“O‘zbekiston Respublikasida korxonalar to‘g‘risida”gi O‘zbekiston Respublikasi Qonuniga va O‘zbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari to‘g‘risida” 1994-yil 21-yanvardagi Farmoniga asosan Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining “O‘zbekiston farmatsevtika sanoati (“O‘zfarmsanoat”) davlat-aksionerlik konsernini tashkil qilish va uning faoliyati masalalari to‘g‘risida” 1993-yil 17-iyundagi 290-son qarorining 3-bandi ikkinchi xatboshidagi “va tasdiqlash uchun Vazirlar Mahkamasiga kiritsin” so‘zlari chiqarib tashlansin.

2. O‘zbekiston Respublikasi Vazirlar Mahkamasining “O‘zbekiston farmatsevtika sanoati (“O‘zfarmsanoat”) davlat-aksionerlik konsernining Ustavini tasdiqlash to‘g‘risida” 1993-yil 11-noyabrdagi 542-son qarori o‘z kuchini yo‘qotgan deb hisoblansin.