|
Hujjat 01.12.2021 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Davlat xizmatlari koʻrsatishning infratuzilmasi takomillashtirilganligi va aholining davlat xizmatlaridan foydalanish imkoniyatlari kengaytirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Mazkur qaror 2021-yil 1-dekabrdan boshlab kuchga kiradi.
3. Mazkur qarorning ijrosini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 28-oktabr,
661-son
Vazirlar Mahkamasining 2021-yil 28-oktabrdagi 661-son qaroriga
ILOVA
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 1993-yil 1-martdagi 114-son qarori bilan tasdiqlangan Oʻzbekiston Respublikasida davlat uy-joy fondini xususiylashtirish, saqlash va undan foydalanish qoidalari 162-bandining ikkinchi xatboshisidagi “bir bazaviy hisoblash” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
2. Vazirlar Mahkamasining 2003-yil 16-iyuldagi 315-son qarori bilan tasdiqlangan Giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyatni litsenziyalash toʻgʻrisidagi nizomning 33-bandi ikkinchi xatboshisidagi “litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
3. Vazirlar Mahkamasining 2005-yil 15-fevraldagi 63-son qarori bilan tasdiqlangan Yengib boʻlmaydigan kuchlar (fors-major) holatlarini tasdiqlash tartibi toʻgʻrisidagi nizomning 8-bandi ikkinchi xatboshisidagi “sertifikat berganlik uchun toʻlanadigan summaning ellik foizi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
4. Vazirlar Mahkamasining 2009-yil 9-martdagi 60-son qarori bilan tasdiqlangan Advokatlik faoliyatini litsenziyalash toʻgʻrisidagi nizomda:
12-bandning ikkinchi xatboshisidagi hamda 15-bandning birinchi xatboshisidagi tegishli kelishikdagi “hisob raqami” soʻzlari “hisobvaragʻi” soʻzi bilan almashtirilsin.
22-bandning birinchi xatboshisi quyidagi tahrirda bayon qilinsin:
“22. Litsenziya dublikatini berishda bazaviy hisoblash miqdorining 10 foizi miqdorida yigʻim undiriladi. Litsenziyani qayta rasmiylashtirishda litsenziya berish toʻgʻrisidagi arizani koʻrib chiqish uchun toʻlanadigan summaning 50 foizi miqdorida yigʻim undiriladi. Yigʻim summasi adliya organining hisobvaragʻiga oʻtkaziladi”.
Keyingi tahrirga qarang.
5. Vazirlar Mahkamasining 2013-yil 31-dekabrdagi 352-son qarori bilan tasdiqlangan Chet tilini bilish darajasini aniqlash va malaka sertifikatini berish tartibi toʻgʻrisidagi nizomning 38-bandi beshinchi xatboshisidagi “50 foizi” soʻzlari “10 foizi” soʻzlari bilan almashtirilsin.
6. Vazirlar Mahkamasining “Oʻzbekiston Respublikasi Prezidentining “Fuqarolik jamiyati institutlarini rivojlantirishga koʻmaklashish borasidagi qoʻshimcha chora-tadbirlar toʻgʻrisida” 2013-yil 12-dekabrdagi PQ-2085-son qarorini amalga oshirish chora-tadbirlari haqida” 2014-yil 10-martdagi 57-son qarorida:
a) 1-ilovaning (Nodavlat notijorat tashkilotlarini davlat roʻyxatidan oʻtkazish tartibi toʻgʻrisidagi nizom) 10-bandi quyidagi tahrirda bayon qilinsin:
“10. NNTning davlat roʻyxatidan oʻtkazilgani toʻgʻrisidagi guvohnoma dublikatini olish uchun bazaviy hisoblash miqdorining 10 foizi miqdorida toʻlov undiriladi”;
b) 2-ilovaning (Nodavlat notijorat tashkilotlarining ramzlarini davlat roʻyxatidan oʻtkazish tartibi toʻgʻrisidagi nizom) 10-bandidagi “bazaviy hisoblash miqdorining bir baravari” soʻzlari “bazaviy hisoblash miqdorining 10 foizi” soʻzlari bilan almashtirilsin.
7. Vazirlar Mahkamasining 2014-yil 11-avgustdagi 226-son qarori bilan tasdiqlangan Parvozlar xavfsizligiga tahdid solishi mumkin boʻlgan faoliyatni amalga oshirish uchun ruxsatnoma berish tartibi toʻgʻrisidagi nizom rus tilidagi matnining 31-bandidagi “v polovinnom razmere summi sbora, uplachivayemoy za vidachu razresheniya na datu podachi zayavleniya o vidache dublikata” soʻzlari “v razmere 10 protsentov bazovoy raschetnoy velichini” soʻzlari bilan almashtirilsin.
Keyingi tahrirga qarang.
8. Vazirlar Mahkamasining 2014-yil 15-sentabrdagi 263-son qarori bilan tasdiqlangan Mehnatni muhofaza qilish boʻyicha mutaxassis malaka sertifikati berish tartibi toʻgʻrisidagi nizomning 45-bandidagi “50 foizi” soʻzlari “10 foizi” soʻzlari bilan almashtirilsin.
9. Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qarorida:
a) 1-ilovaning (Oʻsimlik dunyosi obyektlaridan foydalanish va oʻsimlik dunyosi obyektlaridan foydalanish sohasida ruxsat berish tartib-taomillaridan oʻtish tartibi toʻgʻrisidagi nizom) 63-bandi ikkinchi xatboshisidagi “tabiatdan foydalanuvchining ruxsatnomani berish toʻgʻrisidagi arizasi vakolatli organ tomonidan koʻrib chiqilganligi uchun, dublikatni berish haqidagi ariza topshirilgan sanada toʻlanadigan summaning 50 foizi” soʻzlari “bazaviy hisoblash miqdorining 10 foizi” soʻzlari bilan almashtirilsin;
b) 2-ilovaning (Hayvonot dunyosi obyektlaridan foydalanish va hayvonot dunyosi obyektlaridan foydalanish sohasida ruxsat berish tartib-taomillaridan oʻtish tartibi toʻgʻrisidagi nizom) 60-bandidagi “tabiatdan foydalanuvchining ruxsatnomani berish toʻgʻrisidagi arizasi vakolatli organ tomonidan koʻrib chiqilganligi uchun, dublikatni berish haqidagi ariza topshirilgan sanada toʻlanadigan summaning 50 foizi” soʻzlari “bazaviy hisoblash miqdorining 10 foizi” soʻzlari bilan almashtirilsin;
v) 3-ilovaning (Oʻzbekiston Respublikasi hududida yoʻq boʻlib ketish xavfi ostidagi yovvoyi fauna va flora turlari bilan xalqaro savdo qilish (CITES) sohasida ruxsat berish tartib-taomillaridan oʻtish tartibi toʻgʻrisidagi nizom) 52-bandidagi “tabiatdan foydalanuvchining ruxsatnoma berish haqidagi arizasi vakolatli organ tomonidan koʻrib chiqilganligi uchun dublikat berish toʻgʻrisidagi ariza berilgan sanada toʻlanadigan summaning 50 foizi” soʻzlari “bazaviy hisoblash miqdorining 10 foizi” soʻzlari bilan almashtirilsin.
10. Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-son qarorining rus tilidagi matnida:
a) 1-ilovaning (Polojeniye o poryadke proxojdeniya razreshitelnix protsedur dlya polucheniya sertifikata na vvoz, vivoz narkoticheskix sredstv, psixotropnix veshestv i prekursorov) 29-bandidagi “v polovinnom razmere summi sbora, uplachivayemogo za rassmotreniye Komitetom po kontrolyu za narkotikami zayavleniya zayavitelya o vidache sertifikata” soʻzlari “v razmere 10 protsentov bazovoy raschetnoy velichini” soʻzlari bilan almashtirilsin;
b) 2-ilovaning (Polojeniye o poryadke proxojdeniya razreshitelnix protsedur dlya polucheniya razresheniya na tranzit narkoticheskix sredstv, psixotropnix veshestv i prekursorov cherez territoriyu Respubliki Uzbekistan) 24-bandidagi “v polovinnom razmere summi sbora, uplachivayemogo za rassmotreniye Komitetom po kontrolyu za narkotikami zayavleniya o vidache razresheniya na tranzit” soʻzlari “v razmere 10 protsentov bazovoy raschetnoy velichini” soʻzlari bilan almashtirilsin.
11. Vazirlar Mahkamasining 2017-yil 6-iyundagi 360-son qarori bilan tasdiqlangan Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasida ruxsat berish tartib-taomillaridan oʻtish tartibi toʻgʻrisidagi nizom rus tili matnining 28-bandining uchinchi xatboshisidagi “v polovinnom razmere summi sbora, uplachivayemogo za rassmotreniye zayavleniya zayavitelya o vidache dokumenta razreshitelnogo xaraktera na datu podachi zayavleniya o vidache dublikata” soʻzlari “v razmere 10 protsentov bazovoy raschetnoy velichini” soʻzlari bilan almashtirilsin.
Keyingi tahrirga qarang.
12. Vazirlar Mahkamasining “Oʻzbekiston Respublikasi hududini oʻsimliklar karantinidagi zararli organizmlardan himoya qilish va oʻsimliklar karantini sohasida ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida” 2018-yil 29-yanvardagi 65-son qarorida:
a) 2-ilovaning (Oʻsimliklar karantini nazoratidagi mahsulotlar uchun karantin ruxsatnomasini berish tartibi toʻgʻrisidagi nizom) 31-bandidagi “mazkur Nizomning 15-bandida nazarda tutilgan summaning yarim” soʻzlari “bazaviy hisoblash miqdorining 10 foizi” soʻzlari bilan almashtirilsin;
b) 3-ilovaning (Oʻsimliklar karantini nazoratidagi mahsulotlar uchun fitosanitariya sertifikatlarini berish tartibi toʻgʻrisidagi nizom) 30-bandidagi “mazkur Nizomning 15-bandida nazarda tutilgan summaning yarim” soʻzlari “bazaviy hisoblash miqdorining 10 foizi” soʻzlari bilan almashtirilsin.
13. Vazirlar Mahkamasining 2018-yil 23-martdagi 213-son qarori bilan tasdiqlangan Dori vositalari, tibbiy buyumlar va tibbiy texnikani davlat roʻyxatidan oʻtkazish hamda roʻyxatdan oʻtkazilganlik guvohnomasi berish tartibi toʻgʻrisidagi nizomning 37-bandi uchinchi xatboshisidagi “ariza beruvchining guvohnomani berish toʻgʻrisidagi arizasi koʻrib chiqilganligi uchun dublikat berish toʻgʻrisidagi ariza berilgan sanada toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
14. Vazirlar Mahkamasining 2018-yil 26-martdagi 237-son qarori bilan tasdiqlangan Qurol-yarogʻ va uning oʻq-dorilarini, himoyalanish vositalarini, harbiy texnikani, ularning ehtiyot qismlari, butlovchi qismlari va priborlarini agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani yaratish, ishlab chiqarish, taʼmirlash va realizatsiya qilish sohasidagi faoliyat turlarini hamda boʻshayotgan harbiy-texnika vositalarini tugatish (yoʻq qilib tashlash, utilizatsiya qilish, koʻmib tashlash) va qayta ishlash faoliyatini litsenziyalash toʻgʻrisidagi nizomning 34-bandidagi “litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
15. Vazirlar Mahkamasining 2018-yil 31-maydagi 409-son qarori bilan tasdiqlangan Oʻzbekiston Respublikasida diniy tashkilotlarni davlat roʻyxatidan oʻtkazish, qayta roʻyxatdan oʻtkazish va tugatish tartibi toʻgʻrisidagi nizomning 8-bandi ikkinchi xatboshisidagi “bir baravari” soʻzlari “10 foizi” soʻzlari bilan almashtirilsin.
Keyingi tahrirga qarang.
16. Vazirlar Mahkamasining “Sanoat va radiatsiya xavfsizligi sohasidagi ayrim faoliyat turlarini litsenziyalashni va ruxsat berish tartib-taomillarini yanada takomillashtirish chora-tadbirlari toʻgʻrisida” 2018-yil 2-oktabrdagi 782-son qarorida:
a) 1-ilovaning (Portlovchi va zaharli moddalarni, ularni qoʻllagan holda materiallar va mahsulotlarni, shuningdek, portlatish vositalarini yaratish, ishlab chiqarish, tashish, saqlash va realizatsiya qilish faoliyatini litsenziyalash tartibi toʻgʻrisidagi nizom) 27-bandi ikkinchi xatboshisidagi “litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin;
Keyingi tahrirga qarang.
b) 2-ilovaning (Ionlashtiruvchi nurlanish manbalari muomalada boʻladigan sohalardagi faoliyatni litsenziyalash tartibi toʻgʻrisidagi nizom) 25-bandi ikkinchi xatboshisidagi “litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin;
v) 3-ilovaning (Qimmatbaho va nodir metallar, qimmatbaho toshlarni qazib olish faoliyatini litsenziyalash toʻgʻrisidagi nizom) 26-bandida “litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
17. Vazirlar Mahkamasining 2018-yil 2-oktabrdagi 784-son qarori bilan tasdiqlangan Sanoat xavfsizligini ekspertizadan oʻtkazish va ekspertiza xulosasini berish tartibi toʻgʻrisidagi nizomning 52-bandi quyidagi tahrirda bayon qilinsin:
“52. Ekspertiza xulosasining dublikatini berganlik uchun bazaviy hisoblash miqdorining 10 foizidan ortiq boʻlmagan miqdorda toʻlov undiriladi”.
18. Vazirlar Mahkamasining 2019-yil 13-dekabrdagi 994-son qarori bilan tasdiqlangan Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 6-ilovaning matni quyidagi tahrirda bayon qilinsin:
“Vakolatli organ tomonidan tovarlarning kelib chiqishini aniqlash boʻyicha ekspertiza oʻtkazish xizmati boʻyicha narxlari
|
Xizmat nomi |
birlik |
Ariza beruvchi murojaat qilgan kundagi BHM(QQSni hisobga olmaganda) |
|
TIF TN kodi boʻyicha 84 — 89 guruhiga mansub boʻlmagan tovarlarning kelib chiqish mamlakatini aniqlash va sertifikat rasmiylashtirish |
1 sertifikat |
0,8 |
|
TIF TN kodi boʻyicha 84 — 89 guruhiga mansub tovarlarning kelib chiqish mamlakatini aniqlash va sertifikat rasmiylashtirish |
1 sertifikat |
1,3 |
|
Sertifikat rasmiylashtirmasdan ekspertiza dalolatnomasi/ekspert xulosasi tuzish va rasmiylashtirish |
1 ekspertiza dalolatnomasi/ ekspert xulosasi |
0,5 |
|
Ekspertiza dalolatnomasi yoki eksport qiluvchining ariza-deklaratsiyasi asosida sertifikat rasmiylashtirish, avval berilgan sertifikatni qayta rasmiylashtirish, reeksport qilinayotgan tovarga sertifikat/ekspert xulosasi rasmiylashtirish |
1 sertifikat |
0,5 |
|
Avval berilgan sertifikatga dublikat rasmiylashtirish, sertifikatning qoʻshimcha varagʻi, alohida transportda tashilayotgan tovar birliklariga berilgan sertifikat |
1 sertifikat |
0,1 |
|
Eksport qilinayotgan tovarning shartnomada koʻrsatilgan barcha miqdori boʻyicha kelib chiqishi mamlakatini aniqlash va sertifikat rasmiylashtirish |
1 sertifikat |
1,9 |
|
Bankka taqdim qilish uchun sertifikatning asl nusxasi |
1 sertifikat |
0,2 |
|
Avval berilgan sertifikatni qayta rasmiylashtirayotganda uning qoʻshimcha varagʻini rasmiylashtirish |
1 sertifikat | |
|
Avval berilgan sertifikatni qayta rasmiylashtirayotganda alohida transportda tashilayotgan tovar birliklariga sertifikat rasmiylashtirish |
1 sertifikat | |
|
Sertifikatning qoʻshimcha varagʻiga dublikat rasmiylashtirish |
1 sertifikat |
0,1 |
19. Vazirlar Mahkamasining 2018-yil 9-yanvardagi 17-son qarori bilan tasdiqlangan Ozonni buzuvchi moddalarni va tarkibida ular mavjud boʻlgan mahsulotlarni Oʻzbekiston Respublikasiga import qilishga va Oʻzbekiston Respublikasidan eksport qilishga ruxsat berish tartib-tamoyillaridan oʻtish tartibi toʻgʻrisida nizomning 37-bandi uchinchi xatboshisidagi “Davlat ekologiya qoʻmitasi yoki uning hududiy boʻlinmasi arizachining dublikatni berish haqidagi ariza berilgan sanaga ruxsatnoma berish toʻgʻrisidagi arizasini koʻrib chiqish uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
20. Vazirlar Mahkamasining 2019-yil 17-apreldagi 325-son qarori bilan tasdiqlangan Qishloq xoʻjaligi, melioratsiya va yoʻl-qurilish texnikalariga davlat raqami belgilarini va qatʼiy hisobdagi blankalarni berishda, roʻyxatdan oʻtkazishda (qayta roʻyxatdan oʻtkazishda), texnik koʻrikdan oʻtkazishda, shuningdek, traktorchi-mashinist imtihonlarini olishda undiriladigan toʻlov stavkalarida:
a) “III. Qishloq xoʻjaligi, melioratsiya va yoʻl-qurilish texnikalarining roʻyxatdan oʻtkazilganligi haqida plastik shakldagi texnik pasport va vaqtinchalik guvohnoma berish uchun” boʻlimining izohlarida:
uchinchi — oltinchi xatboshilar quyidagi mazmundagi uchinchi va toʻrtinchi xatboshilar bilan almashtirilsin:
“yaroqsiz holga kelgan, shikastlangan, oʻgʻirlangan, yoʻqolgan texnik pasport, shuningdek yoʻqolgan vaqtinchalik guvohnoma oʻrniga dublikat berish uchun bazaviy hisoblash miqdorining 10 foizi miqdorida yigʻim undiriladi;
plastik shakldagi texnik pasport joriy etilgunga qadar texnik pasport uchun bazaviy hisoblash miqdorining 20 foizi, yoʻqotilganining oʻrniga dublikat berish yoki yaroqsizini almashtirish uchun 10 foizi miqdorida yigʻim undiriladi”;
b) “IV. Texnik pasport berilmaydigan qishloq xoʻjaligi, melioratsiya va yoʻl-qurilish mashinalari, agregatlari va asbob-uskunalariga texnik guvohnoma berish uchun” boʻlimining izohlarida:
uchinchi — oltinchi xatboshilar chiqarib tashlansin;
quyidagi mazmundagi uchinchi va toʻrtinchi xatboshilar qoʻshilsin:
“yaroqsiz holga kelgan, shikastlangan, oʻgʻirlangan, yoʻqolgan texnik pasport, shuningdek yoʻqolgan vaqtinchalik guvohnoma oʻrniga dublikat berish uchun bazaviy hisoblash miqdorining 10 foizi miqdorida yigʻim undiriladi;
plastik shakldagi texnik pasport joriy etilgunga qadar texnik pasport uchun bazaviy hisoblash miqdorining 15 foizi, yoʻqotilganining oʻrniga dublikat berish yoki yaroqsizini almashtirish uchun 10 foizi miqdorida yigʻim undiriladi”;
v) “VI. Traktorchi-mashinistdan imtihonlarni olish va ularga guvohnoma berish uchun” boʻlimining izohlarida:
ikkinchi xatboshidagi “70 foizi” soʻzlari “10 foizi” soʻzlari bilan almashtirilsin;
toʻrtinchi xatboshidagi “1 barobari” soʻzlari “10 foizi” soʻzlari bilan almashtirilsin;
yettinchi xatboshidagi “yoʻqolganining oʻrniga dublikat berish uchun — 50 foizi, yaroqsizini almashtirish uchun — 30 foizi” soʻzlari “yoʻqolganining oʻrniga dublikat berish yoki yaroqsizini almashtirish uchun 10 foizi” soʻzlari bilan almashtirilsin.
Keyingi tahrirga qarang.
21. Vazirlar Mahkamasining 2020-yil 11-martdagi 138-son qarori bilan tasdiqlangan Fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish boʻyicha faoliyatni litsenziyalash tartibi toʻgʻrisidagi nizomning 34-bandidagi “litsenziya berish toʻgʻrisidagi ariza koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
22. Vazirlar Mahkamasining 2020-yil 4-iyuldagi 421-son qarori bilan tasdiqlangan Kema haydovchilarini tayyorlash, qayta tayyorlash va ularning malakasini oshirish hamda kema haydovchisi guvohnomalarini berish tartibi toʻgʻrisidagi nizomning 59-bandidagi “qonunchilikda belgilangan bazaviy hisoblash miqdorining 0,5 baravari” soʻzlari “bazaviy hisoblash miqdorining 10 foizi” soʻzlari bilan almashtirilsin.
23. Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qarorida:
a) 5-ilovaning (Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizom) 14-pozitsiyasi “toʻlov miqdori (BHMda)” ustunidagi “0,5” raqami “0,1” raqami bilan almashtirilsin.
b) 9-ilovaning (Gid (gid-tarjimon), ekskursiya yetakchisi va yoʻriqchi-yoʻl boshlovchilarga malaka sertifikatini berish tartibi toʻgʻrisidagi nizom) 66-bandi “BHMning 25 foizi” soʻzlari “bazaviy hisoblash miqdorining 10 foizi” soʻzlari bilan almashtirilsin.
Keyingi tahrirga qarang.
24. Vazirlar Mahkamasining 2020-yil 28-oktabrdagi 663-son qarori bilan tasdiqlangan Atom energiyasidan foydalanish sohasidagi faoliyatni litsenziyalash tartibi toʻgʻrisidagi nizomning 35-bandi ikkinchi xatboshisidagi “litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi” soʻzlari “bazaviy hisoblash miqdorining 10 foizi” soʻzlari bilan almashtirilsin.
25. Vazirlar Mahkamasining 2020-yil 17-dekabrdagi 797-son qarori bilan tasdiqlangan Aktuariy malaka sertifikatini berish tartibi toʻgʻrisidagi nizomning 38-bandi toʻrtinchi xatboshisidagi “0,5 baravari” soʻzlari “10 foizi” soʻzlari bilan almashtirilsin.
Keyingi tahrirga qarang.
26. Vazirlar Mahkamasining “Qurol muomalasi sohasida ruxsat berish tartib-taomillarini takomillashtirishga doir qoʻshimcha chora-tadbirlar toʻgʻrisida” 2020-yil 26-dekabrdagi 810-son qarorida:
a) 1-ilovada (Yuridik shaxslarning qurol va uning oʻq-dorilari muomalasi sohasida ruxsat berish tartib-taomillaridan oʻtish tartibi toʻgʻrisidagi nizom):
31-band quyidagi tahrirda bayon qilinsin:
“31. Ruxsatnoma qayta rasmiylashtirilganligi uchun ruxsatnoma berish toʻgʻrisidagi ariza koʻrib chiqilganligi uchun toʻlanadigan summaning yarmi miqdorida yigʻim undiriladi. Ruxsatnomaning dublikati berilganligi uchun bazaviy hisoblash miqdorining 10 foizi miqdorida yigʻim undiriladi. Yigʻim summasi vakolatli organ maxsus hisobvaragʻiga oʻtkaziladi”;
Nizomga 11-ilova izoh qismining ikkinchi xatboshisi quyidagi tahrirda bayon qilinsin:
“**Ruxsatnoma qayta rasmiylashtirilganligi uchun ruxsatnoma berish toʻgʻrisidagi ariza koʻrib chiqilganda toʻlanadigan summaning yarmi miqdorida yigʻim undiriladi. Ruxsatnomaning dublikati berilganligi uchun bazaviy hisoblash miqdorining 10 foizi miqdorida yigʻim undiriladi”.
b) 2-ilovada (Oʻzbekiston Respublikasi fuqarolari, fuqaroligi boʻlmagan shaxslar va chet el fuqarolarining qurol va uning oʻq-dorilari muomalasi sohasida ruxsat berish tartib-taomillaridan oʻtish tartibi toʻgʻrisidagi nizom):
30-band quyidagi tahrirda bayon qilinsin:
“30. Ruxsatnoma qayta rasmiylashtirilganligi uchun ruxsatnoma berish toʻgʻrisidagi ariza koʻrib chiqilganligi uchun toʻlanadigan summaning yarmi miqdorida yigʻim undiriladi. Ruxsatnomaning dublikati berilganligi uchun bazaviy hisoblash miqdorining 10 foizi miqdorida yigʻim undiriladi. Yigʻim summasi vakolatli organ maxsus hisobvaragʻiga oʻtkaziladi”;
Nizomga 12-ilova izoh qismining ikkinchi xatboshisi quyidagi tahrirda bayon qilinsin:
“**Ruxsatnoma qayta rasmiylashtirilganligi uchun ruxsatnoma berish toʻgʻrisidagi ariza koʻrib chiqilganda toʻlanadigan summaning yarmi miqdorida yigʻim undiriladi. Ruxsatnomaning dublikati berilganligi uchun bazaviy hisoblash miqdorining 10 foizi miqdorida yigʻim undiriladi”.
Keyingi tahrirga qarang.
(Qonunchilik maʼlumotlari milliy bazasi, 29.10.2021-y., 09/21/661/0999-son, 14.04.2022-y., 09/22/180/0307-son, 07.06.2022-y., 09/22/305/0475-son; 06.08.2022-y., 09/22/432/0717-son, 06.10.2022-y., 09/22/566/0897-son, 29.10.2022-y., 09/22/625/0973-son; 01.05.2023-y., 09/23/170/0233-son; 31.07.2023-y., 09/23/319/0543-son; 02.12.2023-y., 09/23/635/0917-son; 12.03.2024-y., 09/24/124/0203-son; 17.10.2024-y., 09/24/679/0824-son; 02.11.2024-y., 09/24/725/0879-son; 15.02.2025-y., 09/25/67/0145-son; 25.11.2025-y., 09/25/738/1087-son)
