|
Hujjat 06.06.1997 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
ISHLAB CHIQARISHDAGI BAXTSIZ HODISALARNI VA XODIMLAR SALOMATLIGINING BOSHQA XIL ZARARLANISHINI TEKSHIRISH VA HISOBGA OLISH TOʻGʻRISIDAGI NIZOMNI TASDIQLASH HAQIDA
Keyingi tahrirga qarang.
“Mehnatni muhofaza qilish toʻgʻrisida”gi Oʻzbekiston Respublikasi Qonunini, Oʻzbekiston Respublikasining Mehnat kodeksini bajarish va respublika hududida mulkchilikning barcha shakllaridagi korxonalar, muassasalar, tashkilotlarda, shuningdek, mehnat shartnomasi boʻyicha ishlayotgan ayrim fuqarolarda mehnat faoliyati bilan bogʻliq holda yuz bergan baxtsiz hodisalarni va xodimlar salomatligining boshqa xil zararlanishini tekshirish va hisobga olishning yagona tartibini belgilash maqsadida Vazirlar Mahkamasi qaror qiladi:
1. Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisidagi nizom tasdiqlansin.
Keyingi tahrirga qarang.
2. Vazirliklar, idoralar, korporatsiyalar, uyushmalar, konsernlar koʻrsatib oʻtilgan nizomni korxonalar va tashkilotlarga yetkazsinlar, uning oʻrganib chiqilishini va soʻzsiz bajarilishini taʼminlasinlar.
3. Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisidagi nizom 1997-yil 1-iyuldan boshlab amalga kiritilsin.
4. Oʻzbekiston Respublikasi Sogʻliqni saqlash vazirligi bir oy muddatda Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisidagi nizomning III boʻlimi 1-bandida nazarda tutilgan ishlab chiqarishdagi baxtsiz hodisalar natijasida shikastlanishlarning ogʻirlik darajasini belgilash sxemasini ishlab chiqsin.
5. VSSPS va SSSR Davsanoatatomnazoratning 1989-yil 17-avgustdagi 8 — 12-son qarori bilan tasdiqlangan Ishlab chiqarishdagi baxtsiz hodisalarni tekshirish va hisobga olish toʻgʻrisidagi nizom 1997-yil 1-iyuldan boshlab oʻz kuchini yoʻqotgan deb hisoblansin.
Oʻzbekiston Respublikasining Bosh vaziri Oʻ. SULTONOV
Toshkent sh.,
1997-yil 6-iyun,
286-son
Vazirlar Mahkamasining 1997-yil 6-iyundagi 286-son qarori bilan
TASDIQLANGAN
TASDIQLANGAN
I. UMUMIY QOIDALAR
Mazkur Nizom:
ishlab chiqarishda ishlayotgan davrida sud hukmi boʻyicha jazoni oʻtayotgan fuqarolarga;
ish beruvchilarga;
pudrat va topshiriqlarga koʻra fuqarolik-huquqiy kontraktlar boʻyicha ishlarni bajarayotgan shaxslarga;
tabiiy va texnogen tusdagi favqulodda vaziyatlarni bartaraf etishda qatnashayotgan fuqarolarga;
agar maxsus davlatlararo bitimda oʻzgacha hol koʻrsatilmagan boʻlsa, yollanib ishlayotgan chet el fuqarolariga;
qurilish, qishloq xoʻjaligi va harbiy xizmatni oʻtash bilan bogʻliq boʻlmagan oʻzga ishlarni bajarish uchun korxonaga yuborilgan harbiy xizmatchilarga, shu jumladan, muqobil xizmatni oʻtayotgan harbiy xizmatchilarga;
korxonada ishlab chiqarish amaliyotini oʻtayotgan talabalar va oʻquvchilarga ham tatbiq etiladi.
Izoh:
Oliy oʻquv yurtlari talabalari, kollejlar, oʻrta maxsus oʻquv yurtlari, litseylar, hunar-texnika bilim yurtlari va umumtaʼlim maktablari oʻquvchilari bilan oʻquv-tarbiya jarayonida yuz bergan baxtsiz hodisalar Mehnat vazirligi bilan kelishilgan holda Xalq taʼlimi vazirligi tomonidan belgilangan tartibda tekshiriladi va hisobga olinadi.
Keyingi tahrirga qarang.
2. Korxona hududida va uning tashqarisida mehnat vazifasini bajarayotganda (shuningdek, xizmat safarlarida) yuz bergan jarohatlanish, zaharlanish, kuyish, choʻkish, elektr toki va yashin urishi, oʻta issiq yoki oʻta sovuq harorat taʼsiri, portlash, falokat, imoratlar, inshootlar va konstruksiyalar buzilishi natijasida hamda sudralib yuruvchilar, hayvonlar va hasharotlar tomonidan shikastlanishlar, shuningdek, tabiiy ofatlar (yer qimirlashlar oʻpirilishlar, suv toshqini, toʻfon va boshqalar) natijasida salomatlikning boshqa xil zararlanishlari;
ish beruvchi topshiriq bermagan boʻlsa ham, lekin korxona manfaatlarini koʻzlab qandaydir ishni amalga oshirayotgandagi;
avtomobil, temir yoʻl, havo yoʻllari, dengiz va daryo transportida, elektr transportida yoʻl harakati hodisasi natijasidagi;
korxona transportida yoki shartnoma (buyurtma)ga muvofiq oʻzga tashkilot transportida ishga ketayotgan yoki ishdan qaytayotgandagi;
ish vaqtida shaxsiy transportda, uni xizmatga oid safarlarda ishlatish huquqi berilganlik haqida ish beruvchi farmoyishi bor boʻlgandagi;
mehnat faoliyati xizmat koʻrsatish obyektlari orasida yurish bilan bogʻliq ish vaqtida jamoat transportida yoki piyoda ketayotgandagi;
shanbalik (yakshanbalik) oʻtkazilayotganida, qayerda oʻtkazilishidan qatʼi nazar, korxonalarga otaliq yordami koʻrsatilayotgandagi;
ish vaqtida mehnat vazifasini bajarayotganda boshqa shaxs tomonidan tan jarohati yetkazilgandagi;
smenali dam olishda boʻlgan xodim bilan transport vositasi vaxtadagi shaharcha hududida yoki yollangan xona (hudud)dagi (kuzatib boruvchi, refrijerator brigadasi xodimi, smenali haydovchi, dengiz va daryo kemalari xodimlari, shuningdek, vaxta va ekspeditsiya usulida ishlayotganlar va boshqalar) baxtsiz hodisalar tekshiriladi va hisobga olinadi.
Keyingi tahrirga qarang.
3. Tabiiy oʻlim, oʻzini oʻzi oʻldirish, jabrlanuvchining oʻz salomatligiga qasddan shikast yetkazishi, shuningdek, jabrlanuvchining jinoyat sodir qilish chogʻida shikastlanishi holatlari (sud-tibbiy ekspertiza xulosasi yoki tergov organlarining maʼlumotlariga koʻra) tekshirilmaydi va hisobga olinmaydi.
4. Ishlab chiqarishdagi baxtsiz hodisa natijasida xodimning mehnat qobiliyati kamida bir kunga yoʻqotilsa yoki tibbiy xulosaga muvofiq yengilroq boshqa ishga oʻtishi zarur boʻlsa, N-1 shaklidagi dalolatnoma bilan rasmiylashtiriladi (1-ilova).
Ish beruvchi tekshirish tugaganidan soʻng 3 sutkadan kechiktirmay jabrlanuvchiga yoki uning manfaatlarini himoya qiluvchi shaxsga davlat tilida yoki boshqa maqbul tilda rasmiylashtirilgan baxtsiz hodisa toʻgʻrisidagi N-1 shaklidagi dalolatnomani berishi kerak.
5. Ish beruvchi ishlab chiqarishdagi baxtsiz hodisalarni toʻgʻri va oʻz vaqtida tekshirish hamda hisobga olish, N-1 shaklidagi dalolatnomani tuzish, baxtsiz hodisa sabablarini bartaraf etish chora-tadbirlarini ishlab chiqish va amalga oshirish uchun javobgardir.
6. Ishlab chiqarishdagi baxtsiz hodisalarni toʻgʻri va oʻz vaqtida tekshirish va hisobga olishni, shuningdek, baxtsiz hodisa kelib chiqishi sabablarini bartaraf etishga oid chora-tadbirlarning bajarilishini korxonaning yuqori turuvchi xoʻjalik organi, kasaba uyushmasi qoʻmitasi yoki xodimlarning boshqa vakillik organi, davlat mehnat texnika nazoratchisi, kasaba uyushmalarining mehnat texnik nazoratchisi (Oʻzbekiston Kasaba uyushmalari Federatsiyasi Kengashiga aʼzo tashkilotlarda), “Oʻzsanoatkontexnazorat” davlat qoʻmitasi organlari (nazorat ostidagi obyektlarda) nazorat qiladi.
Keyingi tahrirga qarang.
7. Ish beruvchi N-1 shaklidagi dalolatnomani tuzishdan bosh tortsa, jabrlanuvchi yoki uning manfaatlarini himoya qiluvchi shaxs N-1 shaklidagi dalolatnoma mazmunidan norozi boʻlsa, jabrlanuvchi yoki uning manfaatlarini himoya qiluvchi shaxs korxona kasaba uyushmasi qoʻmitasiga yoki korxona xodimlarining boshqa vakillik organiga murojaat qiladi.
Kasaba uyushmasi qoʻmitasi yoki korxona xodimlarining boshqa vakillik organi 10 kun muddat ichida baxtsiz hodisaning kelib chiqishi sabablarini oʻrganib chiqadi, mehnatni muhofaza qilish qoidalari va meʼyorlari, mehnat xavfsizligi andozalari buzilishini aniqlaydi, zarur deb hisoblasa, ish beruvchidan N-1 shaklidagi dalolatnomani tuzishni yoki qayta tuzishni talab qiladi. Ish beruvchi bu talablarni bajarmasa, korxona kasaba uyushmasi qoʻmitasi yoki boshqa vakillik organi davlat mehnat texnika nazoratchisiga murojaat qiladi.
Keyingi tahrirga qarang.
8. N-1 shaklidagi dalolatnoma tuzilmaganligi yoki notoʻgʻri tuzilganligi aniqlangan hollarda davlat mehnat texnika nazoratchisi ish beruvchidan N-1 shaklidagi dalolatnomani tuzishni yoki boshqatdan tuzishni talab qilish huquqiga egadir. Ish beruvchi davlat mehnat texnika nazoratchisi xulosasini bajarishga majburdir.
Keyingi tahrirga qarang.
9. Ish beruvchi bilan davlat mehnat texnika nazoratchisi oʻrtasidagi anglashilmovchilikni bosh davlat mehnat texnika nazoratchisi hal qiladi.
Keyingi tahrirga qarang.
II. ISHLAB CHIQARISHDAGI BAXTSIZ HODISANI VA XODIMLAR SALOMATLIGINING BOSHQA XIL ZARARLANISHLARINI TEKSHIRISH VA HISOBGA OLISH TARTIBI
1. Ishlab chiqarishdagi har bir baxtsiz hodisa haqida jabrlanuvchi yoki guvoh darhol boʻlinma (sex) rahbariga xabar berishi kerak, u esa:
jabrlanuvchiga zudlik bilan birinchi yordam koʻrsatishi va uni tibbiy-sanitariya qismiga yoki boshqa davolash muassasasiga yetkazishni tashkil etishi;
tekshirish komissiyasi ish boshlanishiga qadar ish joyidagi vaziyatni va jihozlar holatini hodisa yuz bergan daqiqada qanday boʻlsa, shundayligicha (agar bu atrofdagi xodimlar hayoti, salomatligiga tahlika solmayotgan boʻlsa va halokatga olib kelmasa) saqlab qolishi;
baxtsiz hodisa yuz bergan joydagi korxona (sex) rahbari darhol hodisa toʻgʻrisida ish beruvchiga va kasaba uyushmasiga yoki korxona xodimlarining boshqa vakillik organiga xabar qilishi shart.
Keyingi tahrirga qarang.
2. Korxona tibbiy-sanitariya qismi (shifoxona, poliklinika) bir sutka ichida yordam soʻrab murojaat qilgan xodimlar, shu jumladan, xizmat safaridagi va korxona ishlab chiqarish obyektlarida ish bajarayotgan xorijiy tashkilot xodimlari bilan yuz bergan har bir baxtsiz hodisa haqida ish beruvchiga va kasaba uyushmasiga yoki xodimlarning boshqa vakillik organiga xabar beradi.
3. Ish beruvchining buyrugʻiga koʻra ish beruvchi va kasaba uyushmasi qoʻmitasi vakillari yoki xodimlarning boshqa vakillik organi tarkibida komissiya tuziladi.
Ishlab chiqarishdagi mehnat xavfsizligiga bevosita javob beruvchi rahbar baxtsiz hodisani tekshirishda ishtirok etmaydi.
Komissiya:
uch sutka ichida baxtsiz hodisani tekshirib chiqishi, guvohlar va mehnat muhofazasi qoidalari, mehnat xavfsizligi andozalarini buzishga yoʻl qoʻygan shaxslarni aniqlab soʻroq qilishi, imkoni boʻlsa, jabrlanuvchidan tushuntirish xati olishi;
Keyingi tahrirga qarang.
baxtsiz hodisa sabablarini yoʻqotish chora-tadbirlari koʻrsatilgan N-1 shaklidagi dalolatnomani uch nusxada tuzishi va imzo chekib, ularni tasdiqlash uchun ish beruvchiga berishi kerak.
jabrlanuvchiga yoki uning manfaatlarini himoya qiluvchi shaxsga, tekshirish materiallari bilan birga korxona mehnatni muhofaza qilish xizmati rahbari (muhandisi, mutaxassisi)ga, davlat mehnat texnika nazoratchisiga yuboradi.
N-1 shaklidagi dalolatnoma bilan rasmiylashtirilgan baxtsiz hodisalar korxona tomonidan hisobga olinadi va daftarda qayd qilinadi (2-ilova).
Ish beruvchi N-1 shaklidagi dalolatnoma nusxalarini, kasaba uyushmasi qoʻmitasiga yoki korxona xodimlarining boshqa vakillik organlariga, “Oʻzsanoatkontexnazorat” davlat qoʻmitasi organi vakiliga, agar baxtsiz hodisa nazorati ostidagi korxonalar (obyektlar)da yuz bergan boʻlsa, yuqori turuvchi xoʻjalik organiga, tegishli vazirlik (korporatsiya, uyushma, konsern)ga ham ularning talablariga muvofiq yuborishi shart.
Keyingi tahrirga qarang.
Mazkur boʻlimning 7, 10, 11, 12 va 13-bandlarida koʻrsatilgan hollarda N-1 shaklidagi dalolatnoma toʻrt nusxada tuziladi va tasdiqlanadi. Mehnatni muhofaza qilish xizmati rahbari (muhandisi, mutaxassisi)ga tekshirish materiallari bilan yuborilgan N-1 shaklidagi dalolatnoma 45 yil davomida saqlanishi lozim. Boshqa joylarga yuborilgan N-1 shaklidagi dalolatnomalar va uning nusxalari ehtiyoj yoʻqolguncha saqlanadi.
Keyingi tahrirga qarang.
5. Agar korxona qayta tashkil etilsa N-1 shaklidagi dalolatnoma huquqiy vorisga korxonaning boshqa qimmatli qogʻozlarini topshirish tartibida beriladi. Agar korxona tugatilsa N-1 shaklidagi dalolatnoma korxonaning yuqori turuvchi xoʻjalik organiga beriladi. Agar korxonada yuqori turuvchi xoʻjalik organi boʻlmasa, unda N-1 shaklidagi dalolatnoma, viloyat (Qoraqalpogʻiston Respublikasi, Toshkent shahar) pensiya jamgʻarmasi boʻlimiga beriladi.
Keyingi tahrirga qarang.
6. Jabrlanuvchi yoki guvohlar ish vaqti davomida ish beruvchiga xabar bermaganligi yoki ish qobiliyati darhol yoʻqolmaganligi toʻgʻrisidagi baxtsiz hodisalar jabrlanuvchining yoki uning manfaatlarini himoya qiluvchi shaxsning arizasiga, shuningdek, (bosh) davlat mehnat texnika nazoratchisining talabiga binoan ariza berilgan yoki koʻrsatma olingan kundan boshlab bir oy muddat ichida tekshiriladi. N-1 shaklidagi dalolatnomani tuzish masalasi baxtsiz hodisa toʻgʻrisidagi ariza har tomonlama, barcha shart-sharoitlar, guvohlarning koʻrsatmalari va boshqa dalillar hisobga olingan holda tekshirilganidan soʻng hal etiladi.
Keyingi tahrirga qarang.
7. Boshqa tashkilot tomonidan oʻsha tashkilot topshirigʻini bajarish uchun yoki xizmat vazifasini ado etish uchun mazkur korxonaga joʻnatilgan xodim bilan yuz bergan baxtsiz hodisa shu baxtsiz hodisa yuz bergan korxona ish beruvchisi tomonidan tuzilgan komissiya tomonidan jabrlanuvchi ishlaydigan tashkilot vakili ishtirokida tekshiriladi.
N-1 shaklidagi dalolatnomaning 3-bandida xodimni yoʻllagan tashkilot nomi koʻrsatiladi. Baxtsiz hodisa jabrlanuvchi qaysi tashkilot xodimi boʻlsa oʻsha tashkilot tomonidan hisobga olinadi.
Izoh:
“Oʻzsanoatkontexnazorat” davlat qoʻmitasi organi tizimidagi boshqa korxona xodimi bilan yuz bergan baxtsiz hodisa, baxtsiz hodisa yuz bergan korxona (obyekt) qaysi organ nazorati ostida boʻlsa, shu organ tomonidan hisobga olinadi.
Keyingi tahrirga qarang.
Baxtsiz hodisa yuz bergan korxona N-1 shaklidagi dalolatnomaning bir nusxasini baxtsiz hodisa sabablarini bartaraf etish uchun oʻzida olib qoladi, qolgan 3 ta tasdiqlangan nusxasini jabrlanuvchi xodimi boʻlgan tashkilotga, hisobga olish, saqlash va 4-bandda koʻrsatib oʻtilgan manzillarga joʻnatish uchun yuboradi.
8. Ish beruvchi tomonidan vaqtincha boshqa tashkilotga ishga oʻtkazilgan yoki oʻrindoshlik boʻyicha ishlayotgan xodim bilan baxtsiz hodisa yuz bersa, u shu tashkilot tomonidan tekshiriladi va hisobga olinadi.
Keyingi tahrirga qarang.
9. Boshqa korxonaning ajratilgan uchastkasida ish olib borayotgan korxona xodimi bilan baxtsiz hodisa yuz bersa, u ish olib borayotgan korxona tomonidan tekshiriladi va hisobga olinadi.
10. Harbiy qism bilan korxona oʻrtasidagi shartnoma, bitim boʻyicha xalq xoʻjaligi obyektlariga ishga jalb qilingan va uning maʼmuriy-texnik xodimi boshchiligida ish olib borayotgan harbiy qurilish otryadi (qismi) shaxsiy sostavi bilan yuz bergan baxtsiz hodisa ish beruvchi tomonidan harbiy qurilish otryadi (qismi) qoʻmondonligi ishtirokida tekshiriladi. Baxtsiz hodisa korxona tomonidan hisobga olinadi.
Harbiylashtirilgan kon va gaz qutqaruvchilari qismlari shaxsiy sostavi bilan yuz bergan baxtsiz hodisa ish beruvchi tomonidan “Oʻzsanoatkontexnazorat” davlat qoʻmitasi organi vakili ishtirokida tekshiriladi.
Keyingi tahrirga qarang.
ATMM, DMP va TMPlarda xoʻjalik ishlarini bajarayotgan shaxs bilan, shuningdek, oʻzining ishlab chiqarishida baxtsiz hodisa yuz bersa, u Ichki ishlar vazirligi va Sogʻliqni saqlash vazirligi belgilagan tartibda tekshiriladi va hisobga olinadi.
12. Avtokorxona yoki boshqa korxona tomonidan tuzilgan yigʻma avtokolonna tarkibida qishloq xoʻjaligi ishlariga yuborilgan avtomobil haydovchisi bilan yuz bergan baxtsiz hodisa shu korxona tomonidan tekshiriladi va hisobga olinadi. Tekshirishda xodimni yuborgan korxona vakili qatnashadi.
13. Korxona xodimi rahbarligida ishlab chiqarish amaliyoti oʻtayotgan yoki ish bajarayotgan umumtaʼlim maktabi, hunar-texnika bilim yurti, oʻrta maxsus oʻquv yurti oʻquvchilari, oliy oʻquv yurti talabalari bilan yuz bergan baxtsiz hodisa korxona tomonidan oʻquv yurti vakili bilan birgalikda tekshiriladi va korxona tomonidan hisobga olinadi.
Korxona tomonidan ishlab chiqarish amaliyoti uchun ajratilgan uchastkada oʻqituvchilari rahbarligida ishlab chiqarish amaliyoti oʻtayotgan yoki ish bajarayotgan umumtaʼlim maktabi; hunar-texnika bilim yurti, oʻrta maxsus oʻquv yurti oʻquvchilari, oliy oʻquv yurti talabalari bilan yuz bergan baxtsiz hodisalar oʻquv yurtlari tomonidan korxona vakili bilan birgalikda tekshiriladi va oʻquv yurti tomonidan hisobga olinadi.
Keyingi tahrirga qarang.
14. Mazkur boʻlimning 10, 11, 12 va 13-bandlarida koʻrsatilgan hollarda, tasdiqlangan N-1 shaklidagi dalolatnomaning bir nusxasi jabrlanuvchining doimiy ish, xizmat yoki oʻqish joyiga yuboriladi.
III. BAXTSIZ HODISALARNI MAXSUS TEKSHIRISH
bir vaqtning oʻzida ikki va undan ziyod xodimlar bilan yuz bergan guruhiy baxtsiz hodisalar;
Keyingi tahrirga qarang.
oʻlim bilan tugagan baxtsiz hodisalar;
oqibati ogʻir baxtsiz hodisalar.
Izoh: Shikastlanganlikning ogʻirligi darajasi toʻgʻrisidagi tibbiy xulosani davolash muassasasi beradi.
Keyingi tahrirga qarang.
Keyingi tahrirga qarang.
davlat mehnat texnika nazoratchisiga;
yuqori turuvchi xoʻjalik organiga;
Qoraqalpogʻiston Respublikasi Mehnat vazirligiga, viloyat (Toshkent shahar) mehnat boshqarmasiga;
Keyingi tahrirga qarang.
baxtsiz hodisa yuz bergan joydagi prokuraturaga;
Keyingi tahrirga qarang.
baxtsiz hodisaga uchragan xodimni yuborgan tashkilotga;
Oʻzbekiston Respublikasi Mehnat vazirligiga;
Keyingi tahrirga qarang.
“Oʻzsanoatkontexnazorat” davlat qoʻmitasining mahalliy organiga, agar baxtsiz hodisa nazorati ostidagi korxona (obyekt)da yuz bergan boʻlsa;
Keyingi tahrirga qarang.
viloyat (Qoraqalpogʻiston Respublikasi, Toshkent shahar) kasaba uyushmalari kengashiga, agar baxtsiz hodisa Oʻzbekiston Kasaba uyushmalari Federatsiyasi Kengashiga aʼzo tashkilotda yuz bergan boʻlsa.
Keyingi tahrirga qarang.
Keyingi tahrirga qarang.
3. Guruhiy, oʻlim bilan tugagan va oqibati ogʻir baxtsiz hodisani viloyat (Qoraqalpogʻiston Respublikasi, Toshkent shahar) mehnat boshqarmasi buyrugʻiga asosan quyidagi tarkibdagi komissiya maxsus tekshiradi:
rais — Qoraqalpogʻiston Respublikasi, viloyat (Toshkent shahar) (bosh) davlat mehnat texnika nazoratchisi yoki “Oʻzsanoatkontexnazorat” davlat qoʻmitasi nazorati ostidagi korxona (obyekt) vakili;
Keyingi tahrirga qarang.
aʼzolar — yuqori turuvchi xoʻjalik organi vakili, ish beruvchi, II boʻlimning 7, 10, 11, 12 va 13-kichik bandlarida koʻzda tutilgan hollarda jabrlanuvchining asosiy ish joyi kasaba uyushmasi qoʻmitasi yoki korxona xodimlarining boshqa vakillik organi raisi va Oʻzbekiston Kasaba uyushmalari Federatsiyasi Kengashiga aʼzo tashkilotda yuz bergan hollarda, kasaba uyushmalarining mehnat (bosh) texnik nazoratchisi.
“Oʻzsanoatkontexnazorat” davlat qoʻmitasi organi nazorati ostidagi korxona (obyekt)larda yuz bergan guruhiy, oʻlim bilan tugagan va oqibati ogʻir baxtsiz hodisani tegishli Davlat mehnat texnika nazorati bilan kelishilgan holda “Oʻzsanoatkontexnazorat” davlat qoʻmitasining respublika yoki mahalliy organlari buyrugʻi asosida tuzilgan komissiya, yuqori turuvchi xoʻjalik organi vakili ishtirokida tekshiradi. Komissiya raisi qilib shu organ vakili tayinlanadi. Komissiya tarkibiga (bosh) davlat mehnat texnika nazoratchisi kiradi.
Keyingi tahrirga qarang.
Guruhiy, oʻlim bilan tugagan va oqibati ogʻir baxtsiz hodisalar yuz berganida N-1 shaklidagi dalolatnoma komissiya tomonidan maxsus tekshirish dalolatnomasi tuzilgandan soʻng bir sutka ichida komissiya xulosalariga muvofiq rasmiylashtiriladi.
Ikki — toʻrt kishining oʻlimi bilan tugagan baxtsiz hodisalarni maxsus tekshirish Oʻzbekiston Respublikasi Mehnat vazirligi buyrugʻiga asosan quyidagi tarkibdagi komissiya tomonidan olib boriladi:
rais — Oʻzbekiston Respublikasi (bosh) davlat mehnat texnika nazoratchisi;
aʼzolar — yuqori turuvchi xoʻjalik organi rahbarlaridan biri, ish beruvchi, kasaba uyushmasi qoʻmitasi yoki korxona xodimlarining boshqa vakillik organi raisi.
“Oʻzsanoatkontexnazorat” davlat qoʻmitasi organi nazorati ostida boʻlgan korxona (obyekt)dagi shunga oʻxshash baxtsiz hodisa Oʻzbekiston Respublikasi Mehnat vazirligining Davlat mehnat texnika nazorati bilan kelishilgan holda “Oʻzsanoatkontexnazorat” davlat qoʻmitasi organi buyrugʻi asosida tuzilgan komissiya tomonidan yuqori turuvchi xoʻjalik organi rahbari ishtirokida tekshiriladi. Komissiya raisi qilib, “Oʻzsanoatkontexnazorat” davlat qoʻmitasi organi rahbarlaridan biri tayinlanadi. Oʻzbekiston Respublikasi (bosh) davlat mehnat texnika nazoratchisi komissiya tarkibiga kiradi.
Keyingi tahrirga qarang.
Agar baxtsiz hodisa Oʻzbekiston Kasaba uyushmalari Federatsiya Kengashiga aʼzo tashkilotda yuz bersa, u holda kasaba uyushmalarining bosh mehnat texnik nazoratchisi komissiya tarkibiga kiritiladi.
Besh va undan ziyod kishi oʻlgan baxtsiz hodisalar Oʻzbekiston Respublikasi Vazirlar Mahkamasining qarori asosida tuzilgan komissiya tomonidan tekshiriladi.
Keyingi tahrirga qarang.
4. Maxsus tekshirish komissiyasi 15 kun mobaynida baxtsiz hodisani tekshirib chiqadi, korxona (boʻlinma, sex)dagi mehnatni muhofaza qilish ahvolini, agar zarur boʻlsa, tarmoqning boshqa korxonalarida ham tekshirishni tashkil etadi, maxsus tekshirish dalolatnomasini tuzadi (4-ilova) hamda III boʻlimning 7-bandida koʻzda tutilgan boshqa hujjatlarni rasmiylashtiradi.
Komissiya aʼzolari jabrlanuvchilar yoki ularning oila aʼzolari bilan uchrashuvlar tashkil etadilar, zarur boʻlsa tegishli organlarga takliflar kiritadilar yoki ijtimoiy tusdagi yordam masalalarini joyida hal qiladilar, jabrlanuvchiga yoki oʻlganning oila aʼzolariga ularning huquqlarini tushuntiradilar.
Kasaba uyushmalarining (bosh) mehnat texnik nazoratchisi bu masala boʻyicha oʻzining alohida fikrini bildirishi mumkin.
Keyingi tahrirga qarang.
Keyingi tahrirga qarang.
6. Maxsus tekshirish komissiyasi talabiga koʻra ish beruvchi:
baxtsiz hodisani tekshirishda ishtirok etish uchun oʻzlarining oralaridan ekspert guruhi tuzish mumkin boʻlgan ekspert-mutaxassislarni taklif qilishi;
texnik hisoblashlar, laboratoriya tadqiqotlari, sinovdan oʻtkazish va boshqa ishlarni amalga oshirishi;
baxtsiz hodisa yuz bergan joyni suratga olishi va boshqa zarur hujjatlarni taqdim etishi;
tekshirish uchun zarur boʻlgan transport va aloqa vositalari, maxsus kiyim-bosh, maxsus poyabzal va boshqa shaxsiy himoya vositalari bilan taʼminlashi;
komissiya aʼzolari ishlashi uchun ularga jihozlangan alohida xona ajratib berishi;
baxtsiz hodisani maxsus tekshirish materiallarini mashinkada yozishni va yetarli miqdorda koʻpaytirishni taʼminlashi shartdir.
Texnik hisoblashlar, laboratoriya tadqiqotlari sinovdan oʻtkazish va taklif qilingan mutaxassislar amalga oshirayotgan boshqa ishlar, shuningdek, transport va aloqa vositalari xarajatlarini baxtsiz hodisa yuz bergan korxona toʻlaydi.
Komissiya aʼzolari tekshirish davomida ish beruvchidan, korxona va uning tarkibiy boʻlinmalari rahbarlari, guvohlar va boshqa shaxslardan yozma va ogʻzaki tushuntirishlar olishga haqlidirlar.
Izoh: Ekspert guruhi tekshirish komissiyasi raisining farmoyishiga muvofiq tuziladi. Ekspert xulosasini talab qiluvchi masalalar va ekspert guruhi xulosasi boʻlgan materiallar yozma ravishda rasmiylashtiriladi.
7. Maxsus tekshirish materiallariga quyidagilar kiradi:
maxsus tekshirish dalolatnomasi;
har bir jabrlanuvchiga alohida tuzilgan N-1 shaklidagi dalolatnoma;
rejalar, sxemalar, tekshirish protokoli va baxtsiz hodisa yuz bergan joyning fotosuratlari;
yoʻl-transport hodisasi yuz bergan joy sxemasi;
soʻroqlar protokoli, jabrlanuvchining va baxtsiz hodisani koʻrgan guvohlar va boshqa aloqador shaxslarning, shuningdek, GOST, SSBT standartlari, mehnatni muhofaza qilish qoidalari va meʼyorlariga rioya qilinishiga masʼul boʻlgan mansabdor shaxslarning tushuntirishlari, ekspert guruhi tuzish toʻgʻrisidagi farmoyish va boshqalar;
jabrlanuvchilarning xavfsizlik texnikasi boʻyicha oʻqitilganligi va yoʻriqnomalar olganligi haqidagi qayd daftarlaridan koʻchirmalar;
jabrlanuvchiga yetkazilgan jarohatning xususiyati va ogʻirligi, oʻlimi sabablari toʻgʻrisidagi tibbiy xulosa;
ekspert guruhining (zarur boʻlganda) baxtsiz hodisa sabablari haqidagi xulosasi, laboratoriya va boshqa tadqiqotlar, tajribalar, tahlillar va hokazolarning natijalari;
avariya tufayli koʻrilgan moddiy zarar haqidagi maʼlumotnoma;
maxsus tekshirish komissiyasi tuzish haqidagi buyruq yoki qaror;
yoʻriqnomalar, nizomlar, buyruqlardan va mehnat xavfsizligi meʼyorlarini va unga masʼul boʻlgan shaxslarni belgilovchi boshqa dalolatnomalardan koʻchirmalar;
korxona (boʻlinma, sex)da mehnatni muhofaza qilish holatini tekshirish toʻgʻrisidagi maxsus tekshirish komissiyasining dalolatnomasi;
zarur boʻlgan hollarda (bosh) davlat mehnat texnika nazoratchisining xulosasi.
Keyingi tahrirga qarang.
Keyingi tahrirga qarang.
8. Maxsus tekshirish tugaganidan soʻng 15 kun mobaynida (bosh) davlat mehnat texnika nazoratchisi (“Oʻzsanoatkontexnazorat” davlat qoʻmitasi organi nazoratchisi) tekshirish materiallarini:
guruhiy, oʻlim bilan tugagan va oqibati ogʻir baxtsiz hodisa yuz bergan joydagi prokuraturaga yuboradi;
maxsus tekshirishning barcha materiallari nusxalarini Qoraqalpogʻiston Respublikasi Mehnat vazirligiga, viloyat (Toshkent shahar) mehnat boshqarmasiga, Oʻzbekiston Respublikasi Mehnat vazirligiga hamda tegishli vazirlik (korporatsiya, uyushma, konsern)ga, korxonaga va uning yuqori turuvchi xoʻjalik organiga, baxtsiz hodisaga uchragan xodimni yuborgan tashkilotga yuboradi.
Maxsus tekshirish materiallari nusxalari “Oʻzsanoatkontexnazorat” davlat qoʻmitasi organiga, agar baxtsiz hodisa nazorati ostidagi korxona (obyekt)da yuz bergan boʻlsa, hamda viloyat (Qoraqalpogʻiston Respublikasi, Toshkent shahar) kasaba uyushmalari kengashiga ham, agar baxtsiz hodisa Oʻzbekiston Kasaba uyushmalari Federatsiyasi Kengashiga aʼzo tashkilotda yuz bergan boʻlsa, yuboriladi.
Keyingi tahrirga qarang.
9. Baxtsiz hodisa yuz bergan korxona ish beruvchisi (yuqori turuvchi xoʻjalik organi rahbari) maxsus tekshirish materiallarini zudlik bilan koʻrib chiqishga, baxtsiz hodisa kelib chiqishi sabablarini bartaraf etish toʻgʻrisida komissiya taklif qilgan chora-tadbirlarni bajarish haqida, mehnatni muhofaza qilish va xavfsizlik texnikasi boʻyicha lavozimi va kasbiga oid vazifalarning bajarilmasligi (buzilishi)ga yoʻl qoʻygan shaxslarni javobgarlikka tortish haqida buyruq chiqarishga majburdir.
Ish beruvchi maxsus tekshirish komissiyasi taklif qilgan chora-tadbirlarning bajarilganligi haqida maxsus tekshirish oʻtkazishni boshqargan (bosh) davlat mehnat texnika nazoratchisiga, shuningdek, “Oʻzsanoatkontexnazorat” davlat qoʻmitasining obyektlar nazorati ostida boʻlgan mahalliy organlariga yozma ravishda axborot beradi.
Keyingi tahrirga qarang.
Keyingi tahrirga qarang.
IV. BAXTSIZ HODISALAR TOʻGʻRISIDA HISOBOT VA ULARNING KELIB CHIQISHI SABABLARI TAHLILI
1. N-1 shaklidagi dalolatnoma boʻyicha rasmiylashtirilgan barcha baxtsiz hodisalar hisobotga kiritiladi.
Keyingi tahrirga qarang.
2. N-1 shaklidagi dalolatnomalar asosida ish beruvchi ishlab chiqarishdagi baxtsiz hodisalar chogʻida jabrlanuvchilar toʻgʻrisida statistika organi tasdiqlagan shakllarda hisobot tayyorlaydi va uni tegishli tashkilotlarga belgilangan tartibda taqdim etadi.
3. Ish beruvchi ishlab chiqarishdagi baxtsiz hodisalar sabablarini tahlil qilishi, ularning mehnat jamoasida koʻrib chiqilishini taʼminlashi va ishlab chiqarishda jarohatlanishning oldini olishga oid chora-tadbirlarni amalga oshirishi shartdir.
4. Vazirlik, korporatsiya, uyushma, konsern barcha baxtsiz hodisalarning hisobini va tahlilini olib boradi, uni oʻziga qarashli korxonalar va tashkilotlarga maʼlumot uchun yuboradi. Tegishli kasaba uyushmasi yoki boshqa vakillik organi bilan kelishilgan holda baxtsiz hodisalarning oldini olishga oid chora-tadbirlar ishlab chiqadi va ularning bajarilishini nazorat qiladi.
Keyingi tahrirga qarang.
5. Oʻlim bilan tugagan baxtsiz hodisa yuqori turuvchi kasaba uyushmasi yoki xodimlarning boshqa vakillik organi bilan birgalikda yuqori turuvchi xoʻjalik organlarida va “Oʻzsanoatkontexnazorat” davlat qoʻmitasi hayʼatida (agar baxtsiz hodisa shu organ nazorati ostidagi obyektda yuz bergan boʻlsa) (bosh) davlat mehnat texnika nazoratchisi ishtirokida muhokama qilinadi.
Keyingi tahrirga qarang.
6. Ikki va undan ziyod kishi halok boʻlgan baxtsiz hodisa Qoraqalpogʻiston Respublikasi Mehnat vazirligi hayʼatida, viloyat (Toshkent shahar) mehnat boshqarmasi kengashida va “Oʻzsanoatkontexnazorat” davlat qoʻmitasi hayʼatida, baxtsiz hodisa shu organ nazorati ostidagi korxona (obyekt)da yuz bergan boʻlsa, (bosh) davlat mehnat texnika nazoratchisi ishtirokida koʻrib chiqiladi. Qoraqalpogʻiston Respublikasi Mehnat vazirligi hayʼati, viloyat (Toshkent shahar) mehnat boshqarmasi kengashi chiqargan qaror bajarilishi shartdir.
Keyingi tahrirga qarang.
7. Baxtsiz hodisa yuzasidan maxsus tekshirish olib borayotgan (bosh) davlat mehnat texnika nazoratchisi talabiga binoan prokuratura, sogʻliqni saqlash organlari (sud-tibbiy ekspertiza), davlat avtomobil nazorati, davlat yongʻin nazorati organlari 3 sutkadan kechiktirmay, baxtsiz hodisaga taalluqli hujjatlar va materiallar nusxalarini taqdim etishlari shartdir.
Keyingi tahrirga qarang.
8. Prokuratura organlari Davlat mehnat texnika nazoratiga, “Oʻzsanoatkontexnazorat” davlat qoʻmitasi organiga ishning borishi toʻgʻrisida axborot berib turadilar.
Keyingi tahrirga qarang.
9. Ushbu Nizomni buzishda ayblanuvchilar mavjud qonunchilikka muvofiq javobgarlikka tortiladilar.
1-ILOVA
|
“TASDIQLAYMAN” |
|
N-1 shakli |
Ish beruvchi |
| Bir nusxadan yuboriladi: |
|
____________________________ |
— jabrlanuvchiga (oʻlgan boʻlsa oilasiga); | |
| 19 _____ yil ______________________ | — mehnatni muhofaza qilish xizmati rahbari (muhandisi, mutaxassisi)ga; | |
| korxona muhri | | — bosh davlat mehnat texnika nazoratchisiga |
| | | |
| | | |
| |
DALOLATNOMA № |
|
|
Ishlab chiqarishdagi baxtsiz hodisa va salomatlikka boshqa xil zarar yetkazilishi toʻgʻrisida | ||
| 1. Korxonaning nomi___________________________________________________________ | ||
| 1.1. Korxonaning manzili _______________________________________________________ | ||
| | (viloyat, shahar, tuman, koʻcha, uy) | |
| 1.2. Mulkchilik shakli __________________________________________________________ | ||
| | (davlat, aksiyadorlik, xususiy va hokazo) | |
| 1.3. Baxtsiz hodisa yuz bergan joy _________________________________________________ | ||
| |
(boʻlinma, sex) | |
| 2. Vazirlik, korporatsiya, uyushma, konsern __________________________________________ | ||
| 3. Xodimni yoʻllagan korxona ____________________________________________________ | ||
|
(nomi, manzili, vazirlik | ||
| ____________________________________________________________________________ | ||
|
korporatsiya, uyushma, konsern) | ||
| 4. Jabrlanuvchining familiyasi, ismi va otasining ismi _____________________________ | ||
| ____________________________________________________________________________ | ||
| 5. Jinsi: erkak, ayol (tagiga chizilsin) | ||
| 6. Yoshi (toʻliq yillar soni koʻrsatilsin) ____________________________________________ | ||
| 7. Kasbi, lavozimi _____________________________________________________________ | ||
| 7.1. Razryadi, klassi ____________________________________________________________ | ||
| 8. Baxtsiz hodisa yuz berganda bajarilayotgan ish boʻyicha ish staji _______________________ ____________________________________________________________________________ | ||
| 9. Mehnat xavfsizligi boʻyicha yoʻriqnoma, oʻqitish: | ||
| 9.1. Kirish yoʻriqnomasi (sana) ___________________________________________________ | ||
| 9.2. Mehnat xavfsizligi boʻyicha oʻqitish (sana) _______________________________________ | ||
| 9.3. Dastlabki (davriy) yoʻriqnoma (sana) ___________________________________________ | ||
| 9.4. Oʻta xavfli ishlar uchun bilimlarni tekshirish (sana) ______________________________ ____________________________________________________________________________ | ||
| 9.5. Ishga kirayotganida va davriy tibbiy koʻrikdan oʻtganligi ___________________________ ____________________________________________________________________________ | ||
| 10. Baxtsiz hodisa yuz bergan sana va vaqt____________________________________________ | ||
| |
(yil, kun, oy) | |
| ____________________________________________________________________________ | ||
|
(ish boshlashdan toʻliq soatlar soni) | ||
| 11. Baxtsiz hodisa holati ________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ | ||
| 11.1. Baxtsiz hodisa sabablari ___________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ | ||
| 11.2. Jarohat yetkazilishga sabab boʻlgan asbob-uskuna _________________________________ ____________________________________________________________________________ | ||
| 11.3. Jabrlanuvchining hushyorligi (alkogol yoki narkotiklar taʼsiridaligi) _____________ __________________________________________________________________ | ||
|
(tibbiy xulosaga binoan) | ||
| 11.4. Tashxis __________________________________________________________________ | ||
|
(dastlabki, oxirgi) | ||
| 12. Baxtsiz hodisa sabablarini bartaraf etish tadbirlari: | ||
|
| ||
| 13. Mehnat toʻgʻrisidagi qonunchilik, mehnatni muhofaza qilish qoidalari va meʼyorlari buzilishiga yoʻl qoʻygan shaxslar __________________________________________________ | ||
|
(F.I.Sh., lavozimi, korxona nomi) | ||
| ____________________________________________________________________________ | ||
|
(ular tomonidan buzilgan qonunlar, qoidalar va | ||
| ____________________________________________________________________________ | ||
|
meʼyoriy hujjatlarning moddalari, bandlari) | ||
| 14. Baxtsiz hodisa guvohlari _____________________________________________________ | ||
| Dalolatnoma tuzildi___________________________________________________________ | ||
|
(yil, kun, oy) | ||
|
|
_________________________________________ | |
| |
(F.I.Sh., imzo) |
|
|
Komissiya aʼzolari |
___________________________________________ | |
| |
(F.I.Sh., imzo) |
|
Keyingi tahrirga qarang.
N-1 shakldagi dalolatnomani toʻldirish
7-band. Agar jabrlanuvchi bir necha kasb egasi boʻlsa, unda baxtsiz hodisa yuz berganda bajarayotgan kasbi koʻrsatiladi.
8-band. Ish stajining toʻliq yillar soni koʻrsatiladi, agar ish staji bir yildan kam boʻlsa, unda oy va kunlar son koʻrsatiladi.
11.1-band. Baxtsiz hodisaning asosiy texnik va tashkiliy sabablari — asosiysi birinchi boʻlib, qolganlari ahamiyatiga yarasha tartibda koʻrsatiladi.
11.2-band. Jarohatga sabab boʻlgan asbob-uskunaning nomi, turi, rusumi, chiqarilgan yili, tayyorlangan korxona nomi.
11.3-band. Sud-tibbiy muassasa maʼlumotnomasi (xulosasi)ga asosan jabrlanuvchining hushyorligi (alkogol yoki narkotiklar taʼsiridaligi) koʻrsatiladi.
Keyingi tahrirga qarang.
2-ILOVA
Ishlab chiqarishdagi baxtsiz hodisalarni qayd qilish
DAFTARI
|
| |||
|
(korxona, muassasa, tashkilot nomi) |
3-ILOVA
Ishlab chiqarishdagi baxtsiz hodisa toʻgʻrisida xabar berish
SXEMASI
1. Korxona, yuqori turuvchi xoʻjalik organi, vazirlik, korporatsiya, uyushma, konsern nomi.
Keyingi tahrirga qarang.
2. Hodisa yuz bergan sana, vaqt, joy, bajarilayotgan ish va baxtsiz hodisa yuz bergandagi holatning qisqacha tavsifi.
3. Jabrlanuvchilar, shu jumladan, halok boʻlganlar soni.
4. Jabrlanuvchi (halok boʻlgan)ning familiyasi, ismi, otasining ismi, yoshi, kasbi, lavozimi.
5. Xabar yuborilgan sana, vaqt, xabarni imzolagan shaxsning familiyasi, lavozimi.
4-ILOVA
Baxtsiz hodisa (halokat)ni maxsus tekshirish
DALOLATNOMASI
| 19 ___ yil “____” ____________________ soat _________________________ minutda | |||
| _____________________________________________________________________________ | |||
|
(jabrlanuvchining familiyasi, ismi, otasining ismi) | |||
| bilan yuz bergan ________________________________________________________________ | |||
| |
(guruhiy, oʻlim bilan tugagan, oqibati ogʻir) | ||
| _____________________________________________________________________________ | |||
|
(kasbi, lavozimi, ish joyi, | |||
| _____________________________________________________________________________ | |||
|
korxona, yuqori turuvchi xoʻjalik organi, vazirlik, | |||
| _____________________________________________________________________________ | |||
|
korporatsiya, uyushma, konsern nomi) | |||
| _____________________________________________________________________________ | |||
|
(buyruq) | |||
| asosan quyidagi tarkibda tuzilgan komissiya: | |||
| rais ________________________________________________________________________ | |||
|
(F.I.Sh., lavozimi, ish joyi) | |||
| _____________________________________________________________________________ | |||
| komissiya aʼzolari: _____________________________________________________________ | |||
| |
(F.I.Sh., lavozimi, ish joyi) | ||
| _____________________________________________________________________________ | |||
| taklif etilgan mutaxassislar ishtirokida ___________________________________________ ______________________________________________________________________________ | |||
|
(F.I.Sh., lavozimi, ish joyi) | |||
| 19 ___ y. “________” ______________ dan 19 ___ y. “______” gacha mazkur baxtsiz hodisani maxsus tekshirdi va ushbu dalolatnomani tuzdi. | |||
Izoh. Guruhiy baxtsiz hodisalar tekshirilganda har bir jabrlanuvchi haqida alohida maʼlumotlar koʻrsatiladi. Oila aʼzolari haqidagi maʼlumotlar faqat oʻlim bilan tugagan baxtsiz Hodisalar tekshirilganda koʻrsatiladi.
Keyingi tahrirga qarang.
1. JABRLANUVCHI (JABRLANUVCHILAR) HAQIDA MAʼLUMOTLAR
Familiyasi, ismi, otasining ismi, tugʻilgan yili, kasbi, lavozimi, umumiy va kasb boʻyicha (shu jumladan, ushbu korxonadagi) ish staji, mehnatni muhofaza qilish boʻyicha oʻqitish, yoʻriqnomalar berish, bilimlarni tekshirish vaqti, jabrlanuvchining oilaviy ahvoli, qaramogʻidagi oila aʼzolari haqidagi maʼlumotlar (familiyasi, ismi, otasining ismi) tugʻilgan yili, jabrlanuvchi bilan qarindoshlik munosabatlari).
2. KORXONA, BOʻLINMA, SEX, ISH JOYINING TAVSIFI
Baxtsiz hodisa yuz bergan joyni qisqacha tavsiflab, jabrlanuvchiga qaysi xavfli va zararli ishlab chiqarish omillari taʼsir qilgan boʻlishi mumkinligini koʻrsatish kerak.
Agar baxtsiz hodisa obyektdagi halokat natijasida yuz bergan boʻlsa, dalolatnomaga quyidagilar qoʻshimcha qilib kiritiladi:
obyekt tavsifi (qozonlar va koʻtarma inshootlar obyektlari uchun obyekt nomi va xili, uning asosiy oʻlchovlari, zavod bergan tartib raqami, tayyorlovchi zavod, tayyorlangan va oʻrnatilgan yili, soʻnggi tekshiruvdan oʻtgani, shuningdek, tayinlangan tekshiruvdan oʻtish muddati);
halokat toifasi va tavsifi haqida maʼlumotlar;
nobud boʻlgan mahsulotlar (natura ifodasida va soʻm hisobida), halokat natijasida yetkazilgan zarar (soʻm hisobida).
3. BAXTSIZ HODISANING SHART-SHAROITLARI
Baxtsiz hodisa yuz berishigacha nimalar boʻlgani, mehnat jarayoni qanday kechgani, bu jarayonga kim boshchilik qilganini koʻrsatish, jabrlanuvchi (jabrlanuvchilar) va baxtsiz hodisaga aloqador boʻlgan boshqa shaxslarning xatti-harakatlarini tavsiflash, voqealar izchilligini bayon qilish, jarohatlanishga sabab boʻlgan xavfli (zararli) ishlab chiqarish omili, mashina, asbob yoki uskunani koʻrsatish zarur.
4. BAXTSIZ HODISA SABABLARI
Baxtsiz hodisaning asosiy texnik va tashkiliy sabablarini koʻrsatish, mehnat qonunchiligi, mehnatni muhofaza qilish qoidalari va meʼyorlari, lavozim yoʻriqnomalari, ishlarni bexatar olib borish boʻyicha meʼyor va yoʻriqnomalarning aniq qaysi talablari buzilganligini (tegishli moddalar, bandlarga havola qilingan holda), shuningdek, davlat andozalari buzilganini bayon qilish, qaysi xavfli va zararli ishlab chiqarish omili belgilangan meʼyor va darajalardan oshib ketganligini koʻrsatish kerak.
5. BAXTSIZ HODISA SABABLARINI, ANIQLANGAN MEHNATNI MUHOFAZA QILISH QOIDALARI VA MEʼYORLARI BUZILISHLARINI BARTARAF ETISH CHORA-TADBIRLARI
Komissiya taklif etgan chora-tadbirlar quyidagilardan iborat boʻlishi kerak:
baxtsiz hodisali halokat oqibatlarini yoʻqotish choralari;
baxtsiz hodisa sabablarini bartaraf etish va yana shunday hodisa yuz berishining oldini olish choralari;
ular ilova qilinayotgan shakldagi jadval yoki matnda chora-tadbirlar mazmuni, bajarish muddati va masʼul shaxslar koʻrsatilgan holda bayon qilinishi mumkin.
| Chora-tadbirlar | Bajarish muddati | Bajarilishiga masʼul |
6. KOMISSIYANING MEHNAT QONUNCHILIGI VA MEHNATNI MUHOFAZA QILISH QOIDALARI VA MEʼYORLARI BUZILISHIGA YOʻL QOʻYGAN SHAXSLAR TOʻGʻRISIDAGI XULOSASI
Bu boʻlimda xatti-harakatlari yoki harakatsizliklari baxtsiz hodisa (baxtsiz hodisali halokat)ga olib kelgan javobgar shaxslar nomini koʻrsatish, ular rioya qilmagan, belgilangan tartibda tasdiqlangan qonunchilik, mehnatni muhofaza qilish boʻyicha qoidalar va meʼyoriy hujjatlar, lavozim yoʻriqnomalari va boshqa meʼyoriy hujjatlar moddalari, bandlari koʻrsatilishi kerak. Tekshirish komissiyasi tomonidan javobgar shaxslarga nisbatan jazo choralari yuzasidan takliflar qilinadi. Taklif etilgan jazo choralari jinoiy javobgarlikdan (vujudga kelgan taqdirda) ozod qilmaydi. Maxsus tekshirish dalolatnomasida komissiya aʼzolari jabrlanuvchi(lar) yoki ularning oila aʼzolari bilan uchrashganlari, moddiy yordam koʻrsatish va ijtimoiy tusdagi masalalarni joyida koʻrib chiqqanlari, mavjud qonunchilikka muvofiq ularning qonuniy huquqlarini tushuntirib berganlari yozilishi kerak.
Maxsus tekshirish dalolatnomasining yakuniy qismida Nizomning III boʻlimi 7-bandiga muvofiq ilova qilinayotgan materiallar roʻyxati beriladi.
|
Komissiya raisi |
_________________________________ |
| |
| |
(F.I.Sh., sana, imzo) |
| |
|
Komissiya aʼzolari |
_________________________________ |
| |
| |
(F.I.Sh., sana, imzo) |
| |
5-ILOVA
(Bosh) davlat mehnat texnika nazoratchisining
XULOSASI
| 19 ___yil “___” _____ soat ______ minutdagi | |||
| ____________________________________________________________________________ | |||
|
(jabrlanuvchining familiyasi, ismi, otasining ismi) | |||
| ____________________________________________________________________________ | |||
|
(jabrlanuvchining lavozimi yoki kasbi, korxona, yuqori turuvchi xoʻjalik | |||
| ____________________________________________________________________________ | |||
|
organi, vazirlik, korporatsiya, uyushma, konsern nomi, jabrlanuvchining lavozimi yoki kasbi) | |||
| Komissiya tomonidan ___________ yildan ______________ yilgacha oʻtkazilgan maxsus tekshirish materiallari asosida quyidagi xulosaga keldim, yaʼni _______________________ ____________________________________________________________________________ ____________________________________________________________________________ ____________________________________________________________________________ |
Keyingi tahrirga qarang.
komissiya soʻroq qilmagan yoxud oʻzining dastlabki koʻrsatmasiga oʻzgartirish kiritmoqchi boʻlgan baxtsiz hodisa guvohlaridan olingan qoʻshimcha tushuntirishlar;
jabrlanuvchiga yetkazilgan jarohatlar tavsifi, oʻlimi sabablari toʻgʻrisida tibbiy xulosa;
mehnatni muhofaza qilish boʻyicha qoidalar va meʼyoriy hujjatlarning qaysi talablariga amal qilinmagani uchun baxtsiz hodisa yuz berishiga sharoit yaratilganligi;
boshqa ekspert guruhlarining xulosasi;
mazkur baxtsiz hodisaga aloqasi boʻlgan boshqa hujjatlar.
Asoslab berganidan soʻng (bosh) davlat mehnat texnika nazoratchisi maxsus tekshirish dalolatnomasining qaysi boʻlimi (boʻlimlari) ushbu baxtsiz hodisaga aloqasi boʻlgan qoʻshimcha axborot (hujjatlar) hisobga olinmagan holda bayon etilgan deb hisoblasa, shu boʻlim (boʻlimlar)ni ifodalab berishi kerak.
Keyingi tahrirga qarang.
(Bosh) davlat mehnat texnika nazoratchisi xulosasi, zarur hollarda N-1 shaklidagi dalolatnoma mazmunini baxtsiz hodisani qoʻshimcha tekshirish natijasida belgilangan maʼlumotlarga muvofiqlashtirib, qayta tuzish toʻgʻrisida ish beruvchiga qoʻyilgan talab bilan tugatiladi.
Keyingi tahrirga qarang.
Xulosa (bosh) davlat mehnat texnika nazoratchisi blankasida tuziladi va ushbu Nizomning III boʻlimi 8-bandida koʻrsatilgan instansiyalarga yuboriladi.
Keyingi tahrirga qarang.
