|
Hujjat 27.02.2021 00 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi faoliyatini tubdan takomillashtirish toʻgʻrisida
Keyingi tahrirga qarang.
Mamlakatimizda qishloq xoʻjaligini rivojlantirish, agrar sohaning barcha tarmoqlarini moliyalashtirish, ichki bozorda narx barqarorligini taʼminlash, yuqori qoʻshilgan qiymat zanjirini yaratish, agrar sohani mexanizatsiyalash, mahsulot yetishtirish, xarid qilish va sotishda bozor tamoyillarini keng joriy etish maqsadida:
1. Iqtisodiy taraqqiyot va kambagʻallikni qisqartirish vazirligi, Moliya vazirligi, Qishloq xoʻjaligi vazirligining qishloq xoʻjaligini moliyalashtirishning qoʻshimcha mexanizmlari va moliyaviy vositalarini joriy etishni kengaytirish maqsadida Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) faoliyatini yangi bosqichga koʻtarishga doir taklifi maʼqullansin.
Keyingi tahrirga qarang.
2. Belgilansinki:
a) agrotexnik tadbirlarni, jumladan kuzgi shudgorlashni va ekin maydonlariga mineral oʻgʻitlarni solishni oʻz vaqtida taʼminlash maqsadida 2022-yil hosilidan boshlab paxta xom ashyosini yetishtirish xarajatlarini moliyalashtirish tegishli moliya yilidan oldingi yilning 1-noyabridan boshlanadi;
Keyingi tahrirga qarang.
b) paxta yigʻim-terimi uchun tijorat banklari tomonidan ajratilgan kreditlar boʻyicha foiz stavkasining bir qismini qoplash uchun kompensatsiya toʻlash Jamgʻarma hisobidan amalga oshiriladi.
Bunda:
milliy valyutada ajratiladigan tijorat kreditlari boʻyicha foiz stavkasining Markaziy bankning asosiy stavkasidan oshadigan, lekin 10 foiz punktidan koʻp boʻlmagan qismini;
xorijiy valyutada ajratiladigan kreditlar boʻyicha tijorat banklari tomonidan belgilangan foiz stavkasining 30 foizigacha, lekin 3 foiz punktidan koʻp boʻlmagan qismini qoplash uchun kompensatsiya kreditning dastlabki 9 oyi uchun toʻlanadi.
Qishloq xoʻjaligi vazirligi Moliya vazirligi va Markaziy bank bilan birgalikda bir oy muddatda mazkur bandda nazarda tutilgan davlat tomonidan qoʻllab-quvvatlash chora-tadbirlarini amalga oshirish tartibini tasdiqlash uchun Vazirlar Mahkamasiga kiritsin.
Keyingi tahrirga qarang.
Keyingi tahrirga qarang.
Keyingi tahrirga qarang.
3. Sabzavot yetishtirish faoliyatini qoʻllab-quvvatlash maqsadida shunday tartib oʻrnatilsinki, unga muvofiq 2021-yilda:
sabzavotchilik klasterlari, fermer xoʻjaliklari va boshqa sabzavot yetishtiruvchilarga tijorat banklari tomonidan 9 oy muddatga yillik foiz stavkasi Markaziy bankning asosiy stavkasida (shundan, bank marjasi 2 foiz) yetishtiriladigan sabzavot qiymatining 40 foizigacha miqdorda kredit ajratiladi;
sabzavot yetishtirish xarajatlarini kreditlash uchun Jamgʻarma tomonidan 9 oy muddatga yillik foiz stavkasi Markaziy bankning asosiy stavkasidan ikki foiz punkt kamaytirgan holda tijorat banklariga joylashtiriladi;
tijorat banki tomonidan kreditlar bitimda belgilangan muddatda qaytarilmasa, kreditlarning qaytarilmagan qismiga foizlar Markaziy bankning asosiy stavkasiga 6 foiz punkt qoʻshib hisoblanadi.
2022-yil hosilidan boshlab, asosiy maydonlarda sabzavot yetishtirish uchun ajratiladigan tijorat kreditlari boʻyicha foiz stavkasining Markaziy bankning asosiy stavkasidan oshadigan qismi uchun kompensatsiya toʻlash tizimi joriy etiladi.
Keyingi tahrirga qarang.
4. 2021-yildan boshlab Jamgʻarmaga quyidagilarni moliyalashtirish uchun Oʻzbekiston Respublikasi respublika budjetidan mablagʻ ajratilsin:
Keyingi tahrirga qarang.
jalb qilingan chet el kreditlari boʻyicha valyutaning ayirboshlash kursining oʻzgarishi natijasida yuzaga keladigan zarar;
paxta yigʻim-terimi uchun qishloq xoʻjaligi korxonalariga ajratiladigan tijorat kreditlari boʻyicha foiz stavkaning bir qismini qoplash uchun toʻlanadigan kompensatsiya;
Keyingi tahrirga qarang.
moliyaviy taqchillikni bartaraf etish uchun jalb etilgan mablagʻlar, shu jumladan budjet ssudasi va tijorat banklariga qishloq xoʻjaligi mahsulotlari yetishtirish xarajatlarini moliyalashtirish uchun joylashtirilgan resurslarning foiz stavkalari oʻrtasida yuzaga keladigan salbiy tafovut.
Moliya vazirligi mazkur bandda koʻzda tutilgan maqsadlar uchun mablagʻlarni 2021-yilda Oʻzbekiston Respublikasi respublika budjetining qoʻshimcha manbalari hisobidan moliyalashtirsin va 2022-yildan boshlab Davlat budjeti parametrlarida nazarda tutsin.
5. Quyidagilar Jamgʻarmaning asosiy vazifalari etib belgilansin:
paxta xom ashyosi va bugʻdoy yetishtirish xarajatlarini moliyalashtirish;
asosiy maydonlarda ekiladigan sabzavot mahsulotlarini yetishtirishni moliyaviy qoʻllab-quvvatlash;
ichki bozorda don va non mahsulotlari narxlari barqarorligini taʼminlash uchun zarur bugʻdoyni bozor narxlarida xarid qilish va birja savdolariga qoʻyish;
fermer xoʻjaliklari va boshqa qishloq xoʻjaligi tashkilotlariga zamonaviy, yuqori samarali qishloq xoʻjaligi texnikasini yetkazib berishni davlat tomonidan qoʻllab-quvvatlash;
qishloq xoʻjaligini moliyalashtirish va hisob-kitob tizimiga zamonaviy axborot-kommunikatsiya texnologiyalarini joriy etish;
rivojlangan davlatlarning agrar sohasini moliyalashtirish boʻyicha tajribasini oʻrganish hamda ularni respublikada joriy qilish.
Keyingi tahrirga qarang.
6. Belgilansinki:
a) quyidagilar Jamgʻarma mablagʻlarini shakllantirishning asosiy manbalari hisoblanadi:
tijorat banklariga maqsadli hamda lizing tashkilotlariga qishloq xoʻjaligi texnikasini lizing shartlarida yetkazib berishni moliyalashtirish uchun joylashtirilgan kredit resurslari hamda qarz mablagʻlarini qaytarishdan tushadigan tushumlar va ularga hisoblangan foiz toʻlovlari;
Jamgʻarma tomonidan sotib olingan bugʻdoyni xarid qilish (sotib olish, saqlash, tashish va sotish xarajatlari bilan birga) va sotish narxlari oʻrtasida yuzaga kelgan ijobiy tafovut;
jalb qilingan chet el kreditlari boʻyicha valyutaning ayirboshlash kursining oʻzgarishi natijasida yuzaga keladigan zararni qoplash uchun Oʻzbekiston Respublikasi respublika budjetidan ajratilgan mablagʻlar;
jalb etiladigan kreditlar, shu jumladan chet el kreditlari va investitsiyalar, xalqaro moliya institutlari grantlari va donor tashkilotlarining mablagʻlari;
Jamgʻarmaning mablagʻlarini tijorat banklariga depozitga joylashtirishdan tushadigan daromadlar;
qishloq xoʻjaligi texnikasi lizing yoki kredit shartlarida xarid qilinganda ularning foiz xarajatlari, shuningdek, qishloq xoʻjaligi texnikasini xarid qilish uchun subsidiya hamda kombaynlarni xorijda xizmat koʻrsatishi (xizmatlar eksporti) uchun tashish transport xarajatlariga kompensatsiya toʻlashga Oʻzbekiston Respublikasi respublika budjetidan ajratilgan mablagʻlar;
paxta yigʻim-terimi uchun ajratiladigan tijorat kreditlar boʻyicha foiz stavkaning bir qismini qoplashga kompensatsiya toʻlash uchun Oʻzbekiston Respublikasi respublika budjetidan ajratilgan mablagʻlar;
Keyingi tahrirga qarang.
moliyaviy taqchillikni bartaraf etish uchun jalb etilgan mablagʻlar, shu jumladan budjet ssudasi va tijorat banklariga qishloq xoʻjaligi mahsulotlarini yetishtirish xarajatlarini moliyalashtirish uchun joylashtirilgan resurslarning foiz stavkalari oʻrtasida yuzaga keladigan salbiy tafovutni qoplash uchun Oʻzbekiston Respublikasi respublika budjetidan ajratilgan mablagʻlar;
budjet tizimining budjetlaridan jalb qilinadigan mablagʻlar;
qonunchilikda taqiqlanmagan boshqa manbalar;
b) jamgʻarma mablagʻlari quyidagi maqsadlar uchun sarflanadi:
paxta xom ashyosi, bugʻdoy hamda asosiy maydonlarda ekiladigan sabzavot mahsulotlarini yetishtirishni moliyalashtirish uchun tijorat banklariga resurs joylashtirish;
Keyingi tahrirga qarang.
Gʻalla yetishtirish, xarid qilish va sotishga bozor tamoyillarini keng joriy etishni muvofiqlashtiruvchi Respublika kengashi taklifiga asosan tijorat vakili bilan birgalikda ichki bozorda narx barqarorligini taʼminlash uchun xorijiy davlatlardan bugʻdoy sotib olish;
jalb qilingan budjet ssudasi, kredit va unga hisoblangan foizlarni qaytarish;
jalb qilingan chet el kreditlari boʻyicha chet el valyutasi va soʻmdagi barcha xarajatlarni, shuningdek, valyuta kursi hamda foiz toʻlovlari boʻyicha yuzaga keladigan zararlarni qoplash;
qishloq xoʻjaligi texnikasi lizing yoki kredit shartlarida xarid qilinganda ularning foiz xarajatlari, shuningdek, qishloq xoʻjaligi texnikasini xarid qilish uchun qonunchilikda belgilangan miqdorda subsidiya toʻlash;
LexUZ sharhiQarang: Vazirlar Mahkamasining 2019-yil 12-iyuldagi 578-sonli “Qishloq xoʻjaligi mahsulotlari ishlab chiqaruvchilarning moddiy-texnik bazasini yanada mustahkamlash chora-tadbirlari toʻgʻrisida”gi qarori.
kombaynlarning xorijda xizmat koʻrsatishi (xizmatlar eksporti) uchun tashish transport xarajatlariga qonunchilikda belgilangan miqdorda kompensatsiya toʻlash;
LexUZ sharhiQarang: Vazirlar Mahkamasining 2019-yil 12-iyuldagi 578-sonli “Qishloq xoʻjaligi mahsulotlari ishlab chiqaruvchilarning moddiy-texnik bazasini yanada mustahkamlash chora-tadbirlari toʻgʻrisida”gi qarori.
paxta yigʻim-terimi uchun tijorat kreditlar boʻyicha foiz stavkaning bir qismini qoplash uchun qonunchilikda belgilangan miqdorda kompensatsiya toʻlash;
Keyingi tahrirga qarang.
Jamgʻarma tomonidan sotib olingan bugʻdoyni xarid qilish (sotib olish, saqlash, tashish va sotish xarajatlari bilan birga) va sotish narxlari oʻrtasidagi salbiy tafovut boʻyicha zararlarni qoplash;
Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamentini saqlash xarajatlarini moliyalashtirish;
v) Jamgʻarma mablagʻlaridan maqsadli foydalanishni nazorat qilish Moliya vazirligining Davlat moliyaviy nazorati departamenti tomonidan amalga oshiriladi.
Keyingi tahrirga qarang.
7. Quyidagilar:
Jamgʻarmaning barcha hisobvaraqlariga, shu jumladan Jamgʻarma aylanma mablagʻlari hisobidan operatsiyalar oʻtkaziladigan tegishli bank hisobvaraqlariga nisbatan cheklov choralari qoʻllanilmasligi;
Jamgʻarma mablagʻlari belgilangan muddatlarda qaytarilmagan taqdirda, ular Jamgʻarma tomonidan inkasso topshiriqnomasi bilan undirilishi belgilab qoʻyilsin.
8. Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi kengashi tarkibi 1-ilovaga muvofiq tasdiqlansin.
Quyidagilar Jamgʻarma kengashining asosiy vazifalari etib belgilansin:
Gʻalla yetishtirish, xarid qilish va sotishga bozor tamoyillarini keng joriy etishni muvofiqlashtiruvchi Respublika kengashiga ichki bozorda narx barqarorligini taʼminlash uchun xorijiy davlatlardan bugʻdoy sotib olishga doir taklif kiritish;
Jamgʻarma hamda boshqa manfaatdor vazirlik va idoralarning agrar soha tarmoqlarini moliyalashtirish va rivojlantirish boʻyicha amalga oshirayotgan ishlari natijasi toʻgʻrisida hisobotlarini eshitish;
Oʻzbekiston Respublikasi Prezidenti va Vazirlar Mahkamasiga Jamgʻarma faoliyatini takomillashtirishga doir takliflarni kiritish;
Jamgʻarma tomonidan tayyorlanadigan Jamgʻarmaning tushumlar va xarajatlar balansini koʻrib chiqish va uning Vazirlar Mahkamasiga kiritilishini taʼminlash;
Moliya vazirligining Davlat moliyaviy nazorati departamentining Jamgʻarma mablagʻlaridan samarali foydalanish boʻyicha oʻtkazgan nazorat tadbirlari natijalari yuzasidan xulosalarni muhokama qilish va kamchiliklarni bartaraf etish choralarini koʻrish.
9. Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamentining (keyingi oʻrinlarda — Departament) tuzilmasi 2-ilovaga muvofiq tasdiqlansin.
10. Departamentga, istisno tariqasida, Jamgʻarma mablagʻlarini elektron auksion oʻtkazmasdan toʻgʻridan-toʻgʻri shartnomalar asosida tijorat banklarida depozitga joylashtirish huquqi berilsin.
11. Markaziy bank bir hafta muddatda Jamgʻarmaga moliyaviy operatsiyalar oʻtkazish uchun milliy va chet el valyutasida tegishli maxsus hisobvaraqlar ochilishini taʼminlasin.
12. Moliya vazirligi:
Jamgʻarmada vaqtinchalik mablagʻ taqchilligi yuzaga kelganda, joriy yilning oʻtgan davrida joylashtirilgan davlat qimmatli qogʻozlarining oʻrtacha foiz stavkasida ikki yil muddatgacha budjet ssudasini ajratsin;
Iqtisodiy taraqqiyot va kambagʻallikni qisqartirish vazirligi, Monopoliyaga qarshi kurashish qoʻmitasi, Qishloq xoʻjaligi vazirligi va Davlat aktivlarini boshqarish agentligi bilan birgalikda ikki hafta muddatda narx barqarorligini taʼminlash uchun don sotib olish, sotish va saqlash tizimini takomillashtirish boʻyicha takliflarni Vazirlar Mahkamasiga kiritsin.
13. Qishloq xoʻjaligi vazirligi Moliya vazirligi bilan birgalikda bir oy muddatda Jamgʻarma tomonidan xoʻjalik yurituvchi subyektlarga kompensatsiya va subsidiyalarni toʻlash tartibini soddalashtirish va takomillashtirish boʻyicha Vazirlar Mahkamasiga taklif kiritsin.
Bunda Jamgʻarma tomonidan kompensatsiya va subsidiyalarni toʻlash Qishloq xoʻjaligi vazirligining buyurtmalari asosida amalga oshirilishi nazarda tutilsin.
Keyingi tahrirga qarang.
14. Quyidagilar:
Bosh vazir oʻrinbosari J.A. Qoʻchqorov ushbu Farmonning toʻliq va oʻz vaqtida ijro etilishiga, masʼul vazirlik va idoralarning faoliyatini samarali tashkil etishga hamda muvofiqlashtirishga, ular rahbarlarining koʻrilgan choralar toʻgʻrisidagi hisobotlarini eshitishga, aniqlangan muammo va kamchiliklarni tezkor bartaraf etishga;
moliya vaziri T.A. Ishmetov agrar sohani moliyalashtirishda yuzaga keladigan taqchillikni qoplash uchun zarur mablagʻlarni budjet tizimi budjetlari hisobidan oʻz vaqtida ajratishga, shuningdek, budjetdan qoʻshimcha ajratilgan mablagʻlarning maqsadli sarflanishini nazorat qilishga shaxsan masʼul va javobgar ekanligi belgilansin.
15. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirishlar kiritilsin.
16. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlari 4-ilovaga muvofiq oʻz kuchini yoʻqotgan deb hisoblansin.
17. Moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har chorak yakuni boʻyicha axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 26-fevral,
PF-6179-son
Oʻzbekiston Respublikasi Prezidentining 2021-yil 26-fevraldagi PF-6179-son Farmoniga
1-ILOVA
1-ILOVA
Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi kengashining
TARKIBI
Keyingi tahrirga qarang.
|
J.A. Qoʻchqorov |
— |
Bosh vazirning oʻrinbosari — iqtisodiy taraqqiyot va kambagʻallikni qisqartirish vaziri, Kengash raisi |
|
Sh.M. Gʻaniyev |
— |
Bosh vazirning oʻrinbosari, Kengash raisining oʻrinbosari |
|
T.A. Ishmetov |
— |
moliya vaziri |
|
J.A. Xodjayev |
— |
qishloq xoʻjaligi vaziri |
|
A.A. Xaitov |
— |
Oʻzbekiston fermer, dehqon xoʻjaliklari va tomorqa yer egalari kengashi raisi |
|
F.J. Pulatov |
— |
“Oʻzdonmahsulot” AK boshqaruvi raisi |
|
R.Oʻ. Mamatqulov |
— |
“Agrobank” ATB boshqaruvi raisi |
|
A.A. Isroilov |
— |
Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamenti direktori, Kengash kotibi |
Izoh: Kengash aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.
Keyingi tahrirga qarang.
Oʻzbekiston Respublikasi Prezidentining 2021-yil 26-fevraldagi PF-6179-son Farmoniga
2-ILOVA
2-ILOVA
Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamentining
TUZILMASI
|
|
||||||||||||||||||||||||||||||||||||||
|
Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi Kengashi |
||||||||||||||||||||||||||||||||||||||
|
|
||||||||||||||||||||||||||||||||||||||
|
Departament direktori |
||||||||||||||||||||||||||||||||||||||
|
|
||||||||||||||||||||||||||||||||||||||
|
|
||||||||||||||||||||||||||||||||||||||
|
Direktor oʻrinbosari |
Don qabul qiluvchilar va tovar-xom ashyo birjasi bilan ishlash boʻlimi 3 |
Bosh yuriskonsult 1 |
||||||||||||||||||||||||||||||||||||
|
|
||||||||||||||||||||||||||||||||||||||
|
Agrar sohani moliyalashtirish va prognozlashtirish boʻlimi 3 |
Xodimlar bilan ishlash boʻyicha bosh mutaxassis 1 |
|||||||||||||||||||||||||||||||||||||
|
Sabzavot mahsulotlarini moliyalashtirish shuʼbasi 2 |
||||||||||||||||||||||||||||||||||||||
|
|
||||||||||||||||||||||||||||||||||||||
|
Qishloq xoʻjaligini texnika bilan jihozlashni moliyalashtirish va prognozlashtirish shuʼbasi 2 |
Jismoniy va yuridik shaxslarning murojaatlari bilan ishlash boʻyicha bosh mutaxassis 1 |
|||||||||||||||||||||||||||||||||||||
|
Buxgalteriya hisobi va hisoboti boʻlimi 3 |
||||||||||||||||||||||||||||||||||||||
|
|
||||||||||||||||||||||||||||||||||||||
|
Xoʻjalik faoliyati va mehnat muhofazasi boʻyicha bosh mutaxassis 1 |
Axborot xavfsizligi, axborot kommunikatsiya texnologiyalarini tatbiq etish boʻyicha bosh mutaxassis 1 |
|||||||||||||||||||||||||||||||||||||
Izoh:
Boshqaruv xodimlarning cheklangan soni — 20 nafar;
qoʻshimcha 4 ta shtat birliklari Moliya vazirligi tizimidagi shtat birliklarining maqbullashtiriladigan qismi hisobidan kiritiladi;
xizmat koʻrsatuvchi va texnik xodimlar soni belgilangan normativlarga muvofiq aniqlanadi.
Keyingi tahrirga qarang.
Oʻzbekiston Respublikasi Prezidentining 2021-yil 26-fevraldagi PF-6179-son Farmoniga
3-ILOVA
3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2020-yil 6-martdagi “Paxtachilik sohasida bozor tamoyillarini keng joriy etish chora-tadbirlari toʻgʻrisida”gi PQ-4633-son qarori 4-bandda:
“a” kichik bandi quyidagi tahrirda bayon etilsin:
“a) Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) imtiyozli kredit resurslari hisobidan tijorat banklari tomonidan fermer xoʻjaliklari va urugʻchilikni rivojlantirish markazi tarkibidagi elita urugʻchilik xoʻjaliklariga paxta xom ashyosini yetishtirish xarajatlari uchun 14 oy muddat bilan paxta xom ashyosi qiymatining 50 foizigacha yillik 8 foiz, 60 foizigacha yillik 10 foiz stavkadan oshmagan miqdorda;
paxta-toʻqimachilik klasterlari va kooperatsiyalarga paxta xomashyosini yetishtirish xarajatlariga umumiy foydalanish muddati 22 oygacha boʻlgan davr bilan paxta xom ashyosi qiymatining 50 foizigacha yillik 8 foiz, 60 foizigacha yillik 10 foiz stavkadan oshmagan miqdorda (shundan, bank marjasi 2 foiz) kreditlar beriladi.
Paxta-toʻqimachilik klasterlari va kooperatsiyalarga berilgan kreditlar faqat 11 oy oʻtganidan soʻng keyingi oyning birinchi sanasigacha qaytarilishi shart. Kreditni qaytarish muddatini hisoblash esa har bir transh uchun kredit mablagʻi paxta-toʻqimachilik klasteri va kooperatsiyaga kelib tushgan kundan boshlanadi.
Bunda:
fermer xoʻjaliklari, paxta-toʻqimachilik klasterlari, kooperatsiyalar va urugʻchilikni rivojlantirish markazi tarkibidagi urugʻchilik xoʻjaliklari agrotexnik tadbirlardan kelib chiqib, kredit mablagʻlaridan erkin foydalanadi hamda moddiy resurslar yetkazib beruvchilarni ixtiyoriy tanlaydi;
paxta-toʻqimachilik klasterlari tomonidan fermer xoʻjaliklarining paxta xom ashyosi yetishtirish bilan bogʻliq xarajatlarini boʻnaklash pul mablagʻlari shaklida amalga oshiriladi;
paxta xom ashyosi yetishtirish xarajatlarini moliyalashtirishga ajratilgan kredit mablagʻlarining muddatida qaytarilmagan qismi tijorat krediti sifatida qayta rasmiylashtiriladi;”;
“b” kichik band quyidagi tahrirda bayon etilsin:
“b) fermer xoʻjaliklari va boshqa qishloq xoʻjaligi korxonalari yetishtirgan paxta xom ashyosini xarid qilish va paxta yigʻim-terimi xarajatlarini moliyalashtirish uchun paxta-toʻqimachilik klasterlari va kooperatsiyalarga tijorat banklari tomonidan 12 oy muddatgacha tijorat kreditlari ajratiladi.
Bunda:
paxta yigʻim-terimi xarajatlarini moliyalashtirish uchun milliy valyutada ajratiladigan tijorat kreditlari boʻyicha foiz stavkasining Markaziy bankning asosiy stavkasidan oshadigan, lekin 10 foiz punktidan koʻp boʻlmagan qismini;
xorijiy valyutada ajratiladigan kreditlar boʻyicha foiz stavkasining 30 foizigacha, lekin 3 foiz punktidan koʻp boʻlmagan qismini qoplash uchun kompensatsiya Qishloq xoʻjaligini davlat tomonidan qoʻllab-quvvatlash jamgʻarmasi hisobidan beriladi, kompensatsiya kreditning dastlabki 9 oyi uchun toʻlanadi;
paxta xom ashyosini xarid qilish xarajatlarini moliyalashtirish uchun milliy valyutada ajratiladigan tijorat kreditlari boʻyicha foiz stavkasining Markaziy bankning asosiy stavkasidan oshadigan, lekin 10 foiz punktidan koʻp boʻlmagan qismini;
xorijiy valyutada ajratiladigan kreditlar boʻyicha foiz stavkasining 30 foizigacha, lekin 3 foiz punktidan koʻp boʻlmagan qismini qoplash uchun Tadbirkorlik faoliyatini qoʻllab-quvvatlash davlat jamgʻarmasi hisobidan kompensatsiya beriladi;
paxta xom ashyosini xarid qilish va paxta yigʻim-terimi xarajatlarini moliyalashtirish uchun ajratilgan kredit mablagʻlarining muddatida qaytarilmagan qismiga Qishloq xoʻjaligini davlat tomonidan qoʻllab-quvvatlash jamgʻarmasi hamda Tadbirkorlik faoliyatini qoʻllab-quvvatlash davlat jamgʻarmasi hisobidan kompensatsiya berilmaydi.
Oʻzbekiston Respublikasi Vazirlar Mahkamasiga Markaziy bankning asosiy stavkasi oʻzgargan hollarda kredit foiz stavkasi, bank marjasi va Qishloq xoʻjaligini davlat tomonidan qoʻllab-quvvatlash jamgʻarmasi hamda Tadbirkorlik faoliyatini qoʻllab-quvvatlash davlat jamgʻarmasi hisobidan beriladigan kompensatsiya miqdoriga oʻzgartirish kiritish huquqi beriladi;”.
2. Vazirlar Mahkamasining 2018-yil 25-yanvardagi “Paxta-toʻqimachilik ishlab chiqarishini tashkil etishning zamonaviy shakllarini joriy etish chora-tadbirlari toʻgʻrisida”gi 53-son qarori 4-bandida:
toʻrtinchi va beshinchi xatboshilar chiqarib tashlansin;
oltinchi xatboshi toʻrtinchi xatboshi deb hisoblansin.
3. Vazirlar Mahkamasining 2018-yil 28-fevraldagi “Qishloq xoʻjaligida bozor mexanizmlarini keng joriy etish chora-tadbirlari toʻgʻrisida”gi 149-son qarorida:
a) 6-bandda:
beshinchi xatboshi chiqarib tashlansin;
oltinchi — toʻqqizinchi xatboshilar tegishincha beshinchi — sakkizinchi xatboshilar deb hisoblansin;
b) 7-bandda:
ikkinchi va uchinchi xatboshilar chiqarib tashlansin;
toʻrtinchi va beshinchi xatboshilar tegishincha ikkinchi va uchinchi xatboshilar deb hisoblansin.
4. Vazirlar Mahkamasining 2018-yil 1-dekabrdagi “Toshkent viloyatining Quyi Chirchiq tumanida zamonaviy agrosanoat klasterini tashkil etish chora-tadbirlari toʻgʻrisida”gi 974-son qarori 8-bandida:
ikkinchi xatboshi chiqarib tashlansin;
uchinchi xatboshi ikkinchi xatboshi deb hisoblansin.
5. Vazirlar Mahkamasining 2019-yil 18-iyundagi “Oʻzbekiston Respublikasida zamonaviy urugʻchilik klasterlarini tashkil etish chora-tadbirlari toʻgʻrisida”gi 512-son qarorining 7-bandi ikkinchi xatboshidan “Vazirlar Mahkamasining 2018-yil 28-fevraldagi 149-son qarori bilan tasdiqlangan Topshirilgan paxta xom ashyosi va boshoqli don yetishtirish boʻyicha xarajatlarga kredit ajratish va yakuniy hisob-kitob qilish tartibi toʻgʻrisida nizomga muvofiq” soʻzlari chiqarib tashlansin.
6. Vazirlar Mahkamasining 2019-yil 18-noyabrdagi “Respublika hududlarida paxta-toʻqimachilik ishlab chiqarishini joriy etish mexanizmlarini yanada kengaytirish chora-tadbirlari toʻgʻrisida”gi 914-son qarori 4-bandining “a” kichik bandidan “2020-yilda” soʻzlari chiqarib tashlansin.
Oʻzbekiston Respublikasi Prezidentining 2021-yil 26-fevraldagi PF-6179-son Farmoniga
4-ILOVA
4-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlari
ROʻYXATI
1. Oʻzbekiston Respublikasi Prezidentining 2017-yil 27-iyundagi “Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini tashkil etish toʻgʻrisida”gi PF-5095-son Farmoni 3, 4, 6 va 7-bandlari.
2. Oʻzbekiston Respublikasi Prezidentining 2018-yil 18-yanvardagi “Oʻzbekiston Respublikasi Prezidentining ayrim hujjatlariga oʻzgartishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fermer, dehqon xoʻjaliklari va tomorqa yer egalarining huquqlari va qonuniy manfaatlarini himoya qilish, qishloq xoʻjaligi ekin maydonlaridan samarali foydalanish tizimini tubdan takomillashtirish chora-tadbirlari toʻgʻrisida” 2017-yil 9-oktabrdagi PF-5199-sonli Farmoni)” PF-5304-son Farmoniga 1-ilovaning 8-bandi.
3. Oʻzbekiston Respublikasi Prezidentining 2018-yil 8-fevraldagi “Oʻzbekiston Respublikasi Vazirlar Mahkamasi ijro etuvchi tuzilmasining takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, ayrimlarini oʻz kuchini yoʻqotgan deb hisoblash toʻgʻrisida”gi PF-5329-son Farmoniga 1-ilova 31-bandi.
4. Oʻzbekiston Respublikasi Prezidentining 2018-yil 19-fevraldagi “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlarini oʻz kuchini yoʻqotgan deb hisoblash toʻgʻrisida” 2017-yil 17-oktabrdagi PF-5206-sonli Farmoni va Oʻzbekiston Respublikasi Prezidentining “Paxtachilik tarmogʻini boshqarish tizimini tubdan takomillashtirish chora-tadbirlari toʻgʻrisida” 2017-yil 28-noyabrdagi PQ-3408-sonli qarori)” PF-5348-son Farmoniga ilovaning 11-bandi.
5. Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-sonli Farmoni va Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-sonli hamda “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-sonli qarorlari)” PF-5497-son Farmoniga 1-ilovaning 45-bandi.
6. Oʻzbekiston Respublikasi Prezidentining 2019-yil 12-dekabrdagi “Oʻzbekiston Respublikasi Prezidenti va Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5893-son Farmoniga 1-ilovaning 28-bandi.
7. Oʻzbekiston Respublikasi Prezidentining 2017-yil 27-iyundagi “Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi faoliyatini tashkil etish toʻgʻrisida”gi PQ-3096-son qarori.
8. Oʻzbekiston Respublikasi Prezidentining 2017-yil 12-sentabrdagi “Respublika bank tizimini yanada rivojlantirish va barqarorligini oshirish chora-tadbirlari toʻgʻrisida”gi PQ-3270-son qarorining 12-bandi.
9. Vazirlar Mahkamasining 2018-yil 28-fevraldagi “Qishloq xoʻjaligida bozor mexanizmlarini keng joriy etish chora-tadbirlari toʻgʻrisida”gi 149-son qaroriga 8 va 9-ilovalar.
10. Vazirlar Mahkamasining 2018-yil 10-maydagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Paxta xomashyosi va boshoqli don yetishtirishni moliyalashtirish tizimini tubdan takomillashtirish chora-tadbirlari toʻgʻrisida” 2018-yil 28-fevraldagi PQ-3574-son qarori)” 350-son qaroriga ilovaning 7-bandi.
11. Vazirlar Mahkamasining 2018-yil 27-noyabrdagi “Boshoqli don yetishtirishni yanada ragʻbatlantirishga doir qoʻshimcha chora-tadbirlar toʻgʻrisida”gi 959-son qarori 7-bandi.
12. Vazirlar Mahkamasining 2018-yil 22-dekabrdagi “2019-yilda gʻoʻzani navlari boʻyicha joylashtirish va paxta xomashyosi yetishtirishning prognoz hajmlari toʻgʻrisida”gi 1037-son qaroriga 14-ilova.
13. Vazirlar Mahkamasining 2019-yil 25-dekabrdagi “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida (Oʻzbekiston Respublikasi Prezidentining “Yengil sanoatni yanada rivojlantirish va tayyor mahsulotlar ishlab chiqarishni ragʻbatlantirish chora-tadbirlari toʻgʻrisida”gi 2019-yil 16-sentabrdagi PQ-4453-son qarori)” 1032-son qaroriga ilovaning 2-bandi.
