Oʻzbekiston Respublikasi Prezidentining “Xorijiy sarmoyalar boʻyicha Agentlikni tashkil qilish toʻgʻrisida”gi Farmonini ijro etish yuzasidan Vazirlar Mahkamasi qaror qiladi:

1. Xorijiy sarmoyalar boʻyicha Agentlikning tashkiliy tuzilmasiga 1-ilovaga muvofiq rozilik berilsin.

3. Xorijiy sarmoyalar boʻyicha Agentlikka bir oy muddatda Agentlik Ustavini ishlab chiqish va qonunchilikda belgilangan tartibda davlat roʻyxatidan oʻtish tavsiya etilsin.

4. Davlat mulki qoʻmitasi xorijiy sarmoyalar boʻyicha Agentlik faoliyatini tashkiliy-texnik taʼminlash uchun 1,0 mln soʻm ajratsin.

Moliya vazirligi xorijiy sarmoyalar boʻyicha Agentlikka uch yil davomida uning faoliyatini qoʻllab-quvvatlash, shuningdek telefon soʻzlashuvlari haqini toʻlash va ikkita xizmat avtomobili xarajatlari uchun har yili milliy valyutada 30 ming AQSh dollariga teng boʻlgan summa ajratishni nazarda tutsin.

5. Maʼlumot uchun qabul qilinsinki:

xorijiy sarmoyalar boʻyicha Agentlikning dastlabki uch yil davomida faoliyat koʻrsatishi Oʻzbekiston Respublikasi Hukumati tomonidan ajratiladigan mablagʻlar hisobiga hamda investitsiyalarga koʻmaklashish Xizmatini tashkil etish boʻyicha texnikaviy koʻmaklashish loyihasi bilan belgilangan BMT rivojlanish Dasturi mablagʻlari hisobiga amalga oshiriladi;

uch yil oʻtgandan keyin xorijiy sarmoyalar boʻyicha Agentlik faoliyatini mablagʻ bilan taʼminlash Agentlik Ustavida belgilangan doirada uning oʻz faoliyati mablagʻlari hisobidan, shuningdek chet mamlakatlar bilan investitsiya hamkorligini kengaytirishdan manfaatdor boʻlgan korxonalar va firmalarning, banklar va boshqa tashkilotlarning, shu jumladan xorijiy korxonalar va firmalar, banklar va boshqa tashkilotlarning badallari hisobidan amalga oshiriladi.

6. Aloqa vazirligi xorijiy sarmoyalar boʻyicha Agentlik buyurtmanomalari boʻyicha uning ofisi uchun zarur boʻlgan miqdorda telefon liniyalari, shu jumladan xalqaro va hukumat ATSi telefoni liniyalari ajratishni nazarda tutsin.

7. Xorijiy sarmoyalar boʻyicha Agentlik ijara toʻlovi undirilmasdan “Oʻzistiqbolstat” davlat qoʻmitasining Toshkent shahar, Oʻzbekiston koʻchasi, 45a-uydagi binosiga vaqtincha joylashtirilsin.

8. Toshkent shahar hokimligi bir oy muddatda xorijiy sarmoyalar boʻyicha Agentlikni joylashtirish uchun shaharning markaziy qismidan tegishli bino ajratsin va uni tekinga bersin.

9. Agentlik Hukumat qarorlari yuborilishi shart boʻlgan tashkilotlar roʻyxatiga kiritilsin.

10. Vazirlar Mahkamasining 1994-yil 5-iyuldagi 345-son qarori oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining tegishli oʻrinbosarlari zimmasiga yuklansin.

Bosh direktor

Bosh direktor oʻrinbosari

Investitsiya muhitini tahlil qilish sektori (5 kishi)

Investitsiya loyihalarini qoʻllab-quvvatlash sektori (5 kishi)

Axborot va oʻqitish sektori (5 kishi)

Buxgalteriya (2 kishi)

Texnik xodimlar [4 kishi)

Qisqa muddatli va uzoq muddatli kontraktlar boʻyicha jalb qilinadigan xalqaro ekspertlar