchastkalarini xususiylashtirish uchun ariza beruvchilar yer uchastkasi joylashgan tegishli hududdagi Davlat xizmatlari markazlariga oʻzlari kelgan holda murojaat qiladilar yoki davlat xizmatidan elektron tarzda foydalanish uchun YIDXPda roʻyxatdan oʻtadilar.
Keyingi tahrirga qarang.
7. Ariza beruvchi oʻzi kelib murojaat qilganda Davlat xizmatlari markazi xodimi ariza beruvchi nomidan, YIDXP orqali murojaat qilganda esa — ariza beruvchining oʻzi mustaqil ravishda ushbu Reglamentga 2 va 3-ilovalarga muvofiq shakllarda ariza toʻldiradi.
Ariza toʻldirish jarayonida:
yer uchastkasiga boʻlgan huquqning davlat roʻyxatidan oʻtkazilganligi Kadastr agentligining “Kadastr va roʻyxatdan oʻtkazish integratsiyalashgan axborot tizimi” orqali;
xususiylashtirish obyektlari va subyektlari “Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Oʻzbekiston Respublikasi Qonunining 10, 12 va 13-moddalari talablariga mosligi “Yerxususiylasntirish” AATga ulangan tashkilotlarning axborot tizimlari orqali avtomatik ravishda tekshiriladi.
Agar xususiylashtiriladigan yer uchastkasi ulushli yoki birgalikdagi egalik qilishda (foydalanishda) boʻlsa, ariza barcha egalarning (foydalanuvchilarning) fuqarolik qonun hujjatlariga muvofiq tuziladigan kelishuviga binoan, bunday kelishuvga erishilmagan taqdirda esa — sud tomonidan belgilangan tartibda ushbu Reglament talablari asosida beriladi.
Xususiylashtirilayotgan yer uchastkasida boshqa shaxslarga mulk huquqi asosida tegishli bino va inshootlar mavjud boʻlgan taqdirda, ularning mazkur yer uchastkasiga doimiy foydalanish (egalik qilish), ijara yoki meros qilib qoldiriladigan umrbod egalik qilish huquqi mavjudligi tekshiriladi.
Keyingi tahrirga qarang.
8. Yer uchastkasini xususiylashtirish toʻgʻrisidagi arizaga quyidagilarning skaner qilingan nusxasi ilova qilinishi kerak:
belgilangan tartibda rasmiylashtirilgan ishonchnoma (ariza beruvchining vakili murojaat qilgan hollarda);
yuridik shaxsning tegishli boshqaruv organining yer uchastkasini xususiylashtirish toʻgʻrisidagi qarori (ariza beruvchi — yuridik shaxsning taʼsis hujjatlariga muvofiq zarur boʻlsa);
Keyingi tahrirga qarang.
9. Davlat xizmatlari koʻrsatish uchun bazaviy hisoblash miqdorining 10 foizi miqdorida yigʻim undiriladi.
Davlat xizmati koʻrsatilishida YIDXP orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.
Keyingi tahrirga qarang.
Arizani koʻrib chiqish uchun undiriladigan yigʻimlar va xususiylashtirilayotgan yer uchastkasining sotib olish qiymati toʻlanganligi tasdigʻi “Yerxususiylasntirish” AAT orqali davlat xizmatlari koʻrsatganlik uchun toʻlangan davlat bojlari va yigʻimlar summasini yurituvchi Yagona billing tizimidan (keyingi oʻrinlarda — Yagona billing tizimi) olingan maʼlumotlar asosida amalga oshiriladi.
10. Yigʻimlar summasi quyidagi tartibda taqsimlanadi:
a) Davlat xizmatlari markazlariga oʻzi kelib murojaat etganda:
Oldingi tahrirga qarang.
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi;
(10-band “a” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
0,5 foizi — toʻlovlarni tasdiqlash Yagona billing tizimi orqali amalga oshirilganligi uchun Axborot-kommunikatsiya texnologiyalarini rivojlantirish jamgʻarmasining Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlarning:
50 foizi — Oʻzbekiston Respublikasi Davlat soliq qoʻmitasi huzuridagi Kadastr agentligining Davlat kadastrlari palatasi (keyingi oʻrinlarda — Davlat kadastrlari palatasi) hududiy boshqarmalarining bank hisobvaragʻiga;
Oldingi tahrirga qarang.
50 foizi — Qoraqalpogʻiston Respublikasi Qurilish va uy-joy kommunal xoʻjaligi vazirligi va viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi bank hisobvaragʻiga oʻtkaziladi;
(10-band “a” kichik bandining oltinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
b) YIDXP orqali murojaat qilinganda:
Oldingi tahrirga qarang.
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi;
(10-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
0,5 foizi — toʻlovlarni tasdiqlash Yagona billing tizimi orqali amalga oshirilganligi uchun Axborot-kommunikatsiya texnologiyalarini rivojlantirish jamgʻarmasining Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlarning:
50 foizi — Davlat kadastrlar palatasi hududiy boshqarmalarining bank hisobvaragʻiga;
Oldingi tahrirga qarang.
50 foizi — Qoraqalpogʻiston Respublikasi Qurilish va uy-joy kommunal xoʻjaligi vazirligi va viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi bank hisobvaragʻiga oʻtkaziladi.
(10-band “b” kichik bandining yettinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Keyingi tahrirga qarang.
11. Ariza beruvchi davlat xizmatlaridan foydalanishdan yer uchastkasiga mulk huquqini beruvchi davlat orderi (keyingi oʻrinlarda — davlat orderi) berilguniga qadar uni koʻrsatishning har qanday bosqichida bosh tortish huquqiga ega.
Ariza beruvchi davlat xizmatlaridan foydalanishdan bosh tortganda uning arizasi koʻrib chiqilmaydi yoki davlat xizmatini koʻrsatish toʻxtatiladi. Bunda davlat xizmatlarini koʻrsatish uchun qabul qilingan ariza koʻrib chiqilganligi uchun toʻlangan yigʻim qaytarilmaydi.
Oldingi tahrirga qarang.
12. Oʻzi kelib murojaat etganda Davlat xizmatlari markazlari ariza toʻldirilgan vaqtdan boshlab real vaqt rejimida uni “Yerxususiylasntirish” AAT orqali tuman (shahar) qurilish va uy-joy kommunal xoʻjaligi boʻlimi hamda Oʻzbekiston Respublikasi Davlat soliq qoʻmitasi huzuridagi Kadastr agentligining Davlat kadastrlari palatasi (keyingi oʻrinlarda — Davlat kadastrlari palatasi) tuman (shahar) filialiga kelishish uchun yuboradi.
YIDXP orqali murojaat qilinganda ariza avtomatik ravishda “Yerxususiylasntirish” AAT orqali tuman (shahar) qurilish va uy-joy kommunal xoʻjaligi boʻlimi va Davlat kadastrlari palatasi tuman (shahar) filialiga yuboriladi.
(12-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Keyingi tahrirga qarang.
Oldingi tahrirga qarang.
13. Tuman (shahar) qurilish va uy-joy kommunal xoʻjaligi boʻlimi besh ish kuni ichida arizada koʻrsatilgan yer uchastkasi joylashgan hududning (aholi punkti yoki ular orasidagi hududni) rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga yer uchastkasi joylashuvining muvofiqligini koʻrib chiqadi.
Aholi punktlarining tasdiqlangan bosh rejalarida, aholi punkti qismlarini batafsil rejalashtirish loyihalarida, hududlarni kompleks rivojlantirish va qurishga doir boshqa hujjatlarda yer uchastkalarini xususiylashtirishga bevosita monelik qiladigan maʼlumotlarning mavjudligi tuman (shahar) qurilish va uy-joy kommunal xoʻjaligi boʻlimi tomonidan yer uchastkalarini xususiylashtirishni rad etish uchun asos hisoblanadi.
Agar ariza boʻyicha xususiylashtirish uchun berilgan yer uchastkasi hududida tasdiqlangan shaharsozlik hujjatlari mavjud boʻlmagan taqdirda, tuman (shahar) qurilish va uy-joy kommunal xoʻjaligi boʻlimi ushbu bandning birinchi qismida koʻrsatilgan muddat ichida arizada koʻrsatilgan yer uchastkasi joylashgan hududda tasdiqlangan shaharsozlik hujjatlari mavjud emasligini tasdiqlovchi xulosa taqdim etadi. Bunda ariza beruvchiga 2021-yil 16-noyabrga qadar yuzaga kelgan doimiy foydalanish (egalik qilish), ijara yoxud meros qilib qoldiriladigan umrbod egalik qilish huquqi asosida tegishli boʻlgan yer uchastkalari ulardan foydalanishning asosiy maqsadini shaharsozlik hujjatlari tasdiqlanguniga qadar saqlab qolish sharti bilan xususiylashtirilishi mumkin.
(13-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Keyingi tahrirga qarang.
Keyingi tahrirga qarang.
14. Davlat kadastrlari palatasi tuman (shahar) filiali ariza tushgan kundan boshlab besh ish kuni ichida quyidagilarni oʻrganadi:
Keyingi tahrirga qarang.
yer uchastkalari boʻyicha topografik rejaning mavjudligi;
arizada koʻrsatilgan yer uchastkasi va huquq egasi toʻgʻrisidagi maʼlumotlarning Koʻchmas mulkka boʻlgan huquqlarning davlat reyestridagi maʼlumotlarga muvofiqligi;
xususiylashtirilayotgan yer uchastkasiga boʻlgan huquq egasi haqidagi maʼlumotlarning ushbu yer uchastkasida joylashgan bino va inshootlarning mulkdori haqidagi maʼlumotlarga muvofiqligi;
xususiylashtirilayotgan yer uchastkasida joylashgan koʻchmas mulk obyektlariga nisbatan taqiqning yoki xatlovning mavjudligi;
yer uchastkasi joylashgan joyga chiqqan holda yer uchastkasi chegaralarini kadastr hujjatlari maʼlumotlariga mosligini aniqlash.
Davlat kadastrlari palatasi tuman (shahar) filiali yer uchastkasining topografik xaritasi mavjud boʻlmagan taqdirda, Vazirlar Mahkamasining 2021-yil 22-iyundagi 389-son qarori bilan tasdiqlangan Koʻchmas mulk obyektlariga kadastr yigʻmajildini tayyorlash tartibi toʻgʻrisidagi nizomning 8-bandida belgilangan muddatlarda topografik rejani tayyorlaydi.
Oldingi tahrirga qarang.
Yer uchastkasi va unga tutash hududning topografik rejasini tayyorlash uchun toʻlov summasi bir gektar yer maydoni uchun bazaviy hisoblash miqdorining besh baravari hisobidan kelib chiqib (bir kvadrat metrgacha boʻlgan aniqlikda) hisoblanadi va yer uchastkasini xususiylashtirishdan tushgan mablagʻlar hisobidan qoplanadi.
(14-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
Keyingi tahrirga qarang.
Oldingi tahrirga qarang.
15. Arizani va unga ilova qilingan hujjatlarni koʻrib chiqish natijalari boʻyicha tuman (shahar) qurilish va uy-joy kommunal xoʻjaligi boʻlimi, Davlat kadastrlari palatasi tuman (shahar) filiali yer uchastkasini xususiylashtirish toʻgʻrisidagi arizani kelishadi yoki uni kelishish maqsadga muvofiq emasligi toʻgʻrisida xabar beradi.
(15-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Keyingi tahrirga qarang.
Kelishuv hech qanday eslatma va shartlarsiz, tegishli yer uchastkasi boʻyicha vakolatli tashkilot masʼul xodimining elektron raqamli imzosi bilan tasdiqlanadigan rozilik rezolyutsiyasi orqali amalga oshiriladi.
Kelishish rad etilgan taqdirda yer uchastkasini xususiylashtirish mumkin emasligi haqida normativ-huquqiy hujjatning aniq normasiga asoslangan sabablar koʻrsatilgan xabarnoma tayyorlanadi.
16. “Yerxususiylasntirish” AAT arizani koʻrib chiqish natijalari boʻyicha ariza kelishilganligi yoki rad etilganligi toʻgʻrisidagi maʼlumotni oʻz ichiga olgan xabarnomani shakllantiradi va uni YIDXP yoki Davlat xizmatlari markazi orqali ariza beruvchiga yuboradi.
Ariza kelishilgan taqdirda, Yagona billing tizimi “Yerxususiylasntirish” AAT maʼlumotlari asosida xususiylashtirilayotgan yer uchastkasini sotib olish uchun hisobvaraqni shakllantiradi va xabarnomaga ilova qiladi hamda toʻlangan mablagʻlar hisobini yuritadi.
17. Xususiylashtirilayotgan yer uchastkasini sotib olish qiymati milliy valyutada mazkur Reglamentga 4-ilovada koʻrsatilgan tegishli meʼyorlar boʻyicha hisoblanadi.
18. Ariza beruvchi toʻlov yuzasidan xabarnomani olgan kundan boshlab oʻn ish kuni ichida yer uchastkasini xususiylashtirish uchun toʻlovni amalga oshirishi zarur.
19. Ariza beruvchi xususiylashtirilayotgan yer uchastkasini sotib olish qiymatini toʻliq va oʻz vaqtida amalga oshirmagan taqdirda, “Yerxususiylasntirish” AAT avtomatik ravishda xususiylashtirishni rad etish toʻgʻrisida xabarnomani tayyorlaydi va uni ariza beruvchiga Davlat xizmatlari markazi yoki YIDXP orqali yuboradi.
20. Ariza beruvchi rad javobini olgan kundan boshlab bir oy ichida, agar rad etish sababi faqat xususiylashtirilayotgan yer uchastkasini sotib olish davlat xizmatlarini koʻrsatish uchun yigʻimni toʻlamasdan yer uchastkasini xususiylashtirishni rad etish uchun asos boʻlgan sabablarni bartaraf etgan holda qayta ariza topshirishga haqli.
Oldingi tahrirga qarang.
21. Xususiylashtirilayotgan yer uchastkasini sotib olish uchun toʻlov quyidagi tartibda avtomatik taqsimlanadi:
a) Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qaroriga muvofiq mulk huquqini davlat roʻyxatidan oʻtkazish boʻyicha davlat xizmatlarini koʻrsatganlik uchun — tegishli Davlat kadastrlari palatasi hududiy boshqarmasiga, uning 10 foizi Oʻzbekiston Respublikasi Davlat soliq qoʻmitasi huzuridagi Kadastr agentligining budjetdan tashqari jamgʻarmasining maxsus gʻaznachilik hisobvaragʻiga (4014);
b) ushbu Reglamentning 14-bandiga muvofiq yer uchastkasi va unga tutash hududning topografik rejasini tayyorlash boʻyicha davlat xizmatlarini koʻrsatganlik uchun — tegishli Davlat kadastrlari palatasi hududiy boshqarmasi hisobvaragʻiga;
v) 3 foizi — “Yerxususiylashtirish” AATni texnik qoʻllab-quvvatlash ishlari uchun Davlat aktivlarini boshqarish agentligining hisobvaragʻiga;
g) 0,5 foizi — toʻlovlarni tasdiqlash Yagona billing tizimi orqali amalga oshirilganligi uchun Axborot-kommunikatsiya texnologiyalarini rivojlantirish jamgʻarmasining Elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
d) qolgan mablagʻlarning:
50 foizi — Qoraqalpogʻiston Respublikasi respublika budjeti, viloyatlarning viloyat budjetlari va Toshkent shahrining shahar budjeti maxsus gʻazna hisobvaraqlariga ularning qoʻshimcha manbalari sifatida yoʻnaltiriladi va uning 30 foizi — jismoniy va yuridik shaxslarga yetkazilgan mulkiy zararlarni kompensatsiya qilish boʻyicha hududiy maqsadli jamgʻarmaga, 70 foizi — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Tadbirkorlik infratuzilmasini rivojlantirish jamgʻarmasiga yoʻnaltiriladi;
50 foizi — mazkur yer uchastkalari joylashgan tuman (shahar)lar budjetiga ularning qoʻshimcha manbalari sifatida oʻtkaziladi.
(21-band Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
22. Ariza beruvchi xususiylashtirilayotgan yer uchastkasining sotib olish qiymati toʻlovini toʻliq amalga oshirganidan soʻng “Yerxususiylasntirish” AAT avtomatik ravishda ushbu Reglamentga 5-ilovada keltirilgan shaklga muvofiq jismoniy shaxs boʻyicha — familiyasi, ismi, otasining ismi, pasport raqami, JSHSHIR, yuridik shaxs boʻyicha — yuridik shaxs nomi, STIR raqamini koʻrsatgan holda yer uchastkasiga mulk huquqini beruvchi davlat orderini belgilangan tartibda shakllantiradi va Davlat aktivlarini boshqarish agentligining tegishli hududiy boshqarmalariga imzolash uchun yuboradi.
Davlat aktivlarini boshqarish agentligining tegishli hududiy boshqarmalari “Yerxususiylasntirish” AAT orqali olgan davlat orderiga bir ish kuni ichida elektron raqamli imzo qoʻyadi va uni Kadastr agentligining “Kadastr va roʻyxatdan oʻtkazish integratsiyalashgan axborot tizimi” orqali Davlat kadastrlari palatasining tegishli hududiy boshqarmasiga yuboradi.
Oldingi tahrirga qarang.
Ariza beruvchi, zarur hollarda Davlat aktivlarini boshqarish agentligining tegishli hududiy boshqarmasiga murojaat qilgan holda chop etilgan qogʻoz shaklidagi yer uchastkasiga mulk huquqini beruvchi davlat orderining aslini olishi ham mumkin.
(22-band Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 02.12.2022-y., 09/22/685/1060-son)
23. Davlat kadastrlari palatasi hududiy boshqarmalari davlat orderi taqdim etilgandan soʻng ikki ish kuni ichida davlat orderiga asosan yer uchastkasiga boʻlgan mulk huquqini davlat roʻyxatidan oʻtkazadi va Koʻchmas mulk obyektlariga boʻlgan huquqlarning davlat reyestridan koʻchirmani davlat orderi bilan birga “Yerxususiylasntirish” AAT orqali YIDXP orqali ariza beruvchiga yoki Davlat xizmatlari markaziga yuboradi.
24. Davlat xizmatlari markazi davlat orderi va Koʻchmas mulk obyektlariga boʻlgan huquqlarning davlat reyestridan koʻchirma olganidan soʻng real vaqt rejimida ularni ariza beruvchining elektron manziliga yuboradi va bu haqida ariza beruvchini axborot-kommunikatsiya texnologiyalari orqali xabardor qiladi.
Koʻchmas mulk obyektlariga boʻlgan huquqlarning davlat reyestridan koʻchirma va davlat orderi YIDXP orqali ariza beruvchiga yuborilganda avtomatik ravishda xabarnoma beriladi.
Arizani koʻrib chiqish natijalari boʻyicha QR-kod (matrik shtrix-kod) qoʻyilgan elektron hujjatlar asliga tenglashtiriladi.
3-bob. Yakunlovchi qoidalar
Oldingi tahrirga qarang.
25. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va Davlat xizmatlari markazlari, shu jumladan, YIDXP orqali, ushbu Reglamentning talablari ijrosi yuzasidan davlat organlari va boshqa tashkilotlar faoliyatini doimiy ravishda nazorat qiladi va monitoring olib boradi.
(25-band Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
26. Ariza beruvchi davlat organlari va boshqa tashkilotlarning harakati (harakatsizligi) ustidan qonunchilik hujjatlarida belgilangan tartibda shikoyat qilishi mumkin.
27. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentga
1-ILOVA
Oʻzbekiston Respublikasi fuqarolari va yuridik shaxslarga doimiy foydalanish (egalik qilish), ijara yoxud meros qilib qoldiriladigan umrbod egalik qilish huquqi asosida tegishli boʻlgan qishloq xoʻjaligiga moʻljallanmagan yer uchastkalarini xususiylashtirish
SXEMASI
Oldingi tahrirga qarang.

Bosqichlar

Subyektlar

Tadbirlar

Muddatlar

1-bosqich

Ariza beruvchi

1. Davlat xizmatlari markazlari yoki Oʻzbekiston Respublikasining yagona interaktiv davlat xizmatlari portali (keyingi oʻrinlarda — YIDXP) orqali yer uchastkasini xususiylashtirishga ariza taqdim etadi.

2. Arizani koʻrib chiqish uchun yigʻim toʻlanadi.

Oʻz xohishiga koʻra

2-bosqich

Davlat xizmatlari markazi yoki YIDXP

Ariza tuman (shahar) qurilish va uy-joy kommunal xoʻjaligi boʻlimi, Davlat kadastrlari palatasining tuman (shahar) filiali tomonidan koʻrib chiqilishi uchun “Yerxususiylasntirish” AATga yuboriladi.

Real vaqt rejimida (avtomatik ravishda YIDXP orqali)

3-bosqich

Davlat kadastrlari palatasining tuman (shahar) filiali

1. Ariza tushgan kundan boshlab quyidagilarni tekshiradi:

arizada koʻrsatilgan yer uchastkasi va huquq egasi toʻgʻrisidagi maʼlumotlarning Koʻchmas mulkka boʻlgan huquqlarning davlat reyestridagi maʼlumotlarga muvofiqligi;

xususiylashtirilayotgan yer uchastkasi huquq egasi haqidagi maʼlumotlarning ushbu yer uchastkasida joylashgan bino va inshootlarning mulkdori haqidagi maʼlumotlarga muvofiqligi;

xususiylashtirilayotgan yer uchastkasida joylashgan koʻchmas mulk obyektlariga nisbatan taqiqning yoki xatlovning mavjudligi;

yer uchastkasi joylashgan joyga chiqqan holda yer uchastkasi chegaralari, kadastr hujjatlari bilan mosligi.

2. Arizani koʻrib chiqish natijalari boʻyicha “Yerxususiylasntirish” AAT orqali kelishadi.

5 ish kuni

Tuman (shahar) qurilish va uy-joy kommunal xoʻjaligi boʻlimi

1. Arizada koʻrsatilgan yer uchastkasi joylashgan hududning (aholi punkti yoki ular orasidagi hududni) rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga yer uchastkasi joylashuvining muvofiqligini koʻrib chiqadi.

2. Arizani koʻrib chiqish natijalari boʻyicha “Yerxususiylasntirish” AAT orqali kelishadi.

5 ish kuni

4-bosqich

“Yerxususiylasntirish” AAT

Arizani koʻrib chiqish natijalari boʻyicha ariza kelishilganligi yoki rad etilganligi toʻgʻrisidagi maʼlumotni oʻz ichiga olgan xabarnomani shakllantiradi va uni YIDXP yoki Davlat xizmatlari markazi orqali ariza beruvchiga yuboradi.

Avtomatik ravishda

Yagona billing tizimi

Ariza kelishilgan taqdirda, “Yerxususiylasntirish” AAT maʼlumotlari asosida yer uchastkasini sotib olish uchun hisobvaraqni shakllantiradi va xabarnomaga ilova qiladi hamda toʻlangan mablagʻlar hisobini yuritadi.

5-bosqich

Ariza beruvchi

Yer uchastkasini sotib olish qiymatining toʻlovini amalga oshiradi.

10 ish kunida

6-bosqich

“Yerxususiylasntirish” AAT

1. Yer uchastkasini sotib olish qiymati oʻz vaqtida va toʻliq toʻlangan taqdirda, yer uchastkasiga mulk huquqini beruvchi davlat orderini belgilangan tartibda shakllantiradi va Davlat aktivlarini boshqarish agentligining hududiy boshqarmalariga imzolash uchun yuboradi.

2. Yer uchastkasining sotib olish qiymati toʻliq va oʻz vaqtida amalga oshirmagan taqdirda, xususiylashtirishni rad etish toʻgʻrisida xabarnomani tayyorlaydi va uni ariza beruvchiga Davlat xizmatlari markazi yoki YIDXP orqali yuboradi.

Avtomatik ravishda

7-bosqich

Davlat aktivlarini boshqarish agentligining hududiy boshqarmalari

Yer uchastkasiga mulk huquqini beruvchi davlat orderiga elektron raqamli imzo qoʻyadi va uni Davlat kadastrlari palatasining hududiy boshqarmasiga yuboradi.

1 ish kunida

8-bosqich

Davlat kadastrlari palatasining boshqarmasi

1. Davlat orderi taqdim etilgandan soʻng davlat orderiga asosan yer uchastkasiga boʻlgan mulk huquqini davlat roʻyxatidan oʻtkazadi.

2. Koʻchmas mulk obyektlariga boʻlgan huquqlarning davlat reyestridan koʻchirmani davlat orderi bilan birga YIDXP orqali ariza beruvchiga yoki Davlat xizmatlari markaziga yuboradi.

2 ish kunida

9-bosqich

Davlat xizmatlari markazi yoki YIDXP

Davlat orderi va Koʻchmas mulk obyektlariga boʻlgan huquqlarning davlat reyestridan koʻchirmani ariza beruvchining elektron manziliga yuboradi va bu haqida ariza beruvchini axborot-kommunikatsiya texnologiyalari orqali xabardor qiladi.

Real vaqt rejimida (avtomatik ravishda YIDXP orqali)
(1-ilova Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Keyingi tahrirga qarang.
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentga
2-ILOVA

Yuridik shaxslarga doimiy foydalanish (egalik qilish) yoki ijara huquqi asosida tegishli boʻlgan qishloq xoʻjaligiga moʻljallanmagan yer uchastkalarini xususiylashtirish boʻyicha

ARIZA

(sana)

(raqam)

I. Ariza beruvchi toʻgʻrisidagi maʼlumotlar:

1. STIR

2. Yuridik shaxsning nomi (tizim orqali olinadi)

3. Tashkiliy-huquqiy shakli (tizim orqali olinadi)

4. Joylashgan joyi (pochta manzili)

5. Telefon raqami

II. Xususiylashtiriladigan yer uchastkasi toʻgʻrisidagi maʼlumot:

1. Yer uchastkasining kadastr raqami

2. Yer uchastkasining maydoni (m2)

3. Yer uchastkasining manzili

III. Ilova qilinadigan hujjatlar:

1. Yuridik shaxsning yer uchastkasini sotib olish toʻgʻrisidagi qarori (agar bu ariza beruvchi — yuridik shaxsning taʼsis hujjatlariga muvofiq zarur boʻlsa);

2. Belgilangan tartibda rasmiylashtirilgan ishonchnoma (ariza beruvchining vakili murojaat qilgan hollarda).

Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentga
3-ILOVA

Oʻzbekiston Respublikasi fuqarosiga yakka tartibda uy-joy qurish va uy-joyni obodonlashtirish uchun meros qilib qoldiriladigan umrbod egalik qilish huquqi bilan berilgan yer uchastkasini xususiylashtirish boʻyicha

ARIZA

(sana)

(raqam)

I. Ariza beruvchi toʻgʻrisida maʼlumot:

1. Ariza beruvchining JSHSHIR

II. Xususiylashtiriladigan yer uchastkasi toʻgʻrisidagi maʼlumot:

1. Yer uchastkasining kadastr raqami

2. Yer uchastkasining maydoni (m2)

3. Yer uchastkasining manzili

III. Ilova qilinadigan hujjat:

Belgilangan tartibda rasmiylashtirilgan ishonchnoma (ariza beruvchining vakili murojaat qilgan taqdirda)

Oldingi tahrirga qarang.
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentga
4-ILOVA
Xususiylashtirilayotgan yer uchastkasini sotib olish qiymatini hisoblash
TARTIBI
Xususiylashtirilayotgan yer uchastkasini sotib olish qiymati quyidagi formula orqali hisoblanadi:
a) yuridik shaxslarga doimiy foydalanish (egalik qilish) yoki ijara huquqi asosida berilgan yer uchastkalari uchun:
S = Kyur x S + V + T;
b) umrbod meros qilib qoldirilgan, doimiy foydalanish (egalik qilish) yoki ijara huquqi asosida Oʻzbekiston Respublikasi fuqarolariga tegishli yer uchastkalari uchun:
S = Kjis x S + V + T;
bunda:
S — xususiylashtirilayotgan yer uchastkasining sotib olish qiymati (soʻmda);
Kyur, Kjis — yuridik va jismoniy shaxslar uchun sotib olish qiymatini aniqlashda oʻsha kunda belgilangan bazaviy soliq stavkasining Toshkent va Nukus shaharlari hamda viloyat markazlarida 10 baravari, boshqa hududlarda 5 baravari (1 kvadrat metr uchun soʻmda);
S — xususiylashtirilayotgan yer uchastkasining maydoni (kvadrat metrda);
V — Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori bilan davlat reyestridan koʻchirmani berish va koʻchmas mulk obyektlarini roʻyxatga olish xizmatlariga belgilangan stavkalar asosida (soʻmda);
T — bir gektar yer maydoni uchun bazaviy hisoblash miqdorining besh baravari hisobidan kelib chiqib hisoblanadigan yer uchastkasi va unga tutash hududning topografik rejasini tayyorlash uchun toʻlov miqdori (soʻmda).
(4-ilova Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentga
5-ILOVA

Oʻzbekiston Respublikasi Davlat gerbi

OʻZBEKISTON RESPUBLIKASI DAVLAT
AKTIVLARINI BOSHQARISH AGENTLIGINING
____________________________ HUDUDIY BOSHQARMASI

(hudud nomi)


YER UCHASTKASIGA MULK
HUQUQINI BERUVCHI DAVLAT ORDERI № ______

Mulkdorning nomi___________________________________________________________________________

(nodavlat yuridik shaxsning nomi yoki jismoniy shaxsning F.I.O.)


Mulkdorning manzili (yashash joyi)______________________________________________________________

pasport seriyasi ________ raqami __________ kim tomonidan va qachon berilgan ________________________

(jismoniy shaxslar uchun)
________________________________________________________________________________

STIR ____________________________, JSHSHIR__________________________________________________

(jismoniy shaxslar uchun)


_________________________________________________________________________________manzilidagi

oʻziga _____________________________________________________________ huquqi asosida tegishli boʻlgan

(doimiy foydalanish (egalik qilish), ijara yoxud meros qilib qoldiriladigan umrbod egalik qilish)

_________________________________________________________________________________qiymatidagi

(summa raqam va soʻz bilan yoziladi)


umumiy _____________kv m yer maydoniga mulk huquqi berildi.

Ushbu order_________________________________________________________________________________

(orderni bergan davlat organining nomi)


____________________________________________________________________________ga asosan berildi.

(orderni berishning asosi)

Order roʻyxatdan oʻtkazilgan sana ___________________________________

Hududiy boshqarma boshligʻi


QR-kodi

 F.I.O.
Keyingi tahrirga qarang.
Oldingi tahrirga qarang.
Vazirlar Mahkamasining 2022-yil 14-fevraldagi 71-son qaroriga
2-ILOVA
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisida
NIZOM
1-bob. Umumiy qoidalar
1. Ushbu Nizom tadbirkorlik va shaharsozlik faoliyatini amalga oshirish uchun qishloq xoʻjaligiga moʻljallanmagan boʻsh turgan yer uchastkalarini mulk va ijara huquqi asosida elektron onlayn-auksion orqali realizatsiya qilish tartibini belgilaydi.
2. Ushbu Nizom talablari yer uchastkalarini mulk huquqi va ijara huquqi asosida ajratishga nisbatan:
yakka tartibda uy-joy qurish va uy-joyni obodonlashtirish uchun;
koʻchmas mulk obyektlari joylashgan yer uchastkalari uchun;
qishloq xoʻjaligiga moʻljallangan yer uchastkalari uchun;
“K — savdo” avtomatlashtirilgan axborot tizimi orqali ijaraga berish nazarda tutilgan hollarda;
chet el investitsiyalari ishtirokidagi korxonalarga, xalqaro birlashmalar va tashkilotlarga, chet el jismoniy va yuridik shaxslariga berish uchun;
davlat-xususiy sheriklik va ijtimoiy sheriklik loyihalarini amalga oshirish uchun;
maxsus iqtisodiy zonalar hududidagi yer uchastkalari uchun tatbiq etilmaydi.
3. Ushbu Nizomda quyidagi asosiy tushunchalardan foydalaniladi:
“E-AUKSION” elektron savdo platformasi (keyingi oʻrinlarda — savdo platformasi) — elektron onlayn-auksion tashkil etish va oʻtkazish uchun zarur axborotni kiritish, saqlash va qayta ishlash, shuningdek, istagi boʻlgan jismoniy va yuridik shaxslarning bunday auksion jarayoniga kirish va ularda qatnashish imkonini taʼminlaydigan axborot tizimi;
“YERELEKTRON” avtomatlashtirilgan axborot tizimi (keyingi oʻrinlarda — “YERELEKTRON” AAT) — yer uchastkalari berish boʻyicha materiallarni toʻplash, koʻrib chiqish va vakolatli organlar va tashkilotlar bilan kelishish tartibotlarini amalga oshirishga moʻljallangan avtomatlashtirilgan axborot tizimi;
boʻsh turgan yer uchastkasi (keyingi oʻrinlarda — yer uchastkasi) — binolar va inshootlar joylashmagan, hech qanday majburiyatlar yoki taqiqlar oʻrnatilmagan hamda jismoniy va yuridik shaxslarga qonunchilikka muvofiq ajratib berilmagan, davlat mulki boʻlgan, qishloq xoʻjaligiga moʻljallanmagan yer uchastkasi;
yer uchastkasining boshlangʻich narxi — yer uchastkasiga mulk va ijara huquqining auksionga qoʻyish uchun belgilangan narxi;
ijarachi — yer uchastkasining ijara shartnomasini ushbu Nizomda belgilangan shartlar asosida va tartibda tuzgan nodavlat yuridik yoki jismoniy shaxs;
ishtirokchi — savdo platformasidan belgilangan tartibda roʻyxatdan oʻtib, auksionda qatnashish uchun ariza bergan jismoniy yoki yuridik shaxs;
Oldingi tahrirga qarang.
loyiha-qidiruv tashkiloti — “OʻzGASHKLITI” MCHJ yoki tegishli ravishda Davlat aktivlarini boshqarish agentligining (keyingi oʻrinlarda — Davaktiv agentligi) hududiy boshqarmalari tomonidan davlat xaridlari toʻgʻrisidagi qonunchilikka muvofiq ikki tomonlama (Davaktiv agentligining hududiy boshqarmalari — buyurtmachi va loyiha qidiruv tashkiloti — buyurtmani bajaruvchi) shartnoma boʻyicha jalb qilinadigan loyiha-qidiruv tashkiloti;
(3-bandning sakkizinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
master-reja — maʼlum bir tanlangan yer uchastkasi yoki hudud uchun ishlab chiqilib, uni rivojlantirish yoʻnalishlari va ixtisoslashuvi hamda batafsil rejalashtirish loyihasi, qurilish loyihasi, iqtisodiy asoslari va loyiha hujjatlarini oʻzida jamlagan ham iqtisodiy ham shaharsozlik, texnik-iqtisodiy asoslar va grafika qismlaridan iborat loyiha hujjati hisoblanadi;
Keyingi tahrirga qarang.
operator — savdo platformasida auksion tashkil etish hamda oʻtkazish vakolati berilgan “Elektron onlayn-auksionlarni tashkil etish markazi” davlat unitar korxonasi;
Keyingi tahrirga qarang.
professional loyiha tashkiloti — buyurtmachi bilan tuziladigan shartnoma asosida loyihalashtirish topshirigʻini hamda u asosida master-rejani ishlab chiquvchi, ularning kelishilishi va tasdiqlanishini taʼminlovchi hamda tashqi muhandislik-kommunikatsiya infratuzilmasini loyihalashtirish ishlarini bajaruvchi tashkilot;
xabarnoma — savdo platformasida muayyan boʻsh turgan yer uchastkasini mulk huquqi yoki ijara huquqi asosida realizatsiya qilish boʻyicha auksion oʻtkazilishi haqidagi axborot;
shaxsiy kabinet — ishtirokchiga auksionda buyurtma berish, ularda qatnashish, shartnomalarni imzolash, shaxsiy hisobni boshqarish, uning holati va boshqa statistik maʼlumotlarni koʻrish hamda operator tomonidan joʻnatilayotgan xabarlar bilan tanishib borish imkonini beruvchi savdo platformasining maxsus boʻlimi;
elektron onlayn-auksion (keyingi oʻrinlarda — auksion) — savdo platformasi orqali jismoniy va yuridik shaxslarga auksion obyektini realizatsiya qilish (ijaraga berish) boʻyicha narxni oshirib borish tamoyilida onlayn oʻtkaziladigan savdo shakli.
4. Agar yer uchastkalari aholi punktlarining bosh rejalariga, aholi punktlari qismlarini batafsil rejalashtirish loyihalariga yoki hududlarni kompleks rivojlantirish va rejalashtirish boʻyicha boshqa hujjatlarga, xususan, master-reja talablariga yoxud yer uchastkalaridan foydalanishning ruxsat berilgan turlariga muvofiq boʻlsa, ular mulk huquqi asosida auksionga qoʻyiladi.
Shaharsozlik hujjatlari mavjud boʻlmaganda yoki uning talablariga mos kelmagan taqdirda, yer uchastkalari ijara huquqi asosida auksionga qoʻyiladi.
Oldingi tahrirga qarang.
Hududlar va aholi punktlarining shaharsozlik hujjatlari mavjud boʻlganda boʻsh yer uchastkalari avtomatik ravishda mulk huquqida auksion savdolariga chiqariladi.
(4-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan uchinchi xatboshi bilan toʻldirilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
5. Yer uchastkalari tadbirkorlik va shaharsozlik faoliyatini amalga oshirish uchun mulk yoki ijara huquqi asosida auksion orqali ushbu Nizomga 1-ilovaga muvofiq sxema boʻyicha realizatsiya qilinadi.
Quyidagi holatlarda yer uchastkalari tadbirkorlik va shaharsozlik faoliyatini amalga oshirish uchun master-reja ishlab chiqilib, u asosida realizatsiya qilinadi:
maydoni 1 gektar (shaharlarda 0,2 gektar) va undan ortiq boʻlgan yer uchastkasida savdo kompleksi, logistika markazi va xizmat koʻrsatish kompleksini tashkil etish uchun;
turizm hududi sifatida belgilangan mahallalarni rivojlantirish uchun;
yer uchastkasini qishloq xoʻjaligiga moʻljallangan yerlar toifasidan chiqarib, savdo va xizmat koʻrsatish, shu jumladan yoʻl boʻyi infratuzilmasi obyektlari tashkil etish uchun.
Bunda, loyihalashtirish topshirigʻi va master-reja ishlab chiqish uchun xizmat haqi Davlat aktivlarini boshqarish, transformatsiya va xususiylashtirish jamgʻarmasidan toʻlab beriladi va keyinchalik yer uchastkalarini sotishdan tushgan mablagʻlar hisobidan qoplanadi.
Master-rejani ishlab chiqishga xalqaro ekspertlar va xalqaro moliya tashkilotlari ham jalb etilishi mumkin.
Oldingi tahrirga qarang.
51. Iqtisodiyot va moliya vazirligi huzuridagi Kadastr agentligi Davlat kadastrlari palatasining tuman (shahar) filiallari, tuman (shahar) qurilish va uy-joy kommunal xoʻjaligi boʻlimlari, Davaktiv agentligining hududiy boshqarmalari bilan birgalikda boʻsh turgan yer uchastkalarini mustaqil ravishda aniqlab, yer uchastkalari toʻgʻrisidagi maʼlumotlarni tuman (shahar) hokimligiga yuboradi.
Tuman (shahar) hokimligi ikki ish kunida yuridik va jismoniy shaxslarga berilmagan qishloq xoʻjaligiga moʻljallanmagan yer uchastkalarini tuman hokimligi nomiga davlat mulki sifatida davlat roʻyxatidan oʻtkazish toʻgʻrisida “E-qaror” tizimida qaror loyihasini ishlab chiqadi, kelishadi va roʻyxatdan oʻtkazadi hamda “Kadastr va roʻyxatdan oʻtkazish integratsiyalashgan axborot tizimi” orqali yer uchastkasiga boʻlgan mulk huquqini davlat roʻyxatidan oʻtkazish uchun tegishlicha Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalariga (keyingi oʻrinlarda — Davlat kadastrlari palatasining hududiy boshqarmasi) yuboradi.
Keyingi tahrirga qarang.
52. Davlat kadastrlari palatasining hududiy boshqarmasi yuridik va jismoniy shaxslarga berilmagan qishloq xoʻjaligiga moʻljallanmagan yer uchastkalari tuman (shahar)lar hokimliklari nomiga belgilangan tartibda davlat mulki sifatida davlat roʻyxatidan oʻtkazilgandan soʻng ular toʻgʻrisida maʼlumotlarni “Yerelektron” AATga yuboradi.
Davlat mulki sifatida davlat roʻyxatidan oʻtkazilgan boʻsh yer uchastkasining maʼlumotlari “Yerelektron” AATga yuborilganidan keyin ushbu yer uchastkasini boʻlish, birlashtirish hamda chegaralariga oʻzgartirish kiritilishi mumkin emas, ushbu yer uchastkasini auksion orqali realizatsiya qilish uchun alohida yer uchastkalariga boʻlish bundan mustasno.
Filialning kadastr yigʻmajildini tayyorlash hamda Davlat kadastrlari palatasi hududiy boshqarmasining yer uchastkasiga boʻlgan huquqni davlat roʻyxatidan oʻtkazish boʻyicha xarajatlari miqdori Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori talablariga muvofiq belgilanadi va tuman (shahar) mahalliy budjeti mablagʻlari hisobidan qoplanadi.
(51 va 52-bandlar Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan kiritilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
6. Yer uchastkasini tanlash materiallari filial, tuman (shahar) qurilish va uy-joy kommunal xoʻjaligi boʻlimlari, Davaktiv agentligining hududiy boshqarmalari va loyiha-qidiruv tashkiloti tomonidan tayyorlanadi.
(6-bandning birinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Yer uchastkasini tanlash materiallarini kelishish va (yoki) ular boʻyicha xulosalar berish ushbu Nizomda nazarda tutilgan tartibda vakolatli tashkilotlar tomonidan amalga oshiriladi.
Vakolatli tashkilotlarning rahbarlari yer uchastkasini tanlash materiallari boʻyicha oʻz vaqtida kelishilishi va xulosalar chiqarilishi, shuningdek, ularni oʻz vaqtida koʻrib chiqmaslik oqibatlari uchun shaxsiy javobgarlikni oʻz zimmalariga oladi.
Oldingi tahrirga qarang.
7. Sogʻliqni saqlash vazirligi hamda Togʻ-kon sanoati va geologiya vazirligi Davlat soliq qoʻmitasi huzuridagi Kadastr agentligi Davlat kadastrlari palatasiga (keyingi oʻrinlarda — Davlat kadastrlari palatasi) tadbirkorlik faoliyati uchun berilishi mumkin boʻlmagan hududlar koordinatalarini koʻrsatgan holda elektron xaritalarni Davlat kadastrlari yagona tizimiga taqdim etadi.
(7-bandning birinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Taqdim etilgan elektron xaritalarda tadbirkorlik faoliyati uchun berilishi mumkin boʻlmagan hududlar koordinatalari mavjud boʻlmagan taqdirda, yer uchastkasini tanlash materiallari kelishilgan, ular boʻyicha xulosalar esa ijobiy deb hisoblanadi.
Transport vazirligi huzuridagi Avtomobil yoʻllari qoʻmitasi Davlat kadastrlar palatasiga umumiy foydalanishdagi avtomobil yoʻllari hamda avtomobil yoʻllari hamda avtomobil yoʻllarining yoʻl boʻyi mintaqasi hududining World Geodetic System 1984 (keyingi oʻrinlarda — WGS-84) koordinatalar tizimida elektron xaritalarini Davlat kadastrlari yagona tizimiga taqdim etadi.
Elektron xaritalarni taqdim etish, shuningdek, vakolatli tashkilotlar tomonidan yer uchastkasini tanlash materiallarini kelishish va (yoki) ular boʻyicha xulosalar berish, shu jumladan, Ekologiya va atrof-muhitni muhofaza qilish davlat qoʻmitasi organlari tomonidan ekologik ekspertizadan oʻtkaziladigan obyektlarni qurishga yer uchastkasini tanlash materiallari boʻyicha xulosa berish uchun toʻlov undirilmaydi.
8. Oʻzbekiston Respublikasi Davlat aktivlarini boshqarish agentligining hududiy boshqarmalari yer uchastkasini auksionga chiqarishda buyurtmachi hisoblanadi.
Keyingi tahrirga qarang.
Davlat aktivlarini boshqarish agentligi va (yoki) uning hududiy boshqarmalari loyihalashtirish topshirigʻi va master-reja ishlab chiqish uchun professional loyiha tashkilotlarini shartnoma asosida jalb qiladi.
Professional loyiha tashkilotlari loyihalashtirish topshirigʻini hamda u asosida master-rejani ishlab chiqib, Arxitektura va shaharsozlik kengashlari (yoki loyiha ofislari) bilan kelishilishi va tasdiqlanishini taʼminlaydi.
Oldingi tahrirga qarang.
9. Yer uchastkalarini ijaraga berish muddati Oʻzbekiston Respublikasi Prezidentining “Respublika hududlarini toifalarga ajratish va tadbirkorlikni qoʻllab-quvvatlashning tabaqalashtirilgan tizimini joriy etish chora-tadbirlari toʻgʻrisida” 2022-yil 30-dekabrdagi PF-287-son Farmonida belgilangan 1 va 2-toifadagi hududlar uchun kamida 25 yil, 3-toifa uchun kamida 20 yil, 4 va 5-toifaga kiritilgan tumanlar uchun kamida 15 yil muddat etib belgilanadi.
Qishloq xoʻjaligiga moʻljallanmagan yer uchastkalari mulk va ijara huquqi asosida auksion savdolariga chiqarilganda auksionning boshlanish (oʻtkazish) sanasi va lot haqida xabarnoma (eʼlon) kamida 15 kun oldin, takroriy auksion savdosida 5 kun oldin operatorning veb-portalida joylashtiriladi.
Auksion natijalari boʻyicha pul mablagʻlari operatorning maxsus hisobvaragʻida yigʻiladi va auksion gʻolibi tomonidan yer uchastkasi qabul qilinganligi tasdiqlangandan soʻng buyurtmachi hisobvaragʻiga belgilangan tartibda operator xizmat haqi chegirilgan qolda oʻtkazib beriladi.
(9-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Keyingi tahrirga qarang.
2-bob. Auksionlarga chiqarish uchun yer uchastkasini tanlash materiallarini tayyorlash
1-§. Yer uchastkasini tanlash materiallarini kelishish va yer uchastkasini “YERELEKTRON” AATga joylashtirish tartibi
Oldingi tahrirga qarang.
10. Tuman (shahar) qurilish va uy-joy kommunal xoʻjaligi boʻlimi Davaktiv agentligining hududiy boshqarmasi va filial bilan birgalikda 10 ish kunida hududlar va aholi punktlari master-reja va shaharsozlik hujjatlari asosida tuman (shahar) hokimliklari nomiga davlat roʻyxatidan oʻtkazilgan qishloq xoʻjaligiga moʻljallanmagan boʻsh yer uchastkalarida tadbirkorlik va shaharsozlik faoliyati uchun berish mumkin boʻlgan yer uchastkalari boʻyicha takliflarni tayyorlaydi va “Yerelektron” AATga kiritadi.
Tuman (shahar) qurilish va uy-joy kommunal xoʻjaligi boʻlimi “Yerelektron” AATda taklif ishlab chiqilayotgan yer uchastkasining chegarasini belgilaydi, yer uchastkasidan foydalanishning ruxsat berilgan turlarini belgilaydi, yer uchastkasida qurilishga ruxsat berilgan yoki taqiqlangan obyektlar turlari roʻyxati tuzadi, belgilangan maqsadi va turlarini belgilaydi, yer uchastkasi boʻyicha yoki undan foydalanishga nisbatan mavjud cheklovlarni, hududlar va aholi punktlarining shaharsozlik hujjatlari asosida yer uchastkasining huquq turini belgilaydi hamda shaharsozlik cheklovlari qoʻyilgan holda foydalanish boʻyicha asoslangan takliflarni yer tanlash materiallarini tayyorlash uchun filialga yuboradi.
Keyingi tahrirga qarang.
Hududlar va aholi punktlarining shaharsozlik hujjatlari mavjud boʻlmagan holatlarda ishlab chiqilgan yer uchastkalari boʻyicha takliflar tuman (shahar) qurilish boʻlimi tomonidan tegishli hududiy arxitektura va shaharsozlik kengash bilan kelishiladi.
Kengashlar ularga soʻrov kelib tushgan kundan boshlab besh ish kunidan kechiktirmasdan navbatdagi majlisda har bir yer uchastkasi boʻyicha materiallarni koʻrib chiqadi. Koʻrib chiqish natijalari boʻyicha:
ijobiy xulosa berilganda, Kengash qarori u qabul qilingandan keyingi ish kundan kechiktirmasdan filialga yuboriladi;
salbiy xulosa berilganda ushbu yer uchastkasining maʼlumotlariga bu toʻgʻrisida maʼlumot kiritiladi.
Filial yer uchastkasida boʻsh yer uchastkasi boʻyicha yer tanlash materiallarini tayyorlaydi va “Yerelektron” AATga joylashtiradi. Mavjud muhofaza hududlarni, yer toifalarini oʻrganib, natijasi boʻyicha maʼlumotlarni kiritadi. Bunda Sogʻliqni saqlash vazirligi hamda Togʻ-kon sanoati va geologiya vazirligi tomonidan taqdim etilgan tadbirkorlik faoliyati uchun berilishi mumkin boʻlmagan hududlarda joylashganda hamda yer uchastkasining toifasi qishloq xoʻjaligiga moʻljallangan yerlar toifasida boʻlgan hollarda taklifni rad etadi.
Davaktiv agentligining hududiy boshqarmasi tomonidan uch ish kunida loyiha qidiruv tashkiloti tomonidan yer uchastkasi va unga tutash hududning yer osti kommunikatsiyalari aks ettirilgan topografik xaritalarni tayyorlanishini hamda “OʻzGASHKLITI” MCHJ yoki tegishli ravishda shartnoma boʻyicha jalb qilinadigan loyiha-qidiruv tashkiloti tomonidan tayyorlangan topografik xaritalarni “Yerelektron” AATga kiritilishini taʼminlaydi.
Takliflarni tayyorlash vaqtida yer uchastkasi va unga tutash hududning yer osti kommunikatsiyalarini topografik xaritada aks ettirish uchun maxsus asbob-uskunalarga ega boʻlgan hamda tanlangan hududdagi koʻchalarning qizil chiziqlarini belgilab berish imkoniyati mavjud loyiha-qidiruv tashkiloti joyiga chiqqan holda yer uchastkasi va unga tutash hududning yer osti kommunikatsiyalari aks ettirilgan topografik xaritasini mahalliy koordinatalar tizimida elektron shaklda tayyorlaydi.
(10-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
(11-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
111. Jismoniy va yuridik shaxslar, mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilari “Yerelektron” AATning ochiq elektron portali orqali koʻrib chiqish uchun takliflar kiritish huquqiga ega.
Tuman (shahar) qurilish va uy-joy kommunal xoʻjaligi boʻlimi, filial, Davaktiv agentligining hududiy boshqarmasi jismoniy yoki yuridik shaxsning taklifi kelib tushgan kundan eʼtiboran besh ish kuni ichida taklifni hududlar va aholi punktlari, master-reja va shaharsozlik hujjatlari bilan solishtirib taklifni qabul qiladi yoki sabablarini koʻrsatgan holda rad etadi.
Davlat mulki sifatida davlat roʻyxatidan oʻtkazilmagan boʻsh yer uchastkasi aniqlangan taqdirda yer uchastkasiga kadastr hujjatlarini rasmiylashtirish uchun tuman (shahar) hokimliklariga yuboradi.
Tuman (shahar) hokimliklari ikki ish kunida ushbu boʻsh yer uchastkasini hokimiyat zaxira yer fondiga davlat mulki sifatida olish toʻgʻrisida qaror qabul qiladi.
(111-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan kiritilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
12. Tuman (shahar) qurilish va uy-joy kommunal xoʻjaligi boʻlimlari va filial taklifga quyidagilarni kiritadi:
(12-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
yer uchastkasining WGS-84 ochiq koordinatalar tizimida shartli chegaralari;
yer uchastkasi va unga tutash hududning yer osti kommunikatsiyalari aks ettirilgan topografik xaritasini;
yer uchastkasining joylashuv sxemasi va geolokatsiyasi;
yer uchastkasi, jumladan, uning maydoni (gektarda), yer uchastkasining yer fondi toifasi haqida qisqacha maʼlumot;
chegaradosh yer uchastkalaridan foydalanish turlari koʻrsatilgan vaziyat bilan bogʻliq sxema;
hududning ijtimoiy infratuzilma obyektlari bilan taʼminlash normalariga muvofiqligi qismi boʻyicha shaharsozlik qoidalari talablariga rioya qilgan holda yer uchastkasidan foydalanishning ruxsat berilgan turlari;
Oldingi tahrirga qarang.
hududlar va aholi punktlarining shaharsozlik hujjatlari mavjudligi yoki mavjud emasligi;
Keyingi tahrirga qarang.
yer uchastkasi boʻyicha yoki undan foydalanishga nisbatan mavjud cheklovlar;
(12-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan sakkizinchi va toʻqqizinchi xatboshilar bilan toʻldirilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
mazkur yer uchastkasida qurilishga ruxsat berilgan yoki taqiqlangan obyektlar turlari roʻyxati;
yer uchastkasiga tutash hududlardagi obyektlarning belgilangan maqsadi va turlari;
yer uchastkasini kamida ikki tomondan oʻrab turgan obyektlarning raqamli fotosurati;
umumiy foydalanishdagi avtomobil yoʻllarigacha boʻlgan masofa toʻgʻrisidagi maʼlumotlar;
shaharsozlik cheklovlari qoʻyilgan holda foydalanish boʻyicha asoslangan takliflar.
Takliflarda shaharsozlik hujjatlariga va (yoki) yer uchastkasi tanlangan hududning (massivning) loyiha konsepsiyasiga muvofiq ijaraga beriladigan yer uchastkasidan foydalanish shartlari, shu jumladan qurilishni boshlash va foydalanishga topshirish muddatlari kiritilishi mumkin.
Oldingi tahrirga qarang.
(13-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
(14-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
15. Tuman (shahar) qurilish va uy-joy kommunal xoʻjaligi boʻlimlari, Davaktiv agentligining hududiy boshqarmalari bir ish kunida yer uchastkalari boʻyicha yer tanlash materiallaridan iborat takliflarni va topografik xaritani tayyor boʻlishiga koʻra “Yerelektron” AAT orqali quyidagi vakolatli tashkilotlarga yuboradi:
(15-bandning birinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
a) kelishish uchun:
Oldingi tahrirga qarang.
zarur hollarda, tegishli hududlar va inshootlardan rejim asosida foydalanish hamda ularni ekspluatatsiya qilish boʻyicha — mazkur obyektlardan foydalanadigan hamda ularni ekspluatatsiya qiladigan tashkilotlar;
(15-band “a” kichik bandining ikkinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
yongʻin xavfsizligi boʻyicha — yongʻin xavfsizligi boʻlimlari, Toshkent shahrida — yongʻin xavfsizligi boshqarmasi;
yoʻl harakati xavfsizligi boʻyicha — davlat yoʻl harakati xavfsizligi xizmati hududiy organlariga;
Qoraqalpogʻiston Respublikasi Turizm va madaniy meros vazirligi, viloyatlar va Toshkent shahar turizm va madaniy meros bosh boshqarmalariga;
Keyingi tahrirga qarang.
Transport vazirligi huzuridagi Avtomobil yoʻllari qoʻmitasining Qoraqalpogʻiston Respublikasi va viloyatlar avtomobil yoʻllari bosh boshqarmalariga;
Keyingi tahrirga qarang.
b) xulosalar olish uchun:
Qoraqalpogʻiston Respublikasi Ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmalariga;
Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligi va uning hududiy boʻlinmalariga.
v) qurilish obyektini tashqi muhandislik-kommunikatsiya tarmoqlariga ulash mumkin boʻlgan quvvatlar toʻgʻrisida maʼlumotlar taqdim etish uchun — muhandislik-kommunikatsiya tarmoqlaridan foydalanuvchi (elektr, aloqa, gaz, neft, suv, kanalizatsiya va boshqa) tashkilotlarga.
Oldingi tahrirga qarang.
Bunda, Davlat aktivlarini boshqarish agentligi, Kadastr agentligi va Qurilish va uy-joy kommunal xoʻjaligi vazirligi organlari tomonidan vakolatli tashkilotlarning kelishuv jarayonlari monitoring qilib boriladi va kelishuv muddatlari buzilgan holatlar boʻyicha Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil devoniga murojaat yuborilishi mumkin.
(15-band “v” kichik bandining ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
16. Ushbu Nizomning 15-bandida nazarda tutilgan tashkilotlar tomonidan ularga soʻrov tushgan kundan boshlab uch ish kunida “YERELEKTRON” AATga qabul qilingan qaror (xulosa) haqida elektron raqamli imzo bilan tasdiqlanadigan tegishli belgi qoʻyiladi.
Bunda, muhandislik-kommunikatsiya tarmoqlaridan foydalanuvchi tashkilotlar “YERELEKTRON” AAT orqali har bir yer uchastkasi boʻyicha qurilish obyektini tashqi muhandislik-kommunikatsiya tarmoqlariga ulash mumkin boʻlgan quvvatlar toʻgʻrisida maʼlumotlarni taqdim etadi.
Kelishuv hech qanday eʼtiroz va shartlarsiz amalga oshiriladi.
Kelishuv rad etilganda sohaga oid qonunchilik hujjatlari normalariga havolalar qilingan holda yer uchastkasini tadbirkorlik va shaharsozlik faoliyati uchun ajratish imkoni yoʻqligining asoslangan sabablari koʻrsatiladi hamda mazkur yer uchastkalari aynan qaysi jihatdan ushbu normalarga muvofiq emasligi aks ettiriladi.
Qoraqalpogʻiston Respublikasi Ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmalari hamda Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligi va uning hududiy boʻlinmalari yer uchastkasi boʻyicha tegishli xulosa tuzadi hamda uni elektron shaklda “YERELEKTRON” AATga kiritadi va elektron raqamli imzo bilan tasdiqlaydi.
Xulosalar ijobiy yoki salbiy boʻlishi mumkin. Xulosaning sarlavhasida “Ijobiy xulosa” yoki “Salbiy xulosa” degan soʻzlar koʻrsatiladi.
Ijobiy xulosada yer uchastkasining mulkdoriga yoki ijarachisiga nisbatan shaharsozlik hamda boshqa norma va qoidalarga rioya etish talablari bayon etiladi.
Salbiy xulosada sohaga oid qonunchilik hujjatlari normalariga havolalar qilingan holda tadbirkorlik yoki shaharsozlik faoliyatini amalga oshirish uchun yer uchastkalarini ajratish imkoni yoʻqligining asoslangan sabablari koʻrsatiladi hamda mazkur yer uchastkalari aynan qaysi jihatdan ushbu normalarga muvofiq emasligi aks ettiriladi.
Shu bilan birga, rad etish sabablarini bartaraf etish yuzasidan mavjud boʻlgan barcha imkoniyatlar va qayta kiritishni nazarda tutuvchi tavsiyalar taqdim etiladi.
Keyingi tahrirga qarang.
17. “YERELEKTRON” AATga koordinatalari kiritilgan tadbirkorlik va shaharsozlik faoliyati uchun berilishi mumkin boʻlmagan hududlarda joylashgan, salbiy xulosalar berilgan yer uchastkalari auksionga chiqarilmaydi va ajratish imkoni yoʻqligining asoslangan sabablari koʻrsatilgan holda “YERELEKTRON” AATda ushbu xulosa olingan kundan boshlab bir ish kuni ichida eʼlon qilinadi.
Keyingi tahrirga qarang.
Oldingi tahrirga qarang.
(18-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
(19-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
(20-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
21. Maʼlumotlar “Yerelektron” AATga kiritilganidan soʻng:
(21-bandning birinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
a) yer uchastkasi mulk huquqi bilan auksionga chiqarilganda va barcha hujjatlar toʻliq taqdim etilgandan boshlab Davlat aktivlarini boshqarish agentligining hududiy boshqarmasi:
(21-band “a” kichik bandining birinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
qonunchilikda belgilangan tartibda eng yaxshi takliflarni tanlash orqali baholovchi tashkilotni aniqlash, u bilan shartnoma tuzish, yer uchastkasining bozor qiymatini aniqlash ishlarining tashkil etilishini taʼminlaydi;
(21-band “a” kichik bandining ikkinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
baholash tashkiloti tomonidan tayyorlangan hisobot asosida ikki ish kunida “YERELEKTRON” AATga yer uchastkasining boshlangʻich narxini kiritadi;
(21-band “a” kichik bandining uchinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
b) yer uchastkasi ijara huquqi bilan auksionga chiqarilganda “YERELEKTRON” AAT avtomatik ravishda tegishli tuman (shahar) uchun belgilangan yer uchastkasini ijaraga berishning minimal qiymati asosida auksionga chiqarilayotgan yer uchastkasini ijaraga olish huquqining boshlangʻich narxini belgilaydi;
Keyingi tahrirga qarang.
Oldingi tahrirga qarang.
Bozor konyunkturasini oʻrgangan holda, Davaktiv agentligining hududiy boshqarmasi tomonidan yer uchastkasining ijara huquqi baholangan qiymatda auksion savdolariga chiqarilishi mumkin;
(21-bandning “b” kichik bandi Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan ikkinchi xatboshi bilan toʻldirilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
v) Davlat aktivlarini boshqarish agentligi va (yoki) uning hududiy boshqarmasi:
mazkur nizomga muvofiq master-reja ishlab chiqiladigan yer uchastkalarini tanlaydi;
master-rejani ishlab chiqish uchun professional loyiha tashkilotlarini jalb qiladi;
yer uchastkasini master-reja bilan yoki master-rejasiz auksionga chiqarish boʻyicha ovozlarni shakllantirish uchun oʻn kunlik muddatga muhokamaga operatorning savdo platformasiga joylashtiradi;
belgilangan muddatda master-rejasiz savdoga chiqarish boʻyicha ovozlar shakllanmagan (yoki kam boʻlgan) taqdirda, yer uchastkasi master-reja asosida auksionga chiqarilishini taʼminlaydi. Bunda, yer uchastkasi master reja bilan birgalikda baholanadi.
Keyingi tahrirga qarang.
Oldingi tahrirga qarang.
22. Yer uchastkasini ijaraga berishning boshlangʻich narxi quyidagi formula asosida hisoblanadi:
S = S x T x B x R x D x G + E,
bunda:
S — yer uchastkasining maydoni, kv.m;
T — hududning toifa koeffitsiyenti, 1-toifaga kiruvchi tuman va shaharlarda 50, 2-toifaga 40,
3-toifaga 30, 4-toifaga 20 va 5-toifaga 10 koʻpaytiruvchi koeffitsiyent qoʻllaniladi;
B — Soliq kodeksi bilan belgilangan 1 gektar uchun yer soligʻining bazaviy stavkasidan kelib chiqqan holda 1 kv.m yer uchastkasining bazaviy soliq stavkasi qiymati, soʻm.
R — Qoraqalpogʻiston Respublikasi Joʻqorgʻi Kengesi va xalq deputatlari viloyatlar hamda Toshkent shahar Kengashlari qarori bilan tuman va shaharlarning iqtisodiy rivojlanishiga qarab qoʻllaniladigan 0,5 dan 2,0 gacha boʻlgan kamaytiruvchi va oshiruvchi koeffitsiyent;
D — xalq deputatlari tumanlar va shaharlar Kengashlari qarori bilan ularning hududlarida joylashgan daha, massiv, mahalla, koʻcha boʻyicha qoʻllaniladigan 0,7 dan 3,0 gacha boʻlgan kamaytiruvchi va oshiruvchi koeffitsiyent;
G — Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qarorlari bilan yer uchastkasi joylashgan hududda (daha, massiv, mahalla, kichik sanoat, yoshlar sanoat va tadbirkorlik zonalari) mavjud hamda kelgusida markazlashgan manbalar hisobidan barpo etilishi rejalashtirilgan muhandislik-kommunikatsiya tarmoqlariga ulanish nuqtalarini barpo etish qiymatiga muvofiqlashtiruvchi oshiruvchi koeffitsiyent;
E — yer uchastkasini tanlash materiallarini tayyorlash ishlari va yer uchastkasiga boʻlgan huquqlarni davlat roʻyxatidan oʻtkazishga oid xarajatlar, soʻm.
Bunda, R, D va G koeffitsiyentlar boʻyicha tegishli qarorlar qabul qilinmagan boʻlsa, mazkur qaror qabul qilingunga qadar 1,0 koeffitsiyent qoʻllaniladi.
Har bir tuman (shahar) hududlarida joylashgan daha, massiv, mahalla, koʻcha va alohida olingan hududlar, kichik sanoat, yoshlar sanoat va tadbirkorlik zonalari uchun yer uchastkasini ijaraga berishning minimal qiymati Soliq qoʻmitasining yer soligʻi hisobini yuritish boʻyicha axborot bazasidan taqdim etilgan maʼlumotlar asosida avtomatik tarzda “Yerelektron” AATda shakllanadi.
Keyingi tahrirga qarang.
Oxirgi tasdiqlangan yer uchastkasini ijaraga berishning minimal qiymati uning yangi qiymati tasdiqlangunga qadar amalda boʻladi.
(22-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Keyingi tahrirga qarang.
Keyingi tahrirga qarang.
2-§. Tadbirkorlik va shaharsozlik faoliyatini amalga oshirish uchun taqdim etilmaydigan hududlarning koordinatalarini taqdim etish va ularni yangilash tartibi
23. Davlat kadastrlarini yuritish sohasidagi vakolatli tashkilotlar “YERELEKTRON” AAT orqali:
tadbirkorlik va shaharsozlik faoliyati uchun berilishi mumkin boʻlmagan muhofaza zonalari hududlarning geografik joylashuvini;
ushbu hududda olib borilishi mumkin boʻlmagan tadbirkorlik va shaharsozlik faoliyat turini hamda qurilishi mumkin boʻlmagan obyektlar roʻyxatini keltirgan holda hududlarning geografik joylashuvini Kadastr agentligiga taqdim etib borishlari shart.
Tadbirkorlik va shaharsozlik faoliyatini amalga oshirish uchun berilishi mumkin boʻlmagan hududlarning geografik joylashuvi “YERELEKTRON” AAT orqali Kadastr agentligi tomonidan belgilanadigan shaklda taqdim etiladi.
Hududlarning geografik joylashuvi davlat kadastrlarini yurituvchi vazirlik va idoralar tomonidan real vaqt rejimida WGS-84 koordinatalar tizimida yangilanadi.
Maʼlumotlarning haqqoniyligi va toʻliqligi yuzasidan davlat kadastrlarini yuritish boʻyicha vakolatli organlar rahbarlari javobgardir.
3-§. Yer uchastkasini auksionga chiqarishga tayyorlash
Oldingi tahrirga qarang.
24. Boshlangʻich narxi toʻgʻrisidagi maʼlumotlar “Yerelektron” AATga kiritilganidan soʻng yer uchastkasi yoki yer uchastkasiga mulk va ijara huquqi buyurtmachi tomonidan avtomatik ravishda auksionga qoʻyish uchun operatorga yuboriladi.
Operator auksionga ijara huquqi bilan chiqariladigan yer uchastkasi boʻyicha ijara muddati va tegishli hokim tomonidan ERI kaliti orqali imzolangan ijara shartnomasining loyihasini namunaviy shaklga muvofiq mazkur Nizomga 2-ilovaga binoan savdo platformada eʼlon qiladi. Bunda tuman (shahar) hokimligi bir ish kunida yer uchastkasi boʻyicha yoki undan foydalanishga nisbatan mavjud cheklovlarni, auksionga ijara huquqi bilan chiqariladigan yer uchastkasi boʻyicha ijara muddatini belgilaydi va tegishli hokim ERI kaliti orqali ijara shartnomasini imzolaydi.
Tuman (shahar) hokimligi tomonidan yer uchastkasi ijara shartnomasi belgilangan muddat ichida tasdiqlanmagan taqdirda ijara shartnomasi tasdiqlangan hisoblanadi va davlat roʻyxatidan oʻtkazish uchun asos boʻladi.
Bunda ijara shartnomasiga u oʻz vaqtida tasdiqlanmaganligi toʻgʻrisida operatorning QR-kodi tushiriladi va savdo platformasida mazkur toifadagi shartnomalar reyestrida aks ettiriladi.
Ijara shartnomasida shaharsozlik hujjatlariga va (yoki) yer uchastkasi tanlangan hududning (massivning) loyiha konsepsiyasiga muvofiq yer uchastkasidan foydalanish shartlari, shu jumladan qurilishni boshlash va foydalanishga topshirish muddatlari kiritilishi mumkin.
Keyingi tahrirga qarang.
Eʼlon qoʻshimcha ravishda ommaviy axborot vositalarida, shuningdek, tuman (shahar) hokimligining rasmiy veb-saytida ham eʼlon qilinishi mumkin.
Qonunchilik hujjatlarida belgilangan tartibda yer uchastkasi narxini boʻlib-boʻlib toʻlash boʻyicha oldi-sotdi shartnoma namunasi buyurtmachi tomonidan ERI kaliti orqali imzolangan holda operatorga yuboriladi.
(24-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
25. Yer uchastkasi ushbu Nizom bilan belgilangan tartibda kelishuv amalga oshirilganligi, ijobiy xulosa olinganligiga qarab har bir yer uchastkasi boʻyicha alohida auksionga chiqariladi.
Auksionga chiqarishda yer uchastkasi toʻgʻrisida koʻrsatilishi shart boʻlgan maʼlumotning minimal hajmi quyidagilarni oʻz ichiga olishi lozim:
yer uchastkasining oʻziga xos raqami va joylashgan joyi;
Keyingi tahrirga qarang.
yer uchastkasiga boʻlgan huquq turi;
yer uchastkasi kiradigan yerlar toifasi;
yer uchastkasidan ruxsat etilgan foydalanish turi;
yer uchastkasi maydoni (gektarda);
yer uchastkasini kamida ikki tomondan oʻrab turgan obyektlarning raqamli fotosurati;
yer uchastkasiga tutash hududlarning (obyektlarning) belgilangan maqsadi va turlari;
qurilish obyektini tashqi muhandislik-kommunikatsiya tarmoqlariga ulash mumkin boʻlgan quvvatlar toʻgʻrisidagi maʼlumotlar;
umumiy foydalanishdagi avtomobil yoʻllarigacha boʻlgan masofa;
mazkur yer uchastkasida qurilishga ruxsat berilgan yoki taqiqlangan obyektlar turlari roʻyxati;
yer uchastkalarining boshlangʻich narxi;
yer uchastkasi boʻyicha yoki undan foydalanish huquqiga nisbatan mavjud cheklovlar;
Keyingi tahrirga qarang.
yer uchastkasidan foydalanish shartlari va tartibiga taalluqli boshqa axborot.
Auksionga ijara huquqi bilan chiqariladigan yer uchastkasi boʻyicha qoʻshimcha ravishda ijara muddati koʻrsatiladi va ijara shartnomasining loyihasi ilova qilinadi.
Yer uchastkasi boʻyicha tegishli maʼlumotlar, shu jumladan, fotosuratlar, uning geolokatsiya va koordinatalari toʻliq koʻrsatilmagan holda auksionga chiqarish uchun buyurtma taqdim etilganda, operator tomonidan kamchiliklarni bartaraf etish uchun qaytariladi.
Buyurtmachi operator tomonidan qayd etilgan barcha kamchiliklarni bir hafta muddatda bartaraf etib, elektron buyurtmani ushbu band talablariga muvofiq takroran yuboradi.
26. Yer uchastkasini auksionga chiqarish toʻgʻrisidagi maʼlumotlar ikki ish kunida ommaviy axborot vositalarida hamda tuman (shahar) hokimligi va Davlat aktivlarini boshqarish agentligi Internet jahon axborot tarmogʻidagi rasmiy veb-saytlarida eʼlon qilinishi lozim.
27. Savdo platformasida auksion tashkil etish hamda oʻtkazish tartibi Vazirlar Mahkamasining alohida qarori bilan belgilangan tartibda amalga oshiriladi.
Yer uchastkalarini mulk huquqida sotish boʻyicha auksionda Oʻzbekiston Respublikasi fuqarolari va yuridik shaxslari ishtirok etish huquqiga ega (chet el investitsiyalari ishtirokidagi korxonalar bundan mustasno).
Yuridik va jismoniy shaxslar ijara huquqi asosida yer uchastkalarini sotib olish boʻyicha auksionda qatnashish huquqiga ega.
Keyingi tahrirga qarang.
Yer uchastkalarini realizatsiya qilish uchun oʻtkazilgan elektron onlayn-auksion natijalari haqidagi bayonnoma uni taqiqdan yechish, shuningdek, auksion gʻolibi nomiga roʻyxatdan oʻtkazish (hisobga qoʻyish) uchun asos hisoblanadi. Bunda, majburiy tartibda undirish uchun yuborilmagan maʼmuriy jarimalarni toʻlash majburiyati mahalliy hokimlik zimmasida qoladi.
Keyingi tahrirga qarang.
4-§. Ijara huquqi asosida berilgan yer uchastkalari boʻyicha auksion natijalarini rasmiylashtirish tartibi
Oldingi tahrirga qarang.
28. Auksion gʻolibi auksion natijalari toʻgʻrisidagi bayonnoma tushgan kundan boshlab oʻn ish kuni mobaynida savdo platformasidagi shaxsiy kabineti orqali ijara shartnomasini elektron raqamli imzo bilan tasdiqlaydi.
Bunda auksion gʻolibi qonunchilik hujjatlarida belgilangan tartibda yer uchastkasi narxini boʻlib-boʻlib toʻlash imkoniyatidan foydalanish istagini bildirsa, buyurtmachi hamda auksion gʻolibi oʻrtasida avtomatik ravishda savdo platformasida boʻlib-boʻlib toʻlash boʻyicha shartnoma imzolanadi.
Ijara shartnomasi taraflar tomonidan imzolagandan soʻng avtomatik ravishda Davlat kadastrlari palatasining hududiy boshqarmasiga tegishli axborot tizimi orqali yuboriladi.
Keyingi tahrirga qarang.
Keyingi tahrirga qarang.
Auksion gʻolibi mazkur bandda belgilangan muddatda ijara shartnomasini tasdiqlamagan hollarda operator elektron onlayn-auksionlarni tashkil etish hamda oʻtkazish tartibida belgilangan xatti-harakatlarni amalga oshiradi.
(28-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Oldingi tahrirga qarang.
29. Yer uchastkalariga boʻlgan huquqlarni davlat roʻyxatidan oʻtkazish Davlat kadastrlar palatasining hududiy boshqarmasi tomonidan ijara shartnoma tushgan kundan boshlab ikki ish kunida amalga oshiriladi. Koʻchmas mulk obyektlariga boʻlgan huquqlarning davlat reyestridan yer uchastkasiga ijara huquqi davlat roʻyxatidan oʻtkazilganligi toʻgʻrisidagi koʻchirma operatorga tegishli axborot tizimi orqali auksion gʻolibiga belgilangan tartibda taqdim etish uchun yuboriladi.
Bunda Buyurtmachi bir ish kuni ichida yer uchastkasi va gʻolib toʻgʻrisidagi maʼlumotlarni ilova qilgan holda, boʻlib-boʻlib toʻlash boʻyicha shartnoma imzolanganligi asosida yer uchastkasiga taqiq qoʻyish toʻgʻrisida Davlat kadastrlar palatasining hududiy boshqarmasiga soʻrovnoma yuboradi.
Davlat kadastrlar palatasining hududiy boshqarmasi Buyurtmachining boʻlib-boʻlib toʻlash boʻyicha shartnoma imzolanganligi asosida yer uchastkasiga taqiq qoʻyish toʻgʻrisidagi soʻroviga muvofiq yer uchastkasiga boʻlgan cheklanishni davlat roʻyxatidan oʻtkazadi.
Davlat kadastrlar palatasining hududiy boshqarmasi tomonidan yer uchastkasi joylashgan joydagi davlat soliq xizmati organlariga qonunchilik hujjatlarida belgilangan tartibda maʼlumot yuboriladi.
Auksion gʻolibi tomonidan yer uchastkasini sotib olish toʻlovlari toʻliq toʻlangandan soʻng, bir ish kuni ichida buyurtmachi oʻzining “Yerelektron” AATdagi kabineti orqali yer uchastkasiga qoʻyilgan taqiqni olib tashlash toʻgʻrisida Davlat kadastrlari palatasiga xabarnoma yuboradi.
Davlat kadastrlar palatasining hududiy boshqarmasi tomonidan buyurtmachi xabarnomasiga asosan bir ish kuni ichida yer uchastkasiga qoʻyilgan taqiq olib tashlanadi.
(29-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
30. Davlat kadastrlar palatasining hududiy boshqarmasi yer uchastkasiga boʻlgan ijara huquqini davlat roʻyxatidan oʻtkazish boʻyicha xarajatlari Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori talablariga muvofiq belgilanadi va lotni sotishdan tushgan mablagʻlar hisobidan qoplanadi.
Oldingi tahrirga qarang.
31. Operator yer uchastkasiga boʻlgan ijara huquqini davlat roʻyxatidan oʻtkazish toʻgʻrisidagi koʻchirmani olgandan soʻng uni avtomatik ravishda gʻolibning shaxsiy kabinetiga yuboradi.
Bunda auksion gʻolibi tomonidan shartnoma imzolangandan soʻng toʻlash rad etilsa va/yoki toʻlov oʻz vaqtida amalga oshirilmasa auksion natijalari toʻgʻrisidagi bayonnoma, yer uchastkasini ijaraga olish boʻyicha shartnoma belgilangan tartibda bekor qilinadi.
Keyingi tahrirga qarang.
Ijara shartnomasi bekor qilingan taqdirda ijara huquqi bekor qilinadi hamda operator avtomatik ravishda yer uchastkasini takroriy elektron onlayn-auksion savdolariga chiqaradi.”
(31-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
5-§. Davlat orderini rasmiylashtirish va yer uchastkasiga boʻlgan mulk huquqini roʻyxatdan oʻtkazish tartibi
32. Davlat aktivlarini boshqarish agentligining hududiy boshqarmasi auksion savdosi natijalari toʻgʻrisidagi bayonnomani olgan kundan boshlab bir ish kuni ichida ushbu Nizomga 2-ilovada keltirilgan shaklda yer uchastkasiga mulk huquqini beruvchi davlat orderini (keyingi oʻrinlarda — davlat orderi) rasmiylashtiradi, belgilangan shaklda uni ERI bilan tasdiqlaydi va auksion gʻolibining shaxsiy kabinetiga hamda “YERELEKTRON” AAT orqali Davlat kadastrlari palatasining hududiy boshqarmasiga yuboradi.
Keyingi tahrirga qarang.
Oldingi tahrirga qarang.
Bunda auksion gʻolibi yer uchastkasi narxini boʻlib-boʻlib toʻlash imkoniyatidan foydalanish istagini bildirsa, davlat orderiga “tasarruf etish huquqisiz” belgisi quyiladi hamda auksion gʻolibi tomonidan yer uchastkasi boʻyicha pul mablagʻlari toʻliq toʻlanganidan soʻng, unga yer uchastkasiga mulk huquqini beruvchi davlat orderi tasarruf etish huquqiga oʻzgartiriladi.
(32-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan ikkinchi xatboshi bilan toʻldirilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Keyingi tahrirga qarang.
33. Davlat orderi gʻolib nomiga yer uchastkasini mulk huquq asosida roʻyxatdan oʻtkazish uchun asos hisoblanadi. Davlat orderi berish uchun davlat boji undirilmaydi.
34. Yer uchastkalariga boʻlgan huquqlarni davlat roʻyxatidan oʻtkazish Davlat kadastrlari palatasining hududiy boshqarmasi tomonidan davlat orderi tushgan kundan boshlab ikki ish kunida amalga oshiriladi.
Koʻchmas mulk obyektlariga boʻlgan huquqlarning davlat reyestridan yer uchastkasiga mulk huquqi davlat roʻyxatidan oʻtkazilganligi toʻgʻrisidagi koʻchirma operatorga “YERELEKTRON” AAT orqali auksion gʻolibiga belgilangan tartibda taqdim etish uchun yuboriladi.
Bunda Davlat kadastrlari palatasining hududiy boshqarmasi tomonidan yer uchastkasi joylashgan joydagi davlat soliq xizmati organlariga qonunchilik hujjatlarida belgilangan tartibda maʼlumot yuboriladi.
35. Davlat kadastrlari palatasining hududiy boshqarmasi yer uchastkasiga boʻlgan mulk huquqini davlat roʻyxatidan oʻtkazish boʻyicha xarajatlari Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori talablariga muvofiq belgilanadi va lotni sotishdan tushgan mablagʻlar hisobidan qoplanadi.
Oldingi tahrirga qarang.
36. Operator yer uchastkasiga boʻlgan mulk huquqi davlat roʻyxatidan oʻtkazilganligi toʻgʻrisidagi koʻchirmani olgandan soʻng uni avtomatik ravishda gʻolibning shaxsiy kabinetiga yuboradi.
Bunda auksion gʻolibi tomonidan shartnoma imzolangandan soʻng toʻlash rad etilsa va/yoki toʻlov oʻz vaqtida amalga oshirilmasa auksion natijalari toʻgʻrisidagi bayonnoma, mulk huquqi uchun rasmiylashtirilgan davlat orderi belgilangan tartibda bekor qilinadi.
Davlat orderi bekor qilingan taqdirda mulk huquqi bekor qilinadi hamda operator avtomatik ravishda yer uchastkasini takroriy elektron onlayn-auksion savdolariga chiqaradi.
(36-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
6-§. Yer uchastkasini berish
Oldingi tahrirga qarang.
37. Davlat orderi yoki yer uchastkasining ijara shartnomasi asosida filial tuman (shahar) qurilish va uy-joy kommunal xoʻjaligi boʻlimlari bilan birgalikda uch ish kuni mobaynida yer uchastkasi chegaralarini joyida (naturada) belgilaydi.
(37-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Yer uchastkasi chegaralarini kiritgan holda yer uchastkasi chegaralarini joyida (naturada) belgilash dalolatnomasini tayyorlash ishlarini bajarish uchun bazaviy hisoblash miqdorining ikki baravari miqdorida haq undiriladi va lotni sotishdan tushgan mablagʻlar hisobidan qoplanadi.
38. Ajratilgan yer uchastkasida qurilishni boshlashga faqat yer uchastkasiga boʻlgan huquq davlat roʻyxatidan oʻtkazilgandan keyin yoʻl qoʻyiladi.
3-bob. Auksiondan tushadigan mablagʻlarni taqsimlash
39. Buyurtmachi operatordan yer uchastkalarini ijara va mulk huquqi asosida sotishdan tushgan mablagʻlarni bir ish kuni ichida quyidagilarga yoʻnaltiradi:
Oldingi tahrirga qarang.
a) 1 foizi — qurilish va uy-joy kommunal xoʻjaligi organlari xodimlarini moddiy ragʻbatlantirish va moddiy-texnik bazasini mustahkamlash uchun Qoraqalpogʻiston Respublikasi Qurilish va uy-joy kommunal xoʻjaligi vazirligi va viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi hisobvaragʻiga;
(39-bandning “a” kichik bandi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
b) ushbu Nizomning 30 va 35-bandlarida nazarda tutilgan miqdorda — tegishli Davlat kadastrlari palatasining hududiy boshqarmasiga, uning 10 foizi Kadastr agentligining budjetdan tashqari jamgʻarmasining maxsus gʻaznachilik hisobvaragʻiga (4014);
v) yer uchastkasi chegaralarini kiritgan holda yer uchastkasi chegaralarini joyida (naturada) belgilash dalolatnomasini tayyorlash ishlarini bajarish uchun mazkur Nizomning 37-bandida nazarda tutilgan mablagʻlar quyidagicha taqsimlanadi:
Oldingi tahrirga qarang.
bazaviy hisoblash miqdorining bir baravari miqdoridagi mablagʻ — tegishli ravishda Qoraqalpogʻiston Respublikasi Qurilish va uy-joy kommunal xoʻjaligi vazirligi va viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi bank hisobvaragʻiga;
(39-band “v” kichik bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
bazaviy hisoblash miqdorining bir baravari miqdoridagi mablagʻ — tegishli Kadastr agentligi Davlat kadastrlari palatasining hududiy boshqarmasi hisobvaragʻiga;
g) 10 foizi — “YERELEKTRON” AATni texnik koʻllab-quvvatlash va uni yuritish bilan bogʻliq shtat birliklarini saqlash uchun Davlat kadastrlari palatasining bank hisobvaragʻiga (bunda mazkur xarajatlar uchun yer uchastkalarini elektron onlayn-auksion orqali realizatsiya qilish hisobidan yoʻnaltirilgan mablagʻlar miqdori bir kalendar yilda bazaviy hisoblash miqdorining yuz ming baravaridan oshmasligi lozim);
d) baholashdan oʻtkazish, shuningdek master-rejani ishlab chiqish boʻyicha koʻrsatgan xizmatlari uchun mustaqil baholovchi va professional loyiha tashkiloti bilan tuzilgan shartnomaga muvofiq ularning bank hisobvaragʻiga;
e) yer uchastkasi va unga tutash hududning yer osti kommunikatsiyalari aks ettirilgan topografik xaritasini tayyorlaganligi uchun shartnoma asosida loyiha qidiruv tashkilotining bank hisobvaragʻiga;
j) qolgan mablagʻlarning:
50 foizi — Qoraqalpogʻiston Respublikasi respublika budjeti, viloyatlarning viloyat budjetlari va Toshkent shahrining shahar budjeti maxsus gʻazna hisobvaraqlariga ularning qoʻshimcha manbalari sifatida yoʻnaltiriladi va uning 30 foizi — yer uchastkalari davlat organlari, muassasalari va korxonalari foydalanishida boʻlgan va ularning tashabbusi bilan elektron onlayn-auksionga qoʻyilgan taqdirda — ushbu davlat organlari va tashkilotlariga, qolgan hollarda — jismoniy va yuridik shaxslarga yetkazilgan mulkiy zararlarni kompensatsiya qilish boʻyicha hududiy maqsadli jamgʻarmaga, 70 foizi — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Tadbirkorlik infratuzilmasini rivojlantirish jamgʻarmasiga yoʻnaltiriladi;
50 foizi — mazkur yer uchastkalari joylashgan tuman (shahar)lar budjetiga ularning qoʻshimcha manbalari sifatida oʻtkaziladi.
4-bob. Kichik sanoat, yoshlar sanoat va tadbirkorlik zonalari hududidagi yer uchastkalarini elektron onlayn-auksion orqali realizatsiya qilishning xususiyatlari
40. Kichik sanoat, yoshlar sanoat va tadbirkorlik zonalari (keyingi oʻrinlarda — KSYOSTZ) hududidagi yer uchastkalarini elektron onlayn-auksion orqali realizatsiya qilish, yer ijara shartnomasini tuzish, yer uchastkasiga mulk huquqini beruvchi davlat orderini rasmiylashtirish ushbu bobda nazarda tutilgan qoidalarni inobatga olgan holda mazkur nizomda belgilangan tartibda amalga oshiriladi.
41. Jismoniy va yuridik shaxslarga KSYOSTZ hududidagi yer uchastkalari ularning bosh rejasiga muvofiq elektron onlayn-auksion orqali realizatsiya qilinadi. Bunda:
Oldingi tahrirga qarang.
yer uchastkalarini bosh rejada nazarda tutilgan lotlar asosida auksionga chiqarish boʻyicha takliflar tuman (shahar) qurilish va uy-joy kommunal xoʻjaligi boʻlimiga kichik va yoshlar sanoat zonalarini boshqarish boʻyicha yagona direksiya (keyingi oʻrinlarda — direksiya), shu jumladan, Davaktiv agentligining hududiy boshqarmasi tomonidan kiritiladi;
(41-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
yer uchastkasi yer uchastkalarini tanlash materiallarini kelishish, xulosalar olish va maʼlumotlar taqdim etish uchun mazkur nizomning 15-bandida nazarda tutilgan tashkilotlarga yuborish talab etilmaydi;
Oldingi tahrirga qarang.
KSYOSTZ hududidan faqat infratuzilma bilan taʼminlangan yer uchastkalari elektron onlayn auksion savdolariga chiqariladi;
ijara shartnomasi tuman (shahar) hokimligi va auksion gʻolibi oʻrtasida elektron imzolanadi.
Bunda ijara shartnomasida direksiya bilan auksion gʻolibi oʻrtasida investitsiya majburiyatlari bajarilishi toʻgʻrisida bitim imzolash majburiyati yuklanadi.
(41-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan toʻrtinchi — oltinchi xatboshilar bilan toʻldirilgan — Qonunchilik maʼlumotlari milliy bazasi, 15.05.2024-y., 09/24/282/0347-son)
Keyingi tahrirga qarang.
Keyingi tahrirga qarang.
Oldingi tahrirga qarang.
(42-band Oʻzbekiston Respublikasi Vazirlar Mahkamasining 2024-yil 15-maydagi 282-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.05.2024-y., 09/24/282/0347-son)
43. Yer uchastkalarini elektron onlayn-auksion orqali realizatsiya qilishdan kelib tushgan pul mablagʻlari mazkur nizomning 39-bandi “a” — “e” kichik bandlarida nazarda tutilgan, haqiqatda qilingan xarajatlar chegirib qolingan holda yagona direksiyaga oʻtkaziladi.
5-bob. Ushbu Nizom talablariga rioya etilishini tizimli nazorat va monitoring qilish
44. Prokuratura organlari va adliya organlari ushbu Nizom talablariga davlat organlari va boshqa tashkilotlar tomonidan soʻzsiz rioya etilishi boʻyicha tizimli nazorat va monitoringni amalga oshiradi.
Tizimli nazorat va monitoring yer uchastkasi materiallarini tayyorlash jarayoniga aralashmasdan, “YERELEKTRON” AAT orqali amalga oshiriladi.
45. Prokuratura va adliya organlari yer uchastkasi materiallarini tayyorlashning qonuniyligini taʼminlaydi va yer uchastkasi materiallarini tayyorlash jarayonining huquqni qoʻllash amaliyotini, shu jumladan, vakolatli tashkilotlar tomonidan kelishuvni rad etish va salbiy xulosa berishning qonuniyligini, normativ-huquqiy hujjatlarni notoʻgʻri yoki qarama-qarshi qoʻllash amaliyotini, shuningdek, huquqni qoʻllash amaliyotida huquqbuzarlik sodir etilishiga olib keladigan salbiy omillarni, sabab va sharoitlarni bartaraf etish usullarini oʻrganadi.
46. Ushbu Nizomda nazarda tutilgan tartibni buzish davlat xizmatlari koʻrsatish talablari va tartibini buzish hisoblanadi.
47. Ushbu Nizomda nazarda tutilgan tartib buzilishi aniqlangan taqdirda, adliya organlari Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil devoniga yoxud prokuratura organlariga tasdiqlovchi zarur materiallarni yuboradi.
6-bob. Yakunlovchi qoidalar
48. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Oldingi tahrirga qarang.
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisidagi nizomga
1-ILOVA
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish
SXEMASI

Bosqichlar

Subyektlar

Tadbirlar

Muddatlar

1-bosqich

Davlat kadastrlari palatasi tuman (shahar) filiallari

Tuman (shahar) qurilish va uy-joy kommunal xoʻjaligi boʻlimi

Davaktiv agentligining hududiy boshqarmasi

Boʻsh turgan yer uchastkalarini mustaqil ravishda aniqlab, yer uchastkalari toʻgʻrisidagi maʼlumotlarni tuman (shahar) hokimligiga yuboradi.

Doimiy

2-bosqich

Tuman (shahar) hokimliklari

Tuman (shahar) hokimligi yuridik va jismoniy shaxslarga berilmagan qishloq xoʻjaligiga moʻljallanmagan yer uchastkalarini tuman hokimligi nomiga davlat mulki sifatida davlat roʻyxatidan oʻtkazish toʻgʻrisida “E-qaror” tizimida qaror loyihasini ishlab chiqadi, kelishadi va roʻyxatdan oʻtkazadi hamda “Kadastr va roʻyxatdan oʻtkazish integratsiyalashgan axborot tizimi” orqali mulk huquqi bilan yer uchastkasiga boʻlgan huquqni davlat roʻyxatidan oʻtkazish uchun tegishli Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalariga (keyingi oʻrinlarda — Davlat kadastrlari palatasining hududiy boshqarmasi) yuboradi.

2 ish kuni

3-bosqich

Davlat kadastrlari palatasining hududiy boshqarmasi

Yuridik va jismoniy shaxslarga berilmagan qishloq xoʻjaligiga moʻljallanmagan yer uchastkalari tuman (shahar)lar hokimliklari nomiga belgilangan tartibda davlat mulki sifatida davlat roʻyxatidan oʻtkazilgandan soʻng ular toʻgʻrisida maʼlumotlarni “Yerelektron” AATga yuboradi.

1 ish kuni

4-bosqich

Davlat kadastrlari palatasi tuman (shahar) filiallari

Tuman (shahar) qurilish va uy-joy kommunal xoʻjaligi boʻlimi

Davaktiv agentligining hududiy boshqarmasi

Hududlar va aholi punktlari master-reja va shaharsozlik hujjatlari asosida tuman (shahar) hokimliklari nomiga davlat roʻyxatidan oʻtkazilgan qishloq xoʻjaligiga moʻljallanmagan boʻsh yer uchastkalarida tadbirkorlik va shaharsozlik faoliyati uchun berish mumkin boʻlgan yer uchastkalari boʻyicha takliflarni tayyorlaydi va “Yerelektron” AATga kiritadi.

1) Tuman (shahar) qurilish va uy-joy kommunal xoʻjaligi boʻlimi “Yerelektron” AATda taklif ishlab chiqilayotgan yer uchastkasining chegarasini belgilaydi, yer uchastkasidan foydalanishning ruxsat berilgan turlarini belgilaydi, yer uchastkasida qurilishga ruxsat berilgan yoki taqiqlangan obyektlar turlari roʻyxati tuzadi, belgilangan maqsadi va turlarini belgilaydi, yer uchastkasi boʻyicha yoki undan foydalanishga nisbatan mavjud cheklovlarni, hududlar va aholi punktlarining shaharsozlik hujjatlari mavjudligi asosida yer uchastkasining huquq turini belgilaydi hamda shaharsozlik cheklovlari qoʻyilgan holda foydalanish boʻyicha asoslangan takliflarni yer tanlash materiallarini tayyorlash uchun filialga yuboradi.

Hududlar va aholi punktlarining shaharsozlik hujjatlari mavjud boʻlmagan holatlarda ishlab chiqilgan yer uchastkalari boʻyicha takliflar tuman (shahar) qurilish boʻlimi tomonidan tegishli hududiy arxitektura va shaharsozlik kengash bilan kelishiladi.

2) Filial yer uchastkasida boʻsh yer uchastkasi boʻyicha yer tanlash materiallarini tayyorlaydi va “Yerelektron” AATga joylashtiradi. Mavjud muhofaza hududlarni, yer toifalarini oʻrganib, natijasi boʻyicha maʼlumotlarni kiritadi. Bunda Sogʻliqni saqlash vazirligi hamda Togʻ-kon sanoati va geologiya vazirligi tomonidan taqdim etilgan tadbirkorlik faoliyati uchun berilishi mumkin boʻlmagan hududlarda joylashganda hamda yer uchastkasining toifasi qishloq xoʻjaligiga moʻljallangan yerlar toifasida boʻlgan hollarda taklifni rad etadi.

3) Davaktiv agentligining hududiy boshqarmasi tomonidan uch ish kunida loyiha qidiruv tashkiloti tomonidan yer uchastkasi va unga tutash hududning yer osti kommunikatsiyalari aks ettirilgan topografik xaritalarni tayyorlanishini hamda “OʻzGASHKLITI” MCHJ yoki tegishli ravishda shartnoma boʻyicha jalb qilinadigan loyiha-qidiruv tashkiloti tomonidan tayyorlangan topografik xaritalarni “Yerelektron” AATga kiritilishini taʼminlaydi.

10 ish kuni

5-bosqich

Davlat kadastrlari palatasining hududiy boshqarmasi

Kadastr agentligi Davlat kadastrlari palatasi hududiy boshqarmasi yuridik va jismoniy shaxslarga berilmagan qishloq xoʻjaligiga moʻljallanmagan yer uchastkalari tuman (shahar)lar hokimliklari nomiga belgilangan tartibda davlat mulki sifatida davlat roʻyxatidan oʻtkazilgandan soʻng ular toʻgʻrisida maʼlumotlarni “Yerelektron” AATga yuboradi.

Doimiy

6-bosqich

Davlat kadastrlari palatasi tuman (shahar) filiallari

Tuman (shahar) qurilish va uy-joy kommunal xoʻjaligi boʻlimi

Davaktiv agentligining hududiy boshqarmasi

Jismoniy yoki yuridik shaxslar hamda mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilarining taklifi kelib tushgan kundan eʼtiboran taklifni hududlar va aholi punktlari, master-reja va shaharsozlik hujjatlari bilan solishtirib taklifni qabul qiladi yoki sabablarini koʻrsatgan holda rad etadi.

Davlat mulki sifatida davlat roʻyxatidan oʻtkazilmagan boʻsh yer uchastkasi aniqlangan taqdirda yer uchastkasiga kadastr hujjatlarini rasmiylashtirish uchun tuman (shahar) hokimliklariga yuboradi.

5 ish kuni

7-bosqich

Tuman (shahar) qurilish va uy-joy kommunal xoʻjaligi boʻlimi

Davaktiv agentligining hududiy boshqarmasi

Yer uchastkalari boʻyicha yer tanlash materiallaridan iborat takliflarni va topografik xaritani tayyor boʻlishiga koʻra “Yerelektron” AAT orqali vakolatli tashkilotlarga yuboradi:

1 ish kuni

8-bosqich

Zarur hollarda hududlar va inshootlardan rejim asosida foydalanadigan hamda ularni ekspluatatsiya qiladigan tashkilotlar

Elektron raqamli imzo bilan tasdiqlagan holda materiallarni kelishadi yoki kelishishni rad etadi.

Kelishuv rad etilganda sohaga oid qonunchilik hujjatlari normalariga havolalar qilingan holda yer uchastkasini tadbirkorlik va shaharsozlik faoliyati uchun ajratish imkoni yoʻqligining asoslangan sabablari koʻrsatiladi hamda mazkur yer uchastkalari aynan qaysi jihatdan ushbu normalarga muvofiq emasligi aks ettiriladi.

2 ish kuni

Yongʻin xavfsizligi boʻlimlari, Toshkent shahrida — yongʻin xavfsizligi boshqarmasi

Davlat yoʻl harakati xavfsizligi xizmati hududiy organlari

Transport vazirligi huzuridagi Avtomobil yoʻllari qoʻmitasining Qoraqalpogʻiston Respublikasi va viloyatlar avtomobil yoʻllari bosh boshqarmalari

Madaniy meros agentligining Qoraqalpogʻiston Respublikasi, viloyatlar va Toshkent shahar boshqarmalari,

Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, viloyatlar va Toshkent shahar Ekologiya, atrof-muhitni muhofaza qilish va iqlim oʻzgarishi boshqarmalari, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi va uning hududiy boʻlinmalari

Yer uchastkasi boʻyicha tegishli xulosa tuzadi, uni elektron shaklda “Yerelektron” AATga kiritadi va elektron raqamli imzo bilan tasdiqlaydi.

Muhandislik-kommunikatsiya tarmoqlaridan foydalanuvchi tashkilotlar

“Yerelektron” AAT orqali har bir yer uchastkasi boʻyicha qurilish obyektini tashqi muhandislik-kommunikatsiya tarmoqlariga ulash mumkin boʻlgan quvvatlar toʻgʻrisida maʼlumotlarni ulardan foydalanuvchi tashkilotlarga taqdim etadi.

9-bosqich

Davaktiv agentligining hududiy boshqarmasi

a) Yer uchastkasi mulk huquqi bilan auksionga chiqarilganda:

qonunchilikda belgilangan tartibda eng yaxshi takliflarni tanlash orqali baholovchi tashkilotni aniqlash, u bilan shartnoma tuzish, yer uchastkasining bozor qiymatini aniqlash ishlarining tashkil etilishini taʼminlaydi;

baholash tashkiloti tomonidan tayyorlangan hisobot asosida “Yerelektron” AATga yer uchastkasining boshlangʻich narxini kiritadi.

b) Yer uchastkasi ijara huquqi bilan auksionga chiqarilganda:

yer uchastkasi ijara huquqi bilan auksionga chiqarilganda “Yerelektron” AAT avtomatik ravishda tegishli tuman (shahar) uchun belgilangan yer uchastkasini ijaraga berishning minimal qiymati asosida auksionga chiqarilayotgan yer uchastkasini ijaraga olish huquqining boshlangʻich narxini belgilaydi;

bozor konyunkturasini oʻrgangan holda, yer uchastkasining ijara huquqi baholangan qiymatda auksion savdolariga chiqarilishi mumkin.

2 ish kuni

10-bosqich

“Yerelektron” AAT

Boshlangʻich narxi toʻgʻrisidagi maʼlumotlar “Yerelektron” AATga kiritilganidan soʻng yer uchastkasi yoki yer uchastkasiga mulk va ijara huquqi buyurtmachi tomonidan avtomatik ravishda auksionga qoʻyish uchun operatorga yuboriladi.

Avtomatik ravishda

11-bosqich

Yuridik va jismoniy shaxslar

Yer uchastkasini realizatsiya qilish boʻyicha auksionda Oʻzbekiston Respublikasi Vazirlar Mahkamasi tomonidan belgilangan tartibga muvofiq ishtirok etadi.

Belgilangan muddatda

12-bosqich

Auksion gʻolibi

(Ijara huquqi boʻlganda)

1. Auksion natijalari toʻgʻrisidagi bayonnoma tushgan kundan boshlab ijara shartnomasini elektron raqamli imzo bilan tasdiqlaydi.

2. Ijara shartnomasi taraflar tomonidan imzolagandan soʻng, avtomatik ravishda “Yerelektron” AAT orqali Davlat kadastrlari palatasining hududiy boshqarmasiga yuboriladi.

3.Yer uchastkasining sotib olish toʻlovini qonunchilikka asosan boʻlib-boʻlib toʻlash imkoniyati mavjud boʻlgan taqdirda, auksion gʻolibi oʻz istagiga koʻra oldi-sotdi shartnomasini elektron koʻrinishda oʻzining shaxsiy kabineti orqali rasmiylashtiradi.

10 ish kuni

Davlat aktivlarini boshqarish agentligining hududiy boshqarmasi

(Mulk huquqi boʻlganda)

1. Auksion savdosi natijalari toʻgʻrisidagi bayonnomani olgan kundan boshlab belgilangan shaklda yer uchastkasiga mulk huquqini beruvchi davlat orderini rasmiylashtiradi, belgilangan shaklda uni oʻzining ERI bilan tasdiqlaydi va auksion gʻolibining shaxsiy kabinetiga hamda “Yerelektron” AAT orqali Davlat kadastrlari palatasining hududiy boshqarmasiga yuboradi.

Bunda, auksion gʻolibi yer uchastkasi narxini boʻlib-boʻlib toʻlash imkoniyatidan foydalanish istagini bildirsa, davlat orderiga tasarruf etish huquqisiz belgisi quyiladi hamda auksion gʻolibi tomonidan yer uchastkasi boʻyicha pul mablagʻlari toʻliq toʻlanganidan soʻng, unga yer uchastkasiga mulk huquqini beruvchi davlat orderi tasarruf etish huquqiga oʻzgartiriladi.

1 ish kuni

13-bosqich

Davlat kadastrlari palatasining hududiy boshqarmasi

Yer uchastkalariga boʻlgan huquqlarni davlat roʻyxatidan oʻtkazish davlat orderi tushgan kundan boshlab amalga oshiriladi.

Koʻchmas mulk obyektlariga boʻlgan huquqlarning davlat reyestridan yer uchastkasiga mulk huquqi yoki ijara huquqi davlat roʻyxatidan oʻtkazilganligi toʻgʻrisidagi koʻchirma operatorga “Yerelektron” AAT orqali auksion gʻolibiga belgilangan tartibda taqdim etish uchun yuboriladi.

2 ish kuni

14-bosqich

Operator

Yer uchastkasiga boʻlgan ijara yoki mulk huquqini davlat roʻyxatidan oʻtkazish toʻgʻrisidagi koʻchirmani olgandan soʻng uni gʻolibning shaxsiy kabinetiga yuboradi.

Avtomatik ravishda

15-bosqich

Davlat kadastrlari palatasining tuman (shahar) filiali va tuman (shahar) qurilish boʻlimi

Yer uchastkasi chegaralarini joyida (naturada) belgilaydi va yer uchastkasini naturada koʻrsatadi.

3 ish kuni
(1-ilova Oʻzbekiston Respublikasi Vazirlar Mahkamasining 2024-yil 15-maydagi 282-sonli qarori tahririda — Qonunchilik maʼlumotlari milliy bazasi, 15.05.2024-y., 09/24/282/0347-son)
Keyingi tahrirga qarang.
Keyingi tahrirga qarang.
Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisidagi nizomga
2-ILOVA
Oldingi tahrirga qarang.

Qishloq xoʻjaligiga moʻljallanmagan boʻsh turgan yer uchastkasini ijaraga olishning
NAMUNAVIY SHARTNOMASI

20___ y. “___” _______________ ___-son

________________ sh.

Keyingi oʻrinlarda “Ijaraga beruvchi” deb nomlanadigan _______________ tuman (shahar) hokimligi bir tomondan _______________ hokimi nomidan va keyingi oʻrinlarda Ijaraga oluvchi deb nomlanuvchi ikkinchi tomondan _______________ nomidan mazkur shartnomani 20___ yil “___” ___________dagi ___-son auksion natijalari toʻgʻrisidagi Bayonnomaga asosan quyidagilar toʻgʻrisida tuzdi.

I. Shartnoma predmeti

1.1. Ijaraga beruvchi yer uchastkasini 20___ yil “___” ___________dan ____ yilga ijaraga beradi, Ijaraga oluvchi esa ____________ viloyatining ____________ tumanidagi (shahridagi) ____________ manzilda joylashgan _______ ga. yer uchastkasini ijaraga oladi.

Yer kodeksining 24-moddasiga binoan yerlarni ijaraga berish muddati yuz yildan ortiq boʻlishi mumkin emas. Chet el investitsiyalari ishtirokidagi korxonalarga, xalqaro birlashmalar va tashkilotlarga, chet el jismoniy va yuridik shaxslariga yer uchastkalari yigirma besh yilgacha boʻlgan muddatga ijaraga beriladi.

Yer uchastkasining chegaralari shartnomaning ajralmas qismi boʻlgan va ilova qilinadigan xaritada koʻrsatiladi.

Yer uchastkasini ijaraga olish huquqini ijaraga beruvchining roziligisiz garov qoidalariga asosan garovga qoʻyish _______________ huquqi mavjud/mavjud emas, biroq yer uchastkalari oldi-sotdi, hadya, ayirboshlash shartnomalarining obyekti boʻla olmaydi. Jismoniy va yuridik shaxslar elektron onlayn-auksion orqali ijaraga olgan qishloq xoʻjaligiga moʻljallanmagan yer uchastkalariga nisbatan huquq va majburiyatlarni ijara muddatidan koʻp boʻlmagan muddatga boshqa shaxsga oʻtkazishi (qayta ijaraga berishi) mumkin.

1.2. Yer uchastkasi tadbirkorlik va shaharsozlik faoliyatini amalga oshirish uchun beriladi va quyidagi maqsadda foydalaniladi:
________________________________________________________________________
________________________________________________________________________

1.3. Yer uchastkasining ruxsat etilgan foydalanish asosiy turi:
________________________________________________________________________
________________________________________________________________________

1.4. Yer uchastkasiga kuyidagi kommunikatsiyalar oʻtkazilgan:
________________________________________________________________________

(muhandislik kommunikatsiya tarmoqlari va ularning ayni damdagi texnik

________________________________________________________________________

holati, elektr tarmogʻi, gaz, ichimlik suvi va oqava suv, yoʻllar va boshqalar)

II. Ijara toʻlovi

2.1. Yer uchastkalarini ijaraga olganlik uchun haq toʻlash tartibi va uning miqdori qonunchilikka muvofiq belgilanadi.

2.2. Yer kodeksining 28-moddasiga asosan yer uchun haq har yili toʻlanadigan yer soligʻi shaklida olinadi, uning miqdori yer uchastkasining sifatiga, joylashishiga va suv bilan taʼminlanish darajasiga qarab belgilanadi. Yer uchastkalari ijaraga berilganda yer uchun haq ijara haqi shaklida olinadi. Ijara haqi yer soligʻiga tenglashtiriladi. Yer uchastkalarini ijaraga olgan shaxslar tomonidan yer uchun ijara haqini yer soligʻi toʻlovchilar uchun belgilangan tartibga muvofiq budjetga toʻlanadi.

2.3. Oʻz vaqtida toʻlanmagan ijara toʻlovi uchun quyidagi miqdo?da penya undiril?di:
________________________________________________________________________
________________________________________________________________________

III. Yer uchastkasini berish va undan foydalanish tartibi

3.1. Yer uchastkasidan ushbu Shartnomaning 1.2.-bandida koʻrsatilgan maqsadlarda foydalanish shart.

3.2. Yer uchastkasini berish va foydalanishning boshqa shartlari:
________________________________________________________________________
________________________________________________________________________

IV. Ijaraga beruvchining huquqlari va majburiyatlari

4.1. Ijaraga beruvchi quyidagi huquqlarga ega:
Ijaraga oluvchi shartnoma shartlarini buzgan taqdirda, ushbu Shartnomaga oʻzgartirish kiritish yoki bekor qilishni talab qilish;
yer uchastkasini cheklashni belgilash.
Ijaraga beruvchining boshqa huquqlari:
________________________________________________________________________
________________________________________________________________________

4.2. Ijaraga beruvchi:
yer uchastkasini ushbu shartnoma shartlarida koʻrsatilgan holatda va belgilangan muddatda berilishini taʼminlash;
ijaraga beruvchining qonun hujjatlarida belgilangan huquqlariga rioya etishga majbur.
Ijaraga beruvchining boshqa majburiyatlari:
________________________________________________________________________
________________________________________________________________________

V. Ijaraga oluvchining huquq va majburiyatlari

5.1. Ijaraga oluvchi:
yer uchastkasida uning maqsadli yoʻnalishiga muvofiq xoʻjalik faoliyatini yuritish;
ushbu Shartnomaning 1.2-bandida koʻrsatilgan maqsadlar uchun belgilangan tartibda arxitektura-rejalashtirish topshirigʻi va qurilish loyihasiga muvofiq ishlab chiqarish va boshqa qurilma va inshootlarni qurish;
ijaraga berilgan yer uchastkasida oʻz mablagʻlari hisobidan qonunchilikka muvofiq qurilgan bino va inshootlarga, ishlab chiqargan mahsulotlarga va ularni sotishdan olingan daromadlarga egalik qilish;
belgilangan tartibda sugʻorish, drenaj, texnik va boshqa melioratsiya ishlarini bajarishga haqli.
Ijaraga oluvchi qonun hujjatlarida nazarda tutilgan boshqa huquqlarga ham ega.
5.2. Ijaraga oluvchi:
ushbu Shartnomaning 1.2-bandiga muvofiq yer uchastkasining ixtisoslashuvini saqlash;
yerdan belgilangan maqsadga muvofiq oqilona foydalanish, atrof-muhitga zarar yetkazmaydigan ishlab chiqarish texnologiyalarini qoʻllash va oʻz faoliyati natijasida ushbu hududda ekologik holat yomonlashuviga yoʻl qoʻymaslik;
mavjud irrigatsiya tarmoqlari va muhandislik kommunikatsiyalarini soz holatda saqlash;
yerlarni muhofaza qilish boʻyicha qonun hujjatlarida nazarda tutilgan chora-tadbirlar kompleksini amalga oshirish;
ijara toʻlovlarini oʻz vaqtida toʻlash;
boshqa yer mulkdorlari, yerdan foydalanuvchilar, yer uchastkalari Ijaraga oluvchilari va egalarining huquqlarini buzmaslik;
boshqa mulkdorlar, foydalanuvchilar, Ijaraga oluvchilar va yer egalariga yetkazilgan zararni belgilangan tartibda qoplash;
shaharsozlik reglamentlariga rioya etish, belgilangan tartibda obyektning loyiha-smeta hujjatlari ishlab chiqilishini taʼminlash va ularni kelishish, shuningdek, qurilish-montaj ishlarini boshlash uchun obyektni roʻyxatdan oʻtkazishga va tugallangan obyektdan foydalanish uchun ruxsatnoma olishga majbur.
Ijaraga oluvchi qonun hujjatlarida nazarda tutilgan boshqa majburiyatlarni ham oʻz zimmasiga oladi.
Ijaraga oluvchi ijaraga berilgan yer uchastkasini yoki uning bir qismini ikkilamchi ijaraga berishi taqiqlanadi.

VI. Shartnomani oʻzgartirish va bekor qilish

6.1. Ijara shartnomasi shartlarining oʻzgartirilishiga, uning bekor qilinishiga va toʻxtatilishiga tomonlarning kelishuvi bilan yoʻl qoʻyiladi. Tomonlarning biri shartnoma shartlarini buzgan taqdirda ikkinchisining talabiga koʻra ijara shartnomasi tegishli sudning qarori bilan bekor qilinishi mumkin.
6.2. Yer kodeksining 36-moddasida belgilangan tegishli asoslarga koʻra yer uchastkasini ijaraga olish huquqi bekor qilinishi mumkin.

VII. Tomonlarning javobgarligi

7.1. Agar tomonlardan biri ushbu Shartnoma sha?tlarini bajarm?an yoki qonun hujjatlarini muntazam ravishda buzgan taqdirda, ikkinchi tomon belgilangan tartibda ushbu Shartnomani bekor qilishni talab qilishga haqli.
7.2. Bartaraf etilishi mumkin boʻlgan har qanday shartnoma shartlarini buzish holatlari shartnomaning bekor qilinishiga sabab boʻla olmaydi.
7.3. Ushbu shartnomani bekor qilishga qaror qilgan tomon ikkinchi tomonni sabablarni asoslagan holda, shartnoma muddatining taxminiy tugashidan bir oy oldin yozma ravishda xabardor qiladi.
Shartnomaning amal qilishi toʻxtatilganidan keyin ijarachi yer uchastkasini ijaraga beruvchiga “Ijara toʻgʻrisida”gi Qonunning 5-moddasida belgilangan holatda va tartibda qaytaradi.

VIII. Nizolarni hal qilish

8.1. Ushbu Shartnomani amalga oshirish jarayonida yuzaga keladigan nizolar Oʻzbekiston Respublikasining qonun hujjatlariga muvofiq hal etiladi.

IX. Shartnomaning maxsus shartlari

9.1. Ushbu boʻlimda Shartnomada nazarda tutilmagan va qonun hujjatlariga zid boʻlmagan shartlar koʻrsatiladi.

X. Fors major holatlari

10.1. Taraflar ixtiyoriga bogʻliq boʻlmagan, ularni oldindan bilish yoki oldini olish imkoniyati boʻlmagan holatlar oqibatida shartnoma shartlarini bajarmaganlik yoki lozim darajada bajarmaganlik uchun taraflarning birortasi ikkinchi taraf oldida javobgar boʻlmaydi. Vakolatli organ tomonidan berilgan maxsus hujjat yengib boʻlmas kuch mavjudligi va amal qilishining davomiyligini tasdiqlash uchun yetarli hujjatdir.

10.2. Ijaraga oluvchi ijaraga beruvchiga yengib boʻlmas kuchning mavjudligi va uning shartnoma shartlarini bajarishga taʼsiri haqida xabarnoma berishi lozim.

XI. Yakunlovchi qoidalar

11.1. Ushbu shartnoma elektron shaklda tuzilgan.
11.2. Mazkur shartnoma yer uchastkasi joylashgan hududdagi Kadastr agentligining Davlat kadastrlari palatasining hududiy boshqarmasida davlat roʻyxatidan oʻtkazilgan kundan boshlab kuchga kiradi.

Tomonlarning yuridik manzillari:

Ijaraga beruvchi:
________________________________
________________________________
________________________________

Ijaraga oluvchi:
________________________________
________________________________
________________________________

Tomonlarning imzolari:

Ijaraga beruvchi:
________________________________
________________________________
________________________________

Ijaraga oluvchi:
________________________________
________________________________
________________________________


Elektron raqamli
imzo oʻrni _______________________


Elektron raqamli
imzo oʻrni _______________________

QR-kodi

(2-ilova Oʻzbekiston Respublikasi Vazirlar Mahkamasining 2024-yil 3-yanvardagi 2-sonli qarori tahririda — Qonunchilik maʼlumotlari milliy bazasi, 04.01.2024-y., 09/24/2/0002-son)
Keyingi tahrirga qarang.
Keyingi tahrirga qarang.
Vazirlar Mahkamasining 2022-yil 14-fevraldagi 71-son qaroriga
3-ILOVA
Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi toʻgʻrisida
NIZOM
1-bob. Umumiy qoidalar
1. Mazkur Nizom yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron-onlayn auksion orqali realizatsiya qilish tartibini belgilaydi.
2. Oʻzbekiston Respublikasi fuqarolariga yakka tartibda uy-joy qurish va uy-joyni obodonlashtirish uchun 0,04 gektargacha yer uchastkalari elektron onlayn-auksion orqali mulk huquqi asosida realizatsiya qilinadi.
3. Mazkur Nizomda quyidagi asosiy tushunchalardan foydalaniladi:
“E-auksion” elektron savdo platformasi (keyingi oʻrinlarda — savdo platformasi) — elektron onlayn-auksion tashkil etish va oʻtkazish uchun zarur axborotni kiritish, saqlash va qayta ishlash, shuningdek, istagi boʻlgan Oʻzbekiston Respublikasi fuqarolarining bunday auksion jarayoniga kirish va ularda qatnashish imkonini taʼminlaydigan axborot tizimi;
“Yerelektron” avtomatlashtirilgan axborot tizimi (keyingi oʻrinlarda — “Yerelektron” AAT) — yer uchastkalarini realizatsiya qilish boʻyicha materiallarni toʻplash, koʻrib chiqish va axborot tizimiga kiritilgan vakolatli organlar hamda tashkilotlar bilan kelishish tartib-taomillarini amalga oshirishni taʼminlaydigan avtomatlashtirilgan axborot tizimi;
aholi punktining bosh rejasi — aholi punktini hududiy rivojlantirishning asosiy yoʻnalishlarini hamda fuqarolarning qulay hayot faoliyati muhitini kompleks shakllantirish shart-sharoitlarini belgilaydigan shaharsozlik hujjati;
aholi punktlari qismlarining batafsil rejasi loyihasi (keyingi oʻrinlarda — BRL) — aholi punktlari hududlari qismlari uchun aholi punkti bosh rejasi asosida ishlab chiqiladigan shaharsozlik hujjati boʻlib, u qizil chiziqlarni, yer uchastkalarini qurish va ulardan foydalanishni tartibga solish chiziqlarini, yerga egalik qilish, yerdan foydalanish va mulkdorlarning yer uchastkalari chegaralarini, hududlarning zonalashtirilishini va ularni qurish navbatini, muhofaza zonalaridan foydalanish rejimini, koʻchalar, tor koʻchalar, piyodalarga ajratilgan zonalarning, shuningdek, transport, aloqa inshootlari va kommunikatsiyalarning, muhandislik uskunalarining hamda hududni obodonlashtirishning koʻrsatkichlarini, ijtimoiy va madaniy-maishiy obyektlarning tarkibi hamda joylashuvini, qurishning hajmiy-hududiy va arxitektura-rejalashtirish yechimini, qurish zichligi va koʻrsatkichlarini, binolar va inshootlarning necha qavatliligini, turlarini belgilaydi;
yer uchastkasi — yer fondining qatʼiy belgilangan chegara, maydon, joylashuv joyi, huquqiy rejimga va davlat yer kadastrida aks ettiriladigan boshqa tavsiflarga ega qismi;
ishtirokchi — savdo platformasida ushbu Nizomda belgilangan tartibda roʻyxatdan oʻtib, auksionda qatnashish uchun ariza bergan Oʻzbekiston Respublikasi fuqarolari;
Oldingi tahrirga qarang.
loyiha-qidiruv tashkiloti — tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan davlat xaridlari toʻgʻrisidagi qonunchilikka muvofiq uch tomonlama (Qoraqalpogʻiston Respublikasi Vazirlar Kengashi va hokimliklar — buyurtmachi, Davlat aktivlarini boshqarish agentligining hududiy boshqarmasi — xizmat xarajatlarini toʻlovchi va loyiha-qidiruv tashkiloti — buyurtmani bajaruvchi) shartnoma boʻyicha jalb qilinadigan loyiha-qidiruv tashkiloti;
(3-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
operator — savdo platformasida auksionni tashkil etish xamda oʻtkazish vakolati berilgan “Elektron onlayn-auksionlarni tashkil etish markazi” davlat unitar korxonasi;
xabarnoma — savdo platformasida muayyan yer uchastkasi boʻyicha auksion oʻtkazilishi haqidagi axborot;
shaxsiy kabinet — ishtirokchiga auksion buyurtma berish, ularda qatnashish, shaxsiy hisobni boshqarish, uning holati va boshqa statistik maʼlumotlarni koʻrish hamda operator tomonidan joʻnatilayotgan xabarlar bilan tanishib borish imkonini beruvchi savdo platformasining maxsus boʻlimi;
elektron onlayn-auksion (keyingi oʻrinlarda — auksion) — savdo platformasi orqali Oʻzbekiston Respublikasi fuqarolariga auksion obyektini realizatsiya qilish boʻyicha narxni oshirib borish tamoyilida onlayn oʻtkaziladigan savdo shakli.
4. Yakka tartibdagi uy-joy qurish uchun bir lotda 0,04 gektargacha doirada yer uchastkalarini realizatsiya qilish “E-auksion” yagona auksion elektron savdo platformasida amalga oshiriladi.
Yer uchastkalari faqat shaharsozlik hujjatlari (aholi punktining bosh rejasi va aholi punkti tegishli qismining BRL) bilan taʼminlangan aholi punktlari boʻyicha auksionga qoʻyiladi.
Aholi punkti bosh rejasida yakka tartibda uy-joy qurish nazarda tutilgan aholi punkti qismlarining BRL boʻlmagan taqdirda, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tegishli uy-joy massivlari uchun BRL ishlab chiqilishi va tasdiqlanishi taʼminlanadi.
Yakka tartibdagi uy-joy qurilishi uchun BRL ishlab chiqish Qoraqalpogʻiston Respublikasi, viloyatlar va Toshkent shahar tegishli mahalliy budjetlari mablagʻlari, yer uchastkalarini realizatsiya qilishdan tushgan mablagʻlar, shuningdek, qonunchilikda taqiqlanmagan boshqa manbalar hisobidan moliyalashtiriladi.
Yakka tartibda uy-joy qurish va uy-joyni obodonlashtirish uchun yer uchastkalarini elektron onlayn-auksion orqali realizatsiya qilishda yer uchastkalarini muhandislik-kommunikatsiya tarmoqlariga ulash shartlari nazarda tutilishi kerak. Uy-joy massivlarini muhandislik-kommunikatsiya tarmoqlari bilan taʼminlash Davlat uy-joy dasturlari asosida amalga oshiriladi.
5. Yakka tartibda uy-joy qurish uchun yer uchastkalarini mulk huquqi asosida auksion orqali realizatsiya qilish mazkur Nizomga 1-ilovada keltirilgan sxemaga muvofiq amalga oshiriladi.
Oldingi tahrirga qarang.
6. Oʻzbekiston Respublikasi Davlat aktivlarini boshqarish agentligining hududiy boshqarmalari yer uchastkasini auksionga chiqarishda buyurtmachi hisoblanadi.
(6-band Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
7. Auksion natijalari boʻyicha pul mablagʻlari operatorning maxsus hisobvaragʻida yigʻiladi va auksion gʻolibi tomonidan yer uchastkasi qabul qilinganligi tasdiqlangandan soʻng buyurtmachi hisobvaragʻiga belgilangan tartibda operator xizmat haqi chegirilgan holda oʻtkazib beriladi.
2-bob. Yakka tartibdagi uy-joy qurish uchun yer uchastkalarini mulk huquqi asosida auksion orqali realizatsiya qilish tartibi
1-§. Yer uchastkalari roʻyxatini shakllantirish va yer uchastkalarini auksionga qoʻyish uchun zarur materiallarni tayyorlash tartibi
8. Tuman (shahar) hokimligi belgilangan tartibda tasdiqlangan BRLga muvofiq yakka tartibdagi uy-joy qurish uchun beriladigan har bir yer uchastkasiga kadastr yigʻmajildini rasmiylashtirish uchun yer uchastkalarining shartli chegaralarini hamda foydalanish mumkin boʻlgan faoliyat turlarini koʻrsatgan holda buyurtmani shakllantiradi va uni elektron hujjat almashinuvi yoʻli bilan Oʻzbekiston Respublikasi Davlat soliq qoʻmitasi huzuridagi Kadastr agentligining Davlat kadastrlari palatasi tuman (shahar) filialiga (keyingi oʻrinlarda — filial) yuboradi.
Oldingi tahrirga qarang.
Yer uchastkalarining shartli chegaralari tuman (shahar) hokimligi tomonidan tuman (shahar) qurilish va uy-joy kommunal xoʻjaligi boʻlimi hamda filial bilan birgalikda belgilanadi.
(8-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
9. Filial tuman (shahar) hokimligidan buyurtmani olgandan keyin oʻn besh ish kunida:
koʻchmas mulk obyektlariga boʻlgan huquqlarning davlat reyestri maʼlumotlari asosida buyurtmada belgilangan yer uchastkasining boʻsh yoki boʻsh emasligini aniqlaydi;
Oldingi tahrirga qarang.
yer uchastkasi boʻsh boʻlmagan taqdirda, tuman (shahar) hokimligi va tuman (shahar) qurilish va uy-joy kommunal xoʻjaligi boʻlimiga bu toʻgʻrisida maʼlumot yuboradi;
(9-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
boʻsh yer uchastkalari boʻyicha kadastr yigʻmajildini tayyorlaydi va tuman (shahar) hokimligiga yuboradi.
Filialning kadastr yigʻmajildini tayyorlash hamda hududiy boshqarmaning yer uchastkasiga boʻlgan huquqni davlat roʻyxatidan oʻtkazish boʻyicha xarajatlari Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori talablariga muvofiq belgilanadi va tuman (shahar) mahalliy budjeti mablagʻlari hisobidan qoplanadi.
10. Ushbu Nizomning 8-bandi birinchi xatboshisida nazarda tutilgan va BRL ishlab chiqiladigan boshqa hududning BRL mavjud boʻlsa mazkur hudud uchun topografik xarita loyiha-qidiruv tashkiloti tomonidan ishlab chiqiladi.
Aholi punkti bosh rejasida yakka tartibda uy-joy qurilishi nazarda tutilgan aholi punktlari qismlarining BRL mavjud boʻlmaganda tuman (shahar) hokimligi ikki ish kuni mobaynida belgilangan tartibda Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga vakolatli loyiha tashkiloti bilan tegishli BRLlarni ishlab chiqishga shartnoma tuzish uchun iltimosnoma yuboradi.
Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklari oʻn besh ish kunida vakolatli loyiha tashkiloti hamda loyiha-qidiruv tashkiloti bilan tegishli BRLlarni va topografik xaritani ishlab chiqish boʻyicha shartnoma tuzadi.
BRL belgilangan tartibda tasdiqlangandan keyin Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki ish kunida yer uchastkalarini realizatsiya qilish toʻgʻrisida buyurtmani shakllantirish uchun BRLni tuman (shahar) hokimligiga yuboradi.
11. Tuman (shahar) hokimligi ikki ish kunida “E-qaror” tizimida qaror loyihasini ishlab chiqadi, kelishadi va roʻyxatdan oʻtkazadi hamda “Kadastr va roʻyxatdan oʻtkazish integratsiyalashgan axborot tizimi” orqali mulk huquqi bilan yer uchastkasiga boʻlgan huquqni davlat roʻyxatidan oʻtkazish uchun tegishli Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalariga (keyingi oʻrinlarda — Davlat kadastrlari palatasining hududiy boshqarmasi) yuboradi.
12. Davlat kadastrlari palatasining hududiy boshqarmasi ikki ish kunida:
buyurtmada koʻrsatilgan yer uchastkasi maʼlumotlarining Koʻchmas mulkka boʻlgan huquqlarning davlat reyestridagi maʼlumotlarga muvofiqligini tekshiradi;
yer uchastkasiga nisbatan taqiqning yoki xatlovning mavjudligini tekshiradi;
tegishli tuman (shahar) hokimligi nomiga yer uchastkasiga boʻlgan huquqini davlat roʻyxatidan oʻtkazadi va ushbu yer uchastkasi toʻgʻrisida quyidagi maʼlumotlarni “Yerelektron” AATga kiritadi:
reyestrdan koʻchirma;
yer uchastkasining WGS-84 (World Geodetic System 1984) ochiq koordinatalar tizimida chegaralari;
ushbu yer uchastkasidan foydalanish mumkin boʻlgan faoliyat turlari;
yer uchastkasi, jumladan, uning maydoni (gektarda), yer uchastkasining yer fondi toifasi haqida qisqacha maʼlumot;
chegaradosh yer uchastkalaridan foydalanish turlari koʻrsatilgan vaziyat bilan bogʻliq sxema;
yer uchastkasini kamida ikki tomondan oʻrab turgan obyektlarning raqamli fotosurati.
Har bir yer uchastkasiga oʻziga xos raqam beriladi.
13. Yer uchastkasiga boʻlgan huquq davlat roʻyxatidan oʻtkazilganidan va “Yerelektron” AATga maʼlumotlar kiritilganidan soʻng tuman (shahar) hokimligi ikki ish kuni ichida yer uchastkasi boʻyicha yoki undan foydalanishga nisbatan mavjud cheklovlarni “Yerelektron” ATT orqali belgilaydi va elektron hamkorlik orqali muhandislik-kommunikatsiya tarmoqlaridan foydalanuvchi tashkilotlarga ushbu yer uchastkalari muhandislik-kommunikatsiya tarmoqlariga ulanishga tegishli texnik shartlarni olish uchun soʻrov yuboradi.
14. Muhandislik-kommunikatsiya tarmoqlaridan foydalanuvchi tashkilotlar soʻrov tushgan kundan eʼtiboran uch ish kuni ichida tuman (shahar) hokimligiga elektron hamkorlik orqali muhandislik-kommunikatsiya tarmoqlariga ulanishning texnik shartlarini elektron shaklda yuboradi.
Texnik, shu jumladan, qoʻshimcha shartlarni ishlab chiqish va ularni yuborish uchun toʻlov undirilmaydi.
15. Tuman (shahar) hokimligi muhandislik-kommunikatsiya tarmoqlariga ulanishning texnik shartlari tushgan kundan eʼtiboran bir ish kuni ichida yer uchastkasi toʻgʻrisidagi maʼlumotlarni texnik shartlar bilan birga elektron shaklda “Yerelektron” AAT orqali Davlat aktivlarini boshqarish agentligining hududiy boshqarmasiga yuboradi.
Oldingi tahrirga qarang.
16. Davlat aktivlarini boshqarish agentligining hududiy boshqarmasi yetti ish kunida:
eng yaxshi takliflarni tanlash orqali baholovchi tashkilotni aniqlash, ular bilan shartnoma tuzish hamda yer uchastkasining bozor qiymatini aniqlash ishlari tashkil etilishini taʼminlaydi;
baholash tashkiloti tomonidan tayyorlangan hisobot asosida “YERELEKTRON” AATga yer uchastkasining boshlangʻich qiymatini kiritadi.
Bunda bitta uy-joy massivida joylashgan bir necha lotga boʻlib auksionga qoʻyiladigan yer uchastkalari uchun bir xil boshlangʻich narx belgilanishi mumkin.
(16-band Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
17. Yakka tartibda uy-joy qurish uchun moʻljallangan yer uchastkalari bozor qiymati toʻgʻrisidagi maʼlumotlar “Yerelektron” AATga kiritilgandan soʻng buyurtmachi tomonidan avtomatik ravishda auksionga qoʻyiladi.
18. Tuman (shahar) hokimligi va Davlat aktivlarini boshqarish agentligi ikki ish kuni ichida auksionga qoʻyilgan boʻsh yer uchastkalari toʻgʻrisidagi maʼlumotlarni oʻzlarining rasmiy veb-saytlarida joylashtiradi va elektron ommaviy axborot vositalarida tarqatadi.
Kadastr agentligi yer uchastkalari boʻyicha auksion oʻtkazilishi toʻgʻrisidagi xabar eʼlon qilingan paytdan boshlab barcha ishtirokchilarga mazkur yer uchastkalarini oldindan koʻrish (koʻzdan kechirish) imkoniyatini taʼminlaydi.
Yer uchastkasi boʻyicha tegishli maʼlumotlar, shu jumladan, fotosuratlar, uning geolokatsiya va koordinatalari toʻliq koʻrsatilmagan holda auksionga chiqarish uchun buyurtma taqdim etilganda, operator tomonidan kamchiliklarni bartaraf etish uchun qaytariladi.
Buyurtmachi operator tomonidan qayd etilgan barcha kamchiliklarni bir hafta muddatda bartaraf etib, elektron buyurtmani ushbu band talablariga muvofiq takroran yuboradi.
19. “E-auksion” platformasida elektron onlayn-auksion tashkil etish hamda oʻtkazish tartibi Vazirlar Mahkamasining alohida qarori bilan belgilangan tartibda amalga oshiriladi.
Yer uchastkalarini xususiylashtirish boʻyicha elektron auksionda Oʻzbekiston Respublikasi fuqarolari ishtirok etish huquqiga ega.
2-§. Davlat orderini rasmiylashtirish va yer uchastkasiga boʻlgan mulk huquqini roʻyxatdan oʻtkazish tartibi
20. Davlat aktivlarini boshqarish agentligining hududiy boshqarmasi auksion natijalari haqidagi bayonnomani olgan kundan boshlab bir ish kuni ichida ushbu Nizomga 2-ilovada keltirilgan shaklda yer uchastkasiga mulk huquqini beruvchi davlat orderini (keyingi oʻrinlarda — davlat orderi) rasmiylashtiradi, uni ERI bilan tasdiqlaydi va auksion gʻolibining shaxsiy kabinetiga hamda “Yerelektron” AAT orqali Davlat kadastrlar palatasining tegishli hududiy boshqarmasiga yuboradi.
Davlat orderi gʻolib nomiga yer uchastkasini mulk huquq asosida roʻyxatdan oʻtkazish uchun asos boʻladi. Davlat orderini berish uchun davlat boji undirilmaydi.
21. Yer uchastkalariga boʻlgan huquqlarni davlat roʻyxatidan oʻtkazish Davlat kadastrlari palatasining hududiy boshqarmasi tomonidan davlat orderi tushgan kundan boshlab ikki ish kuni ichida amalga oshiriladi.
Koʻchmas mulk obyektlariga boʻlgan huquqlarning davlat reyestridan yer uchastkasidan mulk huquqi davlat roʻyxatidan oʻtkazilganligi toʻgʻrisidagi koʻchirma operatorga “Yerelektron” AAT orqali auksion gʻolibiga belgilangan tartibda taqdim etish uchun yuboriladi.
Bunda Davlat kadastrlari palatasining hududiy boshqarmasi tomonidan yer uchastkasi joylashgan joydagi davlat soliq xizmati organlariga qonunchilik hujjatlarida belgilangan tartibda maʼlumot yuboriladi.
Davlat kadastrlari palatasining hududiy boshqarmasi yer uchastkasiga boʻlgan mulk huquqini davlat roʻyxatidan oʻtkazish boʻyicha xarajatlari Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori talablariga muvofiq belgilanadi va lotni sotishdan tushgan mablagʻlar hisobidan qoplanadi.
22. Operator yer uchastkasiga boʻlgan mulk huquqini davlat roʻyxatidan oʻtkazish toʻgʻrisidagi koʻchirmani olgandan soʻng uni avtomatik ravishda gʻolibning shaxsiy kabinetiga yuboradi.
3-§. Yer uchastkasini berish
Oldingi tahrirga qarang.
23. Davlat orderi asosida filial tuman (shahar) qurilish va uy-joy kommunal xoʻjaligi boʻlimi bilan birgalikda uch ish kuni davomida yer uchastkasi chegaralarini joyida (naturada) belgilaydi.
(23-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Yer uchastkasi chegaralarini kiritgan holda yer uchastkasi chegaralarini joyida (naturada) belgilash dalolatnomasini tayyorlash ishlarini bajarish uchun bazaviy hisoblash miqdorining ikki baravari miqdorida haq undiriladi va lotni sotishdan tushgan mablagʻlar hisobidan qoplanadi.
24. Ajratilgan yer uchastkasida qurilishni boshlashga faqat yer uchastkasiga boʻlgan huquq davlat roʻyxatidan oʻtkazilgandan soʻng yoʻl qoʻyiladi.
3-bob. Auksiondan tushadigan mablagʻlarni taqsimlash
Oldingi tahrirga qarang.
25. Buyurtmachi yer uchastkasini sotishdan tushgan mablagʻni bir ish kuni ichida quyidagilarga yoʻnaltiradi:
a) ushbu Nizomning 20-bandida nazarda tutilgan miqdorda — tegishli Davlat kadastrlari palatasining hududiy boshqarmasiga, uning 10 foizi Kadastr agentligining budjetdan tashqari jamgʻarmasining maxsus gʻaznachilik hisobvaragʻiga (4014);
b) yer uchastkasi chegaralarini kiritgan holda yer uchastkasi chegaralarini joyida (naturada) belgilash dalolatnomasini tayyorlash ishlarini bajarish uchun mazkur Nizomning 22-bandida nazarda tutilgan mablagʻlar quyidagicha taqsimlanadi:
Oldingi tahrirga qarang.
bazaviy hisoblash miqdorining bir baravari miqdoridagi mablagʻ — tegishli ravishda Qoraqalpogʻiston Respublikasi Qurilish va uy-joy kommunal xoʻjaligi vazirligi va viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi bank hisobvaragʻiga;
(25-band “b” kichik bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
bazaviy hisoblash miqdorining bir baravari miqdoridagi mablagʻ — tegishli Kadastr agentligi Davlat kadastrlari palatasining hududiy boshqarmasi hisobvaragʻiga;
v) 10 foizi — “YERELEKTRON” AATni texnik qoʻllab-quvvatlash va uni yuritish bilan bogʻliq shtat birliklarini saqlash uchun Davlat kadastrlari palatasining bank hisobvaragʻiga (bunda mazkur xarajatlar uchun yer uchastkalarini elektron onlayn-auksion orqali realizatsiya qilish hisobidan yoʻnaltirilgan mablagʻlar miqdori bir kalendar yilda bazaviy hisoblash miqdorining yuz ming baravaridan oshmasligi lozim);
g) baholash oʻtkazish boʻyicha koʻrsatgan xizmatlari uchun mustaqil baholovchi tashkilot bilan tuzilgan shartnomaga muvofiq ularning bank hisobvaragʻiga;
d) yer uchastkasi va unga tutash hududning yer osti kommunikatsiyalari aks ettirilgan topografik xaritasini tayyorlaganligi uchun shartnoma asosida loyiha qidiruv tashkilotining bank hisobvaragʻiga;
e) qolgan mablagʻlarning:
50 foizi — Qoraqalpogʻiston Respublikasi respublika budjeti, viloyatlarning viloyat budjetlari va Toshkent shahrining shahar budjeti maxsus gʻazna hisobvaraqlariga ularning qoʻshimcha manbalari sifatida yoʻnaltiriladi va uning 30 foizi — yer uchastkalari davlat organlari, muassasalari va korxonalari foydalanishida boʻlgan va ularning tashabbusi bilan elektron onlayn-auksionga qoʻyilgan taqdirda-ushbu davlat organlari va tashkilotlariga, qolgan hollarda — jismoniy va yuridik shaxslarga yetkazilgan mulkiy zararlarni kompensatsiya qilish boʻyicha hududiy maqsadli jamgʻarmaga, 70 foizi — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi Tadbirkorlik infratuzilmasini rivojlantirish jamgʻarmasiga yoʻnaltiriladi;
50 foizi — mazkur yer uchastkalari joylashgan tuman (shahar)lar budjetiga ularning qoʻshimcha manbalari sifatida oʻtkaziladi.
(25-band Oʻzbekiston Respublikasi Vazirlar Mahkamasining 2022-yil 30-noyabrdagi 685-sonli qarori tahririda — Qonunchilik maʼlumotlari milliy bazasi, 02.12.2022-y., 09/22/685/1060-son)
4-bob. Yakunlovchi qoida
26. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Yakka tartibda uy-joy qurish uchun yer uchastkalarini mulk huquqi asosida elektron-onlayn auksion orqali realizatsiya qilish tartibi toʻgʻrisidagi nizomga
1-ILOVA
Yakka tartibda uy-joy qurish uchun yer uchastkalarini mulk huquqi asosida elektron onlayn-auksion orqali realizatsiya qilish
SXEMASI
Oldingi tahrirga qarang.

Bosqichlar

Subyektlar

Tadbirlar

Muddatlar

1-bosqich

Tuman (shahar) hokimligi

1. Yakka tartibda uy-joy qurish uchun yer uchastkalarini realizatsiya qilish toʻgʻrisidagi buyurtmani shakllantiradi va uni elektron hujjat almashinuvi yoʻli bilan filialga yuboradi.

2. Yer uchastkalarining shartli chegaralari tuman (shahar) qurilish va uy-joy kommunal xoʻjaligi boʻlimi hamda Davlat kadastrlari palatasining tuman (shahar) filiali bilan birgalikda belgilanadi.

Belgilangan tartibda tasdiqlangan BRLga muvofiq

2-bosqich

Davlat kadastrlari palatasining tuman (shahar) filiali

1. Davlat reyestri maʼlumotlari asosida buyurtmada belgilangan yer uchastkasining boʻsh yoki boʻsh emasligini aniqlaydi.

2. Yer uchastkasi boʻsh boʻlmagan taqdirda, tuman (shahar) hokimligi va tuman (shahar) qurilish va uy-joy kommunal xoʻjaligi boʻlimiga bu toʻgʻrisida maʼlumot yuboradi.

3. Boʻsh yer uchastkalari boʻyicha kadastr yigʻmajildini tayyorlaydi va tuman (shahar) hokimligiga yuboradi.

15 ish kuni ichida

3-bosqich

Tuman (shahar) hokimligi

1. “E-qaror” tizimida qaror loyihasini ishlab chiqadi, kelishadi va roʻyxatdan oʻtkazadi.

2. “Kadastr va roʻyxatdan oʻtkazish integratsiyalashgan axborot tizimi” orqali mulk huquqi bilan yer uchastkasiga boʻlgan huquqni davlat roʻyxatidan oʻtkazish uchun tegishli Davlat kadastrlari palatasining hududiy boshqarmasiga yuboradi.

2 ish kunida

4-bosqich

Davlat kadastrlari palatasining hududiy boshqarmasi

1. Buyurtmada koʻrsatilgan yer uchastkasi maʼlumotlarining Koʻchmas mulkka boʻlgan huquqlarning davlat reyestridagi maʼlumotlarga muvofiqligini tekshiradi.

2. Yer uchastkasiga nisbatan taqiqning yoki xatlovning mavjudligini tekshiradi.

3. Tegishli tuman (shahar) hokimligi nomiga yer uchastkasiga boʻlgan huquqni davlat roʻyxatidan oʻtkazadi va tegishli maʼlumotlarni “Yerelektron” AAT kiritadi.

2 ish kuni

5-bosqich

Tuman (shahar) hokimligi

1. Yer uchastkasi boʻyicha yoki undan foydalanish huquqiga nisbatan mavjud cheklovlarni “Yerelektron” ATT orqali belgilaydi.

2. Muhandislik-kommunikatsiya tarmoqlaridan foydalanuvchi tashkilotlarga yer uchastkalarini tarmoqlarga ulashga tegishli texnik shartlarni olish uchun soʻrov yuboradi.

2 ish kuni

6-bosqich

Muhandislik-kommunikatsiya tarmoqlaridan foydalanuvchi tashkilotlar

Muhandislik-kommunikatsiya tarmoqlariga ulanishning texnik shartlarini ishlab chiqadi va tuman (shahar) hokimligiga yuboradi.

3 ish kuni

7-bosqich

Tuman (shahar) hokimligi

Yer uchastkasi toʻgʻrisidagi maʼlumotlarni texnik shartlar bilan birga elektron shaklda “Yerelektron” AAT orqali Davlat aktivlarini boshqarish agentligining hududiy boshqarmasiga yuboradi.

1 ish kuni

8-bosqich

Davlat aktivlarini boshqarish agentligining hududiy boshqarmasi

1. Eng yaxshi takliflarni tanlash orqali baholovchi tashkilotni aniqlash, ular bilan shartnoma tuzish hamda yer uchastkasining bozor qiymatini aniqlash ishlari tashkil etilishini taʼminlaydi;

7 ish kuni

2. Baholash tashkiloti tomonidan tayyorlangan hisobot asosida “YERELEKTRON” AATga yer uchastkasining boshlangʻich qiymatini kiritadi.

9-bosqich

Tuman (shahar) hokimligi

Auksionga qoʻyilgan boʻsh turgan yer uchastkalari toʻgʻrisidagi maʼlumotlarni oʻzlarining rasmiy veb-saytlarida joylashtiradi va elektron ommaviy axborot vositalarida tarqatadi.

2 ish kuni

Davlat aktivlarini boshqarish agentligi

10-bosqich

Oʻzbekiston Respublikasi fuqarolari

Elektron onlayn-auksionda Oʻzbekiston Respublikasi Vazirlar Mahkamasi tomonidan belgilangan tartiblarga muvofiq ishtirok etadi.

Belgilangan muddatda

11-bosqich

Davlat aktivlarini boshqarish agentligining hududiy boshqarmasi

Auksion natijalari haqidagi bayonnoma asosida yer uchastkasiga mulk huquqini beruvchi davlat orderini rasmiylashtiradi, uni oʻzining ERI bilan tasdiqlaydi va auksion gʻolibining shaxsiy kabinetiga hamda “Yerelektron” AAT orqali Davlat kadastrlari palatasining tegishli hududiy boshqarmasiga yuboradi.

1 ish kuni

12-bosqich

Davlat kadastrlari palatasining hududiy boshqarmasi

Koʻchmas mulk obyektlariga boʻlgan huquqlarning davlat reyestridan yer uchastkasiga boʻlgan mulk huquqi davlat roʻyxatidan oʻtkazilganligi toʻgʻrisidagi koʻchirma operatorga “Yerelektron” AAT orqali yuboriladi.

2 ish kuni

13-bosqich

Operator

Yer uchastkasiga boʻlgan mulk huquqini davlat roʻyxatidan oʻtkazish toʻgʻrisidagi koʻchirmani gʻolibning shaxsiy kabinetiga yuboradi.

Avtomatik ravishda

14-bosqich

Davlat kadastrlari palatasining tuman (shahar) filiali va tuman (shahar) qurilish va uy-joy kommunal xoʻjaligi boʻlimi

Yer uchastkasi chegaralarini joyida (naturada) belgilaydi va yer uchastkasini naturada koʻrsatadi.

3 ish kuni
(1-ilova Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Yakka tartibda uy-joy qurish uchun yer uchastkalarini mulk huquqi asosida elektron-onlayn auksion orqali realizatsiya qilish tartibi toʻgʻrisidagi nizomga
2-ILOVA
Vazirlar Mahkamasining 2022-yil 14-fevraldagi 71-son qaroriga
4-ILOVA
“Yerxususiylashtirish” avtomatlashtirilgan axborot tizimiga ulanadigan vazirliklar, idoralar va tashkilotlar
ROʻYXATI
1. Oʻzbekiston Respublikasi Vazirlar Mahkamasi.
2. Qoraqalpogʻiston Respublikasi Vazirlar Kengashi, viloyatlar, Toshkent shahar va tumanlar (shaharlar) hokimliklari.
3. Oʻzbekiston Respublikasi Bosh prokuraturasi va Qoraqalpogʻiston Respublikasi, viloyatlar, Toshkent shahar va tumanlar (shaharlar) prokuraturalari.
Oldingi tahrirga qarang.
4. Oʻzbekiston Respublikasi Qurilish va uy-joy kommunal xoʻjaligi vazirligi va uning hududiy boʻlinmalari.
(4-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
5. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va uning hududiy boshqarmalari.
6. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar, Toshkent shahar adliya boshqarmalari va tumanlar (shaharlar) adliya boʻlimlari.
7. Oʻzbekiston Respublikasi Davlat statistika qoʻmitasi.
Keyingi tahrirga qarang.
8. Oʻzbekiston Respublikasi Davlat aktivlarini boshqarish agentligi va uning hududiy boshqarmalari.
9. Oʻzbekiston Respublikasi Davlat soliq qoʻmitasi huzuridagi Kadastr agentligi va uning hududiy boʻlinmalari.
Oldingi tahrirga qarang.
10. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat xizmatlari markazlari.
(10-band Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
Keyingi tahrirga qarang.
11. Oʻzbekiston Respublikasi Vazirlar Mahkamasining tegishli qarorlariga asosan “Yerxususiylashtirish” avtomatlashtirilgan axborot tizimiga ulanishi belgilangan boshqa tashkilotlar.
Izoh. Davlat organlari tizimga elektron hukumatning idoralararo maʼlumotlar uzatish tarmogʻi orqali belgilangan tartibda ulanadi.
Vazirlar Mahkamasining 2022-yil 14-fevraldagi 71-son qaroriga
5-ILOVA
“Yerelektron” avtomatlashtirilgan axborot tizimiga ulanadigan vazirliklar, idoralar va tashkilotlar
ROʻYXATI
1. Oʻzbekiston Respublikasi Vazirlar Mahkamasi.
2. Qoraqalpogʻiston Respublikasi Vazirlar Kengashi, viloyatlar, Toshkent shahar va tumanlar (shaharlar) hokimliklari.
3. Oʻzbekiston Respublikasi Bosh prokuraturasi, Qoraqalpogʻiston Respublikasi, viloyatlar, Toshkent shahar va tumanlar (shaharlar) prokuraturalari.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va uning hududiy boshqarmalari.
Oldingi tahrirga qarang.
5. Oʻzbekiston Respublikasi Qurilish va uy-joy kommunal xoʻjaligi vazirligi va uning hududiy boʻlinmalari.
(5-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
6. Oʻzbekiston Respublikasi Adliya vazirligi va uning hududiy boʻlinmalari.
7. Oʻzbekiston Respublikasi Davlat soliq qoʻmitasi va uning hududiy boʻlinmalari.
8. Oʻzbekiston Respublikasi Davlat geologiya va mineral resurslar qoʻmitasi va uning hududiy boʻlinmalari.
9. Oʻzbekiston Respublikasi Ekologiya va atrof muhitni muhofaza qilish davlat qoʻmitasi va uning hududiy boʻlinmalari.
10. Oʻzbekiston Respublikasi Davlat statistika qoʻmitasi.
Keyingi tahrirga qarang.
11. Oʻzbekiston Respublikasi Davlat aktivlarini boshqarish agentligi, uning hududiy boshqarmalari, “Elektron onlayn-auksionlarni tashkil etish markazi” DUK.
Oldingi tahrirga qarang.
12. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat xizmatlari markazlari.
(12-band Oʻzbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik maʼlumotlari milliy bazasi, 14.07.2022-y., 09/22/385/0643-son)
Oldingi tahrirga qarang.
13. Oʻzbekiston Respublikasi Turizm va madaniy meros vazirligi huzuridagi Madaniy meros agentligining hududiy boshqarmalari.
(13-band Oʻzbekiston Respublikasi Vazirlar Mahkamasining 2022-yil 20-maydagi 278-sonli qarori tahririda — Qonunchilik maʼlumotlari milliy bazasi, 21.05.2022-y., 09/22/278/0439-son)
Keyingi tahrirga qarang.
14. Oʻzbekiston Respublikasi Sanitariya-epidemiologik osoyishtalik va jamoat salomatligi xizmati va uning hududiy boʻlinmalari.
15. Oʻzbekiston Respublikasi Vazirlar Mahkamasining qarorlariga asosan “Yerelektron” avtomatlashtirilgan axborot tizimiga ulanishi belgilangan boshqa tashkilotlar.
Eslatma. Davlat organlari tizimga elektron hukumatning idoralararo maʼlumotlar uzatish tarmogʻi orqali belgilangan tartibda ulanadi.
Oldingi tahrirga qarang.
Vazirlar Mahkamasining 2022-yil 14-fevraldagi 71-son qaroriga
6-ILOVA
Vazirlik va idoralar foydalanishidagi yer uchastkalari hamda dehqon xoʻjaliklarida yer tuzish, geodeziya va xatlov ishlari, kadastr pasportlarini tayyorlash va yerga boʻlgan huquqlarni davlat roʻyxatidan oʻtkazish uchun 2022-yilda ajratiladigan mablagʻlar
HISOB-KITOBI

mln soʻm

T/r

Budjet mablagʻlarini taqsimlovchi (oluvchi) yerdan foydalanuvchilar

Ishlar bajariladigan yer turlari

2022-yil uchun Davlat budjeti mablagʻlari hisobidan

Budjetdan tashqari jamgʻarmalar hisobidan

1.

Suv xoʻjaligi vazirligi

Suv fondi yerlari

10 547,0

2.

Mudofaa vazirligi

Mudofaa maqsadlariga moʻljallangan yerlar

1 048,8

3.

Oʻrmon xoʻjaligi davlat qoʻmitasi

Oʻrmon fondi yerlari

9 351,9

3 349,3

4.

Ekologiya va atrof-muhitni muhofaza qilish davlat qoʻmitasi

Davlat qoʻriqxonalari, davlat biosfera rezervatlari va boshqa muassasalar yerlari

129,3

5.

Tabiatni muhofaza qilish, sogʻlomlashtirish, rekreatsiya maqsadlariga moʻljallangan yerlardan foydalanuvchi budjet tashkilotlari

Tabiatni muhofaza qilish, sogʻlomlashtirish, rekreatsiya maqsadlariga moʻljallangan yerlar

1 818,1

6.

Transport vazirligi huzuridagi Avtomobil yoʻllari qoʻmitasi

Umumiy foydalanishdagi avtomobil yoʻllari yerlari

23 691,1

7.

Turizm va madaniy meros vazirligi huzuridagi Madaniy meros agentligi

Moddiy madaniy meros obyektlari yerlari

4 738,2

3 938,6

8.

Tuman (shahar) hokimliklarining obodonlashtirish boʻlinmalari

Ichki yoʻllar, obodonlashtirish yerlari

28 259,5

9.

Tuman (shahar) hokimliklari

Zaxira toifasidagi yerlar

2 088,9

10.

Davlat soliq qoʻmitasi huzuridagi Kadastr agentligi

Dehqon xoʻjaliklari yerlari

10 394,9

Jami

91 938,5

7 417,1

(6-ilova matni Oʻzbekiston Respublikasi Prezidentining 2022-yil 30-dekabrdagi PQ-471-sonli qarori tahririda — Qonunchilik maʼlumotlari milliy bazasi, 01.01.2023-y., 07/23/471/0001-son — 2023-yil 1-yanvardan kuchga kiradi)
Keyingi tahrirga qarang.
Vazirlar Mahkamasining 2022-yil 14-fevraldagi 71-son qaroriga
7-ILOVA
Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qaroriga kiritilayotgan oʻzgartirish va qoʻshimchalar
1. 1-bandda:
a) quyidagi mazmundagi oltinchi xatboshi bilan toʻldirilsin:
“Yer uchastkasi va davlat koʻchmas mulk obyektiga mulk huquqini tasdiqlovchi davlat orderi shakli 41-ilovaga muvofiq”;
b) oltinchi — sakkizinchi xatboshilar tegishlicha yettinchi — toʻqqizinchi xatboshilar deb hisoblansin.
2. Quyidagi mazmundagi 41-ilova bilan toʻldirilsin:
“Vazirlar Mahkamasining 2014-yil 6-oktabrdagi 279-son qaroriga
41-ILOVA

Oʻzbekiston Respublikasi Davlat gerbi

OʻZBEKISTON RESPUBLIKASI DAVLAT
AKTIVLARINI BOSHQARISH AGENTLIGI

YER UCHASTKASI VA DAVLAT KOʻCHMAS MULK OBYEKTIGA

MULK HUQUQINI TASDIQLOVCHI DAVLAT ORDERI

(Oʻzbekiston Respublikasi Davlat bayrogʻi fonida

oltin rangli bosma harflar bilan yoziladi)
_ _ _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _



MULK HUQUQINI TASDIQLOVCHI
DAVLAT ORDERI
№ ________

Mulkdorning nomi___________________________________________________________________________

(nodavlat yuridik shaxsning nomi yoki jismoniy shaxsning F.I.O.)


Mulkdorning manzili (yashash joyi)______________________________________________________________

pasport seriyasi ________ raqami __________ kim tomonidan va qachon berilgan ________________________

(jismoniy shaxslar uchun)

STIR ____________________________, JSHSHIR__________________________________________________

(jismoniy shaxslar uchun)


_________________________________________________________________________________manzilidagi

_________________________________________________________________________________ qiymatidagi

(summa raqam va soʻz bilan yoziladi)
Umumiy _______________ kv m yer maydoni va ______________ kv m davlat koʻchmas mulk obyekti mulk huquqi bilan berildi.


Ushbu order_________________________________________________________________________tomonidan

(orderni bergan davlat organining nomi)


____________________________________________________________________________ga asosan berildi.

(orderni berishning asosi)

Order roʻyxatdan oʻtkazilgan sana ___________________________________

Agentlik direktori
(Hududiy boshqarma boshligʻi)


QR-kodi

 F.I.O.”.
Vazirlar Mahkamasining 2022-yil 14-fevraldagi 71-son qaroriga
8-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari
ROʻYXATI
1. Vazirlar Mahkamasining “Sirdaryo viloyatida qishloq xoʻjaligiga moʻljallanmagan yer uchastkalarini xususiylashtirish tartib-taomillarini aprobatsiya qilish boʻyicha huquqiy eksperiment oʻtkazish toʻgʻrisida” 2019-yil 2-dekabrdagi 963-son qarori.
2. Vazirlar Mahkamasining “Tadbirkorlik va shaharsozlik faoliyatini amalga oshirish uchun boʻsh turgan yer uchastkalarini berish tartib-taomillarini yanada takomillashtirish chora-tadbirlari toʻgʻrisida” 2019-yil 20-dekabrdagi 1023-son qarori.
3. Vazirlar Mahkamasining “Iqtisodiyotni rivojlantirish va kambagʻallikni qisqartirishga oid davlat siyosati tubdan takomillashtirilishi munosabati bilan Oʻzbekiston Respublikasi hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 14-dekabrdagi 777-son qaroriga 1-ilovaning 50-bandi.
4. Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qaroriga 20-ilovaning 7-bandi.

(Qonunchilik maʼlumotlari milliy bazasi, 14.02.2022-y., 09/22/71/0129-son; 21.05.2022-y., 09/22/278/0439-son; 14.07.2022-y., 09/22/385/0643-son; 02.12.2022-y., 09/22/685/1060-son; 01.01.2023-y., 07/23/471/0001-son; 04.01.2024-y., 09/24/2/0002-son; 26.02.2024-y., 09/24/100/0152-son; 15.05.2024-y., 09/24/282/0347-son; 20.07.2024-y., 09/24/432/0535-son; 22.08.2024-y., 09/24/497/0641-son; 02.10.2024-y., 09/24/614/0768-son; 04.01.2025-y., 09/25/891/0011-son; 04.03.2025-y., 09/25/136/0213-son; 23.04.2025-y., 09/25/247/0383-son; 28.05.2025-y., 09/25/330/0473-son; 04.09.2025-y., 09/25/559/0802-son; 07.10.2025-y., 09/25/627/0901-son; 16.12.2025-y., 09/25/791/1167-son; 02.02.2026-y., 09/26/35/0101-son)