(2-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

muntazam yoʻnalish — avtotransport vositalarining tasdiqlangan yoʻnalish sxemasi, harakatlanish jadvali, yoʻl haqi tariflariga muvofiq muayyan manzillar oraligʻida belgilangan qatnov yoʻli (keyingi oʻrinlarda — yoʻnalish);

lot — tenderda eʼlon qilingan yoʻlovchi tashish yoʻnalishi (yoʻnalishlar paketi, yoʻnalishning alohida jadvali (muayyan qatnovi);

tashuvchi — mulk huquqi yoki boshqa ashyoviy huquqlar asosida avtotransport vositasiga ega boʻlgan, tijorat shartlari asosida yoʻlovchilar va bagaj tashish xizmatlarini koʻrsatadigan hamda bunga maxsus ruxsatnomasi (litsenziyasi) boʻlgan yuridik shaxs;

Keyingi tahrirga qarang.

talabgor — tenderda qatnashish istagini bildirgan tashuvchi;

qatnashchi — tenderlarda qatnashish uchun takliflarni axborot tizimi orqali taqdim etgan talabgor;

tender gʻolibi — lot boʻyicha taqdim etgan takliflari baholash natijalariga koʻra eng koʻp ballar toʻplagan tender qatnashchisi;

shartnoma (kontrakt) — tashuvchi hamda vakolatli organ oʻrtasida ommaviy oferta shaklida muayyan muddatga tuziladigan, yoʻnalishda yoʻlovchi tashish xizmatlarini koʻrsatish huquqini beruvchi yuridik hujjat;

Oldingi tahrirga qarang.

brutto-shartnoma — yoʻnalishlarda cheklangan tariflarda yoʻlovchi tashish xizmatlari uchun “bosib oʻtilgan yoʻl” va “sifat” mezonlaridan kelib chiqqan holda hisob-kitob qilishni nazarda tutuvchi vakolatli organ va tashuvchi oʻrtasida tuzilgan shartnoma;

(2-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan oʻn birinchi xatboshi bilan toʻldirilgan — Qonunchilik maʼlumotlari milliy bazasi, 22.03.2023-y., 09/23/116/0158-son)

yoʻnalish pasporti — yoʻnalish toʻgʻrisidagi asosiy maʼlumotlarni tavsiflovchi hujjat;

yoʻnalish (lot) talablari — yoʻnalish pasporti asosida vakolatli organ tomonidan shakllantiriladigan, yoʻnalishda xizmat koʻrsatishning asosiy shartlari aks etgan maʼlumotlar;

Keyingi tahrirga qarang.

3. Quyidagilar yoʻlovchilar tashish yoʻnalishlari toʻgʻrisidagi maʼlumotlarni axborot tizimiga kiritish, yoʻnalishlarni vaqtincha biriktirish va tender tashkillashtirish boʻyicha vakolatli organ hisoblanadi:

Qoraqalpogʻiston Respublikasi, Toshkent shahri va viloyatlar oʻrtasidagi hamda xalqaro yoʻnalishlarda (keyingi oʻrinlarda — shaharlararo-viloyatlararo va xalqaro yoʻnalishlar) — Transport vazirligi;

shahar, shahar atrofi va viloyatlar ichidagi shaharlararo yoʻnalishlarda va Qoraqalpogʻiston Respublikasi doirasidagi yoʻnalishlarda (keyingi oʻrinlarda — shahar va viloyat ichki yoʻnalishlari) — Transport vazirligining tegishli hududiy boʻlinmalari.

4. Vakolatli organning tenderlarni tashkillashtirish va oʻtkazish doirasidagi asosiy vakolatlari quyidagilar hisoblanadi:

tegishliligi boʻyicha yoʻnalishlarni ochish, yopish hamda oʻzgartirish boʻyicha qarorlar qabul qilish;

yoʻnalishlarning pasporti va talablarini ishlab chiqish va axborot tizimiga kiritish;

oʻtkaziladigan tenderlar toʻgʻrisidagi eʼlonlarni (lotlarni) axborot tizimiga hamda ommaviy axborot vositalariga joylashtirish;

tender gʻolibining lot boʻyicha takliflar koʻrsatilgan maʼlumotlarning haqiqiyligini oʻrganish;

tender gʻolibining har bir avtotransport vositasiga yoʻlovchilarni muntazam yoʻnalishlarda tashish huquqini tasdiqlovchi QR-kod (matrik shtrixli kod) qoʻyilgan elektron guvohnomalar berish;

Oldingi tahrirga qarang.

tender gʻolibi bilan shartnoma (brutto-shartnoma) tuzish;

(4-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Oldingi tahrirga qarang.

(4-bandning sakkizinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 668-sonli qaroriga asosan chiqarilgan — Qonunchilik maʼlumotlari milliy bazasi, 18.12.2023-y., 09/23/668/0945-son)

Oldingi tahrirga qarang.

shartnoma (brutto-shartnoma) talab va shartlari uch marotaba buzilganligi holatlari yuzasidan nazorat qiluvchi organ tomonidan rasmiylashtirilgan dalolatnomalar asosida belgilangan tartibda shartnomani (brutto-shartnoma) bekor qilish choralarini koʻrish.

(4-bandning sakkizinchi xatboshisi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Oldingi tahrirga qarang.

Vakolatli organ brutto-shartnoma tizimi doirasida shahar ichi avtobus yoʻnalishlari boʻyicha:

brutto-shartnoma asosida tenderga chiqariladigan yoʻnalishlarni belgilaydi, ularning pasporti va talablarini ishlab chiqadi;

yoʻnalishlarning boshlangʻich narxini shakllantiradi hamda iqtisodiyot va moliya organlari bilan kelishadi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan yoʻnalishlarni tenderga chiqarish jadvallari tasdiqlanishini taʼminlaydi va tender toʻgʻrisida ommaviy axborot vositalarida eʼlon qiladi.

(4-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan oʻninchi — oʻn toʻrtinchi xatboshilar bilan toʻldirilgan — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

5. Tenderda belgilangan tartibda Oʻzbekiston Respublikasi hududida roʻyxatdan oʻtkazilgan, tegishli ravishda avtomobil transportida shahar, shahar atrofi, shaharlararo va xalqaro yoʻlovchilar tashuvlarini amalga oshirish huquqini beruvchi litsenziyaga ega boʻlgan hamda axborot tizimida roʻyxatdan oʻtgan yuridik shaxs qatnashishi mumkin.

Keyingi tahrirga qarang.

Oldingi tahrirga qarang.

6. Shartnomaning (brutto-shartnoma) amal qilish davrida bir yoʻnalishda faqat bitta tashuvchi xizmat koʻrsatadi. Yoʻnalishning alohida jadvallari (muayyan qatnovlari) boʻyicha xizmat koʻrsatuvchilar bundan mustasno.

(6-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

7. Tashuvchiga tender oʻtkazilmasdan yoʻnalishda ishlash huquqi berilishiga yoʻl qoʻyilmaydi, quyidagi hollar bundan mustasno:

yangi yoʻnalish ochilgandan keyin uzogʻi bilan ikki oy mobaynida yangi yoʻnalishda yoʻlovchi oqimi oʻrganilishi va avtotransport vositalarining muntazam sinov ishlari bajarilishi;

koʻcha-yoʻl tarmogʻida kutilmagan vaziyatlar sharoitida, ayrim uchastkalar, transport uzellari va maydonlari yopilganda vaqtinchalik yoʻnalishlar joriy etilishi;

yarmarka va festivallarning faoliyat koʻrsatishi davrida vaqtinchalik yoʻnalishlarning tashkil etilishi.

Ushbu bandda nazarda tutilgan hollarda vaqtinchalik yoʻnalishlarni tashkil etish vakolatli organ tomonidan amalga oshiriladi. Vaqtinchalik yoʻnalishlar uzogʻi bilan ikki oy muddatga tashkil etiladi. Vaqtinchalik yoʻnalishlarni tashkil etish tashabbusi bilan mahalliy davlat hokimiyati organlari, tashuvchilar va fuqarolarning oʻz-oʻzini boshqarish organlari chiqishlari mumkin.

Keyingi tahrirga qarang.

8. Buyurtmalar boʻyicha soatbay haq toʻlash asosida amalga oshiriladigan tashish xizmatlari yoʻnalishlari uchun tender tashkil etilmaydi.

Oldingi tahrirga qarang.

9. Yoʻnalish tashuvchi xizmatisiz qolib ketgan taqdirda mazkur yoʻnalishni vakolatli organ birinchi murojaat etgan tashuvchiga uning arizasiga asosan navbatdagi tendergacha, uzogʻi bilan oltmish kungacha vaqtincha biriktirishi mumkin, shahar avtobus yoʻnalishlari bundan mustasno.

(9-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

10. Yoʻnalish quyidagi hollarda tashuvchi xizmatisiz qolib ketgan deb eʼtirof etiladi:

yoʻnalishda xizmat koʻrsatish boʻyicha tuzilgan shartnoma muddatidan avval bekor qilinsa;

yoʻnalish tenderga joylashtirilmagan boʻlsa yoki tenderda lot boʻyicha talabgorlardan birorta ham taklif kelib tushmasa.

Keyingi tahrirga qarang.

11. Yoʻnalishni vaqtincha biriktirish masalasidagi arizalar vakolatli organ tomonidan oʻn besh kun ichida koʻrib chiqiladi. Arizani koʻrib chiqish jarayonida tashuvchining takliflari yoʻnalish talablariga muvofiq boʻlgan taqdirda yoʻnalish vaqtincha biriktirib beriladi.

Oldingi tahrirga qarang.

Bunda vaqtincha biriktirish toʻgʻrisidagi elektron xabarnoma olingan kundan boshlab uch ish kuni ichida tashuvchi tomonidan taklif qilingan avtotransport vositalarining har biri uchun litsenziya varaqalari rasmiylashtirilishi, sunʼiy yoʻldoshli harakatni kuzatish navigatsiya qurilmalari bilan jihozlanishi va avtomatlashtirilgan dispetcherlik xizmatiga integratsiya qilinishi lozim.

(11-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

12. Vaqtincha biriktirilgan yoʻnalishlar vakolatli organ tomonidan navbatdagi birinchi tenderga qoʻyilishi shart.

Keyingi tahrirga qarang.

13. Yoʻnalishni tashuvchiga vaqtincha biriktirish shartnoma asosida amalga oshiriladi. Shartnoma rasmiylashtirmasdan yoʻnalishda xizmat koʻrsatilishiga yoʻl qoʻyilmaydi.

Oldingi tahrirga qarang.

14. Yoʻnalishda xizmat koʻrsatish yuzasidan tashuvchi bilan tuzilgan shartnomaning (brutto-shartnoma) amal qilish muddati tugagach, yoʻnalish qayta tenderga qoʻyiladi. Shartnomaning (brutto-shartnoma) amal qilish muddatini uzaytirishga ruxsat berilmaydi.

(14-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

15. Vakolatli organ yoʻnalish talablariga oʻzgartirishlar kiritishga qaror qilsa, yoʻnalish pasporti unga tegishli oʻzgartirishlar kiritilgan holda qayta tasdiqlanadi. Yoʻnalishga xizmat koʻrsatish yuzasidan tashuvchi bilan tuzilgan shartnomaning amal qilishi davrida yoʻnalish pasportiga oʻzgartirish va qoʻshimchalar (yoʻnalish sxemasi, harakat jadvallari, qatnov soni, avtotransport hamda tarifdagi oʻzgarishlar) kiritish tomonlarning kelishuviga hamda qonunchilik hujjatlariga muvofiq amalga oshiriladi.

2-bob. Tender oʻtkazishning asosiy tamoyillari va tenderlarni tashkil etish tartibi

16. Tenderni oʻtkazish quyidagi tamoyillarga asoslanadi:

yoʻnalishlarni tashuvchilar oʻrtasida, ularning mulkchilik shaklidan qatʼi nazar qonuniy, xolisona taqsimlash;

yoʻlovchilar transporti xizmat koʻrsatish sohasida raqobat muhitini yaratish;

qatnashchilar tender hujjatlarida qayd etilgan yagona talablar va yoʻlovchilar tashish qoidalari asosida raqobatlashishi;

tenderlar faqat axborot tizimi orqali elektron tarzda oʻtkazilishi;

tenderda eng manfaatli shartlarini taklif etgan tashuvchiga yoʻnalishni biriktirish.

17. Yoʻlovchilar tashish yoʻnalishlarini biriktirish yuzasidan tenderlar tashkil etish va hujjatlarni rasmiylashtirish jarayoni ushbu Nizomga 1-ilovaga muvofiq sxema boʻyicha amalga oshiriladi.

Oldingi tahrirga qarang.

18. Vakolatli organlar tenderga qoʻyiladigan yoʻnalishlar (yoʻnalishlar paketlari yoki jadvali) roʻyxatini tayyorlaydi, lot talablari, tender predmetini, tender vaqtini, tender oʻtkazilishidan kamida oʻttiz kun oldin axborot tizimiga kiritadi va bu haqda ommaviy axborot vositalari orqali eʼlon qiladi.

(18-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

19. Axborot tizimiga joylashtirilgan yoʻnalish pasporti, eʼlon qilingan lotlar va yoʻnalishlarga xizmat koʻrsatuvchi yuridik shaxslar toʻgʻrisidagi maʼlumotlar ochiq maʼlumot hisoblanadi.

20. Lotga quyidagilar qoʻyilishi mumkin:

alohida yoʻnalishlar;

ikki va undan ortiq yoʻnalishlarni oʻz ichiga olgan yoʻnalishlar paketlari;

uzunligi kamida 100 km boʻlgan yoʻnalishlarning alohida jadvallari (muayyan qatnovlari).

Oldingi tahrirga qarang.

21. Yoʻnalishlar paketlarini shakllantirishda yoʻnalishlarning ahamiyati va rentabelliligi hisobga olinadi. Paketga yuqori rentabelli yoʻnalishlar bilan bir qatorda aholiga xizmat koʻrsatish uchun zarur boʻlgan norentabel yoʻnalishlar yoki ushbu yoʻnalishlarning alohida jadvallari (muayyan qatnovlari) kiritilishi mumkin, shahar avtobus yoʻnalishlari bundan mustasno.

(21-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

22. Yoʻnalish talablari toʻgʻri belgilanishi uchun vakolatli organlarning rahbarlari shaxsan javobgar boʻladilar.

23. Tenderda qatnashish uchun takliflar talabgorlar tomonidan axborot tizimi orqali taqdim etiladi.

Oldingi tahrirga qarang.

23¹. Axborot tizimiga joylashtirilgan lotlar boʻyicha sud organlari tomonidan toʻxtatib turish toʻgʻrisida qaror qabul qilingan taqdirda, ushbu lotlar joylashtirilgan tender roʻyxatidan vaqtincha olib turiladi.

Vaqtincha olib turilgan lotlarning ochiq tender oʻtkazish muddati lotdan olingan muddatiga mutanosib ravishda sud qaroridan kelib chiqqan holda, qayta axborot tizimiga (roʻyxatga) belgilangan tartibda kiritiladi.

(23¹-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan kiritilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

24. Talabgorlar tomonidan tender takliflarini taqdim etish muddati tender eʼlon qilingan kundan boshlanib, tender oʻtkaziladigan sanadan bir kun oldin tugaydi. Tender takliflarini qabul qilishning yakuniy sanasi va vaqti vakolatli organlar tomonidan belgilanadi va axborot tizimda koʻrsatiladi.

Tender takliflari belgilangan muddat yakunlanganidan keyin qabul qilinmaydi.

25. Tender takliflari taqdim etilganidan keyin qatnashchilar ularga tuzatish kiritish huquqiga ega emas.

26. Talabgor tender takliflarini taqdim etishi uchun tenderni tashkil etish, shu jumladan ommaviy axborot vositalarida eʼlon berish xarajatlarini qoplash uchun bazaviy hisoblash miqdorining 30 foizi miqdorida toʻlovni amalga oshirishi kerak. Mablagʻlar Transport vazirligi huzuridagi Transport va logistikani rivojlantirish jamgʻarmasida jamlanadi hamda ulardan yoʻnalishlarni oʻrganish, tenderlar oʻtkazishni tashkil etish va oʻtkazish uchun foydalaniladi.

Keyingi tahrirga qarang.

27. Talabgorlar quyidagi maʼlumotlarni axborot tizimi orqali elektron tarzda yuklab olishi mumkin:

yoʻnalish pasporti;

lotga qoʻyilgan yoʻnalishlarda yoʻlovchilar tashishni tashkil etishga qoʻyiladigan talablar.

28. Axborot tizimida tender oʻtkazilgunga qadar tenderning u yoki bu qatnashchisi tomonidan yuborilgan takliflarni koʻrish imkoniyati boʻlmasligi lozim.

3-bob. Tender boʻyicha takliflar mazmuni

Oldingi tahrirga qarang.

29. Tender boʻyicha takliflar quyidagi koʻrsatkichlar va axborotlarni (mezonlarni) oʻzida aks ettirishi lozim:

a) shahar avtobus yoʻnalishlari boʻyicha:

lotga qoʻyilgan yoʻnalishlarda avtobus bosib oʻtadigan har bir kilometr masofaning taklif etilayotgan narxlari darajasi;

avtobuslarning ishlab chiqarilgan yili;

avtobuslarda yoʻlovchilarga qoʻshimcha qulayliklarning mavjudligi;

avtobuslarning tashish uchun taklif qilinayotgan umumiy sigʻimi (shu jumladan, yoʻlovchi oʻrindiqlari soni);

avtomobil transportida yoʻlovchilarni muntazam tashish sohasidagi ish tajribasi;

avtobuslarning ekologik tozaligi;

b) shahar, shahar atrofi va viloyat ichidagi shaharlararo yoʻnalishlar boʻyicha:

lotga qoʻyilgan yoʻnalishlarda, xarajatlarni toʻliq qoplashni hisobga olgan holda, yoʻlkira uchun qatnashchi tomonidan taklif etilayotgan tariflar darajasi;

avtotransport vositasining toifasi (kategoriyasi) (avtobus, mikroavtobus, yengil avtomobil) va klassi hamda ishlab chiqarilgan yili;

avtotransport vositasining yoʻlovchilar tashish uchun taklif qilinayotgan umumiy sigʻimi (shu jumladan, yoʻlovchi oʻrindiqlari soni);

yoʻnalishdagi qatnovlarning taklif etilayotgan soni;

yoʻnalishlarda ishlayotganda harakatlanish xavfsizligini taʼminlash boʻyicha tadbirlar rejasi (agar mavjud boʻlsa);

Oldingi tahrirga qarang.

avtobus va mikroavtobusning bazaviy komplektatsiyasida yoʻlovchilarga qoʻshimcha qulayliklar mavjudligi (iqlim-nazorat tizimi, internet jahon axborot tarmogʻi va telefon quvvatlagichlari bundan mustasno);

(29-band “b” kichik bandining yettinchi xatboshisi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Oldingi tahrirga qarang.

taklif etilgan barcha avtotransport vositalarini sunʼiy yoʻldoshli harakatni kuzatish navigatsiya qurilmalari bilan jihozlash va avtomatlashtirilgan dispetcherlik xizmatiga integratsiya qilish majburiyatini olishi.

(29-bandning “b” kichik bandi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

v) shaharlararo — viloyatlararo va xalqaro yoʻnalishlar boʻyicha “b” kichik bandda qayd etilgan mezonlar qoʻllanadi (beshinchi xatboshidagi koʻrsatkichdan tashqari).

g) brutto-shartnoma asosida moliyalashtiriladigan yoʻnalishlar boʻyicha — “a” kichik bandda qayd etilgan mezonlarga qoʻshimcha ravishda yoʻnalishning yakuniy narxi.

(29-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Oldingi tahrirga qarang.

d) tender talablarida yoʻnalishda saroydan foydalanish koeffitsiyentini 0,8 ga teng deb hisobga olgan holda, yoʻnalishdagi avtotransport vositalarining hisoblangan soni.

(29-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan “d” kichik band bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

30. Qatnashchi tender boʻyicha takliflarning barcha bandlariga doir haqqoniy, toʻliq va batafsil axborot yuborishga majbur.

31. Tender takliflarini yuborishda yoʻnalish talabida belgilanganidan koʻp yoki kam sonli avtotransport vositalarini axborot tizimiga kiritilishiga yoʻl qoʻyilmaydi.

32. Aynan bitta avtotransport vositasi bir vaqtning oʻzida bir nechta tugallanmagan lotlarga hamda amaldagi shartnomaga muvofiq yoʻnalishga biriktirilgan avtotransport vositalarining tender taklifi sifatida axborot tizimiga kiritilishiga yoʻl qoʻyilmaydi (shartnomaning amal qilish muddati tugashiga oltmish va undan kam kun qolganida mazkur shartnomada koʻrsatilgan avtotransportlarning axborot tizimiga kiritilishiga yoʻl qoʻyiladi).

4-bob. Tender boʻyicha takliflarni baholash va gʻolibni aniqlash

33. Axborot tizimida lot boʻyicha kamida bir qatnashchi tomonidan takliflar kelib tushsa takliflar baholanadi.

34. Lot boʻyicha tashuvchilarning takliflari kelib tushmasa, ushbu Nizomda belgilangan tartibda yoʻnalish talabgor chiqquniga qadar, uzogʻi bilan toʻrt marta takroriy tenderga qoʻyiladi. Agar toʻrtta tenderda lot boʻyicha birorta ham takliflar kelib tushmasa, ushbu yoʻnalish vaqtincha toʻxtatilib turiladi va keyingi tenderlarga qoʻyilmaydi.

Keyingi tahrirga qarang.

35. Agar shahar atrofi yoki viloyat ichidagi shaharlararo avtobus yoʻnalishi boʻyicha ketma-ket toʻrtta tenderda birorta ham takliflar kelib tushmasa mazkur yoʻnalish norentabel avtobus yoʻnalishi sifatida hisobga olinadi (Toshkent shahri bundan mustasno) hamda tashuvchiga vaqtincha biriktirilgan taqdirda belgilangan tartibda subsidiyalanadi.

Keyingi tahrirga qarang.

36. Agar lot boʻyicha faqat bir nafar qatnashchidan taklif kelib tushsa, uning tender takliflari qoʻyilayotgan talablarga muvofiq boʻlsa mazkur qatnashchi gʻolib deb hisoblanadi hamda yoʻnalishda (yoʻnalishlar paketida yoki jadvalida) yoʻlovchi tashish xizmatlarini koʻrsatish huquqiga ega boʻladi. Agar qatnashchining tender takliflari qoʻyilayotgan talablarga muvofiq boʻlmasa, axborot tizimi tomonidan rad etiladi va takroriy tender tashkil etilishi kerak. Bunda yoʻnalishga (yoʻnalishlar paketiga yoki jadvalga) qoʻyiladigan talablarning qayta koʻrib chiqilishiga yoʻl qoʻyiladi.

Keyingi tahrirga qarang.

37. Qatnashchilardan tender boʻyicha kelib tushgan takliflar ushbu Nizomga 2-ilovaga muvofiq maxsus axborot tizimi orqali avtomatik tarzda baholanadi.

38. Tender boʻyicha takliflarni baholashning yakuniy bali har bir qatnashchi boʻyicha aniqlanadi. Eng koʻp ball toʻplagan qatnashchi tender gʻolibi deb eʼtirof etiladi. Agar baholash natijalariga koʻra bir nechta qatnashchi teng ballar olgan boʻlsa, u holda gʻolib teng ballar olgan qatnashchilarning tender takliflardagi ustuvor mezonlardan kelib chiqib aniqlanadi.

Oldingi tahrirga qarang.

Ustuvor mezonlar boʻyicha hisoblangan ballar ham teng boʻlgan taqdirda, gʻolibni aniqlashda qatnashchining oʻz hududida ixtisoslashgan avtosaroyining mavjud boʻlishi va yoʻnalishlarda faoliyat koʻrsatishi davomida tender shartnomasi talab va shartlariga rioya etganligi inobatga olinadi.

(38-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

39. Tenderlar yakunlari, xususan qatnashchilardan kelib tushgan takliflar mazmuni, hisoblangan ballar, qatnashchilar toʻgʻrisidagi maʼlumotlar, takliflarda koʻrsatilgan maʼlumotlarning haqiqiyligini oʻrganish natijalari axborot tizimida saqlanadi.

Keyingi tahrirga qarang.

40. Tender natijalari boʻyicha maʼlumotlar Transport vazirligining rasmiy veb-saytiga tender oʻtib boʻlganidan keyin oʻn besh ish kuni ichida joylashtiriladi.

5-bob. Tender gʻolibining takliflarida koʻrsatilgan maʼlumotlar haqiqiyligini oʻrganish

41. Vakolatli organ tender gʻolibining barcha takliflaridagi maʼlumotlar haqiqiyligini oʻrganishga haqlidir.

Oldingi tahrirga qarang.

42. Tender gʻolibining takliflari nazorat qiluvchi organ va Ichki ishlar vazirligi Jamoat xavfsizligi departamenti Yoʻl harakati xavfsizligi xizmati masʼul xodimlari tomonidan joyiga chiqqan holda oʻrganiladi. Zarurat boʻlganda, takliflardagi maʼlumotlarning haqiqiyligini oʻrganish jarayoniga boshqa manfaatdor vazirlik va idoralar vakillari jalb etilishiga yoʻl qoʻyiladi.

Jamoatchilik nazorati uchun takliflardagi maʼlumotlarning haqiqiyligini asoslovchi hujjatlar, shu jumladan, foto va video tasvirlar nazorat qiluvchi organning masʼul xodimi tomonidan oʻrganish oʻtkazilgan kundan keyin bir ish kunida axborot tizimiga kiritiladi va boshqa tashuvchilarga xolisona tekshirish imkoniyati yaratiladi.

(42-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

43. Takliflardagi maʼlumotlarning haqiqiyligini oʻrganish vaqti va manzili tender gʻolibi va vakolatli organ oʻrtasida oldindan kelishiladi hamda tender gʻolibi aniqlanganidan keyin oʻn kun ichida amalga oshiriladi. Takliflardagi maʼlumotlarning haqiqiyligini oʻrganish jarayonini ochiq va shaffof tashkil etish maqsadida boshqa tashuvchilar kuzatuvchi sifatida ishtirok etishi mumkin.

Oldingi tahrirga qarang.

Bunda oʻrganish oʻtkaziladigan kundan bir ish kun oldin manfaatdor tomonlarga oʻrganish vaqti va manzili toʻgʻrisida xabardor qilinadi.

(43-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

44. Vakolatli organning masʼul xodimi haqiqiyligini oʻrganishdan oldin tenderning barcha ishtirokchilari bilan affillanganlik xususiyatiga ega aloqalari mavjudligi toʻgʻrisidagi maʼlumotni axborot tizimiga kiritishi kerak.

45. Tender ishtirokchilari bilan affillanganlik xususiyatga ega aloqalari boʻlgan vakolatli organ masʼul xodimlari keltirilgan maʼlumotlarning haqiqiyligini oʻrganishda ishtirok etmasligi kerak. Uning oʻrniga boshqa xodim keltirilgan maʼlumotlarning haqiqiyligini oʻrganish uchun tayinlanadi. Masʼul xodim tomonidan affillanganlik toʻgʻrisida kiritilgan maʼlumotlari axborot tizimida maxfiy saqlanadi.

Oldingi tahrirga qarang.

46. Takliflarning asosliligi va ularda keltirilgan maʼlumotlarning haqiqiyligini oʻrganishda quyidagilar inobatga olinadi:

avtotransport vositasini roʻyxatdan oʻtkazish haqidagi guvohnomaga muvofiq avtotransport vositasi kategoriyasi, klassi hamda oʻrindiqlari soni va axborot tizimiga kiritilgan boshqa maʼlumotlari ishlab chiqaruvchi tomonidan berilgan maʼlumotlarga mos kelishi;

avtobus va mikroavtobuslarning bazaviy komplektatsiyasida yoʻlovchilarga qoʻshimcha qulayliklarning mavjudligi hamda ularning soz va funksional holatdaligi;

(46-bandning birinchi — uchinchi xatboshilar Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

agar avtotransport vositasi lizing asosida olingan boʻlsa, ushbu holatni tasdiqlovchi hujjatlarning mavjudligi;

Oldingi tahrirga qarang.

avtotransport vositalarini yoʻlga chiqishdan oldin texnik koʻrikdan oʻtkazish va haydovchilarni tibbiy koʻrikdan oʻtkazish uchun barcha sharoitga ega texnik bazaning mavjudligi.

(46-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Ushbu bandda nazarda tutilgan holatlardan biri yoki bir nechtasining haqiqiyligini tasdiqlanmasa, tashuvchining keltirilgan maʼlumotlarning haqiqiyligini tasdiqlanmagan mezon boʻyicha toʻplagan barcha ballari bekor boʻladi.

47. Vakolatli organ tender gʻolibining axborot tizimi orqali yuborgan takliflardagi maʼlumotlarning haqiqiyligini tasdiqlovchi hujjatlarni soʻrab olishga haqli.

48. Oʻrganish natijalari va tegishli fototasvirlar vakolatli organ tomonidan axborot tizimiga kiritib-yuklanadi. Yuklangan maʼlumotlar shartnomaning amal qilish muddati yakunlanishiga qadar saqlanadi.

49. Vakolatli organ oʻtkazilgan oʻrganish natijalaridan norozi boʻlgan tender qatnashchilariga tushuntirishlar berishga majburdir.

Keyingi tahrirga qarang.

6-bob. Tender gʻolibi bilan hujjatlarni rasmiylashtirish va bekor qilish

50. Tender gʻolibi tomonidan lot boʻyicha taklif qilingan avtotransport vositalarining har biri uchun litsenziya varaqalari sakkiz kun muddat ichida rasmiylashtirilib boʻlishi lozim.

Keyingi tahrirga qarang.

Oldingi tahrirga qarang.

51. Vakolatli organ bilan tender gʻolibi oʻrtasidagi oʻzaro huquq va majburiyatlarni belgilovchi shartnoma (brutto-shartnoma) ommaviy oferta shaklida axborot tizimga tender gʻolibi aniqlanganidan keyin oʻn kun ichida avtomatik tarzda joylashtiriladi. Tender gʻolibi besh kun ichida joylashtirilgan shartnomani akseptlaydi (taklifni qabul qiladi).

(51-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Oldingi tahrirga qarang.

Bunda shaharlararo-viloyatlararo hamda xalqaro yoʻnalishlar boʻyicha tender gʻolibi shartnomani akseptlashdan oldin avtovokzal va avtostansiyalar bilan tuzilgan shartnomani axborot tizimiga yuklaydi.

Tender gʻolibi aniqlangan kundan boshlab sakkiz ish kuni muddatda shartnomada koʻrsatiladigan avtotransport vositalarini vakolatli organning avtomatlashtirilgan dispetcherlik xizmatiga integratsiya qilishi lozim.

(51-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan xatboshilar bilan toʻldirilgan — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

Oldingi tahrirga qarang.

52. Quyidagi holatlarda ochiq tender qatnashchisining tender gʻolibligi bekor qilinadi:

lot boʻyicha taklif qilingan avtotransport vositalari boʻyicha maʼlumotlar nazorat qiluvchi organga (oldindan kelishilgan vaqt va manzilga) ularning haqiqatda mavjudligini oʻrganish uchun taqdim qilinmasa;

belgilangan muddatda lot boʻyicha barcha avtotransport vositalari vakolatli organning avtomatlashtirilgan dispetcherlik xizmatiga integratsiya qilinmasa;

avtotransport vositalarining har biri uchun litsenziya varaqalarini belgilangan muddatlarda rasmiylashtirib boʻlmasa;

axborot tizimiga joylashtirilgan shartnoma belgilangan muddatda sababsiz akseptlanmasa;

lot boʻyicha takliflardagi maʼlumotlarning haqiqiyligi tasdiqlanmaganligi oqibatida toʻplangan ballar keyingi qatnashchi toʻplagan ballardan kamayib ketsa;

shaharlararo-viloyatlararo hamda xalqaro yoʻnalishlar boʻyicha tender gʻolibi shartnomani akseptlashdan oldin avtovokzal va avtostansiyalar bilan tuzilgan shartnomani axborot tizimiga yuklamasa;

ochiq tender qatnashchisining tender gʻolibligi bekor qilingan taqdirda, eng koʻp ballar miqdori boʻyicha keyingi qatnashchi tender gʻolibi deb eʼtirof etiladi va keyingi qatnashchilarga ham mazkur tartib amal qiladi.

(52-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

53. Lot boʻyicha taklif yuborgan yagona qatnashchining yoki barcha qatnashchilarning tender gʻolibligi bekor qilingan taqdirda mazkur yoʻnalish boʻyicha belgilangan tartibda qayta tenderga qoʻyiladi.

Oldingi tahrirga qarang.

54. Elektron axborot tizimidagi tender yakunlari asosida tender gʻolibi bilan shartnomalar tuzish:

(54-bandning birinchi xatboshisi Oʻzbekiston Respublikasi Vazirlar Mahkamasining 2023-yil 15-dekabrdagi 668-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/668/0945-son)

shaharlararo-viloyatlararo va xalqaro yoʻnalishlar boʻyicha — Transport vazirligi tomonidan;

shahar, shahar atrofi va viloyat ichki yoʻnalishlar boʻyicha — Transport vazirligining tegishli hududiy boʻlinmalari tomonidan amalga oshiriladi;

Oldingi tahrirga qarang.

Tender talab va shartlariga rioya etilishi ustidan nazorat — Transport vazirligi huzuridagi Transport nazorati inspeksiyasi va uning hududiy boʻlinmalari tomonidan amalga oshiriladi.

(54-band Oʻzbekiston Respublikasi Vazirlar Mahkamasining 2023-yil 15-dekabrdagi 668-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 18.12.2023-y., 09/23/668/0945-son)

55. Shartnoma tuzilganidan soʻng tenderda gʻolib chiqqan qatnashchining lot boʻyicha taklif qilgan har bir avtotransport vositasi uchun yoʻlovchilarni muntazam yoʻnalishlarda tashish huquqini tasdiqlovchi elektron guvohnoma (keyingi oʻrinlarda — guvohnoma) ushbu Nizomga 3-ilovada keltirilgan shaklga muvofiq taqdim etiladi.

Oldingi tahrirga qarang.

56. Muntazam yoʻnalishlarda tashish huquqini tasdiqlovchi QR-kod (matrik shtrixli kod) qoʻyilgan elektron guvohnoma ushbu Nizomga 4-ilovada keltirilgan pasportga muvofiq rasmiylashtiriladi.

(56-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Oldingi tahrirga qarang.

57. Tender gʻolibi bilan shartnoma (brutto-shartnoma) tenderda taklif etilgan avtotransport vositalarining oʻrtacha ishlab chiqarilgan yili koʻrsatkichlariga muvofiq, quyida keltirilgan tabaqalashtirilgan muddatlarga tuziladi.

Shartnomalar tender gʻolibi va vakolatli organ oʻrtasida 7 yil muddatgacha tuziladi. Shartnoma muddati vakolatli organning axborot tizimi orqali avtotransport vositalarining ishlab chiqarilgan yili oʻrtacha koʻrsatkichlariga muvofiq avtomatik tarzda quyidagicha aniqlanadi:

Tenderda taklif etilgan jami avtotransport vositalari parkining oʻrtacha ishlab chiqarilgan yili:

2 yilgacha boʻlsa (2 yil ham kiradi), shartnoma 7 yil muddatga;

3 yildan 5 yilgacha (5 yil ham kiradi) boʻlsa, shartnoma 5 yil muddatga;

6 yildan 7 yilgacha (7 yil ham kiradi) boʻlsa, shartnoma 3 yil muddatga;

8 yildan oshgan boʻlsa, shartnoma 1 yil muddatga tuziladi.

Avtotransport vositalari parkining oʻrtacha ishlab chiqarilgan yili koʻrsatkichi taklif etilgan avtotransportlarning umumiy ishlab chiqarilgan yilini avtotransport soniga boʻlish orqali aniqlanadi.

M1 toifadagi avtotransport vositalari tender taklifiga taqdim etilganda, ishlab chiqarilgan yilidan qatʼiy nazar shartnoma berish muddati 1 yil etib belgilanadi.

Tender gʻolibining xohishiga koʻra shartnoma belgilangan muddatdan kamroq muddatga ham tuzilishi mumkin, brutto-shartnoma bundan mustasno.

(57-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

58. Shartnoma talab va shartlari tender gʻolibining lot boʻyicha kiritgan takliflari asosida shakllantiriladi.

59. Shartnomaning amal qilish muddati tugashidan kamida oltmish kun avval yoʻnalish qayta ochiq tenderga qoʻyilishi yuzasidan eʼlon qilinadi.

Keyingi tahrirga qarang.

Oldingi tahrirga qarang.

60. Tashuvchi tomonidan shartnoma talab va shartlariga rioya qilmaslik holati aniqlansa, nazorat qiluvchi organning masʼul xodimlari tomonidan dalolatnoma rasmiylashtiriladi.

(60-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

61. Quyidagi hollarda vakolatli organ shartnomani bir tomonlama bekor qilish yuzasidan iqtisodiy sudga murojaat qiladi (shartnomada boshqacha tartib nazarda tutilgan boʻlmasa):

vakolatli organ masʼul xodimlari oʻtkazgan monitoring natijalariga koʻra tender gʻolibining lot boʻyicha takliflari haqiqiy emas deb topilsa;

tashuvchi shartnoma talab va shartlarini uch marotaba buzsa;

tashuvchining litsenziyasi bekor qilinsa, tugatilsa yoki sud qaroriga asosan oʻn kundan ortiq muddatga toʻxtatilsa.

Keyingi tahrirga qarang.

62. Shartnoma muddatidan avval bekor qilingan taqdirda har bir avtotransport vositasiga berilgan elektron guvohnomalar bekor qilinadi.

63. Tenderda taklif etilgan avtotransport vositalarida turli sabablarga koʻra qatnovlarni amalga oshirish imkoniyati boʻlmasa, ularning oʻrniga kamida shunday texnik parametrlarga ega va tender talablariga mos keladigan avtotransport vositalari almashtirish uchun taklif etiladi. Tashuvchi tomonidan avtotransport vositasini almashtirish yuzasidan asoslangan takliflar vakolatli organga taqdim etiladi. Avtotransport vositalari almashtirilgan taqdirda elektron guvohnoma qayta rasmiylashtiriladi.

Keyingi tahrirga qarang.

Oldingi tahrirga qarang.

64. Tender gʻolibi lot boʻyicha quyidagi majburiyatlarni bajarishi shart:

a) amaldagi normativ-huquqiy hujjatlarga muvofiq lot boʻyicha taklif etgan tarif darajasi asosida kamida bir yil yoʻlovchi tashish xizmatlarini koʻrsatish;

b) yoʻnalishlarga sunʼiy yoʻldoshli harakatni kuzatish navigatsiya qurilmalari bilan toʻliq jihozlangan avtotransport vositalarini chiqarish hamda ularning harakati toʻgʻrisidagi maʼlumotlar real vaqt rejimida belgilangan serverga muntazam uzatilishini taʼminlash;

v) qatnayotgan avtotransport vositalariga texnik xizmat koʻrsatish, ularning tashqarisida va salonlari ichida tozalash-yuvish ishlarini, yoʻnalishga shartnomada koʻrsatilgan miqdorda toʻliq jihozlangan avtotransport vositalari belgilangan tartibda chiqarilishini taʼminlash;

g) jismoniy va yuridik shaxslarning yoʻlovchilarni muntazam tashishlar bilan bogʻliq murojaatlarini koʻrib chiqishda ishtirok etish va aniqlangan qoidabuzarliklarni bartaraf etish choralarini koʻrish;

d) shaharlararo-viloyatlararo va xalqaro yoʻnalishlarga videokuzatuv tizimlari bilan jihozlangan avtobuslarni chiqarish;

e) shaharlararo-viloyatlararo hamda xalqaro yoʻnalishlar boʻyicha avtovokzal va avtostansiyalar bilan tegishli shartnoma tuzish;

j) tender shartnomasi tuzilgandan keyin oʻttiz kun ichida yoʻnalishga joylashtirilgan avtotransport vositalariga biriktirilgan barcha haydovchilariga 30 soatlik dastur boʻyicha Yoʻl harakati qoidalarini oʻrgatish;

(64-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

65. Shartnoma shartlariga qoʻshimcha yoki oʻzgartirishlar tomonlarning qoʻshimcha kelishuviga asosan kiritiladi. Shartnoma shartlariga hamda yoʻnalish pasportiga qoʻshimcha yoki oʻzgartirishlar kiritilishi amaldagi tender gʻolibining tenderda toʻplagan ballari kamayib ketishiga olib kelmasligi kerak.

7-bob. Yakunlovchi qoida

66. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

67. Elektron tarzda oʻtkazilgan ochiq tender yakunlaridan norozi boʻlgan tender qatnashchilari belgilangan tartibda sud organlariga murojaat etishlari mumkin.

Izoh. Mazkur ilova 2022-yil 1-yanvardan boshlab kuchga kiradi.

Yoʻlovchilar tashish yoʻnalishlarini biriktirish yuzasidan ochiq tenderlar tashkil etish va oʻtkazish boʻyicha

SXEMASI

Bosqichlar	Ishtirokchilar	Tadbirlar	Bajarish muddatlari

1-bosqich	Vakolatli organ	Tenderga qoʻyiladigan yoʻnalishlarni (yoʻnalishlar paketlari yoki jadvali) belgilaydi.	Tender oʻtkazilishidan kamida 30 kun oldin



		Tenderga qoʻyilgan yoʻnalishlarni (lotlarni) belgilangan tartibda axborot tizimiga joylashtiradi va OAVda eʼlon qiladi.


2-bosqich	Tenderda qatnashish istagi boʻlgan talabgor	Tenderda qatnashish uchun eʼlon berilgan lotlar bilan tanishib chiqadi. Lot boʻyicha takliflarni axborot tizimi orqali yuboradi.	Tender eʼlon qilinganidan boshlab tender oʻtkazilishiga 1 kun qolgunga qadar







3-bosqich	Axborot tizimi	Kelib tushgan tender takliflarni belgilangan tartibda avtomatik tarzda baholaydi.	Tender oʻtkazish kuni


		Lot boʻyicha gʻoliblarni aniqlaydi


		Tender yakunlari boʻyicha hisobotlarni taqdim etadi.


4-bosqich	Vakolatli organ	Tender gʻolibining barcha takliflaridagi maʼlumotlarning haqiqiyligini tekshiradi.	Tender gʻolibi aniqlangan kundan boshlab 10 kun ichida


	Axborot tizimi	Tender gʻolibiga shartnomani akseptlash uchun joylashtiradi.	Tender gʻolibi aniqlangan kundan boshlab 10 kun ichida

Tender boʻyicha takliflarga beriladigan ballar va baholash tartibi toʻgʻrisidagi

YOʻRIQNOMA

1-bob. Umumiy qoidalar

1. Mazkur Yoʻriqnomada quyidagi asosiy tushunchalar qoʻllaniladi:

saroydan foydalanish koeffitsiyenti — avtotransport vositalaridan foydalanishning samaradorligini belgilovchi koʻrsatkich;

minimal ball — tashuvchi tomonidan yuborilgan takliflarning baholanishi natijasida toʻplanishi zarur boʻlgan ball miqdori;

qatnashchi — ochiq tenderlarda qatnashish uchun takliflarni taqdim etgan talabgor.

2-bob. Tender boʻyicha takliflarni baholash

Oldingi tahrirga qarang.

2. Yoʻlkira uchun qatnashchi tomonidan taklif etilayotgan tariflar (yoʻnalish narxlari) darajasi quyidagi jadvalga muvofiq baholanadi:

Yoʻnalish nomi	Taklif natijalari	ball
1. Shahar atrofi, shaharlararo va xalqaro yoʻnalishlardagi 1 yoʻlovchi/km uchun tarifning qatnashchi tomonidan taklif etilayotgan darajasi	Taklif etilgan tarif talabdan 21 foiz va undan past	5
	Taklif etilgan tarif talabdan 10 — 20 foiz oraligʻida past	4
	Taklif etilgan tarif talabga mos (4 foizgacha yuqori)	3
	Taklif etilgan tarif talabdan 5 — 10 foizgacha yuqori	2
	Taklif etilgan tarif talabdan 11 — 20 foizgacha yuqori	1
	Taklif etilgan tarif talabdan 21 foiz va undan yuqori	0
2. Shahar ichki yoʻnalishli taksi yoʻnalishlarida 1 yoʻlovchi uchun yoʻlkiraning qatnashchi tomonidan taklif etilayotgan tariflar darajasi	Taklif etilgan tarif talabdan 21 foiz va undan past	5
	Taklif etilgan tarif talabdan 10 — 20 foiz oraligʻida past	4
	Taklif etilgan tarif talabga mos	3
	Taklif etilgan tarif talabdan baland	0
3. Shahar avtobus yoʻnalishlarida avtobus bosib oʻtadigan har bir kilometr masofaning qatnashchi tomonidan taklif etilayotgan narxlari darajasi	Taklif etilgan narx boshlangʻich narxdan 25 — 30 foiz oraligʻida past	20
	Taklif etilgan narx boshlangʻich narxdan 20 — 24 foiz oraligʻida past	18
	Taklif etilgan narx boshlangʻich narxdan 15 — 19 foiz oraligʻida past	16
	Taklif etilgan narx boshlangʻich narxdan 10 — 14 foiz oraligʻida past	13
	Taklif etilgan narx boshlangʻich narxdan 5 — 9 foiz oraligʻida past	10
	Taklif etilgan narx boshlangʻich narxdan 2 — 4 foiz oraligʻida past	7
	Taklif etilgan narx boshlangʻich narxga mos	4
	Taklif etilgan narx boshlangʻich narxdan baland	0

Izoh

1. Yoʻnalishdagi tarifning tender qatnashchisi tomonidan taklif etilayotgan darajasi uchun — tashish tarifi darajasini talab qilinayotganga nisbatan pasaytirishning har bir punkti uchun oshib boruvchi koeffitsiyentni qoʻllagan holda besh ballik tizim boʻyicha baholanadi, bunda, masalan: tender talablarida tarif darajasi 1400 soʻm miqdorida belgilangan. Qatnashchi tomonidan tarif darajasi 1200 soʻm miqdorida taklif etilgan. Bunday holatda tarif darajasi quyidagicha hisoblanadi:

100 foiz — (1 200 soʻm/1 400 soʻm x 100 foiz) = 14,3 foiz,

bunda qatnashchi tomonidan taklif etilgan 1200 soʻm tarif darajasi talab etilgan darajadan 14,3 foiz kamroqni tashkil etmoqda. Jadvalning 2.2-bandi boʻyicha taklif etilgan tarif talabdan 10 — 20 foiz oraligʻida past boʻlsa, 4 ball berilishi belgilangan. Demak, taklif etilgan 1200 soʻm tarif uchun 4 ball hisoblanadi.

2. Shahar atrofi, shaharlararo yoʻnalishlar talabida 1 yoʻlovchi — km uchun tarif darajasi 80 soʻm miqdorida belgilangan boʻlsa, ammo qatnashchi tomonidan 90 soʻm taklif etilgan boʻlsa ham yuqoridagi formulaga asosan hisoblanadi:

100 foiz — (90 soʻm/80 soʻm x 100 foiz) = -12,5 foiz,

bunda qatnashchi tomonidan taklif etilgan 90 soʻm tarif darajasi talab etilgan darajadan 12,5 foiz koʻproqni tashkil etmoqda. Jadvalning 1.5-bandi boʻyicha taklif etilgan tarif talabdan 11 — 20 foizgacha yuqori boʻlsa, 1 ball berilishi belgilangan. Demak, taklif etilgan 1 yoʻlovchi — km uchun tarif darajasi 90 soʻm boʻlganda 1 ball hisoblanadi.

3. Shahar avtobus yoʻnalishida har bir kilometr masofaning boshlangʻich narx 10 000 soʻm miqdorida belgilangan boʻlib, qatnashchi tomonidan 8 500 soʻm taklif etilgan boʻlsa, narx darajasi quyidagicha hisoblanadi:

100 foiz — (8 500 soʻm/10 000 soʻm x 100 foiz) = 15 foiz,

bunda qatnashchi tomonidan taklif etilgan 8 500 soʻm boshlangʻich narxdan 15 foiz kam tashkil etadi. Jadvalning 3.3-bandi boʻyicha taklif etilgan narx 15 — 19 foiz oraligʻida past boʻlsa, 16 ball berilishi belgilangan. Demak, taklif etilgan narx uchun 16 ball hisoblanadi.

Boshlangʻich narxdan 30 foizdan past taklif etilgan narxlar baholanmaydi.

(2-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

3. Qatnashchi tomonidan taklif etilayotgan avtotransport vositasining ishlab chiqarilgan yili quyidagi jadvalga muvofiq baholanadi:

Koʻrsatkich nomi	Taklif natijalari	ball
avtotransport vositasi ishlab chiqarilgan yili (ishlab chiqarilgan yildan boshlab nechi yil oʻtgani)	0 — 2 yil	10
	3 — 5 yil	7
	6 — 8 yil	6
	9 — 11 yil	5
	12 — 14 yil	3
	15 yil va undan ortiq*	1

Izoh.

Qatnashchi tomonidan taklif etilgan har bir transport vositasi uchun, uning ishlab chiqarilgan yiliga koʻra ishlatilish yillari (necha yil oʻtgani) uchun belgilangan ballar jamlanadi hamda saroydan foydalanish koeffitsiyentini hisobga olgan holda, texnik ishlatish tavsifiga muvofiq talab qilinadigan transport vositalari soniga boʻlinadi.

Misol uchun: tender talablarida yoʻnalishda saroydan foydalanish koeffitsiyentini 0,8 ga teng deb hisobga olgan holda 6 ta transport vositasi boʻlishi belgilangan. Qatnashchi tomonidan taqdim etilgan takliflarda 4 ta avtotransport vositasi uchun (ishlatilish yili 3 yil) ballarning soni 7 balldan (4 x 7) = 28 ballga va 2 ta avtotransport vositasi uchun (ishlatilish yili 13 yil) ballarning soni 3 balldan (2 x 3) = 6 ballga teng boʻladi. Bunday holatda transport vositasining ishlab chiqarilgan yili uchun tender boʻyicha takliflarning bahosi [(28 + 6) : 6] = 5,66 ballni tashkil etadi.

*Ishlab chiqarilganiga 15 yil va undan ortiq boʻlgan avtobuslar baholanmaydi.

Avtotransport vositalarini ishlatilish yilini (ishlab chiqarilganidan necha yil oʻtgani) aniqlashda avtotransportning guvohnomasidagi ishlab chiqarish yili maʼlumotidan (ishlab chiqarilgan oyidan qatʼiy nazar) kelib chiqiladi.

Keyingi tahrirga qarang.

Oldingi tahrirga qarang.

3¹. Qatnashchining avtomobil transportida yoʻlovchilarni muntazam tashish sohasidagi ish tajribasi quyidagi jadvalga muvofiq baholanadi:

Mezon nomi	Taklif natijalari	Ball
Qatnashchining avtomobil transportida yoʻlovchilarni muntazam tashish sohasidagi faoliyati	Sohadagi faoliyati 5 yil va undan yuqori	5
	Sohadagi faoliyati 2 yildan 4 yilgacha (4 yil ham kiradi)	3
	Sohadagi faoliyati 1 yil	1
	Sohada faoliyat yuritmagan	0

Izoh.

Qatnashchining yoki uning shtatidagi yoʻl harakati xavfsizligini taʼminlash va avtotransportlardan foydalanish uchun masʼul boʻlgan xodimining avtomobil transportida yoʻlovchilarni muntazam tashish sohasidagi faoliyati, qatnashchiga (xodim avval ishlagan tashkilotiga) har xil davrlar uchun berilgan, yoʻlovchilarni muntazam yoʻnalishlarda tashish huquqini tasdiqlovchi guvohnomalar muddatlarini umumlashtirish yoʻli bilan aniqlanadi.

(3¹-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan kiritilgan — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

Oldingi tahrirga qarang.

4. Qatnashchi tomonidan taklif etilayotgan avtotransport vositasining yoʻlovchilar tashish uchun taklif qilinayotgan umumiy sigʻimi koʻrsatkichlari (shu jumladan, yoʻlovchi oʻrindiqlari soni) quyidagi jadvalga muvofiq baholanadi:

Mezon nomi	Taklif natijalari	ball
1. Avtotransport vositasining umumiy sigʻimi (shu jumladan oʻrindiqlari soni)	Taklif etilgan koʻrsatkich talabdan 11 foiz va undan yuqori	5
	Taklif etilgan koʻrsatkich talabdan 5 — 10 foiz oraligʻida yuqori	4
	Taklif etilgan koʻrsatkich talab etilgan koʻrsatkichga mos	3
	Taklif etilgan koʻrsatkich talabdan 5 — 10 foiz oraligʻida past	2
	Taklif etilgan koʻrsatkich talabdan 11 foiz va undan past	1
Shahar avtobus yoʻnalishlarida avtobuslarning umumiy sigʻimi (shu jumladan, oʻrindiqlari soni)	Taklif etilgan koʻrsatkich talabdan 21 foiz va undan yuqori	5
	Taklif etilgan koʻrsatkich talabdan 10 — 20 foiz oraligʻida yuqori	3
	Taklif etilgan koʻrsatkich talab etilgan koʻrsatkichga mos	1

(4-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

5. Yoʻnalishdagi qatnovlarning qatnashchi tomonidan taklif etilayotgan soni talab etilgan qatnovlar soniga mos yoki undan ortiq boʻlsa, 3 ball hisoblanadi. Agar taklif etilgan qatnovlar soni talab etilgan qatnovlar sonidan kam boʻlsa, ball berilmaydi.

Oldingi tahrirga qarang.

Yoʻnalishdagi qatnovlarning taklif etilayotgan soni boʻyicha baholash faqat shahar, shahar atrofi va viloyat ichidagi shaharlararo yoʻnalishlar uchun tatbiq etiladi, shahar avtobus yoʻnalishlari bundan mustasno.

(5-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

6. Qatnashchi tomonidan taklif etilayotgan avtotransport vositasi (faqat avtobus va mikroavtobus) talab etilayotgan kategoriyalarga mos kelsa, 3 ball hisoblanadi. Agar taklif etilgan avtotransport vositasi talab etilayotgan kategoriyalarga mos kelmasa, ball berilmaydi.

7. Yoʻnalishli taksi yoʻnalishlari uchun yengil avtomobillarning qatnashchi tomonidan taklif etilayotgan klassi (agar yoʻnalishga yengil avtomobillar talab etilayotgan boʻlsa) koʻrsatkichlari quyidagi jadvalga muvofiq baholanadi:

Mezon nomi	klass	izoh*	ball
yoʻnalishli taksi yoʻnalishlarida qatnovlarni amalga oshiradigan yengil avtomobillarning klassi	A-mitti	Matiz, Spark	2
	B- kichik	Cobalt, Nexia, Lada Largus,	3
	C-oʻrta	Lacetti, Cruze, Epica,	4
	D-katta/djip	Malibu, Toyota Camry, Captiva	5
	E- miniven	Orlando, Kia Carnival	4
	M-mikroven	Damas	2

6-7-bandlarga izoh.

7-band faqat yoʻnalishli taksi yoʻnalishlari uchun, agar yoʻnalishga yengil avtomobil transporti vositasi talab etilayotgan boʻlsa, tatbiq qilinadi. Qatnashchi tomonidan taklif etilgan avtotransport kategoriyalari/klasslari boʻyicha aniqlangan ballar jamlanadi va yoʻnalish boʻyicha talab qilinayotgan jadvallar soniga boʻlinadi. Misol uchun: lot talablarida yoʻnalishda ishlashi uchun tuzilgan 5 ta jadvalni avtotransportlar bilan taʼminlash uchun, saroydan foydalanish koeffitsiyentini 0,8 ga teng deb hisobga olganda, avtotransport soni (5 : 0,8) = 6 ta boʻlishi belgilangan. Qatnashchi tomonidan yoʻnalishli taksi yoʻnalishlari uchun 4 ta №exia va 2 ta Spark taklif etilgan taqdirda, ballarning soni 4 ta №exia uchun 3 balldan (4 x 3) = 12 ballga va 2 ta Spark uchun 2 balldan (2 x 2) = 4 ballga teng boʻladi. Klasslar boʻyicha ballar miqdori qoʻshiladi va talab qilingan jadvallar soniga boʻlinadi [(12 + 4) : 5] = 3,2 ball. Bunday holatda transport vositalarining klassi uchun lot boʻyicha takliflarning bahosi 4,4 ballga teng boʻladi.

Avtobuslar va mikroavtobuslar uchun 3 balldan hisoblanadi, agar avtotransport vositalari talab etilgan kategoriyalarga mos kelsa. Misol uchun, qatnashchi tomonidan taklif etilgan 10 ta avtobus kategoriyalari talabga mos boʻlsa, barcha ballar miqdori qoʻshiladi va talab qilingan jadvallar soniga boʻlinadi [(10 x 3) : 8] = 3,75 ball. Bunday holatda avtobuslarning kategoriyalari uchun lot boʻyicha takliflarning bahosi 3,75 ballga teng boʻladi.

Transport vositasi kategoriyasi (klasslari) uchun olingan ballarga 1,15 miqdorda oshiruvchi koeffitsiyent qoʻllaniladi, agar transport vositasi tender qatnashchisining mulki boʻlsa. Bundan tashqari, transport vositasi kategoriyasi (klasslari) uchun olingan ballarga 1,15 miqdorda oshiruvchi koeffitsiyent qoʻllaniladi, agar transport vositasi elektr quvvati bilan harakatlanadigan, elektrodvigatelining quvvati 4 kVt va undan ortiq yoki soatiga 40 va undan yuqori tezlikka ega boʻlgan avtomototransport vositasi boʻlsa.

Avtotransport vositalari kategoriyalari toʻgʻrisida maʼlumot olish uchun Vazirlar Mahkamasining 2017-yil 25-apreldagi 237-sonli qarori bilan muomalaga chiqarilayotgan Gʻildirakli transport vositalarining xavfsizligi toʻgʻrisidagi umumiy texnik reglamentdan foydalaniladi.

* Ushbu yoʻriqnomaning 7-bandidagi yengil avtomobillar roʻyxatida koʻzda tutilmagan klasslar va ular boʻyicha tabaqalashtirilgan ballar Transport vazirligi tomonidan mustaqil belgilanadi.

Keyingi tahrirga qarang.

Oldingi tahrirga qarang.

8. Qatnashchi tomonidan taklif etilayotgan avtobus va mikroavtobuslarda yoʻlovchilarga qoʻshimcha qulayliklar mavjudligi uchun quyidagi jadvalga muvofiq koeffitsiyent qoʻllaniladi:

Mezon nomi	Qoʻllash uchun koeffitsiyent
1. Shahar (yoʻnalishli taksi), shahar atrofi, shaharlararo va xalqaro yoʻnalishlardagi avtobus va mikroavtobuslarda yoʻlovchilarga qoʻshimcha qulayliklar mavjudligi	Konditsioner (iqlim-nazorati tizimi)	1,20
	Internet jahon axborot tarmogʻi	1,15
	Biohojatxona (bazaviy komlektatsiyada nazarda tutilgan boʻlsa)	1,10
	Aholining imkoniyati cheklangan guruhlari uchun qulay va xavfsiz muhitni taʼminlovchi uskunalar (bazaviy komlektatsiyada nazarda tutilgan boʻlsa)	1,10
	Telefon quvvatlagichlari	1,05
	Bekatlarni eʼlon qilish audio tizimi	1,05
2. Shahar avtobus yoʻnalishlaridagi avtobuslarda yoʻlovchilarga qoʻshimcha qulayliklar mavjudligi	Konditsioner (iqlim-nazorati tizimi)	2,0
	Aholining imkoniyati cheklangan guruhlari uchun qulay va xavfsiz muhitni taʼminlovchi uskunalar (bazaviy komlektatsiyada nazarda tutilgan boʻlsa)	2,0
	Bekatlarni eʼlon qilish audio tizimi	1,5
	Videokuzatuv tizimlari	1,5
	Yoʻlovchilarni hisoblash qurilmalari	1,5
	Internet jahon axborot tarmogʻi	1,5

Izoh.

Ushbu band faqat 8 oʻrindan oshiq avtobuslar va mikroavtobuslar uchun tatbiq etiladi. Tashuvchi qoʻshimcha qulayliklarning doim soz va funksional holatda saqlanishini taʼminlash majburiyatini oladi. Mazkur band bilan belgilangan koeffitsiyentlar miqdori har bir avtotransport uchun alohida hisoblanadi.

Avtotransportlar talab etilayotgan kategoriyalarga mos kelganidan keyin ularning salonida qulayliklar yaratilgani uchun belgilangan shkala asosida 1 ballga nisbatan oshiruvchi koeffitsiyent qoʻllaniladi.

1 x 1,20 = 1,2 x 10 = 12 konditsioner uchun ball;

1 x 1,15 = 1,15 x 5 = 5,75 internet jahon axborot tarmogʻi uchun ball;

1 x 1,05 = 1,05 x 2 = 2,1 monitorlar uchun ball.

Barcha ballar qoʻshiladi hamda taklif etilgan umumiy avtotransport vositasi soniga boʻlinadi:

(12+5,75+2,1) : 10 = 1,98

Demak, taklif etilgan 10 ta avtotransport vositasida qoʻshimcha qulayliklar yaratilgani uchun 1,98 ball hisoblanadi.

(8-band Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

Keyingi tahrirga qarang.

Oldingi tahrirga qarang.

8¹. Shahar avtobus yoʻnalishlarida taklif etilayotgan avtobuslarning ekologik tozaligini aniqlash uchun quyidagi jadvalga muvofiq koeffitsiyent qoʻllaniladi:

Mezon nomi	Qoʻllash uchun koeffitsiyent
Qatnashchi tomonidan taklif etilayotgan avtobuslarining ekologik tozaligi darajasi	Elektrobuslar	5
	Tabiiy gazda ishlaydigan avtobuslar	3
	“Yevro-4” va undan yuqori ekologik toifa talablariga mos keladigan avtobuslar	1
	“Yevro-3” va undan past ekologik toifa talablariga mos keladigan avtobuslar	0

Izoh.

Ushbu jadvalda belgilangan shkala asosida 1 ballga nisbatan koeffitsiyent miqdori har bir avtobus uchun alohida hisoblanadi.

Masalan, tashuvchi tomonidan taklif etilgan 10 ta avtobusning 5tasi elektrobus va 5 tasi tabiiy gazda ishlaydigan avtobuslar boʻlganda, ballar quyidagicha hisoblanadi:

1 x 5 = 5 x 5 = 25 ball — elektrobuslar uchun,

1 x 3 = 3 x 5 = 15 ball — tabiiy gazda ishlaydigan avtobuslarga.

Barcha ballar qoʻshiladi hamda taklif etilgan umumiy avtobuslar soniga boʻlinadi:

(25+15) / 10 = 4 ball

Demak, taklif etilgan 10 ta avtobus uchun 4 ball hisoblanadi.

(8¹-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan kiritilgan — Qonunchilik maʼlumotlari milliy bazasi, 22.03.2023-y., 09/23/116/0158-son)

Oldingi tahrirga qarang.

9. Yoʻnalishlarda ishlayotganda harakatlanish xavfsizligini taʼminlash boʻyicha qatnashchi tomonidan amalga oshirilgan tadbirlar rejasi quyidagicha baholanadi, shahar avtobus yoʻnalishlari bundan mustasno:

(9-bandning birinchi xatboshisi Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Oldingi tahrirga qarang.

korxona balansida avtotransport vositalarini har kuni reysdan oldingi texnik koʻrikdan oʻtkazish uchun barcha sharoitga ega texnik bazaning mavjudligi uchun 1 ball;

(9-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qarori tahririda — Qonunchilik maʼlumotlari milliy bazasi, 02.08.2024-y., 09/24/465/0569-son — 2024-yil 3-noyabrdan kuchga kiradi)

haydovchilarni har kungi tibbiy koʻrikdan oʻtkazish uchun barcha sharoitlarni yaratganlik uchun 1 ball;

taklif etilgan avtotransport vositalari sonidan kelib chiqib, barcha haydovchilariga 30 soatlik dastur boʻyicha Yoʻl harakati qoidalarini oʻrgatganligi uchun 1 ball;

taklif etilgan barcha avtotransport vositalarining old oynalariga videoregistrator oʻrnatganlik uchun 1 ball;

Oldingi tahrirga qarang.

(9-bandning oltinchi xatboshisi Oʻzbekiston Respublikasi Vazirlar Mahkamasining 2024-yil 31-iyuldagi 465-sonli qaroriga asosan 2024-yil 3-noyabrdan chiqariladi — Qonunchilik maʼlumotlari milliy bazasi, 02.08.2024-y., 09/24/465/0569-son)

taklif etilgan barcha avtotransport vositalarini avtomatlashgan toʻlov tizimiga ulaganlik uchun 1 ball.

Izoh.

Avtotransport vositalarini har kuni reysdan oldingi texnik koʻrikdan oʻtkazish uchun hamda haydovchilarni har kungi tibbiy koʻrikdan oʻtkazish talablari haqida maʼlumotlar uchun Oʻzbekiston Respublikasi Adliya vazirligi tomonidan 2014-yil 19-fevralda 2560-son bilan roʻyxatdan oʻtgan “Yoʻnalishga chiqish oldidan avtotransport vositalarini texnik koʻrikdan oʻtkazish hamda yoʻlovchilar, bagaj va yuklar tashuvlarini amalga oshiradigan haydovchilarni tibbiy koʻrikdan oʻtkazishni tashkil qilish tartibi toʻgʻrisidagi nizomni tasdiqlash haqida”gi qarordan foydalaniladi.

Keyingi tahrirga qarang.

Oldingi tahrirga qarang.

10. Barcha mezonlar boʻyicha olingan ballar qoʻshilib, umumiy (yakuniy) ball aniqlanadi.

Agar baholash natijalariga koʻra bir nechta qatnashchi teng ballar olgan boʻlsa, u holda gʻolib teng ballar olgan qatnashchilarning tender takliflaridagi quyidagi ustuvor mezonlardan kelib chiqib aniqlanadi:

T/r	Mezon nomi (ustuvorligi boʻyicha ketma-ketlikda)
I. Shahar (yoʻnalishli taksi), shahar atrofi, shaharlararo va xalqaro yoʻnalishlar boʻyicha
1.	Avtotransport vositasining ishlab chiqarilgan yili
2.	Avtobus va mikroavtobuslarda yoʻlovchilarga qoʻshimcha qulayliklar mavjudligi
3.	Avtotransport vositasining tashuv uchun taklif qilinayotgan umumiy sigʻimi (shu jumladan yoʻlovchi oʻrindiqlari soni)
4.	Yoʻnalishlarda ishlayotganda harakatlanish xavfsizligini taʼminlash boʻyicha tadbirlar rejasi
5.	Yoʻlkira uchun qatnashchi tomonidan taklif etilayotgan tariflar darajasi
6.	Avtotransport vositasining toifasi va klassi
II. Shahar avtobus yoʻnalishlari boʻyicha
1.	Yoʻnalishda avtobus bosib oʻtadigan har bir kilometr masofaning taklif etilayotgan narxlari darajasi
2.	Avtobuslarning ishlab chiqarilgan yili
3.	Avtobuslarda yoʻlovchilarga qoʻshimcha qulayliklarning mavjudligi
4.	Avtobuslarning tashish uchun taklif qilinayotgan umumiy sigʻimi (shu jumladan yoʻlovchi oʻrindiqlari soni)
5.	Avtomobil transportida yoʻlovchilarni muntazam tashish sohasidagi ish tajribasi
6.	Avtobuslarning ekologik tozaligi

(10-band Oʻzbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik maʼlumotlari milliy bazasi, 22.03.2023-y., 09/23/116/0158-son)

Keyingi tahrirga qarang.

11. Ikki va undan ortiq yoʻnalishlarni oʻz ichiga olgan yoʻnalishlar paketlarini baholashda ballar paket ichidagi yoʻnalishlar boʻyicha alohida hisoblanadi hamda umumlashtiriladi.

12. Tashuvchining takliflari yoʻnalish talablariga muvofiqligi yoʻnalish boʻyicha yigʻilishi zarur boʻlgan minimal ball toʻplanganligi bilan aniqlanadi.

3-bob. Yakuniy qoidalar

13. Tenderlar oʻtkazish boʻyicha amaliy tajriba toʻplanishiga qarab, Transport vazirligi tomonidan tabaqalashtirilgan va qoʻshimcha ballarga oʻzgartirishlar kiritilishi mumkin.

14. Mazkur Yoʻriqnoma talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Avtomobil transportida yoʻlovchilarni muntazam yoʻnalishlarda tashish huquqini tasdiqlovchi guvohnoma

NAMUNASI

Oldingi tahrirga qarang.

Tender gʻolibining har bir avtotransport vositasiga yoʻlovchilarni muntazam yoʻnalishlarda tashish huquqini tasdiqlovchi QR-kod (matrik shtrixli kod) qoʻyilgan elektron guvohnoma

PASPORTI

1.	Ruxsat etish xususiyatiga ega hujjatning nomi:	Muntazam yoʻnalishlarda tashish huquqini tasdiqlovchi elektron guvohnoma.
2.	Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):	Shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) xalqaro yoʻlovchilar tashish yoʻnalishlarini biriktirish yuzasidan ochiq tenderlarda ishtirok etish.
3.	Ariza beruvchilar toifasi:	Yuridik shaxs.
4.	Ruxsat etish tartib-taomillari sohasidagi vakolatli organ:	Oʻzbekiston Respublikasi Transport vazirligi yoki uning hududiy boʻlinmasi.
5.	Ruxsat etish xususiyatiga ega hujjatni olish uchun taqdim qilinadigan hujjatlar:	Guvohnoma olish uchun quyidagi ishlarni amalga oshirilishi lozim: shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) hamda xalqaro yoʻlovchilar tashish yoʻnalishlarini biriktirish yuzasidan ochiq tenderlarda ishtirok etish; eng koʻp ball toʻplab tender gʻolibi deb eʼtirof etilish; vakolatli organ bilan oʻzaro huquq va majburiyatlarni belgilovchi shartnomani rasmiylashtirish.
6.	Arizani koʻrib chiqish uchun toʻlanadigan yigʻim miqdori:	Mavjud emas.
7.	Ruxsat etish xususiyatiga ega hujjat berilganligi uchun undiriladigan yigʻim:	Mavjud emas.
8.	Arizani koʻrib chiqish muddati:	Shartnoma rasmiylashtirilgandan soʻng 1 soat ichida.
9.	Ruxsat etishga oid talab va shartlar:	Shartnomada koʻrsatilgan talab va shartlariga rioya etilishi.
10.	Ruxsat etish xususiyatiga ega hujjatni berishda kelishiladigan organlar:	Mavjud emas.
11.	Ruxsat etish xususiyatiga ega hujjatning amal qilish muddati:	Shartnoma amal qilish muddatiga qadar.
12.	Izoh:	Vazirlar Mahkamasining 2021-yil 6-dekabrdagi 738-son qarori bilan tasdiqlangan Shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) va xalqaro yoʻnalishlarni biriktirish boʻyicha ochiq tenderlarni elektron tarzda tashkil etish va oʻtkazish tartibi toʻgʻrisidagi nizomga muvofiq shartnoma tuzilganidan soʻng tenderda gʻolib chiqqan qatnashchining lot boʻyicha taklif qilgan har bir avtotransport vositasi uchun yoʻlovchilarni muntazam yoʻnalishlarda tashish huquqini tasdiqlovchi elektron guvohnoma rasmiylashtiriladi.