Oʻzbekiston Respublikasi Prezidentining “Oʻzbekistonda teatr va musiqa sanʼatini yanada rivojlantirishni qoʻllab-quvvatlash va ragʻbatlantirish chora-tadbirlari toʻgʻrisida” 1995-yil 20-oktabrdagi 1280-son Farmonini bajarish yuzasidan Vazirlar Mahkamasi qaror qiladi:

1. 1995-yil 20-oktabrdagi 1280-son Farmon joriy etiladigan teatr-konsert tashkilotlari va oʻquv yurtlari roʻyxati 1-ilovaga muvofiq tasdiqlansin.

2. 1995-yil 20-oktabrdagi 1280-son Farmon joriy etiladigan teatr-konsert tashkilotlari artistlari va badiiy xodimlarining, teatr va musiqa sanʼati ijodiy kadrlarini tayyorlovchi oʻquv yurtlarining professor-oʻqituvchilari va konsertmeysterlarining lavozimlari roʻyxati 2-ilovaga muvofiq tasdiqlansin.

3. Oʻzbekiston Respublikasi Moliya vazirligi, Madaniyat ishlari vazirligi, Mehnat vazirligi va Ijtimoiy taʼminot vazirligi bilan birgalikda ikki hafta muddatda farmonning 1-ilovasiga muvofiq lavozim maoshiga uzoq muddat xizmat qilganligi uchun har oyda taqdirlash puli toʻlash Tartibini hamda ishdan boʻshagan taqdirda farmonning 2-ilovasiga muvofiq asosiy pensiyaga qoʻshiladigan har oylik ustamalar toʻgʻrisidagi Nizomni ishlab chiqsin va tasdiqlasin.

4. Oʻzbekiston Respublikasi Ijtimoiy taʼminot vazirligi va Madaniyat ishlari vazirligi teatr-konsert tashkilotlarining hamda oʻquv yurtlarining pensiyaga chiqqan xodimlari tarkibini aniqlasinlar va 1995-yil 1-noyabrdan boshlab ularning pensiyalari miqdorlarini qayta hisob-kitob qilsinlar.

Pensiyalarga ustamalar Ijtimoiy sugʻurta jamgʻarmasi mablagʻlari hisobidan toʻlansin.

5. Oʻzbekiston Respublikasi Moliya vazirligi va “Oʻzistiqbolstat” davlat qoʻmitasi Madaniyat ishlari vazirligining buyurtmanomasi boʻyicha 1996-yildan boshlab, 1-bandda koʻrsatilgan teatr-konsert tashkilotlari va oʻquv yurtlarining moddiy-texnika bazasini mustahkamlash uchun 3-ilovaga* muvofiq zarur mablagʻlar ajratishni nazarda tutsinlar.

6. Toshkent davlat konservatoriyasining yangi binosi qurilishi uchun:

uni loyihalashtirish va qurish boʻyicha buyurtmachi etib — Oʻzbekiston Respublikasi Madaniyat ishlari vazirligi;

bosh loyihalovchi etib — “Toshshaharloyiha” instituti;

bosh pudratchi etib — “Toshkentuyjoyinvestqurilish” korporatsiyasi belgilansin.

“Oʻzistiqbolstat” davlat qoʻmitasi, Oʻzbekiston Respublikasi Moliya vazirligi konservatoriya qurilishini investitsiya dasturiga kiritsinlar hamda 1996-yildan boshlab uning loyihalashtirilishi va qurilishi uchun Madaniyat ishlari vazirligiga markazlashtirilgan kapital mablagʻlar limitlari ajratishni nazarda tutsinlar.

7. Repertuar siyosatini tubdan yaxshilash va yangi asarlarni sahnalashtirish sifatini oshirish maqsadida Oʻzbekiston Respublikasi Madaniyat ishlari vazirligi va Moliya vazirligi yangi opera, drama, musiqa, badiiy hamda boshqa sanʼat asarlarini yaratganlik uchun toʻlanadigan mualliflik sahnalashtirish va ijrochilik haqi stavkalari hamda miqdorlarini qayta koʻrib chiqishga oid takliflarni bir oy muddatda tayyorlasinlar va Oʻzbekiston Respublikasi Vazirlar Mahkamasiga kiritsinlar.

8. Oʻzbekiston Respublikasi Madaniyat ishlari vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mintaqalarda gastrol-konsert faoliyatini jonlantirishga, teatr-konsert tashkilotlarining ijodiy va ishlab chiqarish faoliyatini oʻz daromadlari manbalari hamda homiylarni jalb etish hisobiga yaxshilashga yoʻnaltirilgan aniq tadbirlarni ishlab chiqsinlar.

9. “Oʻzbekiston havo yoʻllari” milliy aviakompaniyasi, “Oʻzavtotrans” davlat korporatsiyasi, “Oʻzbeksavdo”, “Toshshaharyoʻlovchitrans” davlat uyushmalari. “Oʻzbekturizm” milliy kompaniyasi, Oʻzbekiston Respublikasi Kommunal xizmat koʻrsatish vazirligiga Madaniyat ishlari vazirligining taklifiga binoan Oʻzbekiston Respublikasiga gastrolga keluvchi jamoalar va alohida ijrochilarning transportda yurishi, yashashi, ovqatlanishi uchun milliy valyuta (soʻm)da haq olishga ruxsat berilsin.

10. Respublika teatr-konsert tashkilotlariga taklif etilgan artistlarga va sahnalashtiruvchi guruhga shartnoma asosida yakka tartibdagi kontraktlar boʻyicha gonorar toʻlashga ruxsat berilsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari S.S. Saidqosimov zimmasiga yuklansin.

Berdak nomidagi Qoraqalpogʻiston davlat musiqali teatri

“Ayqulash” Qoraqalpogʻiston davlat ashula va raqs ansambli

Qoraqalpogʻiston davlat yosh tomoshabinlar teatri

Qoraqalpogʻiston davlat qoʻgʻirchoq teatri

A. Navoiy nomidagi Davlat akademik opera va balet Katta teatri

Toshkent davlat operetta teatri

M. Ashrafiy nomidagi Toshkent davlat konservatoriyasi huzuridagi opera teatr-studiyasi

M. Qoriyoqubov nomidagi Oʻzbekiston davlat filarmoniyasining milliy simfonik orkestri

Hamza nomidagi oʻzbek davlat akademik drama teatri

Hidoyatov nomidagi oʻzbek davlat yoshlar drama teatri

A. Qahhor nomidagi davlat satira teatri

Y. Oxunboboyev nomidagi oʻzbek respublika yosh tomoshabinlar teatri

Davlat rus yosh tomoshabinlar teatri

M. Gorkiy nomidagi davlat rus akademik drama teatri

Muqimiy nomidagi oʻzbek respublika musiqali teatri

Respublika qoʻgʻirchoq teatri

M. Ashrafiy nomidagi Toshkent davlat konservatoriyasi

M. Uygʻur nomidagi Toshkent davlat sanʼat instituti

Toshkent xoreografiya bilim yurti

A. Qodiriy nomidagi Toshkent davlat madaniyat instituti

“Zarafshon” davlat folklor ansambli

“Lazgi” davlat vokal-xoreografiya ansambli

“Bahor” davlat xizmat koʻrsatgan ansambli

“Shodlik” davlat ashula va raqs ansambli

Uygʻur ashula va raqs ansambli

“Chen-chun” koreys ashula va raqs ansambli

“Oʻzdavteleradio” kompaniyasining “Tanovar” milliy raqs ansambli

Y. Oxunboboyev nomidagi viloyat musiqali drama va komediya teatri

A. Bakirov nomidagi Andijon viloyat yoshlar drama teatri

Andijon viloyat “Lola” qoʻgʻirchoq teatri

S. Ayniy nomidagi Buxoro viloyat musiqali drama va komediya teatri

Buxoro viloyat qoʻgʻirchoq teatri

Yu. Rajabiy nomidagi Jizzax viloyat musiqali drama teatri

Jizzax viloyat qoʻgʻirchoq teatri

M. Toshmuhamedov nomidagi viloyat musiqali drama teatri

Qashqadaryo viloyat qoʻgʻirchoq teatri

A. Navoiy nomidagi viloyat musiqali drama va komediya teatri

Namangan viloyat qoʻgʻirchoq teatri

H. Olimjon nomidagi Samarqand viloyat drama va komediya teatri

A. P. Chexov nomidagi Samarqand viloyat rus drama teatri

Samarqand viloyat qoʻgʻirchoq teatri

Majidiy nomidagi Kattaqoʻrgʻon shahar drama teatri

O. Xoʻjayev nomidagi viloyat musiqali drama teatri

M. Uygʻur nomidagi viloyat musiqali drama teatri

M. Gorkiy nomidagi Fargʻona viloyatlararo rus drama teatri

Yu. Shakarjonov nomidagi Fargʻona viloyat musiqali drama va komediya teatri

Fargʻona viloyat qoʻgʻirchoq teatri

Hamza nomidagi Qoʻqon shahar musiqali drama teatri

Ogahiy nomidagi viloyat musiqali drama va komediya teatri

Xorazm viloyat davlat qoʻgʻirchoq teatri

1. Sahnaning yetakchi ustalari

2. Barcha toifadagi balet artistlari

3. Barcha toifadagi vokal artistlar (opera solistlari)

4. Barcha toifadagi xor artistlari

5. Barcha toifadagi simfonik orkestr artistlari

6. Barcha toifadagi drama artistlari

7. Yordamchi tarkib artistlari

1. Badiiy rahbar

2. Direktor, direktor oʻrinbosari

3. Bosh rejissor, bosh dirijor, bosh rassom, bosh xormeyster, bosh baletmeyster

4. Sahnalashtiruvchi rejissor, sahnalashtiruvchi baletmeyster, sahnalashtiruvchi rassom, sahnalashtiruvchi dirijor, dirijor, baletmeyster, rassom, xormeyster

5. Vokal konsertmeysteri, balet konsertmeysteri, akkompaniator, akkompaniator-konsertmeyster, adabiy qism, musiqiy qism, badiiy-sahnalashtirish qismi, truppa mudirlari, badiiy rahbar yordamchisi, bosh rejissor yordamchisi

6. Vokal repetitori, balet repetitori, ovoz rejissori, nutq texnikasi repetitori

7. Ishlab chiqarish ustaxonasi, sex mudirlari

8. Bezakchi rassom, rassom, dekorator-butafor, pardozchi, kostumchi, rekvizitor, tikuvchi, bichuvchi, rejissor yordamchisi, assistent, suflyor, poyabzalchi, elektr yorituvchi, ovoz yozish operatori, montajchi va sahna mashinisti

9. Katta iqtisodchi, iqtisodchi, bosh buxgalter, buxgalter, kassir, barcha mutaxassisliklar boʻyicha katta texniklar, ovoz yozish operatori, katta inspektor, inspektor

M. Ashrafiy nomidagi Toshkent davlat konservatoriyasi M. Uygʻur nomidagi Toshkent davlat sanʼat instituti, A. Qodiriy nomidagi Toshkent davlat madaniyat instituti professor-oʻqituvchilari konsertmeysterlari; Toshkent xoreografiya bilim yurti rahbarlari, oʻqituvchilari, konsertmeysterlari